منحرف وأحببته
#مـنـحـرف_وأحـبـبـتـه
الـحـلـقـة (48)
گـتـابـتـي #Koka_Saleh
“”””””””””””””””””””””””””
صباح يوم جديد
كالعادة عند دوسة وسيرجو وعت دوسة دوشت وصلت الصبح ونزلت جهزت فطورها ووعت سيرجو وخش دوش وطلع ولبسو ونزلو فطرو وبعدها طلعو شالها حطها في المشروع وهو مشى للشركة واول ماخش مكتبه بدا في شغله دغري وقعد ايراجع في ملفات واوراق لقاهن عالمكتب يبن شغل وبينما وهو غارق في شغله جاته رساله ولما فتح عليها كانت من تالين وكان فحواها(اسفة علي كل كلامي واسفة علي حبي لكي ماكنتش قاصدة تزعل مني ومانحسبش كلامي ايعصبك الدرجة اتلزني بس والله مشاعري كانن صادقة انا مش قاصدة انخرب حياتك بس حبيت انصارحك بالشيئ اللي ليا اسنين داسته وتوا حتى لما انموت بنموت متريحة لاني اعترفت بحبي لكي انت اكثر شخص عارف ان ماعندي حظ في شيئ لا بأب ولا بأخوة ولاحتى بالشخص الوحيد اللي حبيته كنت بنسافر بس لما فكرت المن بنسافر انا ماعنديش حد غادي حتى بابا ماصدق طلعت من حياته لذلك انا اكثر شخص يستاهل الموت وحبيت انموت في بلادي وفي ترابها وفي اكثر مكان تقربت منك فيه وتبادلنا اسرار اخر مرة سلام ياحبيبي وسامحني اني قلتها بس حتكون اول واخر مرة انقولها وربي يسعدك علي قد ماحبيتك)
سراج انصدم مالكلام ودغري قعد ايرن عليها
“””””‘
#عند_رانيا
وعت وفطرت وطلعت مع باتها بيوصلها
واثناء وهما في الطريق
بات رانيا:رنوشة انا سألت عالشاب اللي جا خطبك والحق اللي عرفوه كلهم شكروه ليا ونعرف ناس تشتغل معاه قالو ان مهندس ناجح ومشاءلله عليه وانا ما الكلام اللي سمعته عليه تريحتله لكن نبي رايك هل انتي موافقة عليه او لا
رانيا طبست راسها وسكتت
بات رانيا:رانيا الموضوع مايبيش حشم هذا مستقبلك انتي وانتي اللي اتقرري وانا عارف ان يشتغل معاك واكيدة عارفته وعارفة اطباعه هل انتي موافقه اتكملي حياتك معاه او لا وكان موافقة خلينا نعطوهم الموافقة ولو رافضة قولي عشان انقوللولهم مافيش نصيب
رانيا:اللي اتشوفه انت يابابا
بات رانيا:مش اللي انشوفه انا هذي حياتك نبي رايك انتي
رانيا سكتت اشوي وبعدها ردت
رانيا:موافقة بابا
بات رانيا:علي بركة الله امالا حنخلي امك اليوم اتكلمهم وتعطيهم الموافقة
رانيا:ان شاءلله وسكتت وقعدت حاسة بشعور غريب ومش فاهمة اذا هي فرحانة او لا
وقعدت ساكتة طول الطريق وبعدها وصلو عالمشروع نزلها باتها ومشى الشغله واول ماخشت استقبلها فيصل
فيصل:صباحو يالحب
رانيا:صباحو
فيصل;طولتي اليوم من بدري نرجى فيك
رانيا:اليوم جيت مع بابا وتاخرنا في الطلعة مالحوش
فيصل:باهي تعالي نفطرو مازال مافطرتش ونرجى فيك
رانيا ابتسمت:كل يوم بدير هكي
فيصل:وانتي كل يوم بتقولي فطرت ونشرب قهوة بس
رانيا:لا اليوم مافطرتش ومقررة نفطر معاك
فيصل بفرحة:جديات?
رانيا:اها جديات☺
فيصل:نجك ليا وخلاص يامراتي?
رانيا ابتسمت
فيصل:خطرها علي سيرة مراتي ماعرفتيش باتك شن مقرر في موضوعنا
رانيا:توا حكالي وقالي سأل عليك وبيعطيك الرد اليوم
فيصل:باهي شن قال قصدي شن رده بيوافق ولا يرفض
رانيا:مش قايلة توا تعرف بعدين
فيصل:بلا صماطة والله اتقولي شن قالك
رانيا:انلا وهي نفطرو عشان جيعانة
فيصل:وراس رنوشة تحكي مااتخلينيش هكي علي اعصابي
رانيا:قتلك انلا?
مع جيت سندس شورهم
سندس:باهي اللي جيتي ياحنة من بدري نرجى فيك
رانيا:اول مرة اتجي قبلي اقطعيني بيها?
فيصل:سندس قوليلها اتقولي باتها شن قال بيوافق عليا او لا
سندس تضحك:دبينها تحرق في دمك هكي وماتبيش تحكي اكيدة موافق
فيصل:قولك هكي
رانيا:خليكم انتو حللو هنا وانا بنخش نفطر ومشت
فيصل:اسمعي انتي صاحبتها واكيدة تحكيلك اعرفي منها شن قال وقوليلي
سندس:حاظر ماعليك
ومشو وفطرو رانيا وفيصل مع بعضهم اما دوسة فشربت بس قهوة لانها فاطرة مع سيرجو?قبل ماتطلع
“”””””
#عند_سراج
لما قعد ايرن علي تالين مااتردش دغري عرف وين ممكن اتكون وطلع مالشركة دغري ومشى شور المزرعة واول ماوصل وخش قعد ايدور فيها في المزرعة كلها وبعدها اذكر الرسالة وانها كتبتله اخر مكان تقربتلك فيه وتبادلنا فيه الاسرار ودغري رقى للدار اللي كانت فيها لما جو للمزرعة واول ماخش لقى تالين ماسكة موس وحاطته علي يدها وبتقص وريدها
سراج دغري كر من يدها الموس
سراج بعصبية:انتي انجنيتي معقولة بتنتحري ياتالين
تالين تبكي:انا بذات قولي شنو السبب اللي بنعيش عليه في الدنيا
سراج:انتي مش كنتي بتسافري الباتك ليش قعدتي
تالين تبكي:انت كذبت الكذبة وصدقتها اي بات ياسراج انت عارف كل شيئ عارف ان مش مدورني وانا اخر همة عارف اكويس ان ماعنديش حد انتو الوحيدين اللي كنت انحس معاكم ان فيه حد ايحبني وايخاف عليا وانت بذات عارف انا شنو كنت بالنسبة لكي واتجي انت اللي اتلزني من عندكم
سراج:انتي عارفة ليش انا درت هكي حولي الكلام اللي في راسك وحتقعدي انتي تولي زي ماانتي صديقتي وخيتي اللي انعزها
تالين تبكي وبعصبية:انا مش اختك ومش صديقتك انا انحبك عارف شن معنى انحبك من انا عمري 12سنة وانا انحبك كبرت معاك وكبر حبي لكي معايا طول عمري واللي كان مسكتني انك مش متاع حب وعمرك مااعترفت بيه
سراج:تالين نحن تربينا مع بعضنا عساس خوت واصدقاء وانتي عارفة عمره ماصار بينا خاطي هكي ردي العقلك وردي زي زمان ونوعدك حتردي معايا وتقعدي معانا طول عمرك
تالين بعصبية;لا انا عمري مااعتبرتك صديق ولا اخ وقتلك مااعترفتش لانك انت كنت مش مدور الحب لو انك دورت عليه كنت القيته قدامك ومن اسنين كان واضح عليا وكل تصرفاتي ايدلن علي اني انحبك بس انت اللي كنت لاهي ورا نزواتك والبنات ومش ملاحظ شيئ كل بنت تاخذها وتمشي معاها كنت انموت الف موته بس اللي كان مصبرني ان مافيش ولا وحدة حبيتها كلهن كنت متاكدة انها حتكون سهرة ليلة وتمشي بس فجأة اتحب وتوصل بيك اتكلمني عشان انساعدك انك تعرف اذا اتحبك او لا
سراج بعصبية;وليش اتجي اصلا وانتي عارفة اني حبيت وليش اتوافقي اتساعديني وانتي قلبك معبى هكي
تالين:انا جيت لاني قلت نزوة واتعدي وبذات لما قتلي مازال ماصار بينكم شيئ قلت في عقلك شيئ معين وبتاخذه لاني عارفة هذا تفكيرك بس لما جيت وشفتك كيف اتحبها وكيف متعلق فيها ماقدرتش نسكت وقلت لازم تعرف مشاعري وانا احق منها بيك انا اللي حبيتك الاولى انا اللي مستعدة انحارب العالم عشانك انا ماعنديش الا انت لا ام ولا أب ولا خوت انت ياسراج بس وجت هي وخذاتك مني ومش بس انت عمتو وعمو اللي كانو ايحبوني زي بنتهم جت هي وشاركتني فيهم وخذت حبهم وقعدو ايحبوها حتى اكثر مني وايعاملو فيها انها بنتهم وانها وحدة مالعيلة وطلعتني من قلبكم كلكم ورديت بروحي وماعندي حد وتبيني ماننتحرش انا اكثر وحدة تستحق اتموت لان ماعندهش حد ايدورها وقعدت تبكي?
“””””””
#عند_سندس_ورانيا
فيصل:انا طالع بنشوف العمال وانجي
سندس ورانيا:تمام
سندس:هي ياحنة احكيلي عمو شن قالك علي فيصل
رانيا:عارفة ان فيصل قايلك اسأليها واعرفي الرد
سندس:توا خلينا من فيصل انا جديات بنعرف شن رد عمو
رانيا:بابا قالي ان سأل عليه وان الكل قالو كويس وقالي القرار قرارك انتي
سندس;وانتي شن رديتي عليه
رانيا:قتله موافقة
سندس:وحاسة روحك متريحة بعد القرار هذا
رانيا:اول ماوافقت قعد قلبي ايطق بقوة ومعش عرفت روحي فرحانة او لا وخفت نندم لان قعد تفكيري كله في اللي صار معايا وفي رؤوف?بس اول ماوصلت للمشروع والقيت فيصل وكيف يرجى فيا تغير جوي وحسيت ان فعلا هذا القرار الصح وان مستحيل نندم عليه
سندس:باهي انتي شن شعورك تجاه فيصل
رانيا:فيصل راجل اي بنت في الدنيا اتمناه(سمعتن يامعجبات فيصل بذات انتي رتولي?)طيب وحنون وايحبني
سندس:توا انا نبي رايك انتي فيه مش هو شنو
رانيا:بصدق انا اصلا من اول مااشتغلت معاه وانا معجبة بيه وبشخصيته وبعد اعترفلي بحبه وبعد قعدنا نحكو قعدت نفقد فيه لما ماايكلمنيش وقعد انرايفله وقعدت انحب انهدرز معاه وطول ماانا نحكي معاه ماانملش بكل يعني تقدري اتقولي قعد من اهتماماتي الاولية
سندس:الله اكبر يعني اشوي ونسمع انك حبيتيه
رانيا:قولي ان شاءلله
سندس:ان شاءلله يارب يارنوشة اتحبيه واتعيشي معاه اجمل واسعد ايام في حياتك
رانيا:ان شاءلله
سندس:اسمعي بالمناسبة السعيدة هذي انا اليوم عازمتكن انتي ودودي في حوشي انخرفو وانهدرزو علي حياتنا واللي صار معانا من تطورات
رانيا ضحكت:كالعادة يعني
سندس:ليش نحن عندنا المن نحكو خاطي البعضنا
رانيا:لا والله ان شاءلله ربي ايخلينا البعضنا
سندس:يارب ان شاءلله
سندس:خطرها وجيبي معاك رنا
رانيا;وشن نبو فيها امتى عمري جبتها معايا
سندس:رانيا بلا حقارة لازم تقتنعي ان اختك كبرت ومافيها شيئ كان جت معاك وهدرزنا بالك حتى هي تقعد حابتلها شي واحد وتحكيلنا
رانيا ضحكت:ينعن جد هذ رنا مازال صغيرة عالكلام هذا
سندس:صغيرة وانتي ناسية في عمرها في شن كنتي اتفكري وبعدين خليها تفتح قلبها وتحكيلنا وانصاحبوها وننصحوها نحن احسن ماتمشي تحكي البنات طايشات وايودرنها
رانيا:والله معاك حق خلاص توا انجيبها بس انتن احكن معاها انا مادخلنيش
سندس:انتي غير جيبيها وماعليك
رانيا:ان شاءلله غير تابا تمشي ديما اي مشوار اتقول عندي قراية
سندس:انا حتجيني لان كل مرة انتلاقو اتقولي خاطري انشوف حوشك
رانيا:خلاص توا انجيبها
سندس:خلينا نطلعو انشوفو الشغل اشوية
رانيا:هيا
“”””””””
#عند_صالح_ورنا
كانت عنده الحصة الرابعة وخش للفصل بس اول ماخش ماشفش رنا
صالح:صباح الخير
الطالبات:صباح النور
صالح:وين رنا غايبة اليوم
تنسيم صاحبتها اللي في البنك
تنسيم:لا استاذ رنا مرضت توا ومشت المكتب الاخاصئية بتريح اشوي
صالح جا بيطلع اشوي صبت وحدة مالطالبات
الطالبة:كيف يااستاذ يعني كان رنا مش قاعدة معش تعطينا حصة قعدن البنات كلهن يضحكن
صالح:لا كيف اكيدة بنعطيكن بنسكر الباب بس وسكر الباب وقعد يعطي في الدرس بس عقله كله كان مع رنا اللي عرف انها دايرة الحركة قصدا
وبعد كملت الحصة طلع صالح وصبى قدام الباب متاع الفصل يرجى فيها
رنا طلعت من مكتب الاخصائية وجت شور فصلها وانصدمت لما شافت صالح مازال يرجى فيها وصالح اول ماشافها جاها
صالح;ليش قاعدة اديري فيا هكي كله لاني قتلك انحبك انا مش طالب شيئ انا بس بنعرف انتي مرتبطة او لا
رنا مطبسة راسها لوطة ومن غير اي كلمة او حتى انها اتشوفله مشت بسرعة وخشت للفصل وجا صالح بيخش وراها مع خشت الابلة اللي حصتها توا
الابلة:فيه حاجة استاذ حصتي توا
صالح:لالا مافيش شيئ ومشى وسيبها وطلع مالمدرسة وركب في سيارته
صالح بعصبية:هي ليش ادير هكي انا مش فاهم شيئ معقولة البنت الوحيدة اللي حبيتها ماتبيش حتي اتبحت في وجي
“””””””
#عند_رؤوف
كمل شغله في المستشفى وخش الغرفة في المستشفى يستريحو فيها الطلبة
قمعز عالكرسي اشوي وبعدها قعد ايفكر في اسيل وفي كلامها اللي أمس مسك فونه وحط علي رقمها ورن عليها
أسيل ماالهش واجد كيف واعية وقاعدة تفطر ولما رن فونها وشافاته رؤوف ردت
رؤوف:صباح الخير
أسيل:صباح النور
رؤوف:شن اخبارك اليوم
أسيل:تمام شن اخبارك انت
رؤوف:تمام امتى الوعية
أسيل:ماليش واجد
رؤوف:معقولة شكلك كسولة اشوي وتقعد الساعة 12
أسيل:ماورايا شيئ عليش بنوعى بدري
رؤوف:والله ياعوينك مش كيفي مالساعة 7 في المستشفى
أيل:عليش في المستشفى عندك حد مريض
رؤوف:لا والله بس انا دكتور يعني مازال ماقعدتش دكتور بس هذي سنة الامتياز كلها كم شهر ونقعد دكتور جديات
أسيل:صح معناها انت اللي ياعوينك
رؤوف:هذا حلمك صح
أسيل:اووف شكله روبرتاج حياتي كله عندك
رؤوف:لا مش كله حاجات بسيطة اللي نعرفهن الباقي بنعرفهن منك
اسيل:عليش عشان اتساعدني نطلع من الحالة هذي
رؤوف:انساعدك واتساعديني
اسيل:بما انها قعدت هكي فيه حاجة بنقولها لكي
رؤوف:شنو
أسيل:مش انت أمس حكيتلي علي وحدة كانت بتنتحر وانت نقذتها
رؤوف:اها
أسيل:البنت هذي هي انا
رؤوف بصدمة:تحكي جديات انتي ولا اتبصري
أسيل:والله ماانبصر انا فعلا صار معايا اللي انت حكيته
رؤوف:مش معقولة
أسيل:انا طبعا مش متذكرتك لان الفترة هذكي بذات كان لينا كيف متوفية ومش قادرة نستوعب اللي صار وكان عقلي مش معايا بس نذكر الاحداث نذكر ان فيه حد كرني واللي صار كان في نفس الوقت اللي انت حكيت عليه ونفس العمر ونفس اللحظة اللي انت وصفتها
رؤوف:معناها هذا ليش نحلم بيك لاني شايفك يعني حلمي ماطلعش من فراغ انا بروحي ماكنتش امصدق قصة ان واحد يحلم بوحدة ايشوفها غريبة ومااتصيرش الا في الخيال واخيرا اللغز انحل بس انا ليش مااذكرتكش مع اني متذكر اللي صار
أسيل:ممكن لان القصة قديمة
رؤوف:ممكن
أسيل:باهي انا بنعرف شنو كنت تحلم
رؤوف:قعد يحكيلها في الحلم
رؤوف:يعني نفس ماتلاقينا أول مرة الفرق في المكان بس
أسيل;مافسرتش الحلم
رؤوف;لا مافسرتش (رؤوف قال هكي لان ماكان يبيها تعرف ان كلمها لان فسر الحلم وعرف انها في حاجة مساعدة)
اسيل:شوف حد ايفسر الاحلام وفسره
رؤوف:مش مهم عندي توا تفسير الحلم الاهم اني عرفت ليش حلمت بيك انتي بذات لان كان محيرني
أسيل:وليش انا بذات
رؤوف:اول حاجة لاني شايفك من قبل وكنت المنقذ الحياتك ثاني حاجة واللي هي الاهم ان اللي صاير معاك ومعايا عكس بعضنا
أسيل;كيف عكس بعضنا
رؤوف:يعني سبب ألمك في الحياة هو فقدانك الاعز شخص عندك وانا سبب ألمي في الحياة كان بسبب اعز او اللي كان اعز شخص عندي واللي هو خويا
أسيل:صح وجهة نظر
رؤوف:وجهة النظر اللي هي انا بحاجتك وانتي بحاجتي
أسيل سكتت
رؤوف:احكيلي علي حياتك كيف كانت قبل وفاة لينا
أسيل:عادي كنت بنت مرحة اتحب الضحك واتحب الناس كلها وكنت انحب القراية وكان عندي أحلام وطموحات واااجد
رؤوف:شن كانن احلامك
أسيل:كنت بنقرا طب بشري وبعد ماانكمل بندير عيادة مجانية وفيها كل امكانيات العيادات الخاصة اللي بالفلوس
رؤوف ضحك:بس هكي مش حتوفي معاك ماديا كيف كنتي بديريها
أسيل:مش عارف بس هذا كان حلمي وماننسوش ان فيه ناس واجدة اتحب اتساعد ومشروع خيري زي هذا فيه نفع واجد للناس
رؤوف:حققي حلمك وانا معاك فيه ونوعدك انساعدك فيه وانجيبلك ناس اتساعدك سوا ماديا او يشتغلو معاك في العيادة
أسيل:ماخلاص كل شيئ كان احلام توا خلاص
رؤوف:ليش خلاص
أسيل;معش عندي نية في شيئ حتى قرايتي سيبتها
رؤوف:قرايتك ساهل جدا اترديلها وكلها كم سنة واتخرجي واتحققي حلمك
اسيل:فوت الموضوع
رؤوف:مش فايته انا حاليا باتي ايديرلي في عيادة عساس اول ماانتخرج تقعد واتية ونقدر من خلال العيادة هذي انحقق حلمك انتي
اسيل ضحكت:شن دخل عيادتك في عيادتي
رؤوف:شوفي انا كلها كم شهر وانتخرج ونمسك عيادتي وانتي تبدي في قرايتك 7سنين واتكملي طبعا هذا في حال اتكوني شاطرة والسنة بسنتها وخلاص 7سنين هذينا انا عيادتي تشتغل اندير حساب في البنك وانحول فيه جزء من ارادات عيادتي ولما انتي اتكملي ايكون في مبلغ كبير ايساعدنا واجد في عيادتك انتي ولما تفتح عيادتك برضو حيكون الجزء من ارادات عيادتي من حصت عيادتك وبهكي اتكون مساعدتي لكي مدى الحياة
أسيل ضحكت:لما حكيت معاك حسيتك عاقل بس توا بانلي عكس هكي
رؤوف بجدية:أسيل انا نحكي جديات وماانبصرش كملي قرايتك وانا انساعدك في تحقيق حلمك
أسيل:موضوع قرايتي امره منتهي
رؤوف:لا مش منتهي هذا حلمك ولازم اتحققيه ومش حتحققيه الا اذا كملتي قرايتك
أسيل:انا معش نقدر نقرا افهم ومانقدرش انكمل في مكان انا ولينا كنا نحلمو بيه
رؤوف:تقدري اتكملي ولو مش عشانك عشانها مش هذا حلمها حتى هي كملي فيه عشان اتفرحيها في قبرها
أسيل:شكلي غلطت لما رديت عليك وحكيت معاك
رؤوف:ليش تحكي هكي انا بس نبيك اتحققي اللي تحلمي بيه
أسيل:اسمع يارؤوف لو تبينا اصدقاء فوت قصة قرايتي لاني مش حنكملها أنا معش عندي قدرة اندير شيئ
رؤوف:ماشي اسيل اللي اتريحك
أسيل:وتوا خليك مني انا واحكيلي اللي صاير معاك انت واحكيلي علي حبك الرانيا من بدايته النهايته
رؤوف:تمام حنحكيلك بس انا قصتي طويلة وتوا عندي شغل في المستشفى انكمله وانرن عليك
أسيل:تمام معناها سلام توا
رؤوف:سلام وسكر وطلع ايكمل في شغله
“”””””””
#عند_سندس
الساعة 1:50م
رانيا:دوسة هيا روحي معايا وخلاص
سندس:لالا سراج توا ايجي
رانيا:بس هو تأخر
سندس:توا ايجي توا وبعدين كان روحت معاك والله ايديرها زعله
رانيا:باهي براحتك سلام توا بابا برا
سندس:سلام وماتنسيش اليوم اتجي حتى دودي جاية راه
رانيا:تمام مش ناسية وطلعت الباتها
سندس مسكت فونها وقعدت اترن علي سراج ماايردش
فيصل:رانيا عدت
سندس:اها توا طلعت
فيصل:ماطلعتش معاها خفت باتها يقعد نازل وايشوفني انوصل فيها ايتعقد مني وانا نبيه يرضى بيش ايوافق
سندس ضحكت:اصلا هو وافق
فيصل:تحكي جد
سندس:والله نحكي جد قالتها ليا رنوشة واكيدة حتروح الحوش تلقى امك عندها الخبر
فيصل بفرحة:واخيرا عطونا الرد
سندس ضحكت:اللي يسمعك ايقول انك لك شهر خاطبها تي انت مالكيش كم يوم
فيصل:اتصدقي والله حسيتهن كم شهر
سندس ضحكت:اخس عالحب شو بيذل
فيصل ضحك:كيف ماذل نصي وخلاه ايتخلى علي حياته اللي زمان وخش الحياتك انتي الخاصة
سندس:كيف انت تبيه ايرد الظلاله اللي زمان
فيصل:فكنا الله انا اكثر واحد ماصدقته تغير
سندس;نحسابك?
فيصل:خطرها وينه كنه تاخر
سندس:والله ماني عارفة اول مرة ايديرها وانرن عليه ماايردش
فيصل:اكيدة عنده حاجة في الشركة معطلته
سندس:اكيدة
فيصل طلع فونه:توا انرن انا انشوفه وقعد ايرن مع جية سراج
سندس:خلاص اهو جا
سراج درس سيارته
سندس;كنك طولت عليا
سراج:كان عندنا اجتماع وطول
سندس:اها باهي انجيب شنطتي وانجيك
سراج:باهي سندس مشت اتجيب شنطتها
فيصل:قول خير ازح
سراج:خير
فيصل;نصي كنه جوك مش تمام
سراج:راسي مصدع بس
فيصل:سلامتك
سندس جت وركبت مع سراج وطلعو
سندس:قبل بنروح مع رانيا وبعدها خفتك تزعل
سراج:اها
سندس:شنو اها هذي
سراج:راسي مصدع مالاجتماع ومش متحمل دوة
سندس:باهي اسفة وحنسكت
وفعلا قعدت ساكته لين وصلو
سراج:بنتغدو هنا عفوفة كلمتني وقالت حاسبتنا عالغداء
سندس:تمام ونزلو وخشو للفيلا لقو الغداء جاهز تغدو وكانت عفوفة وسندس وعمو محمد ايهدرزو وسراج موش معاهم بكل
عفاف بينها وبين سندس
عفاف:كنه سراج
سندس:مش عارفة قال راسي مصدع
عفاف:اها بعد الغداء نعطيه بنادول يقعد كويس
سندس:ان شاءلله
وبعد كملو الغداء قعدو الخدم ايلمو وهما صبو بيشربو شاهي
