منحرف وأحببته
الـحـلـقـة (29)
گـتـابـتـي #Koka_Saleh
“””””””””””””””””””””””
حسبي الله ونعم الوكيل في اي وحدة تنشر الرواية قبل ماانكملها
“”””””””””””””””””””””””
سراج قعد ايشوف الشفايفها وقرب منها وباسها وسندس ماعارضتش البوسة وشاركاته فيها وكانت هذي اول مرة ايبوس سندس من دون معارضة منها
بعد بوسة #طويييييييييييلة سندس بعداته
سراج بحنية:انا حاب ايصير بينا حاجة وتوا
سندس:بس بشرط
سراج:شنو
سندس:توعدني معش فيه سهور واتبعد علي كل بنت تعرفها
سراج:شن قضدك
سندس بعدت منه:قصدي لو صار بينا شيئ حتكون معايا انا بس ومعس فيه اي بنت اخرى في حياتك
سراج يضحك:انتي تحكي من جدك مااتبصريش
سندس:لا ماانبصرش
سراج:انتي ناسية اتفاقي مع باتي واني ارضيت بالزواج كله بس عشان ماننحرمش مالسهور والبنات هذا طبع فيا مستحيل انسيبه
سندس:بس انت بروحك قلت معجب فيا وان الاعجاب بداية حب والمفروض لما اتحب وحدة تقعد الها هي بس
سراج:هذا كلام أفلام انا مانقدرش انكمل حياتي علي بنت وحدة #Koka_Saleh
سندس:امالا شنو كلامك اللي قلته والاعجاب والحب
سراج:اوكي ماننكرش اني معجب بيك بس في نفس الوقت مانقدرش انتقيد ونقعد بس معاكي انتي هذي مستحيل نوعدك بيها عشان مانقدرش انديرها انا حياتي كلها بنات
سندس:وانا عمري مانرضى انكون رقم من بين مجموعة ارقام الحد انا ياانكون بروحي ياماانكونش بكل
سراج;شنو قصدك
سندس:قصدي واضح
سراج:يعني ماتبيش اتكون بينا حاجة الا اذا وافقت علي شرطك
سندس:بزبط
سراج;بس انا مانقدرش انوافق علي شرطك ومانبيش نكذب وانقولك باهي وانا اصلا بنديرها
سندس:يبقى اطلع برا وانسى اي كلام حكيناه توا
سراج:هذا أخر كلام عندك
سندس:ماعنديش غيره
سراج:تم وطلع وهو معصب من سندس عالاخر
اما سندس قمعزت عالسرير وهي نادمة انها عطت فرصة الواحد زي هذا
“”
فيصل:باهي فكرتي في الموضوع اللي حكيته لكي تمبدري
رانيا:انت عارف وضعي توا وسندس عارفة اني انا مش مهيئة الموضوع هكي بس انا حنحكيلها انك معجب بيا لو حسيت انها مستغربة الموضوع وحست يشئ انفوت الفكرة ولو حسيتها مشت الموضوع عادي يبقى تمام انديرو خطتنا
فيصل:تمام باهي حتى هو رأي
مع طلعت سراج معصب وفيصل شافه
فيصل:صاحبنا طالع معصب شكلها صايرة بينهم طحنة
رانيا:شكلها
فيصل:خليك هنا انشوف شن صاير وعلي ضوة انقولك شن اتقولي السندس #Koka_Saleh
رانيا:تمام
وفيصل مشى شور سراج
فيصل جاه:نصي كنك قاعد هنا بروحك تعال انكملو اللعبة
سراج بعصبية:فيصل تعرف اتخاطى وجي توا
فيصل:لا مانعرفش وشكلك معصب احكيلي كنك
سراج:ماكني شيئ بس حل من قدام وجي
فيصل:عيب يانصي عمري ماتعودت انسيبك وانت معصب احكيلي كنك
سراج تنهد وسكت
فيصل:تعاركتو علي لولي هذي
سراج بعصبية:تخيل اتقولي تبيني نقعد معاك سيب السهور والبنات #Koka_Saleh
فيصل:وشن فيها كان درتها ماهي البنت عاجبتك ومقتنع بيها
سراج:اوكي عاجبتني بس مش الدرجة انسيب السهور والبنات علي خاطرها
فيصل:بس هذا طلب بسيط وانت تقدر اديره
سراج بعصبية:طلب بسيط عندك انت مش عندي انا ولا انت ناسي ليش انا قبلت بكل هالهم والزواج اللي عمري مااقتنعت بيه والشركة اللي نكرهها ونكره الساعة اللي نمشيلها فيها ماهو كله عشان مايحرمنيش باتي من الفلوس والسهور وهي جاية تطلب هكي بكل سهولة
فيصل:سراج مااتسكرش راسك الحالة اللي انت فيها عمرها ماصارتلك ولا حسيتها مع اي بنت يعني هذا الحب اللي عمرك ماحسيت بيه مااتضيعش عشان كلام فاضي ووافق عاللي قالاته لكي
سراج بعصبية:لا مش كلام فاضي وبعدين اي حب هذا اللي تحكيلي عليها انا البنت عاجبتني مش حبيتها فيه فرق وبعدين انا توا فهمت موضوعي معاها القصة لا حب ولا اعجاب القصة كلها عندي غرض معين وبناخذه منها بس برضاها هذا حد الموضوع
فيصل:انت تكذب علي روحك لو في عقلك غرض معين راك وافقت علي شرطها وبعدها خالفته عادي عشان هي تقعد مش هامتك لكن انت رفضت عشان عارف روحك ماتقدرش ادير طلبها وماتبيش تجرحها
سراج بعصبية:لا غالط انا كل القصة اني نبيها زي مانقعد نبي اي بنت تعجبني وهذا احساسي وانا عارفة اكثر منك وكان بتقعد هنا معش تحكي فيه الموضوع هذا ولا انقولك مسيبها لكي كلها اقعد فيها وعدى وسيب فيصل مصبي بروحه #Koka_Saleh
فيصل مشى الرانيا
رانيا:ها شن صاير بينهم
فيصل:انتي عدي وهي حتحكيلك القصة كلها لكن انقولك حاجة تنصحيها بيها وعساس منك انتي
رانيا:تمام شنو
فيصل:معش تعطيه وجه مرة اخرى واي فرصة قدامها اتشعل غيرته اديرها له وهي اكيدة عارفة شنو اللي ايعصبن فيه وماايحبهنش اديرهن كلهن
رانيا:تمام توا نمشيلها توا ومشت وجت للدار ودقت وخشت عليها ولقت سندس مقمعزة عالسرير وباين عليها معصبة
رانيا:شفت سراج نازل معصب عرفتكم متعاركين
سندس بعصبية:هالبارد ان شاءلله ايموت ونفتك منه
رانيا:كنكم شن صار بينكم
سندس:ماصار شيئ
رانيا:انتي تعقدتي من اول ما روان حكت ان ايكلم في بنت
سندس:من جدك تحكي معقولة انا انفكر هكي انا بس نعست
رانيا:دوسة انا مش صغيرة وعايشة قبلك تجربة حب ونعرف لما الوحدة اتغار كيف تصرف وقبل هكي انا صاحبتك وحافظتك ماادسيش عليا واعترفي انتي حبيتي سراج صح
سندس:اهدي اشوي اي حب تحكي عليه
رانيا #Koka_Saleh:باهي نحن خوات وانتي ياما نصحتينا ايام علاقاتنا جا الوقت اللي نحن ننصحوك قوليلي احساسك واللي صار بينكم مرات نقدر انساعدك
سندس سكتت
رانيا:دوسة ياقلبي لو حاسة تجاهة بحاجة هذا امر طبيعي واي بنت اتحس بيه وبذات ان راجلك وعايشة معاه في حوش واحد وسراج طبعه سمح وفكاهي وتصرافته حلوة يعني اي بنت تعجب بيه
سندس بحزن:بس صايع واني حسيت تجاهة بشئ هذا أكبر غلط
رانيا:يعني فيه حاجة تجاههة باهي شن هي
سندس:مش عارفة انا كنت خايفة من احساسي يعني انا قعدت انحب ان ايعصبني وانحب كلامه وبصارته عجبني جوه وكيف يتعامل مع هله شفت فيه الجانب الكويس اللي ماحد عارفه كنت انحاول انتهرب مالفكرة وان هو عاجبني بس توا لما لحقني هنا وحكينا حكالي كلام انا صح اندير فيه وهو كان حاس ان معجبة بيه وهو اعترف ان معجب بيا بس وسكتت
رانيا:بس شنو
سندس:الكلام اللي بنحكيه توا يقعد بينا
رانيا:اكيدة ياقلبي امتى عمرنا حكينا اسرار وطلعن
سندس:انا ماننكرش اني لما عرفت ان يحكي مع بنت اضايقت #Koka_Saleh وهو لحقني عشان عارف اني اضايقت ولما قعد يحكيلي واعترف ان معجب بيا قرب مني واول مرة اتكون بينا بوسة وانا ماعارضتش زي كأني كنت نبي الحاجة هذي
رانيا بفرحة:حي حي هذا كله صاير من ورانا
سندس:رانيا بتصمطي معش انكمل راه
رانيا:لا خلاص اهو سكتت كملي
سندس:وبعد البوسة هو قالي ان حاب اتصير بينا حاجة وتوا انا مااعترضتش بس قتله بشرط ان ايسيب السهور والبنات وكل هالقصص اللي ايدير فيهن
رانيا;وشن قال
سندس:رفض وقال ان مايقدرش ايدير هكي وان هذي حياته ومش حيغريرها عشان حد
رانيا:وانتي ليش اضايقتي
سندس:انا اضايقت عشان ندمت اني صارحته بمشاعري وهو اصلا طلع يكذب لا معجب لا شيئ وكل القصة ان عنده غرض معين
رانيا;باهي ليش تحكي هكي مرات هو معجب بيك صح لكن طلبك صعب علي واحد مكمل عمره هكي مستحيل يقدر ايوافقك عليه
سندس:لو صح معجب فيا راه اقل شيئ قالي انحاول مش رفض دغري واضحة يارانيا ان عنده غرض معين وبعدين هذا واحد صايح ومنحرف وكل تفكيره في الجو هذا مغير انا اللي هبلة اللي فضحت روحي قدامه
رانيا:باهي ياستي شن رايك بدل ماانقررو دغري من تصرفه يكذب ومش معجب بيك انتأكدو قبل اذا هالكلام صح او لا
سندس:انا متأكدة ان صح
رانيا:باهي مافيش داعي نسرعو وخلينا انحطو خطة ومن خلالها نعرفو شن شعوره
سندس:وشنو الخطة مثلا
رانيا:اسمعي الراجل حاجة وحدة تفضح اعجابة او حبه
سندس: #Koka_Saleh شن هي
رانيا:الغيرة الوحيدة اللي تفضح الراجل يعني اكيدة من خلال الفترة اللي قعدتيها معاه لاحظتي حاجات عليه يعني حاجة درتيها عصباته حاجة ايقولك معش اديرها او شخص معين مايبيكش اتقربي منه
سندس:اها فيه حاجات هكي
رانيا:قوليلي شنو
سندس:مثلا ماايحبنيش نطلع من غير ماانقول ماايحبنيش انطول برا مالحوش او انبات برا منه وفيه عمو عدنان لما نحكي عليه يضايق
رانيا:شفتي يعني طلعن فيه احاسيس
سندس:بس هذا مش مقياس ومرات بعد اللي صار معش ايعدل
رانيا:يبقى انردو انخلوه ايحس من جديد نلعبو علي وتر الغيرة لو اشتغل يبقى فيه اعجاب ومرات حب
سندس:انتي شن تحكي
رانيا:ياهبلة زي ماانتي لما عرفتي ان يحكي مع بنت اضايقتي حتى هو نفس الشيئ عشان احساسكم واحد لذلك نحن اي حاجة اتخليه ايغار انديروها ولو غار يبقى كلامنا غلط ولو ماغارش يبقى زي ماقلنا وفي اللحظة هذي اي احساس لكي تجاهة امسحيه
سندس:وكان غار
رانيا;وكان غار يبقى هو معجب بيك وفي اللحظة هذي انخلو احساسنا زي ماهو وماانغيروش
سندس:بس انا مستحيل نقعد له وهو في وضعه توا لازم ايتغير
رانيا;وانتي اللي حتغيربه وانا عارفتك قدها الحاجة هذي بس فيه حاجة مهمة لو تبي اتغيريه ردبالك اديريها
سندس:شنو
رانيا;اللي يبيه مااتخليش يوصله وماتعطيش وجه بكل يعني ديري روحك انك خلاص مش معجبة بيه لين ايتغير وبروحه ايجي وايقولك انا كل حاجة بنسيبها عشانك بس كوني ليا
سندس:قولك ايجي يوم وايقولها
رانيا;الحب ايخليك ادير اي حاجة أسأليني انا
سندس:خلاص اتفقنا
رانيا:اتفقنا هي نطلعو توا عشان اتوريه ان جوك تمام ومش معدلة عاللي صار كله اقهريه
سندس ضحكت:هي وطلعن وقمعزن برا معاهم وقعدو ايخرفو ومنسجمين كلهم
سراج كان عند برج الحمام ايتفرج عليه وبعدها رد #Koka_Saleh انصدم لما شاف سندس مقمعزة واتخرف وجوها سمح ومش معدله عاللي صار جا قمعز معاهم بس ماحكش ولا كلمة وطبعا هذي مش عادته
عالساعة 2خشو كلهم بيرقدو طبعا الصبايا مع بعضهن والرجالة مع بعضهم
“”
ثاني يوم وعو الكل بدري وفطرو مع بعضهم وبعد الفطور سندس ورانيا بيمشن ايكملن شغلهن وشالهن سراج وقعد معاهن بس في سيارته وماحكش مع سندس ولا كلمه اما سندس تصرفت عادي جدا واتبصر وتضحك مع رانيا ولا كأنه موجود وبعد كملن شغلهن كلا وتمن مشروعهن روحن ولقن الغداء واتي تغدو وعصرو في المزرعة وعالمغرب لمو دبشهم وكل واحد روح الحوشه
“””
بالنسبة السندس وسراج روحو وكل واحد في حاله ومافيش واحد فيهم احتك ولو بكلمة بالثاني #Koka_Saleh وكأنه هما الاثنين ندمو لانهم اعترفو البعضهم باللي حاسين بيه
“”
خشت سندس الدارها خذت دوش وطلعت وتمددت في سريرها بتريح وفتحت نت لقت صفحة الجامعة منزلين اعلان ان قدمو موعد استلام المشاريع وان بكرا اول يوم للاستلام وبيقعدو ثلاث ايام يستلمو فيهن دغري رنت علي رنا وحكت مع رانيا
رانيا:يعني انتي بكرا بتسلميه
سندس:اها خلاص نحن كملناه اصلا وماعندنا في شنو نرجو
رانيا:خلاص بكرا عدي وسلميه
سندس:عينك هذا مشروعنا وانسلموه مع بعضنا يعني بكرا لازم اتجي للجامعة
رانيا:دوسة انتي عارفة وضعي والله ماعندي نية نمشي بكككل #Koka_Saleh
سندس:مش بجوك خلاص لعند امتى بتقعدي هكي وبعدين كل شيئ نصيب وهذا مستقبلك مااتضيعيش
رانيا:والله نفسيتي تاعبة
سندس:بلا اهبال خلاص ساد لكي كم توا معش مشيتي للجامعة وغير تعالي بكرا وحتلقي جوك تغير وان شاءلله يقبلو مشروعنا ونبدو نشتغلو عليه
رانيا;ان شاءلله يارب نرجى فيها اللحظة هذي ومتشوقتلها
سندس:خلاص معناها بكرا اتجي
رانيا:تمام باهي خلاص توا انجي
سندس بفرحة:نجك ليا ياقلبي
رانيا;وليا نجك خلاص نمشي نحكي الهلي اني بنمشي وانوتي دبشي ونرقد بدري عشان نوعى مصحصحة
سندس:تمام سلام وسكرت
وطلعت لقت دار سراج مفتوحة وهو مش قاعد فيها ولا في الحوش كله عرفاته طالع كسدت عالتلفزيون اشوي وبعدها دارت عشاء وتعشت وعالساعة 11 خشت بترقد لكن رقدت وسراج مازال ماروح
“”
سراج روح عالساعة 3 خطم علي دار سندس وكان الباب مسكر قعد مصبي قدام الباب اشوي وايفكر ايخش ايشوفها او لا وبعدها قرر ماايخشش ومشى الداره غير دبشه وتمدد ورقد
“”
صباح ثاني يوم وعت سندس كالعادة غسلت وصلت ونزلت وتت الفطور ورقت الدار سراج وعاته وخشت الدارها عشان تلبس ونزلت هي وسراج مع بعضهم فطرو #Koka_Salehواثناء الفطور رن فون سندس وكان عمو عدنان
سندس ردت:صباح الخير عمو عدنان
عدنان:صباح الورد بنتي انا هلأ وصلت لكن اذا لسة ماخلصتي راح استناكي
سندس:لا عمو كملت حنطلعلك توا وسكرت
سراج من اول مابدت سندس تحكي وهو ايراقب فيها بعيونه وطبعا سندس فطنتله لانها كانت بتركز علي حركاته صبت وخذت شنطتها وشيتاتها ومشروعها وطلعت وسراج طلع وراها وشافها لما ركبت مع عمو عدنا وركب في سيارته وطلعت سيارة عمو عدنان قبله وهو كان ايراقب فيها في المراية لين طلعت وطلع حتى هو ومشى للشركة
“”
سندس وصلت للجامعة وبعد اشوي وصلت رانيا كانت الساعة 8:55 خشن للمحاضرة مع بعضهن خذن محاضرتهن وطلعن الساعة 9:45 ومشن شور القسم بيسلمن المشروع طبعا كانت فيه لجنة خشن وحكن معاهم علي فكرة المشروع وسلمن الملف وسلمن معاه فلاش عشان الشغل اللي مشتغلاته وطلعن مع بعضهن
“”
(نحكو علي رؤوف اشوي كلكن تسألن عليه)
رؤوف من طلعته مالحوش وهو قاعد عند واحد صاحبه
طبعا رؤوف من يوم اللي بات رانيا ارفضه وهو ايحاول يوصل فيها عن طريق فون رنا وكان ايرن عليها من كم رقم بس رنا كانت عارفة ان رؤوف وماكانتش اترد علي ولا رقم واي رقم ايرن عليها اتحطه في الرفض وطبعا هذينا كانن توصيات سندس #Koka_Saleh المهم رؤوف كان بيوصل في رانيا باي طريقة كان عارف موعد محاضرات رانيا وايجي قصاد وقتهن بس مايلقش فيها وتعرف علي شابين يقرو معاها في القسم واتفق امعاهم ان يوم اللي اتجي رانيا ايرنو عليه وفعلا الشباب لما شافوها في المحاضرة رنو عليه وقالوها له وهو جا للجامعة بيحكي معاها
“”
سندس:سمعت مالبنات ان موعد الامتحانات قدموه هي انردو ونسألو في القسم اذا صح او لا
رانيا:قصدك تبيني نرقى لعند الدور الثالث مرة اخرى والله ماعاد انديرها كرعيا تكسرو مالدروج
سندس:وووه عليك التنباله خلاص حنرقى انا انشوف وانرد عليك
رانيا:باهي ومشت سندس للقسم ورانيا قمعزت علي مقعد وقعدت ترجى فيها مع جيت رؤوف اللي كان طالق لحيته والحزن واضح عليه
رؤوف:رانيا واخيرا شفتك #Koka_Saleh
رانيا صبت:اليوم اول يوم ليا في الجامعة كيف عرفت اني هنا
رؤوف:انا كل يوم انجي هنا علي قصاد وقت محاضراتك ونرجى فيك وانروح بعد مااتجيش
رانيا;وعليش هذا كله
رؤوف:بنحكي معاك عشان ماقدرتش نوصل فيك انتي مسكرة تليفونك ورنا مااتردش علي مارنيت ودزيتلها رسائل مافيش فايدة
رانيا:هي ادير هكي عشان عارفة ان معش فيه امل
رؤوف:قصدك انتي مقتنعة باللي صار وأيستي
رانيا:وشن تبيني اندير هلك رافضين وهلي رافضين ماعندنش حل اخرى وبعدين هما معاهم حق كيف بنقعدو مع بعضنا بعد اللي داره خوك
رؤوف بعصبية:معش اتقولي خوك انا ماعنديش خوت وانا مش هامني اللي داره الكلب عصام انا اهم شيئ اني نبيك وانتي تبيني ولازم انحاربو الكل عشان حبنا
#Koka_Salehرانيا:رؤوف الكلام هذا غلط ولازم تقتنع ان كل شيئ نصيب وان انا وانت ماعندنش نصيب في بعضنا خلاااص
رؤوف:معقولة يارانيا انتي تحكي هكي بعتي حبنا خلاص انسيتيني انسيتي أوفا حب حياتك
رانيا نزلو ادموعها:المشكلة اني ماانسيتكش ولا انسيت اي لحظة معاك بس مافيش في ايدينا شيئ ولازم نرضو باللي صار #Koka_Saleh
رؤوف;مستحيل نرضى باللي صار ولا انخليك افهمي انا والله ماقادر انعيش بلاك حياتي متعلقة فيك
رانيا تبكي:رؤوف مااتزيدش عليا راه اللي فيا مكفيني ارجوك ارجوك انساني ومعش تطلع في طريقي عشان نقدر ننساك
رؤوف:انا مش حننساك ومانبيكش تنسيني خلينا انعاندوهم كلهم عشان كلهم بيفرقونا هي معايا ونطلعو وانسيبوها الهم لو تبي نطلعو حتى برا من ليبيا ونجوزو وانعيشو بروحنا مانبوش حد منهم
رانيا بصدمة:رؤوف انت شن تحكي من جدك تطلب مني نهرب معاك اكيدة عقلك صارتله حاجة
رؤوف:مافيش الا الحل هذا لو اتحبيني وماتبيش تخسريني وافقي عليه
رانيا:مستحيل انوافق هلي ماعندهمش ذنب في كل اللي صار عشان انواطي راس بابا حتي لو متت مالحزن والقهر مستحيل انديرها
رؤوف:بس انا خطبتك وباتك رفضني يعني انا درت اللي عليا وهما مصممين #Koka_Saleh ايفرقونا
رانيا; بابا رفض عشان عارف مصلحتي اكثر مني وانت لازم تقتنع ان انا وانت خلاص معش ينفع نقعدو مع بعضنا
رؤوف;قتلك هما كلهم مش هاميني هيا معايا ونوعدك انعيشو في راحة بعيد عليهم
رانيا;افهم انت بروحك بعد فترة حتلقى روحك مش متقبل اتعيش مع وحدة عارف خوك يبيها
رؤوف بعصبية:قتلك مش خويا وبعدين انا راضي انا عارفك انتي شنو ونبيك هيا حبيبي هيا رنوشة معايا والله ماتندمي
رانيا;رؤوف انت شكلك طرشقت عدي رؤوف وانساني خلاص
رؤوف نزلو دموعه:مش حنقدر ننساك رانيا انتي البنت الوحيدة اللي حبيتها انا ضعت بلاك شوفي حالتي كيف قعدت تخيلي أنا كل يوم نشرب عشان ننساك رؤوف اللي حتى دخان ماايدخن قعد يشرب رانيا انا ادمرت انتي الوحيدة اللي تقدري اترديني زي ماكنت حلفتك بربك تمشي معايا #Koka_Saleh
رانيا تبكي:اسفة رؤوف والله مانقدر صح انحبك بس مانقدرش اندير هكي في هلي ارجوك خلاص عدي وحاول اترد حياتك زي ماكانت عشاني لاني ماانتحملش انشوفك في الحالة هذي
رؤوف:لو تبي حياتي اترد زي ماكانت هي معايا
رانيا:والله مانقدر سامحني
رؤوف بعصبية:وانا مش حنسيبك ولا حنفرط فيك انتي ليا ومش حياخذك حد غيري انا
رانيا:رؤوف الناس اتشوف فينا عدي خلاااص
رؤوف بعصبية:مش ماشي لين تمشي معايا برضاك ولا غصب عنك وقرب منها
رانيا:رؤوف خلاص قتلك عدي
رؤوف مسك يدها وقعد بياخذها غصبن عنها ورانيا قعدت معصبة منه واتحاول اتفك يدها منه بس ماقدرتش وقعد ايكر فيها وهي قعدت اتعيط وقفوه الطلبة وجوه الامن وطلعوه برا الجامعة ورانيا قعدت مصبية مع مجموعة بنات وتبكي مع جيت سندس ولما شافتها انفجعت ورانيا حظنتها وقعدت تبكي وسندس مازال مش فاهمة شيئ #Koka_Saleh
بعد اشوي هدت رانيا وحكتلها كل اللي صار وسندس عصبت من تصرف رؤوف اللي داره وفي نفس الوقت قعدت خايفة علي صحبتها منه لان حست ان حبه الرانيا خلاه معش ايفكر صح بعد اشوي مشت هي ورانيا للكفتيريا وخذتلها عصير عشان اتهديها ورنت علي ام رانيا وقالتلها ان تبيها اتروح معاها عشان يقرن وام رانيا وافقت وبعدها رنت علي عمو عدنان وجا روح بيها هي ورانيا الحوش سندس تغدن مع بعضهن بروحهن
وسراج تغدى في الفيلا لان سندس دزتله رساله وكتبتله فيها(لما اتروح عدي للفيلا تغدى وارقد غادي عشان رانيا جت معايا للحوش بنقرو مع بعضنا)
“”
عالساعة 3 القايلة فكرن في فكرة ورنن علي رويدة وهي ردت
رويدة:خيرات حبي شن شجوك
سندس:تمام شن جوك انتي ياعروسة
رويدة:تمام ها قولي روحتن ولا مازال
سندس:روحنا امس
رويدة:وامتى بتطلعي معايا للسوق ياحنة
سندس:اليوم بنطلع معاك وعندي لكي مفاجئة سمحة
رويدة:شنووو
سندس:عندي رنوشة وبنطلعو مع بعضنا
رويدة بفرحة:ناعلي احلى مفاجئة بس كيف بتجني هنا ومع من
سندس:توا انجوك مع عمو عدنان وانتي احكي من توا الهلك ان انابنجيك ونطلعو ولما انجي انخش انا انسلم علي امك ورنوشة تقعد في السيارة وبعدها نطلعو انا وانتي وماحد حيفطن الرنوشة
رويدة:باهي تمام اصلا انا من امس حكيت الماما اني بنطلع انا وانتي للسوق وقالتلي باهي اصلا عارفات ماما مااتحبش سريب السوق بكل ومااتصدق تفتك منه
سندس:يبقى وتي روحك اشوي وانجوك
رويدة:تمام باهي وسكرت #Koka_Saleh
عالساع 4 العشية طلعن من حوش سندس ومشن الحوش هل رويدة ودارت سندس زي ماحكت وفعلا ماحد فطن ان رانيا في السيارة وخذت رويدة وطلعن للسوق وشرن كل حاجة ناقصة رويدة وكانن فرحانات توا بس كيف رويدة حست بانها عروس وفرحانة وانسجمت مع صحباتها عالاخر وحتى هنا كانن فرحانات الفرح صحبتهن وماحكنلهش اللي صار مع رانيا في الجامعة عشان ماايخربن فرحتها شرن كل حاجة تبيها رويدة #Koka_Saleh وعالساعة 8 روحن كل وحدة الحوشها وهي مغيرة جوها بعد اللمة السمحة هذي
“”
سندس خشت لقت سراج مقمعز في الصالة
سندس:خير وجت بترقى الدارها
سراج:وين يامدام لعند توا
سندس لفت عليه:انت تحكيلي
سراج:لا نحكي الغولتك اكيدة نحكيلك فيه غيرنا توا
سندس;كنت في السوق
سراج:ماعندكش راجل تسأليه
سندس بحتت في من تحت الفوق:لا ماعنديش
سراج بعصبية:مش قاعد قدامك راجلك ولا مش مالي عينك
سندس بعصبية:سراج حركات الطروح والكذب هذينا فكنا منهن اللي بينا معروف وتهيالي بعد اللي صار في المزرعة كل واحد فينا عرف ان مستحيل انعيشو حياه طبيعية مع بعضنا فأحسن حاجة كل واحد يلتزم حدوده وبلا كلام زايد
سراج:معناها التزمي حدودك انتي قبل وكيف تطلعي من غير مااتقوليلي وانرن عليك ليا ساعة مااترديش
سندس:اول حاجة مش فاطنة للفون وبعدين انا كنت بنقولك رنيت علي فونك القيته مقفل وكلمت اعميمة قلتلها اتقولك مشيت واكيدة حكتلك
سراج:حكتلي بس ليش حظرتك مادزيتي رسالة راه لما فتحت التليفون القيتها #Koka_Saleh
سندس:ماخطرتش في بالي وبعدين مش ضروري تعرف كل تفاصيل حياتي ولا انا نعرف كل تفاصيل حياتك مالنش الحق في الشيئ هذا انت عيش حياتك زي ماتبيها وانا انعيش حياتي زي مانبيها وعلي كل الاحوال كلها كم شهر وكل واحد ايتريح مالاخر بككككل
سراج:هذا رايك انتي
سندس:اها
سراج:تمام براحتك وطلع مالحوش
سندس رقت الدارها وهي حايرة في تصرفات سراج اللي مش واضحات اذا يبيها جديات ولا بس عنده غرض معين
سندس:ياربي حيرني معاه وانا قعدت كل يوم انتعلق فيه انا لازم نعرف اذا يبيني او لا لازم نبدى اندير اللي قالتلي عليه رانيا
بعدها صبت دوشت وطلعت ومسكتت شيتاتها وقعدت تقرا
“”
مر اسبوع كان هادي بكل سراج وسندس عايشين مع بعضهم ومش عايشن في نفس الوقت مافيش حد يحكي مع لاخر بكككل بالنسبة السندس مازال مش فاهة سراج ولا عارفة اذا هو صح معجب بيها او يبي منها غرض معين كانت حايرة وبذات بعد الكلام اللي حكاته له قعد يحكيش معاها بكل ولاعاد ايتكلم اذا طلعت وماقالتله يعني فاااتها #Koka_Saleh
اما سراج كان يبي ايبعد من سندس ويبي يكرهه زي قبل لان عارف ان مايقدرش ايقرب منها لان عشان شرطها وهو مايقدرش اينفذه فقرر البعد منها عشان معش ايتعلق بيها اكثر
المهم كان يوم سبت الساعة 3 القايلة سندس ماعندهش جامعة لما روح سراج كان جايب معاه غداء مالمطعم تغدو وهو طلع الداره بيرقد اما سندس لان كان يوم عطله فكانت فيه تبرم علي حوشها وكانت في المطبخ اتلم فيه وفجأاااة رن جرس الحوش وطلعت بتحل وكانت لابسة(توته سودة السروال نظام استرتش وعليه بدي قصير ولافة شعرها فوق وطبعا مش دايرة شيئ في وجهها وكانت بيضة فاللون الابيض كان عاكس عليها وطالع عليها ايهبل?)المهم مشت سندس بتفتح الباب واول مافتحت لقاته شاب واول ماشافها حول نظاراته وقعد ايصفر (تصفيرة الاعجاب عارفاتها?)
سندس بعصبية:من انت
صالح وايعظ علي شفايفه;والله انسيت اسمي
سندس بعصبية:انت واحد قليل #Koka_Saleh ادب وجت بتسكر الباب وهو مسكه بيده
صالح:انا نبي سراج
سندس:سبحانه الله نفس قله ادبه
صالح:شنو
سندس:خليك هنا اشوي وانكلمه لكي
وطلعت السراج وخشت وهي معصبة
سندس بعصبية:سرااااج نوض
سراج;توا كيف رقدت خليني راقد
سندس:فيه واحد قليل ادب يبيك برا
سراج قمعز:من هذا
سندس:دير روحك مستغرب اكيدة بيقعد واحد من اصحابك اصلا هذوما اشكالك
سراج صبى:توا نطلع انشوفه
طلع مالدار ونزل وسندس نزلت وراه وكانت مصبية في الصالة بتشوفه من
سراج اول ماطلع
سراج بفرحة:اووووو صلوحة وخذاه بالاحضان وصالح خذاه بالاحضان حتى هو وقعدو ايسلمو وبعد كملو التسليم
سراج:امتى روحت
صالح:من ساعة وانت اول واحد جيتك
سراج;خش خش تفضل
سندس اول ماسمعت كلمة خش خشت تجري للمطبخ وقعدت فيه
صالح خش;جيت للفيلا قالتلي خالتي انك اجوزت وقاعد هنا ماصدقتش
سراج:لا صدق درتها
صالح:قصدك الطرف اللي فتحتلي هي مراتك
سراج:صالح بلا دوة زايدة
صالح:تي اي دوة زايدة البنت #سمممممحة اول ماشفتها انسيت اسمي #Koka_Saleh
سراج بعصبية:صالح مااتخلينيش نخرب عليك
صالح:تي كيف صار مش عساس كنا نسهرو مع نفس البنت مع بعضنا
سراج:البنات هذكينا بروحهن أما هذي مراتي مافيش دوة زي هذي
صالح:تي باهي وين طحت فيها بس وراس سراج كان عندها اخت توأم جوزها ليا
سراج;ماعندهش وكلمة اخرى عليها شوف شن انديرلك وقمعز اشوي علي ماجيتك
صالح:باهي باهي خلاص سكتت
سراج طلع ومشى للمطبخ عشان شاف سندس بعد مشتله
(انعرفكم علي صالح هذا ولد خالة سراج ونفس سراج بزبط وكان معاه في ألمانيا بس هو توا غير روح)
سراج خش للمطبخ
سندس:من هذا
سراج:هذا صالح ولد خالتي
سندس:سبحان الله كانك انت قدامي نفس قلة الأدب
سراج بعصبية:قصدك انتي فتحتيله هكي
سندس:اها #Koka_Saleh
سراج بعصبية:وانتي كيف تفتحي الباب هكي
سندس:نحسابها اعميمة عشان هي الوحيدة اللي اتجينا هنا وبذات في الوقت هذا
سراج:اسمعي تطلعي توا تلبسي حاجة عليك
سندس:وعليش
سراج:بما ان ولد خالتي لازم تطلعي اتسلمي عليه بس انا عارف عينه زايغة ومافيش داعي للكلام امتاعه
سندس;باهي حنطلع نلبس وجت بتطلع مالمطبخ وسراج مسك يدها
سراج:خليك هنا وانا حنطلع انجيبلك حاجة
سندس:عليش توا نطلع انا
سراج:لالا نطلع انا للضمان هذا مرات تلقيه قدام المطبخ توا
سندس:باهي
سراج:ردبالك تطلعي
سندس:اتشوف فيا هبلة اكيدة مش طالعة
سراج;باهي وطلع ومشى الدار سندس وبعد دقيقتين جا للمطبخ
سراج:امسكي البسي هذي
سندس:تي شنو اللي جايبها هذي
سراج:ملياية الصلاة هذا مايمشيش معاه الا هكي
سندس:سراج من جدك
سراج:اها البسيها اطلعي سلمي عليه وارقي فوق دغري #Koka_Saleh
سندس عرفت ان سراج غار عليها منه وحبت تلعب بأعصابه اشوي
سندس:معقولة نرقى فوق دغري يعني تبوش عصير او قهوة انديرها لكم
سراج;لا شكرا مانبوش منك شيئ وكان قعدنا نبو حاجة توا انديرها انا
سندس:لكن
سراج:بلا لكن انا لو ماخالتي تزعل لما تعرف انك ماطلعتيش سلمتي عليه ومرات حتى عفوفة تزعل راه ماخليتكش اتسلمي عليه بكل اصلا عارف نيته المعفنه
سندس:بس هو زيك
سراج:وعشان زيي عارف تفكيره المسخ ومانبيش ايفكره فيك
سندس:وعليش
سراج:هكي وهي البسي واطلعي ورايا
سندس لبست الملاية وطلعت ورا سراج #Koka_Saleh سلمت علي صالح وطبعا صالح كان صاااااايع ومش هامة اذا مرات ولد خالته وكانن عيونه بيطلعن عليها وسراج كان يبي ايموت كان ايطول ايطلعله عيونه وبعدها سندس رقت فوق وهو قعد معاه بروحه وبعد اشوي خذاه وطلع بيه اهم شيئ،ماكان يبيه في مكان واحد مع سندس
“”
طلع هو وصالح ومشو الفيصل قعدو عنده للمغرب وبعد المغرب مشو مع بعضهم للشقة وقعدو فيها للفجر روح سراج وكانت سندس راقدة خش للدار شافها من بعيد وطلع ومشى الداره ودوش ورقد
“”
صباح ثاني يوم زي كل يوم فطرو مع بعضهم وسندس عدت الجامعتها وسراج مشى الشغله
#Koka_Saleh
“”
سندس طبعا لما مشت للجامعة لقت نتائج المشاريع طالعة ومختارين مجموعتين كانت المجموعة الاولى هي ورانيا ومشروعهن خذا الترتيب الاول اما المجموعة الثانية كانت الشابين والاساتذة طلبو منهم يدمجو مشاريعهم مع بعضهم لان الافكار اللي دايرينهن الاثنين كانن ممتازات والطلبة طبعا وافقو
روحت سندس للحوش وهي فرحانة وكلمت امها وخبرتها الخبر وحتى امها فرحتلها واااجد وبعد سكرت من امها كلمتها عمتها وقالتلها دايرة الغداء رز بالخلطة وعصبان وتبيها اتجي هي وسراج ايتغدو عندهم سندس طبعا ماراجتش سراج دزتله رسالة انهم بيتغدو في الفيلا وبعدها مشت للفيلا وحكت العمتها عالمشروع وعفاف حتى هي فرحتلها وااجد
عالساعة 2روح سراج وباته للفيلا وجهزو الغداء وقعدو ايتغدو سراج كان مقمعز جنب سندس وعفاف مقمعزة جنب راجلها #Koka_Saleh
عفاف:باركو السندس
محمد:الف مبروك بس عليش
سندس:اختارو المشروع متاعي وانا اللي بنشتغله علي ارض الواقع
سراج:مبرووك
محمد:مشاءلله والله بنتي شاطرة عشان حاجة زي هذي تعتبر انجاز عظيم
سندس:الحمدلله تعبي ماعدش عالفاضي
محمد ضحك:عارفين لما عفاف قالت باركو السندس نحسابها بتقول بيجينا حفيد
عفاف:ان شاءلله هذي الفرحة الكبيرة
محمد:خلاص سادكم عاد فرحونا بحفيد ايغير جو هالفيلا
سراج ايوشوش السندس:كنشي انجيبو حفيد بالمراسلة
سندس شافتله بالجنب?
سراج:ان شاءلله ياباتي #Koka_Saleh قولو يارب بس
عفاف:يارب
محمد:باهي امتى بتبدي فيه مشروعك
سندس:هو المفروض قبل الامتحانات بس لما اختارو مجموعتين خلوه بعد الامتحانات عشان انا ورانيا نتفقو نحن وشباب المجموعة لخرى وندمجو المشروعين مع بعضهن
سراج:اي شباب هذوما
سندس:ماهما اختارو مجموعتين مجموعة شباب ومجموعة بنات
سراج;قصدك انتي بتشتغلي مع شباب
سندس:اها شن فيها
سراج;يعني قصدك بتقعدي اتلاقي معاهم وتحكو مع بعضكم ويكثرن المواعيد بينكم خاطي مكان الشغل واحد سندس:اكيدة
سراج:اها باهي وصبى #Koka_Saleh
عفاف:كمل غداك
سراج:شبعت وطلع ومشى للحوش
سندس كملت غداها ولمت الصفرة مع عمتها وقعدو الخدم يغسلو فيهن وهي بعد شربت الشاهي مع عمها وعمتها مشت الحوشها وخشت لقت سراج يرجى فيها
سندس:كيف مازال مارقدت
سراج:اها
سندس جت بترقى الدارها
سراج:جديات بتشتغلي مع الشباب
سندس ابتسمت ابتسامه خبث بعد حست ان سراج غاير عليها ولفت عليه
سندس;اها
سراج:واتحسيها فكرة مقبولة تقعدي اتلاقي مع شباب وتشتغلي معاهم يعني انتي شفتي عشان انتي ورانيا تشتغلن علي مشروعكن مشيتن للمزرعة مع بعضكن فاكيدة انتن والشباب بتقعدو تمشو المكان الشغل مع بعضكم
سندس:اها عادي شن فيها
سراج:فكري في الموضوع كويس راه ماايصيرش منها
سندس:وعليش ماايصيرش منها #Koka_Saleh
سراج;عشانك متجوزة عارفك مش مقتنعة بالكلمة بس قدام الناس هي هكي
سندس:انا دبيني ماانديرش في حاجة علط وانا كلام الناس مش هامني
سراج:بس انا هامني ومانبيكش تشتغلي مع شباب
سندس:شنوووو
سراج:زي ماسمعتي
سندس:أسفة هذي قرايتي وهذا شغلي انا مش حناخذ راي حد
سراج بعصبية:بس انا مش حد انا راجلك
سندس تضحك:راجلي?
سراج:عليش تضحكي انوريك عقد الزواج
سندس:لا شايفته وبعدين لما بتقول راجلك وانا مراتك فالمفروض نقعد الوحيدة في حياتك لكن لما تقعد عايش الدور هذا مع كل وحدة يبقى عمرك مااتقولي راجلك عشان مانشرفش نقعد مرات واحد زيك هي عالورق وكارهتها نحسب في الايام عشان انطقو سنة وكل واحد اترد حياته طبيعية #Koka_Saleh
سراج:انا هكي حياتي ووافقتي عليا وانا هكي
سندس:والظروف جبرني انوافق عليك وانت عارف الشيئ هذا
سراج:عارف ان الظروف جبرنك وعارف اخرى انك بعدها اعجبتي فيا
سندس:طلع وهم وانا عمري مانعجب بواحد صايع زيك
سراج بيرد عليها رن الجرس ومشى بيشوف ولما فتحه كانت ???
لولي:مفاجئة?
سراج;–
#يتبع
سراج الغيرة قعدت اتبان عليه واتبين في حبه من غير ماايحس اما سندس تصرفاتها مع سراج كانن جافة وايدلن بس علي انها كارهته قولكن شن ردها بعد اتشوف لولي هل حتمشي الموضوع عادي او غيرتها حتفضحها وقولكن سراج كيف حيصرف مع لولي قدام سندس ?
أما رانيا ورؤوف حتكون هكي النهاية ورؤوف حيستسلم او حيكونله تصرفات ثانية وقولكن حيكونلهن تأثير علي رانيا وهل ممكن ان يقدر يقنعها بفكرة الهروب معاه ?
كله حنعرفوه في الحلقة الجاية☺
طبعا الحلقة الجاية مش حنقدر انحدد موعدها امتى لان باقي الأسبوع حيكون عندي ضغط اشوي في القراية حنزل الحلقة الجمعة ولو قدرت قبل الجمعة انزللكن حتى حلقة قصيرة?
أسفة لو في لخبطة في الأسماء وأكيد رأيكم ايهمني?
گـتـابـتـي Koka Saleh