خادمة علي عرش الثراء
الحلقة : 19 …
من رواية : خادمة علي عرش الثراء …
___________________________
ريما : تمادت …
_ يكون في علمك انتم مكانكم تحت رجلينا ياماما وانتي ويها ويلا بسرعه بسرعه وضربت ايناس علي راسها خفي روحك انتي التانية لاني ميته شررر …
ايناس : عيونها ولو دموع دموع ادكرت كلمتها لما قعدت تستصغر في نورا وتقولها مكانك تحت رجلينا
نورا : غمضت عيونها ..
_وينك ياايوب ساعدني لو تحبني ساعدني انقدني منهم عندي احساس انك مش رح تخليني بين يديهم
يارب ماتخدلني ياحبيبي اني في انتظارك ياحبيبي …
حست بشي سخون علي وجها خلاها تفوق للواقع
منيرة : انتي حقيره يال## انتي ديري في روحك طرشة عليا اني هاااا
نورا : وجعها الكف حار ..
_ عيونها دمعو مش قصدي اا
منيرة : سكرررري فمك فمك تسكري حتي نفسك معدش نبي نسعمه ويلا بسرعه خفي روحك …
وتشوف لي نورا من فوق لتحت بطريقة مش حلوة
ايناس : وجعتها نورا وحست بحجم الاخطاء يلي كانت ترتكب فيهم …
وحست علي نفسها وعرفت انه مافي شيء يدوم
الا وجه الله …
منيرة : بخبث شدت المقص وقريت من شعر ايناس …
_ هذا شعرك يلي مبهدلك ومش مخليك اديري
شيء توا اريحك منه ياروحي انتي يادلوعه ..
ايناس : رجعت للخلف بخوف
_ ارجوك الا شعري ارجوك ..
منيرة : تفنص في عيونها وتتكلم بعصبة ..
_ تعالي جاي احسنلك
ايناس : ارجوك الا شعري باللهي عليك لااا
منيرة : قربت من ايناس وقعدت تضرب فيها
_ اني شن قتلك يالوقحه قتلك تعالي جاي ولا
انتي تسكري في راسك معاي ولا كيف تسكري
في راسك خودي هي …
ايناس : تعيط بوجع من حدة الضرب …
ريما : تتفرج بمتعه ومتشمته فيهم
وفي الاخير ملت و طلعت وخلتهم ….
_ حتي اني فاضيه نضيع في وقتي معاهم
خلي نمشي لي بيبي افضل ياااا ياحبيبي
وربي استحشتك موووت ???
تقصد علي فيصل ….
اما نورا …
نورا : تشوف لتحت بحزن …
وتدعي ان الليلة تعدي علي خير …
منيرة : قصت شعر ايناس بكل حدة ونصه
قطعاته بين يديها …
ايناس : تبكي من القلب …
منيرة : المره هادي فوتتها المره الجاية مش
رح نفوتهااا ولما نقولك تعالي تجي ..
ايناس : يغضب
_ حسبنا الله ونعم الوكيل فيك ياظالمة
انتي مستحيل تكون انسانه انتي شيطانه
منيرة : ظلمت قدامها ..
_ اني نقوليلي شيطانه يا### شدت السكين وجاية بتضرب ايناس بسكين بس
نورا : جت تجري وتلقت الضربه بدل ايناس …
وو
____________________________
خالد : صحيت بارك الله فيك ..
الشرطي : انت صاحبي ياخالد وصديقي
وقولت ضروري نكلمك و نساعدك ..
خالد : طلع ربطة فلوس ..
_ وهذا حقك زي ما قتلك ياصاحبي ..
الشرطي : يشوف للفلوس بفرحه وطمع
????
اما عند وصال ..
وصال : ناضت مفزوعه وتبكي ..
_ شافت كابوس مش حلو نهائي ناضت تجري بخوف
نزلت تحت ..
منى : مقعمزة تحت وتفكر في نورا ..
حست بحد يحضن فيها وصووت شهقات بكي
نصدمت …
_ وصال حبيبتي خيرك ياقلبي
وصال : ببكي
_ شفت كابوس مش حلوو
مى : خلاص اهدي حبيبتي مجرد كابوس
وانتهي اهدي ياروحي
وصال : بدت تهدي بشوي بشوي ..
مى : قعدت تقرا علي وصال وترقي فيها
اما عند ايوب واياد …
شبه ليل تام وهما مش راقدين …
ايوب : خلاص انت تمشي للجيهة هادي
واني نمشي للجية التانية
اياد : تمام بينا مكالمة ? معناها
ايوب : تمام
بعد مرور ساعة ونص ..
ايوب : الووو شن صار
اياد : بخيبة امل
_ لان مافي شيء وانت شن صار معاك ..
ايوب : نفسك معناها تعالي للجيهة التانية …
نمشوا مع بعض ..
اياد : اوكي دقايق ونكون عندك …
____________________________
ايات : ناضت الصبح بحزن
ولاء : اسمعي يابنت رديت علي امي امس وقلتلها بنتك موافقه علي الخطوبة وشي تاني امك يلي انتي مكش دايرتلها حساب في حياتك من امس وهيا مشغولة عليك فايريت تتكرمي وتنزلي وطمني قلبها ياريت يعني ..
وطلعت …
ايات : حتي وانتي قاسية معاي ياولاء عيونك ديما
فاضحينك كلامك القاسي كله من وراء قلبك …
_ ناضت دخلت للحمام وحطت كريم خافي للعيوب
ونظمت روحها ونزلت …
ولاء شافت ايات فرحت بس مبينه العكس ..
شادة فونها وتلعب بيه وتراقب من تحت لتحت ..
ايات : صباح الخير
نعيمة : صباح النور وينك يابنت مختفيه
هذا كله خجل ههههههه
ايات : بحزن
_ هه اية ياغالية
نعيمة : حست علي ايات فيها شيء غلط
_ ايات يابنتي لو مكش راضيه
ايات : لالا تدعي الفرحة ..
_ اني موافقه يعني و شافت تحت بخجل ..
نعيمة : ههههههههه ..
واخيرا شفتك تتحشمي ربي يسعدك يابنتي
ايات : بشبه ابتسامة …
_ ان شاءالله ياغالية ..
شادة دموعها بسيف ناضت حضنت امها وتفجرت بكي ..
نعيمة : نخلعت ..
_ ياساتر بابنتي خيرك في شيء من مزعلك
ايات : لا بس اني اني وتفجرت بكي
ولاء : باندفاع ..
_ خايفه تخليك بروحك ياغالية ..
هههههه طلعت اختي حساسة
نعيمة : ههههههههه …
_ يعيط الهني يابنتي وخلاص
ايات : حاولت تتمالك نفسها
_ اميييي
نعيمة : تفجرت ضحك علي منظر ايات
ايات نقلب وجها الوان ..
????
ولاء : واجعها خاطرها بس تدعي القوة ..
___________________________
منيرة : حدفت نورا بدون رحمه ياااكلبة
نورا : شدت جرحها بوووجع موووت ..
منيرة : حدفت السكين وجت تضرب في نورا كفوف
اني شن قتلك يالوقحه هاااا
ايناس : جتها زي الصدمة ..
_ قعدت مسبوها وخايفة ترعش مع بعضها …
نورا : معدش عندها طاقة اكثر من هكي الالم كل
مرة يزيد في كتفها ..
منيرة : مزالت تضرب في نورا بحدة …
ايناس : حاولت تتمالك نفسها زناضت بحقد وكره لمنيرة وشدت السكينه بدون وعي ورشقت في منيرة السكين من الخلف …
منيرة : حست بشي حاد اخترق جسمها وقفت
ضرب وطاحت بوجع قاتل ..
ايناس : حدفت السكين بخوف وشدت نورا بسرعه وركبتها الفوق ..
خدت صندوق الاسعافات ? …
_ وعقمة جرح نورا علي السريع …
نورا : تبكي بوجع ..