سراج:انا راسي مصدع وبنمشي نرقد
محمد:خوذ معانا طويسة شاهي وبعدها ارقد
سراج:لا والله مش قادر بكل راسي صداع
سندس:باهي عادي ترقد هنا اصلا صحباتي بيجني
عفاف:اهي دارك واتية خش ارقد فيها وخليها هي مع صحباتها براحتهن
سراج شاف السندس زين وماردش ولا كلمة ورقى الداره فوق
سندس:حي اعميمة شكله زعل
عفاف:اشوي ويرضى عدي انتي شوفي شن ناقصك وتعالي قوليلي عشان اندزو السواق ايجيبهن لنا
سندس:حاظر اعميمة ومشت الحوشها بس كل عقلها كان في سراج اللي زعل منها واول ماخشت الحوش دغري مسكت فونها ورنت عليها وسراج رد
سراج:ايوا
سندس:حبيبي زعلت مني
سراج;لا مش زاعل بس راسي مصدع
سندس:اكيدة
سراج:اكيدة
سندس:باهي عادي انجيك توا ناخذ منك بوسه
سراج بعصبية:سندس قتلك مصدع
سندس:خلاص اسفة ارقد وسكرت وهي اتفكر فيه وعارفة ان زعل منها فوق ماانه مريض وبحاجتها ومالقهش بس شن بدير هي اللي قالت الصحباتها ايجنها
خشت للمطبخ وشافت شن ناقصها وطلعت قالاته العمتها ودزتلها السواق وبعدها مشت هي وعفاف للحوش وقعدت اتجهز معاها في ضيافتها الصحباتها واتساعد فيها في ترتيب الحوش
عالساعة 4:30 جت رانيا ورنا اول وحدات وبعدهن دغري رويدة استقبلتهن سندس وعفوفة استقبال حلو وخرفت معاهن عفاف اشوية وبعدها خلتهن براحتهن
البنات مقمعزات في الصالة ويشربن في نسكافيه وحلو
رويدة:حلو طعمة المني كيك من وين جبتيه
سندس:العنوان عارفته اعميمة توا انجيبلك الوصف منها
رويدة:جيبيه ليا قبل مانطلعو عشان انقول المعاذ ناخذو منه للبنات ايحبنه
رانيا:خطرها معاذ شن جوه معاك معش فيه أحلام لا ذكريات
رويدة:لا خلاص الحمدلله تريحنا
رانيا;باهي الحمدلله ربي ايهنيكم
رويدة:يارب
رانيا:باهي انتن الاثنين مافيش بيبي هكي ولا هكي بنقعد خاله ازح
رويدة:ماحلنيش انا ماليا شيئ منزلة
سندس:ونحن محسوبين حياتنا الزوجية توا غير بدت وانا وسراج مازال مش مستعجلين وبعدين مااعتقدش سراج يقدر يقعد اب
رانيا ورويدة عده تفكيرهن المكان اخرى وشافن البعضهن
رانيا:قصدك سراج ورفعت حواجبها
سندس تضحك:مش هكي ياحقيرات قصدي ان مازال هو بروحه طبعه زي العيل الصغير وكان انجيب بيبي يقعد دايرلي راسه من راس البيبي
رويدة تضحك:فجعتيني
رانيا تضحك:حتى انا انفجعت وقلت كنها ماحكتش وليش متحمله
سندس تضحك:لا مالناحية هذي اطمنن مهني وبزيادة اخرى?
رويدة:ربي ايهنيكم ياقلبي?
سندس:ياارب
رنا كانن يحكن وهي تاكل وساكته وكانت منحرجة من كلامهن
سندس:رنو كنك ساكتة شاركي في الحديث
رنا ابتسمت:اهو قاعدة نسمع فيكن
سندس:رنو مافيش اي جاجة هكي ولا هكي عندك
رنا:حاجة زي شنو
سندس:حب ولا اعجاب
رنا:لالا مافيش
رويدة:عادي رنو احكي حتي نحن صحباتك وانتي كبيرة توا اكيدة فيه حاجة مالنوع هذا
رانيا:كان متحشمه مني انصبي واحكيلهن
رنا:لا والله بس لو فيه حاجة راه حكيت
رويدة:حتى اعجاب او حب من طرف واحد أسأليني انا عالحب من طرف واحد وقعدت تضحك
سندس:يخطر عليك يوم اللي القيناها منستهة عالمقعد وفونها مكسور وانقولولها ياخذ سوك وهي اتقول طويل وعريض يابنات ?
رانيا:ولا لما كملنا اول سنة ونحن انتبعو في معاذ من مكان المكان عليك ايام ايهبلن?
رويدة;من قال بعد كل اللي صار فيا ناخذه
سندس:ماتحكي شيئ كله عالنصيب
رانيا:ومن قال دوسة اتحب ومن اتحب اخرى اكثر حد كرهاته في حياتها ومن قال انا ناخذ حد اخرى خاطي رؤوف فعلا كله نصيب
سندس:معليش رنوشة صدقيني هكي احسنللكم وفيصل كويس وايحبك
رانيا;والله عارفة بس خطرها النصيب
رويدة:عارفات في شنو انفكر لما رؤوف يعرف انك انخطبتي شن ممكن ايدير
رانيا:قصدك هو مازال ماعرف
رويدة:لا مازال وجد خايفة من ردت فعله خايفة ايدير في روحه حاجة
سندس:لا لا مش للدرجة هذي رؤوف عاقل اكيدة حيتوجع اشوي وبعدها خلاص
رويدة:ان شاءلله تقعد هكي بس
رانيا قعدت ساكتة
سندس قعدت بتغير الجو اللي قعد متكهرب
سندس:هيا ياحناتي وانتن مقمعزات كيف الضيوف صبن عن مرض وتن معايا العصرية
وصبن كلهن وخشن للمطبخ مع بعضهن
“”””””
#في_الفيلا
عمو محمد عند سيارته وايولع فيها مع جية صالح
صالح:شنج خالي
محمد; الواحد ايقول السلام عليكم لعند امتى انت وسراج انعلمكم
صالح يضحك:لا نحن تعلمنا لا انت مليت
محمد يضحك:والله صدقت
صالح:سراج في حوشه
محمد;اها
صالح:بنمشيله اشوي وانرد عليك خليك ماتطلعش انجيب سراج وانجو انكسدو عليك
محمد:ينعن شكلك انت وسراج اتحقو فيا مكسدة لكم وجا بيلحقه
صالح مشى يجري
مع طلعت عفاف
عفاف:في من اتهارج
محمد:صالح الهبل
عفاف:وينه كنه ماخش
محمد:جاي يبي سراج ومشاله في حوشه
عفاف:بس سراج مش في حوشه هو راقد في داره فوق
محمد:يي انسيت بكل ان سندس عند صحباتها عدي الحقيه بسرعة قبل ماايدق
عفاف:هي ماشيتله توا وطلعت
صالح وصل عند الباب ودق
سندس;وحدة منكن تفتح يابنات اكيدة اعميمة جت
رنا:توا نفتح انا وطلعت وفتحت الباب وهنا الصدمة(وصار لازم ندخل?)
صالح بصدمة;رنا?
رنا:أستاذ صالح انت شن تبي هنا
صالح:انتي اللي شن جابك هنا
رنا خافت البنات يسمعن:عدي من هنا لو سمحت وجت بتسكر الباب
صالح مسك الباب بيده:اصبري بس
رنا:ارجوك امشي اختي جوا ولو اتشوفك تقعد قصة
صالح:وين اختك خليني نحكيلها بالك تفهمني
رنا بخوف:لالا لو سمحت عدي
مع جية عفوفة
عفاف:صالح ارجى ماادقش سندس عندها صحباتها
رنا سكرت الباب وخشت وهي ترعش في الصالة ومعش قدرت اتخش عالبنات في المطبخ
صالح يحكي بسرعة ومرتبك:هي ياخالتي قاعدة جوا
عفاف:قصدك انت دقيت وفتحولك
صالح:وراس خالتي خشي احكيلها قوليلها اني انحبها ونبيها بالحلال
عفاف:من هذي ياصالح انت كنك
صالح:رنا ياخالتي البنت اللي حكيتلك عليها
عفاف:قصدك البنت اللي حكيتلي عليها هي نفسها رنا اخت رانيا
صالح;اها هي والنبي ياخالتي خشي احكيلها هي واختها
عفاف:غير اهدى واصبر وفهمني بس
البنات طلعن مالمطبخ وجايبات الموالح والمشروب ولقن رنا مصبية في الصالة ومرتبكة
سندس:رنو من اللي دق
رنا اتشوفلهن واتحرك في ايديها علي بعضهن ومرتبكة
رانيا:رنا شن فيه كنك خايفة هكي شن صاير
عفاف:مانقدرش انخش نحكي للبنات هكي عيب وبذات ان البنت مش راضية تحكي معاك
صالح:خالتي هي مرتبكة مش ماتبيش تحكي معايا وانا مانبيش شيئ اكثر مااتقوليلهم اني انحبها وتعرفيلي اذا مرتبطة او لا
عفاف:باهي انت امشي توا وانا حنحكي معاهن وانكلمك بعدين
صالح:انا معش نقدر انتحمل اكثر من هكي وجا عند الباب ودق
عفاف:صالح عيب اللي ادير فيه قتلك امش من هنا
سندس فتحت الباب
سندس:شن فيه صالح
صالح خش وعفاف خشت وراه
سندس:هو انت وين مندعب
عفاف:صالح اطلع فكنا مالكشايف
صالح:من فيكن اخت رنا
سندس شافت الرانيا ورويدة اللي قعدت ايشوفن البعضهن
سندس;انت شن عرفك برنا
صالح:لو سمحتن جاوبني
رانيا:انا اختها عليش تسأل وانت اصلا شن عرفك برنا
صالح:انا انحبها ونبيها بالحلال ونبي انجيب هلي وانتقدملها رسمي بس هي رافضة تحكي معايا ولا تبي اتقولي اذا هي مرتبطة او لا
رانيا شافت الرنا:هذا منين تعرفيه
رنا بخوف;والله مانعرفه هو مدرس في المدرسة ومن أول ما جا للمدرسة وهو يحكي في نفس الكلام
صالح:انا قعدت استاذ في مدرستها عشان نقدر نحكي معاها وانا نعرفها من هي صغيرة انا صالح ولد جيرانكم اللي زمان بس هي مش متذكرتني
رنا شافتله زين:انت اللي زمان اوكي اذكرتك
صالح:واخيرا حد اذكرني انا والله نبيها بجديات ولاني مكسد ولا نلعب بس لو تحكي معايا كلمة واتقولي موافقة عليك
رانيا:تهيالي ان هذا مش مكان النقاشات زي هذينا
صالح:عارف واسف اني درت هكي بس هي مش راضية تعطيني فرصة نحكيلها ونسمع رايها واهي خالتي توا تحكيلكن عليا وبالك رنا ترضى تحكيلها بدل اللي ادير فيه فيا هذا ومرة اخرى اسف وطلع
رانيا:معقولة فيه جراءة هكي
عفاف:معليش يابنات امسحنها في وجي واعذرنه لان راجل وحب بصدق
سندس:بصراحة انا مازال مش مستوعبة اول مرة انشوف صالح يحكي بجدية هكي
رويدة:دوسة انتي شن تعرفيه
عفاف:صالح ولد اختي وعشان نقعد معاكن صريحة هو من يومين حكالي عالبنت اللي ايحبها بس ماكنت نحسابها اخت رانيا لو هذا راه دغري حكيت الدوسة وحكتلكن وخذينا راي رنا بدل كل هاللي صار
سندس:حصل خير اعميمة البنات مش زاعلات
عفاف:رنا يابنتي صالح ايحبك بصدق من اول ماشافك وانتو اصلا تعرفوه من قبل وهو الباين كان ايحبها وهي صغيرة ولما شافها توا انجن فيها اكثر ماانخبيش عليكن ان صالح نسونجي وقريب من سراج بس اول مرة يقعد في الحالة هذي اصلا اول مرة بنت اتخليه ايقرر يخطبها ويربط حياته بيها واول مرة يشتغل وايتعب روحه لان هو مش متاع شغل وجيته للمدرسة وشغله فيها كانت عشانك وهذا اكبر دليل ان ايحبك بصدق
رانيا:بس يااعميمة رنا مازال صغيرة عالكلام هذا
رويدة:رنوشة القرار مش لكي رنا توا كبيرة وتقدر اتقرر وهي من حقها اتجرب زيها زي كل البنات
سندس:انا مع كلام دودي بس هذا كله لو رنو ماعندهش حد في بالها
رنا شافت الرانيا
رانيا:انا اسفة رنو وفعلا هذا قرارك وهذي حياتك وحتى انا لما كنت في عمرك حبيت
رنا:هي مش قصة حب بس هو من اول يوم وهو تصرفاته غريبة معايا وبعد ماحكالي نفس الكلام هذا انحرجت وخفت لاني اول مرة نسمع كلام زي هكي
عفاف:يعني انتي يارنا مافيش في بالك حد
رنا سكتت
عفاف:بالله احكي وخليني انطمنه والله قاعد في حالة مايعلام بيها الا ربي
رنا:انا مش في بالي حد واصلا مش مفكرة في كل هالموضوع انا نقرا وانخاف نلتهى علي قرايتي بسببه
عفاف:يعني مافيش اي امل انك تعطيه فرصة
رويدة:رنو عطيه فرصة لو حاسة روحك معجبة بيه
رنا:لالا انا بجد حاليا ماانفكرش فيهن المواضيع هذينا وماانفكرش في الارتباط سوا علاقة او خطبة
عفاف:كنت انتمنى ردك غير هكي وانريحه بس طبعا في الاخير قرارك عن اذنكن بنات
سندس:خليك اعميمة عشان اتعصري معانا انا حاسبتك
عفاف:صحة بنمشي انشوف صالح ونحكيله وانشوف عمك قبل مايطلع
سندس:خلاص توا اندزلكم قرعتكم غادي
عفاف:مافيش داعي اتعبي روحك
سندس:مافيش تعب
عفاف طلعت
والبنات قعدن ايعصرن ويسألن في رنا عاللي صار وقعدت تحكيلهن وبعدها حاولن يقنعنها اتوافق واتجرب بس هي كانت مصرة علي قرارها وانها مش مفكرة في اي نوع ارتباط توا
“””””””
#عند_رؤوف
قاعد في سيارته ورن علي أسيل
