منحرف وأحببته
الـحـلـقـة (28)
گـتـابـتـي Koka Saleh
“”””””””””””””””””””””””””
حسبي الله ونعم الوكيل في اللي ينشر روايتي قبل ماتكمل
“””””””””صباح ثاني يوم وعيت سندس قبل سراج وحست كراعها كويسة رقت فوق غيرت دبشها وصلت ونزلت لقتهم يفطرو وبعد اشوي جا سراج وقعد يفطر معاهم وبعد الفطور حكتله ان ايشيلها هي ورانيا القطعة الارض عشان يبدن شغلهن وفعلا خذاهن بالشيارة وطلع بيهن ووصلو غادي لكن سراج ماخلاهن يشتغلن شغل مصقم بكل وطول الوقت يصمط عليهن ومافكهنش منه الا
فيصل:السلام عليكم
سندس ورانيا:وعليكم السلام
سراج يضحك:من امتى التزمت يانصي
فيصل شافله بالجنب ومابش ايرد
سراج:اكيدة اذكرتنه بس حنعرفكن عليه اخرى هذا فيصل صاحبي ونصي الثاني وعشرة عمر انا وهو ومااتغركنش السلام عليكم اللي قالها هذينا طروح بس قدامكن?
فيصل:سراج بلا حيونة
سندس:اهلا بيك فيصل
رانيا:اهلين بيك
فيصل:شن اخباركن
سندس ورانيا:بخير الحمدلله انت شن اخبارك
فيصل;الحمدلله من ربي بخير بس من سراج لا?
سندس ورانيا قعدن يضحكن
سراج:عجبتكن منه عاد باهي مردودة يانصي
سندس:تعرف يافيصل ادير فينا جميل كان تاخذه من هنا ماخلانش نشتغلو بكل
سراج:صار هكي ياام السان باهي انتحاسبو بعدين
فيصل:خلاص هي خليهن يشتغلن براحتهن وبعدين حتى ريونة ترجى فيك غادي
سراج:نجيها والله مرايفلها وااجد لكن مانقدرش انسيبهن هنا بروحهن المكان بعيد
سندس:بس انت عطلتنا واجد
سراج:خلاص انقمعز انا ونصي في السيارة لين اتكملن
سندس:اذا هكي باهي
مشى سراج وفيصل للسيارة وقمعزو فيها وقعدو ايخرفو حوالي ساعة
سراج من عند روشن السيارة:بالك سادك ياباش مهندسة اكيدة الغداء قريب
سندس:خلاص اهو كملنا ولمن حاجاتهن وجن ركبن في السيارة ومشو شور المزرعة ووصلو وكانت ريان وروان يلعبن قدام المزرعة واول ماروان شافت السيارة جت تجري
روان:سيرجو?
سراج نزل:نجيها دبدوبتي وشالها وباسها
سندس نزلت مالسيارة وكانت ناقمة علي روان من بعد المصيف والفرح (عقلها صغير?)
رانيا وفيصل نزلو حتى هما وقعدو وكانهم ينتظرو في موقف بيصير
سراج:ام السان تعالي سلمي علي نسختك الثانية
روان بلوية بوز;انا نبيش انسلم عليها
سندس شافتلها بالجنب;وحتى انا نبيش انسلم عليك وبعدين انا طرف واحد عنديش شبيه
روان اتعايب علي سندس:طرف واحد عنديش شبيه?
سندس عصبت:سراج سكتها راه نضربها
روان:مافيش حد يقدر يضربني وانا عند سيرجو وطلعت السانها?
فيصل بعصبية:روان اسكتي احسنلك #Koka_Saleh
فيصل:تي كنكم معاها ماقالت شيئ اتبصر ريونتي بس
سندس:اشبع بيها وقوللها انا معش تحكي معايا وخشت ولحقتها ريان
ريان:سندس
سندس:نعم
ريان:عرفت اسمك من عمتو عفاف مبدري تحكي عليك
سندس:انتي شكلك مش زي الجالطة هذكي
ريان:ماتزعليش من روان راهي مطرشقة وهي ادير هكي عشان اتحب سراج
سندس نزلت ومسكت روان من ايديها:وانتي ياحلوة مااتحبيش سراج
ريان:ماانحبش بكل مغرووور #Koka_Saleh
سندس تضحك:وليش الكره هذا كله
ريان:هو ايحب روان اكثر وكل حاجة ايجبها الها
سندس:اها صار هذا السبب خلاص انتي من يوم وغادي بتقعدي صاحبتي انا وبنجيبلك حاجات احلى ماللي ايجيب فيهن سراج الروان
ريان ابتسمت:انتي سمحة بكل
سندس باستها:وانتي عسل واتهبلي وبعدها خذتها من يدها وخشن جوا مع بعضهن ولقتهن ايوتن في الغداء وقعدت اتساعد فيهن
“”
عند سراج
روان اتهزب:اع مراتك الزرافة هذي شينة
سراج يضحك:زرافة?كلا انتي عليك كلام
روان:توا اتحق والله انوريها
سراج:توا انتي ليش تكرهيها
روان:عشان حتى انت تكرهها
سراج:بس انا توا معش نكرهها
روان شهقت:قصدك توا اتحبها
سراج:كان توعديني اتخليه سر نحكيلك
روان:نوعدك #Koka_Saleh
سراج:شكلي حبيتها
روان شهقت:الزرافة اعي شينة انا ماانحبهش
سراج:حرام عليك اتهبل والسانها زي السانك بزبط
روان لوت بوزها:انا ماحد كيفي وهي شينة وانا ماانحبهش
سراج:باهي ريونة ماتزعليش هي شينة هكي تمام
روان ابتسمت:اها تمام
سراج:تعالي انشوفو الغداء جهز ولا لا
روان:هيا وخشو مع بعضهم جوا
“”
رانيا ماخشتش مع سندس وكانت مقمعزة عالكرسي ومعلقة سماعات في ذانها وتسمع في اغنية(قليل الخير)
فيصل كان جوا مع الرجالة وطلع بيجيب دخانه من سيارته وشاف رانيا بروحها وجاها وصبى قدامها
فيصل:خير
رانيا فطنتله بس ماسمعت شن قال وحولت السماعات
رانيا:معليش ماسمعتك
فيصل:قتلك خير
رانيا:خيرات
فيصل:شن اخبارك
رانيا:بخير الحمدلله شن اخبارك انت
فيصل:الحمدلله وينك مش قتلك رنيلي
رانيا:والله مازلت مادرت رقم جديد
فيصل:يومتها شغلتيني قلتي صاير معاك موضوع ومعش رنيتي طمنتيني
رانيا:ماتنشغل علي غالي اهو موضوع صار وان شاءلله انحل
فيصل:مشكله مع حبيبك
رانيا:اها
فيصل:وتوا حليتوها واصالحتو
رانيا تنهدت:تفركشت بكل?
فيصل بصدمة:كيف صار اخر مرة حكيتيلي عليه قلتي الخطبة قريب
رانيا:صارن مواضيع واجد مع هله وخوه طلع يبيني ماقدرتش انكمل
فيصل;معقولة يااخسارة علاقتكم كانت حلوة
رانيا:يالله كل شيئ نصيب
فيصل:والله صدقتي
رانيا:وانت ماخطبتش بنت خالتك
فيصل:هي مازال صغيرة ومازال تقرا خايف نحكيلها نلهيها علي قرايتها
رانيا:صغيرة كم عمرها
فيصل:15سنة
رانيا:اها صغيرة بكل مازال
فيصل:مافيش تطورات من ناحية صاحبتك
رانيا:شن انقولك حاسة ان فيه شيئ بس مازال تبيش تعترف وانت شن جو صاحبك
فيصل:صاحبي توا مكبد رسمي
رانيا بفرحة:أحلف
فيصل;وحق الله لكن انا انتمنى سندس اتخليه هكي وماتعطيه وجه بسرعه
رانيا:ليش/ #Koka_Saleh
فيصل:عشان ايتأكد ان ايحبها مزبوط حتى هو مازال مااعترف زين بس تصرفاته تحكي هكي
رانيا:قصدك توا تغيرت فكرته اللي زمان وقعد ايشوف السندس بنظرة اخرى
فيصل:تغيرت بكل توا ايخاف عليها وايغار تخيلي سراج ايغار علي بنت تي عمره مادارها في حياته كلها
رانيا تضحك:يااخسارة ماتعبنا واجد في جرتهم وياما نقضناها منه عشان بينتقم منها
فيصل يضحك:ولله نساه الخبر هذكي كله وتعرفي عليش جابني هنا
رانيا:عليش
فيصل:يبيني انجي وانتقرب منك وعساس انقولك معجب بيك واندير معاك علاقة وهكي ونقعد نسأل فيك علي سندس انتي تقعدي تحكيلي في كل حاجة عليها وانا انقوله شن احساسها تجاهة
رانيا تضحك:عليك تفكير بس شكلها دوسة #Koka_Saleh لحست عقله جديات
فيصل:بس تعرفي الفكرة في صالحنا ونحن مش مفكرين فيها من قبل
رانيا:كيف في صالحنا #Koka_Saleh
فيصل:انديرو زي ماقال سراج بس مش اني نوهمك انتي اني نبيك لا نوهمة هو ان الجو سلك وتمام وهكي اللي نبوها نحن هي اللي انوصلوها للاثنين يعني مثلا انا نقعد عارف اللي في عقل سراج وانقولك انتي شن تحكي السندس عشان ايزيد ايحبها اكثر وانتي تقعدي عارفة اللي في عقل سندس وعن طريقي انا انوصلو السراج شن ايدير عشان سندس اتحبه اكثر
رانيا:هي فكرة والمصلحتهم هما بس مش عارفة دوسة مش حتصدق عشان عارفة وضعي توا
فيصل:انتي فكري فيها وقوليلي لو اقتنعتي بيها وهي الفكرة المصلحتنا عشان يقعد عندنا علم من كل حاجة وكل حاجة تقعد تحت اشرافنا
رانيا:تمام
فيصل رن فونه
فيصل:هذا سراج ايرن اكيدة يبيني خليني انخش احسن ماايشوفنا مع بعضنا ويسكنلي
رانيا:تمام انا بروحي بنخش اكيدة دوسة ادور فيا وصبت وخشت وفيصل خش وراها للرجالة
”
بعد اشوي وتو الغداء وكان (سمك مقلي ومشوي ورز بالخلطة وصلصة بصل وصلاطات)حطو للرجالة بروحهم والصبايا بروحهن وبدو يتغدو
الصبايا مقمعزات مع بعضهن وطبعا معاهن روان وريان ريان مقمعزة جنب سندس لانها كبدت فيها اما روان مقمعزة جنب امها وتلوي في بوزها علي سندس وسندس ريان جنبها واتنقيلها في شوك السمك واتوكل فيها وروان بتموت مالقهر
روان:ماما نبي سمكتي بنمشي السيرجو ايوكلني
ام فيصل:ياك الا سراج قمعزي هنا اهو انا انقيلك وتاكلي
روان:لالا دخلنيش نبي سيرجو
سندس اتشوفلها زين وناقمة عليها
عفاف تضحك:سراج اينقيلك غير اصبري اشوي واتشوفي
مع خشت سراج
عفوفة:وين حوتاتي
عفاف تضحك:اهن تعال نقيتهن لكي #Koka_Saleh
سراج:نجيها عفوفة ياربي
روان:حي انت زيي تعرفش
عفاف:سراج من هو اصغير يعرفش اينقي السمك وانا ديما انقيله لعند توا والمشكلة ان ايحبه بككل
سراج يضحك:فضحتي بينا قدام الأعداء وايشوف السندس
سندس ماعدلتش عليه وقاعدة تاكل
سراج طبس وخذا مالحوته اللي قدام سندس ومنقيتها
سندس:ايدك هذي مش لكي
سراج:جت عيني عليها وعجبتني
سندس:سم
سراج:ايسمسمك
سراج صبى:بس اتحسيه نفس السمك اللي يومتها درتيه لنا
سندس ببرود;نفسه بزبط
سعاد حكتلها سندس اللي صار للسمك وهي فاهمة قصد سراج قعدت تضحك
روان:تعرفي ياماما امبدري سراج قالي سندس زرافة وشينة
سندس فنصت عيونها زين
ام فيصل ضربتها:تحشمي يافرخة
ريان:انتي اللي شينة دوسة اتهبل
روان:ريان اسكتي راه نضربك
ريان:تعالي كان تقدري
روان صبت وامها مسكتها
ام فيصل;كان مااتسكتن انكلملكن فيصل
سندس صبت:الحمدلله وسلمكن سوايات #Koka_Saleh وعدت من جنبهم
سراج لحقها وهي خشت للحمام وقعدت تغسل في ايديها وسراج قعدلها قدام الباب لين طلعت
سراج:قصدك زعلتي من ريونة
سندس بلوية بوز:وعليش بنزعل منها
سراج:راه اتبصر والله ماحكيت هكي
سندس:وكان حكيت انا شن دخلني بيكم
سراج:والله شكلك زاعلة من جد
سندس:سراج حول من قدامي بنطلع مش فاضيتلك راه
سراج:مش محول لين اتقولي مش زاعلة
سندس:زاعلة ولا مش زاعلة هذا مش موضوعي
سراج:لا موضوعي وانتي كلك موضوعي انا
سندس سكتت
سراج قرب منها:وايهمني زعلك ومانرضش تزعلي مني
سندس قعد قلبها ايدق بسرعة:مش زاعلة خلاص خليني نطلع
سراج قرب منها وحط يده ورا ضهرها وقربها منه
سراج بكل حنية:اكيدة مش زاعلة
سندس كانت اتشوف السراج وماحاولتش بكل اتبعده
سندس:اكيدة
سراج ايشوف العيونها وايقرب من شفايفها مع جيت روان تجري وايديها مسخات
روان:سيرجو سيرجو
سندس بعدت من سراج في لحظة وكأن جاها منقذ من ربي
سراج:راك تلمسيني
روان:هي نطلعو نلعبو برا
سراج:باهي امسحي ايديك والحقيني وجا بيمشي
روان خافت سراج يطلع وايسبها لقت سندس قدامها جت تجري ومسحت ايديها في سروالها
سندس بعصبية:ياحقيرة والله انوريك
روان انطمرت ورا سراج وسراج قعد ماسك سندس يبيهش تضربها
سراج:ساهلة خلاص بنية صغيرة
سندس بعصبية:حول خليني نضربها الحقيرة هذي التافهة
سراج:تي عيب البنت صغيرة وضيفة عندنا شن تبيهم ايقولو مرات سراج هبلة
سندس بعصبية:عساس سراج عاقل وبعدين اها انا هبلة اطلق ايديا بنضربها الحقيرة
سراج:روان عدي بسرعة الامك وطلعت روان تجري
سندس:ليش ماخليتني نضربها الفرخة الباردة هذي
سراج:مش دايرتها لكي بالقصد خلاص بلا هبال
سندس:لا دايرتها بالقصد
سراج:وباهي وافرضي دايرتها بالقصد معقولة بديري عقلك من عقلها
سندس:اها عقلي زيها تي هدي هابا عليها
سراج:خلاص توا نحكي معاها ومعش اتنابشك
سندس بعصبية:مش حنتريح لين نضربها
سراج:ياساتر عليش هذا كله
سندس:شوف شن دارت للسروال وهو ابيض
سراج:خلاص اول ماانروحو انجيبلك واحد أحلى منه غير مااتجيش شورها
سندس:عاد كبيدتك ماتبي حد يقربها
سراج ابتسم:شكلها الغيرة شغالة
سندس ضحكت:غيرة ومن من من فرخة صغيرة زي هذي شكلك طرشقت
سراج:توا انشوفو اذا غيرة او لا
سندس:باهي اطلق ايديا بنمشي انساعدهم في العوايز
سراج:باهي وطلقها #Koka_Saleh وسندس عدت
سراج:والله انوريك ياروان ضيعتي عليا فرصة عمري وطلع شور روان ولقاها تلعب برا
سراج:ريونة تعالي
روان:لا مش جايتك انا زاعلة منك
سراج:وعليش زاعلة
روان:الزرافة كانت بتضربني
سراج:وانا ماخليتهش تضربك وبعدين عيب اتقولي عليها زرافة
روان بحتت فيه ولوت بوزها
سراج:ياساتر وعليش لوية البوز هذي
روان:هكي
سراج يضحك:تعالي انقولك حاجة ياام شبر ونص
روان جاته:كنك
سراج قمعز عالكرسي وحطها علي كراعه:توا عيب اتقوليلها سراج قال زرافة وانا ماقلتهش
روان:بس هي طويلة بكل زي الزرافة
سراج:انتي اللي قصيرة راه وبعدين لو انتي اتحبيني انا لازم اتحبيها حتى هي
روان نزلت:لا مش حابتها هي شينة وزرافة واتحب ريان وعدت تجري
سراج:تي عليك قصة
فيصل:شن صاير
سراج:ريونة مش قابلة سندس بكل ولا سندس قابلتها
فيصل يضحك:روان اتغار عليك
سراج;وسندس اتغار منها #Koka_Saleh
فيصل يضحك:من ام السان الام السان ربي ايعينك
سراج يضحك:حظي في الجالطات?
“”
الساعة 5 العشية
سندس ورانيا ورنا مقمعزات برا ويشربن في القهوة ورن فون سندس
سندس:حي هذي دودي وردت
سندس:خيرات ياعروسة
رويدة:باهي اللي متذكرات اني عروس انا هنا حايسة في التجهيزات وانت تزردن ومنسجمات
سندس:والله ماهي زردة الطلعة كلها عشان المشروع
رانيا;والله في عقلنا يادودي لكن جت المشية بسرعة
سندس:شن جهزتي
رويدة:شريت كم حاجة لكن نبيكن معايا ماعرفتش اندير شيئ
رانيا:ياقلبي انتي عارفة وضعي مانقدرش انجيك لكن فيه حاجات من قبل قايلتلك عليهن توا انجيبهن لكي انا
سندس:عارفته دبش قلة الادب ياسخيفة ردبالك اتحطي روحك بين ايديها راه مختارتلي دبش ايحشم
رويدة تضحك:لا عادي انا عروس ونبي حاجات هكي
سندس:خزي سخيفات?
رانيا:خلاص ياسمحة اول ماانروح من هنا دغري نطلع للسوق وانجيبلك اللي تحتاجيه كله وانريحك منه
سندس:وانا غير انروح حنقعد انجيك ونطلعو للسوق مع بعضنا
رويدة:خلاص نرجا فيكن وتوا بنسكر بنطلع انا وماما للسوق
سندس:تمام ياسمحة
“”
مر الوقت ودارو عشاء وتعشو وبعدها فرشو كلهم وقمعزو برا قدام المزرعة وقعدو ايخرفو
سراج;شن رايكن تلعبن كارطة
سندس:واحكي للرجالة عليش جاينا نحن
سراج:كان قالو باهي راه ماجيتكن
رانيا:انا ماعنديش مشكلة نلعب لكن اللعبة اللي بتلعبوها علموها ليا عشان عمريش لعبت كارطة بكل
رنا:حتى انا نفس رانيا
سراج:وانتي ياام السان
سندس:عادي نلعب بس حتى انا نعرفش زيهن
سراج;توا نلعبو لعبة ساهلة وانعلمها لكن كلكن
البنات:تمام موافقين
وجابو طاولة وحطوها وقمعزو رنا وسندس ورانيا وفيصل وجنب سراج مقمعزة روان وجنب سندس مقمعزة ريان وقعد سراج ايعلم فيهن في لعبة (ون كرت لعبة اتهبل?وياما لعبتها?)قعدو يلعبو ومنسجمين لعند الساعة 12
اما الباقي مقمعزين وايخرفو علي جيلهم زمان وان يفرق علي جيل توا (طبعا هذا الموضوع المتداول عند الاباء والامهات?#Koka_Saleh)
“”
عالساعة 12:30 مازالو يلعبو وطبعا الفايزة كانت سندس وسراج غامتله عشان فايزة عليه
سراج رن فونه وصبى من جنبهم وهما قعدو يرجو فيه ايجي روان صبت من جنبهم ولحقت سراج وسمعاته يحكي
سراج:تمام في اي وقت اتحبي انتلاقو
لولي:معناها انجيك في المزرعة توا
سراج:لا يالولي ماينفعش في المزرعة هلي كلهم هنا ماايصيرش منها
لولي:معناها المدام امعاكم
سراج:اها معانا
لولي تضحك:قصدك اتخاف منها
سراج يضحك:من جدك انتي معناها ماتعرفينيش اكويس
لولي:خلاص العنوان وعرفته اول مااتروح اتجيني
سراج:تمام اتفقنا
لولي:خلاص ماانعطلكش توا بنسكر اوكي
سراج:اوكي
روان ماخلتش يفطنلها ولما شفاته سكر جت تجري شورهم
روان:سيرجو جا
سندس:باهي اللي جا الصامط طول
روان:طول عشان كان يحكي مع لولي
سندس اذكرت الاسم دغري وعرفتها ان هي البنت اللي تلاقو معاها في السوق وحست بضيق وماعرفتش ليش
فيصل ورانيا سكتو ومعش عرفو يحكو شي
فيصل:روان تبي تقعدي معانا اسكتي
سراج جا:معليش عالتاخير
فيصل:لا عادي هيا انكملو لعب
سندس:انتو كملو انا نعست وبنرقد
سراج:كيف صار حظرت الشياطين هربت الملائكة
سندس ماردتش عليه #Koka_Saleh
سندس:تصبحو علي خير وعدت من جنبهم
سراج:كيف صار كنها
فيصل بشويش:الحقيرة روان قالت انك اتكلم في لولي تي من لولي هذي
سراج:تحكي من جدك
فيصل:والله الله
سراج صبى:اشوي وانجيكم وعدى شور سندس
رنا صبت:انا بندير قهوة انديرلكم معايا
فيصل:ياريت والله
رنا:حاظر ومشت
فيصل:صاحبتك شكلها بدت اتغار
رانيا:حتى انا حسيتها
فيصل:هي ماحكتلك شيئ
رانيا:لالا ماحكتلي شيئ بس من تصرفاتها وكلامها حاسة ان فيه حاجة
فيصل:كيف حسيتيها
رانيا:سندس من قبل كانتش اتحب سيرة سراج بكل ولما تحكي عليه تحكي وهي معصبة منه بس توا لما تقعد تحكي عليه انحس فيها تحكي وهي حابة الحاجة هذي وديما اتجيبله في اعذار في اللي ايدير فيه واتقول عشان مالقش من ايوريه الطريق الصح
فيصل:يبقى حتى هي بدت اتحبه
رانيا:ماقتلك حسيتها هكي
فيصل:تعرفي عشان اتاكد من حبه واتخليه ايزيد ايحبها شن لازم ادير
رانيا:شن لازم ادير
فيصل:لازم ادير اي حاجة اتخلي سراج ايغار عليها الغيرة الحاجة الوحيدة اللي اتخلي سراج ايزيد ايحبها ويعترف بحبه الها
رانيا:صح حتى انا فكرت فيها
فيصل:باهي فكرتي في الموضوع اللي حكيته لكي مبدري
“”
عند سندس وسراج
سندس خشت للدار وسكرت وسراج خش وراها
سراج:كنك خشيتي
سندس:بنرقد
سراج:قصتك مش نوم انتي زعلتي ماللي قالاته روان صح
سندس:وعليش بنزعل منه مثلا انت حر ادير اللي تبيها وبعدين هذا اتفاقنا ان ماحد يدخل في حد ولا انسيت
سراج:ماانسيتش بس انا متأكد انك زاعلة
سندس بعصبية:سراج انا قتلك ناعسة وبنرقد
سراج:انتي زاعلة مش ناعسة
سندس بعصبية:سراج اطلع بنرقد
سراج بعصبية;مش طالع لين انرضيكي
سندس:انا مانبي حد ايرضيني بنرقد بس
سراج:مافيش نوم انا عارف اللي انتي حاسة بيه توا
سندس:مش حاسة بشيئ توا الا اني نبيك تطلع ونرقد
سراج:سندس مافيش داعي اتكابري انا عارف انك معجبة بيا زي ماانا معجب بيك
سندس انصدمت من كلمة سراج وبعدين حاولت اتبان عادية
سندس:انت شن تحكي انا نعجب بيك انت
سراج:اها واكبر دليل الفترة اللي ماحكينش فيها مع بعضنا كنتي تقعدي واعية لين انروح وغيرتك عليا اللي تفضح فيك يوم اللي شفتي الروج علي ارقبتي ويوم السوق وتوا هذينا شن اتسميهن
سندس:ابدا مش اعجاب انا مستحيل نعجب بيك انت
سراج:لا معجبة بيا وحركاتك كلهن ايدلن هكي حتى انك معش تكرهي قربك مني
سندس سكتت
سراج;كنتي ترجي فيا كل يوم لين انروح انا صح انروح سكران بس فاطن للي ايصير عشان مش فاقد وحتى انا ماننكرش اني معجب بيك وقعدت انحب جلاطتك وانحب انكون قريب منك ونفرح لما نحكي معاكي ونفرح لما اندير حاجة اتفرحك وقعدت انحب انعصبك عشان كل مااتعصبي انزيد نعجب بيك اتصدقي ان في الفترة هذي نسيت كل كرهك اللي كنت شايلة لكي في قلبي
سندس كانت اتشوف السراج وساكته
سراج قرب منها:اعترفي انك معجبة بيا عشان اتسهلي علينا ونقدرو انقربو من بعضنا
سندس ساكته ومش قادرة اترد لانها عارفة ان كلام سراج صح ومش قادرة تنفيه
سراج;قولي انك معجبة بيا مافيهش شيئ هي تجربة جديدة ليا ولكي
سندس:اها معجبة بيك ومع اني مصدومة ان صارلي حاجة زي هذي وبذات معاك انت
سراج ابتسم:واخيرا قلتيها وريحتيني
سندس:قلتها بس مش عارفة اذا هالشيئ صح او غلط انا وانت بينا فرق كبير
سراج زاد قرب:صدقيني صح والاختلاف اللي بينا هو اللي خلانه نعجبو ببعضنا
سندس:خايفة ايجي يوم ونندم
سراج:مش حتندمي عشان الاعجاب بداية حب وايقولو ان الحب سمح
سندس:بس انا مش مقتنعة بالحب
سراج:ولا انا مقتنع بس يمكن لو قعد بينا حب حنقتنعو
سندس:انا وانت حب انحس فيها مستحيل
سراج قرب منها اكثر ومسك ايديها;معايا انا مافيش حاجة مستحيل وقعد ايشوفلها
سندس قعدت اتشوفله وذابت في عيونه
سراج بحنية:مازال زاعلة مني
سندس:لا
سراج:كان نعرف شن درتي فيا بس وخليتيني انفكر فيك كل الوقت
سندس ابتسمت #Koka_Saleh
سراج قعد ايشوف الشفايفها وقرب منها وباسها وسندس ماعارضتش البوسة وشاركاته فيها وكانت هذي اول مرة ايبوس سندس من دون معارضة منها
بعد بوسة #طوييييييييييييلة سندس بعداته
سراج بحنية:انا حاب ايصير بينا حاجة وتوا
سندس:بس بشرط
سراج:شنو
سندس:توعدني معش فيه سهور واتبعد علي كل بنت تعرفها
سراج:—
#يتبع
قولكن شن رد سراج علي شرط سندس وشن حتكون حياتهم بعد رد سراج هل حياة سعيدة او تعيسة ?
وقولكن هل رانيا حتوافق عاللي قاله الها فيصل او لا ولو ماوافقتش كيف حتكون حياتها ولو وافقت كيف حتكون حياتها ?
ورويدة هل حيتم هالفرح اللي فرحانة واتجهزله او حيصير اي حاجة اتخربه?
كله حنعرفوه في الحلقة الجاية ☺
أسفة عالتأخير بس فوني كان خارب يطفى ويولع بروحه ومعش قدرت نكتب فيه عشان قعدت نكتب ولما يطفى الكتيبة تمتسح لين درتله ضبط مصنع وكملت الحلقة بدري بس مالبخت النت راح عالمرج كلها ??
أسفة لو فيه لخبطة في الأسماء وأكيد رأيكم ايهمني?
گــتـابـتـي Koka Saleh