خادمة علي عرش الثراء

الحلقة : 4 ..

من رواية : #خادمة_علي_عرش_الثراء ..

__________________________????

نورا : ممكن ندخل …

وصال : اية اكيد تفضلي ..

نورا : ببتسامة خجل ..
_انتي طلبتيني ..

وصال: اي اي تفضلي قعمزي نبي ذوقك شن نلبس
هادي ام هادي ….

نورا : شافت لتحت ..
_ انتي تبي ذوقي يعني ..

وصال : نوعا ما اية ..

نورا : الوردية حلوة وحسيها راقية ونازقة ..

وصال : حتي اني حسيت هكي للعلم عندك ذوق حلو

نورا : شافت لتحت ..

_ شكرا …

وصال : اوك خلاص بأمكاني تشوفي شغلك

نورا : طلعت …

وصال : ياااربي علي جماااالها تجنن البنت مع انها مش حاطة شيء في وجها ..
…????

عند نورا ….

نورا : خلي نمشي نشوف باقي شغلي …
نزلت تحت وخشت للمطبخ وقعدت تجهز في
الاشياء مع انتصار وباقي الخدم …

___________________________????

عند ايوب ….

مقعمز وسرحان …

اياد : لي وين وصلت ..

ايوب : مش معاه نهائي ..

يفكر هل نورا جد بريئة والا تدعي البراءة …
يفكر في السر لي خلفها شن يكون الف سؤال وسؤال في راسه مزال يدور …

ايهاب : ضرب رجل ايوب ..

ايوب : حس بيه ..
_ بحده نعم ..

ايهاب : الاجتماع علي وشك وانت تقول مطلق وعنده مية عيل افردها ياعم ..

اياد : ميؤوس منه هذا …
ليا ساعه نكلم فيه ومش معدل

ايوب : شاف لي اياد شبحه جانبية
???

اياد : اكشنها يابرنس
???

علي خشت مراد

مراد : نعتذر شباب لو تأخرت شوية زحمه
نتوكلوا ..

الكل تلم علي القاعة بتاع الاجتماع
وبدو في شغلهم
????

____________________??????

عند عادل و هيثم …

هيثم : اسمع زي ماوصيتك عدل الكاميرا كويس ..

عادل : تي نعجبك ياراجل ..

هيثم : ولله رح نكسر خشمك يا ايوب انت وخوك اياد …

عادل : هوا انت بس تي اني رح نخلي سمعتهم علي كل لسان الوسخين هدوم ..

هيثم : اية هكي نبيك ربي يعاونك ياعريس

عادل : ولا يهمك ..
ههههه نعجبك ياصاحبي …

وطلع يلبس ويساوي في روحه للموعد …

اما عند وصال …

لبست وحطت ثلات ارباع برفانها وحطت ميكب ملفت وطلعت تتمشي …

شافتها نورا …

نورا : بتفكير نكلمها وننصحها ولالا .

_ يخيتي فكيني هيا شايفة روحها وكان نكلمها
ممكن دير فيا حالة وانا شن دخلي فيها وفي المشاكل اني عندي شغل وراي ورح نهتم بيه ….

وصال : هاي ماام …

منى : اهلين حبيبتي

وصال : اني طالعه ماتبي شيء

منى : سلامتك حبيبتي نبيك التب كالعادة

وصال : عيب عاااد ربايتك راهووو

منى : ياحليلي منك خلاص ياروحي انتي بري شوفي شن تبي باش تروحي بكري ..

وصال : ??اوك هي باي
وطلعت ….

نورا : تتاسف علي الحالت وصال ..

_ عفوا مدام انتي طالبتيني …

منى : اية بري نضمي الطاولات وزينيهم وبعدين بري نضمي المربوعه الخارجية وديري نفس الشي الطاولات بتاع الكوفي ونضفيها لان الشباب بعدين رح يقعمزوا فيها ….

نورا : حاضر ..

مني : خلاص توا بري شوفي شغلك …

نورا : مشت بدير في شغلها ..

منى : ياربي بنت صغيرة في العمر وتشتغل ولله حرام وين اهلها …

مرات حالتهم رقيقه لاحول ولا قوة الا بالله ..
خلي نكلم السواق يمشي يجيب النواقص …

طبعا عندها سواق يرفعها يجيبها ويلبي جميع الطلبات سواق من اصل اتيوبي …

عند نورا ….

خدت رتبت الطاولات جنب بعض وخدت ورد الصفر
ورتبااته بطريقة حلوة ….

تغني وتحطت في الشنتروات بطريقة راقيه …
ورتبت بعض الاشياء زي الكيسان والصحون …
والعصائر بطريقة حلوووة وتدل علي الرقي …

شافت لي لي الطاولة بأعجاب قعدت تبتسم …
نخلعت لما سمعت صوت

________________________?????

عند وصال …

ياربي كيف بنركب توا افففف

عادل : هيااا اركبي مافي حد

وصال : ركبت بسرعه …
وحطت يدها علي قلبها ولله خايفة ..

عادل : شد يدها تخافي وحبيبك معاك ياروحي

وصال : تبتسم بخجل …
وشافتله بحب اكيد مدام بطلي معاي مش رح نخاف

عادل : خلاص ياقلبي مدامك معاي خليك طبيعية
ماشي

وصال : بفرحه ماشي
تعرف اني نحبك موووت

عادل : بخبث واني نحبك موووت
وقعد يمشي بالسيارة ..

وصال : بسعادة
_ ياربي ياحلاتنا مع بعض ..

عادل : تأكد ان المكان خالي ..
قرب من وصال ..

وصال : توثرة ..
وانفاسها تسارعت بسبب قرب عادل ليها
حبيبي ماي

عادل : قطع كلامها بقبله ..

وصال : تخدرت ومعدش عرفت شن تقول
نجمرت في مكانها ..

عادل : بدي يتمدي اكثر ويحاول يدير لمسات
بس وصال منعاته …

دار روحه زعلان ..

وصال : حبيبي مش هكي كان اتفقنا …
وهكي غلط اصلا وحرام ..

عادل : بي اني حبيبك ونحبك ترضي غيرك تاخد مكانك وتمتعني ..

وصال : بغيرة اكيد لاااا وربي نزعل منك ياعادل
ورح نقتلك اكيددد

عادل : خلاص معنها خلي نتمتع بيك حبيبتي

وصال : عدوول ولله مايصير

عادل : ولله لمسات بسيطة بس …

وصال : اوكي بيبي ..
بس ارجوك اني نحبك ومانرضي حد ياخد مكاني بليززز عدولتي معدش تجرحني بالكلام هذا …

عادل : قرب منها حاضر حبيبيتي …
????مشفر …

الكلام لي قاعدة نحكي فية واااقع صاير وبكثرة
ونبي نعطي درس للبنات المتهورات مع اني مانحبش نكتب الاشياء هادي بس في بنات طايشات ضروري ياخدوا الدرس علي صح …

_______________________?????

عند نورا …

نخلعت لما سمعت صوت …

انتي حرام فيك تكوني شغاله انتي اميرة مفروض تكوني علي العرش …

نورا : تلفتت للخلف برعب …
شافت شخص يشوف بخبث ويبتسم بلعت
ريقها بخوف …

انس : قرب منها …

نورا : رجعت للخلف بخوف …

انس : قرب اكثر وحط يده علي وجه نورا
نسحر فيها ???

اني نبيك تكوني ليا اني وبس …

نورا : بعدت يده بحده ..
_ ابعد من عليا لو سمحت وهربت منه …

انس : امممم الجمال ضروري ناخد مبتغاي منها
ولله سحرتني بجمالها بنت اللذينا ويراقب فيها بخبث ….

عند نورا …

نورا : ياربي شن درت في عمري ضروري نحافظ علي نفسي بقدر المستطاع ولله شكلي بين وحوش بشرية …

خشت للمربوعه الخاريجية بعد لا تأكدت بعدم وجود انس خلفها …

رتبت الطاولات زي الاولى بالتمام وبتسمت برضي …

وضمتها علي السريع …

وكيف جاية بتطلع حست الباب ترد وحد خش عليها …

رجعت للخلف بخوووف كاردة فعل ..

انس : ببتسامة مادلش علي الخير نهائي ..

_ غير وين بتهربي مني بس ..

نورا : تتراجع للخلف ..

_ ارجوك خليني نمشي نكمل شغلي ..

انس : بعد لاناخد حاجتي رح تمشي وتكملي شغلك ياروحي ..

نورا : تدعي في داخلها بخوف وترعش مع بعضها
لي درجة معدش قادرة كيف تتحرك …

_ ياربي ساعدني ياربي ساعدني

انس : ببتسامة خبث …
يتقدم ناحية نورا اكثر واكثر ..

نورا : لصقت في الحيط بخوووف
وغمضت عيونها برعب وقعدت تبكي …

انس : الحلووو خايف صار ويرعش ههههه
متخافيش ياعمري اكيد رح تتعودي مع الوقت

نخلع انس لما ???

_________________________????

عند وصال …

نزلت من السيارة وهيا سعيدة انها رضت حبيبها
وانه مش رح يشوف لغيرها …

اما عند عادل …

_ طلع الكاميرا وبتسمع بخبث وشر وتوا هكي اني رح نذلك ياوصال انتي وخوتك …

هيثم ركب السيارة بسرعه وحماس …

هيثم : شن صار ياوحش

عادل : ولله طلعت عسللل البنت ودلع غيررر

هيثم : مبروك ياوحش انت توا الخطوة التانية

عادل : بتفكير …
_ تصدق رح ندلها ورح تشوف بس مش توا خلي
نسجل صوتها وهيا تمدح في الطلعه …

هيثم : ولله ماليك حل ياصاحبي ..

عادل : تي خيرك انت نعجبك اني ..

وقعدوا يتفرجوا علي الفيديوا مع بعض
????

______________________??????

عند ايوب …

ايوب : السلام عليكم …

منى : وعليكم السلام
تعالي تاخد قهوي …

ايوب : قعمز بتعب اية صبي …

منى : مدت الفنجال ..

وين خوك مش مبين لي توا ..

ايوب : يمكن روح قبلي مش عارف عليه
المهم ماتبي شيء توا

منى : علي وين غير كمل قهوتك ..

ايوب : بنمشي للمربوعه الخارجية عندي شوية اوراق نبيهم احتمال غادي …

منى : ماشي خود راحتك

ايوب : طلع ماشي للمربوعه ..

________________________?????

نخلع انس لما ???

سمع صوت اياد الحاااد

انس : تراجع للخلف …
وقعد يسبسب في اياد

اياد : شد تيشرت انس ويتكلم بحدة …
البنت تتراجي فيك ولا قولي انت ماعندكش قلب ماتحسش ماعندكش خوات تخاف عليهم وضرب انس بكس هااا ماعندكش خوات تخاف عليهم ..

نورا : خايفة وترعش نزلت تحت وضمت روحها بخوف ??

انس : حرففف زيادة لا
حالت صمت وقريب يتفجر من الغضب …

اياد : بحدةة تخوووف …
وربي مزال نشوف وجهك الما نشوهك تسمع فيا ولالا ويلا الباب يفوت جمل …

انس : طلعععع بغضببب وكره …
ويتوعد لي نورا ويسب في اياد للنهارات …

عند اياد نزل لي مستوي نورا …

اياد : يتكلم بصوت حنون
_ نورا يانورا عليك الامان ولله ..

نورا : ببكي وصوت متحجر
قامت عيونها

اياد : معدش عرف شن يقول الكلام هرب
????

نورا : تبلع في ريقها بخوف

اياد : حاول يخفي نظرة الاعجاب
شد يدها يلا نوضي حرام تقعدي مقعمزة بطريقة هادي …

نورا : ناضت شكرا لانك وقعدت تبكي ..

اياد : مافي شكر بينا و قعمزي علي الكنب واحكيلي شن صار بزبط ..

نورا : شافت لي تحت وبدت تحكي شن صار معها

اياد : شد يدها نورا اني خوك واية شيء يصير معاك او حد يغلط في حقك كلميني طول رح ناخد حقك وبزياد ببتسامة تمام هكي ..

نورا : من بين دموعها تمام هكي …

اياد : خلاص امسحي دموعك ومعدش تحطي في راسك شيء ..

نورا : بجد شكرا علي كل شيء ..

ايوب : جاي بدخل للمربوعه نصدم لما شاف اياد شاد يد نورا ويبتسموا لي بعض ….

ولا يغلي مع بعضة ومشي وخلاهم بحقدددد علي نوراااا ويتحلف فيهاااا …

زي ما توقعت النذلة هادي راسمه علي حد من العيلة لكن خليك ماشية علي خبثك واني رح اربيك ونوريك الخبث لي قاعدة اديري فيه دواك عندي
ياجعانه …

ولله كلهم زي بعض نفس الخبث والنذالة …

???

عند اياد ….

اياد : شن قولنا عاااد مافي شكر بين الاخ والاخت صح ..

نورا : صح ..
اني توا نستاذنك عندي ماندير

اياد : قعد يحك في راسه
_ خودي راحتك

نورا : طلعت ومشت للمطبخ تساعد في انتصار والباقيه …

عند اياد ركب لي غرفته بدل ملابسة ومشي لي ايوب

اياد : ممكن ندخل ..

ايوب : تفضل

اياد : تعرف صار موقف امسخ علي الاخير

ايوب : شن صار

اياد : انس ولد خالتك النذل
###########

ايوب : يدعي الصدمة جددد

اياد : اقسم بالله

ايوب : وباهي اني شن دخلي فيهم ..

اياد : قولت نحكيلك بس المهم شن صار في الصفقة بتاع ###

ايوب : بعد يومين ..

اياد : خلاص نتلاقو بعدين شكله خلوقك في خشمك

ايوب : طنش اياد ..

اياد : طلع ..

ياااربي امتي بيرجع ايوب الاول ولله هذا مش خوي لي اني نعرفه ..

ايوب : هذا غبي ولا يدعي الغباء

البنت خبيثة وتبي تلف عليه وهوا يقولي مسكينه
وبريئة هوا المسكين التعاب لكن توا نطلع حقيقتها

_____________________??????

وصال روحت بسعادة …

اني جيتتتت

منى : نورتي يانور العين

وصال : كيفك مامي

منى : وين لي قولتي بتشري

وصال : اني شفته علي النت عجبني بس علي الطبيعة بصراحه مش حلو نهائي فتت الموضوع

منى : يلا حصل خير يلا اركبي جهزي نفسك حوش خالتك قريب يوصلوا

وصال : اوكي اني ماشية ..
ركبت الفوق وقعدت سعيدة بالانجاز لي صار
?????

عند نورا كملت شغل بتعب وقعمزت علي طاولة الاكل لي في المطبخ ..

ايوب : خش للمطبخ شاف لي نورا بنص عين

نورا : تشوف لي كل شيء الا هوا

ايوب : قريب يتفجر علي خاطر تتجاهل فيه
وزاد كرها لي نورا

????
خدي كاسة المياة وصبها علي راس نورا

نورا : ناضت بصدمة ..
وقعدت تشوف بخلعه

ايوب : ابتسم برضي وحقد وطلع
وهوا حاس براحه مش طبيعية …

نورا : قريب تبكي من الصقع وتسبسب فيه ….

خشت للغرفة وطلعت ملابس جديدة خاصة بالخدم وطلعت بس مش عاجبتها اللبسة لانها موضحه مفاتن جسمها عكس الاولي واسعه عليها …

???????

شن بصير تابعوني …

الكاتبة : Eman Albasha
(توأم الروايات)

الكاتبة :omaima Trabelsi

رواية مشتركة ..

?????