رواية يتيمة مع والديها
#قصة_من_الخيال
#الحلقة_الثانية_وعشرون
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
وصلت جامعة خشيت درست سيارة لقيت حنان مزال ماجت قلت نمشي ناخذ قهوة بلكي نصحصح خشيت للكافتيريا
انا:سلام عليكم
راجل:عليك سلام
انا:معلش قهوة عربيه
راجل:حاضر
قعدت شوي ولتفتت نبحت ع اليمين شفت شاب وسيم وطرف ويبحت فيا بعدها رديت ع راجل
راجل:تفضلي
انا:شكرا تفضل
خلصته وبرمت لما برمت خبطت في شاب وتبددت عليه قهوة
شاب:ماتشوفيش انتي
انا:قعدت نبحت في وساكته
شاب:ليش عمي انتي
انا:اممم مابتش تطلع كلمة
شاب:شن صار يعني
شاب:كيف شن صار شوف سورية كيف لبزتها
شاب:باهي يا خويا ما تبيهش لكي وحصل خير
شاب:انت اصلا شن دخلك
شاب:انا كنت مقعمز هنا شفتها هي برمت وما تندرش عليك ورها
شاب:اوكي جو تمام
شاب:تمام
انا:مزلت ساكته
طبعا شاب لي نكبت عليه قهوة عدى وشاب لي كان مقعمز طرف هذكي هو لي دافع عليا
انا:شكرا
شاب:مافيش داعي بس جيت ندافع عليك شفتك ساكته
انا:هههه كلمة ما بتش تطلع بكل مشكله
شاب:جيت انا وطلعتها المهم لما تبي توخري شفي المريات اكويس واعرفي من وراك
انا:ههه ان شاءللهطلعت انا مع جيت حنان
حنان:حبها وينك
انا:اسكتي يا انتي صار معايا موقف وووو عليك احراج
حنان:شن صار
انا:جيت نعسانه قلت ناخذ قهوة بيش نصحصح شوي خذيتها ونبرم نخبط في شاب وتنكب عليه قهوة
حنان:هههههه باهي صحصحتي
انا:يا باردة اسمعي شوي جا شاب طرف بكل دافع عليا
حنان:نعليا انا طرف وبكل انتي عمرك ما حكيتي ع شباب
انا:مش عارفه عجبني موقف متاعه
حنان:ممكن
انا:انتي تصمطي وانا مش فضيتلك
مشيت وركبت حضرت المحاضرة وروحت للحوش
عندنا في حوش عمتي
انا:سلام عليكم
عمتي:عليك سلام
انا:صفاء روحت
عمتي:لا مزال تعالي عونيني ع غداء
انا:حاضرين دقايق بس
خشيت غيرت دبشي وجيت نساعد في عمتي
انا:مريم وين
عمتي:مريضه
انا:كنها
عمتي:مش عارفه راقده فوق ما قدرتش تنزل
انا:توا نمشي نشوفها ونجيك
عمتي:تمام ماطولش بس
انا:حاضر
ركبت دقيت ع مريم طولت بيش فتحتلي
انا:خير كنك قلتلي عمتي مريضه
مريم:والله مش عارفه نضت في صبح مش قادرة نتحرك حاسه بروحي متكسره بكل
انا:اكيد برد
مريم:مرات
انا:نشيلك مستشفى
مريم:لالا مش لازم
انا:هي انزلي معانا باهي
مريم:هاجر راقده وقصة
انا:توا نزلها انا
مريم:لالا توا خليني هنا
انا:خلاص عمتي تبيني نسعادها توا نجيك بعدين
مريم:تمام
الكاتب:Arhima Alagory
نزلت شوي تلقيت مع صفاء
انا:وين طولتي
صفاء:بابا طول بيش جاني
انا:شنجو المعهد
صفاء:ماشي يزعم الكبد
انا:اي حاجه فيها قراية تزعم الكبد
صفاء:وحق الله
انا:هي نخشو بيش تجي تعونينا
صفاء:شن اديري فوق
انا:مريم مريضه
صفاء:حي كنها
انا:شكله برد
صفاء:مرات
انا:خلاص نحنا عجبنا الجو
صفاء:هي نخشو
خشينا ع عمتي
عمتي:الحمدلله ع سلامه
صفاء:الله يسلمك
عمتي:وين باتك يا صفاء
صفاء:طلع قال معزوم ع غداء
عمتي:باهي خالد روح
انا:لالا توا كنت فوق مش قاعد
عمتي:شن دايره مريم
انا:مزالت مريضه
عمتي:ليش ما شلتيها مستشفى
انا:هيا ما بتش
صفاء:بجوها هيا
انا:هي شكلها برد والله
عمتي:بكل عيت خالد مكيف هذا ما يطفى بكل تخش حوشهم تقول فريز
صفاء:صدقو
عمتي:امشي غيري وتعالي انتي
صفاء:عليك قصة بصيت ع روحي
تسريع الاحداث جا ليل ومريم مزالت مريضه
خالد:سلام عليكم
عمتي:واخيرا شرفت وين كنت
خالد:كنت مع اصحابي كنك
عمتي:طبعا طالع تدهور وهلك ما تندري عليهم
خالد:كنك يا امي
عمتي:شوف مراتك مريضه من صبح
خالد:ليش ما رنت عليا باهي
عمتي:امشي شوفها فوق
خالد:باه
الكاتب:Arhima Alagory
في شقة خالد
صفاء:جوري تعالي
انا:خوذي هذا بس
مريم:فكيني يا ملاك
انا:لالا خوذي بيش تصحي
خالد:سلام عليكم
نحنا:عليك سلام
صفاء:شرف الافندي
خالد:سكري فمك
انا:تعال شوف ام العناد متاعك
خالد:كانها
انا:مريضه وما تبش تمشي للمستشفي
خالد:عليش مش بكيفها غصبان عنها
مريم:ما نبش فكوني
خالد:لالا هي البسي وهي نمشو
انا:هي يا مريم بلا عناد عاد
صفاء:صبي خلاص عاد
مريم:به
المهم لبست مريم وشالها خالد للمستشفي وعطوها دواء ورحت
عند عيت عمتي رن تلفون عمتي
عمتي:الو
امي:ايوه شن حالكم
عمتي:الحمدلله انتو شن دايرن
امي:بخير كيف حال البنات
عمتي:اكويسات غير مريم مريضه شويه
امي:كنها
عمتي:والله مانعرف بس شالها خالد توا للمستشفي
امي:باهي صار اخباركم تمام
عمتي:الحمدلله
امي:سلميلي عليهم
عمتي:يوصل
سكرت عمتي
عمتي:تسلم عليكم حميده
انا وصفاء:سلمك وسلمها
شوي سمعنا باب يدق
عمتي:شوفن باب يا بنات
انا:هي هي فتحت لقيتها مريم وخالد
خالد:خير
انا:شن قالولكم
خالد:قالو محصله برد قوي
انا:مش قتلكم
صفاء:طبعا صحبتنا دكتورة
عمتي:شن عطوها
خالد:عطونا دواء
عمتي:انشاءلله بشفاء
مريم:انشاءلله وين هاجر
عمتي:راقده
خالد:انا راكب فوق
مريم:خوذني معاك
عمتي:اين خوذني معاك خليك هنا مع بنات تركبي فوق من يعنيك
خالد:صاح خليك
مريم:باه
ثاني يوم
انا:صباح الخير
مريم:صباح النور
انا:امتي نضتي
مريم:ما رقدتش
انا:كنك
مريم:والله بطني وراسي
انا:توا مع دواء تلقي كل يوم خير من لي قبله
مريم:انشاءلله
انا:تبي حاجه
مريم:سلامتك
انا خشيت الحمام حشاكم وطلعت صليت وبعدها فطرت ولبست وطلعت للجامعة
الكاتب:Arhima Alagory
وصلت للجامعة
درست سيارة وحاجه قلتلي امشي للكافتيريا خشيت كافتيريا
انا:سلام عليكم
راجل:عليك سلام
انا:واحد كابتشينو معلش
راجل:لحظات بس
انا:تمام
شاب:ردبالك لما تبرمي
انا:هههه لالا ما تخفش
شاب:صباح الخير
انا:صباح النور
شاب:تشربي حاجه
انا:لالا شكرا خذيت
شاب:تمام
راجل:تفضلي يا اختي
انا:شكرا جيت نبي ندفع
شاب:خلاص خليه مره هذي
انا:لا شكرا
شاب:قلت خليه انا
انا:شكرا
شاب:ولو
طلعت ومشيت قعدت ع كرسي شوي جتني حنان
حنان:صباحو
انا:صباح النور
حنان:شنجو
انا:الحمدلله وانتي
حنان:اكويس
انا:شنجو سنه رابعة
حنان:ماشية الواعره هلبت
انا:باهي انشاءلله بتوافيق
حنان:انشاءلله خلاص نستاذن منك انا
انا:خوذيني معاك
عند هلي
امي:يا اميرة نوضي هيا
اميرة:هي توا نوضو
امي:تعالي نبي نكملو حوستنا بدري بيش بعدها نمشو لعيت عمتك
اميرة:فكيني
امي:تمشي معايا تشوفي مريم مريضه
اميرة:كنها
امي:برد قالو بس طايحه في الفراش
اميرة:باهي
عند عيت عمتي
عمتي:يا صفاء شوفي باب يدق
صفاء:من
مروه:افتحي
صفاء:اختي وجنينها
مروه:هههه عطك الخير
صفاء:نورتينا
مروه:كنك مش في معهد
صفاء:قاعد مع مريم مريضه
مروه:كنها
صفاء:برد
مروه:خير يا امي
عمتي:خير يا بنيتي كيف حالك
مروه:الحمدلله وانتي
عمتي:الحمدلله
مروه:وين مريم قالوا مريضه
عمتي:في دار راقده
مروه:خشت ع مريم لقتها راقده
الكاتب:Arhima Alagory
عندنا في جامعة
انا:طلعت من محاضرة وماشيه للسيارة
حنان:ملاك
انا:نعم
حنان:وين مروحه
انا:اها كنك
حنان:كملتي
انا:كملت انتي مزال
حنان:مزال
انا:كنك تبي حاجه
حنان:لالا سلامتك
انا:تمام باي
وصلت سيارة
عند شاب
شاب اسمه هيثم وعند صاحبه اسمه مروان
مروان:عصفورتك حايسه
هيثم:كيف
مروان:شوفها تبرم عند سيارة
هيثم:توا نجيك
مروان:نرج فيك
عندي انا وصلت سيارة لقيت روحي مسكره ع مفتاح جو
هيثم:سلام عليكم
انا:عليك سلام
هيثم:كنك تبي حاجه
انا:شكرا غير مفتاح سكرت عليه جوه
هيثم:وين عقلك
انا:والله مش عارفه
هيثم:عندي صاحبي توا نشوفو يعرف يفتحها
انا:اسفه تعبتك معايا
هيثم:مافيش تعب بس ممكن تلفونك لان ما عندش رصيد
انا:اها تفضل
خذا هيثم تلفون ورن بيه شوي عطاه ليا
انا:شن صار
هيثم:ماردش
انا:عليك بخت بختي
هيثم:توا نخش عليها انا وخلاص
انا:عادي اكسر القزاز
هيثم:خليني نجرب بلكي يصير مني
انا:به
المهم قعد يحول معاها هيثم فتحها
هيثم:والله صار مني
انا:ههه شكرا يا
هيثم:هيثم اسمي
انا:شكرا هيثم تعبتك معايا
هيثم:كم مره نبي نقولها مافيش تعب
انا:شكرا
هيثم:المهم خلي عقلك معاك مره ثانيه
انا:انشاءلله
ركبت وطلعت
عند هيثم
مروان:شن صار
هيثم:فتحتلها سيارتها وربحت
مروان:باهي حكيت معاها
هيثم:بطلت وانا نعلم فيك
مروان:عليش
هيثم:مش هكي تبدها معاها يا هبل
مروان:عارفك معلم
الكاتب:Arhima Alagory
نحكيلكم ع هيثم
هيثم هو شاب لي مره تلاقه معاه خالد في مستشفي لما ملاك حولت انتحار اذكرتوه ولا لا المهم هيثم مواليد96 شاب طرف بكل مش سمين لا رقيق ولا قصير لا متوسط يعني طويل ?المهم جسمه مع بعضه ماشي عنده لحيه سوده شعره اسود وعيونه سود بشرته ابيض شويه ?حالت هله متوسطه يعني مش غني بس هو يخد في الفيزات وجو هذا المهم توا تعرفو بعدين اكثر واكثر عليه
عندي انا
طلعت من جامعة مشيت لمحل خذيت من شكلاطات وحاجات وبعدها مشيت لعيت عمي دقيت ع باب فتحتلي رحاب
رحاب:وينك مختفيه
انا:قاعده
رحاب:خشي
انا:حتي انا خاشه
رتاج:يا سالم ماما جت
سالم:ماما
انا:ياعيون ماما
سالم:رايفت عليك
انا:حتي انا
سالم:نبي نمشي معاك
انا:وتسيب اختك
سالم:نخذوها معانا
انا:باه توا نسلمو ع جديده وبعدين نمشو
سالم:به
انا:خير يا عمتي
سالمة:خيرات يا ملاك كيف حالك
انا:الحمدلله وانتي
سالمة:اكويسه
انا:وين بنيتي
رحاب:تسحف في دار
انا:خشيت عليها يا مامي جيتك
رحاب:دعاء متعلمة شطانه
انا:معقولة يا دودو تعبي في اعميمه
رحاب:بس عسل بكل
انا:نجيها ليا بنيتي
سالم:ونا يا ماما
انا:حتي انت نجكليا
سالمة:والله ما تعبو الا العيال هذوم انتي سيبتيهم وباتهم ما يندري عليهم بكل
انا:الله غالب
سالمة:ربي يهديه
انا:ان شاءلله
رتاج:شنجو الجامعة
انا:ماشيه
رحاب:اقعدي تغدي عندنا
انا:والله ما نقدر
رتاج:عليش كان ع احمد مش جاي راه
انا:لا عندنا مريم مريضه مش عارفه شن صار فيها نبي نمشيلها وقصص
رحاب:لاباس عليها كنها
انا:برد قوي
سالمة:انشاءلله لاباس عليها
انا:انشاءلله خلاص تبو حاجه نقصتكم حاجه
سالمة:سلامتك
انا:تعال معايا يا سالم
رتاج:وين
انا:عند سيارة بس
سالم:نعم
انا:هي
طلعنا للسيارة
انا:هاك شكاره هذي عطيها رتاج
سالم:شكلاطات
انا:امشي رتاج تعطيك
سالم:باه
خش سالم لرتاج وانا ولعت وطلعت سالم قعد يبكي طبعا
الكاتب:Arhima Alagory
عند عيت عمتي
انا:خير
مروه:خيرات
انا:شنجو
مروه:تمام
انا:امتي الجيه
مروه:من صبح
انا:مريم شنجوها
مروه:قاعده راقده
صفاء:روحتي
انا:لا مزال تبي حاجه قبل لا نروح
مروه:ههههه
صفاء:بارده ردي عليا باسلوب
عمتي:نحط الغداء
انا:كان عليا انا حطي
مروه:خالد وين
ناصر:خالد فوق توا يجي
صفاء:ياخالد خالد
خالد:انعم
صفاء:تعال تغدا
خالد:هي هي جاي
نزل خالد وحطينا الغداء وتغدينا وخشيت انا وصفاء غسلنا المواعين ومروه وعمتي قعدن مع مريم
خالد:شنجو
عمتي:تمام
خالد:ها شن درتي
مريم:الحمدلله
خالد:باهي الحمدلله
عمتي:وين ماشي
خالد:نبي نركب نرقد
عمتي:باهي بعدين عمتك تبي تجي هي واميرة بيش تجيبهن
خالد:حاضر
انا وصفاء كملنا المواعين ومشينا مع عمتي وبنات
انا:مريم شن صار فيها
مريم:الحمدلله اكويسه
انا:باهي الحمدلله المهم جوك تمام
صفاء:غير تدلع بس
مريم:يا حيوانه
صفاء:تسمعي يا امي تسمعي
عمتي:صدقت فيك
نحنا:هههههه
صفاء:شكرا
انا:امتي موعد ولدتك يا مروه
مروه:في الايام جايه مش مطوله
انا:انشاءلله ع خير وسلامة
مروه:انشاءلله واللهي
في العشية رن جرس طلعت صفاء تفتح لقتها امي
امي:وين ملاك
صفاء:في دار
امي:خشي قدامنا
صفاء:باه
خشت صفاء وراها امي وامي خشت للمطبخ
اميرة:خير
عمتي:خيرات
اميرة:خشت وسلمت عليهم كلهم وصلت فيا وقفت
انا:ياربي وصبيت طلعت
مريم:شن لي درتيها توا
اميرة:شن درت مابيتش نسلم عليها انا لو ما انتي مريضه راه ما جيتكش
مريم:شن تحكي انتي هبله ولا بعقلك
اميرة:بعقلي
مروه:عيب يا اميرة
اميرة:شن لي عيب باللهي عليك
مروه:لي درتيها توا
اميرة:يا عليك قصة تبو تمسكوها عاد ماصار شي
صفاء:عارفه يا اميرة لو مانك في حوشنا راه وريتك قيمتك صاح
اميرة:شن قصدك انتي
مروه:خلاص يا صفاء
صفاء:طلعت وسيبتهن
الكاتب:Arhima Alagory
امي جت لصفاء
امي:يا صفاء خوذي ملاك وركبي انتي وياها وع مغرب انزلن
صفاء:عليش
امي:هكي خوذيها معاك بس
صفاء:باه
انا:كنت في صاله
صفاء:يا ملاك تعالي نمشو فوق
انا:عليش
صفاء:هك فكيني من وجها اختك هذي
انا:به
ركبت انا وصفاء فوق
صفاء:ملاك انتي معاش تحشمي منها طبيعة اختك نعرفها انا تبي من يهزبها ويوريها العين الحمره
انا:مشكلتي طيبة قلبي
صفاء:وجراح كانت نصيبي
انا:ههههه بارده
صفاء:ايواه هكي وريني ضحكتك
انا:خطرها نحكيلك ع شاب عجبني
صفاء:احكي
انا:يا حنه
عند هيثم
هيثم:شنجو يا غالي
مروان:ماشيه وانت
هيثم:حتي انا ماشيه
مروان:كيف صار في عصفورتك
هيثم:ع الخبر
مروان:خذيت رقمها
هيثم:اها خذيته
مروان:وكلمتها
هيثم:لالا
مروان:غبي انت كلمها يا همي
هيثم:اصبر ع رزقك يا همي
مروان:توا نشوفوك
عندي انا وصفاء
انا:وهذي القصة
صفاء:حكيتي معاه
انا:شن حكيتلك انا قتلك حكيت معاه بس مش هدريز وهكي مواقف هن لي خلنا يحكي معايا
صفاء:اوكي
شوي امي دزت رساله لصفاء قلتلها انزلو
صفاء:هي ننزلو
انا:وين
صفاء:لوطة
انا:لالا خلينا
صفاء:هي بس
انا:باه
الكاتب:Arhima Alagory
نزلنا لوطه دقينا باب فتحتلنا مروه خشيت لقيتهم ديرن تورتة وموالح ومعلقين زينه وجو هذا
امي:كل سنه وانتي طيبة ولعقبال 100 شمعة
انا:قصدك عيد ميلادي
امي:اها عيد ميلادك
انا:وانتي طيبة
امي:تعالي للتورتة وقصيها
انا:باه
قصيتها وقعدو يغنو ويصفقو طبعا اميرة مش قعدة واحسن افتكينا منها
كملنا مراسم العيد ميلاد وانا نبكي?
روحو هلي وقعدت انا وصفاء ومريم ومروه حتي هيا روحت
قعدين نهدرزو
مريم:مش متوقعه امي اديرها
انا:مش متوقعه حد يدرلي عيد ميلاد بعد معتز بكل
صفاء:ربي يحفظها لكم
انا:ان شاءلله
صفاء:شن تحسي روحك
مريم:تمام
شوي رن تلفوني لقيت رقم غريب
انا:الو
شاب:ايوه
انا:تفضل
شاب:انتي تفضلي لقيتك رن عليا
انا:امتي رنيت عليك
شاب:امبدري في صبح
انا:شكلك فاضي
شاب:مش فاضي وحق الله
انا:معنها فوتني وسكرت عليه
صفاء:من
انا:واحد مكسد
صفاء:كانه
انا:قال رنيتي عليا
صفاء:يا غبيه بلكي هو لي رن عليه هيثم امبدري
مريم:من هيثم
انا:صاح توا نشوف بلكي هو شفت رقم لقيت هو
صفاء:شنو
انا:اها هو
مريم:من هيثم انتي
انا:واحد في جامعة
مريم:اها
صفاء:ردي ع راجل تاسفي منه
انا:فوتي
مريم:عيب هكي فهميه قصه بس
انا:باه
الكاتب:Arhima Alagory
رنيت عليه
شاب:عارفك ح ترني
انا:اسمع امبدري رن عليك واحد اسم هيثم قال انك صاحبه وتعرف تفتح سيارة
شاب:اين سيارة واين هيثم
انا:مش لازم تعرف المهم اسفه
شاب:لالا عادي ما صار شي ياملاك
انا:كيف عرفتني
شاب:انا هيثم يا بارده
انا:هيثم شن جاب رقمي عندك
هيثم:مش عارف انا بروحي نسالك شن جابني لرقمك
انا:هيثم بلا براده راه نسكر
هيثم:سكري تو نتلاقو بكرا عادي
انا:باه
هيثم:اسمعي
انا:نعم
هيثم:شن اديري
انا:شي
هيثم:خلينا نهدرزو
انا:فاضي انت
هيثم:كنك تبي حاجه
انا:لالا نسال
هيثم:فاضي اها
انا:انا نبي نرقد
هيثم:بجوك باه
انا:باي
هيثم:باي
سكرت منه
صفاء:شن يبي
انا:مش عارفه
مريم:احكيلي قصه
انا:معانا في جامعة
مريم:احكيلي عليه
انا:باه
المهم قعدت نحكيلها ع هيثم وكملت
مريم:تخيلي يحبك
انا:مش بسرعه هذي عاد
صفاء:عادي حب من اول نظرة
انا:فكيني من جو مسلسلات
مريم:تخيلي انتي بس
انا:خليكم فيها
تغطيت ورقدت
ثاني يوم
نضت مشيت حمام توضيت وصليت ولبست وطلعت رنت عليا حنان
حنان:الو وينك
انا:توا كيف طلعت
حنان:تعاليلي معلش
انا:هي جايه
وصلت حوش حنان وبيبت طلعت
حنان:صباح الخير
انا:صباح النور
حنان:شنجوك
انا:الحمدلله نبي نحكيلك
حنان:شنو
انا:هيثم امس رن عليا وشكله يبي يهدرز ويتعرف عليا
حنان:احكي بلكي حظك يطلع سمح
انا:زعمك
حنان:اها جربي انتي ماعندك ما تخسري
انا:هههههه والله صدقتي
حنان:انشاءلله خير
انا:ان شاءلله
الكاتب:Arhima Alagory
وصلنا جامعة
انا:هي نمشو كافتيريا
حنان:خاشه ع كافتيريا جديده انتي
انا:حسيت روحي
حنان:امشي بروحك
انا:وانتي
حنان:انا نبي بنت في حاجه
انا:باه توا في بنت خير مني
حنان:انتي الاوله يا قلبي
انا:نجكليا
حنان مشيت للبنت وانا مشيت كافتيريا
انا:سلام عليكم
هيثم:عليك سلام
انا:وين صاحب مكينه
هيثم:انا ليش مش عاجبك
انا:هيثم شن تبي مني
هيثم:نبيك في كلمتين بس
انا:باه
هيثم:قعمزي توا نجيك
انا:باه
قعمزت شوي جاني هيثم وجايب عصير
انا:شكرا
هيثم:عفوا
انا:تفضل
هيثم:شن رايك نتعرفو ع بعضنا
انا:باهي
هيثم:وخلينا اصدقاء
انا:نفكر قبل
هيثم:ردي عليا توا
انا:في ليل نقولك يا ندزلك رساله يا نرن عليك
هيثم:ليش مش توا
انا:نفكر قتلك
هيثم:تمام
انا:نقدر نطلع
هيثم:تقدري
انا:شكرا
هيثم:ولو
طلعت مشيت محاضرة وانا نفكر في هيثم وقصة هيثم بعدها طلعت وقعدت نرجا في حنان جاني هيثم
هيثم:في حاجه
انا:لالا نرجا في صاحبتي
هيثم:تمام فكري بس
انا:ههه باهي
هيثم:راك تنسي تفكري
انا:خلاص
هيثم:اوكي
قعدت شوي جت حنان
انا:وينك طولتي
حنان:بنت دوتها واجده
انا:قالتها لي ديمه ساكته
حنان:بارده شن صار في موضوعك
انا:يبي يتعرف قتله نفكر قبل
حنان:وفكري كيف ماقتلك انا
انا:انشاءلله خير
حنان:انشاءلله
المهم وصلت حنان للحوشها وانا مشيت لعيت عمي
وصلت لعيت عمي ودقيت فتحتلي رحاب
انا:خير
رحاب:شنجو
انا:الحمدلله وانتي
رحاب:الحمدلله
انا:وين الضنوة
رحاب:طالعين مع امي ورتاج للسوق
انا:اها امتي طلعو
رحاب:توا
انا:باهي خليني نمشي نروح انا
رحاب:خليك
انا:والله نمشي سلميلي عليه
رحاب:يوصل
طلعت وركبت سيارة ولعتها مابتش تولع
انا:عليك قصه كنها هذي
شوي سمعت واحد يدق ع قزاز بحتت لقيته احمد ….
.
.
.
.
.
#يتبع
تحياتي