خادمة علي عرش الثراء
الحلقة : 23 …
رواية : خادمة علي عرش الثراء …
________________________________
ايوب : متحمر مع بعضه ..
نورا : حست فيه شيء غلط ..
_ ايوب انت بخير ..
ايوب : بخير لكن شن بنقولك يا نورا الحق
يعني ااا
نورا : بخوف ..
_ شن صاير ..
ايوب : حاول انه يكون طبيعي باهي كان نقولك انتي مرتي رح تصدقي ….
نورا : هههههههه اكيد لا
ايوب : بس انتي مرتي يا نورا
نورا : كاتصحيح المعلومات قصدك رح نولي
مرت مش مرتك اني حاليا حبيبتك ??? ..
ايوب : حاسس بخوف من ردة فعل نورا
_ شن رايك تقري الرسالة هادي
نورا : بدت تقرا في الرسالة وتشوف لي ايوب بصدمة و تزيد تقرا تاني وثالت وتشوفله بنفس صدمةةةة
ايوب : خش في بعضه من نظرات نورا
المش طبيعية نهائي …
نورا : بصدمة …
_ وتبكي من امتي وانت عندك علم بزواجنا ..
ايوب : ارتبك ..
_ من ن امت ي كنتي تحكي في قصتك لي دلال
ورشا ….
نورا : وعلاش مابيتش تصارحني من البداية ..
ايوب : حالت صمت ..
نورا : حدفت الرسالة بخيبثة امل
و
______________________________
اما عند ربيعة وايناس …
ربيعة : ياخيتي سامحيني راني قسيت عليك
و ماقولت عليك طيب ..
نعيمة : انتي اختي يا ربيعة ومهما اديري صح نزعل بس مع هذا اني مسامحاتك يكفيني انك عرفتي غلطك ياقلب اختك ..
ربيعة : ربي مايحرمنى منك يارب …
الحمد الله يارب فقت علي عمري ..
نعيمة : واني هادي رسالتي ليك من قبل نحاول
نوصلهالك بس انتي كنتي تحسابيني نكرهك
بالعكس انتي اختي ونتمنالك كل خير ..
ربيعة : اية اية منا وينا عرسوتنا مش مبينه ..
ايناس : مقعمزة وساكته تتفرج عليهم وخلاص ..
ولاء : تتفرج علي تغير ايناس وخالتها فرحت من الداخل بس في نفس الوقت مكسور خاطرها علي اختها ايات …
نعيمة : اكيد متحشمة خليك منها توا تنزل وتوا واحكيلي اخر اخبارك …
ربيعة : والله الحمد الله اهوو ماشية وخلاص
مافي اخبار جديدة
نعيمة : اية حقة كلمتني منى بكري وطيبت خاطري وقالت مرات تجي تبات معاي اليوم …
ربيعة : بفرحه
_ جدد معنها خلي نبات حتي اني معاكم ..
نعيمة : وهذا لي كنت نقول فيه
خليك معنا علي الاقل نديرو سهرية حلوة مع بعض …
ولاء : ايناس تعالي نبيك الفوق ..
ايناس : اني جاية ومشت خلف ولاء …
ولاء : جاية بتتكلم وتهاجم ايناس بس ايناس
قطعت عليها الكلام …
ايناس : ولاء حبيبتي عارفه انك زعلانه علي خاطر
ايات واني ولله ندمت وعرفت غلطي وجاية نبي نعتدر منها وانتي اكيد وصلك خبر زواجي بس في الحقيقة انتي ماشفتي شيء من معناتي لي عشتها قامت بلوزتها شوفي شن صار فيا اني صح نستاهل مايجيني بس في نفس الوقت الانسان هذا احقر منه مافيش وربي يحب ايات انها مانخدعتش فيه لانه نيته كانت سودة من ناحيتها …
ولاء : مصدووومه ..
وقعدت ساكته …
ايناس : نتمني من ايات تسامحني …
ولله كنت ماشية في الطريق الغلط بس الحمد الله
عرفت غلطي …
ولاء : اهم شي عرفتي غلطك بس المفروض
تعتدري من وصال ايات ممكن تسامحك بس
وصال مش عارفه الحق …
ايناس : ان شاءالله خير المهم اني نطلب السماح
وعندهم الحق لو ماسامحوني …
ولاء : كسرت خاطرها
_ اكيد مسألة وقت ورح تعدي علي خير ..
ايناس : ان شاءالله يارب ..
اما عند ايات …
ايات : بعد كل شيء صار جاية بكل صحة وجه
الحقيرة هادي …
علي خشت …
ايناس : السلام عليكم
ايات : بعدم رضي وترد من فوق نفس
_ وعليكم السلام
?????
ايناس : اني جاية
ايات : علي شنو جاية بزبط بتقهريني انك خديتي
حبيبي ولا انك عايشة مرتاحه علي شنو بزبط هاا
لكن برافوو عليك والله وطلعتي خطافت الرجالة
وطلعتي انذل ماخلق ربي …
اصلا في جرتك ضعت وضيعت نفسي ..
ايناس : حالت صمت …
ولاء : بس بس خلااص وطي صوتك …
ايناس خليك البرا شوي …
ايناس : طلعت بخيبة امل …
ولاء : اني بنقولك شن صار
ايات : ببكي مانبي نسمع شيء
ولاء : انتي تسكري فمك وتسمعي غصب
يلي صار وووووووووووووو
والبنت جاية تعتدر منك للعلم
ايات : نصدمت …
_ مش مصدقة ايناس تغيرت لدرجة هادي
يعني اني حالي افضل من حالها …
بس مع هذا مش رح نسامحها وتستاهل مايجيها
بس حتي اني كنت زيها وندمت ياااربي ولله دايخه
ومعاد عارفه كيف نتصرف …
ايناس : اني جاية نعتدر منك يا ايات وحقك
عليا وياريت تسامحني …
وطلعت ..
ايات : قعدت مقعمزة بروحها وتفكر …
هل تسامح وتفتح صفحة جديدة ولا لا ..
___________________________
نورا : حدفت الرسالة بخيبة امل
ونقزت علي ايوب بحماس وفرحه ..
ايوب : نخلععع
نورا : هههههه نحبك وربي نحبك …
ايوب : مفجوع ومش عارف شن قاعد يصير
نورا : يعني كل شيء صار بينا حلال خليتني نبكي من الفرحة يكون في علمك عندك علم اني كل يوم نتعدب نحساب روحي نغضب في ربي وغير هكي يكفي انك اختيار الغالي بجد اني نحبك ياروحي
ايوب : مش قادر يستوعب لي قاعد يصير قدامه
ماعمره شاف بنت مجنونه بطريقة هادي وطريقة تفكيرها لي حيره اكثر واكثر …
الحكاية طلعت عكس التوقع نهائي
??
نورا : قعدت تحضن فيه بالقوة وتنقز
بحماس وتقول في كلام غير مفهوم …
ايوب : حضنها بفرحه انها تقبلاته وتفهمت
وضعه ….
وبدي يتمادي معها في ?? وهيا مش مقصره …
اما عند وصال و منى …
منى : شن مزال زعما
وصال : كل شيء حجزنا وربي ..
_ بس ولله ماتوقعتها منك تصدقي
منى : عصفورين في حجر ياحلوة ..
وصال : هههههههه ولله ماليك حل ياغالية
منى : باش تعرفي بس …
المهم خفي روحك بنمشو لحوش خالتك
وصال : قصدك بنمشي معاك
منى : قصدك بنمشو شن كنت نحكي اني
وصال : ابسي ولله نسيت بدون قصد
منى : عارفاتك هبلة ياحصلتي فيك وخلاص
_ اسمعي يابنت
وصال : نعم ياغالية ..
منى : ولد خالتك مراد ..
وصال : تغير لونها ..
منى : عرفت الرد هههههه
وصال : اميي علاش تحرجي فيا
منى : بخبث
_ علي مين هااا
وصال : امييي
منى : ههههههههههه
_ يعني نقول لي خوتك موافقة صح
وصال : اية ??
منى : حشمه مافيش طلعتي تمتلي يابنت في الخجل ولا كيف ..
وصال : هههههههه حرام عليك ..
منى : خفي روحك هونا خوك وصل
وصال : طيب فيه ولله …
كان جبتي السواق خير
منى : حتي خوك يشكرو فيه ..
وصال : صح لانه طرف
?????
منى : ????
_______________________________
اما عند خالد …
خالد : الو السلام عليكم ..
_ اية اني ان شاءالله شوي ونكون غادي
تمام …
سارة : شن صار امي هبلتني من بكري وهيا
تسأل وتعيط عليا …
خالد :الشرطة طالبتني شكله لقو اختك
ربك يستر وخلاص ..
سارة : طمني بالله عليك
خالد : ان شاءالله بس ديري بالك علي امك
سارة : حاضر …
منيرة : ساااره ياااسارة
سارة : نعم ياماما
منيرة : وينا اختك لي توا يابنت قولي الحق
وينا اختك ..
سارة : مشي بابا يجيب فيها
منيرة : قعدت تبكي قلبي مش مطمن
ولله قلبي ماهو مطمن ..
سارة : نشغلت اكثر …
اما عند خالد …
سمع الخبر طاح من طوله وقعد حاطط راسه
يديه بين راسه ويعيط …
اني بنتي مرخصة روحها لدرجة هادي ..
قعد زي المجنون يمشي ويتكلم بروحه اني بناتي
شريفات اني ويبكي اني صغاري بخير اني راجل طيب اني مستحيل نقتل خوي …
اني ونهار قعد يبكي ويتكلم بروحه …
سارة : تتصل بس مافيش رد
نشغلت عليه …
خالد : رجع للحوش يبكي ويتكلم بروحه
فجاءة طاح وقعد يبكي بصوت عالي …
سارة : سمعت كلام بوها نهارت وبدت ترعش
مع بعضها …
منيرة : ناضت تجري علي صوت بكي خالد
العالي
خالد : بصوت عالي اني بنااتي شريفات اني ولدي عايش اني
منيرة : شدت خالد وقعدت تخض فيه …
وين ريما بنتي ريما وين
خالد : ببكي ماتت زانيه بنتك ماتت وقتلتني معها
ماتت بعارها فضحتني قدام الناس راسي ولا تحت الرجلين …
وقعد يتكلم بروحه مرة يبكي ومرة يضحك ومره
يتكلم بجنون …
منيرة : سمعت الخبر طاحت عليهم
سارة : تفجرت بكي ومع هذا تحاول تقيم امها
قعدت تعيط تلم في الناس بس مافي حد فزعلها
الا الشيخ جاها يجري …
الشيخ : لاحول ولاقوة الا بالله
لاحول ولاقوة الا بالله عليه العظيم …
شال منيرة للمشفي ومعها خالد لي يتكلم بروح
ومش حاسس بشي سارة تشوف لي حالت بوها
وامها قعدت تبكي وعرفت انه انتقام من ربي …
بعد وقت من الانتظار ..
طلع الدكتور وخبرهم بالخبر الصادم ..
ان منيرة جتها جلطة ورح تعيش باقية عمرها طريحة الفراش واما بنسبة لي خالد خسر الغالي وبسبب الصدمات خش في حالة جنون …
الكل متأسفين لي حالت خالد ومنيرة …
وسارة منهارة معدش عرفت وين تقسم روحها
من جيهة بوها ومن جيهة تانية امها …
الشيخ حاول يصبرها بكلامه بس تفجاءة واعجب بأيمانها ب ربي برغم صغر سنها …
_______________________________
اما عند ايوب ونورا …
ايوب : عندك علم هكي ارتحت اني
ورتاح ضميري …
نورا : مش انت بس حتي اني للعلم …
ايوب : ربي مايحرمني منك حبيبتي …
نورا : ولا منك ياقلبي اني توا بنمشي
نشوف البنات اوك …
ايوب : بري وخودي راحتك ..
