رواية يتيمة مع والديها
#قصة_من_الخيال
#الحلقة_الثامنة_وعشرون
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
وصلنا تركيا ونزلنا من طيارة
سالم:ماما بابا قاعد هنا
انا:بحتت في هيثم اها هنا
سالم:هي نروحو فكينا منه يضرب فيك
هيثم:لالا انا معاكم يا سالم ما تخافش
سالم:به
خشينا للصالات
هيثم:خليك هنا تو انجي نصرف افلوس ونشري شفرة
انا:باه
سالم:سمحه تركيا يا ماما
انا:حتي ليبيا سمحه بس حظها شين كل لي يجوها يدمروها وخلاص
سالم:صاح
انا:التفتت نبي ندور هيثم ونشوف عبير
انا:عبير
عبير:شن جايبك انتي
انا:انتي شن اديري هنا مش ع اساس في كندا
عبير:كملنا ومروحين ليبيا غير الطيارة سارلها عطل اطرت تنزل هنا ونزلونا منها نين يديرو صيانه
انا:مروحه بس ماكملتوش انتو
عبير:لالا كملنا
انا:ليش ما قلتيها لنا
عبير:درتها مفاجئة
انا:وين عادل
عبير:مشى هو العيال يجيب في حاجات نكلوها
انا:اها
عبير:اسلومه شن جو
سالم:تمام
عبير:هلي اكيد توا يستغربو مرواحتي
انا:اه هلي
عبير:اها كنك
انا:لا
هيثم:سلام عليكم
عبير:عليك سلام هيثم صاح
هيثم:اها هيثم كيف حالك
عبير:الحمدلله
هيثم:شن صدفة سمحه هذي
عبير:مش عارفه كيف صدفت
هيثم:وين عادل
عبير:توا يجي توا نشوف وين
انا:هيثم كيف يصير
هيثم:في شنو
انا:عبير ما تندري ع شي وتحساب هلي في ليبيا
هيثم:نحكولها وخلاص
انا:لالا خليها تروح وتعرفها غادي
هيثم:حبيبتي هكي تزعل منه
انا:مش عارفه كيف نقولها لها
هيثم:توا تعالي بس
عادل:سلام عليكم
نحنا:عليك سلام
عادل:كيف حالكم
نحنا:الحمدلله بخير
معتز:شنجو يا خويله
انا:تمام الحمدلله شنجوك انت
معتز:اكويس
انا:ومنذر
منذر:اكويس
انا:باهي تعالي هدرزيلي
عبير:انتي قوليلي شن اخباركم وشن اخبار هلي
انا:هلي قعدين هنا
عبير:تحكي جد
انا:والله
عبير:بس نكلم في امي ما قالتهش ليا
انا:اها ممكن ما تبش تشغلك
عبير:عليش تشغلني فيش تحكيعند عادل وهيثم
هيثم:نبي نحكيلك في حاجه صايره
عادل:شنو انشاءلله خير
هيثم:اميرة اخت عبير مريضه
عادل:باهي شن عندها
هيثم:سرطان
عادل:لا يا راجل كم لها
هيثم:لهم 6شهور في تركيا وتعالج
عادل:ليش ما قلتوها لنا
هيثم:والله ما يبوش يقولوها لكم بيش ما تنشغلوش عليها
عادل:ان شاءلله خير
هيثم:المهم قلتها لكي وانت براحتك كان تبي تقاعد ولا ترد غادي
عادل:لالا توا نقاعد
الكاتب:Arhima Alagory
المهم طيارة متاع عبير درولها صيانه وتبي تطلع
عبير:نمشو
عادل:لالا خلينا
عبير:عليش
عادل:نقعدو مع عيت هيثم كم يوم تو نروحو عادي
عبير:باهي شناطي في طيارة
عادل:توا نمشي نجيبهن
هيثم:هي نمشي معاك
عبير:سبحان ع قدر توا نمشو لهلي
انا:بس انا ما نقدرش
عبير:عليش
انا:باتي مايبش يشوفني
عبير:مزال باتي
انا:هو يتغير اصلا
عبير:ربي يهديه
انا:انشاءلله
جابو شناطي وطلعنا من مطار مشينا لقينا شقة اجرنها وقعدنا فيها
في شقة
عادل:عبير نبي نحكيلك
عبير:شنو
عادل:توا نبو نمشو مستشفي
عبير:عليش
عادل:اميرة مريضه
عبير:شنو كنها
عادل:اسمعي بس
عبير:ليش ما قلتيها ليا يا ملاك
انا:مش مني
عبير:باهي كنها
عادل:عندها سرطان
عبير:شنو قعدت تبكي
انا:عبير خلاص يا عبير تفجعي العيال وخلاص
عبير:ليش ما قلتولي باهي
انا:امي ما تبش تقولها لك لانك وحدك وماتبكش تنفجعي
عبير:من امتي مريضه
انا:لها 6شهور
عبير:وانا نقول كل ما نبي نحكي معاها فيديو تقولي لالا
انا:ربي يشفيها
عبير:انشاءلله
المهم بتنا وثاني يوم في صبح فطرنا
هيثم:انا توا ماشي مستشفي عادل تمشي معايا
عبير:حتي انا نبي نمشي
هيثم:العيال
عادل:عادي خليهم مع معتز ما تخافش عليهم
انا:توا انا نقعد معاهم
هيثم:لالا نبيك تمشي
انا:بس
هيثم:امشي ما تخافش
انا:باهي ناخذ سهي معايا
هيثم:باه
عادل:عارفهم وين قعدين
هيثم:اها عارفهم
وطلعنا نحنا خذينا تاكسي وعيت عبير حتي هم
في المستشفي
امي:هي يا اميرة راك من امس ما كليتي شي
اميرة:ما نبش مافيش نيه
امي:تبكي حرام يا بنتي لي اديري فيه لازم تاكلي مش هكي عاد
اميرة:خلاص انا يا امي موت اريحلي واريحلكم
امي:لالا ما تحكش هكي
اميرة:تعبت وتعبتكم معاي
امي:عادي تعب المهم تردي طيبة
اميرة:وين نرد تشوفي في حالتي قدامك
امي:ادعي ربي رحمة اوسع من ملكه
اميرة:يارب
وصلنا مستشفي وخسينا
هيثم:هذي دار
انا:صبيت
عادل:خشي يا عبير
خشت عبير
عبير:دقت ع باب سلام عليكم
امي:عبير
عبير:شافت اميرة قعدت تبكي وجت تجري حضنتها
امي:كيف جيتي انتي
خش عادل وهيثم وانا قعدت برا
امي:كيف جيتو انتو
عبير:انا جيت وتلقيت مع ملاك في مطار
اميرة:وين ملاك
هيثم:برا
امي:كلمها
هيثم:ملاك تعالي
انا:باه
خشيت وشفت اميرة طول دموعي نزلن
اميرة:تعالي ملاك
انا:جيت وحضنتها
اميرة:قعدت تبكي سامحيني يا خيتي انا درت واجد فيك
انا:انسي يا اميرة خلاص
اميرة:نستاهل ما جاني ياريت نموت
انا:خلاص اميرة اسكتي
اميرة:قعدت تبكي
طلع هيثم وعادل
عبير:ليش ما قلتولي
امي:انا ما بيتش نقولها لك
عبير:عليش
امي:لان عرفتك تصير فيك حاله وانتي بروحك
اميرة:شن صار في قرايتك
عبير:كملت
اميرة:مبروك
عبير:الله يبارك فيك
انا:انسيت بكل مبروك
امي:ما كنتو متالقين
انا:اول ما شفتها معاش عرفت شن اندير
اميرة:وين سالم
انا:في شقة هم وعيال عبير
الكاتب:Arhima Alagory
شوي خش باتي
باتي:سلام عليكم
عبير:عليك سلام
باتي:عبير
انا:صبيت
باتي:ملاك شن جابك
انا:سكتت
امي:يا سعد
باتي:اطلعي برا
انا:ب
باتي:ما نبش نسمع منك شي اطلعي برا انا ما نبش نشوف وجك
انا:باه
اميرة:لا ملاك ما تطلعش
باتي:شنو
اميرة:ما تطلعش ملاك نبي نحكيلكم
باتي:شنو
اميرة:انا حكيت مع هيثم وقتله جيب ملاك ضروري ملاك سامحيني انا درت كل شي
باتي:كيف
اميرة:ملاك طيبة يا باتي وما دارت شي انا لي كنت نحكيلك ونقولك ادير في علاقات كل كذب كله نبي ملاك توقف من قرايه وناخذ سيارة
امي:شنو
انا:دموعي نزلن
اميرة:وكل حاجه ندير فيها مكر في ملاك لان عارفتك ديمه مصبي معايا وحاجه اخره سبب طلاق ملاك انا والورقة لي لقيتوها في شنطة انا دزيت بنت وقتلها حطيها بيش اولا ملاك تخرب حياتها وثانيا اطيح من عينكم بس انا درت هذا كله وما نعرفش ان في ربي فوق وياخذ حق المظلوم عارفه ان موت شويه فيا
باتي:قعمز ع كرسي
امي وعبير انصدمن
انا:معقوله يا اميرة
اميرة:سكتت
انا:انا انشاءلله ننحرق بس ما فكرتش في العيال ما فكرتش في ملائكة هذي كيف تعيش بلا اب ليش ما فكرتي فيهم ليش ما نتقمتي مني ليش انتي هكي يا اميرة عيالي شن درولك
باتي:طاح
امي:قعدت تعيط
خش هيثم وعادل وجا دكتور شالو باتي للعنايه
دكتور:اكويس ان قاعد في مستشفى
عادل:شن صار يا دكتور
دكتور:ضغط راقي عليه وجاته جلطة خفيفة
عادل:باهي شن وضعه توا
دكتور:اكويس توا
عادل:باهي الحمدلله
عندي انا طلعت برا
هيثم:كنك
انا:شي
هيثم:اول مره نشوفك هكي
انا:تعبت
هيثم:ما نبش نسمعها كلمة هذي
انا:هيثم خلينا نروحو
هيثم:شن صار
انا:هك معاش نبي نقاعد
هيثم:بس حبيبتي عيب هكي باتك مريض
انا:باهي نصبرو نين ينوض ونمشو
هيثم:شفتي اميرة
انا:وياريت ما شفتها
هيثم:كنك
انا:هكي تعبت منها
هيثم:وسعي بالك بس تعالي
انا:وين
هيثم:نمشو نغيرو جو
انا:فكني
هيثم:بلا نكد عاد هي
انا:باه
طلعت انا وهيثم
هيثم:وين نمشو
انا:ع كيفك
هيثم:ملاهي
انا:هههه هكي حسيتك اصغر مني جديات
هيثم:عليش
انا:مش عارف لما نشوف عيونك ونسمع صوتك ونقاعد في حضنك نحس فيك اكبر مني معاملتك ليا نحس في روحي بنتك
هيثم:ههههه توا وين غلط عادي كاني نلعب في بنتي
انا:باه هي نمشو
مشينا للملاهي وقعدنا نلعبو ونسيت همي ونسيت دنيا كلها
انا:هي نروحو وقت
هيثم:شن رايك
انا:نحبك
هيثم:حتي انا
انا:هيثم كيف حبيتني
هيثم:تصدقي لعند توا نسال في روحي نفس سوال هذا وما عندش جواب مش عارف كيف حبيتك
انا:ربي مايحرمني منك انت فرحتي
هيثم:ولا منك بس عندي طلب صغيرون
انا:شنو
هيثم:نبيك تسامحي اميرة وباتك ع صار كله
انا:ليش ما قتلي ان اميرة حكت معاك
هيثم:لان خفتك تقولي مش ماشيه
انا:اها
هيثم:شن صار موافقه ع طلبي
انا:نفكر قبل
هيثم:ما تبش تفكير نحنا جينا جينا خلينا نردو ليبيا وانتي باديه حياة جديده مع هلك
انا:بس يا هيثم لي صار معايا ما حد يقدر ينسه
هيثم:عارف بس ع شان خاطري
انا:ما تخافش قلبي مش قاسي كيفهم
هيثم:هي نروحو وقت ع لعيال
انا:عارف نمشي مستشفى قبل نجيب سهي
هيثم:باه
الكاتب:Arhima Alagory
في مستشفى
اميرة:ساكت
عبير:معقوله اديري يا اميرة
اميرة:مش عارفه ليش درت هكي
عبير:لا عارفه لان ملاك خذت كل شي ودلع من جيتي ومن معتز
اميرة:ممكن
جيت انا وهيثم
امي:ملاك تعالي
انا:نبي سهي
امي:ملاك باتك يبيك
انا:توا خطرت عليه
هيثم:ملاك شن حكينا امبدري
انا:بس
هيثم:مدام هو دز عليك شوفيه
انا:باه
امي:نجكليا يا حنونه
خشيت ع باتي كانو علقيله اكسجين وخيوط وهكي
انا:جيت عند راسه
باتي:فتح عيونه شافني
انا:نعم
باتي:فك متاع الاكسجين ومسك يدي وباسها ليا
انا:دموعي نزلنا
باتي:انا ظلمتك واجد يا ملاك سامحيني
انا:سكتت
باتي:صدقت امي قالت كان في وحده حنونه في الحوش هذا هي ملاك وبعدها مافيش
انا:الله يرحمها
باتي:شنو يا بنتي سامحتيني
انا:بست يده وراسه كان في واحد ينطلب منه سموح انت يا باتي مش انا
باتي:بس انا غلطت في حقك واجد
انا:كل انسان يغلط يا باتي انا مسامحتك
باتي:بكاء وكرني وحضاني
هيثم:سلام عليكم
باتي:عليك سلام
انا:هذا هيثم
باتي:مرحب بيه
هيثم:انشاءلله لاباس عليك ياعمي
باتي:ما تشوف باس
هيثم:شن نمشو
باتي:وين
انا:للشقة مسيبين لعيال بروحهم
باتي:باهي
انا:تبي حاجه
باتي:سلامتك
انا:توا انجيك بكرا
باتي:باه
طلعت انا وهيثم
امي:شن صار
هيثم:انسي بنتك بكل
امي:عليش
هيثم:باتها تو ياخذها منك
امي:معقوله
انا:لالا مستحيل هذي الغالية
امي:نجكليا تشوفي اختك
انا:ماما نبي نروح
امي:تمام براحتك
انا:هي سهي يا ماما نروحو
سهي:بهي
امي:تحكي
انا:تستغرب مره مره وتسكت لكن عندها لسان تربية صفاء شن يطلع منها
امي:وخالتها اميرة
انا:بكل
هيثم:هي
انا:باه
عادل:وين
هيثم:ماشين شقة
عادل:تمام انا قاعده ليله هنا
هيثم:تمام
روحنا للشقة
هيثم:سلام عليكم
معتز:عليك سلام
سالم:ماما قعدنا نلعبو وجو سمح بكل
انا:باهي يا ماما
معتز:وين بابا وماما
هيثم:في مستشفى
معتز:كنهم
سالم:اميرة مريضه صاح يا ماما
انا:اها صاح
خشيت دار
هيثم:كان مضايقة نروحو بكرا
انا:مش عارفه بس مدام انت معايا وانا متريحه
هيثم:وانا مستحيل نخليك
انا:ربي ما يحرمني منك
ثاني يوم
قاعده نفطر انا ولعيال
هيثم:يا ملاك تعالي خوذيها
انا:من
هيثم:تعالي شوفي بس
انا:هههههه تلعب معاك
هيثم:طيرتلي نوم
انا:عيب يا ماما
سهي:قعدت تبكي
انا:تبكي
هيثم:ترا رديها
انا:نتشي شعر هي
هيثم:ااااي حوليها
انا:هي تعالي نفطرو
سهي:ابش
هيثم:والله ما تلقى العز هذا شعر وتنتش ع حسابها
انا:خلاص هي نفطرو وانت صبي قريب يجو عيت عادل نحنا نمشو نقعدو غادي
هيثم:مش مروحه
انا:لالا نقعد الايام هذي
هيثم:باه
الكاتب:Arhima Alagory
فطرنا ومشينا مستشفي وعيت عادل جو للشقة
انا:صباح الخير
امي:صباح النور
انا:شن دار باتي
امي:واللهي اكويس خير حتي من امس
انا:الحمدلله
هيثم:واميرة
امي:خذوها توا عندها جرعة
انا:نمشي نشوف باتي
امي:بنية باتها توا
هيثم:قتلك امس انسيها
انا:هههه خلاص عاد
امي:امشي باهي
خشيت ع باتي
انا:صباح النور
باتي:صباح الخير
انا:كيف حالك
باتي:الحمدلله امتي جيتي
انا:توا
باتي:عيالك معاك
انا:لالا جيت انا وهيثم بس
باتي:كنت نبي نشوفهم
انا:توا تطلع وتروحو طيبين،وتقعد معاهم نين تمل منهم
باتي:انشاءلله
انا:شن تحس روحك
باتي:اكويس
دكتور:سلام عليكم
خطرها طبعا الاتراك يحكو تركي وانا نكتبلكم في ترجمة طول ?
انا:عليك سلام
دكتور:شن تحس روحك
باتي:والحمدلله
دكتور:توا تطلع توا
باتي:بارك الله فيك
دكتور:شكرا
طلعت انا ومعايا باتي
انا:بشويه ع مهلك
باتي:باهي
امي:كيف صار
انا:وجي خير عليه انا خشيت دكتور قاله اطلع
هيثم:الحمدلله ع سلامه
باتي:الله يسلمك
هيثم:تو انجيكم
قعدت انا وباتي وامي
انا:نرجا في لحظة هذي وياما تمنيتها وانا صغيرة
امي:ربي يخليك لنا
انا:ويخليكم ليا
باتي:امتي مروحه
انا:والله الايام جايه
باتي:تقدري تقعدي
انا:واللهي جامعة عندي
امي:صاح كيف جيتو
انا:غبت عليها
باتي:بس قريتك
انا:عارفه توا نروحو
باتي:ونروح معاكم
امي:بس اميرة
باتي:اميرة انتي قاعده معاها توا تقعد عبير وعادل
انا:بس انت حاجه خاصه بنسبه الاميرة
باتي:اميرة مش مسامحها ع دراته
انا:لا ياباتي ما نبوش نغلطو اخره عشان خاطري سامحها
باتي:كان تسامحيها انا نسامحها
انا:سكتت
باتي:شفتي
انا:انا مسامحتها
امي:شفت بنتك خلاص يا راجل سامحها
باتي:انشاءلله خير
هيثم:سلام عليكم هي تفضلو
امي:تعبت روحك
هيثم:مافيش تعب شوي فطور
باتي:انا عطيني عصير بس
انا:عليش كول
باتي:ما عندش نيه
هيثم:هي تفضل
باتي:يزيد فضلك
انا:توا نجي نشوف اميرة
ركبت لقيت اميرة في دار
انا:سلام عليكم
اميرة:ملاك تعالي
انا:شن تحسي روحك
اميرة:اهو الحمدلله
انا:باهي الحمدلله
اميرة:سامحتيني
انا:مافيش غل في قلبي عليك بس وجعتني منك
اميرة:ساكته
انا:بس نفس وقت نشكرك انك سبب طلاقي
اميرة:عليش
انا:لان تعرفت ع واحد وخذيت ويعامل في عيالي خير من باتهم عوضني ع كل شي
اميرة:ربي يحفظكم
انا:انشاءلله
اميرة:سامحتيني
انا:شن نبي انديرلك مثلا بعد لي انتي فيه معاش في حاجه اخره بس ربي يسامحك ويشفيك
اميرة:قعدت تبكي اول ما عرفت روحي مريضه سرطان اذكرتك لما قلتي حسبي الله ونعم الوكيل فيك
انا:انتي لي خليتني انقولها
اميرة:نستاهل
انا:ربي يشفيك
اميرة:انشاءلله
قعدت نهدرز انا واميرة وبعدها جت امي وباتي وهيثم
اميرة:باتي
باتي:كنت واثق فيك
اميرة:سامحني
باتي:سامحتك ملاك
انا:سامحتها يا باتي
باتي:سكت
انا:يا باتي لي صارلي انت ما صارلكش وانا سامحتها حتي انت سامحها
باتي:الله يسامحك يا اميرة
هيثم:ربي يدوم لمتكم
امي:انشاءلله
الكاتب:Arhima Alagory
مرت الايام وانا في تركيا وع نفس حاله في مستشفي يوم نحنا يوم عيت عبير ويوم نقدو في مش في مستشفي نمشو للسوق ومرات ملاهي ونغيرو جو وعلاقتي مع هلي ردت وكانه ما صار شي ❤
في عيادة خاصه انا وهيثم
هيثم:يا دكتور هذين تحاليل
دكتور:شاف تحاليل
هيثم:شنو يا دكتور
دكتور:انت مافيك شي وحتي مدام
هيثم:باهي ليش لعند توا ما فيش حمل
دكتور:امر عادي ربي مزال ما سخرش بس
هيثم:شكرا دكتور
دكتور:العفو
الكاتب:Arhima Alagory
طلعنا
انا:مش قتلك مافي شي
هيثم:عادي ما خسرنا شي
انا:هي نمشو للشقة
هيثم:لالا نمشو للسينما
انا:نعليا عادي
هيثم:هي
مشينا للسينما وتفرجنا ع فيلم وجو خيال بكل بعدها روحنا للشقة اول ما خشينا حسيت كبدي تلعب خشيت نجري الحمام
هيثم:كنك
انا:شي
هيثم:مريضه ولا كنك
انا:لالا غير دوخه
هيثم:باهي
سالم:كنك يا ماما
انا:شي يا ماما وين سهي
سالم:قاعده في دار راقده
انا:باهي وانت كنك ما ترقد
سالم:نرجا فيكم
انا:خلاص هي نرقدو
سالم:به
خشينا رقدنا ثاني يوم نضنا مشيت مستشفي
هيثم:خطرها بكرا طيرتنا
انا:اها عارفه
هيثم:خشي توا نجيب فطور ونجي
انا:باه
خشيت دار
انا:خير
اميرة:خيرات
انا:وين هلي
اميرة:امي مع باتي يقيس في ضغط وامي معاه
انا:هههه لقوها سمحه قعده في مستشفي
اميرة:هههه بكل
انا:حسيت بنفس شي خشيت حمام نجري
اميرة:كنك
انا:من امس وانا ع نفس الحاله
اميرة:بلكي حامل
انا:زعمك
اميرة:امشي ديري تحاليل قريب
انا:باه توا نجيك كان جا هيثم ماتقوليهش له نبيها له مفاجئة
اميرة:حاضر
طلعت نبي ندير تحاليل شوي ممرضه عطتني جهاز كاشف حمل قلتلي اسرع من تحاليل رديت دار
انا:جيت
اميرة: شن صار
انا:جبت جهاز ع سريع
اميرة:حتي هو راي
خشيت درت طلعت حامل فرحت بكل
اميرة: شن صار
انا:حامل
اميرة:مبروك حبيبتي
انا:الله يبارك فيك
امي:عليش تباركو
انا:بسم الله
اميرة:جايك حفيد جديد
امي:لولولولولي
انا:امي زغريت في تركيا
اميرة:ههههه
امي:عادي
انا:انشاءلله نزغرتو بطلعت اميرة بسلامة
اميرة:ان شاءلله
هيثم:سمعتو زغاريت
امي:نحنا نزغرتو
هيثم:عليش
امي:اسال مراتك
انا:امي
هيثم:كنكم
انا:شي غير طلعت حامل
هيثم:شنو تحكي جد
انا:والله
هيثم:من فرحه قريب زغرت هو بروحه
باتي:سمعتو
انا:شنو
باتي:دكتور قالي ان في تحسن عند اميرة وعلاج تمام بكل
انا:الحمدلله ياربي
اميرة:الحمدلله
انا:حضنتها ربي يكمل فرحتك
امي:تزغرت
وكملت ليلة سمحه بكل في دار صغيرة وفي مستشفى وفي بلاد برا بس كنت متمنيتها طول حياتي حصلتها في دار هذي القعدة سمحه صوت ضحكه وقرب باتي مني وحن اميرة عليا وراجل سندي فعلا وام تبيلي الخير كملت الليلة المفرحه ونتهت مع اماني ان تاتي من جديد ف هل ستاتي او تكون هي واحده ولان تتكرار
خطرها يصير مني في الفصحه ولا لا ??
ثاني يوم في صبح
انا:خلاص يا باتي نتلاقو ع خير
باتي:ردبالك من روحك ومن عيالك وراجلك وربي يوفقك
انا:انشاءلله
اميرة:رديتلي ضحكتي من جديد
انا:ربي يدومها عليك
اميرة:انشاءلله
امي:ردبالك من لي في بطنك
انا:انشاءلله
امي:نتلاقو ع خير
انا:انشاءلله
هيثم:يا عمي في فلوس معقبهن في شقة وكان تبي حاجه كيف ولدك انا
باتي:انشاءلله
هيثم:توصي بشي
باتي:ردبالك من ملاك
هيثم:انشاءلله
طلعت انا وهيثم وخذينا العيال ومشينا مطار
سالم:عارفه يا ماما تركيا شينه
انا:ما قلت سمحه
سالم:ماعندهمش تراب في شارع كيف يلعبو هذوم
انا:هههه تحسابهم كيفنا
سالم:مافيهمش جو
هيثم:نفس ماما صاح
سالم:صاح والله
انا:باهي باه
هيثم:هي نركبو طيارة
الكاتب:Arhima Alagory
وصلنا ليبيا ❤
انا:واخيرا مهما كانت ليبيا خاربه بس تقعد هي الاولى
هيثم:نجكليا عليك وطنية عندك
انا:هازي عليا
هيثم:لالا مستحيل
سالم:هي نمشو لصفاء
هيثم:لالا اليوم نمشو لهلي
سالم:عند سارة
هيثم:اها
سالم:به هي
انا:بشويش يا سالم
طبعا سيارة سيبنها في مطار مهم ركبنا ومشينا لحوش عمي
سالم:نزل يدق
انا:سالم بشويش شن شطانه هذي
سالم:مش شطانه
هيثم:خلي انتي كنك معاه
انا:شي بس شيطان هو
شوي فتحت باب سارة
سارة:عيت هيثم مش معقولة
سالم:سارة
سارة:اسلومه نجكليا رايفت عليك
سالم:حتي انا
انا:شنجوك
سارة:الحمدلله وانتو شن دايرن امتي روحتو
هيثم:نبو نقعدو ع باب قصدك
سارة:هههه لالا هي تفضلو
زينب:من جانا
سارة:عيت هيثم
انا:خير عمتي وبست يدها
زينب:خيرات ربي يرضى عليك
انا:كيف حالك
زينب:الحمدلله انتو كيف حالكم كيف حال خيتك
انا:واللهي الحمدلله
زينب:ربي يشفيها
انا:انشاءلله يارب
هيثم:خير يا امي
زينب:خير خير ياوليدي
هيثم:شن حالك شن دايرة صحتك
زينب:الحمدلله
هيثم:باهي الحمدلله باتي وين
زينب:باتك طالع هو سلوي
هيثم:جت هيا
زينب:جتنا اول امس
انا:جت من ربي ليا نبي نتلاقه معاها
زينب:تو اتجي وتعرفيها
الكاتب:Arhima Alagory
عند عيت عمتي
مريم:يا عمتي سمعتي ملاك روحت
عمتي:لالا امتي
مريم:وحق الله توا كنت نحكي مع عبير قلتها ليا
عمتي:باهي الحمدلله
صفاء:معقوله ماتجينش
عمتي:اكيد تعبانه اتريح وتجينا
صفاء:رايفت عليها وع عيال
في حوش عمي
اسامة:سلام عليكم
هيثم:عليك سلام
اسامة:انت روحت
هيثم:امبدري شوي
سلوي:هيثم
هيثم:اها هيثم
سلوي:حضنته رايفت عليك
هيثم:حتي انا
سلوي:مبروك
هيثم:الله يبارك
انا:سلام عليكم
سلوي:عليك سلام
هيثم:وهذي ملاك
سلوي:ملاك اسم ع مسمه فعلا
هيثم:شن رايك في ذوق خوك
سلوي:يهبل
انا:تسلمي
هيثم:خشي خلينا نهدرزو
سلوي:باه انتو اصلا ليلة هذي تباتو هنا
انا:انتي لي تعالي معانا غادي
سلوي:والله باتي ما يطلقني
انا:خلاص توا نباتو ونهدرزو نين نشبعو
سلوي:نجكليا يارب
قعدنا نهدرزو وبتنا هذيك الليله عند عيت عمي وكان جو سمح بكل اهل هيثم جوهم حلو يعني انا وعيالي كانه نعرفهم من زمان وبنات حبو عيالي بصدق لما نجيهم نتريح وكانهم هلي
الكاتب:Arhima Alagory
ثاني يوم
انا:صباح الخير
زينب:صباح النور
انا:مزالو راقدين
زينب:اها انتي عليش واعيه بدري امشي تريحي
انا:لالا سمعتك في مطبخ قلت نساعدك
زينب:باهي افطري قبل
انا:باهي تو نفطر مع بنات
زينب:لالا انتي حامل لزام تغذي اكويس
انا:عارفه
زينب:خلاص افطري وبعدين مع بنات افطري اخره
انا:هههه حي عليهم عابيه نقص
زينب:عليش تنقصي والله هكي ماشاءالله عليك
انا:ماشيتي تركيا كملتها كله وكال
هيثم:صباح الخير
زينب:صباح النور
هيثم:جبتلك كل حاجه
زينب:وين دوارة
هيثم:اهي
انا:خليها يا عمتي توا نغسلها
زينب:انتي افطري يا بنيتي
انا:فطرت هيتي بس
المهم درنا الغذاء رز و عصبان وتغدينا وقعدنا نهدرز عند ليل روحنا للحوش
في الحوش
انا:عارف متكسره تكسيره
هيثم:سلامتك يا قلبي
انا:عليك قصه بكرا جامعة
هيثم:فوتيها
انا:لالا شوف كم ليا فيتتها نمشي وانت معايا بكرا خلاص خلينا نقرو
هيثم:حاضر يا ماما
انا:هازي عليا يعني
هيثم:حشاك يا عيوني
انا:باه خليني نرقدو
هيثم:غيري دبشك قبل
انا:به
هيثم:غيري هنا
انا:لالا برا خير
هيثم: بارده
انا:بس تحبها وتموت فيها
هيثم:يعني ع ثقة
انا:اها ثقة وزايدة اخره
هيثم:هي غيري وتعالي
انا:باه
غيرت دبشي وجيت رقدت انا وهيثم
ثاني يوم
هيثم: شن رايك نشيلو لعيال لعيت جدهم
انا:عادي ياريت
هيثم:خلاص نحطوهم غادي ونمشو للجامعة
انا:باه بس نبي نخش نسلم
هيثم:باهي عادي
وصلنا حوش اهل احمد رنيت ع رتاج ما ردتش رنيت ع رحاب
رحاب:واخيرا شفنا رقمك
انا:افتحي باب قاعده قدام حوشكم
رحاب:انا مش في الحوش
انا:وين طالعه من صبح
رحاب:انا ازوجت
انا:تحكي من جدك
رحاب:حق الله
انا:الف مبروك امتي
رحاب:ليا 9ايام
انا:ربي يهنيكم
رحاب:انشاءلله رني ع رتاج
انا:رنيت عليها ما ردتش قتلك اهي ترن عليا سكري
رحاب:باي
سكرت رحاب ورديت ع رتاج
انا:افتحي باب ولالا حتي انتي ازوجتي
رتاج:ههههه هي
فتحت رتاج وخشينا
سالم:اعميمه رتاج
رتاج:نجكليا
انا:وين عمتي
رتاج:قاعده جوه خشيلها
انا:خير يا عمتي
سالمة:خيرات ملاك كيف حالك
انا:الحمدلله وانتي شن دايره
سالمة:والله الحمدلله
انا:يستاهل الحمدلله
سالمة:شن اختك
انا:اكويسه نستاذن توا
رتاج:وين
انا:والله نمشي جامعة جبتلكم المكاليب خطرها مبروك ع رحاب
سالمة:الله يبارك فيك
انا:لعقبال رتاج
سالمة:انشاءلله
انا:خلاص مع سلامه
سالمة:بسلامه
طلعت
هيثم:واخيرا
انا:كنك
هيثم:طولتي
انا:الله غالب صبايا وتعرف هدريزهن
هيثم:اها بذات لي عند باب
انا:بدينا
هيثم:لالا كملنا
انا:باهي حسيتها جامعة بعدوها
هيثم:حتي انا
انا:شد حيلك
هيثم:حتي انتي
انا:انشاءلله
هيثم:هي انزلي
انا:نحبك
هيثم:حتي انا
انا:اوكي
نزلت وخشيت للقاعة طول نبي نشوف محاضرات لي فاتوني وحاجات
عند هيثم
هيثم رن ع مروان
هيثم:وينك يا ساقط
مروان:خلفك تماما
هيثم:برم شافه اوكي سكر
مروان:هههه رايفنا عليك
هيثم:غريبه انا لا
مروان:هو انت ترايف اصلا
هيثم:اها نرايف شن قالولك عليا
مروان:شنجو نسيبتك
هيثم:والله ربك كريم
مروان:انشاءلله خير
هيثم:ان شاءلله
مروان:هي نخشو
هيثم:باه بعدك مرايف ع قرايه
مروان:اهو طلعت ترايف
هيثم:هههه الله يطمنك طمنتني
الكاتب:Arhima Alagory
عندي انا
كملت محاضرة وصورت محاضرات كنت مش حضرتهن من دفتر بنت معايا وطرنيت ع هيثم ما ردش عرفته في كافتيريا قلت نرن ع حنان نسال عليها رنيت عليها
انا:معقوله ما تسالش ع حبك
علي:انا علي
انا:اها علي اسفه وين حنان
علي:في مستشفي
انا:كنها
علي:عندها عملية ولادة
انا:صاح ربي يطلعها طيبة وبسلامة
علي:انشاءلله
انا:في اين مستشفي
علي:****
انا:تمام
سكرت ومشيت قعدت ع كرسي شوي رن تلفون لقيته هيثم
انا:الو
هيثم:وين قاعده
انا:نرجا فيك
هيثم:نمشو كان كملتي
انا:هي جايه
مشيت سيارة
هيثم:شن صار
انا:كملت بس نبي نمشي مستشفي
هيثم:عليش
انا:حنان جايبه
هيثم:باه
انا:نجكليا
ركبنا ومشينا المستشفي
خشينا مستشفى
انا:اهو علي
هيثم:سلام عليكم خير علي
علي:اوو هيثم كيف حالك
هيثم:الحمدلله
انا:خير علي وين حنان
علي:في دار طلعت توا
هيثم:مبروك ما جد عليك
علي:لعقبالك
هيثم:ان شاءلله
خشيت دار ع حنان
انا:حنونه
حنان:ملوكتي يا روحي
انا:مبروك حبيبتي
حنان:الله يبارك فيك
ام حنان:خير يا ملاك
انا:خيرات كيف حالك
ام حنان:الحمدلله
انا:الحمدلله ع سلامتك
حنان:الله يسلمك يا قلبي
انا:توا نريت عليك رد عليا علي هو قالها ليا
حنان:اها
انا:شن جبتيلنا
حنان:وليد
انا:ربي يحفظه
حنان:ان شاءلله
قعدت عند حنان اشويه بعدها طلعنا
في طريق
انا:نمشو ناخذو العيال
هيثم:رني قوليلهم يوتوهم
انا:باهي وبعدها نمشو لعيت عمتي
هيثم:انشاءلله خير
انا:كيف انشاءلله خير
هيثم:شي
انا:كيف شي
هيثم:كنك انتي
انا:انت لي كنك
هيثم:مافي شي انا
انا:به
هيثم:كنك انتي
انا:شي
رنيت ع رتاج
رتاج:الو
انا:رتوجه واتي العيال جايه في طريق
رتاج:خليهم عندنا الليلة
انا:يتعبوكم راه
رتاج:لالا ما عليك فيهم
انا:تمام
سكرت منها
انا:العيال قعدين عند عيت جدهم
هيثم:باه
انا:حطني عند عيت عمتي
هيثم:لالا نحطك في الحوش
انا:نبي نمشي لعيت عمتي انا
هيثم:بكرا توا نجو ناخذو العيال ونمشولهم اكيد حتي هم مرايفين ع العيال هي انزلي
انا:نبي مفتاح سيارتي
هيثم:جديده هذي
انا:لا مش جديده
هيثم:باهي قلت انزلي انا
انا:باه يا هيثم خليك هكي نزلت وطبقت باب سيارة بقوة وخشيت حوش تعقدت من هيثم بكل خشيت رقدت
نضت واحد يكر في شعري وينفخ في وجهي لقيت هيثم
انا:استغفر الله وخلاص
هيثم:زعلانه
انا:شنو
هيثم:ز ع ل ا ن ه
انا:شن رايك انت
هيثم:هههه اسف
انا:هيثم شن بارده هذي كنك تضحك
هيثم:نقولك بصراحه
انا:اها قول
هيثم:مابيتش نشيلك لان ما صدقت قعدنا وحدنا
انا:باه
هيثم:غمضي عيونك
انا:عليش
هيثم:نبي نديرلك سحر
انا:مش وقتك
هيثم:خلاص يا شينه قتلك اسف
انا:باه خلاص غمضت
هيثم:شوي بس افتحي
انا:شنو هذي
هيثم:سفينه شن تشوفي فيها
انا:سلسلة ذهب
هيثم:ومكتوب عليها ملاك
انا:نجكليا
هيثم:تشوفي في الاسم هذا
انا:اها
هيثم:في من واحد هن وحط يد ع صدره هنا في قلبي
انا:نحبك
هيثم:انا اكثر طبعا سلسلة بمناسبة انك حامل
انا:هيثم
هيثم:عيون هيثم
انا:اسفه كان زعلتك امبدري
هيثم:بالعكس تهبلي وانتي منفصله
انا:هههه باهي ماتبش تلبسلي سلسلة
هيثم:اكيد جا هيثم لبسها ليا وقعد يبوس فيا و….
الكاتب:Arhima Alagory
عند هلي
عبير:شن تحسي روحك
اميرة:تعبانة تعبت بكل كان نموت انتريح
عبير:بعيد السو
اميرة:انا تعبتكم كلكم معايا
عبير:ما تحكش هكي وهذا وقتنا الانسان كان ماوقفش في اوقات زي هذي مافيش منه فايدة بكل
اميرة:بس هلكني الكيماوي
امي:شن تحكو
اميرة:نحكو ع معانه لي سببتها لكم
امي:معاش تحكي هكي
باتي:خير
كلهم:خيرات
باتي:كسدتنا ملاك
اميرة:بكل شوفوها كان فاتحه نت رنو عليها
عبير:اهي فاتح رنيت عليها
عندي انا
انا:هيثم حول اطلقني شوي تلفون يرن
هيثم:لا
انا:هيثم هذا ماسنجر اكيد هلي
هيثم:باه
انا:شفت قتلك هلي
هيثم:راك تفتحي فيديو
انا:كنك
هيثم:شوفي حالتك
انا:كل منك
هيثم:ههههه ما قالك حد خليني نرايف
انا:بارد وين طالع
هيثم:ردي ع هلك قاعد انا
رديت عليهم
عبير:الو
انا:خير يا عبير
عبير:افتحي فيديو
انا:اه لالا خلينا هكي
عبير:عليش
انا:اه معش عرفت شن نقول
هيثم:قولي ضي مقطوع ومش ح تحقيني
انا:ضي مقطوع ودنيا ظلام
عبير:باهي شن حالك
انا:الحمدلله انتو كيفكم
عبير:بخير يبيك بابا
انا:الو
باتي:خير ملوكة كيف حالكم يا بنتي
انا:الحمدلله
شوي جا هيثم حضني من لاوره
باتي:كيف حال العيال
انا:الحمدلله اكويسين ومعاش عرفت نحكي سكرت عليهم
هيثم:كنك
انا:حول باهي خليني نحكي
هيثم:انا ماسكك انتي مش فمك
انا:هههه خلاص عاد
هيثم:باه
رنيت عليهم وقعدنا نهدرزو بعدها كملت مشيت درت عشاء وتعشينا ورقدنا
الكاتب:Arhima Alagory
ثاني يوم
نضت مشيت جامعة انا وهيثم بعد روحنا مشيت خذيت العيال ومشينا لعيت عمتي
سالم:ننزل اندق
انا:بشويه نين ادرس سيارة
نزل سالم قعد يدق
صفاء:باهي باه فتحت
سالم:نحنا جينا
صفاء:نورتونا
انا:خيرات يا حبي
صفاء:مرايفه عليكم وع شينه هذي
انا:خوذيها رايحه عياطه
صفاء:مسكت سهي
سهي:مام قعدت تبكي
انا:خلاص يا ماما
عمتي:ملاك مش معقوله
انا:خير عمتي
عمتي:باهي خطرنا عليك
انا:حقك عليا يا امي بست راسها
عمتي:نسيتنا
انا:لا والله بس اول ما جينا قعدنا عند هل هيثم وامس العيال عند عيت جدهم هيثم قال بكرا نخذوهم ونجوكم هنا
عمتي:باهي
انا:خلاص يا اعميمه الا زعلك
عمتي:باهي خلاص شنجوك
انا:الحمدلله وين مريم
صفاء:في مدرسه
انا:بدت
صفاء:اها
المهم جت مريم وتغدينا قعدنا نهدوزو في العشية
عمتي:شنجو تركيا
انا:عالم عايشين حايتهم
شفت صفاء اديرلي حركات بس ما فهمتهش
عمتي:هلك مطولين
انا:والله مزال ع علاج
عمتي:ربي يجبر بخاطرهم
مريم:انشاءلله
صفاء صبت
مريم:كيف تلقيتي مع عبير
انا:في مطار
صفاء:ملاك تعالي شوي
انا:هي
مشيتلها
انا:كنك
صفاء:مش غير تركيا عايشين حتي انتي وهيثم عايشين
انا:شن قصدك
صفاء:شوفي رقبتك
انا:حي عليا عارفتها انشاءلله قدام عمتي هكي
صفاء:من امبدري قبل طرت حتي طيارة وانتي ما تفهمش
انا:هكي مش باينه صاح
صفاء:ايوه خلي هك
انا:عليك احراج
صفاء:عطاكم ربي
انا:سخيفة الادب تحشمي
صفاء:خلاص هي امشي شوي ونلحقك
مشيت وهدرزت نين جا ليل وروحنا للحوش
مرت الايام وفاتن شهور وانا وهيثم نفس سمنه ع عسل قالو سوريين اميرة علاجها تاخذ فيه وبكل جرعة تاخذها تتعب اكثر وتضعف شعرها طاح كله وتكمل يومها تشوف في المراية وتبكي المهم مرت الايام وبديت في الامتحانات ونمشي انا وهيثم نمتحن ونروح نقرا العيال عند صفاء لاني نمتحان اخر يوم واخر امتحان في جامعة
نضت بدري بكل من فجر فتحت نت جتني رساله لقيتها اميرة
انا:خيرات ميرو
اميرة:ملاك سامحيني
انا:مسامحتك يا اميرة كنك
اميرة:ادعيلي ربي يشفيني
انا:انشاءلله يارب تردي لنا كيف قبل واحسن
اميرة:اليوم نتيجة متاع تحاليل
انا:ربي انشاءلله يجبر بخاطرك
اميرة:انشاءلله يارب
انا:نحبك يا اميرة
اميرة:انا ظلمتك يا خيتي كنت لزام نكون انا حنونه معاك مهما كان مش لزام الكبير يكون هو القوى وتحكم في كل شي انا لما مرضت عرفت قيمتك لما شفت الموت قدامي شفت غلطاني كلهن بكل جرعة كيماوي ناخذها وبكل الم نشعر بيه وكل ما حد يقولي ربي يشفيك نذكر في دموعك وصورتك قدامي وقت قلتي حسبي الله ونعم الوكيل نذكر في بكيك نذكر في حلفك انك ما درتي شي وقتها انا الوحيده لي مصدقتك بس كنت فرحانه كنت جبارة وقاسية انا بس نسيت ان في رب يحاسب ع مثقال ذرة سامحيني يا ملاك وقوليلي لعيالك يسامحوني لاني فرقتهم ع باتهم
انا:مسامحتك يا اميرة وصلتها بس ما قرتهش وبعد شويه شفت متصل منذ دقيقة عرفتها سكرت مسحت دموعي وصبيت صليت وبعدها ناض هيثم ومشينا للجامعة
وصلنا جامعة
هيثم:كنك ساكتة طول طريق
انا:شي غير اميرة اليوم نتيجتها
هيثم:ربي يجبر بخطرها
انا:انشاءلله
هيثم:بعد تكملي رني عليا
انا:حاضر
هيثم:ركزي في الحل
انا:انشاءلله حتي انت
هيثم:انشاءلله
خشيت للامتحان وبعد كملت طلعت رنيت ع هيثم
هيثم:الو طلعت توا
انا:حتي انا
هيثم:هي جايك
جا هيثم وركبت معاه
هيثم:وين نمشو
انا:حوش عمتي
هيثم:باه امرك
انا:نفكر في اميرة وخلاص
هيثم:انشاءلله حليتي
انا:اها الحمدلله وانت
هيثم:حتي انا
الكاتب:Arhima Alagory
صلنا حوش عمتي
انا:سلام عليكم
صفاء:عليك سلام
انا:شن صار
صفاء:مزال
مريم:عمتي تحكي مع امي توا
سكرت عمتي
انا:شن صار
عمتي:قالت توا باتك مشى لدكتور
انا:يارب
في تركيا
امي:عمتك تسال
عبير:اها
امي:كنك سيبتي اختك
عبير:لانها تصلي
امي:توا نشوفها
اميرة:كملت صلاة وقعدت تدعي ياربي عارفه اني غلطت واجد وتعذبت واجد ياربي سامحني ارحمني يارب
امي:خشت امي دار لقت اميرة طايحه ع صلاية…
باتي عند دكتور
باتي:هدين اخر تحاليل
دكتور:والله شن نقولك يا حاج
باتي:شنو يا دكتور
دكتور:….
.
.
.
.
.
#يتبع
تحياتي