رواية يتيمة مع والديها

#يتيمة_مع_والديها
#قصة_من_الخيال
#الحلقة_السادسة_وعشرون
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
عندنا نحنا صفاء فتحت باب لقتاها عزوز ومعاها اثنين اخره اول مرة تشوفهم
عمتي:انستونا
العزوز:الله يسلمك
عمتي:كيف حالكم
العزوز:الحمدلله
عمتي:مرحبتين بيكم
العزوز:تسلمي يا خيتي انا جايه نخطب
عمتي:تخطبي
العزوز:توا خلينا من خطبه عرفتيني انا
عمتي:لا والله شيفتك واجد بس نسيتك
العزوز:انا ام زينب جارتك
عمتي:اذكرتك والله تسامحيني يا عمتي عائشة
عائشة:لا يا بنتي معذوره كلنا توا عقولنا وكلتها
عمتي:ايوه الله صدقتي
عائشة:جايه نبي نخطب بنت خوك لولد بنتي هيثم
عمتي:هيثم
عائشة:اها هيثم يبيها وشاريها وانا ما نوريكمش هيثم انتو تعرفوه اكثر مني
عمتي:لالا نتشرف بس زينب حد علمي ماتبش خطبه هذي بكل
عائشة:توا لي جاتك ودقت بابك وطلبت من
عمتي:انتي
عائشة:ولي نخطبوله من
عمتي:هيثم
عائشة:معنها زينب مش شورها بموضوع
عمتي:بس امه وبنت خويا مش ح تريح معاه
عائشة:من ناحيه هذي ما تخافيش بكل بنتكم في عيوني انا
عمتي:ان شاءلله خير
عائشة:ما تبش تورينا العروس
عمتي:هي دقيقة بس
عندي انا
انا:من باب
صفاء:مش عارفه وحده اول مره نشوفها
انا:تحكي جد
صفاء:وحق الله
انا:غريبه
قعدين نهدرزو خشت علينا عمتي
عمتي:صفاء امشي ديري قهوة وانتي يا ملاك غيري دبشك وتعالي جيبي القهوة
انا:عليش
عمتي:صبايا يبو يشفوك
انا:من هم
عمتي:توا تعرفيهم بعدين وطلعت
انا:من هذومه
صفاء:شكلهم يبو يخطبوك
انا:يخطبو عينهم
صفاء:توا استرينا مع العرب بعدين ساهل
انا:باهي

الكاتب:Arhima Alagory

مشيت لبست وجيت لصفاء خذيت القهوة وخشيت ع صبايا
انا:سلام عليكم
صبايا:عليك سلام
انا:تفضلي
عائشة:يزيد فضلك بسم الله ماشاءالله عليك ربي يحفظك من العين عند حق هيثم
انا:هيثم
عائشة:اها هيثم ولد بنتي
انا:وضيفتهم كلهم وطلعت
صفاء:كنك
انا:هذي جايه تخطبني لهيثم
صفاء:والله هيثم شكله مش يحبك بس
انا:سكري فمك
صفاء:عليك نكد
انا:بكل

عند عمتي وصبايا
عائشة:شن ردك علينا
عمتي:والله راي راي البنت وهلها
عائشة:باهي ياريت ما طولوش علينا
عمتي:انشاءلله
قعدو يهدرزو شوي بعدها طلعن صبايا لحوش عيت هيثم

عندي انا وصفاء
انا:شكلهن روحن
صفاء:تعالي نشوف
انا:خلينا هنا وخلاص
صفاء:خليك يا نكديه
انا:باه
عمتي:يا ملاك
انا:نعم
عمتي:تعالي يا بنيتي
انا:هي نعم
عمتي:يا بنيتي سمعتي عائشة شن قالت
انا:من عائشة
عمتي:العزوز لي توا
انا:اها سمعتها
عمتي:خلاص شن رايك
انا:والله يا عمتي شن نقولك انتي عارفه راي
عمتي:بس يا بنتي انتي تبي تقاعدي مراته بالحلال
انا:عارفه بس مانبش
عمتي:عليش
انا:نبي نربي عيالي وخلاص
عمتي:لعند امتها انتي مزلتي صغيره كنك هكي تبي تخربي ع روحك كنك هبله انتي والله ما تلقي كيف هيثم يحبك ويخاف عليك
انا:عارفه
عمتي:صلي الاستخارة وفكري
انا:ان شاءلله

عند هلي
باتي:تريحي يا اميرة
اميرة:انشاءلله
امي:درتو تحاليل
باتي:اها درتهن
امي:باهي ان شاءلله خير
باتي:ان شاءلله
اميرة:يا ماما
امي:نعم
اميرة:شن تبي اديري العشاء
امي:لالا تريحي انتي
اميرة:لالا توا نديره ليا ايام متريحه
امي:اسمعي الكلمه امشي تريحي بس
اميرة:باهي نساعدك
باتي:خليها تساعدك يا حميده
امي:باه

عند عيت هيثم
عائشة:قوليلي يا زينب عليش ما تبش البنت انا شفتها ماشاءالله تهبل عيون وشعر وبياضه وكل شي
زينب:بس عمرها اكبر منه ومطلقه
عائشة:وكان المهم هيثم متريح معاها
زينب:ليش ما ياخذ وحده اصغر منه
عائشة:شن يفرق العمر وبعدين من نادر تلقي بنت تريحك وتريح ولدك في وقت توا
زينب:توا نلقوها
عائشة:تبي تزوجي ولدك ع جوك يا زينب
زينب:اها
عائشة:باهي شن رايك ان هيثم يبي يدير لي في راسه ويزوجها
زينب:معنها معاش يخشلنا حوش
سميرة:عليش يا امي
زينب:خلي يعرف يختار قبل
سارة:بس يا امي هو حياته هو حر فيها
زينب:مليت منها هو حر فيها عيل قاعد داير فلوس ويطلع ويخش بجوه وين نحكي تقولو حياته وحر فيها
عائشة:انا نرجا في العرب ترد عليا

عندنا
مريم:من جاكم في العشية
صفاء:جونا خطاب
مريم:امشي بلا كذب
صفاء:وحق الله ما نكذب
مريم:من هم
صفاء:اهل هيثم
مريم:صاح يا ملاك
انا:اها جديات
مريم:شن قلتيلهم
انا:شن قلت مزلت نفكر
مريم:والله فرصه وما وتضيعيها بكل
انا:وراس امك اين فرصه ونقاعد مشاكل مع هله
صفاء:مالك وماله هله خليك في حوشك وهم في حوشهم صاح ولالا يا مريم
مريم:صاح حرام عليك الراجل ذل روحه واجد ع سباك يعني بعد دز ويبيك بالحلال شن في بعد هكي والله قليل كيف توا
انا:عارفه ومقدره لي داره ع شاني
صفاء:ارفعي الحظر واحكي معاه باهي
انا:مزال نفكر
مريم:شن تفكر انتي
انا:خلوني ع مهلي عاد
مريم:ع راحتك
انا:نستاذنكم
صفاء:مربوحه

عند هيثم
هيثم:وهذا جو
مروان:كيف صار العصفوره كلمتك
هيثم:لالا
مروان:وعليش فرحان
هيثم:حقي يا حبي
مروان:دومها يا سي
هيثم:سلمك
مروان:والله تقول يا راجل
هيثم:اليوم دزيت نخطب في ملاك
مروان:تحكي جد امك وافقت
هيثم:لالا بس دزيت جتي
مروان:وامك
هيثم:امي كنها امي بجوها ما تبش ع كيفها
مروان:امك يا راجل
هيثم:وانا ولدها
مروان:ان شاءلله خير
هيثم:ان شاءلله

الكاتب:Arhima Alagory

عندي انا رنيت ع حنان
انا:الو
حنان:ايوه
انا:شنجوك
حنان:الحمدلله
انا:شن اديري
حنان:شي قاعده عند هلي
انا:اها سلميلي عليهم
حنان:يوصل
انا:نبي نحكيلك موضوع توا بعدين نحكو
حنان:لالا احكي توا فكيني من جو روايات وتشويق
انا:مرات مش فاضيه
حنان:لا فاضيه
انا:اليوم هيثم دز هله يخطبو فيا
حنان:باهي واخيرا وافقو
انا:لالا دز ام امه تخطب
حنان:كيف معتز يعني
انا:تقريبا
حنان:وانتي شن رايك
انا:كلمت نسال فيك حايره انا نحبه ونبيه بس هله خايفه منهم
حنان:صلي استخاره وكان هذا ديري معاه مقابلة شرعية واحكيله لي عندك
انا:هكي قولتك
حنان:ان شاءلله انتي اليوم صلي استخارة وربي يكتبلك لي في الخير
انا:ان شاءلله خلاص حبيبتي سلميلي ع هلك
حنان:يوصل

سكرت منها ومشيت للبنات
مريم:اها امبدري قلتها ليا امي
صفاء:مريضه واجد
عمتي:والله تحس
انا:من
عمتي:اميرة
انا:كنها
عمتي:من مرضتها الاوله وهي مريضه
انا:شن عندها
عمتي:والله دارولها تحاليل وطلبو صوره مزال ما دروها
انا:انشاءلله خير
عمتي:ان شاءلله
المهم قعدنا نهدرزو نين جا اليل وكلهم خشو رقدو وانا وصفاء قعدنا نهدرزو
صفاء:نفكرو في الحب
انا:وانتي ليش ما درتي علاقه لعند توا بيش تفكري فيها وتفكيني من هرجتك
صفاء:شن قلتي علاقة لالا يا حنه انا مانبش نخش في سريب هذا ونكمل عمري نفكر
انا:صدقتي بس انا مش عارف كيف حبيته
صفاء:الحب عمى يا قلبي
انا:مش غير عمى

عند هيثم
هيثم:اسمع من بكرا ادوري ع حوش للبيع
مروان:عليش
هيثم:نبي نصور جنبه
مروان:هههه باه
هيثم:يكون حوش جديد وسمح
مروان:توا نشوفلك ونقولك
هيثم:تمام

