خادمة علي عرش الثراء
الحلقة : 2 …
من رواية : خادمة علي عرش الثراء …
_____________________???
نورا : مزالت نتمشي من مكان لي مكان …
وقفت بملل ياربي وين المطبخ وربي دخت …
اكيد اهوااا …
قعدت نتمشي بسعادة وفعلا وصلت للمطبخ ..
ارتحت نفسيا لما لقيته فاضي خديت كاسة امياه
…
وبعدين فتحت الثلاجة بما انه مافي حد لكن بتردد ..
طلعت جبنة لي قدامي وقعدت ناكل فيها بشراسة معدش قدرت نقاوم جوعي ?? …
بعد لاكملت اكل حسيت بظل قدامي اني نجمرت في مكاني …
قمت عيني شفت شخص في قمة الجمال حسيت بخوف مش طبيعي وارتكبت مع بعضي …
لقيته واقف وحاط يد علي يد ويتأمل فيا ..
كاردة فعل مني طلعت نجري من الخوف …
خشيت لغرفتي وسكرت علي نفسي الباب ….
وحطيت يدي علي قلبي بخوف …
شديت سريري ورقدت نستنا في غدوا علي احر من الجمر ….
______________________?????
حمزة : اني اسف يابوي بنت عمي ضربتني علي راسي ولما حاولت نلحقها لقيتها هربت مع واحد
وماقدرتش نشدهم …
خالد : بغضب
الحقيرة هادي وربي موتها علي يدي …
منيرة : بخبث علاش دير في رقبه علي خاطر وحدة ماتسوي شيء …
للعلم اسأل بناتك اكثر من مرة يسمعوا فيها تتكلم في الفون كلام حب وغرام ومربطة معاه اكثر من موعد وفهمك كفاية …
اني وبناتك نصحنا بس هيا مانبي تقبل النصيحه
سارة : اية يابابا اكثر من مرة نترجي فيها بس هيا مش مدوره كلام حد
ريما : ومرة حتي ضربها وكسرت فونها بس مش عارفه كيف جابت واحد جديد ….
حمزة : يبتسم بشر …
خطة نجحت ..
منيرة : تشوف بشر …
?
كل الارث هكي رح نضمنه ليا ولي صغاري ..
سارة : تشوف بشر …
خالد : ناض تصدقي صح كلامك الحقيرة هادي خليها حرقه تحرقها …
بس لو شفت وجها تاني مش رح تشوف طيب وانتم بارك الله فيكم اهم شيء ضمنا الفلوس لينا ..
منيرة : اية اهم شيء …
ريما : بس احني محتاجين شغاله يابابا .
خالد : اية صح كلامك يابنتي ..
غدوا رح نجيب زوز اهم شي راحتكم ..
منيرة : فرحانه ..
ربي يحفظه الغالي لي خايف علينا وعلي صحتنا
حمزة : يفكر بخبث …
الهدف لي يبه وصله …
_________________________????
اياد : مقعمز ويبتسم علي منظر نورا …
بس علاش خافت مني ومن تكون هادي اصلا …
لكن ام الجمال لي عندها تبارك الرحمن …
منى : نكلم فيك ياولد …
اياد : في عالم تاني
مني : غير مني واخد عقلك بس …
اياد : لالا نفكر في الشغل ماتحطيش في بالك
قوليلي شن دايرة ياغالية ..
منى : اهوو نفكر غدوا نعزم خالاتك …
اياد : اية فكرة حلوة …
ايوب : مقعمز علي الابتوب ويشتغل …
_ قصدك هما كل يوم حكم عندك وتفكري تعزميهم
كيف تجي …
منى : هههههههه فهمت غلط شكلك
قصدي ندير بارتي للعيلة وكوفى مفتوح بمعني حفلة صغيرة كاتغيرت جو ..
اياد : اني عجبتني الفكرة بجد ..
ايوب : بعدم اهتمام …
دوا فاضية مايهمنيش ديروا شن يعجبكم
_ المهم وعيونه معلقات علي الابتوب
غدوا في ثلاته اجتماعات ضروري تكون موجود …
اياد : ماشي تمام …
ايوب : سكر الاب ويتكلم بطريقة جدية
اني توا نستاذن تصبحوا ..
وركب قبل لا يسمع الرد …
_______________???????
عند وصال …
علي الفون ?
وصال : حبيبي ولله صعب طلبك اني مستحيل نقدر نركب معاك في السيارة …
عادل : فاتح المايك ومقعمز مع الشباب
ويتكلم بخبث …
حبيبتي معقولة مش واثقة فيا لدرجة هادي
وصال : بالعكس انت تعرف ثقتي فيك قداش لكن شيء زي هذا صعب جدا
عادل : علي اساس تعصب …
اسمعي لما توثقي فيا تعالي كلميني اما هكي ماتفكريش واضح كلامي ..
وصال : بدت تبكي …
ارجوك ماتغصب عليا شيء اني مانبيشي راني
نحبك ونوثق فيك اكثر من نفسي بس طلبك صعب اني بصراحه نخاف من خوتي ولله وانت تعرف الشي هذا …
عادل : سكر الخط في وجها …
هيثم : ولله انك راجل وسيد التريس …
عادل : تي نعجبكم والمغرورة هادي جبت راسها ومزال الخير قدام كان مانذلها مانتسمي عادل ..
اسلام : مش عاجبة الوضع ..
_ باهي نبي نعرف انت شن شفت منها البنت
عادل : اني ماشفت منها شيء وبدي يتكلم بحقد .. بس خوها طردني وهاني قدام الموظفين ورح ارجع حقي منه …
هيثم : يضحك بخبث …
بصراحه عجبتني فكرتك ياراجل اصلا خوها مش عاجبني عيلة مغرورة وشايفه روحها ..
اسلام : لاحول ولاقوة الا بالله …
ولله الناس عادية بس انتم هكي ديما
_شباب ولله غلط لي قاعد يصير عندكم خوات راهو ..
عادل : اشقي بعمرك خواتي متربيات احسن رباية
هيثم : ? اية حق كان تندري اني نكلم في اختك وطالع معها اكثر من مرة قال متربيات قال …
اية ولله واني نشهد علي ذلك عيلة ماشاء الله
وخوات عادل ينشرو بالذهب ..
عادل : مشكور ياصاحبي علي الشهادة الطيبة
اسلام : بعصبية نستاذنكم عندي ماندير ..
ومشي وخلاهم …
هيثم : علي اساس داير روحه ملاك تي هوا تلقاه مامخلي ممداير من تحت لي تحت ..
عادل : تي فوتك منه مريض …
كانه مش ولد عمي راني فته قداش ليا
هيثم : ربي يصبرك منا وين باقي الشباب
عادل : في الاستراحة شكلهم مدلعين الجو
هيثم : اني بنمشي وانت …
عادل : جاي معاك
????
وفعلا طلعلوا ماشين للمحرمات …
_________???
وصال قعدت تبكي من القلب مسحت دموعها ضروري نكلم ايات اكيد رح تساعدني ..
ايات : بمرح مزيف
االووو حبي ..
وصال : ببكي ..
الوو يويو
ايات : وصال حبي خيرك حياتي صوتك مش عجبني انتي تبكي حبيبتي ..
وصال : تفجرت بكي …
ايات : خلاص حاولي تهدي شوي وفهميني شن
صاير ياعمري
وصال : عدوول طلب مني نركب معاه في السيارة واني رفضت لاني خايفه من خوتي بس اني رفضت وهوا زعل مني وسكر الخط في وجهي كيف الحل
نبي مساعدتك حبي ..
ايات : هما كلمتين تحبي توثقي فيه …
وصال : اكثر من نفسي حتي
????
ايات : خلاص ياعمري علاش مصعبة الامور
انتي مش رح تقوفي قدام الناس كلها بالعكس
في السيارة افضل ومافي حد يشوفكم …
وصال : بتفكير ..
هكي تقولي يعني نمشي ومش رح يشدني حد
هكي افضل في رئيك ..
ايات : بخبث ..
اية ياعمري هكي افضل توكلي وخوديها مني ليك مش رح يصير شيء غير انتي مصعبة الامور …
وصال : لكن حاسه بالخوف …
ايات : ايييي علينا عاااد …
خلاص خلي الخوف ينفعك اخسري واقعدي ابكي واندمي بعدين …
وصال : ????
ايات : تكمل بخبث …
ياااحلوة لو تبيه بروحك وتحبي جد ديري شن يقولك وانتم لي بعض في النهاية ..
وصال : اية صح كلامك حبيبي يوثق فيا ويحبني وخايف عليا ويغار عليا علاش مانديرش شن يطلب مني ..
ايات : بشرر
اية حبيبتي هكي نبيك بري ياعمري واكيد رح تمشي امورك عسللل وزي ماقتلك لي يطلبه ديريه باش يكون ليك بروحك …
وصال : تم حبي وبجددد شكرا لانك نصحتيني كنت مشتته وضايعه وشعور الخوف متملكني لكن الحمد الله انقدتيني في اخر لحظة نموووت فيك ياعمري انتي بجد بجد شكرا …
ايات : عيوني ليك غزالتي توا بري بسرعه وكلمي
خير مايزيد يزعل منك اكثر …
وصال : هههه اية صح كلامك توا هي قد باي
ايات : قد باااي …
سكرت من وصال …
ياعليك غبية ههههه ولله ومشيتي فيها ياوصالوااا
اصلا هذا المطلوب ياكرهي لانسانه هادي ?? ..
ولاء : غير في شنو تفكري بس …
ايات : وانتي شن دخل خشمك اصلا خليك لاهية
في شن كنتي ديري ..
ولاء : الحق مش فيك اصلا الحق فيا لي جاية ونسأل عليك عموما امي تبيك تحت شكلها بتقولك حوش خالتي عزمينا غدوا ..
ايات : نقزت من السرير ..
قولي ولله ..
ولاء : طنشتها وطلعت وخلتها ..
_____________________?????
نورا : متكية ودمعتها علي الخد …
الله يرحمكم ياغوالي شفتوا بنتكم من بعدكم شن صار فيها كنت كل شيء حلو واصبحت لا شي بدون قيمة …
كنت بين يديكم زهرة تنمو بس من بعدكم بديت نذبل وياريته هكي بس ويلي يجي يدوس عليها …
اخخخ يادنيا …
الله يرحمكم برحمته بس وعد رح ارجع حقي غصبا علي الكل هما سبعة شهور رح نصبرهم و نخدم فيهم ورح ارجع كل شيء لمكانه الاصلي …
الله لاتربحهم دمروني …
____________________??????
سبعة شهور كيف رح تمر علي نورا …
وصال كيف بصير فيها هل رح تطلع ويستغل
نقطة ضعفها ??? …
ايوب شن بصير فيه وشن السر لي خلفه …
اياد شن بصير فيه ???
????????
الكاتبة : Eman Albasha
_ ( توأم الروايات )…
الكاتبة : omaima Trabelsi
رواية مشتركة …