خادمة علي عرش الثراء
الحلقة : 21 …
من رواية : خادمة علي عرش الثراء …
________________________________
منيرة : قعمزت في غرفتها بوجع ..
_ وينا بناتك مش مبينات ..
خالد : مش عارف اكيد رقدات خليك منهم
توا قوليلي كيف الحل توا …
منيرة : باهي الحمدلله لكن الخبيثات الحقيرات ولله ماني مفوتتها علي خير اني ديرو فيا هكي عقاب كلبات ..
خالد : انتي تساهلتي معاهم لو حمرتي عينك اكثر راهو خافو منك
منيرة : انت تسكر فمك مانبيش نسمع صوتك
خالد : حاضر حبيبتي ..
_ ? شكلها فاصله خلي نهرب احسنلي ..
وفعلا ثواني وهرب منها …
منيرة مزالت تتحلف وتتوعد فيهم …
_____________________________
ربيعة : مزالت تبكي علي بنتها وحالتها حاله ..
ايناس : حاولت تغير جوها باش تخفف
علي امها بصوت شبه بشوش ….
_ اكيد الحلو مشتاقلي صح
ربيعة : سمعت صوت ايناس شافت بفرحه
وناضت تجري تحضن في ايناس وتبوس فيها
بحب …
_ ياروح امك واخيرا جيتي وقعدت تبكي
ربيعة ولت عندها زي فوبيا من الفقدان …
ايناس : الحرق ولا يوجع فيها بسبب ضغط امها عليها بس مع هذا متحمله الوجع ..
_جيتك ياغالية ماتزعلي روحك اني معاك
ربيعة : شدت يد ايناس وبحدا …
_يلا قدامي علي الحوش قبل ما يجوك خوتك الظالمين ولله ماني راضيه
قطعت كلامها يد ايناس تحطت علي فمها
ايناس : بدموع
_ ياغالية الا الكلمة هادي علي شان خاطري
ربيعة : حضنت ايناس …
_ بس هما قاسين زي بوك يبو يحرموني منك ومن شوفتك ياغالية …
ايناس : لالا معدش تقولي هكي ياغالية اني لي غلطت في حقهم ونستاهل لي صار معاي وتوا
شن رايك نرجعوا للحوش بابتسامة وللعلم خوتي
هما لي جابوني لحد عندك ..
ربيعة : بفرحه
_ جديات
ايناس : ولله
ربيعة : بلهفة
_ باهي خوتك وين ..
انس : اني موجود …
ربيعة : عيونها دموع
وين خوك مراد ..
انس : اكيد عنده شغل رح تلقوه في الحوش
ربيعة : حضنت انس
_اني اسفة يا ولدي
انس : اني لي اسف وباس راسها قسيت عليك
في كلامي حقك عليا سامحيني …
ربيعة : بالعكس كلامك صح وقضني في هلبا اخطاء كنت نرتكب فيها واني مش حاسه بنفسي وان شاء الله رح نصلح من نفسي وهذا درس من ربي باش نصلح من حالي …
انس : ربي مايحرمني منك ياغالية …
ربيعة : مسحت دموعها بطرف يدها …
_ يلا خف روحك نبي نرجع لحوشي مليت من
جو الكئابه و المستشفيات ..
انس : حاضر انتي تأمري يا سيادة الملكة ..
ربيعة : عوجت فمها بتعجب …
ايناس : ههههههه
انس : شن مش عاجبك تضحكي اية امي ملكة
وللهي الله ..
ايناس : ولله اكيد ملكة واحلى يخي وللعلم واني ماقولت شئ بس ضحكت علي تعليق امي …
انس : بنص عين ربيعوو اعترفي شن كنتي تعليقي انتي وبنتك من روا ضهري بنتك كشفاتك ياحلوة
ربيعة : ضربت انس علي كتفه ههههه
سرررر بيني وبين وبنتي ..
انس : مزال علي نفس الوضعية ..
سرررر عليا اني ياربيعووو
ربيعة : دفت انس ههههه مجنون ولله
يلااا قدامي
انس : بتمثيل باهي ياغالية نبي نتزوج …
ربيعة : هههههههه وتزوج من شادك ..
انس : انتي شادتني ماتبيش تبيعي تاكم الذهب لي تحت السرير مغلف بشريط ارزق ..
ربيعة : اطلع ياسلال القلوب عندك في المصرف
بالالاف طامع في تاكمي يامعفن ..
انس : خلاص تفجر ضحك
هههههههههه
ربيعة : ههههههه يعطيهالك ياولد خف روحك
بسرعه …
ايناس : حاسه بتعب ياغالية
ربيعة : لالا الحمدلله بخير بس استحشت
حوشي ??
ومشو للحوش والطريق كلها انس يخفف في دمه
علي اساس وهوا في الاصل يحرق في دم ربيعة …
اما عند مراد …
مراد : السلام عليكم
عبد الحكيم : وعليكم السلام
محمد : وعليكم السلام
مراد : تأخرت عليكم شباب ..
محمد : لالا ياصاحبي كيف وصلنا
مراد : باهي الحمد الله …
ولله شباب محتاج وقفتكم معاي
عبد الحكيم : عيب عليك انت خوي يا مراد
مفروض تأمر بس
مراد : ان شاءالله مايأمر عليك ظالم …
محمد : مايحشمك شيء ياصاحبي
مراد : الله يعزك يالغالي احم احم ..
_ ولله الحق هيا القصة قصة طلاق
محمد : امتي تزوجت يامسخ ..
مراد : بتوثر ..
_ مش ليا الموضوع الحق
عبد الحكيم : بستغراب
_ لي مني
مراد : ولله شباب الحق اختي من يومين تزوجت
واهل راجلها مادارو فيها طيب …
والحق بما انك محامي شاطر ياحكيم نبي منك
رفع قضية طلاق وغير هكي قضية اعتاد بضرب
عبد الحكيم : خلاص طلبك بسيط وسهل
و مايحشمك شيء ..
محمد : واني شن المطلوب مني
مراد : هوا انت يكفي شوفتك وانت ديما في
خدمتك غاطس طلعت مرارتي …
محمد : هههههههههه الله غالب شن بندير
هذا رزق الحلال …
مراد : اية ولله وين باقي الشله مش مبينه
الايام هادي
عبد الحكيم : ولله الحق كلهم من امتي فتحو بيوت
معدش قبلو اهني تاني
محمد : امس كنت مع اسامة
مراد : اييي علي اسامة واياماته وراسك شن اخر اخباره
ووووووو شدوها هدرزة شبابية …
________________________________
اما عند سارة …
الشيخ : هدوم ولديك يابنتي واجبك عليك تحترميهم بس حاولي تنصحيهم علي الغلط …
سارة : ياشيخ بنحكيلك علي شيء اني
شاكة فيه ومش عارفه كيف نتصرف …
الشيخ : تفضلي يابنتي وان شاء الله نقدر
نساعدك ..
سارة : ووووووو ..
الشيخ نصدم بس مع هذا قعد ينصح فيها
يحاول يساعدها …
وسارة : تسمع لس كلام الشيخ وتبكي ..
وعرفت ان عيلتها ناس ظالمة …
______________________________
ايوب ونورا مزالو راقدين …
اما عند حمزة ….
حمزة : يضغط علي الزر الاحمر يطلب في الممريضات يبي مساعدة باش يقدر يدخل لتواليت ..
_ تي وينكم ياعيلة ياممريضات …
مافيش رد نهائي ..
حمزة : تي هدوم وينهم الزفت الواحد وقت يطلبهم
مافي حد ير عليه …
_ شكلها الحكاية اخدم نفسك بنفسك وحاول انه ينوض بس مافيش اية فايدة …
اني مش عاجز اني مش عاجز اني نقدر نقيم نفسي بنفسي اني قدها وقعد يبكي علي حاله …
فجاءة بطريقة غير متوقعة يجي طايح ويتلف عليه
الخيط بحيث يديه تحت صدره وصعب انه يتحرك بساهل حاول يفك نفسه بس مافيش اية فايدة ..
لامفر من الموت …
وبهادي الطريقة انتهت حياة حمزة
ربك يمهل ولا يهمل …
هادي نهاية كل ظالم …
______________________________
اما عند ايوب راقد ويحلم بكوابيس …
يتكلم وتتمتم في نص نومته ..
نورا : ناضت علي صوت تمتمت ايوب …
_ ايوب ايوب ..
ايوب : ناض مفزوج بخلعه …
علي طول حضن نورا الحمد الله انك بخير ..
نورا : بخجل ..
_ اني بخير ..
ايوب : نشهد بالله بعدك عني تعبني ….
نورا : بزعل
_ اني اسفة مش بيدي ..
ايوب : نعرف ياروحي ان الموضوع مش بيدك
واني نوعدك وعد راجل مش رح نسمح لحد يضرك من جديد مدامني علي وجه الارض ..
نورا : ربي مايحرمني منك حبيبي ..
ايوب : ولا منك يا مرتي وحلالي وامي صغار
وزاد حضنها اكثر ..
نورا : من دقات قلبها معدش قدرت تتكلم
ايوب : يقبل فيها بحب واشتياق …
_ معدش تخوفيني عليك ..
نورا : حالت صمت الحكاية طبول حرب
???
ايوب : حاسس برعشتها بين يديه عجبه الوضع
وبدي يتمادي …
نورا : منجمرة في مكانها ودايبه في نفس الوقت
ايوب : دايب معها …
_ حبيبتي ..
نورا : بتخدير
_ همممم
ايوب : احكيلي شن صار ياروحي ..
نورا : تتكلم بتوثر من قرب ايوب ..
و ايوب مش مقصر معها جريئ معها وقريب
مسكينه قريب يغمي عليها …
نورا : وهذا لي صار ..
ايوب : قريب يتفجر من الغضب …
ومستغرب في وجود ايناس مع نورا بس
ماحب يعلق علي الموضوع ….
نورا : منحرجة من ايوب …
ايوب : بدي يحكي ويعبرلها علي حبه ليها ومدي اشتياقه ..
ونورا نفس الشي تعبر الاخت …
وبعدين رقدو من جديد …
______________________________
اما عند خالد ومنيرة …
منيرة : ناضت الصبح مزوعه ..
حطت يدها علي قلبها خاالد ياااخالد
خالد : هممم
منيرة : نوض بالك طمني علي ولدك
خالد : ناض مخلوع …
ولدي ياربي كيف نسيته …
منيرة : شن قصدك بنسيته …
خالد : امس نهار كامل مامشيتله ولله مافضيت
منيرة : اكيد رح يتفهم الموقف المهم نوض خف روحك …
خالد : ناض يجري علي السريع يلبس …
منيرة : حاسة بغمه علي قلبها ومش مسترحية نهائي …
بعد وقت طلعت تجري هيا وخالد للمشفي …
خالد : بستغراب …
_ الغرفه فاضيه وما فيها حد
منيرة : كيف فاضيه …
_وين مشي ولدك ..
خالد : اكيد نقلوه خلي نسأل الاستعلامات ..
منيرة : بخوف
_ برا بسرعه نستني فيك
خالد : تمام خليك اهني …
ومشي لي الاستعلامات …
خالد : السلام عليكم …
الرسبشن : وعليكم السلام ..
خالد : نبي نسأل علي ولدي كان موجود في
الغرفة 201و معدش لقيته ..
الرسبشن : ممكن لحظة ..
خالد : اي تفضل خوي …
____________________________
عند نورا وايوب …
نورا : ناضت تتوجع ..
ايوب : صبااح الخير ..
نورا : صباح النور ..
ايوب : كيف حالك حبيبتي
نورا : بوجع ااااا
ايوب : بخووف خيرك حبيبتي
نورا : قريب تبكي يوووجع يوجع مووت
ايوب : بخضة خليك خليك نمشي نكلم الدكتورة
ونجيك …
نورا : بدت تبكي معدش قدرت نتحمل
جت الدكتورة وعقمت الجرح وضربت ابرة
بنج …
قعدت نورا تهدرز علي ايوب …
علي خشت وصال ..
وصال : بمرح
ندخل ولالا ..
نورا : بفرحة ..
_ اكيد تعالي استحشتك يابنت .
وصال : بخبث ..
_كيف حال مرت خوي الغالي …
نورا : نحرجت وتغير لونها …
منى : السلام عليكم
ايوب : وعليكم السلام
نورا : و عليكم السلام
منحرجة من وجود ايوب خايفة يفهموها غلط
ايوب : يشوف لي نورا ويبتسم فاهم شن قاعد
يدور في راسها …
وصال : جت تجري تسلم وتحضن في نورا
ونورا : منحرجة …
منى : حضنت نورا الحمدلله انك بخير ولله
خوفتيني عليك يابنتي …
نورا : ربي مايحرمني منكم يارب …
وصال : ان شاءالله يارب ..
اياد : السلام عليكم ..
حمد لله علي السلامة
الكل رد السلام ..
اياد : كيف حالك يامرت الغالي ..
نورا : استغربت في الكلمة ..
_ الحمد الله بخير ..
وصال : تبتسم من تحت لي تحت
علي منظر نورا ..
ايوب : عاجبه الوضع ..
اياد : ولله خفنا عليك يا نورا وفي بعض الناس قريب خسرانهم في جرتك لاليلها لليل ولا نهارها نهار ..
نورا : وجها مزرق …
وصال : قربت من نورا بخبث ..
جننتي خوي يكون في علمك دار العار في جرتك
وبعدين يحلاتكم امس عصافير الحب ..
نورا : نصدمت وتغير لونها كليا …
منى : خيرك علي مرت خوك يابنت تغير لونها بسم الله الرحمن الرحيم …
نورا : بدت تبلع في ريقها بسيف ..
منى : فطرتي يابنتي
نورا جاية بتتكلم قطع عليها صوت ايوب
ايوب : لا ياغالية من امس ماكلت شيء
نورا : زادت تزرقت وكان تلقي تدفن روحها من الاحراج …
والكل مش مقصر معاها …
منى فرحانه وسعيده بتغير ايوب وفرحانه لانه
حب من جديد وتدعيلهم بالخير …
علي خشت رشا ودلال وانتصار …
_____________________________
اما عند خالد ومنيرة …
خالد : مصددددوووم …
ومش قادر يتكلم الصدمة كانت ضربه قوية بنسبه ليه …
منيرة : شافت منظر خالد نجمرت …
_ وينا ولدي ولدي وين
خالد : دموع وبس
منيرة : قعدت تضرب في خالد ..
_ قتلك ولدي وين وينا حمزة
خالد : حالت صمت ..
منيرة : شدت يد خالد قولي وينا ولدي حمزة وين
خالد : الله يرحمه ..
منيرة : بحده
كداب انت كداب ..
خالد : قعمز يبكي بالعبرة ياريتني نكدب
ياريتني كداب …
منيرة : نهارت وبدت تعيط وتبكي …
وينا الغالي وينا ولدي جبوهولي انت كداااب …
خالد : منهار احرف من منيرة بس متمالك نفسه
منيرة : تعيط بصوت عالي
الكل يتفجر عليها بزعل …
جوها الدكاتره يجرو ضربولها ابرة مهدي ..
______________________________
اما عند ربيعة وصغارها …
ربيعة : ناضت الصبح طيبت الفطور ..
مراد : ياصباح الخير ..
ربيعة : صباح النور ..
مراد : باس راسها كيف حالك اليوم ياغالية .
ربيعة : الحمد الله بخير كيف حالك انت
مراد : الحمد الله وينا العيلة ..
ربيعة : بعتت خوك للمحل وايناس راقدة
اكيدة …
ايناس : لالا اني جيتك
مراد : بأبتسامة ..
_ صباح النور
ايناس : تحط في راسها ..
صباحو …
مراد : كيف حالك اليوم
ايناس : الحمد الله وانت ..
مراد : يأشر بيده بمعني نبيك في راس
كلمه …
ايناس : هزت راسها بمعني حاضر …
ربيعة : تهدرز عليهم وتضحك وتغيرت كليا
اصبحت غير الانسانه ايام زمان …
والكل معجب بالتغير …
ربيعة : ياولد
مراد : نعم ياغالية
ربيعة : بعدين نبيك ترفعني عند خالتك
مراد : حاضر …
شدوها هدرزة وجوهم عسللل …
_____________________________
سارة : ماشية جاية ماشة جاية …
ياربي وينها هادي من امس ماروحت ياربي شن بنقول لي امي وبوي …
قعدت تتصل بس مافي رد نهائي …
زادت نشغلت اكثر واكثر وقعدت زي المجنونه
ماشية جاية …
اما عند ريما وفيصل …
مزالو جثتت …
??????????????
الكاتبة : Eman Albasha
توأم الروايات