الكاتب:Arhima Alagory

عندنا
صفاء رقدت وانا صبيت توضيت وصليت صلاة استخارة ودعيت ربي ان كان هيثم في خير ليا يقرب مني وكان في شر يبعد ومشيت تغطيت ورقدت وبعد رقدت حلمت ان قاعده في حوش بروحي شوي طلعت من روشن شفت معتز
انا:يا معتز معتز
معتز:بحت فيا وسيبني
انا:معتز رد عليا
معتز:نعم يا ملاك
انا:ما تسيبنش يا معتز ما تخلينش بروحي
معتز:ما تخافيش
انا:بس انا قاعده بروحي انت قتلي ما تسيبنش
معتز:مش بيدي سيبتك غصبان عني بس عطيتك امانه عند هيثم توا يحطك في عيونه ما تخافيش
انا:كيف عرفت هيثم
معتز:لقيت قدام الحوش توا افتحيله يرجا فيك
انا:وين ماشي انت معتز يا معتز معتز
نضت ع صوت عمتي
عمتي:ملاك يا ملاك نوضي
انا:نضت وكنت نتنفس بسرعه
عمتي:كنك بسم الله
انا:حضنت عمتي وقعدت نبكي شفت معتز يا عمتي حلمت بيه
عمتي:يا روحي اهدي بس
انا:ياريت ما نضت ما شبعتش من شوفته
عمتي:ارقدي واهدي بس
انا:باه و رقدت

ثاني يوم
نضت لقيت صفاء تغير لسهي
انا:يا مامي صباح الخير
صفاء:صح نوم كنك امس
انا:نحلم
صفاء:قلبتي دنيا معتز امس انا طلعت نجري كلمت امي
انا:هههه خفتي
صفاء:اها يا ماما
انا:خوافة
صفاء:عندي الحق نخاف
انا:وين امك
صفاء:في مطبخ
انا:سالم وين
صفاء:قاعد يلعب هو وهاجر
انا:تمام

طلعت لعمتي
انا:صباحو اعميمه
عمتي:صباح النور
انا:نبي نحكي معاك
عمتي:شنو
انا:امس صليت استخاره وبعدها حلمت بمعتز معاش عرفت
عمتي:شن حلمتي
انا:حلمت اني في حوش ومعتز جا وانا نكلم فيه نبيه يجيني قالي عطيتك امانه عند هيثم بعدها قتله وين عرفته قالي قاعد ع باب افتحيله يرجا فيك
عمتي:واضحه هذي هذا جواب الاستخارة معتز قال لكي افتحيله انتي مسكر عليه وما تبش تعطي فرصه وحاجه اخره قالك امانه عند هيثم وانتي شوفي شن كنتي بنسبه لمعتز توا امانه عند هيثم يعني هيثم يعاملك نفس معتز
انا:كنت فرحانه بكل يعني نوافق
عمتي:شن رايك انتي
انا:خلاص موافقه
عمتي:لولولولولي
انا:يا عمتي مش هكي عاد
صفاء:شن في
عمتي:ملاك وافقت
صفاء:لولولولولي
انا:فضحتو بينا
عمتي:خلينا نفضحو بيكم
انا:خلاص ردي عليها الحاجه وقوليلها موافقين
عمتي:اكيد
انا:خشيت دار ورنيت ع حنان طول
حنان:الو
انا:حنان انا وافقت
حنان:الف مبروك حبيبتي ربي يكتبلك الهناء وراحه
انا:انشاءلله يارب
حنان:شن غير رايك
انا:حلمته بي معتز امس
حنان:معتز يعوينك
انا:اها قالي وافقي
حنان:هههههه طول هكي
انا:هههههه اها
حنان:المهم انشاءلله مبروك
انا:الله يبارك فيك
حنان:خلاص قلبي نحكو بعدين
انا:باه باي

عند هيثم
هيثم كان راقد رن تلفونه
هيثم:نعم
مروان:تي نوض ياراجل طالع من صبح ندورك في حوش وحلتلك واحد وحاجه صح بس ناقصه زواق راجل وصل عند زواق وقف يبي يبيع
هيثم:مش وقتك يا راجل نبي نرقد
مروان:اين ترقد هذا بيع وشراء مرات تجي في ليل يقولك بعته
هيثم:باهي توا نجي نتفرج
مروان:توا نرجا فيك
هيثم:باهي سكنت راك
وسكر وحط تلفون جنبه ورقد بعد شوي رن اخره
هيثم:يا مروان ما تخلي حد يرقد
انا:نوض سادك نوم
هيثم:نعليا كنك غيرت صوتك
انا:هيثم انا ملاك
هيثم:ناض ملاك
انا:اها ملاك نوض هيا
هيثم:كيف عرفتيني راقد
انا:عرفت انت اصلا جامعة ولا يوم عطله ما تصدقه يجي بيش ترقد
هيثم:بارده
انا:بارده باه انا غلطانه قلت نرن عليه
هيثم:قصدي نحبك
انا:سكتت شوي حتي انا نحبك
هيثم:ملاك
انا:هيثم
في نفس وقت قلناها
هيثم:نعم قولي
انا:لالا انت قول
هيثم:انتي عارفه شن نبي نقول ملاك نبيك حلالي و ام عيالي
انا:وانا موافقه بس عندي شروط
هيثم:وانا موافق عليهن
انا:بس مازال ما قلتهن
هيثم:بدون ما تقوليهن انا لما حبيتك ما حطيتش قدامي شروط حبيتك طول معنها حتي توا شروط مش ح نبحت فيهن وموافق عليهن
انا:ربي مايحرمني منك
هيثم:ولا منك
انا:خلاص شوف مروان
هيثم:باه باي
سكرت منه انا ورن عليه مروان
هيثم:توا جايك في طريق
مروان:قبل موتيلك هزيبه سمحه
هيثم:نحبك يا عصبي
مروان:روح يا راجل وسكر عليه

الكاتب:Arhima Alagory

عندنا
عمتي:يا ملاك اليوم ماشين لهلك تمشي معانا
انا:ياريت نقدر بس باتي مايخلين
صفاء:احسن انا قاعده معاك
انا:خلاص تو نقعدو مع بعضنا
عمتي:باهي
انا:من شايلكم
عمتي:خالد

عند هيثم
هيثم:احلي عصبي في الحياه
مروان:معقوله نكلم في وتقاعد مشغول تفوتني
هيثم:مكالمة طارة
مروان:كيف صار
هيثم:ملاك وافقت
مروان:مبروك يا خيي
هيثم:الله يبارك فيك
مروان:تعال تفرج ع حوش
هيثم:هي
خشو تفرجو ع حوش

عندنا
نحنا درنا الغداء وتغدينا وع العصر عمتي لبست وعدت هي ومريم وهاجر وسالم عده معاهم وانا وصفاء قعدنا
صفاء:كلمتي حبيبك
انا:اها كلمته
صفاء:بعدك هو من صغره يهبل توا شن حالك
انا:قدامي عيني عينك
صفاء:اكيد عليش نتحشم منك
انا:عندك الحق جارته وحفظته حفظ

عند هلي
سمعو باب يدق طلعت اميرة تفتح لقتهم لقتهم عمتي ومريم ولعيال
اميرة:هلا
عمتي:لاباس عليك
اميرة:ماتشوفي باس
مريم:لاباس عليك
اميرة:وين معاش شفناك بكل
مريم:قاعده حال تعب وخلاص
سالم:لاباس عليك
اميرة:نجكليا ما تشوف باس
مريم:عرفتي
اميرة:اكيد سالم صاح
سالم:صاح انتي اميرة
اميرة:اها انا اميرة
سالم:ماما ديمه تحكيلي عليك
اميرة:بحتت في مريم شن تقولك
سالم:قلتلي انك تحبي لعيال صغار واطيب منك مافيش صاح
اميرة:سكتت
مريم:هي نخشو
اميرة:هي
هاجر:شنجو اخويله
اميرة:تمام يا خويله
هاجر:صاح قالو مريضه
سالم:كانت بعدها صحت صاح
اميرة:صاح اسلومه شطور
امي:سالم انستنا
سالم:امي انتي هنا
كلهم:هههههه اها هنا
هاجر:باتي
باتي:خير هجوري شنجوك
هاجر:تمام
سالم:خير يا عمو
طبعا سالم ما يعرفش باتي لان كان شايفه هو صغير
باتي:خير يا سالم شنجوك
سالم:تعرفني انت
باتي:اها اكيده نعرفك
سالم:بس انا نعرفكش
باتي:سكت
امي:هذا راجلي وبات امك
سالم:اها باتي يعني
امي:اها باتك
سالم:انت واميرة ديمه ماما تحكيلي عليك
مريم:خلاص سلومه تعال هي
سالم:به
عمتي:خطرها ملاك جاها عريس
باتي:شنو كيف عريس
عمتي:ولد جارنا هو شاب محترم واكويس
باتي:مستحيل نخليها تزوج خليها تربي عيالها بلاوي سوده ادير فيهن وتطلق وبعدها تبي تزوج
امي:وسع بالك بس
باتي:شن نقول بس بنت هذي ناويه تقتلني ولا شنو
عمتي:شن فيها بعدين هيا ماعندها من يدفع عليها توا وتبي راجل وبنت مزالت صغيره ولا شن رايك يا حميده
امي:والله انا ع راي بنت
باتي:راي بنت ما يمش علينا
امي:خلاص فوت
عمتي:ربي يهديكم

عند هيثم
مروان:شن صار في هلك
هيثم:اليوم نبي نقنعهم لان بيني وبينك نبي الموضوع ع سريع يتم ونتريحو
مروان:معاش تقدر تصبر
هيثم:ما نحكيلك
مروان:ربي يتمملك ع خير يا غالي
هيثم:انشاءلله لعقبالك
مروان:ان شاءلله
هيثم:موعدنا مع راجل توا صاح
مروان:اها هي نمشوله
هيثم:هي

عندنا
انا:صفاء مديلي تلفون
صفاء:امسكي
انا:اووف مزال مارن
صفاء:هههه حب يا كبدي
انا:بكل
صفاء:انشاءلله نديرولك فرح كبير
انا:مهم نتريح انا ما نبي شي
صفاء:ان شاءلله تريحي

عند هلي
امي:احكيلي ع عريس
عمتي:هو اصغر منها صاح
امي:اصغر منها لالا معنها خليها تفوت
عمتي:حميده مش هبال كان اصغر منها راجل ما يعب شي بعدين مرات الاصغر منها هذا يعيشها خير من لاكبر منها
امي:والله ناس
عمتي:ينعلاي من ناس ناس فوتيهم حرقه تحرقهم
امي:باهي المهم هيا مقتنعه
عمتي:مقتنعه اها

