خادمة علي عرش الثراء
الحلقة : 9 …
من رواية : #خادمة_علي_عرش_الثراء ..
__________________________
ايوب : شاف لي ساعته بعصبية مفرطة …
هدوم وينهم لي توا افففف وقعد ماشي جاي بعصبية …
وصال : تدعي في داخلها مايتعصبش عليها …
ببتسامه عكس الرعب لي قاعدة تحس فيه
_ اني جيت سوري علي التأخير ..
ايوب : شاف لي نورا من فوق لتحت
ولعت فيه نااااار مش طبيعية وتغيرت معالم
وجها ووو
_________________________
عند عادل ….
هيثم : شن صار فيك يابطل انت …
عادل : يتكلم بقهر و قرف …
اقسم بالله البنت هادي بدت زي الجيفة في خشمي عفتها وكرهتها كره العمي تصدق تي طلعت من ولد لي ولد ياصاحبي ودايره روحها البنت الشريفة العفيفة …..
هيثم : بصدمة ..
_كيف صار و كيف عرفت احكيلي شن في …
عادل : اتصلت بيا ووشكلها امها نادت عليها ردت عليا بنت خالتها وطاحت في شر اعمالها …
بنت خالتها وحدة هبله وفضحتها وطلعت كل عارها
الوسخه هادي …
هيثم : احكيلي ياراجل …
_ نرجوا للخلف شوي …
يوم العزومه لما ايناس خدت فون وصال …
عادل : الوووو حبي
ايناس : الوو حمود وصال مش فاضيه توا
عادل : بستغراب اصبري اصبري من حمود لي تحكي عليه ..
ايناس : تتدعي الغباء
_ حمود حبيب وصال انت صح
عادل : لالا مش حمود انتي متاكدة وصال عندها حبيب واسمه حمود ..
ايناس : طنشت كلامه بخبث
_ معنها اكيد انت يا اسعد يا علي صح
عادل : من هدوم لي تحكي عليهم انتي ..
ايناس : هدوم حبايب بنت خالتوا ههههه
انت اما واحد فيهم لانهم هلبا واني دخت ..
عادل : ماشاء الله شركة وشكله مزال الحكاية معبية
ايناس : تعرف كان تحكي لغدوا الصبح مش رح نكمل كلام كل يوم بواحد شكل بنت خالتي هادي
…
ايات : مصدومه وفي نفس الوقت فرحانه …
ايناس : تغمز لي ايات ..
عادل : بموووت قهرا
ايناس : غير هيا قولي اسمك يمكن نعرفك ..
عادل : بصوت واضح انه مقهور
اني عادل
ايناس : اي اي ولله حكتلي عليك انت الغبي يلي خاش فيها بوس بس هههههه مع احترامي يعني
عادل : فصللللل لاخر تكه …
_ شن تخرطي انتي يا####
ايناس : توا نستاذنك عندي ماندير قد باي
وسكرت الخط في وجها …
نرجع للواقع …
هيثم : البنت طلعت مش هوينه بكل وتعلب بديلها
الوقحه هادي …
عادل : بحقد …
_ ولله ماني رحمها الما نعيشها لحظات تتمني الموت وماطيله والايام بينا ياصاحبي ….
بس تصدق خشت راسي شغالتهم سمعت ان شكلها طرف فوت الموضوع …
هيثم : وكيف صار ? ..
احكيلي …
عادل : اليوم هيا طالعه للسوق رح ندير عليها طبه ومنها نشوف الشغاله بتاعهم فوضولي قاتل …
هيثم : تي فكرة من الاخير عجبتني خلاص معناها هيا نوض …
عادل : هيا اصلا احسن شيء نتصرف معها طبيعي جدا ولكن توا تشوف نهايتها كيف …
هيثم : تستاهل الموت الوسخه هادي …
تلعب مع الناس الغلط ..
__________________________
عند ايات …
ايات : الو حبيبي …
حمزة : اهلين ب حياتي …
ايات : حب عمري اني شوي بس ورح نطلع يعني
في الاكيد طالعه …
حمزة : عسلللا خلاص معناها لما توصلي كلميني
نستنا فيك ياعسل …
ايات : خلاص حبيبي اول مانوصل رح نكلمك
حمزة : نحبك هي سلام
ايات : حطت الفون علي صدرها ياناسسس نحبه مووووت ولله ..
ولاء : بنص عين
_ كان تزوجك تعالي حاسبيني
ايات : ناضت وهيا متقنطية …
_ عاودي شن قولتي ماسمعتش
ولاء : ربي يهديك هذا ماقولت
وطلع وخلتها …
ايات : يعيط موت ترفعك وتفكني منك ياريت مااختي افففف انسانه مستفزة ..
خدت شنطتها وطلعت ..
__________________________
نورا : تشوف لي تحت …
وصال : ركبت ..
نورا : قعدت واقفه متحشمة ..
ايوب : بعصبية …
_ اكيد مش رح نستناك اليوم كامل صح …
يلا تفضلي اركبي …
نورا : ركبت والدمعه في عينها منحرجة بشكل مش طبيعي ….
ايوب : قريب يتفجر من العصبية …
ومش عاجبه منظر نورا مع ان كل شيء باحترام
وصال : حالت صمت تخاف منه موت …
وقعدت تلعب ب فونها …
نورا : تفرك في يدها علي بعض بخوف ??
ايوب : بصوت عصبي
نبي نعرف شن اللبس الماسخ هذا
وصال : استغربت اول مره يكلمها علي ملابسها
مع ان وصال تلبس صح علي الموضي بس علي المحترم بمعني ساتره مفاتنها عكس بنات خالتها …
ايوب : يشوف للمرايا …
_ اخر مرة نشوفكم لابسين هكي ..
نورا : قامت راسها استغربت انه وجه الكلام ليها حتي هيا …
? هذا من يكون باش يحاسبني علي لبسي مصح وجها …
ايوب : واضح كلامي ويلا تفضلي انتي ويها امتي تكملي كلميني باش نجيكم …
وصال : ماشي تمام …
ايوب : مشي وخلاهم …
والنار الغيرة تحرق فيه حرقققق ويتكلم مه روحه …
_ هادي كيف تتجراء وتفتح شعرها وتلبس لبس مغري مفروض تلبس جلباب وتلبس حجاب ولا
حاطة لمسات زيادة تبي تغري الشباب توا نوريك يانورا صبرك عليا ….
قريب يموووت قهرااا
__________________________
عند وصال ونورا ..
وصال : شن رايك نمشوا للكافي نقعمزوا لن تجي ولاء بنت خالتي …
نورا : اوكي مافيش مشكلة يلا نمشوا …
وصال : تعالي نقعمزوا في الكافي هذا ديما حاجته حلوة وتعجب فيا …
نورا : تعقدت من نظرات الشباب شبه ثاقبة وهيا مش متعودة علي هكي …
تمام وقعمزت مع وصال …
وصال : احكيلي علي نفسك يانورا عندي فضول نتعرف عليك اكثر …
نورا : من اما ناحية تحبي نحكليك علي حياتي ..
وصال : حياتك كيف كانت شن السبب يلي يخلي بنت في جمالك وفي عمرك تخدمي بدل لا تدرسي دراستك …
نورا : قصتي طويلة عريضة والافضل انك تخليها يوم نكون فاضيه فيه تحكيلك قصتي كاملة شن رايك …
وصال : اوكي تمام ..
_ باهي حياتك العاطفية انتي تحبي عندك شخص في حياتك …
نورا : لاسف ماعمري جربت شعور الحب ماعندي حد الحق وانتي
وصال : تبي الحق عندي شخص نحبه ونموت فيه
نشوف فيه كل دنيتي ..
نورا : ان شاءالله ربي يعطيك علي قاس نيتك
ويجمع بينكم ربي بالحلال ….
وصال : ان شاءالله يارب ياعمري …
ترن ترن ترن …
شوي خلي ارد علي الفون شافت الاسم ابتسمت تصدقى عمره طويل ..
نورا : هههه ماشي خودي راحتك
وصال : الوو حبي
عادل : فاتح المايك ..
_ اهلين حبيبتي وينك مش مبية ..
وصال : اني زي ماقتلك في المحلات طالعه
وحاليا في كافي …
عادل : اية تصدقي نسيت قوليلي وين انتي و اما الكافي هذا لي انتي فيه …
وصال : كافي ####
شكلك بتجي ??
عادل : ياريت كان نقدر نجي بس عندي ندير
غيري جوك لان معاي شباب صعب نجي
وصال : الله يعينك ياروحي خود راحتك
وغير جوك حتي انت …
عادل : ماشي حياتي غير قولت نسأل عليك
وصال : ربي مايحرمنى منك يارب
عادل : ولا منك هي سلام …
وصال : سكرت الخط ..
_ تصدقي الحب شيء حلو لما يكون مشترك بين اتنين يحبوا بعض …
نورا : ان شاءالله ربي يعقد عسلكم انتي تستاهلي كل خير حبيبتي ولله ..
وصال : بجد تنكيوا علي كلامك الحلو
نورا : هذا كلام الحق حبيبتي ولله
وصال : ههههه هونا جت الغولة ولاء
?????
ولاء : جاية ووجها احمر مع بعضه
كرت الكرسي بحقد وقعمزت
وصال : اللطف ياربي الناس تقول السلام
مش جاية ووجهك متغير شن صار معاك
ولاء : وربي بنتفجر من الوسخه هادي وربي هبلتني
وطلعتني من طوري …
نورا : تتفرج بستغراب علي ولاء ..
وصال : خيرك مع نوسه ههه
ولاء : بتهبلني ياناس بتهبلني ..
_كل يوم ويوم طلعتلي بواحد جديد وهونا توا ماشية معاه لي واحد من الكافيات اكيد وربي بتجيب اجلي الفرخه هادي …
وصال : انتي زيدي انصحيها ..
ولاء : لساني طاااب من كثرة الكلام وربي
نورا : انتي حاولي تتقربي منها اكثر وتوصليلها ان كل شيء غلط حاولي تخليها تفوق من الغلط لي
هيا فيه …
ولاء : ولله درت كل الطرق هادي شيء شيء ماتبيش تفهم راسها مسكرررر حيططط حيططط ..
نورا : بصراحه ربي يهدي ويصبرك ياروحي ..
وصال : ان شاءالله ربي يهدي وخلاص …
مش رح تسمع من حد اني نعرفها …
شن رايكم نغيروا جو و ناخدو عصائر وكيكات وبعدين نجو نتغدوا …
ولاء : ياريت ولله ريقي ناشف من هالكلبة ..
نورا : اني ما خاطري في شيء يابنات
وصال : طنشت كلام نورا
القرصون حط الكتالوك …
ولاء : اني نحب عصير الاناناس فرش
مع كيك شكولاته
وصال : واني نبي هوت شكولت
مع كيك الفالينيا ☕? …
نورا : حالت صمت
وصال : شن تاخدي نورا
نورا : بجد مافيش نية يابنات
وصال : وربي نزعل منك انتي اليوم معزومه
يعني تاخدي شن تحبي بدون خجل بليز
نورا : اني ناخد عصير رمان فرش
مع كيك الكراميل ….
الكل خدي طلبه …
__________________________
عادل : خدي طاولة بعيدة علي وصال وقعمز مع هيثم ..
هيثم : حي علمها الطرففف تقربععععع ..
عادل : مسبوه في نورا في عالم تاني ..
???
هيثم : شاف لي عادل لاقاه مسبوه ومش معاه نهائي
عادل : ?????
هيثم : ضرب عادل بحقد …
_ هادي نبيها اني دخليش فيك
عادل : انت تحلم شكلك ياراجل ههههه
? هادي ليا اني ورح تكون ام صغاري
????
هيثم : انت لي تحلم شكلك ياصاحبي …
ولله ليا اني والايام بينا …
عادل : طنش هيثم ..
__________________________
ولاء : شن كملتوا اكل ..
نورا : الحمدلله كملت ..
وصال : اية كملت شن نمشوا ..
ولاء : ياريت هيا ..
الكل طلع من الكافي وغير منتبهين لي عادل وصاحبه نهائي …
__________________________
عند ايات …
حمزة : تعرفي اني نحبك موووت صح
ايات : شدت يده بجراءة واني نموت في حبك
???
حمزة : حياتي ولله ناخد منك بوسه بس
حرام عليك اني حبيبك …
ايات : عيب عليك الكلام هذا مايصحش وبعدين لو تحبني حق مفروض ما تطلب مني هكي طلبات انت تحرج فيا للعلم
حمزة : ولو حبيبك مش قادر ياقوم حلاوتك كيف يدير يعني يمشي يعيط ..
ايات : ههههه
لو تعيط توا قدام الناس وتقول نحبها نعيك اني احلي بوسه ??
حمزة : بصوت عالي
_ انحبهااا ياعالم الانسانه هااادي راني نموت فيها
ايات : بخجل .
ولله انك مجنون هههه
حمزة : وتوا نبي بوستي دخليش فيك
ايات : اكيد مش قدام الناس
حمزة : تعالي لسيارتي مظلمه اصلا
ايات : بأعجاب تجنن سيارتك
حمزة : تسلمي حبيبتي هذا ذوقك الحلو
هيا اركبي ياعسل
ايات ركبت معاه ????
__________________________
عند ايوب في الشركة …
مراد : جد لي سمعته ولالا
ايوب : شن في
مراد : بخبث
_ سمعت خوك قرر يخطب
ايوب : مش عارف الحق من رح يخطب زعما
مراد : يدعي الصدمة
_ قصدح انت مش عارف مني رح يخطب
ايوب : من الاخير مني جوي مش تمام بكل ..
مراد : الشغاله نورا …
ايوب : تغيرت معالم وجها مزرقة …
_ ومن قالك الكلام هذا انت
مراد : ولله علي مااظن سمعته يقول لي ايهاب
مش في الاكيد الخبر وانت زيد تأكد بنفسك لاني خطفت الكلام خطف …
ايوب : ماشي
طلع بغضب يخوف ..
مراد : ههههههههه
الخطوة الاولي مشت علي خير بعت مسج للشباب …
ايهاب : مقعمز ويوقع في الاوراق …
وشاد فونه ويتغزل علي اساس سمع صوت
ايوب سكر الخط ..
ايوب : خش عليه بقوة واندفاع …
_ سلام
ايهاب : وعليكم السلام ..
_ نورت يالغالي …
ايوب : تسلم
اسمع بتسألك …
ايهاب : وصله مسج قعد يبتسم بحب
خليك شوي وعلي اساس يكتب …
ايوب : رقتله اسمع انت نكلم فيك …
ايهاب : حدف روحه علي الكرسي تصدق ياصاحبي احلي شعور الزواج الله لا يحرمني منها البنت ولله جننتي في جرتها …
ايوب : شاف منظر ايهاب كيف منجن ….
قعد يتخيل في نورا زوجته قعد يبلع في ريقة
وعجباته الفكرة ??
_ بعصبية اني نكلم فيك ياحيوان …
ايهاب : عيونه وقلبه ..
_ ناض قعمز كويس خير خير خيرك تعيط
ايوب : قولي من الاخير جد الكلام لي سمعته
ايهاب : كلام شنو
ايوب : ان اياد خوي يبي يخطب نورا …
ايهاب : يدعي الاستغراب
_ مني نورا هادي ..
اياد : سلام اني جيت ..
_ علاش تسأل ايوب شن في مشكلة لو خطبت
نورا يعني …
ايوب : قريب يتفجر بس مزال في حالت صممت
اياد : للعلم بكري نبصر علي الشباب اني رح نخطب ولاء بنت خالتي وكلمت حتي ايهاب ..
ايهاب : اية واني الحق استغربت في كلام ايوب
ايوب : اكيد الكلب مراد لعب بيا
مراد : هههههه مشي عليك المقلب بس ولله جد ياولاد ضاربه في راسي مرات نخطبها اني
ايهاب : كاتم ضحكته
اياد : تي برا تم علي طول البنت مافيش منها اتنين صغيرة في العمر و في قمة الاحترام ولله …
ايوب : طلع بغضب وقريب يتفجر
الكل مات ضحك
ايوب :
قعد يتكلم مع روحه زي المجنون ..
طلع من الشركة بكبرها …
__________________________
عند البنات …
وصال : تعالوا يابنات عجبني الكفر هذا
ولاء : يجنن الفون هذا
نورا : عجبها فون بس فضلت السكوت
وصال : اما فون عجبك يانورا
نورا : كاذوقي يعني عجبني البلاك هذا
وصال : واني عاجبني علي الاخير
ولاء : ذوقك حلو يابنت اصلا هذا اخر اصدار للهواوي كيف معروض ههههههه …
وصال : ???
الكل طلع من المحل …
خشوا لاكثر من محل ووصال تاخد في ذوق نورا وذوق ولاء ….
وكان جوهم فضيعععع
ولاء : اني ميته شررر يابنات
هيثم : من الخلف …
يمشي خلف نورا وهوا ???
نورا : ههههه حتي اني جعت ولله
عادل : من الخلف …
?????
وصال : تعالوا نمشوا للكافي هذا
وفعلا قعمزوا في الكافي والبنات تغدوا وعمكم عادل وهيثم حالتهم حالة ???? …
نورا : الحمد الله يابنات اني شبعت
ولاء : علاش ماتبيش تكملي اكلك ..
نورا : هذا حد اكلي ولله
وصال : بصحة ياقلبي
ولاء : هاتي نكمل عليك اكل هههه
نورا : هيا ليك حياتي تفضلي …
اني بنمشي لتواليت نغسل يدي ونجي …
وصال : تمام حياتي خودي راحتك …
نورا : بالاذن ..
