منحرف وأحببته
#مـنـحـرف_وأحـبـبـتـه
الـحـلـقـة (13)
صباح ثاني يوم ناضت سندس خذت الفلوس من امها ومشت الجامعتها وعابية بعد تطلع مالجامعة تمشي الهدى وتعطيها الفلوس
جت للجامعة وتلاقت مع رانيا اشوي وخشن للمحاضرة اما رويدة جت متأخر وخشت المحاضرتها دغري ولقت الكرسي اللي جنب معاذ حاجزه الها قمعزت جنبه بس خاطي صباح الخير ماحكتش شيء وبعد ساعتين كملت المحاضرة ورويدة جت بتطلع
معاذ مسك يدها:خليك اشوي نبيك
رويدة:حاظر وقمعزت
وبعد الطلبة كلهم طلعو
معاذ;كنه جوك مش تمام
رويدة:مازال ناعسة امس رقدت متأخر
معاذ:ودبينك رقدتي متأخر ليش لما رنيت عليك مارديتيش
رويدة سكتت ومعش عرفت اترد
معاذ:شن فيه حبيبي كنك شن صاير معاك
رويدة:مافيش شيئ
معاذ:بصدق هلك شن قالو عليا
رويدة بحزن:بابا رفض
معاذ بخوف:ليش يرفض شن فيه
رويدة:عشان خطبني ولد عمي وقال كيف نعطيها الحد اخرى وولد عمها يبيها وطبست راسها
معاذ:وانتي موافقة علي ولد عمك
رويدة:اكيدة لا انا مانبيش نبيك انت
معاذ رفع راسها وانصدم لما لقاها تبكي
معاذ بخوف:ليش تبكي توا
رويدة;شن تبيني اندير وبابا قال الماما قوليلهم مافيش نصيب
معاذ:بإذن الله فيه نصيب انتي مااتخافيش ومااتفكريش في الموضوع انا حنلقى حل
رويدة:شن بدير
معاذ مسحلها دموعها:ماعليك حنصرف وبإذن الله انتي ليا وانا لكي بس نبي منك طلب واحد
رويدة:شنو
معاذ:بنشوف ضحكتك عشان انتريح
رويدة ابتسمت
معاذ ابتسم:ايوا هكي انحبك ياملاكي وقعدو ايخرفو اشوية وبعدها طلعو معاذ روح ورويدة مشت الصحباتها وطبعا حكتلهن كل حاجة صارت وهنا قعدن ايطمنن فيها وان اكيدة حتنحل وحتاخذ معاذ
“”
فطرن البنات مع بعضهن وبعدها كل وحدة روحت الحوشها ماعادا سندس وصفت للسواق العنوان ومشى بيها شوره
“”
عند سراج طبعا متفق مع هدى عالموعد ولاول مرة يوعى بدري لان هذا هو اليوم اللي يحلم بيه لبس وانق وطلع عالشقة وقعد فيها وقعد يرجى في سندس اتجي
“””
سندس وصلت عند العمارة ونزلت مالسيارة وكان الشارع هادي بكل رقت مع دروج العمارة وفي لحظة جاها شعور بالخوف وماعرفتش السبب وكملت طريقها وبتخش للعمارة وفجأة اتجي سيارة وتخبط مرا قاطعة الشارع المرا كانت في 40 من عمرها طاحت عالارض وقعدت تتوجع وتبكي والشخص اللي خبطها ماوقفش وطلع يجري بالسيارة سندس سمعتها وجتها تجري والتمو عليها الناس وكانت المرا حاطه يدها علي كراعها واتألم وتبكي سندس مسكت كراعها وقعدت اتشوفلها
المرا تبكي واتبحت في سندس:اسعفيني يابنتي ولا خلي حد يسعفني
سندس:معليش خوتي حد يسعفها شكلها مكسورة
الرجالة كلهم كانو خايفين من فكرة ان يتهموهم بان هما ضربوها او ايكون وراها قصة
المرا تبكي:حسبي الله راحت الرحمة منكم
سندس كانت اتشوف للعمارة وفي عقلها هدى وفي نفس الوقت مش قادرة اتسيب المرا في الحالة هذي وبعدين فكرت في فكرة السواق كان مصبي جنبها
سندس:عمي عمران انا انساعد المرا انحطها في السيارة وانت تاخذ الفلوس هذينا وترقى للدور الثالث الشقة اللي عاليمين تسأل علي وحدة اسمها هدى وتعطيها الفلوس ولما تنزل نسعفوها
عمران:حاظر يابنتي وخذا الفلوس وطلعسندس صبت المرا وساعدوها الرجالة وحطتها في السيارة وقعدت ترجى في عمران ايجي اشوي وجا عمران وركب في السيارة وولعها وطلع بيها
سندس:شن صار معاك
عمران مدلها الفلوس;القيت شاب في الشقة وقالي هدى مش قاعدة
سندس;ماقالكش من الشاب هذا
عمران:قالي خوها بس ماقدرتش نعطيه الفلوس مش غابية يابنتي في شباب توا
سندس بإستغراب:بس تقريبا هدى ماعندهش خوت
عمران:والله يابنتي هذا اللي قاله ليا
سندس:احسن حاجة ماعطيتش الفلوس وسكتت وقعدت اتفكر كيف خوها وهي اللي عارفته علي هدى ان ماعندهش خوت وحست ان فيه حاجة غلط ووصلو عالمستشفى وخششو المرا جوا وبعد اشوي طلع الدكتور منها وكان عندها كسر نزلو جبسوها لوطة ولان المرا كانت ضاربتها السيارة فجت الشرطة وفتحو محظر والمرا حكت ان اللي ضربها راح بالسيارة وهذوما ساعدوها وبعد ساعة تقريبا المرا قالت السندس اتروح وحيجي ولدها ايروح بيها وسندس روحت(طبعا ضربت المرا بالسيارة ماكانتش صدفة كان وراها ايدي خفية حنعرفوهن في الحلقات الجاية)
‘”
بعد يوم متعب وشاق روحت سندس الساعة 2 للحوش طبعا هلها كانو مشغولين عليها واول ماجت حكتلهم قصة المرا وانها سعفتها
فرج:سلم بنيتي ربي حيجازيك خير عاللي درتيه
سندس:بس انا مستغربة يابابا مالناس ليش قعدو معش ايحبو الخير هكي معقولة مرا طايحة قدامهم وماسعفوهش
فرج;مش معش ايحبو الخير الناس توا اتخاف تخيلي تطلع وحدة دايرة لعبة واللي يسعفها تتهمه ان هو ضربها وينحبس ومااتنازلش الا لما يعطيها فلوس
سعاد:معقولة فيه حاجات هكي
فرج;فيه وواجد اخرى هذا عليش الناس قعدت اتخاف
سعاد:ربي يلطف بينا وخلاص انتو هدرزو مع بعضكم اشوي علي ماوتيت الغداء وصبت
فرج قعد يسأل في سندس علي احوالها وقرايتها وبعدها
فرج:دوسة فيه موضوع بنحكيلك فيه
سندس:شنو بابا
فرج:عمك محمد كلمني وخطبك الولده
سندس:حكتلي ماما وانا قلتلها رايي
فرج;امك قالتلي انك رفضتي
سندس:اها رفضت وانتو عارفين رايي في الموضوع هذا
فرج:بس يابنتي نحن خاطرنا نفرحو بيك وبعدين العرب كويسين وولدهم اكيدة زيهم وانتي بس قولي باهي حنتعرفو عليه واتشوفيه واكيدة حتقتعي بيه
سندس:انا قلت لا يعني لا
فرج:انتي شفتي اللي صارلي والدكتور قال مهدد في اي لحظة اترد الجلطة يعني هالمرة نجيت منها مرة اخرى لا انا مش عايشلك ديما ونبي انتهنى عليك
سعاد جت مالمطبخ:ربي ايطوللنا في عمرك وايخليك لنا لكن ياسندس باتك معاه حق وفي نفس الوقت نبو نفرحو بيك وانشوفو عيالك
سندس بعصبية:بس انتو هارفين عمره الزواج ماقعد طموحي انا عندي طموح ثاني وبنكمل قرايتي وانحظر يعني الموضوع هذا مش مفكرة فيه بكل
فرج:انتي السنة اتخرجي وتقدري اتحظري واتواصلي قرايتك عندهم هما ناس مثقغة وايحبو العلم مستحيل يمنعوك وانا معاك في الشي هذا ونشرطة عليهم
سندس صبت:انا قلتلكم لا
فرج:ياسندس العرب كويسين وشفتي كيف وقفو معانا وقفة في عز الضيق وقفتهم حتى الخوت ماايديروهش نقعد قليل اصل كان هما ساعدوني وطلبو بنتي وماعطيتهم
سندس بعصبية وبدون مااتركز:ايوا قولي هكي انت بتوافق عشان عطوك مليون مش عشان كويسين زي ماقلت توا فهمت يعني بابا يبي ايبيع بنته الوحيدة الناس عشان عطوه مليون
سعاد كانت مصبية مقابلة سندس وعطتها كف سندس انصدمت وحطت يدها علي خدها
فرج وجعه كلام سندس وبحت فيها زين وصبى وطلع
سعاد طلعت وراه:فرج فرج وين ماشي انت مازال مريض فرج ماردش وطلع وركب في سيارته وطلع بيها
سعاد خشت علي سندس معصبة واتهزب:عاجبك هكي باتك طلع ومشى في السيارة ومازال مريض
سندس بخوف:ليش اتخليه يمشي بابا مازال تاعب ومايقدرش ايسوق
سعاد بعصبية:كله منك معقولة هذي كلمة تحكيها الباتك شكلي ماعرفتش انربيك
سندس تبكي:ماكنتش قاصدة انقولها مش عارفة كيف طلعت مني
سعاد بعصبية:لو باتك صارتله حاجة مش حنسامحك ياسندس مش حنسامحك وخشت وسيبتها
سندس قعدت تبكي وخذت فونها اترن علي باتها بس طلع مسيب فونه في الحوش سندس عرفت روحها غلطت في كلمتها وان باتها زعل وكانت خايفة عليه بكل ان اتصيرله حاجة وقعدت تبكي
“”
عند سراج في الشقة استنى سندس واجد وانصدم لما جاه السواق ورن علي هدى بس كانت قافلة الفون روح الحوشهم وتغدى وكل فكرة في سندس ليش ماجتش للشقة بروحها وهو ايفكر رن فونه ولما بحت لقاها هدى ورد دغري
سراج:وينك انرن عليك مالصبح
هدى:الناس اتقول خير وبعدين عارف مانقدرش نفتح الفون هذا واجد ها طمني شن صار معاك
سراج:شن انطمنك ماجتش دزت السواق
هدى بإستغراب:كيف دزت السواق وهي ليش ماجتش بروحها
سراج;وانا شن عرفني رن الجرس ولما طلعت القيته راجل وقالي يبي هدى بيعطيها امانة من صاحبتها وقتله انك مش قاعدة
هدى;وكيف عرفته ان السواق وشن قتله انت من
سراج:من لبسته عرفته وقتله اني خوك
هدى شهقت:ياغبي انت شن درت
سراج:شن فيه شن درت
هدى:هي عارفة ان ماعنديش خوت الجامعة كلها عارفة الحاجة هذي عليك قصة توا طيحتنا فيها
سراج;قصدك تقعد عرفت الموضوع
هدى:ان شاءلله ماعرفتش توا انحاول نحكي معاها بكرا في الجامعة وانتحججلها باي شيئ انقول ولد خالي وكيف خويا او هكي لين اتصدقني
سراج:تمام دبري راسك وحاولي تقنعيها اتجي مرة اخرى
هدى:المشكلة ان ذكية مستحيل تمشي عليها القصة لكن انحاول انخليها اتجيك مرة اخرى
سراج:ضروري ياهدى وفوق من انتقامك منها مستعد نعطيك فلوس بس خليها اتجي للشقة
هدى:للدرجة هدي هامتك
سراج:اها انا بنعرفها ان انا مافيش بنت عمرها قالتلي لا وبنزل خشمها اللي رافعته عالفاضي
هدى;وحتى انا هذا المطلوب خلاص اتفقنا انحاول بكل جهدي انخليها اتجي للشقة مرة اخرى
سراج:تمام وسكرو
“”
عند رويدة وتحديدا الساعة 5 العصر رن عليها معاذ ورويدة ردت
رويدة:اهلين حبي شن جوك
معاذ:تمام حبيبي شن جوك انتي
رويدة:تمام
معاذ:بنقولك وتيلي قهوة اشوي وانكون عندكم
رويدة:عليش
معاذ:جاي بنحكي مع باتك ونقنعه ايوافق
رويدة بصدمة:انت شن تحكي من جدك بدير هكي خايفة بابا ياخذ موقف ومعش ايوافق بكل
معاذ:اهدي حبيبي لازم اندير هكي ونقنعه بيا ومااتخافيش انا عندي اسلوب في اقناع الشخص اللي قدامي
رويدة:معقولة الجراءة اللي عندك تخيل بابا ايقولك اي كلمة تزعلك
معاذ:عادي متحمل اي حاجة اهم شيئ اتكوني ليا ومتاكد ان باتك مش حيقول حاجة اتزعلني انا راجل مش عيل صغير ونعرف كيف نحكي ولا انتي شايفة عكس هكي
رويدة:عارفتك وعارفه شخصيتك وهذا ليش حبيتك
معاذ:معناها تهني ومااتخافيش وبإذن الله انا لكي وانتي ليا
رويدة:يارب
معاذ:خلاص هيا وتيلي القهوة انتي بنذوقها من تحت دياتك
رويدة ابتسمت:حاظر وصبت ادير في قهوة
معاذ وصل الحوش هل رويدة ورن الجرس وفتحله عصام وخششه للمربوعه وبعد اشوي خش عليه بات رويدة وسلمو علي بعضهم وجابو القهوة وقعدو يشربو والسكوت سيد الموقف معاذ بدى يحكي وعرفهم علي نفسه وقاللهم ولد عيت من ومن بوه وعمامه
بات رويدة:عمك منصور نعرفه راجل كويس وايخاف ربي مشاءلله عليه
معاذ;تسلم ياعمي والموضوع اللي جايك فيه جاتك الوالدة وعمتي عليه
بات رويدة:اها عرفته حكولي هلي عالموضوع
معاذ:وانا جاي بنعرفكم علي روحي ونبي الرد
بات رويدة:الحق ياوليدي انت راجل الباين انك كويس وهلك ناس معروفة ومسقمة لكن ياوليدي مافيش نصيب
معاذ;وشن سبب رفضكم ياعمي
بات رويدة:والله شن بنقولك البنت طالبها ولد عمها قبلك ومانقدر نعطيها وولد عمها رايدها
معاذ:معاك حق ماتقدر تعطيها وولد عمها رايدها لكن عندي كلام بنقوله لكي قبل ماانعدي لو تقدر تسمعني
بات رويدة:اكيدة نسمعك يامعاذ تفضل احكي
معاذ:انا ياعمي شاب علي 5بنات يعني وحيد هلي ومن زمان صايرة معايا قصة ومن غير حشم حبيت بنت عمي كانت صغيرة وخطبها ليا باتي وفرحو هلي وعمامي بالنسبة هذي استمرت الخطبة هذي ثلاث سنين لين هي كملت ثناويتها وانا كنت اول سنة في الجامعة حددو الفرح وفي اسبوع الفرح صار بيها حادث وتوفت تأثرت من بعدها حتى قرايتي سيبتها وسكرت علي كل هالمواضيع ومعش فكرت في الزواج نهائي توفى باتي وهو خاطره ايشوفني متجوز مرن السنين وانا مازلت علي قراري رودتلي امي بنات واجد بس انا كنت رافض الفكرة بكل وانتعارك معاهم كل مايفتحولي الموضوع الانسانة الوحيدة اللي غيرت فكرتي رويدة كنا اصدقاء وزملاء في القسم بس كنت ديما انخاف عليها وانحس في شيئ غريب تجاها لكن عمري ماحكيتلها ومن كم يوم تأكدت من شعوري تجاها وبصدق ياعمي هي الوحيدة اللي ردت القلبي الحياه وخلتني انفكر في الزواج مرة اخرى وانا طالب الحلال ولو انت رفضت هذا حقك بس حتكون هدمت احلام شاب الثاني مرة في حياته المرة الاولى هدملي احلامي القدر والمرة الثانية انت والله العظيم ياعمي لو ماخذيت رويدة موضوع الزواج هذا بنسكر عليه لين انموت لان الباين ان ربي مش رايدلي نجوز
بات رويدة تأثر من كلامه:بس راهي الحياة قدامك وبنتي مش حد البنات
معاذ:لا ياعمي بالنسبة ليا حد البنات انا خذيت اسنين طويلة عشان ننسى بنت عمي اما رويدة بسنين العمر كلهن مستحيل نقدر ننساها امي في الحوش ترجى في ردكم وعارفة وواثقة ان لو رفضتو حتكون اخر خطبة عشان عارفة ان مستحيل عاد اندير حاجة زي هذي مرة اخرى
بات معاذ:بس انت هكي تحرم في امك انها اتشوف عيالك وهذا مش من حقك
معاذ;ومش من حقي ناخذ وحدة ماانحبهش وانتعبها معاي عشان بس انجيب عيال ايشولو اسم العيلة بنات الناس عمرهن ماكنن لعبة وعمري مااقتعت ناخذ وحدة ماانحبهش عشان بس العيال ونظلمها معاي
بات رويدة:مش عارف شن انقولك خايف رفضي ايكون سبب اني نحرمك انك اتكمل نص دينك طول عمرك وعارف لو انوافق عليك يزعل مني ولد خوي لان طالبها كم مرة قبلك وهذا ولد خوي
معاذ صبى وبحزن;معاك حق ياعمي معليش خوذلي طريق بنمشي
بات رويدة صبى معاه وطلع معاه لعند الباب
بات رويدة:اسمع يامعاذ انا تريحتلك وجيتك لعندي وحكيتك للكلام اللي حكيته ثبتلي انك راجل ورايدها مزبوط كان واحد غيرك مستحيل ايجي لعند هنا ويحكي اللي حكيته انت وعشان هكي انا حنساعدك
معاذ بفرحة:بتوافق ياعمي
بات رويدة:لا مانقدرش انوافق لكن بنكلم ولد عمها ونحكيله سند راجل كويس وبعقله ماانفضلش عليك وانشوف رده علي هالكلام
معاذ:تمام ياعمي وانا نرجى ردك
بات رويدة:عطيني رقمك وارجى مني تليفون بكرا
معاذ:تمام وعطاه رقمه وركب في سيارته وعدى
”
عند سندس وتحديدا الساعة7المغرب وباتها طالع مالقايلة ومازال ماروح وهي وامها قالقات عليه بكل وامها طول الوقت اتهزب فيها
”
عند رويدة بعد طلع معاذ من هلها كلمها وحكالها اللي حكاه باتها
رويدة فرحانة:انت بس شن قتله لين خليته ايغير رايه
معاذ:كلام رجالة وبعدين باتك ماغيرش رايه قالي يسال ولد عمك وايشوفه شن ايقول
رويدة بفرحة:دبينه الكلام قعد مع سند ساهله انا حنكلمه وانقولك انحبك ونبي ناخذك وهو ايسرحني من بابا سند قلبه طيب ومش حيقول لا
معاذ غمتله وعصب عالاخر:معاذ انا شن حكيتلك مش قتلك لا اتكلميه لا ايكلمك
رويدة خافت من عصبيته وعرفت روحها غلطت في الكلام
رويدة:انا مش قصدي شي انا قصدي بنحل المشكلة اللي نحن فيها
معاذ بعصبية:انا الراجل والمشكلة انا اللي انحلها انتي ماتدخليش بكل
رويدة:بس خايفة سند ايقول البابا نبيها
معاذ:كان قال هكي انا نمشيله ونحكي امعاه زي ماحكيت مع باتك اقتنع باهي مااقتنع انجيه بالقوة
رويدة:انت شن تحكي
معاذ:اللي سمعتيه انا راجل وشاريك ونبيك وغيري ماايزفك حد الا نقعد ميت هذي حطيها في راسك كويس اوتخذ مني حبي مرة مش حنسمح يوتخذ مرة ثانية
رويدة:شن قصدك مافهمتش كيف اوتخذ حبك مرة
معاذ:هذي قصة طويلة نحكيها لكي بعد نخطبك رسمي
رويدة:لا بنعرف توا
معاذ:خلاص حبي قتلك بعد نخطبك نحكيها لكي
رويدة وفي خاطرها تعرف القصة:باهي تمام وقعدو ايخرفو اشوي وسكرو
”
عند سراج كان ايجهز في روحه بيطلع الاصحابه جاته الخدامه وقالتله باتك يبيك في المكتب
سراج كان عارف باته شن بيحكي ومشاله ودق عالمكتب وخش
سراج:خير ياباتي شن فيه قالتلي الخدامة تبيني
محمد:خش ياسراج وسكر الباب وراك نبيك في موضوع
سراج خش وسكر الباب وقمعز عالكرسي
سراج:عارفك عليش بتحكي علي موضوع الزواج حكالي جدي عليه
محمد:وانت شن رايك
سراج;وانت شن تبي في رايي وانت مشيت خطبت
محمد:يعني تمام موافق
سراج بعصبية:اكيدة مش موافق انتو خطبتوها بس دورو من يجوزها انا مانبيش نجوز
محمد:باهي لعند امتى بتقعد هكي
سراج:لعند لما انموت انا هكي متريح وجوي تمام
محمد:بس انا مش متريح انا كبرت ياسراج وكل اللي خاطري فيها في الدنيا اني انشوفك راجل معتمد علي نفسك وقد المسؤولية واتشيل عني هم الشغل وتجوز وانشوف عيالك
سراج:بس انت عارف ان الشغل مانيش فاهم فيه شي وجواز عارفين رايي فيه
محمد:مش فاهم الشغل انا انعلمك علي كل حاجة بس خليك جنبي كل رجال الاعمال معاهم عيالهم ومعتمدين عليهم وانا شايل الشغل بروحي ومعتمد علي ناس مانعرفهمش ليش لان ولدي مايبيش ايساعدني
سراج:عليك قصة قصة الشغل انا ماانحبش ايضيق علمي وانمل بعد انجي للشركة
محمد:بس هذا مش وضع ياسراج مياعتك وصياعتك هذي سكتت عليها واجد انا توا نبيك اتغير واتشيل المسؤولية عني ووتجوز وادير عيال واتفرحني قبل ماربي ياخذ امانته
سراج:صياعتي هذا انت كنت السبب فيها خليتنا عايشين في بلاد لانفس دينا لا نفس عاداتنا حتى انك ماعلمتنيش الصح مالخطأ طول عمرك تجري ورا الفلوس اهو توا عرفت ان ولدك احسن من الفلوس بس بعد شنو بعد ولدك ضاع والصياعة تعود عليها وقعدت تجري في دمه الدرجة لو ايسيبها ايموت
محمد بحزن:معاك حق في كلامك كله الغلط مني مالبداية انا اللي هملتك لين قعدت هكي بس توا نبي انصلح اللي درته نبي انعلمك شغلك اخترتلك انسانة كويسة وهلها كويسن حتريح معاها واتجيب عويلة هما اينسوك اللي كنت ادير فيه
سراج:الكلام هذا لو قلته من 15سنة كان ممكن انتغير بس توا خلاص اللي كبر علي حاجة مايقدرش ايسبها وصبى بيطلع
محمد:سراج خليك اشوي بنوريك حاجة
سراج;خلاص ياباتي نفس الكلام كل مرة انقولو فيه مافيش حاجة جديدة
محمد:غير قمعز وتوا اتشوف بعينك
سراج قمعز:شنو الجديد
محمد:انت عارف ثورتي توا كم وصلت
سراج:انا عارف انها واجد بس مش عارف كم
محمد:ثورتي توا وصلت للمليار
سراج بحت في باته زين
محمد:ماتستغربش في راجل هله اصلا من عيلة معروفة وعندها فلوس وانا من انا عمري 20سنة وانا نخدم مع باتي وتعلمت الشغل كله شاطر في شغلي ومافيش صفقة خشيتلها خسرتها
سراج:باهي وشن بعدها
محمد:انت عارف انك الوريث الوحيد للثروة هذي كلها ترضى ان الثروة هذي تمشي الواحد اخرى بعد ماانموت
سراج:كيف تمشي الحد اخرى انت عندك عيل اخرى
محمد ضحك:ياريت عندي بس للاسف ربي ماعطانيش الا انت وحاولت معاك واجد انت ماتبيش اتساعدني
سراج:مازالت مافهمت شن تقصد
محمد:سراج انا معش قدامي واجد امسك شوف التقارير هذينا انا عندي السرطان في الراس سافرت وعالجت في كم دولة وعند اكبر الدكاترة كلهم قالو ان انا مش حنعيش اكثر من سنة
سراج بخوف;كيف وليش ماقتلي الكلام هذا من قبل واكيدة فيه علاج الطب توا متقدم
محمد:الموضوع هذا ماحدش يعلم بيه حتى امك وجدك مايندروش ماليش شهرين عرفت الموضوع هذا والدكاترة اكدولي ان حتى لو درت عملية او خذيت علاج بالعكس حنتعب بيهن اكثر وانا ميت ميت ومش حنهلب السنة قررت اني انعيش السنة طبيعي وانموت طبيعي بدون كيماوي او عمليات وعطوني بس مسكنات التخفيف الالم
سراج قعد يمسح في وجه وتاثر بكل من كلام باته
محمد:هذينا التقارير من اكبر دكاترة في العالم وكلهم نفس الكلام هذا عليش مصر انجوزك عشان بنفرح بيك قبل لا انموت ونبي في السنة هذي نقعد انشوف فيك معاي في الشركة زي اي اب وولده ايساعد فيه هذا حد حلمي اللي نبيه
سراج ساكت وايشوف الباته زين
محمد طلع ورقتين مالدرج;سراج هذينا وصيتين انا كاتبهن يبن بس توقيعي وحدة كتبت فيها املاكي كلهن لكي والاخرى تبرعت فيها بأملاكي كلهن للجمعيات الخيرية وللفقراء وللدولة وانت اللي اتقرر انا علي وحدة انوقع
سراج:كيف انا اللي انقرر
محمد:انا نبي حلمي ايتحقق ومستعد ندفع ثورتي كلها بس انحقه ايتحقق انا اندير معاك صفقة المدة سنة تجوز فيها البنت اللي انا اخترتها لكي وتقعد معاي في الشركة تكمل السنة انا انوقع عالوصية ويقعدن املاكي كلهن لكي وبعد سنة تاخذ انت الاملاك وادير اللي اتريحك فيهن وحتى البنت لو ماتبيهش اطلقها اهم حاجة اتعيش معاك سنة
سراج;ولو ماوافقتش
محمد:لو رفضت انا انوقع عالوصية الثانية ونحرمك من كل حاجة انت اللي قرر شن تبي
سراج يمسح علي راسه:باهي عطيني يومين انفكر
محمد:لا انا معش عندي وقت قرر توا معاك نص ساعة اتفكر فيها وطلع باته من جنبه وقعد سراج في المكتب بروحه ايفكر
”
عند رويدة باتها كلم سند وقاله يبيه في موضوع ضروري وسند جاه وخش للمربوعه وبات رويدة حكاله الموضوع كله
سند قعد ساكت وماردش
بات رويدة:ها ياسند شن رايك في الموضوع
سند:عليش طالب رايي ياعمي
بات رويدة:انت ولد عمها وطلبتها قبل وانا لما حكالي الشاب وجعني لكن قلت نسألك لو انت تبيها انا نرفضة وربي ايقويله النصيب مع غيرها
سند سكت اشوي وبعدها
سند:عمي الراي في الاول والاخير الرويدة مش ليا ولا لك
بات رويدة:معاك حق لكن ولد عمها وماعندها وين تلقى احسن منك
سند:عمي انا نبي منك اتكلم رويدة وتسألها قدامنا وهي تختار
بات رويدة:تمام وخش كلمها وريده خشت مع باتها سلمت علي سند وقمعزت
بات رويدة:يارويدة هذا ولد عمك ومافيه مانكرهو وانتي عارفة طالبك كم مرة والشاب الثاني كويس وماانفضله علي سند لكن لما حكيت السند الموضوع قالي الراى راي رويدة وهي اللي تختار علي من اتوافق
سند:اسمعي يابنت عمي من غير مااتفكري اني انا ولد عمك وطلبتك قبله انا نبيك تختاري علي اساس واحد من اللي حتكوني متريحة وسعيدة معاه لان مهما كان اختيارك سعادتك بس هي اللي هامتني في الاخير وقبل طلبتي لكي انتي بنت عمي والسعادة وانك اتكوني متريحة هذا بس اللي انتمناه لكي
رويدة طبست راسها وسكتت
بات رويدة:لا مانبيكش تسكتي اختاري زي ماقالك سند من اللي حاسة بتكوني متريحة معاه
رويدة وبصوت هادي:انت ياسند راجل قد كلامه وكويس ويعتمد عليه والف بنت اتمنى راجل زيك بس انا طول عمري انحس فيك خويا يعني زيك زي رؤوف وعصام ماقدرتش انتخيل انكون زوجتك
بات رويدة:يعني موافقة علي معاذ
رويدة هزت راسها بمعنى موافقة وطبست راسها
سند صبى:معناها انا مسرحك يابنت عمي وخوذي اللي اتريحي معاه ربي يسعدك وايهنيك
بات رويدة:اسمحلي ياسند
سند:مااتقولش هكي ياعمي الشي هذا قسمة ونصيب ماعنديش فيها نصيب لكن انت عمي وهي بنت عمي والشي هذا مستحيل ايتغير
بات رويدة:انا عارفك انت بعقلك لكن الدوة في باتك خايفة يزعل مني
سند:مااتخفش ياعمي باتي وهلي حنقوللهم اني انا اللي غيرت رايي
بات رويدة:ربي ايكملك بعقلك وراك مش متحرك من هنا العشاء واتي قمعز انجيبو العشاء واتعشى معانا
سند:حاظر ياعمي
