خادمة علي عرش الثراء
![](https://zoomroda.com/wp-content/uploads/2019/10/خادمة-علي-عرش-الثراء.jpg)
الحلقة : 18 ..
من رواية : خادمة علي عرش الثراء …
نبي لايك +شير علي صفحتك + تعليقك او توقعك الحلقة الجاية …
???
_________________________
منيرة : انتي مني يابنت
ايناس : مرت المقعد هذا وتأشر علي حمزة
بتقزز
حمزة : يغلي مع بعضة وبغضب ..
_ سكري فمك …
منيرة : بصدمة …
_ من المقعد قصدك تتكلمي علي ولدي يالوسخه
انتي …
ايناس : تدعي القوة بس هيا في الاصل منهارة
_ قصدك انتي امه وعوجت فمها ..
منيرة : وصلت حدها وظلمت قدامها
_ شدت شعر ايناس وبدت تريش فيها وتضرب فيها علي الحيط …
ايناس : تعيط بوجع وتبكي …
حمزة : متشمت فيها ويضحك عليها بصوت العالي
بطريقة مستفزة ….
منيرة : بعد وقت
حدفت ايناس علي طول يدها ..
_ انت ياولد مني هادي
ايناس : بوجع باش قتلك مرته ولا عندك ضعف
سمع يامريضه ههه
حمزة : هادي خدامتك الجديدة ياغالية وان شاء
الله تقتليها بين يديك هيا ليك تصرفي فيها زي ماتحبي …
منيرة : تبتسم بشرررررر …
ايناس : بغضب
_ خدامك قهرتك و عزاك ياعايب يامشلول تقتل
قال تقتل ههههههه
ويجها كف من منيرة من قوة الكف ايناس جت طايحة للخلف …
منيرة : نسمع صوتك ليلتك سودة يال###
حمزة : مانوصكش عليها هادي وحدة حقيرة ورخيصة ودبستني فيها ونبيك تاخدي حقي
ياغالية نعرفك ماترضي فيا شيء …
منيرة : تشوف بشر وتاكل في المستيكة بستفزاز .
_ ولله ولعبتي مع الناس الغلط …
وجيتي للموت برجلك علي اساس دبستي ولدي
لكن توا نوريك التدبيس الصح ولا يهمك ياولد
امك رح اربيها من جديد علي كيف كيفك ..
حمزة : ربي مايحرمنى منك ياغالية …
نبيك تاخدي حقي منها …
ايناس : اسمعي اسمعي اني متربية صححح واحسن رباية مني انتي باش تتكلمي معاي بطريقة هادي ياعزوز انتي …
منيرة : وصلت حدها عندها بش شادة روحها عليها
بتهديد صبرك عليا ..
_ طلعت من الحجرة خالد تعالي نبيك …
خالد : تعالي بنقولك كنت نشوف في اوراق ولدك والعلاج رح يبدا من غدوا …
منيرة : حاولت تهدي روحها شوي ..
_ باهي يطمن قلبك وكم رح تستمر مدة العلاج
خالد : شهر بالكثير يمكن مش عارف الحق
منيرة : يصير خير تعالى نبي اروح بالكلبة الحقيرة وخلي نعاود ربايتها من اول وجديد …
خالد : بستغراب …
_ علي مني تحكي انتي
منيرة : اية حقة ولد وووو
خالد : بخبث جدد …
_ وينها
منيرة : بحقد …
_ منظمرة الداخل مع ولدك
خالد : خش للغرفة شاف ايناس عجباته
وقعد يشوف بنذالة وحقارة
ايناس خافت من نظاراته ولملمت روحها …
منيرة : شدت شعر ايناس تمشي معاي وانتي فمك مسكر نسمع حسك نهارك احرف يا### ..
ايناس : خافت منهم فضلت السكوت …
حمزة : حاسس برضي وقريب يطير من السعادة لانه ذل ايناس اشر الذل ويلي مطمنه اكثر ان امه مش رح تقصر معها نهائي وفي نظره امه رح تاخد حقه ..
خالد : شد ايناس بحدة وركبها السيارة
ومنيرة ركبت القدام …
ايناس طول الطريق تبكي بصمت ..
منيرة : تفكر بخبث …
وصلوا للحوش نزل خالد ونزل ايناس وقعد يدف فيها بحدة وذل …
ايناس : حاسة بفشل نزفت هلبا دم وغير هكي
فقدت هلبا طاقة …
منيرة : خشت للمطبخ وهيا تتوعد لي ايناس بأشر العذاب وشعلت جمرات فحم …
خالد : دخل ايناس في الغرفه ودفها علي
طول يده ..
_ يلا تمرقدي وفكيني منك ومن بلاك وطلع …
منيرة : ركبت الفوق فتحت الدار علي ايناس
وتبتسم بشر …
ايناس : حاضنة روحها وتبكي ..
منيرة : وبحقد
_ كبت الجمر علي رجل ايناس ..
ايناس ناضت مفزوعه تبكي وتعيط بوجع …
منيرة شدت العصى وبدت تضرب في ايناس من غير رحمه ولا شفقة اني عزوزة صار ومزالت تضرب فيها انتي ربايتك علي يدي يال####
ايناس : حاولت ادافع علي نفسها بس منيرة اقوي منها بأضعاف قعدت تبكي بوجع …
منيرة : حدفت العصى بتعب وطلعت ..
غدوا الصبح نلقي الفطور واتي والحوش نظيف وجربي تعصي اومري يالوسخه …
ايناس : تبكي يقهر وندم …
_ ياااربي سامحني اني ظالمة ونستاهل مايجيني
اني السبب ياربي سامحني وقعدت تبكي ليل كامل ومش قادرة ترقد من كثرة وجع الحرق لي في رجلها ….
__________________________
ايوب : شاف المسج تغير لونه فجاءة …
اياد : ايوب خيرك شنو فية
ايوب : نستاذنكم …
وطلع بسرعه رهيبة
اياد : حس عليه طلع في جرته علي طول …
ايهاب ماحبش يدخل لانه يعرف طبع ايوب
مايحب حد يدخل في خصوصياته ..
ايوب : ركب سيارته وركب جنبة اياد …
اياد : شن صاير طمني
ايوب : صاير مشكلة في الحوش ..
اياد : شن هيا المشكلة ..
ايوب : حدف الفون لي اياد
اياد : شاف المسج نخلع ..
_وتوا كيف الحل في المصيبة هادي ..
ايوب : يكون في علمك نعرف انك تعرف ان
نورا مرتي ..
اياد : ونعرف ان هيا ماتعرف شيء بخصوص الموضوع هذا …
ايوب : لان البنت مزالت صغيرة …
اياد : بس عمها مش رح يرحمها واحتمال يقتلها
حتي
ايوب : للاسف بنطر نواجه عمها وبناخدها منه غصب لانها مرتي وتحت حمايتي …
اياد : واني هكي نقول ضروري تاخدها منه غصب
الحقير هذا …
ايوب : انزل بسرعه خلي نطمن علي اختك و امي
اياد :نزل بسرعه وخش للحوش ينادي بصوت عالي …
يمااااا يمااااااا
منى : جاته تجري ..
_ياوليدي الحقني لي صار فينا مصار في حد
اياد : عارف شن صار بس طمنيني قبل كل شيء انتي بخير وصال بخير …
منى : الحمد الله كلنا بخير ..
وصال : اني بخير بس نورا مش بخير …
ايوب : ياغالية بنقولك علي سر صار قبل ومافي
حد يعرفه الا اياد ..
منى : ان شاءالله …
ايوب :بتوثر
_ نورا مرتي من ثلاته تنين فاتو
منى : بصدمه ..
شنوووووو نورا مرتك شن تقول انتتتت …
وصال : ???
ايوب : ياغالية لي صار بعد طلاقي بثلاته سنين طلبني عمي محمد بموضوع ضروري واني مشيتلها وطلب مني خدمة واني تحشمت نقوله لا يلي هيا نتزوج نورا علي سنة الله ورسولة لان عارف خوه مش رح يخليه عايش بسلام واني الحق وافقت لكن اني ماشفت البنت ولا البنت شافتني واصلا هيا ماتعرف بشي لان ..
منى : بصدمة
_ يعني نورا ماتعرفش انها مرتك
ايوب : مافي حد يعرف اصلا الا اياد لانه الشهاد
علي زواجي …
اياد : واني عرفت انها مرته من امتي حكتلي
انتصار علي ماضي نورا ….
وصال : مصدووومة
?????
_ نورا مرت خوي ..
