خادمة علي عرش الثراء

الحلقة : 6 …

من رواية : #خادمة_علي_عرش_الثراء …

_____________________________?

عادل : قررت نبي نطلعها في اقرب فرصة مش قادر ننساها كل شيء فيها جنني ..

هيثم : كيف يعني مش قادر تنساها ..

عادل : ديما نفكر فيها مش قادر نطلعها من خيالي وقلبي ديما مرايف عليها ونزعل لما تكون مش فاضية مش عارف شن قاعد يصيرلي تصدق …

هيثم : بخلعه
_ تبصر انت ولاا

عادل : بستغراب شن نبصر بتاعك هادي اكيد مانبصرش ..

هيثم : يمسح علي وجها …
عادل ياصاحبي قول انك تبصر

عادل : ولله مانبصر تي خيرك ياراجل كان حالك كويس ..

هيثم : تعرف كلامك علي شن يدل

عادل : شن يدل ياشاطر

هيثم : يدل علي شيء واحد انك اتحب وصال

عادل : لا اكيد ..

هيثم : باهي انت ترضي حد غيرك يلمسها ويقرب منها ..

عادل : شعلت فيه النار وبدي يتكلم بدون لايحس علي روحه …

اكيد لا هيا ليا اني بس …

بعدين قعد مصدوم من روحه ??

هيثم : ريت ياصاحبي شن صار فيك ..
طلعت تحبها وهذا مش لصالحك نهائي

عادل :بنكران …
_مجرد اعجاب ورح يمشي اكيد ماتحطش في راسك اصلا هيا ماتهمنيش رح ناخد شن نبي وبنسبة ليا زيها زي غيرها …

هيثم : بعدم تصديق
_ ان شاءالله كلامك من قلبك وحق ..

عادل : عيب عليك ياراجل مش اني لي تغيرني بنت
??

_______________________?

عند البنات …

وصال : خودي التشيرت هذا خفيف ومريح ..

نورا : لبساته علي السريع ..

وصال : حبيبتي نورا تقدري تنزلي بروحك …

نورا : ببكاء اية نقدر وشكرا

وصال : خودي المرهم هذا معاك و

نورا : خدت المرهم وشافت لي ايناس بحقد وطلعت …

ايناس : بحقد …
حي ياحي كيف شبحتلي الكلبة هادي كان انوضلها الما انتفها شن تحساب روحها هيا مجرد خدامه
ومكانتها تحت رجلينا …

ايات : بنفس الحقد
_ مصح وجها وللهي الله …

ولاء : تتفرج بصمت ومش عاجبها شيء من الاول بس ساكته بسيف …

وصال : بغصب …
_ عيب عليك انتي ويها حتي عمركم مش صغير باش نوريكم غلطكم وبعدين شن خدامه تحت رجليك اصحي انتي وياها ياماما البنت تخدم بكرامتها مافي حد يتجمل عليها ويكون في علمك انتي وياها مافات عليا شيء شفت كل حركاتكم ولله ماتوقعتكم هكي …

ولاء : بصراحه حتي اني سكتت بما فيه الكفاية
لي قاعد يصير غلط في غلط سادكم غرور وتكبر وبعدين كلنا خلق ربي مافيش فرق اليوم هيا خدامه الله اعلم انتي غدوا شن تكوني …

وطلعت بغضب …

وصال : شافت بخيبة امل للبنات وطلعت
بزعل علي حال نورا …

___________________________

نورا نزلت تحت تبكي من الوجع …

دلال : خيرك نورا ياعمري

نورا : نحرقت

دلال : كيف نحرقتي
???

نورا : #####

دلال : ياعطيها مايرفعها المغرورة هادي …
تصدقي اية حد تغار منه ضروري ديرله لقطة
مش حلوة عندها زي المرض …

رشا : جيت …
شافت نورا تبكي حطت السفرة وشدت كتف نورا

_ نورا حبيبتي خيرك تبكي ..

دلال : الكلبله
_ ايناس وايات

رشا : خيرهم

دلال : ########

رشا : الحقيرات المحسديات خزي عليهم …

_خلاص نورا حبيبتي معدش تزعلي روحك ترا وريني الحرق …

نورا : قامت التشيرت ..

رشا : اووو ياروحي عليك اكيد يوجع ..

نورا : اية يسحق هلبا

رشا : خليك نعطيك مرهم كويس احسن من هذا وخلي نعقمك الحرق بالاول …

نورا : ياريت ولله …

رشا : قامت بالواجب وعقمت حرق نورا وحطتلها المرهم علي صح ولفتها بالشاش …

نورا : تسلمي حبيبتي والله

رشا : مش بينا حبيبتي …
انتي خليك مرتاحه …

نورا : لالا خليني اقل شيء نساعدكم

دلال : المساعدة انك تقعمزي بدون حرق دم ..

نورا : ببتسامة …

خلاص قعمزت ..

دلال : شدت خدود نورا اويلي انااا من الحلو لي يسمع في الكلام ..

رشا : اي اي خلي خدود بنتي ..

نورا : تضحك عليهم …
ههههههه ولله مجنونات ..

دلال : قولي ولله

رشا : ولله ..

خدت ترفع في المقبلات قبل العشاء وتضحك علي دلال ونورا ..

دلال : لحقت رشا وقعدت تضحك مع رشا ..

قعدت نورا بروحها مقعمزة تسمع في بابا الخلفي بتاع المطبخ يخبط استغربت وناضت تفتح في الباب …

نورا : فتحت الباب …

شافت مراد ابتسمت ورجعت للخلف …

مراد : خش بغسل في يدة ..

نورا : توثرة ..
قعدة واقفة في مكانها وتشوف تحت …

مراد : قام عيونه وقعد سرحان في نورا

نورا : تبلع في ريقها بالسيف …

مراد : احم احم ..
سكري الباب الخلفي بعد لانطلع تمام

نورا : بصوت واطي وخجول

_ ان شاءالله

مراد : هبل فيها …

علي خشت ايوب من الباب الخلفي او بمعني لحق مراد لانه عارفه نسحر بي نورا …

شاف نظرات مراد ونورا شعلت فيه الناااار
حمحم وخش ..

مراد : طلع بدون حرف زيادة ومزال منهبل في
نورا???

نورا : شافت ايوب تبلع في ريقها بخوف وقعدت تشوف تحت بخووف واضح ..

ايوب : يغسل في يده بحقد ويشوف فيها من المرايا الامامية ومستمتع بخوف نورا ويبتسم علي جنب بأنتصار …

جفف يده وشاف لي نورا شبحه جانبية وطلع مع انه يحس بغيرة قاتله بس مش عارف شن شعور الغيرة لان ???

نورا : هوا طلع حطت يدها علي قلبها بخوووف
بعدين خش اياد للمطبخ ..

اياد : ببتسامة …

اووو نورا

نورا : تبتسم بخجل

اياد : هيا الخجولة ههههه
اسمعي بنقولك المرة الجاية خلي البنات يجوا بدالك للمربوعه تمام ..

نورا : ان شاءالله

اياد : مش قولت اني خوك يانورا

نورا : اية ..

اياد : معدش نبي رسميات بينا تمام

نورا : تمام

اياد : ماتبي شيء توا

نورا : هزت راسها بمعني لا

اياد : اني طالع وطلع …

________________________

عند ايات وايناس ..

طلعت ولاء و واصال

ناضت ايناس بحقد ..

ايناس : مصح وجها الحقيرة هادي اني بنت خالتها
تجي ضدي علي خاطر شغالة حقيرة ..

ايات : بحقددد اسواء من ايناس ..
اية شن تحساب روحها الوسخه هادي ..

ايناس : رح ارجعهالك يامسخه ..
والشغاله هادي تبي ترباية من اول وجديد لعبت مع الانسانه الغلط …

ايات : بحقد ..
تعالي تعالي نحكيلك علي وصال لي دار روحها متربية افضل ترباية ..

ايناس : الله شن صاير احكلي ..

ايات : تصدقي انها تطلع مع واحد وقصتهم قصة حب وغرام وقالبتها فوق راسها …

ايناس : كيف تطلع مع واحد احكيلي شن صاير

ايات : ناضت سكرت الباب
ياستي كلمتني امس تبكي وحالتها حالة و####

ايناس : وهذا غير محترمة ومافي حد زيها وهيا مافيش حاجة مش دايرتها ..

ايات : اية تعرفي مع اني نصحتها بس هيا ماتبيش تسمع بالنصيحة ..

ايناس : بتفكير …

_ وين فون وصال ..

ايات : اهوا هذا فونها

ايناس : ببتسامة شريرة
هاتي وحقي رح نطلعه من بين عيونها النذلة هادي
ورح تندم علي كلامها معاي ..
????

ايات : بحماس
_ احكيلي شن بديري

ابناس : تبتسم علي جنب …

__________________________

في مكان تاني …

عند العم (خالد) عم نورا …

المحامي : نعتذر منك استاذ خالد كل شي مسجل بأسم نورا ومش رح تقدر تتصرف في ولا ملك من املاكها الخاصة الا بعد التنازل او تعدي السن قانوني ….

خالد : كيف بعد التنازل

المحامي : يعني كل شيء متجمد حاليا لان البنت تحت السن القانوني ومش رح تقدر تبيع اية ملك بأسم نورا يعني تاخد مصروفها الشخصي فقط ….

خالد : بحقد ..

ماشي شكرا

المحامي : لم اوراقة ولو العفوا بالاذن ..

خالد : شاد راسه بيده

منيرة خشت تجري هيا وصغارها …

منيرة : شن صار قدرت تبيع ولالا

خالد : بأسف …
لا مقدرتش نبيع ولا حاجة

منيرة : بس انت الوصي عليها

خالد : كل شيء بأسمها وضروري تكون فوق السن القانوني …

منيرة : والحل يعني ..

سارة: شنو الحل يعني …

حمزة : يسمع بصمت …

ريما : صح شن الحل …

خالد : بتفكير …
في حل وحيد بس حمزة يتزوج نورا

حمزة : نخلععع
مني يتزوج مني

منيرة : انت تسكت حرف لاااا

حمزة : سكت

خالد : لو حمزة تزوج نورا رح ناخدوا كل الاملاك
ونبيعوهم وبعدين انت دبر راسك يا حمزة …

حمزة : بتفكير ..

عجباته الفكرة : خلاص اني موافق …

خالد : نبي نورا ولو كانت تحت الارض تحيبها ..

حمزة : عيوني ليك بس لو كانت متوفية

خالد : كان ماتت احسن بعدين كل شيء رح يتحول بأسمي ..

????

منيرة وبناتها يبتسموا بشر وحقد علي نورا …

_______________________________

عند وصال و ولاء ..

وصال : تعالي نتمشوا في الجردينه ولله نفسي
نغمت ..

ولاء : حتي اني ولله ..

وطلعوا الجردينه ..

ولاء : تجنن الطبيعة ..

وصال : اية نحب الهواء الطلق والمناظر
الطبيعة

ولاء : اية ماشالله

وصال : نفكر الفترة الجاية نطلع مع نورا للمحلات عندها ذوقق فضيععع

ولاء : جددد

وصال : اية ولله ذوقها خياال باللهي شن رايك فيا اليوم

ولاء : تبي الحق من بكري نشوفلك بأعجاب اليوم طالعه طلقة يابنت ..

وصال : اصلا اني ديما طلقة بس انتي حولة
ههههههه

ولاء : ههههههه غير خف ياعمي الحاج

وصال : ههههههههه هذا الحق ياروحي واليوم لبستي علي ذوق نورا …

ولاء : بجد حلووو عجبني التغير ..

وصال : ?
عموما شن تطلعي معنا لو طلعت من نورا

ولاء : اية اكيد ياريت اصلا حبيتها البنت ونبي نتعرف عليها اكثر بدون قيود

وصال : حسيتها هادية ومش اجتماعية

ولاء : اني حسيت العكس وانتي حاولي تكسبيها واضح طيوبة البنت بس الله يسامحهم مش عارفه علي من طالعين

وصال : ربي يهدي وخلاص ..

