خادمة علي عرش الثراء
الحلقة : 12 …
من رواية : خادمة علي عرش الثراء …
__________________________
ايوب : تعصب منها ولصقها علي الحيط بحدة
وشد يدها غصب وحطهم فوق راسها …
نورا : ببكي
_ سيبني ارجوك استاذ خليني نمشي
ايوب : يشوف لعيونها ومش قادر يقاومها قرب شفايفه من شفايف نورا
نورا : حاولت تمنعه وتبكي
ايوب : اسرع منها وقعد يقبل فيها بوحشية
نورا : بدت تبكي بصوت عالي و بوجع ..
ايوب : حضنها بحب اششش ..
نورا : تبكي من القلب ..
ايوب : خلاص حبيبتي والله مش قصدي نوجعك
بس انتي وافقتي علي غيري ..
نورا : ببكي بس اني مش حبيبتك ..
ايوب : شد حضنها بتملك
_ حبيبتي وغصبا عنك
نورا : قتلك مش حبيبتك ولو سمحت احترم نفسك وخاف ربي لي قاعد ديري فيه حرام وعيب اصلا
ايوب : قرب من نورا ..
عض شفايفها حبيبتي ورح تكوني حبيبتي علي
طول وتغير من جديد ويلا توا انزلي كملي شغل
نورا : نزلت خشت لغرفتها طول تبكي …
ياربي ساعدني واحفظني منهم ياربي ساعدني ماعندي غيرك يحس بيا يااارب ….
ومن كثرة البكي رقدت والدمعه في عينها ….
_________________________
الساعه 12 في الليل ….
عادل : ناض وحاسس بصداع رهيب شاف مخدرات فرح ولله شكله اليوم الحكاية عسللل خشت للتواليت غسل وجها وقعمز يدخن في الحشيش وعايش عالم خيااالي …
فجاءة يسمع في صوت سيارات الشرطة لملم الدنيا
علي السريع وقعد يحاول انه يهرب من السطح لسطح ..
الشرطي لمح عادل : وقف ياعادل احسنلك وسلم نفسك لان معندكش كيف تهرب ..
عادل : طنش كلام الشرطي ومزال مصر انه يهرب منهم …
عند هيثم مقعمز في الحوش وحاط
رجل علي رجل يبتسم برضي ….
?توا هكي اني مرتاح و ضمنت نورا ليا ومافي حد رح يشاركني فيهااا ورينا شطارتك ياعادل هههههههه
???
يسمع في صوت الباب قريب يتقلع ناض مخلوع ..
فتح الباب نصدم بي عادل قدام وجها …
عادل : متبهدل وحالته حالة ..
_ الحقني ياهيثم الحقني اني في مصيبة …
هيثم : يدعي الغباء …
_ خيرك خيرك شن فيه ..
عادل : بخووف وانفاس حكم متقطعة ..
_ الشرطة الشرطه ياهيثم تلحق فيا من مكان لمكان وهربت منهم الا بعد طلاع الروح ياصاحبي …
هيثم : خش خش بسرعه قبل لا يشوفك حد ونمشي فيها حتي اني …
عادل : خش قعمز بتعب …
هيثم : خليك مرتاح نجيبلك امياة ونجيك
عادل : بتعب ادير فيا خير ولله …
حاطة راسه بين يديه بتعب وارهاق …
هيثم : خش للمطبخ شاف للخلف اطمن ان عادل مش خلفه فتح فونه علي السريع …
_ الوو ياحضرة الضابط المتهم عندي اي اي خلاص نستنا فيكم تمام …
عادل : بصدمة ..
انت انت ياهيثم هكي دير فيا اني صاحبك
انت طلعت لي مورطني شن شفت مني …
هيثم : نصدم بوقفت عادل قدام وجها
_ عاااادل
عادل : اما عادل لي تحكي عليه اني صاحبك تبيعني بطريقة هادي كيف قدرت تخون العشرة لي بينا ياواطي يا حقير ….
هيثم : بعصبية …
اني قتلك نورا ليا اني بس انت سكرت راسك
معاي وهذا جزاء من يسكر راسه معاي ندمره
تعرف شني يعني ندمره …
عادل : وصل لاخر مراحل الغضب ..
_ يعني انت داير روحك راجل عليا ياعيل وعلي اساس انك دمرتي …
هيثم : راجل وغصبا عليك وعلي اي خلفوك حتي
اية دمرتك وبالمزبوط هههههه …
عادل : بتهور شد السكين ورشقه في قلب هيثم
واني لي يلعب معاي ننهي حياته مره وحدة …
هيثم : كنت ### في اختك ..
وطاح جثة ..
عادل : اختي شن قصده بكلامه نزل لي تحت
وقعد يحرك في هيثم شن قصدك بأختي تكلم ياحيوان وقعدت يضرب فيه تكلم ….
فجاءة تلمت الشرطة علي عادل ورفعوه للمغفر
واعترف بكل اعمالهم الوسخه …
ويبكي علي حال اخته لي ضاعت
????
________________________
انس : مبروك انت خليك في السيارة
زي ماتفقنا
مبروك : قشطة ياعسل من عيوني …
هشام : واني نجي معاك صح ..
انس : اية انت خليك معاي
هيا تعالي هي بس خليك حريص …
انس : خش من الباب الخلفي بدون اية
حركة غلط وبخفة وحركة سريعه …
شهاب : عجبه الحوش قعدت يتأمل بأعجاب …
انس : بهمس
_ الحقني ياحيوان شكلك بتفلقني …
شهاب : باهي تمام اني وراك …
………
في غرفة نورا …
نورا : من كثرة البكي خشمها احمر وخدودها
ورديات منظرها كيوت هلبا …
انس : فتح الباب …
نورا : وعطاته بظهر وفي سابع حلمة …
_______________________
وصال : خلي ننزل نشوف نورا شن صار معها
ونزلت تجري بسرعه …
حست بحركة غريبة قعدت تمشي بصمت
شافت انس ولد خالتها ومعاه شخص خافت
موت رجعت بخفه و مشت تجري الفوق بخوف علي نورا ?? …
ايوب : متكي ويبتسم بفرحه لي افكاره المجنونه …
وصال : خشت عليه بخوف
_ ايوب يا ايوب الحقني بسرعه وراسك
ايوب : ناض بخلعه خيرك شن في ..
وصال : نورا نورا يا ايوب
ايوب : خيرها نورا
وصال : انس ولد خالتي
ايوب : نزل يجري قبل لاتكمل باقي كلامها
__________________________
انس : قرب من نورا بدون لا تحس عليه
وحط المخدر علي خشمها بخفة ..
حاولت تقاوم بس ماعندهاش اية قوي تقاوم
بيها اغمي عليها علي طول ? …
انس : بخبث …
_ اخخخخ علي ام الجمال عض فمه بطريقة حقيرة اليوم سهرية لصبح ياعسل وقعد يتقرب منها يحاول يشيلها …
فجاءة حس روحة ينحدف بحدة علي الحيط نضرب علي راسه ضربه قوية ويجي طايح علي طوله حط يده علي راسه بوجع …
ايوب : تتقوي علي مرتي هاااا وقعد يضرب فيه ضرب قاتل …
انس : بدي يعيط بوجع …
هشام : كان مصدوم وبعدين حاس انه رح يجي الدور حاول يدافع علي انس بس وصال بخفة
خدت المزهرية وضربتها علي راس هشام …
وصال : حطت يدها علي فمها بخوف …
هشام : شد راسه بوجع ويجي طايح مغمي عليه
وصال : حركاته اطمنت انه مغمي عليه قعدت تضرب فيه تيروات لكن بشوي كيوت ياروحي عليها …
اياد : متكي في فراشة يستني في اتصال من امه فجاءة يسمع في صوت تكسير وعياط نزل يجري بخلعه ….
منى مش موجودة مزالت تهدرز مع اختها ربيعه ..
?????
اياد : بصوت عالي
_ شنو في ياجماعة شاف المنظر نصدمممم
فهم الموضوع علي طووول هذا زودها عند حدها الحق وشد انس وقعد يكركر فيه بحقد
حدفه في السيارة …
وايوب : كركر هشام وحدفه في السيارة …
صاحبهم مبروك شاف المنظر شدها حرقة وهرب …
اياد وايوب حدفوهم عند المغفر ورفعوا عليهم قضية
سرقة ومحاولة اعتداء ….
علاء جي يجري للمغفر ووو …
……
وصال حاضنة نورا وتبكي ….
وصال : ياروحي عليك يانورا الكل طامع فيك حرام عليهم ربي ياخد فيهم الحق الناس خلاص ضميرها مات معقولا الناس تجردت من الانسانيه لي الدرجة هادي معدش لامحترمين لاحرمة ولا شيء …..
