خادمة علي عرش الثراء

الحلقة : 5 …

من رواية : #خادمة_علي_عرش_الثراء …

______________________????

عند نورا …

نورا : افففف ولله متحشمة نمشي قدام الكل بالمنظر هذا لكن شن بندير مجبورة ???

وطلعت من اول وجديد …

رشا (خادمة مع نورا) : الاصل من السودان
ماشاء الله وين ماشية الجمال هذا ..

نورا : بخجل ..
تسلمي يارب ..

رشا : تصدقي كاني شاب راني تزوجتك علي طول

نورا : هههه انتي بتعني تبي تخجليني ولا كيف

رشا : هههههههه
وبأعجاب لالا ولله جد انك تهبلي في اسلوبك خجلك والاخص جمالك تبارك الرحمن …

نورا : مشكورة حبيبتي ولله
هيا بسرعه خلي نكملوا شغل خير ماتصير مصيبة

رشا : نصيحة متي ليك خليك بعيدة علي استاذ ايوب

نورا : الله يعن وخلاص اني بعيدة علي الكل
و ان شاءالله خير

رشا : بس استاذ اياد متواضع وحبوب عكس الكل نهائي …

نورا : تفكرت كيف دافع عليها قعدت تبتسم

رشا : ضرت كتف نورا لي وين وصلتي

نورا : تحك في راسها ولله قاعدة معاك بس

رشا : بس

نورا : رشااا خلاصص

رشا : هههههههههه

(دلال حتي هيا تشتغل معاهم )

دلال : نورا المدام منى طالباتك ..

نورا : ماشي اني جاية سيبت مافي يدها وطلعت بسرعه ..

دلال : تكلم في رشا …
البنت هادي عندها براءة واسلوب وذوق مش طبيعي
تبارك الرحمن الحق …

رشا : تبي الحق اني لحظت شيء من طريقة كلامها ذوقها في الاختيار هذا كلة مايدل علي انها انسانة مش من طبقة عادية برغم صغر سنها ..

دلال : بتفكير
_ شن رايك نسألوها ..

رشا : تبي الحق كنت نفكر نسألها بس خفت نحرجها ..

دلال : لالا مش رح تحرجيها ولا شيء هوا مجرد سؤال بس ..

رشا : اوكي معنها يصير خير …

خشت عليهم انتصار .

انتصار : شن صار كل شيء تمام …

رشا : كل شيء تمام

انتصار : خليكم جاهزين تمام

دلال : ان شاءالله

_______________________

عند وصال ….

حطت من برفانها …

نورا : ممكن ندخل انسة وصال …

وصال : اية اية خشي بسرعه وعطيني رايك

خشت نورا وصال قعدت عيونها معلقة علي نورا

نورا : تحرجت من نظرات وصال ..

عفوا انسة وصال قتلي المدام منى انك طالبتني

وصال : اية صح فعلا طلبتك …
عطيني رايك في اللوك كامل ..

نورا : هوا بصراحه حلو بس في شيء حسيته غلط

وصال : بستغرب
_ شن هوا

نورا : انتي بما انك لبستي فستان لرقبته كاملة مايصحش تلبسي عليه سلسال هكي بتخربي مظهر الفستان البسي خرص طويل يمشي معاه احلي ??? …

وصال : اي ولله صح كيف غابت عليا المعلومة هادي
بجددد تنكيوااا …

نورا : وملاحظة تانية لو ممكن ..

وصال : ببتسأمة
_ شن هيا ..

نورا : حسيت الكعب مبالغ فيه لو تلبسي شيء بسيط او ربع كعب يطلع معاك احلى …

وصال : هكي تقولي …

نورا : اية هكي نقول …

وصال : طلعت كعب نفس لون الفستان

نورا : لالا هذا مش رح يمشي بطريقة حلوة

وصال : بس هذا اللون غير يختلف بدرجات الالوان بس يعني يمشي ..

نورا : هوا يشمي اية بس انتي جربي اكسري الالوان رح تطلع بلقطة احلي ..

وصال : اني لون فستاني سحابي علي شنو نكسرله مثلا اعطني رايك هي ….

نورا : البيج هذا عجبني وحسيته يركب ترا جربيه ..

وصال : اوك ..
جرباته ووقفت علي المرايا عجبها اللوك علي الاخير
برغم انها من محبين الموضة والشياء هادي علي الرغم انها فاشلة في تنسيق ملابس المناسبات …

بجد شكرا يا شن اسمك

نورا : ببتسامة
_اسمي نورا

وصال :مرسي بجد يانورا …
اسمعى خليك جاهزة لي اية لحظة البنات يجو ونبيك تكوني جاهزة تمام …

نورا : تمام ..

وصال : توا بري ولما يجو توا نكلمك تجي ..

نورا : اوكي تمام ..

ونزلت ..

وصال : ياربي كيف عندها ذوق فظيع بطريقة هادي
مش مصدقة وقعدت تلف حولين نفسها بأعجاب ..

نزلت نورا تحت ..

اني جيت يابنات …

رشا : نورتي اسمعي بري بسرعه بسرعه حطي سلة المكسرات في المربوعه باش بعدين انفرقوهم علي طول …

نورا : هاتي هي ..

نورا خطبت باب المربوعه مافيش رد خشت بدون انتباه وحطت المكسرات …

وفي عيون جاهلة عليها نورا قريب تاكلها بنظراتها المتفحصة ….

حطت يدها علي خصرها حسيت في شيء غلط
خلي نساوي هادي ونحطها بالطريقة هادي ..

_ شافت لي اللانجاز عجبتها النتيجة اية هكي رضيت ههههههه ياحلاتها ياربي خلي نطلع خير مايشوفي حد ويقول عليا هبلت ….

ايوب : ناض بحدة …
_ وشد يد نورا وضاغط عليها …

نورا : تفجعت لما شافت يد ايوب وقعدت تشوف بصدمة ..

انتت

ايوب : بغضب وحقددد

_ ايةةة اني صدمة صح …
نبشرك لي انتي قاعدة اديري فيه نعررررفه زين زينننن كل الخبث لي في راسك قاعد يدور نعرفه ومش رح تفوتي عليا …

نورا : بأرتباك ..

خب ب ثث شنو

ايوب : بأبتسامة قداش تبي باش تبعدي علي اياد
قولي المبلغ لي انتي تبية بس خليك بعيدة علي خوي خير ماتشوفي ايام اسود من سواد شعرك …

نورا : شافت تحت وعيونها معبيات دموع
_ اني مانبي منكم شيء واكثر من تعبي وحقي مانبي شفقت حد عليا ..

ايوب : استغرب فيها ..

_ شفقت شنو لي قاعدة تحكي عليها انتي هاا

نورا : ببراءة
انت قولت اكيد يتيمة وماعندها حد وحاطة العين علي خوك بس صدقني انت واخد فكرة غلط عليا ..

ايوب : ببتسامة جانبية ..

لا ولله يعني تدعي الغباء حلووو يعني طلعتي اخبث
من اللازم حلووو ..

نورا : اني مش خبيثة …

ايوب : ضرب الطاولة بيدة …
انتي تسكري فمك نهائي واضح كلامي

نورا : خافت منه موووت
هزت راسها بمعني اية

ايوب : قرب منها بشكل كبير ..

_ قعد سرحان في عيونها ونسي كل شيء حوالي حتي الكلام هرب منه …

نورا : حطت يدها علي وجها ابعد عليا ..

ايوب : حس علي روحها …

_ طلع وسيبها بروحها ..

نورا : حست بهداء ..
_ مسحت دموعها وطلعت تجري للمطبخ …

بعدها بدقائق جت العائلات السعيدة …

مني وخواتها ??

منى : نادت علي نورا …

ربيعة : تشوف بتفحص لي نورا …
وحاسة بحقد عليها ..

نورا : نعم مدام منى

مني : اركبي للبنات طالبينك ..

نورا : حاضر ورفعت سفرة العصائر وركبت ..

ريحان (مرت ايهاب) : ماشاء الله عليها جمال ما عمري شفته عند بنت …

نعيمة : اية تبارك الرحمن …
عجبتني البنت علي الاخير كان عندي ولد تاني راني خطبتها طول ..

منى : اية ماشاء الله عليها في كل شيء …

ربيعة : اني نشوف فيها عادية جدا ومافي شيء مميز فيها يعني عادية وخلاص …

بعدين هيا مجرد خدامه مايهمنيش امرها ..

نعيمة : عيب عليك ياربيعه الكلام هذا مايصح كلنا عبيد الله ومافي فرق بين حد …

ربيعة : ايييي شن بتنكدي عليا توا

نعيمة : بغضب
_ حقك عليا

منى : تحاول تغير الموضوع

اية احكولي اخر اخباركم
….

______________________

عند الشباب …

مراد : ولله ياشباب الحق اني حاط في راسي نبي نتزوج ونكمل نصف ديني …

ايهاب : ساهلة كلم امك ادورلك بنت الحلال ..

ايوب : مش معاهم نهائي …

_ مزال صورة عيون نورا مابين عيونه سحراته بلعنة جمالها ..

اياد : حاسس ان في وحدة في بالك
صح ..

مراد : سلم لي يفهم عليا يارب

اية في وحدة في بالي بس مزال مش متكلم فيها توا مزال شوي ..

مراد : ان شاءالله ربي يهنيك يارب ..

ايهاب : وينا انس مش مبين نهائي شكلة ناسي العزومه ولا كيف …

اياد : فكه معاد نبي نشوف وجها تاني الحيوان هذا

ايوب : اياااد تكلم كويس افضلك

اياد : سكت مش خوف لا بس احتراما لي ايوب ..

مراد : حس خوه داير عمله سودة ..

ايهاب : فضل السكوت ..

ايوب : اخر صفقة شن صار فيها يامراد

مراد : ولله ساهل كسبها كالعادة ربحنا الصفقة يابرنس
??

_______________________

عند نورا ركبت الفوق ….

فتحت الباب …

ايات : قعدت مسبوها في نورا

ولاء : تتكلم بعباطة
_ حييي علي امممم الجمال

نورا : منحرجة حطت العصير والشكولا …

ايناس : تشوف من فوق لتحت وقريب تموووت من الحسدددد والقهر كيف انها احلئ منها ..

ايات : نقهرت من جمال نورا مع ان نورا مش حاطة شيء في وجها …

بس ايات مبينة العكس وتدعي الطبية …

_ شكرا ياحلوة انتي ….

وصال : بأمكانك تمشي يانورا

ايات : لالا نبيها تنحيلي سلسالي لاني حاطة منكير
وخايفة يتلبز …

نورا : قريب تتفجر بس تستغفر في ربي ..

وصال : نحيلها يانورا سلسالها

نورا : حاضر ..
نحت السلسال بخفة

ايات : ايييييي بشوي نتشتي لحمتي ..
علاش هكي بس

نورا : نصدمت فيها

بس اني

وصال : بعصبية …

_ خلاص نورا شوفي شغلك …

ايات : يعطيها كسرة نحت السلسال بحقد

وصال : كانت منتبها لي كل حركة وماعجبتهاش لقطة ايات …

ايات : بأنتصار ..
اهم شيء ذليتك ههههه ..

ايناس : قريب تموووت من القهر …
وتفكر كيف تبرد علي قلبها …

ولاء : تصدقي تجنن البنت تبارك الرحمن
عليها …

وصال : اية ماشاء الله عليها حتي ذوقها حلو الحق

ايات : حسيتها عادية بصراحه

ولاء : هادي وعادية حسستيني انك ملكة جمال ولله ماتجي في ربع جمالها ..

ايات : سكري فمك افضلك وبعدين اني نشوف فيها عادية جدا ومافيها شيء مميز …

ايناس : خلاص انتي ويها علي شنو تتعاركوا بزبط علي خاطر شغاله واني نشوف فيها مش حلوة نهائي مسكينة …

نوضي انتي ويها خلي نرقصوا ونصورا ..
فتحوا الاغاني …

كل وحدة فيهم بدت تعرض في المواهب بتاعها

ايات : قوليلي شن صار

وصال : ببتسامة ..
حركت حواجبها سرررر

ايات : ياكلبة احكيلي شن صار

وصال : #######

ايات : اية هكي خليك قصدك صار ###

وصال : بصدمة لالا كل شيء فوق الملابس ناقص وللهي كل الموضوع بوسات ولمسات يد بس

ايات : اهاااا اي اي فهمت عليك
? افففف كنت نحساب بيلعب فيها بس شكلة واحد غبي …

وصال : وين وصلتي ياعمري ..

ايات : معاك ياعمري ..
_ اية اكيدة فرحتي يامعفنه هااا

وصال : تبي الحق بيني وبين نفسي مش راضية الحق بس فرحت لي فرحته مع اني حاسة بالذنب

ايات : توا تتعودي ياعمري

وصال : بصدمة
_ قصدك مزال فيها طلعات تانيات

ايات : مش عارفه لكن اكيد اية
ولا تبي يشوف لبعيد

وصال : بغيرة
اكيد لا عدوول ليا اني وبس ..

ايات : خلاص ياعمري معنها وغمزتلها ماتقصريش معاه وفهمك كفاية …

وصال : تمام يصير خير
? لي قاعد يصير غلط اني لا يمكن نسلم نفسي
لو كان روحي فيه …

شدت يدها ولاء …

هيا ارقصي معاي سلووو
وبدو يرقصوا بطريقة مضحكه مع بعض

________________________

اما عند نورا ….

توزع علي النسون في العصائر والشكولا
ومشت لي المربوعه الخارجية ..

نورا : السلام عليكم

الكل رد السلام ..

اياد : عيونه معلقه في نورا بأعجاب واضح
????

اما بنسبة لي مراد كان يهدرز مع ايوب ومش منتبه نهائي لي نورا …

ايهاب : غض النظر علي طول
مع انه عجباته وبقوة …

ايوب : يراقب في كل تحركات نورا ويدرس فيها
????

مراد : حس علي نظارات ايوب المش طبيعية قام عيونه ونجمررررر من كثلة الجمال لي قدام عيونه

نورا : وزعت العصير علي الطاولة وحطت مترد الشكولا …

مراد : ????

نورا : نستاذن وطلعت حطت يدها علي قلبها افففف المرة التانية رح نكلم رشا تجي ولله منظرهم يخوف …

ايوب : حس علي نظارات الشباب …
طلع خلف نورا اسمعي

نورا : وقفت في مكانها وتبلع في ريقها بخوف
تلفت بخوف ..
نعم

ايوب : جي قدام وجها وقعد يشوف لعيونها …
مرة تانية نلقاك في المربوعه رح نكسر رجليك
واضح كلامي ..

نورا : هزت راسها بمعني
_ حاضر

ايوب : مشي بسرعه البرق من قدامها ..

نورا : يمااا ولله يخوف الانسان هذا برغم جماله الفتاك بس عليه برود وعصابية تخوف …

ايوب : خشت للمربوعه ..
الكل يشوفله بنظرة ?????

ايوب : طنش نظاراتهم وقعمز في مكانه
وفتح راس موضوع …

________________________

عند انس …

مقعمز مع شلته الصايعه …

هشام : خيرك مهموم

انس : متلخبطة عليا ياراجل

مبروك : علاش متلخبطة عليك

انس : في بنت جننتني ياولاد

هشام : واخطبها شن المشكلة

انس : امي مش رح تقبل صدقني

مبروك : والحل يعني

انس : نفكر نخطفها وووو

هشام : نبي حصتي

انس : عيب عليك اصلا هيا شغالة بشوية فلوس تسكت اني بنعرض عليها الفلوس لو مارضتش رح نخطفها

مبروك : مافيش مشكلة المهم نبي حقي حتي اني

انس : تي البنت طلقةةةة
وقعد يحكي علي جمال نورا …

و الشباب ??????

كيف رح يخطفها ??
وهل رح ينجح ..

______________________

اما عند البنات الفوق ركبت نورا تفرق في النسكافي والكيك وصلت في ايناس …

ايناس : بحقد قلبت الطاسة بتعني علي نورا

نورا : طاحت السفرة من يدها
وبدت تعيط بوجع وتحاول تبعد البلوزة من عليها ..

وصال : ناضت بسرعه ونحت بلوزة نورا ..

ايناس : بحقد وبتسامة نصر
_ ابسي مش قصدي سوري ..

ولاء : تشوف بكره لي ايناس عارفه ان اللقطة
بتعني …

نورا : بدت تبكي من كثرة الوجع لي قاعدة تحس بيه

وصال : مشت تجري جابت مرهم …
وقعدت تحط فيه لي نورا ….

ايات : تشوف بكره وشافت لي ايناس بمعني احسن مادرتي

ايناس : ضحكت لي ايات
بمعني نعجبك ..

وصال :

________________

اما عند عادل …

يقلب في الشريط في يده بشر …

هيثم : شني مني ياحلو

عادل : قررت

__________________

شن بصير تابعوني …

الكاتبة : Eman Albasha

الكاتبة : omaima Trabelsi

?????