ولاء حياتي نبي نصيحتك في موضوع

ولاء : عيوني ليك حياتي

وصال : ########

ولاء : ينهارك ياعبيطة شن درتي ياغبية

وصال : بخوف ولله كنت خايفة ومترددة بس ايات شجعتني واني طلعت وكنت راضية بس لما شفت في عيوني امي وخوتي ندمت وعرفت اني ارتكبت جريمة في حق نفسي …

ولاء : صلحي غلطك ومعدش تحكي لحد لي درتي غلط وغلط كبيرررر ..

وصال : خفت يابنت ..

ولاء : للعلم انتي غلطتي ومفروض فكرتي بعقلك قبل قلبك وبعدين من قال انه مايضحكش عليك افترضي صورك في هلبا بنات صارت معاهم قصص مأساوية وين عقلك يالغبية ..

وصال : حست بالذنب وقعدت ندمانه

ولاء : حبيبتي توا لي صار صار المهم عرفتي انه غلط وصلحي من نفسك ياحلوة

وصال : هذا لي بصير صح كلامك اني وين عقلي من البداية طول عمري صاينة نفسي ومش رح نخلي حد يدوسني واني ضروري نصلح غلطي …

ولاء : شافت اياد خاطم ابتسمت بخجل ..

اياد : ????
مساء الخير ياحلوين ..

وصال : شافت لي ولاء ابتسمت

اياد : وقف عليهم اهلين

ولاء : اهلين اياد كيف حالك

اياد : الحمدلله بخير

وصال : تتفرج وتبتسم عليهم ..

ولاء : وينك معدش تجينا زي قبل

اياد : ولله الشغل خدي كل وقتي الحق ..

ولاء : الله يعين

اياد : هي نستاذن اني

وصال : اذنك معك

ولاء : مع السلامة

ولاء عيونها معلقات في اياد و وصال تشوف بخبث لي ولاء ????

______________________?

عند ايوب مقعمز علي ناااار يستني في اياد امتي يجي فكرة اياد يضحك ويهدرز علي نورا تحرق فيه حرق ? …

ويتحلف في نورا من بكري ???

ومراد حاس علي ايوب ويبتسم بخبث

مراد : تبي الحق يا ايهاب الشغاله عجبتني

ايوب : شاف لي مراد بحقد

مراد : مرات نفكر نخطبها ونطلعها من الهم لي قاعدة عايشة فيه ..

ايوب : بصدمة …
من بتخطب

مراد : بخبث
_ الشغاله بتاعكم من بنخطب يعني …

ايوب : بدون لا يحس علي روحه

_ تحلم شكلك نورا ليا

ايهاب : كاتم ضحكته

مراد : دار روحه مصدوم ..

_ جددد وكيف صار

ايوب : يلعن في روحه ..
_ قصدي البنت صغيرة حرام يعني

مراد : كاتم ضحكته علي ايوب …
وعرف كيف رح يرجع ايوب الاول من اول وجديد ..

ايوب : شاف اياد جاي ويبتسم ..
ولعت فيه نار ???

اياد : ببتسامة
اني جيت …

مراد : وين كنت والابتسامة شاقة الحلق ماشالله

اياد : حط يده علي قلبه بدراما ..

كنت عند الحب ولله عقلي طاااار من مكانه بشوفتها
نبي نتزووووج ياولاد …

ايوب : قرررريب يتفجر يحسابة يحكي علي نورا

مراد : يضحك علي اياد

وايهاب : يشوف بغموض لي ايوب

_______________________________

انس مقعمز ويفكر كيف رح يوصل في نورا
ويخطط من بكري …

??????

شن بصير تابعوني …

نبي لايك وشير للحلقة …

وشي تاني …

شن بصير في نورا …
ايوب كيف رح يتعامل مع نورا …
عادل هل رح يستمر في حقدة ولا رح يستسلم لي قلبة ومشاعرة …

ايات وايناس علي شنو ناوين …
وهل رح ينجحوا في خططهم …

وانس هل رح ينجح في مبتغاه …

شن بصير خليكم معاي …

الكاتبة : Eman Albasha

الكاتبة : omaima Trabelsi

?????