أسيل كانت تتفرج عالتلفزيون وبعد رن فونها صبت وخشت الدارها وردت
أسيل:اهلا
رؤوف:اهلين شن جوك توا
أسيل:تمام وانت
رؤوف:تمام انتي وين قاعدة
أسيل:في حوشنا بس ليش سؤالك
رؤوف:عندك 10 دقايق تلبسي وتطلعي عالكفي اللي قريب منكم
أسيل:وعليش ان شاءلله
رؤوف:حتلقيني غادي نرجا فيك
اسيل:لا اكيدة مش حنجي اصلا عليش بنقابلك
رؤوف:بتقابليني لان اصدقاء ولاني انا قررت نحكيلك كل شيئ صار معايا حتى اللي ماحد عارفة
أسيل:تقدر تحكيه عالفون
رؤوف:لا ماايصيرش منه لازم انتلاقو وضروري
أسيل:اسفة مش حنقدر انتلاقه بيك
رؤوف:اسمعي انا حاليا قدام حوشكم يعني بنرجى 10 دقايق لو ماشفتكش طالعة والله بندق عليكم ونطلب اني انقابلك منهم
أسيل:انت من جدك شكلك مش عارف بابا وخويا شن ممكن ايديرولك
رؤوف:انا روحي بايعها شنو بيتعاركو معايا ياستي بيقتلوني عادي اهم شيئ انقابلك
أسيل:انت جديات تحكي
رؤوف:اسيل لا انا ولا انتي قررنا انتلاقو القدر هو اللي قرر عنه فلو سمحتي خلينا انعيشو اللحظات زي ماهنا من دون ماانغيرو فيهن لا برفض لا بقبول خلينا اللي اتجي في باله حاجة ايقولها وايديرها لان بجد انا وانتي محتاجين بعضنا واجد
أسيل سكتت
رؤوف:انا نرجى في الكافي وانتمنى اتجي وصدقيني مش ناوي الا الخير ومستحيل انضرك لاني نبي مساعدتك اكثر ماانتي تبي مساعدتي وسكر
أسيل قمعزت علي سريرها وقعدت اتفكر
“””””””
رؤوف مقمعز في الكافي له نص ساعة وعرف انها مش حتجي خذا فونه ومفتاحه وجا بيصبي
أسيل:شكلي طولت عشان بتمشي
رؤوف ابتسم;قلت شكلك مش جاية
أسيل:في الاول كنت مانبيش انجي وبعدين قررت نسمع كلامك وانعيشو اللحظات زي ماهنا بزبط
رؤوف:باهي شن اتحبي تشربي
أسيل:نسكافيه واي حاجة حلوة
رؤوف;تمام وكلم العامل وطلب نسكافيه وقاتو وهو طلب قهوة وقاتو
أسيل:هي احكيلي قصتك
رؤوف:تبيها بإختصار او كلها
أسيل:الافضل اتكون كلها
رؤوف:تمام وبدا يحكي من اول ماحب رانيا لعند اخر لحظة فراق بينهم يعني يوم اللي خطفها الشيئ اللي مازال ماحد عرفه خاطي رؤوف ورانيا وفيصل وتوا أسيل عرفاته
أسيل بصدمة;قصدك خطفتها
رؤوف:من كثر ماانحبها كنت نبيها اتكون ليا بأي طريقة بس برضو من كثر ماانحبها ماقدرتش انظرها
أسيل:معقولة فيه ناس اتحب بعضها كل هالحب هذا
رؤوف:فييه وفيه اللي اكثر من هكي بس اغلبية الحب الكبير ينتهي بفشل مش عارف ليش
أسيل:اغلب علاقات الحب اللي نسمع ايكون فشلهن نتيجة ان واحد مالاثنين ايخون او ان الهل مايقبلوش بس حالتكم غريبة
رؤوف:نحن افترقنا نتيجة انانية وخيانة اقرب الاشخاص ليا
أسيل:خوك اتلومه وتعذره يعني هو باهي اللي دار هكي احسن مااجوزتها وقعد ايحبها وهذكي هي اللي تعتبر خيانة فهو حلها مالبداية احسن بس هو اختار الطريقة الغلط كان يقدر يحكيلك
رؤوف:مش طريقته غلط هو وجوده في حياتي كلها غلط
أسيل:مااتقولش هكي في الاخير هو خوك وعمر الدم مايقعد مية يعني لو غلط غلطة بس اكيدة قبلها دايرلك حاجات كويسة واجدة
رؤوف:بس غلطته كبيرة الدرجة اني بسببها مش قادر حتى نذكرله حاجة كويسة من زمان
أسيل:حاول تذكر وحتلقى صدقني حتى لو وانتو صغار وقف معاك في مشكلة او ساعدك مرة في واجب او امتحان هكي حاجات بسيطة بس معناهن كبير
رؤوف:حاولت نذكر بس اللي داره طول الوقت قاعد قدام عيوني نظرته ليا وهو ايقولي انحبها مش قادر ننساها عارفة واجعني اللي داره هو فيا اكثر ماواجعني فراقي الرانيا ودمعو عيونه
أسيل:شن رايك انسكرو الموضوع ونحكو في شيئ اخرپئ
رؤوف:زي شنو مثلا
أسيل:زي شغلك مثلا احكيلي شنو الحالات اللي ايجنكم وهل منسجم فيه او لا
رؤوف:اكيدة منسجم لان هذا حلمي اصلا وفرحان اني حققته
أسيل:باهي شنو الاجواء في المستشفى
رؤوف:المستشفى عالم ودنيا بروحها ايمرن عليك فيها قصص اشكال وانواع
أسيل:زي شنو
رؤوف:زي مثلا امس واحد جا وقعدو ايخرفو قريب ساعة وبعدها كل واحد روح الحوشه
“””””””””‘
#عند_صالح
جاته عمته وحكتله كل اللي صار وبالتفصيل وقالتله ان البنت رافضة اي نوع مالارتباط لانها ماتبيش تلتهى عن قرايتها طبعا الاخ ماهمش كل الكلام الحاجة الوحيدة اللي هماته وفرحاته انها مش مرتبطة بحد وطلع وهو فرحان ان وصل الاول نقطة
“”””””””””
#عند_سندس
عالمغرب روحن صحباتها ولمت حوشها وكملت حوستها وقمعزت مسكت فونها وقعدت اترن علي سراج لقاته مقفل فصبت ومشت للفيلا عشان اتوعيه ولما وصلت رقت الداره دغري مالقتش نزلت تحت ومشت العمتها في دارها دقت عالدار وعفاف فتحت
عفاف:اهلا دوسة خشي تعالي
سندس خشت:اعميمة ماشفتيش سراج
عفاف:ليش هو مش راقد في داره
سندس:لالا وحتى انا السرير مش مقروب وكأنه مارقدش فيها اصلا
عفاف:غريبة ماشفتش لما طلع بس مش مشكلة توا انكلموه وانشوفوه وين
سندس:فونه مقفل
عفاف:ماتنشغليش عليه تلقيه طالع الحد من اصحابه وتليفونه طافي شحن اشوي وتلقيه جاي اصلا هو مايقدرش يبعد عنك اكيدة ماايصدق امتى صحباتك يمشن
سندس ابتسمت
عفاف:تعالي انشوفوهم شن دارو في العشاء وعلي ماجهزت الصفرة ايكون هنا
سندس:تمام ونزلت مع عمتها تحت
“””””””””
#عند_فيصل
طبعا ام وانيا كلمت ام فيصل وعطتها الموافقة وفيصل طار مالفرحة بعد حكتله امه وبدا يحكي الهله وايجهز للي بيديره واللي هو كان مقرر ايطلع فرح دغري?
