رواية يتيمة مع والديها
#قصة_من_الخيال
#الحلقة_الثلاثون_والاخيرة
.
.
لايك قبل لاتقرا ورايك فيها بعد تكمل
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
عندي انا وهيثم
انا نضت خشيت ادوشت وطلعت لبست وغسلت معتز ولبسته رن تلفوني
انا:الو
امي:وينك
انا:جايه توا نوعي هيثم ونجو
امي:باه شن داير معتز
انا:اكويس امس رقد ما تعبنش
امي:باهي بسرعه واعي راجلك وتعالي
انا:هي
خشيت دار لقيت هيثم راقد
انا:هيثم حبيبي نوض يا هيثم هي وقت مزال تبي ادوش
معتز:قعد يبكي
وهيثم:ماردش
انا:هيثم نوض هيثم
هيثم:ما تحركش ولا قال كلمة
انا:قلبي قعد يدق بقوة ونقرب منه هيثم نوض عاد بس هيثم مايردش
قربت من هيثم ونلقاه راقد
انا:حبيبي رد عليا دموعي نزلن طول حاجه تقولي ردي وخلي راقد مرات ماينوضش بكل ننهبل وما نقدرش نعيش بلاه قربت وحطيت يدي ع كتفه
انا:هيثم
هيثم:حضني ورفعني ع سرير
انا:وقتها قعدت نبكي وخلاص
هيثم:اسف يا قلبي
انا:اسكت ما نبش نسمع شي منك
هيثم:باسني اسف خلاص بلا دموع عاد
انا:معقوله هكي تفجعني وتفجع المتابعين
هيثم:نحبك انتي ومتابعين حتي هم ?
انا:لالا نغار منهم بعدين بعد نبي نصبي مش فضيتلك وما تحكش معايا ولا كلمة
هيثم:مش محول نين تسامحيني
انا:خلاص باهي حول سامحتك
قعد معتز يبكي
انا:شفت معتز ولع
هيثم:خلاص شوفي
انا:انت امشي دير حمامك ع سريع بيش نمشو يرجو فينا غادي
هيثم:ثواني بسالكاتب:Arhima Alagory
عند هلي
مريم:غريبه ملاك طولت
امي:توا تجي كلمتها قالت توعي هيثم وتجي
عمتي:غداكم واتي
امي:انشاءلله
عندنا
هيثم:وين دبش
انا:في الدار
هيثم:تمام واتي حاجاتك نلبس ونطلعو
انا:حاضر
خش هيثم لبس
رن تلفوني لقيت حنان
انا:حبيبتي
حنان:شنجو
انا:الحمدلله وانتي
حنان:بخير
انا:راك تغيبي اليوم عشاء
حنان:والله مانقدر
انا:عليش
حنان:عندي موضوع
انا:باه
حنان:ماتزعلش
انا:باهي خلاص
حنان:ملوكه
انا:نعم
حنان:نحبك
انا:حتي انا نحبك
حنان:باي
انا:باي
بعدها طلع هيثم
هيثم:وين عزو
انا:كيف مش في دار
هيثم:ترا شوفي
انا:راقد نجيليا
هيثم:وانا
انا:اكيد حتي انت نجكليا
هيثم:باهي هي نطلعو
انا:هي
طلعنا وماشين لهلي
في طريق
انا:كلمت عيت عمي
هيثم:اها كلمتهم لقيت عمي مكلمهم
انا:اسمع اليوم بايته عند هلي
هيثم:في الحلم
انا:لالا وراس هيثم نبي نبات
هيثم:عليش
انا:هك البنات كلهن قعدات وحتي عمتي وبناتها
هيثم:تمام باهي
انا:يعني نبات
هيثم:اها
انا:نجكليا قربت بسته
هيثم:عنشكلك بكل مش في شارع هكي
انا:عادي
هيثم:راه ندرس ع اليمين ونوريك شن عادي
انا:نبصر شوف قدامك راه نديرو حادث
هيثم:به
انا:هو خلاص وصلنا
هيثم:هي انزلي
انا:نزل دبش في شنطة سيارة
هيثم:اين دبش
انا:دبش ليا انا ومعتز حطيت
هيثم:هههه ماشاءالله واعيه بدري شكلك
انا:اها شن رايك
هيثم:مش دايره غيبه بكل
انا:بكل
باتي:يا مرحب
انا:خيرات
باتي:وين عزو
انا:راقد
باتي:كيف حالك
انا:الحمدلله
باتي:باهي الحمدلله خش جو
هيثم:خير يا عمي
باتي:خير ومرحبا
هيثم:كيف حالك
باتي:الحمدلله هي تفضل
هيثم:يزيد فضلك من في جو
باتي:قاعد ناصر
هيثم:هي توا نخش
خشيت جو
انا:سلام عليكم
كلهم:عليك سلام
اميرة:وين عزو رايفت عليه
سالم:وانا رايفت ع ماما
انا:نجكليا
امي:كنك طولتي
انا:والله هيثم ناض ودار حمام هذي عطلتنا
عمتي:خير يا ملاك جيتو
انا:اها
عمتي:رجاله قاعدين
انا:انضني خالد مش قاعد
مريم:جاي في طريق وقالي حطو
عمتي:باه
امي:انتي خشي تريحي يا ملاك
باتي:يا ملاك تعالي
انا:نعم
باتي:تعالي نبيك
انا:باه
مشيت انا وباتي لدار معتز
باتي:خشي
انا:باه
خشيت دار ولقيتها معبيه دبش سرير ومشاي وقعاد وكروسه ودبش عيال صغار وحليب وحفظات وعطور وكل شي كان مزين ومغلف
انا:شنو هذا
باتي:هذا لمعتز
انا:ربي مايحرمني منك
باتي:ولا منك انشاءلله نقدر نعوضك ع كل لي درت فيك
انا:بابا خلاص نسيت انا
بابا:عارفك حنونه
ماما:الاب وبنته مجتمعين
انا:وراني بابا دبش
ماما:بابا اخره
انا:اكيد وانتي ماما
ماما:ربي يحفظك لنا
انا:ويحفظكم ليا ومايحرمني منكم
اميرة:اجتمع عائلي
انا:هههه اها عائلي
اميرة:معنها نستاذن انا
انا:اذنك معاك
اميرة:مصدقتي عاد
انا:شن انديرلك انتي لي تبي تمشي
بابا:اميرة يا بنيتي خوذي اختك وخليها تريح
اميرة:حاضر اختي عارف الحوش بس يالله ندلعوها وخلاص
عمتي:يا سعد تعال شلنا الغذاء
بابا:هي جاي
طلعنا من دار وسكرنها ومشينا نتغدو
الكاتب:Arhima Alagory
بعد الغداء
رجاله طبعا رقدو
انا:توا نجي
ماما:وين ماشيه
انا:ماشيه نساعد البنات
ماما:لالا تريحي انتي
انا:لا والله اكويسه نمشي نساعدهن في حاجه ولا اثنين
عمتي:يا ملاك ما تجيش هكي
انا:والله اكويسه انا
طلعت مشيت بنات في مطبخ
انا:هاي
صفاء:هايات شنجو
انا:تمام وين سهي مزالت في حضنك
صفاء:بنيتي هذي نبي ناخذها
انا:خوذيها
مريم:تشكي منك راه
انا:معقوله صاح يا سهي
سهي:هزت راسها معني اها
انا:يا روحي انتي تعالي يا ماما كنك
سهي:انتي تحبينش
انا:لا يا ماما انا نحبك
سهي:بس صفاء ديمه تلعب فيا وانتي لا
انا:نعليا يا قلبي تعالي هي نلعبو باهي
سهي:لالا
انا:نلعبو مع معتز باهي
سهي:به
انا:هي تعالي
خذيت سهي ومشينا للدار
ماما:كيف صار
انا:مشيت غادي لقيت سهي زعلانه
ماما:عليش
سهي:ماما مش كيف صفاء صفاء تلعب فيا
عمتي:لان صفاء فاضيه بس ماما عندها حاجات ادير فيهن صاح ولالا
سهي:باه صاح بس نبي نلعب مع معتز
انا:هي تعالي العبي معاه بس ما تضربش
سهي:عارفه
المهم مر الوقت وبنات يجهز للعشاء وانا قاعد ع سرير نلعب مع سهي ومعتز
ماما:شن يديرو الام واطفالها
انا:نلعبو نبي نرقد نا خلونش بكل
ماما:ربي يخليهم لك
انا:ويخليك ليا
ماما:انشاءلله
انا:عزمين عرب واجد
ماما:اها رجال واجد بس صبايا لالا عيت عمك وجراتنا بس
انا:نسعدكم في حاجه
ماما:لالا سلامتك كل شي واتي
عند رجاله
خالد:يا هيثم هيثم
هيثم:راقد نعم
خالد:تعال معايا برا جماعة جو يبو يبنو البيت
هيثم:هي جاي
طلعو خالد وهيثم
قعدو مع جماعه متاع تشاركية
هيثم:شوفلنا قهوة للجماعة
خالد:هي
خش خالد وصاهم ع قهوة
عندنا نحنا صبايا
انا:وين عبير
ماما:في طريق جايه
انا:كنها ما جت بدري ع غداء
ماما:ماتقدرش عندها عيادة توا كيف طلعت
انا:اها عليك تعب
ماما:حتي انتي جايك جايك تعب
عند رجاله
مريم:خالد
خالد:هي نعم
مريم:هك القهوة
خالد:تسلم دياتك
مريم:سلمك حبيبي
خالد:خلاص خشي اهي عبير جت
درس عادل قدام الحوش
معتز:عمو هيثم
هيثم:عزو شنجو
معتز:تمام وين سالم
هيثم:قاعد جو خشله
عبير:خير هيثم
هيثم:خير يا عبير
عبير:خالد كيف حالكم
هم اثنين:الحمدلله
عادل:سلام عليكم
هيثم:عليك سلام وين يا فندي
عادل:شنجو
هيثم:الحمدلله بخير
عادل:كساد وخلاص
هيثم:بكل واللهي
عندنا
عبير:خير يا انتو
انا:تعالي هنا يا انتي
عبير:كيف حالكم
انا:الحمدلله وانتي
ماما:الحمدلله
عبير:حال تعب نبي فراش ونرقد
ماما:خشي دار وارقدي
عبير:حتي هذي جايه
انا:نوم العوافي
عبير:سلمك
خشت عبير رقدت وانا غفيت شويه وبنات كملو تجهيز للعشاء رجاله دارو البيوت قدام الحوش وبعد العصر بدو العرب يجو وانا قاعده ع سرير وصبايا يسلمن عليا ويباركن ودار ملينا صبايا
الكاتب:Arhima Alagory
عند بنات
اميرة:يا بنات شن رايكم نولعو الاذاعه
صفاء:فكرت فيها بس مش توا
اميرة:عليش مش توا
صفاء:صبايا وقصة
اميرة:عادي شن فيها
مريم:عادي ولعي
اميرة:تمام
ولعت اميرة الاذاعه دارت جو قعدن بنات يرقصن ويصفقن وزغريت وجو سمح بكل
انا قاعده في دار
حنان:سلام عليكم
انا:جيتي
حنان:معقوله نسيبك يا هبله
انا:نجكليا
حنان:نجي عزو راقد
انا:ربي مايغيبك عليا يا خيتي
حنان:ولا يغيبك عليا
انا:امتي جيتي
حنان:امبدري شوي كنت مع بنات توا نبي نمشي نسعادهن انا مزلت مرات خوك راه وكان مش مرات حبيبته
انا:الله يرحمه
حنان:امين
طلعت حنان مع بنات
عند رجاله
بابا:يا هيثم لو تفكونا من رصاص
هيثم:حاضر يا عمي
بابا:العاب ناريه عادي بس رصاص يضر شي حد
هيثم:لا ماعليك كون هاني
بابا:الله يربحك
عندنا
زينب:كيف حالك
انا:الحمدلله والله
زينب:شن داير معاك معتز
انا:لالا هادي ويسمع في كلام
زينب:زي باته معنها
انا:ليش باته كان هكي
زينب:اها نين كبر شوي بعدها تفرعن
انا:يستر الله منه
سارة:انتي خاسره حاجه كان قعد كيف باته
انا:لالا مت خاسره شي
سارة:خلاص مبروك علينا هيثم 2
انا:بارده
زينب:وين سميرة
ساره:مع بنات
زينب:وانتي شن اديري هنا امشي ساعديهن
انا:لالا ريحي روحك
زينب:نحنا مش برانيه يا ملاك وخليها ادير معهن
سارة:توا نجي نبي نشبع منه عزو
وكل مره جايه وليه تسلم وتبارك وتزلف ?
المهم بعد المغرب بدينا نعشو في عرب وبعد العشاء بدا الاول لاول ياخذ في هله ويروح نين روحو كلهم قعدو عيت عمي بس رجاله في وحدين مزالو قعدين يلعبو في كارطة
عندنا
زينب:ردبالك من روحك وماتعبش روحك واقري معوذات العرب ماترحم حد
انا:انشاءلله
ماما:صدقتي والله
زينب:والله يشفوف فيها يقولو مانضنش جايبه بكل كلها تعيط معاها
ماما:لا عندي مياه راقية نعطي فيها
زينب:باهي الحمدلله
شوي رن تلفون زينب
زينب:الو
محمود:هي يا امي اطلعي
زينب:هي هيا سكرت وحطت تلفون ع سرير
انا:محمود
زينب:اها هي يا بنات
لبست زينب وطلعت هي وبنات
انا شفت تلفون
خذيت ونبي نصبي خشت اميرة
اميرة:كنك
انا:تلفون عمتي زينب نساته
اميرة:هيتي وطلعت بسرعه تبي تلحق فيها كانت لبسه قفطان قصير ومش لبسه شي ع راسها
اميرة:يا سارة يا سارة
سارة كانت راكبه في سيارة
يلتفت محمود ويشوفها
اميرة:جمدت معاش عرفت شن ادير كرست وراه باب
اميرة:تلفون متاع عمتي زينب نساته
محمود:هي شكرا هو عينه في عين اميرة
محمود شخصيه حتي هو بس مش كيف هيثومي طبعا ?
المهم محمود ركب واميرة خشت للحوش وهيا ساكته وتفكر في محمود
انا:كنك
اميرة:لا شي
انا:باهي وين بنات كلميهن هنا
اميرة:هي شوي نغير دبشي ونلم الحوسه ونجو نهدرزو
انا:باه
عند رجاله
هيثم:والله حضك سمح اليوم
عادل:اين سمح انت ديمه تشلط
هيثم:انت معاك خالد هو لي يفوز فيك بس انا معايا مروان هذا ومن يوم شفت ما شفت خير
مروان:هكي هيا تمام يا هيثم
هيثم:عيب يا مروان
مروان:لالا توا قدام رجاله تلعب انت وخالد وانا وعادل ولي يخسر عليه حولي
عادل:حولي مره وحده
مروان:اها حولي ونمشو كم يوم ع بحر
خالد:عادي انا وياك مش خسرين شي يا عادل
عادل:عينك شن حولي وزرده تجي ع واحد ما يصير شي
مروان:كيف باهي
عادل:الفريق لي يخسر يشيلها بنص
خالد:نعليا والله ندفعوكم ندفعوكم
هيثم:نشطلي روحك يا جاري
مروان:انا جارك توا
هيثم:لالا مش شورك انت امسك مشكي بس
الكاتب:Arhima Alagory
عندنا
ماما:يابنات ديرن سحور للرجاله
عمتي:قعدين يوتو فيه
اميرة:غير اسالي باتي كم مقعد
انا:شوي اهو نرن ع هيثم
هيثم:الو
انا:قتلك كم واحد انتو نبو نديرو سحور مش عرفين كم
هيثم:ديرو 4مقاعد
انا:تمام
ماما:كم
انا:4قال
عمتي:4
ماما:اها
مريم:باهي شوي بس ونوتوهن
عند رجاله
هيثم:راحو فيها
مروان:حظ وخلاص
هيثم:اها حظ شن رايك انت
عادل:غير وسع بالك مزال ماكمل طرح
خالد:شن تبي ادير فرق بينا وبينكم كيف سماء والوطة
هيثم:وهذي اخر لعبه اهي
خالد:حي عليك نعليا وتي الحولي انت وياه
هيثم:وزرده الاسبوع جاي
عادل:هههه باهي
مروان:ازرطنا
هيثم:منك ابروحك وانت عادل قلت نقسموها اقسموها بينكم
رن تلفون خالد
خالد:الو
مريم:تعال خوذو سحور
خالد:هي
عادل:كنك
خالد:تعالو نجيبو سحور
عادل:هي
جو رجاله وخذو سحورهم وقعدو يسحرو
عندنا نحنا
قعدين نسحرو
انا:صفاء العيال وين
صفاء:رقدو كلهم
ماما:مش منهم النهار كله وهم يلعبو
عمتي:ايواه توا بكرا من صبحت صبح تلقوهم قلبين دنيا
اميرة:ما عندنا لهم الا الجنان اطلقوهم برا بمعتز الصغير بكل
انا:هههه ولا خوذهم رقدرهم من توا برا ينوضو يلقو اروحهم برا
عبير:لا يا حنه الا عيالي
مريم:هههههه عيالك مش واخذين ع جو هذا كندا يا حنه بذات منذر
كلنا:ههههه
مروه:خلاص خلونا نغسلو المواعين
اميرة:بدينا في نكد
مروه:انا حقكم عليا نغسل سفر رجاله ومش شوري
عبير:انا ومروه ومريم نغسلو المواعين وانتي يا اميرة وصفاء فرشولنا
اميرة:باه هي نوضي يا صفاء
صفاء:وين فرشاتكم
اميرة:في دار ملاك امي انتي وعمتي دورن رين ترقدن
امي:لالا نحنا مع العيال في داركن
صفاء:انا نقول سراير ليش مش راقدين عليهن
عمتي:اها محجوزات
عند رجاله
كملو سحور وشالو سفر وبعدها ردو للبيت لمو الفرشات وكل شي حطو فوق بعضه بيش تجي تشاركيه تاخذه
بابا:الله يربحكم اسمحولنا في تعب
عادل:معقوله يا عمي
بابا:وانت يا مروان سمحنا في تعبك
هيثم:ياريت غير جاته في تعب وبس اخره حولي
بابا:كيف صار
هيثم:تراهن معايا كان فزت عليه يجيب حولي
مروان:مش انت فوزك خالد
بابا:عندي لكم راي الحولي مني انا لكم هديه شن رايكم
مروان:لا يا عمي والله توا نجيبه
بابا:انا نبي نعطيكم حولي
هيثم:خلاص وباقي مصروف زرده نقسمو علينا نحنا 4وهكي قعدنا في عدل معاكم
عادل:تمام
خالد:يا خالي انت معانا في زرده راه وما تقولش مانبش
بابا:والله ما نقدر دهون وقصه
مروان:نجيبو دجاج
بابا:لالا امشو انتو وغيرو جوكم
هيثم:تمام خلاص عمي تبي شي
بابا:اقعد بات هنا
هيثم:لا والله نمشي حوش خير
بابا:باه
مروان:هي سلام عليكم
بابا:عليك سلام
خالد وعادل حتي هم روحو مابوش يقعدو
عند هيثم ومروان
هيثم:هي يا طيري
مروان:وين
هيثم:لنا زمان ما كسدنا مع بعضنا توا نمشو للحوش ونكسدو غادي
مروان:لالا ما نبش نقيدك
هيثم:في شن تقيدني هلي بايتين هنا
مروان:كان هكي اطلع قدامي توا نلحقك
عندنا
بابا:سلام عليكم
انا:عليك سلام
بابا:كيف الحال
انا:الحمدلله بخير
بابا:وين ع تفريشه سمحه هذي
انا:اها بنات
بابا:ربي يحفظكم
انا:ويحفظك
بابا:تبي حاجه
انا:لالا سلامتك
بابا:باهي تصبحي ع خير
انا:وانت بخير
رن تلفوني لقيت هيثم
هيثم:حبيبي رايفتلك
انا:حتي انا يا قلبي
هيثم:نموت فيك ردبالك من روحك باهي
انا:حتي انت
هيثم:حاضر قتلك انا بايت معايا مروان
انا:باهي تمام في فرشات في دار العيال
هيثم:باهي صوني وين قاعد
انا:اخر مره لعبنا في قبل لا نجيب اكيد تلقاه عند تلفزيون متاع صاله كان ما لقيتش رن عليا
هيثم:تمام باي
الكاتب:Arhima Alagory
عند هيثم وصل للحوش خش طول جاب فرشات وحطهن في مربوعه ولع المكيف وخش قعد يدور في صوني سمع بيابه طلع
هيثم:انزل هي
مروان:هي
هيثم:شنو هذا
مروان:كترش
هيثم:هههه خطيره كترش
مروان:ولعت مكيف
هيثم:اها
مروان:عليك جو
هيثم:دقايق نجيب صوني ونجيك
مروان:تمام جيبلي توته معاك
هيثم:به
عندي انا وبنات
عبير:تعرفن ليا زمان عليها لمه هذي
انا:ليا زمان نتمنه فيها
اميرة:بلا نكد خلينا نعيشو لحظه
صفاء:يا اميرة وين دسكات الافلام لي امبدري
اميرة:وين ياربي
مروه:سفتهن في صاله وين ما كنت اذاعة
عبير:شن تبن اديرن
صفاء:نتفرجو ع فيلم خير من كساد
اميرة:تعالي صفاء امشي جيبيهن وDVD قاعد في واحد من ادراج طوله تلفزيون اعلقي نمشي نجيب شابس وشكلاطات
مروه:نعليا انا عليك جو
مريم:والله ليلة هذي خير من 10ليلة مع خالد
مروه:هههه حيوانه توا تشوفي
عبير:حي عليك سجلاتك
مريم:حبيبتي مروه مش ح اديرها
مروه:اكيد يا قلبي
صفاء:واخيرا بعدك في فيلم رعب يهبل
عبير:اها هذا صاح جبنه من تركيا هذا
انا:يا بنات فكوني منه رعب
اميرة:حطي رعب
انا:اميرة لالا فكينا منه
اميرة:كنك
انا:والله ما نحبهن نخاف
اميرة:خلاص حطي حاجه اخره
صفاء:في عينك غمضي عيونك نفس من قبل
انا:ههههه تذكريها
صفاء:هذي تنتسه
اميرة:شنو احكو يا فرخات
صفاء:ايام ملاك كانت عندنا انا نتفرج ع رعب وهيا تخاف تقعد تغمض في عيونها وتسكر واذنها
بنات:هههههه خوافه
انا:اكيد خوافه
اميرة:كان ملاك تخاف فكونا منه يابنات
مروه:توا تشجع توا نحنا معاك يا ملاك
انا:باه ع كيفكم
علقو فيلم وبدو يتفرجو وانا خايفه بكل
الكاتب:Arhima Alagory
عند هيثم
هيثم:عليك قصه وين راح هذا رن عليا
انا:الو
هيثم:وين صوني ما لقيتش
انا:اميرة صوني وين
اميرة:اها حطيته في زيانه متاع دار العيال
انا:في زيانه متاع دار العيال
هيثم:تمام ليليتك سعيده
انا:قصدك ليلتك مرعبه
هيثم:خوافه
انا:باي
هيثم:باي
هيثم خذا صوني ومشا للمربوعه
مروان:ساعه نحسابك تجيب فيه من كوريا
هيثم:ليقت مش قاعد قعدت ندور
مروان:مهم نخسرك حط حرب وديرها اثنين
هيثم:هي
وبدو يلعبو
عندنا
مريم:يا بنات طفو خلاص
اميرة:في خوافه اخره
صفاء:مش غير
مروه:بجد فيلم بكل راه والله انا بروحي خفت
صفاء:هذا رعب يا ماما لزام تخافي
انا:عبير كنها سكتت
عبير:انا اشر منكم خايفه
اميرة:خلاص طفي انا شيفته وانتي يا صفاء خوذي فيلم وتفرجي عليه
صفاء:باه
طفن فيلم وقعدنا نهدرز نين رقدنا
الكاتب:Arhima Alagory
ثاني يوم كان يوم جمعة نضنا متاخر
ماما:هي نوضن عاد وقت ع غذاء
اميرة:باهي مزال بدري
امي:اين بدري غداء جمعة بسرعه نوضن معقوله عمتكم ادير بروحها
اميرة:باهي ساعدها انتي
امي:سمحه هذي هيا صبن وتخبط ع باب
اميرة:خلاص نومي طار انا وصبيت وعي لخرات
امي:هي يا بنات نوضن
انا:واعيه انا
امي:انتن هي عاد
بنات:خلاص توا نصبو والله نضنا
عند هيثم ومروان
هيثم:هذا فطور معانه مش قدرك
مروان:عيب يا هبل معاش تعودها كلمه هذي
هيثم:تمشي تغدا معايا ف حوشنا
مروان:لالا نربح للعزوز خير
هيثم:براحتك
شوي رن تلفون هيثم لقاه بابا
هيثم:خير يا عمي
بابا:هيثم راك تغيب ع غداء
هيثم:والله يا عمي نمشي نتغدا عند هلي
بابا:انا عزمتك اليوم عاد
هيثم:تمام حاضر
هيثم:سكر غيرت مكان غداء تمشي معايا
مروان:لالا خلاص تبي شي
هيثم:سلامتك
طلع مروان وهيثم خش يدير في دوش
عندنا
بابا:صباح الخير عليكم
نحنا:صباح النور
بابا:صحه صحه
انا:تعال افطر
بابا:لالا وين انا من امبدري فاطر
انا:صحه
بابا:سلمك يا ملاك نتعبك
انا:نعم
بابا:خشي دار طلعيلي جلبيه ودبش
انا:حاضر
عمتي:ربي يحفظك لهم انشاءلله
بابا:تسلمي
خشيت وتيت دبش بابا وانا فرحانه اول مره يطلب مني حاجه كيف هذي
انا:بابا كملت
بابا:الله يربحك
انا:ربي مايحرمني منك
ومشيت مع بنات نديرو في غذاء
عمتي:ريحي روحك انتي
انا:لالا خلاص عاد تريحت واجد
سالم:ماما تعالي معنا
انا:باه وطلعت للجنان وشفت حوش معتز مسكر مر عليا شريط كله يوم جنازته ويوم لي جابوه قعدت نبكي
سالم:ماما كنك تبكي
انا:شي يا ماما خلينا نخش هي
سالم:نبي نلعب
انا:باهي خليك تلعب
خشيت للدار ومسكت معتز وقعدت نرضع فيه نحكي ونقول انشاءلله تطلع كيف معتز يارب
عند هيثم رن ع امه
هيثم:الو كيف حالك
زينب:الله يسلم حالك الحمدلله هيثم:يا امي انا مش جاي للغداء اليوم عمي عزمني
زينب:باهي نبي نحكيلك موضوع
هيثم:شنو
زينب:نبيك تحكي مع عمك وتقوله ……
الكاتب:Arhima Alagory
عندنا
بابا مشى للجامع ونحنا قدنا انديرو في الغداء ونوتو فيه المهم كملو صلاه وروحو رجاله
بابا:هي يا بنات الغداء
عمتي:هي هيا جيتو كلكم
بابا:اها حطو
عمتي:امسك شيل
شالو الغداء وتغدو رجاله ونحنا نفس شي تغدينا بعد الغداء في بنات خشن غسلن مواعين وحدات قعدن يهدرزن
في مربوعه
هيثم:يا عمي سعد
بابا:نعم
هيثم:الله ينعم عليك انا قدام رجاله لي حضرين نبي نطلب منك اميرة لخويا محمود ونبي ردك
بابا:والله يا هيثم شن نقولك ميه مرحب بيكم بس راي الاول والاخير للبنت
هيثم:شوفها والله امبدري رنت عليا امي وحكتلي موضوع
بابا:حاضر توا نسالها لك توا
هيثم:خليها ع مهلها
بابا:انشاءلله
خش بابا
بابا:يا اميرة
اميرة:نعم
بابا:كلمي امك وتعالي
اميرة:ماما يبيك بابا
جت ماما واميرة
بابا:توا هذا جاني واحد وطلب يدك يا بنتي
اميرة:انا
بابا:انتي اها
ماما:من هو
بابا:هيثم طلبك لخوه محمود
اميرة:محمود
ماما:سلف ملاك قصدك
بابا:اها
اميرة:راي رايك يا بابا
بابا:لو عليا انا راه وافقت بس نبي رايك
اميرة:لي تشوف
ماما:اسال عليه وكان محترم توكلنا ع الله
بابا:تمام شن رايك يا اميرة
اميرة:باهي اسال عليه وانا موافقه وخشت تجري
عندي انا
اميرة:يا ملاك بركيلي
انا:مبروك بس ع شنو
اميرة:جاني عريس
انا:لولولولولي الف مبروك من
اميرة:محمود سلفك
انا:تحكي جد
اميرة:والله شن جوه محمود
انا:انتي محظوظه فعلا محمود مافيش منه والله
بنات:كنكم
اميرة:انا نبي نقعد سلفت ملاك
مريم:كيف هذي
انا:محمود سلفي خطب اميرة
مريم:لولولولولي
وبنات:يزغرتن
عند رجاله
بابا:يا هيثم بدون ما نطول عليك نحنا نعرفوك وعرفتك اكويس وهذا ناصر جاركم يشهد عليكم يا ناصر شن رايك في محمود
ناصر:والله يا سعد محمود وهيثم هذا نعرفهم ومن هم صغار ويشهد ربي ماشفت منهم عيبه سو فيا ولا في غيري ولا عمري شفت حد يشكي منهم وانا نقولك توكل ع الله
بابا:معنها انشاءلله مبروك
هيثم:الله يبارك فيك
عندي انا وبنات
بنات يشفطن علينا انا واميرة وامي وعمتي حتي هن معاهن
انا:الحمدلله عرفت سلفتي
اميرة:نعليا انا محمود شفت مرتين بس هبلني
امي:تحشمي يا بنت
عمتي:فعلا ماشاءالله عليهم هم
امي:حي لو يسمعك ناصر
صفاء:هن 3يعرمهن لكي ويسيبك في حوش خوك
كلنا:ههههههه
ومشينا الوقت ضحك وفرح وجو يهبل بكل
الكاتب:Arhima Alagory
في العشية رن عليا هيثم
هيثم:الو شنجوك
انا:الحمدلله وانت
هيثم:تمام انا ماشي تبي حاجه
انا:اها نبي مشور ضروري
هيثم:ياساتر وين
انا:توا نلبس ونطلعلك
هيثم:باه
لبست وخليت لعيال وقتلهم توا نجي وطلعت لهيثم
هيثم:وين مشور ضروري
انا:المقبرة
هيثم:مقبرة
انا:اها مقبرة نبي نزور جتي ومعتز
هيثم:باه
في طريق رن تلفون
انا:الو
حنان:شنجوك اليوم
انا:الحمدلله وانتي
حنان:حتي انا وين قاعده
انا:ماشيه مقبرة
حنان:كنك
انا:نبي نزور جتي ومعتز
حنان:معتز سلميلي عليه ونبي
انا:حاضر
حنان:خلاص باي
انا:باي
وصلنا للمقبرة خشيت انا وهيثم
هيثم:تعرفي وين قبورهم
انا:نعرف قبر جتي وقبر معتز جنبها
هيثم:باه
وصلت لقبورهم ?
انا:نزلت ع ركبي وقعدت نبكي
هيثم:ملاك مش هكي
انا:خليني يا هيثم انت ما تعرفش اثنين هذوم شن بنسبه ليا تعرف ناس لي توا تحبني كلها كلهم كانو يكرهوني الا الاثنين هذوم
انا:جتي رايفت عليك بس تريحي كيف ماقلتي كيف ما صار قلتيلي ان باتي ح يجني يجني فعلا جاني الله يرحمك يا جتي
وبرمت ع معتز
انا:عزو يا جرحي لي ماعندش دواء تعرف كل لي حنو بيا بعدك ما فيش واحد جا كيفك كسرتني يا خيي ياريتك ما غبت انا جبت عيل وسميته عليك نبي يكون كيفك انت ياريت نسمع صوتك ولا نشوفك رايفت عليك واجد تسلم عليك حنان وهيا مزالت تحبك
هيثم:حتي هو يبكي من لما شافني نبكي عليهم
انا:ربي يرحمكم وشفت قبر محمد صاحب معتز وربي يرحم محمد
هيثم:خلاص يا ملاك خلينا نمشو
انا:باهي ياريت تكوني سمعتوني يارب نتلاقو في جنة وانا حياتي توا الحمدلله بخير بس نقاصه بغييتكم عليا
هيثم:مسحلي دموعي
انا:يا هيثم شوف المقبرة كيف تعبت كل يوم في موت بس نحنا نتجهلوها ليش نحنا هك ليش نتعاركو ونحقدو ع بعضنا بعد يموت واحد منه نقعدو نبكو عليه ليش والله دنيا مافيها خير
هيثم:ربي يصلح الحال ويحسن الختام
انا:امين يارب
**********النهاية*********
هذي نهاية رواية توا نحكيلكم شن صار لك واحد
صفاء ومروان:خذو بعضهم وحياتهم سعيده بكل وجابو عيل وبنت وكل حد منهم كم قريته ويسكنو جنب هيثم وملاك
______________
مريم وخالد:حتي هم حياتهم سعيده وبنو حوش وحولو من فوق عيت عمتي وعندهم هاجر وبس
______________
عبير وعادل:حتي هم نفس شي وفتحو مختبر تحاليل وحدهم وامورهم تمام بكل عندهم عيلين معتز ومنذر وجتهم بنت اسمها سلسبيل
______________
احمد راجلي قديم وعائلته: احمد عاش في تريكا ومعاش روح بكل وازوج وحده من غادي وعاش غادي وعائلته بنسبه لرحاب ازوجت وحتي رتاج ازوجت وحياتهم حلوه وبنات يستاهلن كل خير ع طيبه قلبهن
_______________
بابا وماما:حياتهم في حوش كبير لي كان سلمنا كلنا قعدو هم اثنين بس وكل خميس نجي انا وخواتي نباتو معاهم ونروحو جمعة في ليل
________________
حنان وعلي:حياتهم سمحه بكل علي حبها وقدر ضرفها ودوالها جرحها بس حنان مزالت تحب معتز لان ما عمرها وجعها بس النصيب فرقهم لكن ربي عوضها بعلي راجل بمعني كلمة وهذا كله خلها تسمي ع حبيبها القديم و تشتغل في مستشفي دكتورة اطفال وتمسك يوم السبت والاثنين والاربعاء
_________________
ام عن بطالين الاخرين هم اميرة ومحمود:ازوجو وعاشو فوق عيت عمي حياتهم عسل بكل محمود مايتحمل شي في اميرة واميرة كذالك وعندهم 3عيال وبنت وحده واسمها ملاك
________________
اما عليا انا وهيثم:حياتنا خير منهم كلهم والحمدلله متريحين وبذات ان جرتنا صفاء وكل يوم عندها خطرها ونشتغل انا وهيثم هيثم دكتور جراح وانا دكتورة اطفال في نفس مستشفي متاع حنان وانا نسمك يوم الاحد وثلاثاء والخميس واي حد عند طفل مريض يقولي ان من طرف كاتب ارحيمه بس ? وهذي قصتي وتوا نسيبكم مع الكاتب يحكيلكم ع رواية.
________________
سلام عليكم ماتبعيني الغوالي اليوم الحمدلله وبتوافيق منه كملت رواية الحمدلله عجبتكم مش كنتش متوقع تعجبكم هكي وبصدق تجي فتره نقول نبي نوقف بس بعد نقرا تعليقاتكم يكون عندي دافع نواصل ونكمل بجد مشكورين ناس لي دعمتني وشكرا لكم وناس لي ما تعلقش ياريت تعطيني رايكم في اخره حلقه.
بنسبه للرواية عارفها حزينه بس هذي واقع في ناس واجد هكي تعال في بناتها وتشوف في بنت عار الاسلام لما جا هو لي دار قيمة للبنات يعني من قبل كانو قريش وكفار تجي بنت يدفنها وهي حيه لانها عار باهي ناس لي تقول هكي شن فرق بينك وبينهم نقولك انا شن فرق هو دفنها وقتلها بس انت دفنتها وما قتلتهش المهم ربي يهدي الجميع.
اما ع موت معتز ولي كل يحكي عليه ومتعقد منه موت معتز هو لي خله اهل ملاك يحنو عليها بذات خواتها مريم وعبير.
واما اميرة وباتها نبدو باتها باتها ظلم وربي خذا معتز بيش يذكره بس هو زاد اخره جاب مرض لاميرة واميرة بعد مرضت بيش حكت الحقيقة يعني ليش ما يحن الانسان من الاول ليش لزام ربي ينتقم منه اميرة وباتها ظلمو وربي حرم ظلم ع نفسه ربي مايطيح دعوة المظلوم المهم طولت وانا نحكي.
عارف اخر مقطع من حلقه حزين بس درتها بلعاني هكي وياريت نفكرو في الاخره شوي لان فعلا دنيا ولا رزقها مستهل هذا كله وكلها فانيه.
ان شاءلله عجبتكم وخذيتو منها عبره واسف لو قصرت ولا غلطت في حاجه ولا في توصيل المعلومة ومعلش لو عطلت عليكم ولا قصرت في رد ومشكورين ناس لي دعمتني مره ثانية وشكرا خاص ممصمه رجاء الدرسي تحياتي