رواية يتيمة مع والديها
#قصة_من_الخيال
#الحلقة_الخامسة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
بعدها نزلت لقيت جتي في فراشها مشيت حطيت تورتة في ثلاجة ومشيت لجتي
جتي:وين كنتي
انا:كنت عند جراتنا ودموعي نزلن قلت نشيللهن تورتة نجاحي وبلكي يحنن عليا شوية ويذكرن انهن اختهن
جتي:مافيهنش خير هذين
انا:ليش هكي جتي نبي نسالك سوال قبل نسال لكي هضك اليوم ضي انقطع
جتي:شنو
انا:شن سبب لي خاله خواتي يكرهني هكي
جتي:سبب ان خواتك يغارن منك لان اول ما جيتي انتي وانا مكبده عليك ومعش عدلت عليهن وبعدها معتز يقاعد مدلعك ومعاك وهن ينقهرن اكثر
انا:بس انا ديمة نحاول نتقرب منهن بس هن يبعدن عليا ويكرهني
جتي:الله غالب حتي انتي تجهليهن ومعش تعدلي عليهن
انا:انشاءللهالكاتب:Arhima Alagory
شوي خش علينا معتز
معتز:سلام عليكم
نحنا:عليك سلام
معتز:شن لمة سمحه هذي
انا:تعال شركنا
جتي:يا معتز امتي تفرحنا بيك
معتز:والله مزال يا جتي
انا:عليش مزال عروس و واتيه
معتز:بس زواج يبي عروس نبي نحطها في شارع
جتي:وابدا ابني حرك روحك
معتز:حاضر انشاءلله
قعدنا نهدرزو بعدها كل واحد خش ورقد
ثاني يوم نضت لقيت جتي ادير في الغداء
انا:صباح النور
جتي:صباح الورد
انا:شن اديري
جتي:ندير في الغداء
انا:عارفه شن الغداء
جتي:شن تبي انتي
انا:اي شي منك سمح
جتي:خلاص خليه مفاجئة
انا:باه
جتي:توا اطلعي من مطبخ
انا:عليش تلزي فيا نبي نساعدك
جتي:لالا مفاجئة قتلك
انا:باه
طلعت ومشيت لدار ع تلفزيون شوي رن تلفوني لقيته حنان
انا:ايواه
حنان:غلاي ريفت عليك
انا:انا ملاك مش معتز
حنان:عرفتك يا بارده
انا:شن تبي
حنان:هضا رد تردي ع صاحبتك
انا:اسفه بس شغلتيني رنيتي في صباح
حنان:حالمه بيك عندك مانع
انا:ابدا
حنان:خلاص انا رنيت نبيك تجيني اليوم
انا:ضروري
حنان:يعني
انا:فوتي معنها
حنان:يا همي تعالي نرجا فيك راه
انا:انشاءلله توا نشوف يا ربي معتز ما حتي قال لا
حنان:عرفته حبي نا
انا:احترمي نفسك يا بنت
حنان:ههههه خلاص نتلاقو
الكاتب:Arhima Alagory
سكرت منها ومشيت ندور شن نلبس سمعت معتز جا طلعتله
انا:معتز نبي منك خدمة
معتز:شنو
انا:نبي نمشي لحنان
معتز:امتي
انا بعدين ماتقولش لا
معتز:باهي هو نقدر نقولك لا
انا:نجكليا اممم شن بنه سمحه هذي
جتي:تعالو تغدو
خشيت مطبخ لقيت حوت ع طاوله
انا:نقول بنه هذي وين
جتي:شن رايك في مفاجئة
انا:تهبل
جتي:من معتز هو لي جابه
انا:وانتي شن كنتي اديري
جتي:قبل نبي اندير بس بعدها معتز رن عليا
انا:عزو واللهي مش عارفه كيف نشكرك
معتز:مش بينتنا يا هبلة
انا:باه
وبدينا ناكلو وبعد كملت صبيت لميت كل حاجه خش عليا معتز
معتز:بعد العصر وتي روحك
انا:حاضر تلقاني نرجا فيك
معتز:تمام
طلع معتز وانا خشيت داري
بعد العصر كنت لبساه و واتيه خش علينا معتز لقاني واتيه
معتز:ماشاءالله مستعده
انا:اكيده
معتز:هي
انا:باه
طلعنا شوي معتز مدلي مفتاح سياره
انا:شنو
معتز:هي اركبي سوقي
انا:معتز والله تفكني
معتز:لالا هذي اخر حصه في قيادة لكي
انا:مش نسوق خلاص
معتز:توا نبيك تمشي وانا ساكت بيش انتاكد
انا:باه
ركبت ولعت سيارة وقلت بسم الله وطلعت
معتز:ايواه شاطرة
انا:اشطر منك
معتز:باهي متعيها
انا:مش هبله كيفك
مشينا عند حوش حنان ونزلت
معتز:هكي اطمنت عليك جديات
انا:كنت مش مطمن
معتز:لا بس هكي تاكدت لانك سقتي مسافه بعيدة بدون ما نوريك
انا:خلاص توا امشي
معتز:لالا نبي نرجها تفتحلك
انا:معتز خلاص عاد
معتز:اوكي
انا دقيت ع باب فتحتلي حنان وخشيت
حنان:نورتي
انا:نور نورك
حنان:هي خشي
خشينا وقعدنا نهدرزو
عند معتز مشا لمحمد
معتز:غالي
محمد:اوي هي انزل
معتز:لالا نبيك تمشي معايا
محمد:وين
معتز:غير هي اركب
محمد:اهو ركبت وين
معتز:نمشو لسوق سيارة
محمد:وباه
عندي انا وحنان
انا:انشاءلله جايه ثانيه نجوك نخطبوك
حنان:انشاءلله يارب
الكاتب:Arhima Alagory
قعدنا نهدرز عند بعد المغرب رنيت ع معتز قتله تعال جاني ورن عليا
انا:الو
معتز:هي برا انا
انا:هي
حنان:ارجي دقيقة نلبس وشاح ونبي نطلع معاك
انا:حنان فكينا
حنان:ماتخافش
انا:باه بسرعه
طلعنا وحنان تلاقت مع معتز وخشت ونحنا روحنا للحوش معتز حطني في الحوش وركب فوق هو
جتي:شن جو صاحبتك
انا:تمام تسلم عليك
جتي:سلمك وسلمها
انا:توا نجي وندير عشاء
جتي:باه
عند معتز
معتز:يا امي نبيك في موضوع
امي:شنو
معتز: تعالي في دار
امي:باه انشاءلله خير شغلتني
معتز:نبي نخطب
امي:الحمدلله ياربي ومن العروس
معتز: حنان صاحبته ملاك
امي:ملاك
معتز:اها كنك
امي:لا شي توا نفكر نشوف باتك ونقولك
معتز:باه ع مهلك
طلع من دار ونزل علينا
معتز:انشاءلله غير ما تعشيتو
جتي:غير قول خير قبل
معتز:خير
جتي:تعال ملاك قاعد ادير فيه عشاء
انا:هي تعالو تعشو
معتز:هي
تعشينا وكيف كل مره معتز طلع وانا وجتي قعدنا في دار نهدرزو وبعدها رقدنا
الكاتب:Arhima Alagory
عند عيت هلي فوق
امي:امبدري جاني معتز وقالي نبي نخطب
مريم:باهي
امي:وقال يبي حنان صاحبته ملاك
اميرة:انا نقول عليش ملاك ديمه مع معتز
عبير:وبعد يخذها هذا وين قعد معتز ملكها
مريم:انتي شن قليتله
امي:قتله توا نشوف باتك ونفكرو
اميرة:قوليله شوف غيرها
امي:وكان ماوافقش
مريم:مش بجوه مشيتو ع جو واجد
امي:نحكي لباتكم ولالا
عبير:لالا باتي توا يوافق
امي خلاص توا بكرا نحكيله
ثاني يوم
معتز:صباح الخير
جتي:صباح الورد وين كنت
معتز:نضت بدري وطلعت وين ملاك
جتي:قاعده اطيب في نومها
معتز:مزالت توا نمشيلها
انا:راقده
معتز:يا انتي
انا:كنك
معتز:صبي هي
انا:شن تبي خليني راقده
معتز:قتلك تعالي هي
انا:اوف يا معتز
معتز:هي بلا طولت لسان
انا:باه نخش حمام ونفطر
معتز:تعالي انا موتيلك فطور سمح
انا:باهي شنو
معتز:اطلعي معايا وطلع ومسكني من يدي وخذني في سور شوفي
انا:شنو هذي
معتز:سيارتك هذي هديتك
انا:شنو
معتز:سيارتك كنك انطرشتي
انا:بس هكي واجد
معتز:مش عليك تعالي شوفيها
انا:باه
فتحها وركبت تفرجت عليها
معتز:امشي البسي وافطري وهي بيش تشيلني عند سيارتي
انا:توا
معتز:اها توا بسرعه
انا:باه
خشيت فطرت
انا:ماشيه جتي توا نجي
جتي:وين
انا:معتز شرالي سيارة
جتي:وين
انا:تعالي برا
طلعت جتي شفتها وعجبتها
معتز:بسرعه يا ملاك
انا:باه
الكاتب:Arhima Alagory
ركبت انا ومعتز وشلت عند سيارة وروحت انا درست سيارة ونشوف باتي درس جنبي
انا:خير يا باتي
باتي:خير من وين سيارة يا ابلة
انا:شراها ليا معتز
باتي:ومن قالك سوقي
انا:سكتت
باتي:من باتك معتز ولا انا
انا:دمعتي نزلت انت باتي
باتي:هيتي مفتاح
انا:باهي
باتي:هيتي المفتاح وفكيني من طروح وكذب وخشي جو معش في طلعه من حوش
انا:نبي نمدله مفتاح
يدرس معتز وينزل
معتز:كنك تبكي
انا:ساكته
باتي:لما تقاعد بنتك يا افندي دير لي يعجبك وبنت ما تخربهش
معتز:ما مربتهش انا بس هيا جايتها جامعة وتبي من يشيلها وانت ما تشيلش فيها ولا تجيبلها في حاجه وانا مش قاعدلها ديمه
انا:خلاص يا معتز امسك مفتاح ومعش نبي شي انا وخشيت نبكي
معتز:لحقني
جتي:كنك شن في
مارديتش عليها
معتز:ملاك اسمعيني
جتي:كنها ملاك
باتي لحقنا جو
باتي:نلقاها برا الحوش مره ثانيه نقتلها قتل
معتز:طلعت معايا انا وانا لي طلعتها
وتعرك باتي ومعتز
جتي:عندها سكر طاحت داخت
انا:قعدت نعيط حي عليا يا جتي ما تخلينش معتز تعال شوفها
جا معتز يجري وخذها في سياره ومشينا للمستشفي خششوها للعناية
انا:نبكي ياربي الا جتي
شوي باتي جا
معتز:خذاني بعيد منه
طلع دكتور
معتز:شن صار يا دكتور
دكتور:الحمدلله وضعها اكويس بس معاش تحمل زعل لانها كبيره والحمدلله ربي ستر المره هذي وانشاءلله لاباس عليها
معتز:شكرا يا دكتور
انا:شن قال يا معتز
معتز:الحمدلله قال اكويسه هي تروحي انتي
انا:لالا ما نسيبهش وراس معتز خليني
معتز:تمام اقعدي
قعدت في مستشفي ومعتز معايا شوي طلعت جتي من عناية
جتي:ملاك وين ملاك
معتز:ملاك جتي تبيك
انا:نعم ياامي
جتي:نحسابك روحتي
انا:لالا انا معاك
جتي:معتز
معتز:نعم
جتي:ردبالك منها يا معتز اختك ماعندهش غيرك
معتز:ما تخافش جتي ريحي روحك توا بس
خشت ممرضه