نورا : غدوا بنمشي مع خالتي للبارتي
ايوب : بخبث ..
_ جدددد
نورا : بفرحه
_ يس يس
ايوب : امممم به بري غيري جوك
نورا : اوك باي توا ..
ايوب : باي …
وقعد يفكر في غدوا
?????
نورا : تسمع في صوت منى ووصال ..
_ انتم جيتو …
وصال : اية اخيرا جينا …
منى : اهلين حبيبتي …
نورا : اهلين خويله …
ربي يعاون
وصال : تعالي شوفي حاجتي وحاجتك
اكيد رح يعجبوك ذوق امي للعلم ..
نورا : اوكي وريني اكيد ذوق خالتي رح يعجبني
منى : ههههه تسلمي حبيبتي ..
وصال : السحابي هذا ليك
نورا : تشوف بأعجاب ..
_ هذا ليا اني ..
وصال : اية ليك
منى : شكله ماعجبكش
نورا : يلعكس واووو يجنن
منى : ابتسمت بفرحه لانه عجبها ..
وصال : هذا الحذاء والكسسواري
نورا : نهبلت في كل شيء عجبها الذوق
علي الاخير …
منى : اية بنقولك يا نورا نبيك توتي روحك
علي خاطر اليوم رح نباتو في حوش خالتك نعيمة
نورا : بس اني
منى : مافيش لا بس ولا اني الكل رح يمشي معاي
واحتي انتي يا وصال بتمشي غصب …
وصال : حاضر ياغالية …
منى : معناها هيا نوضو حطوا حاجتكم
في الصكوات لان غدوا بنمشو للمزين علي طول
نورا : ساكته وبس …
منى : تغمز لي وصال …
وصال : حاضر اني نايضه نوتي روحي هيا تعالي معاي يا نورا معدش فيه وقت …
نورا : اوكي اني جاية …
وصال : ركبت تجري بسعادة ..
نورا : بجد شكراا خالتي منى
منى : قوليلي ماما انتي بنتي التانية
يا نورا …
نورا : حاضر ياماما هكي تمام ..
منى : ربي يحفظك يابنتي ويبعد عليك
كل شر ..
نورا : اجمعين يارب ..
وصال بصوت عالي واصل لتحت ..
نووورراااا وينككككك
منى : اجري اجري شكلها فاصله
ههههه
نورا : ربك يستر معناها ههههه
منى : ههههههه
ياعليك هبلات حاصله فيهم وخلاص …
_ اخخخ يا نورا ولله انك مقطعه قلبي يابنتي …
نورا : نعمممم يادوشة
وصال : دوشه في عينك
_ وتعالي قوليلي شنن رايك كيف طالع عليا
نورا : يابنت الايييه طالع عليك يجننن
تحفهههه
وصال : ترقص زي الهبله ..
نورا : خلي نمشي نحط حاجتي احسنلي
واسمعي نجي نلقاك واتية يابهلوله ههه
وصال : بري بسرعه وبدت تغني زي الهبلة
شوشنا يا شوشنا
ونديرو عرس في حوشنا هاهاها
فات الوقت علي السريع والكل تواجد في
حوش نعيمة ….
ايات مزالت الفوق ومش عارفه كيف بتتصرف
حالة اطراب …
ربيعة : تسلم وترحب بمنى وفرحت هلبا
بوجود نورا ووصال وتغيرت المعاملة هلبا …
منى : في البداية استغربت بس بعدين
عرفت من نعيمة وفرحت بتغير …
نعيمة : فرحانه بوجود خواتها معها وتهدرز
براحه عكس قبل كانت في هلبا حساسيات
و مشاحنات …
اما البنات ركبوا الفوق حتي ياخدو راحتهم …..
وصال : متجاهلة وجود ايناس كليا ..
وتهدرز علي ولاء …
ايناس : تشوف لي تحت ومش عارفه
كيف تتكلم والم الحرق زاد عليها ..
نورا : حست ان تصرفات ايناس مش طبيعية ..
_ ايناس حبيبتي انتي بخير …
ايناس : الحمد الله بخير ..
نورا : تعالي نبيك بروحك شوي …
ايناس : قريب تبكي من الوجع ومن تعامل بنات خالتها معها ومع هذا مقتنعه انها تستاهل التعامل هذا …
نورا : جابت المرهم وقربت من ايناس …
اسلبي اني متاكده انك مش منظفة جرحك صح
ايناس : بحزن واضح
_ اية صح
نورا : الله يهديك وقعدت تفك في الشاش
انتي ضروري تهتمي بجرحك وتعقمي …
ايناس : بدموع
_ وجرح قلبي كيف بنعقمه …
نورا : الوقت الوقت ياايناس رح يداوي كل الجروح
المهم انك ما تستسلمي اوك ..
ايناس : ان شاءالله …
نورا : انتي حاولي كيف تتقربي من وصال
ايناس : في اقرب فرصه رح نحاول …
نورا : وصال قلبها ابيض رح تسامحك واني رح نحاول نخليك معها بروحكم وانتي شوفي كيف
تتصرفي معها اوكي …
ايناس : اوكي …
نورا : جنب الغرفه
_ ولاء تعالي حبي نبيك في خدمة بسيطة
ولاء : اني جاية حبي …
نورا : خفي روحك بسرعه ..
ولاء : عيونها شن في !!
نورا : عاجبك الوضع لي قاعد يصير توا
ولاء : تبي الحق فديت مش عاجبني نهائي
نورا : شن رايك نصلحوا العلاقات مانحبش
النكد للعلم ..
ولاء : ياريت بس كيف …
نورا : ابديها من نفسك انتي ..
ولاء : بستغراب
_ كيف مني اني ..
نورا : انتي اكيد زعلانه من اختك صح وعلي
حسب نظرتي فيك ما تتكلمي معها …
ولاء : بأحراج
_ اية فعلا صح كلامك ..
نورا : صلحي علاقتك بأختك واهم شيء انها
ندمت وعرفت غلطها كترث العتاب تخرب
العلاقات يكون في علمك ..
ولاء : قوليلي كيف نتصرف به ..
نورا : خشي طيبي خاطرها بكلمتين وحساسها بغلطها وخليها تسامح وتنسي الماضي …
ولاء : بحنية
_ حق كلامك ولله حسيت روحي قسيت
عليها هلبا …
نورا : بسرعه بسرعه بري …
ولاء : مشت تجري …
اما عند وصال وايناس …
وصال : سكرت فونها و جاية بتطلع
ايناس : وصال
وصال : بحده
_ نعممم
ايناس : اني نعتدر منك وياريت تسامحيني
وصال : علي شنو ولا شنو بنسامحك
مثلا …
ايناس : اني تغيرت يا وصال ندمت وعرفت غلطي
واني نعتدر منك وطالبه سماحك …
وصال : حالت صمت ..
ايناس : عارفه انك قلبك كبير …
_ نوعدك مش رح نخدلك ورح نكون اهل لثقة ..
بس سامحيني لاني ولله ندمت وعرفت غلطي ..
وقعدت تبكي معدش قدرت تتحمل اكثر من هكي
وصال : حضنت ايناس …
_ خلاص نوسه اني سامحتك بس بليز بدون دموع
انتم خواتي ومافي زعل بين الاخوات مع انك شوهتيني بس يلا المسامح كريم صحح …
ايناس : حضنت وصال …
بجد مشكورة علي قلبك الابيض والطيب …
اني اسفه
وصال : ولله سامحتك يابنت …
نورا : تتفرج وتبكي …
حساسة ياقلبي عليها ….
