خادمة علي عرش الثراء
الحلقة : 11 ..
من رواية : #خادمة_علي_عرش_الثراء …
__________________________
نورا : ياربي شن قاعد يصيرلي …
استغفرالله العظيم هذا خيره بيهبل استغفرالله
فتحت صنبور المياة وقعدت نغسل في وجهي
استغفرت ربي وطلعت …
خشيت للمطبخ …
رشا : خيرا الحلو شكله زعنان ..
نورا : لا ياقلبي مش زعلانه
?? …
دلال : بتوثر
_ تعالي يا نورا بنقولك علي شيء
مهم يعني ..
نورا : ان شاءالله خير
قولي حبيبتي …
دلال : بتردد
_ تبي الحق في موضوع مش راضية عليه و خايفة منه
نورا : احكي شنو في يابنت ..
دلال : ووووووو
نورا : ينهار ابيض معقولة النذاله توصل لدرجة هادي صح طحت في اكثر من موقف مش حلو بس ماتوقعتهم بالحقارة هادي ..
دلال : تبي الحق خفت اني نصارحها وننصحها تفهمني غلط قولت انتي يعني ممكن ديري حل للمشكلة هادي ….
نورا : اعطيني الفون اني مش رح نسكت بجد
وصلت حدها كش لي هادي الدرجة الحق ..
دلال : الموضوع مش ساهل يانورا
نورا : غير هاتي الفون انتي واني توا نعرف كيف نتصرف …
دلال : هاكي تفضلي ربي معاك ياقلبي ..
نورا : ان شاء الله اني مش رح نشوف الظلم بعيني ونسكت علي الحق هذا شرف مش شيء عادي توا نستاذنكم خلي نركب نشوف وصال …
ومشت
رشا : ياحليلي يا دلال اكيد رح تصير مصيبه
دلال : صدقيني لا نورا عقلها كبير ورزينه
ورح تحل الموضوع بجدارة …
رشا : ان شاءالله خير وخلاص …
_________________________
عند ايوب ….
قعمز في مكتبة ومغمض عيونه …
تالا : حبيبي اني طالعه ياعمري ماتبي شيء ..
ايوب : سلامتك يا حبيبتي وديري بالك علي روحك
تالا : قربت منه وباست خده عندي من داير باله
عليا وطلعت ..
ايوب : يبتسم ههههه ولله يتجنني وحط يده علي قلبه بحب …
تالا : ابتسم بشر وطلعت من الحوش بكبره ..
ايوب فاق من شروده وناض ضرب كل شيء قدامه وطلع من المكتب بغضب ….
__________________________
وصال حاضنه روحها وتبكي بقهرررر …
اني ضيعت نفسي بنفسي وياريته هكي وبس ورح ندمر مستقبل بنت بريئة وقعدت تلوم في روحها و تبكي من القلب ..
نورا : قربت من غرفة وصال سمعت صوت بكاء
استغربت زادت قربت اكثر نصدمت من صوت البكي العالي خشت تجري لي غرفة وصال ..
_ بخلعه وصال حبيبتي خيرك تبكي ..
وصال : شافت نورا حضنتها ..
_ اني ادمرت يانورا ادمرت ورح ندمرك معاي
نورا : بعدم فهم
_ وصال حبيبتي استهدي بالله وحاولي تهدي باش نقدر نفهم عليك …
وصال : لا اله الا الله
ببكي بس اني ضعت يانورا ضعت ..
نورا : حبيبتي حاولي تهدي واحكيلي شن صاير معاك ونوعدك رح نتفهمك ونساعدك احني صديقات صح ..
وصال : ببكاء ..
_ اية صح احني صديقات …
نورا : احكيلي شن مزعلك وعلاش تبكي بطريقة هادي واني نوعدك رح نساعدك نوقف معاك …
وصال : شافت لي تحت
_ اني عادل يانورا ووووووووو
نورا : بصدمة
_ محقره الحقير المستغل الوسخ هذا الحمدلله ربي فضحه علي حقيقته …
وصال : رجعت تبكي من جديد …
يانورا اني خلاص ضعت و سمعتي ضاعت …
نورا : يعني نفهم منك لو عادل قدر يوصل فيا رح يخليك في حالك صح …
وصال : جاية بتتكلم قطع عليها صوت الفون …
نورا : بسرعه شوفي مني يتصل بيك بالك هوا ..
وصال : لالا مش هوا هذا رقم غريب
نورا : غير ردي علي الرقم
وصال : حاولت تتمالك روحها وتتكلم طبيعي …
_ الووو
هيثم : الووو معاي وصال صح
وصال : اية وصال من معاي
هيثم : اسمعي بنقولك علي شيء ضروري
وصال : من انت …
هيثم : اني صاحب عادل صاحبك …
وصال : فتحت المايك …
_ بخوف، شنو الشي الضروري لي تبيني فيه ..
هيثم : اسمعي يابنت اني نقدر نطلعك من المشكلة لي انتي فيها بغاية السهولة …
وصال : يرحم والديك ساعدني ولله قريب نموت ماني عارفه كيف نتصرف استغلني واستغل ضعفي ….
هيثم : مش موضوعي انتي اني بنساعدك بشرط يعني الحكاية سلف ودين …
وصال : باهي شن شرطك …
هيثم : اني حبيت نورا ونبيك توصليني ليها بأية طريقة وغايتي نظيفه معها ويشهد عليا ربي ..
نورا شافت لي وصال وقتلها بمعني وافقي
وصال : خلاص موضوعك ساهل عندي …
بس كيف غايتك نظيفة فهمني …
هيثم : يعني اني حبيتها ومش قادر نطلعها من عقلي ونبيها تكون مرتي و حلالي وياريت تعطيني رقمها توا ….
وصال : البنت يشهد الله عليا ماعندها تيليفون
لكن حاضر رح نديرلها فون …
هيثم : لالا ماديرلها شيء ، اني شوي تاني رح نجي جنب حوشكم و نعطيك كل شيء الابتوب بتاع
عادل وكل تليفوناته واني مسحت كل الدردشات بينك وبينه لاحتياط وهكي تكوني اطمنتي بس لو تلعبي بديلك معاي رح تندمي صدقيني كنت معاك راجل ..
وصال : خلاص اتفقنا ورح نحببها فيك ونزيد نشكرك
بس شن ضمن انه مافيش نسخه للفيديو …
هيثم : اول شيء هيا كلمة راجل مش عيل وتاني شيء اني نجيبلك كتاب ربي ونحلفلك عليه المهم نبي نورا اني ….
وصال : خلاص تم وبارك الله فيك …
هيثم : خلاص اتفقنا وقيمي القدر عاااد نبيك تقيمها بيا …
وصال : ولا يهمك نعجبك بنقولك علي سر ..
هيثم : شن هوا
وصال : نورا من بكري تحكي عليك وواضح انها معجبه بيك …
هيثم : بفرحه
_ بجد قولي ولله
وصال : ولله زي مانقولك …
?_ ياربي سامحني علي كدبتي …
نورا : تأشر بمعني ? …
هيثم : خلاص يابنت الناس اني توا نستاذنك
ربع ساعة ونوصلك تمام …
وصال : تمام نستنا فيك ..
و سكرت الخط بفرحه مش طبيعية
نورا : الحمدلله ياربي تحلت المشكلة علي خير …
وصال : شافت لتحت بحزن
_ ورطك معاي صح
نورا : لالا مش مشكلة نعجبك راني ..
وصال : رح تقدري تتقبلي انك تكلمي وتمشي معاه
نورا : هيا فترة بسيطة ورح نطيره فهمتي عليا
واصلا هوا واضح عليه مضروب ضربه تخوف
ههههه
وصال : وهوا مني لي ماينضربش في هالجمال كله …
نورا : بس بس خجلتيني يابنت ههه
وصال : حضنت نورا بفرحه مش طبيعية
بجد شكراااا شكرااا مش عارفه كيف نشكرك …
نورا : بفرحه …
وصال ياروحي نعطيك نصيحه لوجه الله ..
وصال : تفضلي حياتي اكيد رح ناخدها بعين الاعتبار
نورا : نبيك تاخدي الحيطة والحدر من اثنين …
وصال : مش فاهمه عليك ..
نورا : يعني رد بالك من زوز اشخاص …
وصال : بستغراب
_ من هما ..
نورا : ايناس وايات اما بنسبة لي ولاء اني متاكده انها ماشية علي صح ..
وصال : انتي شفتي منهم حاجة غلط مثلا …
نورا : اية شفت الحق ونبيك تكوني حريصة
منهم وبشكل كبير ….
وصال : شن شفتي منهم احكيلي وراسك …
نورا : اعذريني ياوصال اني سكتت بما فيه الكفاية
واني متاكدة انهم السبب في كل شيء ..
وصال : احكيلي لاني مش فاهمه شيء …
نورا : طلعت فون من جيبها …
وصال : قصدك انتي عندك فون …
نورا : لا ولله ماعندي فون ..
وهذا الفون مش بتاعي وصاحبت الفون بعتتني انك تسمعي التسجيل هذا …
وصال : تسجيل شنو و سمعيني …
نورا : فتحت تسجيل صوت …
وصال : نصدمتتتتت ..
معقولة بنات خالتي هما السبب في دماري شن بيني وبينهم حرام عليهم علاش الحقد هذا شن لي عندي وماعندهمش وماعمري حقدت علي حد فيهم ليش هكي ليش …
و ايات لي كنت حاسبتها اختي وبير اسراري تطعن فيا وفي شرفي و تتكلم عليا بطريقة البشعة هادي ….
نورا : حضنت وصال …
بجد اني اسفه يا وصال والحق تمنيت ماننحطش في موقف زي هذا بس حبيت نوريك خبثهم لاني حطيت روحي في مكانك ويلي صار مش شيء ساهل …
وصال : قعدت تبكي …
نبي نعرف علاش الكل يستغل في ضعفي وطيبتي
اني نمشي بالنية الصافية ماعمري حقدت علي حد ولا جرحت حد …
نورا : مرات امتحان من ربي خليك قوية وانتي في الجديد ديري حسابك وخليك حريصه سرك ماتعطي لحد نعرفك قوية وماحد يهزك ونبيك توريهم انك اقوي من الكل تمام ..
وصال : تمام …
نورا : يلا بسرعه اغسلي وجهك وانزلي تحت فونك يتصل اكيد وصل صاحب الزفت عادل ..
وصال : اية صح ولله يتصل ..
و سامحيني يا نورا ظلمتك معاي
نورا : انتي زي اختي ياوصال بري ان شاءالله ربي يحفظك منهم ومن شرهم ….
وصال : ان شاءالله يارب …
وفعلا وصال نزلت تحت خدت الاشرطة ووو من هيثم وخلاته يحلف علي المصحف الكريم ..
عطت الفون لي نورا ?? ..
كسرت كل تليفونات عادل وكسرت الاب توب
وحرقت الشريط وقعدت تحمد في ربي انه حفظها منهم ومن شرهم …
________________________
تحت …
دلال : طمنيني شن صار يا نورا
نورا : الحمد الله حكيتلها شن صار وتقبلت الموضوع
برحابة صدر ..
قطع عليهم الكلام خشت اياد للمطبخ
اياد : ببتسامة
_ السلام عليكم ياحلوين …
طبعا يحب يتكلم معاهم ومتعود عليهم عكس باقي العائلة …
الكل رد السلام
اياد : مافيش حاجة تتاكل ياجماعه راني جعان
رشا : سلامتك لحظة ونجيبلك اكلك
اياد : لمح ايوب مقعمز علي الابتوب ابتسم بخبث ..
بسم الله ماشاء الله عليك يانورا تهبلي اسمعي شن رايك نخطبك لي صاحبي صدقيني طرفففف يهبل
نورا : نصدمت …
_ صاحبك …
اياد : غمزلها بمعني نبصر ..
اية صاحبي دمه عسل وشربات ويدور علي بنت
الحلال و قنينه زيك بزبط شن رايك …
نورا : هههه نفكر بالاول ولا نقولك خلاص موافقه
بس هااا نبيه طرف زي ماقولت ….
رشا : تضحك عليهم
دلال : وخودني اني لي صاحبك التاني …
حتي شين راضية بيه …
اياد : اية ولله حق كيف نسيت السواق يدور في عروس وانتي جيتي في وقتك خلاص معنها توا نقوله لقيتلك بنت الحلال
دلال : اللطف ياربي بعيد الشر عليا ما لقيت الا الايتيوبي هذا تخطبني ليه …
اياد : علاش لا ماشالله عليه طرففف يجنن يركب معاك شيء خرافي ..
_ وطلع من المطبخ ويبتسم بخبث علي منظر ايوب ???? ..
دلال : تلفتت بغضب
والدخان ولا يطلع من راسها
رشا ونورا تفجروا ضحك علي منظر دلال ..
اياد : قعمز في الكنب جنب ايوب ..
سمع ضحكت نورا يمااا ولله يادومه شكلك مشيت فيها عليها ضحكه اطيرررر العقل ..
ايوب : كاتم غيضه بسيف ..
? تضحك ماشاء الله عاجبها الوضع الاخ يتغزل وهيا مش مقصرة نهائي لكن توا نوريك يانورا
تبي عريس صااار توا نوريك ..
اياد : يشوف لي ايوب من تحت لي تحت ..
_ ? مزال تنكر صار توا نوريك ياخوي يا انا
يا انت والايام بينا …
__________________________
عند عادل …
ماشي فيها في عالم تاني حااالة سكر راقد ومش واعي لي روحه نهائي ….
هيثم : شاف لي عادل وطلع بخبث …
__________________________
ولاء : تشوف في حركات اختها المش طبيعية
_ ايات خيرك مش علي بعضك
ايات : حمزة مش مبين لان ماكلمني ..
ولاء : كيف مش مبين ..
ايات : مش عارفه زعما نكلم اخته ونطمن عليه
ولله خايفة عليه موووت ..
ولاء : بغير رضي
_ براحتك حبيبتي …
ايات : قعدت مترددة تكلم خواته ولالا
???
_______________________
منيرة : ولدي ياربي احميلي ولدي وتبكي بقهر
خالد : شاد راسه بيدة ومقعمز في غرفة الانتظار
سارة : تعرفي خايفة مووت
ريما : مش مدوره تشوف لي دكتور عاجبها
وتبي اطيحه …
علي طلعت الدكتور من غرفه العمليات …
الدكتور : بتعب واضح السلام عليكم …
خالد : ناض بسرعه …
شن صار ودكتور
منيرة : طمني الله يطمن قلبك …
الدكتور : شاف لتحت ..
حالته صعبه جدا دعواتكم لاسف لو عاش المريض مش رح يعيش كاانسان طبيعي
منيرة : وكيف مش انسان طبيعي
الدكتور : لاسف يااما شلل نصفي يااما احتمال كبير الاصابة بالعمي …
خالد : قعمز بانهيار وشد راسه بعدم تصديق
???
سارة : وهل ليهم علاج …
الدكتور : صعب حاليا نحدد حالة المريض
دعواتكم بالاذن …
منيرة وخالد خلاص صارلهم انهيار
سارة تحاول تصبرهم …
ريما خدت الرقم وتبتسم بفرحه ومش هامها لي
قاعد يصير …
__________________________
ايوب : بغضب ..
وينا امي ماروحتش لتوا …
اياد : ياكل ويشوف في ردات فعل ايوب
_ مش عارف عليها مزال ماتصلتش بيا ..
ايوب : سكر الابتوب وناض …
اياد : علي وين ..
ايوب : طنشه وخش للمطبخ بحدا ..
_ نورا جيبلي الاكل الفوق ..
رشا : ? ياربي قداش مايخوف الانسان اللزج هذا
ومستقوي علي نورا المسكينة …
دلال : بهمس
الله يعينك يانورا
نورا : تشوف لي تحت
_ حاضر ..
ايوب : رقتله لانها ماتبيش تحط عينها في عينه
_ عندك خمسه دقايق بس وياويلك تتأخري وطلع
اياد : يسمع فيه ويبتسم وعارف غيرة ايوب علي نورا …
رشا : هيا خلي نساعدك بسرعه لان استاذ ايوب 100 وحده طردها شوي ..
نورا : ربك يستر وخلاص …
وبدت تستف في السفرة وفعلا في خمسة دقايق كانت جنب باب الغرفه طق طق طق …
ايوب : يبدل في ملابسه ومطنش صوت الباب
ويبتسم بشر ..
_استاد ايوب ممكن ندخل …
مافيش رد ايوب حط من برفانه علي رقبته وصدره وقعد عاري الصدر قعمز علي سريرة ويقلب في فونه
نورا : زعما نخدل نحط الاكل ونطلع علي السريع ..
اصلا هذا انسب حل وفعلا خشت ونصدمت بالمنظر لي قدامها شافت تحت طول …
_ ارتبكت
اني اسفة استاذ ايوب مش قصدي ندخل من دون استئذان …
ايوب : حطي الاكل وعيونه مازالوا علي الفون ..
نورا : حطت الاكل شافت تحت اية شيء تاني
ستاذ ايوب ..
ايوب : اية داري مقلوبة شوفت عينك
وتبي الترتيب ..
نورا : شافت المنظر نصدمت …
ملابسة كلهم علي الارض ..
ايوب : ابتسم بأنتصار …
_ نبي كل شيء مرتب زي ماكان ..
نورا : قريب تبكي …
_ قعدت اطبق في الملابس وترتب فيهم في مكانهم
ايوب : يأكل وقريب ياكلها بعيونه …
_ كمل اكل وقعد يتأمل فيها …
نورا :? ياربي من داعي عليا الانسان هذا خيره عليا كل يوم يفجاءني بشي جديد مش كافي عملته بكري لي في المكتب استغفر الله وخلاص …
كملت ترتيب اني كملت استاذ ايوب تبي شيء تاني
ايوب : ناض قرب من نورا بغضب مخفي …
نورا : رجعت للخلف كاردة فعل ..
ايوب : قرب اكثر واكثر ..
نورا : توثرة بشكل كبير وحست النفس ينسحب منها
استاذ ايوب ممكن تبعد ..
ايوب : تخدر كليا ..
حضن نورا ….
نورا : فنصت عيونها ونجمرت في مكانها بصدمة
ايوب : زاد من حضنه وقعد يستنشق في رائحة
نورا
نورا : بحده حاولت تبعد ايوب من عليها ..
ايوب : شد علي حضنها بقوي اكبر لي درجة يده علمت علي خصرها …
نورا : وقفت مقاومه استاذ ايوب ممكن تبعد رجاءا
لو سمحت ..
ايوب : اششش خليني وقرب شفايفة تحت ودن
نورا وقعد يقبل فيها
نورا : تخدت للحظة بس بعدين بدت تضرب في ايوب بيدها ..
ايوب : تعصب منها لصقها علي الحيط ..
____________________
شن بصير تابعوني …
امس تم اشتركي والمحلات مسكرات
????
_____________________
الكاتبة : Eman Albasha
الكاتبة : omaima Trabelsi