ممرضه:معلش خلوها تريح
معتز:تمام هي يا ملاك
انا:باه
طلعنا من دار
معتز:هي تروحي
انا:لالا
معتز:امتي تروحي
انا:مش عارفه بس خليني
معتز:براحتك
ثاني يوم
كنت نشوف في جتي شوي ناضت
انا:صباح الخير
جتي:مزلتي قاعدة
انا:ماقتلك مش ح نسيبك
معتز:ماشاءالله لا حالك اكويس
جتي:الحمدلله
معتز: هي نشطي روحك نبيك تمشي تخطبيلي
جتي:لو مش في مستشفي راه زغرتت
معتز: توا نروحو وتزغرتي نين تبطلي
انا وجتي: ههههه انشاءلله
شوي خشت امي وبنات
وسلمن ع جتي
امي:الحمدلله ع سلامتك يا عمتي
جتي:الله يسلمك
المهم قعدنا وبعدها جانا دكتور ودار جتي خروج وطلعنا قعدو يجونا عرب مرت الايام ونحنا نفس شي ما تغير شي
الكاتب:Arhima Alagory
عند عيت هلي
معتز:يا امي شن صار في موضوع الخطبة
امي:لالا طلعه من راسك
معتز:عليش
امي:بنت مش منسبتنا شوف غيرها
معتز:انا نبيها ولا انتو
امي:قتلك كلمة انا
معتز:انا نبي نخطبها تبي ولا ماتبش
وطلع ونسمع في يحكي في دروج حوش نكد لي لازم من كل خشه ادير عركه وينكدو عليك
انا:معتز كنك
معتز:مافي شي وين جتي
انا:قاعده جو
معتز:عندكم حد
انا:لالا
خش معتز لجتي
معتز:خير يا جتي
جتي:خير يا باتي
معتز:شن حالك
جتي:الحمدلله
معتز:بكرا وتي روحك انت وملاك نبي نمشي نخطب
انا:صاح الف مبروك
جتي:لولولولولي
معتز:خلاص قتلكم من توا
جتي:حتي نحنا واتين من توا
معتز:اوكي طلع ركب فوق
دق باب فتحتله اميرة
معتز:يا امي
امي:نعم
معتز:انا بكرا ماشي نخطب لو تبي تمشي معانا باهي ما تبش براحتك
وطلع لاصحابه
ثاني يوم
معتز ناض من صبح وجاب حاجات ناخذوهن معانا تورتة وهكي
انا:واللهي فرحتلكم فرحه مانقدرش نوصفها
جتي:معتز باتك عند علم
معتز:اها قلتها له
تغدينا وبعد الغداء قعدنا نلبسو وتينا اروحنا وبعد العصر
معتز:هي كان واتيات
انا:هي
جتي:شوف امك
معتز:توا نشوفها ونجي
ركب معتز
معتز:يا امي هي كان تبي تمشي
امي:لالا ما نبش
معتز:تمام براحتك
ونزل
انا:وين امي
معتز:فوتيها
جتي:كنها
معتز:ماتبش تمشي فوتوها
انا:عليش
معتز:خلاص عاد
مشينا للعرب
الكاتب:Arhima Alagory
عند عيت هلي
مريم:كنك مامشيتي معاه وخلاص
امي:خلي يتبع رايت ملاك
مريم:باتي شن قال
امي:باتك موافق لكن توا نوري عليها
وصلنا عند عيت حنان دقينا ع باب
فتحتلنا اخت حنان خشينت
جتي: سلام عليكم
ام حنان:عليك سلام حاجه تفضلي
انا:خير ياعمتي
ام حنان:خيرات ملوكة انستينا
انا:الله يانسك
جتي:كيف حالكم
ام حنان:الحمدلله وانتي كيف دايره صحتك
جتي: الحمدلله نحنا جايين نخطبو لمعتز ولد ولدي ونبوله حنان بنتك
ام حنان:نزيد شرف بس شور وكلام عند راجل نشوف شن يقول وساهل
خشت حنان بقوة
حنان:تفضلي عمتي مريم
