خادمة علي عرش الثراء

الحلقة : 14 …

من رواية : خادمة علي عرش الثراء …

____________________________

ايوب : يراقب في كل تحركات نورا ….

نورا : خطمت من جنبة بدون لا تنتبه عليه
ومزالت نازله فيه سب ????

ايوب : يمشي خلفها بخفة ويبتسم علي صوتها يلي كل مرة يزيد يعلي بسبب تصرفاته يلي هيا مش راضيه عليها ..

نورا : هذا واحد منحرف و ساقط مستغل وسخ نذل
نموت ونعرف هذا خيره ميخافش من ربي ولا كيف اني لا يمكن نمشي لغرفته مرة تانية الصايع هذا ..

علي ركبت منى لدروج وقابلت نورا وايوب من خلفها
????

منى : بابتسامة …

_ يا صباح الخير …

نورا : بنفس الابتسامة …
_ صباح

قطع عليها صوت ايوب من الخلف …

ايوب : بصوت مرحي ..

_ ياصباح النور ياغالية …

منى : فرحت لانها حست بتغير ايوب ….
الله يسلمك ياروحي ….

نورا : ولت تبلع في ريقها بخوف وشافت للخلف
بخوف ..

? ياربي لا يكون سمعني ياويلي شن درت في عمري …
? هه اصلا عادي حتي لو سمعني خلي يعرف غلطة ويخاف ربي عيب عليه ولله مش صغير ..

ايوب :واقف و يهدرز مع امه وعيونه معلقات
في نورا ويبتسم علي ارتباكها وخوفها الواضح …

منى : لاحظت نظارات ايوب لي نورا …

_ نورا بري كلمي انتصار تجيني نبيها ضروري

نورا : بتوثر ..
_حاضر مدام ومشت للمطبخ دقات قلبها مزالت
في التزايد ….

كلمت انتصار وقعمزت تساعد في البنات …

رشا : اية حقه نور حبي سمعتي اخر الاخبار
???

نورا : ههه لالا شن فيه …

رشا : السواق علي عرفتي ولا

نورا : قامت حاجب وتشوف لي
دلال ايةةةة

رشا : عندك كلم انه طالب يد دلال هخخخخ

نورا : هههههه ايييي يابطني ماتقوليهاش ..
_ دلووول انتي شن رديتي علي معشوقك
???

دلال : قريب تتفجر مع بعضها …

_ اكيد رفضت وبقوة وربي قهرني يابنات هالاتيوبي الشايب هذا مالقي مايخطب الا اني ??

رشا : كاتمة ضحكتها علي انفعالات دلال
????

اياد : خش للمطبخ …
_ نورا قوليلي شن جوك اليوم

نورا : ببتسامة
_ الحمد الله بخير وانت
???

اياد : الحمد الله ..
يشوف لي دلال وكاتم ضحكته

دلال : مطنشة وجود اياد نهائي …

اياد : شافها كيف فاصله خلاص تفجر ضحك

دلال : ????
مافيش حاجه اضحك …

اياد : ولله الراجل يستني علي جمر شن نقوله …

رشا : ????

نورا : نعرف ان السكوت علامة الرضي

اياد : بفرحه
_ يعني موافقة العروسة ..

دلال : بندفاع
_ اكيد لا ماناقص الا الشيباني هذا ناخدة اني
اكيد مش موافقة ….

اياد : تفجر ضحك ههههههههه
_ اسمعي يانورا بنقولك حولي كل ملابسك الفوق
في الغرفة الفاضية

دلال : حقدت عليه بقوة …
?????

نورا : ان شاء الله حاضر

اياد : بالاذن توا ومبروك ياعروسه …

دلال : لاااا مستحيللللل

اياد : ههههههههه
مبرووووووك

وطلع من المطبخ وقعمز مع العيلة …

_ وين ياغالية امس غايبة علينا الحوش مظلم من غيرك الحق …

منى : ههه ياحليلي منك يالسين ولله غيرت جو مع خالتك ربيعة قولت خلي تستاحشوني شوية

اياد : ولله استحشناك ياغالية المهم غيرتي جو ..
و شاف علي طول لي ايوب بمعني شني مني

ايوب : قوليلي كيف حالها خالتي ان شاءالله بخير …
_ بمعني تقول كلمة نهارك احرف

منى : اية ولله …
خالتك الحمدلله بخير ..

اياد : يارب دوم الخير
ناض وتوا اني نستاذن ياغالية

منى : علي وين …

اياد : بنمشي للشغل عندي خدمة تبي حاجة

منى : اية وانت مروح جيب معاك كيكات خالاتك بيجو مع العصر …

اياد : بسعادة ..

_ حاضر من عيوني ..

ايوب : قعد يهدرز علي منى وعيونه معلقة
في المطبخ ???

وصال مشت للكوفيرا بتقص شعرها
كاتغيرت لوك

????

___________________________

عند حمزة يعيط عليهم بأعلي صووت …

حمزة : علاش رجلي مش حايس بيها
خيرهم رجليا تكلموااااا يا حيوانات …

منيرة : غير اهدي ياحمزة ياوليدي
اهدي بس الله يهديك …

حمزة : عيونه مفنصات ويتكلم بانهيار ..
_ تكلميييي خيرني شن صارلي مش حاس بروحي
?????

خالد : ياولد استهدي بالله صارلك شلل نصفي بسيط و

قطع عليه صوت حمزة

حمزة :

__________________________

ايات : تلف حوالين نفسها بفرحه
_قوليلي لولي شن رايك في لبستي حلوة صح

ولاء : هيا حلوة اوك بس احترمي نفسك والبسي مستور حوش خالتي عندهم شباب عيب عليك
تلبسي ملابس فاضحة بطريقة هادي …

ايات : ووووووه علينا عاااد علاش كل ما نكلمك
علي حاجة تطلعي شيخه الحق فيا اصلا ناخد
في رايك وطنشت ولاء وقعدت تبعت في بوسات علي المرايا …

ولاء : ربي يهديك وخلاص ماعندي مانقولك
حالتك تبكي وربي ..

ايات : وفري دعواتك لي نفسك يوم غدوا
يااايمااا لو يشوفني ايووب رح ينجلط علي
طووول ههههه علي ام الجمال ???

ولاء : شبحتلها بنص عين اسمعي يابنت فكينا من مشاكلك وعمايلك الزايده مع حوش خالتي يكفي التهزيب لي حصلتي من قبل وبنسبة لي ايوب رح يحرقك حرق لو تقربي جيهته راك مش قدها اللعبة فاهني روحك …

ايات : انتي من كلمك اصلا وجي شورك ..
_ ياماما خليك لاهية في روحك خير ماتشوفي
اللعب الصح اوكي حياتي ??

ولاء : طلعت وخلانها …

ايات : انسانة لزجة وعععع
ايوب رح تكون ليا هههههه حطت من برفانها
وشدت فونها بدلع …

_______________________

ايناس : بصوت ناعس
_ الوو

ايات : الووو حوبي الكسولة …

ايناس : اهلين يويو ههه

ايات : تلعب بخصل شعرها وواقفه علي المرايا
بغرور …

_ قوليلي شن جوك حبي …

ايناس : راقدة شن تبي نبي نرقد يابنت ..

ايات : نوضي سادك نوم ياودي شكلك مش جاية لحوش خالتي علي الحال هذا …

ايناس : عينك بنجي غير نبي ناخد كفايتي
في النوم …

ايات : كفاية شنو لي تحكي عليها الساعة 3 يا حلوة
راهوو هيااا نوضي بالك

ايناس : قولي ولله ان الساعة 3 العصر ..

ايات : ولله شن بنكدب عليك اني
شوفي فونك ياعسل

ايناس : حشاك حبي خلاص اني نضت
شافت فونها حق ولله الوقت متأحر ..

ايات : خلاص نتلاقو معناها …
ههههههه متشوقه نعرف شن صاير مع وصال ..

ايناس : خلي كل شيء في وقته حلوووو ..

ايات : نتلاقو معناها

ايناس : سلام …

ايناس ناضت وتفكر بخبث وحسد ..
ايات تتحلف في نورا ومش ناوية علي خير ..

____________________________

نورا : ولله غرفتي لوطه افضل لكن يلا حتي هادي كويسة بس قريبة من غرفة الزفت ايوب هلبا …

الباب في الباب شيء يفدد ولله …

نزلت تحت وقعدت تستف في الاكل علي الطاولة
بنظام وتفكر في وصال شن بصير فيها بعدين …

??

عند اياد في الشغل ….

اياد : من الصبح في مكتبة يوقع في الاوراق
ويراجع في الملفات والصفقات …

مراد : السلام عليكم ..

اياد : وعليكم السلام ..
نورت ياغالي ..

مراد : بنورك ولله ..
_ بتردد واحراج بنقولك ياصاحبي

اياد : ان شاءالله خير …

مراد : اني نعتذر بجد علي لصار امس …

اياد : مادورش ياصاحبي العيب مش فيك ولله العيب في صاحب العيب واني نعرفك انت شنو صاحب حق وواجب وما عمرها طلعت منك العيبة ..

مراد : تسلم ياغالي ولله …

_ هبلني اقسم بالله وجهي متقشر مع الكل ومحشمني في كل مكان لكن ربيته ولله وخليته يمشي علي طريق المستقيم وفي الجديد مش
رح نفوتله اغلاطه …

اياد : هههههه نعرفك لما تغول معدش تشوف
قدامك لكن اعطي ليه خلي يتعدل ..

مراد : ولله العظيم هبلني ياصاحبي واني درت لي عليا وان شاء الله خير

علي خشت انس يمشي بسيف وحالته حالة

انس : السلام عليكم

مراد : وعليكم السلام
_ بصدمة امتي جيت

اياد : وعليكم السلام

_ معقد حواجبه ويشوف لي اوراقه بغير رضي
علي وجود انس …

انس : عارف انك متقطني مني واني نعتذر منك لي درته غلط واني اعترفت بغلطي وسامحني وحقك عليا لي بديره ياولد خالتي يمشي عليا انت الموس واني اللحم …

اياد : ناض بعصبية

انس : حالت صمت

اياد : حضنه يلا حصل خير …
اهم شيء عرفت غلط واني مسامحك لاني معتبرك خوي ..

انس : مشكور ولله وانت خوي …
_ شني مني نحصل خدمة ولالا

اياد : مكانك موجود زي ماهوا

انس : بارك الله فيك ولله متحشم من تصرفاتي

اياد : مافيش حد مايغلطش لكن العيب انك تمشي في نفس الخطأ ..

انس : اية ولله مشكور …

____________________________

عند وصال روحت بفرحه …

وصال : بصوت عالي
_ نورا تعالي نبيك بسرعه اني الفوق

نورا : سيبت كل شي في يدها ان شاءالله خير توا نجي يابنات …

رشا : بري بسرعه …

وصال : قعدت تشوف في روحها في المرايا بأعجاب
طلعت ملابسها

نورا : خشت نعم ..
بصدمة شن درتي في شعرك يامجنونه

وصال : شن رايك في القصه

نورا : بأعجاب
تجننن يابنت ??

وصال : حلوة صححح

نورا : تغيرتي ولله وطالعه عليككك طلقه

وصال : فرحتني ولله شن رايك في الخصلات

نورا : تحفهههه …
_ بري بسرعه خشي ديري دش لان بنات خالتك قريب يوصلوا نبيك تطلعي طلقهههه …

وصال : من غير لا توصي ..
_ توا نوريهم خبثهم لي قاعدين يديرو فيه …

نورا : ربي يحميك من شرهم يارب اني توا نستاذنك
بندير كيكة ونبيك تاكلي منها ???

وصال : جددد خلاص نستنا فيك …
?????

نورا : هههههه
_ شاطره فيها راهو

وصال : قولي ولله
اني نعشق الكيك شن رايك نلبس وننزل ونساعدك
خاطري نغير جو …

نورا : خلاص معناها نستني فيك تحت ..

وصال : تم حبي …

خشت بسرعه للدش …

نورا : خشت للمربوعة ضمتها علي السريع وطلعت
وقعدت تلمع في الاثااث ….

وتعطر في الدنيا ….

__________________________

حمزة : بنهيااار وصوت شبه متحجر من كثرة العياط
ككله منكم كللله مننننكم انتم السبببب انتمممم السبب

الدكتور جي يجري مع الممرضين شدوه
وضربوله ابرة مهدي ….

حمزة : انتم السبب مش رح نسامحكم طول عمر
ورتخي مع بعضه في عالم تاني ….

منيرة : تبكي بقهر علي حالت حمزة

خالد : صح كلامه كله منها ال###
هادي

منيرة : مفروض تستاهل الموت زي اهلها

خالد : يبتسم بشر ..
_ رح يجيها الدور حبيبتي

منيرة : لكن بعد لاتتنازل علي كل شيء …

خالد : عليك نوررر حياتي ..

منيرة : تفكر في تفكير شيطاني

سارة : حطت يدها علي فمها بصدمة ..
_ زعما توقعي صح …

ريما : طالعه مع الدكتور لي تعرفت عليه ومفجرة الكل عايشة حياتها علي هواها وزي ماتحب …

وسارة تشجع فيها علي الغلط والام مش مدورة
ما تحاسب في بنات لا علي الخشة ولا علي الطلعه
هدفها الوحيد الماااال لا غير …

_______________________________

نورا : عايشة اللحظة طلعت كل مكونات الكيك ..
ورتبت كل شيء في مكانه …

وصال : بحماس ..
_اني جيتتت

رشا : احلي جيته

وصال : تسلمي

نورا : تعالي خلي نبدوا هي …

وصال : قوليلي بالخطوة تمام

نورا : اول شيء تحطي البيض زي توا وتحطي معاهم السكر والفانيليا واضربهم كويس …

وصال : بتركيز
_اية به وشن تاني

نورا : وبعدين تحطي الزيت وتضربي وبعدين
تحطي الحليب والدقيق والكاكاو والخميرة

وصال : تجنن تصدقي

نورا : تسلمي وتوا تحطيها في الكوشة …
ونبي نطلع حجات التزين توا …

وصال : اية صح …

نورا : مش مقصرة مزالت تبدع في حاجتها
ووصال عاجبها الوضع ….

بعد وقت تمت الكيك مع التزين ..

وصال : بفرحة يااااي يهبل شكلها

نورا : تسلمي عسلي
?????

وصال : اكيد بنات ولاء وصلت خلي نمشي نشوفها
استحشتها موووت …

نورا : حبوبه البنت هادي اصلا ..

وصال : اية ولله هي نتلاقو حبي ..

نورا : نتلاقو عسلي …

….

وصال : ياهلا ومرحبا …

ايناس : جت تجري تحضن في وصال

وصال : بعدتها اييي خنقتيني ..

ايناس : بحقد من شكل وصال
_ اني خنقتك حرام عليك حلووو التغير

وصال : نبصر معاك خيرنا عاااد
_ تسلمي حبيبتي والله ..

ايات : ايناااسووو حبي

ايناس : يويو استحشتك يابنت

ايات : حتي اني ياكسولة

ولاء : حضنت وصال وينك ماتردي علي اتصالاتي
ياشينه طالعه تهبلي ??

وصال : تسلمي حبيبتي وقوست فمها بدلع مارديت علي حد حاسة روحي مضايقة وقريب نتفجر …

وايناس وايات شبحوا لبعض بانتصار ..

ايات قريب تموووت من شكل وصال
حاسة بغيرة وحقددد …

ولاء : خيرك حبيبتي شن مضايقك
ياروحي …

ابناس : اية صح شن مضايقك تعالي نركبوا الفوق نهدرزو علي راحتنا …

وصال : لالا خلينا في الصالة مع خالاتو افضل
صح ياولاء …

ولاء : اية افضل بجد …
????

ايناس : بس اني نبي ناخد راحتي ومخاطريش نقعمز مع النسون كيف الحل …

ايات : وحتي اني زي ايناس نبي ناخد راحتي
ونهدرز بحرية ..

وصال : باهي تعالو للصالة الجانبية غرفتي حايسة
الحق فوق تحت …

ايناس : شافت لي ايات بمعني شن صاير
???

ايات : قامت حاجب بمعني مش عارفه

وصال : متابعه كل حركاتهم …

? توا نوريكم خبثكم في غرفتي وتطعنوا فيا
في ظهري لكن في الجديد المعاملة رح تتغير …

ايناس : قوليلي ياويصو شنو مزعلك حبي
شغلتيني الحق …

وصال : الحق يابنات اني سيبت عادل
????

ولاء : افضل شي درتي …

_ في المربوعة الخارجية …

مراد : خش للمربوعة مالقي حد استغرب قعمز يلعب بي فونه بملل ….

_? خلي نمشي نسلم علي خالاتي ونطلع نشوف الشباب وين سكر فونه وحطه في جيبة وطلع ….

وصال : بصراحه يعني يابنات هوا الولد كويس معاي وولد ناس وعيلة بس هوا مصر يتقدملي الفترة هادي واني رفضت فا تعركت معاه واني سيبته …

_ بجد يابنات داخيه شن الحل معاه هذا …

مراد : نصدم بكلمته يبي يتقدملي وقعدت تلف في راسه نفس الكلمة شعلت فيه ناااار وماسمع باقي الكلام وطلع من الحوش وحاسس روحه قريب يتفجر ..

ولاء : كان الولد كويس علاش ترفضي حرام عليك
وقتنا هذا صعب تلقي ولد حلال صادق مدامه طلب الحلال توكلي يابنت ….

ايات : لون وجها تغير ورتبكت ..

_ اية اية صح كلام ولاء

ايناس : عوجت فمها بمكر
_ امممممم اي اي ..

لكن في داخلها قريب تتفجر من الغيرة والحسد
وتشوف لي وصال بغيره واضحه …

وصال : مدامه ولد حلال حق ويحبني يسني لن نكمل دراستي وحتي لو سيبني مايهمش الف من يتمني قربي وشدت شعرها وتدلع …

وحطت رجل علي رجل بغرور تقهر فيهم …

ايناس : قريب تموووت من القهر …
_ ربي يسعدك ياروحي …

وصال : وان شاء الله ربي يعيك علي قاس نيتك
ياورحي …

ولاء : ربي يحفظك ويهنيك يا ويوي انتي تستاهلي كل خير

وصال : اجمعين ياروحي …

ايات : مش عاجبها الوضع وحاسه بشي غلط

وصال : وانتي يا يويو ربي يعطيك علي قاس نيتك
ياعسل

ايات : ان شاءالله يارب

وصال : تعرفوا يابنات نحكيلكم قصة بنت مسكينة سخفتني يايناري عليها …

ايناس : احكي يلا …

ايات : شن القصة …

ولاء : احكي احكي هههه

وصال : عندي صاحبتي من بعيد يناري عليها عندها صديقات الله يبارك عليهم عينكم ماضرهم …

تعرفت علي شاب وحباته وحبها وكان اول حب ليها
اول تجربة ليها وحبيبها طلب منها طلب صعب يلي هوا انه تطلع علي اساس بوس ولمسات ….

البنت خافت وتراجعت وكلمت صاحبتها المقربة بس صاحبتها هادي تدعي الحب والطيبة وهيا كلها خبث وحسد …

ولاء : الناس هادي وعععع قداش مانكرهم
بجد امتي رح ينقرضوا …

ايات : متابعه لكل حرف ….

وصال : اية ولله بجد حالة …
المهم البنت كلمت صاحبتها وحكتلها شن طالب مشي صاحبتها علي اساس تنصح فيها وقتلها مدامه يحبك ويبيك بري وماتقصري معاه لو حق تحبيه وتبيه خليك فري ….

ايات : ولت تبلع في ريقها بتوثر …

وصال : وفعلا البنت المسكينة طلعت مع الحب
وصار لصار ولما روحت حكت لي صاحبتها شن صار معها …

بس صاحبتها الخبيثه مشت شهدرت بيها وقلبت كل الكلام البنت سمعتها نضربت قدام قروبها ….

وياريتها وقفت علي تمسيخ السمعه وبس مشت كلمة حبيب البنت وقعدت تكدب عليه وتقوله هادي وحدة خامرة تكلم وتطلع مع الشباب وحرقت صورة البنت قدام حبيبها ….

حبيب البنت صدق في حبيبته الكلام وقعد يهدد فيها بصورها وقعد يغتصب فيها والبنت ضاعت مسكينه …

ايات : تبلع في ريقها بخوف وشافت لي ايناس

ايناس : طنشت ايات ..

_ياروحي وجعتني البنت مظلومه في هلبا ناس بطريقة هادي …

وصال : فعلا كلااامك هلبااااا ناس بنفس الطريقة
ومرات الناس لي تقولي هما سندي تلقيهم هما سبب دمارك وحرقت قلبك

ايات : اية صح كلامك ياوصال
ربي يحفظنا منهم …

وصال : عارفه اصلا ان كلامي صح
وان شاء الله ربي يحفظنا منهم ومن شرهم ..

ولاء : بجد وجعتني البنت مسكينة ولله معقولة في بشر هكي خلاص الرحمة في قلوبهم ماتت

وصال : اية ولله اني بروحي مصدووومه …

ايناس : ? لا يكون حست علينا بس مستحيل اني مسحت كل السجلات اكيد مش حاسة بشي

وصال : شافت ردود فعلهم المخلوعة ..

_اني شوية ونجي يا بنات بالاذن …

ولاء : اصبري نبي نمشي للمطبخ شوي

وصال : تعالي حبي ..

ايناس : حاسة في شي غلط

ايات : لاتكون حست علينا لان حسيتها توجه في الكلام لينا مش عارفه علاش

ايناس : لالا مستحيلة لاني مسحت المكالمات من وين بتعرف

ايات : مرات هوا عاودلها الكلام

ايناس : عينك يامريضه …
_ اني خديت رقمه وطلعت معاه وفكرك كافي ومصدق الكلام وذايب معاي علي اخر تكه …

ايات : قصدك لي بالي بالك

ايناس : هههههه بزبط لي بالي بالك وطلع معلم
تعرفي من الاخير …

ايات : بحقد
اممممم به كويس …

وصال : سوري عطلت عليكم …

ايات : لالا اني شوي ونجي

وصال : خودي راحتك …

خدت فونها وسكرت التسجيلات وقعدت تبتسم
بنتصار …

ايات : ضروري نكلم الشغالة الخايبة شن علاقتها
بي حمزة حبيب قلبي …

عند ولاء ونورا …

ولاء : اية ياريت تحكيلي القصة من اولها لاني حسيت ان في شي غلط …

نورا : خلي الكلام بينا وراسك

ولاء : نوعدك مش رح نحكي لي اية مخلوق

نورا : قصتي وووووووووو

ايات : بشر واني نقووول شن السرررر

_نسحبت بخفة ووقفت علي المرايا وقعدت تبتسم لي تتفكارها لي قاعدة ادور في راسها …

ولاء : ياروحي عليك يانورا ربي يحفظك منهم يارب
اكيد فترة وتعدي لكن انتي ديري بالك علي روحك

نورا : ان شاءالله يارب ..

وشكرا على تفهمك غلاي

ولاء : عيب عاد انتي صاحبتني راك

نورا : واحلي صحبه ولله …
مدامك عرفتي قصتي وشبعتي فضولك توا بري واني توا نلحقك …

ولاء : الله غالب هكي طبعي فضوليه ??اموووواح باي

نورا : مجنووونه …
ومشت خلفها بالسفرة …

__________________________

عند الشباب …

اياد : هههههههه
عيب عليك ولله ..

انس : ولله زي ما نحكيلك هذا لي صار

مراد : مش معاهم نهائيا دماغه في مكان تاني …

ايوب : هذا خيره مسبوه من بكري تقول ضاربه
مرض التوحد

ايهاب : علمي علمك ولله ..

ايوب : حط يده علي كتف مراد
_ غير وين وصلت بس

مراد : نخلع …
_ خير شن تبي

ايوب : قام حاجب ..
_ قول ولله قصدك انت عاجبك حالك

مراد : حالي زي كل الناس والحمدلله

ايوب : تأكدت انك مش بخير نهائي قولي خيرك شن صاير معاك

مراد : ? مستحيل نخليك لي غيري يا وصال
حياتي واحلامي كلها بنيتها بأسمك ولا يمكن نسمح لي اية انثي تاخد مكانك …

ايهاب : مراد يازفت شن صاير معاك

مراد : نبي نتزوج

ايوب : غير مني ووعد راجلك تكون ليك

الكل سكت فجاءة ..

مراد :
_______________________

منيرة : اسمع يا خالد بنت خوك تجيبها من تحت الارض او اقتلها من غادي لي غادي …

خالد : رح ندور عليها ورح نخليها تتنازل وبعدين
رح نتخلص منها زي اهلها …

منيرة : فكه اصلا جيفة وماتت …
???

?????????????

شن بصير تابعوني ..

يلا نبي توقعاتكم ….

?????

الكاتبة : Eman Albasha

الكاتبة : Omaima Trabelsi

….. توم الروايات ….

error: