رواية يتيمة مع والديها
#قصة_من_الخيال
#الحلقة_الرابعة_عشر
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
خشيت حوش لقيتهم مش قعدين نحكي بروحي بسم الله هذوم وين راحو حطيت دبشي ونبي نرن ع مريم نسالها رن عليا احمد
انا:الو
احمد:روحتي
انا:اها روحت توا
احمد:باهي شنجوك
انا:الحمدلله وانتي
احمد:مرايف عليك
انا:والله ماقدرت نحكي قدام عرب برانيه
احمد:عادي كلها كم يوم وتكوني ليا
انا:باهي توا نحكي معاك بعدين
احمد:باه باي
سكرت رنت عليا مريم
انا:الو وينكم جيت حوش مش قعدين
مريم:قعدين في مستشفي
انا:كنكم
مريم:عبير جابت
انا:الحمدلله شن جابت
مريم:وليد
انا:باهي انتو مروحين
مريم:شوي وطالعين اها
انا:باهي
سكرتغيرت دبشي و خشيت حمام وبعدها طلعت رنيت ع احمد
احمد:الو
انا:نهدرز معاك شوي ونبي نسكر
احمد:عليش
انا:عبير اختي جابت وهلي جايين في طريق
احمد:قصدك قاعده في حوش بروحك
انا:اها توا كيف جيت لقيتهم مش قعدين
احمد:باهي شن جابت اختك
انا:عيل
احمد:لعقبالكم
انا:انشاءلله احمد باب انفتح نشوفهم ونحكو بعدين
احمد:تمام
الكاتب:Arhima Alagory
سكرت من احمد ومشيت لهلي
انا:انستونا
امي:انتي انستي
انا:كيف حالكم
امي:الحمدلله شنجو العرس
انا:اكويس شن حال عبير
مريم:تمام وعيل عسل بكل
انا:شن يبو يسموه
مريم:معتز
انا:الله يرحمه
امي:نتعبوك حطيلنا حاجه نكلوها
انا:حاضر
مريم:توا نجي نساعدك
انا:لا ريحي روحك
خشيت مطبخ وبديت اندير في عشاء خفيف
باتي:يا حميده
امي:نعم
باتي:وين العشاء
امي:توا كيف جينا وقاعده ملاك ادير فيه
باتي:وين ملاك كانها ما تجي تسلم عليا وقعد يهزب غايبه لها كم يوم توا حتي خير ما تقولها
انا:كنت في مطبخ ما سمعتش بكل
امي:انت توا كيف خشيت وهي اديرلنا في عشاء
باتي:صبي معاها حتي انتي وخربيها اكثر ما انها خاربه
امي:مش نخرب فيها بس بنت ما دارت شي
باتي:باه
قمعز باتي وانا درت العشاء وحطيته وجيتهم
انا:خير يا باتي ومديت يدي
باتي:دف يدي بقوة توا خطرلك تسلمي
انا:توا كيف شفتك كنت اندير في عشاء
باتي:امشي من قدام واجي
انا:باه
مشيت وخشيت داري باب دق
انا:مارديتش
فتحت باب وخشت لقيتها مريم
مريم:ماتبيش تاكلي
انا:لا ماعندش نيه
مريم:تعالي قعمزي معانا
انا:وراس مريم فكيني توا نقاعد غادي غير انتنكد وخلاص
مريم:انا جعانه باهي
انا:ههه امشي كولي وتوا نجيك نغسلو مواعين
مريم:باه
انا قعدت نقلب في تلفزيون بعدها معاش شفت شي
نضت ع صوت مريم
مريم:ملوكه نوضي ارقدي اكويس
انا:كليتي
مريم:وغسلت حتي مواعين
انا:باهي خلينا نهدرزو
مريم:بلكي تبي ترقدي
انا:لا مزال
مريم:باهي احكيلي ع عرس
انا:خطرتي عليا مش عارف شن صار فيها حنان واللهي تقطع القلب
مريم:شكلها تحب معتز واجد
انا:تموت فيه بس بختهم
مريم:جانا معتز جديد يهبل
انا:حتي لو الف معتز جديد ما يقعدوش كيف لي غاب
مريم:سكتت
انا:خطرها وين اميرة
مريم:في مستشفي
الكاتب:Arhima Alagory
في المستشفي
عبير:تعالي يا اميرة صبيني نمشي حمام
اميرة:باه
صبتها وشالتها حمام وردت اميرة دار
اميرة:نجكليا عزو صغير تهبل
خش دكتور
دكتور:سلام عليكم
اميرة:عليك سلام
دكتور:وين ام العيل
اميرة:تفضل
دكتور:لا بس بكرا نديرلها خروج
اميرة:تمام شكرا
دكتور:ولو انتي من تكونيلها
اميرة:انا اختها
دكتور:اها بس شايفك انا من قبل
اميرة:مش عارفه مش متذكره انا
دكتور:كان صدقني ربي شايفك عند
عبير:اميرة يا اميرة
اميرة:هي جيتك
مشيت اميرة لعبير
عبير:وين رحتي
اميرة:مشيت لدار قعدت مع معتز
عبير:اها
خشت عبير واميرة للدار ودكتور مش قاعد
اميرة:طلعت للممر ادور في دكتور
عندنا نحنا
مريم:خلاص انا نبي نمشي نرقد ولا شن رايك ترقدي معايا
انا:واللهي
مريم:لا واللهي لا شي هي تعالي بس
انا:باه طفيت تلفزيون وخذيت تلفوني ومشيت مع مريم لدار بنات
مريم:ارقدي ع اي سرير تبيه
انا:باه
مريم:اكيده تحكي مع احمد
انا:بجو مش ديمه
مريم:غريبه
انا:اها هكي طبعي بعدين حتي حب ولا حاجة ما حسيت بشي اتجاه بس لي نعرف ان يكون راجلي ويستر عليا
مريم:ههههههه عطك الخير
انا:والله هذا حدها بس
مريم:ربي يهنيك والله انتي تستاهلي كل خير
انا:تسلميلي
قعدت مريم تهدرز مع خالد وانا رنيت ع احمد
احمد:ايوه
انا:شنجوك توا اسفه طولت
احمد:لا عادي الحمدلله انتي شن اخبارك
انا:الحمدلله
احمد:شن تحكيلي
انا:انت احكي
احمد:باه
بدا احمد يحكي وقعدنا نهدرز نين رقدنا
عند اميرة
طلعت ادور ع دكتور وتبي تعرف دكتور هذا من طلعت برا اميرة
دكتور:شن اديري هنا يا ابلة
اميرة:فجعتني
دكتور:كانك قاعده عند اختك راه ما فجعتكش
اميرة:نبي نطلع نشم شوي هواء
دكتور:اها باهي خلينا نقاعدو هنا
اميرة:نعم
دكتور:نقعمزو هنا كنك خايفه ولا خشي لاختك
اميرة:لا عادي
دكتور:شنجو
اميرة:اكويسه قولي وين شيفني
دكتور:مزلتي متذكرة سوال
اميرة:اها شن رايك
دكتور:شايفك في كلية اقتصاد
اميرة:اها ممكن
دكتور:وكان تبي صراحه عجبتني
اميرة:ابتسمت تسلم
عبير:شافت روشن لقتها اميرة مع دكتور رنت عليها
اميرة:ايوه
عبير:وينك تعالي نبيك
اميرة:باهي توا نجي
عبير:توا
اميرة:باه
وسكرت
اميرة:نستاذن انا
دكتور:وين
اميرة:اختي تبيني
دكتور:باهي هيتي تلفونك شوي
اميرة:عليش
دكتور:هيتي بس
اميرة:تفضل
دكتور:كتب رقمه هذا رقمي وياريت تخلينا نحكو
اميرة:انشاءلله اوكي
ركبت اميرة عند عبير
اميرة:كنك
عبير:انتي لي كنك نهبلتي ولا كيف والله يعلمها عادل ديرين سريب للدكتور يقتلني
اميرة:اين دكتور
عبير:فكيني من استعباط شفتك من روشن
اميرة:باهي خلاصة
عبير:فكينا من مشاكل و الوجيج
اميرة:لا مشاكل لا شي
عبير:توا بعد اطيح بيك دنيا تعرفيها
اميرة:باه
طبعا اميرة هذا جوها كل مره مع واحد وهكي حتي ايام كانت تحكي مع ناصر صاح تحبه بس تحكي مع كم واحد اخره
الكاتب:Arhima Alagory
ثاني يوم عندنا في الحوش
امي:يا بنات نوضن هيا
انا:باهي يا امي شوي بس
امي:لالا مافيش شويه صبي خلاص
مريم:مزال بدري
امي:مش بدري توا تجي عبير وانتن رقدات
مريم:شن تبينا انديرو
امي:نبيكن تاخذو سرير تحطو لها في دار الاخره بيش عرب تجي تبارك تقاعد معاهم وتلمن حوش هي
انا:صبيت انا
مريم:عليك قصه
امي:باهي يا مريم باه
مريم:واللهي يا امي نعسانة
امي:مش منك من خالد لعند صبح
انا:هههههه
امي:اضحكي اضحكي حتي انتي هابا عليك
انا:واللهي ما نقاعد لصبح
امي:هي باهي تعالي
انا:نخش حمام بس
خشيت حمام حشاكم وطلعت
ومشيت مع امي قعدنا نفرشو في دار وجتنا مريم وتمت تساعد فينا وامي بدت تحن عليا وماعملتها مش كيف قبل بذات بعد انخطبت وكملنا تفريش ولمينا الحوش وبعدها بدينا في غداء انا ومريم وامي معانا في مطبخ
سمعنا سيارة تبيب
امي:هذي اكيد عبير جت
مريم:نمشي نفتح
امي:توا نفتح انا
مريم:تريحي بس
طلعت مريم تفتح لقتها اميرة
مريم:من جابك
اميرة:مع خالد وبنات
مريم:وينهم
اميرة:توا ينزلو وانتي خايفه عليه
مريم:بارده خشي وانتي ساكته
اميرة:خشت تزغرت
امي:وين عبير
اميرة:جايبها عادل ومعاها عمتي في طريق
امي:اها
اميرة:اوو ملاك روحتي
انا:اها
اميرة:باهي عرفتي حوشك
انا:استغفر الله
اميرة:كنك تستغفري
انا:اميرة جوي كان تمام بعد جيتي انتي نكدتي عليا
اميرة:نكد من يوم جيتك ع دنيا
انا:يجي يوم وتندمي ع هذا كله يا اميرة
اميرة:هههه ضحكتيني
امي:خلاص انتي وياها
شوي خشت عمتي تزغرت
انا:جيت نسلم ع عبير
عبير:جبتلك عزو
انا:مسكته وقعدت نبكي وبسته ربي يحفظه ويطلع كيف خاله
عبير:انشاءلله
عمتي:خلاص عاد خلينا نخشو وبلا بكاء
خشينا للدار وبعدها حطينا الغداء وقعدنا نتغدو بعد الغداء جونا العرب يباركو وهكي ودرنا عصيده في عشيه
في ليل روحت عمتي وبنات وقعدنا نهدرزو
اميرة:مزال عرسك يا ملاك
انا:لا مش واجد
اميرة:الحمدلله توسعي علينا
انا:يعني حوش مضيقته عليك انا
اميرة:اها
مريم:اميرة كنك انتي
عبير:سكري فمك يا اميرة
انا:خلوها تحكي بس ياريت تقولي سبب ليش تعاملي فيا هكي
اميرة:والله كلام هذا مش مني من باتي وامي وانتي صغيره واول ما جيتي هلي مش طايقينك وامي كانت تقول لو خاطره عليا راه سقطتها وباتي لعند توا مش راضي عليك وتبي سبب حتي خواتك هذين قدامك شفتيهن لما يقرب عرسهن وقريب يبعدو عليك قعدو يقربو منك معتز وجتي بس فرحين بيك كانو
انا:نسمع ونبكي صبيت وخشيت داري وانا دمعتي ع خدي
مريم:وحق الله انتي وحده حقيره يا اميرة وجت ادق ع باب
مريم:افتحي يا ملاك ما تعدلش عليها كذابه تبي تقهرك بس يا ملاك ردي
الكاتب:Arhima Alagory
خذيت تلفوني ورنيت ع احمد
احمد:الو
انا:احمد
احمد:شن في كنك تبكي
انا:انت حوشك واتي صاح
احمد:اها كنك انتي
انا:نبي عرس يكون في اقرب وقت يا احمد معاش نقدر نتحمل
احمد:كنك احكي
انا:طلع العرس يا احمد
احمد:حاضر بس كنك انتي
انا:ما نقدرش نحكي توا
سكرت وقعدت نبكي احمد ع ما حكيت معاه ماعمرش حكيت ع معاملة هلي ليا وديمه نشكر فيهم بس خلاص لزام اندير حل
مريم:ملاك ردي تسمعي فيا
انا:اها نسمع خلوني في حالي
عبير:يا ملاك افتحي
انا:عبير خلوني في حالي ما نبي حد شكرا لكم كلكم بس خلوني بروحي خذيت ع وحده ارجوكم
مريم:خليها بروحها
انا قعدت نبكي عند رقدت واحمد يرن انا ما نردش عليه
ثاني يوم ما طلعتش من دار بعد العصر باب دق طلعت مريم تفتح لقتها عمتي سالمة ام احمد اكيد متذكرينها
مريم:تفضلي
سالمة:امك قاعده
مريم:اها قاعدة تفضلي
سالمة:يزيد فضلك
خشت سالمة ت عبير وبركتلها وكلهم يحسبوها جايه تبارك لعبير جت امي سلمت عليها
امي:كيف حالكم
سالمة:الحمدلله وانتو شن اخباركم
امي:الحمدلله
سالمة:وين عروسنا
امي:في دارها توا اتجي امشي كلميها يا مريم
جتني مريم
مريم: يا ملاك افتحي عمتك جت وتبي تسلم عليك
انا:باهي توا نجي
مريم:بسرعه
انا:باه
عند امي وسالمة في دار
سالمة:انا بصدقة جايه ع موضوع امس جاني احمد في ليل وقالي بكرا تمشي لعيت عمي تقوليلهم عرس اسبوع جاي
امي:كيف بس نحنا مش متفقين
هكي
سالمة:قلتها له بس هو مسكر راسه قال ما نبي منهم شي غير يوتوها وحتي صاله امس حصل وحده متاع ولد خال صاحبه وحجز
امي:بس كيف بسرعة هذي
سالمة:الله غالب انتو واتيين ولالا
امي:واتيين بس عندنا مناسبة توا
سالمة:ما تاثرش
امي:انشاءلله
عندي انا لبست وطلعت
مريم:هي انتي وين ماشيه
انا:كنك
مريم:معقوله هذا منظر تعالي بس شوفي اعيونك كيف متورمات من بكاء
انا:باهي شن تبي اديري
مريم:نغطيهن بشوي مكياج
انا:هههه تغطيهن
مريم:ربي مايحرمنا من ضحكه هذي
انا:انشاءلله
المهم كملت لبستي وطلعت نسلم ع عمتي
انا:سلام عليكم
سالمة:عليك سلام
انا:كيف حالك
سالمة:الحمدلله وانتي كيف حالك في شي مضايقك
انا:لالا ابدا الحمدلله
سالمة:باهي الحمدلله
قعدت تهدرز عمتي بعدها جت تبي تروح
سالمة:ملاك يبي يشوفك احمد
انا:باه شوي بس نلبس وشاح
الكاتب:Arhima Alagory
لبست وشاحي وخشيت ع احمد في مربوعة وحدنا
احمد:كنك امس
انا:مافي شي ما تشغلش بالك
احمد:كيف هذي انتي مراتي راه
انا:عارفه بس خطر عليا معتز وكل ما نقعد في حوش نذكره كل ليل نبكي رايفت عليه نبي نتريح افهمني يا احمد قعدت نبكي
احمد:حضاني اسكتي خلاص توا حجزت في صاله اسبوع جاي العرس بعد يومين توا نقرا فاتحه
انا:حسيت ان في امان اول مره يحضني شخص غير معتز ربي يخليك ليا
احمد:مسحلي دموعي معش تبكي شينه انتي وتبكي
انا:انشاءلله
طلع احمد وامه وانا خشيت
امي:كانه احمد
انا:شي
امي:عارفه امه عليش جايه
انا اها عارفه
امي:يعني هذين رايتك
انا:اها
امي:لا انتي ادلعي واجد
مريم:امي
امي:اسكتي انتي قوليلي من قالك كلمي وغيري موعد العرس
انا:اسالي بنتك اميرة توا تجوبك
خشيت دار وسكرت باب لقيت تلفوني يرن لقيت رقم
انا:الو
حنان:حبي
انا:حنان وبديت نبكي طول
اكيد تقولو عليش كل حاجه نبكي من نفسيتي تعبانة بعد تقاعد نفسيتك صفر حتي نكته تبكيك
حنان:كنك تبكي يا روحي
انا:شي خليك مني انتي شن جوك
حنان:اكويسه بس توا لا احكيلي
انا:شي غير عرسي اسبوع جاي
حنان:بسرعه هذي
انا:اها غرت منك
حنان:حي مانحكيلك ع ليلة امس
انا:شن صار انا نبي نرن عليك لهيت لان عبير جابت عيل وسماته معتز
حنان:شن سماته
انا:معتز
حنان:الله يرحمك يا حبيبي
انا:خلاص احكيلي شن صار
حنان:عليك لي سكنتي انتي ماصار شي
انا:خسارة كنتي ما دسي عليا في شي توا بديتي ادسي
حنان:وراسك ما صار شي غير تعركنا امس
انا:ههههه طول
حنان:مني انا خشيت نبكي وكل انتي عارفه سبب هو من حقه غار من معتز غير دبشه ولقاني مزلت نبكي خذا مخدة ورقد في صاله امبدري ترضينا وجونا تمام وهذا رقمه ونقالي قفلته
انا:طيح سعدك يا هبله مش هكي
حنان:مش مستوعبه لي صار يا ملاك
انا:خلاص عيشي واقع
حنان:انشاءلله توا نجي في عرسك
انا:غصبان عنك
وسكرت بعدها رن عليا احمد قعدنا نهدرزو وجو تمام رقدت
عند اميرة رنت ع دكتور
اميرة:الو
دكتور:ايوه من معايا
اميرة:ماعرفتنش
دكتور:لا والله
اميرة:حتي بصوت هكي
دكتور:تبي تقولي من ولا نسكر
اميرة:غير كنك عصبي ع تلفون انا اميرة
دكتور:اها اميرة شنجو
اميرة:تمام مش عيب عليك ماتعرفنش
دكتور:قبل قلت بنت تلعب
اميرة:لالا مانحبش لعب انا
دكتور:حتي انا نحب جد
قعدو يهدرزو مع بعضهم ويتعرفو اكثر
الكاتب:Arhima Alagory
مرت الايام جا يوم فاتحه وجتنا عمتي وبنات وبس قرو الفاتحه وقعدت انا مرات احمد خلاص مرت الايام ونحنا جو عرس بس بسيط يعني مش ناس واجده وانا نص فرحان ونص زعلان لان مرايفه ع معتز وجتي كنت متمنيه يكونو معايا في يوم هذا بس ربي كتب هكي
جاء يوم عرسي
انا:نضت جيت معتز صغير عطيته بوسه
عبير:سامحيني
انا:عليش انتي سامحيني
عبير:ياريت نقدر نصبي معاك في عرسك
انا:لا عادي عرسي ماملي غايب عليه
عبير:ربي يهنيك
انا:انشاءلله
مريم:مطوله هنا
انا:كنك مستعجله
مروه:شيلنا خالد يا ابله هذا عليش مستعجله
عبير:ههههه خلوها في حالها
انا:مش شورها بكل
مريم:هي قدامي باهي
انا:هي شوي
طلعت مشيت دار معتز خشيتلها وتميت نحكي بروحي مزلت حي في قلبي يا معتز تمنيت انت لي تشيلني بس هذي دنيا ومش كل من تمنى حصل ?
عمتي:هي يا حنه وقت
طلعت لقيت امي
انا:سامحيني كان قصرت في حاجه وكان عليا انا امسامحتك انتي وباتي
اميرة:تبحت فيا مربوحه طولي الغيبة
طلعت وماعدلتش عليها بس تحسبت في سري ركبت سيارة
خالد:مبروك يا كوكه
انا:لعقبالك
صفاء:حي ع كوكه
خالد:مش عاجبتك بنت خالتي وندلع فيها
مروه:تسمعي يا مريم
مريم:نسمع احسابه بعدين
خالد:انبصر راه
نحنا:هههههه
وصلنا للكوافيرة خشينا كلنا وبدت اديرلهم وانا خلتني اخر وحده شوي باب انفتح خشت حنان
انا:حظنتها
حنان:انشاءلله الف مبروك يارب
انا:انشاءلله
وسلمت حنان ع بنات وبعدها كوافيرة بدت فيا انا وجا خالد خذا مروه وصفاء شالهن للصاله وانا وحنان ومريم قعدنا نين انا وتيت رنت مريم ع خالد قاللها قاعد
مريم:حنان شوفي راجلك وين
حنان:اكيده برا رنت عليه قاللها قاعد برا
طلعنا انا ومريم مع خالد وحنان مع راجلها
خالد:تهبلي طالعه يا عيوني
انا:احم احم
مريم:عادي عادي اسمعي واسكتي
انا:مش قدامي هكي عاد تحشمو شوي
مريم:خلاص معانا بنت صغيرة
خالد:باهي شن رايك بكرا فرحنا
مريم:مازال بدري علينا
خالد:من عمرك
انا:مازال بعيد
خالد:لا وصلنا قريب
انا:باه
مريم:مستعجله
انا:لا والله بس بديت نتوتر
مريم:تعوذي من شيطان واقري معوذات
الكاتب:Arhima Alagory
وصلنا للصاله نزلت حنان قدامنا بعدها نزلت مريم وقعدت ع دروج صاله وجا خالد فتح باب ونزلني
بعدها مسكتني حنان ومريم وخشيت قعدو صبايا يزغرتن
عمتي:اشربي امياه راقية
انا:بسم لله وشربت
قعدت عمتي تبخ في بمياة وخشيت بعدها وناس تبحت وانا نمشي وكل خطوة نخطيها نزيد في توتر وخوف نين وصلت مسرح ركبت وقعدت ونشوف في ناس قدامي بس نقصين ياريت جتي قاعده تزغرت وتصفق ياريت معتز هو لي نزلني وخششني للصاله ياريت بس ما تنفعش كلمة ياريت دمعتي نزلت مسحتها ليا حنان
حنان اختي ولدتها ليا دنيا خير من اي حد طبست وهمستلي
حنان:انسي الماضي وعيشي الحاضر كان تقدري
انا:صعب
حنان:عرفتي عليش كنت نبكي يوم عرسي من صعب تنسى شخص مافيش حد يعوض مكانه
انا:صاح
عمتي:خلاص عاد اضحكي غيري جوك
انا:باهي
عمتي:حنان قوليله نكته ولا حاجه
حنان:ههه ماعليك فيها
قعدت نهدرز مع حنان وبعدها جت صفاء وكرتها تمت حنان ترقص وبنات وانا نتفرج عليهن واميرة قاعده وكانها ضيفة
بعدها قالو العريس جاء هنا زادت دقات قلبي وبديت نتوتر اكثر شوي خاش احمد كان طالع شخصيه جا قعد جنبي
احمد:نورتي حياتي
انا:تسلم
احمد:كنك متحشمه
انا:لا عادي
احمد:واضحه في اعيونك
انا:ما تعدلش توا ننطلق
احمد:باه
جت مصوره قعدت تصور فينا بعدها بنات صورن
صفاء:وين اميرة
مروه:قالت توا تجي ماشيه حمام (حشاكم)
بعد كملنا تصوير
احمد:هي نطلعو
انا:لي تشوفه
عمتي:خلاص اربحو يا بنتي ربي يهنيكم
انا:هي
خذاني احمد وطلعنا
وناس تزغرت وانا دمعتي نزلت صاح هلي ظلميني بس وجعتني روحي امي تفرج من بعيد وشفتها تبكي بس بعد شفتني برمت وجها
عمتي:ردبالك منها يا احمد امانه عندك احفظها وصونها
احمد:انشاءلله
انا:وقفت وتميت نبحت في امي وين
احمد:كنك
انا:شوي بس
امي جتني وحضنتني
امي:تبكي سامحيني يا ملوكه ظلمتك واجد بس كل هبال مني
انا:مسامحتك يا ماما
امي:ربي يربحك ويهنيك ردبالك منها يا احمد
احمد:انشاءلله
خذاني احمد وطلعت ركبت في سيارة حسيت بفرحه بعد امي حضنتني وانا نبحت امي بعدها طلعنا لحوشي انا واحمد
في صاله بدات ناس تروح واحد واحد نين قعدو هلي بس
عندنا انا واحمد وصلنا حوش
احمد:فتحلي باب سيارة هي تفضلي
انا:يزيد فضلك
احمد:قمر ربي يهنيني فيك
انا:ويهنيني فيك
فتح باب حوش
احمد:سمي لله وخشي بكراعك اليمين
انا:بسم الله وخشيت
احمد:نورتي الحوش وسكر باب
عند هلي روحو كلهم للحوش
مريم:وين اميرة
امي:كيف وين اميرة مش قاعده في دارها
مروه:لا مش قاعده
امي:عبير اميرة جت
عبير:وين جت اميرة معاكم ماروحتش
مروه:راه تقد صيرتلها حاجه في حمامات لان اخر مره شفتها قالت تبي حمام
عمتي:لالا انا خشيت حمامات قبل لا نطلعو مش قاعده
امي:رنو عليها
مريم:قاعده نرن عليها مقفل
امي:بنت وين عدت…..
.
.
.
.
.
#يتبع
تحياتي Arhima Alagory