منحرف وأحببته
#مـنـحـرف_وأحـبـبـتـه
الـحلـقـة (46)
گـتـابـتـي #Koka_Saleh
“”””””””””””””””””””””””””
مرن 5 أيام
واليوم السادس في الصبح
هو اليوم اللي اللي فيه اقتنعت ام فيصل تمشي تخطب رانيا بس بعد اصرار من فيصل وخوته وماقبل حوتها وافقت وكان طبعا متفق مع رانيا اللي حتى هي ماحوتها اقتنعت بالخطبة
اما بالنسبة الصالح قعد يمشي ورا البنت كل يوم مالمدرسة للحوش لكن ماعرفش كيف يحكي معاها لان البنت كانت مالمدرسة للحوش ومالحوش للمدرسة ومالقش الا حل واحد ان ايدور اي سبلة ايخش بيها للمدرسة ولما سأل في المدرسة طلعو يبو مدرس فرنسي ولان هو كان عايش في فرانسا ومعاه شهادة لغة قبلوه مدرس فيها وقالوله تبدى من بكرا وطار مالفرحة واخيرا حيقدر ايقرب منها ويحكيلها اللي حاس بيه
اما رويدة فجمعت كل المعلومات علي أسيل وقررت اليوم تمشي الهلها عشان تحكيهن الرؤوف
اما دوسة وسيرجو اليوم هذا روحو في الصبح
واول ماجو خشو للفيلا دغري وقعدو مع عفوفة وتالين واتهدريز وجو سمح وبعدها جا صالح وعمو محمد وتغدو مع بعضهم وبعد الغداء
صالح قال السراج يلحقه في الدار يلعبو طرح سوني وسراج قاله اشوي ونلحقه
قعد اشوي مع عفوفه وسندس وبعدها طلع ورا صالح بس وهو راكب للدار تلاقه مع تالين في الممر اللي قدام دار صالح
تالين:سيرجو?
سراج;تولي?
تالين:تولي زاعلة منك?
سراج:عليش
تالين قربت منه:معقولة اتسافر واتخليني بروحي وحتى ماقلتش انك مسافر
سراج:جت بسرعة تولي يادوبك قلتها العفوفة
تالين قربت منه وحطت ايديها في ايديه:بس انت عارف اني جاية عشانك وعارف ان بلاك انكسد وانت طولت في السفرة
سراج:تالين قتلك جت بسرعه
سراج كان ناسي فونه جنب سندس وقعد ايرن عليه فيصل فخذاته سندس ورقت فوق بتعطيه له
تالين زادت قربت من سراج الدرجة حس بأنفاسها عليه في اللحظة هذي سراج بعدها منه وبقوة
سراج بعصبية:شنو هذا تالين انتي كنك?
تالين بصدمة:سراج
سراج بعصبية:لا سراج لا شيئ بلاش منهن الحركات هذينا
سندس:حبيبي فونك ايرن من بدري ولما وصلت حست الجو متكهرب وفي حاجة صايرة
سندس:شن فيه كنكم
سراج شاف التالين زين:ولا شيئ تالين مكلمها باتها وكانت تحكيلي عليه
سندس:اها باهي هاك فونك فيصل من بدري ايرن
سراج ابتسم وخذاه منها وباسها علي خدها
سراج:شكرا حبيبي
سندس:العفو حبي
سراج:هيا نمشو الحوشنا
سندس:مش عساس بتلعب مع صالح
سراج:القيت روحي ناعس ومش وقته نلعب معاه بعدين
سندس:تمام حبيبي هيا وجو بيمشو
سندس:باي تالين ومشو
تالين نزلو دموعها من حركة سراج اللي دارها ومشت الدارها دغري
سراج اول ماخشو للحوش رقو الدارهم سندس تمت اتغير في دبشها وهو مسك فونه ورن علي فيصل
سراج;اووو يانصي
فيصل:لا والله ماني نصك معقولة اتروح ومااتقولي بالصدفة انرن علي رقمك نلقاك روحت
سراج:وحق ربي اليوم الصبح كيف روحت
فيصل:يعني مش لكي ايام مروح وماقتلي
سراج:والله اليوم روحت انت اللي شكله الاكتئاب حول بعد جاتك رانيا وروحت
فيصل:تي اسكت اللي قاعد ايصير معايا كأنه حلم
سراج:كيف صار احكي بسرعة
فيصل:اليوم بنخطبها
سراج:قصدك رانيا
فيصل:ومن غيرها يعني
سراج:يعني قصدك حليتو مشكلتكم وحبيتو بعضكم وقررتو تخطبو كله في هالاسبوع اللي غبناه
سندس شافت السراج زين وهي مصدومة وتهمتله بشويش
سندس بشويش:قصدك هو ورانيا
سراج هز راسه بمعنى اها
فيصل:والله هذا كله في الاسبوع اللي غبتوه
سراج:كيف صار هذا كله بس
فيصل:قصة طويلة تبيلها اتقمعيزة لازم انتلاقو اليوم
سراج:تم يانصي العشية انكون عندك وسكر
سندس:جديات يحكي اليوم بيخطب رانيا
سراج:اها يحكي جديات
سندس:والله انوريك يارانيا انا اخر من يعلم ومسكت فونها ورنت علي رانيا
رانيا ردت:حبي روحتي واخيرا
سندس:روحت ياخاينة ياتافهة معقولة اليوم خطبتك وانا اخر وحدة تعلمها
رانيا:عساس انتي كنتي قاعدة لكي كم مقفل ولما سألت عمتو سعاد قالت مسافرة انتي وسراج
سندس:المهم توا قوليلي كيف غيرتي رايك
رانيا:القصة اني اقتنعت بكلامك وعطيت فيصل فرصة بس فاجئني بقصة الخطبة وقال هكي نقعدو اقرب البعضنا ونعرفو بعضنا اكثر الحق ماكنتش مقتنعة بس هو اصر واجد وانا قلت انجرب مش خاصرة شيئ
سندس:هذا احسن راي اديريه في حياتك وحق ربي فرحانتلك من قلبي
رانيا:فرحتك بروحها مااتسدش ياحنة صبي وتي روحك عشان اتجيني وحتى دودي بتجي راه
سندس:خلاص تم توا انجيك اصلا بنعرف اللي صار من يوم المشية لعند اليوم
رانيا:غير تعالي ونحكيلك كل حاجة
سندس:تمام وسلام توا وسكرت
سراج:قصدك بتمشيلها
سندس:اها
سراج:بس اليوم بيجو يخطبوها علي اي اساس انتي بتمشي
سندس:بنمشي علي اساس صاحبتها وعشان انساعد اختها في التقديم وبعدين نحن هكي متعودين
سراج:باهي امتى بتمشي
سندس:انوتي روحي ونمشي
سراج:قصدك انشيلك
سندس ابتسمت:ايوا اتشيلني
سراج:خلاص وتي روحك علي ماخذيت دوش
سندس:تمام
خش سراج ايدوش وسندس قعدت اتوتي في روحها
وبعد طلع سراج لبس ولقى سندس واتية وطلعو مع بعضهم حطها عند رانيا وهو مشى الفيصل واول مانزل لقى فيصل قدام الحوش
سراج سلم عليه;واخيرا بتخش القفص الذهبي
فيصل يضحك:واخيرا?
سراج;كيف صار احكيلي اللي صار كله
فيصل:تعال خش ونحكيلك جوا وخشو ولقو روان وريان يلعبن في الجنان واول ما خش سراج جاتة روان تجري
روان:سيرجو?
سراج شالها:اووو ريونة وباسها
روان:كنك معش اتجينا
سراج:معش نفضى ياريونة
ريان:احسن ان شاءلله ديما معش تفضى?
سراج:لكن ياريونة من يوم وغادي بنقعد ديما عندكم مكر في عرب
روان:ديما تعاللنا بس مااتجيبيش معاك مراتك الجالطة
ريان:اصلا سندس احسن منه
روان:الزرافة هذي في شنو احسن منه
فيصل:اسكتن انتن الاثنين وتحشمن احسنللكن وهي كل وحدة تمشي اتوتي روحها عشان تمشن تلعبن مع مريومة
روان ورويان:ايييي وخشن يجرن بيلبسن
سراج يضحك:من مريومة اللي متفقات عليها وايحبنها هنا الاثنين
فيصل:هذي بنت عمتي من عمرهن وعشان امي ماشية بيقعدن عند عمتي
سراج:كنها ماتخذهن معاها
فيصل يضحك:هذا وين رفضوني دغري
سراج يضحك:والله معاك حق
فيصل:هيا خش وخشو للمربوعة وقعد فيصل يحكيله في اللي صار كله
“””””””””””””
#عند_رانيا
جتها سندس وبعدها بشوي جتها رويدة اللي اجلت مشيتها الهلها بعد المغرب عشان رنوشة
وقعدن يختارن معاها شن تلبس وكيف ادير الميك اب وقعدت هي تحكيلهن في اللي صار
طبعا رانيا ماكانت فرحانة فرحة كبيرة كانت فرحتها عادية والسبب في انها وافقت علي شيئ مش راضة عليه رضى كامل كانت بتحط حد للماضي وبتبدى صفحة جديدة مع الحياة يمكن هالمرة تضحكلها واتنسيها الحزن اللي مرت فيه
اما سندس كانت فرحانة بكل الرانيا وكان عندها احساس كبير ان اللي قاعد ايصير حيكون بداية حياة كلها سعادة الرانيا وحتنسيها اللي فات لانها كانت عارفة كيف رانيا تعذبت ماللي صار معاها
رويدة كانت فرحانة بس بكثر فرحتها كانت حاسة بألم خيها اللي بيحسة لما يعرف ان رانيا انخطبت بس لان رانيا صاحبتها واتهمها سعادتها وعارفة ان مهما صار هي ورؤوف مش حيكونو البعضهم ماحبتش اتبين ولا جابت سيرة رؤوف ابدا وكل اللي كانت اتقول فيه الرانيا ان هذا احسن راي داراته
لبست رانيا(فستان كم نبيتي هادي من عند اليدين من تحت ومن عند الصدر فيه ورد اببض واستشروت شعرها الذهبي الحلو ودارت ميك اب خفيف بكل وطلعت اتهبل)
اما دودي ودوسة سيبنها تلبس ومشن ايساعدن في رنا في المطبخ
“””””””””””””””
#عند_سراج
قعد هو وفيصل في الحوش لين طلعو امه وصبايا خوته الاثنين شايلهم خو فيصل الكبير الحوش هل رانيا هنا بدت فترة التوتر عند فيصل وهو كل مرة ايقول السراج قولك ايوافقو عليا?وسراج عشان ايحوله التوتر خذاه وطلعو عشان يدهورو وايمشو الوقت لين هله ايروحو
“””””””””””””
#عند_رانيا
جت ام فيصل ومعاها كناتها الاثنين واستقبلتهم ام رانيا وخششتهن الدار الضيوف وبعد اشوي خشت رانيا بالعصير وسلمت عليهن وضيفتهن بس ماقعدتش معاهن قعدت كل اشوي اتخش تقعد معاهن وتنحرج وتطلع
ام فيصل كانت كل مااتخش رانيا تقعد اتشوفلها زين كيف اللي ايدور في عيب ورانيا حست بالشيئ هذا وبذات انها طول قعدتها وهي غير تشكر في فيصل وتحكي علي انجازاته?
“””””””””
رانيا خشت علي صاحباتها في المطبخ وهي قالبة وجها وقمعزت عالكرسي
رويدة:كنك جيتي خليك جنب الصبايا
رانيا:ترا فكيني امه مش عارف كنها كيف اللي مش عاجبتها
سندس شهقت:وهي اطول وحدة بسماحتك وطيابتك واخلاقك
رويدة:اسكتي وانتي مركبة وانتي قوليلي شن قالتلك لين حسيتي هكي
رانيا:اول حاجة نظارتها من اول ماانخش اتشوفلي زين كيف اللي بطلعلي عيب وخلاص
رويدة:تي بالك اتبحت لانك عجبتيها
رانيا:فيه فرق بين نظرات الاعجاب وبين واحد بيطلع فيك عيب وخلاص وبعدين اول ماقمعزت قالتلي عيونك زرق صح ولا دايرة عدسات وبعد قلتلها لا هذا لون عيوني قعدت اتقول بنات توا ماعاد تعرف الحقيقة مالكذب من هالمكياج والخبر اللي ايديرن فيه
رويدة:مازال لعند توا مافيش حاجة اكيدة هذا سؤال عادي وديما يارنوشة البنات يسألن فيه لكي
رانيا:باهي ياستي خوذي اللخرة من اول ماقمعزت وهي غير تحكي علي فيصل وطبعه وشغله وانجازاته كانها اتقول مش اي وحدة تقدر تاخذه
سندس:هذي انا عارفتها كويس شن تبي هي معايا
رويدة:تعالي هنا يافرخة مااتودريش البنت راه عارفتهن افكارك
سندس:انتي اسكتي ماعليك وخذت رانيا وطلعت هي وياها وخشت سلمت عليهم وبحكم انها تعرف ام فيصل قمعزت جنبها
وام فيصل مازالت مستلمة فقرة الشكر في ولدها لين قريب اتكره رانيا فيه
ام فيصل:طبعا فيصل رضي ولديه وماايتحمل فيا حاجة الله ايربحه
سمية:مشاءلله وهذي اهم حاجة
ام فيصل:وشاطر في قرايته ومتخرج من هندسة ولان شاطر ومتمكن من تخصصه اشتغل في اكبر شركة في البلاد
سندس:حتى رنوشة مشاءلله عليها رضية وماتحمل حاجة في باتها وامها وفوق من هذا شاطرة وذكية وعشان هكي توا قاعدة تشتغل علي مشروع اكبر شركة في البلاد يعني نفس اللي فيها فيصل
ام فيصل:ماهي الشركة هذي متاع عمك وعشان هكي اكيدة مختارينها لكن فيصل يفرق
سندس:اتصدقي ان المشروع انا ورنوشة نشتغلو عليه من قبل مانجوز سراج ولا نعرفه ولما اجوزته رفضنا اي حد يدخل واختارو المشروع لان احسن مشروع ولان نحن كنا اذكى وحدات في الدفعة والمشروع خذيناه بتعبنا نحن ومش بواسطة وبعدين قربت من ام فيصل وحكتلها بشويش تقريبا فيصل صاحب سراج وعارفة كويس هو وسراج في شنو كانو ايديرو من قبل يعني لو اي عائلة تعرف ماضي فيصل ماحد يعطيه بنته
ام فيصل ماكانت عارفة ان سندس عارفة اللي كان ايديرو فيه فيصل وسراج ولانها عارفتهم انهم كانو يشربو ويسهرو سكتت وزمطت السانها?
ام فيصل:مشاءلله معناها شاطرة لان فيصل حكالي ان مشروع كبير
سندس;اها واغلب الشغل شايلته رنوشة لاني انا وبسبب ظروفي معش قعدت انجي واجد للمشروع
ام فيصل:ربي يعطيها الصحة الحق مشاءلله عليها
وبعد اشوي طلبت رانيا من امها وام رانيا قالتلها نحكو الباتها ونسألو عليه وبعدين نعطوكم الرد وخرفو اشوي وبعدها جاها ولدها وخذاها
“””””””””””
بعد روحت ام فيصل خشت رانيا بتغير دبشها وخشن معاها صاحباتها
سندس تضحك:لو شفتي بس يادودي كيف سككتها
رويدة تضحك:حقيرة من يوم يومك عارفتك
رنا:وراس دوسة شن قلتيلها لين سكتت
سندس تضحك:جيتها عالوتر الحساس اللي تحسابني مش عارفته قلتلها تهيالي فيصل صاحب سراج ولو تعلم اي عائلة باللي كان ايدير فيه مستحيل تعطيك
رويدة;مجلطك ياحقيرة تخيلي عصبت ودارت اي حاجة
سندس:ماتقدرش لان في هذك الساعة توا يعلمو هل رانيا وكان هل رانيا علمو بتبدى القصة تنتشر وبعدها ماعاد حد يعطي ولدها وبعدين هي جاية هنا بأمر من فيصل ولو فيصل عرف اللي دايرته وان هي اللي خربت الخطبة اكيدة حيزعل منها
رنا:بس حرام عليك فيصل كويس وحتى راجلك تغير ليش تحكي هكي
سندس:تغيرو بس ماضيهم ماايشرفش
رويدة:وووه كلا انتي ينخاف منك
سندس شافت الرانيا:رنوشة كنك ساكته مش عاجبك اللي درته وخليتها تسكت
رانيا:القصة مش قصة تحكي ولا تسكت القصة في انها شكلها جاية غصب عنها وتكرهني من قبل ماتعرفني بالله عليك كيف بنبدى حياة هكي
رنا:مش مشكلة اهم شيئ فيصل ايحبك
رانيا:مش كل حاجة الراجل ايحبني حتى عيت العم وحبهم لكي له دور معقولة ياربي الحظ اللي عندي?
سندس;بالعكس حب الراجل هو الأهم توا اهو قدامك خذيت سراج وكانت امه اتحبني موت بس هذا كله مامنعش المشاكل اللي بينا وماغيرش فكرة ان هو يكرهني وانا نكرهة وشفتي كيف تعذبنا لين في الاخير حبينا بعضنا هذا عليش حب الراجل هو المهم
رويدة;وانا خذيت معاذ واعميمة والبنات ماايتحملن فيا حاجة وشفتي المشاكل اللي صارن لان معاذ كان ايفكر في الماضي وماكان ايحبني حب كامل فانتي احمدي ربك انك طحتي في راجل ايحبك وااجد وماعندش ماضي اما عمتك تكسبيها بعدين بالشوية بالشوية تلقيها في صفك
سندس:ولو ماحباتك عنها ماحبت في الاخير عندك حوش يمسكك
رانيا:لا يادوسة مش هكي مانبيش حياتي تقعد هكي
رويدة صبت وقمعزت جن رانيا:حبي توا فكري في الاهم واللي هو فيصل وكيف بتحبيه واتخلي حياتك حلوة معاه وعمتك حتحبك بعدين لان والله ماتلقى احسن واحن منك
سندس:رنوشة اضحكي ومااتفكريش في هذا كله كل شيئ ينحل بعدين صدقيني
رانيا;ان شاءلله يابنات
الكل:ان شاءلله
وبعدها طلعن ايلمن في الحوسة مع بعضهن
“””””””””
#عند_فيصل_وسراج
روحو وقمعزو في الجنان يرجو في ترويحة ام فيصل اشوي وهي خشت ونزلت بروحها لان كناتها بيروحن
ام فيصل:خير
فيصل وسراج:خير
فيصل:ها طمنيني شن صار
ام فيصل:شن بيصير يعني طلبتها لكي وقالو بيسألو وبعد كم يوم يعطونا الرد
فيصل:باهي انتي شن حسيتي موافقين ولا لا
ام فيصل:هكي مابانش علي امها رفض لكن بتسال باتها قبل
فيصل:يارب ايوافقو
ام فيصل:وكان ماوافقو البنات مالحد?
فيصل:بس انا نبي هذي وغيرها مش واخذ
ام فيصل:باهي خلاص فهمنا وجت بتخش وبعدها ردت
ام فيصل:وانت يا سراج مراتك مشاءلله علي السانها ان شاءلله غير صاحبتها مش زيها
سراج;شن قالتلك ياعمتي
ام فيصل:أسألها انت?وخشت
فيصل قعد يضحك:زعمك شن قايلة شكلها مرقيتها الامي
سراج يضحك:ام السان انتوقع منها أي حاجة?
فيصل:يستر الله وخلاص
سراج:سلام بنعدي انجيبها خير مااتخرب الدنيا?
فيصل:سلام
سراج طلع وفيصل خش علي امه وقعد ايحقق معاها
“””””'”””””
معاذ وسراج وصلو الحوش رانيا مع بعضهم وكل واحد رن علي مراته تطلع
لبسن البنات وسلمن علي رانيا وهلها وطلعن لقن معاذ مصبي عند سيارة سراج وايخرفو مع بعضهم
سندس:خيرات معاذ شن اخبارك
معاذ:تمام الحمدلله شن اخبارك انتي
سندس:الحمدلله
سراج كان ايفنص في سندس وعيونه بيطلعو سندس فطنتله ونغزت رويدة وهي فهمت ان تبيها اتسلم علي سراج
رويدة:شن اخبارك ياسراج
سراج:الحمدلله شن اخبارك انتي
رويدة:بخير
سراج شاف السندس:هي اركبي
سندس:هي وروكبت
معاذ:سراج نرجى في زيارتكم لنا
سراج:ان شاءلله
طلع سراج ومعاذ ورويدة ركبو وطلعو حتى هما
سراج بعصبية:من قالك احكي معاه وشن تعرفيه اصلا عشان اتقوليله خير
سندس:اول حاجة هو راجل صاحبتي مافيها شيئ كان قتله خير وبعدين حتى هي قالتلك خير وفوق هذا معاذ كان يقرا معانا في الجامعة يعني نعرفه
سراج:وشن تعرفيه ان شاءلله
سندس:يي قصة 4اسنين هو ورويدة وتبيني مانعرفه تي قصتهم عرفتها الجامعة كلها
سراج:وشن قصتهم
سندس قعدت تحكيله في قصة معاذ ورويدة لعند ماوصلو عالحوش وخشو مع بعضهم
سراج:وااو عليك قصة طويلة اتصير مسلسل
سندس:بككل
سراج:عالمهم معش نبيك اتقولي خير الراجل بكل ولا تحكي مع اي راجل
سندس:وعليش
سراج كرها شوره:انغار عندك مانع
سندس:بس مش للدرجة هذي الغيرة
سراج:للدرجة هذي ونص انتي مازال ماشفتي شي والله متمني انحطك في دار بروحك وماانخلي حد ايشوفك ولا ايجي شورك الا انا بس
سندس:ياساتر للدرجة هذي الغيرة
سراج زاد قربها منه:قولي للدرجة هذي الحب
سندس:لا الحب عارفته واجد
سراج:والغيرة اكثر منه وحظنها زييين
وبعد الحظن
سراج:عارفة اني مرايفلك وااااااااااجد
سندس تضحك:لنا اسبوع في مكان بروحنا وياما درنا واليوم في الصبح وانا معاك ماشبعتش
سراج:انا نشبع منك مستحيل حتى لو العمر كله مانشبعش نقعد نبي عمر اخرى فوق عمري
سندس:ناعليا من كلامك?
سراج;ناعليا منك انتي وخلاص وقرب بشويش وقعد ايبوس في شفايفها وبعدها شالها ورقى بيها للدار حطها عالسرير وقعد ايحوللها في وشاحها وعبايتها وجا عليها وقعد ايبوس فيها بوسات خفيفية ورومانسية علي شفايفها ونزل علي رقبتها والباقي طبعا #مششششششففر
“”””””””””””””
#عند_رانيا
قاعدة اتهدرز هي ورنا ومازال مهمومة من قصة ام فيصل وان شكلها مش حابتها مع رنت فيصل ورانيا ردت
فيصل:توا نقدر انقول انك مراتي
رانيا:مازال بدري هي خطبة توا
فيصل:باهي امك حكت الباتك
رانيا:بابا مالش واجد روح وتقريبا ماما مازال ماحكتله
فيصل:قولك ايوافق
رانيا:اكيدة بيسأل عليك وعلي هلك قبل وبعدها ايجي وياخذ رايي وعلي ضو الحاجات هذينا يعطي رايه
فيصل:ان شاءلله ايوافق
رانيا:ان شاءلله
فيصل:تعرفي لو ماايوافق بنقعد زاقبله كل يوم قدام الحوش وانقوله نبي بنتك عطيني بنتك لين ايمل مني ويعطيك ليا
رانيا ضحكت:لا مش للدرجة هذي وبعدين عندي احساس ان بابا حيوافق لان بابا في الاول والاخير اتهمه سعادتي انا
فيصل:وانتي حتقعدي سعيدة معايا
رانيا:انت شاب كويس واي وحدة في الدنيا اتمنى واحد زيك وايكون ايحبها زي مااتحبني بس
فيصل بخوف:بس شنو
رانيا:امك شكلها مش حابتني
فيصل تنهد:حنكون معاك صريح وانقولك امي ليش مش حابتك هي مش كره فيك او الشيئ معين فيك انتي بس امي كانت خاطبتلي بنت خالتي وانا لما حبيتك فسخت الخطبة وهذا السبب والله
رانيا:من جدك انت يعني انا كنت سبب اتسيب بنت ناس مالهش ذنب وبسببي فسخت خطبتك معاها وقطعت نصيبها
فيصل:وسعيلي بالك انا البنت اصلا ماانحبهش وامي من ثلاث سنين قالتلي شن رايك فيها قلتلها تمام البنت كانت صغيرة وقالت خالتي ماتاخذهش لين اتخش للجامعة وخلاص قعدت نرجى فيها ومنها انكون روحي بس ولا مرة صار بينا كلام ولا حاولت ناخذ رقمها لان ماكانش فيه اي مشاعر تجاههة ولما حبيتك قلت مانكذب علي حد ونخدع حد مشيت الخالتي وحكيتلها اللي صار بس امي قعدت مش مقتنعة لين فاتن بروحها جتنا من كم يوم وهي بروحها حكت الامي وامها وطلعت تبي ولد عمها ومن يومين جا خطبها يعني انتي ماقطعتي نصيب حد
رانيا:جديات تحكي انت يعني البنت اتحب واحد ثاني
فيصل:انا عمري كذب عليك وعشان اتزيدي اتصدقي لو تبي انجيبلك رقمها وتحكيلك هي كل حاجة
رانيا:لا مصدقتك من غير مانسال حد
فيصل:ومااتشيلي بال من امي هي طيبة بس مازال واجعتها اني ماخذيتش بنت اختها وحرجتها مع خالتي بس انا متأكد اول ماتعرفك كويس حتحبك عشان انتي مافيش حد يعرفك وماايحبكش
رانيا:ان شاءلله
فيصل:ان شاءلله وقعدو ايخرفو
“””””””””””””
#عند_رويدة
شالها معاذ الهلها وتعشو مع بعضهم وبعد العشاء هو روح وهي قعدت بايته عند هلها
قمعزت هي وامها ايخرفن ويشربن في شاهي بعد العشاء
رويدة;عارفة اليوم عليش كنت عند رنوشة
عالية:عليش ان شاءلله خير
رويدة:لا خير اليوم كانو جايينها عرب
عالية:مشاءلله باهي ربي ايهنيها تستاهل كل خير
رويدة:ان شاءلله ربي ايهنيها رنوشة ماتستاهلش اللي صار فيها كله
عالية:والله صدقتي كان تعرفي كيف كنت متمنيتها تقعد كنتي غير كل شيئ نصيب
رويدة:من قال رؤوف ورانيا ماياخذوش بعضهم لكن صح كل شيئ نصيب
عالية:اي والله
رويدة:ماما ردبالك اتجيبي سيرة قدام رؤوف انها انخطبت
عالية:هكي هكي مصيرة عالم
رويدة:بالك مايعلم الا وجرحه خاف اشوي ولا يقعد متعرف علي وحدة واتهون عليه وينسى اللي صار
عالية:وانا شن انتمنى عيالي الاثنين تعقدو ماللي صار وتوا مافيهم ولا واحد مفكر في الزواج
رويدة:قصدك حتى عصام مش مفكر ان يخطب مرة اخرى
عالية:ييي عصام هو اللي معش ينحكى معاه بكل في الموضوع هذا وتوا طالعلنا بقصة جديدة قال بيسافر وايكمل قرايته برا
رويدة:ربي يهديهم وخلاص
عالية:ان شاءلله
“”””””””””””””
#عند_أبطالنا
بعد كمل #التشفييير دوشو ونزلت سندس اتوتي في العشاء وبعدها جاها سراج وقمعزو يتعشو مع بعضهم
سراج:خطرها حبيبي شن قايلة الام فيصل انتي
سندس:انت شن عرفك اني قايلتلها حاجة
سراج:لما روحت كنت انا وفيصل مع بضنا ولما جت قالتلي مراتك عليها السان مشاءلله عليه ان شاءلله غير صاحبتها مش زيها
سندس قعدت تضحك
سراج:والله شن قايلتيلها
سندس قعدت تحكيله في اللي داراته ام فيصل وفي اللي هي حكاته الها
سراج قعد يضحك:معقولة اتعايري فينا بماضينا
سندس:مش انعاير فيكم بس هي نرفزتني بكلامها وهذا الشيئ الوحيد اللي ايسكتها والله كثرت علي رنوشة وامها وهنا طيبات ماعندهن في جو عزق الكلام هذا
سراج:اه منك ياام السان خاطري انقصة السانك هذا
سندس بعصبية:اتقصه?
سراج:انقصه بطريقتي انا وعظ علي شفايفه
سندس:عيب الكلام هذا معش اتقوله☺
سراج:مازال ماشفتي شيئ مالعيب وصبى
سندس:سراج بطل بلا صماطة خلاص
سراج جا شورها:اسكتي بس انقولك حاجة سمحة
سندس صبت:مش ساكته عارفتك شن تبي ومشت تجري
وسراج لحقها وخشو للدار (خلاااص سكرو الدار في شن ترجو?)
“””””””””””
#عند_رويدة وتحديدا الساعة11 روح رؤوف وقعد ايخرف مع رويدة وامه وباته وبعد اشوي باته وامه خشو رقدو
رويدة:خطرها اوفا جبتلك علي اسيل المعلومات كلهن
رؤوف:باهي هي قوليهن ياجيمس بوند?
رويدة:اتهزى صح معش حاكية شيئ
رؤوف:احكي بلا صماطة انبصر
رويدة; اسيل م93 ترتيبها عند هلها اصغر وحدة واكبر واحد خوها عبدالسلام وبعدها اختها لينا اللي اكبر منها بسنة وبعدها هي طبعا باتها مقريها بدري عشان تقعد هي واختها مع بعضهن هي بنت طبيعية وعادية جدا وشاطرة في قرايتها خذت الشهادة الثانوية وكان حلم حياتها اتخش طب لعند اليوم اللي توفت فيه اختها انقلبت حياتها فوقي تحتي الدرجة انها حاولت تنتحر وقعدت فترة في المستشفى وتابعت دكتور نفسي بس حالتها ماتحسنتش واجد وموت اختها اثر علي قرايتها سجلها باتها في الطب وقرت الاعداد بس كم شهر و وبعدها ماقدرتش اتكمل وقررت اتبطل من قرايتها ومن هذك اليوم وهي مش مصدقة موت اختها و عايشة حياتها هكي وخلاص لا تقرا لا تشتغل ودائما مكتئبة وعايشة عالادوية المهدئة وخلاص
رؤوف:مسكينة والله
رويدة:حتى انا لما عرفت اللي صاير معاها وجعتني بس قولي اللي قلته لكي فادك بحاجة
رؤوف:لا والله حسيت مافيش حاجة مهمة ولا شور الموضوع اللي نبيه
رويدة:مع اني قلت ممكن ايفدنك
رؤوف:مش مشكلة انا حنقعد ورا الموضوع لين انحله بس انتي تقدري اتجيبيلي رقمها
رويدة:تمام انجيبه لكي بس قولي شن بدير برقمها
رؤوف:انحس في ان اللغز هذا مش حينحل لين نحكي معاها
رويدة:تمام حنجيبه لكي وان شاءلله ايفيدك
رؤوف:ان شاءلله
وقعدو ايهدرزو مع بعضهم بس رويدة ماجبتلش سيرة خطبة رانيا بكككل
“””””””””””””
#صباح_يوم_جديد
سراج وسندس ناضو زي كل يوم علي احلى جو رومانسي?وبعدها فطرو مع بعضهم وطلعو حطها هي في المشروع ومشى هو للشركة
“””””””””””
#عند_صالح
واخيرا جا اليوم اللي بيمشي فيه للمدرسة وبيشوف البنت اللي شقلبت كيانه
(لبس جينز كحلي ومن تحت مكبع وعليه قميس وردي وقولف كحلي وكندرة كحلية ارضيتها بيضاء وكان شعره طويل)طبعا هو كان حلو كان اسمر وعيونه سود وشعره اسود وكان طويل وعريض وكان ايتمرن في صالة فكان جسمه عظلات?بس كان ايستايله فريد ولبسه فريد فكان هذا اكثر شيئ يلفت انتباه البنات له
بعد كمل لبسه طلع دغري للمدرسة وهو في عقله كيف يحكيلها وكيف ايفهمها اللي حاس بيه
قعد مع المدرسين في حجرتهم لين ايجي وقت حصته لان الاخ من كثر ماهو متشوق جاي بدري?كانت حصته الثالثة وحس الوقت طويييل لين جت حصته ورن الجرس وجت الحصة وخش عالفصل (طبعا كان شاب و حليوة وماغباكن ايام الثانوية اكبر فرحة لما ايجينا استاذ شاب وطبعا كانت في النادر اتصير?)فكل البنات اول ماخش اللي فتحت فمها واللي قعدن ايوشوشن واللي بدن في الابتسامات وخش عمكن صالح بكل شخصية حلوة وقال
صالح:صباح الخير
كل البنات:صباح النور
صالح خش وقمعز عالطاولة ?
صالح: انعرفكن علي نفسي انا استاذ الفرنسي الجديد واللي حنبدى معاكن من اليوم وان شاءلله حيكون منهج بسيط ومش حنتعبو مع بعضنا (وطبعا وهو يحكي كانن عيونه ايحومن عالبنت)
صالح:اليوم مافيش حصة حنتعرفو علي بعضنا بس
البنات فرحن:تمام استاذ
وبدا بالترتيب يسأل في كل وحدة شن اسمها لين وصل عالهدف المطلوب ?وصباها بيسالها علي اسمها
البنت:اسمي رنا—-
صالح:عاشت الاسامي يارنا تفضلي قمعزي
وبعد اشوي كمل كل البنات وقعد ايهدرز معاهن وايعرف فيهن علي حناطته طبعا?وبعد اشوي كملت الحصة وطلعن كل البنات ولما جت رنا بتطلع هي وصاحباتها
صالح:معليش رنا خليك نبيك لحظة
رنا قعدت مستغربة وصاحباتها طلعن وخلنها
صالح:ماعرفتينيش يارنا
رنا:لا ماعرفتكش
صالح:يعني مش مار عليك بكل لاشكلي ولا اسمي
رنا هزت براسها بمعنى لا
صالح:انا كنت جاركم في حوشكم القديم ومن انتي صغيرة كنتي ديما تلعبي معايا وحتى اني كنت كل يوم انوصل فيك علي مدرستك
رنا:بصراحة مش متذكرة يعني انا حتى حوشنا القديم مانذكرش واجد
صالح:اسالي هلك توا يحكولك
رنا:ان شاءلله عادي نطلع توا
صالح:تمام تفضلي ورنا طلعت
صالح;شكلي بنتعب معاها هذي لكن بجد فيها حاجة غريبة اتقرب فيا منها وبعدها طلع وقعد طول استراحة الفطور وهو ايشوفلها مالشباك متاع حجرة الاساتذة وايراقب في كل تحركاتها
“”””””””””””
الساعة 1م
روح سراج وسندس وكلمتهم عفوفة عشان ايتغدو معاهم واثناء الغداء
عفوفة:فؤاد ولد مصطفى جاه وليد واليوم دايرين لمة وعشاء وكلموني امبدري يعزمو
محمد:صح كلمني مصطفى باهي اللي ذكرتيني
عفاف:لازم تمشو
محمد:ان شاءلله حنمشو
عفاف:دوسة يعني اليوم تحملي مافيش قيلولة وتيلي روحك عشان نمشو مع بعضنا
سندس:حاظر اعميمة
سراج:خلاص معناها انا ناخذ قيلولة علي ماوتيتن وبعدها نوعى انشيلكن
عفاف:باهي تمام
بعد اشوي كملو الغداء وسراج وسندس روحو الحوشهم وسراج خش بياخذ قيلولة وسندس قعدت اتوتي في روحها واتجهز في لبستها
“””””””””
عالساعة 3:30 سندس كانت مستشورة شعرها ومكيجة وموتية لبستها بس قررت تمشي اتشوف عمتها مرات تبي مساعدة في حاجة قبل ماتلبس
وطلعت وخشت للفيلا ولقت تالين طالعة مالمطبخ وفي يدها كباية عصير
تالين:كنك مازال ماجهزتي
سندس:جاية بنشوف اعميمة مرات تبي حاجة
تالين:هي فوق في دارها شوفيها
سندس:تمام وطلعت
تالين خطرت في بالها حاجة حطت كباية العصير وطلعت بسرعة وجت الحوش سراج وسندس لقت سندس مسيبة الباب مفتوح خشت ورقت فوق وخشت الدارهم لقت سراج راقد قربت منه وقمعزت علي حاشية السرير جنب سراج وقعدت اتشوفله وهو راقد وفي لحظة حطت يدها علي لحتيه وقعدت اتحرك في يدها بشويش سراج ابتسم ومسك يدها وكرها شوره وحظنها وهو مازال مغمض عيونه
سراج;مش قتلك معش اتوعيني هكي لانك عارفة اللي بيصير بعدها وفتح عيونه وهنا كانت الصدمة?
سراج بعد منها وصبى بسرعة
سراج بعصبية:انتي شن اديري هنا
تالين:انا اسفة انا كنت
سراج بعصبية:انتي شن كنتي انتي كيف تسمحي ان اتصير حاجة زي هذي
تالين:انا مش قصدي ايصير هكي انا كنت جاية بنتاسفلك عاللي صار امس وانت اللي كريتني
سراج:انا نحسابك سندس لان هي اتوعي فيا هكي بس انتي اللي غلط منك اديريلي هكي اصلا كيف تجرئي واديريها
تالين:حتى انا كنت انوعي فيك هكي ونحن في المانيا ولا انسيت
سراج:الوقت هذكي يفرق عن توا
تالين:شن يفرق اهو انت وهذي انا شنو اللي تغير
سراج:زمان شيئ وتوا شيئ توا فيه سندس اللي مش حتفهم ان عندي صديقة وعادي اديريلي هكي وانا بروحي مش حنرضى غيرها ايديرلي هكي
تالين:يعني توا سندس عندك اهم مني من تالين اللي عشت عمرك معاها
سراج:اكيدة واطلعي برا ياتالين مش داعي سندس اتخش هنا واتصير مشكلة بينا
تالين:تمام وطلعت
وبعد اشوي جت سندس ولقت سراج مقمعز عالسرير
سندس:وعيت حبيبي
سراج:اها
سندس:مش عساس قتلي مش حنوعى لين اتوعيني
سراج:رن التليفون وعاني
سندس:باهي حبي صبي اغسل وتعال عشان اتشوف اللبسة اللي جهزتها لكي تعجبك او لا
سراج صبى وباسها علي خدها:اكيدة تعجبني
سندس:ناعليا منك وحق الله انحبك وباساته بوسه سريعة علي شفايفه
وبعدها سراج خش الحمام دوش عالسريع وطلع لبس لبسته وسندس لبست وطلعو لقو عفوفة جاهزة بس باعتهم ومشت مع راجلها? ومشو كلهم العيت سيدهم
“””””””””””””””
#عند_هل_رانيا
جت رنا وحكتلهم اللي صار معاها وعلي صالح وكلهم حكولها اللي كان ايصير وكيف صالح كان مهتم بيها بس طبعا كل هالكلام مااثر غيها لانها اصلا مش متذكرته
“””””””””
مر اليوم عادي من دون أحداث تذكر
كل واحد وحياته هادية
سراج وهله ماروحوش من عيت عمهم الا قريب الساعة 12 في الليل وكل واحد مشى الحوشه
“””””””””
#صباح_يوم_جديد
كالعادة سراج وسندس وعو بدري وفطرو وشالها للمشروع وهو مشى الشغله بس كان اليوم هذا عندهم شغل واجد في الشركة الدرجة ان ماقدرش ايروح بسندس فكلماته وقالتله ان بتكلم باتها وتمشي الهلها وهو وافق وكلمت سندس باتها ومشت الهلها
“””””””””
عالمغرب سراج جا للفيلا بيدوش ويمشي الهل سندس ايجيبها بس لما وصل للفيلا خش بيشوف عفوفة قبل مايمشي الحوشه
سراج اينادي;عفوفة
تالين نزلت من فوق:عمتو مش قاعدة
سراج:وين مشت
تالين:قالت ماشية الخالتك
سراج;من شالها
تالين: شالها السواق
سراج:تمام وطلع
تالين لحقاته
تالين:سراج:نبيك في موضوع
سراج:شنو
تالين:اول حاجة وين سندس
سراج:عند هلها
تالين:احسن عشان نحكي براحتي
سراج شافلها زين:بتحكي ولا كيف انا مستعجل
تالين:ليش مغير معاملتك معايا
سراج:مش مغيرها بس الظروف هنا اللي تغيرن
تالين:يعني مازال اتحبني زي قبل
سراج:اكيدة بس نبي منك اللي تكرر اليومين اللي فاتن معش ايتكرر لان الوضع توا يفرق عن زمان
تالين:تمام بس انت تعرف انت شنو بالنسبة ليا
سراج:اكيدة عارف
تالين:باهي شنو
سراج:انا صديقك وزي خوك بزبط
تالين:معش اتقول زي خوك لانك مش خويا ومعش اتقول صديق لان طريقة معاملتنا البعضنا زمان عمرها مااتكون طريقة اصدقاء
سراج:طريقتي زمان كانت مع اي بنت بس انتي بذات ماصارش بينا شيئ ايدل علي ان مش اصدقاء وانتي عارفة اني طول الوقت انعامل فيك انك صديقتي
تالين:لا ياسراج نحن مش اصدقاء وعمري مااعتبرتك صديق طول الوقت انعامل فيك هكي بس الحقيقة مش هكي انا انحبك وطول الوقت نبيك اتحس بس انت ماكنتش منتبه وكنت نحساب انك مش متاع حب وهذا ليش ماحكيتش بس توا اهو طلعت تعرف اتحب وانا انحبك فاالاولى اتحبني انا لاني انحبك من قبلها
سراج كان مصدوم من كلامها
سراج بعصبية وصوت عالي;تالين توا اتلمي دبشك وتطلعي من هنا
تالين بصدمة:انت تبيني نمشي
سراج بعصبية:تمشي ومعش بنشوف وجك هنا بكككل
تالين نزلو دموعها:حاظر اللي تبيها حنديرها ومش حتشوف وجي بكل بعد اليوم بس مش معنى هكي اني انبطل انحبك
سراج بعصبية وصوت عالي:تالين امشي وهنا معش اتردي
مع جيت عفوفة
عفاف:شن فيه كنكم
#يتبع
حي طلعت اتحبه?
بس قولكن شن موقف عفوفة كان عرفت?وهل سراج حيضعف من حب تالين ولا حب دوسة اكبر ? وهل تالين حتمشي واتسيبهم صح ولا حتقعدد وحيوصل الخبر الدوسة?
وصالح طلع ايحب رنا ?بس هي حتحبه ولا لا?
ورنوشة قولكن تقدر اتعايش مع فكرة كره عمتها الها ولا حتكون هي سبب فراقهم?
اما رؤوف حيلقى الحل في ان ايكلمها وباهي شن رد اسيل من مكالمته?
كله حنعرفو في الحلقة الجاية?
بنات انحب انطمنكن مازال حلقتين وتكمل الرواية ?
أسفة علي تاخيري بس ماكنتش في الحوش كنت انرفه بعد الامتحانات??
أسفة لو فيه لخبطة في الأسماء وأكيد رأيكم ايهمني?
گـتـابـتـي Koka Saleh
الـحلـقـة (46)
گـتـابـتـي #Koka_Saleh
“”””””””””””””””””””””””””
مرن 5 أيام
واليوم السادس في الصبح
هو اليوم اللي اللي فيه اقتنعت ام فيصل تمشي تخطب رانيا بس بعد اصرار من فيصل وخوته وماقبل حوتها وافقت وكان طبعا متفق مع رانيا اللي حتى هي ماحوتها اقتنعت بالخطبة
اما بالنسبة الصالح قعد يمشي ورا البنت كل يوم مالمدرسة للحوش لكن ماعرفش كيف يحكي معاها لان البنت كانت مالمدرسة للحوش ومالحوش للمدرسة ومالقش الا حل واحد ان ايدور اي سبلة ايخش بيها للمدرسة ولما سأل في المدرسة طلعو يبو مدرس فرنسي ولان هو كان عايش في فرانسا ومعاه شهادة لغة قبلوه مدرس فيها وقالوله تبدى من بكرا وطار مالفرحة واخيرا حيقدر ايقرب منها ويحكيلها اللي حاس بيه
اما رويدة فجمعت كل المعلومات علي أسيل وقررت اليوم تمشي الهلها عشان تحكيهن الرؤوف
اما دوسة وسيرجو اليوم هذا روحو في الصبح
واول ماجو خشو للفيلا دغري وقعدو مع عفوفة وتالين واتهدريز وجو سمح وبعدها جا صالح وعمو محمد وتغدو مع بعضهم وبعد الغداء
صالح قال السراج يلحقه في الدار يلعبو طرح سوني وسراج قاله اشوي ونلحقه
قعد اشوي مع عفوفه وسندس وبعدها طلع ورا صالح بس وهو راكب للدار تلاقه مع تالين في الممر اللي قدام دار صالح
تالين:سيرجو?
سراج;تولي?
تالين:تولي زاعلة منك?
سراج:عليش
تالين قربت منه:معقولة اتسافر واتخليني بروحي وحتى ماقلتش انك مسافر
سراج:جت بسرعة تولي يادوبك قلتها العفوفة
تالين قربت منه وحطت ايديها في ايديه:بس انت عارف اني جاية عشانك وعارف ان بلاك انكسد وانت طولت في السفرة
سراج:تالين قتلك جت بسرعه
سراج كان ناسي فونه جنب سندس وقعد ايرن عليه فيصل فخذاته سندس ورقت فوق بتعطيه له
تالين زادت قربت من سراج الدرجة حس بأنفاسها عليه في اللحظة هذي سراج بعدها منه وبقوة
سراج بعصبية:شنو هذا تالين انتي كنك?
تالين بصدمة:سراج
سراج بعصبية:لا سراج لا شيئ بلاش منهن الحركات هذينا
سندس:حبيبي فونك ايرن من بدري ولما وصلت حست الجو متكهرب وفي حاجة صايرة
سندس:شن فيه كنكم
سراج شاف التالين زين:ولا شيئ تالين مكلمها باتها وكانت تحكيلي عليه
سندس:اها باهي هاك فونك فيصل من بدري ايرن
سراج ابتسم وخذاه منها وباسها علي خدها
سراج:شكرا حبيبي
سندس:العفو حبي
سراج:هيا نمشو الحوشنا
سندس:مش عساس بتلعب مع صالح
سراج:القيت روحي ناعس ومش وقته نلعب معاه بعدين
سندس:تمام حبيبي هيا وجو بيمشو
سندس:باي تالين ومشو
تالين نزلو دموعها من حركة سراج اللي دارها ومشت الدارها دغري
سراج اول ماخشو للحوش رقو الدارهم سندس تمت اتغير في دبشها وهو مسك فونه ورن علي فيصل
سراج;اووو يانصي
فيصل:لا والله ماني نصك معقولة اتروح ومااتقولي بالصدفة انرن علي رقمك نلقاك روحت
سراج:وحق ربي اليوم الصبح كيف روحت
فيصل:يعني مش لكي ايام مروح وماقتلي
سراج:والله اليوم روحت انت اللي شكله الاكتئاب حول بعد جاتك رانيا وروحت
فيصل:تي اسكت اللي قاعد ايصير معايا كأنه حلم
سراج:كيف صار احكي بسرعة
فيصل:اليوم بنخطبها
سراج:قصدك رانيا
فيصل:ومن غيرها يعني
سراج:يعني قصدك حليتو مشكلتكم وحبيتو بعضكم وقررتو تخطبو كله في هالاسبوع اللي غبناه
سندس شافت السراج زين وهي مصدومة وتهمتله بشويش
سندس بشويش:قصدك هو ورانيا
سراج هز راسه بمعنى اها
فيصل:والله هذا كله في الاسبوع اللي غبتوه
سراج:كيف صار هذا كله بس
فيصل:قصة طويلة تبيلها اتقمعيزة لازم انتلاقو اليوم
سراج:تم يانصي العشية انكون عندك وسكر
سندس:جديات يحكي اليوم بيخطب رانيا
سراج:اها يحكي جديات
سندس:والله انوريك يارانيا انا اخر من يعلم ومسكت فونها ورنت علي رانيا
رانيا ردت:حبي روحتي واخيرا
سندس:روحت ياخاينة ياتافهة معقولة اليوم خطبتك وانا اخر وحدة تعلمها
رانيا:عساس انتي كنتي قاعدة لكي كم مقفل ولما سألت عمتو سعاد قالت مسافرة انتي وسراج
سندس:المهم توا قوليلي كيف غيرتي رايك
رانيا:القصة اني اقتنعت بكلامك وعطيت فيصل فرصة بس فاجئني بقصة الخطبة وقال هكي نقعدو اقرب البعضنا ونعرفو بعضنا اكثر الحق ماكنتش مقتنعة بس هو اصر واجد وانا قلت انجرب مش خاصرة شيئ
سندس:هذا احسن راي اديريه في حياتك وحق ربي فرحانتلك من قلبي
رانيا:فرحتك بروحها مااتسدش ياحنة صبي وتي روحك عشان اتجيني وحتى دودي بتجي راه
سندس:خلاص تم توا انجيك اصلا بنعرف اللي صار من يوم المشية لعند اليوم
رانيا:غير تعالي ونحكيلك كل حاجة
سندس:تمام وسلام توا وسكرت
سراج:قصدك بتمشيلها
سندس:اها
سراج:بس اليوم بيجو يخطبوها علي اي اساس انتي بتمشي
سندس:بنمشي علي اساس صاحبتها وعشان انساعد اختها في التقديم وبعدين نحن هكي متعودين
سراج:باهي امتى بتمشي
سندس:انوتي روحي ونمشي
سراج:قصدك انشيلك
سندس ابتسمت:ايوا اتشيلني
سراج:خلاص وتي روحك علي ماخذيت دوش
سندس:تمام
خش سراج ايدوش وسندس قعدت اتوتي في روحها
وبعد طلع سراج لبس ولقى سندس واتية وطلعو مع بعضهم حطها عند رانيا وهو مشى الفيصل واول مانزل لقى فيصل قدام الحوش
سراج سلم عليه;واخيرا بتخش القفص الذهبي
فيصل يضحك:واخيرا?
سراج;كيف صار احكيلي اللي صار كله
فيصل:تعال خش ونحكيلك جوا وخشو ولقو روان وريان يلعبن في الجنان واول ما خش سراج جاتة روان تجري
روان:سيرجو?
سراج شالها:اووو ريونة وباسها
روان:كنك معش اتجينا
سراج:معش نفضى ياريونة
ريان:احسن ان شاءلله ديما معش تفضى?
سراج:لكن ياريونة من يوم وغادي بنقعد ديما عندكم مكر في عرب
روان:ديما تعاللنا بس مااتجيبيش معاك مراتك الجالطة
ريان:اصلا سندس احسن منه
روان:الزرافة هذي في شنو احسن منه
فيصل:اسكتن انتن الاثنين وتحشمن احسنللكن وهي كل وحدة تمشي اتوتي روحها عشان تمشن تلعبن مع مريومة
روان ورويان:ايييي وخشن يجرن بيلبسن
سراج يضحك:من مريومة اللي متفقات عليها وايحبنها هنا الاثنين
فيصل:هذي بنت عمتي من عمرهن وعشان امي ماشية بيقعدن عند عمتي
سراج:كنها ماتخذهن معاها
فيصل يضحك:هذا وين رفضوني دغري
سراج يضحك:والله معاك حق
فيصل:هيا خش وخشو للمربوعة وقعد فيصل يحكيله في اللي صار كله
“””””””””””””
#عند_رانيا
جتها سندس وبعدها بشوي جتها رويدة اللي اجلت مشيتها الهلها بعد المغرب عشان رنوشة
وقعدن يختارن معاها شن تلبس وكيف ادير الميك اب وقعدت هي تحكيلهن في اللي صار
طبعا رانيا ماكانت فرحانة فرحة كبيرة كانت فرحتها عادية والسبب في انها وافقت علي شيئ مش راضة عليه رضى كامل كانت بتحط حد للماضي وبتبدى صفحة جديدة مع الحياة يمكن هالمرة تضحكلها واتنسيها الحزن اللي مرت فيه
اما سندس كانت فرحانة بكل الرانيا وكان عندها احساس كبير ان اللي قاعد ايصير حيكون بداية حياة كلها سعادة الرانيا وحتنسيها اللي فات لانها كانت عارفة كيف رانيا تعذبت ماللي صار معاها
رويدة كانت فرحانة بس بكثر فرحتها كانت حاسة بألم خيها اللي بيحسة لما يعرف ان رانيا انخطبت بس لان رانيا صاحبتها واتهمها سعادتها وعارفة ان مهما صار هي ورؤوف مش حيكونو البعضهم ماحبتش اتبين ولا جابت سيرة رؤوف ابدا وكل اللي كانت اتقول فيه الرانيا ان هذا احسن راي داراته
لبست رانيا(فستان كم نبيتي هادي من عند اليدين من تحت ومن عند الصدر فيه ورد اببض واستشروت شعرها الذهبي الحلو ودارت ميك اب خفيف بكل وطلعت اتهبل)
اما دودي ودوسة سيبنها تلبس ومشن ايساعدن في رنا في المطبخ
“””””””””””””””
#عند_سراج
قعد هو وفيصل في الحوش لين طلعو امه وصبايا خوته الاثنين شايلهم خو فيصل الكبير الحوش هل رانيا هنا بدت فترة التوتر عند فيصل وهو كل مرة ايقول السراج قولك ايوافقو عليا?وسراج عشان ايحوله التوتر خذاه وطلعو عشان يدهورو وايمشو الوقت لين هله ايروحو
“””””””””””””
#عند_رانيا
جت ام فيصل ومعاها كناتها الاثنين واستقبلتهم ام رانيا وخششتهن الدار الضيوف وبعد اشوي خشت رانيا بالعصير وسلمت عليهن وضيفتهن بس ماقعدتش معاهن قعدت كل اشوي اتخش تقعد معاهن وتنحرج وتطلع
ام فيصل كانت كل مااتخش رانيا تقعد اتشوفلها زين كيف اللي ايدور في عيب ورانيا حست بالشيئ هذا وبذات انها طول قعدتها وهي غير تشكر في فيصل وتحكي علي انجازاته?
“””””””””
رانيا خشت علي صاحباتها في المطبخ وهي قالبة وجها وقمعزت عالكرسي
رويدة:كنك جيتي خليك جنب الصبايا
رانيا:ترا فكيني امه مش عارف كنها كيف اللي مش عاجبتها
سندس شهقت:وهي اطول وحدة بسماحتك وطيابتك واخلاقك
رويدة:اسكتي وانتي مركبة وانتي قوليلي شن قالتلك لين حسيتي هكي
رانيا:اول حاجة نظارتها من اول ماانخش اتشوفلي زين كيف اللي بطلعلي عيب وخلاص
رويدة:تي بالك اتبحت لانك عجبتيها
رانيا:فيه فرق بين نظرات الاعجاب وبين واحد بيطلع فيك عيب وخلاص وبعدين اول ماقمعزت قالتلي عيونك زرق صح ولا دايرة عدسات وبعد قلتلها لا هذا لون عيوني قعدت اتقول بنات توا ماعاد تعرف الحقيقة مالكذب من هالمكياج والخبر اللي ايديرن فيه
رويدة:مازال لعند توا مافيش حاجة اكيدة هذا سؤال عادي وديما يارنوشة البنات يسألن فيه لكي
رانيا:باهي ياستي خوذي اللخرة من اول ماقمعزت وهي غير تحكي علي فيصل وطبعه وشغله وانجازاته كانها اتقول مش اي وحدة تقدر تاخذه
سندس:هذي انا عارفتها كويس شن تبي هي معايا
رويدة:تعالي هنا يافرخة مااتودريش البنت راه عارفتهن افكارك
سندس:انتي اسكتي ماعليك وخذت رانيا وطلعت هي وياها وخشت سلمت عليهم وبحكم انها تعرف ام فيصل قمعزت جنبها
وام فيصل مازالت مستلمة فقرة الشكر في ولدها لين قريب اتكره رانيا فيه
ام فيصل:طبعا فيصل رضي ولديه وماايتحمل فيا حاجة الله ايربحه
سمية:مشاءلله وهذي اهم حاجة
ام فيصل:وشاطر في قرايته ومتخرج من هندسة ولان شاطر ومتمكن من تخصصه اشتغل في اكبر شركة في البلاد
سندس:حتى رنوشة مشاءلله عليها رضية وماتحمل حاجة في باتها وامها وفوق من هذا شاطرة وذكية وعشان هكي توا قاعدة تشتغل علي مشروع اكبر شركة في البلاد يعني نفس اللي فيها فيصل
ام فيصل:ماهي الشركة هذي متاع عمك وعشان هكي اكيدة مختارينها لكن فيصل يفرق
سندس:اتصدقي ان المشروع انا ورنوشة نشتغلو عليه من قبل مانجوز سراج ولا نعرفه ولما اجوزته رفضنا اي حد يدخل واختارو المشروع لان احسن مشروع ولان نحن كنا اذكى وحدات في الدفعة والمشروع خذيناه بتعبنا نحن ومش بواسطة وبعدين قربت من ام فيصل وحكتلها بشويش تقريبا فيصل صاحب سراج وعارفة كويس هو وسراج في شنو كانو ايديرو من قبل يعني لو اي عائلة تعرف ماضي فيصل ماحد يعطيه بنته
ام فيصل ماكانت عارفة ان سندس عارفة اللي كان ايديرو فيه فيصل وسراج ولانها عارفتهم انهم كانو يشربو ويسهرو سكتت وزمطت السانها?
ام فيصل:مشاءلله معناها شاطرة لان فيصل حكالي ان مشروع كبير
سندس;اها واغلب الشغل شايلته رنوشة لاني انا وبسبب ظروفي معش قعدت انجي واجد للمشروع
ام فيصل:ربي يعطيها الصحة الحق مشاءلله عليها
وبعد اشوي طلبت رانيا من امها وام رانيا قالتلها نحكو الباتها ونسألو عليه وبعدين نعطوكم الرد وخرفو اشوي وبعدها جاها ولدها وخذاها
“””””””””””
بعد روحت ام فيصل خشت رانيا بتغير دبشها وخشن معاها صاحباتها
سندس تضحك:لو شفتي بس يادودي كيف سككتها
رويدة تضحك:حقيرة من يوم يومك عارفتك
رنا:وراس دوسة شن قلتيلها لين سكتت
سندس تضحك:جيتها عالوتر الحساس اللي تحسابني مش عارفته قلتلها تهيالي فيصل صاحب سراج ولو تعلم اي عائلة باللي كان ايدير فيه مستحيل تعطيك
رويدة;مجلطك ياحقيرة تخيلي عصبت ودارت اي حاجة
سندس:ماتقدرش لان في هذك الساعة توا يعلمو هل رانيا وكان هل رانيا علمو بتبدى القصة تنتشر وبعدها ماعاد حد يعطي ولدها وبعدين هي جاية هنا بأمر من فيصل ولو فيصل عرف اللي دايرته وان هي اللي خربت الخطبة اكيدة حيزعل منها
رنا:بس حرام عليك فيصل كويس وحتى راجلك تغير ليش تحكي هكي
سندس:تغيرو بس ماضيهم ماايشرفش
رويدة:وووه كلا انتي ينخاف منك
سندس شافت الرانيا:رنوشة كنك ساكته مش عاجبك اللي درته وخليتها تسكت
رانيا:القصة مش قصة تحكي ولا تسكت القصة في انها شكلها جاية غصب عنها وتكرهني من قبل ماتعرفني بالله عليك كيف بنبدى حياة هكي
رنا:مش مشكلة اهم شيئ فيصل ايحبك
رانيا:مش كل حاجة الراجل ايحبني حتى عيت العم وحبهم لكي له دور معقولة ياربي الحظ اللي عندي?
سندس;بالعكس حب الراجل هو الأهم توا اهو قدامك خذيت سراج وكانت امه اتحبني موت بس هذا كله مامنعش المشاكل اللي بينا وماغيرش فكرة ان هو يكرهني وانا نكرهة وشفتي كيف تعذبنا لين في الاخير حبينا بعضنا هذا عليش حب الراجل هو المهم
رويدة;وانا خذيت معاذ واعميمة والبنات ماايتحملن فيا حاجة وشفتي المشاكل اللي صارن لان معاذ كان ايفكر في الماضي وماكان ايحبني حب كامل فانتي احمدي ربك انك طحتي في راجل ايحبك وااجد وماعندش ماضي اما عمتك تكسبيها بعدين بالشوية بالشوية تلقيها في صفك
سندس:ولو ماحباتك عنها ماحبت في الاخير عندك حوش يمسكك
رانيا:لا يادوسة مش هكي مانبيش حياتي تقعد هكي
رويدة صبت وقمعزت جن رانيا:حبي توا فكري في الاهم واللي هو فيصل وكيف بتحبيه واتخلي حياتك حلوة معاه وعمتك حتحبك بعدين لان والله ماتلقى احسن واحن منك
سندس:رنوشة اضحكي ومااتفكريش في هذا كله كل شيئ ينحل بعدين صدقيني
رانيا;ان شاءلله يابنات
الكل:ان شاءلله
وبعدها طلعن ايلمن في الحوسة مع بعضهن
“””””””””
#عند_فيصل_وسراج
روحو وقمعزو في الجنان يرجو في ترويحة ام فيصل اشوي وهي خشت ونزلت بروحها لان كناتها بيروحن
ام فيصل:خير
فيصل وسراج:خير
فيصل:ها طمنيني شن صار
ام فيصل:شن بيصير يعني طلبتها لكي وقالو بيسألو وبعد كم يوم يعطونا الرد
فيصل:باهي انتي شن حسيتي موافقين ولا لا
ام فيصل:هكي مابانش علي امها رفض لكن بتسال باتها قبل
فيصل:يارب ايوافقو
ام فيصل:وكان ماوافقو البنات مالحد?
فيصل:بس انا نبي هذي وغيرها مش واخذ
ام فيصل:باهي خلاص فهمنا وجت بتخش وبعدها ردت
ام فيصل:وانت يا سراج مراتك مشاءلله علي السانها ان شاءلله غير صاحبتها مش زيها
سراج;شن قالتلك ياعمتي
ام فيصل:أسألها انت?وخشت
فيصل قعد يضحك:زعمك شن قايلة شكلها مرقيتها الامي
سراج يضحك:ام السان انتوقع منها أي حاجة?
فيصل:يستر الله وخلاص
سراج:سلام بنعدي انجيبها خير مااتخرب الدنيا?
فيصل:سلام
سراج طلع وفيصل خش علي امه وقعد ايحقق معاها
“””””'”””””
معاذ وسراج وصلو الحوش رانيا مع بعضهم وكل واحد رن علي مراته تطلع
لبسن البنات وسلمن علي رانيا وهلها وطلعن لقن معاذ مصبي عند سيارة سراج وايخرفو مع بعضهم
سندس:خيرات معاذ شن اخبارك
معاذ:تمام الحمدلله شن اخبارك انتي
سندس:الحمدلله
سراج كان ايفنص في سندس وعيونه بيطلعو سندس فطنتله ونغزت رويدة وهي فهمت ان تبيها اتسلم علي سراج
رويدة:شن اخبارك ياسراج
سراج:الحمدلله شن اخبارك انتي
رويدة:بخير
سراج شاف السندس:هي اركبي
سندس:هي وروكبت
معاذ:سراج نرجى في زيارتكم لنا
سراج:ان شاءلله
طلع سراج ومعاذ ورويدة ركبو وطلعو حتى هما
سراج بعصبية:من قالك احكي معاه وشن تعرفيه اصلا عشان اتقوليله خير
سندس:اول حاجة هو راجل صاحبتي مافيها شيئ كان قتله خير وبعدين حتى هي قالتلك خير وفوق هذا معاذ كان يقرا معانا في الجامعة يعني نعرفه
سراج:وشن تعرفيه ان شاءلله
سندس:يي قصة 4اسنين هو ورويدة وتبيني مانعرفه تي قصتهم عرفتها الجامعة كلها
سراج:وشن قصتهم
سندس قعدت تحكيله في قصة معاذ ورويدة لعند ماوصلو عالحوش وخشو مع بعضهم
سراج:وااو عليك قصة طويلة اتصير مسلسل
سندس:بككل
سراج:عالمهم معش نبيك اتقولي خير الراجل بكل ولا تحكي مع اي راجل
سندس:وعليش
سراج كرها شوره:انغار عندك مانع
سندس:بس مش للدرجة هذي الغيرة
سراج:للدرجة هذي ونص انتي مازال ماشفتي شي والله متمني انحطك في دار بروحك وماانخلي حد ايشوفك ولا ايجي شورك الا انا بس
سندس:ياساتر للدرجة هذي الغيرة
سراج زاد قربها منه:قولي للدرجة هذي الحب
سندس:لا الحب عارفته واجد
سراج:والغيرة اكثر منه وحظنها زييين
وبعد الحظن
سراج:عارفة اني مرايفلك وااااااااااجد
سندس تضحك:لنا اسبوع في مكان بروحنا وياما درنا واليوم في الصبح وانا معاك ماشبعتش
سراج:انا نشبع منك مستحيل حتى لو العمر كله مانشبعش نقعد نبي عمر اخرى فوق عمري
سندس:ناعليا من كلامك?
سراج;ناعليا منك انتي وخلاص وقرب بشويش وقعد ايبوس في شفايفها وبعدها شالها ورقى بيها للدار حطها عالسرير وقعد ايحوللها في وشاحها وعبايتها وجا عليها وقعد ايبوس فيها بوسات خفيفية ورومانسية علي شفايفها ونزل علي رقبتها والباقي طبعا #مششششششففر
“”””””””””””””
#عند_رانيا
قاعدة اتهدرز هي ورنا ومازال مهمومة من قصة ام فيصل وان شكلها مش حابتها مع رنت فيصل ورانيا ردت
فيصل:توا نقدر انقول انك مراتي
رانيا:مازال بدري هي خطبة توا
فيصل:باهي امك حكت الباتك
رانيا:بابا مالش واجد روح وتقريبا ماما مازال ماحكتله
فيصل:قولك ايوافق
رانيا:اكيدة بيسأل عليك وعلي هلك قبل وبعدها ايجي وياخذ رايي وعلي ضو الحاجات هذينا يعطي رايه
فيصل:ان شاءلله ايوافق
رانيا:ان شاءلله
فيصل:تعرفي لو ماايوافق بنقعد زاقبله كل يوم قدام الحوش وانقوله نبي بنتك عطيني بنتك لين ايمل مني ويعطيك ليا
رانيا ضحكت:لا مش للدرجة هذي وبعدين عندي احساس ان بابا حيوافق لان بابا في الاول والاخير اتهمه سعادتي انا
فيصل:وانتي حتقعدي سعيدة معايا
رانيا:انت شاب كويس واي وحدة في الدنيا اتمنى واحد زيك وايكون ايحبها زي مااتحبني بس
فيصل بخوف:بس شنو
رانيا:امك شكلها مش حابتني
فيصل تنهد:حنكون معاك صريح وانقولك امي ليش مش حابتك هي مش كره فيك او الشيئ معين فيك انتي بس امي كانت خاطبتلي بنت خالتي وانا لما حبيتك فسخت الخطبة وهذا السبب والله
رانيا:من جدك انت يعني انا كنت سبب اتسيب بنت ناس مالهش ذنب وبسببي فسخت خطبتك معاها وقطعت نصيبها
فيصل:وسعيلي بالك انا البنت اصلا ماانحبهش وامي من ثلاث سنين قالتلي شن رايك فيها قلتلها تمام البنت كانت صغيرة وقالت خالتي ماتاخذهش لين اتخش للجامعة وخلاص قعدت نرجى فيها ومنها انكون روحي بس ولا مرة صار بينا كلام ولا حاولت ناخذ رقمها لان ماكانش فيه اي مشاعر تجاههة ولما حبيتك قلت مانكذب علي حد ونخدع حد مشيت الخالتي وحكيتلها اللي صار بس امي قعدت مش مقتنعة لين فاتن بروحها جتنا من كم يوم وهي بروحها حكت الامي وامها وطلعت تبي ولد عمها ومن يومين جا خطبها يعني انتي ماقطعتي نصيب حد
رانيا:جديات تحكي انت يعني البنت اتحب واحد ثاني
فيصل:انا عمري كذب عليك وعشان اتزيدي اتصدقي لو تبي انجيبلك رقمها وتحكيلك هي كل حاجة
رانيا:لا مصدقتك من غير مانسال حد
فيصل:ومااتشيلي بال من امي هي طيبة بس مازال واجعتها اني ماخذيتش بنت اختها وحرجتها مع خالتي بس انا متأكد اول ماتعرفك كويس حتحبك عشان انتي مافيش حد يعرفك وماايحبكش
رانيا:ان شاءلله
فيصل:ان شاءلله وقعدو ايخرفو
“””””””””””””
#عند_رويدة
شالها معاذ الهلها وتعشو مع بعضهم وبعد العشاء هو روح وهي قعدت بايته عند هلها
قمعزت هي وامها ايخرفن ويشربن في شاهي بعد العشاء
رويدة;عارفة اليوم عليش كنت عند رنوشة
عالية:عليش ان شاءلله خير
رويدة:لا خير اليوم كانو جايينها عرب
عالية:مشاءلله باهي ربي ايهنيها تستاهل كل خير
رويدة:ان شاءلله ربي ايهنيها رنوشة ماتستاهلش اللي صار فيها كله
عالية:والله صدقتي كان تعرفي كيف كنت متمنيتها تقعد كنتي غير كل شيئ نصيب
رويدة:من قال رؤوف ورانيا ماياخذوش بعضهم لكن صح كل شيئ نصيب
عالية:اي والله
رويدة:ماما ردبالك اتجيبي سيرة قدام رؤوف انها انخطبت
عالية:هكي هكي مصيرة عالم
رويدة:بالك مايعلم الا وجرحه خاف اشوي ولا يقعد متعرف علي وحدة واتهون عليه وينسى اللي صار
عالية:وانا شن انتمنى عيالي الاثنين تعقدو ماللي صار وتوا مافيهم ولا واحد مفكر في الزواج
رويدة:قصدك حتى عصام مش مفكر ان يخطب مرة اخرى
عالية:ييي عصام هو اللي معش ينحكى معاه بكل في الموضوع هذا وتوا طالعلنا بقصة جديدة قال بيسافر وايكمل قرايته برا
رويدة:ربي يهديهم وخلاص
عالية:ان شاءلله
“”””””””””””””
#عند_أبطالنا
بعد كمل #التشفييير دوشو ونزلت سندس اتوتي في العشاء وبعدها جاها سراج وقمعزو يتعشو مع بعضهم
سراج:خطرها حبيبي شن قايلة الام فيصل انتي
سندس:انت شن عرفك اني قايلتلها حاجة
سراج:لما روحت كنت انا وفيصل مع بضنا ولما جت قالتلي مراتك عليها السان مشاءلله عليه ان شاءلله غير صاحبتها مش زيها
سندس قعدت تضحك
سراج:والله شن قايلتيلها
سندس قعدت تحكيله في اللي داراته ام فيصل وفي اللي هي حكاته الها
سراج قعد يضحك:معقولة اتعايري فينا بماضينا
سندس:مش انعاير فيكم بس هي نرفزتني بكلامها وهذا الشيئ الوحيد اللي ايسكتها والله كثرت علي رنوشة وامها وهنا طيبات ماعندهن في جو عزق الكلام هذا
سراج:اه منك ياام السان خاطري انقصة السانك هذا
سندس بعصبية:اتقصه?
سراج:انقصه بطريقتي انا وعظ علي شفايفه
سندس:عيب الكلام هذا معش اتقوله☺
سراج:مازال ماشفتي شيئ مالعيب وصبى
سندس:سراج بطل بلا صماطة خلاص
سراج جا شورها:اسكتي بس انقولك حاجة سمحة
سندس صبت:مش ساكته عارفتك شن تبي ومشت تجري
وسراج لحقها وخشو للدار (خلاااص سكرو الدار في شن ترجو?)
“””””””””””
#عند_رويدة وتحديدا الساعة11 روح رؤوف وقعد ايخرف مع رويدة وامه وباته وبعد اشوي باته وامه خشو رقدو
رويدة:خطرها اوفا جبتلك علي اسيل المعلومات كلهن
رؤوف:باهي هي قوليهن ياجيمس بوند?
رويدة:اتهزى صح معش حاكية شيئ
رؤوف:احكي بلا صماطة انبصر
رويدة; اسيل م93 ترتيبها عند هلها اصغر وحدة واكبر واحد خوها عبدالسلام وبعدها اختها لينا اللي اكبر منها بسنة وبعدها هي طبعا باتها مقريها بدري عشان تقعد هي واختها مع بعضهن هي بنت طبيعية وعادية جدا وشاطرة في قرايتها خذت الشهادة الثانوية وكان حلم حياتها اتخش طب لعند اليوم اللي توفت فيه اختها انقلبت حياتها فوقي تحتي الدرجة انها حاولت تنتحر وقعدت فترة في المستشفى وتابعت دكتور نفسي بس حالتها ماتحسنتش واجد وموت اختها اثر علي قرايتها سجلها باتها في الطب وقرت الاعداد بس كم شهر و وبعدها ماقدرتش اتكمل وقررت اتبطل من قرايتها ومن هذك اليوم وهي مش مصدقة موت اختها و عايشة حياتها هكي وخلاص لا تقرا لا تشتغل ودائما مكتئبة وعايشة عالادوية المهدئة وخلاص
رؤوف:مسكينة والله
رويدة:حتى انا لما عرفت اللي صاير معاها وجعتني بس قولي اللي قلته لكي فادك بحاجة
رؤوف:لا والله حسيت مافيش حاجة مهمة ولا شور الموضوع اللي نبيه
رويدة:مع اني قلت ممكن ايفدنك
رؤوف:مش مشكلة انا حنقعد ورا الموضوع لين انحله بس انتي تقدري اتجيبيلي رقمها
رويدة:تمام انجيبه لكي بس قولي شن بدير برقمها
رؤوف:انحس في ان اللغز هذا مش حينحل لين نحكي معاها
رويدة:تمام حنجيبه لكي وان شاءلله ايفيدك
رؤوف:ان شاءلله
وقعدو ايهدرزو مع بعضهم بس رويدة ماجبتلش سيرة خطبة رانيا بكككل
“””””””””””””
#صباح_يوم_جديد
سراج وسندس ناضو زي كل يوم علي احلى جو رومانسي?وبعدها فطرو مع بعضهم وطلعو حطها هي في المشروع ومشى هو للشركة
“””””””””””
#عند_صالح
واخيرا جا اليوم اللي بيمشي فيه للمدرسة وبيشوف البنت اللي شقلبت كيانه
(لبس جينز كحلي ومن تحت مكبع وعليه قميس وردي وقولف كحلي وكندرة كحلية ارضيتها بيضاء وكان شعره طويل)طبعا هو كان حلو كان اسمر وعيونه سود وشعره اسود وكان طويل وعريض وكان ايتمرن في صالة فكان جسمه عظلات?بس كان ايستايله فريد ولبسه فريد فكان هذا اكثر شيئ يلفت انتباه البنات له
بعد كمل لبسه طلع دغري للمدرسة وهو في عقله كيف يحكيلها وكيف ايفهمها اللي حاس بيه
قعد مع المدرسين في حجرتهم لين ايجي وقت حصته لان الاخ من كثر ماهو متشوق جاي بدري?كانت حصته الثالثة وحس الوقت طويييل لين جت حصته ورن الجرس وجت الحصة وخش عالفصل (طبعا كان شاب و حليوة وماغباكن ايام الثانوية اكبر فرحة لما ايجينا استاذ شاب وطبعا كانت في النادر اتصير?)فكل البنات اول ماخش اللي فتحت فمها واللي قعدن ايوشوشن واللي بدن في الابتسامات وخش عمكن صالح بكل شخصية حلوة وقال
صالح:صباح الخير
كل البنات:صباح النور
صالح خش وقمعز عالطاولة ?
صالح: انعرفكن علي نفسي انا استاذ الفرنسي الجديد واللي حنبدى معاكن من اليوم وان شاءلله حيكون منهج بسيط ومش حنتعبو مع بعضنا (وطبعا وهو يحكي كانن عيونه ايحومن عالبنت)
صالح:اليوم مافيش حصة حنتعرفو علي بعضنا بس
البنات فرحن:تمام استاذ
وبدا بالترتيب يسأل في كل وحدة شن اسمها لين وصل عالهدف المطلوب ?وصباها بيسالها علي اسمها
البنت:اسمي رنا—-
صالح:عاشت الاسامي يارنا تفضلي قمعزي
وبعد اشوي كمل كل البنات وقعد ايهدرز معاهن وايعرف فيهن علي حناطته طبعا?وبعد اشوي كملت الحصة وطلعن كل البنات ولما جت رنا بتطلع هي وصاحباتها
صالح:معليش رنا خليك نبيك لحظة
رنا قعدت مستغربة وصاحباتها طلعن وخلنها
صالح:ماعرفتينيش يارنا
رنا:لا ماعرفتكش
صالح:يعني مش مار عليك بكل لاشكلي ولا اسمي
رنا هزت براسها بمعنى لا
صالح:انا كنت جاركم في حوشكم القديم ومن انتي صغيرة كنتي ديما تلعبي معايا وحتى اني كنت كل يوم انوصل فيك علي مدرستك
رنا:بصراحة مش متذكرة يعني انا حتى حوشنا القديم مانذكرش واجد
صالح:اسالي هلك توا يحكولك
رنا:ان شاءلله عادي نطلع توا
صالح:تمام تفضلي ورنا طلعت
صالح;شكلي بنتعب معاها هذي لكن بجد فيها حاجة غريبة اتقرب فيا منها وبعدها طلع وقعد طول استراحة الفطور وهو ايشوفلها مالشباك متاع حجرة الاساتذة وايراقب في كل تحركاتها
“”””””””””””
الساعة 1م
روح سراج وسندس وكلمتهم عفوفة عشان ايتغدو معاهم واثناء الغداء
عفوفة:فؤاد ولد مصطفى جاه وليد واليوم دايرين لمة وعشاء وكلموني امبدري يعزمو
محمد:صح كلمني مصطفى باهي اللي ذكرتيني
عفاف:لازم تمشو
محمد:ان شاءلله حنمشو
عفاف:دوسة يعني اليوم تحملي مافيش قيلولة وتيلي روحك عشان نمشو مع بعضنا
سندس:حاظر اعميمة
سراج:خلاص معناها انا ناخذ قيلولة علي ماوتيتن وبعدها نوعى انشيلكن
عفاف:باهي تمام
بعد اشوي كملو الغداء وسراج وسندس روحو الحوشهم وسراج خش بياخذ قيلولة وسندس قعدت اتوتي في روحها واتجهز في لبستها
“””””””””
عالساعة 3:30 سندس كانت مستشورة شعرها ومكيجة وموتية لبستها بس قررت تمشي اتشوف عمتها مرات تبي مساعدة في حاجة قبل ماتلبس
وطلعت وخشت للفيلا ولقت تالين طالعة مالمطبخ وفي يدها كباية عصير
تالين:كنك مازال ماجهزتي
سندس:جاية بنشوف اعميمة مرات تبي حاجة
تالين:هي فوق في دارها شوفيها
سندس:تمام وطلعت
تالين خطرت في بالها حاجة حطت كباية العصير وطلعت بسرعة وجت الحوش سراج وسندس لقت سندس مسيبة الباب مفتوح خشت ورقت فوق وخشت الدارهم لقت سراج راقد قربت منه وقمعزت علي حاشية السرير جنب سراج وقعدت اتشوفله وهو راقد وفي لحظة حطت يدها علي لحتيه وقعدت اتحرك في يدها بشويش سراج ابتسم ومسك يدها وكرها شوره وحظنها وهو مازال مغمض عيونه
سراج;مش قتلك معش اتوعيني هكي لانك عارفة اللي بيصير بعدها وفتح عيونه وهنا كانت الصدمة?
سراج بعد منها وصبى بسرعة
سراج بعصبية:انتي شن اديري هنا
تالين:انا اسفة انا كنت
سراج بعصبية:انتي شن كنتي انتي كيف تسمحي ان اتصير حاجة زي هذي
تالين:انا مش قصدي ايصير هكي انا كنت جاية بنتاسفلك عاللي صار امس وانت اللي كريتني
سراج:انا نحسابك سندس لان هي اتوعي فيا هكي بس انتي اللي غلط منك اديريلي هكي اصلا كيف تجرئي واديريها
تالين:حتى انا كنت انوعي فيك هكي ونحن في المانيا ولا انسيت
سراج:الوقت هذكي يفرق عن توا
تالين:شن يفرق اهو انت وهذي انا شنو اللي تغير
سراج:زمان شيئ وتوا شيئ توا فيه سندس اللي مش حتفهم ان عندي صديقة وعادي اديريلي هكي وانا بروحي مش حنرضى غيرها ايديرلي هكي
تالين:يعني توا سندس عندك اهم مني من تالين اللي عشت عمرك معاها
سراج:اكيدة واطلعي برا ياتالين مش داعي سندس اتخش هنا واتصير مشكلة بينا
تالين:تمام وطلعت
وبعد اشوي جت سندس ولقت سراج مقمعز عالسرير
سندس:وعيت حبيبي
سراج:اها
سندس:مش عساس قتلي مش حنوعى لين اتوعيني
سراج:رن التليفون وعاني
سندس:باهي حبي صبي اغسل وتعال عشان اتشوف اللبسة اللي جهزتها لكي تعجبك او لا
سراج صبى وباسها علي خدها:اكيدة تعجبني
سندس:ناعليا منك وحق الله انحبك وباساته بوسه سريعة علي شفايفه
وبعدها سراج خش الحمام دوش عالسريع وطلع لبس لبسته وسندس لبست وطلعو لقو عفوفة جاهزة بس باعتهم ومشت مع راجلها? ومشو كلهم العيت سيدهم
“””””””””””””””
#عند_هل_رانيا
جت رنا وحكتلهم اللي صار معاها وعلي صالح وكلهم حكولها اللي كان ايصير وكيف صالح كان مهتم بيها بس طبعا كل هالكلام مااثر غيها لانها اصلا مش متذكرته
“””””””””
مر اليوم عادي من دون أحداث تذكر
كل واحد وحياته هادية
سراج وهله ماروحوش من عيت عمهم الا قريب الساعة 12 في الليل وكل واحد مشى الحوشه
“””””””””
#صباح_يوم_جديد
كالعادة سراج وسندس وعو بدري وفطرو وشالها للمشروع وهو مشى الشغله بس كان اليوم هذا عندهم شغل واجد في الشركة الدرجة ان ماقدرش ايروح بسندس فكلماته وقالتله ان بتكلم باتها وتمشي الهلها وهو وافق وكلمت سندس باتها ومشت الهلها
“””””””””
عالمغرب سراج جا للفيلا بيدوش ويمشي الهل سندس ايجيبها بس لما وصل للفيلا خش بيشوف عفوفة قبل مايمشي الحوشه
سراج اينادي;عفوفة
تالين نزلت من فوق:عمتو مش قاعدة
سراج:وين مشت
تالين:قالت ماشية الخالتك
سراج;من شالها
تالين: شالها السواق
سراج:تمام وطلع
تالين لحقاته
تالين:سراج:نبيك في موضوع
سراج:شنو
تالين:اول حاجة وين سندس
سراج:عند هلها
تالين:احسن عشان نحكي براحتي
سراج شافلها زين:بتحكي ولا كيف انا مستعجل
تالين:ليش مغير معاملتك معايا
سراج:مش مغيرها بس الظروف هنا اللي تغيرن
تالين:يعني مازال اتحبني زي قبل
سراج:اكيدة بس نبي منك اللي تكرر اليومين اللي فاتن معش ايتكرر لان الوضع توا يفرق عن زمان
تالين:تمام بس انت تعرف انت شنو بالنسبة ليا
سراج:اكيدة عارف
تالين:باهي شنو
سراج:انا صديقك وزي خوك بزبط
تالين:معش اتقول زي خوك لانك مش خويا ومعش اتقول صديق لان طريقة معاملتنا البعضنا زمان عمرها مااتكون طريقة اصدقاء
سراج:طريقتي زمان كانت مع اي بنت بس انتي بذات ماصارش بينا شيئ ايدل علي ان مش اصدقاء وانتي عارفة اني طول الوقت انعامل فيك انك صديقتي
تالين:لا ياسراج نحن مش اصدقاء وعمري مااعتبرتك صديق طول الوقت انعامل فيك هكي بس الحقيقة مش هكي انا انحبك وطول الوقت نبيك اتحس بس انت ماكنتش منتبه وكنت نحساب انك مش متاع حب وهذا ليش ماحكيتش بس توا اهو طلعت تعرف اتحب وانا انحبك فاالاولى اتحبني انا لاني انحبك من قبلها
سراج كان مصدوم من كلامها
سراج بعصبية وصوت عالي;تالين توا اتلمي دبشك وتطلعي من هنا
تالين بصدمة:انت تبيني نمشي
سراج بعصبية:تمشي ومعش بنشوف وجك هنا بكككل
تالين نزلو دموعها:حاظر اللي تبيها حنديرها ومش حتشوف وجي بكل بعد اليوم بس مش معنى هكي اني انبطل انحبك
سراج بعصبية وصوت عالي:تالين امشي وهنا معش اتردي
مع جيت عفوفة
عفاف:شن فيه كنكم
#يتبع
حي طلعت اتحبه?
بس قولكن شن موقف عفوفة كان عرفت?وهل سراج حيضعف من حب تالين ولا حب دوسة اكبر ? وهل تالين حتمشي واتسيبهم صح ولا حتقعدد وحيوصل الخبر الدوسة?
وصالح طلع ايحب رنا ?بس هي حتحبه ولا لا?
ورنوشة قولكن تقدر اتعايش مع فكرة كره عمتها الها ولا حتكون هي سبب فراقهم?
اما رؤوف حيلقى الحل في ان ايكلمها وباهي شن رد اسيل من مكالمته?
كله حنعرفو في الحلقة الجاية?
بنات انحب انطمنكن مازال حلقتين وتكمل الرواية ?
أسفة علي تاخيري بس ماكنتش في الحوش كنت انرفه بعد الامتحانات??
أسفة لو فيه لخبطة في الأسماء وأكيد رأيكم ايهمني?
گـتـابـتـي Koka Saleh