منحرف وأحببته
#مـنـحـرف_وأحـبـبـتـه
الـحـلـقـة (36)
گـتـابـتـي Koka Saleh
“”””””””””””””””””””””””””
#بعد 6 ساعات من المراجاه سراج معش قدر يصبر وعصب عالاخر
سراج بعصبية وصوت عالي:معقولة 6 ساعات مايطلعش حد ايطمنا مش هكي
فيصل:وسع بالك مش هكي العملية كبيرة وتبي وقت
سراج بعصبية:مش للدرجة هذي الوقت انا لازم انخش انشوف شن صاير معاهم #Koka_Saleh
محمد:وين اتخش ياسراج جوا دكاترة انت مش اعرف منهم
سراج بعصبية:بس اللي جوا امي مش امهم اكيدة مش حاسيين بالنار اللي فيا انا
بعد قال امي كلهم انصدمو وتأثرو من سراج لان عارفين ان عمره ماقالها
سندس:صح مش امهم بس هما هذا واجبهم واكيدة حيديروه بأكمل وجه انت بس اصبر اشوية
سراج بعصبية:تعبت وانا صابر معش نقدر حد ايطمني عليها #Koka_Saleh
محمد:انا بروحي قالق عليها بس لازم نصبرو هما يشتغلو جوا مش يلعبو وهذي عملية صعبة
سراج خبط عالساس:ياااااااارب
مع طلعت الدكتور وجوه يجرو
سراج:طمنا يادكتور
محمد:نجحت العملية يادكتور
الدكتور:كانت عملية صعبة بس الحمدلله العملية نجحت وتوا حنشيلوها للعناية تقعد تحت الملاحظة لين توعى
سراج:وامتى توعى
الدكتور:مش عارف بزبط لين ايحول اثر المخدر
محمد:يعني هي حالتها مستقرة
الدكتور:حالتها كويسة توا بس طبعا تبي اهتمام وعناية واقل شيئ لازم تقعد في المستشفى اسبوع تحت العلاج
سراج:تقعد حتى شهر اهم شيئ تقعد كويسة ونطلع انا وهي من هنا مع بعضنا
الدكتور:ان شاءلله ومشى
ومحمد مشى للباقي ايطمن فيهن
سراج كان فرحان بكل:الحمدلله ياربي استجبت الدعايا
سندس:الحمدلله علي سلامتها وهذا ربي ديما رحمته واسعة
سراج:الحمدلله ياربي
سندس:بس ربي لازم نعرفوه في كل وقت مش بس في وقت ضعفنا واحتياجنا له
سراج:اكيدة باذن الله حنتغير وحتشوفي سراج واحد اخرى بكل
سندس:ان شاءلله وعدت من جنبه
بعد اشوي طلعو عفاف من غرفة العمليات وحطوها في العناية والكل بعد اطمنو عليها روحو الا سندس وسراج ومحمد قعدو قدام العناية
محمد:هي سندس اقل شيئ تريحي اشوية وتوا اتردي هنا
سندس:لالا ياعمو انا مش حنروح ولا انتريح لين نحكي معاها ونطمن عليها
محمد:باهي لكن اقل شيئ اتغيري دبشك من امس عليك وبعدين انتي بروحك تاعبة من خبطة السيارة
سندس:لالا انا ماانحسش بشيئ مش حنروح لين تطلع معايا اعميمة وانروحو مع بعضنا
سراج:باتي ماتتعبش روحك راهي راسها مسكر وماتسمعش الحد وتوا بعد توعى عفوفة تحكيلها عشان تمشي اتريح اشوي
محمد:باهي براحتكم انا بنمشي للفيلا انغير دبشي وانجيب دوايا وانرد عليكم
سراج:باهي تمام
محمد:كان صار اي شيئ رنولي وانا مش حنطول
سراج:ان شاءلله ماايصير شيئ
محمد:ان شاءلله وعدى
سراج:تنزلي للكافي لوطة تشربي قهوة
سندس:بصراحة وقتها راسي بينفجر مالصداع
سراج:معناها خلينا انشوفو دكتور خير
سندس:لا مافيش داعي راسي مصدع عشان شربتش قهوة بس
سراج:معناها هي ننزلو نشربو
سندس:هي ونزلو وخذو قهوة مالكافي وطلعو الحديقة المستشفى وقعدو يشربو فيها وهما الاثنين ساكتين
سراج:شن قررتي اديري
سندس:في شنو
سراج:في موضوعنا مازال بتسيبيني
سندس:سراج هذا احسن حل
سراج:معقولة اتسيبيني علي حاجة صارت في ماضي وقبل ماناخذك تعرفي لو صايرة معايا وانا متجوزك مش حنحكي بكل بس هذا ماضي مااتعاقبينيش علي ماضي
سندس سكتت
سراج:تعرفي اني نادم علي كل حاجة درتها في حياتي والله لو نعرف اني بنتلاقه بيك واتعلقيني بيك هكي وانك بتخليني انتغير والله الله ماكنت درت اي حاجة ماللي درتها انا حبيتك ياسندس حبيتك بجد انتي مش عارفة شن معنى سراج يقتنع بالحب ويعترف الوحدة بالحب الكبير هذا راه انا نعتبرها معجزة عمري ماتخيلت روحي في يوم انقولها اصلا طول عمري انقول الحب كذب توا بس صدقته بعد جربته معاك لو سيبتيني حدمريني وحدمري الحب الكبير اللي اول مرة انحسه
سندس;خلينا توا نطمنو علي اعميمة قبل وبعدها ساهل
سراج:يعني بتردي اتفكري في الموضوع
سندس صبت:ان شاءلله
سراج فرح وصبى:هي انشوفو عفوفة راه توعى وماتلقى حد تزعل
سندس ابتسمت:هي انشوفوها ومشو شور العناية وقعدو مقمعزين غادي بس معش حكو في موضوعهم بكل
“””‘
الساعة 7 المغرب وصلو معاذ ورويدة الارض الوطن?ودغري مشو للحوش لقو هله يرجو فيهم ودايرين عشاء بسيط علي جيتهم
خشو وقعدو ايسلمو عليهم وقمعزو مع بعضهم وقعدو ايخرفو علي سفرهم وانهم انسجمو وبعد حوالي نص ساعة
ام معاذ:هي صبو تريحو علي ماوتينا العشاء
رويدة:يمشي معاذ ايتريح وانا بنهدرز مع البنات وانساعدهن في العشاء
ام معاذ:والله مانك لامسة حاجة البنات قاعدات5 مايبن يوحلن فيه امشي تريحي انتي وراجلك اكيدة تعبانين مالطيارة
معاذ:لنقنه تعب مالصبح في المطار نرجو في الطيارة اتجي
مروة:هذا حال الطيران متاعنا ايعذبوك
ام معاذ:خلاص هي صبو تريحو وبعد يجهز العشاء انكلموكم
رويدة:بس يااعميمة
معاذ:مافيهش بس انتي مش عارفتها العزوز بعد اتسكر راسها راه دبينها قالت ماتقربي شيئ يبقى ماتقربي شيئ
ام معاذ:زي ماقالك بزبط وبعدين الستر مازال عروس حلك قربتي حاجة
رويدة ابتسمت وصبت:اللي اتشوفيها اعميمة
معاذ مسك يدها:هي تريحي وبعدين صدقت امي مازال عروس بتقربيلي البصل والثوم من توا
ام معاذ:والله صدق امشو تريحو وبعد يجهز العشاء انرنو عليكم
معاذ خذا رويدة من يدها ورقو الجناحهم
أسيل سمعت بأن معاذ روح جت عساس بتسلم بس لما خشت شافت كيف معاذ ماسك يد رويدة اضايقت وطلعت
وصلو للجناح وجو بيخشو
معاذ:خشي بكراعك اليمين عشان يقعدن ايامنا حلوة
رويدة ابتسمت:ان شاءلله وخشت بكراعها اليمين
معاذ:ها شن رايك في الجناح
رويدة:بجد بجد ايهبل مش نفس الصور في حاجات ضايفهن
معاذ:ضفت حاجات وماصورتهنش نبيهن مفاجأة لكي تعالي خشي عشان اتشوفي دار النوم وخشت
رويدة بفرحة:هذي الدار اللي عجبتني
معاذ:اكثر حاجة تعبتني الدار مروة قالتلي لازم الدار اتكون علي ذوق رويدة ولما سألاتك عساس اتهدريز شن نوعية ديار النوم اللي يعجبنك وانتي دزيتي هذي جتني تجري والله الساعة2 في الليل وراقد وعتني عشان اتوريها ليا وقعدت مسكرة راسها انجيبها زي اللي تبيها انتي وهنا ماالقيتش زيها والله وصيت عليها من برا وكله عشان خاطرك ياحلو?
رويدة:نجيلي صبيتي ياربي اللي تبي راحتي
معاذ:والبنقلة اللي تعب وهو ايدور فيها هذا شنو ماعندش نجك ليا
رويدة باساته في خده:تي انت ناعليا منك
معاذ:وحق الله ما ناعليا الا منك انتي وكرها الحظنه وقعد ايبوس فيها والباقي طبعا #مشششششششفففر?
“””
بعد اشوي كمل التشفير معاذ صبى من جنب رويدة
رويدة:وين ماشي تبيش ترقد
معاذ:لالا بنمشي انشوف اصحابي توا يعرفوني روحت يزعلو عشان ماجيتهمش
رويدة:وبطول عندهم
معاذ:لالا انسلم عليهم وانجي قبل العشاء حنكون هنا
رويدة:باهي حبيبي
معاذ:انتي تريحي وارقدي اشوية وحنقول المروة بعد يوتى العشاء اترن عليك
رويدة:لا مش جايني نوم حننزل انهدرز مع البنات
معاذ:باهي براحتك حبيبي انا بندوش ونطلع
رويدة:باهي
خش معاذ للحمام دوش وطلع لبس دبشه وجا الرويدة اللي مازال متمددة في السرير
معاذ ابتسم:والله شكلك ناعسة
رويدة:لالا مش ناعسة
معاذ باسها علي خدها:سلام توا مش حنطول
رويدة:سلام ومعاذ صبى وبيمشي
رويدة:أنحبك
معاذ:وانا انحبك وطلع
ونزل قال الامه ان بيمشي الاصحابة ومش حيطول وطلع
أسيل قعدت مقمعزة قدام باب حوش معاذ ولينا وتبكي ولما طلع معاذ انتبهتله في الاخير وناداته بتحكيله بس هو كان راكب في السيارة ولا سمعها ولا انتبههلها
اضايقت بكل وحست ان معاذ تغير لما اجوز وان هو سمعها ومابش ايرد عليها خشت الحوش هل معاذ وكان حاطة قي بالها بتحكي مع رويدة بس مالقتهش مع البنات دارت روحها جاية اتخرف مع البنات وبعد لهن رقت فوق الجناح رويدة ومعاذ ودقت عالباب
رويدة كانت كيف طالعة مالدوش ولابسة واتنشف في شعرها وبعد دق الباب مشت فتحت عساس وحدة من خوات معاذ ماكانتش متوقعة أسيل بكل
رويدة فتحت ولقتها اسيل وحاولت مااتبين صدمتها
رويدة بإبتسامة:اهلا أسيل
أسيل:اهلين
رويدة:شن اخبارك
أسيل:من ربي كويسة
رويدة:باهي خشي تفضلي جوا عليش قاعدة عالباب
أسيل:اسمعي انا لا جاية انتفضل لاشيئ انا جاية انقولك كلمتين وماشية
رويدة:ان شاءلله خير احكي
أسيل:الخير راح من اول ماانتي خشيتي حياة معاذ وكان تحسابي روحك تقدري اتغيريه علينا واتنسيه حب حياته لينا لا ياماما راكي غالطة راه ان شاءلله اديري شنو لينا مش حينساها وكان توا مازال طاهق بيك وفرحان بيك اشوي وحيرد العقله ويذكر حب حياته لينا وهذك الساعة حتشوفي كيف حيعاملك وانتي حتندمي انك خذيتي واحد قلبه مع غيرك
رويدة:اسمعي اسيل انا مقدرة مشاعرك وان اللي متوفية اختك بس تهيالي زودتيها وتهيالي موضوع لينا هذا صفحة وانتهت بالنسبة المعاذ ومعاذ لو ماايحبني ماكانش خذاني واختارني من بين كل البنات
أسيل تضحك:هههه مسكينة مازال مصدقة فكرة ان معاذ ايحبك وان هو نسى لينا لا ياحلوة ايكون في علمك ان معاذ يوم اللي بكرا فرحكم وهو يبكي علي لينا وكان مش حيمشي للفرح وبيسيبك بس مروة هي اللي غصباته ان يمشي لان لو مامشش للفرح كانت امه حتصيرلها حاجة فخاف علي امه ومشيى للفرح يعني مش حبا فيك لذلك معش تكذبي علي روحك واتقولي ايحبني لو ايحبك ماكانش يوم فرحه يبكي علي حبيبته اللي ماتت
رويدة:انتي تكذبي معاذ مستحيل ايكون دار هكي
أسيل:اوكي انا نكذب بس لو مش مصدقتني تقدري تسألي معاذ او مروة وهما حيحكولك الحقيقة ونزلت وسيبتها بعد قهرت رويدة في وسط قلبها ?
رويدة خشت وسكرت الباب وهي مصدومة من كلام أسيل هي كانت حاسة ان فيه حاجة بس مش الدرجة ان معاذ ممكن ايكون بيسيبها يوم فرحها
أسيل لما نزلت وهي تضحك وفرحانة تلاقت مع مروة
مروة:وين كنتي
أسيل:كنت فوق
مروة بعصبية:كنتي عند رويدة صح
أسيل اها وحكيتلها عاللي صار يوم الفرح حرام معقولة مازال داسينها عليها لعند توا
مروة بعصبية:انتي وحدة مريضة شن دخلك باللي صار يوم الفرح تحكيه الها وبعدين اصلا اللي صار كله منك انتي
أسيل:لا مش مني انا اللي صار عشان معاذ مازال ايحب لينا وانتو اللي مش مقتنعين بالشيئ هذا
مروة;انتي الي اقتنعي ان اختك ماتت ومعاذ حب غيرها واجوزها برضاه ورويدة هي مرات معاذ توا وحتقهد ام عياله وانتي هنا مازال عايشة في ماضي ووهم في عقلك المريض بس تعرفي انا حنعرف كيف انخليك تقتنعي بعد ماانكلم هلك ونحكيلهم اللي اديري فيه وتوا كان تفهمي اطلعي من هنا وردبالك انشوفك مرة اخرى مضايقة رويدة والله اتشوفي شيئ مايعجبك
أسيل ماردتش علي مروة وطلعت وكان عندها اهم شيئ دارت اللي تبيه وحكت اللي صار الرويدة وحرقت قلبها
مروة دغري رقت الرويدة ودقت عالباب
رويدة لما دق الباب مسحت دموعها وفتحت بس كانن عيونها واضح انها كانت تبكي
مروة خشت:جاية بنقولك عالعشاء ان ربع ساعة ويوتى
رويدة:اشوي وننزل
مروة:باهي تمام وجت بتمشي وهي مش عارفة كيف تفتح الموضوع مع رويدة
رويدة:صح معاذ كان بيسيبني ومايبيش ايجي للفرح
مروة ارتبكت
رويدة:وراس امك احكيلي الصدق وماتكذبي عليا
مروة:مش قصة بيسيبك معاذ والله ايحبك بس اللي صار ان الحقيرة اسيل جت وقعدت اتذكر فيه بحاجات هو ناسيهن وفتحتله جروحة اللي كانن بريانات فتأثر اشوي عليها ووجعاته بس مافكرش ايسيبك واصلا لوكان بيسيبك راه سيبك بس هو ايحبك واختارك من بين كل البنات معاذ كان مسكر عالحب والزواج كله انتي الوحيدة اللي خليتيه ايفكر فيهن
رويدة تبكي:يعني هو مازال ايحبها
مروة:رويدة معاذ لينا كانت حبه في طفولته ومراهقته لينا نحن وهي نسكنو جنب بعضنا بنت عمنا وكانت ديما هنا قصة حبهم كانت كبيرة بكل تخيلي انسان من اول ماوعيت عالدنيا معاك تفقده فجأة معاذ تاثر واجد بكل بعد وفاتها الدرجة كبيرة ماتصوريهش اكثر حتى من باتها وامها بس اول ماحبك تغير واجد صح ممكن اتكوني انتي وهي مش نفس الحب بس هو حبك يارويدة وهذي حاجة ماكانش حد متوقع اتصير
رويدة تبكي:بس هو مازال مانساها يامروة
مروة:يكفي ان ايحبك وانتي يشطارتك اتخليه ينساها
رويدة تبكي:كيف انخليه ينسى وحدة حبها الحب الكبير هذا
مروة:تقدري يادودي
رويدة:لا مش حنقدر انا احسنلي نطلع من حياته من توا احسن مانكتشف حبه الها بالشوية وننقهر
مروة:تبقي غبية لو استسلمتي في حبك له من توا
رويدة تبكي:مصيري مستسلمة بعد انشوف حبه الها بعيوني مانقدرش انتخيله وهو ايفكر فيهل او يبكي عليها انا انموت عشان هكي انا اول ماايروح معاذ حنحكيله وحنمشي الحوش هلي
مروة:وشن بتقوليله معاذ بتقولي ان اسيل حكتلك عاللي صار في الفرح وانك انت تاثرت علي لينا وتجبديله وحدة ميته وانتي اللي اتذكريه بيها
رويدة:وشن تبيني اندير
مروة:لكم توا قريب اسبوعين متجوزين حسسك فيهن ان ايحب او ايفكر في غيرك اساء لكي في حاجة
رويدة:لا هو ماحسسني بشيئ وايعامل فيا كويس بكل بس انا اللي طول الوقت كنت حاسة فيه حاجة وفعلا طلع احساسي بمحله
مروة:دبينه هو معاك كويس وماحسسك بشيئ ولا حكالك شيئ عاللي صار يبقى هو مايبيش يخسرك ويبي يبدى حياة جديدة معاك ليش تمشي انت تحكيله واتذكريه بوحدة ميتة افهميني يادودي لينا قاعدة عند معاذ بس في ذكريات الماضي اما الحاظر انتي قاعدة فيه ماتقعديش هبلة وتخسري حبك عشان وحدة ميتة هذي مش عايشة وبتقعد قدامه ديما لين اتخافي ان ماينساها هذي ميتة وقاعدة في الماضي ومعش بيشوفها يعني تقدري بسهولة اتخليه ينساها انا كنت نحسابك اعقل من هكي بواجد
رويدة:انا خايفة يقعد بس مازال فرحان بيا وبعد اشوي نقعد انحس بحبه الها وتاثره عليها
مروة:معاذ مش نحن اللي اخترناك له عشان يفرح بيك اشوية وبعدها يذكر لينا معاذ خذاك بقناعته هو لان حبك وبالشوية بالشوية وبشطارتك تقدري اتخليه ايحبك اكثر ماحبها لانك انتي الحاظر انتي الحبيبة والزوجة وانتي اللي حتكوني ام اطفاله
رويدة سكتت وقعدت اتفكر
مروة:انتي شاطرة وقدها وحتخليه ايحبك اكثر بس توا ماتستعجلي وتحكمي علي حياتكم بالفشل قبل ماتعيشوها وصبي سلم خيتي اغسلي وجك ولما ايروح اضحكي معاه وبصري ومااتحسسيش انك عرفتي شيئ عشان ماتخسريش حبكم
رويدة:يعني برايك هذا حل
مروة:هذا احسن حل لان معاذ لعند توا ماغلطش وماحسسكش بشيئ ومازال معاك كويس انتي اللي بتخلقي مشكلة معاه عشان كلام وحدة مريضة زي اسيل
رويدة سكتت
مروة:ها شن قلتي
رويدة:حاظر حندير زي ماقلتيلي بس ان شاءلله اسيل اتخلينا في حالنا
مروة:اسيل انا عارفة دواها وماعليك فيها حنصرف ومش حتضايقكم مرة اخرى
رويدة صبت:خلاص حنغسل وجي وننزلو تحت مع بعضنا
مروة:ياخية نجيها مرات خيي العاقلة
خشت رويدة غسلت وجها وطلعت دارت مكياج خفيف عشان تخفي اثر الدموع ونزلت هي ومروة تحت وبعد اشوي جا معاذ وقعدو ايتعشو مع بعضهم ورويدة ماجابتش سيرة الموضوع بكل
“””
#في_المستشفى
كانت الساعة 11 سندس قاعدة قدام العناية وسراج وعمو محمد تحت وكل اشوي ايرنو علي سندس يسألو اذا عفاف وعيت اول لا
وعند الساعة 12 عفاف وعت بس الدكتور مانع اي حد ايخش عليها لين ايطلعوها ثاني يوم للقسم ورنت عليهم سندس وطمنتهم انها وعيت بس مش حيقدرو ايشوفها الا لما تطلع للقسم
بس طبعا ماقدرش حد يرقد وقعدو كلهم يرجو بس في النهار يطلع
“””
عند رويدة خشت هي ومعاذ الدارها ومشت ليلتهم سمحة واتهدريز وجو زي اي عرسان مازالو جدد معاذ ماحسس رويدة بشيئ ورويدة سمعت كلام مروة ومافتحتلش الموضوع بكل
“””””
#صباح_يوم_جديد
عالساعة 10 جا الدكتور وخش علي عفاف ولقى حالتها كويسة وطلعها للقسم بس نبههم ان يحكوش علي شيئ ايعصبها او ايزعلها واول ماطلعوها للقسم جوها وخشو مع بعضهم
عفاف اول ماشافت سندس وسراج خاشيين مع بعضهم ابتسمت
سراج:الحمدلله علي سلامة أحسن عفوفة في الدنيا وقرب بالشوية وباس راسها
سندس جت بعده وباس راس عفاف
سندس:الحمدلله علي سلامتك اعميمة
محمد:بالك تعطوني اشوي نطمن علي مراتي
سراج;وسعي وسعي خلي طيور الحب ايشوفو بعضهم
محمد باس يد عفاف:ماتصوريش قديش خفت عليك والله تمنيتها فيا ولا فيك
سراج يضحك:والله ايديرلك في طروح تي انا حقيته وهو ايبحت في الممرضات وايعاكس فيهن واينقي في وحدة عشان كان صارتلك حاجة ياخذها
سندس:والله كذاب يااعميمة عمو كان خايف عليك بكل
عفاف تحكي بشويش وصوت تاعب:عارفة سراج والنيران اللي ايحب ايشعلهن
محمد:ها شفت مش مصدقتك اصلا عفوفة عارفة قديش انا انحبها وحتى في شبابي ماارضيت انبدلها بوحدة انبدلها توا بعد هالعمر كله
سراج:علي كيفك خليه يضحك عليك بكلمتين وصدقيه واصلا هو وسندس متفقين مع بعضهم وهي قالتله ان بتخطبله وحدة اخرى
سندس بصدمة:سراج ياكذاب
سراج يضحك:انبصر ياعفوفة راه والله ماكنت نحساب احميدة ايحبك هكي كان خايف عليك بكل والله
محمد:حتى في عرب اخرى شفتهم يبكو راه وبحت في سراج
سراج ضحك:وكان مابكيت علي عفوفة احن وحدة في الدنيا علي من بنبكي ترا قولولي
عفاف ابتسمت:ربي ايخليكم ليا كلكم
محمد;وايخليك لنا ان شاءلله
قعدو ايخرفو مع بعضهم اشوي وبعدها جا الدكتور وطلعهم وقعدت معاها بس سندس
“”‘””
قعدت عفاف في المستشفى 5 ايام وفيهن كل يوم ايجوها ناسها واحبابها زيارة كانو معاها سندس وسراج ومحمد وماحدش روح للفيلا بكل وطبعا هدى قاعدة في الفيلا وماتحركتش بكل بس موضوع هدى معش حد حكا فيه قدامها
عفاف قعدت كل يوم حالتها اتحسن اشوي وبعد 5 ايام معش حبت تقعد في المستشفى وأصرت اتروح للفيلا والدكتور وافق بس قال تبي عناية واهتمام ويبعدو عنها اي مشاكل وازعاج وسندس ضمنت للدكتور انها اتوفرهن الها وبعدها الدكتور كتبلها خروج وخذوها مالمستشفى وطلعو بيها للفيلا وجابوها وحطوها في دارها بس طبعا كانت ممنوع عليها الحركة وسندس طبعا قررت تقعد جنبها لين تقعد اكويسة وبعدها اتنفذ قرارها
بعد روحت عفاف مالمستشفى قعدو عاد الاحباب والأصحاب ايجو ايحمدو علي سلامتها واليوم اللي روحو فيه ماتريحوش فيه بكل مالناس كل اشوي جاي واحد
طبعا الحاجة السمحة اللي دارها عمو محمد ان لما جابو عفاف للحوش اصر علي هدى انها ماتطلعش من دارها لين عفاف اتخش دارها عشان مايبيلهش التوتر ولان عارف لو شافت هدى حتوتر فخشت عفاف للفيلا من دون مااتشوف هدى بكل أو تعلم بأنها مازال في الفيلا
عالساعة7 المغرب سندس كانت مع عفاف في الدار اتهدرز معاها واتغيرلها في جو مع خشت عمو محمد عليها فسندس طلعت عشان اتخليهم بروحهم ونزلت تحت لقت سراج مقمعز عالدروج
سندس ضحكت;كنك قاعد هنا
سراج:نرجى فيك
سندس:عليش ترجى فيا
سراج:عشان مع رنت فون سندس
سندس:اشوي انرد علي ماما وردت
سندس:ايوا ماما شن اخبارك
سعاد:كويسة شن اخبارك واخبار عمتك اليوم
سندس:كويسة الحمدلله
سعاد:قالي فرج روحتو مالمستشفى
سندس:اها روحنا مالصبح
سعاد:ياريتك قلتيلي من اول ماروحتو
سندس:عليش انقولك
سعاد:عشان انجو انشوفوها ولا انقولك اهو باتك قالي نمشو توا
سندس بتوتر:بتجو هنا توا
سعاد:اها اشوي وانجوكم
سندس:باهي وسكرت
سراج:هلك بيجو توا
سندس:اها
طبعا سندس وسراج هما الاثنين فكرو في هدى وشنو بيقولو الهل سندس كان شافوها وهما الاثنين عارفين لو عرفو قصة هدى مش خيلو سندس قاعدة وحياخذوها معاهم طبعا التفكير هذا دار في بالهم هما الاثنين بس ماحد حكاه
سندس:انا بنمشي انقول العميمة ان هلي بيجو
سراج:باهي
سندس رقت فوق العمتها وعمها وحكتلهم ان هلها بيجو
سراج قعد ايفكر شن بيقول وشن بيحكي لو هل سندس شافو هدى ومالقش الا حل واحد وقرر اينفذه
“””بعد اشوي جو هل سندس وطلعلعولهم سندس وسراج وسلمو عليهم ورقوهم فوق شور عفاف ومحمد وقعدو ايهدرزو عندهم قريب ساعة وبعدها روحو وسندس وسراج طلعو معاهم لعند الجنان ايودعو فيهم وبعد عدو هل سندس سراج وسندس جو بيخشو
سراج:الحمدلله ماشافوهش
سندس:من هذي
سراج:المصيبة اللي جابها ليا ربي
سراج:قصدك هدى
سراج:ومن غيرها
سندس:صح وينها مالصبح والعرب ايجو وهي قاعدة في الصالون لوطى وكل واحد ايجي يسأل هذي من
سراج:وشن اتقولو
سندس:عمو محمد قالي قولي صاحبتك
سراج:باهي اللي قلتو هكي
سندس:بس جديات وين اختفت
سراج يضحك:توا انقولك
(انردو القبل ساعة من توا وتحديدا اللحظة سراج وهو ايفكر شن بيقول لو هل سندس جو وفكر في فكرة وقرر اينفذها ومشى شور الخدامة والخدامة بعد حكت مع سراج مشت الهدى في الجنان
الخدامة:مدام هدى يبيك استاذ سراج في الدار
هدى:قصدك في داري
الخدامة:اها
هدى;وماقالك شن يبي
الخدامة:قال نبيها في كلمتين ومايبيش حد يفطن
هدى فرحت وماصدقت ان سراج يبيها ودغري رقت الدارها والخدامة كانت وراها واول ماهدى خشت للدار وسكرت الخدامة جت سكرت الباب بالمفتاح من برا
هدى قعدت اتعيط:افتحي ياغبية افتحي ياحقيرة
سراج من ورا الباب:اسكتي بلا عياط انا اللي سكرت ولو صوتك يعلى او تسمعه عفوفة والله اندمك علي كل حاجة وانتي عارفتيني كويس
هدى:خلاص مش معيطة بس امتى بتفتح عليا حرام عليك
سراج:اشوي وحنفتح عليك بس صوتك مانبيش نسمعه
ومشو وهو الخدامة
هدى بعصبية:ماشي ياسراج والله تدفع ثمن حركته هذي غالي?
سراج:المفتاح معاك لما ايعدو هل سندس افتحيلها
الخدامة:حاظر ومشت
“””‘
سراج:ها شن رايك مش تستاهلها
سندس ضحكت:بصراحة تستاهلها
سراج ابتسم:ربي مايحرمني من ضحكتك
سندس سكتت وجت بتخش
سراج مسك يدها;سندس
سندس لفت عليه:نعم
سراج:شن قررتي
سندس:نفس القرار ياسراج ماتغيرش نرجى بس اعميمة تقعد كويسة وبنمشي الهلي
سراج:يعني بتسيبيني
سندس:هذا احسن حل ليا ولكي
سراج:سندس ليش بتحرميني منك بعد حبيتك ليش بتحرميني من تجربة حلمي اني انعيشها
سندس:ماتقدرش اتعيشها لانها تجربة فاشلة مالبداية
سراج:مش من حقك تحكمي عليها بالفشل قبل ماانجربوها
سندس:اسمع ياسراج
سراج حط يده علي شفايفها;انتي اللي اسمعيني انا انحبك ومش حنقدر انكمل بلاك استوعبي انك الوحيدة اللي خشيتي قلبي انا توا عمري فوق 30 عمري ماحبيت انتي بس اللي حبيتها
سندس بعدت يده:بس هي حامل منك
سراج:والله ماهي حامل مني والله تكذب
سندس:باهي تمام بس تخيل بعد التحاليل تطلع صح حامل منك شن بدير في اللحظة هذي اكيدة بتجوزها وهي بتقعد ام ولدك
سراج:انا نبيك تفهمي حاجة وحدة ان انا لا اتهمني هي ولا عيل منها انا موضوع اني انكون اب كله مش في بالي ولما انحطهم في بالي نبيك انتي اتكوني امهم مش حد غيرك
سندس:بس لو طلعت حامل بتجوزها صح
سراج:بنجوزها بس والله لا نبيها ولا انحبها ولا حنقرب منها ولا نعتبرها زوجة لو بترضى هكي وبتقعد تربي ولدها تمام واذا ماتبيش اتسيبه وانجيبله مربية اتربيه والقصة هذي نوعدك مش حتأثر علي حياتنا بكل
سندس:كيف مش حتأثر انا مش حنرضى وهلي مش حيرضو
سراج:والله الله بيقعد مكانك في قلبي وفوق راسي ماانحسسكش ان فيه شيئ تغير انا بنقعد ملكك انتي بس والله عيوني عميتهن علي كل البنات انتي بس توا فيهن لو انتي ترضي اتكملي معايا هلك شوري حنعرف كيف نقنعهم انتي بس ماتحرميني منك وكملي المشوار معايا وانا نوقف في وجه العالم كله عشانك
سندس معش عرفت شن اترد كان تفكيرها مشوش بين تبيه وبين مش قادرة تستوعب الفكرة
سراج:دوسة انحبك والله انحبك كملي امعايا ومش حتندمي وحنخليك اتحبيني وعد
سندس كان كلام سراج يضعف فيها لان هي بروحها كانت اتحبه بس ماعندهش الجراءة تعترف او اصلا مش وقت اعترافها توا بكل
سراج حط يدها علي خصرها وجبدها شوره وقعد ايشوف العيونها وهي اتشوفله
سراج ايشوفلها:بتسيبيني
سندس هزت براسها بمعنى لا
سراج زاد قربها منه:يعني بتكملي معايا وبتعطي فرصة الحبنا
سندس كانت ذايبة في عيون سراج وريحته;اها
سراج قرب من شفايفها وبيبوسها سندس حطت يدها علي شفايفه ووقفاته
سراج هز براسه بمعنى كنك
سندس:عندي سؤال في راسي محيرني
سراج:شنو
سندس:انت شن عرفك بهدى الدرجة تحمل منك
سراج ارتبك:معرفتي بيها جت بالصدفة
(هدى فتحت عليها الخدامه وطلعت مالدار معصبة ولما سالت علي سراج قالتلها الخدامة ان في الجنان فطلعت عشان بتعاركة لان سكر عليها ولما وصلت للجنان شافتهم مع بعضهم وقعدت تسمع في كلامهم ومقهورة وقررت تنتقم من سراج عاللي داره فيها?)
سندس:باهي احكيلي كيف جت الصدفة هذي
سراج قعد ساكت وايفكر شن ايقول
هدى:انا حنحكيلك كيف تعرفنا
سندس بعدت من سراج:بس أنا مانسألش فيك نسأل في سراج
سراج بعصبية:انتي ماحد اسألك فأحسنلك تنتلفي جوا وماتدخليش بيني وبين سندس
هدى:انا وجعتني انها اتصدق في كلامك ومش عارفة ان معرفتي بيك كانت عشانها وعشان كنت بتنتقم منها في شرفها يعني كان بيدير فيك زي مادار فيا
سراج بعصبية:هدى سكري فمك احسنلك
سندس:شنوو
سراج:سندس هذي وحدة كذابة مااتصدقيهش
هدى;انا مش كذابة ياسراج وترا انكر ان سبب معرفتنا كان اتفاق بيني وبينك اني انخلي سنذس اتجي للشقة عشان انت تغتصبها واتصورها ليا وهي بلا شيئ وانا ننشرها
سراج بعصبية;مااتصدقيهش والله تكذب
هدى:والله مانكذب ولو تذكري القصة اللي حكيتها لكي وعنوان الشقة اللي عطيته لكي عساس شقتنا هي مش شقتنا الشقة السراج وكان فخ لكي عشان اتجيه بكرعيك وايدير فيك اللي يبيه
سراج بعصبية وقرب من هدى ومسك يدها بقوة;بطلي كذب احسنلك ورفع يده بيضربها
سندس وقفاته وبعصبية:هي ماتكذبش كلامها صح الشقة اللي جيتك فيها هي نفسها الشقة اللي عطتني عنوانها هدى
سراج:القصة مش زي ماحكتها انا ماكنتش نحساب ان هي انتي نفسها البنت اللي خطبوها
سندس بعصبية:القصة مش في قصة ان انا هي البنت اللي خطبوها لكي او مش هي القصة كيف ترضى انك اتضر بنت في شرفها
سراج:الموضوع قديم وانتي عارفة كويس اني كنت حاقد عليك
سندس بعصبية:كيف واحد يحقد علي واحد يقعد بينتقم منه هكي الا ان ايكون مش انسان
سراج:اهدي سندس القصة هذي ماضي وشعور الحقد اللي كان تجاهك تحول حب توا
سندس:انت شيطان مش انسان كل ماانحاول انقرب منك ونحترمك ادير حاجة اتبان فيها انك ماتسحقش اي تقدير
سراج:صح انا ماكنتش انسان وكنت اندير في حاجات غلط واجد بس توا انا تغيرت وحبك هو اللي غيرني
سندس بعصبية:انت حتقعد طول عمرك هكي ومستحيل اتغير
سراج:بس انا تغيرت وانتي شفتي هذا بعينك
سندس بعصبية:انا ماشفت شيئ كل اللي شفته وعرفته اني مليت منك ومن قذارتك اللي معش فضت تعبت من ماضيك الاسود اللي قعد يطلع وايكره فيا فيك اكثر
هدى كانت مصبية وتسمع فيهم ومتشمته ماللي صار بينهم
سراج:انتي ليش توا اديري هكي وانتي عارفة ان المشاكل بينا كانن من اول لقاء وحتى انتي كنتي تكرهيني
سندس بعصبية:انا كرهتك في قلبي بس ماحاولتش انظرك ولا فكرت حتى فيها لاني انسانة ماانحبش حد ينظر بسببي
محمد بعد سمع الصوت العالي طلع عليهم
محمد:شن فيه كنه صوتكم عالي شن صاير
سراج بعصبية:سندس قاعدة اتحاسب فيا علي حاجات صارن في الماضي من قبل حتى مانعرفها
سندس:الحاجات اللي في الماضي هذينا ايخصني انا انت كنت بتضرني انا
محمد:شنو القصة فهموني
سراج:مافيش قصة ياباتي سندس اتكبر في المواضيع بس
سندس:الموضوع اصلا كبير مايستحقش حد ايكبره
محمد:باهي فهموني الموضوع
سندس:احكيله ياهدى اللي حكيتيه توا
هدى:القصة وقعدت تحكي في الموضوع
وسراج كان ايفنص في هدى يبيها تسكت
محمد بعصبية:انا عارف انك صايع ومااتخفش من حد بس ماكنت نحساب توصل بيك انك اتفكر تنتقم من بنت في شرفها
سراج:والله ماكنت نحسابها هي البنت اللي خطبتوها
محمد;هي ولا غيرها يكفي تفكيرك في انك اتضر بنت ناس بالطريقة البشعة هذي
سندس:عمو انا بنمشي الهلي توا شيلني الهم
سراج:سندس الموضوع مايستحقش
سندس:انت كل موضوع عندك مايستحقش شنو هو في نظرك الموضوع اللي يستحق
سراج:بس انا تغيرت
سندس: انت عمرك مااتغير
محمد:معاك حق انك تمشي وانا مانمسككش بس الوضع توا صعب شايفة حالة عفاف بروحك هي تحساب انتي وسراج اصالحتو وفرحانة وتوا انتي تمشي انخاف ايصيرلها شيئ وبذات انها لعند توا تسأل عليك تبيك كان تسمعي مني خليك يومين لين بس اتحسن حالتها وبعدها انا بروحي انشيلك وطلاقك نضمنه لكي انا
سراج:ومن قالك انا بنطلق
محمد بعصبية:انت سكر فمك مازال عندك وجه تحكي
سندس:انا عشان اعميمة وعشانك نقعد لكن قدامك ياعمو طول اليومين هذينا مانبيش ايقرب مني او ايحاول يحكي معايا يعتبرني مش قاعدة بكل
سراج:للدرجة هذي ياسندس كرهتيني
سندس:واكثر من هكي اخرى
محمد:حاظر انتي بس اقعدي هاليومين مع عفاف وانا نوعدك مش حنخليه ايقرب منك وتوا اهدي وامشي العفاف لانها تسال عليك
سندس:تمام وخشت وسيبتهم
سراج:انت كيف اتقوللها هكي انا مش مطلقها لو اتموت موت
محمد بعصبية:غصبن عنك اطلقها البنت كارهتك وبعدين مافيش وحدة ترضى باللي انت ادير فيه
سراج:وانا شن درت
محمد:هذا كله وشن درت يكفي ان جاية وحدة لعندها واتقوللها حامل من راجلك
سراج:والله ماهي حامل مني
محمد:بكرا انديرولها التحاليل ونعرفو وين الحق
هدى:بس انا التحاليل وتقارير الدكتورة جبتهم لكم
سراج:تحسابيني بنصدق كذبك شن عرفني مااتكوني مزورتهن
محمد:خلاص بكرا حنديرو التحاليل عند ناس نعرفوهم وانشوفو
سراج:انا بنشيلها بكرا الناس نعرفهم ونوثق فيهم مش يكذبو زيك
محمد;وانا بكرا حنمشي معاكم عشان يقعد كل شيئ قدامي
سراج;وكان طلعت مش حامل مني وتكذب تخرب حياتي بسسب كذبها
محمد:كان طلعت تكذب نوعدك انا انحل المشكلة اللي بينك وبين سندس
هدى;واذا طلع كلامي صح
محمد: انا مانرضش العيب ولو طلع الحمل منه حياخذك غصبن عنه
سراج:خلاص بكرا حتطلع الحقيقة وانا متأكد انها تكذب
هدى:وانا متأكدة ان اللي في بطني منك
محمد:خلاص توا انهو الموضوع وبكرا حتبان الحقيقة ونعرفو من الصادق ومن الكذاب بس تعرفي ياهدى لو تطلعي تكذبي وتتهمي في سراج بالباطل صدقيني حندمك عليها
سراج:وحتى انا حتشوف مني شيئ مايعجبها
هدي;لو طلعت نكذب انا راضية باي حاجة اديروها فيا وخشت وسيبتهم
محمد:خلاص توا عدي الحوشك وردبالك اتضايق سندس مش داعي للمشاكل اللي ايتعبن امك
سراج سكت وماردش عليه وطلع وعدى الفيصل في حوشه ورن عليه وفيصل طلعله برا وقعدو في السيارة مع بعضهم
فيصل:كنك متعقد شن صاير معاك
سراج:حياتي ادمرت
فيصل:شن صار احكيلي
سراج:هدى جت للحوش وقالت انها حامل مني
فيصل:ومن هدى هذي
سراج:قعد يحكيله في قصة هدى مالاول وحتى اتفاقه معاها علي سندس
فيصل:والبنت صح حامل منك
سراج:انا متاكد انها تكذب
فيصل;كيف تكذب وانت توا قلت انها كانت بنت وانت اول من لمسها
سراج:صح الكلام هذا بس يافيصل انا مش غبي عشان انحليها تحمل مني انا عارف الجو هذا كله وديما داير حسابي كيف بتحمل مني وانا وسكت
فيصل:دبينك متأكد انها تكذب دير تحليل DNAوطلع الصدق
سراج:بكرا بنمشو انديرو التحليل
فيصل:وسندس عرفت بالموضوع
سراج:عرفت كل حاجة بس اللي قهرتني ان موضوع الحمل لان ماضي كانت بتسامحني عليه وكنا بنصالحو بس الحقيرة هدى جت وحكت الاتفاق اللي بينا عليها وخربت كل حاجة
فيصل;وسندس شن دارت
سراج:قالتلي انها زادت كرهتني وانها بتطلق مني
فيصل: هدي شكلها دارتها بلعاني
سراح:عارفها بلعاني لانها تكره سندس كره اعمى بس انا والله اندفعها الثمن غالي وحتشوف كيف ماخربت اللي بيني وبين سندس والله انخرب حياتها
فيصل:سراج انت توا اتحب سندس صح
سراج:هذا اللي كاسرني رغم كلامها ليا كله قاعد انحبها ومانبيهش اتسيبني
فيصل:يبقى ماتستسلمش وخليك وراها لان اللي صار هذا كله في الماضي ولو تبيها اتحبك تغير ياسراج وفكك ماللي كنت ادير فيه كله
سراج:والله تغيرت وكله عشانها بس هي مش شايفة اني تغيرت بكل ولا مصدقة اني انا انتغير
فيصل:لما بكرا يطلع التحليل واتبان الحقيقة وانها مش حامل منك سندس حتهدى اشوية وحتشوف انك تغيرت بس انت تغير بجد ومعش ادير اللي كنت ادير فيه
سراج:غير هي ترضى اتكمل معايا وحتشوف سراج اخرى بكل
فيصل:ان شاءلله اتغير ياسراج
قعدو يحكو مع بعضهم لعند الساعة 1 في الليل وبعدها سراج روح الحوشه ورقد فيه
“”
#صباح_يوم_جديد وتحديدا الساعة 8
كان يوم مهم وعو كلهم بدري ومن ضمنهم سندس وفطرو مع بعضهم وجا سراج وقال الباته وهدى هي عشان يمشو ايديرو التحاليل
سندس عرفت انهم بيمشو ايديرو تحليل عشان يعرفو اذا حمل هدى من سراج أو لا وقعدت قاعدة علي اعصابها من مشيتهم من جنبها
“”‘
وصلو سراج وهدى وعمو محمد المعمل التحاليل
وخشو سراج وهدى ودارو التحليل
وكان صاحب معمل التحليل معتصم صاحب سراج ويعرفه فقاله ان التيجة تبي وقت اقل شيئ 6 ساعات وقاللهم ايروحو وايردو ياخذوها بعد 6 ساعات
“”””
روحو وقعدو الكل علي أعصابهم ويرجو في النتيجة وطبعا ماخلوش عفاف اتحس بشيئ وتغدو مع بعضهم وبعد الغداء وتحديدا الساعة 3 طلع سراج بيمشي ايجيب النتيجة ركب سراج في سيارته وجاه باته
محمد:سراج بنمشي معاك
سراج:عليش انا بنجيبها وانجي هنا
محمد:مانضمنكش ياسراج انا بنسمع نتيجة التحليل بروحي
سراج:باهي هي اركب وركب عمو محمد ومشو مع بعضهم للمعمل ونزلو
سراج:شن الجو عومي
معتصم:تمام
سراج:شن صار طلعت النتيجة
معتصم:اها طلعت اهي خوذها
سراج:وشنو النتيجة
معتصم:البنت صح حامل
محمد:والتحليل الثاني شن نتيجته
معتصم:مش عارف شن انقول
سراج:احكي شنو
معتصم:الابوة ثبتت عليك ياسراج
محمد بصدمة:يعني صح هو اب الطفل
معتصم:اها هو اب الطفل
سراج—??
#يتبع
قولكن شن رد فعل سراج عالخبر وكيف حيستقبله وكيف حيواجه سندس بيه وشن حيكون رد فعل سندس عليه وشن حيكون رد سراج اذا سندس سيباته هل حيوافق علي جوازه من هدى أو لا وشن حيدير اذا اجوزها هل حيتغير زي ماكان ناوي او حيرد زي قبل ?
وهدى اللي طلعت حامل من سراج صح هل ممكن حتى حبها السراج ايكون صح ?
أما رويدة هل أسيل حتخليها في حالها وحتخليها اتعيش حياتها طبيعية او لا وهل قرارها انها ماتحكيش اللي عرفاته المعاذ صح او خطأ ?
اما رانيا وفيصل الوضع هادي بينهم بس قولكن شن حيكون فيه بعد الهدوء هذا ????
كله حنعرفوه في الحلقة الجاية☺
اسفة اني امس مانزلتش بس رصيد النت كمل ومن ساعة قريب كيف عبيناه هذا ليش مانزلتش?
وفيه وحدات القيتهن دازات خاص ومشغولات يحسابن عندنا فياضان وسيول في المرج اطمنن بنات مافيش شيئ مطر بس راه?
شكرا حبايب قلبي انكن مشغولات عليا ??
أسفة لو فيه لخبطة في الأسماء وأكيد رأيكن ايهمني?
گـتـابـتـي Koka Saleh
الـحـلـقـة (36)
گـتـابـتـي Koka Saleh
“”””””””””””””””””””””””””
#بعد 6 ساعات من المراجاه سراج معش قدر يصبر وعصب عالاخر
سراج بعصبية وصوت عالي:معقولة 6 ساعات مايطلعش حد ايطمنا مش هكي
فيصل:وسع بالك مش هكي العملية كبيرة وتبي وقت
سراج بعصبية:مش للدرجة هذي الوقت انا لازم انخش انشوف شن صاير معاهم #Koka_Saleh
محمد:وين اتخش ياسراج جوا دكاترة انت مش اعرف منهم
سراج بعصبية:بس اللي جوا امي مش امهم اكيدة مش حاسيين بالنار اللي فيا انا
بعد قال امي كلهم انصدمو وتأثرو من سراج لان عارفين ان عمره ماقالها
سندس:صح مش امهم بس هما هذا واجبهم واكيدة حيديروه بأكمل وجه انت بس اصبر اشوية
سراج بعصبية:تعبت وانا صابر معش نقدر حد ايطمني عليها #Koka_Saleh
محمد:انا بروحي قالق عليها بس لازم نصبرو هما يشتغلو جوا مش يلعبو وهذي عملية صعبة
سراج خبط عالساس:ياااااااارب
مع طلعت الدكتور وجوه يجرو
سراج:طمنا يادكتور
محمد:نجحت العملية يادكتور
الدكتور:كانت عملية صعبة بس الحمدلله العملية نجحت وتوا حنشيلوها للعناية تقعد تحت الملاحظة لين توعى
سراج:وامتى توعى
الدكتور:مش عارف بزبط لين ايحول اثر المخدر
محمد:يعني هي حالتها مستقرة
الدكتور:حالتها كويسة توا بس طبعا تبي اهتمام وعناية واقل شيئ لازم تقعد في المستشفى اسبوع تحت العلاج
سراج:تقعد حتى شهر اهم شيئ تقعد كويسة ونطلع انا وهي من هنا مع بعضنا
الدكتور:ان شاءلله ومشى
ومحمد مشى للباقي ايطمن فيهن
سراج كان فرحان بكل:الحمدلله ياربي استجبت الدعايا
سندس:الحمدلله علي سلامتها وهذا ربي ديما رحمته واسعة
سراج:الحمدلله ياربي
سندس:بس ربي لازم نعرفوه في كل وقت مش بس في وقت ضعفنا واحتياجنا له
سراج:اكيدة باذن الله حنتغير وحتشوفي سراج واحد اخرى بكل
سندس:ان شاءلله وعدت من جنبه
بعد اشوي طلعو عفاف من غرفة العمليات وحطوها في العناية والكل بعد اطمنو عليها روحو الا سندس وسراج ومحمد قعدو قدام العناية
محمد:هي سندس اقل شيئ تريحي اشوية وتوا اتردي هنا
سندس:لالا ياعمو انا مش حنروح ولا انتريح لين نحكي معاها ونطمن عليها
محمد:باهي لكن اقل شيئ اتغيري دبشك من امس عليك وبعدين انتي بروحك تاعبة من خبطة السيارة
سندس:لالا انا ماانحسش بشيئ مش حنروح لين تطلع معايا اعميمة وانروحو مع بعضنا
سراج:باتي ماتتعبش روحك راهي راسها مسكر وماتسمعش الحد وتوا بعد توعى عفوفة تحكيلها عشان تمشي اتريح اشوي
محمد:باهي براحتكم انا بنمشي للفيلا انغير دبشي وانجيب دوايا وانرد عليكم
سراج:باهي تمام
محمد:كان صار اي شيئ رنولي وانا مش حنطول
سراج:ان شاءلله ماايصير شيئ
محمد:ان شاءلله وعدى
سراج:تنزلي للكافي لوطة تشربي قهوة
سندس:بصراحة وقتها راسي بينفجر مالصداع
سراج:معناها خلينا انشوفو دكتور خير
سندس:لا مافيش داعي راسي مصدع عشان شربتش قهوة بس
سراج:معناها هي ننزلو نشربو
سندس:هي ونزلو وخذو قهوة مالكافي وطلعو الحديقة المستشفى وقعدو يشربو فيها وهما الاثنين ساكتين
سراج:شن قررتي اديري
سندس:في شنو
سراج:في موضوعنا مازال بتسيبيني
سندس:سراج هذا احسن حل
سراج:معقولة اتسيبيني علي حاجة صارت في ماضي وقبل ماناخذك تعرفي لو صايرة معايا وانا متجوزك مش حنحكي بكل بس هذا ماضي مااتعاقبينيش علي ماضي
سندس سكتت
سراج:تعرفي اني نادم علي كل حاجة درتها في حياتي والله لو نعرف اني بنتلاقه بيك واتعلقيني بيك هكي وانك بتخليني انتغير والله الله ماكنت درت اي حاجة ماللي درتها انا حبيتك ياسندس حبيتك بجد انتي مش عارفة شن معنى سراج يقتنع بالحب ويعترف الوحدة بالحب الكبير هذا راه انا نعتبرها معجزة عمري ماتخيلت روحي في يوم انقولها اصلا طول عمري انقول الحب كذب توا بس صدقته بعد جربته معاك لو سيبتيني حدمريني وحدمري الحب الكبير اللي اول مرة انحسه
سندس;خلينا توا نطمنو علي اعميمة قبل وبعدها ساهل
سراج:يعني بتردي اتفكري في الموضوع
سندس صبت:ان شاءلله
سراج فرح وصبى:هي انشوفو عفوفة راه توعى وماتلقى حد تزعل
سندس ابتسمت:هي انشوفوها ومشو شور العناية وقعدو مقمعزين غادي بس معش حكو في موضوعهم بكل
“””‘
الساعة 7 المغرب وصلو معاذ ورويدة الارض الوطن?ودغري مشو للحوش لقو هله يرجو فيهم ودايرين عشاء بسيط علي جيتهم
خشو وقعدو ايسلمو عليهم وقمعزو مع بعضهم وقعدو ايخرفو علي سفرهم وانهم انسجمو وبعد حوالي نص ساعة
ام معاذ:هي صبو تريحو علي ماوتينا العشاء
رويدة:يمشي معاذ ايتريح وانا بنهدرز مع البنات وانساعدهن في العشاء
ام معاذ:والله مانك لامسة حاجة البنات قاعدات5 مايبن يوحلن فيه امشي تريحي انتي وراجلك اكيدة تعبانين مالطيارة
معاذ:لنقنه تعب مالصبح في المطار نرجو في الطيارة اتجي
مروة:هذا حال الطيران متاعنا ايعذبوك
ام معاذ:خلاص هي صبو تريحو وبعد يجهز العشاء انكلموكم
رويدة:بس يااعميمة
معاذ:مافيهش بس انتي مش عارفتها العزوز بعد اتسكر راسها راه دبينها قالت ماتقربي شيئ يبقى ماتقربي شيئ
ام معاذ:زي ماقالك بزبط وبعدين الستر مازال عروس حلك قربتي حاجة
رويدة ابتسمت وصبت:اللي اتشوفيها اعميمة
معاذ مسك يدها:هي تريحي وبعدين صدقت امي مازال عروس بتقربيلي البصل والثوم من توا
ام معاذ:والله صدق امشو تريحو وبعد يجهز العشاء انرنو عليكم
معاذ خذا رويدة من يدها ورقو الجناحهم
أسيل سمعت بأن معاذ روح جت عساس بتسلم بس لما خشت شافت كيف معاذ ماسك يد رويدة اضايقت وطلعت
وصلو للجناح وجو بيخشو
معاذ:خشي بكراعك اليمين عشان يقعدن ايامنا حلوة
رويدة ابتسمت:ان شاءلله وخشت بكراعها اليمين
معاذ:ها شن رايك في الجناح
رويدة:بجد بجد ايهبل مش نفس الصور في حاجات ضايفهن
معاذ:ضفت حاجات وماصورتهنش نبيهن مفاجأة لكي تعالي خشي عشان اتشوفي دار النوم وخشت
رويدة بفرحة:هذي الدار اللي عجبتني
معاذ:اكثر حاجة تعبتني الدار مروة قالتلي لازم الدار اتكون علي ذوق رويدة ولما سألاتك عساس اتهدريز شن نوعية ديار النوم اللي يعجبنك وانتي دزيتي هذي جتني تجري والله الساعة2 في الليل وراقد وعتني عشان اتوريها ليا وقعدت مسكرة راسها انجيبها زي اللي تبيها انتي وهنا ماالقيتش زيها والله وصيت عليها من برا وكله عشان خاطرك ياحلو?
رويدة:نجيلي صبيتي ياربي اللي تبي راحتي
معاذ:والبنقلة اللي تعب وهو ايدور فيها هذا شنو ماعندش نجك ليا
رويدة باساته في خده:تي انت ناعليا منك
معاذ:وحق الله ما ناعليا الا منك انتي وكرها الحظنه وقعد ايبوس فيها والباقي طبعا #مشششششششفففر?
“””
بعد اشوي كمل التشفير معاذ صبى من جنب رويدة
رويدة:وين ماشي تبيش ترقد
معاذ:لالا بنمشي انشوف اصحابي توا يعرفوني روحت يزعلو عشان ماجيتهمش
رويدة:وبطول عندهم
معاذ:لالا انسلم عليهم وانجي قبل العشاء حنكون هنا
رويدة:باهي حبيبي
معاذ:انتي تريحي وارقدي اشوية وحنقول المروة بعد يوتى العشاء اترن عليك
رويدة:لا مش جايني نوم حننزل انهدرز مع البنات
معاذ:باهي براحتك حبيبي انا بندوش ونطلع
رويدة:باهي
خش معاذ للحمام دوش وطلع لبس دبشه وجا الرويدة اللي مازال متمددة في السرير
معاذ ابتسم:والله شكلك ناعسة
رويدة:لالا مش ناعسة
معاذ باسها علي خدها:سلام توا مش حنطول
رويدة:سلام ومعاذ صبى وبيمشي
رويدة:أنحبك
معاذ:وانا انحبك وطلع
ونزل قال الامه ان بيمشي الاصحابة ومش حيطول وطلع
أسيل قعدت مقمعزة قدام باب حوش معاذ ولينا وتبكي ولما طلع معاذ انتبهتله في الاخير وناداته بتحكيله بس هو كان راكب في السيارة ولا سمعها ولا انتبههلها
اضايقت بكل وحست ان معاذ تغير لما اجوز وان هو سمعها ومابش ايرد عليها خشت الحوش هل معاذ وكان حاطة قي بالها بتحكي مع رويدة بس مالقتهش مع البنات دارت روحها جاية اتخرف مع البنات وبعد لهن رقت فوق الجناح رويدة ومعاذ ودقت عالباب
رويدة كانت كيف طالعة مالدوش ولابسة واتنشف في شعرها وبعد دق الباب مشت فتحت عساس وحدة من خوات معاذ ماكانتش متوقعة أسيل بكل
رويدة فتحت ولقتها اسيل وحاولت مااتبين صدمتها
رويدة بإبتسامة:اهلا أسيل
أسيل:اهلين
رويدة:شن اخبارك
أسيل:من ربي كويسة
رويدة:باهي خشي تفضلي جوا عليش قاعدة عالباب
أسيل:اسمعي انا لا جاية انتفضل لاشيئ انا جاية انقولك كلمتين وماشية
رويدة:ان شاءلله خير احكي
أسيل:الخير راح من اول ماانتي خشيتي حياة معاذ وكان تحسابي روحك تقدري اتغيريه علينا واتنسيه حب حياته لينا لا ياماما راكي غالطة راه ان شاءلله اديري شنو لينا مش حينساها وكان توا مازال طاهق بيك وفرحان بيك اشوي وحيرد العقله ويذكر حب حياته لينا وهذك الساعة حتشوفي كيف حيعاملك وانتي حتندمي انك خذيتي واحد قلبه مع غيرك
رويدة:اسمعي اسيل انا مقدرة مشاعرك وان اللي متوفية اختك بس تهيالي زودتيها وتهيالي موضوع لينا هذا صفحة وانتهت بالنسبة المعاذ ومعاذ لو ماايحبني ماكانش خذاني واختارني من بين كل البنات
أسيل تضحك:هههه مسكينة مازال مصدقة فكرة ان معاذ ايحبك وان هو نسى لينا لا ياحلوة ايكون في علمك ان معاذ يوم اللي بكرا فرحكم وهو يبكي علي لينا وكان مش حيمشي للفرح وبيسيبك بس مروة هي اللي غصباته ان يمشي لان لو مامشش للفرح كانت امه حتصيرلها حاجة فخاف علي امه ومشيى للفرح يعني مش حبا فيك لذلك معش تكذبي علي روحك واتقولي ايحبني لو ايحبك ماكانش يوم فرحه يبكي علي حبيبته اللي ماتت
رويدة:انتي تكذبي معاذ مستحيل ايكون دار هكي
أسيل:اوكي انا نكذب بس لو مش مصدقتني تقدري تسألي معاذ او مروة وهما حيحكولك الحقيقة ونزلت وسيبتها بعد قهرت رويدة في وسط قلبها ?
رويدة خشت وسكرت الباب وهي مصدومة من كلام أسيل هي كانت حاسة ان فيه حاجة بس مش الدرجة ان معاذ ممكن ايكون بيسيبها يوم فرحها
أسيل لما نزلت وهي تضحك وفرحانة تلاقت مع مروة
مروة:وين كنتي
أسيل:كنت فوق
مروة بعصبية:كنتي عند رويدة صح
أسيل اها وحكيتلها عاللي صار يوم الفرح حرام معقولة مازال داسينها عليها لعند توا
مروة بعصبية:انتي وحدة مريضة شن دخلك باللي صار يوم الفرح تحكيه الها وبعدين اصلا اللي صار كله منك انتي
أسيل:لا مش مني انا اللي صار عشان معاذ مازال ايحب لينا وانتو اللي مش مقتنعين بالشيئ هذا
مروة;انتي الي اقتنعي ان اختك ماتت ومعاذ حب غيرها واجوزها برضاه ورويدة هي مرات معاذ توا وحتقهد ام عياله وانتي هنا مازال عايشة في ماضي ووهم في عقلك المريض بس تعرفي انا حنعرف كيف انخليك تقتنعي بعد ماانكلم هلك ونحكيلهم اللي اديري فيه وتوا كان تفهمي اطلعي من هنا وردبالك انشوفك مرة اخرى مضايقة رويدة والله اتشوفي شيئ مايعجبك
أسيل ماردتش علي مروة وطلعت وكان عندها اهم شيئ دارت اللي تبيه وحكت اللي صار الرويدة وحرقت قلبها
مروة دغري رقت الرويدة ودقت عالباب
رويدة لما دق الباب مسحت دموعها وفتحت بس كانن عيونها واضح انها كانت تبكي
مروة خشت:جاية بنقولك عالعشاء ان ربع ساعة ويوتى
رويدة:اشوي وننزل
مروة:باهي تمام وجت بتمشي وهي مش عارفة كيف تفتح الموضوع مع رويدة
رويدة:صح معاذ كان بيسيبني ومايبيش ايجي للفرح
مروة ارتبكت
رويدة:وراس امك احكيلي الصدق وماتكذبي عليا
مروة:مش قصة بيسيبك معاذ والله ايحبك بس اللي صار ان الحقيرة اسيل جت وقعدت اتذكر فيه بحاجات هو ناسيهن وفتحتله جروحة اللي كانن بريانات فتأثر اشوي عليها ووجعاته بس مافكرش ايسيبك واصلا لوكان بيسيبك راه سيبك بس هو ايحبك واختارك من بين كل البنات معاذ كان مسكر عالحب والزواج كله انتي الوحيدة اللي خليتيه ايفكر فيهن
رويدة تبكي:يعني هو مازال ايحبها
مروة:رويدة معاذ لينا كانت حبه في طفولته ومراهقته لينا نحن وهي نسكنو جنب بعضنا بنت عمنا وكانت ديما هنا قصة حبهم كانت كبيرة بكل تخيلي انسان من اول ماوعيت عالدنيا معاك تفقده فجأة معاذ تاثر واجد بكل بعد وفاتها الدرجة كبيرة ماتصوريهش اكثر حتى من باتها وامها بس اول ماحبك تغير واجد صح ممكن اتكوني انتي وهي مش نفس الحب بس هو حبك يارويدة وهذي حاجة ماكانش حد متوقع اتصير
رويدة تبكي:بس هو مازال مانساها يامروة
مروة:يكفي ان ايحبك وانتي يشطارتك اتخليه ينساها
رويدة تبكي:كيف انخليه ينسى وحدة حبها الحب الكبير هذا
مروة:تقدري يادودي
رويدة:لا مش حنقدر انا احسنلي نطلع من حياته من توا احسن مانكتشف حبه الها بالشوية وننقهر
مروة:تبقي غبية لو استسلمتي في حبك له من توا
رويدة تبكي:مصيري مستسلمة بعد انشوف حبه الها بعيوني مانقدرش انتخيله وهو ايفكر فيهل او يبكي عليها انا انموت عشان هكي انا اول ماايروح معاذ حنحكيله وحنمشي الحوش هلي
مروة:وشن بتقوليله معاذ بتقولي ان اسيل حكتلك عاللي صار في الفرح وانك انت تاثرت علي لينا وتجبديله وحدة ميته وانتي اللي اتذكريه بيها
رويدة:وشن تبيني اندير
مروة:لكم توا قريب اسبوعين متجوزين حسسك فيهن ان ايحب او ايفكر في غيرك اساء لكي في حاجة
رويدة:لا هو ماحسسني بشيئ وايعامل فيا كويس بكل بس انا اللي طول الوقت كنت حاسة فيه حاجة وفعلا طلع احساسي بمحله
مروة:دبينه هو معاك كويس وماحسسك بشيئ ولا حكالك شيئ عاللي صار يبقى هو مايبيش يخسرك ويبي يبدى حياة جديدة معاك ليش تمشي انت تحكيله واتذكريه بوحدة ميتة افهميني يادودي لينا قاعدة عند معاذ بس في ذكريات الماضي اما الحاظر انتي قاعدة فيه ماتقعديش هبلة وتخسري حبك عشان وحدة ميتة هذي مش عايشة وبتقعد قدامه ديما لين اتخافي ان ماينساها هذي ميتة وقاعدة في الماضي ومعش بيشوفها يعني تقدري بسهولة اتخليه ينساها انا كنت نحسابك اعقل من هكي بواجد
رويدة:انا خايفة يقعد بس مازال فرحان بيا وبعد اشوي نقعد انحس بحبه الها وتاثره عليها
مروة:معاذ مش نحن اللي اخترناك له عشان يفرح بيك اشوية وبعدها يذكر لينا معاذ خذاك بقناعته هو لان حبك وبالشوية بالشوية وبشطارتك تقدري اتخليه ايحبك اكثر ماحبها لانك انتي الحاظر انتي الحبيبة والزوجة وانتي اللي حتكوني ام اطفاله
رويدة سكتت وقعدت اتفكر
مروة:انتي شاطرة وقدها وحتخليه ايحبك اكثر بس توا ماتستعجلي وتحكمي علي حياتكم بالفشل قبل ماتعيشوها وصبي سلم خيتي اغسلي وجك ولما ايروح اضحكي معاه وبصري ومااتحسسيش انك عرفتي شيئ عشان ماتخسريش حبكم
رويدة:يعني برايك هذا حل
مروة:هذا احسن حل لان معاذ لعند توا ماغلطش وماحسسكش بشيئ ومازال معاك كويس انتي اللي بتخلقي مشكلة معاه عشان كلام وحدة مريضة زي اسيل
رويدة سكتت
مروة:ها شن قلتي
رويدة:حاظر حندير زي ماقلتيلي بس ان شاءلله اسيل اتخلينا في حالنا
مروة:اسيل انا عارفة دواها وماعليك فيها حنصرف ومش حتضايقكم مرة اخرى
رويدة صبت:خلاص حنغسل وجي وننزلو تحت مع بعضنا
مروة:ياخية نجيها مرات خيي العاقلة
خشت رويدة غسلت وجها وطلعت دارت مكياج خفيف عشان تخفي اثر الدموع ونزلت هي ومروة تحت وبعد اشوي جا معاذ وقعدو ايتعشو مع بعضهم ورويدة ماجابتش سيرة الموضوع بكل
“””
#في_المستشفى
كانت الساعة 11 سندس قاعدة قدام العناية وسراج وعمو محمد تحت وكل اشوي ايرنو علي سندس يسألو اذا عفاف وعيت اول لا
وعند الساعة 12 عفاف وعت بس الدكتور مانع اي حد ايخش عليها لين ايطلعوها ثاني يوم للقسم ورنت عليهم سندس وطمنتهم انها وعيت بس مش حيقدرو ايشوفها الا لما تطلع للقسم
بس طبعا ماقدرش حد يرقد وقعدو كلهم يرجو بس في النهار يطلع
“””
عند رويدة خشت هي ومعاذ الدارها ومشت ليلتهم سمحة واتهدريز وجو زي اي عرسان مازالو جدد معاذ ماحسس رويدة بشيئ ورويدة سمعت كلام مروة ومافتحتلش الموضوع بكل
“””””
#صباح_يوم_جديد
عالساعة 10 جا الدكتور وخش علي عفاف ولقى حالتها كويسة وطلعها للقسم بس نبههم ان يحكوش علي شيئ ايعصبها او ايزعلها واول ماطلعوها للقسم جوها وخشو مع بعضهم
عفاف اول ماشافت سندس وسراج خاشيين مع بعضهم ابتسمت
سراج:الحمدلله علي سلامة أحسن عفوفة في الدنيا وقرب بالشوية وباس راسها
سندس جت بعده وباس راس عفاف
سندس:الحمدلله علي سلامتك اعميمة
محمد:بالك تعطوني اشوي نطمن علي مراتي
سراج;وسعي وسعي خلي طيور الحب ايشوفو بعضهم
محمد باس يد عفاف:ماتصوريش قديش خفت عليك والله تمنيتها فيا ولا فيك
سراج يضحك:والله ايديرلك في طروح تي انا حقيته وهو ايبحت في الممرضات وايعاكس فيهن واينقي في وحدة عشان كان صارتلك حاجة ياخذها
سندس:والله كذاب يااعميمة عمو كان خايف عليك بكل
عفاف تحكي بشويش وصوت تاعب:عارفة سراج والنيران اللي ايحب ايشعلهن
محمد:ها شفت مش مصدقتك اصلا عفوفة عارفة قديش انا انحبها وحتى في شبابي ماارضيت انبدلها بوحدة انبدلها توا بعد هالعمر كله
سراج:علي كيفك خليه يضحك عليك بكلمتين وصدقيه واصلا هو وسندس متفقين مع بعضهم وهي قالتله ان بتخطبله وحدة اخرى
سندس بصدمة:سراج ياكذاب
سراج يضحك:انبصر ياعفوفة راه والله ماكنت نحساب احميدة ايحبك هكي كان خايف عليك بكل والله
محمد:حتى في عرب اخرى شفتهم يبكو راه وبحت في سراج
سراج ضحك:وكان مابكيت علي عفوفة احن وحدة في الدنيا علي من بنبكي ترا قولولي
عفاف ابتسمت:ربي ايخليكم ليا كلكم
محمد;وايخليك لنا ان شاءلله
قعدو ايخرفو مع بعضهم اشوي وبعدها جا الدكتور وطلعهم وقعدت معاها بس سندس
“”‘””
قعدت عفاف في المستشفى 5 ايام وفيهن كل يوم ايجوها ناسها واحبابها زيارة كانو معاها سندس وسراج ومحمد وماحدش روح للفيلا بكل وطبعا هدى قاعدة في الفيلا وماتحركتش بكل بس موضوع هدى معش حد حكا فيه قدامها
عفاف قعدت كل يوم حالتها اتحسن اشوي وبعد 5 ايام معش حبت تقعد في المستشفى وأصرت اتروح للفيلا والدكتور وافق بس قال تبي عناية واهتمام ويبعدو عنها اي مشاكل وازعاج وسندس ضمنت للدكتور انها اتوفرهن الها وبعدها الدكتور كتبلها خروج وخذوها مالمستشفى وطلعو بيها للفيلا وجابوها وحطوها في دارها بس طبعا كانت ممنوع عليها الحركة وسندس طبعا قررت تقعد جنبها لين تقعد اكويسة وبعدها اتنفذ قرارها
بعد روحت عفاف مالمستشفى قعدو عاد الاحباب والأصحاب ايجو ايحمدو علي سلامتها واليوم اللي روحو فيه ماتريحوش فيه بكل مالناس كل اشوي جاي واحد
طبعا الحاجة السمحة اللي دارها عمو محمد ان لما جابو عفاف للحوش اصر علي هدى انها ماتطلعش من دارها لين عفاف اتخش دارها عشان مايبيلهش التوتر ولان عارف لو شافت هدى حتوتر فخشت عفاف للفيلا من دون مااتشوف هدى بكل أو تعلم بأنها مازال في الفيلا
عالساعة7 المغرب سندس كانت مع عفاف في الدار اتهدرز معاها واتغيرلها في جو مع خشت عمو محمد عليها فسندس طلعت عشان اتخليهم بروحهم ونزلت تحت لقت سراج مقمعز عالدروج
سندس ضحكت;كنك قاعد هنا
سراج:نرجى فيك
سندس:عليش ترجى فيا
سراج:عشان مع رنت فون سندس
سندس:اشوي انرد علي ماما وردت
سندس:ايوا ماما شن اخبارك
سعاد:كويسة شن اخبارك واخبار عمتك اليوم
سندس:كويسة الحمدلله
سعاد:قالي فرج روحتو مالمستشفى
سندس:اها روحنا مالصبح
سعاد:ياريتك قلتيلي من اول ماروحتو
سندس:عليش انقولك
سعاد:عشان انجو انشوفوها ولا انقولك اهو باتك قالي نمشو توا
سندس بتوتر:بتجو هنا توا
سعاد:اها اشوي وانجوكم
سندس:باهي وسكرت
سراج:هلك بيجو توا
سندس:اها
طبعا سندس وسراج هما الاثنين فكرو في هدى وشنو بيقولو الهل سندس كان شافوها وهما الاثنين عارفين لو عرفو قصة هدى مش خيلو سندس قاعدة وحياخذوها معاهم طبعا التفكير هذا دار في بالهم هما الاثنين بس ماحد حكاه
سندس:انا بنمشي انقول العميمة ان هلي بيجو
سراج:باهي
سندس رقت فوق العمتها وعمها وحكتلهم ان هلها بيجو
سراج قعد ايفكر شن بيقول وشن بيحكي لو هل سندس شافو هدى ومالقش الا حل واحد وقرر اينفذه
“””بعد اشوي جو هل سندس وطلعلعولهم سندس وسراج وسلمو عليهم ورقوهم فوق شور عفاف ومحمد وقعدو ايهدرزو عندهم قريب ساعة وبعدها روحو وسندس وسراج طلعو معاهم لعند الجنان ايودعو فيهم وبعد عدو هل سندس سراج وسندس جو بيخشو
سراج:الحمدلله ماشافوهش
سندس:من هذي
سراج:المصيبة اللي جابها ليا ربي
سراج:قصدك هدى
سراج:ومن غيرها
سندس:صح وينها مالصبح والعرب ايجو وهي قاعدة في الصالون لوطى وكل واحد ايجي يسأل هذي من
سراج:وشن اتقولو
سندس:عمو محمد قالي قولي صاحبتك
سراج:باهي اللي قلتو هكي
سندس:بس جديات وين اختفت
سراج يضحك:توا انقولك
(انردو القبل ساعة من توا وتحديدا اللحظة سراج وهو ايفكر شن بيقول لو هل سندس جو وفكر في فكرة وقرر اينفذها ومشى شور الخدامة والخدامة بعد حكت مع سراج مشت الهدى في الجنان
الخدامة:مدام هدى يبيك استاذ سراج في الدار
هدى:قصدك في داري
الخدامة:اها
هدى;وماقالك شن يبي
الخدامة:قال نبيها في كلمتين ومايبيش حد يفطن
هدى فرحت وماصدقت ان سراج يبيها ودغري رقت الدارها والخدامة كانت وراها واول ماهدى خشت للدار وسكرت الخدامة جت سكرت الباب بالمفتاح من برا
هدى قعدت اتعيط:افتحي ياغبية افتحي ياحقيرة
سراج من ورا الباب:اسكتي بلا عياط انا اللي سكرت ولو صوتك يعلى او تسمعه عفوفة والله اندمك علي كل حاجة وانتي عارفتيني كويس
هدى:خلاص مش معيطة بس امتى بتفتح عليا حرام عليك
سراج:اشوي وحنفتح عليك بس صوتك مانبيش نسمعه
ومشو وهو الخدامة
هدى بعصبية:ماشي ياسراج والله تدفع ثمن حركته هذي غالي?
سراج:المفتاح معاك لما ايعدو هل سندس افتحيلها
الخدامة:حاظر ومشت
“””‘
سراج:ها شن رايك مش تستاهلها
سندس ضحكت:بصراحة تستاهلها
سراج ابتسم:ربي مايحرمني من ضحكتك
سندس سكتت وجت بتخش
سراج مسك يدها;سندس
سندس لفت عليه:نعم
سراج:شن قررتي
سندس:نفس القرار ياسراج ماتغيرش نرجى بس اعميمة تقعد كويسة وبنمشي الهلي
سراج:يعني بتسيبيني
سندس:هذا احسن حل ليا ولكي
سراج:سندس ليش بتحرميني منك بعد حبيتك ليش بتحرميني من تجربة حلمي اني انعيشها
سندس:ماتقدرش اتعيشها لانها تجربة فاشلة مالبداية
سراج:مش من حقك تحكمي عليها بالفشل قبل ماانجربوها
سندس:اسمع ياسراج
سراج حط يده علي شفايفها;انتي اللي اسمعيني انا انحبك ومش حنقدر انكمل بلاك استوعبي انك الوحيدة اللي خشيتي قلبي انا توا عمري فوق 30 عمري ماحبيت انتي بس اللي حبيتها
سندس بعدت يده:بس هي حامل منك
سراج:والله ماهي حامل مني والله تكذب
سندس:باهي تمام بس تخيل بعد التحاليل تطلع صح حامل منك شن بدير في اللحظة هذي اكيدة بتجوزها وهي بتقعد ام ولدك
سراج:انا نبيك تفهمي حاجة وحدة ان انا لا اتهمني هي ولا عيل منها انا موضوع اني انكون اب كله مش في بالي ولما انحطهم في بالي نبيك انتي اتكوني امهم مش حد غيرك
سندس:بس لو طلعت حامل بتجوزها صح
سراج:بنجوزها بس والله لا نبيها ولا انحبها ولا حنقرب منها ولا نعتبرها زوجة لو بترضى هكي وبتقعد تربي ولدها تمام واذا ماتبيش اتسيبه وانجيبله مربية اتربيه والقصة هذي نوعدك مش حتأثر علي حياتنا بكل
سندس:كيف مش حتأثر انا مش حنرضى وهلي مش حيرضو
سراج:والله الله بيقعد مكانك في قلبي وفوق راسي ماانحسسكش ان فيه شيئ تغير انا بنقعد ملكك انتي بس والله عيوني عميتهن علي كل البنات انتي بس توا فيهن لو انتي ترضي اتكملي معايا هلك شوري حنعرف كيف نقنعهم انتي بس ماتحرميني منك وكملي المشوار معايا وانا نوقف في وجه العالم كله عشانك
سندس معش عرفت شن اترد كان تفكيرها مشوش بين تبيه وبين مش قادرة تستوعب الفكرة
سراج:دوسة انحبك والله انحبك كملي امعايا ومش حتندمي وحنخليك اتحبيني وعد
سندس كان كلام سراج يضعف فيها لان هي بروحها كانت اتحبه بس ماعندهش الجراءة تعترف او اصلا مش وقت اعترافها توا بكل
سراج حط يدها علي خصرها وجبدها شوره وقعد ايشوف العيونها وهي اتشوفله
سراج ايشوفلها:بتسيبيني
سندس هزت براسها بمعنى لا
سراج زاد قربها منه:يعني بتكملي معايا وبتعطي فرصة الحبنا
سندس كانت ذايبة في عيون سراج وريحته;اها
سراج قرب من شفايفها وبيبوسها سندس حطت يدها علي شفايفه ووقفاته
سراج هز براسه بمعنى كنك
سندس:عندي سؤال في راسي محيرني
سراج:شنو
سندس:انت شن عرفك بهدى الدرجة تحمل منك
سراج ارتبك:معرفتي بيها جت بالصدفة
(هدى فتحت عليها الخدامه وطلعت مالدار معصبة ولما سالت علي سراج قالتلها الخدامة ان في الجنان فطلعت عشان بتعاركة لان سكر عليها ولما وصلت للجنان شافتهم مع بعضهم وقعدت تسمع في كلامهم ومقهورة وقررت تنتقم من سراج عاللي داره فيها?)
سندس:باهي احكيلي كيف جت الصدفة هذي
سراج قعد ساكت وايفكر شن ايقول
هدى:انا حنحكيلك كيف تعرفنا
سندس بعدت من سراج:بس أنا مانسألش فيك نسأل في سراج
سراج بعصبية:انتي ماحد اسألك فأحسنلك تنتلفي جوا وماتدخليش بيني وبين سندس
هدى:انا وجعتني انها اتصدق في كلامك ومش عارفة ان معرفتي بيك كانت عشانها وعشان كنت بتنتقم منها في شرفها يعني كان بيدير فيك زي مادار فيا
سراج بعصبية:هدى سكري فمك احسنلك
سندس:شنوو
سراج:سندس هذي وحدة كذابة مااتصدقيهش
هدى;انا مش كذابة ياسراج وترا انكر ان سبب معرفتنا كان اتفاق بيني وبينك اني انخلي سنذس اتجي للشقة عشان انت تغتصبها واتصورها ليا وهي بلا شيئ وانا ننشرها
سراج بعصبية;مااتصدقيهش والله تكذب
هدى:والله مانكذب ولو تذكري القصة اللي حكيتها لكي وعنوان الشقة اللي عطيته لكي عساس شقتنا هي مش شقتنا الشقة السراج وكان فخ لكي عشان اتجيه بكرعيك وايدير فيك اللي يبيه
سراج بعصبية وقرب من هدى ومسك يدها بقوة;بطلي كذب احسنلك ورفع يده بيضربها
سندس وقفاته وبعصبية:هي ماتكذبش كلامها صح الشقة اللي جيتك فيها هي نفسها الشقة اللي عطتني عنوانها هدى
سراج:القصة مش زي ماحكتها انا ماكنتش نحساب ان هي انتي نفسها البنت اللي خطبوها
سندس بعصبية:القصة مش في قصة ان انا هي البنت اللي خطبوها لكي او مش هي القصة كيف ترضى انك اتضر بنت في شرفها
سراج:الموضوع قديم وانتي عارفة كويس اني كنت حاقد عليك
سندس بعصبية:كيف واحد يحقد علي واحد يقعد بينتقم منه هكي الا ان ايكون مش انسان
سراج:اهدي سندس القصة هذي ماضي وشعور الحقد اللي كان تجاهك تحول حب توا
سندس:انت شيطان مش انسان كل ماانحاول انقرب منك ونحترمك ادير حاجة اتبان فيها انك ماتسحقش اي تقدير
سراج:صح انا ماكنتش انسان وكنت اندير في حاجات غلط واجد بس توا انا تغيرت وحبك هو اللي غيرني
سندس بعصبية:انت حتقعد طول عمرك هكي ومستحيل اتغير
سراج:بس انا تغيرت وانتي شفتي هذا بعينك
سندس بعصبية:انا ماشفت شيئ كل اللي شفته وعرفته اني مليت منك ومن قذارتك اللي معش فضت تعبت من ماضيك الاسود اللي قعد يطلع وايكره فيا فيك اكثر
هدى كانت مصبية وتسمع فيهم ومتشمته ماللي صار بينهم
سراج:انتي ليش توا اديري هكي وانتي عارفة ان المشاكل بينا كانن من اول لقاء وحتى انتي كنتي تكرهيني
سندس بعصبية:انا كرهتك في قلبي بس ماحاولتش انظرك ولا فكرت حتى فيها لاني انسانة ماانحبش حد ينظر بسببي
محمد بعد سمع الصوت العالي طلع عليهم
محمد:شن فيه كنه صوتكم عالي شن صاير
سراج بعصبية:سندس قاعدة اتحاسب فيا علي حاجات صارن في الماضي من قبل حتى مانعرفها
سندس:الحاجات اللي في الماضي هذينا ايخصني انا انت كنت بتضرني انا
محمد:شنو القصة فهموني
سراج:مافيش قصة ياباتي سندس اتكبر في المواضيع بس
سندس:الموضوع اصلا كبير مايستحقش حد ايكبره
محمد:باهي فهموني الموضوع
سندس:احكيله ياهدى اللي حكيتيه توا
هدى:القصة وقعدت تحكي في الموضوع
وسراج كان ايفنص في هدى يبيها تسكت
محمد بعصبية:انا عارف انك صايع ومااتخفش من حد بس ماكنت نحساب توصل بيك انك اتفكر تنتقم من بنت في شرفها
سراج:والله ماكنت نحسابها هي البنت اللي خطبتوها
محمد;هي ولا غيرها يكفي تفكيرك في انك اتضر بنت ناس بالطريقة البشعة هذي
سندس:عمو انا بنمشي الهلي توا شيلني الهم
سراج:سندس الموضوع مايستحقش
سندس:انت كل موضوع عندك مايستحقش شنو هو في نظرك الموضوع اللي يستحق
سراج:بس انا تغيرت
سندس: انت عمرك مااتغير
محمد:معاك حق انك تمشي وانا مانمسككش بس الوضع توا صعب شايفة حالة عفاف بروحك هي تحساب انتي وسراج اصالحتو وفرحانة وتوا انتي تمشي انخاف ايصيرلها شيئ وبذات انها لعند توا تسأل عليك تبيك كان تسمعي مني خليك يومين لين بس اتحسن حالتها وبعدها انا بروحي انشيلك وطلاقك نضمنه لكي انا
سراج:ومن قالك انا بنطلق
محمد بعصبية:انت سكر فمك مازال عندك وجه تحكي
سندس:انا عشان اعميمة وعشانك نقعد لكن قدامك ياعمو طول اليومين هذينا مانبيش ايقرب مني او ايحاول يحكي معايا يعتبرني مش قاعدة بكل
سراج:للدرجة هذي ياسندس كرهتيني
سندس:واكثر من هكي اخرى
محمد:حاظر انتي بس اقعدي هاليومين مع عفاف وانا نوعدك مش حنخليه ايقرب منك وتوا اهدي وامشي العفاف لانها تسال عليك
سندس:تمام وخشت وسيبتهم
سراج:انت كيف اتقوللها هكي انا مش مطلقها لو اتموت موت
محمد بعصبية:غصبن عنك اطلقها البنت كارهتك وبعدين مافيش وحدة ترضى باللي انت ادير فيه
سراج:وانا شن درت
محمد:هذا كله وشن درت يكفي ان جاية وحدة لعندها واتقوللها حامل من راجلك
سراج:والله ماهي حامل مني
محمد:بكرا انديرولها التحاليل ونعرفو وين الحق
هدى:بس انا التحاليل وتقارير الدكتورة جبتهم لكم
سراج:تحسابيني بنصدق كذبك شن عرفني مااتكوني مزورتهن
محمد:خلاص بكرا حنديرو التحاليل عند ناس نعرفوهم وانشوفو
سراج:انا بنشيلها بكرا الناس نعرفهم ونوثق فيهم مش يكذبو زيك
محمد;وانا بكرا حنمشي معاكم عشان يقعد كل شيئ قدامي
سراج;وكان طلعت مش حامل مني وتكذب تخرب حياتي بسسب كذبها
محمد:كان طلعت تكذب نوعدك انا انحل المشكلة اللي بينك وبين سندس
هدى;واذا طلع كلامي صح
محمد: انا مانرضش العيب ولو طلع الحمل منه حياخذك غصبن عنه
سراج:خلاص بكرا حتطلع الحقيقة وانا متأكد انها تكذب
هدى:وانا متأكدة ان اللي في بطني منك
محمد:خلاص توا انهو الموضوع وبكرا حتبان الحقيقة ونعرفو من الصادق ومن الكذاب بس تعرفي ياهدى لو تطلعي تكذبي وتتهمي في سراج بالباطل صدقيني حندمك عليها
سراج:وحتى انا حتشوف مني شيئ مايعجبها
هدي;لو طلعت نكذب انا راضية باي حاجة اديروها فيا وخشت وسيبتهم
محمد:خلاص توا عدي الحوشك وردبالك اتضايق سندس مش داعي للمشاكل اللي ايتعبن امك
سراج سكت وماردش عليه وطلع وعدى الفيصل في حوشه ورن عليه وفيصل طلعله برا وقعدو في السيارة مع بعضهم
فيصل:كنك متعقد شن صاير معاك
سراج:حياتي ادمرت
فيصل:شن صار احكيلي
سراج:هدى جت للحوش وقالت انها حامل مني
فيصل:ومن هدى هذي
سراج:قعد يحكيله في قصة هدى مالاول وحتى اتفاقه معاها علي سندس
فيصل:والبنت صح حامل منك
سراج:انا متاكد انها تكذب
فيصل;كيف تكذب وانت توا قلت انها كانت بنت وانت اول من لمسها
سراج:صح الكلام هذا بس يافيصل انا مش غبي عشان انحليها تحمل مني انا عارف الجو هذا كله وديما داير حسابي كيف بتحمل مني وانا وسكت
فيصل:دبينك متأكد انها تكذب دير تحليل DNAوطلع الصدق
سراج:بكرا بنمشو انديرو التحليل
فيصل:وسندس عرفت بالموضوع
سراج:عرفت كل حاجة بس اللي قهرتني ان موضوع الحمل لان ماضي كانت بتسامحني عليه وكنا بنصالحو بس الحقيرة هدى جت وحكت الاتفاق اللي بينا عليها وخربت كل حاجة
فيصل;وسندس شن دارت
سراج:قالتلي انها زادت كرهتني وانها بتطلق مني
فيصل: هدي شكلها دارتها بلعاني
سراح:عارفها بلعاني لانها تكره سندس كره اعمى بس انا والله اندفعها الثمن غالي وحتشوف كيف ماخربت اللي بيني وبين سندس والله انخرب حياتها
فيصل:سراج انت توا اتحب سندس صح
سراج:هذا اللي كاسرني رغم كلامها ليا كله قاعد انحبها ومانبيهش اتسيبني
فيصل:يبقى ماتستسلمش وخليك وراها لان اللي صار هذا كله في الماضي ولو تبيها اتحبك تغير ياسراج وفكك ماللي كنت ادير فيه كله
سراج:والله تغيرت وكله عشانها بس هي مش شايفة اني تغيرت بكل ولا مصدقة اني انا انتغير
فيصل:لما بكرا يطلع التحليل واتبان الحقيقة وانها مش حامل منك سندس حتهدى اشوية وحتشوف انك تغيرت بس انت تغير بجد ومعش ادير اللي كنت ادير فيه
سراج:غير هي ترضى اتكمل معايا وحتشوف سراج اخرى بكل
فيصل:ان شاءلله اتغير ياسراج
قعدو يحكو مع بعضهم لعند الساعة 1 في الليل وبعدها سراج روح الحوشه ورقد فيه
“”
#صباح_يوم_جديد وتحديدا الساعة 8
كان يوم مهم وعو كلهم بدري ومن ضمنهم سندس وفطرو مع بعضهم وجا سراج وقال الباته وهدى هي عشان يمشو ايديرو التحاليل
سندس عرفت انهم بيمشو ايديرو تحليل عشان يعرفو اذا حمل هدى من سراج أو لا وقعدت قاعدة علي اعصابها من مشيتهم من جنبها
“”‘
وصلو سراج وهدى وعمو محمد المعمل التحاليل
وخشو سراج وهدى ودارو التحليل
وكان صاحب معمل التحليل معتصم صاحب سراج ويعرفه فقاله ان التيجة تبي وقت اقل شيئ 6 ساعات وقاللهم ايروحو وايردو ياخذوها بعد 6 ساعات
“”””
روحو وقعدو الكل علي أعصابهم ويرجو في النتيجة وطبعا ماخلوش عفاف اتحس بشيئ وتغدو مع بعضهم وبعد الغداء وتحديدا الساعة 3 طلع سراج بيمشي ايجيب النتيجة ركب سراج في سيارته وجاه باته
محمد:سراج بنمشي معاك
سراج:عليش انا بنجيبها وانجي هنا
محمد:مانضمنكش ياسراج انا بنسمع نتيجة التحليل بروحي
سراج:باهي هي اركب وركب عمو محمد ومشو مع بعضهم للمعمل ونزلو
سراج:شن الجو عومي
معتصم:تمام
سراج:شن صار طلعت النتيجة
معتصم:اها طلعت اهي خوذها
سراج:وشنو النتيجة
معتصم:البنت صح حامل
محمد:والتحليل الثاني شن نتيجته
معتصم:مش عارف شن انقول
سراج:احكي شنو
معتصم:الابوة ثبتت عليك ياسراج
محمد بصدمة:يعني صح هو اب الطفل
معتصم:اها هو اب الطفل
سراج—??
#يتبع
قولكن شن رد فعل سراج عالخبر وكيف حيستقبله وكيف حيواجه سندس بيه وشن حيكون رد فعل سندس عليه وشن حيكون رد سراج اذا سندس سيباته هل حيوافق علي جوازه من هدى أو لا وشن حيدير اذا اجوزها هل حيتغير زي ماكان ناوي او حيرد زي قبل ?
وهدى اللي طلعت حامل من سراج صح هل ممكن حتى حبها السراج ايكون صح ?
أما رويدة هل أسيل حتخليها في حالها وحتخليها اتعيش حياتها طبيعية او لا وهل قرارها انها ماتحكيش اللي عرفاته المعاذ صح او خطأ ?
اما رانيا وفيصل الوضع هادي بينهم بس قولكن شن حيكون فيه بعد الهدوء هذا ????
كله حنعرفوه في الحلقة الجاية☺
اسفة اني امس مانزلتش بس رصيد النت كمل ومن ساعة قريب كيف عبيناه هذا ليش مانزلتش?
وفيه وحدات القيتهن دازات خاص ومشغولات يحسابن عندنا فياضان وسيول في المرج اطمنن بنات مافيش شيئ مطر بس راه?
شكرا حبايب قلبي انكن مشغولات عليا ??
أسفة لو فيه لخبطة في الأسماء وأكيد رأيكن ايهمني?
گـتـابـتـي Koka Saleh