جتي:ربي يكتبك من نصيبه
حنان:ابتسمت ومدتلي انا
انا:نعليا من سماحه انا
حنان:نجكليا انتي
عند عيت هلي
امي:شفت ولدك
باتي:كانه
شال امك وملاك وماشي يخطب وانا ما خذنش
باتي:توا لما يجي ندويله
امي:تدويله مفروض تلغي الخطبة بكل
باتي:كنك انتي عيل واحد وما صدقت نفرحو بيه
عندنا جانا معتز وخذنا
معتز:شن رايك يا جتي
جتي:ماشاءالله تبارك الله عليها
انا:انشاءلله مبروك يا غالي
معتز:انشاءلله و لعقبالك
روحنا للحوش وجو تمام بعد يومين رن فوني لقيته رقم
انا:الو
ام حنان:الو ملاك انا ام حنان
انا:خير كيف حالك
ام حنان:الحمدلله قتلك سلميلي ع جتك واجد وقوليلها ان نحنا موافقين وربي يهنيهم
انا:انشاءلله
ام حنان:مع سلامة
انا:اوكي
سكرت وقعدت نزغرت
جتي: كنك
انا:ام حنان توا تسلم عليك وقالت انها موافقه
جتي:تمت تزغرت
بعدها روح معتز
انا:معتز نمشي انا وياك ونجيبو دباله ومحبس لحنان
معتز:ردو عليكم
انا:ع اساس ما عندكش علم
معتز:والله لا
انا:اها ردت عليا امها امبدري وقالت انهم موافقين
معتز:تمام توا نمشو في العشية
انا:باه
تغدينا وبعد العصر طلعنا للمحالات وشرينا حاجات وهداية وروحنا للحوش ثاني يوم عطبنا موعد للجماعة ومشينا انا وامي وجتي ومريم درنا جو سمح بكل وروحنا وفرحه ع وجه معتز ويبي يطير منها
الكاتب:Arhima Alagory
في حوش
معتز:ربي يطولنا في عمرك يا جتي
جتي:انشاءلله نشوف عيالك وانتي ربي يفرحني بيك ردبالكم من بعضكم
معتز:حاضر يا جتي تبي حاجه
جتي:سلامتك
انا:نبي نرقد معاك
جتي:تعالي
انا:خشيت مع جتي سرير تميت نبكي
جتي:كنك
انا:خطرت عليا كل حاجه كيف امي وباتي يضربو فيا وكيف كنت نكرس معاك خطرت عليا لما كنت نجي نلعب مع بنات يلزوني ولما تشريلي لعبه يجيو يفكوها مني ويكسروها ليا خطرت عليا لما نقاعد خايفه تقوليلي تعالي ارقدي معايا جتي انتي امي تصدقي باتي وامي نبي نقوللهم بابا وماما كيف خواتي بس نحس فيها ثقيلة ع لساني مرات نحس روحي مش بنتهم وبنت ناس اخره
جتي:حضنتني انا معاك ومعش نبيك تبكي وعندك اخ خير من دنيا كلها
انا:ربي ما يحرمني منكم وقعدت في حضنها نين رقدت
ثاني يوم
نضت لقيت جتي مش قاعده خشيت حمام وطلعت مشيت مطبخ لقيت جتي طايحه قعدت نعيط
انا:يا معتز تعال ونبكي
جا معتز كان راقد ناض مفجوع خذينها وركبنها سيارة وطلعنا بيها مستشفي خششنها للدكتور
دكتور:اطلعو برا معلش
انا:لا ما نسيبهش
دكتور:لالا معلش خلينا نشوف شغلنا
خذاني معتز وانا نبكي
انا:حي عليا كان صارت فيها حاجه وين نمشي
معتز:انشاءلله خير
طلع دكتور
معتز:شنو يا دكتور
دكتور:….
.
.
.
.
.
#يتبع
منورين ناس لي تعلق والله احسن ناس وربي مايغيبكم Arhima Alagory