ايناس : تحملي شوي خلي نحطلك بنج
نورا : لالا خليني وتبكي وتعيط من الوجع …
ايناس : اسمعي اني واخده دورة ونعرف كيف نتصرف ارجوك خليني ندير حاجتي
نورا : اوك بس بسرعه ….
بعد وقت حوالي 5 دقائق ..
ايناس : كملت خياطة الحمد الله الصندوق فيه كل شيء يلزم …
نورا : شن صار فيها
ايناس : ان شاءالله تموت وتفكنا منها
ومن شرها توا خليك معاي ركزي معاي و ساعديني ..
نورا : تمام ربك يستر وخلاص ..
ايناس : ان شاءالله بس خليك هكي ..
نورا : شكرا لانك ساعدتيني …
ايناس : وانتي شكرا لانك دنفعتي عليا ..
يعني متعادلين …
نورا : بسرعه نوضي مستحيل نقعد اهني تاني
ايناس : بخيبة امل
_ وين رح نمشوا مثلا
نورا : انتي غير نوضي بس وربك يفرجها …
ايناس : تمام …
ايناس ونورا طلعوا بسرعه …
بعد وقت ..
خالد نازل تحت ويغني بسعادة اليوم رح
يجيب المحامي ويكتب كل شيء بأسمة ..
خش للمطبخ نصدم بمنظر منيرة الصادم ..
نزل تحت وقعد يحاول يفيق منيرة بس مافيش استجابة نهائي ..
_____________________________
ربيعة : راقدة في المشفى ومش حاسة بشئ
مراد مقعمز وحاطط راسة بين يدية
انس : الحل ياخوي امك مش راضيه علينا وحالتها كل مرة تسواء ..
مراد : نجيبوا اختك تشوف امي
انس : استغفرالله عليه العظيم وخلاص
مراد : في رايك في حل تاني
انس : لاسف مافيش وامي اهم من كل شيء
بنسبة ليا …
مراد : خلاص نجيبو اختك ولو هيا مرتاحه مع
زوجها الله يهنيها ولو تبي ترجع الحوش حوشها ..
المهم خدت درس
انس : اني مش رح نسامحها بساهل
مراد : اهم شي عندي امي …
انس : انت خليك مع امي اني ماشي لراجلها
الزفت هذا
مراد : مش عارفه شنو حببها فيه بس
انس : واني عارف يعني ..
???
وطلع …
______________________
عند حمزة متكي علي السرير ..
حمزة : تي وينه بوي لي توا مش مبين باش علي اساس جلسة العلاج اليوم تبدا ..
شد الفون يتصل للمره 12 …
_ بس مافي رد نهائي حدف الفون بغضب و قعد يفكر ..
علي خشت انس ..
انس : السلام عليكم
حمزة : وعليكم شاف انس تغير لونه
_ جاي شن تبي ان شاءالله ..
انس : بغضب ..
_ انت تسكر فمك علي اساس اني ميت علي خليقتك وينا اختي …
حمزة : ماعندك شيء عندي ..
???
انس : بصوت حااد
قتلك اني وينا اختي ياحيوان ..
حمزة : يصوت مستفز
اختك لي تحكي عليها شغاله عند اهلي وامي رح تاخدلي حقي منها اختك وحدة حقيرة …
انس : انت كيف تتجراء وتتكلم علي اختي بطريقة هادي وشد حمزة وقعد يضرب فيه …
حمزة : قعد يتفل في دم
_ تصدق اختك وحدة رخيصة وتستاهل اسوء
معامله يعني معاملة حيوانات …
انس : اختي اغلي منك قعد يضرب في حمزة بجنون ..
حمزة : برغم وجعه يضحك بجنون هههههههههه
هوا انت بروحك رخصت اختك اصلا …
انس : ياحقير يا###
حمزة : بحدة
قتلك ماعندك شيء عندي واضح كلامي
انس : اختي رح ترجعلي وصدقني رح ناخدها غصبا عنك ياتافه ..
وطلع بغضب من نفسه قبل كل شيء …
قعد يذكر شن دار في نورا وكيف نحط في
نفس الموقف ..
حمزة : مش قادر يتكلم من كثرة الارهاق لي قاعد يحس فيه …
____________________________
اما عند نورا ايناس …
نورا : الزفت الزفت البواب هذا مستحيل يخلينا نطلعوا بساهل ..
ايناس : بخوف
_ والحل يعني
نورا : اسمعي انتي خودي العصى هادي تمام
ايناس : خدت العصى
باهي تمام
نورا : وووووو
_ تمام
ايناس : اوك تمام …
نورا : تدعي انها تعبانه ..
_ ساعدوني ساعدوني
البواب : جي يجري لنورا ..
_ عفوا يااختي خيرك ..
نورا : درات روحها مغمي عليها وحالتها حاله
البواب : نزل تحت ويحاول يشيل نورا ..
_ ويبتسم بخبث …
ايناس : شدت العصى وضربت راس البواب
اغمي عليه جي طايح طول في العرض …
Eman Albasha….
نورا : ناضت بوجع هيا بسرعه
تلفتت للخلف اطمنت انه مافي حد …
ايناس : هيا بسرعه هيا
نورا : طلعت تجري …
ايناس : بنفس الخفة
_ اسمعي ضروري نمشو للمشفي انتي تنزفي
وهذا خطر علي حياتك …
نورا : بخوف ..
غير نبعدو بسرعه وبعدين ساهل …
ايناس : تعالي نمشوا من الطريق هادي
احساسي يقول انها اطلع علي الرئيسي ..
نورا : اية نعرفها الطريق هادي بس خفي روحك بسرعه ..
وفعلا طلعوا علي الرئيسي ..
اما عند خالد ..
شال منيرة وحطها علي السيارة ومشي يجري
للمشفي خايف عليها موووت …
بعد وقت …
نورا : حست بدوخه فقدت هلبا دم
ايناس : شافت تحت وين رح نمشوا
نورا : خلاص بدت تحس بدوخه
ايناس : شافت حالت نورا خافت عليها وسندتها ووفقت تاكسي ..
التاكسي : تفضلي علي وين اختي
ايناس : نبي اقرب مشفي بس اوخي ولله ماعندي فلوس بس عندي سلبت خاتمها خوي عندي خاتم دهب يمشي حاله
التاكسي : بطمع ..
_ اكيد يمشي حاله ..
ايناس : بس بسرعه اختي تعبانه وتنزف …
التاكسي : ماشي حاضر ..
يشوف في وجه ايناس ومستغرب في الكدمات
وحالتهم المتبهدله …
ايناس ركبت نورا وركبت معها …
______________________
ايوب : السلام عليكم ..
الشرطي : وعليكم السلام
ايوب : ممكن نبيك في راس كلمه
الشرطي : بتوثر
_ تفضل خوي …
ايوب : قرب من الشرطي وبصوت واطي
رح نعطيك ضعف المبلغ لي خديته من
خالد بس بشرط نبي نعرف مكانه ..
الشرطي : سكت وقعد يفكر …
ايوب : ضعف المبلغ ..
الشرطي : بخبث 10 وهذا اخر كلامي …
ايوب : تمام 10
الشرطي : رح نعطيك كل شيء نعرفه عليه
اياد : يراقب في تحركات الشرطي …
_بس مش رح تاخد ولا قرش الا لما نتأكدو من
صحة كلامك
الشرطي : بخبث
ومن قال انكم رح تعطوني المبلغ جد
ايوب : طلع فلوس ..
_ خلاص معنها هذا ربع المبلغ ..
الشرطي : فرح علي الاخير ..
_ خلاص اني موافق ووووووووو
اياد : ???
_ وطلع
ايوب : زي ما اتفقنا بس لو …
الشرطي : تي عيب استاذ ايوب هيا كلمة راجل
ايوب : تمام مشكور خليك علي انتظار
الشرطي : تمام اصلا توكتي اليوم …
_وقعمز يعد في الفلوس ..
طلع ايوب بالهفه علي شوفت نورا …
___________________________
عند ريما …
خشت للحوش وعبت الدنيا كلها شموع …
ونظمت الحوش وحطت الاكل ولبست روب
نوم فاضح وقعدت تستني في حبيب القلب …
_ اكيد حبيبي رح تعجبه السبرايز ..
شدت فونها وقعدت تراسل فيه بس مافيش
رد تتصل بيه يفصل عليها ..
وينا هذا ?? ..
اما عند فيصل ..
مقعمز مع حبيبته ويهدرز عليها بحب وغرام ..
فيصل : هيا نمشوا للشقة حياتي
البنت : تمام حبيبي
فيصل : تعرفي اني نحبك مووت صح
البنت : بدلع واني نحبك ياعمري بس انت مش عارفه خيرك معاي
فيصل : بحب
_ خيرني حبيبتي
البنت : مكش مهتم بيا زي ايام قبل …
بس مع هذا مزلت نحبك ونبيك
فيصل : شد يدها بحب
صدقيني ياحياتي مهما يصير انتي الوحيدة لي رح تكوني مرت وام صغاري وانتي عارفه موضوع الشغل
واخد كل وقتي ..
البنت : بفرحه
_ عندك الحق ياعمري انت ..
فيصل : يشوفلها بدوبان …
هيا ياعمري
البنت : هيا ياقلبي ..
________________________
ايناس : تفضل ياخوي
التاكسي : اكيد مش رح ناخد منك شيء
حبيت نساعدكم لوجه الله
ايناس : بجد شكرا
التاكسي : الشكر لله ..
?ولله قطعوا قلبي ربي يحفظكم
ايناس سندت نورا وقعدت تساعد فيها ..
نورا : نزفت هلبا شبة مغمي عليها ..
وتفكر في ايوب وتتكلم بروحها …
انس طلع من المشفي وسرحان ومش شايف اخته
قدامه ولا ايناس شفاته ..
??????
اما عند منيرة …
خالد : ماشي جاي جاي ماشي …
بعد دقايق ..
الدكتور يجري لازمنا دم ضروري
خالد : دمي ودمها واحد اسحبو مني
الدكتور : تمام ياريت بسرعه ..
????????
نورا : فتحت عيونها شافت انس سرحان عضت
في يد ايناس ..
ايناس : عيطت من الوجع اااااااا
نورا : جت طايحه ..
انس : كان سرحان فجاءة نخلع من صوت العياط
شاف قدامه ونصدم
ايناس : شدت يدها بوجع علاش يانورا درتي هكي
حرام عليك ولله توجع وحاولت تشيلها من جديد
انس : جي يجري …
_ حضن ايناس وقعد يبكي ?? ..
ايناس : مصدومه وخايفه مش عارفه مني لي
يحضن فيها …
اما وعند نورا اغمي عليها كليا …
انس : الحمد الله لقيتك الحمدلله
ايناس : قعدت تبلع في ريقها
_ انس
انس : اي انس ياغالية …
وقعد حاضنها بقوة كانها رح تهرب من بين يديه ..
ايناس : تفجرت بكي بس مسحت دموعها ودفته
_ انس ارجوك بسرعه رح تموت نورا رح تمووت
انس : نفجع من كلمة تموت …
شاف جثت نورا نخلع شالها وقعد يجري بيها لغرفة الاسعافات وفعلا استقبلوها وخشت لغرفة العمليات …
_____________________________
اما عند اياد وايوب ..
اياد : هذا العنوان …
ايوب : هيا بسرعه بس خليك حريص ..
اياد : تي شكله المكان فاضي ياراجل ..
ايوب : مش عارف بس خف روحك بسرعه
اياد : تمام وخش ..
ايوب : خش للحوش خالي مافي حد
اياد : ما في حد
ايوب : خش للمطبخ شاف دم في كل مكان
استغرب …
اياد : شن صاير بزبط …
سارة : خشت للحوش بس نصدمت بوجود
اياد وايوب بخوف ..
_ من انتم ..
اياد : اختي مش قصدنا ندخلوا بطريقة هادي
بس نبي نعرف هذا حوش خالد الباشا
سارة : اي يكون بابا بس من انتم
اياد : نبي نعرف وين نورا
سارة : وشن تبو في نورا
ايوب : بغضب اني زوجها بس بوك خطفها مني
سارة : نورا كانت اهني قبل لانطلع وكل العيلة كانت موجودة اهني ..
اياد : وين مشو
سارة : خليكم خلي نتصل بيهم
خالد : طلع شبة دايخ ..
_ الووو
سارة : فاتحه المايك
_ بابا شن صاير وينكم
خالد : بنت عمك والكلبه لي معها
ضاربين امك بسكين
سارة : بصدمة ..
_وامي كيف حالها
خالد : في العمليات حاليا ..
_ بس طمني الدكتور انها رح تكون بخير
سارة : باهي الحمد الله ..
– ونورا وايناس وين
خالد : بغضب ..
_ مش عارف وين هربوا …
سارة : اني جاية انتم في اية مشفي
خالد : مشفي ####
سارة : مسافة الطريق بس
وسكرت الخط ..
_وهكي نكون ساعدتكم ودرت يلي عليا
ايوب : بارك الله فيك
اياد : وين تكون مشت زعما
ايوب : شوف الدم لي كان موجود واضح مش لشخص واحد بس يعني في احتمال تكون نورا مصابه …
اياد : يعني في رايك انها مصابة
ايوب : احساسي هكي يقول ..
اياد : هيا بسرعه معناها ..
ايوب ? وينك يانور حياتي وين اختفيني
ان شاءالله تكوني بخير حياتي بدونك عذاب …
____________________________
اما عند انس …
ايناس : مقعمزة وتبكي
انس : يشوف لي ايناس ويتألم لي منظرها
كلها كدمات وحالتها حاله ..
ايناس : حاولت تتجاهل نظارات انس
انس : حضن ايناس …
_ اني اسف
ايناس : مافيش داعي تتأسف اني نستاهل هذا الشي
انس : ببكي ..
_ ما توقعت في يوم من الايام رح نشوفك بالحالة هادي ..
ايناس : الحمد الله …
انس : اني اسف بجد
ايناس : ببكي خلاص ياخوي اصلا اني السبب
في كل شيء صار ونستاهل مايجيني …
انس : حضنها رح ناخد حقك منهم ياغالية
حقك عليا ..
ايناس : ارجوك هدوم مش بشر رد بالك تورط
روحك معاهم لو تحبني وتبيني نسامحك
انس : نرفع فيهم شكوي ..
ايناس : بنهيار
_ هدوم مستعدين يشرو كل شيء
هدوم مش بشر مستحيل يكونو بشر
طلع الدكتور …
ايناس : ناضت بفرغه مسحت دموعها …
_ طمني دكتور
الدكتور : المريضة الحمد الله بخير
ايناس : بأمكاني نشوفها ..
الدكتور : لاسف مش رح تقدري تشوفيها لانها رح تتوجه لتحقيق
انس : لانها محاولة قتل قصدك صح
ايناس : لالااا ارجوك لااا يادكتور
الدكتور : هذا شغلي وصعب نرجع في الشي هذا
انس : شد الدكتور علي جنب
الدكتور : خلاص بس المره الجاية مش رح نساعدكم
ايناس : بجد شكرا دكتور …
الدكتور : تفضلي معاي
ايناس : بستغراب
_ علاش ..
انس : عاجبك شكلك كيف مورم
ايناس : مشت مع الدكتور وحاسة بنكسار
???
عند ايوب …
قريب ينجنن دور علي اكثر من مشفي بس مافي
اية اخبار نهائي …
اياد تعب …
ربيعه ماشية علي الحقن وخلاص …
وصال ومنى علي جمر …
رشاودلال شادينها بكي علي حال نورا …
?????
_________________________
شن بصير تابعوني …
قصرت في الحلقة لان في ناس ماتفتح عندهم الحلقات الطويله بسبب الفيس الايت مايفتح
حلقات طويلة ….
الكاتبة : Eman Albasha
الكاتبة : omaima Trabelsi
شن بصير تابعوني …
????????