الكاتب:Arhima Alagory

في دار اميرة
اميرة:سالم تعال حبيبي
سالم:نعم
اميرة:نلعب انا وياك وهاجر
سالم:باه
اميرة:بسرعه هي
سالم:هي يا هاجر تعالي اخويله اميرة تبينا نلعبو معاها
هاجر:باه

عند هيثم
راجل: انشاءلله مبروك
هيثم:الله يبارك فيك
مروان:مبروك يا غالي
هيثم:الله يبارك
مروان:نمشو
هيثم:توصي بشي
راجل:بارك الله فيك
هيثم:سلام عليكم
وطلع هيثم ومعاه مروان
هيثم:نبي نزوق الحوش
مروان:اعتبره هدية العرس
هيثم:لالا
مروان:انا قتلك هدية يا راجل
هيثم:انشاءلله مانفقدك
مروان:انت شن ناقصك من اثاث
هيثم:توا نمشي ندور دار نوم من بكرا
مروان:هههههه بعدك انت ما شفتش حد
هيثم:كنك
مروان:حوش قريب يكمل وحتي خطبه مش خاطب رسمي
هيثم:سلم حوشكم خطبه والفاتحه في نفس اليوم
مروان:احسن بعد
هيثم:تم ماشي نقنعن العزوز ادعيلي
مروان:ربي معاك

عندي انا وصفاء
صفاء:شن تبي اديري
انا:اندير بيتزا وخلاص
صفاء:تمام ديري
انا:وانتي شن تبي اديري تعالي سعديني
صفاء:باهي

عند هلي
مريم درتلهم عشاء وتعشو
امي:والله نبي سعد هذا يحن ع ملاك ويريحنا من مشاكل
عمتي:مشكله ان هو مكذبها
امي:ربي يهديه وخلاص
عمتي:ان شاءلله
مريم:يا عمتي خالد جا
عمتي:هي
امي:بدري
عمتي:لالا خلاص واللهي نروحو خلاص
امي:والله لو قعدتو
عمتي:لا بنات في الحوش بروحهن
امي:باهي سلميلي عليهم
عمتي:يوصل
مريم:هي يا عيال
سالم:خلوني
مريم:لالا هيا
اميرة:خليهم
مريم:لا والله يتعبوك عارفتهم
اميرة:براحتك
سالم:توا نجيك بكرا خويله ونلعبو
اميرة:باه نرجا فيكم
مريم:اوكي
اميرة:باي

الكاتب:Arhima Alagory

عند هيثم
هيثم:سلام عليكم
سارة:عليك سلام
هيثم:وين امي
سارة:قاعده في دارها
هيثم:من معاها
سارة:باتي
هيثم:تمام
هيثم:خش ع هله سلام عليكم
زينب:عليك سلام ما خطبت شن تبي جاي
هيثم:جاي نبيكم توافقو عليها وتستروني قدام العرب
اسامه:ما انت مشيت خطبت بدون ما تشورنا
هيثم:لا شورتكم يا باتي بس امي سكرتها عليا
اسامه:صاح يا زينب
زينب:صاح يبيها اكبر منه
اسامه:المهم يكون هو مقتنع بيها
زينب:ومطلقه
اسامه:يا هيثم امشي يا ولدي نحنا معاك وبكرا انشاءلله نمشو نخطبوها لكي رسمي
هيثم:باس راس باته وامه ربي ما يغيبكم
زينب:عليش درت هكي
اسامه:يا زينب حني ع ولدك راه محنه في دنيا وبعدين انتي تحكي ع بنت هكي بكرا بعد بكرا يحكو ع بناتك شن فيها لو ستر عليها
زينب:ع كيفكم انا مش شوري

تسريع الاحداث ثاني يوم
ناصر:خوك لازم يجي
عمتي:بس هو ما يبش يزوجها
ناصر:توا نمشيله ونحكي معاه
عمتي:ياريت
انا:شن صار
عمتي:لا شي بس ناصر ماشي يبي يحكي مع باتك
انا:ع شنو
عمتي:ع موضوع زوجك
انا:اها

عند عيت هلي دق باب فتحت اميرة
ناصر:خير اميرة كيف حالك
اميرة:اكويسه الحمدلله
ناصر:باتك قاعد
اميرة:اها قاعد
ناصر:كلمي ليا
اميرة:حاضر
باتي:خير يا ناصر هي تفضل
ناصر:الله يزيد فضلك
باتي:نديرولك فطور
ناصر:لالا فاطر بس جايك في موضوع ومانبكش تردني
باتي:تفضل
ناصر:نبيك اتجيني اليوم في الحوش وتحضر فاتحته بنتك ملاك
باتي:لالا اعذرني
ناصر:كيف اعذرني وعرب جايه
باتي:استقبلهم انت وكون الوكيل انت
ناصر:بس عرب شن نقوللهم
باتي:قوللهم عند بنت مريضه ومش فاضي
ناصر:انشاءلله هي مع سلامه
باتي:كنك
ناصر:لان ماعندش وقت
باتي:ربي يعونكم
ناصر:اوكي

