خادمة علي عرش الثراء
الحلقة : 8 ….
من رواية : #خادمة_علي_عرش_الثراء …
__________________________
اليوم التالي …
نورا : رتبت روحها علي السريع …
_ كملت وتوا خلي نطلع بسرعه اكيد البنات وصلوا من بكري …
_ في المطبخ …
دلال : ههههه حرام عليك يارشا ولله كانت مترتبة بطريقة حلوة علاش رتبتيها هكي …
رشا : لالا خليها هكي افضل عجبتني الحق
??? ..
دلال : خلاص ياودي ديري لي يعجبك بس هاااا دخليش فيك اني ..
رشا : طنشتها ومزالت تنظم في الفطور …
انتصار : شن صار ياعيلة الفطور جاهز ولامزال
..
رشا : اية اية جاهز نرفع يعني ..
انتصار : اي اي ارفعي ..
_ منا وينا نورا
نورا : من الخلف ..
_ صباح العسل علي احلى عسولات
انتصار : ياصباح الورد ياوردة
_ نبيك تركبي بسرعه المدام منى طالبه منك تنظفي الغرف
نورا : حاضر اني ماشية ..
انتصار : غير قبل كل شيء فطرتي ولالا ..
نورا : تبي الحق ماخاطري في شيء ..
انتصار : خودي حتي العصير هذا اية حقة سمعت انك نحرقتي كيف حالك اليوم
نورا : خدت حطت العصير في جيبها وقعدت تحط في المظفات بتاعها في السله …
_ الحمد الله افضل من امس ..
انتصار : ان شاءالله مانشوف فيك شر حبيبتي
وبعد لاتكملي نبيك تاكلي اجباري ..
نورا : ببتسامة
_ سلمك يارب حاضر من عيوني واني توا نستاذنك بنركب ندير ما يلزم ..
انتصار : تمام ياعمري وبنقولك مكتب الاستاذ ايوب ضروري بعد الغرف يتنظف وردي بالك تلمسي اية شيء خليه زي ماهوا لان يكره من يلعب في حاجته حتي لو بدون قصد ..
نوار : بعلت ريقها بخوف ..
_ حاضر …
ياربي من الانسان هذا قداش ماهوا مغرور ويشايف روحه ومرعب بشكل مش طبيعي …
ومشت ركبت الفوق …
????
_____________________
منى : خيرك ياويوي جوك مش عاجبني اليوم
في شيء صاير معاك حبيبتي …
وصال : بدلع تبي الحق يامامي خاطري ضيق و نبي نطلع ونغير جوي ..
منى : واطلعي ياروحي غيري جوك وخودي شن يعجبك …
وصال : المشكلة يامامي مانبيش نطلع بروحي يعني اني نبي حد يطلع معاي مش حلوة الطلعه بروحي ..
منى : ياروحي فاهمه عليك تبي الحق اني مش فاضيه اليوم وغدوا خالاتك رح يجونا يعني مش
رح نفضي بس بعد غدوا نوعدك نفضي روحي شن رايك …
وصال : راي حلو بس عندي اقتراح تاني
يعني من بعد اذنك نبي نورا تطلع معاي ..
منى : بستغراب
_ من نورا ❓
وصال : كم عندنا نورا
هيا نورا وحدة بس لي هيا شغالتنا ..
منى : بغير رضي …
_ مش عارفه الحق كلمي بنات خالتك افضل ..
وصال : بنات خالتي عندهم ما يديرو معقولة تكسري بخاطري …
مني : حالة صمت ..
اياد : صباح الخير ياعيلة …
منى : ببتسامة ..
ياصباح الانوار وينك ياولد تأخير ساعه اليوم
اياد : ولله ياغالية امس رقدت متأخر هلبا هذا علاش تأخرت في النوضه وقعد ياكل بصمت …
وصال : بدلع
_ هيا ياماما شن قولتي اكيد موافقه علي خاطري صح …
منى : تمام بنسبة ليا اني ماعنديش مشكلة لو هيا راضية تمشي معاك ….
وصال : بفرحه مش طبيعية
_ يسسس يس اكيد مش رح ترفض اني واثقه ..
منى : تشوف لي فرحه بنتها المبالغ فيها وسكتت
اياد : علي شن تحكو ههههه
ماشاء الله الاخت وصال متحمسه بطريقة تخوف
وصال : حرام عليك بس كل الموضوع اني حاسة بملل مش طبيعي ونبي نطلع للمحلات ومخاطريش نطلع بروحي قولت نطلع معاي نورا ….
