رواية يتيمة مع والديها
#قصة_من_الخيال
#الحلقة_الثامنة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
في يوم من الايام في العشية سمعنا باب يدق طلعت اميرة تفتح
اميرة:من
وحده:حلي
اميرة فتحت باب لقتها وحده ومعاها وليتين اخره
اميرة:تفضلو
الوليه:الله يزيد فضلك
امي:يا هلا شرفتونا
الوليه:تسلمي
امي:تفضلو
الوليه:زيد فضلك
خشن الصبايا
امي:انستونا
الوليه:بيك تم نخشو في موضوع طول انا جايه نخطب لولدي ونبي بنتكم عبير لولدي
امي:والله شن نقولك نزيد شرف بيكم بس نسال باتها بعدين ساهل
الوليه:خوذي راحتك ولدي شايفها في عمل متعاها وعجبته سال عليها بنت معاها وخذا وصف حوشكم وقالي امشيلهم
امي:مرحبتين بيكم
الوليه:ولدي اسم عادل فلان واسالو عليه وشوفو رايكم
امي:تمام توا نشوفو ونرد عليك
الوليه:تمامالكاتب:Arhima Alagory
عندي انا وبنات
مريم:من صبايا هذين
اميرة:اول مره نشوفهن
عبير:مالنا ومالهم
انا:كان صدقني الله جيات يخطبن
اميرة:ينعن جد يخطبن
انا:مش عارفه مرات
امي:يا عبير امشي البسي حاجه سمحه وتعالي
عبير:عليش
امي:كساد
طلعت عبير وامي
مريم:انضني ان كلامك صاح يا ملاك
لبست عبير ومشيت للصبايا
الوليه:ماشاءالله تبارك الله رب يحفظك
عبير:مبتسمه تسلمي
الوليه:ماشاءالله ربي يحفظها
امي:تسلمي يارب
الوليه:عندي العيل هضا وبشغله وحوشه وكل شي الحمدلله متريح وانتو شوفو رايكم وردو علينا
امي:تمام توا نشوف نرد عليك
عندنا انا وبنات
اميرة:شن صار
عبير:خلاص قلبي
مريم:بديتي تحبي
عبير:لالا مزال بس عليك احراج
انا:ههههه ربي يكمل عليك فرحتك
عبير:تسلميلي يا غلاي
اميرة:باهي هي انتي ويها بلا كثرت كلام
انا:مشيت نغسل مواعين
عبير:خشت دارها
اميرة تحكي مع مريم
اميرة:شفتي كيف متصحبات
مريم:شفتها لكن شن ينفعها عبير توا في طريق وماشية وسيورها قاعد بروحها
اميرة:قصة في خوك الحصلة ما يتحمل فيها بزت شوكة
مريم:توا غير يزوج هو يلها في روحه
اميرة:ان شاءلله
الكاتب:Arhima Alagory
في ليل روحت الوليه وانا وعبير نديرو في عشاء
عبير:لعقبالك
انا:ههه ان شاءلله بس نحس روحي انا انخلقت للتعب وخلاص
عبير:ما تقولش هكي انتي توا كيف بديتي في الحياة توا تطلعي وتخشي بذات انتي احلى وحده فينا اول ما يشفوك يخطفوك منه طول
انا:هههه انشاءلله بس قصدك تبي تسيبني بعد ما حصلت وتعودت عليك
عبير:انا اختك مش صاحبتك يعني سيوري جاية هنا وح نتلاقو
انا:تي بعدين مزال انا نحكي تقول بكرا زفتك
امي:هي انتي وياها وانتي يا ملاك بلا كثرت كلام وبعد تكملي احكي
عبير:انا وياها كنه نحكو
امي:بس من لما خشت عليك ملاك وانتي غير هدريز وخلاص
انا:خلاص اصلا مكملين
امي:هي جيبن العشاء باتك من امبدري يرجا فيه
تعشينا وبعد العشاء انا مشيت داري ولعت تلفزيون وقعدت نتفرج دق باب
انا:خش
معتز:خير
انا:مابيتش نرد عليه
معتز:قلنا خير
انا:نعم
معتز:خش قعمز ع سرير قصدك ملوكة مزالت زعلانة
انا:لا فرحانة
معتز:كنك ما تردي عليا
انا:انت عارف شن داير
معتز:مش داير شي
انا:لا داير
معتز:ما انتي عارف لما نقاعد مع شباب ما نحبش نرد
انا:حتي رسالة يا اخي
معتز:والله محمد لما كثر رن خذا تلفون عنده
انا:مش هكي عاد محمد ما يعرفش ان عندك عرب يشغلو عليك
معتز:قرب وباسني ع راسي معلش اخر مره
انا:مش عليا ع مسكينه حنان
معتز:ياباردة ونحسابك خايفة عليا
انا:يكون في علمك امس ما رقدتش نين سمعتك خشيت درت روحي راقده
معتز:خلاص عاد
انا:باه
خشت علينا عبير
عبير:عادي نشركم
معتز:لالا معلش اجتماع خاص
عبير:باهي باه
انا:اسمع الا عبير ايوه راه نطلعك
معتز:هكي باهي يا ملاك
انا:نبصر معاك
عبير:خلاص معنها نطلع
معتز:لا تعالي انا طالع اصلا
عبير:بسم لله انت امتي جيت
معتز:توا جيت نرضي في الابلة هذي وطالع معايا صاحبي برا
عبير:ربي يخليك لنا
انا:ماديرش عملتك امس
معتز:حاضر
عبير:كانك شن داير
معتز:توا تحكيلك ملاك انا طالع
الكاتب:Arhima Alagory
طلع معتز وقعدت انا وعبير
انا:امس طول ما روح ونرن عليه مايردش
عبير:عارفه علاقتك انتي ومعتز خير من علاقة معتز معانا
انا:وانتي علاقتك مع خواتي مش نفس علاقتي معهن
عبير:بس انتي تاخفي ع معتز ومهتمة بيه اكثر من اي حد
انا:معتز جبرني اندير هكي من معاملته ليا معتز سبب ضحكتي معوضني ع كل شي
عبير:ربي يحفظكم ويخليكم بعضكم
انا:وانتي معانا
عند امي وباتي
امي:يا سعد اليوم جتنا وحده وتطلب وتبي عبير
باتي:شن قلتيلها
امي:قلتلها نشور باتها قبل
باتي:شوفي عبير شن رايها وبعدين ساهل
امي:عبير يا عبير
عبير:هي نعم
امي:باتك يبيك
عبير:نعم بابا
باتي:يا بنتي اليوم جت وحده وتطلب فيك وانتي شن رايك
عبير:تحشمت واللهي لي تبيها يا بابا راي رايك انت
باتي:يعني لو وافقت انتي ماعندكش اعتراض
عبير:لي تشوف انت
امي:خلاص امشي
باتي:لمن الراجل
امي:قالت اسم عادل فلان
باتي:توا نسال عليه بعدها ساهل
امي:تمام
عندي انا في دار
انا:شن في
عبير:يسالو فيا ع راي في خطبة
انا:شن قلتي
عبير:قتلهم لي تشفو انتو
انا:وانتي شن رايك
عبير:انا عجبني وهو قالي ان يبي يخطبني
انا:يعني حب من زمان
عبير:لا عاد مش حب بس تقدري تقولي صداقة وبعدها اعجاب
انا:اها ربي يهنيك
عبير:انشاءلله ونشوفك عروس حتي انتي
انا:ان شاءلله
قعدت نهدرز انا وعبير عند عبير نعست ومشيت دارها طبعا انا مستحيل نخش دارهم قعدت شويه ع تلفزيون بعدها رقدت
الكاتب:Arhima Alagory
ثاني يوم في صبح
معتز:صباح الخير
انا:صباح النور نحطلك فطور
معتز:ياريت
انا:هي دقايق بس
معتز:وين بنات
انا:مزالن رقدات وعبير في عمل
معتز:خطرها من جاي يخطب في عبير
انا:والله مش عارف من بس سمعت اسمه عادل
معتز:امي وين
انا:خشت تلم في دارها
معتز:وتيلي فطور توا نجيك
معتز خش لامي
معتز:خير يا حاجة
امي:خيرات يا غالي
معتز:شن اديري
امي:نلم في دار
معتز:وين بنات يسعدوك
امي:خليهن رقدات
معتز:المهم من جاي يخطب في عبير
امي:واحد اسم عادل فلان
معتز:شن قلتولهم
امي:مازال نسالو عليه قبل
معتز:ايواه تمام بيش نعرفو لمن نعطوها مش هكي وخلاص
امي:نجكليا خايف ع خواتك
معتز:تبي حاجه
امي:لالا مربوحه
جاني معتز
معتز:فطور واتي
انا:اها
معتز:باهي انتي جامعة قريب تبدا
انا:قصدك سجلتني
معتز:شن رايك
انا:ليش ما قتلي
معتز:قتلك وتوا قتلك اخره
انا:باهي يستر الله
معتز:بيش
رن تلفونه
معتز:الو
محمد:هي يا سيدي وقت
معتز:وين انت
محمد:قدام حوشكم
معتز:خش افطر
محمد:سبقتك امبدري غير اطلع بس
معتز:تمام وسكر
معتز:بيش تخشي داري وتلميها ليا
انا:حاضر
معتز:لميها انتي وماتخلي حد معاك
انا:باه
معتز:اوكي
طلع معتز ولمحمد
محمد:وين متاخر
معتز:منك امس
محمد:نمشو
معتز:شن رايك
محمد:امتي عرسك
معتز:وشن خطرها
محمد:نبو نفرحو بيك
معتز:والله مازال جتي ما سكرتش سنه وانت عارف وخطرها جاينا واحد يبي ينسبنا
محمد:من يبي
معتز: كنك انفجعت
محمد:لا عادي نسال بس
معتز:وحده من بنات
محمد:عارفها وحده من بنات املا يبيك انت
معتز:ههههه يبي عبير ونبيك تسال عليه
محمد:باهي عطيني اسمه توا نزبدلك عليه ونقولك
معتز:اسمه عادل فلان يسكن في منطقة كذا
محمد:تمام
الكاتب:Arhima Alagory
عندنا في حوش
انا:خشيت دار رنيت ع حنان
حنان:الو يا خيه
انا:انشاءلله راقده
حنان:انتي تخلي واحد يرقد
انا:نحسابك قتلك حكالك معتز امتي جامعة
حنان:اها قالي شن وتيتي روحك لها
انا:انا ما قالش شي الا توا
حنان:هههه تقول انا لي اخته ومعاه في حوش
انا:تضحكي يا باردة
خشت عليا امي
امي:هي انتي سكري الخارب واطلعي شوفي شغلك في حوش مش فاضيين للكلام فاضي مع ناس فاضيه عندها ما ادير
انا:سكتت
امي:تسمعي ولالا
حنان:امشي يا ملاك وسكرت
انا:باهي وطلعت
قعدت نلم ونبكي يعني مسيبه خواتي لي رقدات وجتني انا لي من صبح واعيه ودرتلهم فطور وحرجتني مع حنان بكلامها
امي:كنك تبكي
انا:شي ونمسح في دموعي
امي:بلا دلع زايد
انا:باهي
كملت الحوش خشيت دار معتز
اميرة:نضت فطرت وخشت عليا
انا:خير
اميرة:ماردتش عليا شن اديري
انا:نلم في دار معتز
اميرة:توا نلمها انا
انا:لا توا نلمها ماعليك
اميرة:قتلك اطلعي توا انديرها انا
انا:بس معتز قالي لميها انتي
اميرة:وانا قتلك اطلعي
جت امي
امي:كنك
اميرة:لقيتها ما تلمش اكويس قتلها ديري اكويس تمت تهزب
انا:والله لا
امي:يعني تكذب اختك
انا:اها
اميرة:احترمي نفسك معش تقولي تكذب
امي:هي تعالي معايا في مطبخ
انا:بس
امي:اسمعي الكلمة راه نقولها لباتك
انا:باه
طلعت وروحي تبي تطلع خشيت مطبخ وقعدت اندير مع امي طبعا بهزايب وهرجة وانا خلاص مش متحمله
عند عبير
وحده مع عبير في عمل:عبير يبيك واحد برا
عبير:باه طلعت لقاته عادل
عادل:صباح الخير
عبير:صباح النور
عادل:شنجوك
عبير:الحمدلله وانت
عادل:اكويس
عبير:تفضل
عادل:لا جيت نشوفك بس
عبير:ابتسمت اها باهي تفضل شن تشرب
عادل:لالا مستعجل مره جاية المهم شفتك
عبير:تمام
وطلع عادل وعبير ردت مع صاحبتها
عند معتز
محمد:توا تجيك انا
معتز:وين ماشي
محمد:في وحده نبي نتلاقه معاها
معتز:ياراجل رايح روحك انت تربش
محمد:خليك في حالك
معتز:تمام سلملي عليها
محمد:يوصل
الكاتب:Arhima Alagory
عندنا في حوش
باتي:وينكم
انا:نعم
باتي:وين خواتك
انا:مريم انضني راقده واميرة واعيه
اميرة:بابي
باتي:خير ميرو تعالي معاي
انا:صبيت كيف اليتيمة تشوف في بنت مع باتها ورايفت باتها دمعتي نزلت وينك يا جتي انتي غبتي وانا زاد القهر معايا خشيت داري وقعدت نبكي
امي:ملاك انتي يا فرخة وينك
انا:نعم
امي:تعالي هنا وانتي خاشه ع جو جديد ما عندك الا دار تقعدي فيها
مريم:ناضت تي كنكم صوتك عالي
امي:من ملاك هذي نبحت ريقي وانا نكلم فيها من يوم ما شفنها شفنا الهرجة وعياط
انا:الله يسامحكم
امي:دروحك طيبة توا
باتي:شن في كنكم
امي:مافي شي
مريم:غير ملاك ماتسمعش في كلام
باتي:كنك يا بنت اسمعي كلام امك راه خيرلك
انا:حاضر
خشيت الحمام وقعدت نبكي ياربي امتي نموت ونتريح ليش يصير معايا هكي والله تعبت بكل
عند معتز
محمد:قتلك
معتز:كنك
محمد:عارف بنت
معتز:اين بنت
محمد:لي توا كنت متلقي معاها
معتز:كنها
محمد:توقع من هيا
معتز:من ياراجل
محمد:نور عرفتها
معتز:لا والله
محمد:نور لي كانت تقرا في اولي ثانوي زمان
معتز:قصدك نور متاع ساحه هذكي
محمد:ايواه وسالتني عليك وقصة مش هنا قصة ان عادل لي يبي ياخذ اختك يقعد خوها
معتز:قصدك احمد يقعد خوه عادل
محمد:بزبط
معتز:تمام توا عرفت
محمد:بس اسال عليه اخره
معتز:انشاءلله بس خلاص فوتها نور
محمد:لا حتي انا هذي لي نبي نديرها
طبعا كلكم تسالو شن قصة نور نور هذي كانت تقرا نفس مدرسه مع معتز ومحمد ومعتز كان دروحه يحبها وهيا كذالك بعدها طلعت اخت احمد واحمد يقاعد صاحب معتز معتز سيبها وقطع علاقته بيها
عندنا في حوش
رن تلفوني لقيت عبير
انا:الو عبير
عبير:وين قاعده
انا:في الحوش
عبير:تقدري تجيني
انا:والله شن نقولك كان خلوني نطلع من مقبرة هذي
عبير:كنك شن في
انا:لا ما تشغلش بالك شوي ونرد عليك
سكرت منها ومشيت لباتي
انا:باتي نبي نمشي نجيب عبير
باتي:امشي بس خوذي معاك اميرة
انا:باهي
طلعت انا واميرة في طريق
اميرة:خشي من هنا
انا:مش من هنا
اميرة:انا نبي حاجة هنا
انا:باه
اميرة:درسي قدام محل هضا
انا:باه
نزلت اميرة وخشت محل قعدت نرجا فيها رن تلفون
انا: نعم عبير
عبير:وينك
انا:في طريق غير معايا اميرة تبي محل
عبير:باهي انزليلها قوليلها هيا
انا:باه
نزلت وخشيت محل وانصدمت لقيت اميرة مع صاحب المحل ومساكلها يدها وكنت قريبه منه وتضحك معاه انا جسمي رعش منها اميرة شفتني بعدت ع راجل وفكت يدها
اميرة:كنك
انا:هي وقت
اميرة:اطلعي توا تجي
انا:طلعت ومصدومة معقوله لي شفته استغفر الله
طلعت اميرة ورايا
اميرة:من قالك خشي
انا:عبير رنت عليا
اميرة:تمام لي شفتي كانك ما شفتي شي تسمعي
انا:باه
الكاتب:Arhima Alagory
ومشينا لعبير وخدينها
عبير:كنكم طولتو
اميرة:شي غير كنت نبي محل وما عجبني شي
عبير:اها
روحنا الحوش
خشيت ع دار وانا مزلت مصدومة من اميرة لي شفته انا ان ماسك يدها بس شن كان يديرو الله اعلم
عبير:ملاك هي تعالي تغدي
انا:ما عندش نيه
عبير:كنك
انا:شي غير مضايقة شويه
عبير:احكيلي
انا:امشي تغدي توا
معتز:هي يا هو قطعنا شر
عبير:هي جينا
طلعت عبير ومشيتلهم
معتز:وين ملاك
عبير:ما عندهش نيه
معتز:كنها
عبير:هي قالت هكي
باتي:تدلع واجد بنت هذي
معتز:لا ما تدلعش
باتي:تلطع فيا
معتز:مش هكي بس نقولك ملاك ما شافت شي من دلع
اميرة:اي الحقيقة
امي:خلاص خلونا نتغدو
معتز:المهم موضوع عبير راجل لي جاي طلع خوه واحد صاحب ونعرف وسال محمد عليه قالوله ماشاءالله عليه
باتي:توا نتاكد بعدها ساهل
معتز:تمام وصبه
عندي في دار
انا:نبكي
دق باب
انا:خش وقعدت نمسح دموعي
معتز:لالالا كنك تبكي
انا:سكر باب وراك
معتز:سكر باب كنك تبكي
انا:مليت يا معتز مليت من حياة هذي لي شفت توا ضعف لي شفت ايام جتي حياة بلاها شينه بكل
معتز:كنك شن صار
انا:امي وباتي مافيش رحمه في قلوبهم بكل وخواتي يتبعو فيهم
معتز:توا نجيك
انا:وراسك تعال ما تحكي شي
معتز:لزام دويلهم
انا:معتز تعال
الوقت لي كنت نحكي مع معتز كانت اميرة مع مريم
اميرة:زعما شن تبي من معتز
مريم:شن عرفني ديمه هكي
اميرة:بس مسكرين الباب
مريم:كنك خايفه
اميرة:ما امبدري الهم هذي شفتني مع ناصر في محل
مريم:شن شافت
اميرة:شافتني ماسك يده ونضحك معاه
مريم:شن قلتيلها
اميرة:شي قتلها ما تحكش لحد
مريم:ماتقدرش تكذبي اي كذبه
اميرة:ما فيش كذب تصدق كل شي واضح كان
مريم:شن هرجة هذي
اميرة:ترا تعالي
طلعن بنات من مطبخ لوسط الحوش
معتز:وضع هذا ما يصيرش بكل ولزام تعطوها حقاها كيف باقي بنات
باتي:تعلمي كيف نربيها يا معتز
معتز:ما نعلمكش كيف تربيها بس نبيك تحن عليها
امي:هي هكي من يومها مش متعوده
معتز:لا متعوده جتي ما كنتش تنقص عليها في حاجه
امي:خلاص سكر ع موضوع
معتز:مش مسكر نين ينحل
عبير:معتز خلاص تعال بس
باتي:وهيا دارت مشكلة وقاعده راقده
الكاتب:Arhima Alagory
انا نسمع ونبكي وعبير خذت معتز وخشت بيه في داره
عبير:خلاص فكنا توا من مشاكل
معتز:كل ظلم والله ما يربحو منها توا تشوفي
انا:معتز خلاص امي عندها الحق انا مش متعوده ع هكي
معتز:لزام يعودوك كيف ما معودين بنات
انا:عشان خاطري خلاص
طلع معتز من حوش وانا خشيت داري ونبكي لحقتني عبير
عبير:الله غالب يا خيتي عندك ما اديري
انا:حظنتها ونبكي
قعدت تصبر فيا وانا سكتت وصبرت كيف كل مره
في ليل
باتي:حميدة
امي:نعم
باتي:تعالي نبيك
امي:هي جيتك
باتي:ردي ع جماعة وقوليلهم ان موافقين لان سالت عليه راجل وقالو شاب ماشاءالله عليه
امي:لولولولولولولي
اميرة:كنكم
باتي:اسكتي يا وليه
امي:فرحانه لبنيتي يا راجل
عبير:كنهم هذوم
انا:اكيد ع موضوعك مبروك
عبير:لعقبالك يارب
كلمت امي الوليه وقلتلها ان موافقين وعطونا العرب موعد يجو يخطبو رسمي ويدفعو في نفس الوقت وتينا الحاجات وجونا رجاله وجتنا عمتي
امي:يا بنات بسرعه معتز يبي سفرت القهوة
صفاء:هي طالع بيها ملاك
انا طلعت بسفرة قهوة وكنت لبسه سروال امريكي ضابط وسورية بيضة وكنت دايره مكياج ولافه شعري فوق جيت عند باب دقيت ما سمعني حد فتحت باب نبي نصبح لمعتز انا فتحت باب دفاته رايح وكان محمد صاحب معتز مصبي قدام باب مربوعه جيت نبي نرد باب وفي يدي سفرة قبل طاحت جا محمد يجري مسك سفرة بحت فيه وبحت فيا وقلبي يدق بقوة
محمد:اطلقيها خلاص
انا:طلقتها ورديت باب طول وخذيت نفس عميق
صفاء:احم احم
انا:كنك
صفاء:انا ذبت خلاص
انا:بلا براده واللهي لو ما هو راه طاحت سفرة
صفاء:بس سالتك بالله مش طرف
انا:بلا صماطة
صفاء:لكن طرف ولا لا
انا:صاحب خويا حتي هو اكيد طرف
وخشينا مع بنات خش معتز
معتز:عبير
عبير:نعم
معتز:هذا دفعك انشاءلله مبروك
عبير:الله يبارك فيك
مرت الايام وبدينا نوتو لعرس عبير وعرس معتز وانا خشيت جامعة وبديت انا وحنان في جامعة رنت عليا حنان
انا:الو
حنان:ايوه وينك
انا:توا طالعه توا نجيك
حنان:باه
الكاتب:Arhima Alagory
طلعت مشيت لحنان رنيت عليها
انا:هي برا
حنان:جايه هي
طلعت حنان
انا:صباح النور
حنان:من امبدري نحكو وماقلتش صباح الخير
انا:خساره فيك
حنان:نبصر
مشينا للجامعة
انا:عليك زحمه وين ندرس
حنان:درسي هنا
انا:حتي هو راي درست ونزلت انا وحنان ومشينا للبنات وقعدنا نهدرزو نين جا وقت المحاضرة وخشينا للمحاضرة
حنان:شوفي شاب هذا لي يبحت فيك
انا:ياباردة راك مخطوبة انتي
حنان:نقولك يبحت فيك انتي
انا:فكيني منه
حنان:نكدية
انا:هكي طبعي
المهم كملنا وطلعنا مشينا كافتيريا خذينا حاجه انا وحنان وطلعنا لقينا بنات
نحنا:خيرات
بنات:هلا وين يا ملاك في عرب يسالو عليك
انا:من
بنات:شاب معانا ومش شاب بس طرف بكل
حنان:هضا لي يبحت فيك امبدري
انا:فكوني من كلام فاضي
حنان:هي محاضرة الاخره قريب تبدا
انا:هي
مشيت انا وحنان في الممر
حنان:شوفي شن يبي منك شن خاسرة
انا:وراس امك فكيني من كثرت الكلام
حنان:للقانك حاله
انا:وعجبتني حالتي
حنان:خليك اقعدي هكي نين يفوتك القطار
انا:به
شاب:معلش يا اختي
انا:انا
شاب:اها انتي ملاك
انا:اها انا ملاك
شاب:من امبدري وانا ندور فيك
انا:تفضل
شاب:….
.
.
.
.
.
#يتبع
تحياتي Arhima Alagory