اما عند ولاء و ايات …
ايات : تبي تسامح ايناس وتتأسف من ايات بس
مش عارفه …
شافت ولاء قعمزت في مكانها …
ولاء : بدلع و زعل في نفس الوقت
_ ماتبيش تحضني اختك
ايات : مشت تجري ارتمت في حضن ولاء
وقعدت تبكي …
ولاء : خلاص يابنت سادك بكي فكينا من الكأبه
واني خلاص سامحتك بس لو تغلطي تاني اعرفي
مش
ايات : حطت يدها علي فم ولاء
_ نوعدك اخر مره ولله خلاص توبه
ولاء : متأكدة ..
ايات : ولله العظيم توبه
ولاء : حضنت ايات …
_ ايوته حبيبتي علاش ماتبيش تسامحي ايناس
ولله واضح عليها تغيرت حرام لي صار فيها يكفيها وبزيادة وراسك اعطيها فرصه ..
ايات : في رايك نعطيها فرصه ..
ولاء : اية اعطيها فرصه احني خوات
مش مجرد بنات خاله وبس ..
ايات : باهي اني سامحتها بس مش عارفه
كيف نتصرف …
ولاء : ساهلة بري واحضنيها زي ما حضنتك
وبعدين وصال ضروري تعتدري منها ..
ايات : ولله متحشمة منها ومش عارفه كيف
نحط عيني فيك عينها …
ولاء : نوضي وبلاش جوو زايد …
ايناس حست بشي ثقيل ارتمي عليها نصدمت
لما سمعت كلمة سامحتك يابقرة ابتسمت …
وصال ونورا يبتسمو بفرحه …
وصال : حضنت ايات واني سامحتك للعلم
كل شيء يهون الا جمعتنا الحلوة مع بعض …
نورا وولاء فرحانين علي الانجاز الحلو …
ولاء : شن رايكم في سهرية حلوة
نورا : قصدك شن رايك نديرو كيك
وصال : اي اي كيك لانها دير في كيك تحفههه
ايناس : خاطري نتعلم
ايات : وحتي اني
ولاء : خلاص تعالو للمطبخ خلي نلعبو في الحكاية
16
وصال : ههههههه من وين طلعتي بيها 16
ولاء : مشيها وخلاص يابنت …
نورا : لااا يا ايناس ياهبله …
ايناس : ههههه مش قصدي
باهي كيف ندير توا …
نورا : خليكم كلكم واقفات نظري بس …
_ وصال تعالي طبقي عملي بدالي لاني مصابة ههه
وصال :جيت حبي شن ندير توا هي
ايناس : واني نبي ندير ..
نورا : مش هكي ياقوم بالوحدة ياودي …
وقعد هذا حالهم عياط وفشخ وضحك ..
في الاخير طابت الكيكة بخير وسليمة …
اما بنسبة لي التزين المنظر رعب ههههه
ونورا معصبه راسها منهم ….
_____________________________
اما عند مراد مقعمز في السيارة مع صحابة
الشباب ويهدرز عليهم …
مراد : الوو السلام عليكم ..
اية خوها تفضل لالا اي لاحول ولاقوة الا بالله
ان الله وان اليه راجعون ماشي بارك الله فيك
..
عبد الحكيم : من توفي ..
مراد : منظر وجها متغير .
محمد : تي من توفي ياراجل ..
مراد : راجل اختي عطاكم عمره
محمد : كيف صار هكي
مراد : لي صار وووو
عبد الحكيم : الله يرحمه ويجعل
مثواه الجنة …
مراد : ان شاءالله …
_ ضروري ايناس تعرف …
محمد : الله يعينك
مراد : خلي نكلم انس استغفرالله العظيم
و اتوب اليه ..
عبد الحكيم : خود نفس يا مراد
مراد : ان شاءالله …
________________________
شن بصير تابعوني …
الكاتبة :
Eman Albasha