رواية يتيمة مع والديها

#يتيمة_مع_والديها
#قصة_من_الخيال
#الحلقة_الحادية_وعشرون
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
انا طلعت حطيت شنطة جنبي شوي قلت نمشي حوشي قبل ورنيت ع حنان نسال فيها عليش غايبة
انا:وينك
حنان:مريضه
انا:كنك
حنان:شوي برد
انا:انشاءلله لاباس
حنان:ماتشوفي باس
انا:خلاص انا وصلت نكلمك بعدين
حنان:باه
نزلت من سيارة وخشيت حوش كنت نبي الحمام حطيت شنطة ع طاوله شوي شنطة طاحت منها ورقة احمد سمعني طلع شاف ورقة طايحه رفعها وقعد يقرا فيها
احمد:ملاك يا ملاك
انا:كنك شوي بس
احمد:قعد يخبط في باب الحمام اطلعي هيا
انا:باهي دقيقة لبست وطلعت
احمد:يمسكني مع شعري ويكرني برا
انا:ووووو كنك يا احمد
احمد:توا نوريك يا حقير يقاعد يضرب فيه كفوف وكنشوات ع بطني وظهري
انا:حرام عليك ارحمني فهمني كنك
احمد:نقتلك اليوم يا حقير ومشى للمطبخ جاب عصات مكنسة ويقعد يضرب فيا بيها
انا:انت ما نكش طبيعي واحد حقير شوي دفيته بكرعي طاح
احمد خش للمطبخ وجاب موس
انا:لما احمد طاح صبيت نجري وخذيت شنطة ومفاتيح وطلعت قفلت باب عليه وطلعت نجري للسيارة ركبت فيها وطلعت قعدت نبكي ونفكر وين نمشي نمشي لهلي ولا نمشي لعيالي قلت نمشي لهلي وبعدين نمشي نجيب عيالي مشيت لهلي
عند هلي
امي:ادير في الغداء
واميرة:تنظف في حمامات
باتي:مش قاعد
سمعو باب يدق وبقوة
امي:يا ساتر من هذا لي يبي يطير باب
اميرة:شن هذا
امي:طلعت فتحت الباب
انا:يا امي
امي:كنك يا ملاك ومن داير فيك هكي
انا:احمد
امي:وصلت بيه للدرجه هذي
انا:معاش نبيه يا ماما نبيه يطلقني
امي:ما تخافيش معاش ترديله
انا:بس عيالي
امي:توا يجوك
اميرة:كنك
انا:نبكي وما عدلتش عليها لان عارفتها متشمته
امي:تعالي نغسلك وجك
انا:ربي ياخذلي حقي منه
امي:انشاءلله الله يعطيه كسره في يده

عند احمد طلع من حوش طول مشا لحوش هله
احمد:خش وين ملاك ما جتش هنا
رحاب:لالا مزال ما جت كنك
احمد:لعيال وين
رحاب:جو قعدين
احمد:ان شاءلله يجي من يبيهم ما تعطوهمش لها
سالمة:شن في يا احمد
احمد:مافي شي بس بنت اسمها ملاك مش متربيه بكل
رتاج:حي علينا شن درتلها
احمد:ماحد له علاقة بيا مراتي ولي ندير فيها انا حر وطلع
سالمة:الله يعطيه دعوة فضحنا مع العرب
رتاج:توا نشوف ملاك

عندنا في الحوش
امي:ارقدي وماتخفيش
اميرة:لو نا انتي نطلب طلاق من توا
امي:اطلعي برا وبلا كثرت كلام
شوي تلفوني رن
انا:من
امي:رتاج
انا:فوتي خذيت نقال وقفلته
سمعنا باتي جا
امي:اهو باتك جا
انا:يا امي ما تحكيله شي
امي:عليش هي اولتها واخرتها يبي يسمع
انا:عارفه بس باتي مش ح يعدل عليا
امي:توا ارقدي بعدين ساهل

الكاتب:Arhima Alagory

طلعت امي لباتي
باتي:كنها ملاك
امي:كنها
باتي:قلتلي اميرة جايه تبكي وخشت رقدت
امي:متعركه هي ورجلها
باتي:شن في بينهم
امي:مش عارفه ما حكتش
باتي:قوليلها تفكنا من هرجة وسريب مشاكل تحمد ربها حصلت من يسترها
امي:كنك انت البنت ما جتنا الا هي مضايقه اصلا هيا ما صدقت طلعت من حوشنا غير بختها هو لي خلها هكي
باتي:بحت في امي شوي باب دق طلع باتي يفتح فتح باب لقاهم مريم وخالد
خالد:خير يا خالي
باتي:خير يا خالد تفضلو
مريم:كيف حالك يا باتي
باتي:الحمدلله كيف حال هجوري
مريم:حال شطانة
امي:خيرات كنكم طولتو
مريم:ماغباك في زحمه
خالد:خير يا عمتي
امي:خير يا خلوده كيف حالك
خالد:الحمدلله
باتي:تعال في مربوعه
خالد:انا نبي حمام نتوضه ونصلي ظهر

خشت مريم
امي:خشي دار شوفي ملاك
مريم:كنها
امي:توا تحكيلك هيا
مريم:باه
خشت عليا مريم
مريم:ملوكة
انا:مريم حضنتها وقعدت نبكي
مريم:كنك حبيبتي
انا:احمد يا مريم احمد يضرب فيا وكان يبي يقتلني
مريم:عليش
انا:مش عارفه مشكلة مش دايرة شي والله خشيت حوش بعدها قعد يضبحلي طلعت قعد يضرب فيا
مريم:الله يعطيه ضربه

عند رجاله
خالد طلع من حمام وقعد يصلي وباتي ولع تلفزيون ويتفرج شوي باب قعد يدق طلع باتي يفتح لقاه احمد
باتي:خير يا احمد تفضل
احمد:لالا نبي مراتي كلمها ليا
باتي:باهي خش توا نكلمها لك
احمد:لالا كلمها ليا توا
باتي:كنكم انتو شن في بينكم
احمد:والله يا عمي بنتك مش متربيه وانت مش مربيها
باتي:احترم نفسك شن كلام هضا
احمد:مش انا لي قلته شوف اسمك واقرا مد لباتي ورقة
باتي:قعد يقرا فيها باتي سكت
احمد:عرفت عليش توا امشي كلمها ليا
باتي:سكت
احمد:جا يبي يخش
مع طلعت خالد
خالد:كنك يا خالي
احمد:امشي كلملي ملاك
خالد:واطي صوتك راك في شارع
احمد:تبي تخش تكلمها ولا نخش نكرها من شعرها
خالد:افطن كلامك انت مش كان مراتك خلاص
باتي:خليه يا خالد خلي يخش ياخذها ويفكني من وجها
خالد:يا خالي شن في كنك
احمد:دف خالد وخش
خالد:مسك ويضرب بوني ع بطنه ويكره برا ويقعد يضرب فيه
احمد طاح في الارض
خالد:ثاني مره تجي العرب احترمهم مش تخش ولتمت ناس بعدو يحزو فيها بعدها احمد ركب سيارته وروحو لكن قال توا نرد عليكم
خالد:يا خالي كنك شن فيه
باتي:بنت حرام هذي والله نقتلها

الكاتب:Arhima Alagory

خش باتي الحوش
باتي:يا ملاك يا فرخه حرام
انا:حي عليا يا مريم
امي:كنك
باتي:والله نقتلها ونشرب من دمها خش دار وجاب مسدس
خالد:خش يجري يا خالي وسع بالك كنك
باتي:بنت تبي توطي راسي عارفك من يوم جيتك انك عار ليا
امي:في شن تحكي انت كنك
انا:والله ما درت حاجه ولا وطيت راسك
خالد:يا خالي وسع بالك وفهمنا
باتي:امسكو اقرو شوفو ملاك شن ادير
خذا خالد يقرا في ورقة لقاه مكتوب
ملاك حبيبتي رايفت عليك والله نرجا في لقانا بساعة ودقيقة انا حاسد راجلك ان يرقد معاك طول العمر انا رقدت معاك كم ليلة معاش نسيتها بس متمني ان في اقرب وقت لما تقعدي فاضي يا تجيني يا نجيك لان مرايف عليك واجد بكل نحبك يا سماحتي
خالد:كمل القراية وسكت
باتي:عرفت توا عليش تستحق القتل
خالد:يا خالي خلينا نسالوها قبل
باتي:شن تبي تسالها اكيد ادير روحها طيبه انا معاش نبيها وسحب المسدس ويبي يخش عليا
خالد:مسكه يا مريم خوذي ملاك واطلعي بيها للسيارة
مريم:باه
باتي:حول يا خالد
امي:تعيط
واميرة:تفرج علينا
انا طلعت انا ومريم
باتي:يطلق طلقه ما طبتش فيا
انا:مش دايرة شي انا
مريم:اهدي بس
خالد طلع يجري ولع سيارة وطلع يجري

عند هلي
امي:انهبلت انت معقولة تقتل بنتك
باتي:بنتك انتي انا من يوم وغادي لا بنتي لا نعرفها
اميرة:خذت قرت الورقة حي عليهم ولي يشوفها يقول طيبة شوفي بنتك شن دايرة
امي:خذت الورقة وشرطتها انا ما نشوفش ورقة بنتي وعرفتها ما ديرش الحرام
باتي:طاح ع صالون جيبلي ابراة سكر
اميرة:هي

عندنا
مريم:يا خالد شن فيها الورقة
خالد:بحت فيا في المرايا
انا:نبكي
خالد:شي فوتي
انا:خالد شن فيها الورقة
خالد:انسي يا ملاك
انا:كيف ننسى بس
مريم:خلاص اهدي انتي وكل مشكله لها حل
انا:الا مشكلتي
خالد:انزلو توا بعدين ساهل
وصلنا حوش عمتي وخالد يسكن فوقهم
انا:شن نقولو لعمتي
خالد:توا اركبي فوق بعدين ساهل
ركبت فوق وخشيت دار ورقدت طول جت مريم وغطتني وطلعت
مريم:يا خالد شن فيها الورقة
خالد:لي في الورقة حكالها
مريم:مستحيل ملاك مش هكي خالد:عارف بس في حد ورها العملة هذي
مريم:واللهي ماني عارفه انشاءلله ملاك تعرفها
خالد:ان شاءلله

الكاتب:Arhima Alagory

عند هلي
امي:زعمك وين عدت ملاك
اميرة:لجهنم ان شاءلله خزي
امي:ضربتها كف اخره مره نسمعك تحكي ع ملاك
اميرة:عليش يا حنه انا نقول في الحق
امي:الحق ان ملاك مستحيل ادير هكي اصلا تريحت منه راجل سكار وحشاش شن تبي فيه

عند عيت احمد
سالمة:يستر الله مايقاعد داير شي حاجه فيها
رتاج:قلتها لك يا امي احمد له ايام مش تمام
رحاب:عليك قصة دارها لنا
سالمة:مهم بنت ناس مايصيرلها شي الا هو كيده ع روحه
رتاج:ربي يستر

عندنا نحنا
مريم:ملاك حبيبتي نوضي
انا:نعم
مريم:نوضي كولي
انا:نسالك حكالك خالد شن فيها ورقة
مريم:ماتشغلش بالك فوتيها
انا:بس نبي نعرف
مريم:توا كولي قبل
انا:مش واكله نين نعرف شن فيها
مريم:ورقة مكتوب فيها …
انا:معقولة يفكرو فيا فكي ليش ناس تبع في لي تسمعها وذنها ليش ما يعرفونش انا من
مريم:توا صار صار بس مهم نعرفو شن جاب ورقة لحوشك
انا:مش عارفه
مريم:كولي بعدها ساهل
انا:ماعندش نيه
مريم:لالا تبي تاكلي وغصبان عنك
انا:مريم
مريم:حلي فمك هي
انا:باه

عند احمد
روح حوش هله
سالمة:حي عليا كنك
احمد:شي يا امي
رتاج:وين ملاك
احمد:عند هلها ومعاش نبي نسمع اسمها في حوش هذا وين لعيال
رتاج:في دار
احمد:لعيال يقاعدو هنا توا نوريها كيف تضحك عليا
رحاب:شن في كنك
احمد:مش شورك

الكاتب:Arhima Alagory

عندنا
انا:بلكي خلاص يا مريم
مريم:هي اخر فم
انا:الحمدلله
مريم:صحه
انا:سلمك مريم نبي تلفونك غير مانبش نولع تلفوني
مريم:حاضر هاكي
انا:شكرا رنيت ع حنان
حنان:الو
انا:حنان قعدت نبكي
حنان:كنك
انا:ماعندش سند يا حنان
حنان:شن فيه
انا:توا نحكيلك انا اليوم صار معايا وحكيتلها قصة كلها
حنان:يا روحي انتي طز فيهم انتي عارفه روحك وربي عارف نيتك ما تعدلي ع حد
انا:بس ليش حظي هكي
حنان:ما تعدلش عليهم يا قلبي
انا:مش قهرني شي الا من دار فيا هكي
حنان:وين كانت الورقة
انا:مش عارفه بس لقاها احمد في حوش بلكي في شنطة
حنان:انتي مع من قعدي في جامعة ولا وين سيبتي شنطتك
انا:دقيقة معقولة اديرها
حنان:من
انا:اسماء
حنان:كنها
انا:لان اليوم طاحت من شنطة وشيتات لان خبطت في بنت وجت اسماء لمتهن ليا
حنان:هي الكلبة
انا:بس واسماء شن بيني وبينها
حنان:مش عارفه والله بس في قصة اكيد
انا:توا غير وتلاقه معاها نوريها

الكاتب:Arhima Alagory

عند هلي
اميرة:في دار تحكي في تلفون
اميرة:مسحتي كبدي اليوم
اسماء:بس ليش تبي اديري هكي
اميرة:هكي نبيها اطيح من عينهم
اسماء:بس مش ح تصدق متاع الورقة
اميرة:عليش
اسماء:قصدي توا نحنا في نت وجو هضا عليش يبي يدزلها رساله في ورقة
اميرة:صدقتي توا نشوفلها حاجه اخره
اسماء:شورك افكار جهنمية
اميرة:بكل
اسماء:خلاص توا نبي نسكر انا
اميرة:تمام باي

عندي انا
خالد:يا ملاك توا انتي اقعدي هنا
انا:بس نبي عيالي
خالد:توا نشوفو
انا:ونبي نطلق منه
خالد:تمام توا انا نمشي ونحكي لباتي ونمشو لخالي نتفاهمو معاه
انا:باه

نزل خالد وقعدت انا ومريم فوق
خالد:دق باب
فتحت صفاء
خالد:باتي قاعد
صفاء:قاعد كنك
خالد:نبيه
خش خالد ع باته
خالد:سلام عليكم
ناصر:لي هو بات خالد عليك سلام
عمتي:خير مش قبل متغدي عند خالك
خالد:صار موضوع هذا عليش جيتكم
ناصر:شن في
خالد:نبي نمشي انا وياك لخالي ونمشو لعرب لي وخذين ملاك ونجيبو دبشها والعيال ونطلبو طلاق
عمتي:شن تحكي انت هبل ولا بعقلك انت شن دخلك اصلا
ناصر:عليش هكي
خالد:مش انا ملاك تبي هكي الكلب يضرب فيها واليوم قبل يبي يقتلها وبعد جت لهلها لحقها وفي كلام طالع عليها وقبل حتي خالي يبي يقتلها لو ما جيت انا وتوا قاعده عندي فوق
عمتي:ينعليا ملاك هذي مارت يوم تخبر بيه
خالد:المهم واتي روحك يا باتي
ناصر:خلاص تلقاني واتي
عمتي:نركب نشوفها

الكاتب:Arhima Alagory

عندي انا فوق
مريم:لا هاجر احه
صبت مريم ضربتها هاجر قعدت تبكي
عمتي دقت باب:كنك يا مريم
مريم:تعبتني يا عمتي
عمتي:معاش تقربيها وين ملاك
انا:هنا يا عمتي
عمتي:كنك شن صاير بينك وبين راجلك
انا:حكيتلها قصة كلها
عمتي:سوك راح يا بنيتي بس من يدير فيك هكي
انا:والله ماني عارفه بس شاكه في وحده
عمتي:من
انا:وحده خاشه جديدة

عند هلي
باب دق طلع باتي يفتح لقاهم خالد ومعاه ناصر
باتي:تفضلو
خشو وقعدو في مربوعه
ناصر:يا سعد جايين ع موضوع
باتي:كان ع موضوع ملاك انا سكرته ومعاش نبي نفتحه
ناصر:ياراجل هذي بنتك
باتي:لا بنتي لا نعرفها ويحرم عليها خشت الحوش هذا طول ما انا حي
ناصر:له درجة يا راجل
باتي:انعم وكلام سمعتو وانا موضوع هذا طلعت من راسي ومعتبرها كيفها كيف معتز لي معاش يجي
ناصر:لا حول ولاقوة الابالله
طلع
امي:معقوله ياراجل
باتي:انا قلت معاش تخش الحوش وراه نحلف معاش تقبليها بكل
امي:خلاص سكتت

الكاتب:Arhima Alagory

عندي انا
صفاء:تنزلي تباتي معايا وفكك من هرجه
انا:توا نشوف
مريم:لالا اختي تقاعد عندي
عمتي:حتي نحنا عندنا فيها قرعه
انا:خلاص كله واحد كيف هنا كيف تحت
صفاء:وراس ملاك باتي معايا
انا:باهي ساهل

عند خالد وباته
ناصر:نمشو للعرب ولا كيف يصير
خالد:انا ضاربت العيل
ناصر:معقوله ياراجل
خالد:حرقلي دمي
ناصر:روح بينا للحوش باهي
خالد:باه

الكاتب:Arhima Alagory

عندنا
باب شقة انفتح وخش خالد وناصر
خالد:يا مريم
مريم:نعم
خالد:كلمي ملاك يبيها باتي
مريم:به ملاك يبيك عمي
انا:باه
مشيت لعمي ناصر
انا:سلام عليكم
ناصر:عليك سلام قعمزي يا بنتي
انا:نعم
ناصر:اسمعي انتي هذا حوشك واقعدي هنا وما تخافش بكل
انا:بس باتي
ناصر:باتك ما تخافيش منه قتلك هذا كانه حوش باتك اقعدي مع صفاء ومش ح يجيك شي
انا:بس عيالي
ناصر:توا نردوهم لكي بس وين تهدى قصة بس
انا:قعدت نبكي
عمتي:توا يردولك يا بنتي كنك
انا:باه
ناصر:خلاص خشي وما تخافي من شي
انا:بارك الله فيك
ناصر:مادرت شي هذا واجبي

المهم خشيت وقعدت عند عمتي ونرقد مع صفاء وجوي تمام بس مرايفه ع عيالي خالد جابلي سيارتي وقعدت فترة ما مشيتش للجامعة بس حنان تمشي وقلتلي معاش تلاقت مع اسماء عرفنها انها كذابه وخشت تبي تنتقم بس ليش ومن دزها مش عارفة

الكاتب:Arhima Alagory

في يوم
ناصر:يا صفاء امك وين
صفاء:في حمام
ناصر:بعد تطلع كلميها ليا
عمتي:اني طلعت
ناصر:امشي البسي نمشي انا وياك للعرب
عمتي:اين عرب
ناصر:عرب ملاك
عمتي:باه
خشت عمتي لبست وطلعو

عندنا انا وصفاء
انا:وين هلك
صفاء:طلعو
انا:وين
صفاء:مش عارفه
سمعنا باب يدق طلعت صفاء تفتح لقتها امي
امي:ملاك
انا:امي جيت نجري وحضنتها وقعدت نبكي
امي:رايفت عليك
انا:حتي انا
امي:ربي يهلك لي كان سبب
انا:ان شاءلله يارب
قعدنا نهدرزو انا وامي

عند عيت عمي لي هم اهل احمد
رحاب:هك اسلومة امسك
رتاج:نجكليا
سالمة:شوفو باب يا بنات
رتاج:من
عمتي:افتحي
رتاج:فتحت خير
عمتي:خيرات امك قاعده
رتاج:اها
خشت عمتي
سالمة:خير ومرحبا
عمتي:كيف حالكم
سالمة:الحمدلله كيف حالك انتي
عمتي:الحمدلله
سالمة:وين ملاك
عمتي:انا جايه ع موضوع ملاك نبي ناخذ دبشها وطالبه طلاق
رتاج:شنو عليش
سالمة:شن فيه
عمتي:ماعندكمش العلم ولدكم ياما داير فيها قريب قتلها حتي القتل
سالمة:والله ما سمعنها الا منك
عمتي:انا جايه نبي العيال ودبش ونبو ورقة طلاق توصلها
سالمة:غير خليها توسع بالها
عمتي:والله مافيها انتو الله يسمحلكم بس ولدكم وراها الويل
سالمة:والله شن نقولك نشورو راجلها قبل
عمتي:نحنا خلاص نبو دبش وعيال وطلاق
سالمة:غير وحدي الله
عمتي:لا اله الا الله بس هذا قرار ملاك
سالمة:انشاءلله خير
عمتي:نقدر ناخذ العيال توا
سالمة:توا ودزوهم لكم مع دبش
عمتي:باه

عندنا في الحوش
امي:ما تجيش هكي يا بنتي لزام تمشي
انا:امتحانات قريبات توا نمشي ع امتحانات
امي:بس هكي ما يصير شي
انا:لالا يصير
امي:ربي يهديك عندي مانقولك
انا:ان شاءلله

روحت عمتي
عمتي:سلام عليكم
نحنا:عليك سلام
عمتي:شن حالك يا حميدة
امي:يسلم حالك كيف حالك انتي
عمتي:الحمدلله
قعدنا نهدرزو

الكاتب:Arhima Alagory

عند عيت احمد
احمد:سلام عليكم
سالمة:تعال هنا
احمد:نعم
سالمة:شن داير لملاك انت
احمد:جت وحكتلك
سالمة:لالا جت عمتها وطالبه طلاق
احمد:طلاق
سالمة:اها
احمد:مش مطلقها
سالمة:مش ع كيفك اطلقها وغصبان عنك توا ترفع فيك قضيه
احمد:خليها ترفع وطلع سيبهم

عندنا
عمتي:مشينالهم قالت يجي احمد ونحكيله بس كان بكرا ما صار شي وما جابلكش دبشك اطلبي طلاقك من محكمة
انا:باه
امي:هكي حقوقك يريحن عليك
انا:ع اساس وخذتهن حقوقي هكي هكي بلا حقوق انا
امي:ان شاءلله خير
انا:ان شاءلله

مرت الايام ورفعت قضية خلع و وكلت محامية وجا يوم المحكمة جيت انا واحمد غادي
قاضي:هذي زوجتك ورفعت فيك قضية خلع وطلبت طلاق
احمد:بس مش مطلقها
انا:يكفي لي شفته منك طلقني وريحني
احمد:مش مطلقك
فاضي:طاف خبط ع طواله ?سكوت يا احمد محكمة حكمت هكي يعني ح طلقها تبي ولا ماتبش وكان ما تبش تخلعك ومعاش تكون لك كلمة عليها ولا انت راجلها
احمد:بحت فيا انتي طالق طالق طالق
انا:قعدت نبكي وطلعت
بس محكمه حكمت ان عيالي يقاعدو عند باتهم وانا عندي حق زيارة ولا هم يجوني وطباعه ذهب ماخر ومقدم وجو هضا راح عليا كله لكن اهم شي تريحت منه

ركبت في سيارة وروحت خشيت
انا:باركيلي يا صفاء تريحت منه
صفاء:مبروك بس اول مره نشوف وحده فرحانه ع طلاقها
انا:انشاءلله بسلامتك ياحنه
صفاء:وحق الله هبلة
انا:واخيرا تميت حره وتريحت منه
عمتي:شن صار
انا:طلقني
عمتي:ربي يعوضك خير منه
انا:ان شاءلله

قعدت عند عند عمتي ونبات انا وصفاء وصفاء صبت معايا واجد وديمه تدعم فيا وتشجع فيا كيف اختي واكثر المهم بديت في امتحانات قعدت نمشي نمتحن ونروح نين كملت امتحانات اخر يوم في امتحانات طلعت من امتحان تلقيت مع حنان
حنان:وين بيها
انا:كملت وطالعه
حنان:تحطيني ع طريقك
انا:اكيد هي
طلعت انا وحنان
حنان:رايحه تهبلي بعد طلاقك
انا:اكيد عليش نبي نحرق روحي
حنان:باهي شن جو عيالك
انا:هذوم لي لما نذكرهم قلبي يتقطع يعني يكفي لي صار معايا تعود مع عيالي
حنان:تمشيلهم
انا:اها يومي توا نبي نحطك ونمشيلهم
حنان:نمشي معاك
انا:باه

مشيت لعيت عمي دقيت فتحتلي رتاج
رتاج:ملوكة خشي
حنان:خير
رتاج:اهلين
خشيت يجيني سالم
سالم:ماما
انا:ياروح ماما انت شنجوك
سالم:تمام
انا:واختك
سالم:اتويسه
انا:خير عمتي
سالمة:خيرات يا بنيتي
رحاب:جيتي
انا:شن رايك
انا:وين بنوتي
رتاج:توا رضعت ورقدت
انا:عليك بخت
رحاب:شنجوك امتحان
انا:اكويس
حنان:تشوف في سالم كيف ماسك فيا واللهي حرام لي صار
رتاج:فعلا
انا:نصيب
سالمة:ايوه الله
انا:خلاص تبو حاجه
رتاج:سلامتك
انا:مع سلامة
سالم:لاااا قعد يبكي خليت
انا:توا نجي يا ماما
سالم:خليت
انا:باهي توا نجي نطفي سيارة

طلعت وروحت
حنان:كنك تبكي
انا:شن رايك عليش نبكي
حنان:كان قعدتي
انا:خايفه نطول يجي الحقير باته
حنان:اها خوذيهم شي يوم يباتو عندك
انا:ياريت بس ما يخليهمش
حنان:ربي يكون في عونك
انا:انشاءلله
حنان:اسفه تعبتك
انا:مافيش تعب يا باردة

الكاتب:Arhima Alagory

نزلت حنان وروحت الحوش انا خشيت ونسمع في هرجه
انا:كنكم
صفاء:تعالي اجري شوفي
انا:شنو
صفاء:شوفي بس
جيت لقيتهم يكلمو في عبير فيديو وهي في مستشفي وجايبه عيل
انا:دقيقة عبير يا حبيبتي مبروك
عبير:الله يبارك فيك يا غلاي
انا:امتي جبتي
عبير:ما ليش ساعة
انا:ربي يحفظه شن تسموه
عبير:منذر
انا:عاشت الاسامي
مريم:هيتي شوي عاد
عبير:بشويش
عمتي:خلاص انتي وياها خلوها تريح عدت فصلت نت
انا:هههههه هذا صاح
عمتي:وانتي شن درتي في امتحانك
انا:حليت تمام
عمتي:انشاءلله بنجاح
انا:انشاءلله

تسريع الاحداث مرت الايام عاديه جدا مافيش اي جديد بكل امي تجي تزور فيا وانا نمشي لعيالي وهكي قعدت ع حاله هذي نين جا يوم نتيجة
عمتي:حي عليك اليوم نتيجتك نوضي
انا:خليني راقده ما نبش نتوتر
صفاء:باردة لو انا راه قريب نموت
انا:خليها بجو
دق باب طلعت عمتي تفتح لقتها مروه
مروه:خير يا امي
عمتي:خيرات كيف حالك
مروه:الحمدلله وين بنات
عمتي:رقدات
مروه:معقوله اليوم نتيجه طب
عمتي:اهو شن تقولي
مروه:مالنا ومالهم اسمعي انا…

عندي انا وصفاء
صفاء:هي نوضو خلاص
انا:باهي توا نصبي
عمتي:لولولولولي
انا:من يزغرت
صفاء:هذي امي
طلعنا نجرو كنكم
عمتي:مروه حامل
انا:لولولولولي
صفاء:لولولولولي
مريم:نزلت تجري وتزغرت وتمت تضبط فيا وتبركلي
انا:كنك خاشه ع خط بلا سمعه
مريم:كنك
انا:مروه حامل مش انا
مريم:وانا نزغرتلك لانك صفيتي
انا:كذابه
مريم:وحق كتاب الله
عمتي:لولولولولي
مريم:هذي زغروتت مروه لولولولولولولي
انا:خزي مروه خير من زغريتي
مريم:اكيد حمل مش نجاح
ناصر:كنكم تزغرتو
عمتي:ملاك نجحت
ناصر:ماشاءالله مبروك انشاءلله
انا:الله يبارك فيك

شوي سمعت تلفوني يرن لقيتها حنان
انا:الو
حنان:مبروك ولا مش مبروك
انا:ههههه لا مبروك
حنان:حتي انا صفيت
انا:مبروك يا حبي
حنان:الله يبارك فيك
بعدها سكرت من حنان رنت عليا امي
امي:شن صار
انا:صفيتهن
امي:الف مبروك لولولولولي
انا:الله يبارك فيك
المهم سكرت امي وقعدنا نديرو في الغداء

الكاتب:Arhima Alagory

عند هلي
امي:يا اميرة هي بيش تمشي معايا
اميرة:وين
امي:لعيت عمتك ملاك نجحت
اميرة:والله ما نمشيلها لو كان ايش بنت حقيرة
امي:سكري فمك قبل لا تحكي ع ملاك مصمصي فمك
اميرة:شن ولت هيا
امي:خير منك

عندنا
تغدينا وبعد الغداء رقدنا بعدها عمي ناصر جابلي تورتة وجت امي جايبها خالد جبت معاها تورتة ودرنا جو صاح بكل بعدها روحو كلهم وخشيت انا وصفاء رقدنا وفاتت الايام وبدت الجامعة وبديت في سنه ثالثة

في يوم قعدين انا وصفاء وبابت عندنا مروه ونتفرجو ع فيلم رعب
مروه:طيح سعدكن غيرن
انا:اسكتي خلينا نتفرج
صفاء:كان خايفه امشي ارقدي
مروه:نرقد بروحي في عينك
انا:معنها دكي راسك كيف نعامة في صالون وخلاص
مروه:بارده
صفاء:مروه بجوه قللتي هنانا راك
مروه:توا نسكت
المهم ما كمل الفيلم الا هي ساعة 2ونص
مروه:حي ع امك بكرا عندك جامعة
انا:عادي
خشيت رقدت ودرت منبه ساعة7ونص نضت خشيت توضيت وطلعت ولعت سيارة وخشيت نلبس لبست وطلعت للجامعة

وصلت جامعة خشيت درست سيارة لقيت حنان مزال ماجت قلت نمشي ناخذ قهوة بلكي نصحصح خشيت للكافتيريا
انا:سلام عليكم
راجل:عليك سلام
انا:معلش قهوة عربيه
راجل:حاضر
قعدت شوي ولتفتت نبحت ع اليمين شفت شاب وسيم وطرف ويبحت فيا بعدها رديت ع راجل
راجل:تفضلي
انا:شكرا تفضل
خلصته وبرمت لما برمت خبطت في شاب وتبددت عليه قهوة
شاب:ماتشوفيش انتي
انا:قعدت نبحت في وساكته
شاب:ليش عمي انتي
انا:اممم مابتش تطلع كلمة
شاب:…..
.
.
.
.
.
#يتبع
تحياتي

error: