منحرف وأحببته

#مـنـحـرف_وأحـبـبـتـه
الـحـلـقـة (31)
گـتـابـتـي #Koka_Saleh
“”””””””””””””””””””””””””“”””””””””
حسبي الله ونعم الوكيل في اي حد يسرق تعبي واينسبه النفسه او ينشر الرواية قبل ماتكمل
“”””
وصبت بشويش من جنبه وخذت دبش مالدولاب وخشت للحمام ولبست(جينز ازرق ضااااااابط وعليه كت ابيض وجاكيت نمري وشنطة بيج وشوز عالي بيج ومالبستش وشاح وكان شعرها قصير مقصوص قصة حلوة خلاته زي ماهو ودارت مكياج ودكنت الروج) وطلعت وكانت مقررة تمشي للجامعة هكي وجت عند السرير وقعدت اتوعي في سراج #Koka_Saleh
سندس:سراج سراج هي نوض وقت تاخرنا الساعة 8
سراج نط;ليش ماوعيتيني بدري
سندس:انا بروحي تأخرت وعندي محاضرة مهمة هي صبي عشان نبيك اتشيلني لان عمو عدنان مريض
سراج شافلها:وين تبيني انشيلك
سندس:للجامعة
سراج;ووين عدنان
سندس:اوووف سراج صحصح ماقتلك مريض
سراج:باهي شوفي السواق ولا باتي اي حد ايشيلك انتي عارفة رأيي في الشيلة للجامعة
سندس:مافيش حد السواق لاخر مش قاعد وعمو طالع من بدري
سراج صبى:خلاص اقعدي انا مانقدرش انشيلك
سندس;مانقدرش نقعد عندي محاضرة مهمة خلاص حنرن علي رانيا اتكي علي هي والسواق متاعهم
سراج;قصدك عادي تمشي مع واحد ماتعرفيش
سندس:شن فيها #Koka_Saleh
سراج:اووووف انقولك البسي وحنشيلك انا وخلاص
سندس:انت البس بسرعة انا واتية
سراج فنص عيونه:شنوو هذي اللي واتية البسي وشاحك والبسي جاكة طويلة شوفي السروال كيف جاي عليك
سندس:مااصلا انا قررت بنغير استايلي وهذا الاستايل الجديد حلو صح
سراج:سندس راه متأخرين مش جو بصارة بكل
سندس;والله ماانبصر هكي بنمشي وبعدين عليش مستغرب هذي الموضة وهذا الاستايل اللي انت اتحبه
سراج:من قالك انا انحب هكي
سندس:شفتك امس كيف عيونك بيطلعن علي لولي
سراج:يعني هذي غيرة ولا شنو
الرواية هذي ليا كوكا صالح وفيه بنت تسرق فيها
سندس:لا مش غيرة بس زي ماقتلك حابة نمشي عالموضة وانغير شكلي
سراج:مااتغيري شيئ خلي شكلك ولبسك زي ماكنتي وخليك مع دينك أحسن
سندس:سراج انا مش مغيرة وبنمشي هكي وعاجبني وهي بسرعة البس عشان تأخرت
سراج:تم براحتك انا نصحتك وانتي حرة
سندس:ايوا انا حرة
سراج خش للحمام يغسل في وجه
سندس قمعزت علي كرسي الزيانة وقعدت اتشوف الروحها
سندس:حي هذا قالي انتي حرة وماعدلش انا كيف بنمشي هكي وشن بنقوله توا
مع طلعت سراج مالحمام وشافها مقمعزة جا قرب منها
سراج:اتصدقي ان شكلك توا احلى من قبل بواااااجد
سندس:يعني هكي عجبك #Koka_Saleh
سراج:بكككككككككل طالعة طرف
سندس بغرور:عارفة روحي طرف?
سراج:انا بنمشي نلبس ونطلعو
سندس:باهي وانا حنمشي اندير قهوة علي ماكملت
سراج طلع وسندس مازال مقمعزة واتفكر في المشكلة اللي حطت روحها فيها سراج وصل للباب فك منه المفتاح وحطه من برا
سراج لف عليها:هي كان بديري القهوة بسرعة
سندس صبت:هيا وجت للباب سراج سكره وقفله قبل ماتطلع
سندس:سراج افتح مش وقت بصارة متأخرين راه
سراج:كان هامتك محاضرتك وبتمشي تلبسي لبس كويس
سندس:مش لابسة بنمشي هكي انا حرة
سراج:عينك حرة انا قلت مافيش مشي هكي لو هامتك محاضرتك غيري لبستك ولو ماهذا بتنحبسي هنا لين ايردلك عقلك #Koka_Saleh
سندس:سراج مادخلكش بيا عشان اتحكم فيا
سراج بعصبية;انتحكم فيك ونص انتي مراتي وشايلة اسمي ويوم اللي خذيتك من حوش هلك خذيتك بنت محترمة ماتنحليش عندي انا شن بنقول الباتك وهلي انا اللي خليتها هكي
سندس اضايقت لما عرفت ان سراج مايبيهش تطلع عشان هلها وهله مش عشانه هو
سندس بعصبية:انا مش هامني حد وعناد فيك ماشية هكي
سراج بعصبية:علي جثتي تطلعي هكي انتي مش هكي وانا مش حنسمح اتكوني زي اي وحدة صايعة عرفتها انتي تفرقي فهمتي شنو تفرقي
سندس سكتت بعد سمعت كلمة سراج ومعش ردت
سراج:سندس لو تبي محاضرتك وهامتك وتبيني انشيلك يبقى اتغيري اللي لابستيه توا ولو ماتبيش حتقعدي محبوسة هكي لين ايردلك عقلك
سندس ساكته وماردتش
سراج:بنمشي نلبس وانرد عليك لو غيرتي رايك نفتحلك ومشى شور داره
سندس قمعزت عالسرير وقعدت اتفكر في كلمة سراج انتي تفرقي وكانت فرحانة انها حست ان عندها مكانة كبيرة عند سراج
سراج غير دبشه ولبس(جينز بيج وعليه تيشرت ابيض وجاكة رسمية خضرة وكاويش اخضر زاحف حلو) ولبس نظاراته وبخ عطر واااجد وطلع طرف ايهبل وطلع مالدار وجا الدار سندس #Koka_Saleh
سراج:شن صار غيرتي رايك نفتح ولا مازال مصممة علي قرارك
سندس مااتردش
سراج:سندس نحكيلك ردي عليا عليش ساكته
سندس مااتردش
سراج كان عارف ان مش من عوايد سندس مااتردش عليه وبولا كلمة وخاف ان ايكون صايرلها شيئ وبذات ان امس كانت مريضة فقرر يفتح عليها وفتح ولقاها مصبية ورا الباب ولافة ايديها علي بعضهن ولابسة(بلوزة خضرا طويلة وجينز بيج وشوز أخضر ووشاح حريري ملون وشنطة بيج)
سراج ضحك:لو اني مش قافل عليك راه قلت راقبتي شنو بنلبس
سندس ضحكت:معقولة تصدف ثاني مرة
سراج;حتى انا مستغرب #Koka_Salehسندس:خلاص استناني اشوي انغير لبستي
سراج:مااتغيري شيئ هكي سمحة
سندس ابتسمت وسكتت
سراج:هيا طولنا وطلع وسندس طلعت معاه وركبو في السيارة وطبعا كانت أول مرة سراج ايشيلها للجامعة كانو ساكتين ومكتفيين بس بالنظرات بس كل واحد كان في عقله مية فكرة وفكرة
ووصلو عالجامعة وسندس جت بتنزل
سراج:لما اتكملي رنيلي توا انجي ناخذك
سندس:اذا مش فاضي حنكلم بابا عادي
سراج:انا اللي جبتك انا اللي انروح بيك
سندس:باهي ونزلت وسراج مشى للشركة
سندس نزلت ولقت المحاضرة بادية خشت وقمعزت عالمقعد اللي جنب رانيا وقعدت منتبهة للشرح
كملن المحاضرة وطلعن
رانيا:حي عليا مافهمت شيئ في المحاضرة هلبني واجد والاسبوع الجاي الامتحانات شن اندير
سندس:مااتفكريش في شيئ اللي مش فاهمته نشرحه لكي #Koka_Saleh
رانيا:شن تشرحي انتي بروحك بتقري وبعدين انتي مش زي قبل توا متجوزة ومعاك ناس اخرى
سندس:وشن فيها كان جيتي وبعدين انا في حوش بروحي مش مع حد عشان تنحرجي
رانيا:وراجلك ولا كل مرة بتقوليله اقعد عند هلك عندي صاحبتي عاد مهما كان بايخة
سندس:بلا حركات واطروح سراج عادي ماايعدلش وبعدين انتي خيتي وكان ماشرحتلك وصبيت معاك المن بنديرها فكيني مالهبال والكلام الزايد اي حاجة مش فاهمتيها نشرحها لكي انا وكان تبي انجيك حتى في حوشكم عادي #Koka_Saleh
رانيا:انشوف اللي مش فاهمته وساهل
وبينما وهنا يحكن جاهن رؤوف
رؤوف:خير
سندس ورانيا:خير
رؤوف:سندس انا جاي بنقولك انتي كلام بالك تفهميني
سندس شافت الرانيا:شنو بتحكي
رؤوف:سندس انا مازال نبيها وانحبها
سندس:وهي مازال اتحبك بس النصيب مايبيكش البعضكم
رؤوف:بس انا عطيتها الحل وقلتلها تمشي معايا وانسيبوهم كلهم
سندس:طول عمري انقول انك عاقل بس كلامك توا غلط بالله عليك تقدر اتقول هل رانيا شن ذنبهم عشان اتنزل راسهم قدام الناس
رؤوف:ذنبهم اني طلبتها منهم ومابوش يعطوها ليا
سندس:هما معاهم حق مايقدروش يعطوها لكي بعد كل اللي صار
رؤوف:وانا اللي صار مش هامني وهلي مش هاميني بناخذها وانعيشو في مكان بعيد عليهم
سندس:رؤوف مافيش حد ايعيش بلا هله ديما
رؤوف:انا عشت بلاهم وتوا معتبر ان ماعنديش هل
سندس:دبين هلك مالقيوش فيك خير يبقى هي مش حتلقاه فيك #Koka_Saleh
رؤوف:هلي ماداروش فيا الخير عشان يلقوه فيا بس رانيا انحبها وهي عارفة كويس انا قديش انحبها
رانيا:رؤوف لو اتحبني جديات خلاص انسى اللي كان بينا عشان نحن مستحيل عاد انكونو البعضنا
رؤوف:انتي لو بس اتوافقي عاللي قتلك عليه حنقعدو البعضنا غصبن عنهم
رانيا:اني نهرب معاك هذي ماتحلمش بيها بكل انا ماانزلش راس بابا الاي سبب مالاسباب
رؤوف:حتى لو كان السبب حبنا
رانيا:جبي البابا وخوفي عليه اكبر من حبنا بابا مايستاهلش مني هكي
رؤوف:انتي مش رانيا اللي حبيتها انتي متغيرة واجد عن قبل رانيا اللي زمان لو انقوللها موتي كانت اتقولي حاظر شن غيرك توا
رانيا:بعد كل اللي صار وتبيني ماانتغيرش خلاص رؤوف اللي بينا تكسر ومش حيصلح
رؤوف:بس راه يطلع تغيرك هذا وراه راجل اخرى
رانيا بتحكي وسبقتها سندس بالدوة
سندس:اها وراه راجل اخرى واحسنلك تنسى كل حاجة عشان عن قريب رانيا بتجوز
رؤوف عصب:انتي شن تحكي مستحيل رانيا اتكون الغيري مافيش حد ياخذها الا انا #Koka_Saleh
رانيا مصدومة من كلام سندس اللي حكاته بس قعدت ساكته وماحكتش
سندس:رؤوف الكلام انتهى ياريت تمشي من هنا وبلا شوشرة ومشاكل مافيش داعي يلتمو علينا الناس زي المرة اللي فاتت
رؤوف بعصبية:انا حنمشي لكن قبل مانمشي نبيك تعرفي حاجة يارانيا انك مش حتقعدي الراجل الغيري الا وانا ميت دبيني حي وانتي ليا انا وبس ومشى
رانيا:انتي ليش حكيتيله هكي
سندس:قلت لما يعرف انك بتجوزي حيشيلك من باله وينساك
رانيا:بالعكس هكي زاد عند اخرى انا شن بندير رؤوف هكي يقهر فيا بتصرفاته وكلامه تعبت والله تعبت كل ماانقول قريب ننساه يطلعلي اخرى قوليلي كيف ننساه بعد كلامه هذا كله شوفي كيف متمسك بيا
سندس:عارفة ان هو ايحبك بس انتو الاثنين ماتقدروش اتكملو مع بعضكم وانتي عارفة السبب #Koka_Saleh
رانيا:عارفة بس هو حب حياتي ونتعب بعد انشوفه هكي شوفي حالته بالله عليك هذا رؤوف اللي زمان شوفي كيف تغير في القصة اللي صارت كلها انا وهو بس انظرينا
سندس:عارفة ياقلبي بس الله غالب عليكم شن بديرو الدنيا نصيب وماعندكمش نصيب في بعضكم
رانيا:والله كل يوم في صلاتي نطلب من ربي اني ننساه وهو ينساني
سندس:ان شاءلله حتنسيه وهو مصيرة حييأس وحينساك صدقيني
رانيا:ان شاءلله
سندس:شن رايك نمشو نفطرو
رانيا:باهي هي ومشن شور الكفتيريا وهنا قريب يوصلن رن فون سندس وكان سراج
سندس ردت:ايوا سراج
سراج:وين قاعدة
سندس:في الجامعة يعني وين #Koka_Saleh
سراج:عارف في الجامعة قصدي في اي مكان
سندس:عند الكفتيريا بس عليش تسأل
سراج;شيئ وسكر
سندس بعصبية:لا هذا مش بس منحرف ومتخلف معقولة ايسكر في وجي ?
رانيا تضحك:احسن حاجة مطلع عينك
سندس بعصبية:سراج اكثر واحد يحرق في دمي
سراج حول نظاراته:وعلي فكرة ديما متعمد وقاصد نحرق دمك #Koka_Saleh
سندس بصدمة:شن ادير انت هنا
سراج:مش كملتي جاي بنروح بيك
سندس:جاي ونازل بروحك وبتاخذني من هنا
سراج:شن فيها مش مراتي وبنروح بيك
سندس:ومعجباتك اللي هنا شن بديرلهن
سراج:عادي قاعدات وكلهن اكيدة عارفات اني اجوزت
رانيا بينها وبين سندس:بلاش برادة زايدة وعدي معاه
سراج:عاجبتك القعدة في الجامعة وماتبيش اتروحي ولا شنو
سندس:لا بنروح
سراج:باهي هي
سندس:رنوشة هيا انوصلوك معانا
رانيا:لالا معايا سيارة بابا وتوا بنروح
سندس:باهي لما توصلي طمنيني عليك وبعدين سادك ديري رقم عشان نقدر نوصل فيك
رانيا:بعد نطلع من هنا بنشري رقم جديد
سندس:خلاص اول ماتاخذيه رني عليا
رانيا:حاظر وهي عدي سادك دوة
سندس:باهي ومشت هي وسراج مع بعضهم وكان فيه مسافة بين المكان اللي كانو قاعدين فيه وباب الجامعة ولان سراج كان شخصية معروفة ومن عيلة معروفة فكانو الكل يعرفوه بذات البنات لان كان عنده معجبات وااجد
سراج:برستيجي خرب?
سندس:عليش خرب
سراج:شوفي كيف كل البنات ايشوفلي وحقني معاك
سندس وقفت:وانا انعير بيك مثلا
سراج:مش هكي بس كلهن ايتمنن مكانك توا
سندس:وانا مانبيش المكان هذا كان ايجن ياخذنه وايريحني #Koka_Saleh
سراج:يعني كان اتجي وحدة توا انتي عادي
سندس:عادي وشن فيها على اساس معجباتك جن لعند الحوش والجو عادي وماتكلمتش
سراج:نحسابك بتغاري عليا بس
سندس:وعليش بنغار عليك انحبك مثلا
سراج وقف:عاوديها
سندس:شنو
سراج:اللي قلتيها توا
سندس;قتلك عليش بنغار عليك
سراج:مش هذي الي بعدها
سندس:شنو سراج
سراج:شيئ فوتي وخلينا نطلعو بسرعة مازال بنرد عالشركة
سندس:باهي
وطلعو ووصلو للسيارة وركبو
طبعا سندس من تصرفات سراج وكلامه فهمت اشوي ماللي في قلبه اما من ناحية سراج مازال سندس غامضة ومش فاهمها بكل
“”
وصلو للحوش وخشو
سراج:أنا بنرد عالشركة
سندس:باهي
سراج:توا انجيب معايا غداء جاهز
سندس:باهي اتريحني
سراج يضحك:عساس اتخشي للمطبخ واتعبي في روحك
سندس:والله حتى الخفيف ايتعب
سراج:باااااااااير
سندس:عينك بس ماانحبش المطبخ
سراج:حتى هو ماايحبكش
سندس:عارفة كره متبادل #Koka_Saleh
سراج:ماتبيش حاجة من برا
سندس:لالا
سراج:اوكي وطلع
وسندس رقت الدارها وخشت بتاخذ دوش وسراج طلع ركب في السيارة بس حس ان الجاكة اللي لابسها ثقيلة والجو حمو فنزل بيغيرها ورقى الداره دغري
سندس كملت الدوش وكان الجو حامي ومطمنة ان الحوش فاضي فلبست روب قصير ومشطت شعرها وخلاته مفتوح عشان ينشف ونزلت للمطبخ عشان تاكل حاجة لانها مازال مافطرت
سراج في داره حول الجاكة ولبس قميص اخضر وطلع سمع سندس في المطبخ اتغني
سراج ابتسم وخش بينابشها وايعصبها قبل مايطلع بس لما خش عليها وهي كانت مش فاطنة انذهل وقعد فاتح فمه اول مرة ايشوفها بروب
سراج قعد ايشوفلها وبعدها قرب منها وجا من وراها
سراج:بنتك اتهبل?
سندس لفت وبصدمة:انت مش طلعت
سراج:انتي ليش اديري فيا هكي
سندس:مادرتش شيئ انا نحسابك طلعت
سراج قرب منها:انا اول مرة انحس احساسي توا
سندس:سراج بعد وخليني نطلع
سراج:سندس افهمي انا نبي انكون معاك تعبت من عيشتنا هكي #Koka_Saleh
سندس:لكن انت
سراج زاد قرب ومسك يدها وحطها علي قلبه:هذا حسي بيه اللي قاعد ايصيرله أول مرة انحس بيه
سندس ضعفت من كلام سراج وقعدت اتشوفله بحب
سراج:انا معش فهمت اللي قاعد ايصير معايا نبيك وفي نفس الوقت مش قادر علي طلبك
سندس:بس طلبي ساهل
سراج:ساهل عندك بس عندي انا واعر ومش حنقدر عليه بالساهل
سراج ايحرك في اصابعه علي شفايفها:خلي اتصير بينا حاجة قبل وبعدها انتي ساعديني انسيب السهور والبنات
سندس اذكرت كلام رانيا وان لو مهما دار ماتعطيش اللي يبيها
سندس بعداته منها وبعصبية:سراج انت كل القصة عندك غرض معين وبتوصله ارجوك خلي الحياة ماشية زي ماكانت ومااتحاولش اتقرب مني وتضحك عليا بكلامك عشان انا مش زي الوسخ اللي انت تعرفهن وانا من سابع المستحيل انكون لكي واللي تبيه مش حتوصله
سراج:يعني هذا اللي فهمتيه من كلامي وبس
سندس:كلامك ايدل علي هكي اصلا
سراج بعصبية:انا الغلطان اني حكيتلك اللي حاس بيه وانسي كلامي كله واعتبري ماقتلك شيئ وطلع
سندس عصبت ورقت للدار وهي غامتلها وواجعها سراج بس هي مازال مش واثقة من اللي في قلبه وخايفة لو ياخذ اللي يبيه مش حتقدر اتغيره
“””
رانيا طلعت مالجامعة ومشت بتشري رقم جديد وخشت للمحل وشرت رقم وهي طالعة تلاقت مع
فيصل:أووو عالصدفة السمحة
رانيا:اهلا فيصل شن اخبارك
فيصل:بخير شن اخبارك انتي
رانيا:الحمدلله بخير #Koka_Saleh
فيصل:في شنو اديري هنا
رانيا:كنت ناخذ في شفرة
فيصل:معناها رنيلي بيها عاد عشان نقدر انتواصل بيك
رانيا:خلاص انركبها وانرن عليك بيها
فيصل:تمام نرجى في مكالمتك
رانيا:انت شن جابك هنا
فيصل:جاي بنغير تليفوني
رانيا:باهي مبروك مقدما
فيصل:الله ايبارك فيك
رانيا:انا تأخرت وبنمشي
فيصل:تمام ونرجى في مكالمتك
رانيا:تمام ومشت وركبت في سيارتها ومشت
فيصل ابتسم واذكر لما كان مع سراج في المكتب
سراج:الساعة كم يانصي
فيصل:الساعة 10
سراج:اكيدة كملت
فيصل:من هذي
سراج:ام السان في الجامعة بنمشي انجيبها
فيصل:قصدك شلتها انت
سراج:اها
فيصل:غريبة
سراج:ماغريب الا الشيطان مراتي وشلتها شن فيها وطلع وفيصل قعد ايفكر
فيصل ايفكر:زعمك نمشي الرانيا في الجامعة واندير روحي جاي بالصدفة والقيتها بالصدفة
فيصل:ماتبقى الا هكي
وطلع ومشى للجامعة بس لما وصل شاف رانيا طالعة من باب الجامعة وركبت في السيارة ولحقها لعند لما نزلت المحل الموبايلات ولما نزلت نزل وراها ودار روحه لقاها بالصدفة
“”
الساعة 3 سندس في الحوش وسراج مازال ماروح وعرفت ان زاعل بعد اشوي سمعاته روح بعد نزلت لقاته حاطلها وجبة مالمطعم في المطبخ والوجبة كانت الشخص واحد فعرفت ان يبيش ياكل معاها وماحبت اتنازل وتمشي تحكي معاه تغدت بكل برود وخشت الدارها ورقدت
“””
عند رانيا بعد تغدت ولمت الحوسة هي ورنا خشت الدارها ومسكت فونها واتصلت برقم فيصل
فيصل رد:ايوا
رانيا:خيرات فيصل
فيصل:اهلا رانيا #Koka_Saleh
رانيا ضحكت:كيف عرفتني انا
فيصل:اولا مالصوت وثانيا نرجى في اتصالك اصلا
رانيا:وليش ترجى في اتصالي
فيصل:بنعرف شن اخر التطورات مع روميو وجولييت
رانيا:اليوم صاحبك دار موقف سمح عجبني منه
فيصل:شن دار
رانيا:لما جا بياخذ سندس مالجامعة مارنش عليها وقاللها تطلع خش وخذاها من جوا
فيصل:من جدك وعادي خش وخذاها قدام البنات
رانيا:اها والله
فيصل:غريبة دار هكي وهو مايبيش حد يعرف ان اجوز
رانيا:هذي خطوة في صالحنا
فيصل:هذا انجاز مش بس خطوة بس لو سندس ماتضعف من تصرفاته نبيها تقعد علي مبدئها وماتعطيش وجه
رانيا:بس دوسة مزودتها معاه
فيصل:بالعكس هكي أحسن كل ماتقعد هكي كل ماسراج ايتعلق بيها اكثر
رانيا:حننصها هكي وخلاص
فيصل:باهي احكيلي عليك انتي شن جوك وشن صار معاك #Koka_Saleh
رانيا:شن بيصير انا نهيت كل حاجة بس كل ماانقول انسيت رؤوف يطلع في طريقي تعبني معاه
فيصل:قصدك ايجيك في الجامعة
رانيا:اها لعند اليوم جاني
فيصل:وشن ايقولك
رانيا:قعدت تحكيله في اللي صار
فيصل:وشن بديري بتمشي معاه زي ماقالك
رانيا:مستحيل انديرها بابا يستحقش مني انزل راسه
فيصل:بس انتي مازال اتحبيه
رانيا:صح مازال انحبه بس انا وهو بعد اللي صار معش نقدرو انكملو مع بعضنا عشان حتى لو خذيته هو بروحه بعد فترة مش حيقدر ايعيش مع فكرة ان خوه ايحبني وخاطي ان هله معش يبوني كيف ناخذ واحد هله مايبونيش
فيصل:صح معاك حق بس شن تبي اديريله هو عشان معش ايتعرضلك
رانيا:مش عارفة وخلاص غير الموضوع لان ايوجعلي في قلبي #Koka_Saleh
فيصل:باهي قوليلي شن دايرة في قرايتك
رانيا:ماشية تمام بس غيابي الفترة اللي فاتت أثر عليا وفيه حاجات واجد مش فاهمتهن الحق دوسة قالتلي نشرحلك بس انا نبيش انقيدها ونحن نبو اي فرصة اتقربهم من بعضهم
فيصل يضحك:في هذي معاك حق
رانيا:هذا ليش انفكر انشوف استاذ يشرحلي لان معش فيه وقت الإمتحانات الاسبوع الجاي
فيصل:وليش استاذ انا نشرحلك اللي تبيه
رانيا:وانت شن فهمك في قرايتي
فيصل:على فكرة انا مهندس
رانيا:جديات
فيصل:اها وتوا ليا قريب 7 سنين متخرج
رانيا:اول مرة نعرفها
فيصل:لو اتحبي في اي وقت نشرحلك وللعلم كنت طالب ذكي
رانيا:ماعنديش مشكلة بس وين بتشرحلي
فيصل:المكان مش مشكلة حتى لو انجيك في مكتبة الجامعة ونشرحلك ماعنديش مشكلة
رانيا:تمام باهي
فيصل:يبقى نبدو من بكرا اول محاضرة
رانيا:تمام اصلا معش عندي الا 4 ايام
فيصل:ان شاءلله نشرحلك كل حاجة فيهن
رانيا:بس نبيش سندس تعرف
فيصل:تمام لما سندس اتروح رني عليا
رانيا:اتفقنا #Koka_Saleh
رانيا:انا مروحة مالجامعة تاعبة وبنرقد اشوي
فيصل:وانا زيك وبنرقد شوي
رانيا:سلام
فيصل:سلام وسكر
“”
مشى اليوم عادي جدا سراج وعى عالمغرب ولقى سندس في الصالة وتقرا ماحكش معاها ولا كلمة وطلع مالحوش
سندس كانت عارفة ان ماشي يسهر وكانت بتموت مالغيرة بس مالقت حل اديره الا انها تلهي روحها في قرايتها وبعد كملت القراية تعشت وخشت الدارها وقعدت واعية لعند ماروح سراج الساعة 3 دارت روحها راقدة لانها كانت عارفة ان قبل ماايخش الداره ضروري ماايخش ايشوفها راجت واجد بس ماجش ولما طلعت بتشوفه لقت باب داره مسكر وعرفت ان زاعل منها بكل
“”
صباح ثاني ناضت وغسلت وصلت ونزلت اتوتي في الفطور ورقت بتوعي سراج لقاته طالع انقهرت بكل وغمتلها الدرجة حتى الجامعة ماجتها نية تمشيلها ورنت علي رانيا وقالتلها انها مش جاية للجامعة وعاودت رقدت وهي متضايقة من سراج بكل
“”
عند رانيا خذت محاضرتها وطلعت لقت رسالة من فيصل مكتوب فيها( صباح الخير لما اتروح سندس رنيلي عشان انجيك ونشرحلك اللي مش فاهمتيه)
رانيا رنت عليه وفيصل رد
فيصل:صباح الورد
رانيا:صباح النور
فيصل:روحت سندس انجيك
رانيا:هي ماجتش اليوم بكل قالتلي تاعبة اشوي
فيصل:تمام خلاص حنجيك توا
رانيا:خلاص نرجى فيك قدام المكتبة
فيصل:تمام وسكر
وصل فيصل للجامعة وخش ومشى للمكتبة دغري ولقى رانيا مقمعزة علي مقعد قدام المكتبة
فيصل:اهلا
رانيا:اهلين
فيصل:شن اخبارك
رانيا:تمام شن اخبارك انت
فيصل:تمام
فيصل ابتسم:من توا بنقولك انحب طالبتي تقعد شاطرة نشرح الحاجة مرة وحدة راه
رانيا تضحك:حاظر استاذ فيصل مش حنتعبك وحنقعد نبيهة وشاطرة
فيصل يضحك:ايوا هكي تعجبيني هيا انخشو
رانيا:هيا وجو بيخشو مع جيت
رؤوف بعصبية:رانياااا
#يتبع
قولكن كيف حيكون تصرف رؤوف بعد اللي شافه وشن حيكون رد فعل رانيا وشن رد فيصل عليه ?
وزعمه احساسي زي احساسكن والسنارة غمزت عند فيصل وبدا ايدور في حجج عشان ايشوف رانيا ولا نقعد ضالمته وغرضه بس ان بيقرب سندس وسراج من بعضهم ?
طبعا حياة أبطالنا تعقدت اكثر وازاعلو من بعضهم بس شن الشيئ اللي حيصير وايخليهم يصالحو واترد حياتهم زي ماكانت ?
أما معاذ ورويدة الأمن مستتب لعند توا والوضع هادي وايجهزو للفرح بكل سعادة ومافيش عليهم اي احداث هل حيقعدو هكي لين يكمل الفرح ولا حيصيرن معاهم أحداث في الحلقات الجاية ?
كله حنعرفوه في الحلقة الجاية☺
أسفة عالتأخير بس امس ماقدرت انكملها ورقدت وتوا بس غير كملتها
معليش بنات اسمحلي لان الأيام هذينا عندي ضغط في حاجات واجد وكم موضوع صاير معايا وامتى ماانحصل وقت حنكتب الحلقة لخرى ?
معليش والله تأخيري غصب عني وعارفة انكن تعبتن مالانتظار وانا بروحي تعبت بس ان شاءلله حتكمل وانتريحو كلنا ?
أسفة لو فيه لخبطة في الأسماء وأكيد رأيكم ايهمني?
گـتـابـتـي #Koka_Saleh