منحرف وأحببته
#مـنـحـرف_وأحـبـبـتـه
الـحـلـقـة (9)
رويدة;لا لا خلاص كله الا زعل دوسة معش انجيبو سيرته وبحتت في رانيا
رانيا:خلاص اسفة معش نحكي عليه وقعدن ايخرفن وبعدها تعشن مع بعضهن وروحن كل وحدة الحوشها ودغري رقدن لان عندهن جامعة بكرا
“”
صباح يوم جديد
بالنسبة الرانيا كان يوم عادي جدا وكانت محاضرتها مالساعة 8
اما رويدة كان يوم مهم وكانت فيه بتحسم حياتها وتحكي مع معاذ ويايطلع ايحبها ياماايحبهش وكانت محاضرتها الساعة 10 وجت للجامعة 9:30 بس لقت معاذ مازال ماجا وقمعزت عالمقاعد قدام القاعة ترجى فيه
اشوي وشافت معاذ جاي شور القاعة ومعاه أنيس وسالم وكانن في يدهم علب حلو وقعدو ايوزعو عالطلبة والكل قعدو ايباركو المعاذ معاذ لف وشاف رويدة مقمعزة عالمقعد واتشوفله زين وباين من نظرتها انها بتعرف شن فيه والف سؤال في راسها وهي مازال اتشوف المعاذ جا قدامها سالم وماسك علبة الحلو
سالم:تفضلي
رويدة ابتسمت وخذت طرف:شنو مناسبة الحلو هذا مازال ماتخرجنا
سالم:لا مش للتخرج امس كانت خطبة معاذ ومقدرش يعزم الكل حب ايدير الواجب اليوم
رويدة انصدمت وتغيرو ملامح وجها وطاح من يدها الطرف
سالم:كنك شن صارلك
رويدة:لا مافيش شيئ وجت بتمشي
سالم:خوذي طرف اخرى بدل اللي طاح
رويدة;لالا شكرا ومشت تجري
وخشت للكفيتيريا وكان قلبها ايدق بسرعه ونفسها ضايق عليها ماتوقعتش اللحظة هذي اتصير بالسرعة هذي وبذات في اليوم اللي بتعرف فيه اذا معاذ ايحبها او لا بس عرفت الجواب بطريقة صدمتها قعدت تبكي ورنت علي رانيا
رانيا كانت كيف طالعة مالمحاضرة ردت عليها
رانيا:ايوا دودي جيتي
رويدة تبكي:تعالي للكفتيريا نبيك توا
رانيا بخوف:هيا جايتك وسكرت وجتها دغري
رانيا بخوف:كنك ياحبي شن فيه شن صاير معاك خوفتيني عليك
رويدة تبكي:خطب خطب
رانيا بصدمة:معاذ
رويدة تبكي:اها توا جاي ايقسم في حلو طلع لا ايحبني لا شيئ هذينا اوهام انا حطيتهن في راسي انا الغلطانة مالاول نستاهلها حبيت حد وهو معتبرني صديقة
رانيا:خلاص دودي وسعي بالك كلنا عارفينها بتصير اللقطة هذي خلاص ماعندكش فيه نصيب
رويدة تبكي:هذا الانسان الوحيد اللي حبيته في حياتي كيف بنطلعه من قلبي كيف بننساه بس
رانيا:حتنسيه صدقيني الايام كفيلة انها تنسيك وباهي اللي صار هكي عشان اطلعيه من قلبك وتلتفتي الحياتك لكي كم سنة قلبك متعلق بواحد مش داري بيك بكل
رويدة تبكي:بنموت مقهورة مقهورة قلبي واجعني بكل انحس فيه بيطلع من مكانه معقولة قصة حب تنتهى قبل ماتبدى
رانيا دموعها نزلو ووجعتها صاحبتها:معليش عسى ان تكرهو شيئا وهو خير لكم مرات هذي اشارة عشان اتشوفي حياتك وتلقي اللي يستحقك صح ومرت ماايكونش هذا الحب الحقيقي هذا بس حيكون سبب عشان اتشوفي الحب الحقيقي
رويدة تبكي:اي حب حقيقي مافيش اصدق من حبي له حبيته من غير ماهو يعلم حبيته من غير ماانشوف منه اي اشارة حب تجاهي مش مستوعبة ان معاذ قعد الغيري
رانيا:عارفة والله عارفة وشعورك توا واعر وحاسة بيك والله بس شن بيدك مش من نصيبك بس اقتنعي بالشي هذا وخليها علي ربي
قعدت رانيا تحكيلها وتقنع فيها لعند لما هدت وبعدها رويدة رنت علي رؤوف وروحت واول ماروحت دغري خشت الدارها وسكرت وقعدت تبكي وتبكي علي حب انحكم عليه بالفشل قبل مايبدى
“”
عند محمد بات سراج في الشركة كان عنده اجتماع وبعد كمل اجتماعه قمعز عالمكتب وقعد ايوقع في اوراق خش عليه باته
جد سراج:السلام عليكم
محمد صبى من مكتبه:وعليكم السلام المكتب نور ياحاج وحب علي يده وراسه
جد سراج:المكتب منور بصاحبه
محمد:تعال قمعز ورا المكتب ياحاج
جد سراج:لا حتى هنا كويس
محمد:باهي اللي اتريحك بس قولي شن سبب هالزيارة السمحة هذي
جد سراج:والله ليا ايام ماشفتك عاد انت لا تبرم لا شيء قلت انجي نسال عليك ونسأل علي شغلك كيف ماشي
محمد:والله ياباتي قاعد مابين الشركة والحوش والحوش والشركة الشغل واخذ كل وقتي اسمحلي ياحاج عارف مقصر في حقك
جد سراج:عذرك معاك حتى انا ايام وانا نقعد في الشركة قبل مايمسكها خوك مسعود كنت زيك مانفضش هذا الشغل يكملن اعمارنا وهو مايكمل
محمد:ربي يعطيك طولة العمر ياحاج
جد سراج:واللي تغفرلك قل جيك ليا سراج عشان سراج ديما يسأل علي ان ماجا للفيلا ايرن عليا كل يوم
محمد:انت عارفه سراج ماايتحمل فيك شيء وديما ايهدد فينا لما نسكنوله علي موضوع ايقول راه نمشي انعيش عند جدي
جد سراج:ياريت ايجي ايعيش معايا انت عارف ماعمري فرقت بين احفادي لكن سراج عنده مكانه خاصة في قلبي مش عارفه ليش العيل هذا من جيته وانا ماانتحمل فيه شيء
محمد:ربي ايخليك لنا ياباتي وان شاءلله اتحق اعيال عياله
جد سراج:ان شاءلله غير هو ايوافق عالزواج قبل واحسن بنت في ليبيا اتكون عنده وانا بروحي انعدي نخطبها له
محمد ضحك:اووو هذي واسطة من دون احفادك كلهم هو اللي تخطبله بروحك
جد سراج:حتى هو سراج
محمد:مش عارفه ليش اتحبه الهدرجة مع ان باقي احفادك كلهم احسن منه في كل حاجة هذا فاشل ومستهتر ماايديرش في حاجة مسقمة بكل ماعادا حاجة وحدة وهو ان ديما ايجيك ويسأل عليك
جد سراج:وهذا اللي ايفرق فيه من دون احفادي كلهم سراج الوحيد من هو صغير ماايتحمل في شيئ وديما يسأل عليا مع ان هو الوحيد اللي ماعاش معايا زي لخرين لكن حتى وهو برا ديما ايكلم في متمني بس امتى انجوزة ونفرح بيه بالك ربي يعطيني طولة العمر وانحق عياله وهما اصغار عشان انت حرمتني منه وهو صغير
محمد;والله نادم عليها عيشتي بيه برا هي اللي خلاته هكي بس اكتشفتها متاخر مش قادر انعاقبه عاللي ايدير فيه ولا نقدر اندير شيئ لاني كنت السبب في ضياعه كان المفروض اني انرد بيه لبلاده من اول ما جا ولا نقعد انراقب فيه وانعلمه الصح مالغلط لكن انا كنت لاهي ونجري ورا الفلوس لين ضيعت ولدي
جد سراج:حصل خير مازال طايش وايجيه يوم ويعقل وايتغير
محمد:ان شاءلله ياباتي
جد سراج:ان شاءلله وقعدو ايخرفو ومن ضمن التخريف حكو علي يوم عزومة العشاء
جد سراج:خطرها العزومة مشاءلله عليك فرج خراف وجوه سمح معش كلمك لا كلمته
محمد:والله لاهي في هالشغل لكن امس جاني عيسى تاجر الحديد عرفته وطبعا هو ايتعامل حتى مع فرج حكينا عليه قالي له يومين في طرابلس
جد سراج:وعليش ماشي الطرابلس
محمد:سألت عيسى قالي مش عارف ممكن عنده شغل ولا حاجة
جد سراج: كان شغل راه عيسى عنده علم بالك راه الراجل مريض ولا حاجة رن شوفه مرات يسمع انك عرفت ومادورته توجعه
محمد:والله صدقت ياباتي مافكرتش فيها ومسك فونه ورن عليه وفرج رد
محمد:خير يافروجة شن اخبارك
فرج;خير ومرحبا الحمدلله شن اخبارك انت
محمد:الحمدلله بخير حال الشغل
فرج:ربي ايعاونك كيف حال الحاج علي ان شاءلله بخير
محمد:بخير اهو قاعد جنبي وهو اللي قالي انكلمك بعد قتله كنت في طرابلس قالي راه يقعد مريض ولا حاجة أسأل عليه
فرج:يسألن عليه الايام الطيبة كان عندي اشوي شغل غادي ننهي فيه
محمد:ونهيته تمام كان تعرقلت في اي حاجة قولي عندي معارف واجد غادي انوصيهم ينهولك دغري
فرج:لا الحمدلله نهيت اموري وروحت امس
محمد:باهي الحمدلله علي سلامتك كييف حال العيلة كويسين
فرج:كويسين غير سندس بنتي لما روحت القيتها دايرة حادث
محمد:لالا ياراجل امتي صارت وليش ماكلمتنا
فرج:والله انا بروحي ماكلموني ماحبوش يشغلوني امس روحت والقيتها انفجعت فجعة ووجعتني منهم ماحكوليش
محمد;لا حول ولا قوة الا بالله وهي وين توا وشن صارلها كويسة ولا لا لو محتاجة علاج برا او حاجة انا صاحبك مااتحشم مني بكل
فرج:لا والله كويسة جايتها بس خبطة عالراس واشوي كدمات عالوجه والايدين
جد سراج:كان قاعد قوله بنجوك
محمد:الحمدلله علي سلامتها وكانك قاعد في الحوش بنجو نطمنو عليها
فرج:لا قاعد تفضلو في اي وقت وسكر
جد سراج صبى:هيا شوره عيب خلينا نطمنو علي بنته
محمد:تمام انكلم عفاف انخليها اتوتي روحها تمشي معانا
جد سراج:باهي تمام
رن محمد علي عفاف وحكالها اللي صار وقاللها اتوتي روحها خشت عفاف لبست وبعدها خشت علي دار سراج وكان سراج راقد طبعا?
عفاف:سراج سراج نوض عشان تمشي معانا
سراج وعين مغمضة وعين مفتوحة:وين بتمشو عالصبح
عفاف:بنت فرج صاحب باتك دايرة حادث ونبو نمشولها
سراج:غالطة مش هنا دار الدكتور
عفاف:سراج بلا صماطة نحكيلك جد هيا امشي معانا
سراج;وشن تبيني اندير نمشي معاك وبعدين صبح فيه واحد يمشي الحد زيارة في الصبح
عفاف:مش عساس بتحق البنت
سراج تغطى;توا بنرقد انحقها يوم اخرى
عفاف:ماشي براحتك وطلعت اشوي وجاها راجلها وعمها خذوها الهل سندس واستقبلوهم هل سندس استقبال حلو وحمدولها عالسلامة وخرفو معاهم وبعد جو بيروحو مسكوهم هل سندس للغداء وقعدو معاهم لعند الساعة 5 العشية وبعدها هل سراج روحو
“”
في فيلا هل سراج باته روح وخش ياخذ في دوش وامه غيرت دبشها وتت فطور السراج في الجنان لان لقاته واعي وبينزل يفطر
سراج نزل وطلع للجنان لقاهم موتيله فطور وامه مقمعزة عالطاولة تشرب في قهوة
سراج:صباحو عفوفة
عفاف:توا الساعة 6اي صبح هذا?
سراج:عفوفة شكله عداك راجلك قبل ديما انقول عليك عاقلة مش زية
عفاف:باهي سراج انا عطيتك حريتك وماانتكلمش معاك لكن لعند امتى بتقعد هكي
سراج:ديما وخليني انتهنى عالفطرة
عفاف لوت بوزها وسكتت
سراج:شكلكم انسجمتو مع العرب لين تغديتو عندهم
عفاف:عليك عرب مشاءلله عليهم جوهم سمح ومعاهم اتحس كأنك تعرفهم من زمان كان مشيت معانا خير
سراج:انتي عارفتيني ماننسجمش مع اي حد بس قوليلي البنت شن صايرلها
عفاف:الحادث مش قوي اشوي خبطات وهكي بس
سراج يضحك:يعني مااشوهتش مازالت سمحة
عفاف:لا مازالت سمحة كان مشيت راك حقيتها
سراج:مرة اخرى نمشي معاكم لازم انحقها هاللي ميتة عليها انتي وباتي
عفاف:مش بس سماحة عليك عقل وأدب وشخصية اتحسها هكي واثقة من روحها ومن كلامها المهم البنت كاملة مكملة
سراج;اوووف للدرجة هذي حسيتها كأنها ملاك نازل مالسماء
عفاف:واكثر اخرى شن رايك نخطبها لكي بالك اتغيرك واتخليك اتحبها
سراج:عفو خطبة ماخطبة فكينا عارفة رايي وبعدين ياعفوفة انا قايلك الف مرة الحب مش ليا
عفاف:لعند امتى هكي اهو وسيم ولد عمك مسعود اصغر منك قريب بخمس سنين والاسبوع الجاي فرحة
سراج;من جدك وسيم المفعوص هذا بيجوز
عفاف:اها ريته مش زيك مازال اتقولي مش مفكر فيه حرام عليك انا وباتك خاطرنا انحقو عيالك
سراج;للاسف ضاعو الشباب تي هذا مازال اصغير المفروض ايعيش حياته قبل لاحق عالهم والمزاط
عفاف:لا مش صغير هذا بيفرح هله مش زيك
سراج;باعفوفة افهميني انا مانقدرش نبعد عالسهر والجو انموت ولو ناخذ وحدة تقعد معش تبيني نسهر وعلي قولتهن انخونها وتقعد بتحكم فيا وبعدين مافيش بنت محترمة انا اكثر واحد تعرفت علي بنات كلهن رخاص وكلهن زي بعضهن
عفاف:غلطان مافيش منها الدوة هذي مازال فيه بنات ناس ومحترمات وانت هكي جمعت يبقى حتى انا زيهن
سراج:لالا مش هكي عفوفة انتي مالزمن الجميل معش فيه منك توا لو نلقى وحدة زيك والله ناخذها وتوا ومن غير ماانفكر بكل
عفاف:فيه زيي واحسن مني اخرى وانا نعرف بنات محترمات وكويسات
سراج:باهي زي من مثلا
عفاف:زي ليلى بنت عمتك اللي خذاها وسيم وانا كنت نبيها لكي بنية سمحة وعاقلة ومحترمة
سراج قعد يضحك
عفاف:عليش تضحك انا ماقلتش حاجة اتضحك
سراج:ليلى اللي تحكي عليها عارف ماضيها كله ليلى كانت مصاحبة 4شباب في وقت واحد ووسيم حصل فيها اشوي وتسمعي انها مصاحبة واحد وهي متجوزة ماقتلك كلهن زي بعضهم
عفاف شهقت:معقولة ليلى ادير هكي مستحيل
سراج:توا ايديرن اي حاجة
عفاف:باهي في وحدة اخرى بنت صاحب باتك بنية كويسة ومحترمة
سراج:تعرفي كان نسأل عليها وانجيب خبرها نلقى وراها الف قصة وقصة
عفاف;مستحيل انا متأكدة
سراج صبى:خلاص توا انشوفها وانشوفو شن ايصير
عفاف:طالع توا
سراج:اها وماترجينيش عالعشاء وزي كل ليلة تعذري للحاج اي عذر عليا
عفاف:باهي راد الله عليا
سراج باس امه:نجيها عفوفة اللي تفهم في الجو وطلع
عفاف ضحكت:ربي يهديك ياوليدي وايردك عالطريق اللي ماشي فيها وكلمت الخدم لمو الفطور ومشت الراجلها فوق
“”
سراج طبعا طلع ودغري مشى الفيصل رن علي فيصل وقاله خش جوا واول مادق الباب فتحنله روان وريان
روان بفرحة:ايييي سراج جانا
ريان:اوووف علينا وخشت
سراج خذا روان في حظنه وشالها
سراج:مش المفروض توا راقدة في السرير ومااتحركيش مازال مريضة انتي
روان:انا كنت في السرير بس سمعت فيصل قالك خش جيت بنفتحلك انا الباب
سراج:نجيها صاحبتي حقي شن جبتلك ومدلها كيس
روان فتحت الكيس وكان معبى شكولاطات
سراج:اسمعي لكي بروحك ماتعطيش حد
روان بخبث:قصدك مانعطيش ريان صح
سراج:نجيها اللي تفهم فيا وباسها علي خدها ونزلها ومشت تجري بالكيس الدارها ولحقتها ريان وروان عندت وسكرت راسها ومابتش تعطيها حتى طرف زي ماوصاها سراج بزبط?
فيصل جاه:انتي قايل الروان ماتعطيش ريان
سراج يضحك:اها قصدك ماعطتهش
فيصل:روان حقيرة انت عارفها وبذات حاجة اتشجعها عليها انت مابتش تعطيها شي وريان قالبتها مناحة
سراج:خليها تستاهل اول مافتحت الباب قالت اوف وخشت الحقيرة
فيصل:لعند امتى الكره بينك وبين ريان بس
سراج:تي هي بروحها مااتحبنيش مادرتلها شيء
فيصل:وانت داير عقلك من عقلها مش عارف بعقلك هذا كيف بتصرف مع عيالك
سراج:ومن قالك بنجوز وانجيب عيال مطرشق اتحق فيا
فيصل:وشن فيها بحت كم عمرك توا
سراج:وكنك ماتجوز انت حتى انت من عمري راك
فيصل:انا مازال انكون في روحي والعروس قاعدة
سراج:اوو من ورايا الحب
فيصل:لا والله بنت خالتي امي رودتها ليا وعجبتني هي مازالت صغيرة تقرا في الثانوي اتكمل الثانوي واتخش للجامعة بنخطبها
سراج:باهي تمام الف مبرووك
فيصل:الله ايبارك فيك العقبالك
سراج يضحك:انا ماانحبش نسهر مع البنت مرتين تبوني ناخذ وحدة وتقعد هي نفسها كل يوم تي واجد والله فكني من هالسيرة قبل مانطلع مالحوش وعفوفة صدعتني بيها هيا خلينا نطلعو لأي كفي انهيجو
فيصل:تمام هي وطلعو
“”
عند رويدة جتها رانيا في العشية وقعدت معاها عساس بتغيرلها جوها بس رويدة كانت نفسيتها تاعبة بكل ومش مستوعبة اللي صار
“”
مر اليوم عادي جدا وزي كل يوم وجا صباح ثاني يوم فيه سندس قررت تمشي للجامعة عندها محاضرة الساعة 10 وجت للجامعة وتلاقت مع رانيا وخشن المحاضرتهن مع بعضهن وبعد طلعن مالمحاضرة مشن للكفيتيريا وقمعزن فيها
سندس:دودي اليوم محاضرتها الساعة 10زينا اكيدة طلعت انرن عليها اتجينا هنا
رانيا:لا اليوم دودي ماجتش
سندس:غريبة كنها
رانيا:هذا ياحنة امس صار وقعدت تحكيلها في القصة
سندس بحزن:يانا عليا هذا اللي كنت خايفة منه اكيدة توا متضايقة
رانيا:مش غير نفسيتها تاعبة بكل
سندس:ياربي ليش هالبنت حظها هكي لازم اليوم نمشولها لازم نحكي معاها وانفهمها ان هذا نصيب
رانيا:والله حكيتلها واجد بس مش مقتنعة
سندس:ماعليك انا حنقنعها
رانيا:ان شاءلله تقتنع منك
سندس:ان شاءلله المهم توا انا تاعبة وراسي قعد ايوجع فيا بنروح
رانيا:اصلا المفروض ماجيتي اليوم مازلتي مريضة
سندس:خلاص معش نقدر انغيب اكثر من هكي انتي عارفة اشوي ويبدن الامتحانات مانبيش يهلبني واجد ونقعد مش فاهمة
رانيا:مااتخافيش اللي هلبك كله نشرحه لكي انا ماعليك
سندس:اكيدة هذي حاجة غصبن عنك وطلعت فونها بترن علي باتها
رانيا:دا ان شاءلله عليك الجالطة اسمعي مااترنيش علي عمو فرج توا انوصلك انا مع السواق الجديد
سندس:كيف صار مش عساس بتشري سيارة مش اتجيبو سواق
رانيا:قصة طويلة توا نحكيلك عليها في الطريق
سندس:عارفتها اكيدة رؤوف قالك لا خزي خوافة ماعندك شخصية
رانيا:ييي عليا حتى انتي بتهزبيني
سندس:ونضربك حتى الضرب لعند امتى بتقعدي هكي ماعندكش كلمة معاه ايتعود عليها ياهبلة
رانيا:خلاص اخر مرة مرة اخرى تقعد عندي كلمة وشخصية
سندس:كذااااابة عارفتك
رانيا:والله نحكيلك جد وخلاص اسكتي خليني انرن عالراجل ايجينا
سندس:رني يا كذابة
ورنت رانيا عالسواق وجا خذاهن وروحن كل وحدة الحوشها
“”
جت العشية ورانيا وسندس مشن الرويدة في حوشها ولقنها عيونها تاعبة مالبكى وحالتها حالة مسكينة وقايلة الهلها انها مريضة
سندس:معقولة هذي رويدة القوية من جدك تضعفي هكي عشان راجل
رويدة تبكي:مش بيدي انحبه والله انحبه مش متخيله ان خلاص معش ليا حق انحبه قعد الوحدة اخرى
سندس:بلا هبال وكلام فاضي الراجل عمره ماوعدك بشئ انت حبيتيه بروحك وانتي تقدري تنسيه مالاول حبك له غلط وانتي كملتي الغلط ونحن الف مرة نصحناك ماسمعتيش وباهي اللي صار هكي عشان تعرفي روحك غالطة وتوعي الروحك واتشوفي حياتك ومستقبلك اللي غيرتيه عشانه
رويدة تبكي وخلاص
سندس قربت وحظنتها:عارفة كلامي واعر بس انا نبي انوعيك دودي مالاول هو مش لكي وانتي درتي اللي عليك وحاولتي اتقربي منه واتحسسيه بحبك بس هو ديما ايقولك صديقتي واختي ولو حس بشئ تجاهك راه حكالك مافيش حاجة تمنعه بس هو ماحبك وهو الخسران وفي الاخير كل شئ في الدنيا نصيب وماعندكش نصيب فيه وبدل ماتحزني افرحي لان ربي دارلك هكي لان رايدلك الخير
رويدة حظنتها زين وقعدت تبكي
سندس:نحكيلك حاجة علي بني ابي طالب كان ايقول (ادعو الله على مسألة اذا صارت افرح مرة واحدة واذا ماصارت افرح عشر مرات لان ربي ايكون رايدلي الاحسن)شفتي الكلام هذا يعني انتي توا المفروض تفرحي لان مافيش خير لكي لو فيه خير كان ربي خلاكم اتحبو بعضكم لكن هكي اكيدة ربي رايدلك حاجة احسن
رانيا:فعلا يادودي كلام سندس صح كله خلاص ماانقولكش انسيه لان مش حتنسي بسهولة بس انا انقولك كملي حياتك وعيشيها والايام حينسنك بروحهن وايجيك يوم اتقابلي حد واتقولي هذا هو الحب صدقيني
سندس قعدت تمسح في دموع رويدة
سندس:لو اتحبينا صح اطلعي مالحزن اللي انتي فيه نحن مانقدروش انتحملو انشوفوك هكي وردي دودي اللي زمان اللي غالي عليها الضحك والبصارة ومااتغيبيش علي جامعتك ومحاضراتك خلاص كم شهر وبتخرجي بتضيعي السنة علي روحك بعد تعبك هذا كله
رويدة:لالا مش حنضيعها علي روحي بس شايفات وضعي توا مانقدر نمشي لكن نوعدكن يومين اخرى وانرد نفس ماكنت بس لازم انريح نفسيتي اشوية وانهيئ نفسي اني لما انشوفه انمشي وضعي عادي
سندس:اكيدة دودي يومين وتقعدي تمام
رويدة:اكيدة والله
سندس ورانيا ابتسمن وحظننها
رانيا:خلاص هي نوضي اغسلي وجك وتعالي انكسدو مع بعضنا اليوم بنقعدو عندك لعند الليل
سندس:وجيبيلنا حاجة نشربوها دا نشفتي ريقنا
رويدة ضحكت:المطبخ قدامكن ومافيش حد في الحوش عدن ديرن برواحكن
رانيا:خزي تبيلك ترباية وتعليم كيف اتعاملي الضيف غير نقعد كنتكم والله انوريك
سندس تضحك:حي عليك بتقعد مرات الاخ الخبيثة
رويدة;حي عليا بتغري وتقعدي خبيثة
رانيا تضحك:عيب ياكلبة معقولة نقعد هكي امتى انجيكم بس ونقعد انا وانتي نتفقو علي رؤوف ولما نزعل منه انجي انبات معاك
سندس;كذابة زعميتك تزعلي منه
رويدة صبت وهي تضحك:والله صدقت فيك وخشت الحمام بتغسل وجها
سندس:تعالي انديرو قهوة نشربوها علي ماطلعت مالحمام
رانيا:هيا ومشت قدامها
سندس تضحك:دايرتلي جو صاحبة الحوش مرض مازال ماخذاك
رانيا;توا ياخذني وبعدها انا نقعد انضيف فيك
سندس:ان شاءلله ياحنة وخشن للمطبخ مع بعضهن
“”
وائل حصل رقم سندس من بنت تقرا معاهن ومشى الفيصل بيسأله يعطيه او لا
وائل:ها شن رايك نعطيه له ولا كيف
فيصل قعد ايفكر:لالا فوته قوله ماحصلتش
وائل:تمام باهي
فيصل:ولا انقولك حاجة عطيه له وخلاص
وائل;وافرض دارلها حاجة زي ماقلت انت
فيصل:اسمع عندي خطة انا اللي حنعطيه له عساس انا اللي جبته وحنفهمه اني راضي عااللي بيديره لكن حنتفق معاه اي حاجة ايديرها ايقولي عليها
وائل:وتخيل دارلها حاجة وماقالك
فيصل;سراج مايعرفش ايدير حاجة من غير ماايقولي هو يوثق فيا واجد وبذات لما يعرف اني موافقه رأييه دغري لما ايفكر في حاجة انا اول واحد نعرف
وائل:وكان تمى بيدير شيء تقدر اتوقفه
فيصل:لو عرفت بيدير شيء حنوقفه دغري ماعليك كون هاني
وائل:تمام صاحبك وانت ادرى بيه هذا الرقم سجله عند 092—–
فيصل:تمام صحيت
وائل:سلام توا عندي شغل
فيصل:سلام
“”
فيصل دغري مشى السراج للفيلا وخش وبعد اشوي جاه سراج
سراج:اووو نصي شن جوك
فيصل;تمام يانصي شن جوك انت
سراج:تمام هيا صبي خلينا نطلعو الاي مكان راه مال بكل
فيصل:تمام تو نطلعو لكن قبل مانطلعو عندي لكي مفاجئة
سراج بإستغراب:مفاجئة ليا 7سنين مصاحبك يانصي ماجتنيش منك ولا مفاجئة
فيصل:والله نحكيلك جد
سراج:شنو مفاجئتك يابابا نويل?
فيصل:لنقنك حقير المهم جبتلك رقم الجالطة
سراج صبى من مكانه:تحكي من جدك احلف
فيصل:وحق ربي جبته لكن والله شكلك مكبد بحت كيف نطيت
سراج قمعز:مكبد عينك انا بننتقم منها بس
فيصل:اسمع انا مش حنعطيه لين اتقولي شن بدير
سراج:عليك ذل توا انقولك انا فهمت عقلها البنت بنقعد انرن عليها وانكلم فيها وانعيشها في جو الحب اللي هي تبيه لان هي فاهمة ان الصدف اللي جمعنا مش صدف واني انا نلحق فيها لاني معجب بنمشيها كيف ماتبي وجو حب ورومانسيات لين اتحبني وبعدها حتعطيني اللي نبيه تحت مسمى الحب
فيصل:واطي واطي يعني
سراج برفعة حاجب:نعجبك يانصي
فيصل;تمام انا نمشي معاك في اللي بديره لاني عارف انك دبينك حطيت حاجة في راسك معناها حديرها لكن بشرط اي حاجة بديرها اتقولي عليها زي قبل
سراج:تم يانصي انت عارف ماعمريش دسيت عليك حاجة
فيصل:ولو درت اللي تبيها انا معاك فيها لازم تحسبني
سراج:تي نص بنص يانصي ماعليك اهم حاجة نبي انشوفها مذلولة قدامي واللي تعبته وجريته انا وراها عشان نعرفها من نبيها تتعبه هي عشان اتحصلني بعدين وتركع قدامي زي الكلبة تبيني نستر عليها
فيصل شاف السراج وشاف كمية الكره اللي في عيونه تجاهه وخاف منه لان عمره ماشافه مسكر راسه علي بنت بالطريقة هذي
سراج:هي وين الرقم
فيصل: اهو خوذه 092—–
سراج فرحان:هكي يبدى الشغل مزبوط
فيصل:امتى بترن
سراج:توا وقعد ايرن لقاه مقفل
سراج:كيف صار مقفل
فيصل:اكيدة اشوي وتفتحه
سراج:معناها حندز رسالة واول ماتفتحه توصلها وايجيني انا التقرير
فيصل:شن بدزلها
سراج:اصبر توا انوريك وقعد يكتب اشوي ووراه شن كتب
فيصل قعد يقرا(اول حاجة خيرات علي احلى بنوته بصراحة زي مافكرتي بزبط لما كنا انتلاقو ماكانتش صدفة انا من اول لقاء لنا حبيتك وخشيتي قلبي ومعش نرقد في الليل من كثر التفكير فيك عميتيني عن كل البنات واكثر حاجة حبيتها فيك السانك صح اتعقدي فيا بكلامك بس انحب نسمعه منك تفرقي عالبنات كلهن شخصيتك قوية وماخفتي مني وهذا اللي انا نبيه وصدقيني انا انسان محترم بكل والانطباع اللي واخذتيه عني غلط ولو تعطيني فرصة وحدة في حياتك حتشوفي كيف انغيرلك فكرتك عني فرصة وحدة لو ماالقيتيني قدها انا بروحي ومن نفسي نطلع من حياتك انا انسان جدي ومعجب بيك ومالاخر انحبك)
فيصل;اوفا يا راه انا بروحي اللي عارف نيتك مالكلام صدقتك
سراج:تي نعجبك يانصي لما اتشوف الكلام هذا دغري حتحس اني مشاعري صادقة
فيصل:والله كلام ايهز الجبل كان ماهزها معناها مش بنت هذي
سراج:حيهزها وحتشوف كيف انخليها اتحبني
فيصل:غير راك انت اللي اتحبها
سراج:وراس فيصل ماعاد تحكي هكي بجديات والله البنت لا انحبها ولا نبيها وكل اللي نبيه نبي ننتقم منها مش اكثر
فيصل:تمام باهي دزهلها الرسالة
سراج:اهو ارسال وتمت العملية بنجاح وضحك
فيصل ضحك:مطرشق يانصي وبعدها طلعو بيغرو جو برا
“”
عند رويدة قاعدات البنات ياكلن في شكولاطات وشبس وايغيرن في جو رويدة وفعلا قدرن ايغيرن جوها
سندس:خطرها يارانيا ياكلبة طلعي فوني
رانيا:اي فون
سندس:فوني انا وفكيني مالعباطة بعد ماطلعنا مالجامعة وروحت للحوش ماالقيتش وعارفتك تسمطي واديري في حركات شريني نبي نفجعك
رانيا;وحق ربي ماعندي
سندس:رانيا الف مرة قتلك فكيني مالحلف بالكذب
رانيا;وقسما بالله ماخذيته ولا لمسته وحق ربي مانكذب
رويدة:دبينها حلفت هكي معناها صح مش واخذته
سندس’:حي عليا معناها فوني وين نذكر اخر مرة لما طلعته بنرن علي بابا وبعدها رانيا قالتلي اتروحي معايا رويدة:دورتيه في شنطتك كويس
سندس:دورته عاد تليفون ماعنده وين ايطير
رانيا:رنيتي عليه
سندس:مقفل هذا عليش قلت عندك لان هذينا حركاتك الباردات
رانيا:والله ماهو عندي لكن اصبري انرن عالسواق بالك طايح منك في السيارة ولاقيه
ورنت عالسواق ودور في السيارة ومالقش
رانيا:قالي دورت وماالقيتش
سندس:وين بيطير زعمك انسرق مني تي باهي انا ماسيبتش بكل
رويدة:اذكرن اكويس وين مشيتن ووين جيتن
رانيا:مافيش طلعنا مالمحاضرة وخشينا للكفيتيريا وزي ماقالت اخر مرة طلعاته من شنطتها بترن علي باتها وبعدها انا قلتلها انوصلك وطلعنا ما الكفتيريا للسيارة بس في السيارة ماكانش في يدها
رويدة:خلاص يبقى امسيبته في الكفيتيريا وصايرة القصة هذي مع كم بنت من قبل ينسنه وبعد ايردن معش يلقنه
رانيا:مافيش الا هكي اكيدة سيبتيه عالطاولة
سندس بحزن:حي عليا عليك مدت وجه
رويدة:عندك فيه صور او حاجة
سندس:لالا صوري ديما ننقل فيهن عاللاب لكن عندي عليه مقاطع وحاجات عشان القراية وحاجات مهمة خاصة بمشروع التخرج معش عندي كيف انجيبهن
رانيا:هذينا ساهلات توا انجيبوهن وفيه كم حاجة قاعدة عندي توا اندزهن لكي
رويدة:خلاص ياخذ سوك وحنقعدو انرنو عليه مصيرها فاتحته وحنعرفوها من
سندس:خزي عطها شلل في ايديها اللي خذاته ان شاءلله مااتهنى بيه والله مازال جديد مالش 3شهور
رانيا:ماتزعلي بكل بكرا انجيبلك واحد زيه بزبط
سندس:لا رنوشة مااتعبي روحك بكرا بابا ايجيبلي واحد
رانيا:خلاص معناها خلي جوك تمام وصبن انديرو عشاء
سندس:باهي خطرها دودي انتي وين هلك
رويدة:عند عمو فضيل بنته متخرجة ودايرلها عشاء
رانيا:قصدك هل سند
رويدة:اها
سندس;وكنك مامشيتي
رويدة:انتن عارفات جوي مش تمام ونمشي غادي كلهم يقعدو يحكو علي سند قلت الماما اتقوللهم عندي امتحان وجاياتها صاحباتها يقرن مع بعضهن
رانيا:لا قرينا بكل كملناها غير ناكلو
سندس:خطرها الوكال هي جعت بنتعشى
رانيا:عطك مجاعة افريقيا دا انشاءلله وانتي ماتشبعي بكل
سندس:دا يدويك ان شاءلله
ورويدة تضحك عليهن وبعدها صبن وقعدن ايديرن في عشاء عشان ايتعشن وبعد العشاء لمن العوايز وجا بات رانيا روح بيهن هنا الاثنين وكل وحدة عدت الحوشها
“”
عند سندس خشت غيرت دبشها وصلت العشاء اللي فاتها مع صاحباتها وطلعت مالدار لقت باتها وامها ايتفرجو عالتلفزيون
سعاد:جيعانة انديرلك عشاء
سندس:لالا تعشيت انا والبنات
سعاد:وشن درتن
سندس:درنا خفيف اصلا هل رويدة كانو متعشين عند عيت عمهم
سعاد:يعني معلبات
سندس:اها
سعاد:كلا بنات هالوقت ماعاد ينفعن بكل معقولة ثلاث بنات وبرواحكن اديرن معلبات ليش ماطيبتن
سندس:انتي عارفة مانعرفوش
سعاد:طيح والله سعدكن كيف بتجوزن بس
سندس:ييي بتبدى في القصة الحزينة امتاع الزواج
سعاد:لاني بادية لا شيء عنكن ماتعلمتن
سندس:ايوا هكي احسن وخطرها في حاجة بنقولها لكنم راه فوني انسرق
سعاد:طاح اسعدك وين انسرق وكيف انسرق وحي عليك فيه صورك
فرج:بلا تركيب عالبنت وين انسرق يابابا
سندس:في الجامعة شكلي انسيته علي طاولة الكفيتيريا وكنت نحساب رانيا دايرة فيا مقلب بس لما سالتها قالتلي ماخذيتش وانرنو عليه من بدري مقفل
سعاد:عليك مدة وجه حي عليك اكيدة واخذه واحد وبكرا نلقو صورك عالنت ديما انقولك فكينا مالتصوير ماتفهميش ومااتعدليش عليا
فرج:تي اسكتي بلا تركيب عندك في صور انتي
سندس:لالا يابابا الصور ديما ننقل فيهن عاللاب ونمسح فيهن ماعنديش فيه ولا صورة غير اللي قهرني الحاجات والمشاريع والمقاطع اللي بنشتغل فيهن علي بحث التخرج كل مرة بننقلهن عاللاب ننسى فيهن
فرج:هذينا ساهلات خلاص ياخذ سوك بكرا انجيبلك تليفون وشفرة جدد
سعاد:لا ماتشريش تليفون لما المرة اللي فاتت جبت السندس تليفون جبتلي معاها واحد زيه بزبط لكن انا ماعرفتش نستعمله ورديت تليفوني القديم راهو قاعد في درجي تاخذه
سندس:خلاص يابابا تو ناخذه واحسن زي فوني لاني تعودت علي استعماله
فرج:خلاص خوذيه وبكرا انجيبلك شفرة جديدة
سندس:باهي
وقعدت سندس وامها ايخرفن وفرج ساكت وسارح
سعاد بحتت في سندس وهزتلها براسها علي باتها بمعنى كنه سارح سندس دارت حركة بفمها بمعنى مش عارفه
سعاد:فرج فرج ماردش
سندس:بابا
فرج:نعم
سعاد:الستر ياراجل من بدري نحكولك مش معانا بكل ومن ترويحتك من طرابلس وانت هكي شن فيه شن صاير معاك
فرج قمعز ومسح يده علي وجه:والله ماني عارف شن انقوللكن
سندس بخوف:شن فيه بابا شن صاير
سعاد;احكي يافرج شن صاير معاك عليش شايل الهم بروحك
فرج:ليا فترة داس عليكن لكن خلاص لازم تعرفن
سعاد وسندس بخوف:شن فيه
فرج:—
#يتبع
زعمك فرج شن يبي ايقول وهل الشيء اللي بيحكيه خطير وحيكونله تأثير علي حياتهم ?
ورويدة بصراحة وجعتني زعمك شن داسلها القدر واللي صار معاها هل حيكون بداية طريق جديدة وحب جديد في حياتها ?
وسرقت فون سندس اللي كانت في نفس اليوم اللي سراج خذا فيه رقمها هل حتكون خير او شر الها ?
كله حنعرفوه في الحلقة الجاية ☺
أسفة لو فيه لخبطة في الأسماء وأكيد رأيكم ايهمني?
گـتـابـتـي Koka Saleh
الـحـلـقـة (9)
رويدة;لا لا خلاص كله الا زعل دوسة معش انجيبو سيرته وبحتت في رانيا
رانيا:خلاص اسفة معش نحكي عليه وقعدن ايخرفن وبعدها تعشن مع بعضهن وروحن كل وحدة الحوشها ودغري رقدن لان عندهن جامعة بكرا
“”
صباح يوم جديد
بالنسبة الرانيا كان يوم عادي جدا وكانت محاضرتها مالساعة 8
اما رويدة كان يوم مهم وكانت فيه بتحسم حياتها وتحكي مع معاذ ويايطلع ايحبها ياماايحبهش وكانت محاضرتها الساعة 10 وجت للجامعة 9:30 بس لقت معاذ مازال ماجا وقمعزت عالمقاعد قدام القاعة ترجى فيه
اشوي وشافت معاذ جاي شور القاعة ومعاه أنيس وسالم وكانن في يدهم علب حلو وقعدو ايوزعو عالطلبة والكل قعدو ايباركو المعاذ معاذ لف وشاف رويدة مقمعزة عالمقعد واتشوفله زين وباين من نظرتها انها بتعرف شن فيه والف سؤال في راسها وهي مازال اتشوف المعاذ جا قدامها سالم وماسك علبة الحلو
سالم:تفضلي
رويدة ابتسمت وخذت طرف:شنو مناسبة الحلو هذا مازال ماتخرجنا
سالم:لا مش للتخرج امس كانت خطبة معاذ ومقدرش يعزم الكل حب ايدير الواجب اليوم
رويدة انصدمت وتغيرو ملامح وجها وطاح من يدها الطرف
سالم:كنك شن صارلك
رويدة:لا مافيش شيئ وجت بتمشي
سالم:خوذي طرف اخرى بدل اللي طاح
رويدة;لالا شكرا ومشت تجري
وخشت للكفيتيريا وكان قلبها ايدق بسرعه ونفسها ضايق عليها ماتوقعتش اللحظة هذي اتصير بالسرعة هذي وبذات في اليوم اللي بتعرف فيه اذا معاذ ايحبها او لا بس عرفت الجواب بطريقة صدمتها قعدت تبكي ورنت علي رانيا
رانيا كانت كيف طالعة مالمحاضرة ردت عليها
رانيا:ايوا دودي جيتي
رويدة تبكي:تعالي للكفتيريا نبيك توا
رانيا بخوف:هيا جايتك وسكرت وجتها دغري
رانيا بخوف:كنك ياحبي شن فيه شن صاير معاك خوفتيني عليك
رويدة تبكي:خطب خطب
رانيا بصدمة:معاذ
رويدة تبكي:اها توا جاي ايقسم في حلو طلع لا ايحبني لا شيئ هذينا اوهام انا حطيتهن في راسي انا الغلطانة مالاول نستاهلها حبيت حد وهو معتبرني صديقة
رانيا:خلاص دودي وسعي بالك كلنا عارفينها بتصير اللقطة هذي خلاص ماعندكش فيه نصيب
رويدة تبكي:هذا الانسان الوحيد اللي حبيته في حياتي كيف بنطلعه من قلبي كيف بننساه بس
رانيا:حتنسيه صدقيني الايام كفيلة انها تنسيك وباهي اللي صار هكي عشان اطلعيه من قلبك وتلتفتي الحياتك لكي كم سنة قلبك متعلق بواحد مش داري بيك بكل
رويدة تبكي:بنموت مقهورة مقهورة قلبي واجعني بكل انحس فيه بيطلع من مكانه معقولة قصة حب تنتهى قبل ماتبدى
رانيا دموعها نزلو ووجعتها صاحبتها:معليش عسى ان تكرهو شيئا وهو خير لكم مرات هذي اشارة عشان اتشوفي حياتك وتلقي اللي يستحقك صح ومرت ماايكونش هذا الحب الحقيقي هذا بس حيكون سبب عشان اتشوفي الحب الحقيقي
رويدة تبكي:اي حب حقيقي مافيش اصدق من حبي له حبيته من غير ماهو يعلم حبيته من غير ماانشوف منه اي اشارة حب تجاهي مش مستوعبة ان معاذ قعد الغيري
رانيا:عارفة والله عارفة وشعورك توا واعر وحاسة بيك والله بس شن بيدك مش من نصيبك بس اقتنعي بالشي هذا وخليها علي ربي
قعدت رانيا تحكيلها وتقنع فيها لعند لما هدت وبعدها رويدة رنت علي رؤوف وروحت واول ماروحت دغري خشت الدارها وسكرت وقعدت تبكي وتبكي علي حب انحكم عليه بالفشل قبل مايبدى
“”
عند محمد بات سراج في الشركة كان عنده اجتماع وبعد كمل اجتماعه قمعز عالمكتب وقعد ايوقع في اوراق خش عليه باته
جد سراج:السلام عليكم
محمد صبى من مكتبه:وعليكم السلام المكتب نور ياحاج وحب علي يده وراسه
جد سراج:المكتب منور بصاحبه
محمد:تعال قمعز ورا المكتب ياحاج
جد سراج:لا حتى هنا كويس
محمد:باهي اللي اتريحك بس قولي شن سبب هالزيارة السمحة هذي
جد سراج:والله ليا ايام ماشفتك عاد انت لا تبرم لا شيء قلت انجي نسال عليك ونسأل علي شغلك كيف ماشي
محمد:والله ياباتي قاعد مابين الشركة والحوش والحوش والشركة الشغل واخذ كل وقتي اسمحلي ياحاج عارف مقصر في حقك
جد سراج:عذرك معاك حتى انا ايام وانا نقعد في الشركة قبل مايمسكها خوك مسعود كنت زيك مانفضش هذا الشغل يكملن اعمارنا وهو مايكمل
محمد:ربي يعطيك طولة العمر ياحاج
جد سراج:واللي تغفرلك قل جيك ليا سراج عشان سراج ديما يسأل علي ان ماجا للفيلا ايرن عليا كل يوم
محمد:انت عارفه سراج ماايتحمل فيك شيء وديما ايهدد فينا لما نسكنوله علي موضوع ايقول راه نمشي انعيش عند جدي
جد سراج:ياريت ايجي ايعيش معايا انت عارف ماعمري فرقت بين احفادي لكن سراج عنده مكانه خاصة في قلبي مش عارفه ليش العيل هذا من جيته وانا ماانتحمل فيه شيء
محمد:ربي ايخليك لنا ياباتي وان شاءلله اتحق اعيال عياله
جد سراج:ان شاءلله غير هو ايوافق عالزواج قبل واحسن بنت في ليبيا اتكون عنده وانا بروحي انعدي نخطبها له
محمد ضحك:اووو هذي واسطة من دون احفادك كلهم هو اللي تخطبله بروحك
جد سراج:حتى هو سراج
محمد:مش عارفه ليش اتحبه الهدرجة مع ان باقي احفادك كلهم احسن منه في كل حاجة هذا فاشل ومستهتر ماايديرش في حاجة مسقمة بكل ماعادا حاجة وحدة وهو ان ديما ايجيك ويسأل عليك
جد سراج:وهذا اللي ايفرق فيه من دون احفادي كلهم سراج الوحيد من هو صغير ماايتحمل في شيئ وديما يسأل عليا مع ان هو الوحيد اللي ماعاش معايا زي لخرين لكن حتى وهو برا ديما ايكلم في متمني بس امتى انجوزة ونفرح بيه بالك ربي يعطيني طولة العمر وانحق عياله وهما اصغار عشان انت حرمتني منه وهو صغير
محمد;والله نادم عليها عيشتي بيه برا هي اللي خلاته هكي بس اكتشفتها متاخر مش قادر انعاقبه عاللي ايدير فيه ولا نقدر اندير شيئ لاني كنت السبب في ضياعه كان المفروض اني انرد بيه لبلاده من اول ما جا ولا نقعد انراقب فيه وانعلمه الصح مالغلط لكن انا كنت لاهي ونجري ورا الفلوس لين ضيعت ولدي
جد سراج:حصل خير مازال طايش وايجيه يوم ويعقل وايتغير
محمد:ان شاءلله ياباتي
جد سراج:ان شاءلله وقعدو ايخرفو ومن ضمن التخريف حكو علي يوم عزومة العشاء
جد سراج:خطرها العزومة مشاءلله عليك فرج خراف وجوه سمح معش كلمك لا كلمته
محمد:والله لاهي في هالشغل لكن امس جاني عيسى تاجر الحديد عرفته وطبعا هو ايتعامل حتى مع فرج حكينا عليه قالي له يومين في طرابلس
جد سراج:وعليش ماشي الطرابلس
محمد:سألت عيسى قالي مش عارف ممكن عنده شغل ولا حاجة
جد سراج: كان شغل راه عيسى عنده علم بالك راه الراجل مريض ولا حاجة رن شوفه مرات يسمع انك عرفت ومادورته توجعه
محمد:والله صدقت ياباتي مافكرتش فيها ومسك فونه ورن عليه وفرج رد
محمد:خير يافروجة شن اخبارك
فرج;خير ومرحبا الحمدلله شن اخبارك انت
محمد:الحمدلله بخير حال الشغل
فرج:ربي ايعاونك كيف حال الحاج علي ان شاءلله بخير
محمد:بخير اهو قاعد جنبي وهو اللي قالي انكلمك بعد قتله كنت في طرابلس قالي راه يقعد مريض ولا حاجة أسأل عليه
فرج:يسألن عليه الايام الطيبة كان عندي اشوي شغل غادي ننهي فيه
محمد:ونهيته تمام كان تعرقلت في اي حاجة قولي عندي معارف واجد غادي انوصيهم ينهولك دغري
فرج:لا الحمدلله نهيت اموري وروحت امس
محمد:باهي الحمدلله علي سلامتك كييف حال العيلة كويسين
فرج:كويسين غير سندس بنتي لما روحت القيتها دايرة حادث
محمد:لالا ياراجل امتي صارت وليش ماكلمتنا
فرج:والله انا بروحي ماكلموني ماحبوش يشغلوني امس روحت والقيتها انفجعت فجعة ووجعتني منهم ماحكوليش
محمد;لا حول ولا قوة الا بالله وهي وين توا وشن صارلها كويسة ولا لا لو محتاجة علاج برا او حاجة انا صاحبك مااتحشم مني بكل
فرج:لا والله كويسة جايتها بس خبطة عالراس واشوي كدمات عالوجه والايدين
جد سراج:كان قاعد قوله بنجوك
محمد:الحمدلله علي سلامتها وكانك قاعد في الحوش بنجو نطمنو عليها
فرج:لا قاعد تفضلو في اي وقت وسكر
جد سراج صبى:هيا شوره عيب خلينا نطمنو علي بنته
محمد:تمام انكلم عفاف انخليها اتوتي روحها تمشي معانا
جد سراج:باهي تمام
رن محمد علي عفاف وحكالها اللي صار وقاللها اتوتي روحها خشت عفاف لبست وبعدها خشت علي دار سراج وكان سراج راقد طبعا?
عفاف:سراج سراج نوض عشان تمشي معانا
سراج وعين مغمضة وعين مفتوحة:وين بتمشو عالصبح
عفاف:بنت فرج صاحب باتك دايرة حادث ونبو نمشولها
سراج:غالطة مش هنا دار الدكتور
عفاف:سراج بلا صماطة نحكيلك جد هيا امشي معانا
سراج;وشن تبيني اندير نمشي معاك وبعدين صبح فيه واحد يمشي الحد زيارة في الصبح
عفاف:مش عساس بتحق البنت
سراج تغطى;توا بنرقد انحقها يوم اخرى
عفاف:ماشي براحتك وطلعت اشوي وجاها راجلها وعمها خذوها الهل سندس واستقبلوهم هل سندس استقبال حلو وحمدولها عالسلامة وخرفو معاهم وبعد جو بيروحو مسكوهم هل سندس للغداء وقعدو معاهم لعند الساعة 5 العشية وبعدها هل سراج روحو
“”
في فيلا هل سراج باته روح وخش ياخذ في دوش وامه غيرت دبشها وتت فطور السراج في الجنان لان لقاته واعي وبينزل يفطر
سراج نزل وطلع للجنان لقاهم موتيله فطور وامه مقمعزة عالطاولة تشرب في قهوة
سراج:صباحو عفوفة
عفاف:توا الساعة 6اي صبح هذا?
سراج:عفوفة شكله عداك راجلك قبل ديما انقول عليك عاقلة مش زية
عفاف:باهي سراج انا عطيتك حريتك وماانتكلمش معاك لكن لعند امتى بتقعد هكي
سراج:ديما وخليني انتهنى عالفطرة
عفاف لوت بوزها وسكتت
سراج:شكلكم انسجمتو مع العرب لين تغديتو عندهم
عفاف:عليك عرب مشاءلله عليهم جوهم سمح ومعاهم اتحس كأنك تعرفهم من زمان كان مشيت معانا خير
سراج:انتي عارفتيني ماننسجمش مع اي حد بس قوليلي البنت شن صايرلها
عفاف:الحادث مش قوي اشوي خبطات وهكي بس
سراج يضحك:يعني مااشوهتش مازالت سمحة
عفاف:لا مازالت سمحة كان مشيت راك حقيتها
سراج:مرة اخرى نمشي معاكم لازم انحقها هاللي ميتة عليها انتي وباتي
عفاف:مش بس سماحة عليك عقل وأدب وشخصية اتحسها هكي واثقة من روحها ومن كلامها المهم البنت كاملة مكملة
سراج;اوووف للدرجة هذي حسيتها كأنها ملاك نازل مالسماء
عفاف:واكثر اخرى شن رايك نخطبها لكي بالك اتغيرك واتخليك اتحبها
سراج:عفو خطبة ماخطبة فكينا عارفة رايي وبعدين ياعفوفة انا قايلك الف مرة الحب مش ليا
عفاف:لعند امتى هكي اهو وسيم ولد عمك مسعود اصغر منك قريب بخمس سنين والاسبوع الجاي فرحة
سراج;من جدك وسيم المفعوص هذا بيجوز
عفاف:اها ريته مش زيك مازال اتقولي مش مفكر فيه حرام عليك انا وباتك خاطرنا انحقو عيالك
سراج;للاسف ضاعو الشباب تي هذا مازال اصغير المفروض ايعيش حياته قبل لاحق عالهم والمزاط
عفاف:لا مش صغير هذا بيفرح هله مش زيك
سراج;باعفوفة افهميني انا مانقدرش نبعد عالسهر والجو انموت ولو ناخذ وحدة تقعد معش تبيني نسهر وعلي قولتهن انخونها وتقعد بتحكم فيا وبعدين مافيش بنت محترمة انا اكثر واحد تعرفت علي بنات كلهن رخاص وكلهن زي بعضهن
عفاف:غلطان مافيش منها الدوة هذي مازال فيه بنات ناس ومحترمات وانت هكي جمعت يبقى حتى انا زيهن
سراج:لالا مش هكي عفوفة انتي مالزمن الجميل معش فيه منك توا لو نلقى وحدة زيك والله ناخذها وتوا ومن غير ماانفكر بكل
عفاف:فيه زيي واحسن مني اخرى وانا نعرف بنات محترمات وكويسات
سراج:باهي زي من مثلا
عفاف:زي ليلى بنت عمتك اللي خذاها وسيم وانا كنت نبيها لكي بنية سمحة وعاقلة ومحترمة
سراج قعد يضحك
عفاف:عليش تضحك انا ماقلتش حاجة اتضحك
سراج:ليلى اللي تحكي عليها عارف ماضيها كله ليلى كانت مصاحبة 4شباب في وقت واحد ووسيم حصل فيها اشوي وتسمعي انها مصاحبة واحد وهي متجوزة ماقتلك كلهن زي بعضهم
عفاف شهقت:معقولة ليلى ادير هكي مستحيل
سراج:توا ايديرن اي حاجة
عفاف:باهي في وحدة اخرى بنت صاحب باتك بنية كويسة ومحترمة
سراج:تعرفي كان نسأل عليها وانجيب خبرها نلقى وراها الف قصة وقصة
عفاف;مستحيل انا متأكدة
سراج صبى:خلاص توا انشوفها وانشوفو شن ايصير
عفاف:طالع توا
سراج:اها وماترجينيش عالعشاء وزي كل ليلة تعذري للحاج اي عذر عليا
عفاف:باهي راد الله عليا
سراج باس امه:نجيها عفوفة اللي تفهم في الجو وطلع
عفاف ضحكت:ربي يهديك ياوليدي وايردك عالطريق اللي ماشي فيها وكلمت الخدم لمو الفطور ومشت الراجلها فوق
“”
سراج طبعا طلع ودغري مشى الفيصل رن علي فيصل وقاله خش جوا واول مادق الباب فتحنله روان وريان
روان بفرحة:ايييي سراج جانا
ريان:اوووف علينا وخشت
سراج خذا روان في حظنه وشالها
سراج:مش المفروض توا راقدة في السرير ومااتحركيش مازال مريضة انتي
روان:انا كنت في السرير بس سمعت فيصل قالك خش جيت بنفتحلك انا الباب
سراج:نجيها صاحبتي حقي شن جبتلك ومدلها كيس
روان فتحت الكيس وكان معبى شكولاطات
سراج:اسمعي لكي بروحك ماتعطيش حد
روان بخبث:قصدك مانعطيش ريان صح
سراج:نجيها اللي تفهم فيا وباسها علي خدها ونزلها ومشت تجري بالكيس الدارها ولحقتها ريان وروان عندت وسكرت راسها ومابتش تعطيها حتى طرف زي ماوصاها سراج بزبط?
فيصل جاه:انتي قايل الروان ماتعطيش ريان
سراج يضحك:اها قصدك ماعطتهش
فيصل:روان حقيرة انت عارفها وبذات حاجة اتشجعها عليها انت مابتش تعطيها شي وريان قالبتها مناحة
سراج:خليها تستاهل اول مافتحت الباب قالت اوف وخشت الحقيرة
فيصل:لعند امتى الكره بينك وبين ريان بس
سراج:تي هي بروحها مااتحبنيش مادرتلها شيء
فيصل:وانت داير عقلك من عقلها مش عارف بعقلك هذا كيف بتصرف مع عيالك
سراج:ومن قالك بنجوز وانجيب عيال مطرشق اتحق فيا
فيصل:وشن فيها بحت كم عمرك توا
سراج:وكنك ماتجوز انت حتى انت من عمري راك
فيصل:انا مازال انكون في روحي والعروس قاعدة
سراج:اوو من ورايا الحب
فيصل:لا والله بنت خالتي امي رودتها ليا وعجبتني هي مازالت صغيرة تقرا في الثانوي اتكمل الثانوي واتخش للجامعة بنخطبها
سراج:باهي تمام الف مبرووك
فيصل:الله ايبارك فيك العقبالك
سراج يضحك:انا ماانحبش نسهر مع البنت مرتين تبوني ناخذ وحدة وتقعد هي نفسها كل يوم تي واجد والله فكني من هالسيرة قبل مانطلع مالحوش وعفوفة صدعتني بيها هيا خلينا نطلعو لأي كفي انهيجو
فيصل:تمام هي وطلعو
“”
عند رويدة جتها رانيا في العشية وقعدت معاها عساس بتغيرلها جوها بس رويدة كانت نفسيتها تاعبة بكل ومش مستوعبة اللي صار
“”
مر اليوم عادي جدا وزي كل يوم وجا صباح ثاني يوم فيه سندس قررت تمشي للجامعة عندها محاضرة الساعة 10 وجت للجامعة وتلاقت مع رانيا وخشن المحاضرتهن مع بعضهن وبعد طلعن مالمحاضرة مشن للكفيتيريا وقمعزن فيها
سندس:دودي اليوم محاضرتها الساعة 10زينا اكيدة طلعت انرن عليها اتجينا هنا
رانيا:لا اليوم دودي ماجتش
سندس:غريبة كنها
رانيا:هذا ياحنة امس صار وقعدت تحكيلها في القصة
سندس بحزن:يانا عليا هذا اللي كنت خايفة منه اكيدة توا متضايقة
رانيا:مش غير نفسيتها تاعبة بكل
سندس:ياربي ليش هالبنت حظها هكي لازم اليوم نمشولها لازم نحكي معاها وانفهمها ان هذا نصيب
رانيا:والله حكيتلها واجد بس مش مقتنعة
سندس:ماعليك انا حنقنعها
رانيا:ان شاءلله تقتنع منك
سندس:ان شاءلله المهم توا انا تاعبة وراسي قعد ايوجع فيا بنروح
رانيا:اصلا المفروض ماجيتي اليوم مازلتي مريضة
سندس:خلاص معش نقدر انغيب اكثر من هكي انتي عارفة اشوي ويبدن الامتحانات مانبيش يهلبني واجد ونقعد مش فاهمة
رانيا:مااتخافيش اللي هلبك كله نشرحه لكي انا ماعليك
سندس:اكيدة هذي حاجة غصبن عنك وطلعت فونها بترن علي باتها
رانيا:دا ان شاءلله عليك الجالطة اسمعي مااترنيش علي عمو فرج توا انوصلك انا مع السواق الجديد
سندس:كيف صار مش عساس بتشري سيارة مش اتجيبو سواق
رانيا:قصة طويلة توا نحكيلك عليها في الطريق
سندس:عارفتها اكيدة رؤوف قالك لا خزي خوافة ماعندك شخصية
رانيا:ييي عليا حتى انتي بتهزبيني
سندس:ونضربك حتى الضرب لعند امتى بتقعدي هكي ماعندكش كلمة معاه ايتعود عليها ياهبلة
رانيا:خلاص اخر مرة مرة اخرى تقعد عندي كلمة وشخصية
سندس:كذااااابة عارفتك
رانيا:والله نحكيلك جد وخلاص اسكتي خليني انرن عالراجل ايجينا
سندس:رني يا كذابة
ورنت رانيا عالسواق وجا خذاهن وروحن كل وحدة الحوشها
“”
جت العشية ورانيا وسندس مشن الرويدة في حوشها ولقنها عيونها تاعبة مالبكى وحالتها حالة مسكينة وقايلة الهلها انها مريضة
سندس:معقولة هذي رويدة القوية من جدك تضعفي هكي عشان راجل
رويدة تبكي:مش بيدي انحبه والله انحبه مش متخيله ان خلاص معش ليا حق انحبه قعد الوحدة اخرى
سندس:بلا هبال وكلام فاضي الراجل عمره ماوعدك بشئ انت حبيتيه بروحك وانتي تقدري تنسيه مالاول حبك له غلط وانتي كملتي الغلط ونحن الف مرة نصحناك ماسمعتيش وباهي اللي صار هكي عشان تعرفي روحك غالطة وتوعي الروحك واتشوفي حياتك ومستقبلك اللي غيرتيه عشانه
رويدة تبكي وخلاص
سندس قربت وحظنتها:عارفة كلامي واعر بس انا نبي انوعيك دودي مالاول هو مش لكي وانتي درتي اللي عليك وحاولتي اتقربي منه واتحسسيه بحبك بس هو ديما ايقولك صديقتي واختي ولو حس بشئ تجاهك راه حكالك مافيش حاجة تمنعه بس هو ماحبك وهو الخسران وفي الاخير كل شئ في الدنيا نصيب وماعندكش نصيب فيه وبدل ماتحزني افرحي لان ربي دارلك هكي لان رايدلك الخير
رويدة حظنتها زين وقعدت تبكي
سندس:نحكيلك حاجة علي بني ابي طالب كان ايقول (ادعو الله على مسألة اذا صارت افرح مرة واحدة واذا ماصارت افرح عشر مرات لان ربي ايكون رايدلي الاحسن)شفتي الكلام هذا يعني انتي توا المفروض تفرحي لان مافيش خير لكي لو فيه خير كان ربي خلاكم اتحبو بعضكم لكن هكي اكيدة ربي رايدلك حاجة احسن
رانيا:فعلا يادودي كلام سندس صح كله خلاص ماانقولكش انسيه لان مش حتنسي بسهولة بس انا انقولك كملي حياتك وعيشيها والايام حينسنك بروحهن وايجيك يوم اتقابلي حد واتقولي هذا هو الحب صدقيني
سندس قعدت تمسح في دموع رويدة
سندس:لو اتحبينا صح اطلعي مالحزن اللي انتي فيه نحن مانقدروش انتحملو انشوفوك هكي وردي دودي اللي زمان اللي غالي عليها الضحك والبصارة ومااتغيبيش علي جامعتك ومحاضراتك خلاص كم شهر وبتخرجي بتضيعي السنة علي روحك بعد تعبك هذا كله
رويدة:لالا مش حنضيعها علي روحي بس شايفات وضعي توا مانقدر نمشي لكن نوعدكن يومين اخرى وانرد نفس ماكنت بس لازم انريح نفسيتي اشوية وانهيئ نفسي اني لما انشوفه انمشي وضعي عادي
سندس:اكيدة دودي يومين وتقعدي تمام
رويدة:اكيدة والله
سندس ورانيا ابتسمن وحظننها
رانيا:خلاص هي نوضي اغسلي وجك وتعالي انكسدو مع بعضنا اليوم بنقعدو عندك لعند الليل
سندس:وجيبيلنا حاجة نشربوها دا نشفتي ريقنا
رويدة ضحكت:المطبخ قدامكن ومافيش حد في الحوش عدن ديرن برواحكن
رانيا:خزي تبيلك ترباية وتعليم كيف اتعاملي الضيف غير نقعد كنتكم والله انوريك
سندس تضحك:حي عليك بتقعد مرات الاخ الخبيثة
رويدة;حي عليا بتغري وتقعدي خبيثة
رانيا تضحك:عيب ياكلبة معقولة نقعد هكي امتى انجيكم بس ونقعد انا وانتي نتفقو علي رؤوف ولما نزعل منه انجي انبات معاك
سندس;كذابة زعميتك تزعلي منه
رويدة صبت وهي تضحك:والله صدقت فيك وخشت الحمام بتغسل وجها
سندس:تعالي انديرو قهوة نشربوها علي ماطلعت مالحمام
رانيا:هيا ومشت قدامها
سندس تضحك:دايرتلي جو صاحبة الحوش مرض مازال ماخذاك
رانيا;توا ياخذني وبعدها انا نقعد انضيف فيك
سندس:ان شاءلله ياحنة وخشن للمطبخ مع بعضهن
“”
وائل حصل رقم سندس من بنت تقرا معاهن ومشى الفيصل بيسأله يعطيه او لا
وائل:ها شن رايك نعطيه له ولا كيف
فيصل قعد ايفكر:لالا فوته قوله ماحصلتش
وائل:تمام باهي
فيصل:ولا انقولك حاجة عطيه له وخلاص
وائل;وافرض دارلها حاجة زي ماقلت انت
فيصل:اسمع عندي خطة انا اللي حنعطيه له عساس انا اللي جبته وحنفهمه اني راضي عااللي بيديره لكن حنتفق معاه اي حاجة ايديرها ايقولي عليها
وائل:وتخيل دارلها حاجة وماقالك
فيصل;سراج مايعرفش ايدير حاجة من غير ماايقولي هو يوثق فيا واجد وبذات لما يعرف اني موافقه رأييه دغري لما ايفكر في حاجة انا اول واحد نعرف
وائل:وكان تمى بيدير شيء تقدر اتوقفه
فيصل:لو عرفت بيدير شيء حنوقفه دغري ماعليك كون هاني
وائل:تمام صاحبك وانت ادرى بيه هذا الرقم سجله عند 092—–
فيصل:تمام صحيت
وائل:سلام توا عندي شغل
فيصل:سلام
“”
فيصل دغري مشى السراج للفيلا وخش وبعد اشوي جاه سراج
سراج:اووو نصي شن جوك
فيصل;تمام يانصي شن جوك انت
سراج:تمام هيا صبي خلينا نطلعو الاي مكان راه مال بكل
فيصل:تمام تو نطلعو لكن قبل مانطلعو عندي لكي مفاجئة
سراج بإستغراب:مفاجئة ليا 7سنين مصاحبك يانصي ماجتنيش منك ولا مفاجئة
فيصل:والله نحكيلك جد
سراج:شنو مفاجئتك يابابا نويل?
فيصل:لنقنك حقير المهم جبتلك رقم الجالطة
سراج صبى من مكانه:تحكي من جدك احلف
فيصل:وحق ربي جبته لكن والله شكلك مكبد بحت كيف نطيت
سراج قمعز:مكبد عينك انا بننتقم منها بس
فيصل:اسمع انا مش حنعطيه لين اتقولي شن بدير
سراج:عليك ذل توا انقولك انا فهمت عقلها البنت بنقعد انرن عليها وانكلم فيها وانعيشها في جو الحب اللي هي تبيه لان هي فاهمة ان الصدف اللي جمعنا مش صدف واني انا نلحق فيها لاني معجب بنمشيها كيف ماتبي وجو حب ورومانسيات لين اتحبني وبعدها حتعطيني اللي نبيه تحت مسمى الحب
فيصل:واطي واطي يعني
سراج برفعة حاجب:نعجبك يانصي
فيصل;تمام انا نمشي معاك في اللي بديره لاني عارف انك دبينك حطيت حاجة في راسك معناها حديرها لكن بشرط اي حاجة بديرها اتقولي عليها زي قبل
سراج:تم يانصي انت عارف ماعمريش دسيت عليك حاجة
فيصل:ولو درت اللي تبيها انا معاك فيها لازم تحسبني
سراج:تي نص بنص يانصي ماعليك اهم حاجة نبي انشوفها مذلولة قدامي واللي تعبته وجريته انا وراها عشان نعرفها من نبيها تتعبه هي عشان اتحصلني بعدين وتركع قدامي زي الكلبة تبيني نستر عليها
فيصل شاف السراج وشاف كمية الكره اللي في عيونه تجاهه وخاف منه لان عمره ماشافه مسكر راسه علي بنت بالطريقة هذي
سراج:هي وين الرقم
فيصل: اهو خوذه 092—–
سراج فرحان:هكي يبدى الشغل مزبوط
فيصل:امتى بترن
سراج:توا وقعد ايرن لقاه مقفل
سراج:كيف صار مقفل
فيصل:اكيدة اشوي وتفتحه
سراج:معناها حندز رسالة واول ماتفتحه توصلها وايجيني انا التقرير
فيصل:شن بدزلها
سراج:اصبر توا انوريك وقعد يكتب اشوي ووراه شن كتب
فيصل قعد يقرا(اول حاجة خيرات علي احلى بنوته بصراحة زي مافكرتي بزبط لما كنا انتلاقو ماكانتش صدفة انا من اول لقاء لنا حبيتك وخشيتي قلبي ومعش نرقد في الليل من كثر التفكير فيك عميتيني عن كل البنات واكثر حاجة حبيتها فيك السانك صح اتعقدي فيا بكلامك بس انحب نسمعه منك تفرقي عالبنات كلهن شخصيتك قوية وماخفتي مني وهذا اللي انا نبيه وصدقيني انا انسان محترم بكل والانطباع اللي واخذتيه عني غلط ولو تعطيني فرصة وحدة في حياتك حتشوفي كيف انغيرلك فكرتك عني فرصة وحدة لو ماالقيتيني قدها انا بروحي ومن نفسي نطلع من حياتك انا انسان جدي ومعجب بيك ومالاخر انحبك)
فيصل;اوفا يا راه انا بروحي اللي عارف نيتك مالكلام صدقتك
سراج:تي نعجبك يانصي لما اتشوف الكلام هذا دغري حتحس اني مشاعري صادقة
فيصل:والله كلام ايهز الجبل كان ماهزها معناها مش بنت هذي
سراج:حيهزها وحتشوف كيف انخليها اتحبني
فيصل:غير راك انت اللي اتحبها
سراج:وراس فيصل ماعاد تحكي هكي بجديات والله البنت لا انحبها ولا نبيها وكل اللي نبيه نبي ننتقم منها مش اكثر
فيصل:تمام باهي دزهلها الرسالة
سراج:اهو ارسال وتمت العملية بنجاح وضحك
فيصل ضحك:مطرشق يانصي وبعدها طلعو بيغرو جو برا
“”
عند رويدة قاعدات البنات ياكلن في شكولاطات وشبس وايغيرن في جو رويدة وفعلا قدرن ايغيرن جوها
سندس:خطرها يارانيا ياكلبة طلعي فوني
رانيا:اي فون
سندس:فوني انا وفكيني مالعباطة بعد ماطلعنا مالجامعة وروحت للحوش ماالقيتش وعارفتك تسمطي واديري في حركات شريني نبي نفجعك
رانيا;وحق ربي ماعندي
سندس:رانيا الف مرة قتلك فكيني مالحلف بالكذب
رانيا;وقسما بالله ماخذيته ولا لمسته وحق ربي مانكذب
رويدة:دبينها حلفت هكي معناها صح مش واخذته
سندس’:حي عليا معناها فوني وين نذكر اخر مرة لما طلعته بنرن علي بابا وبعدها رانيا قالتلي اتروحي معايا رويدة:دورتيه في شنطتك كويس
سندس:دورته عاد تليفون ماعنده وين ايطير
رانيا:رنيتي عليه
سندس:مقفل هذا عليش قلت عندك لان هذينا حركاتك الباردات
رانيا:والله ماهو عندي لكن اصبري انرن عالسواق بالك طايح منك في السيارة ولاقيه
ورنت عالسواق ودور في السيارة ومالقش
رانيا:قالي دورت وماالقيتش
سندس:وين بيطير زعمك انسرق مني تي باهي انا ماسيبتش بكل
رويدة:اذكرن اكويس وين مشيتن ووين جيتن
رانيا:مافيش طلعنا مالمحاضرة وخشينا للكفيتيريا وزي ماقالت اخر مرة طلعاته من شنطتها بترن علي باتها وبعدها انا قلتلها انوصلك وطلعنا ما الكفتيريا للسيارة بس في السيارة ماكانش في يدها
رويدة:خلاص يبقى امسيبته في الكفيتيريا وصايرة القصة هذي مع كم بنت من قبل ينسنه وبعد ايردن معش يلقنه
رانيا:مافيش الا هكي اكيدة سيبتيه عالطاولة
سندس بحزن:حي عليا عليك مدت وجه
رويدة:عندك فيه صور او حاجة
سندس:لالا صوري ديما ننقل فيهن عاللاب لكن عندي عليه مقاطع وحاجات عشان القراية وحاجات مهمة خاصة بمشروع التخرج معش عندي كيف انجيبهن
رانيا:هذينا ساهلات توا انجيبوهن وفيه كم حاجة قاعدة عندي توا اندزهن لكي
رويدة:خلاص ياخذ سوك وحنقعدو انرنو عليه مصيرها فاتحته وحنعرفوها من
سندس:خزي عطها شلل في ايديها اللي خذاته ان شاءلله مااتهنى بيه والله مازال جديد مالش 3شهور
رانيا:ماتزعلي بكل بكرا انجيبلك واحد زيه بزبط
سندس:لا رنوشة مااتعبي روحك بكرا بابا ايجيبلي واحد
رانيا:خلاص معناها خلي جوك تمام وصبن انديرو عشاء
سندس:باهي خطرها دودي انتي وين هلك
رويدة:عند عمو فضيل بنته متخرجة ودايرلها عشاء
رانيا:قصدك هل سند
رويدة:اها
سندس;وكنك مامشيتي
رويدة:انتن عارفات جوي مش تمام ونمشي غادي كلهم يقعدو يحكو علي سند قلت الماما اتقوللهم عندي امتحان وجاياتها صاحباتها يقرن مع بعضهن
رانيا:لا قرينا بكل كملناها غير ناكلو
سندس:خطرها الوكال هي جعت بنتعشى
رانيا:عطك مجاعة افريقيا دا انشاءلله وانتي ماتشبعي بكل
سندس:دا يدويك ان شاءلله
ورويدة تضحك عليهن وبعدها صبن وقعدن ايديرن في عشاء عشان ايتعشن وبعد العشاء لمن العوايز وجا بات رانيا روح بيهن هنا الاثنين وكل وحدة عدت الحوشها
“”
عند سندس خشت غيرت دبشها وصلت العشاء اللي فاتها مع صاحباتها وطلعت مالدار لقت باتها وامها ايتفرجو عالتلفزيون
سعاد:جيعانة انديرلك عشاء
سندس:لالا تعشيت انا والبنات
سعاد:وشن درتن
سندس:درنا خفيف اصلا هل رويدة كانو متعشين عند عيت عمهم
سعاد:يعني معلبات
سندس:اها
سعاد:كلا بنات هالوقت ماعاد ينفعن بكل معقولة ثلاث بنات وبرواحكن اديرن معلبات ليش ماطيبتن
سندس:انتي عارفة مانعرفوش
سعاد:طيح والله سعدكن كيف بتجوزن بس
سندس:ييي بتبدى في القصة الحزينة امتاع الزواج
سعاد:لاني بادية لا شيء عنكن ماتعلمتن
سندس:ايوا هكي احسن وخطرها في حاجة بنقولها لكنم راه فوني انسرق
سعاد:طاح اسعدك وين انسرق وكيف انسرق وحي عليك فيه صورك
فرج:بلا تركيب عالبنت وين انسرق يابابا
سندس:في الجامعة شكلي انسيته علي طاولة الكفيتيريا وكنت نحساب رانيا دايرة فيا مقلب بس لما سالتها قالتلي ماخذيتش وانرنو عليه من بدري مقفل
سعاد:عليك مدة وجه حي عليك اكيدة واخذه واحد وبكرا نلقو صورك عالنت ديما انقولك فكينا مالتصوير ماتفهميش ومااتعدليش عليا
فرج:تي اسكتي بلا تركيب عندك في صور انتي
سندس:لالا يابابا الصور ديما ننقل فيهن عاللاب ونمسح فيهن ماعنديش فيه ولا صورة غير اللي قهرني الحاجات والمشاريع والمقاطع اللي بنشتغل فيهن علي بحث التخرج كل مرة بننقلهن عاللاب ننسى فيهن
فرج:هذينا ساهلات خلاص ياخذ سوك بكرا انجيبلك تليفون وشفرة جدد
سعاد:لا ماتشريش تليفون لما المرة اللي فاتت جبت السندس تليفون جبتلي معاها واحد زيه بزبط لكن انا ماعرفتش نستعمله ورديت تليفوني القديم راهو قاعد في درجي تاخذه
سندس:خلاص يابابا تو ناخذه واحسن زي فوني لاني تعودت علي استعماله
فرج:خلاص خوذيه وبكرا انجيبلك شفرة جديدة
سندس:باهي
وقعدت سندس وامها ايخرفن وفرج ساكت وسارح
سعاد بحتت في سندس وهزتلها براسها علي باتها بمعنى كنه سارح سندس دارت حركة بفمها بمعنى مش عارفه
سعاد:فرج فرج ماردش
سندس:بابا
فرج:نعم
سعاد:الستر ياراجل من بدري نحكولك مش معانا بكل ومن ترويحتك من طرابلس وانت هكي شن فيه شن صاير معاك
فرج قمعز ومسح يده علي وجه:والله ماني عارف شن انقوللكن
سندس بخوف:شن فيه بابا شن صاير
سعاد;احكي يافرج شن صاير معاك عليش شايل الهم بروحك
فرج:ليا فترة داس عليكن لكن خلاص لازم تعرفن
سعاد وسندس بخوف:شن فيه
فرج:—
#يتبع
زعمك فرج شن يبي ايقول وهل الشيء اللي بيحكيه خطير وحيكونله تأثير علي حياتهم ?
ورويدة بصراحة وجعتني زعمك شن داسلها القدر واللي صار معاها هل حيكون بداية طريق جديدة وحب جديد في حياتها ?
وسرقت فون سندس اللي كانت في نفس اليوم اللي سراج خذا فيه رقمها هل حتكون خير او شر الها ?
كله حنعرفوه في الحلقة الجاية ☺
أسفة لو فيه لخبطة في الأسماء وأكيد رأيكم ايهمني?
گـتـابـتـي Koka Saleh