رواية مودة ورحمة تأليف شيماء عبد العزيز

(مودة ورحمة) الحلقة23

في قسم الشرطة
آسر:ها يا أستاذ نبيل عملت ايه؟
نبيل المحامي:للأسف أخد 4 أيام على ذمة التحقيق..لازم نثبت إنه ملهوش علاقة بالموضوع ده
وفي هذا الوقت يخرج حمزة مع العسكري
حمزة:آسر ما تقلقش أنا ماعملتش حاجة وأكيد ربنا هيثبت براءتي بس خلي بالك من العيلة والشركة في غيابي أنا معتمد عليك
آسر:ماتقلقش وإن شاء الله مش هتطول هنا أنا هفضل ورا الموضوع ده
العسكري:كفاية كده يلا
ودع آسر حمزة بنظرة حزينة

في الڤيلا
كان وضع الجد ليس على ما يرام بسبب ما حدث لحفيده الحبيب وكانت حلا بجانبه تحاول أن تطمئنه
وكان الوضع لا يختلف كثيرًا مع آسر فهو يحاول أن يطمئن والدته
ووالده يجري بعض الاتصالات عله يستطيع أن يعرف من وراء هذا الموضوع
وهايدي تجري أيضًا اتصالاتها بأكبر رجال المحاماة لمساندة حمزة والدفاع عنه في هذه القضية

وفي مكان آخر
شخص ما:بكره هيتم الحجز على كل أموالهم حتى الشركة والڤيلا كمان هيتحجز عليهم
شخص آخر:ده اللي كان نفسي فيه من زمان أخيرًا الشركة هتبقى ملكي ..وعيلة القاسم يبقوا يوروني هيعملوا ايه مش هخلي حيلتهم حاجة

في المستشفى التي تعمل بها ملك
في غرفة الأطباء تتواجد ملك بمفردها تراجع بعض الأوراق.. يُطرق الباب فتأذن للطارق بالدخول
فيدلف سيف إلى الغرفة ويتطلع إليها باشتياق
وهي منكبة على الأوراق تدرسها بعناية ولم تلتفت له لعدم علمها بهويته
سيف باشتياق:حبيت اجي أسلم عليكي واشكرك قبل ما امشي
فزعت ملك عند سماعها هذا الصوت الذي تعرفه جيدًا وانتبهت له بكل حواسها والتفتت له سريعًا:سيف
ابتسم سيف: جيت اشكرك على كل اللي عملتيه معايا انتِ رجعتيني للحياة من جديد ولو كان لينا نصيب واتقابلنا تاني أوعدك هتلاقيني حد مختلف عن سيف اللي انتِ تعرفيه.. سلام يا ملك وفي نفسه(أتمنى أن يكون هذا اللقاء قريبًا بإذن الله)
ملك تحاول أن ترسم ابتسامة:سلام يا سيف واتمنى تكون بخير دايمًا وبالتوفيق في حياتك الجديدة يارب

وفي اليوم التالي في حديقة ڤيلا القاسم
آسر:بتقول إيه الفلوس والشركة والڤيلا كمان اتحجز عليهم ازااااي
مازن:بسبب القضية والثفقات اللي خسرناهم كل حاجه اتحجز عليها
آسر:ازاي خسرنا الثفقات دي كلها والقضية كمان أكيد في حد ورا اللي بيحصل ده كله
مازن:أكيد وده اللي لازم نوصله
آسر:طب روح انت وحاول تعرف مين اللي ورا كل ده
مازن:تمام

جلس آسر واضعًا يديه على رأسه فرأته حلا على هذا الوضع فذهبت أليه
حلا:آسر انتَ كويس؟مالك في إيه
آسر:أنا مش كويس ومفيش حاجة كويسة كل حاجة اتحجز عليها
حلا:ايه!!
آسر:بقولك كل حاجه ضاعت حسابتنا اتجمدت والشركة قفلت يعتبر بقينا في الشارع أدامنا مهلة يومين ونسيب الڤيلا أنا مش عارف اتصرف ازاي قوليلي دلوقتي هنعمل ايه
حلا:طب اهدى وخلينا نفكر لازم يكون فيه حل
آسر:أنا مش هينفع اقول لحمزة كفاية اللي هو فيه..
دلوقتي أول حاجة نعملها لازم نأجر بيت نقعد فيه لحد اما اعرف مين سبب كل اللي احنا فيه ده
حلا:انت معاك فلوس؟مش بتقول قفلوا حسابتنا
آسر:اه بس أنا معايا مبلغ هو مش كبير بس يدوبك نقدر نأجر بيه بيت
حلا:بلاش تصرف المبلغ ده ممكن نحتاجه عشان قضية حمزة
آسر:طب وهنعيش فين
حلا:بابا الله يرحمه قبل ما يموت إداني مفتاح لبيتنا اللي كان في مصر البيت اللي تزوج فيه أمي الله يرحمها أنا معايا عنوانه خلينا نروح نقعد فيه وخلي المبلغ ده معاك عشان أكيد هنحتاجه لقضية حمزة عشان نقدر نثبت براءته
آسر:أنا مش عارف اقولك ايه يا حلا
قاطعته حلا:ماتقولش حاجة إحنا عيلة واحدة ولازم نكون جنب بعض عشان نقدر نعدي الأزمة دي
آسر:لازم نبلغ العيله باللي بيحصل

في ڤيلا هايدي
هايدي:بابي أنا عايزه اشوف حمزة النهارده
الأب:حبيبتي ماينفعش مش مسموحله بالزيارة
هايدي:يا بابي اتصرف كلم أي حد تبعك لازم اشوفه وابينله إنه مش لواحده وإني واقفة جانبه
الأب:طيب هشوف كده هقدر اعمل ايه
هايدي:ميرسي يا بابي
……………………………………………
ونكمل الحلقة القادمة إن شاء الله