بات رويدة طلع ايجيب في العشاء رويدة صبت بتطلع ورا باتها وبعدها ردت
رويدة:شكرا سند مش عارفة شن انقولك علي تصرفك هذا مافيش حد ايديره لو حد اخرى كان كبر القصة
سند ابتسم:انتي شكلك اتحبيه وانا مستحيل نرضى ناخذ وحدة قلبها مش معايا ربي ايهنيك معاه
رويدة;ربي يعطيك علي قيس نيتك ويرزقك ببنت الحلال اللي اتحبك واتحبها
سند:ان شاءلله يابنت عمي
رويدة ابتسمت وطلعت
سند تنهد من وسط قلبه لان فعلا كان ايحبها لكن حس من كلامها انها اتحب معاذ بس ماحبش ايكون اناني ويحرمها من حبها واكتفى ان ايشيل الحزن في قلبه بروحه لان فكر يتعب مرة وحدة احسن ماياخذها ويتعب عشر مرات لان عارف ان قلبها مش معاه مع واحد غيره وبعد اشوي جاب عمه العشاء وتعشى هو وياه وبعدها روح
“”
عند سراج باته خش عليه في المكتب
محمد;ها شن قررت ياسراج
سراج متكي عالمكت وحاط راسه بين ايديه
سراج بحت في باته:مش عارف القرار صعب انت بتجبرني اندير حاجات انا مش مقتنع بيهن انا مانقدرش انعيش سنة كل يوم فيها نمشي للشركة وبنعيش فيها مع نفس الانسانة يعني سنة بلا سهور بلا اي حاجة انحبها مانقدرش
محمد:السهور هذا بفلوسي يعني انا بعد نحرمك من فلوسي مافيش وحدة ماللي تهرفهن حتبحت فيك بلا فلوس يعني تنحرم سنة ولا عمرك كله
سراج سكت وماردش
محمد طلع الوصية الثانية
محمد:شكلك مش موافق عالصفقة يبقى حنوقع عالوصية الثانية وانتبرع بكل املاكي ومسك البنينة وبيوقع
سراج:استنى انا موافق عاللي طلبته كله
محمد:كله تجوز تشتغل معاي في الشركة واتبطل السهور
سراج:اندير هذا كله المدة سنة بس من توا
محمد:12شهر احسبهن ماليوم هذ لكن ماليوم معش فيه سهور
سراج;موافق
محمد طلع ورقة وكانت عقد صفقة وعطاه السراج قراه كان فيه كل الشروط اللي حكاهن باته وكان في العقد مكتوب ان لو ماالتزمش بالشروط هذينا هو متنازل علي كل ثروة باته ولو التزم بيهن كل الثروة له
محمد;وقع عالعقد هذا
سراج:تمام ووقع لكن في قلبه مش متريح حاس ان مايقدرش ايدير اللي طلبه باته وصبى وبيطلع
محمد:سراج اللي صار هذا كله واللي حكيته لكي سر بينا ماحدش يعلم بيه وبعد انموت الاوراق هذينا والصفقة اللي بينا حيحكيها الهم المحامي امتاعي
سراج:بس لازم عفوفة وجدي يعرفو مرضك
محمد:انا مانبيش حد يعرف حيقعدو يبوني انعالج ومافيش امل حتى 1% اني نبرا لذلك انا مانبيش نشغلهم ويقعدو ايفكرو فيا لو اتحبني ماتحكيش الحد اللي حكيته لكي
سراج:حاظر ياباتي اللي اتريحك وطلع وركب الداره وقعد ايفكر في مرض باته صح هو وباته مش متفاهمين بس هو ايحبه واول مرة يكتشف الشيئ هذا وفكر في القرار اللي خذاه بس هو كان لازم ايوافق لان لو ماوافق حيقعد هو وامه ماعندهم شيئ وهما تعودو علي مستوى معين في العيش مش حيرضو يقعدو اقل من هكي كمل ليلته ايفكر
”
عند سندس وتحديدا الساعة 12روح باتها وهي وامها مازالن واعيات وقلوبهن نار ويرجن فيه
سندس مشت تجري وحظناته وتبكي:اسفة بابا ماكنش قصدي انقول هكي
فرج يبكي:انا عمري ماانبيعك يادوسة انتي بنتي الوحيدة اللي طلعت بيها مالدنيا
سعاد:سندس مش قصدها غير كانت حامقة بس
سندس تبكي:اسفة بابا اسفة
فرج:مش زاعل منك يابابا بس كلمتك صح لانهم عطوني الفلوس مش قادر انقوللهم لا وفي نفس الوقت لو عطيتك معناها بعتك وانتي غالية عندي وحتى بملايين الدنيا كلهن مش حنقدر انبيعك انا عندي عزة نفس وحنرفضهم وحنعطيهم فلوسهم كلهن
سعاد:وكيف بتعطيهم فلوسهم انت منيلك المليون
فرج:اللي كنت بنديره قبل مايعطوني الفلوس بنديره توا
سندس:قصدك يابابا بتبيع المصنع
فرج;راحتك وسعادتك عندي اغلى مالمصنع ومالدنيا كلها
سندس حظنت باتها زين وقعدت تبكي
سعاد تبكي:بس شن بدير بعد اتبيع المصنع شنو بتشتغل معقولة تشتغل عند الناس وانت اللي كنت اتشغل فيهم
فرج:الشغل للراجل عمره ماكان عيب نشتغل اي حاجة اهم حاجة بنتي مااتحسش اني بعتها
سندس تبكي:انا عارفة يابابا انك انت عمرك مافكرت اتبيعني بس كلمة وطلعت مني بالغلط انا مش راضية اتبيع المصنع اللي كملت شبابك عليه
فرج:انا عشانك انبيع روحي مش بس مصنع
سندس:انا بابا موافقة نجوز
فرج بعصبية:بس انا مش موافق انا ماانبيعش فيك انتي مش رخيصة مايقدر حد يشريك بكنوز الدنيا
سندس:وانا عارفة اني غالية عندك واكبر دليل انك بتبيع المصنع اللي تعبت عليه عمرك كله عشاني عشان ماانحسش اني رخيصة هذا اكبر دليل علي حبك وخوفك عليا بس حتى انا انحبك ومانرضش بابا يشتغل عند الناس انت لاسمح الله لا تبي تعطيني الناس مش كويس ولا ناس ماايخفوش ربي عمو محمد راجل كويس ونفس طبعك اعميمة عفاف طيبة بكل زي ماما بزبط جدي علي انسان فاهم ومتعلم يعني مش حنلقى احسن من هكي
فرج:لا قتلك خلاص من بكرا نعطيهم فلوسهم وانقوللهم مافيش نصيب
سعاد:خلاص ياراجل سندس موافقة وبقناعة
فرج:لا سندس مش موافقة بقناعة سندس بس ماتبينيش انبيع المصنع
سندس تبكي:لا يابابا انا موافقة عن قناعة انا بنفرحكم بيا مش هذا اللي ديما خاطركم فيه بس نطلب منك طلب واحد
فرج:شنو
سندس:تشرط عليهم انحظر ونشتغل بس
فرج:هذي حاجة اكيدة من غير ماتحكي فيها
سعاد:يعني موافق يافرج
فرج:كان دوسة موافقة انا موافق
سندس:موافقة بابا اهم شي انت ماتزعلش وماتبكيش بسببي
فرج حظنها:مش زاعل انا نبكي لاني انحبك مش لاني زاعل منك
خرفو اشوي مع بعضهم وبعدها خشو ايرقدو سندس خشت الدارها وكملت الليلة بكى وافقت علي شيئ هي مش راضية عليه بس خايفة علي زعل باتها وخافت لو ايبيع المصنع ايصيرله زي ماصارله المرة اللي فاتت خايفة تنحرم منه وهي ماعندها الا هو ضحت بروحها وبسعادتها عشان باتها اللي ماعندهش غيرك ماقدرتش اتكون انانية واتفكر بس في روحها وبذات لما روح باتها و هو مقرر ايبيع المصنع عشان يثبتلها انها غالية عنده وبعد كلامه الها مالقتش روحها الا موافقة لان غلطت في حق باتها اللي عمره ماغلط في حقها
“”
سراج ليلته كانت مش بعيده علي ليلة سندس كان ايفكر في كيف بيعيش في حياة هو اصلا مش مقتنع بيها بس ماكانتش قدامه الا الحل هذا
طبعا مافيش فيهم واحد فكر في من بياخذ او شن شكله كله اللي فكرو فيه انهم لقو نفسهم في امر واقع ومظطرين انهم ايوافقو عالمطلوب منهم بس مافيش خيار أخر
“”
جا صباح ثاني يوم وكان يوم جمعة بات رويدة كلم معاذ وعطاه موافقته معاذ طار مالفرحة وقال العمه ان بعد ثلاث ايام حيكون البيان وبات رويدة وافق وطبعا رويدة بعد سمعت الكلام فرحت عالاخر
اما بات سندس فكلم محمد وعطاه موافقته وقاله محمد نهاية الاسبوع انجو نطلبو رسمي وناخذو الشروط وانحددو الفرح
“”
سندس ماحكتش الصحباتها شيئ مااللي صار لانها كانت لاهية مع رويدة في تجهيزات البيان وطبعا معاهن رانيا وكانن فرحانات عشان رويدة اللي كانت مش مصدقة اللي قاعد ايصير
مرن الثلاث ايام وجا يوم البيان
#يتبع
الايدي الخفية اللي كانت ورا سندس وماتبيش الضرر الها من اتكون وشن تبي بزبط هل هما اشخاص رايدين الخير او الشر
ابطالنا انحطو في امر واقع ووافقو علي شي غصبن عنهم وطبعا مازال ماحد فيهم عرف لاخر زعمك كيف حيعرفو بعضهم ولما يعرفو بعضهم هل حيصير من زواجهم او حيتغيرن ارأهم
ومعاذ ورويدة واخيرا الحلم تحقق بس حيكمل او حتصير حاجة ثانية كله حنعرفوه في الحلقة الجايةأسفة عالتاخير الضي كان طافي وتوا غير جا
اسفة لو فيه لخبطة في الاسماء واكيد رايكم ايهمني ?
گـتـابـتـي Koka Saleh
الـحـلـقـة (13)
صباح ثاني يوم ناضت سندس خذت الفلوس من امها ومشت الجامعتها وعابية بعد تطلع مالجامعة تمشي الهدى وتعطيها الفلوس
جت للجامعة وتلاقت مع رانيا اشوي وخشن للمحاضرة اما رويدة جت متأخر وخشت المحاضرتها دغري ولقت الكرسي اللي جنب معاذ حاجزه الها قمعزت جنبه بس خاطي صباح الخير ماحكتش شيء وبعد ساعتين كملت المحاضرة ورويدة جت بتطلع
معاذ مسك يدها:خليك اشوي نبيك
رويدة:حاظر وقمعزت
وبعد الطلبة كلهم طلعو
معاذ;كنه جوك مش تمام
رويدة:مازال ناعسة امس رقدت متأخر
معاذ:ودبينك رقدتي متأخر ليش لما رنيت عليك مارديتيش
رويدة سكتت ومعش عرفت اترد
معاذ:شن فيه حبيبي كنك شن صاير معاك
رويدة:مافيش شيئ
معاذ:بصدق هلك شن قالو عليا
رويدة بحزن:بابا رفض
معاذ بخوف:ليش يرفض شن فيه
رويدة:عشان خطبني ولد عمي وقال كيف نعطيها الحد اخرى وولد عمها يبيها وطبست راسها
معاذ:وانتي موافقة علي ولد عمك
رويدة:اكيدة لا انا مانبيش نبيك انت
معاذ رفع راسها وانصدم لما لقاها تبكي
معاذ بخوف:ليش تبكي توا
رويدة;شن تبيني اندير وبابا قال الماما قوليلهم مافيش نصيب
معاذ:بإذن الله فيه نصيب انتي مااتخافيش ومااتفكريش في الموضوع انا حنلقى حل
رويدة:شن بدير
معاذ مسحلها دموعها:ماعليك حنصرف وبإذن الله انتي ليا وانا لكي بس نبي منك طلب واحد
رويدة:شنو
معاذ:بنشوف ضحكتك عشان انتريح
رويدة ابتسمت
معاذ ابتسم:ايوا هكي انحبك ياملاكي وقعدو ايخرفو اشوية وبعدها طلعو معاذ روح ورويدة مشت الصحباتها وطبعا حكتلهن كل حاجة صارت وهنا قعدن ايطمنن فيها وان اكيدة حتنحل وحتاخذ معاذ
“”
فطرن البنات مع بعضهن وبعدها كل وحدة روحت الحوشها ماعادا سندس وصفت للسواق العنوان ومشى بيها شوره
“”
عند سراج طبعا متفق مع هدى عالموعد ولاول مرة يوعى بدري لان هذا هو اليوم اللي يحلم بيه لبس وانق وطلع عالشقة وقعد فيها وقعد يرجى في سندس اتجي
“””
سندس وصلت عند العمارة ونزلت مالسيارة وكان الشارع هادي بكل رقت مع دروج العمارة وفي لحظة جاها شعور بالخوف وماعرفتش السبب وكملت طريقها وبتخش للعمارة وفجأة اتجي سيارة وتخبط مرا قاطعة الشارع المرا كانت في 40 من عمرها طاحت عالارض وقعدت تتوجع وتبكي والشخص اللي خبطها ماوقفش وطلع يجري بالسيارة سندس سمعتها وجتها تجري والتمو عليها الناس وكانت المرا حاطه يدها علي كراعها واتألم وتبكي سندس مسكت كراعها وقعدت اتشوفلها
المرا تبكي واتبحت في سندس:اسعفيني يابنتي ولا خلي حد يسعفني
سندس:معليش خوتي حد يسعفها شكلها مكسورة
الرجالة كلهم كانو خايفين من فكرة ان يتهموهم بان هما ضربوها او ايكون وراها قصة
المرا تبكي:حسبي الله راحت الرحمة منكم
سندس كانت اتشوف للعمارة وفي عقلها هدى وفي نفس الوقت مش قادرة اتسيب المرا في الحالة هذي وبعدين فكرت في فكرة السواق كان مصبي جنبها
سندس:عمي عمران انا انساعد المرا انحطها في السيارة وانت تاخذ الفلوس هذينا وترقى للدور الثالث الشقة اللي عاليمين تسأل علي وحدة اسمها هدى وتعطيها الفلوس ولما تنزل نسعفوها
عمران:حاظر يابنتي وخذا الفلوس وطلعسندس صبت المرا وساعدوها الرجالة وحطتها في السيارة وقعدت ترجى في عمران ايجي اشوي وجا عمران وركب في السيارة وولعها وطلع بيها
سندس:شن صار معاك
عمران مدلها الفلوس;القيت شاب في الشقة وقالي هدى مش قاعدة
سندس;ماقالكش من الشاب هذا
عمران:قالي خوها بس ماقدرتش نعطيه الفلوس مش غابية يابنتي في شباب توا
سندس بإستغراب:بس تقريبا هدى ماعندهش خوت
عمران:والله يابنتي هذا اللي قاله ليا
سندس:احسن حاجة ماعطيتش الفلوس وسكتت وقعدت اتفكر كيف خوها وهي اللي عارفته علي هدى ان ماعندهش خوت وحست ان فيه حاجة غلط ووصلو عالمستشفى وخششو المرا جوا وبعد اشوي طلع الدكتور منها وكان عندها كسر نزلو جبسوها لوطة ولان المرا كانت ضاربتها السيارة فجت الشرطة وفتحو محظر والمرا حكت ان اللي ضربها راح بالسيارة وهذوما ساعدوها وبعد ساعة تقريبا المرا قالت السندس اتروح وحيجي ولدها ايروح بيها وسندس روحت(طبعا ضربت المرا بالسيارة ماكانتش صدفة كان وراها ايدي خفية حنعرفوهن في الحلقات الجاية)
‘”
بعد يوم متعب وشاق روحت سندس الساعة 2 للحوش طبعا هلها كانو مشغولين عليها واول ماجت حكتلهم قصة المرا وانها سعفتها
فرج:سلم بنيتي ربي حيجازيك خير عاللي درتيه
سندس:بس انا مستغربة يابابا مالناس ليش قعدو معش ايحبو الخير هكي معقولة مرا طايحة قدامهم وماسعفوهش
فرج;مش معش ايحبو الخير الناس توا اتخاف تخيلي تطلع وحدة دايرة لعبة واللي يسعفها تتهمه ان هو ضربها وينحبس ومااتنازلش الا لما يعطيها فلوس
سعاد:معقولة فيه حاجات هكي
فرج;فيه وواجد اخرى هذا عليش الناس قعدت اتخاف
سعاد:ربي يلطف بينا وخلاص انتو هدرزو مع بعضكم اشوي علي ماوتيت الغداء وصبت
فرج قعد يسأل في سندس علي احوالها وقرايتها وبعدها
فرج:دوسة فيه موضوع بنحكيلك فيه
سندس:شنو بابا
فرج:عمك محمد كلمني وخطبك الولده
سندس:حكتلي ماما وانا قلتلها رايي
فرج;امك قالتلي انك رفضتي
سندس:اها رفضت وانتو عارفين رايي في الموضوع هذا
فرج:بس يابنتي نحن خاطرنا نفرحو بيك وبعدين العرب كويسين وولدهم اكيدة زيهم وانتي بس قولي باهي حنتعرفو عليه واتشوفيه واكيدة حتقتعي بيه
سندس:انا قلت لا يعني لا
فرج:انتي شفتي اللي صارلي والدكتور قال مهدد في اي لحظة اترد الجلطة يعني هالمرة نجيت منها مرة اخرى لا انا مش عايشلك ديما ونبي انتهنى عليك
سعاد جت مالمطبخ:ربي ايطوللنا في عمرك وايخليك لنا لكن ياسندس باتك معاه حق وفي نفس الوقت نبو نفرحو بيك وانشوفو عيالك
سندس بعصبية:بس انتو هارفين عمره الزواج ماقعد طموحي انا عندي طموح ثاني وبنكمل قرايتي وانحظر يعني الموضوع هذا مش مفكرة فيه بكل
فرج:انتي السنة اتخرجي وتقدري اتحظري واتواصلي قرايتك عندهم هما ناس مثقغة وايحبو العلم مستحيل يمنعوك وانا معاك في الشي هذا ونشرطة عليهم
سندس صبت:انا قلتلكم لا
فرج:ياسندس العرب كويسين وشفتي كيف وقفو معانا وقفة في عز الضيق وقفتهم حتى الخوت ماايديروهش نقعد قليل اصل كان هما ساعدوني وطلبو بنتي وماعطيتهم
سندس بعصبية وبدون مااتركز:ايوا قولي هكي انت بتوافق عشان عطوك مليون مش عشان كويسين زي ماقلت توا فهمت يعني بابا يبي ايبيع بنته الوحيدة الناس عشان عطوه مليون
سعاد كانت مصبية مقابلة سندس وعطتها كف سندس انصدمت وحطت يدها علي خدها
فرج وجعه كلام سندس وبحت فيها زين وصبى وطلع
سعاد طلعت وراه:فرج فرج وين ماشي انت مازال مريض فرج ماردش وطلع وركب في سيارته وطلع بيها
سعاد خشت علي سندس معصبة واتهزب:عاجبك هكي باتك طلع ومشى في السيارة ومازال مريض
سندس بخوف:ليش اتخليه يمشي بابا مازال تاعب ومايقدرش ايسوق
سعاد بعصبية:كله منك معقولة هذي كلمة تحكيها الباتك شكلي ماعرفتش انربيك
سندس تبكي:ماكنتش قاصدة انقولها مش عارفة كيف طلعت مني
سعاد بعصبية:لو باتك صارتله حاجة مش حنسامحك ياسندس مش حنسامحك وخشت وسيبتها
سندس قعدت تبكي وخذت فونها اترن علي باتها بس طلع مسيب فونه في الحوش سندس عرفت روحها غلطت في كلمتها وان باتها زعل وكانت خايفة عليه بكل ان اتصيرله حاجة وقعدت تبكي
“”
عند سراج في الشقة استنى سندس واجد وانصدم لما جاه السواق ورن علي هدى بس كانت قافلة الفون روح الحوشهم وتغدى وكل فكرة في سندس ليش ماجتش للشقة بروحها وهو ايفكر رن فونه ولما بحت لقاها هدى ورد دغري
سراج:وينك انرن عليك مالصبح
هدى:الناس اتقول خير وبعدين عارف مانقدرش نفتح الفون هذا واجد ها طمني شن صار معاك
سراج:شن انطمنك ماجتش دزت السواق
هدى بإستغراب:كيف دزت السواق وهي ليش ماجتش بروحها
سراج;وانا شن عرفني رن الجرس ولما طلعت القيته راجل وقالي يبي هدى بيعطيها امانة من صاحبتها وقتله انك مش قاعدة
هدى;وكيف عرفته ان السواق وشن قتله انت من
سراج:من لبسته عرفته وقتله اني خوك
هدى شهقت:ياغبي انت شن درت
سراج:شن فيه شن درت
هدى:هي عارفة ان ماعنديش خوت الجامعة كلها عارفة الحاجة هذي عليك قصة توا طيحتنا فيها
سراج;قصدك تقعد عرفت الموضوع
هدى:ان شاءلله ماعرفتش توا انحاول نحكي معاها بكرا في الجامعة وانتحججلها باي شيئ انقول ولد خالي وكيف خويا او هكي لين اتصدقني
سراج:تمام دبري راسك وحاولي تقنعيها اتجي مرة اخرى
هدى:المشكلة ان ذكية مستحيل تمشي عليها القصة لكن انحاول انخليها اتجيك مرة اخرى
سراج:ضروري ياهدى وفوق من انتقامك منها مستعد نعطيك فلوس بس خليها اتجي للشقة
هدى:للدرجة هدي هامتك
سراج:اها انا بنعرفها ان انا مافيش بنت عمرها قالتلي لا وبنزل خشمها اللي رافعته عالفاضي
هدى;وحتى انا هذا المطلوب خلاص اتفقنا انحاول بكل جهدي انخليها اتجي للشقة مرة اخرى
سراج:تمام وسكرو
“”
عند رويدة وتحديدا الساعة 5 العصر رن عليها معاذ ورويدة ردت
رويدة:اهلين حبي شن جوك
معاذ:تمام حبيبي شن جوك انتي
رويدة:تمام
معاذ:بنقولك وتيلي قهوة اشوي وانكون عندكم
رويدة:عليش
معاذ:جاي بنحكي مع باتك ونقنعه ايوافق
رويدة بصدمة:انت شن تحكي من جدك بدير هكي خايفة بابا ياخذ موقف ومعش ايوافق بكل
معاذ:اهدي حبيبي لازم اندير هكي ونقنعه بيا ومااتخافيش انا عندي اسلوب في اقناع الشخص اللي قدامي
رويدة:معقولة الجراءة اللي عندك تخيل بابا ايقولك اي كلمة تزعلك
معاذ:عادي متحمل اي حاجة اهم شيئ اتكوني ليا ومتاكد ان باتك مش حيقول حاجة اتزعلني انا راجل مش عيل صغير ونعرف كيف نحكي ولا انتي شايفة عكس هكي
رويدة:عارفتك وعارفه شخصيتك وهذا ليش حبيتك
معاذ:معناها تهني ومااتخافيش وبإذن الله انا لكي وانتي ليا
رويدة:يارب
معاذ:خلاص هيا وتيلي القهوة انتي بنذوقها من تحت دياتك
رويدة ابتسمت:حاظر وصبت ادير في قهوة
معاذ وصل الحوش هل رويدة ورن الجرس وفتحله عصام وخششه للمربوعه وبعد اشوي خش عليه بات رويدة وسلمو علي بعضهم وجابو القهوة وقعدو يشربو والسكوت سيد الموقف معاذ بدى يحكي وعرفهم علي نفسه وقاللهم ولد عيت من ومن بوه وعمامه
بات رويدة:عمك منصور نعرفه راجل كويس وايخاف ربي مشاءلله عليه
معاذ;تسلم ياعمي والموضوع اللي جايك فيه جاتك الوالدة وعمتي عليه
بات رويدة:اها عرفته حكولي هلي عالموضوع
معاذ:وانا جاي بنعرفكم علي روحي ونبي الرد
بات رويدة:الحق ياوليدي انت راجل الباين انك كويس وهلك ناس معروفة ومسقمة لكن ياوليدي مافيش نصيب
معاذ;وشن سبب رفضكم ياعمي
بات رويدة:والله شن بنقولك البنت طالبها ولد عمها قبلك ومانقدر نعطيها وولد عمها رايدها
معاذ:معاك حق ماتقدر تعطيها وولد عمها رايدها لكن عندي كلام بنقوله لكي قبل ماانعدي لو تقدر تسمعني
بات رويدة:اكيدة نسمعك يامعاذ تفضل احكي
معاذ:انا ياعمي شاب علي 5بنات يعني وحيد هلي ومن زمان صايرة معايا قصة ومن غير حشم حبيت بنت عمي كانت صغيرة وخطبها ليا باتي وفرحو هلي وعمامي بالنسبة هذي استمرت الخطبة هذي ثلاث سنين لين هي كملت ثناويتها وانا كنت اول سنة في الجامعة حددو الفرح وفي اسبوع الفرح صار بيها حادث وتوفت تأثرت من بعدها حتى قرايتي سيبتها وسكرت علي كل هالمواضيع ومعش فكرت في الزواج نهائي توفى باتي وهو خاطره ايشوفني متجوز مرن السنين وانا مازلت علي قراري رودتلي امي بنات واجد بس انا كنت رافض الفكرة بكل وانتعارك معاهم كل مايفتحولي الموضوع الانسانة الوحيدة اللي غيرت فكرتي رويدة كنا اصدقاء وزملاء في القسم بس كنت ديما انخاف عليها وانحس في شيئ غريب تجاها لكن عمري ماحكيتلها ومن كم يوم تأكدت من شعوري تجاها وبصدق ياعمي هي الوحيدة اللي ردت القلبي الحياه وخلتني انفكر في الزواج مرة اخرى وانا طالب الحلال ولو انت رفضت هذا حقك بس حتكون هدمت احلام شاب الثاني مرة في حياته المرة الاولى هدملي احلامي القدر والمرة الثانية انت والله العظيم ياعمي لو ماخذيت رويدة موضوع الزواج هذا بنسكر عليه لين انموت لان الباين ان ربي مش رايدلي نجوز
بات رويدة تأثر من كلامه:بس راهي الحياة قدامك وبنتي مش حد البنات
معاذ:لا ياعمي بالنسبة ليا حد البنات انا خذيت اسنين طويلة عشان ننسى بنت عمي اما رويدة بسنين العمر كلهن مستحيل نقدر ننساها امي في الحوش ترجى في ردكم وعارفة وواثقة ان لو رفضتو حتكون اخر خطبة عشان عارفة ان مستحيل عاد اندير حاجة زي هذي مرة اخرى
بات معاذ:بس انت هكي تحرم في امك انها اتشوف عيالك وهذا مش من حقك
معاذ;ومش من حقي ناخذ وحدة ماانحبهش وانتعبها معاي عشان بس انجيب عيال ايشولو اسم العيلة بنات الناس عمرهن ماكنن لعبة وعمري مااقتعت ناخذ وحدة ماانحبهش عشان بس العيال ونظلمها معاي
بات رويدة:مش عارف شن انقولك خايف رفضي ايكون سبب اني نحرمك انك اتكمل نص دينك طول عمرك وعارف لو انوافق عليك يزعل مني ولد خوي لان طالبها كم مرة قبلك وهذا ولد خوي
معاذ صبى وبحزن;معاك حق ياعمي معليش خوذلي طريق بنمشي
بات رويدة صبى معاه وطلع معاه لعند الباب
بات رويدة:اسمع يامعاذ انا تريحتلك وجيتك لعندي وحكيتك للكلام اللي حكيته ثبتلي انك راجل ورايدها مزبوط كان واحد غيرك مستحيل ايجي لعند هنا ويحكي اللي حكيته انت وعشان هكي انا حنساعدك
معاذ بفرحة:بتوافق ياعمي
بات رويدة:لا مانقدرش انوافق لكن بنكلم ولد عمها ونحكيله سند راجل كويس وبعقله ماانفضلش عليك وانشوف رده علي هالكلام
معاذ:تمام ياعمي وانا نرجى ردك
بات رويدة:عطيني رقمك وارجى مني تليفون بكرا
معاذ:تمام وعطاه رقمه وركب في سيارته وعدى
”
عند سندس وتحديدا الساعة7المغرب وباتها طالع مالقايلة ومازال ماروح وهي وامها قالقات عليه بكل وامها طول الوقت اتهزب فيها
”
عند رويدة بعد طلع معاذ من هلها كلمها وحكالها اللي حكاه باتها
رويدة فرحانة:انت بس شن قتله لين خليته ايغير رايه
معاذ:كلام رجالة وبعدين باتك ماغيرش رايه قالي يسال ولد عمك وايشوفه شن ايقول
رويدة بفرحة:دبينه الكلام قعد مع سند ساهله انا حنكلمه وانقولك انحبك ونبي ناخذك وهو ايسرحني من بابا سند قلبه طيب ومش حيقول لا
معاذ غمتله وعصب عالاخر:معاذ انا شن حكيتلك مش قتلك لا اتكلميه لا ايكلمك
رويدة خافت من عصبيته وعرفت روحها غلطت في الكلام
رويدة:انا مش قصدي شي انا قصدي بنحل المشكلة اللي نحن فيها
معاذ بعصبية:انا الراجل والمشكلة انا اللي انحلها انتي ماتدخليش بكل
رويدة:بس خايفة سند ايقول البابا نبيها
معاذ:كان قال هكي انا نمشيله ونحكي امعاه زي ماحكيت مع باتك اقتنع باهي مااقتنع انجيه بالقوة
رويدة:انت شن تحكي
معاذ:اللي سمعتيه انا راجل وشاريك ونبيك وغيري ماايزفك حد الا نقعد ميت هذي حطيها في راسك كويس اوتخذ مني حبي مرة مش حنسمح يوتخذ مرة ثانية
رويدة:شن قصدك مافهمتش كيف اوتخذ حبك مرة
معاذ:هذي قصة طويلة نحكيها لكي بعد نخطبك رسمي
رويدة:لا بنعرف توا
معاذ:خلاص حبي قتلك بعد نخطبك نحكيها لكي
رويدة وفي خاطرها تعرف القصة:باهي تمام وقعدو ايخرفو اشوي وسكرو
”
عند سراج كان ايجهز في روحه بيطلع الاصحابه جاته الخدامه وقالتله باتك يبيك في المكتب
سراج كان عارف باته شن بيحكي ومشاله ودق عالمكتب وخش
سراج:خير ياباتي شن فيه قالتلي الخدامة تبيني
محمد:خش ياسراج وسكر الباب وراك نبيك في موضوع
سراج خش وسكر الباب وقمعز عالكرسي
سراج:عارفك عليش بتحكي علي موضوع الزواج حكالي جدي عليه
محمد:وانت شن رايك
سراج;وانت شن تبي في رايي وانت مشيت خطبت
محمد:يعني تمام موافق
سراج بعصبية:اكيدة مش موافق انتو خطبتوها بس دورو من يجوزها انا مانبيش نجوز
محمد:باهي لعند امتى بتقعد هكي
سراج:لعند لما انموت انا هكي متريح وجوي تمام
محمد:بس انا مش متريح انا كبرت ياسراج وكل اللي خاطري فيها في الدنيا اني انشوفك راجل معتمد علي نفسك وقد المسؤولية واتشيل عني هم الشغل وتجوز وانشوف عيالك
سراج:بس انت عارف ان الشغل مانيش فاهم فيه شي وجواز عارفين رايي فيه
محمد:مش فاهم الشغل انا انعلمك علي كل حاجة بس خليك جنبي كل رجال الاعمال معاهم عيالهم ومعتمدين عليهم وانا شايل الشغل بروحي ومعتمد علي ناس مانعرفهمش ليش لان ولدي مايبيش ايساعدني
سراج:عليك قصة قصة الشغل انا ماانحبش ايضيق علمي وانمل بعد انجي للشركة
محمد:بس هذا مش وضع ياسراج مياعتك وصياعتك هذي سكتت عليها واجد انا توا نبيك اتغير واتشيل المسؤولية عني ووتجوز وادير عيال واتفرحني قبل ماربي ياخذ امانته
سراج:صياعتي هذا انت كنت السبب فيها خليتنا عايشين في بلاد لانفس دينا لا نفس عاداتنا حتى انك ماعلمتنيش الصح مالخطأ طول عمرك تجري ورا الفلوس اهو توا عرفت ان ولدك احسن من الفلوس بس بعد شنو بعد ولدك ضاع والصياعة تعود عليها وقعدت تجري في دمه الدرجة لو ايسيبها ايموت
محمد بحزن:معاك حق في كلامك كله الغلط مني مالبداية انا اللي هملتك لين قعدت هكي بس توا نبي انصلح اللي درته نبي انعلمك شغلك اخترتلك انسانة كويسة وهلها كويسن حتريح معاها واتجيب عويلة هما اينسوك اللي كنت ادير فيه
سراج:الكلام هذا لو قلته من 15سنة كان ممكن انتغير بس توا خلاص اللي كبر علي حاجة مايقدرش ايسبها وصبى بيطلع
محمد:سراج خليك اشوي بنوريك حاجة
سراج;خلاص ياباتي نفس الكلام كل مرة انقولو فيه مافيش حاجة جديدة
محمد:غير قمعز وتوا اتشوف بعينك
سراج قمعز:شنو الجديد
محمد:انت عارف ثورتي توا كم وصلت
سراج:انا عارف انها واجد بس مش عارف كم
محمد:ثورتي توا وصلت للمليار
سراج بحت في باته زين
محمد:ماتستغربش في راجل هله اصلا من عيلة معروفة وعندها فلوس وانا من انا عمري 20سنة وانا نخدم مع باتي وتعلمت الشغل كله شاطر في شغلي ومافيش صفقة خشيتلها خسرتها
سراج:باهي وشن بعدها
محمد:انت عارف انك الوريث الوحيد للثروة هذي كلها ترضى ان الثروة هذي تمشي الواحد اخرى بعد ماانموت
سراج:كيف تمشي الحد اخرى انت عندك عيل اخرى
محمد ضحك:ياريت عندي بس للاسف ربي ماعطانيش الا انت وحاولت معاك واجد انت ماتبيش اتساعدني
سراج:مازالت مافهمت شن تقصد
محمد:سراج انا معش قدامي واجد امسك شوف التقارير هذينا انا عندي السرطان في الراس سافرت وعالجت في كم دولة وعند اكبر الدكاترة كلهم قالو ان انا مش حنعيش اكثر من سنة
سراج بخوف;كيف وليش ماقتلي الكلام هذا من قبل واكيدة فيه علاج الطب توا متقدم
محمد:الموضوع هذا ماحدش يعلم بيه حتى امك وجدك مايندروش ماليش شهرين عرفت الموضوع هذا والدكاترة اكدولي ان حتى لو درت عملية او خذيت علاج بالعكس حنتعب بيهن اكثر وانا ميت ميت ومش حنهلب السنة قررت اني انعيش السنة طبيعي وانموت طبيعي بدون كيماوي او عمليات وعطوني بس مسكنات التخفيف الالم
سراج قعد يمسح في وجه وتاثر بكل من كلام باته
محمد:هذينا التقارير من اكبر دكاترة في العالم وكلهم نفس الكلام هذا عليش مصر انجوزك عشان بنفرح بيك قبل لا انموت ونبي في السنة هذي نقعد انشوف فيك معاي في الشركة زي اي اب وولده ايساعد فيه هذا حد حلمي اللي نبيه
سراج ساكت وايشوف الباته زين
محمد طلع ورقتين مالدرج;سراج هذينا وصيتين انا كاتبهن يبن بس توقيعي وحدة كتبت فيها املاكي كلهن لكي والاخرى تبرعت فيها بأملاكي كلهن للجمعيات الخيرية وللفقراء وللدولة وانت اللي اتقرر انا علي وحدة انوقع
سراج:كيف انا اللي انقرر
محمد:انا نبي حلمي ايتحقق ومستعد ندفع ثورتي كلها بس انحقه ايتحقق انا اندير معاك صفقة المدة سنة تجوز فيها البنت اللي انا اخترتها لكي وتقعد معاي في الشركة تكمل السنة انا انوقع عالوصية ويقعدن املاكي كلهن لكي وبعد سنة تاخذ انت الاملاك وادير اللي اتريحك فيهن وحتى البنت لو ماتبيهش اطلقها اهم حاجة اتعيش معاك سنة
سراج;ولو ماوافقتش
محمد:لو رفضت انا انوقع عالوصية الثانية ونحرمك من كل حاجة انت اللي قرر شن تبي
سراج يمسح علي راسه:باهي عطيني يومين انفكر
محمد:لا انا معش عندي وقت قرر توا معاك نص ساعة اتفكر فيها وطلع باته من جنبه وقعد سراج في المكتب بروحه ايفكر
”
عند رويدة باتها كلم سند وقاله يبيه في موضوع ضروري وسند جاه وخش للمربوعه وبات رويدة حكاله الموضوع كله
سند قعد ساكت وماردش
بات رويدة:ها ياسند شن رايك في الموضوع
سند:عليش طالب رايي ياعمي
بات رويدة:انت ولد عمها وطلبتها قبل وانا لما حكالي الشاب وجعني لكن قلت نسألك لو انت تبيها انا نرفضة وربي ايقويله النصيب مع غيرها
سند سكت اشوي وبعدها
سند:عمي الراي في الاول والاخير الرويدة مش ليا ولا لك
بات رويدة:معاك حق لكن ولد عمها وماعندها وين تلقى احسن منك
سند:عمي انا نبي منك اتكلم رويدة وتسألها قدامنا وهي تختار
بات رويدة:تمام وخش كلمها وريده خشت مع باتها سلمت علي سند وقمعزت
بات رويدة:يارويدة هذا ولد عمك ومافيه مانكرهو وانتي عارفة طالبك كم مرة والشاب الثاني كويس وماانفضله علي سند لكن لما حكيت السند الموضوع قالي الراى راي رويدة وهي اللي تختار علي من اتوافق
سند:اسمعي يابنت عمي من غير مااتفكري اني انا ولد عمك وطلبتك قبله انا نبيك تختاري علي اساس واحد من اللي حتكوني متريحة وسعيدة معاه لان مهما كان اختيارك سعادتك بس هي اللي هامتني في الاخير وقبل طلبتي لكي انتي بنت عمي والسعادة وانك اتكوني متريحة هذا بس اللي انتمناه لكي
رويدة طبست راسها وسكتت
بات رويدة:لا مانبيكش تسكتي اختاري زي ماقالك سند من اللي حاسة بتكوني متريحة معاه
رويدة وبصوت هادي:انت ياسند راجل قد كلامه وكويس ويعتمد عليه والف بنت اتمنى راجل زيك بس انا طول عمري انحس فيك خويا يعني زيك زي رؤوف وعصام ماقدرتش انتخيل انكون زوجتك
بات رويدة:يعني موافقة علي معاذ
رويدة هزت راسها بمعنى موافقة وطبست راسها
سند صبى:معناها انا مسرحك يابنت عمي وخوذي اللي اتريحي معاه ربي يسعدك وايهنيك
بات رويدة:اسمحلي ياسند
سند:مااتقولش هكي ياعمي الشي هذا قسمة ونصيب ماعنديش فيها نصيب لكن انت عمي وهي بنت عمي والشي هذا مستحيل ايتغير
بات رويدة:انا عارفك انت بعقلك لكن الدوة في باتك خايفة يزعل مني
سند:مااتخفش ياعمي باتي وهلي حنقوللهم اني انا اللي غيرت رايي
بات رويدة:ربي ايكملك بعقلك وراك مش متحرك من هنا العشاء واتي قمعز انجيبو العشاء واتعشى معانا
سند:حاظر ياعمي
بات رويدة طلع ايجيب في العشاء رويدة صبت بتطلع ورا باتها وبعدها ردت
رويدة:شكرا سند مش عارفة شن انقولك علي تصرفك هذا مافيش حد ايديره لو حد اخرى كان كبر القصة
سند ابتسم:انتي شكلك اتحبيه وانا مستحيل نرضى ناخذ وحدة قلبها مش معايا ربي ايهنيك معاه
رويدة;ربي يعطيك علي قيس نيتك ويرزقك ببنت الحلال اللي اتحبك واتحبها
سند:ان شاءلله يابنت عمي
رويدة ابتسمت وطلعت
سند تنهد من وسط قلبه لان فعلا كان ايحبها لكن حس من كلامها انها اتحب معاذ بس ماحبش ايكون اناني ويحرمها من حبها واكتفى ان ايشيل الحزن في قلبه بروحه لان فكر يتعب مرة وحدة احسن ماياخذها ويتعب عشر مرات لان عارف ان قلبها مش معاه مع واحد غيره وبعد اشوي جاب عمه العشاء وتعشى هو وياه وبعدها روح
“”
عند سراج باته خش عليه في المكتب
محمد;ها شن قررت ياسراج
سراج متكي عالمكت وحاط راسه بين ايديه
سراج بحت في باته:مش عارف القرار صعب انت بتجبرني اندير حاجات انا مش مقتنع بيهن انا مانقدرش انعيش سنة كل يوم فيها نمشي للشركة وبنعيش فيها مع نفس الانسانة يعني سنة بلا سهور بلا اي حاجة انحبها مانقدرش
محمد:السهور هذا بفلوسي يعني انا بعد نحرمك من فلوسي مافيش وحدة ماللي تهرفهن حتبحت فيك بلا فلوس يعني تنحرم سنة ولا عمرك كله
سراج سكت وماردش
محمد طلع الوصية الثانية
محمد:شكلك مش موافق عالصفقة يبقى حنوقع عالوصية الثانية وانتبرع بكل املاكي ومسك البنينة وبيوقع
سراج:استنى انا موافق عاللي طلبته كله
محمد:كله تجوز تشتغل معاي في الشركة واتبطل السهور
سراج:اندير هذا كله المدة سنة بس من توا
محمد:12شهر احسبهن ماليوم هذ لكن ماليوم معش فيه سهور
سراج;موافق
محمد طلع ورقة وكانت عقد صفقة وعطاه السراج قراه كان فيه كل الشروط اللي حكاهن باته وكان في العقد مكتوب ان لو ماالتزمش بالشروط هذينا هو متنازل علي كل ثروة باته ولو التزم بيهن كل الثروة له
محمد;وقع عالعقد هذا
سراج:تمام ووقع لكن في قلبه مش متريح حاس ان مايقدرش ايدير اللي طلبه باته وصبى وبيطلع
محمد:سراج اللي صار هذا كله واللي حكيته لكي سر بينا ماحدش يعلم بيه وبعد انموت الاوراق هذينا والصفقة اللي بينا حيحكيها الهم المحامي امتاعي
سراج:بس لازم عفوفة وجدي يعرفو مرضك
محمد:انا مانبيش حد يعرف حيقعدو يبوني انعالج ومافيش امل حتى 1% اني نبرا لذلك انا مانبيش نشغلهم ويقعدو ايفكرو فيا لو اتحبني ماتحكيش الحد اللي حكيته لكي
سراج:حاظر ياباتي اللي اتريحك وطلع وركب الداره وقعد ايفكر في مرض باته صح هو وباته مش متفاهمين بس هو ايحبه واول مرة يكتشف الشيئ هذا وفكر في القرار اللي خذاه بس هو كان لازم ايوافق لان لو ماوافق حيقعد هو وامه ماعندهم شيئ وهما تعودو علي مستوى معين في العيش مش حيرضو يقعدو اقل من هكي كمل ليلته ايفكر
”
عند سندس وتحديدا الساعة 12روح باتها وهي وامها مازالن واعيات وقلوبهن نار ويرجن فيه
سندس مشت تجري وحظناته وتبكي:اسفة بابا ماكنش قصدي انقول هكي
فرج يبكي:انا عمري ماانبيعك يادوسة انتي بنتي الوحيدة اللي طلعت بيها مالدنيا
سعاد:سندس مش قصدها غير كانت حامقة بس
سندس تبكي:اسفة بابا اسفة
فرج:مش زاعل منك يابابا بس كلمتك صح لانهم عطوني الفلوس مش قادر انقوللهم لا وفي نفس الوقت لو عطيتك معناها بعتك وانتي غالية عندي وحتى بملايين الدنيا كلهن مش حنقدر انبيعك انا عندي عزة نفس وحنرفضهم وحنعطيهم فلوسهم كلهن
سعاد:وكيف بتعطيهم فلوسهم انت منيلك المليون
فرج:اللي كنت بنديره قبل مايعطوني الفلوس بنديره توا
سندس:قصدك يابابا بتبيع المصنع
فرج;راحتك وسعادتك عندي اغلى مالمصنع ومالدنيا كلها
سندس حظنت باتها زين وقعدت تبكي
سعاد تبكي:بس شن بدير بعد اتبيع المصنع شنو بتشتغل معقولة تشتغل عند الناس وانت اللي كنت اتشغل فيهم
فرج:الشغل للراجل عمره ماكان عيب نشتغل اي حاجة اهم حاجة بنتي مااتحسش اني بعتها
سندس تبكي:انا عارفة يابابا انك انت عمرك مافكرت اتبيعني بس كلمة وطلعت مني بالغلط انا مش راضية اتبيع المصنع اللي كملت شبابك عليه
فرج:انا عشانك انبيع روحي مش بس مصنع
سندس:انا بابا موافقة نجوز
فرج بعصبية:بس انا مش موافق انا ماانبيعش فيك انتي مش رخيصة مايقدر حد يشريك بكنوز الدنيا
سندس:وانا عارفة اني غالية عندك واكبر دليل انك بتبيع المصنع اللي تعبت عليه عمرك كله عشاني عشان ماانحسش اني رخيصة هذا اكبر دليل علي حبك وخوفك عليا بس حتى انا انحبك ومانرضش بابا يشتغل عند الناس انت لاسمح الله لا تبي تعطيني الناس مش كويس ولا ناس ماايخفوش ربي عمو محمد راجل كويس ونفس طبعك اعميمة عفاف طيبة بكل زي ماما بزبط جدي علي انسان فاهم ومتعلم يعني مش حنلقى احسن من هكي
فرج:لا قتلك خلاص من بكرا نعطيهم فلوسهم وانقوللهم مافيش نصيب
سعاد:خلاص ياراجل سندس موافقة وبقناعة
فرج:لا سندس مش موافقة بقناعة سندس بس ماتبينيش انبيع المصنع
سندس تبكي:لا يابابا انا موافقة عن قناعة انا بنفرحكم بيا مش هذا اللي ديما خاطركم فيه بس نطلب منك طلب واحد
فرج:شنو
سندس:تشرط عليهم انحظر ونشتغل بس
فرج:هذي حاجة اكيدة من غير ماتحكي فيها
سعاد:يعني موافق يافرج
فرج:كان دوسة موافقة انا موافق
سندس:موافقة بابا اهم شي انت ماتزعلش وماتبكيش بسببي
فرج حظنها:مش زاعل انا نبكي لاني انحبك مش لاني زاعل منك
خرفو اشوي مع بعضهم وبعدها خشو ايرقدو سندس خشت الدارها وكملت الليلة بكى وافقت علي شيئ هي مش راضية عليه بس خايفة علي زعل باتها وخافت لو ايبيع المصنع ايصيرله زي ماصارله المرة اللي فاتت خايفة تنحرم منه وهي ماعندها الا هو ضحت بروحها وبسعادتها عشان باتها اللي ماعندهش غيرك ماقدرتش اتكون انانية واتفكر بس في روحها وبذات لما روح باتها و هو مقرر ايبيع المصنع عشان يثبتلها انها غالية عنده وبعد كلامه الها مالقتش روحها الا موافقة لان غلطت في حق باتها اللي عمره ماغلط في حقها
“”
سراج ليلته كانت مش بعيده علي ليلة سندس كان ايفكر في كيف بيعيش في حياة هو اصلا مش مقتنع بيها بس ماكانتش قدامه الا الحل هذا
طبعا مافيش فيهم واحد فكر في من بياخذ او شن شكله كله اللي فكرو فيه انهم لقو نفسهم في امر واقع ومظطرين انهم ايوافقو عالمطلوب منهم بس مافيش خيار أخر
“”
جا صباح ثاني يوم وكان يوم جمعة بات رويدة كلم معاذ وعطاه موافقته معاذ طار مالفرحة وقال العمه ان بعد ثلاث ايام حيكون البيان وبات رويدة وافق وطبعا رويدة بعد سمعت الكلام فرحت عالاخر
اما بات سندس فكلم محمد وعطاه موافقته وقاله محمد نهاية الاسبوع انجو نطلبو رسمي وناخذو الشروط وانحددو الفرح
“”
سندس ماحكتش الصحباتها شيئ مااللي صار لانها كانت لاهية مع رويدة في تجهيزات البيان وطبعا معاهن رانيا وكانن فرحانات عشان رويدة اللي كانت مش مصدقة اللي قاعد ايصير
مرن الثلاث ايام وجا يوم البيان
#يتبع
الايدي الخفية اللي كانت ورا سندس وماتبيش الضرر الها من اتكون وشن تبي بزبط هل هما اشخاص رايدين الخير او الشر
ابطالنا انحطو في امر واقع ووافقو علي شي غصبن عنهم وطبعا مازال ماحد فيهم عرف لاخر زعمك كيف حيعرفو بعضهم ولما يعرفو بعضهم هل حيصير من زواجهم او حيتغيرن ارأهم
ومعاذ ورويدة واخيرا الحلم تحقق بس حيكمل او حتصير حاجة ثانية كله حنعرفوه في الحلقة الجايةأسفة عالتاخير الضي كان طافي وتوا غير جا
اسفة لو فيه لخبطة في الاسماء واكيد رايكم ايهمني ?
گـتـابـتـي Koka Saleh