منى : بعصبية
وعلاش ماقولتش من البداية انها مرتك عاجبك
شن صار توا …
ايوب : بعصبية
_ انتي اكثر وحدة تعرفي ليش اني ماقولتش لحد لانك عارفه شن صاير معاي من قبل …
منى : حن قلبها علي ايوب وحاولت تهدي روحها ..
_ بس اني خايفة علي نورا البنت امانه عندي قبل
لا تكون مرتك يا ولدي …
وصال : ضروري يا ايوب ترجع نورا بأسرع وقت لانهم بجد ناس متوحشين …
ايوب : مش رح نمشي بروحي رح ندير فيهم محضر
لانهم اعتادوا علي حرمت بيتي وخطفوا مرتي …
اياد : صح كلامك يا ايوب هكي انسب حل …
منيرة : صح كلامكم احسن حل …
ايوب : يلا اني نستاذنك ياغالية ان شاءالله محلوله …
منيرة : ربي يحفظكم يارب ديرو بالكم علي روحكم
اياد : ان شاءالله وانتم خليكم جنب الهاتف
لاني رح نطمن عليكم
منيرة : ان شاءالله
وصال : مقعمزة بعدم تصديق …
مش قادرة نستوعب شيء بجد
منيرة : وصال يابنتي بري ارتاحي اليوم ارهقتي روحك بزياده …
وصال : للاسف مش رح نقدر نرقد وقعدت تبكي
????..
منى : حضنت وصال خليك جنبي ..
وصال : ولله حرام عليهم البنت بريئة من شرهم
ليش هكي …
منى : ربك كريم يابنتي ونهايتهم رح تكون سودة
زي سواد قلبهم …
وصال : ان شاءالله يارب ..
منى : يااارب لطفك ورضاك بكري كلمت خالتك نعيمه ومرات غدوا تجي …
وصال : افضل مادرتي وبنسبة لي خالتي ربيعة لي تسمعي منها احدفي للجيهة التانية طول ..
منى : هكي بندير وان شاء الله ربي يسامحنى
ولله حاسة بذنب …
__________________________
انس : الوو ايهاب
ايهاب : تي وينك يامسخ مغيب اليوم
انس : شوية تعب ياصاحبي ..
_المهم نبيك في موضوع مهم
ايهاب : ان شاءالله خير
انس : ولله شن بنقولك تبي الحق اني طالب قربك
ايهاب : ولله لينا الشرف وهادي الساعة المباركة
بس مني فيهم
انس : نبي نخطب ايات
ايهاب : بفرحه واضحه من صوته ..
_ نشوف البنت وحاضر
انس : ان شاءالله نستنا في الرد معناها
وياريت ترد عليا بسرعه لاني مستعجل
ايهاب : ههههه بكري بكري
انس : ههه بكري بكري ماتبي شيء توا
ايهاب : سلامتك سلم علي العيلة
انس : ان شاءالله يوصل
مع السلامة
وخش للحوش خلف مراد شاف امه تبكي وتنذب
وحالتها حالة ..
ربيعة :نبييي بنتي جيبوهالي نبي بنتي وتبكي
وتنذب ..
انس : بحده
_ بنت انسيها في حوش راجلها
مراد : حضن امه ياغالية بنت رخصت روحها
ولله كنت نتمني نزفها عروس بس هيا جبرتنا
ربيعة : بغضب …
_ انتم زي بوكم وسخين همكم غير سمعتكم
بين الناس ماهمكم بنتي شن تحس وحيدتي
بتحرموني منها كل علي خاطر سمعتكم ..
انس : فصل علي اخر فصل …
_ انتي السبب في خراب بنتك لو انك شادة لسانك علي خلق ربي راهو مصار لصار هذا ربي يعاقب فيك علي افعالك الشينة عاقبك ربي علي اعز شيء لقلبك يلي هيا بنتك ..
ربيعة : تبكي بحدة …
مراد : مزال حاضن امه ويتكلم بحدة ..
_ سكر فمككك ياحيوان هادي امك تكلم بحترام معها وفضلك …
انس : مزال مستمر في الكلام ومطنش مراد …
وغير هكي دلعك الزايد لي بنتك خربها كل مانجي نقولك راك بتخربي البنت تنوضي تاكليني بقشوري وتقولي خليها علي راحتها هادي راحتها لي انتي تتكلمي عليها ريتي بنتك وين تواااا
مراد ناض بغضب وضرب انس بكس قتلك سكر
فمك يعني تسكر فمك …
انس : ببكاء خليها تعرف ان ربي يعاقب فيها خليها تعرف انها لو بتقعد هكي رح تخسرنا حتي احني
ربي رح يعاقبها بموتنا ورح تقعد وحيدة
مراد : خضن انس ..
انس : دف مراد ومسح دموعه …
ربيعه : سمعت كلام انس خافت وقعدت تبكي بهستيريا …
صغاري لالالا ياربي الا صغاري …
مراد : نزل وخضن امه احني معاك ياغالية
معاك
ربيعه : نبي بنتي جبولي بنتي
انس : بنت خلاص انسيها وطلع الفوق
مراد يصبر في امه بسيف …
و ربيعة منهارة علي بنتها ومش قادرة تصبر
نهائي بس مجبورين ….
__________________________
ريما : تتكلم في الفون ..
ليها ساعة وهيا تتغزل بكل وقاحة …
فيصل : حبيبتي توا مشغول شوي اول مانفضي
رح نكلمك ..
ريما : ماتعطلش عليا حبيبي ..
لاني رح نستاحشك موووووت
فيصل : حتي اني حياتي هي سلام
وسكر الخط …
ريما حاسة بفرحة مش طبيعية وفرحانه وسعيدة علي الاخير ..
فيصل : بملل ..
_ شني هادي اللصقة وربي زهقت منها متحملها بسيف قام فونه التاني وقعد يبتسم …
_ الوووحياتي ..
وقعد يهدرز في الفون ويتغزل ومربط لي طلوع
ولقطات ….
عند ريما فاتحه دولابها وتفكر شن تلبس غدوا
ريما : هادي اللبسة حلوة …
رح نديرله جوو رومانسي رح يعجبه وتكون ليلة فظيعة …
وقعدت نتخيل في الاجواء الرومانسية ورقدت
وهيا تفكر شن دير …
اما عند سارة …
سارة : حاطة السماعه وتسمع في القران الكريم
وتبكي وحاسة بالندم ..
بعد وقت سكرت فونها ووناضت طلعت من دارها استغربت في صوت انين واضح …
فتحت الباب نفجعت من المنظر يلي قدامها
بنت تبكي بوجع وكلها رزقة مع بعضها …
سارة : نزلت لمستوى ايناس ..
_ انتي بخير ردي عليا
ايناس : ببكي …
_ نتوجع مووت وقعدت تبكي
سارة : شافت جروح ايناس وجعها قلبها ..
خليك اني شوية ونجيك نزلت سارة علي السريع جابت الاسعافات وركبت لي ايناس قعد تعقم في الجروح ..
ايناس : تبكي علي حالها كيف كانت وكيف
اصبحت ..
سارة : كيف جيتي اهني وعلاش انتي بالحالة المزرية هادي …
ايناس :العزوزة الخرفه عذبتني وراجلها حدفني بحدة وولدهم المقعد تزوجني اليوم ..
سارة : حمزة خوي تزوجك اليوم !!
ايناس : ببكاء اية
سارة : بصدمة
امتي صار وكيف احكيلي لاني مش قادرة نستوعب شيء …
ايناس : شافت تحت اني انسانة حقودة وشريرة مادرت طيب في حد وهذا جزاء اعمالي ….
سارة : وضحي اكثر ..
ايناس : بحزن ..
_ اني ووووووو
سارة : مافي حد مايغلطش يا ايناس صح
ايناس : اية ..
سارة : بس العيب انك تمشي في نفس الغلط حاولي تغيري من نفسك مرات ربي يسامحك وديري لي تقولك عليه امي لانها ماتعرفش الرحمه نهائي لو
تبي تعيشي ديري لتقولك عليه …
ايناس : قصدك امك مرعبة لدرجة هادي
سارة : وفوق ما تتصوري ردي بالك زي ما قتلك
ايناس : بخووف
_ ان شاءالله
سارة : حاولي ترتاحي شوي لان امي مش رح
ترحمك غدوا …
ايناس : حاسة بخوف مش طبيعي ..
ان شاءالله …
__________________________
نورا من الارهاق مزالت راقدة ….
سارة : خشت علي نورا عقمت جروحها شافتلها بأسف وطلعت …
___________?????
عند ايوب …
في المخفر رفع شكوي في خالد ومرته …
ايوب مزال يستني في الشرطة واياد ومقعمز معاه
..
