رواية يتيمة مع والديها
#قصة_من_الخيال
#الحلقة_الاولى
.
لايك قبل لا تقرا وتعليق بعد ما تكمل
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
انا:مصدومة وساكتة
جتي:نحكي معاك انا
انا:باهي شن سبب لي خالهم يكرهوني هكي
جتي:سبب ان باتك كان يبي عيل وما يبش بنت
انا:عيوني تعبن دموع ونبي نبكي
جتي:ما نبكش تبكي انا قاعده معاك وفكك منهم هم معش تعدلي عليهم
انا:بس توجع ياريت متت ولا جيت انتي بروحك تشوفي فيهم كيف يعاملو فيا ومش معبريني
جتي:عارفه
انا:باهي ليش
وضي انقطع
جتي:حي عليك قصة
انا:توا نجي نجيب بيله ولا وحاجه
جتي:توا بلكي يولعو المتوري
انا:كان ولعو توا يولع ضي
جتي:باهي صبي قعدنا في ضلام
انا:ما انتي مسكتني معش سكتي
جتي:امشي هابا عليك انتيالكاتب:Arhima Alagory
مشيت جبت بيله ولعتها شوي متوري ولع
جتي:قتلك توا يولعو
انا:عادي
سمعت باب يدق
جتي:شوفي من
انا:هي جيت فتحت باب
معتز:اوووي
جتي:من جانا
انا:هذا عزو خش غلاي
معتز:نزلت نولع في متوري قلت نخش عندكم
جتي:انستنا
انا:باهي انقطع ضي بيش شفنا وجهك
معتز:حرام عليك والله انا ديمة هنا
جتي:تعشيتو
معتز:لقيتهم متعشين انا امبدري شوي خشيت
انا:معنها اندير عشاء وتعشاء معانا
معتز:نجيها خيتي دلع فيا
انا:اكيد وشن تبي العشاء
معتز:لي تبيها جتي
جتي:لا انت ضيفنا عاد
معتز:ضيفكم باه ديريلي عصيدة
انا:عصيدة من جدك
معتز:نبصر ديري خفيف وخلاص
انا:هي دقايق ويكون عندكم
نعرفكم ع شخصيات طبعا نحكي بلسان البطلة اسمها ملاك م 93 وصفها بشرتها بيضة شعرها طويل لونه عسلي وناعم عيونها عسليات عندها غمزات مش قصيرة ومش طويلة وسط ولا هي رقيقة ولا سمينة في نص الخاصة بنت طرف ?
عائلتها باتها اسمه سعد و امها حميدة وعندها 3خوات اكبر منها وبعدها اخ واحد وبعدها هي اخر عنقود خواتها وحده اسمها مريم م87 وعبير م88 واميرة89 خوها معتز م91 وطبعا جتتها اسمها مريم وهذي عائلتها
ملاك عايشة مع جتتها في حوش والحوش فوقهم هلها وملاك اجمل وحده في خواتها ونفس ما عرفتو في المقدمة وكيف جت ملاك وكيف قعدت عايشة مع جتتها
الكاتب:Arhima Alagory
نردو لقصتنا
انا:عزو تعال خوذ سفرة
معتز:هي جاي
تعشينا وخذيت سفرة غسلتها وقعدنا نهدرزو
معتز:شن جو القراية
انا:تمزط الكبد مليت منها بكل
معتز:الله غالب تحملي سنة وتريحي
انا:وين انتريح وانا جيتني جامعة
معتز:لالا خيتي شدي روحك ونبيك احسن دكتورة اطفال
انا:دكتورة باهي لكن احسن واعره
جتي:عليش واعره وانتي خوك مهندس عزو
معتز:مزال يا جتي توا من هنا لعند تخرج يامن عاش
جتي:انشاءلله
معتز:خلاص تبو مني شي
انا وجتي:سلامتك
معتز:ملوكة اي حاجة ما تعرفيهش قوليلي عليها
انا:حاضر
معتز:بكرا تلقيني نرجا فيك في سيارة مش نفس كل مره تقاعدي ترجي فيا في حوش اطلعي برا
انا:تي سقع برا ترضها فيا
معتز:لا بس انتي تطلعي تلقيني واعي بعدين توا نعلمك سواقة
انا:ياريت
معتز:والله توا نعلمك خلاص اوكي وباس راس جتي وطلع
جتي:يربح
انا:نبي نرقد انا تبي حاجة
جتي:سلامتك ملوكتي
خشيت رقدت
الكاتب:Arhima Alagory
عند عيت هلي
معتز:سلام عليكم
مريم وبنات:عليك سلام
مريم:نحطلك تعشاء
معتز:لا تعشيت مع ملاك
مريم:باه
خش معتز داره وسكرها
امي:وين معتز
مريم:خش داره توا
جت امي دقت ع باب دار
معتز:من
امي:انا امك
معتز:تفضلي يا امي
امي:وين كنت بعد قطعت ضي اختفي
معتز:تبي حاجه
امي:اها نبي
معتز:شنو
امي:الموضوع ومافي ان…..
.
.
.
.
.
#يتبع
تحياتي Arhima Alagory