خادمة علي عرش الثراء
الحلقة : 15 …
من رواية : خادمة علي عرش الثراء …
__________________________
ريما : بمياعه
_ هههههههههههه …
فيصل : خلاص يابنت يعيط سم في ضحكتك
بتهبليني معاك شكلك …
ريما : بعيد الشر عليا اللطف بدلع ماسخ معقولة فصولتي نهووون عليك
فيصل : بدوبان ..
_ ولله ماتهوني ياعسل اخخخ كان نشدك بس
وربي الما نجننك …
ريما : بخبث
_ وكان شديتني حبي شنو بديرلي ياحلوو
هههه
فيصل : حاجات مش رح يستوعبها عقلك المهم
شني مني امتي بتحني علينا ونطلعوا حبيبتي …
ريما : ياحياتي عليك ياعسلي ولله شكلك استحشتني بكري بكري هههههه …
فيصل : بخبث
_ هوا غير استحشتك وبس ولله فوق ماتتصوري ياحبيبتي
ريما : بنذالة
_ عندي شرط ياحلوو اخطبني بالاول ياعسل
وخود شن تحب بعدين كلي ملكك …
فيصل : لله هكي بنزعل مند بجد اني عطيتك كلمة ياعمري نطلعوو مع بعض و بعدين نوعدك نجيك للحوش هيا كلمت راجل مش كلمة عيل …
ريما : بتفكر …
علاش لا اصلا واضح عليه صادق وووواي يما يجنن
ونبيهههه موووت …
_ سوري حياتي مش قصدي شي …
فيصل : فوتي الموضوع ومادوريش اصلا انتي مش واثقه فيا …
ريما: لا ولله نوثق فيك حبيبي معدش تقول هكي
بليز علي خاطري …
فيصل : بزعل مزيف
_ مش واضح انك واثقة فيا …
ريما : خلاص حبيبي زي ماتحب بعد الطلعه ياعمري رح تجي للحوش وتنورني وتنور حياتي …
فيصل : بفرحه وخبث …
_ بدون لا توصي حبيبتي اصلا انتي البنت لي
كنت ندور فيها ليا سنين ونبيها تكون مرتي وام صغاري …
ريما : بسعادة
_ جد يا فصولتي ليك سنين ادور عليا ياااحليلي
يااا انا
فيصل: اية ياروحي وين كنتي بس بهدلتيني في جرتك لكن الحمد الله بسبب دعاء امي لقيتك
ريما : بسعادة لا توصف
اية الحمد الله
فيصل : حبي مانبيش نوصيك قيمي القدر ووتيلي روحك حبي …
ريما : عيوني ليك بس بليز حياتي مانبيش اوفر هلبا يعني انت زابط شنو قصدي …
فيصل : حاضر ياعمري وعد زي ماتبي …
_ ? يفكر في افكار شيطانية …
ريما : تتغزل فيه بكل وقاحه وفرحانه بكلامه المعسول وذايبه معاه علي الاخير ….
__________________________
مراد : نبي نتزوج
ايوب : غير مني ووعد راجلك تكون ليك
الكل سكت فجاءة ..
مراد : بتوثر …
الحق يعني لي نبيها
اياد : تي غير مني سعيدة الحظ هادي
انس : فرحان
ايهاب : يشوف يخبث …
مراد : طالب يد وصال اختكم
ايوب : بصدمة وصال اختي اني ..
اياد : مبروووك البنت ليك مش رح نحصلوا خير
منك ياصاحبي ..
ايوب : صارله ستك …
مراد : ايوب شكلك مش راضي
ايوب : انا لالا اكيد راضي عيب عاد بس كأنها مزالت صغيره علي موضوع الزواج
مراد : غير نخطبها وبعدين نستنا مش مشكلة
ايوب : خلاص معنها نشوف اختي وحاضر
واعتبر موضوعك تام …
مراد : ان شاءالله خلاص شوف العيلة ورد عليا
الكل قعد يلبس في مراد ….
__________________________
وصال : مطنشة ايات وايناس وتهدرز وتضحك مع ولاء ….
ايات : هادي خيرها تتعامل معنا بطريقة الحقيرة هادي
ايناس : مش عارفه الحق لكن حسيت فيها شيء مش طبيعي علاش مش عارفه ..
ايات : كيف يعني مش طبيعي …
ايناس : مش عارفه ولله لكن طز فيها ..
عقاب بنت خامرة تتجكتر عليا ..
ايات : اية ولله فوتيها وتعالي احكيلي اخر اخبارك ..
ايناس : الحكاية مرقدة ياحظي ..
ايات : نفس الشي وربي ملل ..
ايناس : حالة تعرفي …
المهم قوليلي معدش حكتلك شيء وصال
ايات : ما حكتلي شيء ..
ايناس : امممم ..
_ علي مااظن سمعتها تكلم في حمزة صاحبك
ايات : صاحبي اني
ايناس : بخبث
_ مش عارفه ولله لكن علي مااظن سمعتها
ايات : لالا مستحيلة …
ايناس : مش عارفه الحق ..
_ لكن علي مااظن قتله حمد لله علي السلامة
ايات : تبصري اكيد
ايناس : ولله العظيم ..
_ شن بنكدب عليك اني …
ايات : ? اني ماحكيت لي حد يعني كلام ايناس حق الحقيرة وصال تحاول تسرق حمزة النذلة هادي
ايناس : تشوف بخبث لي ردات فعل ايات
وتبتسم بانتصار …
ايات : قريب تتفجر من الحقد ….
__________________________
نعيمة : خواتها يعاملوا فيها معاملة مش حلوة وحاسة روحها منبوذة ووجودها غير مرغوب فيه …
ربيعة : مطنشة نعيمة وماتردش عليها نهائي
وتشوفلها بحقد وكره ….
منى : تتكلم معها عادي وخلاص وكل الكلام شبه مختصر وشبه معدوم …
نعيمة : فصلت …
خيركم اللطف تتكلموا علي راس خشمكم في شيء صاير واني مش عارفه احكولي مرات فاهمين غلط
منى : بزعل
_ لا مافي شيء سلامتك بس …
نعيمة : خلاص معناها نخليكم براحتكم اني عندي ماندير ليلتكم سعيدة …
لمت شتات نفسها وطلعت وخاطرها مكسور
من اقرب الناس ليها ?
بصوت عالي نسبيا …
ولاء ايات يلا بسرعه انتي ويها اطلعي …
ولاء : بستغراب
_ علاش ولله مزال بكري ياماما
نعيمة : بعصبية
قتلك يلا اني مش رح نعاد كلامي مرة تانية …
ايات : علاش ماما شنو فيه …
نعيمة : طلعت وخلتهم بغضب …
ربيعة : شوفي شوفي كيف دار روحها متعصبة وتعلي في صوتها وين تحساب روحها هادي مش محترمه لا وجودنا ولا حرمت البيت ولا كيف
وتعوج في فمها بعدم رضي …
منى : شعلت فيها ناااار …
_ وناضت بغضب وطلعت لي نعيمة
_ اسمعب يا نعيمة لما بتعلى صوتك على في حوشك اهني احترمي اهل البيت وتكلمي بأدب ..
نعيمة : ركبت السيارة وهيا ساكته …
_ حقك عليا يااختي يابنت امي وبوي حقك عليا
منى : حست بذنب بس طنشت كلام نعيمة
وخشت الداخل ومزالت حاسة بالذنب …..
ربيعة بدت تحمش في منى وتكدب عليها وتحط
ومنى المسكينة تصدق فيها …
* للعلم في خوات بطريقة هادي سوس في بعضهم ..
ايات : سلمت علي ايناس وطنشت وصال
وطلعت بزعل وحقد مالي قلبها الاسود …
قعدت ايناس مقعمزة بروحها …
وصال مشت قغمزت مع امها وخالتها وتجاهلت
وجود ايناس كليا ..
ايناس : الحقيرة مخليتني بروحي زي المتوحدة
لكن حسابك عندي يا وصال توا نوريك عليها لقطك
الحقيرة هادي ….
وطلعت بحقد ومشت قعمزت معاهم وتشوف بحقد لي وصال ….
اما وصال ….
متجاهلة وجود ايناس كليا …
تسمع في كلام خالتها ومنصدمة بقوة وعرفت ان الكلام كلة كدب وفتنه لان اكثر من موقف صاير قدامها وكل الكلام غلط ..
?واني نقول توا عرفت ايناس من وين جابت الخبث والنذالة معقولة تطعني في اختك ياظالمة اختك هادي اختك
منى : منجرفه معها وتصدق في كلام ربيعة بالحرف
وربيعه واخدة راحتها في تقطيع لحم اختها نعيمة
وايناس وتزيد في البهارات ووصال منقرفه منهم
ومن كدبهم وتدعي ان ربي يحفظها من شرهم …
__________________________
حمزة : ناض من المخدر و شاف دكتور في وجها
..
الدكتور : مساء الخير ..
حمزة : بستغراب
مساء النور
الدكتور : حمد الله علي السلامة
حمزة : الله يسلمك
الدكتور : بنقولك ياولدي حالتك عادية ومافيش داعي لانهيار وتعصب لان وووووو
حمزة : يعني في امل اني نمشي من جديد ..
الدكتور : في امل ان شاءالله بس اهم شيء الارادة
وامانك بالله …
حمزة : ان شاءالله يا دكتور مشكور …
الدكتور : هذا الواجب ..
وطلع الدكتور وخشت منيرة وخالد …
خالد : حمد لله علي السلامة
ياولدي …
حمزة : حالت صمت
منيرة : قربت تبوس في حمزة
حمد لله علي السلامة ياروح امك خوفتني عليك
حمزة : حالت صمت ..
منيرة : وعد ياروح امك رح تمشي علي رجلك من جديد …
حمزة : ____
خالد : خيرك ساكت ياولدي
حمزة : ____
منيرة : حمزة ياوليدي رد عليا متقطع قلبي عليك
حمزة : نبي نقعد بروحي …
خالد : طلع من الغرفه بزعل ومنيرة نفس الشي
…
منيرة : خيره ولدك .
خالد : توا يرضي اكيد زعلان من حالته ..
منيرة : اية صح كلامك نفسيته تعبانه …
سارة : سلام
منيرة : سلام وين اختك
سارة : في التواليت اكيد
منيرة : بهدلتكم معاي يابنياتي ..
سارة : عادي يامامي مش مشكلة المهم حمزة
ينوض بخير …
منيرة : ان شاءالله يارب ..
كلمي اختك تخف روحها بروحو …
سارة : حاضر ياماما
_________________________
نورا : تستف في المواعين حست بحركة خلفها
تلفتت شافت انس ..
انس : شاف تحت وقعد يغسل في يده
_ اني اسف يانورا
نورا : بصدمة
_ هاااا
انس : يشوف لتحت
_ اني اسف يانورا وياريت تسامحيني علي كل شيء
صار …
نورا : ببتسامة
_ حصل خير واني اكيد مسامحتك من البداية …
انس : حس بندم ..
بارك الله فيك بالاذن وطلع
نورا : بستغراب ..
_ سبحان من غير الاحوال كيف كان وكيف اصبح
الله يهدي بس مسكين شكله متبهدل ومتجرح اكيد صاير معاه شيء …
انس يلوم في نفسه وندمان ندم شديد …
عند نورا تستف وتغني بحماس …
نورا : مشي معاي علي دنيا مافيها الا الغرام واحلي الايام …
خدني حبيبي كتبني قصيدة مافيها كلمة ملااام
كله غرام …
لا تروح بعيد عني ضلك قريب مني غيابك بجنني بحبك انااا ..
ايوب : مقعمز علي الطاولة ويسمع فيها كيف تغني منتبه معها علي الاخير ومسحور في صوتها …
ونورا مزالت تغني ومش منتبها لوجوده نهائي …
ودير في حركات مضحكة ومجنونه وتتخيل
في ايوب ….
_ وقفت غناء وتضرب في رجلها علي الارض
يااااارربي علاش نفكر فيه اطلع من راسي
مانحبكش اني ياوحش …
ايوب : مستغرب فيها شن تقول هادي …
نورا : تفكر زعما شن الماضي لي قتلي عليه وصال
غدوا رح نسألها شن قصته اية صح ولله فضولي رح يقتلني ..
ايوب : بصوت لعوب …
_وين وصلتي حبيبتي وناض قرب منها
نورا : حطت يدها علي قلبها بخلعه انت كيف ف
وصلت اهني
ايوب : قام حاجب ..
_ وقرب اكثر جدد
نورا : توثرت علي الاخير …
_ شافت لتحت وسكتت ..
ايوب : قرب اكثر واكثر …
نورا : تبلع في ريقها بتوثر وخوف ..
ايوب : خدي المنشف من خلفها وبعتلها بوسه في الهواء وطلع …
نورا قعمزت علي الكرسي وتبتسم علي حركته المجنونه وحطت يدها علي قلبها ….
نورا : ولله شكلي طحت في لعنة الحب وحبيتك يامنقدي المتوحش …
قعدت تبتسم زي المجنونه وبعدين كملت شغلها علي السريع وقعمزت تلعب ب الفون ….
_________________________
عند الشباب …
اياد قعد يشوف بخبث لي ايوب …
اياد : بصوت عالي علي الفون …
_ سامحني يافرج ولله نسيتك لكن توا توا نكلمها
ولله العظيم توا ماشي تسلم ياغالي …
مراد : هذا يكلم في الجيران ولا كيف هههه
انس : مش عارف عليه
هههههه ختش
ايوب : من بيكلم هذا …
اياد : سكر الخط وناض بسرعه
اني شوي وجاي …
انس : علي وين
اياد : بنكلم نورا علي راس موضوع وبنجي
وطلع …
ايوب : طلع جرته طول
مراد : تفجررررر ضحك
انس : ضحكنا معاك
مراد : اياد هذا واحد شيطان تصدق
انس : مش فاهم فهمني
مراد : ووووووو
انس : واني نقول هههههه
وربي ماليهم حل بكل
مراد : هههههه ولله حالة …
عند اياد …
خش للمطبخ …
اياد : نورا
نورا : قامت راسها
_ نعم
اياد :نبيك في راس موضوع مهم
نورا : ان شاءالله خير
ايوب يسمع فيهم من الخلف …
اياد : في واحد طالب بنت حلال وراجل محترم والحق ماشاء الله عليه من كل النواحي حتي الزين
طررررف ..
و حكيتله عليك وقالي شوفها بالاول شني نقوله
يبي في الرسمي الراجل …
ايوب : قريب يتفجر وشعلت فيه نااااارر
????
نورا : ولله ماني عارفه شن بنقولك يا اياد
اياد : انتي جربي حظك مرات يعجبك شوفي
بالاول وبعدين قرري
ايوب : الحقير هذا
????
نورا : نفكر ورد عليك شن رايك
ايوب : تفكري صااار توا نوريك شن ندير فيك
تبي غيري يانورا ….
اياد : خلاص صلي استخاره وردي عليا
نورا : ان شاءالله …
اياد : انتي زي اختي نتمنالك كل خير …
ايوب : مشي خش للمربوعه بحقددد
و ???
نورا : بارك الله فيك
اياد : ماتبي شيء توا
نورا : سلامتك ..
طلع اياد والضحكة شاقة الحلق كان ملاحظ وجود ايوب خلفه ???
نورا : بس اني حبيت ايوب هل نشوف حياتي مع غيره …
ربك يسترها وخلاص نصلي صلاة استخاره وربي
يسهل …
__________________________
علاء : يشوف لي اياد بخبث
واياد يغمزله بمعني نعجبك
انس : كاتم ضحكته علي منظر ايوب المتزرق
مع بعضه …
مراد : شن صاير يا اياد
اياد : ولله في واحد يبي يتزوج ودليته علي نورا
البنت ماشاءالله تبارك الرحمن عليها تستاهل ولد حلال يصونها ويحفظها …
ايوب : حريقة حريقة الدخان يطلع من راسه
انس : وراسك اني نبي نتزوجها ..
كلمها عليا نعيشها ملكة …
مراد : وكلمتها اكيد …
ايوب : متابع بصمت بس من الداخل بركان …
اياد : اية كلمتها واني متاكد رح توافق اول ماتشوف صورته رح تهبل تي ياراجل انت تعرفه فرج الاحول …
مراد : ماتقولهاش هدكة عليه زين الله يبارك
يركب علي نورا ولله
انس : واني ???
ايوب : طلع بغضب
اياد ومراد وانس تفجرو ضحك …
????
مراد خلي نكلم العيلة تطلع
__________________________
ايوب : ركب غرفته بغضب
ربيعة : اني طالعه …
_ هيا اني هوا هدكة الشباب الصبح عندهم خدمة
ايناس : شافت ايوب لما ركب تخدرت
?????
منى : ربي يعينهم يارب …
ربيعة : ان شاءالله يارب
هي بسلامة ياروح اختك
منى : بسلامة ياقلبي انتي
وصال سلمت عليهم بطريقة مش حلوه
ايناس : قريب تموووت من حركات وصال
وتاكل في روحها من بكري ….
طلعت ربيعة وايناس ..
منى : مقعمزة وتفكر
وصال : ماما بنقولك علي شيء لو ممكن
منى : عيوني
وصال : بنقولك خالتي نعيمة برئية من كل الكلام هذا
والكلام كله غلط ومقلوب والمواقف صايرة قدامي
وووووووووووووو
منى : بصدمة
_ بس شن مصلحت ربيعة تكدب عليا
وصال : ماما اني شفت هلبا مواقف مش حلوة منهم
وبدات ايناس الاحسن انك معدش تصدقي خالتي ربيعة لانك رح تخسري خالتي نعيمة …
وشي تاني خالتي نعيمة انسانة تخاف ربي و حقانية وانتي اكثر وحدة تعرف طبع خالتي نعيمة وانتي بروحك لو تغلطي او تقولي اية كلمة غلط تهاجمك قدام وجهك مش من ورا ظهرك …
منى : ولله حق يابنتي كيف صدقت الكلام …
ياربي علي الفتن واني مصدقة الكلام وحق اكثر من موقف صاير قدامي وصدقت الكلام يارب تسامحني
نعيمة ياحليلي شن درت ياربي …
وصال : مافي حد مايغلطش المهم اني قتلك يلي صاير وانتي وضميرك هدوم الزوز خواتك وتصرفي معاهم …
منى : ربيعة رح نوقفها عند حدها الفتانه هادي
اما نعيمة ان شاءالله تسامحني وخلاص
وصال : ياغالية رد بالك خالتي ربيعة تزعليها وتعلي صوتك وكدا لا انتي عاتبيها بكلامك حساسيها بذنب ورح تكف علي الفتنة ورح تتحشم علي وجها …
وبنسبة لي مرت ايهاب انسانة حبوبة وراقية ومحترمة وانت اكثر من مرة تهدرز معاك شفتي
عليها شوفه مش حلوة ..
منى : لا ولله ماشفت الا كل خير
وصال : خلاص معناها ياغاليه مرة تانية معدش تخلي حد يلعب بعقلك ومش اية شيء يتصدق
منى : استغفرالله عبيت شكايري وخلاص
لاحول ولا قوة الا بالله وخلاص …
وصال : اني توا نستاذنك ليلتك سعيدة ياغالية
منى : واني اسعد ياروح امك ..
وقعدت تفكر في كلام وصال وتقارن بين الكلام
وحاسة بذنب ….
__________________________
نورا ركبت الفوق الدنيا ظلام فتحت الضي نخلعت لما شافت ايوب يستني فيها في نص الظلام ومنظره يخوف …
نورا : بتوثر ..
_ اية خدمة استاذ ايوب …
ايوب : ناض بحدة ..
_ ترفضي تسمعي فيا ولالا …
نورا : قامت حاحب بمكر ..
_شنو نرفض استاذ ايوب
ايوب : الزفت ترفضي تسمعي فيا ولالا
نورا : مش قادرة نفهم عليك ممكن توضح اكثر
ايوب : شد خصرها وقربها وقبلها بوحشية …
نورا : نصدمت بقوة …
حاولت تبعد ايوب بس صعب المقاومة ..
ايوب : ترفضي غصب لانك ليا اني وبس
وشد خصرها بحدة …
نورا : تتألم بس قامت عيونها بجراءة
_ ولو كنت مانبيش نرفض هادي حياتي وهذا قراري الشخصي بحدة ابعد من عليا لو سمحت …
ايوب : وصل لي اخر مراحل الغضب …
_ يعني رافضة تكوني ليا
نورا : طبعا رافضة
ايوب :
_______________________
حمزة : الو حياتي ..
ايات : حبيبي واخيرا طمنتني عليك وينك حبيبي
خفت عليك موووت
حمزة : هههههه اية ولله طلعت من عينها
ايات : تبكي
حمزة : حبيبتي والله اني بخير ..
ايات : مزالت تبكي وتتكلم بصوت متحجر …
بس س ا اني خفت ت عليك ك ..
حمزة : ياحليلي علي يلي يخاف عليا
ربي مايحرمني منك حبيبت قلبي
ايات : حياتي بنقولك …
حمزة : قولي حبيبتي
ايات :
_________________________
شن بصير تابعوني …
الكاتبة : eman Albasha
توأم الروايات …
الكاتبة : Omaima Trabelsi