علي خشت ايوب ..
اياد : شاف ايوب بصوت عالي نسبيا …
_ جد تحكي انتي قصدك بتطلعي مع نورا نورا للمحلات
وصال : اية نورا نورا …
????
اياد : بضحكه تشق الحلق ….
_خلاص معنها مدام نورا بتطلع اني رح نوصلكم
في طريقي
وصال : بفرحه ..
_ جد رح توصلنا يادومه ..
ايوب : وجها محمر مع بعضه بصوت حاد
_ صباح الخير …
وصال : بحماس
_ صباح العسلللل …
منى : صباح النور
_ انت ياولد شن قاعد تقول ياولد تحشم علي وجهك
اني قدامك ??
اياد : مطنش ايوب بتعني …
_ حط يده علي قلبه شن بندير ياامي شغالتنا طرف
ونخاف عليها الحق …
???
منى : بعصبية …
_ اياد احترم نفسك افضلك …
اياد : باهي اني بنوصلهم بس خيرك عليا ياغالية
فصلتي عليا شن قولت من غلط اني يعني …
ايوب : سكر الموضوع ..
_ انت غير احضر الاجتماع لي انت كنت تحكي عليه امس واني عندي مشوار سريع ولما نرجع توا نوصلهم في طريقي و بعدها رح نجيك للشغل ونعرف شن صار في الاجتماع ….
اياد : بضحكت انتصار مخفيه …
_ علي اساس زعلان ماشي تمام وقعد ياكل بزعل
منى : مستغربه في تصرفات ولادها وفضلت السكوت
????
وصال : مطنشتهم وتاكل بسعادة …
لانها رح تطلع مع نورا ومش مدورة تصرفات خوتها ?? …
_________________________
حمزة : الو حياتي ..
البنت : بدلع …
_ الووو ياقلبي
حمزة : شنجوك اليوم ياعسل ..
البنت : الحمد الله بخير ياقلب قلبي انت ..
حمزة : شن دايرة ..
البنت : الحق مكسدة ومرات نفكر اني نطلع مع اختي شن رايك لو طلعت تجي نشوفك ..
حمزة : ياريت ولله نعبي عيوني بشوفتك تبي الحق اني مستاحشك فوق ما تتصوري …
البنت : خلاص ياعمري لو صارت من الطلعة اكيد رح نقولك لاني بجد مشتاقة لي شوفتك مووت …
حمزة : ان شاءالله تطلعي وربي مايحرمنى منك ياحب عمري
البنت : ولا منك ياقلب قلبي …
هي توا تشاوي حياتي حلي نتأكد من اختي رح تطلع ولالا …
حمزة : اوكي تشاوي حبي اني نحبك موووت …
ايات سكرت الخط …
ايات : ياقلبي يمااا وربي نحبه موووت ..
ناضت بفرحه ولاءءءء
ولاء : نعم شن تبي ..
ايات : اليوم بتطلعي صح
ولاء : احتمال اية ..
مزال مش متأكدة بكري الصبح وصال بعتتلي مسج
بس علي اساس بنطلع اني ويها بس انتي علاش تسألي يعني …
ايات : بحده
_ بنطلع معاكم شن علاش نسأل …
ولاء : بحده اكثر ..
_ تبي الحق مانبيكش تطلعي معاي لاني عارفه لوين رح تمشي واني كالعادة زي الغبية ندس عليك نقول توا تكبر وتعقل بس انتي كل مرة تزيدي تتمادي اكثر واكثر ..
ايات : شدت يد ولاء يالقوى
_ وربي ياولاء تتكلمي حرف الما نقتلك ونقتل روحي معاك وبعدين انتي تسكري فمك اني اكبر منك يعني تحترميني غصبا عنك …
ولاء : واني الغلط لايمكن نسكت عليه اصلا مش عارفه علاش كنت ساكته حرام عليك فوقي لي نفسك راك تظلمي في روحك ورح تندمي بعدين …
ايات : اففففف انتي شن دخلك فيا اصلا يلا اشقي بعمرك يامحترمه انتي ، وكانك بنت امك حق جربي تتكلمي هكي والا هكي ياولاء صدقيني حبيب القلب ايااادو وحق الله الما نحرق صورتك قدامه ونخليه ياخد عليك فكره شمال ويكرهك وياخد ينزوج غيرك وانتي حره في تصرفاتك ياعسللل …
ولاء : بغضبب وخيبة امل …
_ ربي يهديك وخلاص ماعندي مانقولك اكثر من هكي وطلعت وخلتها ..
ايات : اففففف ولله شي يحرق الدم ..
_ خلي نمشي انظم روحي ضروري نطلع شيء حلووو قدامه وحاسه بسعادة مش طبيعية …
ولاء : تبكي علي حال اختها …
_ ياربي منها ولله معاد عارفه كيف نتصرف معها اختي هادي عذبتني معها ولله نخاف نقول لي امي تمرض وامي عارفتها اني ماتتحمل الصدمات وخوتي ولله الما يقتلوها قتل وغير هكي هادي شيطانه علي هيئة انسانه ولله لو كان يسكروا عليها الدار الما ادير مصايب الدنيا ربي يهديك يا ايات يصلح حالك مسحت دموعها وناضت خلي نمشي نصلي وبعدين انوتي روحي ..
_ عند حمزة …
حمزة : ههههههه لا ياعمري اليوم عندي خدمة هلبا
صعب نجي ونشوفك خليها غدوا نتلاقاو ونوعدك نديروا جو حلو شن رايك ..
البنت : خلاص ياقلبي مافيش مشكلة خلي في بالك اني نستنا فيك ياعمري …
حمزة : باهي اني نحبك مووت شن ندير اني هي
البنت : ههههههههه
وحتي اني نحبك موووت شن ندير هي
حمزة : بخبث …
وشدوها حب وغرام ❤
من البنت هادي ??
توقعات كم ياحلوين ??? …
__________________________
عند نورا …
نورا : اففففف ولله تعبت من التنطيف وقفت قدام غرفت ايوب قعدت تبلع في ريقها بتوثر ….
_ خبطت الباب …
ايوب : بصوت خشن …
_ تفضل …
نورا : خافت من نبرة صوت ايوب ..
_ فتحت الباب وقعدت تشوف تحت ممكن انظف الغرفة استاذ ايوب ..
ايوب : لابس سروال توته ومن فوق عاري الصدر
بصوت حاد …
_ شن دايرة في روحك انتي بزبط ..
نورا : قامت راسها بستغراب …
_ تحشمتتت موووت وخدودها موردات من كثرة الخجل …
شافت تحت من جديد بصوت رقيق شن دايرة في روحي ??? …
ايوب : بخبث ..
_ قرب من نورا حط يده علي خدها ..
نورا : نجمرت في مكانها وقعدت تشوف بصدمة
وترمش في عيونها بعدم تصديق …
ايوب : شد يد نورا
نورا : ميته رعب
ايوب : وقفها قدام المرايا انتي مش شايفه وجهك كيف رايح مثلا ولا كيف ..
نورا : قامت وجها ونجمرت في مكانها …
_ نخلعت من منظرها قعدت تشوف بصدمة ..
ايوب : تفجررررر بضحك علي منظرها
انتي وحدة غبيه تصدقي ..
نورا : قريب تبكي من الاحراج ..
_ وجها ملبز ب غبرة البيا الكحلة بتفتح العلبة تنطرت علي وجها نظفت الدنيا المتمسخه بس نست وجها مالمعتاش ??? …
جاية بتطلع بأحراج مميت …
ايوب : بخبث
_ علي وين ان شاءالله
نورا : قريب تبكي
_ نغسل وجهي ونجي
ايوب : مش فاضي باش نستني حضرتك اني
يلا بسرعه نظفي الدنيا وبعدين اغسلي شن تبي تغسلي
نورا : حاضر بدت تنظف لكن متعقدة وهلبا ..
???? ..
ايوب : متجاهلها كليا و طلع ملابسه بتاع الشغل ..
_ وخش لحجرة التبديل قعد يبتسم كل مايدكر منظر نورا و بدل ملابسة علي السريع وطلع وقف علي المرايا حط برفانه ومشط شعره ولبست ساعته …
نورا : جذبتها اناقة ايوب ونسحرت فيه وقعدت تنظف و مستمرة في سرق النظرات …
ايوب : حاس عليها ويبتسم علي حركاتها المفضوحه طلع بخبث وسكر الباب …
نورا : وقفت علي المرايا ولله منظري نكته قدامه
اخخخ برغم انه صعب ونخاف منه موت لكن عليه اناقة وذوق وجمال الله يبارك اني بجد نسحرت فيه …
ايوب : لاولله ياشيخه عموما عارف روحي انيق وحليووو ….
خدي البوكي بتاعه واوراقه و فونه وطلع ويبتسم علي مدح نورا …
نورا : ميته احررررررااااج …
_ ياربي شن درت في عمري اني توا شن رح يقول عليا ميته عليه معجبه بيه لاااا ياربي ولله متحشمه موووت …
نظفت الدنيا علي السريع وطلعت نزلت تحت خشت لي مكتب ايوب …
نزلت كل الكتب وقعدت تشوف فيهم وتبتسم …
معظم الكتب تعرفهم هديه من بوها …
مسحت كل الدنيا ورتبت الكتب من اول وجديد نظفت المكتب ورتبت كل شيء زي ما كان وغيرت بعض الاشياء علي حسب ذوقها ونست تنبيهات انتصار …
ابتسمت برضي وطلعت …
__________________________
عند انس ….
انس : اعذريني ياخاله امس ماقدرت نجي
صارلي موضوع والحق لهيت ..
منى : عادي ياانوس ولا يهمك نعرفك ماتقصر
ياروحي …
انس : تسلمي ياغالية ولله قوليلي وين الشباب
مش موجودين شكلهم …
منى : اية ولله طالعين شكلهم عندهم شغل هلبا اليوم
انس : الله يعينم ياخالة الدنيا تشقي المهم امورك طيبة ..
منى : طيبة والحمدلله قولي شن حالك خدمتك ان شاءالله ماشية تمام ..
انس : ماشي حالها الحمدلله ..
منى : فونها يتصل ..
بعد اذنك ياانوس بنقطع عليك شوي
انس : لالا مادوريش خودي راحتك خويله
يرحي خبث …
منى : ردت علي الفون وقعدت لاهيه في الاتصال …
انس : ناض مشي للمطبخ مالقاش نورا …
قعد يدور عليها بعيونه شافها جاية من بعيد قعد يبتسم بخبث …
نورا : ماشية وهيا سرحانه في الموقف لي صار معها وقعدت تلوم في نفسها ..
شد يدها وسحبها …
نورا قامت عينها ونجمرت في مكانها ..
انس : اسمعي يابنت من الاخير ..
_ اني عندي نيه فيك ونعطيك قداش ماتبي من الفلوس تعرفي رح نخليك تلعبي بالفلوس لعب المهم نبيك تكوني ليا شن رايك ويبتسم بخبث ونظراته تخوف …
نورا : من الخوف قلبها قريب يطلع من مكانه
وكلامه مزال يدور في راسها ..
انس : شن قولتي ياعسل وحاول يتقرب منها ..
نورا : جتها الشجاعة ..
_ لي قاعد تفكر فيه مستحيل ودفاته وهربت منه
انس : شد شعره بيده
_ يعني السياسة ماتمشيش معاك خلاص معنها جبتي لي روحك ياحلوة ضحك بشر ومشي لي خالته من اول وجديد وبعدين استاذن ..
نورا : قعمزت في المطبخ وتفكر في المصيبة لي قاعد يلاحق فيها من مكان لمكان وتدعي لي ربي يحفظك منه ومن شره …..
وصال : نزلت لتحت …
_ نورا يانورا …
نورا : جت تجري نعم
وصال : تعالي معاي بسرعه
نورا : حاضر اني جاية ..
وركبت مع وصال …
وصال : اسمعي بنقولك راني حاسة بملل مش طبيعي ونبي نطلع للمحلات ورح نرفعك معاي …
نورا : بتردد ..
بس اني يعني ..
وصال : كانك علي امي اني كلمتها بكري وقصة اللبس محلوله من الاخير شن تطلعي معاي ولالا
نورا : خلاص موافقة ..
وصال : بفرحه ..
به تعالي اختاري ليا وليك ملابس علي ذوقك ..
نورا : من عيوني
_ فتحت الدولاب قعدت تختار …
_ ركبت لبستين مدتهم لي وصال هدوم عجبوني اختاري شن يعجبك …
وصال : اهيا عجبتني هلبا الحق وانتي البسي هادي رح تطلع عليك تحفهههه ..
نورا : اوكي تمام ..
وصال : اسمعي خلي نلبس علي السريع وبعدها بدلي انتي في حجرة القياس …
بعد وقت طلعت وصال ووقفت علي المرايا …
نورا : خشت للحجرة ولبست علي السريع …
وصال : قربت من نورا فكت التوكه نزل شعر نورا …
_ قعدت مسحورة في جمال نورا ..
نورا : شافت لي وصال تحشمت من نظرات وصال
???? ..
وصال : تبارك الرحمن عليك خلي شعرك مفتوح
وشي تاني تعالي نحطلك ميكب خفيف ..
نورا : صدقيني مش ضروري نحط ميكب ..
وصال : لالا ولله لمسات خفيفه ومش رح تبان هلبا
وعد
نورا : تمام رح نسلم نفسي ههه ..
وصال : ورح تعجبك النتيجه
_حطتلها لمسات خفيفة وبناتية غيرت في نورا هلبا اشياء …
ترا افتحي عينك ..
نورا : فتحت عيونها الخضرة …
وصال : تجنننيييي الله يبارك عليك …
ولله بديت خايفه عليك من العين
نورا : مش لي هادي الدرجة عااد
???
وصال : ولله جد نحكب اوقفي علي المرايا وشوفي روحك …
نورا : وقت علي المرايا نصمتت ..
قعدت تتلمس في وجها من جدك هادي اني
وصال : اية ولله هادي انتي …
ياااه صوت امي تنادي هيا اكيد ايوب وصل ..
نورا : متاكدة المدام منى مش رح تزعل
???
وصال : مش رح تزعل واني كلمتها بكري وهيا موافقه ..
نورا : ماشي تمام ..
نزلوا تحت منى وينكم تأخير ايوب من بكري يستني فيكم ..
وصال : اسفه اني عطلت شوي
????
نورا : تشوف لتحت بأحراج ..
وصال : قد باي مام
منى : مع السلامة
عند ايوب متعصببب …
ايوب : وينهم هدم ساعة واني نستني فيهم يحسابوني سواقهم ولا كيف …
وصال :
________________________
عند انس …
شباب اني نبي مساعدة منكم ..
هشام : اتحفنا ياعمي …
مبروك : يدخن وينفخ في الدخان في الهواء
ان شاءالله خير …
انس : نبي الاستراحة تكون جاهزة الايام الجاية
تمام مرات حتي غدوا …
هشام : شكله الحكاية مدلعه
انس : حصتكم موجودة شباب
مبروك : مافيش مشكلة لي تبيه احني فيه
انس : خلاص خليكم جاهزين مرات نحتاجكم
في كم مساعدة وهكي .
هشام : احني معاك حبي المهم حقي نبي
انس : حقك وبزايد حبها
_______________________
خالد : بصوت حاد ..
_ اني شن قتلك ياولد دور علي بنت عمك ولا قتلك صيع وضيع
حمزة : بعصبية
_ واني ندور عليها ومتعب روحي ولا فوق منها راضيت اني نتزوجها وفوق منها تغصب عليا نجيبها بالسيف للعلم ليبيا كبيرة وهلبا مش شوي يعني الصبر الصبررررر …
خالد : اني يهمني انك تلقي الزفت هادي ومن بعدها صيع زي ماتحب انت حر بس اهم شي عندي تجيبها
في اقرب وقت افضلك …
حمزة : انت علاش ماتمشيش للمخفر ودير حالة ضياع وتريح روحك وتريحني معاك …
خالد : فكرت فيها بس متردد في الموضوع
انت توا دورها واخر حل الشرطة …
حمزة : ماشي تمام وطلع بعصبية …
ومش عاجبه الوضع
_________________________
عند اياد في الشغل …
مراد : ههههههه
ولله حرام عليك خوك هبلته في جرتك
ايهاب : لالا بالعكس هكي رح يحس علي عمره
خلاص يخلي الماضي للماضي واصابع اليد مش زي بعضهم …
اياد : يعني نمشي علي المنوال هذا
مراد : اية بس حاسس ان ايوب عنده سر كبير ومافي حد يعرفه علاش مش عارف
ايهاب : حسيت حتي اني بس شن السر هذا
اياد : سر شنو لي تحكوا عليه
مراد : هوا مجرد احساس بس ..
كاني نعرف راني قتلك بدون لا تتكلم ياصاحبي
ايهاب : واني رح نحاول نحكي علي حياتي الزوجية ونغير فكرة ايوب علي الزواج ..
مراد : ياريت ولله خلاص يكفي لي عاشه كانت ايام صعبه عليه ولله
اياد : بجد ماتوقعتش ايوب رح يصير فيه هكي في يوم من الايام بجد شيء صعب ولله لي صارله مش شوي …
ايهاب : الله غالب وخلاص اهم شيء عندي يرجع ايوب صاحبي ايام قبل …
_______________________
شن بصير تابعوني …
الكاتبة : Eman Albasha
الكتابة : omaima Trabelsi
طولت في الحلقة كاتعويض مع اني حتي اليوم مخنوقه بس حاولت نفضي وقتي بقدر المستطاع
نحبكم ولله …