ومشت لتواليت …
هيثم : شوي واني جاي
عادل : بحقد
_ قريب يتفجر …
هيثم : يستني في نورا وقلبه قريب يطلع
من مكانه …
نورا : وقفت علي المرايا …
غسلت يدها وقعدت تشوف للمرايا بحزن علي حالها وطلعت …
هيثم : عفوا ممكن تانية
نورا : وقفت تفضل خوي
هيثم : يبلع في ريقة بسيف
_ اني معجب بيك و و
نورا : مشت وخلاته قبل لايكمل كلامه
هيثم : لحقها اقسم بالله نبي نتزوج هذا غرضي بس
نورا : معطاته وجه نهائي ومشت قعمزت مع البنات
وصال : الحمدلله كملت
ولاء : طعمت الاكل عجيببب بجد
نورا : فعلا الاكل لذيذ هلبا ..
ولاء : نورا جسمك يهبل شن ديريله
نورا : ولله طبيعي مانديرله في حاجه
وصال : ماشاء الله عليك بجد يانورا
????
هيثم : رجع بخبيث امل وقعمز في طاولته وهوا قريب يموووت …
عادل : حاسس بسعادة مش طبيعية نهائي
وجي قدام طاولة وصال مساء الخير ..
وصال : قامت عيونها بصدمة وفرحه
عااادل ..
عادل : يبتسم بشر مخفي ..
_ اية عادل قولت نجي ونشوفك
وصال : بجد فرحتني ولله …
ولاء : مساء الخير يا عادل
عادل : مساء النور
نورا :تشوف لي تحت بالرتباك
عادل : مساء الخير يا
وصال : هادي نورا صاحبتي
عادل : مساء الخير يانورا
نورا : بحراج
_ مساء النور ..
عادل : قريب يهبل عليها …
وصال : شن رايك نعزمك علي الغدي
عادل : ولله الحمدلله كيف متغدي اني وصاحبي
هيثم
وصال : صاحبك موجود اهني ..
عادل : اية موجود اهني هونا غادي
نورا : قامت عيونها بلعت ريقها ..
هيثم : توجه لهم بخبث …
_ مساء الخير
عادل : و قعدت غادي ياهيثم ..
هيثم : قولت نمسي عليهم عيب ماتجيش اللقطة
وصال : باحراج
_ مساء الخير
ولاء : مش عاجبها الوضع فضلت السكوت
نورا : تتفرج علي الصامت ..
عادل : اني توا نستاذن
وصال : بفرحه لي شوفت عادل
_ خود راحتك
ولاء : هذا عادل خيره ميغارش ولا كيف
وصاحبه مصح وجها
نورا : حالت صمت
وصال : اول مرة تصير لقطة زي هكي بجد اني بروحي متفاجأة …
ولاء : هيا هوا هدكة الوقت …
وصال : هيا هي ..
____________________
ايات : صدقني مش ضروري تسلم علي اختي
ولله ..
حمزة : بفضول
_ عيب عليك معقولة ترديني
ايات : خلاص زي ماتحب بس تقبل اية ردة فعل ماتعجبكش اني مش مسؤله علي اية تصرف ههه ..
حمزة : ههههه تمام يامجنونتي ..
ايات : نحبك موووت
حمزة : وحتي اني نحبك
عند ولاء كلمت السواق قريب يوصل
وصال : واني ايوب وصل خلي نطلعله خير مايغبرها عليا زي بكري …
وشوفي اختك وين …
نورا : ياريت ولله لان المرة الاولي فصل علينا بجد خوك مرعب …
وصال : ماكنش هكي يانورا ..
نورا : كيف يعني
وصال : توا نحكيلك قصته بس مش توا
نورا : الفضول بيقتلها
_ ماشي حاضر
ولاء : مع السلامة باي ..
وصال : هيا بسرعه يانورا …
و سبقتها ..
ولاء : تكلم في ولاء ..
اني في الساحه بسرعه تعاالي مش رح نستناك
خلاص شفتك شفتك وسكرت الخط …
نورا : تلفتت للخلف جت عينها في عين حمزة
شدتها جري خشت في الزحمه وبعدين ركبت
السيارة مع وصال ..
حمزة : مصدوم مش مصدق عيونه
فجاءة قعد يتحرك زي المهبول …
ولاء : نخلعت من المنظر لي قدامها
ايات : تغير لونها فجاءة …
حمزة : هيا ولله هيا …
ايات : علي مني تحكي
حمزة : سلام سلام توا نحكيلك
ومشي يجري يدور علي نورا …
_______________________
شن بصير تابعوني …
الكاتبة : Eman Albasha
الكاتبة : Omaima Trabelsi
نبي متابعة + تفاعل + تفاعل ….
#توأم_الروايات …