خادمة علي عرش الثراء
الحلقة : 24 …
من رواية : خادمة علي عرش الثراء …
______________________________
فات الوقت والبنات جوهم حلوو علي الاخير
مع بعض ….
مراد : ايناس يا ايناس …
ولاء : ايناس خوك مراد ينادي عليك
ايناس : حق ان شاءالله خير ياربي ..
ومشت تجري لخوها ..
_ نعم يامراد …
مراد : تعالي نبيك بروحك ..
ايناس : خافت بس مشت خلفه .
مراد : ولله شن بنقولك ..
_ راجلك
ايناس : شافت تحت
مراد : بتوثر
_ عطاك عمره ..
ايناس : شافت بصدمة من جدك تحكي
انت …
مراد : اية ترحمي عليه توا عند الخالق …
ايناس : بعدم اكرات ..
_ الله يرحمه
مراد : انتي عارفه انك في ايام العدة صح
ايناس : بأحراج
_ لاسف لا
مراد : انتي احكي لي امي وتوا تحكيلك
وهي تصبحي علي خير …
ايناس : وانت من اهلو شن قصده بأيام العدة
يلا توا نسأل امي وخلاص …
شافت مفتاح مراد طايح منه ..
_ ياعليك حاله وخلاص خلي نعطيه مفتاحة
و بعدين نمشي للبنات …
قعدت تتمشي نخبطت في حد قدامها بدون لاتحس قامت راسها قعدت تبلع في ريقها بخوف ورهبة وخايفة من خوتها يشفوها و يفهموها غلط …
ارتبكت مع بعضها اا وتبلع في ريقها ..
الشخص يشوف بأعجاب وصدمة في نفس الوقت …
ايناس بخوف حدفت المفتاح وهربت وحالتها ماطمن …
الشخص شد المفتاح وقعد يضحك علي تصرفاتها
واخيرا حصلتك يامجنونتي وعرفت مكانك …
محمد : الحكاية اعجبات ..
عبد الحكيم : بفضول
_ انت تعرفها ..
محمد : اخت مراد صاحبك ياغبي ..
عبد الحكيم : يحك في لحيته
_ يا سبحان الله علي الدنيا قداش ماهيا صغيره ..
محمد : بخبث ..
_ خيرك يادنيا انت شني مني شنو فيه ..
عبد الحكيم : شي شيء ماتحطش في بالك
مافي الا كل خير …
المهم احكيلي شن جو الخدمة معاك ..
محمد : اهوو ماشية ادفها تولع ..
عبد الحكيم : هادي سنة الحياة تمشي الامور
وقعد سرحان و يفكر في ايناس …
محمد يشوف بخبث وعارف ان عبد الحكيم في خلفه سر ويتمني لي قاعد يفكر فيه يطلع صح ..
اما عند ايناس خشت للحوش وحطت يدها علي قلبها لالالا مستحيللللل مستحيللللل …
غمضت عيونها بتوثر قالولي مات كيف عايش
بسم الله الرحمن الرحيم لاحول ولاقوة الا بالله ..
ولاء : شافت منظر ايناس استغربت
_ ايناس حبيبتي خيرك شن صاير معاك لان منظرك
يخوف بجد ….
ايناس : بصدمة وعدم تصديق
_ عبد الحكيم ياا ولاء
ولاء : بستغراب
_ الله يرحمه شنو فكرك فيه توا
ايناس : شوفته وحياتك شوفته عايش
ياهمي عايش مش ميت …
ولاء : وباش قولتي توفي وشفنا صوره ولله شكلك بديتي تتوهمي يابنت …
ايات : صح كلامها واني شفته يومها مع مراد بس شكيت هوا مش هوا والحق خفت نقولك وتطلع معلومتي غلط …
ايناس : بفرحه يعني عايش مش متوفي ولله قلبي كان حاسس كدبت عليا بنت خالته وحرقت قلبي ولله حرام عليها ..
ايات : اية عايش ياقلبي وربي وكيلها خليها تتهني بيه واحتمال كبير تزوجها علي حسب سمعي لانه مستحيل يكون مزال عزابي لي توا …
ايناس : نكسر خاطرها الله يسعده و يهني الدنيا نصيبات كنت نتمنى يكون نصيبي بس يلامش مكتوبلي ربي يسعده مع غيري …
وصال ونورا وقفوا عليهم …
وصال : علي شنو كنتو تحكوا ?? …
ايناس : شفت عبد الحكيم
وصال : بستغراب
_عبد الحكيم عبد الحكيم
ايناس : اية عبد الحكيم ? ..
وصال : علي مااظن سمعت انه متوفي صح
ايناس : اية صح واني كنت نحسابة توفي زيك
بس طلع عايش يرزق ..
نورا : اني زي الاطرش في الزفة نبي نفهم شن صاير ?????
ايات : اني نفهك شن صاير ياقلبي بنت جيران ايناس عندها صغار خاله طروف يماا عليهم وعمتك ايناس نهبلت في واحد فيهم لي هوا عبد الحكيم بشطارتها خدت رقمه بدت تبعتله في مسجات اعجاب ولقطات وكان في دعم من بنت خالته بس ايناس خفت شخصيتها الحقيقة وحبو بعض وشفاته اكثر من مرة بعيد علي حوشهم بهلبا باش ماتكشفش روحها وكان حب صادق بينهم حوش ايناس حولوا من حوشهم لي حوشهم لي حوش جدي بعد طلاق امها وبوها ?? …
نقطعت اخبارها بي بنت جيرنها ونفس الشي
عبد الحكيم اختفي في لحظة …
بعد وقت بنت جيران ايناس تفجع ايناس بخبر
موت عبد الحكيم وبعتتلها حتي صور وفاته
وهلبا كدبات تتصدق ….
ايناس الهبلة صدقت ودارت العار ??
ايناس : ياباردة ولله حبيته بصدق بس الله يهني
توا الراجل متزوج ومرات حتي بصغاره …
نورا : الله يهني وانتي يانوسه ربي يعوضك
خير …
ايناس : تشوف لي نورا وتبلع في ريقها
هل تخبرها ولالا في الاخير فضلت السكوت ..
_ ان شاءالله ياروحي …
وصال : هيا هيا ياقوم الي العلالي ..
ايات : علي وين ان شاءالله العلالي …
وصال : متحمسة يازفته بس ..
ايات : شنو نلبس علي البارتي غدوا
زعمااااا …
ولاء : اني جهزت لبستي من الصبح
هههههههه …
ايناس : واني جبتها معاي …
وصال : خلي نورا تساعدك عندها ذوق حلوو
ايات : تعالي ركبيلي لبستي لاني دخت …
نورا : اوكي من عيوني ياعسل ….
شوفي هذا حلووو تحسي ومعاه الصندلي هذا
يمشي معاه بطريقة حلوة ..
ايات : تصدقي ماعمري فكرت الركب هكي الوان
بس ولله عجبني رح يكون تغير حلووو
نورا : وين اكسسواري بتاعك ..
ايات : في الصندوق هذا
نورا : انتي تحتاجي بروش لشعرك وسلسال بسيط
معاه خرصات بسيطة زي هدوم حلوات …
ايات : حلووو خلاص واخيرااا تميت لبستي
للل بارتي هههه …
______________________
اما عند سارة الدمع ماجف في عينها
وهيا تبكي علي حال امها وبوها وفقدان خوتها ..
خالد : خصصو حالته مجنون عقليا …
وحطوه في مصح نفسي مع انه سارة رفضت
بس الكل قلها ضروري توافق حفظا علي حياة
نفسه وغيره ….
واما بنسبة لي منيرة تبكي بندم علي كل غلطة
دارتها في حياتها ….
لقت روحها خسرت كل شيء غالي شرفهم
سمعتهم صغارهم زوجها نفسها اصبحت لا شيء ….
لي تزرعي تحصدي وهذا مازرعتي تحملي نتيجة الحصد ….
سارة : معدش عارفه كيف بتتصرف …
حاسة الدنيا صغرت بيها حتي خوالها مافي
حد يرد عليها ….
قعدت وحيدة تلف في المشفى ومش عارفه
كيف دير قعدت غير تدعي للعالي يفرجها عليها
الشيخ : السلام عليكم …
سارة : وعليكم السلام
الشيخ : يابنتي اني عارف الكلام هذا مش وقته
بس انتي ماعندك حد واطريت نكلمك توا ..
سارة : ان شاءالله خير ..
الشيخ : عندي ولدي يبي يتزوج وحكيتله عليك
وقالي كلمها لو راضيه …
قطعت عليه سارة ..
سارة : وامي مستحيل نخليها وهيا بالحالة هادي
الشيخ : امك معاك يابنتي ولدي لما طلبك حكيتله
كل ظروفك وهوا راضي …
سارة : موافقة مدام امي معاي
الشيخ : بتوثر امتي تبي سكت لانه محرج
بعض الشئ ..
سارة : امتي ماتحب بس مانبي لاعرس ولا شيء
الشيخ : لي تبيه يابنتي ولله شفتك زي بنتي
سارة : بارك الله فيك
الشيخ : فيك بارك الله يابنتي فيك بارك الله
هي السلام عليكم
ومشي علي حاله ..
سارة : وعليكم السلام ..
قعدت سارة تشكر في ربي هم ونزاح …
مشت شافت جثت اختها قعدت تعاتب فيها وتبكي مشت صلت ركعتين شكر لي ربي ومشت لي امها …
نخلعت لما شافت الدكاترة يجروو لغرفة امها
مشت تجري يخوف ….
شافتهم يغطوا فيها خلاص سارة شبة ادمرت
نفسيا شافت خسارة عيلتها بين عيونها ….
شعور صعب للعلم …
مع هذا لفظت نفس الكلمة …
_ ان الله وان الية راجعون ……
قعدت سارة ليل تام وهيا في المشفي …
تبكي علي فراقهم بكي رحمه …
_______________________________
اليوم التالي ….
وصال : نوضي انتي ويهاااا ياكسولات
نورا : وراسك نبي نرقد خليني …
ايات : تنقز عليهم بفرحه ..
هيااا هيااا هياااا ..
ولاء : تعيط بنعاس ..
ياكلبات نبي نرقد خيركم بتهبلو علي الصبح
ايناس : مقعمزة وتضحك عليهم …
مناظرهم تحفهههه …
وصال : تستهبل عليهم في استهبال يخوف
??????
ربيعة : صباحو صبايا
وصال : صباحو عسل
وكل وحدة فيهم ردة برد مختلف …
ربيعة : هيا يابنات كان بتمشو للمزين
معدش فيه وقت الساعة قريب الواحد …
الكل ناض رفع ملابسة ووتو روحهم علي السريع …
البنات من الفرحة مشو يتجارو ومناطرهم نكته
كيف يتعاركو مع بعض علي اتفه الاسباب …
الشباب ماشاء الله قايمين بالواجب ومش مقصرين نهائي يتفرجو ويضحكوا علي خواتهم المجنونات او بمعني كل واحد يشوف لي معشوقته بحب ويضحك …
انس : وصله رد ايات قعد يبتسم علي منظرها
كيف تتعارك مع ايناس بطريقة اضحك …
اما مراد يتفرج بحب علي تصرفات وصال المجنونه
حاضنه شنطتها بطريقة غبية تقول من بيسرقها منها
اما ايوب يتفرج بحب علي نورا وعاجبته رزانتها
وطريقة كلامها مع الكل ….
اما بنسبة لي اياد يبلع فيه ريقة و مش مصدق ان معشوقته ولاء تبادلة نفس الشعور وعرف الشي
هذا من نظرتها ليه بس لي صار ….
ايات : تنخص في ولاء ..
ولاء : مش معها نهائي ..
الاخت سرحانه في ❤
ايات : همست في ودن ولاء …
_ يحشم حالك خشمتينا اركبي وسادك الولد بتاكلي بعيونك فضحتي روحك للعلم …
ولاء : حست علي روحها
جاية بتركب بخضة وحالتها حاله وبس تلفت رجلها وجت مقلوبه علي وجها طفففف …
الكل تفجر ضحك علي منظرها الكارتي ..
ناضت بأحراج مش طبيعي شافت لي اياد لقاته متفجر ضحك عليها ركبت وهيا خلاص وجها
متزرق مع بعضه وتلعن في روحها وهلبا حاجات …
اما عند اياد …
انس : اخخخخخ ولله اني شفت فيلم
هندي شيء شيء ماتفهم شيء …
اياد : حس علي روحه …
_ شن قصدك ??? …
انس : بخبث …
_قصدي ارحم قلبك وللعلم البنت خلاص قريب تطلع نتيجتها وكانك علي الشهادة وكملت قصدي من الاخير شني مني
اياد : ولله كلامك حق ياصاحبي ..
انس : يعلق علي اياد ….
واياد ولا في عالم تاني ???
_________________________________
فات الوقت والكل نظم روحه …
وصال : شن رايكم يابنات …
ايات : حسيته اوفر شوي بما انك بنوته
وصال : واني حسيت
ولاء : نفس التعليق للعلم …
ايناس : واني شن رايكم ..
ولاء : يجنن اية هكي حلو ومنظره بناتي عجبني بصراحه
وصال : عفوا اختي نبيك تخففي فيه اني بنوته
ونبي شيء سنبل وبسيط …
وفعلا خففت في الميكب وطلعت خيال …
_ ونورا كالعادة هيا التوب في كل شيء …
الكل كمل ملابسة وتزينه وطلع …
اياد : قريب ياكل ولاء بعيونه ..
ولاء : تشوف لأي مكان الا عيون اياد ..
اياد : عايش اللحظة ..
ايناس والبنات يتفرجو عليهم وميتين ضحك …
وصال : احمم احمم ..
اياد : حس علي روحه شوي ..
وقعدت براقب من تحت لتحت …
الكل حكم متفجر علي منظره …
اما بنسبة لي النسون …
منى : كملت الميكب وبدت تستقبل في المعزومين
ربيعة ونعيمة مقعمزات هدرزة وجوهم عسل مع بعض ? …
ايات : تحاول تجدب انتباه نورا …
ايناس : حتي هيا قايمة بالواجب …
وصال : تبتسم بأنتصار …
_ ههههههه نتمني نشوف منظر وجه نورا …
ولاء : وصال حبيبتي خيرك تضحكي زي المتوحدة بروحك اللطف ياربي …
اياد سمع كلام ولاء تفجر ضحك …
وصال : متوحدة في عينك خزي عليك
البنات كلهم ميتات ضحك بس زي الهبلات
مش عارفين علاش يضحكو ….
وصلوا للصالة ….
وصال : نزلت تدرج …
والكل معها نورا لاحظت شيء وجود الشباب
بس ماحطت في بالها شيء ….
نورا حست انها خشت من بابا مش بابا الضيوف
لكن مشت معاهم وخلاص …
منى : تستني في نورا في غرفة الانتظار لما عرفت انها قريب توصل …
وصال : خشت الغرفه شافت امها فرحت …
وكدلك البنات نفس الشي …
نورا : خالتي كأنه
منى : شدت دراع نورا …
_ يابنتي اني نعرف بموضوع ايوب وانك مرت ولدي وانتي اكيد لحظتي الشي هذا …
واني حبيت نعيشك اللحظة من بدايتها واليوم يوم
بيانك …
نورا : حضنت منى خلاص وقريب تتفجر بكي
وصال : تعيط المكيب بتخربي الميكب
نورا : بجد مش عارفة كيف بنشكرك ..
منى : شن قتلك انتي بنتي يانورا بنتي …
نورا : بجد ربي عوضني بيكم صبرت ونلت ..
البنات لي تسفر ولي تصفق دايرين جو لعمرهم
ومنى تشجع فيهم والكل تغير جوه …
منى كلمت ايوب يدخل باش يزف نورا
علي الكوشة ….
الكل طلع وخش ايوب علي نورا وقريب يطير
من الفرحة …
نورا : ميته خجل ..
ايوب : شاف نورا انهبل ..
قرب منها وحضنها علي طول ..
نورا : قلبها طبول طبول …
ايوب : مبروك عليك اني حبيبتي ..
نورا : وصوت شبه معدوم من الخجل ..
ومبروك عليك اني ياروحي …
ايوب : نسحر فيها وفي ريحة برفانها كل شيء فيها سحره وبقوة …
نورا : شبه دايبه في الحضن …
علي خشت وصال بقوة واندفاع …
_ امي قتلكم ..
نورا : نحرجت وبقوة
ايوب : بعد علي نورا وشبك يده في يدها …
وصال : بدت تصفق وتغني بفرحه …
نورا : حاسة بتوثر مش طبيعي …
ايوب : يهمس لي نورا …
_ ارخي روحك حبيبتي خودي نفس ..
نورا : اوكي وخدت نفس …
وطلعت نزفت هيا و ايوب احلى زفة بخجل نورا وبجراءة ايوب …
البنات حايطين بيهم مع الرقص والجو الحلو
مع بعض من العار …
ايوب : غير وين ماشية بيه العسل هذا كله
نورا : العسل كله ليك حبيبي …
ايوب : عجبه الرد ??? …
_تعرفي غير نتزوجك بس الما نقطعك ..
نورا : ههههههه
وانت علي اساس مش متزوجني …
ايوب : غمزلها فهمك كفاية ياروحي بس
حاضر زي ماتحبي ..
نورا : تغير لونها فهمت قصدة نصمتت …
ايوب : تفجر ضحك علي منظر نورا كيف خشت بعضها ….
منى : قربت من نورا …
حضنتها ولبستها طاقم هدية ونفس الشي
الخالات قدموا الهديا وبركولها ويلي تنصح
ويلي تبوس ووو …
ايوب : قرب من نورا ولبسها الدبلة وباس يدها
ب رومانسية وحط عينه في عينها بحب …
البنات لي تعيط ويلي وتصفر والناس تتفرج
بمتعه علي الثنائي الحلو ومطنشين الهبلات
لي يعيطوا مع كل لقطة رومانسية …
نورا : ابتسمت بخجل و برضي …
ولبست الدبله لي ايوب وحضناته بجراءة
مبروك علينا حبيبي …
ايوب : تفاجاء بس فرح بالحضن …
الله يباركلي فيك …
بعدين قطعوا الكاتو مع بعض ولايخلو الجو
من الضحك والبصارة …
البنات كان جوهم خيال مع بعض …
جت المصورة وخدت لقطات لي نورا وايوب
وفي بعض اللقطات جريئة ….
وايوب عجبه الوضع ?? ??? ….
و بعدين طلع ايوب البنات قعدو يتصورو مع نورا
والخالات ومنى كانت لقطات بجد فضيعه …
واما عند الشباب …
مراد : بفرحه لا توصف جددد وافقت ..
اياد : ولله العظيم بكري امي كلمتني ..
مراد : ولله انك فرحتني ياصاحبي ..
اياد : مبروك ياعريس ..
مراد : وانت امتي بتتحرك ياعريس خوها
قدامك برا كلمه بدل تضيع الوقت ..
اياد : تحمس بزيادة وجهك هي
مراد : مايتمر فيك الخير …
اياد : هههههههه
_ بونسيبب …
ايهاب : نفجع من كلمة بونسيبب شاف لي اياد قعد يضحك ..
_ خير يانسيب
اياد : البنت وكملت قصدي حن عليا ياخوي
ايهاب : اليوم نكلمها حاضر من عيوني …
انس : شن رايك بياني وبيانك مع بعض
اياد : فكرة حلوة ولله …
مراد : واني معاكم …
انس : انت مين يلااا
مراد : هههههههه
ايهاب : واني معاكم
اياد : وعلاش لا
ايهاب : تبيني نبات في الشارع ولا كيف ياراجل
انس : هههههههههه
_ القوات الخاصة تمسحه مسح بعدين …
ايوب : كمل سلام وجاي يتجكتر عليهم …
انس : غير خففف ياشيخ
ايوب : الله يلعن بليسك كان جوي رايق
ايهاب : ههههه يارايق يالزيز (لذيذ) …
وشدوها ضحك ونزالين في بعض للوح …
عند نورا فاتت الكوشة ومشت ترقص وتضحك
مع البنات ومرت ايهاب خشت معاهم وكان جوها فوق الخيال ريحان ….
فات اليوم بضحكة والبصارة …
__________________________
اما عند سارة فاتحه القران الكريم وتلف علي الحوش
وتبكي حست روحها وحيدة مافي حد معاهم …
حست علي الباب يخبط …
سارة : مني
الشيخ : اني يابنتي ..
سارة : تفضل ياعمي …
الشيخ : يابنتي اني مستحيل نخليك في الحوش
بروحك …
سارة : بس اني مستحيل نطلع
الشيخ : يابنتي اليوم تكوني عندي زوجتي
و غدوا عند راجلك ان شاءالله
سارة : ان شاءالله
وطلعت معاه وهيا حزينه ومكسورة الخاطر
بس مع هذا حمدت ربي ….
سكرت الباب وودعت البيت ومشت …
_________________________________
شن بصير تابعوني …
الكاتبة : Eman Albasha
الكاتبة : omaima Trabelsi
عطلت في التنزيل لي اسباب ولله …
????????????