رواية يتيمة مع والديها

#يتيمة_مع_والديها
#قصة_من_الخيال
#الحلقة_العاشرة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
طلع معتز وركب مع محمد في سيارة وماشين الجامع
محمد:نبي نقولك موضوع ونطلب طلب وماتردنش
معتز:روحي لكي
محمد:نبي اختك ملاك ع سنه الله و رسوله
معتز:شن نقولك مانلقاه خير منك بس نشور باتي لكن اعتبرها لك من توا وما نتريحش عليها الا معاك
محمد:تسلم يا خيي
معتز:يبحت في محمد احسن نسيب والله
محمد:معتز افطن
طاااف خش فيهم بطاح ?معتز لي كان لبس جلبية بيضه قعدت حمر من دم
معتز:يحكي بصوت دوبك طالع يا محمد كان صرتلي حاجة ملاك امانة عندك
محمد:فاقد الوعي مايسمعش بكل
ناس جتهم تجري وبدت طلع فيهم من سيارة سعفوهم للمستشفي خشو للعناية ع طول
عندنا في الحوش
انا نزغرت وفرحانه
امي:ملاك تعالي شيلي سفره العصير
انا:هي انا شلت سفره وطيح مني تكسر
عمتي:بسم الله
امي:حتي سفره ما تقدري ع شيلتها
عمتي:خلاص نكسر الشر
انا:ساكتة

في الجامع
شيخ:قول معايا وانا قبلتو
باتي:وانا قبلتو
شيخ:البنت البكر حنان زوجتن لموكلي معتز سعد
باتي:البنت البكر حنان زوجتن لموكلي معتز سعد
شيخ:ع سنة الله ورسوله
باتي:ع سنه الله ورسوله
شيخ:ان شاءلله الف مبروك
باتي:الله يبارك فيك

الكاتب:Arhima Alagory

في الحوش
مريم:عبير تلفونك يرن
عبير:الو
عادل:قروها الفاتحة
عبير:لولولولولي
وقعدنا كلنا نزغرتو

في المستشفي طلع دكتور
دكتور:من يعرفهم
شاب:انا واللهي سعفتهم ومانعرفهم بس تلفوناتهم هنا
دكتور:عطيني واحد منهن
شاب:تفضل
دكتور:خذا تلفون محمد لقاه خش ع سجل لقاه اول واحد مسجل خيي رن عليه
شاب:اهو يرن تلفون
دكتور:شاف لقاه مسجل نفس شي خيي
دكتور:لاحول ولا قوة الا بالله
شوي رن تلفون معتز رد دكتور
عادل:الف مبروك يا حاج قروها فاتحتك
دكتور:سكت بكل
عادل:نحكي معاك انت وينك كنك ماجيت
دكتور:والله يا خويا مش عارف شن نقولك
عادل:من معايا
دكتور:انا دكتور في مستشفي **** كان تقدر تجيني توا ضروري
عادل:شن فيه
دكتور:صاحب التلفون هضا دار حادث توا
عادل:لا حول ولا قوة الا بالله مسافة طريق بس

عندنا
خشيت خذيت تلفوني ورنيت ع حنان
حنان:الو
انا:لولولولولي مبروك يا مرات خويا
حنان:الله يبارك فيك لعقبالك يا قلبي
انا:اااه ان شاءلله
حنان:نبي نطير من فرحة واخيرا ازوجت معتز
انا:وانا كيفك واخيرا تبي تقاعدي جنبي وجارتي
حنان:شن رايك تسكني عندنا وتفوتي هلك
انا:راي سمح
حنان:خلاص نهدرزو بعدين
انا:باه توا بعدين وندزلك صور خيال منظره بجلبية
حنان:نعليا انا خلاص باي
انا:باي

في مستشفي
عادل:وصل نزل يجري وخش ع دكتور دكتور انا لي كلمتني توا
دكتور:اها شن تقرب لصاحب تلفون
عادل:نسيبه
دكتور:يا خويا هضا حال دنيا وكلنا ميتين
عادل:قعد يبكي ما تقولهش يا دكتور
دكتور:وحد الله صاحب تلفون ولي معاه توفو ?
عادل:لا وقعد يبكي
دكتور:شدد عزمك يا راجل وادعيلهم
عادل:لا اله الا الله
دكتور:تعال معايا
خش عادل مع دكتور للثالجة بعيد عنكم
دكتور:هذا من
عادل:انصدم ويبكي هذا محمد صاحب نسيبي
دكتور:فتح ع معتز معنها هذا نسيبك
عادل:طاح ع ركبي هو هو وانهار بكاء
دكتور:الله يرحمهم ويسامحهم
عادل:امين
عادل قعد حاير كيف يخبر هلي ويقوللهم الغو العرس وديرو عزاء

الكاتب:Arhima Alagory

عندنا في حوش
انا:وين معتز طول
عبير:توا يجي ما يطولش
انا:بس رجاله روحو من جامع
عبير:غير عادل ما جاش
انا:معنها قعدين مع بعضهم ولا حاجه
عبير:ترا شوفيه
انا:رنيت ع معتز بس يضرب وما يردش
عبير:شن صار
انا:ماردش ديمه يدير فيها اكيد محمد واخذ تلفونه
عبير:رنت ع عادل
عادل:الو
عبير:استغربت صوته كنك انت
عادل:شي شن تبي
عبير:وين معتز
عادل:سكت
عبير:وينه كانه طول ما جا نرجو فيه
عادل:معتز معاش يجي معتز مات يا عبير
عبير:عزقت تلفون وقعدت تقول قول كذبه قول نبصر معاك
انا:انصدمت عبير كنك
عبير:معتز يا ملاك معتز
انا:كانه معتز
عبير:ماااات معتز راح يا هو
انا:سكتت وتمت كلمة وحده في وذني معتز راح يا هو

والحوش لي كان زغريت قعد عياط وضحكة قعدت بكية ورجاله انفجعو خش باتي
باتي:كنكم شن في
امي:ولدك يا سعد ولدنا راح وعوزنا
باتي:من قالها لك من قالها لك معتز توا يجي اسكتو بلا عياط اسكتو
انا:مشيت وكانه مافي شي خشيت دار معتز مسكته صورته وقعدت نبكي مش قتلي مش ح تسيبني شن اندير بعدك ليش خليتني ليش ما خذيتني معاك ليش ليش وقعدت نعيط وبعدين انهرت بكاء

في المستشفي
دكتور:توا قصة في صاحبه الاخر كيف تخبر هله
عادل:وين تلفون
دكتور:انضني هضا
عادل:خذا وقعد يدور في سجالات لقاه احمد خو محمد رن عليه
احمد:انعم محمد
عادل:انا مش محمد
احمد:من انت
عادل:قصة طويل المهم انت كان اقرب اتجيني في مستشفي **** توا تفهم كل حاجه
احمد:سكر طول وطلع للمستشفي

حوش تعبى ناس وبدو العرب تجي للعزاء وانا قاعد في دار ونبكي خشت عليا عمتي
عمتي:تعالي يا ملاك
انا:جيتها نجري وحضنتها وقعدت نبكي
عمتي:تبكي الله يرحمه
انا:بس سيبني يا عمتي خلني وانا في عزته توكل بدري بكل يا عمتي معتز استعجل يا عمتي مزال صغير يا عمتي حي عليا ماعد عندي سند بعد
عمتي:عوزنا كلنا
انا:لالا انا اكثر وحده كلكم عندكم من يصبركم وانا ما عندي الا هو
عمتي:يا ملاك توا غيري دبشك العرب بدت تجي وتعالي برا
انا:ما نبش نقابل حد
عمتي:العرب توا تسال عليك
انا:قولولهم ماتت مع خوها
عمتي:هي عاد عشان خاطري
انا:خليني توا نصبي
عمتي:ما طولش
انا:حاضر

الكاتب:Arhima Alagory

في مستشفي
احمد:رن ع تلفون محمد رد عليه عادل
احمد:في مستشفي انا
عادل:تعال عند العناية
احمد:هي
تلقو احمد وعادل
عادل:يا احمد عنده رفيقه فاتحته اليوم
احمد:اها معتز وحضرنها كنت في جامع
عادل:بس محمد ومعتز دارو حادث هم ماشين للجامع
احمد:لالا شن صارلهم
عادل:توفو هم الاثنين
احمد:لا ياربي قعد يبكي
عادل:الله يرحمهم ويسامحهم
احمد:ومحمد وين
عادل:في ثلاجة هم اثنين
احمد:نقدر نشوف
عادل:اها تقدر
خش احمد يشوف في محمد وعادل قعد في يدير في اوراق وياخذ في تقرير الدكتور خش باتي
عادل:جا باتي وقعد يبكي معاه
باتي:يا عادل قولي كذبه ضي عيوني راح يا عادل ماصدقت ربي عطا ليا
عادل:لله مااعطى ولله ما اخذى يا عمي
باتي:لا اله الا الله وين هو
عادل:في ثلاجة تعال نخشو
باتي:كيف مات وامتي
عادل:هو جاي للجامع دار حادث مات هو ومحمد
باتي:حتي محمد
عادل:اها الله يرحمهم
باتي:خش ثلاجة وفتحله عادل ع معتز
عادل:ادعيله يا عمي
باتي:الله يرحمك يا ولدي الله يرحمك
دكتور:سلام عليكم عظم الله واجرك يا حاج
باتي:اجرنا واجرك ع الله
دكتور:لو تقدرو تخذوهم كان تبو تروحو بيهم للحوش
عادل:شن رايك يا عمي امتي تدفن
باتي:توا ناخذ ونروح حوش وندفن بكرا
احمد:عظم الله اجركم يا عمي سعد
باتي:قعد يبكي في العزاء واحد
احمد:كان تدفنو بكرا حتي نحنا ندفنو بكرا
باتي:ترافقو هم حايين خليهم يترفقو حتي هم ميتين
احمد:الله يرحمهم ويسامحهم انشاءلله
باتي:انشاءلله
عادل:جاب سيارتة وفي صندوق وحاطو معتز جابو للحوش
طبعا حتي احمد بلغ هله وحتي هم خذو محمد

عندنا في الحوش
انا طلعت خشيت دار لقيت تلفوني يرن لقيتها حنان
انا:الو
حنان:قتلك معتز روح ولالا نرن عليه مقفل
انا:معتز مات يا حنان معتز سيبنا
حنان:لالا يا ملاك شن تقولي انتي
انا:هضا الصار معتز دار حادث ومات
حنان:سكرت وقعدت تعيط لتمو عليها وفهمتهم لي صار
وانا سكرت وقعدت نبكي بعدها غيرت دبشي وطلعت وتبدا ناس تبكي معايا
انا:نبكي وخلاص ومش مستعبه حد

جتني عبير
عبير:ملاك مفتاح حوش معتز وين
انا:كنك شن تبي فيه
عبير:تبكي في طريق جايبينه
انا:جايبينه ميت يا عبير يخش حوش ميت بدال ما يخشه عريس ينعلي انا يا خيي
عبير:توا خلينا نمشو نفتحو الحوش
انا:باه ناخذ مفتاح بس

خشيت داري وخذيت مفتاح ومشيت فتحت الحوش انا وعبير ولعنا المكيف
الحوش كان مزين ومنظم حوش عريس شن يبي يكون
انا:كان فرحان يا عبير يرجا فيها بدقيقه يوم يزوج حنان
عبير:الله يرحمه
انا:خسارة كبيرة خسارت معتز
عبير:عوزنا
انا:انا بذات ماليا حد غيره جتي وماتت توا معتز لحقاها ليش سيبوني ياربي خوذني ورحني
عبير:بعيد السو
انا:كنت نتحمل في الحياة ع سبه يا عبير اليوم مدام انا بله شن ينفع
عبير:حسهم جو
انا:تعالي نخشو دار

الكاتب:Arhima Alagory

خشينا دار ونشوفو فيهم حطوه في مربوعه وطلعو
عبير:تعالي
انا:نزلت ع ركبي معش نقدر معش نقدر نمشي ونشوفه هو ميت
عبير:قعدت تبكي اخر مره نشوفو فيها
انا:مش قادره يا عبير مش قادره
سمعنا باب نفتح خشت امي وخواتي وعمتي وقعدو يبكو
امي:سامحنا يا وليدي
اميرة:معتز سامحني كان زعلتك
مريم:اه يا صغير
عمتي:تبكي
عبير:ترا حولو شفاته قعدت تبكي هضا معتز يا امي امس نعلمو في المشي واليوم مات بسرعه هذي
انا:نبكي اااه يا عزو ليش سيبتني مزال بدري بكل مزلت في حاجتك
عمتي:كنك قاعده هنا تعالي شوفي خوك
انا:معش نقدر نصبي ماقدرتش نصبي انا

فعلا قعدت نحول نصبي بس
نطيح كرعيه معش شلوني
عمتي:بسم الله تعالي نساعدك
انا:خليني توا نجي قعدت نزحف ع ركبي بيش وصلت بحتت فيه كان وجه مجرح من قزاز وخبطات غمضت عيوني مانبش نشوفه جت صورته قدامي فتحت وطبست حبيت ع راسه انا قولي ليش سيبتني وانت هلي ودنيتي رد عليا يا معتز ما تسكتش ياربي ليش هكي ليش قعدت نخبط في وجي
عمتي:مش هكي يا ملاك وحدي الله
انا:لا اله الا الله
امي وخواتي طلعو
عمتي:هي تعالي
انا:خلوني
عمتي:عرب تعزي
انا:قولولهم كان العمر كله جنبي نبي نقاعد جنبه ليله هذي
عمتي:باه
صبيت جبت مصحف وقعدت نقرا في قران وانا نبحت ودموع ينزلن بعدها كملت قرايه تميت نحكي معاه
انا:يعني خلاص هذي اخر ليله نشوفك باهي حنان حتي هيا تحبك ليش سيبتها حنان فرحانه بيك يوم قعدت راجلها مشيت وسيبتها يوم فرحتك قعد يوم عزائك يا معتز انتي عودتني ع كل شي من يبي يعبيلي مكانك سامحني كان زعلتك في يوم ياريت متت وما شفتك في صندوق
الـــراحـــةويــــن بعــد فــرقـــاك ??
ايـســد انــي تــمــيـــت بـــلاك ! ?

خش باتي
انا:بحتت فيه عرفت ليش تبيني نجي عيل بيش كان مات واحد يقاعد واحد بس ربي كاتب هكي ان يقعدو ضنوتك بس بنات
باتي:طلع وقعد يبكي برا
وانا:قعدت نبحت في معتز نبي نشبع من شوفته لان بعدها معاش يقاعد قدامي بكل
بعدها باتي خش وانا ساكت ما تكلمتش باتي جاب كرسي وقعمز عليه وقعدت عند صبح وانا نشوف فيه ومره نسكت ومره نبكي

في الصبح
باتي:خلاص يا ملاك اطلعي
انا:لالا مش ح نطلع
باتي:يبو يجي شيخ يغسل
انا:توا نخش وحده من الاديار
باتي:باه
عادل:يا عمي شيخ جا
باتي:شوي بس هي خشي
انا:معتز تذكر اخره كلمة قلتها ليا قتلي خلاص نتلاقو وانا نقولك خلاص نتلاقو في جنة انشاءلله سامحني يا خيي يا باتي يا سندي يا كل شي وبسته ع راسه وما قدرتش نحول مانبيهمش يا خذو مني
باتي:خلاص يا ملاك
انا:معتز سالمي ع جتي ح نفقدك يا خيي وخشيت دار وقعدت نبكي

خش شيخ لي كان يقرا في فاتحه امس اليوم جاي يغسل فيه وانا نتفرج ونبكي بعدها كمل شيخ وطلع
باتي:قرب سيارة يا عادل
عادل:هي
طلعت انا شفته بس ما شفتش وجه كان مكفن قعدت نبكي لو بيدي ما نخليهم ياخذوك وراه دفنتك جنبي في دار سامحني يا معتز
جا عادل ومعاه وحدين وخذوه وطلعو وانا نتبع في سيارة ونبكي نين عدت سيارة ومعش بانت عليا مشيت سكرت حوش معتز وخشيت حوش خشيت دار جتني صفاء
انا:خذوه يا صفاء معش يجينا
صفاء:الله يرحمه
انا:نبي نرقد
صفاء:به ارقدي وتريحي

عند رجاله
صالو الظهر وبعدها جنازة عليهم هم الاثنين وتلقو هلي مع اهل محمد وبعدها مشيو للمقبرة ودفنوهم جنب بعضهم وروحو

الكاتب:Arhima Alagory

رقدت نضت بعد المغرب لقيت عبير في دار
انا:كنك
عبير:لا حاسه روحي مريضه
انا:امشي مستشفى
عبير:لالا مش مستهله
انا:باهي في عرب واجد
عبير:بكل
انا:عليك قصة
عبير:كنك
انا:ما عندش نيه نقابل حد ولا يعزيني
عبير:شفتي صاحبتك
انا:من
عبير:حنان
انا:من بعد امس معش كلمتها
عبير:كلميها وشوفيها
انا:توا بلكي اتجي
عبير:اكيد رابط هي
انا:مش عارفه
عبير:كلميها
انا:رنيت ع حنان
حنان:الو
انا:بكيت طول كيف حالك
حنان:جاعنا ماهو حالك
انا:انا اشر منك
حنان:دفنوه
انا:امبدري اها
حنان:كيف تكون حياتي بلاه
انا:ربي يرحمه
حنان:رايفت عليه
انا:انا اكثر منك
حنان:توا نجي بكرا في صبح لاني شيخ قالي تربطي
انا:تمام
حنان:خلاص اكيد مش فاضيه
انا:باهي اوكي

سكرت منها
عبير:شن قلتك
انا:اها رابط بكرا تبي اتجي
عبير:هي نطلعو
طلعت عبير تجري للحمام
انا:لحقتها كنك
عبير:قتلك حاسه بدوخه
انا:امشي مستشفى خير
عبير:توا نقاعد تمام
انا:بلكي حامل
عبير:شنو
انا:شوفي مرات حامل صاح
عبير:انشاءلله
انا:دزي عادل ع جهاز كاشف الحمل
عبير توا نشوف

طلعت انا مع بنات
اميرة:باهي شرفتي
انا:استغفر الله وخلاص
مروه:خلاص يا انتن مش هكي عاد
صفاء:تعالي معايا يا ملاك
انا:مش عارفه ليش معاملة هذي
صفاء:الله غالب
انا:ليا الله واميرة هذي ربي ينتقم منها
صفاء:اختك يا ملاك
انا:ليش ما تعرفها هيا
صفاء:فوتيها
انا:بطلت وانا نفوت

قاعده انا نحكي مع صفاء جت امي
امي:ملاك
انا:اسمعي كلامها بس
صفاء:عارفه
انا:نعم
امي:تعالي ساعدي بنات وانتي تبكي وخلاص كلنا فقدنه معتز
انا:حاضر
مشيت مع بنات وقعدت معهن عند جا الليل وناس رقدت انا طلعت للجنان وقعدت بروحي ونتفرج ع صوره معتز ومقاطع متاعه ونبكي الله يرحمك يا عزو رنت عليا حنان
انا:مزلتي واعيه
حنان:وين يجيني نوم هو في قبر
انا:صدقتي
حنان:الله يرحمه
قعدت نهدرز انا وحنان في ذكريات مع معتز نين اذن فجر سكرت ومشيت نصلي بعدها خشيت رقدت

الكاتب:Arhima Alagory

في صبح نضت ع عياط طلعت لقيتها حنان جاية
انا:جيتها وحضنتها وقعدنا نبكو
بعدها قعدنا مع بعضنا وناس كلهم يبحتو فيها حنان طبعا سمحه ناس يقولو حرام واللهي الاعين وماتهنت وهكي
حنان:حتي محمد صاحبه توفه
انا:اها الله يرحمه
حنان:شن صار في راجل لي دار معاهم حادث
انا:انحبس بعدها جونا عربه امس وجابو تعزية درنالهم تنازل وعيت محمد حتي هم
حنان:انشاءلله في ميزان حسانتكم
انا:حنان معش تبي تقاعدي مرات خويا
حنان:قعدت تبكي كان ماقعدتش مرات بس حبيبته وهو حبيبي
انا:نبكي الله يرحمك يا معتز

اميرة رن تلفونها لقاته ناصر
اميرة:الو ناصر
ناصر:وينك كنك ما ترني ولا عرس نسيتيني
اميرة:معتز خويا مات
ناصر:عظم الله اجرك امتي
اميرة:اليوم ثاني ليلة
ناصر:اها باهي معنها توا نحكو بعدين
اميرة:باه

قاعده انا وحنان وجت عبير تهدرز معنا بعدها عبير صبت صارتلها دوخه وطاحت شوي كلمنا عادل وجا شالها للمستشفي نزل وشالها ع يديه
عادل:نبي دكتور
ممرضه:جيبها هنا توا يجي دكتور
جا دكتور ترا دقيقة
عادل:تفضل
دكتور:كشف عليها هذي سايرلها هبوط توا تجي ممرضه تعلقلها تغذيه
عادل:تمام

عندنا
حنان:اوكي انا
انا:توا نجيك نبرم عليك غير يخف المشي وجي
حنان:ع مهلك
روحت حنان وانا خذيت تلفوني رنيت ع عبير رد عليا عادل
انا:الو
عادل:ايوه ملاك
انا:خير عادل شن صار
عادل:عندها هبوط توا علقولها تغذية بعدها مرحين
انا:باهي تمام
مشيت مع بنات ونساعد فيهم

عند عبير في مستشفي
عبير:ناضت
عادل:خليك كيف ماانتي
عبير:وين قاعده يا عمري
عادل:في مستشفي صارلك هبوط
عبير:نبي نروح
عادل:تكمل تغذية ونروحو
عبير:باه نبي نقولك انا انضني حامل
عادل:تحكي جد
عبير:نقولو انشاءلله
عادل:انشاءلله يارب
روحو عادل وعبير
عادل درس ع صيدليه جاب منها جهاز كاشف الحمل
عادل:امسكي بعد تروحي جربي وطمنيني
عبير:انشاءلله

روحت عبير
انا:شن صار
عبير:هبوط
انا:شفتي روحك حامل ولالا
عبير:توا نبي نشوف
انا:خشي وبشرينا
عبير:باه
خشت عبير وبعدها طلعت وجتني
انا:شنو
عبير:الحمدلله حامل
انا:مبروك ياحبي
صفاء:شنو شنو
عبير:لي سمعتي
صفاء:مبروك غلاي
عبير:لعقبالكم توا نمشي انبشر عادل
انا:مربوحه

قعدنا نهدرزو جا ليل وبعدها كل واحد خش رقد وانا نفس ليله لي فاتت قاعده برا نسمع في اميره تحكي
اميرة:حتي انا مرايفه عليك والله
انا فتتها
اميرة:بعد يكمل العزاء تعال اخطبني بيش نقاعد لكي
انا نحكي بروحي بسرعه هذي يلي ما تحشمي
شوي اميرة سكرت ولقتني قاعده برا
اميرة:شن اديري هنا
انا:شي
اميرة:ولا كنتي تسمعي فيا
انا:شن نبي فيك انا حياتك وانتي حره
خشت اميرة وانا قعدت شوي بعدها خشيت ورقدت

الكاتب:Arhima Alagory

ثاني يوم
نضت مشيت فطرت وقعدت مع بنات اميرة كانت معانا رن تلفونها صبت
اميرة:الو
ناصر:اسمعي نبي نشوفك
اميرة:مانقدرش
ناصر:توا نرد عليك جاوني زبائن
ردت اميرة معانا
انا:من يجي معايا انديرو فطور الرجاله
صفاء:انا توا نجي
عبير:وانا معاكم
انا:ريحي روحك انتي
عبير:لالا عادي
انا:بيبي نبي يتريح
اميرة:اين بيبي
مريم:فهمونا
عبير:انا حامل
اميرة:نحنا قعدن اخر وحدين نسمعوها يا عبير
عبير:مش هكي بس انا تعبت قدام ملاك
مريم:صاحبه البلاوي ملاك
انا:سكتت ومشيت مطبخ درت فطور انا وصفاء وعبير وبعدها طلعت وكل مره جايه وحده تعزي نين جا وقت الغداء

اميرة رن عليها تلفون ناصر من جديد
اميرة:الو
ناصر:وينك
اميرة:ما نقدرش
ناصر:نبيك في موضوع دبري كيف تجي
اميرة:عندنا عرب واجد اليوم وما نقدرش نسيبهم
ناصر:عندك نص ساعه يا تجي يا لي بينتنا انتها وسكر

انا كنت في دار ونبي نطلع
اميرة:ملاك عطيني مفتاح سيارتك
انا:عليش
اميرة:مش شورك وين مفتاح
انا:قاعد بس وين ماشيه
اميرة:جيبي الفتاح ومعش تسالي واجد
انا:امسكي هضا المفتاح بس توا تجي ع راسك
اميرة:يسالوك عليا قولي مش عارفه فاهمه
انا:سكتت
طلعت اميرة وركبت في سيارة رن عليها ناصر اخره
اميرة:نعم
ناصر:شن صار
اميرة:جايه توا…..
.
.
.
.
.
#يتبع
تحياتي Arhima Alagory

error: