خادمة علي عرش الثراء

الحلقة : 22 ..

من رواية : خادمة علي عرش الثراء …

______________________________

نورا : ولله نقدر نمشي بروحي ..

وصال : بزعل
_ اني سندتك بس ?? ..

منى : خيرك علي نورا يا وصال ..

وصال : اشبح اشبح اني نقدم في مسعاداتي
وانتم تظلموا فيا معقولة هكي ..

منى : امممم به سمحتك ..

وصال : خلاص اني زعلت اصلا ..

منى : ههههههخ ياعليك هبله للعلم
غدوا الحفله بتاع البارتي ..

وصال : جدددد ..

منى : والكل رح نمشو ..

نورا : اني الحق ..

منى : انتهي النقاش
علي الاقل تغيري من جوك

وصال : بتمشي يعني بتشمي ..

نورا : بأبتسامة ..
_ حاضر بنمشي بس المشكلة في اللبس واني
مش رح نقدر نطلع للمحلات ..

وصال : محلوله ياحبي اني نطلع وناخدلك علي ذوقي شن رايك ..

نورا : خلاص تم اصلا يعجب فيا ذوقك ..

منى : خلاص معناها انتي بري واني
بنقعد مع نورا

نورا : لا ياخالتي وراسك انتي بري مع وصال متخليهاش بروحها واني بنقعد مع دلال ورشا
خاطري نهدرز معاهم ..

منى : هكي تقولي

وصال : اية ياماما انتي ذوقك احلى مني
وحتي تساعديني في الاختيار …

منى : خلاص معناها مع العصر نطلعوا
ان شاءالله …

نورا : ان شاءالله …

منى : يا نورا يابنتي بالك تبي ترتاحي ..

نورا : اية ياريت نمشي نرتاح وانتم اقل شيء
تمشوا بكري ..

وصال : اني بنركب نستاذنكم بنمشي
نوتي روحي …

منى : ماشي بري واني بنمشي نتكى شوية
و بعدين رح نوتي روحي ..

نورا : بالاذن وركبت خلف وصال …

اما عند رشا ودلال …

رشا : هههههه السواق شكله مكرش فيك تكريشة تخوف يابنت ..

دلال : وووووك عليا يمشي يكرش بعيد عليا
هيا اني ناقصه تكريش ..

رشا : حرام عليك ولله شكله يحبك يابنت

دلال : حباته الجرادة ان شاءالله …

_ بعدين اني في واحد قريبي متقدملي ومرات نوافق عليه ..

دلال : بحماس
_ قولي ولله ..

دلال : ولله زي مانقولك وبعدين تعالي شوفي
صورته طررررف مش زي الايتيوبي هذا لي
درهتو كبدي بيه ..

رشا : ههههه
ورينا الطرررررف لي تحكي عليه ..

دلال : شوفي شوفي الزين الله يبارك

رشا : قعدت تحك في عيونها ..
_وينا الطرف ..

دلال : اهوو قدام عيونك ولا خلاص نعميتي
اللطف ياربي …

رشا : ياودي ماريتلك طرف ياربي سامحني كرشه طالع القدام شبرين ونص شعره طايح ولحيته متنتفه وهذا مش من سنك اصلا تقول بوك انتي من جدك تحكي يابنت ..

دلال : الخلقة و خلقت ربي والعمر مش مقياس ..

رشا : اية ولله صح كلامك بس انتي قولتي طرف …
قولت ينفتح فمي من كثرة الجمال بس لاسف فتحت فمي من كثرة الصدمة …

دلال : ههههههههه نبصر عليك يابنت تعالي شوفي الشكل الحقيقي هذا عمي فرج …

رشا : شافت الصورة وربي طرف حق ماعنداش اخ
ههههههه هذا طرف مش هدكه وربي فجعتيني ..

دلال : ههههههه تستاهلي اصلا حرقتي دمي
بالسواق الزفت ..

رشا : سوري حبي
اسمعي شن رايك نحرقوا دم نورا بالموضوع هذا

دلال : ايةولله ديما تتسهوك عليا بالسواق الزفت
هذا وربي كرهته وكل مانشوفه نتعوذ منه …

رشا : ههههههههههه ولله يحبك مش بيده
????

دلال : نوضي سحيقة خزي ..

رشا : ههههههه …

انتصار اليوم عندها عطله بس مع هذا جت اطمنت
علي نورا وروحت ….

______________________________

سارة : ياربي كيف ندير شن بنقول لي عيلتي
اختي من امس مش موجودة ..

تتصل بي بوها مافيش رد تتصل بي امها نفس
الشي تتصل بي حمزة مافيش رد نشغلت ..

_ اني بنمشي للمشفي الحق نشغلت ويلي بصير يصير معدش فيها صبر الحق …

_ لبست عبايتها وطلعت …

اما عند منيرة وخالد …

خالد : حاطط يديه فوق راسه ويفكر ..

_ حصدت لي زراعته ياخالد لي زرعته حصدته
ومزال تحصد غمض عيونه مادرت طيب …

وقعد يبكي خسرت كبدي لي عمري كله نستني
امتي يكبر وسندني في الحياة …

خسرت عزوتي خسرتك تاج راسي ولدي الغالي
اسم عيلتي خلاص انتهئ …

وقعد يبكي خسرت اعز الناس علي قلبي ولدي
اهملتك لو كنت مهتم بيك اكثر من هكي راهو
مصار لي صار …

اما منيرة بدت تفيق …

ناضت تبكي بقهر وتعيط بحرقة في قلبها تحس
في روحها تسحب منها …

خالد : سمع صوت منيرة ..

خش علي اساس يصبر فيها …

منيرة : شافت خالد بدت تعيط اكثر …
وشدت خالد ترجعلي ولدي انت السبب ويناا
ولدي نبي ولدي حرام عليك نبي نشوفه ..

خالد : اهدي يا منيرة لو تبي تشوفي ولد اهدي

منيرة : توا توا ترفعني ليه ..

خالد : بنهيار حاضر

منيرة : سلت التغدية بحدة …

والدم بدي يصب منها

خالد : شد يدها ونحي بتاع الابرة بالشكل
الصحيح وحط لاصق وطلعها ..

منيرة : شبه جثه بدون روح …
ومزالت تبكي مش مصدقة لي قاعد يصير …

خالد : بصوت مكسور ?
هيا ..

منيرة : بدموع هيا ..

خالد خش للمشرحه مع منيرة …

منيرة : اول ماشافت ولدها علي طول بدت عيط
وتريش مع بعضها ..

خالد : يبكي علي منظر ولده ..

منيرة : تبوس وتعاود في حمزة …

خالد : يبوس في ولده ويبكي بالعبرة
وقريب يموت علي فراقه …

منيرة : لن اغمي عليها من كثرة البكي
والعياط …

خالد : حمل منيرة وشاف اخر نظره
لي حمزة بحزن وطلع …

علي خشت سارة للمشفي …

سارة : سألت الرسبشن جتها الصدمة

وقعدت تردد في كلمة ..

_ ان الله وان اليه راجعون وترعش مع بعضها
وتبكي بس مع هذا مأمنه بقضاء الله …

وتحاول تكون صبورة وتردد في نفس الكلمة
ان الله وان اليه راجعون ….

وقعدت ادور علي غرفة امها …

شافت بوها كيف منهار مشت تجري رمت روحها
في حضنه وقعدت تبكي من القلب …

خالد : كان محتاج حضن زي هذا حضنها
وقعد يبكي ..

منيرة : حاولت تفيق …

شافت سارة قعدت تبكي بنهيار ..

سارة : حضنت منيرة وقعدت تبكي ..

منيرة خلاص معدش عندها حيل اكثر من
هكي …

بعد وقت روحوا للحوش …
وركبو الخيمة بس مافي حد جاهم
????

خالد : وينا اختك ..

سارة : بصراحه يابابا اني مشغولة عليها
من امس ماروحتش ..

خالد : بخلعه
كيف من امس ماروحتش ووين مشت هيا اصلا

سارة : مش عارفه مكانها فاضي كنت نحسابها
روحت امس بس مافيش ولا اثر ليها من امس ..

خالد : قعد يمسح علي وجها بغضب ..

_ باهي ماعندكش اية معلومة هيا
وين كانت ماشية …

سارة : الحق من طلعت امس الصبح ماعندي علم بشي والحق هيا ماتقولش بالعادة لي وين تمشي ..

خالد : ماتقولي شيء لي امك اني بنمشي
لشرطة بندور عليها ..

سارة : حاضر بس طمني لو عرفت حاجة

خالد : ان شاءالله …
وطلع ..

سارة : مشت تواسي في امها ..

منيرة : انتي يابنت وينا اختك مش مبينه

سارة : بتوثر ..
_ ان شاءالله رح تجي انتي ارتاحي بس ..

منيرة : رقدت من التعب …

_____________________________

عند فيصل و ريما ..

مزالو محدوفين ….

خالد : مشي للقسم قدم شكوى ضياع ..
كتبتها شكوى لاني مانعرف شن يقلولها يعني
مشوها لو غلط ??? …

الشرطي : خلاص يأمكانك ترجع لبيتك واول شيء يصير معنا رح نكلموك علي رقمك …

خالد : بارك الله فيك يا ولدي ..

الشرطي : ولو ياعمي هذا الواجب …
وعظم الله اجرك …

خالد : الله لا يغير عليك …

وطلع …

اما عند صاحب الشقة الاصلي يكون صديق
فيصل راس ….

خش للشقة حس بريحة متعفنه استغرب قدم
القدام شوي نصدم بالمنظر لي قدامه …

رجع علي طول مشي يجري كلم الشرطة ..
بعد دقايق الشرطة والمحققين في كل مكان
.. … ???

خالد : وصل للحوش استقبل جيرانه

وقت الجنازة دفن ولده وحالته حالة
يبكي ومنهار علي الاخير …

بعض الناس والجيران حاولوا يصبرو مع انهم مايعوفو بس وقفوا معاه …

رجع خالد للحوش مكسور ?

منيرة : تبكي وتسأل علي ريما بريق الناشف

سارة : مش عارفه كيف تتصرف معدش
عرفت شن بتقول لي امها ملت من الحجج ..

____________________________

عند ايات …

ايات : نزلت تحت ومزالت حاسة بحزن ومضايقة
من فكرة انها رح تتزوج كاشفقة …

ولاء : مطنشة وجود ايات ..

ايات : قعمزت جنب ولاء ..

ولاء : شافت بنص عين لي ايات بس طنشتها
من جديد …

ايات : اني اسفة وحقك عليا ..

ولاء : قامت حاجب
علي !

ايات : نحرجت ..

_ خلاص انسي وناضت ..

ولاء : لما نشوف ايات الاولي اختي لي نعرفها
قبل رح نسامحك غير هكي انسى ..

ايات : ابتسمت وطلعت …

? من يومك قلب طيب وصعب تقسي نفس امي
بزبط ربي مايحرمني منك يارب ….

_______________________________

اما عند ربيعة وصغارها …

ربيعة : وتي روحك ياانوسه …

ايناس : مامي حاسه روحي تعبانه خليها
مرة تانية …

ربيعة : وراسك رجلي علي رجلك …

انس : خليها علي راحتها ..

مراد : مراقب بصمت ..

ايناس : ماما ..

ربيعة : هذا اخر الكلام عندي ..

ايناس : بستسلام
_ ماشي حاضر ..

مراد : ايناس تعالي نبيك شوي

ايناس : مشت خلف مراد ..

ربيعة : خيره خوك شن يبي في اختك

انس : بيطلقها من راجلها هذا كل الموضوع

ربيعة : اية احسن حل ولله ..

انس : مايصير الا لي يرضيك ياغالية …

اما عند مراد ..

مراد : بنقولك اني رفعت قضية طلاق
ونبيك توقعي علي الاوراق ..

ايناس : ماشي وين نوقع ..

مراد : وقعي اهني ..

ايناس : هكي تمام ..

مراد : اية تمام وان شاء الله ربي يبعتلك ولد الحلال لي يصونك وردي بالك في الجديد لاني مش رح نتساهل معاك ومش رح نسامحك ..

ايناس : ربي مايحرمني منكم وحاضر ياغالية
هيا مرة واخر مرة سامحوني ..

مراد : هادي اختي لي اني نعرفها ..

ايناس : ابتسمت غصب مع انها من الداخل
محروقه حرق حاسة بذنب يقتل فيها قتل …

_ اني نستاذنك لو ماتبي شيء

مراد : لالا مانبي شيء خودي راحتك ..

ايناس طلعت وركبت الفوق تفجرت بكي …

ربيعة : شن صار يا مراد

مراد : ان شاءالله رح نكمل الموضوع
علي خير …

انس : اني طالع ماتبو شيء ..

مراد : سلامتك شوي ورح نلحقك …

انس : في الانتظار ..

مراد : وتو روحكم وكلموني تمام

ربيعة : نضم الحوسه علي السريع بس ..

مراد : خودي راحتك ..

…..

ايناس : ناضت بعد وقت ضروري نعتذر من
ايات اني غلطت في حقها ..

فتحت الدولاب ولبست ملابسها ونزلت تحت

ربيعة : جاهزة ..

ايناس : اية جاهزة ..

وطلعوا مع بعض ..

__________________________

اما بنسبة لي نورا …

مقعمزة تهدرز علي رشا ودلال ..

رشا : بخبث ..

_ نورا سمعتي اخر اخبار .

نورا : لا ولله شن في ..

رشا : الايتيوبي مكرش في دلال وخطبها
من جديد ..

نورا : تشوف لي دلال بخبث
_ جد

دلال : عكرشت وجها بطريقة مضحكة ..

نورا : ههههههه حرام عليك يادلوو الاخ عشقان

دلال : ناقصني غير هوا
بصراحة اني خطبني واحد قريبي

نورا : بفرحه ..

_ ايةةةة

دلال : ومرات نوافق لانه طرففف يابنات يجنن

رشا : عندك صورته …

دلال : اية اكيد حتي هوا الكبيدة …

رشا : ورينا الطرررررف

نورا : من كلمة طرف قلبي تفترش الحق ..
ربك يستر وخلاص ههه

رشا : شافت الصورة حييي يجننن
يابنت

نورا : وروني ترااا …

شافت الصورة نصدمت انتم من جدكم تتكلموا

دلال : خرا عسلي مش عاجبك

نورا : هذا في عمر بوك بصراحه مش ليك نهائي
يا مبرك الايتيوبي علي هذا …

دلال : يعني نرفض بس ولله اسلوبه يجنن

نورا : هيا حياتك ياقلبي وانتي حره فيها
بس صدقيني رح تظلمي نفسك علي الحال
هذا …

رشا : شادة ضحكتها بسيف منظر نورا يضحك مصدومه وتحاول تقنع دلال انها تغير فكرتها
بس دلال مصره علي رايها ..

رشا : اني في رائي الراجل واضح عليه طيب
والحق لامانه قنين ..

نورا : فصلت وظلمت قدامها ..
_ شنو القنين بزبط ياروح امك طحشه لي طالع
خمسه ميترو القدام ولا شعره كيف دايره منظره يخوف هما شعرتين وموقفهم زي شرشابيل شن
الحلو فيه بزبط …

رشا : تفجرت ضحك
ومعها دلال …

نورا : بغضب ..
_ خزي عليكم اكيد مقلب صح …

رشا : ههههههههههه ربي بطني خلاص
متت ..

نورا : حقدت عليهم ..

_ خزي عليكم ياوسخات …

دلال : اسمعي ولله ههههههه نبصر عليك
هههههههه …

نورا : ????

دلال : شوفي الطرف هذا

نورا : لو تجري بيا رح نقتلك وربي ..

دلال : غير شوفي رواسك حبي ..

نورا : اية هذا طرف ماشالله ..
مش موريتني راجل رجل في القبر ورجل في
الحياة وتقولي طرف وربي جبتيها 0000

رشا : ولله انك عسل يابنت ?

نورا : يخيتي سلمني هههه

دلال : غير اهدي ياعبد الواثق ..

نورا : قصف خزي ههههههه

دلال : ما نحكيلك
??????

علي خشت ايوب …

ايوب : نورا ..

نورا : نعم

ايوب : تعالي نبيك شوي

نورا : اني جاية ..

رشا : شافتلها بمعني ربك يستر

دلال : مراقبه فقط ..

نورا : استاذنت وطلعت خلف ايوب ..

__________________________

ايوب شن بقول لي نورا وعلاش فاصل

شن بصير تابعوني …

الكاتبة : Eman Albasha
توأم الروايات …