الشرطي : عفوا استاذ ايوب عندي ليك اخبار سيئة
وقعد يشوف بنظارات غريبة ..
ايوب : ان شاءالله خير
الشرطي : المنظومة وقفت والتقني يلي يتعامل مع المنظومة عنده ظروف صعبة ..
ايوب : بغضب مخفي
_ والحل يعني ..
الشرطي : بتوثر
_ انت تعرف حوش المتهم
اياد : اية نعرفو مكان الحوش …
الشرطي : بشبه ابتسامة
_ معناها تحلت المشكلة ..
ايوب : معناها مافيش داعي نضيعوا وقت
اكثر من هكي …
الشرطي مشي وايوب واياد خلفه …
بعد نص ساعه ..
الشرطي : المكان خالي استاذ ايوب
ايوب : غمض عيونه بغضب …
_ ولله توقعتها منه النذل ..
اياد : بنفاذ صبر …
_ الحقير غير مكانه
الشرطي : مافيش حل الا الانتظار
ايوب :والمنظومة قداش يوم تبي باش تتصلح
الشرطي : يومين او ثلاته بالكتير …
انتم ماعندكمش اية اخبار علي مكان شغله او
اية دليل يوصلنا ليه …
ايوب : حتي الشغل مايشتغلش ومعاش في
الدولة علي مااظن ماعنداش ..
اياد : شن رايكم نسألوا الجيران مرات عندهم معلومات عليهم ….
بعد وقت …
ايوب : الكلب مغير مكان سكنه ليه اسبوع
اياد : بغصب
_ مخبثة الانسان هذا
الشرطي : لاسف معنديش اية حل واية شيء
يصير عندكم رقمي …
ايوب : مقعمز وشاد راسه …
اياد : بارك الله فيك ..
_ ايوب ماتزعل روحك اكيد رح نلقوها ..
ايوب : انت ماتعرف قسوتهم عليها اكيد
خايفة …
اياد : رح نلقوها وباذن الله رح تكون بخير ..
ايوب : معدش عارف كيف نتصرف ..
انت روح وشوف امي اكيدة مشغوله وبينا مكالمة
اياد : ان شاءالله …
_ اني ماشي ..
ايوب : ? ضروري ندخل للحوش وندور يمكن
نلقي دليل يوصلني ليهم ….
قعمز في سيارته وقعد يفكر كيف رح يدخل
للحوش …
__________________________
عند ايات وصلها الخبر ان انس طالب يدها
مزالت تبكي بقهر ….
ولاء : ايات حبيبتي لو انك مش راضية ومش عاجبك انس ارفضي مافيش داعي توافقي عليه ..
ايات : مزالت تبكي من القلب …
ولاء : ناضت بحدة ..
_ ممكن نعرف شن صاير معاااك وتحسابي فكرة
انس خاطب لانه يحبك ويبيك رح تمشي عليا
لا يماما احكي شن صاير …
ايات : مزالت تبكي
ولاء : ضربت ايات كف اصحي يابنت وتكلمي
ايات : بدت تضرب في روحها بانهيار ..
ولاء : وجعها خاطرها وحضنت ايات
_خلاص يويو حبيبتي اهدي اني اختك واكيد
رح نساعدك مني عندي غيرك اني ..
ايات : تبكي ونتكلم ..
_ يلي حسبتها اختي وفضلتها عليك طعنتني في نص ظهري خدت الانسان لي حبيته بصدق …
خانت ثقتي فيها وخلتني نكرهك ونكره كل الناس خلتني نفكر بخبث ضيعتني وضيعت سمعتي واني كنت ماشية في النااار ومش حاسة بنفسي …
اني انسااانة حقيرة حقيررررة ..
ولاء : لا حول ولا قوة الا بالله ..
_ كيف خانت تقتك فهميني ..
ايات : بدت تحكي شنو صار من البداية
من شن دارو في وصال وافعالهم الوسخه
وووووووو
ولاء : بصدمة ..
_ معقولة توصل بيكم النذالة لدرجة هادي الرحمة خلاص ماتت في قلوبكم هادي اخرتها يا ايات انتي تعرفي ان ماما مريضة وماتتحمل اية صدمة صح مش قادرة نصدق ولله …
بزعل علي حال ايات بس مع هذا مجبورة تجرحها باش تفوق لعمرها ..
تصدقي انس ولد خالتي مفروض نبوس راسه من فوق تعرفي ليش لانه فكر في امك اكثر منك لانه خاف علي خوتك وسمعتهم اكثر منك مش زيك مش حاسبة حساب لحد ولا معدلة علي سمعت حد مافكرتي لو ضعتي اني شن بصير فيا من بعدك ..
انتي حرام فيك انس ولد خالتي انتي تستاهلي
واحد بنفس خبثك ونذالتك وحقارتك وطلعت وخلتها …
ايات : تفجرت بكي …
_ كلام اختها جرحها بقوي حست روحها وحيدة
ماليها حد …
ولاء : اول ماطلعت تفجرت بكي اول مرة تطاول علي اختها واول مرة تجرحها بطريقة هادي ..
_ اني اسفة ياايات بس مجبورة هذا الشي لمصلحتك ضروري تحسي بندم ولله حرام تظلمي في نفسك وتغضب ربي عليك ووصال ما تستاهل يلي صار الله يسامحك يا ايناس ان شاءالله غير مرتاحة مع حمزة خسرت خوتها لاحول ولا قوة الا بالله وخلاص
مسحت دموعها ونزلت تحت …
بابتسامة مزيفة ..
_ نقولوا مبروك يانعيموو بنتك موافقة علي الخطبة
نعيمة : وينها مش مبينه من امتي روحت
ولاء : امييييي عيب عاد البنت متحشمة
ومش قادرة تنزل خليها براحتها
نعيمة : ولله نعرف بنات توا معاد عندهم الحشمة
وبدات اختك هادي لكن ولله وصار منها وبدت تتحشم غريبة ..
ولاء : بتوثر
هه اية اكيد ياغالية ..
__________________________
عند اياد روح وخبر امه بالخبرية السيئة
????
اما عند ايوب وصلت الساعه 2 في الليل
اياد : جبتلك شن طالب
ايوب : افتح الباب بسرعه
اياد : فتح الباب بالمفتاح وخش علي السريع
ايوب فتح الضي …
اياد : قعد يدور في الدنيا بس بدون اية اثار
ايوب : رد بالك دير اية لقطة غلط ..
اياد : ولا يهمك حريص ..
ايوب : شوف الصورة هادي علي شط البحر
بس اما شط زعما …
اياد : ركز في الصورة هذا شط ### شوف حتي الشعار من الخلف …
ايوب : هذا اول دليل شد الصورة عندك
اياد : ماشي تمام ..
ايوب : شوف الفون هذا ..
اياد : تي هذا خارب ياراجل ..
ايوب : حطة في جيبه مرات نستفيد منه ..
اياد : شوف هادي صورة امي وامك بس
مني هادي
ايوب : اكيد مرت خالد …
اياد : شكله هكي بس شوف منظرها زي الشريرات
هههههههه
ايوب : مش وقت الضحك ويلا خف روحك
اياد : ???
انسان مزاجي ..
ايوب : فتح صندوق شاف فيه شريط صوت
متخبي في اخر الدولاب …
هات الكاميرا بسرعه …
اياد : وينها ..
ايوب : وراك ياغبي بسرعه خف روحك
اياد : هاك شد
??
ايوب : فتح الكاميرا ..
اياد : ولله شكله الشريط خارب
ايوب : خليك ساكت
قعد يحاول يركز علي الصوت
اياد : شني تسمع ..
ايوب : اششس ، يعلي في الصوت …
_ نصدم من يلي قاعد يسمع فيه ..
اياد : نجمر في مكانه ..
ايوب : شاف لي اياد علي طول
اياد : مفنص عيونه بصدمة …
ومزال مركز علي الكلام …
ايوب : تغير لووونه …
تم الشريط
اياد : كيف الحل توا
ايوب : اكيد مش رح نسكت علي شيء زي هذا
اياد : لا حول ولا قوة الا بالله ..
_ خلي الشريط عندك …
ايوب : دور معاي بسرعه …
اياد : مزال يدور ..
معدش فيه شيء ..
ايوب : شكلهم في حوش البحر متواجدين غادي
معناها خف روحك لان غدوا ضروري ندورو عليه
الحوش هذا ضروري …
اياد : شن رايك نكلموا الشرطة
ايوب : الشرطة مش مطمن من ناحيتهم ..
قصدك انت مصدق ان المنظومة وافقة اني متاكد
ان الشرطي هذا يعرف خالد ويكدب علينا …
اياد : بصدمة ..
_ وكيف صار هكي
ايوب : اولا شفته دار مكالمة وبعدين جي …
تانيا المنظومة مش واقفة شفت واحد خش بعدنا والشرطي قعمز علي المنظومة كنت مراقب الوضع باللحظة …
اياد : مشت عليا وربي اقسم بالله مشت عليا
حي علمه ولد الكلب ..
ايوب : خاطره علي بالي فكرة ..
اياد : اتحفنا يلي هيا …
ايوب : وووووووو
اياد : اية فكرة ممتازة خلاص معناها من غدوا لو غدوا مالقيناها بعد غدوا رح نديرو زي ماقولت ..
ايوب : تعجبني ولله …
__________________________
ربيعة من كثرة البكي اغمي عليها …
مراد رفعها يجري بيها للمشفي ?
???????????
اليوم التالي …
ايناس : ناضت مخلوعه …
منيرة : شادة سطل المياة في يدها ..
_ يلا نوضي بالك نبي الفطور بعد ربع ساعه
يكون جاهز …
ايناس : حاولت تسمع كلام سارة وناضت …
منيرة مستغربة في ايناس وتشوفلها بخبث ..
ايناس : خافت من نظارات منيرة ونزلت تحت
خشت للكوجينة بتعب وارهاق واضح ..
منيرة : خشت لغرفة نورا قعمزت تشوفلها لوقت ..
_? ياحرام ياحلوة رح تموتي علي يدي بس رح نستفيد بيك بالاول هههههه
قعدت تنخص في نورا بالعصى بغللل ..
نورا : حست بوجع ناضت …
منيرة : ياصباح الخير ..
نورا : قعدت ساكته وتشوف بخوف
منيرة : شدت دراع نورا وناض وتكر فيها جرتها
وحدفتها علي طول يدها في المطبخ مع ايناس
ايناس : قعدت تشوف بصدمة
منيرة : عندكم خمسة دقايق ونلقي الفطور واتي
يلااا يالوسخه انتي ويها ومشت …
ايناس : بصدمة
انتي شن جابك اهني
نورا : ببكي هدوم حوش عمي جابوني غصب كنت هاربه منهم …
وتخطت ايناس وقعدت دير في الفطور وتحكي
في قصتها وتبكي
ايناس : قعدت تبكي علي حال نورا يلي يبكي
????? …
_اني اسفة لاني غلطت في حقك من قبل
اني اسفة من كل قلبي …
نورا : مسمحاتك بس انتي شن جابك للمكان هذا
وعلاش منظرك متبهدل …
ايناس : شافت تحت اني وووووو
نورا : ولله ماني عارفه شن بنقولك الحق …
ايناس : ببكي
_ ربي عاقبني لاني مادرت طيب في حد وربي طيحني في لي اسواء مني ….
نورا : ربي غفور الرحيم وان شاء الله ربي يرحمك
ردي بالك من حمزة لانه انذل ماخلق ربي …
ايناس : ببكي ربي ينتقم منه ذلني …
??????
منيرة : بصوت عالي
_ يلاااا بسرعهه انتي ويها بلاش كلام زايد …
ريما : نزلت تتدرج تحت خشت للكوجينه
_ اوووو من عندنا واخيرا رجعت شغالتنا
نورا : تشوف بحقد لي ريما
ريما : ضربت كف لي نورا ..
علي مني تفنصي ياوقحة انتي علي مني
منيرة : تشوف وعاجبها الوضع
ريما : تمادت …
_ يكون في علمك انتم مكانكم تحت رجلينا ياماما وانتي ويها ويلا بسرعه بسرعه وضربت ايناس علي راسها خفي روحك انتي التانية لاني ميته شررر …
ايناس : عيونها ولو دموع دموع ادكرت كلمتها لما قعدت تستصغر في نورا وتقولها مكانك تحت رجلينا
نورا : غمضت عيونها ..
_وينك ياايوب ساعدني لو تحبني ساعدني انقدني منهم عندي احساس انك مش رح تخليني بين يديهم
يارب ماتخدلني ياحبيبي اني في انتظارك …
??????????
شن بصير تابعوني …
_ نبي تفاعل ???
توقعاتكم هيا نبي كل وحدة تكتب شن تتوقع
يصير القدام …
الكاتبة : Eman Albasha
الكاتبة : omaima Trabelsi
____________________?????