رواية يتيمة مع والديها
#قصة_من_الخيال
#الحلقة_التاسعة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
مشيت انا وحنان في الممر
حنان:شوفي شن يبي منك شن خاسرة
انا:وراس امك فكيني من كثرت الكلام
حنان:للقانك حاله
انا:وعجبتني حالتي
حنان:خليك اقعدي هكي نين يفوتك القطار
انا:به
شاب:معلش يا اختي
انا:انا
شاب:اها انتي ملاك
انا:اها انا ملاك
شاب:من امبدري وانا ندور فيك
انا:تفضل
شاب:نفضلي هذا مفتاح سيارتك طاح منك
انا:اها شكرا خويا
شاب:العفو
حنان:بس للقانه شخصيه
انا:احترمي روحك راه خطيبه خويا
حنان:عارفه
انا:وهضا كل طلع ع مفتاح وانتي دايره هرجة
حنان:وكيف عرف الاسم
انا:ماهو المداليه مكتوب عليها اسمي يا همي
حنان:باهي امشي وانتي تحطمي في احلام وخلاصخشيت انا وحنان حضرنا المحاضرة وطلعنا
حنان:طول الدكتور اليوم
انا:بس ع الاقل فهمنا
حنان:هي يا حنه شيلني حوش نبي نرقد بعدها ورايه طلع للسوق
انا:اها شن جبتي وما جبتي
حنان:كيف باديه مزلت في دبش
انا:انشاءلله تهاني
حنان:انشاءلله يارب
انا:هي نربحو
حنان:هي
الكاتب:Arhima Alagory
عند هلي في الحوش
مريم:امتي تجي الابله ملاك
امي:عليش شن تبيها
مريم:نمشو معاها
امي:مش باتك يشيلكم
مريم:لالا مش فاضي
امي:توا تجيب عبير وتجي ماعندها وين تريح
اميرة:سلام عليكم
امي:عليك سلام
مريم:من جابك
اميرة:معتز
امي:خشي غير دبشك وتعالي ساعدينا
اميرة:باهي توا كيف خشيت بسم الله
امي:امشي وبلا طولت لسان
اميرة:باهي
عندي انا
انا:خلاص يا حبي بكرا توا نجيك
حنان:تمام نتلاقو
انا:اوكي
رنيت ع عبير
عبير:نعم كوكا
انا:انجيك ولا مزال
عبير:تعالي نستنا فيك
انا:مسافة طريق بس
مشيت خذيت عبير ومشينا للحوش
عبير:خير يا عرب
امي:واخيرا شرفتو
انا:زحمه طريق
اميرة:انا من امبدري جايه
عبير:انتي من جامعة للحوش طول
اميرة:وانتو من وين لوين
امي:خلاص عاد كل حاجه لزام من عركة
باتي:مازال غداكم
امي:لا اهو واتي امشو غيرو دبشكم وتعالو
انا:معتز وين
امي:في دار بلكي
مشيت دار معتز
انا:احم
معتز:خشي
انا:شن ادير
معتز:شي غير نبربش في تلفون
انا:باهي امتي تبي توريني حوشك
معتز:نزل تلفون وبحت فيا من دازك
انا:كنك بسم الله ماحد دزني
معتز:يعني مش حنان
انا:والله لا كنك
معتز:لان حنان تسال عليه قتلها توا تشوفيه بروحك
انا:لالا والله بروحي نبي نشوفه
معتز:توا بعدين نمشي انا وياك وتشوفيه
انا:باه
امي:معتز هي تعال للغداء
معتز:هي جاي تعالي هي
انا:نغير دبشي ونجي
نحنا ع الغداء
باتي:معتز فاضي انت بعدين
معتز:لا والله كنك
باتي:لا شي غير قبل نبيك تشيل خواتك للسوق
انا:توا نشيلهم انا
معتز:اهي ملاك توا تشيلهم
باتي:انا قتلك انت مالي ومالها ملاك
معتز:عارف بس انا مش فاضي والله
امي:خلاص توا يمشو مع ملاك وخلاص
باتي:باهي
تغدينا وخشيت انا وعبير نغسلو في مواعين واميرة ومريم في دار
عبير:نتعبك بعدين
انا:ههه هبلة انتي تعبك راحه
عبير:نجكليا
انا:وليا يا عروسنا
عبير:ههههه شنجو الجامعة
انا:تمام بكل ماشية
عبير:شدي حيلك نبوكي دكتورة
انا:انشاءلله
عبير:خلاص امشي توا نكمل
انا:خلاص يعني
عبير:اها خلاص
الكاتب:Arhima Alagory
طلعت لدار وقعدت ع تلفزيون شويه بعدها رقدت نضت ع رنت تلفون
انا:ايوه
حنان:الو قتلك
انا:نعم يا همي
حنان:شكلك راقده
انا:تخلي واحد يرقد انتي اختصري
حنان:معتز وين
انا:تغدينا بعدها انضني خش داره
حنان:نرن عليه ما يردش بكل
انا:ممكن راقد في داره
حنان:باهي شوفي بسرعه لان جاي ولد خالتي قوليله نطلع معاه للسوق ولالا
انا:اطلعي وخلاص
حنان:شوفي ليا بس
انا:باهي خليك ع خط
حنان:باه
خشيت دار معتز
انا:مش قاعد يا حنان بس ناسي تلفون هنا
حنان:عليك قصة قاعدين يرجو فيا
انا:من معاه هو
حنان:اخته واختي
انا:امشي وخلاص
حنان:خايفة من معتز
انا:ماتخفش وامشي معاه
حنان:باه
سكرت من حنان وخشيت نغير في دبشي
امي:يا بنات هيا كان تبو تمشو للسوق راه يجينا واخد معش تقدرو تطلعو
انا:واتيه نرجا فيهم
امي:يا عبير
عبير:هي يا ماما جايه
اميرة:هي واتيات
انا:مريم وين
اميرة:مش ماشيه
امي:كنها
اميرة:قالت تبي تقعد
انا:هي انا برا
طلعت انا ومعايا بنات
انا:وين نمشو
عبير:امشي محالات دبش
اميرة:امشي ومحل نقولولك عليه توا ننزلو فيه
انا:باه
مشينا محالات طبعا الابلة اميرة تبي تمشي محل ناصر
اميرة:درسي هنا
عبير:عليش
اميرة:نبي محل
انا:هضا
اميرة:اها
عبير:اميرة مش وقته توا
اميرة:نبيه انا كنك انتي
عبير:ما طولش نحنا في محل لي جنبه
اميرة:باه
نزلت انا وعبير
انا:عبير من لي في محل هذا
عبير:ناصر حبيبها
انا:بس غلط هكي
عبير:حكيتلها كم مره بس هيا ما تسمعش
انا:ربي يهديها
عبير:تعالي نشوفو شن ناخذو
انا:هي
خشيت محل انا وعبير
عبير:والله ما عارفه شن ناخذ
انا:ماتعرفش ذوقه
عبير:لا والله مزلت متحشمه منه
انا:هههه عطك الخير
عبير:شن رايك في هضا
انا:حلو بكل ترا قيسي
عبير:معلش نزلنا هذا
شاب:هذا
عبير:ايواه
شاب:تفضلي
خذته عبير وخشت غرقة قياس تقيس وانا قدام باب جت اميرة
اميرة:وينها
انا:قاعد جو
اميرة:ورينا
عبير:خشن
انا:يهبل
اميرة:طلعك طرف
عبير:طرف من يومي
اميرة:كنك خذيتي قفطان اول حاجه
عبير:هذا عجبني ومزلنا ندورو
انا:هي اسلحي بيش نشوفو محالات اخره
عبير:اطلعن باهي
الكاتب:Arhima Alagory
طلعنا بعدها مشينا محل اخره في اتوت وحاجات نوم وهكي
عبير:سلام عليكم
راجل:عليك سلام
وتمينا نتفرجو
شوي خشت وحدات محل سلام عليكم
نحنا:عليكم سلام
انا:هي انتي
حنان:اها انا
اميرة:هي يا ملاك مش طالعين نسلمو نحنا
انا:باهي
عبير:خيرات حنان شنجو
حنان:الحمدلله مبروك انشاءلله
عبير:الله يبارك فيك
اميرة:من جايبك يا حنان
حنان:ولد خالتي برا قاعد
اميرة:باهي نستاذنو نحنا مش فاضيين هي نمشو محل اخر
انا:باهي توا نجيكم انا
اميرة:اطلعي انتي جايه معانا ولامعاهم
انا:نحرجت من اميرة قدام اخت حنان وبنت خالتها
انا:نستاذنكم
وطلعت ولا كلمة
عبير:عيب عليك
اميرة:شن عيب عليا مش فضيات نحنا بيش نهدرزو
المهم خذينا حاجات وكملنا دبش لي نبوه روحنا الحوش وانا بدون ولا كلمة روحنا الحوش خشيت دار طول
امي:كنها ملاك
اميرة:تدلع
امي:نقصينها نحنا
عبير:مش تدلع عندها الحق
اميرة:يعني انا غلطانه
امي:شن في
اميرة:ملاك معش ترفقنا انا قلتها لكم وكان مشت ملاك امشي بروحك يا عبير معاها صدقت مريم ما مشتش
جتني امي
امي:كنك انتي من يوم ما سكنتي معانا ونحنا في مشاكل
انا:شن درت
امي:دروحك طيبة توا
انا:قعدت نبكي وسكرت دار
طلعت امي
امي:اميرة شن لي صار
اميرة:كل ان صاحبتها خشت محل لي كانه فيه نحنا بعدها قتلها هي نطلعو زعلت ودارت موضوع
امي:من صاحبتها
اميرة:خطيبة ولدك
خش معتز
معتز:كنكم
اميرة:شي
امي:ملاك في غيرها من دلعها كل يوم في قصة
معتز:كنها
اميرة:زعلت لان تلقينا مع خطيبتك في سوق وانا قتلها هيا وسيبيها
معتز:حنان مشيت سوق اليوم
اميرة:اها يا حبيبي وجايبها ولد خالتها
طلع معتز برا ورن ع حنان
حنان:ايواه حبيبي
معتز:حبيبك في عينك
حنان:كنك
معتز:اليوم وين كنتي في عشيه
حنان:في سوق
معتز:ماشاءالله ومن شالك
حنان:ولد خالتي
معتز:اخره وطالعه بدون اذن وعاجبك جو
حنان:معتز شن تحكي انت كيف عجبني جو بعدين انا
معتز:سكري فمك خلاص
حنان:مش مسكره بعدين انا كلمت ملاك وقلتلها وهيا قلتلي اطلعي ور
سكر عليها معتز
انا كنت في دار وجعتني حالتي يخش عليا معتز
معتز:ملاك
انا:نعم
معتز:من امتي تعطي الاذن لحنان انها تطلع ولا لا
انا:اول مره والله
معتز:واخر مره فاهمة ولالا
معتز كان يعيط عياط اول مره معتز يعيط في وجي هكي
انا:دمعتي نزلت وصوتي دوب طلع قتله حاضر
معتز:طلع وطبق الباب بقوة
انا قعدت ع سرير ونبكي حتي انت يا معتز درت فيا هكي خشت عليا عبير
عبير:ملاك
انا:نبكي وما رديتش عليها
عبير:جت حضنتني ماتزعلش والله معتز يحبك
انا:كان ما شفتش عيونه توا مش معتز بكل اول مره يهزبني هكي
عبير:والله يحبك صدقيني
انا:باه
عبير:تعالي نتعشو
انا:لا ما نبش
عبير:عشاني
انا:والله عبير مانبي وماعندي نيه نشوف اميرة ولا حد منهم
عبير:براحتك
طلعت عبير
عبير:ما تبش تجي
باتي:خليها كيدها ع روحها
اميرة:ديمه زعلانه ونكديه
معتز:اميرة فمك سكري راه نسكره لكي
باتي:معتز احترمني قدامك
معتز:صبه من سفره
خش عليا في دار
انا:كنت راقده ونبكي بالعبرة
معتز:جا بشويش وجا قدامي
انا:غمضت عيوني
معتز:باسني ع راسي اسف
انا:نبكي ليش درت هكي
معتز:والله ماقصدي بس تعقدت
انا:كان تعقد ادير هكي
معتز:تعالي معاي
انا:لالا مانبش
معتز:صبي اسمعي الكلمة
انا:وين
معتز:برا في جنان
انا:باه
الكاتب:Arhima Alagory
طلعت انا ومعتز
معتز:احكيلي
انا:شن نحكي بعدين انت كنت مش عند نقالك حنان رنت كم مره تبي تاخذ اذنك بعدها رنت عليا قتلها اطلعي وخلاص بعدين مش هيا بروحها معاه معاها اختها واخت العيل وانا قتلها اطلعي نبيها تجي في وجي ونحسب روحي لما تعرفها مني تسكت بس مش ناقص الا تضربني
معتز:مش هكي خلاص حقك عليا تعالي
انا:وين
معتز:نتمشو
انا:باه
قعدنا نمشو
معتز:تعالي تفرجي ع حوشي
انا:باه
خشينا حوش معتز
معتز:تفضلي
انا:ماشاءالله تبارك الله
معتز:تقولي صاحبتك حاجة نوريك
انا:تميت نخاف منك جديات ?
معتز:خلاص عاد
انا:خليني نتفرج
معتز:تفرجي
انا:مش ناقصته الا حنونه تبرم فيه
معتز:ان شاءلله
انا:عارف للقاني جعانه
معتز:نمشو الحوش ولا ماتبش تاكلي غادي
انا:لا توا نمشو
طلعت انا ومعتز ومعتز يرن ع حنان
معتز:اووف
انا:كنك تنفخ
معتز:حنان ما تردش
انا:انشاءلله هزبتها
معتز:اها
انا:اه منك انت طيب طيب وبعد توحش تقاعد بكل
معتز:هههه الله غالب
انا:اضحك اضحك
معتز:رني عليها شوفيها
انا:باه تلفون في دار بس
الكاتب:Arhima Alagory
خشينا الحوش ودرت حاجه كليتها وبعدها خشيت دار رنيت ع حنان ما ردتش طلعت لمعتز
انا:معتز ماتردش عليا
معتز:توا نشوفها انا خليها شوري
انا:بينكم
خشيت داري ورقدت
ثاني يوم
نضت خشيت حمام (حشاكم) بعدها طلعت صليت ومشيت مطبخ
انا:صباح الخير
عبير:بدري اليوم نضتي
انا:اها رقدت بدري اصلا
عبير:خشيت عليك لقيتك راقده
انا:تبي حاجه
عبير:قبل نبي نهدرز معاك بس
انا:اها كان وعيتني
عبير:لا عادي
معتز:صباح الخير يا انتن
انا:مش غير انا واعيه بدري
معتز:كيف صار
عبير:شن موعيك انت
معتز:شي نومي طاب
انا:نوم العوافي يا خيه
عبير:من يشيلني منكم
معتز:تشيلك ملاك انا طالع توا
انا:توا نشيلك
عبير:نوتي روحي وانتي واتي روحك ونطلعو
انا:باه
معتز طلع رن ع محمد
محمد:يومك اطيب
معتز:ويومك وين طبيت
محمد:مزلت نفطر
معتز:نتلاقو عند محل قتلك عليه
محمد:تم
طلعت انا وعبير
عبير:ماشيه لحنان
انا:توا نشوفها بعد ليلة خوك امس ماتردش عليا
عبير:كنه
انا:ما كلمها هزبها
عبير:عليك قصه خلاص ردبالك من روحك
انا:حاضر باي
رنيت ع حنان
حنان:الو
انا:باهي رديتي عليا
حنان:رقدت امس
انا:ولا ما تبش تردي
حنان:والله انتي ما شفتك رنيتي بس معتز ما بيتش نرد عليه
انا:المهم وين قاعده
حنان:نرجا فيك
انا:هي جيتك
خذيت حنان ومشينا جامعة
انا:شنجو
حنان:اكويسه
انا:كنك زعلانه عاد
حنان:لا عادي
انا:مش انتي بس حتي انا انفصل عليا وهزبني
حنان:مدام هزبك حتي انتي معنها خلاص
انا:خلاص عشان خاطري
حنان:فوتي خلاص
عند معتز
محمد:فهمني شن في وشن هذين
معتز:حاجات خاصة
محمد:خاصة عليا
معتز:غير هي الحقني
محمد:وحق الله مكلوب انت
عندنا
انا:خيرات يا بنات
بنات:هلا ملوكة شنجو
انا:تمام
بنت:شن صار في شاب لي يسال عليك
انا:هههه مزلتي ماسكتها شاب لقي مفتاح سيارة طايح جاب ليا
بنت:والله توقعته يبي يرتبط ولا حاجة
بنت اخرى:صاح ملاك انتي مش مرتبطة
انا:لا
بنت:غريبة وحده حلوة كيفك وتقاعد هكي
انا:تسلمي بس اهو نصيب
حنان:هي يا بنات محاضرة وقت عليها
انا:فرق بينك وبين القراية
بنات:هههههه
خشينا المحاضرة وقعد دكتور يشرح رن تلفوني لقيت معتز ما قدرتش نرد دزلي رساله ما قريتهش
عند معتز
محمد:شن تبي جيبنا للطب
معتز:عندي موضوع تبي تروح روح
محمد:لا نبي نشوف موضوعك
معتز:بارد
الكاتب:Arhima Alagory
طلعت من محاضرة قبل حنان رديت ع معتز
انا:كنك ترن كنت في محاضرة
معتز:حنان معاك
انا:لا كنك
معتز:انا في كلية نبيها
انا:توا نشوفها
معتز:شوفيها وجيبها وراه الكافتيريا
انا:شن تبي فيها
معتز:توا تعرفي
انا:باه
سكرت منه وجتني حنان
حنان:وينك ندور فيك
انا:قاعده هنا
حنان:مع من تحكي
انا:حد
حنان:كيف حد
انا:قصدي ماحد مهم توا تعالي معايا
حنان:وين
انا:هي بس نبي نحكيلك
حنان:باه
مشينا وراه كافتيريا
حنان:كنك جبتينا هنا
انا:مانبي حد يشوفنا
حنان:خوفتيني احكي
انا:هي دقيقة توا نحكي دزيت رساله لمعتز قتله ان جيت انا وحنان شوي معتز دزلي قالي امشي وخليها بروحها
انا:توا نجيك دقيقة عند كافيتيريا راك تحركي
حنان نمشي معاك
انا:لالا خليك هنا بس ما نطولش
حنان:باه
مشيت انا ومعتز جا من ورها
معتز:غمضلها عيونها
حنان:حول وقعدت تعيط
معتز:انا يا حياتي
حنان:سكتت
معتز:فتحلها عيونها وجا قدامها اسف
حنان:بارد
معتز:حقك عليا وامسكي عطها وردة حمره
حنان:مشكلتي نحبك
معتز:حتي انا نحبك اسف ع امس
حنان:خلاص نسيت من الفجعة لي توا
وقعدو يهدرزو
عندي انا
بعد مشيت قدام الكافيتيريا محمد صاحب معتز شافني وقعد يبحت من بعيد انا نمشي جا شاب ورايا وقعد ينابش فيا شافه محمد
انا:امشي وتحشم ع وجك ما عندكش خوات
شاب:بعد شفتك نسيت دنيتي كلها
محمد:انا توا نذكرها لك يا حقير ويمسك شاب ويبد فيه ضرب
انا:محمد وقف
يجي شاب يضرب محمد نين طاح
طلعت نجري لمعتز
انا:معتز تعال اجري محمد داير عركة
معتز يجري ويضرب شاب لي يضرب في محمد وبعدها محمد صبه وشلكت دنيا في بعضها وانا نبكي وخايفة
شباب حزوها
محمد:نشوفك مره اخر مقرب منها نقص راسك
معتز:خلاص شن في
محمد:بحت فيا
وانا:كنت نبكي
محمد:مافي شي لقيت ينابش في جارتي تعركت معاه
حنان:شن صارلك
معتز:شي خلاص
معتز قعد يحكي مع حنان وانا جيت لمحمد جبتله امياه
انا:اسفه
محمد:ع شنو
انا:سببتلك مشكلة
محمد:ماصار شي عادي
انا:شكرا
محمد:العفو
مشيت لحنان
انا:هي محاضرة
حنان:خشي انتي
انا:معتز خلاص روحو
معتز:باهي عطيني مفتاح سيارتك عندي دبش لحنان نحطه فيها
انا:امسك وما طولش جيب نرجا فيك
معتز باه
حنان:شكله يحبك
انا:من
حنان:بلا استعباط حمادي
انا:وكان يعني كيف اخته
حنان:باهي صدقتك
انا:مش نقصتك راه
جابلي معتز المفتاح ومشينا للمحاضرة وبعد كملنا روحت انا وحنان
حنان:شكله جايب حاجات واجد
انا:غير ادليلي
حنان:انتي متفقه معاه صاح
انا:هو رن عليا بعد طلعت
حنان:انا نقول
انا:خلاص خوذي دبشك وانزلي
حنان:شن نقول لهلي عليه
انا:قوليلهم جابته ليا ملاك من معتز وخلاص
حنان:باه اوكي
انا:اوكي
الكاتب:Arhima Alagory
روحت للحوش ومرت الايام ع هذه الحاله ونحنا بين جامعة ومحالات نوتو لعرس عبير نين جا يوم عرس عبير كنت في داري راقده انا وعبير وصفاء ناضت عبير
عبير:انتي نوضي
انا:كنك
عبير:نوضي سادك نوم
انا:باهي خليني
عبير:راه نعضك
صفاء:اوف منك يا عبير ماتخلي حد يرقد
عبير:نوضن يا فرخات
انا:نضت كنك
صفاء:انتي لو تخشي معانا جنة تقللي هنانا
انا:ههههه قوية بكل
عبير:باردات
انا:نبصر انشاءلله مبروك ياخيتي انتي
عبير:حضنتني بعد تعودت عليك نبي نسيبك ياريت عايشة معاك من زمان
انا:دموعي نزلن مزلت قاعده انا وع قلبك
عبير:كيف العسل يا عسل الحوش انتي
انا:ربي مايحرمني منك
صفاء:اه قلبي صغير خلاص يا هو بلا نكد
انا:صاح صبي يا حنه خلينا نوتوك لراجلك
صفاء:هي
صبيت ومشيت للحمام (حشاكم) بعدها طلعت درت فطور انا وعبير وصفاء خشت عليا مروه وانا نبي نفطر
انا:نفطر الضيوف لي في داري
اميرة:لا تفطرينا وغصبان عنك من يومك وانتي تخدمي
مروه:اميرة عليش كلام هضا
اميرة:لا ضروري خليها تعرف وتذكر روحها مش كان سكنت معانا خلاص
انا:حسبي الله ونعم الوكيل فيك
وخشيت داري نبكي
عبير:كنك
انا:من اميرة ليش هكي قعدت تعيط
عبير:خلاص اسكتي قدام العرب
انا:تعبت يا عبير
عبير:توا نطلعلها
صفاء:فكينا من مشاكل توا عرب برانيه عندكم
عبير:والله نوريها عليها
صفاء:خلاص خلينا نمشو نحنا
عبير:توا نمشي نكلم معتز
انا:امشو انتو انا قاعده
عبير:كيف قاعده هذي
انا:مانبش نمشي لي قهرتني امي قاعده ما نطقتش حرف بكل شنو هضا بالله عليكم
عبير:خلاص عاد تبي تسيبني
انا:والله تسامحيني يا عبير
عبير:نزعل منك راه
انا:باهي خلاص توا نمشي
طلعت عبير وكلمت معتز
عبير:نمشو
معتز:عليكم انتو
عبير:نحنا واتيات
معتز:هي
عبير خشت علينا
عبير:هي قاللكم معتز
انا:هي
طلعت انا وصفاء وعبير مع معتز ومشينا للكوافيرة حطنا معتز وقال لما توتن كلموني وقعدنا في كوافيرة نين كملنا
عبير:شن رايكن
انا:قمر وحق الله
صفاء:نعليا انا من بنت خالي
انا:نرن ع معتز اكيده وقت
صفاء:رني عليه
انا:رنيت عليه الو
معتز:قاعد برا انا
انا:هي تعال افتح باب
معتز:فتح باب
وطلعنا
معتز:ماشاءالله عليها عروستنا
عبير:نجكليا
معتز:وليا وملاك طالعة ملاك جديات
انا:صقع عليك
معتز:هي اركبي باهي
ركبنا ومشينا للقاعة خشينا واستقبلونا قعدو يزغرتو خشت عبير والعيون كلها عليها بعدها قعمزت وقعدو بنات يرقصو جتني عمتي
عمتي:هي صبي
انا:وين
عمتي:ارقصي
انا:لالا
عمتي:لالا وريهم كيف
انا:وراس عمتي
عمتي:كلمة قتلك صبي عشان خاطري
انا:باه
وصبيت وقعدت نرقص
وناس كلها تبحت بعدها خش عادل انا نزلت وقعد يصور هو وعبير بعدها خذاها وطلعو ونحنا قعدنا نروحو بشوي بشوي نين فضت القاعة
معتز:هي اطلعي
انا:هي
طلعت وفي طريق
معتز:لعقبالك
انا:انشاءلله
معتز:شنجو العرس
انا:تمام
معتز:توا وتولي انا
انا:اكيده
معتز:نبي انديره عرس صقع
انا:اكيده كم عندنا عزو
وصلنا الحوش وخشيت داري
مرت الايام ونحنا نوتو للعرس وجامعة وبس بعدها جتنا عبير سمعنا باب يدق
اميرة:من
عبير:افتحي
اميرة:انستينا والله رايفت عليك
عبير:حتي انا والله
انا كنت في دار باب دق
انا:خشي
عبير:جيتك
انا:حضنتها وقعدت نبكي
عبير:كنك
انا:كسدتيني وحسيت روحي غريبة بروحي ماحد يخش عليا
عبير:ياروحي انتي
انا:شن اخبارك انتي
عبير:الحمدلله هي نطلعو
انا:قاعده هنا ما نطلعش الا لو معتز قاعد نكسد مع في جنان
عبير:هي معايا باهي
انا:اطلعي وتعالي
عبير:باه
طلعت عبير
عبير:كنكم مع ملاك
امي:ماصدقت تلقا لمن تشكي
عبير:امي حرام هكي
امي:جيتي تبي تنكدي علينا
عبير:لالا
امي:خلاص فكينا من موضوع
عبير:باه
قعدت عبير بعدها جت تهدرز معايا
انا:خايفة بعد يزوج معتز شن اندير
عبير:الله غالب تحملي
انا:اميرة:خنقتني بكل وامي وباتي مايعدلوش عليا
عبير:ربي يهديهم
انا:انشاءلله
باب دق طلعت اميرة
اميرة:عبير هيا عادل جا
عبير:هي توا نطلع
عبير:خلاص نبي نمشي انا
انا:مربوحه
عبير:ما تزعلش روحك
انا:انشاءلله
وطلعت عبير وانا قعدت في دار
مرت الايام وجا يوم فاتحته معتز ومزال ع فرح اسبوع
نضت رنيت ع حنان
انا:الو
حنان:هلا
انا:عروستنا شنجوك
حنان:تمام الحمدلله
انا:انشاءلله مبروك مقدما
حنان:لعقبالك
انا:انشاءلله
حنان:خلاص نبي نطلع عندنا عرب نهدرزو بعد نقعد مرات خوك
انا:تمام باي
طلعت وتميت اندير في الغداء مع مريم بعدها حطينا تغدينا وبعد الغداء كلمني معتز
انا:نعم يا عزو
معتز:هي نمشو للكوافير
انا:عليش تبي تمكيج
معتز:ههههه بارده نبيك انتي تمكيجي
انا:عليش
معتز:غير هيا
انا:باه
طلعت انا ومعتز للكوافيره
معتز:نبيك اديري جو في فرح
انا:اكيده
معتز:خلاص انزلي وخوذي لي وراك
انا:شنو
معتز:قفطان
انا:نجكليا وخلاص
الكاتب:Arhima Alagory
خشيت ومعتز طلع
معتز:وين يا غالي
محمد:في حوش ونرجا فيك
معتز:تمام جايك لبست عربي
محمد:اكيده
معتز:جايك هي
معتز خذا محمد ومشيو للحوش دار معتز دوش ولبس عربي وطلع رنيت عليه
معتز:الو
انا:تعال راهو واتيه
معتز:هي جايك
محمد:شنو
معتز:ملاك في كوافير نجيبوها
محمد:تمام
جاني معتز ومحمد
معتز:هي اطلعي
انا:باه
طلعت وركبت في سيارة مشينا للحوش نزلت ونزل معايا معتز
معتز:يا ملاك انا مستعجل نبي نمشي
انا:نعم شن تبي
معتز:نبيك اديري بالك ع روحك ومعش تزعلي باهي
انا:حاضر مدام انت معايا وانا تمام
معتز:وانا معاك بس لان خاشه جاي نبي نخش متزوج
انا:هههه نجكليا عربي سمح عليك نبي نصورك
معتز:توا بعد نروح
انا:ارجا اخر صور وانت عزابي
معتز:باهي هي
انا:صورت كم صوره سمحه
معتز:خلاص نتلاقو
انا:باي
طلع معتز وركب مع محمد في سيارة وماشين الجامع
محمد:نبي نقولك موضوع ونطلب طلب وماتردنش
معتز:روحي لكي
محمد:نبي اختك ملاك ع سنه الله و رسوله
معتز:شن نقولك مانلقاه خير منك بس نشور باتي لكن اعتبرها لك من توا وما نتريحش عليها الا معاك
محمد:تسلم يا خيي
معتز:يبحت في محمد احسن نسيب والله
محمد:معتز افطن
طاااف …..
.
.
.
.
.
#يتبع
تحياتي Arhima Alagory