رواية مودة ورحمة تأليف شيماء عبد العزيز

(مودة ورحمة) الحلقة11

لا…لا يمكن أن يحدث هذا
-أفاق من شروده وبخطوات سريعة حاول أن يتخطى جموع الناس وعلى بعد خطوات رأى هذا الشخص الملقى على الأرض تحاوطه الدماء وتسيل منه بغزارة
سيف:أمييي لا
-تجاوز من كانوا في طريقة وأخذ يحاول إفاقتها
سيف ببكاء وانهيار:ماما ردي عليا ماتسبنيش أرجوكي أنا مليش غيرك قومي معايا وهنفذ كل اللي قولتيلي عليه انتِ كان عندك حق يا ماما… يلا قومي معايا انتِ مش هتسبيني صح
حد يطلب الإسعاف بسرعة…. ماما استحملي شوية الاسعاف زمانها جايه
-حاولت الأم أن تفتح عينيها بصعوبة وحاولت لمس وجه ولدها وقرة عينها بحنان الأم المعهود
الأم بصعوبة وبكلمات متقطعة: حبيبي خلي بالك على نفسك
أشهد أن لا إله إلا الله وأشهد أن محمد رسول الله
سيف ببكاء شديد وهو يحتضنها:لاااااااااااااا
-وصعدت روحها إلى بارئها بعد أن أدت رسالتها في الحياة حان الآن أن ترجع إلى خالقها ولكن هل أدت رسالتها كما ينبغي أن تكون… هذا هو السؤال الذي ينبغي أن نسأل أنفسنا عليه( هل أدينا رسالتنا كما يجب أن تكون ؟!)
سيف لملك: ماتت وسابتني.. لا مش هي اللي ماتت أنا السبب لو مكنتش نزلت من العربية كان زمانها معايا دلوقتي أنا السبب أنا السبب
ملك: لا مش انتَ عايزه اسألك سؤال انتَ مؤمن بربنا ولا لا
سيف يصمت وينظر لها باستغراب
ملك:اللي انتَ قولته ده بيبين عدم إيمانك بربنا…ربنا اتكلم كتير عن الأجل في القرآن الكريم
قال تعالى:(وما كان لنفس أن تموت إلا بإذن الله كتابًا مؤجلا)
وقال عز وجل (ولن يؤخر الله نفسًا إذا جاء أجلها)
وقال تعالى (ولكل أمة أجل فإذا جاء أجلهم لا يستأخرون ساعة ولا يستقدمون)
وفيه آيات كتير بتبين إن لكل إنسان أجل محدود وأحاديث عن الرسول صلّ الله عليه وسلم بيبن لنا إن للموت وقت مفيش حد يقدر يتجاوزه أو يهرب منه
يعني ربنا مقدر لوالدتك الوقت ده والحادثة دي يعني ده كان مكتوب مش انتَ السبب فيه
وبعدين تقدر تقولي دلوقتي والدتك استفادت منك بإيه… ولا أي حاجة ….بدل ما تدعيلها وتعمل لها صدقة…النبي صلًّ الله عليه وسلم قال:”إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له”.يا ترى انتَ كنت الولد الصالح ده….فكر في كلامي أنا مضطره امشي دلوقتي عن إذنك
-كان يبدو على سيف الصدمة من كلام ملك وأخذ يفكر ماذا فعل لوالدته ؟ هل كلام ملك صحيح ؟!
…………………
آسر:أنا عايز ورق المشروع ده ضروري
لينا:أمرك يا فندم
آسر في نفسه:يا ربي ايه المصيبة دي كده الشركة هتقع… لازم حمزة يتصرف وبسرعة كمان ، حتى حلا لازم ترجع الشغل أنا لازم اتصرف واكلم جدي ونحاول نقنعها
………………
في غرفة حلا
حلا:عملت ايه يا باسل
باسل: متقلقيش فهمته انه ملوش دعوه بيكي ولا يكلمك ولا يقرب منك حتى ،ومش هيبقى ليكي علاقة بالعيله دي
حلا: طب وجدي هو محتاجني اكون جانبه
باسل بعصبية:يعني عيزاني أبعتك البيت ده تاني دول هانوكي يا حلا …أنا مش هستحمل تقعدي معاهم أو يضايقوكي تاني
حلا :بس جدي وقف جانبي حتى انه وقف قصاد حمزة
-في الوقت ده دخلت عليهم ملك
ملك:ايه يا شباب صوتكم جايب لآخر الشارع ايه الحكاية
-تركهم باسل وغادر في عصبية وقصت حلا لملك ما حدث
ملك:متقلقيش إن شاء الله كل حاجة هتتحل وبعدين انتِ عارفة باسل هو متعصب بس من اللي حصل معاكي وشوية وهيروق باسل قلبه طيب
حلا: عارفة يا ملك…أنا كمان زعلانه لإن باسل مضايق أنا مش بحب اشوفه زعلان
ملك بضحك وهيام مصطنع:أيوه بقى… ياااااااااه لو مكنتوش اخوات…
-فجأة لقت المخدة راشقة في وشها
حلا:اجري ابت على أوضتك ده وقت هزار
ملك: ماشي يا ختي أنا أصلا جايه تعبانه وعايزة أنام
وخرجت وقفلت الباب وفتحته تاني ووجهت كلامها لحلا بهزار: بكره تندم يا جميل
حلا وهي تلتقط وسادة أخرى: حابه تضربي يعني!
ملك:بهزر يا رمضان مبتهزرش
حلا: لا ياختي بهزر وحدفتها بالمخدة
………….
في مكتب قاسم
-قص له آسر ما حدث بين باسل وحمزة وما حدث في الشركة
الجد:أنا لازم اتكلم مع حلا ترجع الشركة… من بكره جهز نفسك هنروح نتكلم معاها ونحكيلها عن وضع الشركة حاليا وان احنا محتاجينها ضروري
وانتَ هتمسك الشركة الفترة دي لحد اما حمزة صحته تتحسن
آسر :حاضر يا جدي …بس فكر حضرتك حلا هترضى تسافر معانا
الجد:لازم نحاول لإن الورق ده محدش لازم يطلع عليه احنا محتاجين شخص نثق فيه وحلا هي الشخص ده
آسر:خلاص بكره أنا وحضرتك نروحلها
………………………………..
نكمل الحلقة القادمة إن شاء الله ?