نورا : مزالت فاقدة للوعي ..
وصال : مزالت حاضنة نورا …
وتبكي
اياد : بتعب
_ خلاص ياوصال خليها ترتاح ونوضي لمي المرش قبل لا امي تجي و تنخلع وتصيرلها حاجة ..
وصال : حاضر باست نورا وطلعت
ايوب : خش للمطبخ ومزال يغلي مع بعضة
اياد : خش للمطبخ ما توقعت النذالة توصل بيه لدرجة هادي
ايوب : ياكل في روحه يبي يطمن علي نورا
_ ممكن تخليني بروحي …
وصال لمة المرش علي السريع وطمنت علي نورا
خشت للمطبخ ..
_ ايوب
ايوب : شافلها بمعني نعم
وصال : تبي الحق اني بديت خايفه علي نورا
ياريت يعني الغرفه لي فاضيه في الدور التاني
ايوب : قام حاجب يعني
وصال : يعني نورا ترقد معنا الفوق امان ليها اكثر
قصدي بجد خفت عليها …
اياد : صح كلام وصال …
ايوب : ديرو لي تبوه
وصال : تصبحوا علي خير
اياد : شاف فونه لقي مسج فرح
_ الحمدلله امي مش رح تروح خليها تبات غادي افضل ….
‘_ اني نستاذن بنرقد ماتبي شيء
ايوب : سلامتك
اياد : ماشي تصبح على خير
ايوب : وانت من اهلو ..
_ حاط يديه بين راسه ضروري الكل يعرف الحقيقة
مش رح نسكت اكثر من هكي …
خش ايوب لي غرفة نورا كسرت قلبه …
خش معها في نفس السرير شد خصرها وقربها منه
حط راسها علي صدره نوعدك حبيبتي وعد راجل نحميك من اية حد يحاول يقرب منك ويضرك …
تصدقي كنت مش قادر نعترف حتي بيني وبين نفسي اني حبيتك من اول نظره شفتك فيها …
وبعدين اكتشفت انك نفس البنت لي كنت ندور
عليها ليا سنتين …
زاد اعجابي بيك اكثر واكثر والماضي كان صعب عليا ننساة بس نوعدك حبيبتي رح ننسي كل لفات لعيونك …
وقدت يقبل فيها ويحكي علي مدي حبه وعشه ليها
ويشكي علي معناته لي عاشها …
__________________________
عند منيرة مقعمزة تبكي من القلب …
سارة : خلاص ياماما حرام عليك صدقيني حمزة رح يتعالج ورح يرجع خوي الاول من جديد ..
خالد : حزين علي حالة وحيدة …
ريما : مطنشة الكل وتبعت في مسجات اعجاب للدكتور وهوا مش مقصر معها مش حبا فيها انما طمعا فيها بنسبة ليه يشوف فيها مجرد تسلية يشبع بيها رغبته ..
الدكتور : طلع من الغرفه
منيرة : بتوثر
_ شن صار يادكتور طمني …
الدكتور : المرض الحمدلله فاق بس للاسف الشديد صارله شلل نصفي و يحتاج علاج طبيعي مكثف ….
خالد : بفرحه
_ يعني في امل للمشي مرة تانية
الدكتور : في امل ان شاءالله وتوا بالاذن
منيرة : تبكي من الفرحة …
خالد : شاف لتحت تصدقي يا منيرة معدش عرفت نفرح ولا نزعل …
منيرة : بصدمة
و علاش ياحظي وعوجت فمها ….
خالد : العلاج الطبيعي ضروري يكون عندنا مبلغ كبير باش يقدر يوقف علي رجليه من جديد …
منيرة : اسمع ياراجل اني مستعدة نبيع الرخيص والغالي علي خاطر ولدي تسمع فيا ولالا
خالد : نسمع فيك ووطي صوتك الناس تتفرج
منيرة : تحرك في رجليها بغضب
سكتت
خالد : اني المقصد من كلامي لو بعنا املاكنا كيف
رح نعيشوا بعدين
منيرة : واملاك خوك مش شوي تبارك الرحمن
في كل منطقة عنده حوش هكي كبيره وشن فيها كان بعت واحد منهم وانت طول نقزت علي حوشي تبي تبيعه ..
خالد : المحامي انتي عارفه شن قال
منيرة : وووووه انت وين عايش زور ورق
خيرك انت
خالد : بتفكير
عجباته الفكرة خلاص لتشوفي مناسب ديري
منيرة : تبتسم بشر …
ولا يهمك غير اروح رح نقعمز تقعمزية هديكة لي نعرفها اني ….
خالد : نعرفك قدها وقدود …..
سارة : تبتسم بفرحه وسعادة …
__________________________
عند انس يعيط بوجع ويطلب في الرحمه
مراد معلق انس ويجلد فيه بدون رحمه
انس : ارحمني ولله العظيم اخر مره نقسم بالله
ويعيط بوجع ارحمني ارحمني
مراد : اذا كان انت ماتعرفش الرحمه كيف تبيني نرحمك هاااا ونازل فيه جلد ..
انس : خلااااص وربي نوعدك وعد راجل اخرلي مره
مراد : راجل صار انت لو كنت راجل حق راهو مش هذا حالك تبعت سكة شمال قولت توا يعقل ويحط عقله في راسه ..
سيبت خدمتك المحترمة وماشي تبيع في قطع غيار خاربه و مستعمله قولت يلا نخليه براحته يبي يكون نفسه بنفسه و خليتك زي ماتحب ..
كل مرة ادير مشكلة اكبر من مشكلة وتقعد الحشمة في وجهي نقول يلا نمشيها خوي اكبر مني الله غالب عقله صغير وتوا سيوره يعقل ويكبر عقله بس انك تخش لحياش الناس وتخطف حرمتهم انتي هكي تعديت حدودك وبزااايد ياولد امي وانت ربايتك
علي يدي
انس : سامحني توبه ولله توبه خلاص حطيت عقلي في راسي ولله خلاص …
مراد : انت اتوب انت ولله ماك تيبها لن تتربي من اول و جديد و شط الحبل و يجلد فيه من جديد
من كثرة الضرب اغمي علي انس وجلدة كله ازرق
مع بعضه …
_ مراد حدف الحبل وقعمز بتعب …
اللع يلعنك ياكلب حشمتني يحشم حالك معاد عندي وجه باش نقابل بيه استغفرالله عليه العظيم وخلاص …
لكن ربايتك علي يدي توا نوريك اني لما وقعد محبوس ومحروم توا تعرف ان الله حق …
طبعا مراد طلع خوه بكفالة وخدي تنازل
من ايوب ….
________________________
ربيعة : منى تسمعي في صوت عياط ولا اني نتوهم
منى : لا مافي شيء
ايناس : لا ياماما شكلك تتوهمي حق ..
ربيعة : شكلي هكي ولله ..
منى : وين علاء و انس
ربيعة : كلمني علاء قالي سهران مع خوه وشلة شباب في المربوعه قولت نخليهم براحتهم
منى : ربي يحفظهم يارب ..
ربيعة : ان شاءالله يارب ..
اي حقة ريتي نعيمة شن دارت فيا بكري
منى : لا ولله شن دارت
ربيعة : بحقد وكره
_ تصدقي ياخيتي حشمتني قدام الناس …
منى : كيف حشماتك
ربيعة : اني نهدرز بحسن نية قولت بوي الله يرحمه كان يعز منى اكثر وحدة فينا ناضت تعيط بصوت عالي وتقول بوي كان يحبني اني وطلعتني كدابه قدام كل المجمع تصدقي ولله وجهي تقشر والحق اختي هادي زودتها بزيادة ..
منى : غريبة مع اني كنت نعرفها حقانية …
لكن بجد مصح وجها وخلاص اصلا متحملتها
بسيف اني ..
ربيعة : وريتي كنتها كيف نافخة روحها
منى : حسيتها عادية
ربيعة : معنها فاتك الجو انتي ايناس احكيلهم شنو دارت الحية مرت ايهاب
ايناس : تصدقي ياخالتي الانسانه اللزجة هادي
لاهية غير تحكي علي راجلها وبس وتقول للبنات
ياعوانس وتقول في كلام مش لبق نهائي …
منى : غريبة ولله البنت كانت رزينه وعاقلة
اعوذ بالله قداش مانكرهم الصنف هدوم الحمدلله
نبهتوني لاتحشمني قدام الناس ..
ربيعة : اية رد بالك منها ..
وقعدت تبتسم بشر وفرحه ….
ومنى مصدقة ومصدومه …
__________________________
شن بصير تابعوني …
الكاتبة : Eman Albasha
الكاتبة : omaima Trabelsi