رواية مودة ورحمة تأليف شيماء عبد العزيز

(مودة ورحمة) الحلقة12

في اليوم التالي:
-حلا في غرفة باسل الذي يبدو عليه العصبية
حلا بابتسامة:بيسو مش هتفك بقى مش بحب اشوفك كده
باسل:…………
حلا بحزن: يعني مش عايز ترد عليا….ماشي أنا خارجة
باسل لم يستطع أن يقاوم حزن حلا:استني
-التفتت له وهي ما زالت عابسة
باسل بابتسامة وحنان:مقدرش اشوفك زعلانة…تعالي
حلا بفرحة أسرعت وجلست أمامه: ولا انا اقدر أشوفك متضايق
باسل: أنا آسف على عصبيتي امبارح عليكي.. أنا مقدر انك كنتي خايفة على جدك، أنا مش همنعك عنه يا حلا بس أنا خايف عليكي
حلا بفكاهة:ماتخفش أختك راجل ?
باسل:ايه الصرصار ده
حلا تقفز على السرير بهلع:ايه فين فين اقتله يا باسل اقتله بسرعة اعاااااااااااا
-باسل مش قادر يمسك نفسه من الضحك:امال راجل ايه بس
حلا وقد أدركت انه مقلب من باسل:بتضحك عليّ… وفضلت تضربه بالمخده
-أثناء هذا الوقت سمعوا صوت جرس الباب
باسل:ده الباب.. روحي على اوضتك وانا هشوف مين
حلا:ماشي
…………….
باسل متفاجئ:قاسم بيه! آسر
-أهلا وسهلا اتفضلوا
قاسم:شكرا يا ابني
-دخل قاسم وآسر إلى غرفة الصالون
قاسم:أنا عرفت اللي حصل بينك وبين حمزة بس انا مش جاي علشان كده أنا جاي اتكلم مع حلا بخصوص الشركة
باسل:طب ثواني هبلغها إن حضرتك هنا
حلا:خليك أنا سمعت صوت جدو جيت
وذهبت لاحتضانه :جدو حبيبي عامل ايه وأخبار صحتك ايه
الجد:أنا بخير يا حبيبتي اطمني
حلا دون أن تمد يدها إلى آسر:وانتَ يا آسر عامل ايه
آسر بابتسامة:تمام الحمد لله
الجد: كنا جايين نتكلم معاكي يا حلا في موضوع مهم يخص الشركة
حلا:خير يا جدو
الجد:الشركة بتقع وعلشان ننقذها فيه مشروع لازم ننفذه في أسرع وقت والمشروع ده علشان يتنفذ لازم مجموعة من الشركة تسافر لشريكنا اللي في فرنسا ويتفقوا معاه على تفاصيل المشروع الجديد
آسر: احنا اكتشفنا إن فيه حد في الشركة بيسرب معلوماتنا للشركة المنافسة… فقررنا إن معلومات المشروع الجديد تبقى سرية واختارنا مجموعة واثقين فيها هي اللي هتسافر ومحتاجينك معانا لإن الورق اللي هيكون معاكي واللي هتستلميه المعلومات اللي فيه مش عايزين حد يعرفها
باسل:طب اقدر اعرف حلا هتسافر مع مين
الجد:آسر وبعض الأشخاص من الشركة
باسل:بس حلا مينفعش تسافر من غير محرم يكون معاها
الجد:أنا يا ابني مش هقدر اسافر معاها علشان صحتي بس تقدر تسافر معاها لو حابب
باسل:طب امتى معاد السفر
الجد:بكره.. مش هينفع نتأخر أكتر من كده
باسل:خلاص هعمل أجازة وان شاء الله نكون جاهزين بكرة( واستأذن منهم وتركهم يتحدثون مع حلا)
آسر: هنسافر في الطيارة الخاصة الساعة 7الصبح
حلا:تمام… بس انا كده لازم اروح الشركة النهارده علشان الورق اللي انتَ قولتلي عليه ألحق اخلصه
آسر:أنا وجدي هنطلع على الشركة دلوقتي تقدري تيجي معانا
الجد: أنا مكنتش عايز أضغط عليكي بالسفر يا بنتي بس فعلًا وضع الشركة مش محتاج تأخير
حلا: متقلقش يا جدو أنا بقيت كويسة الحمد لله وإن شاء الله نتوفق في السفرية دي
وأخذ آسر يشرح لها تفاصيل المشروع وما عليها القيام به
في ذلك الوقت دلف باسل ويحمل في يده العصير: اتفضلوا يا جماعة
حلا: طب على ما تشربوا العصير أكون جهزت وننزل الشركة
…………………
بعد يوم طويل في الشركة:
في مكتب حلا:
آسر:ها لحقتي تخلصيه
حلا:اه الحمد لله خلصت اهو
آسر:مش عارف اقولك ايه يا حلا بجد انتِ تعبتي جدا النهارده
حلا:متقولش كده ده شغلي
آسر:طب يلا علشان اوصلك علشان مش هتلاقي مواصلات دلوقتي
حلا:لا متتعبش نفسك باسل كلمني وهو مستنيني تحت دلوقتي
آسر: طب تمام توصلي بالسلامة …ومتنسيش بكره الساعة 7 في المطار
حلا:متقلقش بإذن الله هتلقينا في المطار في الوقت المحدد…سلام
آسر:سلام
………………
في ڤيلا القاسم
-كان حمزة يهبط على الدرج حينما رأى آسر
حمزة:آسر عملت ايه في المشكلة
آسر:هنسافر بكره علشان نحل الموضوع
حمزة:تمام انتَ اللي هتسافر بدالي علشان انا مش هقدر اسافر
آسر:اه ما انا عملت حسابي على كده وبلغت الناس اللي هتسافر معايا ان المعاد هيكون بكره وجدو كمان أقنع حلا تسافر معانا
حمزة بدهشة:هي حلا هتسافر!
آسر: اه.. بصراحة البنت دي جدعة أول ما عرفت وضع الشركة وافقت دي حتى نزلت معايا أنا وجدي الشركة النهارده وفضلت شغالة لوقت متأخر علشان تخلص الملفات اللي هنحتاجها بكره
حمزة بسرحان:أنا اللي هسافر بكره
آسر:انتَ يا ابني مش لسه قايل انك مش هتقدر
حمزة:لا هقدر ملكش دعوه انتَ
آسر:لا بجد يا حمزة انتَ شكلك لسه تعبان ريح انتَ بس.ومتقلقش
حمزة:لا أنا بقيت كويس…أنا هطلع احضر شنطتي
وبعد ما طلع كام درجة التفت لآسر الذي ينظر إليه باستغراب:هو انتَ قولتلي هنسافر امتى؟
آسر:7
حمزة:حلو أوي ..يلا سلام…خد بالك انتَ بقى من الشركة لحد اما ارجع
آسر وهو يقلب كفيه:هو ده حمزة بجد!!……يا عيني يا ولداه الحب يعمل اكتر من كده
وفي اليوم التالي في المطار:
………………………………..
نكمل الحلقة القادمة إن شاء الله ?