الكاتب:Arhima Alagory

عند هيثم
هيثم:شن صار
مروان:بدينا في زواق
هيثم:اصلي يا غالي
مروان:انت كيف صار فيك
هيثم:وافقو
مروان:معنها مبروك كبيرة بكل
هيثم:الله يبارك فيك

عندنا نحنا
بدينا نوتو في الحاجات وجتنا حنان
حنان:مبروك حبيبتي
انا:الله يبارك فيك
حنان:حولي خليني نسلم ع هلك
انا:امشي سلمي
صفاء:انستينا
حنان:بيك تم
مريم:وين مختفيه
حنان:قاعده كنت امتحانات وخلاص
مريم:انشاءلله بنجاح
انا:انشاءلله اجمعين
مريم:اخر سنه لكي
حنان:اها واخيرا
مروه:حنان عندنا
حنان:اكيد ما نقدرش نغيب ع حبيبته قلبي
انا:نجكليا يارب
مريم:ملاك امي كلمتك
انا:اها قالت قبل تبي اتجي بس اميرة مرضت
صفاء:وحق الله كذابه اميرة هذي
انا:مش عارفه
عمتي:يا بنات هي تعالو رجاله جو

عند رجاله
خشو رجاله ومعاهم المأذون وطبعا قرو الفاتحه ودفعو ونحنا ضيفنهم وبعد الضيفه طلعو رجاله
ناصر:يا ملاك
انا:نعم يا عمي
ناصر:هكي يا بنتي انشاءلله بالراحه و الهناء
انا:تسلم يا عمي ناصر
ناصر:واجبي هذا
انا:الله لا يغيبك
ناصر:سلمك

عند هيثم
مروان:انشاءلله مبروك يا غالي
هيثم:الله يبارك فيك لعقبالك
مروان:لا انا تبيلي
هيثم:شن تبيلك
مروان:تبيلي عقل
هيثم:توا بالله عليك في واحد عند عقل ويزوج
مروان:هههه لا
هيثم:خلاص ازوج توا قبل لا ادير عقل كانه درته عقل معاش تزوج
مروان:هههه هذي قولتك
هيثم:توكل ع الله

الكاتب:Arhima Alagory

عندنا
انا:لعقبال لصفاء
صفاء:صقع عليكم انا ما نخذش واحد عادي
مروه:توماتك يعني
صفاء:قصدي ناخذ واحد مشهور فنان هكي يعني
مريم:لا واللهي
صفاء:شن رايك
مريم:ما عندي ما نقول راي رايك
صفاء:خلاص معنها انا نفكر في كرستيانو كان جابه نصيب نوافق
انا:اقعدي هنا عندك معنها
صفاء:حتي هذي الجايه
حنان:توا نبو نوتو دبش العروس
مريم:عروس ما ياخذ منها شي دبش
انا:انشاءلله
مروه:يا بنات عبير ترن الو
عبير:ايوه وين ملاك
انا:اهي هنا
عبير:مبروك يا حياتي
انا:الله يبارك فيك
صفاء:يا ملاك حبيب قلب يرن
انا:الو
هيثم:نحبك يا مراتي
انا:حتي انا
هيثم:شن هرجه جنبك
انا:قعده مع بنات
هيثم:نحكو بعدين معنها
انا:باه ردبالك من روحك
هيثم:وانتي

سكر هيثم وقعدنا مهدرزو نين روحو البنات وخشيت انا وصفاء للدار صفاء رقدت وانا كلمت هيثم وقعدنا نهدرزو طبعا هيثم يبي العرس بسرعه وقبل لا تبدا سنه جديده من جامعة وانا نفسه واتفقن يكون العرس في اخر اسبوعين العطله مرت الايام ونحنا نوتو للعرس

جا يوم نتيجه في العشية رن تلفوني لقيت هيثم
انا:نعم يا هيثم
هيثم:قتلك نتيجه نزلت
انا:تحب تفجعني انت
هيثم:ههه كنك
انا:كنت راقده ومتريحه
هيثم:شوفيها توا
انا:باهي
هيثم:وردي عليا
انا:باه وانت كيف صار فيك
هيثم:مازال ما شفتها
انا:باهي امشي شوفها
هيثم:باه

سكرت من هيثم وفتحت نت وخشيت ع رابط وكتبت رقمي وطلعتلي نتيجه
صفاء:سمعتي نتيجه طلعت
انا:شوفي صفيت
صفاء:الف مبروك يا حبي
انا:الله يبارك فيك
صفاء:كيف عرفتيها
انا:كلمني هيثم توا قالي طلعت
صفاء:باهي ردي عليه قوليه له
انا:اها قالي ردي عليا

خذيت تلفون رنت عليا حنان
انا:الو
حنان:صفيتي
انا:الحمدلله وانتي
حنان:لولولولولي حتي انا
انا:يعوينك مبروك يا حبيبتي
حنان:واخيرا كملت
انا:شن ندير سنه هذي بلاك
حنان:معاك راجلك
انا:نبيك انتي انا
حنان:يا قلبي انتي
انا:خلاص توا بعدين نحكو هيثم خش انتضار سكري
حنان:باهي
سكرت حنان ورديت ع هيثم
هيثم:الو كلمتي غيري تبشري فيهم
انا:والله حنان رنت عليا
هيثم:باهي شن صار
انا:صفيت
هيثم:مبروك حياتي
انا:الله يبارك فيك
هيثم:حتي انا
انا:الف مبروك
هيثم:قاعده اليوم في الحوش
انا:اكيد ماعندي وين نمشي
هيثم:باهي
انا:توا نحكو بعدين
هيثم:باه

سكرت وطلعت نبي نقولها لعمتي شوي عمتي خشت علينا
انا:عمتي صفيت وطلعت منها
عمتي:باهي مبروك
انا:كنك
عمتي:رنت عليا امك توا
انا:باهي
صفاء:كنها
عمتي:قلتلي ان اميرة طلعت نتيجه تحاليل
انا:باهي
عمتي:طلع عندها سرطان
انا:شنو
صفاء:مستحيل
عمتي:واللهي هذا لي صار
انا:قعمزت ع سرير ومنصدمه
عمتي:انا ماشيه غادي
انا:كل مني
صفاء:كنك انتي
عمتي:لالا هذا من ربي
انا:ياما دعيت عليها
عمتي:لالا نصيبها
نزلت علينا مريم تبكي
عمتي:مريم مش هكي اختك مزالت حياة وسرطان مش هو لي يقتل كل ع العمر والايام العمر لي كاتبه لها ربي تاخذه
خالد:هي يا امي
عمتي:هي
صفاء:نحنا قاعدين
سالم:كنك يا ماما
انا:شي يا ماما
سالم:ليش تبكي
انا:مافي شي يا سالم
صفاء:ملاك كنك بشويه ع العيل تعال يا سالم

الكاتب:Arhima Alagory

عند هلي
اميرة:قاعده في دار ومسكره ع روحها
امي:تبكي في صاله
باتي:قاعد في مربوعة ويفكر شن ايدير
شوي دق باب فتح باتي لقاها عمتي ومريم
مريم:حضنت باتي وتبكي
باتي:يا مريم اختك ما نبش نزيدوها عليها
مريم:انشاءلله
خشت عمتي ومريم وخالد
خالد:شن تبي ادير يا خالي
خالي مش عارف واللهي
خالد:شن قالك دكتور
باتي:قال منتشر في كبد وراتين
خالد:لا حول ولا قوة الا بالله
باتي:نفكر ناخذها برا وخلاص
خالد:واللهي انت شوف لي تبي اديرها وانا معاك
باتي:الله يربحك

عندنا
صفاء:باب يدق
انا:شوفي
صفاء:باه
طلعت شافته لقاته هيثم
صفاء:ملاك هذا هيثم وخشتت للمربوعة
انا:باه
طلعت لهيثم
هيثم:كنك
انا:اختي يا هيثم مريضه بسرطان
هيثم:من منهن
انا:اميرة
هيثم:لاحول ولا قوة الا بالله
انا:طول عمرها قاسيه معايا ما تعرفش ان في ربي ياخذ الحق
هيثم:الله غالب
انا:هذا كله ياريتها تفكر وتحن
هيثم:انتي اسكتي وقفي دموعك
انا:هيثم انا كملت عمري نبكي وبكل بكيه نقول توا تجفن دموعي بس ما جف شي
هيثم:باهي انا معاك معاش تبكي
انا:ان شاءلله
هيثم:انا كنت جايب تورتة وهديه نجاحك
انا:ربي ما يحرمني منك
هيثم:خلاص مدام الحوش مافي حد خليني نمشي
انا:باه
هيثم:ومعاش تبكي اختك انشاءلله تصح منه
انا:ان شاءلله
هيثم طلع وخشت عليا صفاء
صفاء:شن جاب
انا:قال تورتة وهديه
صفاء:ورينا
انا:شوفي انتي
صفاء:تلفون نوت 9 اخره مبروك يا حبي
انا:الله يبارك فيك

الكاتب:Arhima Alagory

المهم مره الوقت مافيش شي جديد غير ان اميرة خذت كم جرعة كيماوي في ليبيا بعدها باتي قال نطلعها تركيا ويرجا في جوزات الجدد وانا وهيثم نفس قبل واحسن ومتفقين ع كل شي وحتي عيالي ح يعيشو معانا وموعد العرس هو هو ماغيرنا شي ومرت الايام نين جا يوم العرس
صفاء:لولولولولي
انا:خلاص عاد
صفاء:خساره فيك
انا:زغرتي بس مش في وذني
صفاء:هي صبي
انا:باهي
صفاء:اليوم تقاعدي عند راجلك عاد
انا:واخيرا
مروه:عروس ناضت
مريم:هي صبي عاد
انا:باهي
امي:صباح الخير
أنا:صباح النور
عمتي:مزلتي راقده
انا:كنك لميتو عليا كلكم
مريم:نبو نفتكو منك
انا:والله مش مخليتكم بكل قاعده ع قلبكم
مريم:عليك قصه
امي:هي ملاك وقت راه
انا:حاضر يا ماما
امي:نجكليا
انا:عليش سيبتي اميرة
امي:لانها اكويسه اليوم وهيا لي دزتني قلتي امشي افرحي معاها
انا:اها
صفاء:هي عاد ديرو للعروس فطور
مريم:تعالي معانا
صفاء:انا ماحد يكلمني كاني انا العروس
مروه:عينك
عمتي:خلاص عاد توا نديره انا

عند هيثم
هيثم:هي مروان
مروان:هي توا جاي
هيثم:مافيش وقت شباب يرجو فينا
مروان:حاضر يا عريس
هيثم:رن عليا
انا:الو
هيثم:حبيبتي صباح الخير
انا:صباح النور
مروان:فك تلفون من هيثم توا تلاقو بعدين وسكر
هيثم:معقوله هكي
مروان:اها هكي
هيثم:توا مردوده في عرسك
مروان:تمام

الكاتب:Arhima Alagory

عندنا
فطرت وطلعت انا وصفاء شالنا خالد للكوافيرة وهلي قعدو يلبسو ويوتو اروحهم ومشيو للقاعة
انا:طلعتي تهبلي يا صفاء
صفاء:توا نشوفوك انتي
الكوافيره:اكيد تجنن هيا هكي وتهبل
صفاء:نعليا منك يا ملاك
انا:ومنك
وبدت الكوافيرة فيا والمهم كملت وطلعت احلي حتي من عرسي لي فات
صفاء:غير تجنن بس طرف يا بنت
انا:زعمك
صفاء:انضني خالد يخطفك
انا:حيوانه
صفاء:والله خبر يجلط
انا:خلاص عاد
صفاء:نرن عليه
انا:اها
رنت صفاء ع خالد لقاته برا شوي خش علينا سالم
سالم:هههه ماما عروس
انا:وانت عريس
سالم:لبسه سمحه صاح
انا:بكل
صفاء:وين عروس متاعك
سالم:حطيتها في صاله
انا:من عروس
سالم:جوري
انا:نجكليا ان شاءلله نشوفك عريس
سالم:هي عمو خالد يبيب
صفاء:هي
وطلعت انا وصفاء وسالم ركبنا في سيارة ومشينا للصاله

خشيت انا وصفاء قبلتني امي ومعاها سهي
عمتي:اشربي مياه راقية ع عين
انا:بسم الله
وخشيت ع اسماء الله الحسني
وقعدت ع مسرح
امي:امسكي
انا:هيتيها ليا يا حبيبته ماما انتي
سهي:مام
انا:نعليا من ماما
صفاء:انتي سيبي بنتك اشويه يا همي
انا:خطيني ترا
صفاء:هيتيها بس
انا:وراس صفاء ردبالك منهم
صفاء:في عيوني ياقلبي والله
انا:نجكليا
قعدن بنات يرقصن ويصفقو

عند هيثم
مروان:واخيرا وصلنا
هيثم:هيت مفتاح
مروان:خلي فيها مفتاح
هيثم:انا لي نسوق
مروان:وانا نركب في شنطه
هيثم:هههه باه
مروان:شوفلنا وحده ع ذوقك من جوه
هيثم:يا حيوان هلي ونسباتي راه
مروان:اوكي يا خش خلاص
هيثم:اوكي

خش هيثم وكان طالع طرف بكل
صفاء:يعوينك بكل
انا:بارده
مروه:والله صار منه هيثم
انا:معاش تحكو عليه
مروه:اسفين
جا هيثم
هيثم:واخيرا
انا:شنو
هيثم:واخيرا وصلت طويله القاعة
انا:نحسابك
هيثم:شن تحسابي
انا:شي
هيثم:نحبك
انا:حتي انا
هيثم:هي نروحو
انا:اصبر كنك انت
هيثم:نبصر معاك عليش مستعجلين خلينا ليلة هنا في احسن من منضر هذا بنات واجد بكل
انا:هيثم راه نطلعو
هيثم:هذي لي نبيها
انا:حرقت دمي راك
هيثم:حافظه رقم مطافي ولا ونعطي لكي
انا:كنك انت اليوم
هيثم:والله خلاص خليني عريس جديات
انا:يكون احسن
هيثم:سلومه تعال
سالم:خير عمو هيثم
هيثم:شنجوك يا عريس
سالم:تمام اهي عروس متاعي
هيثم:هههه تعال هنا خذا سالم وقعمزه في كتره
جت مصوره قعدت تصور فينا انا وهيثم وسالم وسهي وبعدها انا وهيثم وامي وعمتي وزينب المهم عرم صور بعدها كملت تصوير

قعدنا شويه
هيثم:نمشو
انا:باه
هيثم:هيتي يدك
مسكت يد هيثم و نزلنا من مسرح وعيون علينا وسالم ماسك هاجر ويمشي ورانا جينا عند باب انا وقفت
هيثم:كنك
انا:صفاء
صفاء:نعم
انا:صفاء كيف ماوصيك ع عيال
صفاء:في عيوني
امي:هيثم ما نوصيكش عليها
هيثم:امانه هذي يا عمتي
امي:حضنتني ربي يفتحها عليكم ويهنيكم
انا:انشاءلله يارب
عمتي:لولولولولي
زينب:مربوحه ربي يهنيكم
وقعدو يصفقو ورنا
جينا عند باب هيثم نزلي طرحه وباب ينفتح وانا بحتت و نشوف….
.
.
.
.
.
#يتبع
تحياتي

error: