منحرف وأحببته
#مـنـحـرف_وأحـبـبـتـه
الـحـلـقـة (49)
گـتـابـتـي #Koka_Saleh
“”””””””””””””””””””””””””
سندس:سراج لو صح كلامك شوف العيوني وقول ماانحبكش
سراج لف وجه للجيهة الاخرى:سندس انتي طالق
عفاف بصدمة:لا ياسراج
محمد بعصبية:انت شن درت
سندس شهقت وحطت يدها علي فمها وادموعها نزلو غصب عنها
سندس:سراج انت سمعت روحك شن قلت
سراج:اها سمعت انا طلقتك عشان معش نبيك
سندس تبكي:كيف معش تبيني
سراج بعصبية:معش نبيك يعني ماانحبكش يعني عدي الهلك خلاص اللعبة انتهت
عفاف بعصبية;سراج انت شكلك شارب حاجة انت مستحيل اتكون طبيعي
محمد:هذا مش شارب هذا متعاطي حاجة اللي مخليته يحكي هكي
سراج:تهنو لا شارب ولا متعاطي انا قدامكم طبيعي ومية في المية وبعدين ليش مستغربين انا طول عمري هكي ليا 30سنة هكي عشان مثلت عليكم كم شهر معناها توا مش طبيعي لا ركزو كويس هذا ولدكم اللي ربيتوه طول عمره هكي بس انتو كنتو مغفلين وصدقتو تمثيلي كله
عفاف:لا ياسراج انا امك ونعرف كويس لما تقعد اتمثل ولما تقعد صادق اللي درته في الشهور اللي فاتن ابدا مش تمثيل هذا فعلا انت وفي اصدق حالاتك
سراج ضحك بهزة;هه?
سندس تبكي:سراج طبيعي وطبيعي بكل اخرى وتوا بان علي حقيقته وانا اللي كنت مغفلة صدقته تريح حنديرلك اللي تبيها وانفكك مني بس ردبالك اتفكر اتكلمني او اتجيني او اتحاول اتبرر اللي درته لان مافيش اي عذر نقبله بعد اللي صار وطلعت وسيباته
طلعت عفاف في جرتها واتناديلها
محمد بعصبية:عدي الحق مراتك وصالحها مااتخليش الموضوع يكبر حلوه توا وبسرعة
سراج بعصبية;مش حال شيئ وقلتلكم معش نبيها خلاص الموضوع انتهى وسيب باته وطلع مالفيلا كلها
“””
سندس في حوشها واتلم في دبشها وعفاف معاها
عفاف تبكي:الله ايربحك يادوسة مااتكبريش الموضوع وتمشي الهلك
سندس:كيف تبيني نقعد ومانمشيش الهلي وهو طلقني
عفاف:سراج معصب بعد يهدى توا ايجي ايصالحك
سندس تبكي:مهما كان معصب مني ماتوصلش للطلاق خلاص سراج معش يبيني ومعش عندي مكان في حياته
عفاف:مافيش منه الكلام هذا سراج ايحبك
سندس تبكي:كيف ايحبني وهو طلقني
عفاف:بعد يهدى نفهمو منه بس توا خليك ومااتكبريش الموضوع وتمشي الهلك وانا حنمشي توا نحكي معاه وايجي ايراضيك
سندس:انا كل حاجة صارت معانا تحملت وقعدت وماحكيتش شيئ الهلي كله لاني كنت حاسه ان سراج متمسك بيا بس توصل للطلاق وبلا سبب هكي جو لا يا اعميمة معش نقدر سامحيني انا عندي كرامة وعمري ماتعودت حد ايهيني
قعدت عفاف تحكيلها واتحاول تقنعها بس سندس كانت مقهورة من تصرف سراج وكانت مصرة علي قرارها وانها تمشي الهلها
وفعلا لمت دبشها وركبت في سيارتها وطلعت
عفاف مشت للفيلا وهي تبكي وحالتها حاله لقت محمد في مكتبة ومعصب عالاخر وايدخن بعد ماكان مسيبه الدخان من سنين
عفاف تبكي:هي خلينا نلحقوها ونمشو نحكو مع هلها
محمد بعصبية;شن بنقوللهم هلها بنقول ولدي طرشق وطلق بنتكم ولا ولدي طلع يكذب عليها
عفاف;سراج ماايكذبش سراج اكيدة صاير معاه شيئ
محمد:مهما كان اللي صاير مايستحقش طلاق ولدك طرشق خلاص
عفاف تبكي:خلينا نمشو بالك اترد معانا
محمد بعصبية:البنت مش لعبة لين سراج ايطلق ونحن انردوها وبعدين هذي وحيدة باتها فاهمة شن معنى وحيدة باتها يعني مش هاينة عليه ومستحيل ايردها بعد اللي صار وحطي في علمك لو حكت الهلها حتى لو قرر سراج ايردها فرج معند عارفة مستحيل عاد ايردها له لو ايموت قدامه
عفاف تبكي:حي عليا شنو اندير انا تعودت عليها معقولة سراج ايدير هكي في دوسة اسرع كان صبر راح حلينا الموضوع
محمد:نحن السبب نحن ربيناه غلط وخليناه مستهتر في تصرفاته واناني ماايفكرش الا في روحه وبس
عفاف تبكي:والله قبل تغير بس مش عارف من اللي لعب في راسه وخلاه ايدير هكي
محمد:ماحد لعب في راسه هو هكي طايش وحيقعد طول عمره هكي نحن اللي غلطنا لما صدقنا الكذب امتاعه
عفاف:احكي مع عمي بالك يحكي معاه ويعرف ليش دار هكي
محمد:حتى باتي وحل فيه مافيش حد فاهمة وانا تعبت منه ومن مشاكله الله لا اتر
عفاف نطت وتبكي:لا يامحمد مهما كان هو ولدك ومش ناقصة ذهاب شيرة قول ربي يهديه بس
محمد:استغفر الله العظيم وربي يهديه وخلاص
“”””
#عند_سندس
وصلت الحوش هلها ونزلت ونزلت شنطتها ودقت عالباب وفتحلها أمها الباب
سعاد بفرحة:خيرات دوسة وسلمت عليها وسندس كانت ساكته وباين ان فيه شيئ
سعاد:خشي حماتك اتحبك توا غير حطينا الغداء وين سراج معاك
سندس والدموع في عيونها:لا مش معايا
سعاد:كنك دوسة شن صاير معاك وشنو الشنطة هذي
سندس تبكي:اطلقنا ياماما
سعاد شهقت:شنوو
سندس ارتمت في حظن امها وقعدت تبكي
فرج طلع مفجوع:شن فيه كنها دوسة
سعاد:مش عارفة مازال مافهمت شيئ وسندس قاعدة في حظن امها تبكي وتشهق
فرج:دوسة شن صاير معاك احكي
سندس تبكي والعبرة اتشيل فيها واتحط ومعش طلع الكلام منها خششوها باتها وامها جوا وقعدو ايهدو فيها
بعد حوالي ربع ساعة سندس هدت
فرج:دوسة احكيلنا سلم بنتي شن صاير معاك
سندس:بابا سراج طلقني
فرج:كيف وليش طلقك
سندس:مش عارفة مافيش سبب حتى ان ماتعاركنا لا شيئ
سعاد:لا هذا شكله طرشق معناها ولازم تصرف معاه يافرج
فرج:اصبري خليني نفهم دوسة احكيلي اللي صار كله
سندس قعدت تحكي الباتها من أول ماخذاها مالمشروع لعند لحظة ماطلقها
سعاد شهقت:يعني كل الشهور اللي فاتن يكذب علينا باهي شن زاره ايدير هكي
سندس تبكي:مش عارفة
فرج:انا حنحكي وانتفاهم معاه
سندس تبكي:بابا انا معش بنردله
سعاد:ومحلاك اترديله بعد اللي داره كله
فرج:اللي تبيها حتصير يابابا بس لازم نحكي معاه ومع هله ونفهم وبعدها نصرف
سعاد:أمتى بتمشيلهم
فرج:توا وخش لبس وطلع ومشى شور فيلة سراج
سندس صبت وخشت الدارها وطاحت علي سريرها وقعدت تبكي
“””
#في_الفيلا
فرج وصل للفيلا ورن علي محمد طلعله وخششه جوا وسلم عليهم ولقى عندهم جد سراج حتى هو بعد حكاله ولده القصة جاهم
فرج بعصبية:عاجبكم اللي داره سراج توا
محمد:اكيدة مش عاجبنا بس مازال لعند توا مافهمنش ليش هو دار هكي
فرج:سندس قالت مافيش سبب هو دار هكي بروحه
محمد:الحق كل شيئ صار قدامنا وسندس ماغلطتش في شيئ
فرج بعصبية:خلاص خليكم شاهدين وانا لو ايجي ايموت قدامي بنتي ماعاد انردها له
جد سراج:بالشوية يافرج الأمور مش هكي ينحلن صح سراج غلط وهذي معاك فيها بس انا متأكد ان فيه سبب
فرج:مافيش سبب ياعمي الا ان ضحك علينا كلنا وماحبهش
جد سراج:بالعكس سراج حب سندس وانا متأكد من كلامي واكبر دليل تغير عشانها بس فيه شيئ صاير معاه مازال ماحدش عارفة وانا حنحكي معاه وحنعرفه
فرج:وحتى لو حكيت معاه مستحيل يقعد عنده سبب مقنع للطلاق بالسرعة هذي ولو بتجو للحق بنتي مش هاينة عليا وانا جيت بنفهم منكم بس دبينكم مش فاهمين معناها لازم تعرفو ان حتى لو جاني بيموت موت عشانها بنتي معش انردها له
محمد:وسع بالك ومااتقولش هكي وهذا شاب ومعصب خليه يهدى ونفهمو منه
فرج:هذا مش قراري بروحي حتى سندس معش بتردله
جد سراج:سندس مازال معصبة ماللي داره سراج بس لو طلع عنده عذر اكيدة حتسامحه
فرج:مهما كان عذره مش حيبررله الطلاق وبعدين هذي بنتي وعارف ان عندها كرامتها فوق كل شيئ لذلك انا قررت نرفع محكمة ويطلقو رسمي وانحطو روسنا كلنا
محمد:انا معاك في كلامك كله وعارف سراج غلط بس نبيك تهدى واتهدي سندس عشان ماانضيعش كل اللي درناه عشان انخلوهم ايحبو بعضهم
جد سراج:انت عارف الاتفاق مالبداية وارضيت بيه ليش توا بتضيع كل حاجة بقرار في لحظة غضب
فرج:مافيش قرار في لحظة غضب سراج هو اللي طلق وكان عالاتفاق انا صح اتفقت معاكم بس في وقتها كانت بنتي مش مقتنعة لا بحب ولا زواج وكنت خايف تقعد طول عمرها هكي وتحرمني من اني نفرح بيها وبعيالها وانت ياعمي قنعتني بأنهم شخصين مختلفين والاختلاف هو اللي حيخليهم ايغيرو بعضهم ووافقت عالاساس هذا بس ماحسبتش احساب ان بعد بنتي اتحبه هو يطلع يكذب وايطلقها ويكسر قلبها
#تعالو_انردو_الكم_شهر_فاتو عشان نفهمو الكلام
(بدت القصة من اليوم اللي تلاقه فيه فرج ومحمد في معرض السيارات وخضو ارقام بعضهم وقعدو يتواصلو وتلاقو كم لقاء مع بعضهم وفي كل لقاء كان محمد يحكي علي سراج وطيشه وانحرافه وكان فرج يحكي علي عناد سندس وشخصيتها القوية وتعقدها مالزواج وانها رافضته تماما وقعدو هكي كل مرة زي وكأنهم يشكو في همومهم البعضهم لعند يوم محمد جا الباته وحكاله علي لقائه بفرج وحكاله علي بنته وهكي وطلب جد سراج ايتلاقه مع فرج بحكم ان يعرفه من زمان المهم تلاقو وكالعادة تبادلو الحديث علي عيالهم وفي اللحظة هذي طقت في راس جد سراج الفكرة وقرر قبل مايقترحها يمشي السندس وايشوفها في الجامعة قبل وفعلا مشالها في الجامعة وشافها يوم تسليم المشروع وتبادل الحديث معاها لما وراها الخطأ اللي عندها في المشروع وقدر ايحلل شخصيتها قعد جد سراج كم يوم وهو ايقلب في الفكرة في راسه وخطط الكل حاجة وبعدها بكم يوم كلم محمد وفرج واقترح عليهم ياخذ سندس السراج لانهم مختلفين علي بعضهم وكان متأكد انهم حيغيرو بعضهم ولان الاثنين كانو رافضين فكرة الزواج فكان اقتراح جد سراج ان ايخلوهم ايتلاقو كم مرة وعساس بالصدفة والصدفة اللي بتصير مااتمش الا بمساعدة 2قريبين منهم وكان الاختيار الفيصل ورانيا بما انهم مقربين منهم كلموهم وحكولهم كل حاجة خططوها وكان اول لقاء مدبر في المطعم وثاني لقاء مدبر كان في الجامعة وثالث لقاء مدبر كان في المصيف وكله كان من تخطيط جد سراج اما لقاء المستشفى فكان صدفة وغرقت سندس في المصيف صدفة جديات أما الايدي الخفية في نقذت سندس ماللي كان مخططله سراج وهدى كانو طبعا فيصل ورانيا واللي كانو متواصلين مع بعضهم من بداية الخطة وكان كل واحد يحكي للاخر في شنو ايصير وشنو يحكو سراج وسندس علي بعضهم وهذا كان سبب تعرف رانيا وفيصل اللي كنا مش عارفينه دارو اللقاءات هذينا كلهن علي امل ايحبو بعضهم بس ماصارش شيئ وبعد لقو سراج ناوي عالشر انتقلو للخطة الثانية واللي هي ايجوزوهم غصبن عنهم وبدت الخطة من تفليسة فرج ومرضته واللي كانت كلها ضمن الخطة لانهم عارفين نقطة ضعف سندس الي هي باتها وخوفها عليه ولما ايصير هكي حتوافق عالزواج اما الخطة عند سراج فكانو عارفين ان بدون فلوس باته مايسوش شيئ فكانت الخطة ان ايخيروه بين الثروة كلها والزواج او ماياخذش شيئ منها وعارفين ان مايقدروش ايخيروه بالثروة الا اذا محمد كان بيموت ومن هنا كان اختراع قصة مرض باته وان هو عنده مرض خطير واللي هي اثرت في سراج واجد واظطر ايوافق للسببين هذينا وبعد الزواج كانن كل الاخبار يوصلن الجد سراج ومحمد وفرج من خلال فيصل ورانيا اللي كانو معاهم في كل حاجة لحظة بلحظة )
جد سراج:معاك حق وعارفها بنتك ومااتحملش زعلها بس يافرج عطيني فرصة اليومين هذينا نفهم اللي صاير وبعدها تقدر ادير اللي اتريحك
فرج:ماشي بس لو العذر ماقنعش سندس وماقدرتش اتسامحه مانقدرش نغصبها علي شيئ
جد سراج;تمام وهذا حقها وحقك
فرج:معناها توا مع السلامة وطلع من جنبهم
محمد:فرج معصب بكل
جد سراج:معاه حق بنته اتجيه مطلقة وبلا سبب وتبيه ماايعصبش
محمد:انا حرت في سراج معقولة ايكون يكذب علينا صح
جد سراج:مش عارف ومش فاهم شيئ الاول مرة في حياتي العيل هذا درت كل حاجة عشان نصلحه بس ماقدرتش
محمد:اللي واجعتني ان بصعوبة قنعنا فرج ايوافق عالخطة وقنعناه ان هكي حتنفك عقدة الاثنين وبعد البنت انفكت عقدتها وحباته وتعلقت فيه ايدير هكي ليش بس
جد سراج:اكيدة فيه سبب وحنحكي مع سراج ومتاكد مش حيدس عليا شيئ
فرج:ان شاءلله ياباتي تقدر تفهم منه واتخل الموضوع
“”””
#عند_هل_سندس
فرج روح للحوش وخش لقى سعاد تبكي
فرج بخوف:شن فيه سندس صارلها حاجة
سعاد تبكي:من مشيتك وهي حابسة روحها في الدار وتبكي
فرج:لا حول ولا قوة الا بالله
سعاد:انت شن درت حكيت معاهم
فرج:حكيت وجده قالي بيحكي معاه وايشوف شن صاير قبل
سعاد:مافيش مبرر الطلاقه وسندس مستحيل عاد اتسامحه
فرج:خليهم يحكو معاه قبل وبعدها انشوفو شن بنديرو
سعاد:والبنت اللي ماوقفت بكى وماتبيش تحكي مع حد هذي شنو انديرلها
فرج:توا نمشي انشوفها انا
سعاد:مش حتفتحلك انا عارفة قالتلي ماتبيش تحكي مع حد
فرج:انجرب وكان مافتحتليش انكلمو رانيا اتجيها وعارفة رانيا اقرب وحدة الها واكيدة حتفهم منها اللي صار مرات تقعد فيه حاجة مش قايلتها لنا تحكيها الصاحبتها
سعاد:صح انا مافكرتش في صحباتها بكل
فرج:خليني توا نمشيلها قبل ومشى شور دار سندس وقعد ايدق
فرج:بابا افتحيلي بنحكي معاك
سندس تبكي:بابا توا مش قادرة نحكي مع حد خلوني بروحي
فرج:بس يابابا ماايصيرش اللي اديري فيه هذا
سندس بعصبية وتبكي:قلتلكم خلوني بروحي
فرج:علي راحتك ومشى هو وامها من عند الدار
سندس في دارها ومازال مش قادرة تستوعب اللي صار وكلمة انتي طالق مازال اتنرن في ذانها مش متخيلة ان سراج تخلى عليها بالسهولة هذي وطلع ماايحبهش
“””””””
#عند_رانيا
كانت مقيلة ووعت علي رنت فونها ولما شافت لقتها سعاد ام سندس استغربت رنتها وردت
رانيا:خيرات اعميمة شن اخبارك
سعاد:الحمدلله شن اخبارك انتي
رانيا:الحمدلله بخير
سعاد:فيه طلب بنطلبه منك
رانيا;عيوني لكي شن تبي اعميمة
سعاد:اليوم سندس جت حرجانة من سراج ومش بس حرجانة هو طلقها
رانيا شهقت:مستحيل سراج ايدير هكي
سعاد:لا دارها وخلاص
رانيا:باهي شنو السبب
سعاد:دوسة قالت مافيش سبب بروحه بس اكيدة فيه حاجة صايرة وهي ماحكتهش نبيك توا اتجي تحكي معاها بالك انتي تحكيلك عشان مش راضية تحكي معانا انا وباتها ومسكرة علي روحها في دارها
رانيا:خلاص اشوية وانكون عندكم
سعاد;نرجى فيك وسكرت ودغري رنت علي فيصل وفيصل رد
فيصل:لحقتي اترايفيلي رنوشة
رانيا:صح سراج طلق دوسة
فيصل بصدمة:شنووو
رانيا;توا كلمتني امها وحكتلي القصة وقالت دوسة مسكرة علي روحها في الدار وماتبيش تحكي مع حد ومازال مش عارفين السبب
فيصل:انا ماعنديش علم بالموضوع بكل معناها توا لازم نمشي السراج ونعرف شن صاير
رانيا;وانا توا ماشية الدوسة وبنعرف كنهم وليش دارو هكي
فيصل:خلاص سكري وبعدين انكلمك
رانيا:سلام وسكرت
وطلعت رانيا حكت الهلها اللي صاير وشالها باتها الحوش سندس
وفيصل دغري كلم سراج وسراج قاله ان في الشقة القديمة وفيصل طلع ركب في سيارته ومشاله
“””””””
#عند_رؤوف
خش الداره وتمدد علي سريره وبيرقد جت في باله أسيل وان اليوم ماحكش معاها بكل مسك فونه ورن عليها وأسيل ردت
رؤوف:توا معقولة كان انا مارنيتش عليك ماااترنيش عليا
أسيل:والله في بالي انكلمك بس والله من امس مريضة
رؤوف;كنك شن فيك
أسيل:عندي سني موجعتني ومن امس مسهرتني وماخلتنيش نرقد
رؤوف:سوسة ولا شنو
أسيل:شكلها سوسة وامس قررت اول مايطلع الصبح نمشي نخلعها بس اليوم وعيت القيتها ملتهبة فماقدرتش نمشي لاني عارفة مش حيغلعوها
رؤوف:توا وجعاتك سنك دغري فكرتي في الخلع يعني مافيش اي حل اخرى مثلا تنظيف ولا حشو عليك عقل عندك
أسيل:شن بندير وجعتني وسهرتني الليل نبي حاجة اتفكني منها
رؤوف:الساعة 4ماشي للمستشفى تعالي انشوفها لكي
أسيل;بس انت مازال ماتخرجت
رؤوف:بس انا دكتور وتوا حاليا ناخذ في حالات بروحي وكان عالشهادة كلها شهرين وناخذها
أسيل:باهي خلاص احجزلي وفي العشية انجيك
رؤوف:غير تعالي وبلا مانحجزلك اتخشي الاولى
اسيل:يعني بديرلي واسطة
رؤوف:توا صديقك في المستشفى وهو الدكتور اللي بيعالجك معقولة بنحجزلك هبلة شكلك
أسيل ضحكت:خلاص عا4:30 انجيك في المستشفى
رؤوف:خلاص اتفقنا
أسيل:توا سلام عشان ناخذ اذن بابا وانجهز روحي
رؤوف:تمام وسكر وغير رايه في الرقدة صبى وقعد يختار في لبسه يلبسها عشان يمشي للمستشفى وهذي أول مرة من بعد اللي صار بينه وبين رانيا ايفكر في منظره وان ايأنق نفسه
“””””
#في_حوش_سندس
رانيا وصلت وسلمت علي سعاد ودغري توجهت الدار سندس ودقت وسندس مااتردش
رانيا:دوسة انا رانيا افتحيلي حبي
سندس أول ماسمعت صوت رانيا دغري صبت بسرعة وفتحت الباب وحظنتها وقعدت تبكي وقعدت رانيا تبكي معاها
“”””
#عند_فيصل
وصل للشقة ودق وفتحله سراج
فيصل خش:شن جابك للمكان هذا
سراج:بنرد الأيام الخوالي
فيصل;قصدك صح اللي توا سمعته
سراج:شن سمعت
فيصل:طلقت سندس
سراج:اها صح
فيصل:من جدك انت باهي شن صار بينكم ليش درت هكي
سراج:ماصارش شيئ انا هكي طلقتها
فيصل:كيف ماصارش شيئ باهي والحب اللي بينكم ناسي شن درت عشانها
سراج:مافيش حب كل شيئ كن تمثيل وبعد وصلت للي نبيه خلاص معش عندي بيها عازة
فيصل:سراج انت اكيدة اتبصر صح
سراج:لا ماانبصرش وتقدرو تنسوها البنت هذي وتنسو قصتها لاني مش حاب حتى نسمع اسمها
فيصل بعصبية:انت كنك شن صاير معاك تي هذي سندس هذي اللي تغيرت عشانها وعشان حبك الها هذي البنت اللي خذت قلبك رغم كل البنات اللي مرن عليك في حياتك هذي اللي حبيت عنادها وجلاطتها قبل مااتحب جمالها
سراج تمدد عالكنبة:قتلك كله كان تمثيل وبعدين المفروض انت اكثر واحد عارفني ان انا مش متاع حب ومافيش وحدة قدرت تاخذ قلبي وكل بنت عندي منها غرض معين بس هذي كانت تفرق اشوي عالبنات لانها كانت صعبة ولما مثلت عليها الحب خذيت اللي نبيه منها صح الموضوع كلفني زيادة عالبنات لخرات صرفت عليها اكثر بس في الاخير النتيجة وحدة ووصلت للي نبيه
فيصل:معقولة انت حقير للدرجة هذي
سراج:من زمان يانصي حقير مش من توا
فيصل صبى وبيمشي
سراج:خليك يانصي اتهيج معايا اشوي وبيجني بنات اجنبيات
فيصل:أسف يانصي سيبته الجو هذا عشان توا فيه بنت في قلبي وانحبها جديات وتغيرت عشانها
سراج قعد يضحك:عنجد انجبها مافيش حاجة اسمها حب غلطان راك
فيصل:لا فيه حب وفيه وجع وكسرة قلب زي بزبط اللي توا فيها سندس بسببك
سراج ببرود:انا ماقلتلهش اتحبني هي بروحها اللي حبتني وبرضاها وعطت كل شيئ برضاها انا ماغصبتهش علي شيئ
فيصل بعصبية:انت اللي كنت بتموت واتحبك وانت اللي خليتها اتعلق بيك وتوا طلقتها وعزقتها ومش هامك الوضع ليش اتعلقها بيك وانت تافه واناني ومش راجل لين اتوفي بوعودك
سراج بعصبية:فيصل اطلع برا ومعش بنشوف وجك بكل
لا في الفيلا ولا في الشركة اعتبر نفسك مفصول
فيصل:هذي نهايتها اتلز صاحبك ورفيق عمرك
سراج بعصبية;لو عالصحبة اعتبرها من توا مافيش وانتهت
فيصل:تمام يانصي زي ماتبي وطلع وهو معصب من سراج
“”””””
#عند_رانيا_وسندس
سندس في حظن رانيا ورانيا اتهدي فيها
سندس تبكي:تصوري طلع يكذب عليا وماايحبنيش قالي كله تمثيل عشان نوصل للي نبيه
رانيا:مش قادرة انصدق ان سراج ايدير هكي بعد كل حاجة دارها عشانك
سندس تبكي:ولا انا قادرة انصدق انحس في روحي في كابوس ياريتني نحلم يارنوشة وقعدت تبكي
رانيا تبكي:معليش ياقلبي بس يمكن ايكون عنده سبب ودار هكي عشانه
سندس تبكي;مافيش سبب الا ان طلع يكذب عليا الانسان الوحيد اللي خلاني انتخلى علي مبدئي وانغير فكرتي عالرجالة وعالحب وعالزواج الانسان اللي تعبت واجد وانا حايرة في مشاعري ومااعترفتش بيهن طلع ايمثل عليا طلع ماايحبنيش طلع كل شيئ صار بينا وهم سراب يارنوشة اه انحس في نار في قلبي انحس في روحي بتطلع مني قوليلي بس يارانيا كيف نقدر ننساه كيف ننسى كل اللي صار بينا كيف ننسى ايامي معاه كيف ننسى طيبته وحنيته عليا معقوله هذا كله كذب مش قادرة نستوعب خلاااص
رانيا زادت حظنتها:والله حاسة بيك وبالنار اللي في قلبك توا وقعدت اتحاول اتواسيها واتهون عليها اشوية
“”””””
#عند_رؤوف
وتحديدا الساعة 4:40 م وصلت أسيل للمستشفى ورنت علي رؤوف وقالتله انها وصلت طلع رؤوف بالبالطو الابيض?عشان ايخششها للدار وبعد خشو
رؤوف;تريحي هنا
اسيل:شكرا
رؤوف لبس القفازات وجاها
رؤوف:هي افتحي فمك ووريني السن اللي توجع فيك
أسيل فتحت فمها وورتها له
رؤوف:لا هذي ساهلة السوسة اشوية ماتستحقش تخلعيها تبي تنظيف وحشو
أسيل:وبديرهن ليا توا
رؤوف:لالا مش اليوم تبيلي ثلاث جلسات قبل ماانديرهن لكي
أسيل بخوف:كيف ثلاث جلسات معناها الموضوع خطير
رؤوف ابتسم:لا لا خطير لاشيئ كل الموضوع بنكسب شوفتك ثلاث ايام
اسيل ضحكت:قبل خوفتني بس بجديات تقدر اديرها اليوم
رؤوف:لا اليوم هي ملتهبة حنكتبلك علاج تاخذيه وبكرا باذن الله الالتهاب ايكون محول واتجي انديرها لكي
أسيل:باهي اوصفلي مسكن لانها اتوجع بكل
رؤوف:العلاج فيه مسكن
أسيل:باهي تمام
رؤوف:هذي الروشيته وفيه صيدلية جنب المستشفى حتلقيه فيها
أسيل:تمام وشكرا
رؤوف:العفو
أسيل:سلام وجت بتطلع
رؤوف:أسيل فيه تحت المستشفى كفي تقبلي عزومتي عليه
اسيل:بس بشرط
رؤوف:شنو
أسيل:هالمرة علي حسابي انا
رؤوف ضحك:لا ياحلوة عمره ماعزمتمي بنت ولا ايجي يوم وتنكتب عليا بتقبلي العزومة اتكون مني وغير هكي لا
أسيل ضحكت:باهي اللي اتشوفه
رؤوف:معناها هيا نمشوله
أسيل:والناس اللي برا
رؤوف;فوتي توا انكلم صاحبي ايجي مكاني
أسيل:لا توا ايصير منك دكتور
رؤوف:كوني هانية حيصير وهي توا خلينا نطلعو وطلعو مع بعضهم ونزلو للكفي تحت وشربو قهوة مع بعضهم وهدرزو قريب نص ساعة وبعدها أسيل روحت ورؤوف رد الشغله
“””””‘
مر اليوم عادي عند الكل الا عند سندس اللي كانت معاها رانيا وحالتها حالة ومش قادرة تستوعب او اتصدق اللي صار ومش راضية تاكل شيئ ومكملتها بكى وخلاص ورانيا طول الوقت اتحاول اتهون عليها بس كل كلامها كان بلا فائدة وسندس كان قلبها محروق وغير تبكي وخلاص وعالساعة 10 في الليل سندس تعبت من كثر البكى ورقدت ورانيا كلمت هلها عساس بتبات عند سندس لانها تاعبة وهلها وافقو وقعدت الليل كله معاها واكدت الهل سندس ان مش صاير شيئ بينهم وان سراج دار هكي بروحه
“””””
#صباح_يوم_جديد
وتحديدا الساعة 8وعت رانيا علي رنت فونها ولما شافت لقاته فيصل
رانيا ردت وتحكي بشويش تبيش اتوعي دوسة
رانيا:صباح الخير
فيصل:صباح النور وينك لعند توا مازال ماجيتي
رانيا:مش جاية انا بايته عند دوسة حالتها حالة ماللي صار وماقدرتش انخليها بروحها
فيصل:خزي كله مالحقير سراج
رانيا:حكيت معاه شن قالك
فيصل:قال كلام ماتخيلتش ايقوله بكل الحقير قال كنت انمثل عليها وقال مرايف علي أيام زمان وبيرد ينحرف زي قبل
رانيا:معقولة بعد اللي داره عشانها كله يطلع يكذب
فيصل:والله انا مش قادر نستوعب اللي صار مع انه رفيقي بس امس حسيته شخص اخرى اول مره انشوفه كلامه طريقته كلها متغيرة تخيلي ان لزني وقالي معش بنشوفك بكل
رانيا:هذا كنه شكله طرشق
فيصل:والله ماني فاهم حاجة المهم توا انتي خلي بالك من سندس ومااتخليهش بروحها نحن مش قادرين نستوعبو مبالك هي المسكينه اللي حباته كيف بتصدق
رانيا:مش مصدقة ولا قادرة تسوعب المهم توا خليني انسكر مانبيش انوعيها امس وعت في الليل وقعدت لعند الفجر واعية وتبكي
فيصل:تمام سلام وسكر
سندس وعت وقمعزت واسندت بظهرها علي سريرها
رانيا:صباح الخير دوستي
سندس:صباح الخير
رانيا:حبي هي صحصحي وخشي اغسلي وصلي عشان نفطرو مع بعضنا
سندس:ماعنديش نية في شيئ
رانيا:ماايصيرش شيئ ياقلبي انتي من امس ماكليتيش ولا حاجة
سندس:والله ماني قادرة انحط حاجة في فمي
رانيا:عشان خاطري انا وبعدين كان مافطرتيش حتى انا مش فاطرة
سندس:خلاص حنفطر معاك
رانيا ابتسمت;نجك ليا هي صبي اغسلي
صبت سندس وخشت للحمام ورانيا طلعت بتجهزلها فطور غسلت سندس وطلعت خذت ملايتها وصلت الصبح وطولت وهي عالصلاية وتبكي وبعدها خشت عليها رانيا جايبة الفطور
رانيا:تقبل الله
سندس:منه ومنك صالح الاعمال
رانيا:تعالي نفطرو
جت سندس وقمعزت عالسرير ومدتلها رانيا كباية الحليب
رانيا:انديرلك نص مربى وقشطة
سندس اتشوف للفطور زين ونزلو دموعها
سندس:كنت كل يوم انا اللي انوعي فيه وانديرله في الفطور وايكمل الصبح وهو يصمط عليا واينابش فيا واحلى كلام ايقول فيه ليا قوليلي يارانيا كيف ننسى كل التفاصيل هذينا
رانيا:مش حتنسي بس مع الوقت حيخف المك اشوي توا قاعدة هكي لانك مازال مجروحة جديد
سندس تبكي:طول وماانا راقدة نحلم بيه ولما وعيت كنت نحسابه جنبي زي كل يوم
رانيا تبكي:عارفتها واعرة بس حتعودي والله الايام حيداولك جرحك
سندس:مانحسبش روحي انحبه للدرجة هذي فراقة واعر يارانيا فراقه زي الموت
رانيا:لما انحبو شخص بجديات فراقه ايكون واعر وزي الموت بس والله كل مااتمر فترة كل مااتحسي روحك حتقعدي أحسن
سندس تبكي:ليش دارلي هكي كيف رضى ايعذبني هكي شن درتله يارنوشة وقعدت تبكي
رانيا قعدت اتسكت فيها واتحاول تقنعها تفطر
“””””
#عند_رنا_وصالح
كمل طبور الصباح وخشن الطالبات الفصولهن فصل رنا كان عندهم اول حصة حصة أحياء بس الأبلة كانت غايبة فطلعو طالبات الفصل للساحة فمجموعة منهن قعدن يلعبن في كرة سلة ومن ضمنهن كانت رنا طبعا صالح جاي مالصبح وحظر الطابور وكل الوقت كان عينه علي رنا وبما طلعوهن للساحة طلع وقعد مقمعز مع استاذين والبنات يلعبن ومن ضمنهن رنا وكان كل الوقت عيونه عليها ولكن وهنا يلعبن رنا طاحت وفي اللحظة هذي وتلقائي صالح صبى وجاها يجري
رنا لما طاحت جت الطيحة علي وجها التمن عليها البنات وجاها صالح وبعد البنات ولقى وجها دم وفاقدة الوعي شالها بسرعة بين ايديه وبيطلع بيها
الاستاذ;وين ماشي بيها ياصالح
صالح:لازم انشيلها للمستشفى
الاستاذ:ماتقدرش تاخذ طالبة وتطلع بيها هكي
صالح بعصبية:اتشوف فيا واخذها الحوشي بناخذها للمستشفى قتلك
الاستاذ:عارف بس توا خوذها علي مكتب الاخصائية انشوفو الخبطة وين وبعدها ساهل
الاستاذ لاخر:كلامه صح وخذة طالبة هكي فيها مسؤولية
صالح:ماشي وخذاها المكتب الاخصائية وجن الابلات وقعدن يغسللها في وجها بالمية وحوللها وشاحها وفي اللحظة هذي بان الشعر الكستنائي ونزل تلقائي من كثرة نعومته صالح والاستاذين كانو معاهن في مكتب الاخصائية صالح بعد خولن الابلات الوشاح فتح فمه وقعد ايشوفلها وفي لحظة شاف للاستاذين اللي معاه ولقاهم مستوهين فيها ومعش قدر ايتحمل
صالح:تهيالي نحن قعدتنا هنا ماشور شيئ هيا نطلعو وطلعهم وطلع حتي هو وسكر باب المكتب وقعد مصبي يرجى في الابلات يطلعن ايطمننه عليها بعد 5دقايق طلعت أبلة إيمان
صالح:ها ياابلة شن صار وعت
ايمان:اها وعت بس نبو حد ايجيبلنا مطهر ولسقة عشان انطهرولها الجرح وانلسقوه
صالح:لو تبي مستشفى انشيلها توا
ايمان:لا الموضوع مايستحقش هي وعت بس نبو مطهر ولسقة بس
صالح:ماعليك أنا انجيبهن وجا بيمشي
ايمان:استاذ هاك الفلوس
صالح:لالا خليهن انا توا انجيب وطلع بسرعة وبعد 10دقايق رد بشكارة فيها كم نوع مطهور وكم نوع لسقة وجايب عصاير وشكولاطات وخش بيهن المكتب الاخصائية
ايمان:شنو هذا كله
صالح ايشوف الرنا:المطهر واللسقة اللي تبوهن وهذينا عصاير عشان رنا نزفت دم واجد
ابلة فيروز:ماكانش داعي اتعب روحك واتجيب هذا كله هو جرح بسيط اصلا
صالح:انتي اكويسة توا يارنا
رنا:اها
صالح:لو مش قادرة اتكملي انكلم باتك ايجيك
رنا:لالا اليوم عندي امتحان مانقدرش نمشي
صالح:لو انتي تاعبة روحي الامتحان ساهل ماعليك فيه
فيروز بعصبية:رنا كويسة واليوم عندها امتحان جزئي ولازم تحظره
صالح:صحتها اهم مالامتحان
رنا:لا انا كويسة وبنحظر امتحاني
فيروز:سمعت خلاص تفضل توا عشان انشوفو شغلنا
صالح:ماشي وطلع
قعدن الأبلات ايطهرنلها في الجرح وايلسقنلها في لسقة
إيمان:رنا انتي طالبة محترمة والكل يشهد علي هكي واللي قاعدة اديري فيه هذا غلط
رنا:شنو درت ياأبلة
إيمان;اللي قاعد ايصير مع استاذ صالح غلط وانتي مازال صغيرة ومراهقة ومش عارفة مصلحتك
نسرين:وفوق من هذا هو شكله مش كويس ونسونجي ومش داعي اتعلقي روحك مع واحد هكي
إيمان:وانتي طالبة ممتازة ومميزة ومحترمة ومن انتي في الابتدائي تقري هنا والكل يشهد بأدبك فخوذي نصيحتنا أحسن مايوصل الخبر للإداره ويستدعو باتك ويحكوله موضوع زي هذا عليك
رنا:بس والله ياابلة انا مادرت حاجة واستاذ صالح هو استاذي وبس زي بقيه الاساتذة في المدرسة
فيروز:رنا بلا حركات بنات واديري في روحك بريئة كل شيئ واضح وكم مرة شفتك مصبية معاه وخاطي هكي معاملته واسلوبه معاك يفرق عن باقي البنات فاحترمي نفسك احس ماانا نصرف بطريقتي لاني لعند توا مادرتش شيئ لانك مالطالبات المتفوقات
رنا وجعها الكلام وصبت من غير مااترد ولا كلمة وطلعت مالمكتب ولقت صالح مصبي قدام المكتب
صالح:ها طمنيني انتي كويسة توا مش حاسة بدوخة لا شيئ
رنا شافتله وعيونها معبيات دموع وعدت وسيباته من دون مااترد ولا كلمة وصالح قعد مصبي في مكانه ومش فاهم ليش دارت هكي كان متوقع انها اتقوله حتى كلمة شكرا عاللي داره جا بيلحقها في الفصل لقى ابلتهم جايتهم وبتعطيهم حصة مشى وقمعز في حجرة الاساتذه بعد اشوي خشت عليه ابلة فيروز
فيروز:خير استاذ صالح
صالح:خير ياابلة
فيروز:جيت بنشكرك عالعصير والشكولاطات مبدري كنا مرتبكين ماقدرتش نشكرك
صالح:العفو هذا واجبي عطيتن رنا منهن
فيروز:لا مابتش تاخذ
صالح:بس هي نزفت دم وخايف ايصيرلها هبوط واطيح
فيروز:هي مانزفتش واجد لان الجرح كان صغيرة غير الدم طلع لانها كانت حامية وتجري
صالح:ياريت بعد اشوي تمشي تطمني عليها
فيروز:حاظر بس وين باقي الاساتذة
صالح:مش عارف انا جيت ماالقيتش حد
فيروز سكتت وبعدها;استاذ صالح
صالح رن فونه:معليش ياابلة جاني اتصال وطلع وسيبها
“””””””
مشى الوقت عادي وجت الساعة 5م
جت أسيل الرؤوف في المستشفى ونظفلها سنها وحشاها الها وبعد كملو
رؤوف:توا هكي تمام وباذن الله ماعاد اتوجعك وفي نفس الوقت حافظتي علي سنك
أسيل كانت دايرة بنج وبشويش;شكرا
رؤوف:طبعا اليوم عشان البنج وعشان ماتقدري تاكلي علي سنك اناجل العزومة البكرا
أسيل:اي عزومة
رؤوف:بمناسبة علاج سنك بنعزمك نشربو حاجة
أسيل:بس مش المفروض انا اللي نعزمك كشكر عاللي درته
رؤوف:شن حكينا علي موضوع العزومة ماقلنا مستحيل اتصير
اسيل:امالا كيف نشكرك عاللي درته
رؤوف:اقبلي عزيمتي بكرا وبهكي تشكريني
أسيل:خلاص تمام موافقة
رؤوف ابتسم:نكتبلك علي مسكن بس ماتاخذيش الا اذا حسيتي بالم
أسيل:تمام كتبلها عالمسكن وروحت
“””””
مشى اليوم عادي
رانيا كملت اليوم مع سندس اللي ماطلعتش من دارها بكل ومكملة الوقت تبكي ومش مستوعبة اللي صار
رانيا طبعا معش قدرت اتبات يوم اخرى والساعة 11 جاها باتها روح بيها
اما سندس فكانت مسكينة حالتها حاله ومغير مكلتها بكى وخلاص ?
“””””””
#مرن_يومين
بالنسبة الرانيا وفيصل كان وضع هادي جدا بس هما الاثنين مازال مش مستوعبين اللي صار مع سندس سراج طبعا رانيا في اليومين هذينا كنت تمشي السندس بس طبعا حالتها ووضعها ماتغيرنش مازال مش مصدقة اللي صار ومكملتها بكى الدرجة ان رانيا مستغربة سندس وحالتها لانها عمرها ماشافتها بالضعف هذا أما فيصل من كثر ماكان معصب من سراج لا مشاله ولا عاد كلمه ولا تلاقى معاه
أما بالنسبة الرؤوف فكان وضعه تمام مع اسيل وتلاقو وحكو في أمور حياتهم وكالعادة هو يقنع فيها اتكمل قرايتها وهي تقنع فيه ايسامح خوه وينسى اللي صار
أما بالنسبة الصالح فكان مازال مستمر عاللي ايدير فيه وكل يوم ايحاول يحكي مع رنا واهتمامه بيها واضح للكل
بالنسبة السندس طبعا حالة الضعف اللي هي فيها عمرها ماصارتلها فعلا انها حبت سراج بكل صدق ومش قادرة اتصدق ان خلاص معش بيقعد في حياتها وطبعا كانت لاتاكل ولا تشرب ولا تطلع اتخرف ولاتضحك مع هلها زي زمان باتها وامها كانو خايفين بكلل عليها وللسبب هذا قرر باتها ايسافرو كم يوم المصر عشان اتغير جوها وتطلع مالحالة اللي هي فيها ولما جا حكى مع سندس وافقت لانها كانت بحاجة سفرة اتبعدها عالجو اللي هي فيه واليوم الثالث في الصبح كانت طيارتهم وسافرو هي وباتها وأمها
“”””””
#مر_عشر_أيام علي سفرة سندس وهلها
في 10أيام هذينا كانت حياة الكل عادية
فيصل ورانيا مستلمين المشروع وكان قريب يكمل وطبعا فيصل معش مشى للشركة نهائي
اما صالح ورنا فمازال صالح في محاولته مع رنا وهي كل مرة تتجاهله اكثر مالمرة اللي قبلها وكان محاولات صالح ايعصبن فيها واتزيد تكرهة كل ماتسمع حد يعزقلها في كلام بخصوص الموضوع هذا وقعدت اتغيب عالمدرسة عشان مااتشوفش صالح
رؤوف وأسيل كان الوضع ماشي تمام بكككل واتصالاتهم كاثرات وقعد مااتمرش ساعتين الا ولازم ايكلمو بعضهم ويطمنو علي بعضهم
رؤوف تحسنت اشوي علاقته مع عصام وقعد قادر ان ايقوله خير او يحكو كلمات بسيطة والفضل كله كان الأسيل لأنها هي اللي قعدت تحكيله علي فقد الاخ وان الاخ اهم من كل حاجة في الدنيا وقعدت اتقوله اذكر وانتو صغار وفعلا رؤوف قعد ايدير هكي وقدر يتقبله اشوي بس مازال ماسامحه ولا ردت علاقته بيه زي قبل
وفي نفس الوقت رؤوف غير أسيل وحببها في الحياة وقدرت تطلع واتحاول اتواصل مع صحباتها وقعد يقنع فيها اشوي بشوي بس الشيئ الوحيد اللي ماقدرش يقنعها بيه انها اترد القرايتها لانها كانت مسكرة راسها انها مستحيل اتخش الحاجة هي ولينا كانن متفقات ايديرنها مع بعضهن
أما عند سراج فكان ماحدش عارف عنه شيئ ولا حد عارف وين لان حتى الشغل في الشركة سيبه وقعد مكمل وقته في الشقة
لعند اليوم العاشر هذا الساعة 8:30م كلم جده وقاله ايجي للفيلا وهو بيجي غادي ويبيهم في موضوع ضروري
وعالساعة 9م جا للفيلا ولقاهم كلهم ملتمين يرجو فيه
سراج خش;خير
محمد:انت خليت فيها خير بعد اللي درته
جد سراج:اسكت يامحمد وخلينا نعرفو الموضوع المهم اللي لمنا عشانه
عفاف:اكيدة راجع عقله وبيرد سندس
سراج:موضوع سندس انتهى وفض ومعش بنحكي فيه
محمد;معناها شن موضوعك
سراج:انا قررت نجوز
محمد وعفاف وجده;شنووو
سراج:زي ماسمعتو فيه بنت انحبها وبنجوزها
جد سراج:ومن هذي نعرفوها
سراج بصوت عالي:خشي
الكل قعدو ينتظرو في اللي بتخش وكانت الصدمة صاعقة لما طلعت تالين?
عفاف بصدمة:تالين
تالين بخجل:خير
محمد:هذي مش سافرت
سراج:أنا اللي رديت جبتها
عفاف:وليش جبتها انا مش فاهمة شيئ
سراج:لاني نبيها وانحبها وبنجوزها وهي كانت سبب طلاق سندس لان لما تالين عدت اكتشفت اني انحبها وماقدرتش نخدع سندس وماحبيت انصارحها وانقوللها اني انحب غيرك لاني مانبيش نجرحها وبهكي الصورة اتكون وضحت للكل
عفاف:بس تالين متربية معاك وزي اختك
سراج:تالين مش اختي انا وهي انحبو بعضنا من زمان من ايام ونحن في المانيا وسيبتني لاني ماكنت نبي نربط روحي بزواج ولما قررتو اتجوزوني ماكنت قادر نحكي الحقيقة ولما القيت سندس هي العروس قررت انكمل اللعبة اللي بادية بيني وبينها من قبل مااتقروو اتزوجوها ليا واللي صار كله وتمثيلي الحب عليها كان كله ضمن الخطة اللي حطيتها لانها خشت معاي في تحدي وانا عمره مابنت تحدتني وخليتها اتحبني وتعطي كل شيئ برضاها بس طول الوقت كانت تالين بينا وماقدرتش ننساها ولما جت هنا ماكانتش عارفة اني ازوجت وتأثرت واجد وانا حاولت نتجاهللها وانكمل مع سندس بس ماقدرتش وعرفت قديش انحبها وفي نفس الوقت هي معش قدرت اتشوفني مع غيرها وقررت تمشي ومشت بس انا بعدها تعبت ومعش قدرت انكمل اللعبة ونهيت كل حاجة مع سندس وكلمتها وردت عشان نجوزو
عفاف:ماينفعش تاخذها صح نحن انحبوها بس ماينفعش تقعد زوجتك ماايصيرش منها
محمد:انا زي امك ومش راضي انك تاخذها عشان ببساطة متربية معاك
سراج:ولانها متربية معاي وعشان انتو عارفين كل اللي صاير معاها لازم تقبلو لان تالين ماعندهش في الدنيا غيرنا
جد سراج:باهي وانت اتفكر في الناس هكي وحنون ليش مااتفكر في البنت اللي حباتك واللي كسرت قلبها واللي الله واعلم شن حيصير فيها توا
سراج:مش حيصيرلها شيئ سندس بنت قوية وتقدر اتحمل اي حاجة وفوق هذا معاها هلها وايحبوها يعني مش بحاجتي بس تالين ماعندهش حد الا انا
جد سراج:وانت بتجوزها لان ماعندهش حد
سراج:لا انا بنجوزها لاني انحبها
محمد:ونحن كلنا مش موافقين
سراج:انا جيت ودرت اللي عليا وقلتللكم اني انحبها وبنجوزها بس لو رفضتو انا حناخذها غصبن عالكل
محمد بعصبية:يعني اتحدى فينا واتمشي في كلمتك علينا
سراج:من قبل انت اخترتلي ومشيت كلمتك عليا وخيرتني مابين نجوز اللي اخترتها ليا ونشتغل معاك وانساعدك ومابين تحرمني من كل حاجة وانا درت كل اللي تبيه توا جا الوقت انت تختار مابين تكسب ولدك وايكون جنبك ديما وايساعدك واتخليه ياخذ اللي يبيها ومابين ترفضو وانرد الالمانيا ومعش اتشوفو وجي بكل
محمد بعصبية:هي هكي يبقى اطلع مالفيلا ومن اليوم نعتبرك متت وماعنديش عيل وانت محروم من كل قرش في فلوسي
سراج;تمام وانا مانبيش من فلوسك واملاكك شيئ
عفاف قعدت تبكي?
محمد بعصبية:امشي عيش بيها في الشارع وشوفها اتحملك ولا لا بس بعد اتسيبك ردبالك اترد هنا
سراج:مش حنرد هذا وعد وشاف التالين هي تالين
تالين:اشوية بس بنقول العمو حاجة
تالين;انا ياعمو مش قاعدة مع سراج عشان فلوسه انا لو نبي الفلوس كنت قعدت عند بابا الفلوس بلا حساب والرقم اللي نطلبه ناخذه بس مانبيش هكي انا نبي الحب ونبي الحنان اللي مالقيتهنش مع الفلوس غادي القيتهن بس عند سراج وعندكم انتو هنا بس مانحسبش ان حب سندس اللي في كم شهر سيطر علي حبكم الوحدة انتو ربيتوها بس رغم هذا كله انا انحبكم ونعتبر فيكم زي بابا وماما وصدقني مستحيل انسيب سراج وحنعيش معاه حتى لو في شارع اهم شيئ انكون جنبه ونزلو ادموعها وطلعت وسراج لحقها
“””””
#مرن_ثلاث_أيام
سندس مازالت هي وهلها في مصر تغير الجو اشوي بس ماردتش كيف قبل كانو هلها بأي طريقة بيغيرولها جوها بس هي كانت طول الوقت ساكته وسرحانة وحتى لما تضحك كانت بس اتجامل عشان شايفة اللي صاير في هللها عشانها وكانت طول الليل تقعد تسترجع في شريط حياتها مع سراج اللي مش قادرة تنسى منه حتى لحظة مع ان مسحت صورهم ومسحت رسائله ومكالماته ورقمه كل شيئ ايخصه حذفاته من حياتها بس ماكانت تقدر تمسح لحظاتها معاه اللي محفورة في ذاكرتها?
“”””
#عند_رانيا
وتحديدا الساعة 5م وكانت تحكي مع فيصل
فيصل:رنوشتي عمي ماحكالك شيئ
رانيا:لالا بابا مازال ماروح من شغله
فيصل:اها تمام
رانيا:عليش شن صاير
فيصل:لا ماصاير شيئ
رانيا;كيف ماصاير شيئ احكي خوفتني شن فيه
فيصل:مافيش حاجة اتخوفك كل القصة اليوم مشيت الباتك في شغله
رانيا:باهي عليش مشيتله
فيصل:انعرف فيه علي روحي ووو حددت معاه موعد الفرح
رانيا بخوف;فرح من اللي حددته
فيصل:فرحنا فرح من يعني
رانيا بعصبية:بس نحن مااتفقنش هكي نحن اتفقنا ان نقعدو فترة خطبة وبعدين انقررو كيف تصرف هكي من راسك
فيصل:انا عارف لو نقعدو كم سنة خطبة وانحدد الفرح حتقعد نفس ردت الفعل وعشان هكي حددته من غير ماانقولك
رانيا:لا مافيش منه الكلام هذا انا بس كنت نبي فترة الخطبة طويلة عشان انتعرفو علي بعضنا قبل
فيصل:رانيا نحن متعرفين علي بعضنا وبزيادة وانا عارف ليش خايفة نزوجو وعشان خوفك هذا نحن لازم نزوجو انا عارف انك مازال ماحبيتيني بس الطريقة الوحيدة عشان اتحبيني ان انعيشو في حوش واحد
رانيا بعصبية;انا مش مستعدة الشيئ زي هذا وبعدين انت كيف اتقرر بروحك وفوق هذا كله قصة سراج وسندس اللي ماانحلتش معقولة بنجوزو وهما مطلقين
فيصل:سراج وسندس قصتهم شكلها مازال مطولة ومش معروف ليش سراج دار هكي وبعدين الفرح حيكون بداية الشهر الجاي يعني مازال عليه شهر يعني عندك وقت اتجهزي كل شيئ تبيه ارجوك يارانيا ماتحرمنيش مالفرحة بيك أنا انحبك ونستنى في اللحظة اللي بتكوني فيها معايا بفارغ الصبر
رانيا بعصبية;فيصل زي ماحددت الفرح مع بابا تلغيه واطول فترة الخطبة ولا نلغي الخطبة بكل
فيصل بصدمة:بتلغي الخطبة
رانيا:اها
فيصل:ماشي يارانيا اللي اتريحك ديريها وسلام وسكر
رانيا قعدت تبكي ومعش عرفت كيف تصرف
‘””””
#عند_رؤوف
قاعد هو ورويدة يشربو في قهوة في الجنان وجاهم عصام
عصام:شن جوكم
رؤوف ورويدة;تمام
رويدة;قمعز اشرب قهوة
عصام:لا مانقدرش مستعجل عندي مشوار ضروري وطلع
رويدة:حسيت علاقتك بفيصل متحسنة
رؤوف:يعني كويسة بس مش زي قبل طبعا لاني مازال ماانسيتله اللي داره
رويدة:هو غلط بس طبعا كل شيئ نصيب
رؤوف:كل شيئ نصيب مع جية رساله الفونه قراها وابتسم
رويدة:اووو شكله في حاجات صايرة مش حاكيلي عليهن
رؤوف ضحك:مافيه شيئ شنو بيقعد فيه
رويدة:الرسالة اللي جت والابتسامه وراهن وحدة وراسي وراسي عندك اتقولي من
رؤوف:مافيش لا وحدة لا شيئ
رويدة زعلت:خزي ياصامط انقولك وراسي وتكذب عليا
رؤوف:عارفة راسك غالي وعشان هكي حنحكيلك
رويدة:باهي من
رؤوف:أسيل اللي دزت رسالة
رويدة:قصدكم قعدتو تحكو
رؤوف:لنا فترة نحكو وتلاقينا كم مرة الحق انها بنت مافيش منها وفاهمتني بكككل قدامها نقعد كتاب مفتوح مااندسش عليها في شيئ وحتى هي نفس القصة وطبعا الها فضل كبير في اني ردت علاقة بعصام شوي
ررويدة:بس انت عارف ان هي عندها مرض نفسي واتعالج يعني نظرة المجتمع الها انها مجنونة
رؤوف بعصبية:هذي نظرة الناس المتخلفة كل القصة ان البنت مارة بظروف صعبة مأزمات نفسيتها بس مجتمعنا المتخلف اي واحد ايصيرله هكي يقعد مجنون
رويدة:اسفة اسفة مانحسابهش اتهمك للدرجة هذي وبعدين انا ماايهمني شيئ في الدنيا الا راحتك ودبينك متريح ومنسجم معاها خلاص لان هذا بس اللي ايهمنا
رؤوف:اسف مش قصدي انعصب عليك
رويدة ابتسمت:عارفتك ومش زاعلةبس بنصبي انشوف ماما ليش ماجتش لعند توا
رؤوف:تمام
رويدة صبت وهو قعد ماسك فونه وايبعبش فيه مع رنت فون رويدة اللي سيباته قعد اينادي الرويدة ماجتش شاف للفون ولقى اللي اترن رانيا قعد ايشوف للاسم زين وضعف وحب يفتح يسمع صوتها اللي مرايف عليه فتح وحط الفون علي وذنه
رانيا تبكي:قوليلي شنو اندير فيصل توا كلمني وقالي حدد موعد فرحنا مع بابا ولما اعترضت زعل مني وسكر وهو زاعل
رؤوف زادو دقات قلبه ونزلو دموعه:قصدك بتجوزي?
#يتبع
رؤوف عرف انها بتجوز ومن رانيا بروحها?قولكن شنو ايصير وشنو ردة فعل رانيا بعد غرفت ان رؤوف هو اللي رد عليها?
وقولكن سراج ليش قرر يجوز تالين هل صح لان ايحبهت او في شيئ اخرى وشنو ردة فعل سندس بعد تعرف?
وهل سراج حيوافقو علي زواج ولا بياخذها غصب عنهم?
وصالح ورنا شنو مصيرهم بعد كل اللي ايديره فيه صالح هل ممكن انها اتحن عليه واتحبه?حرام ينحب الراجل?
وقولكن رانيا بعد رؤوف عرف انها بتجوز حياثر علي قرارها بزواجها بفيصل ولا لا?
كله حنعرفوه في الحلقة 50 والأخيرة?
گـتـابـتـي Koka SalehSaleh
الـحـلـقـة (49)
گـتـابـتـي #Koka_Saleh
“”””””””””””””””””””””””””
سندس:سراج لو صح كلامك شوف العيوني وقول ماانحبكش
سراج لف وجه للجيهة الاخرى:سندس انتي طالق
عفاف بصدمة:لا ياسراج
محمد بعصبية:انت شن درت
سندس شهقت وحطت يدها علي فمها وادموعها نزلو غصب عنها
سندس:سراج انت سمعت روحك شن قلت
سراج:اها سمعت انا طلقتك عشان معش نبيك
سندس تبكي:كيف معش تبيني
سراج بعصبية:معش نبيك يعني ماانحبكش يعني عدي الهلك خلاص اللعبة انتهت
عفاف بعصبية;سراج انت شكلك شارب حاجة انت مستحيل اتكون طبيعي
محمد:هذا مش شارب هذا متعاطي حاجة اللي مخليته يحكي هكي
سراج:تهنو لا شارب ولا متعاطي انا قدامكم طبيعي ومية في المية وبعدين ليش مستغربين انا طول عمري هكي ليا 30سنة هكي عشان مثلت عليكم كم شهر معناها توا مش طبيعي لا ركزو كويس هذا ولدكم اللي ربيتوه طول عمره هكي بس انتو كنتو مغفلين وصدقتو تمثيلي كله
عفاف:لا ياسراج انا امك ونعرف كويس لما تقعد اتمثل ولما تقعد صادق اللي درته في الشهور اللي فاتن ابدا مش تمثيل هذا فعلا انت وفي اصدق حالاتك
سراج ضحك بهزة;هه?
سندس تبكي:سراج طبيعي وطبيعي بكل اخرى وتوا بان علي حقيقته وانا اللي كنت مغفلة صدقته تريح حنديرلك اللي تبيها وانفكك مني بس ردبالك اتفكر اتكلمني او اتجيني او اتحاول اتبرر اللي درته لان مافيش اي عذر نقبله بعد اللي صار وطلعت وسيباته
طلعت عفاف في جرتها واتناديلها
محمد بعصبية:عدي الحق مراتك وصالحها مااتخليش الموضوع يكبر حلوه توا وبسرعة
سراج بعصبية;مش حال شيئ وقلتلكم معش نبيها خلاص الموضوع انتهى وسيب باته وطلع مالفيلا كلها
“””
سندس في حوشها واتلم في دبشها وعفاف معاها
عفاف تبكي:الله ايربحك يادوسة مااتكبريش الموضوع وتمشي الهلك
سندس:كيف تبيني نقعد ومانمشيش الهلي وهو طلقني
عفاف:سراج معصب بعد يهدى توا ايجي ايصالحك
سندس تبكي:مهما كان معصب مني ماتوصلش للطلاق خلاص سراج معش يبيني ومعش عندي مكان في حياته
عفاف:مافيش منه الكلام هذا سراج ايحبك
سندس تبكي:كيف ايحبني وهو طلقني
عفاف:بعد يهدى نفهمو منه بس توا خليك ومااتكبريش الموضوع وتمشي الهلك وانا حنمشي توا نحكي معاه وايجي ايراضيك
سندس:انا كل حاجة صارت معانا تحملت وقعدت وماحكيتش شيئ الهلي كله لاني كنت حاسه ان سراج متمسك بيا بس توصل للطلاق وبلا سبب هكي جو لا يا اعميمة معش نقدر سامحيني انا عندي كرامة وعمري ماتعودت حد ايهيني
قعدت عفاف تحكيلها واتحاول تقنعها بس سندس كانت مقهورة من تصرف سراج وكانت مصرة علي قرارها وانها تمشي الهلها
وفعلا لمت دبشها وركبت في سيارتها وطلعت
عفاف مشت للفيلا وهي تبكي وحالتها حاله لقت محمد في مكتبة ومعصب عالاخر وايدخن بعد ماكان مسيبه الدخان من سنين
عفاف تبكي:هي خلينا نلحقوها ونمشو نحكو مع هلها
محمد بعصبية;شن بنقوللهم هلها بنقول ولدي طرشق وطلق بنتكم ولا ولدي طلع يكذب عليها
عفاف;سراج ماايكذبش سراج اكيدة صاير معاه شيئ
محمد:مهما كان اللي صاير مايستحقش طلاق ولدك طرشق خلاص
عفاف تبكي:خلينا نمشو بالك اترد معانا
محمد بعصبية:البنت مش لعبة لين سراج ايطلق ونحن انردوها وبعدين هذي وحيدة باتها فاهمة شن معنى وحيدة باتها يعني مش هاينة عليه ومستحيل ايردها بعد اللي صار وحطي في علمك لو حكت الهلها حتى لو قرر سراج ايردها فرج معند عارفة مستحيل عاد ايردها له لو ايموت قدامه
عفاف تبكي:حي عليا شنو اندير انا تعودت عليها معقولة سراج ايدير هكي في دوسة اسرع كان صبر راح حلينا الموضوع
محمد:نحن السبب نحن ربيناه غلط وخليناه مستهتر في تصرفاته واناني ماايفكرش الا في روحه وبس
عفاف تبكي:والله قبل تغير بس مش عارف من اللي لعب في راسه وخلاه ايدير هكي
محمد:ماحد لعب في راسه هو هكي طايش وحيقعد طول عمره هكي نحن اللي غلطنا لما صدقنا الكذب امتاعه
عفاف:احكي مع عمي بالك يحكي معاه ويعرف ليش دار هكي
محمد:حتى باتي وحل فيه مافيش حد فاهمة وانا تعبت منه ومن مشاكله الله لا اتر
عفاف نطت وتبكي:لا يامحمد مهما كان هو ولدك ومش ناقصة ذهاب شيرة قول ربي يهديه بس
محمد:استغفر الله العظيم وربي يهديه وخلاص
“”””
#عند_سندس
وصلت الحوش هلها ونزلت ونزلت شنطتها ودقت عالباب وفتحلها أمها الباب
سعاد بفرحة:خيرات دوسة وسلمت عليها وسندس كانت ساكته وباين ان فيه شيئ
سعاد:خشي حماتك اتحبك توا غير حطينا الغداء وين سراج معاك
سندس والدموع في عيونها:لا مش معايا
سعاد:كنك دوسة شن صاير معاك وشنو الشنطة هذي
سندس تبكي:اطلقنا ياماما
سعاد شهقت:شنوو
سندس ارتمت في حظن امها وقعدت تبكي
فرج طلع مفجوع:شن فيه كنها دوسة
سعاد:مش عارفة مازال مافهمت شيئ وسندس قاعدة في حظن امها تبكي وتشهق
فرج:دوسة شن صاير معاك احكي
سندس تبكي والعبرة اتشيل فيها واتحط ومعش طلع الكلام منها خششوها باتها وامها جوا وقعدو ايهدو فيها
بعد حوالي ربع ساعة سندس هدت
فرج:دوسة احكيلنا سلم بنتي شن صاير معاك
سندس:بابا سراج طلقني
فرج:كيف وليش طلقك
سندس:مش عارفة مافيش سبب حتى ان ماتعاركنا لا شيئ
سعاد:لا هذا شكله طرشق معناها ولازم تصرف معاه يافرج
فرج:اصبري خليني نفهم دوسة احكيلي اللي صار كله
سندس قعدت تحكي الباتها من أول ماخذاها مالمشروع لعند لحظة ماطلقها
سعاد شهقت:يعني كل الشهور اللي فاتن يكذب علينا باهي شن زاره ايدير هكي
سندس تبكي:مش عارفة
فرج:انا حنحكي وانتفاهم معاه
سندس تبكي:بابا انا معش بنردله
سعاد:ومحلاك اترديله بعد اللي داره كله
فرج:اللي تبيها حتصير يابابا بس لازم نحكي معاه ومع هله ونفهم وبعدها نصرف
سعاد:أمتى بتمشيلهم
فرج:توا وخش لبس وطلع ومشى شور فيلة سراج
سندس صبت وخشت الدارها وطاحت علي سريرها وقعدت تبكي
“””
#في_الفيلا
فرج وصل للفيلا ورن علي محمد طلعله وخششه جوا وسلم عليهم ولقى عندهم جد سراج حتى هو بعد حكاله ولده القصة جاهم
فرج بعصبية:عاجبكم اللي داره سراج توا
محمد:اكيدة مش عاجبنا بس مازال لعند توا مافهمنش ليش هو دار هكي
فرج:سندس قالت مافيش سبب هو دار هكي بروحه
محمد:الحق كل شيئ صار قدامنا وسندس ماغلطتش في شيئ
فرج بعصبية:خلاص خليكم شاهدين وانا لو ايجي ايموت قدامي بنتي ماعاد انردها له
جد سراج:بالشوية يافرج الأمور مش هكي ينحلن صح سراج غلط وهذي معاك فيها بس انا متأكد ان فيه سبب
فرج:مافيش سبب ياعمي الا ان ضحك علينا كلنا وماحبهش
جد سراج:بالعكس سراج حب سندس وانا متأكد من كلامي واكبر دليل تغير عشانها بس فيه شيئ صاير معاه مازال ماحدش عارفة وانا حنحكي معاه وحنعرفه
فرج:وحتى لو حكيت معاه مستحيل يقعد عنده سبب مقنع للطلاق بالسرعة هذي ولو بتجو للحق بنتي مش هاينة عليا وانا جيت بنفهم منكم بس دبينكم مش فاهمين معناها لازم تعرفو ان حتى لو جاني بيموت موت عشانها بنتي معش انردها له
محمد:وسع بالك ومااتقولش هكي وهذا شاب ومعصب خليه يهدى ونفهمو منه
فرج:هذا مش قراري بروحي حتى سندس معش بتردله
جد سراج:سندس مازال معصبة ماللي داره سراج بس لو طلع عنده عذر اكيدة حتسامحه
فرج:مهما كان عذره مش حيبررله الطلاق وبعدين هذي بنتي وعارف ان عندها كرامتها فوق كل شيئ لذلك انا قررت نرفع محكمة ويطلقو رسمي وانحطو روسنا كلنا
محمد:انا معاك في كلامك كله وعارف سراج غلط بس نبيك تهدى واتهدي سندس عشان ماانضيعش كل اللي درناه عشان انخلوهم ايحبو بعضهم
جد سراج:انت عارف الاتفاق مالبداية وارضيت بيه ليش توا بتضيع كل حاجة بقرار في لحظة غضب
فرج:مافيش قرار في لحظة غضب سراج هو اللي طلق وكان عالاتفاق انا صح اتفقت معاكم بس في وقتها كانت بنتي مش مقتنعة لا بحب ولا زواج وكنت خايف تقعد طول عمرها هكي وتحرمني من اني نفرح بيها وبعيالها وانت ياعمي قنعتني بأنهم شخصين مختلفين والاختلاف هو اللي حيخليهم ايغيرو بعضهم ووافقت عالاساس هذا بس ماحسبتش احساب ان بعد بنتي اتحبه هو يطلع يكذب وايطلقها ويكسر قلبها
#تعالو_انردو_الكم_شهر_فاتو عشان نفهمو الكلام
(بدت القصة من اليوم اللي تلاقه فيه فرج ومحمد في معرض السيارات وخضو ارقام بعضهم وقعدو يتواصلو وتلاقو كم لقاء مع بعضهم وفي كل لقاء كان محمد يحكي علي سراج وطيشه وانحرافه وكان فرج يحكي علي عناد سندس وشخصيتها القوية وتعقدها مالزواج وانها رافضته تماما وقعدو هكي كل مرة زي وكأنهم يشكو في همومهم البعضهم لعند يوم محمد جا الباته وحكاله علي لقائه بفرج وحكاله علي بنته وهكي وطلب جد سراج ايتلاقه مع فرج بحكم ان يعرفه من زمان المهم تلاقو وكالعادة تبادلو الحديث علي عيالهم وفي اللحظة هذي طقت في راس جد سراج الفكرة وقرر قبل مايقترحها يمشي السندس وايشوفها في الجامعة قبل وفعلا مشالها في الجامعة وشافها يوم تسليم المشروع وتبادل الحديث معاها لما وراها الخطأ اللي عندها في المشروع وقدر ايحلل شخصيتها قعد جد سراج كم يوم وهو ايقلب في الفكرة في راسه وخطط الكل حاجة وبعدها بكم يوم كلم محمد وفرج واقترح عليهم ياخذ سندس السراج لانهم مختلفين علي بعضهم وكان متأكد انهم حيغيرو بعضهم ولان الاثنين كانو رافضين فكرة الزواج فكان اقتراح جد سراج ان ايخلوهم ايتلاقو كم مرة وعساس بالصدفة والصدفة اللي بتصير مااتمش الا بمساعدة 2قريبين منهم وكان الاختيار الفيصل ورانيا بما انهم مقربين منهم كلموهم وحكولهم كل حاجة خططوها وكان اول لقاء مدبر في المطعم وثاني لقاء مدبر كان في الجامعة وثالث لقاء مدبر كان في المصيف وكله كان من تخطيط جد سراج اما لقاء المستشفى فكان صدفة وغرقت سندس في المصيف صدفة جديات أما الايدي الخفية في نقذت سندس ماللي كان مخططله سراج وهدى كانو طبعا فيصل ورانيا واللي كانو متواصلين مع بعضهم من بداية الخطة وكان كل واحد يحكي للاخر في شنو ايصير وشنو يحكو سراج وسندس علي بعضهم وهذا كان سبب تعرف رانيا وفيصل اللي كنا مش عارفينه دارو اللقاءات هذينا كلهن علي امل ايحبو بعضهم بس ماصارش شيئ وبعد لقو سراج ناوي عالشر انتقلو للخطة الثانية واللي هي ايجوزوهم غصبن عنهم وبدت الخطة من تفليسة فرج ومرضته واللي كانت كلها ضمن الخطة لانهم عارفين نقطة ضعف سندس الي هي باتها وخوفها عليه ولما ايصير هكي حتوافق عالزواج اما الخطة عند سراج فكانو عارفين ان بدون فلوس باته مايسوش شيئ فكانت الخطة ان ايخيروه بين الثروة كلها والزواج او ماياخذش شيئ منها وعارفين ان مايقدروش ايخيروه بالثروة الا اذا محمد كان بيموت ومن هنا كان اختراع قصة مرض باته وان هو عنده مرض خطير واللي هي اثرت في سراج واجد واظطر ايوافق للسببين هذينا وبعد الزواج كانن كل الاخبار يوصلن الجد سراج ومحمد وفرج من خلال فيصل ورانيا اللي كانو معاهم في كل حاجة لحظة بلحظة )
جد سراج:معاك حق وعارفها بنتك ومااتحملش زعلها بس يافرج عطيني فرصة اليومين هذينا نفهم اللي صاير وبعدها تقدر ادير اللي اتريحك
فرج:ماشي بس لو العذر ماقنعش سندس وماقدرتش اتسامحه مانقدرش نغصبها علي شيئ
جد سراج;تمام وهذا حقها وحقك
فرج:معناها توا مع السلامة وطلع من جنبهم
محمد:فرج معصب بكل
جد سراج:معاه حق بنته اتجيه مطلقة وبلا سبب وتبيه ماايعصبش
محمد:انا حرت في سراج معقولة ايكون يكذب علينا صح
جد سراج:مش عارف ومش فاهم شيئ الاول مرة في حياتي العيل هذا درت كل حاجة عشان نصلحه بس ماقدرتش
محمد:اللي واجعتني ان بصعوبة قنعنا فرج ايوافق عالخطة وقنعناه ان هكي حتنفك عقدة الاثنين وبعد البنت انفكت عقدتها وحباته وتعلقت فيه ايدير هكي ليش بس
جد سراج:اكيدة فيه سبب وحنحكي مع سراج ومتاكد مش حيدس عليا شيئ
فرج:ان شاءلله ياباتي تقدر تفهم منه واتخل الموضوع
“”””
#عند_هل_سندس
فرج روح للحوش وخش لقى سعاد تبكي
فرج بخوف:شن فيه سندس صارلها حاجة
سعاد تبكي:من مشيتك وهي حابسة روحها في الدار وتبكي
فرج:لا حول ولا قوة الا بالله
سعاد:انت شن درت حكيت معاهم
فرج:حكيت وجده قالي بيحكي معاه وايشوف شن صاير قبل
سعاد:مافيش مبرر الطلاقه وسندس مستحيل عاد اتسامحه
فرج:خليهم يحكو معاه قبل وبعدها انشوفو شن بنديرو
سعاد:والبنت اللي ماوقفت بكى وماتبيش تحكي مع حد هذي شنو انديرلها
فرج:توا نمشي انشوفها انا
سعاد:مش حتفتحلك انا عارفة قالتلي ماتبيش تحكي مع حد
فرج:انجرب وكان مافتحتليش انكلمو رانيا اتجيها وعارفة رانيا اقرب وحدة الها واكيدة حتفهم منها اللي صار مرات تقعد فيه حاجة مش قايلتها لنا تحكيها الصاحبتها
سعاد:صح انا مافكرتش في صحباتها بكل
فرج:خليني توا نمشيلها قبل ومشى شور دار سندس وقعد ايدق
فرج:بابا افتحيلي بنحكي معاك
سندس تبكي:بابا توا مش قادرة نحكي مع حد خلوني بروحي
فرج:بس يابابا ماايصيرش اللي اديري فيه هذا
سندس بعصبية وتبكي:قلتلكم خلوني بروحي
فرج:علي راحتك ومشى هو وامها من عند الدار
سندس في دارها ومازال مش قادرة تستوعب اللي صار وكلمة انتي طالق مازال اتنرن في ذانها مش متخيلة ان سراج تخلى عليها بالسهولة هذي وطلع ماايحبهش
“””””””
#عند_رانيا
كانت مقيلة ووعت علي رنت فونها ولما شافت لقتها سعاد ام سندس استغربت رنتها وردت
رانيا:خيرات اعميمة شن اخبارك
سعاد:الحمدلله شن اخبارك انتي
رانيا:الحمدلله بخير
سعاد:فيه طلب بنطلبه منك
رانيا;عيوني لكي شن تبي اعميمة
سعاد:اليوم سندس جت حرجانة من سراج ومش بس حرجانة هو طلقها
رانيا شهقت:مستحيل سراج ايدير هكي
سعاد:لا دارها وخلاص
رانيا:باهي شنو السبب
سعاد:دوسة قالت مافيش سبب بروحه بس اكيدة فيه حاجة صايرة وهي ماحكتهش نبيك توا اتجي تحكي معاها بالك انتي تحكيلك عشان مش راضية تحكي معانا انا وباتها ومسكرة علي روحها في دارها
رانيا:خلاص اشوية وانكون عندكم
سعاد;نرجى فيك وسكرت ودغري رنت علي فيصل وفيصل رد
فيصل:لحقتي اترايفيلي رنوشة
رانيا:صح سراج طلق دوسة
فيصل بصدمة:شنووو
رانيا;توا كلمتني امها وحكتلي القصة وقالت دوسة مسكرة علي روحها في الدار وماتبيش تحكي مع حد ومازال مش عارفين السبب
فيصل:انا ماعنديش علم بالموضوع بكل معناها توا لازم نمشي السراج ونعرف شن صاير
رانيا;وانا توا ماشية الدوسة وبنعرف كنهم وليش دارو هكي
فيصل:خلاص سكري وبعدين انكلمك
رانيا:سلام وسكرت
وطلعت رانيا حكت الهلها اللي صاير وشالها باتها الحوش سندس
وفيصل دغري كلم سراج وسراج قاله ان في الشقة القديمة وفيصل طلع ركب في سيارته ومشاله
“””””””
#عند_رؤوف
خش الداره وتمدد علي سريره وبيرقد جت في باله أسيل وان اليوم ماحكش معاها بكل مسك فونه ورن عليها وأسيل ردت
رؤوف:توا معقولة كان انا مارنيتش عليك ماااترنيش عليا
أسيل:والله في بالي انكلمك بس والله من امس مريضة
رؤوف;كنك شن فيك
أسيل:عندي سني موجعتني ومن امس مسهرتني وماخلتنيش نرقد
رؤوف:سوسة ولا شنو
أسيل:شكلها سوسة وامس قررت اول مايطلع الصبح نمشي نخلعها بس اليوم وعيت القيتها ملتهبة فماقدرتش نمشي لاني عارفة مش حيغلعوها
رؤوف:توا وجعاتك سنك دغري فكرتي في الخلع يعني مافيش اي حل اخرى مثلا تنظيف ولا حشو عليك عقل عندك
أسيل:شن بندير وجعتني وسهرتني الليل نبي حاجة اتفكني منها
رؤوف:الساعة 4ماشي للمستشفى تعالي انشوفها لكي
أسيل;بس انت مازال ماتخرجت
رؤوف:بس انا دكتور وتوا حاليا ناخذ في حالات بروحي وكان عالشهادة كلها شهرين وناخذها
أسيل:باهي خلاص احجزلي وفي العشية انجيك
رؤوف:غير تعالي وبلا مانحجزلك اتخشي الاولى
اسيل:يعني بديرلي واسطة
رؤوف:توا صديقك في المستشفى وهو الدكتور اللي بيعالجك معقولة بنحجزلك هبلة شكلك
أسيل ضحكت:خلاص عا4:30 انجيك في المستشفى
رؤوف:خلاص اتفقنا
أسيل:توا سلام عشان ناخذ اذن بابا وانجهز روحي
رؤوف:تمام وسكر وغير رايه في الرقدة صبى وقعد يختار في لبسه يلبسها عشان يمشي للمستشفى وهذي أول مرة من بعد اللي صار بينه وبين رانيا ايفكر في منظره وان ايأنق نفسه
“””””
#في_حوش_سندس
رانيا وصلت وسلمت علي سعاد ودغري توجهت الدار سندس ودقت وسندس مااتردش
رانيا:دوسة انا رانيا افتحيلي حبي
سندس أول ماسمعت صوت رانيا دغري صبت بسرعة وفتحت الباب وحظنتها وقعدت تبكي وقعدت رانيا تبكي معاها
“”””
#عند_فيصل
وصل للشقة ودق وفتحله سراج
فيصل خش:شن جابك للمكان هذا
سراج:بنرد الأيام الخوالي
فيصل;قصدك صح اللي توا سمعته
سراج:شن سمعت
فيصل:طلقت سندس
سراج:اها صح
فيصل:من جدك انت باهي شن صار بينكم ليش درت هكي
سراج:ماصارش شيئ انا هكي طلقتها
فيصل:كيف ماصارش شيئ باهي والحب اللي بينكم ناسي شن درت عشانها
سراج:مافيش حب كل شيئ كن تمثيل وبعد وصلت للي نبيه خلاص معش عندي بيها عازة
فيصل:سراج انت اكيدة اتبصر صح
سراج:لا ماانبصرش وتقدرو تنسوها البنت هذي وتنسو قصتها لاني مش حاب حتى نسمع اسمها
فيصل بعصبية:انت كنك شن صاير معاك تي هذي سندس هذي اللي تغيرت عشانها وعشان حبك الها هذي البنت اللي خذت قلبك رغم كل البنات اللي مرن عليك في حياتك هذي اللي حبيت عنادها وجلاطتها قبل مااتحب جمالها
سراج تمدد عالكنبة:قتلك كله كان تمثيل وبعدين المفروض انت اكثر واحد عارفني ان انا مش متاع حب ومافيش وحدة قدرت تاخذ قلبي وكل بنت عندي منها غرض معين بس هذي كانت تفرق اشوي عالبنات لانها كانت صعبة ولما مثلت عليها الحب خذيت اللي نبيه منها صح الموضوع كلفني زيادة عالبنات لخرات صرفت عليها اكثر بس في الاخير النتيجة وحدة ووصلت للي نبيه
فيصل:معقولة انت حقير للدرجة هذي
سراج:من زمان يانصي حقير مش من توا
فيصل صبى وبيمشي
سراج:خليك يانصي اتهيج معايا اشوي وبيجني بنات اجنبيات
فيصل:أسف يانصي سيبته الجو هذا عشان توا فيه بنت في قلبي وانحبها جديات وتغيرت عشانها
سراج قعد يضحك:عنجد انجبها مافيش حاجة اسمها حب غلطان راك
فيصل:لا فيه حب وفيه وجع وكسرة قلب زي بزبط اللي توا فيها سندس بسببك
سراج ببرود:انا ماقلتلهش اتحبني هي بروحها اللي حبتني وبرضاها وعطت كل شيئ برضاها انا ماغصبتهش علي شيئ
فيصل بعصبية:انت اللي كنت بتموت واتحبك وانت اللي خليتها اتعلق بيك وتوا طلقتها وعزقتها ومش هامك الوضع ليش اتعلقها بيك وانت تافه واناني ومش راجل لين اتوفي بوعودك
سراج بعصبية:فيصل اطلع برا ومعش بنشوف وجك بكل
لا في الفيلا ولا في الشركة اعتبر نفسك مفصول
فيصل:هذي نهايتها اتلز صاحبك ورفيق عمرك
سراج بعصبية;لو عالصحبة اعتبرها من توا مافيش وانتهت
فيصل:تمام يانصي زي ماتبي وطلع وهو معصب من سراج
“”””””
#عند_رانيا_وسندس
سندس في حظن رانيا ورانيا اتهدي فيها
سندس تبكي:تصوري طلع يكذب عليا وماايحبنيش قالي كله تمثيل عشان نوصل للي نبيه
رانيا:مش قادرة انصدق ان سراج ايدير هكي بعد كل حاجة دارها عشانك
سندس تبكي:ولا انا قادرة انصدق انحس في روحي في كابوس ياريتني نحلم يارنوشة وقعدت تبكي
رانيا تبكي:معليش ياقلبي بس يمكن ايكون عنده سبب ودار هكي عشانه
سندس تبكي;مافيش سبب الا ان طلع يكذب عليا الانسان الوحيد اللي خلاني انتخلى علي مبدئي وانغير فكرتي عالرجالة وعالحب وعالزواج الانسان اللي تعبت واجد وانا حايرة في مشاعري ومااعترفتش بيهن طلع ايمثل عليا طلع ماايحبنيش طلع كل شيئ صار بينا وهم سراب يارنوشة اه انحس في نار في قلبي انحس في روحي بتطلع مني قوليلي بس يارانيا كيف نقدر ننساه كيف ننسى كل اللي صار بينا كيف ننسى ايامي معاه كيف ننسى طيبته وحنيته عليا معقوله هذا كله كذب مش قادرة نستوعب خلاااص
رانيا زادت حظنتها:والله حاسة بيك وبالنار اللي في قلبك توا وقعدت اتحاول اتواسيها واتهون عليها اشوية
“”””””
#عند_رؤوف
وتحديدا الساعة 4:40 م وصلت أسيل للمستشفى ورنت علي رؤوف وقالتله انها وصلت طلع رؤوف بالبالطو الابيض?عشان ايخششها للدار وبعد خشو
رؤوف;تريحي هنا
اسيل:شكرا
رؤوف لبس القفازات وجاها
رؤوف:هي افتحي فمك ووريني السن اللي توجع فيك
أسيل فتحت فمها وورتها له
رؤوف:لا هذي ساهلة السوسة اشوية ماتستحقش تخلعيها تبي تنظيف وحشو
أسيل:وبديرهن ليا توا
رؤوف:لالا مش اليوم تبيلي ثلاث جلسات قبل ماانديرهن لكي
أسيل بخوف:كيف ثلاث جلسات معناها الموضوع خطير
رؤوف ابتسم:لا لا خطير لاشيئ كل الموضوع بنكسب شوفتك ثلاث ايام
اسيل ضحكت:قبل خوفتني بس بجديات تقدر اديرها اليوم
رؤوف:لا اليوم هي ملتهبة حنكتبلك علاج تاخذيه وبكرا باذن الله الالتهاب ايكون محول واتجي انديرها لكي
أسيل:باهي اوصفلي مسكن لانها اتوجع بكل
رؤوف:العلاج فيه مسكن
أسيل:باهي تمام
رؤوف:هذي الروشيته وفيه صيدلية جنب المستشفى حتلقيه فيها
أسيل:تمام وشكرا
رؤوف:العفو
أسيل:سلام وجت بتطلع
رؤوف:أسيل فيه تحت المستشفى كفي تقبلي عزومتي عليه
اسيل:بس بشرط
رؤوف:شنو
أسيل:هالمرة علي حسابي انا
رؤوف ضحك:لا ياحلوة عمره ماعزمتمي بنت ولا ايجي يوم وتنكتب عليا بتقبلي العزومة اتكون مني وغير هكي لا
أسيل ضحكت:باهي اللي اتشوفه
رؤوف:معناها هيا نمشوله
أسيل:والناس اللي برا
رؤوف;فوتي توا انكلم صاحبي ايجي مكاني
أسيل:لا توا ايصير منك دكتور
رؤوف:كوني هانية حيصير وهي توا خلينا نطلعو وطلعو مع بعضهم ونزلو للكفي تحت وشربو قهوة مع بعضهم وهدرزو قريب نص ساعة وبعدها أسيل روحت ورؤوف رد الشغله
“””””‘
مر اليوم عادي عند الكل الا عند سندس اللي كانت معاها رانيا وحالتها حالة ومش قادرة تستوعب او اتصدق اللي صار ومش راضية تاكل شيئ ومكملتها بكى وخلاص ورانيا طول الوقت اتحاول اتهون عليها بس كل كلامها كان بلا فائدة وسندس كان قلبها محروق وغير تبكي وخلاص وعالساعة 10 في الليل سندس تعبت من كثر البكى ورقدت ورانيا كلمت هلها عساس بتبات عند سندس لانها تاعبة وهلها وافقو وقعدت الليل كله معاها واكدت الهل سندس ان مش صاير شيئ بينهم وان سراج دار هكي بروحه
“””””
#صباح_يوم_جديد
وتحديدا الساعة 8وعت رانيا علي رنت فونها ولما شافت لقاته فيصل
رانيا ردت وتحكي بشويش تبيش اتوعي دوسة
رانيا:صباح الخير
فيصل:صباح النور وينك لعند توا مازال ماجيتي
رانيا:مش جاية انا بايته عند دوسة حالتها حالة ماللي صار وماقدرتش انخليها بروحها
فيصل:خزي كله مالحقير سراج
رانيا:حكيت معاه شن قالك
فيصل:قال كلام ماتخيلتش ايقوله بكل الحقير قال كنت انمثل عليها وقال مرايف علي أيام زمان وبيرد ينحرف زي قبل
رانيا:معقولة بعد اللي داره عشانها كله يطلع يكذب
فيصل:والله انا مش قادر نستوعب اللي صار مع انه رفيقي بس امس حسيته شخص اخرى اول مره انشوفه كلامه طريقته كلها متغيرة تخيلي ان لزني وقالي معش بنشوفك بكل
رانيا:هذا كنه شكله طرشق
فيصل:والله ماني فاهم حاجة المهم توا انتي خلي بالك من سندس ومااتخليهش بروحها نحن مش قادرين نستوعبو مبالك هي المسكينه اللي حباته كيف بتصدق
رانيا:مش مصدقة ولا قادرة تسوعب المهم توا خليني انسكر مانبيش انوعيها امس وعت في الليل وقعدت لعند الفجر واعية وتبكي
فيصل:تمام سلام وسكر
سندس وعت وقمعزت واسندت بظهرها علي سريرها
رانيا:صباح الخير دوستي
سندس:صباح الخير
رانيا:حبي هي صحصحي وخشي اغسلي وصلي عشان نفطرو مع بعضنا
سندس:ماعنديش نية في شيئ
رانيا:ماايصيرش شيئ ياقلبي انتي من امس ماكليتيش ولا حاجة
سندس:والله ماني قادرة انحط حاجة في فمي
رانيا:عشان خاطري انا وبعدين كان مافطرتيش حتى انا مش فاطرة
سندس:خلاص حنفطر معاك
رانيا ابتسمت;نجك ليا هي صبي اغسلي
صبت سندس وخشت للحمام ورانيا طلعت بتجهزلها فطور غسلت سندس وطلعت خذت ملايتها وصلت الصبح وطولت وهي عالصلاية وتبكي وبعدها خشت عليها رانيا جايبة الفطور
رانيا:تقبل الله
سندس:منه ومنك صالح الاعمال
رانيا:تعالي نفطرو
جت سندس وقمعزت عالسرير ومدتلها رانيا كباية الحليب
رانيا:انديرلك نص مربى وقشطة
سندس اتشوف للفطور زين ونزلو دموعها
سندس:كنت كل يوم انا اللي انوعي فيه وانديرله في الفطور وايكمل الصبح وهو يصمط عليا واينابش فيا واحلى كلام ايقول فيه ليا قوليلي يارانيا كيف ننسى كل التفاصيل هذينا
رانيا:مش حتنسي بس مع الوقت حيخف المك اشوي توا قاعدة هكي لانك مازال مجروحة جديد
سندس تبكي:طول وماانا راقدة نحلم بيه ولما وعيت كنت نحسابه جنبي زي كل يوم
رانيا تبكي:عارفتها واعرة بس حتعودي والله الايام حيداولك جرحك
سندس:مانحسبش روحي انحبه للدرجة هذي فراقة واعر يارانيا فراقه زي الموت
رانيا:لما انحبو شخص بجديات فراقه ايكون واعر وزي الموت بس والله كل مااتمر فترة كل مااتحسي روحك حتقعدي أحسن
سندس تبكي:ليش دارلي هكي كيف رضى ايعذبني هكي شن درتله يارنوشة وقعدت تبكي
رانيا قعدت اتسكت فيها واتحاول تقنعها تفطر
“””””
#عند_رنا_وصالح
كمل طبور الصباح وخشن الطالبات الفصولهن فصل رنا كان عندهم اول حصة حصة أحياء بس الأبلة كانت غايبة فطلعو طالبات الفصل للساحة فمجموعة منهن قعدن يلعبن في كرة سلة ومن ضمنهن كانت رنا طبعا صالح جاي مالصبح وحظر الطابور وكل الوقت كان عينه علي رنا وبما طلعوهن للساحة طلع وقعد مقمعز مع استاذين والبنات يلعبن ومن ضمنهن رنا وكان كل الوقت عيونه عليها ولكن وهنا يلعبن رنا طاحت وفي اللحظة هذي وتلقائي صالح صبى وجاها يجري
رنا لما طاحت جت الطيحة علي وجها التمن عليها البنات وجاها صالح وبعد البنات ولقى وجها دم وفاقدة الوعي شالها بسرعة بين ايديه وبيطلع بيها
الاستاذ;وين ماشي بيها ياصالح
صالح:لازم انشيلها للمستشفى
الاستاذ:ماتقدرش تاخذ طالبة وتطلع بيها هكي
صالح بعصبية:اتشوف فيا واخذها الحوشي بناخذها للمستشفى قتلك
الاستاذ:عارف بس توا خوذها علي مكتب الاخصائية انشوفو الخبطة وين وبعدها ساهل
الاستاذ لاخر:كلامه صح وخذة طالبة هكي فيها مسؤولية
صالح:ماشي وخذاها المكتب الاخصائية وجن الابلات وقعدن يغسللها في وجها بالمية وحوللها وشاحها وفي اللحظة هذي بان الشعر الكستنائي ونزل تلقائي من كثرة نعومته صالح والاستاذين كانو معاهن في مكتب الاخصائية صالح بعد خولن الابلات الوشاح فتح فمه وقعد ايشوفلها وفي لحظة شاف للاستاذين اللي معاه ولقاهم مستوهين فيها ومعش قدر ايتحمل
صالح:تهيالي نحن قعدتنا هنا ماشور شيئ هيا نطلعو وطلعهم وطلع حتي هو وسكر باب المكتب وقعد مصبي يرجى في الابلات يطلعن ايطمننه عليها بعد 5دقايق طلعت أبلة إيمان
صالح:ها ياابلة شن صار وعت
ايمان:اها وعت بس نبو حد ايجيبلنا مطهر ولسقة عشان انطهرولها الجرح وانلسقوه
صالح:لو تبي مستشفى انشيلها توا
ايمان:لا الموضوع مايستحقش هي وعت بس نبو مطهر ولسقة بس
صالح:ماعليك أنا انجيبهن وجا بيمشي
ايمان:استاذ هاك الفلوس
صالح:لالا خليهن انا توا انجيب وطلع بسرعة وبعد 10دقايق رد بشكارة فيها كم نوع مطهور وكم نوع لسقة وجايب عصاير وشكولاطات وخش بيهن المكتب الاخصائية
ايمان:شنو هذا كله
صالح ايشوف الرنا:المطهر واللسقة اللي تبوهن وهذينا عصاير عشان رنا نزفت دم واجد
ابلة فيروز:ماكانش داعي اتعب روحك واتجيب هذا كله هو جرح بسيط اصلا
صالح:انتي اكويسة توا يارنا
رنا:اها
صالح:لو مش قادرة اتكملي انكلم باتك ايجيك
رنا:لالا اليوم عندي امتحان مانقدرش نمشي
صالح:لو انتي تاعبة روحي الامتحان ساهل ماعليك فيه
فيروز بعصبية:رنا كويسة واليوم عندها امتحان جزئي ولازم تحظره
صالح:صحتها اهم مالامتحان
رنا:لا انا كويسة وبنحظر امتحاني
فيروز:سمعت خلاص تفضل توا عشان انشوفو شغلنا
صالح:ماشي وطلع
قعدن الأبلات ايطهرنلها في الجرح وايلسقنلها في لسقة
إيمان:رنا انتي طالبة محترمة والكل يشهد علي هكي واللي قاعدة اديري فيه هذا غلط
رنا:شنو درت ياأبلة
إيمان;اللي قاعد ايصير مع استاذ صالح غلط وانتي مازال صغيرة ومراهقة ومش عارفة مصلحتك
نسرين:وفوق من هذا هو شكله مش كويس ونسونجي ومش داعي اتعلقي روحك مع واحد هكي
إيمان:وانتي طالبة ممتازة ومميزة ومحترمة ومن انتي في الابتدائي تقري هنا والكل يشهد بأدبك فخوذي نصيحتنا أحسن مايوصل الخبر للإداره ويستدعو باتك ويحكوله موضوع زي هذا عليك
رنا:بس والله ياابلة انا مادرت حاجة واستاذ صالح هو استاذي وبس زي بقيه الاساتذة في المدرسة
فيروز:رنا بلا حركات بنات واديري في روحك بريئة كل شيئ واضح وكم مرة شفتك مصبية معاه وخاطي هكي معاملته واسلوبه معاك يفرق عن باقي البنات فاحترمي نفسك احس ماانا نصرف بطريقتي لاني لعند توا مادرتش شيئ لانك مالطالبات المتفوقات
رنا وجعها الكلام وصبت من غير مااترد ولا كلمة وطلعت مالمكتب ولقت صالح مصبي قدام المكتب
صالح:ها طمنيني انتي كويسة توا مش حاسة بدوخة لا شيئ
رنا شافتله وعيونها معبيات دموع وعدت وسيباته من دون مااترد ولا كلمة وصالح قعد مصبي في مكانه ومش فاهم ليش دارت هكي كان متوقع انها اتقوله حتى كلمة شكرا عاللي داره جا بيلحقها في الفصل لقى ابلتهم جايتهم وبتعطيهم حصة مشى وقمعز في حجرة الاساتذه بعد اشوي خشت عليه ابلة فيروز
فيروز:خير استاذ صالح
صالح:خير ياابلة
فيروز:جيت بنشكرك عالعصير والشكولاطات مبدري كنا مرتبكين ماقدرتش نشكرك
صالح:العفو هذا واجبي عطيتن رنا منهن
فيروز:لا مابتش تاخذ
صالح:بس هي نزفت دم وخايف ايصيرلها هبوط واطيح
فيروز:هي مانزفتش واجد لان الجرح كان صغيرة غير الدم طلع لانها كانت حامية وتجري
صالح:ياريت بعد اشوي تمشي تطمني عليها
فيروز:حاظر بس وين باقي الاساتذة
صالح:مش عارف انا جيت ماالقيتش حد
فيروز سكتت وبعدها;استاذ صالح
صالح رن فونه:معليش ياابلة جاني اتصال وطلع وسيبها
“””””””
مشى الوقت عادي وجت الساعة 5م
جت أسيل الرؤوف في المستشفى ونظفلها سنها وحشاها الها وبعد كملو
رؤوف:توا هكي تمام وباذن الله ماعاد اتوجعك وفي نفس الوقت حافظتي علي سنك
أسيل كانت دايرة بنج وبشويش;شكرا
رؤوف:طبعا اليوم عشان البنج وعشان ماتقدري تاكلي علي سنك اناجل العزومة البكرا
أسيل:اي عزومة
رؤوف:بمناسبة علاج سنك بنعزمك نشربو حاجة
أسيل:بس مش المفروض انا اللي نعزمك كشكر عاللي درته
رؤوف:شن حكينا علي موضوع العزومة ماقلنا مستحيل اتصير
اسيل:امالا كيف نشكرك عاللي درته
رؤوف:اقبلي عزيمتي بكرا وبهكي تشكريني
أسيل:خلاص تمام موافقة
رؤوف ابتسم:نكتبلك علي مسكن بس ماتاخذيش الا اذا حسيتي بالم
أسيل:تمام كتبلها عالمسكن وروحت
“””””
مشى اليوم عادي
رانيا كملت اليوم مع سندس اللي ماطلعتش من دارها بكل ومكملة الوقت تبكي ومش مستوعبة اللي صار
رانيا طبعا معش قدرت اتبات يوم اخرى والساعة 11 جاها باتها روح بيها
اما سندس فكانت مسكينة حالتها حاله ومغير مكلتها بكى وخلاص ?
“””””””
#مرن_يومين
بالنسبة الرانيا وفيصل كان وضع هادي جدا بس هما الاثنين مازال مش مستوعبين اللي صار مع سندس سراج طبعا رانيا في اليومين هذينا كنت تمشي السندس بس طبعا حالتها ووضعها ماتغيرنش مازال مش مصدقة اللي صار ومكملتها بكى الدرجة ان رانيا مستغربة سندس وحالتها لانها عمرها ماشافتها بالضعف هذا أما فيصل من كثر ماكان معصب من سراج لا مشاله ولا عاد كلمه ولا تلاقى معاه
أما بالنسبة الرؤوف فكان وضعه تمام مع اسيل وتلاقو وحكو في أمور حياتهم وكالعادة هو يقنع فيها اتكمل قرايتها وهي تقنع فيه ايسامح خوه وينسى اللي صار
أما بالنسبة الصالح فكان مازال مستمر عاللي ايدير فيه وكل يوم ايحاول يحكي مع رنا واهتمامه بيها واضح للكل
بالنسبة السندس طبعا حالة الضعف اللي هي فيها عمرها ماصارتلها فعلا انها حبت سراج بكل صدق ومش قادرة اتصدق ان خلاص معش بيقعد في حياتها وطبعا كانت لاتاكل ولا تشرب ولا تطلع اتخرف ولاتضحك مع هلها زي زمان باتها وامها كانو خايفين بكلل عليها وللسبب هذا قرر باتها ايسافرو كم يوم المصر عشان اتغير جوها وتطلع مالحالة اللي هي فيها ولما جا حكى مع سندس وافقت لانها كانت بحاجة سفرة اتبعدها عالجو اللي هي فيه واليوم الثالث في الصبح كانت طيارتهم وسافرو هي وباتها وأمها
“”””””
#مر_عشر_أيام علي سفرة سندس وهلها
في 10أيام هذينا كانت حياة الكل عادية
فيصل ورانيا مستلمين المشروع وكان قريب يكمل وطبعا فيصل معش مشى للشركة نهائي
اما صالح ورنا فمازال صالح في محاولته مع رنا وهي كل مرة تتجاهله اكثر مالمرة اللي قبلها وكان محاولات صالح ايعصبن فيها واتزيد تكرهة كل ماتسمع حد يعزقلها في كلام بخصوص الموضوع هذا وقعدت اتغيب عالمدرسة عشان مااتشوفش صالح
رؤوف وأسيل كان الوضع ماشي تمام بكككل واتصالاتهم كاثرات وقعد مااتمرش ساعتين الا ولازم ايكلمو بعضهم ويطمنو علي بعضهم
رؤوف تحسنت اشوي علاقته مع عصام وقعد قادر ان ايقوله خير او يحكو كلمات بسيطة والفضل كله كان الأسيل لأنها هي اللي قعدت تحكيله علي فقد الاخ وان الاخ اهم من كل حاجة في الدنيا وقعدت اتقوله اذكر وانتو صغار وفعلا رؤوف قعد ايدير هكي وقدر يتقبله اشوي بس مازال ماسامحه ولا ردت علاقته بيه زي قبل
وفي نفس الوقت رؤوف غير أسيل وحببها في الحياة وقدرت تطلع واتحاول اتواصل مع صحباتها وقعد يقنع فيها اشوي بشوي بس الشيئ الوحيد اللي ماقدرش يقنعها بيه انها اترد القرايتها لانها كانت مسكرة راسها انها مستحيل اتخش الحاجة هي ولينا كانن متفقات ايديرنها مع بعضهن
أما عند سراج فكان ماحدش عارف عنه شيئ ولا حد عارف وين لان حتى الشغل في الشركة سيبه وقعد مكمل وقته في الشقة
لعند اليوم العاشر هذا الساعة 8:30م كلم جده وقاله ايجي للفيلا وهو بيجي غادي ويبيهم في موضوع ضروري
وعالساعة 9م جا للفيلا ولقاهم كلهم ملتمين يرجو فيه
سراج خش;خير
محمد:انت خليت فيها خير بعد اللي درته
جد سراج:اسكت يامحمد وخلينا نعرفو الموضوع المهم اللي لمنا عشانه
عفاف:اكيدة راجع عقله وبيرد سندس
سراج:موضوع سندس انتهى وفض ومعش بنحكي فيه
محمد;معناها شن موضوعك
سراج:انا قررت نجوز
محمد وعفاف وجده;شنووو
سراج:زي ماسمعتو فيه بنت انحبها وبنجوزها
جد سراج:ومن هذي نعرفوها
سراج بصوت عالي:خشي
الكل قعدو ينتظرو في اللي بتخش وكانت الصدمة صاعقة لما طلعت تالين?
عفاف بصدمة:تالين
تالين بخجل:خير
محمد:هذي مش سافرت
سراج:أنا اللي رديت جبتها
عفاف:وليش جبتها انا مش فاهمة شيئ
سراج:لاني نبيها وانحبها وبنجوزها وهي كانت سبب طلاق سندس لان لما تالين عدت اكتشفت اني انحبها وماقدرتش نخدع سندس وماحبيت انصارحها وانقوللها اني انحب غيرك لاني مانبيش نجرحها وبهكي الصورة اتكون وضحت للكل
عفاف:بس تالين متربية معاك وزي اختك
سراج:تالين مش اختي انا وهي انحبو بعضنا من زمان من ايام ونحن في المانيا وسيبتني لاني ماكنت نبي نربط روحي بزواج ولما قررتو اتجوزوني ماكنت قادر نحكي الحقيقة ولما القيت سندس هي العروس قررت انكمل اللعبة اللي بادية بيني وبينها من قبل مااتقروو اتزوجوها ليا واللي صار كله وتمثيلي الحب عليها كان كله ضمن الخطة اللي حطيتها لانها خشت معاي في تحدي وانا عمره مابنت تحدتني وخليتها اتحبني وتعطي كل شيئ برضاها بس طول الوقت كانت تالين بينا وماقدرتش ننساها ولما جت هنا ماكانتش عارفة اني ازوجت وتأثرت واجد وانا حاولت نتجاهللها وانكمل مع سندس بس ماقدرتش وعرفت قديش انحبها وفي نفس الوقت هي معش قدرت اتشوفني مع غيرها وقررت تمشي ومشت بس انا بعدها تعبت ومعش قدرت انكمل اللعبة ونهيت كل حاجة مع سندس وكلمتها وردت عشان نجوزو
عفاف:ماينفعش تاخذها صح نحن انحبوها بس ماينفعش تقعد زوجتك ماايصيرش منها
محمد:انا زي امك ومش راضي انك تاخذها عشان ببساطة متربية معاك
سراج:ولانها متربية معاي وعشان انتو عارفين كل اللي صاير معاها لازم تقبلو لان تالين ماعندهش في الدنيا غيرنا
جد سراج:باهي وانت اتفكر في الناس هكي وحنون ليش مااتفكر في البنت اللي حباتك واللي كسرت قلبها واللي الله واعلم شن حيصير فيها توا
سراج:مش حيصيرلها شيئ سندس بنت قوية وتقدر اتحمل اي حاجة وفوق هذا معاها هلها وايحبوها يعني مش بحاجتي بس تالين ماعندهش حد الا انا
جد سراج:وانت بتجوزها لان ماعندهش حد
سراج:لا انا بنجوزها لاني انحبها
محمد:ونحن كلنا مش موافقين
سراج:انا جيت ودرت اللي عليا وقلتللكم اني انحبها وبنجوزها بس لو رفضتو انا حناخذها غصبن عالكل
محمد بعصبية:يعني اتحدى فينا واتمشي في كلمتك علينا
سراج:من قبل انت اخترتلي ومشيت كلمتك عليا وخيرتني مابين نجوز اللي اخترتها ليا ونشتغل معاك وانساعدك ومابين تحرمني من كل حاجة وانا درت كل اللي تبيه توا جا الوقت انت تختار مابين تكسب ولدك وايكون جنبك ديما وايساعدك واتخليه ياخذ اللي يبيها ومابين ترفضو وانرد الالمانيا ومعش اتشوفو وجي بكل
محمد بعصبية:هي هكي يبقى اطلع مالفيلا ومن اليوم نعتبرك متت وماعنديش عيل وانت محروم من كل قرش في فلوسي
سراج;تمام وانا مانبيش من فلوسك واملاكك شيئ
عفاف قعدت تبكي?
محمد بعصبية:امشي عيش بيها في الشارع وشوفها اتحملك ولا لا بس بعد اتسيبك ردبالك اترد هنا
سراج:مش حنرد هذا وعد وشاف التالين هي تالين
تالين:اشوية بس بنقول العمو حاجة
تالين;انا ياعمو مش قاعدة مع سراج عشان فلوسه انا لو نبي الفلوس كنت قعدت عند بابا الفلوس بلا حساب والرقم اللي نطلبه ناخذه بس مانبيش هكي انا نبي الحب ونبي الحنان اللي مالقيتهنش مع الفلوس غادي القيتهن بس عند سراج وعندكم انتو هنا بس مانحسبش ان حب سندس اللي في كم شهر سيطر علي حبكم الوحدة انتو ربيتوها بس رغم هذا كله انا انحبكم ونعتبر فيكم زي بابا وماما وصدقني مستحيل انسيب سراج وحنعيش معاه حتى لو في شارع اهم شيئ انكون جنبه ونزلو ادموعها وطلعت وسراج لحقها
“””””
#مرن_ثلاث_أيام
سندس مازالت هي وهلها في مصر تغير الجو اشوي بس ماردتش كيف قبل كانو هلها بأي طريقة بيغيرولها جوها بس هي كانت طول الوقت ساكته وسرحانة وحتى لما تضحك كانت بس اتجامل عشان شايفة اللي صاير في هللها عشانها وكانت طول الليل تقعد تسترجع في شريط حياتها مع سراج اللي مش قادرة تنسى منه حتى لحظة مع ان مسحت صورهم ومسحت رسائله ومكالماته ورقمه كل شيئ ايخصه حذفاته من حياتها بس ماكانت تقدر تمسح لحظاتها معاه اللي محفورة في ذاكرتها?
“”””
#عند_رانيا
وتحديدا الساعة 5م وكانت تحكي مع فيصل
فيصل:رنوشتي عمي ماحكالك شيئ
رانيا:لالا بابا مازال ماروح من شغله
فيصل:اها تمام
رانيا:عليش شن صاير
فيصل:لا ماصاير شيئ
رانيا;كيف ماصاير شيئ احكي خوفتني شن فيه
فيصل:مافيش حاجة اتخوفك كل القصة اليوم مشيت الباتك في شغله
رانيا:باهي عليش مشيتله
فيصل:انعرف فيه علي روحي ووو حددت معاه موعد الفرح
رانيا بخوف;فرح من اللي حددته
فيصل:فرحنا فرح من يعني
رانيا بعصبية:بس نحن مااتفقنش هكي نحن اتفقنا ان نقعدو فترة خطبة وبعدين انقررو كيف تصرف هكي من راسك
فيصل:انا عارف لو نقعدو كم سنة خطبة وانحدد الفرح حتقعد نفس ردت الفعل وعشان هكي حددته من غير ماانقولك
رانيا:لا مافيش منه الكلام هذا انا بس كنت نبي فترة الخطبة طويلة عشان انتعرفو علي بعضنا قبل
فيصل:رانيا نحن متعرفين علي بعضنا وبزيادة وانا عارف ليش خايفة نزوجو وعشان خوفك هذا نحن لازم نزوجو انا عارف انك مازال ماحبيتيني بس الطريقة الوحيدة عشان اتحبيني ان انعيشو في حوش واحد
رانيا بعصبية;انا مش مستعدة الشيئ زي هذا وبعدين انت كيف اتقرر بروحك وفوق هذا كله قصة سراج وسندس اللي ماانحلتش معقولة بنجوزو وهما مطلقين
فيصل:سراج وسندس قصتهم شكلها مازال مطولة ومش معروف ليش سراج دار هكي وبعدين الفرح حيكون بداية الشهر الجاي يعني مازال عليه شهر يعني عندك وقت اتجهزي كل شيئ تبيه ارجوك يارانيا ماتحرمنيش مالفرحة بيك أنا انحبك ونستنى في اللحظة اللي بتكوني فيها معايا بفارغ الصبر
رانيا بعصبية;فيصل زي ماحددت الفرح مع بابا تلغيه واطول فترة الخطبة ولا نلغي الخطبة بكل
فيصل بصدمة:بتلغي الخطبة
رانيا:اها
فيصل:ماشي يارانيا اللي اتريحك ديريها وسلام وسكر
رانيا قعدت تبكي ومعش عرفت كيف تصرف
‘””””
#عند_رؤوف
قاعد هو ورويدة يشربو في قهوة في الجنان وجاهم عصام
عصام:شن جوكم
رؤوف ورويدة;تمام
رويدة;قمعز اشرب قهوة
عصام:لا مانقدرش مستعجل عندي مشوار ضروري وطلع
رويدة:حسيت علاقتك بفيصل متحسنة
رؤوف:يعني كويسة بس مش زي قبل طبعا لاني مازال ماانسيتله اللي داره
رويدة:هو غلط بس طبعا كل شيئ نصيب
رؤوف:كل شيئ نصيب مع جية رساله الفونه قراها وابتسم
رويدة:اووو شكله في حاجات صايرة مش حاكيلي عليهن
رؤوف ضحك:مافيه شيئ شنو بيقعد فيه
رويدة:الرسالة اللي جت والابتسامه وراهن وحدة وراسي وراسي عندك اتقولي من
رؤوف:مافيش لا وحدة لا شيئ
رويدة زعلت:خزي ياصامط انقولك وراسي وتكذب عليا
رؤوف:عارفة راسك غالي وعشان هكي حنحكيلك
رويدة:باهي من
رؤوف:أسيل اللي دزت رسالة
رويدة:قصدكم قعدتو تحكو
رؤوف:لنا فترة نحكو وتلاقينا كم مرة الحق انها بنت مافيش منها وفاهمتني بكككل قدامها نقعد كتاب مفتوح مااندسش عليها في شيئ وحتى هي نفس القصة وطبعا الها فضل كبير في اني ردت علاقة بعصام شوي
ررويدة:بس انت عارف ان هي عندها مرض نفسي واتعالج يعني نظرة المجتمع الها انها مجنونة
رؤوف بعصبية:هذي نظرة الناس المتخلفة كل القصة ان البنت مارة بظروف صعبة مأزمات نفسيتها بس مجتمعنا المتخلف اي واحد ايصيرله هكي يقعد مجنون
رويدة:اسفة اسفة مانحسابهش اتهمك للدرجة هذي وبعدين انا ماايهمني شيئ في الدنيا الا راحتك ودبينك متريح ومنسجم معاها خلاص لان هذا بس اللي ايهمنا
رؤوف:اسف مش قصدي انعصب عليك
رويدة ابتسمت:عارفتك ومش زاعلةبس بنصبي انشوف ماما ليش ماجتش لعند توا
رؤوف:تمام
رويدة صبت وهو قعد ماسك فونه وايبعبش فيه مع رنت فون رويدة اللي سيباته قعد اينادي الرويدة ماجتش شاف للفون ولقى اللي اترن رانيا قعد ايشوف للاسم زين وضعف وحب يفتح يسمع صوتها اللي مرايف عليه فتح وحط الفون علي وذنه
رانيا تبكي:قوليلي شنو اندير فيصل توا كلمني وقالي حدد موعد فرحنا مع بابا ولما اعترضت زعل مني وسكر وهو زاعل
رؤوف زادو دقات قلبه ونزلو دموعه:قصدك بتجوزي?
#يتبع
رؤوف عرف انها بتجوز ومن رانيا بروحها?قولكن شنو ايصير وشنو ردة فعل رانيا بعد غرفت ان رؤوف هو اللي رد عليها?
وقولكن سراج ليش قرر يجوز تالين هل صح لان ايحبهت او في شيئ اخرى وشنو ردة فعل سندس بعد تعرف?
وهل سراج حيوافقو علي زواج ولا بياخذها غصب عنهم?
وصالح ورنا شنو مصيرهم بعد كل اللي ايديره فيه صالح هل ممكن انها اتحن عليه واتحبه?حرام ينحب الراجل?
وقولكن رانيا بعد رؤوف عرف انها بتجوز حياثر علي قرارها بزواجها بفيصل ولا لا?
كله حنعرفوه في الحلقة 50 والأخيرة?
گـتـابـتـي Koka SalehSaleh