“””””””
#في_الفيلا
جهز العشاء وقعدو يرجو في سراج وايرنو عليه وبرضو مازال فونه مقفل كلمو فيصل علي امل يقعد معاه او يعرف مكانه بس فيصل قال ان بعد اخر مرة شافه في المشروع معش شافه بكككل
سندس قعدت قالقة علي سراج وماحبت اتبين وبرضو باته وامه قلقو بس ماحدش حب ايبين للاخر وكل واحد ايطمن في روحه وفي اللي معاه وتعشو مع بعضهم
“””””
#الساعة 12
سندس مازالت في الفيلا ترجى في سراج ومعاها عمتها وعمها
سندس صبت:انا بنمشي للحوش
محمد:الوقت تأخر وشكله سراج مطول باتي هنا خير ماتقعدي بروحك
سندس:لا عمو سراج اكيدة حيجي بنمشي نرجاه غادي
عفاف:خليها براحتها
سندس:تصبحو علي خير ومشت الحوشها وقعدت ترجى في سراج واترن علي فونه اللي مازال مقفل
“””
محمد وعفاف قعدو يرجو لعند الساعة 2 ورقدو
اما سندس قعدت واعية لعند اذان الفجر وقلبها نار وكل اللي في عقلها ان سراج زاعل منها لان قالتله صحباتي بيجو وماخلاته يرقد في الحوش
صلت الفجر وبعدها معش قدرت اتقاوم ورقدت
“”””””””
صباح يوم جديد
سندس وعت الساعة 8 لقت سراج مازال ماجا مسكت فونها ورنت بس برضو مقفل هنا النار زادت اخرى وحست ان سراج صايرتله حاجة وقررت ماتمشيش للمشروع لأن ممكن ان سراج ايجي في اي لحظ
صبت غسلت وغيرت دبشها ونزلت دارت قهوة وقعدت مقمعزة ترجى وكل اشوي اترد اترن بس بلا اي فائدة فونه مقفل
“”””
#عند_صالح
ماكانش عنده حصة بس جا للمدرسة مخصوص عشان يحكي مع رنا وايحاول يقنعها
والوقت اللي جا فيه تحديدا كان استراحة الفطور خش للساحة وقعد ايدور في رنا ولقاها مقمعزة هي وبنتين صحباتها ويفطرن مشى وجا لعندهن
صالح:معليش ياطالبات نبي رنا بروحها اشوي
صحباتها شافن البعضهن ومشن ورنا صبت وبتلحقهن صالح صبى قدامها
صالح:ليش كل مااتشوفيني تهربي مني
رنا:لو سمحت خطاني وانا امس قلت الخالتك اني مش مفكرة في اي موضوع ارتباط
صالح:انتي عطيني فرصة وحدة والله ماتندمي ولا حنعطلك علي قرايتك بالعكس حنساعدك بأي وسيلة تبيها
رنا:لو تبي اتساعدني اتبطل حركاتك هذينا معليش بس حتى شكلي قدام البنات اللي يقرن معايا وابلاتي قعد بايخ
صالح:انا مش هامني اي حد انا نبيك ونبيك بالحلال لا نبي انكسد ولا نلعب
رنا:اذا انت مش هامك انا هامني انا هنا مالطالبات المميزات والكل عارف ان ماليش في الحاجات هذينا وانت هكي قاعد اتخربلي في سمعتي ارجوك بطل خلاص
صالح:عليش انخرب سمعتك انا مش طالب شيئ انا طالب فرصة وحدة وقولي باهي وخليني نخطبك والله حتى للمدرسة معش نبي انجيها ولا حنضايقك فيها
رنا:أسفة انا مش مفكرة في ارتباط توا انا مازال صغيرة وبنقرا ومشت وسيباته
صالح رفع راسه وشاف للبنات كيف ايشوفله ويهمتن البعضهن شافلهن زين وبرفعه حاجب وبنظرة جدية?وطلع مالمدرسة
“”””””
الـحـلـقـة (48)
گـتـابـتـي #Koka_Saleh
“”””””””””””””””””””””””””
صباح يوم جديد
كالعادة عند دوسة وسيرجو وعت دوسة دوشت وصلت الصبح ونزلت جهزت فطورها ووعت سيرجو وخش دوش وطلع ولبسو ونزلو فطرو وبعدها طلعو شالها حطها في المشروع وهو مشى للشركة واول ماخش مكتبه بدا في شغله دغري وقعد ايراجع في ملفات واوراق لقاهن عالمكتب يبن شغل وبينما وهو غارق في شغله جاته رساله ولما فتح عليها كانت من تالين وكان فحواها(اسفة علي كل كلامي واسفة علي حبي لكي ماكنتش قاصدة تزعل مني ومانحسبش كلامي ايعصبك الدرجة اتلزني بس والله مشاعري كانن صادقة انا مش قاصدة انخرب حياتك بس حبيت انصارحك بالشيئ اللي ليا اسنين داسته وتوا حتى لما انموت بنموت متريحة لاني اعترفت بحبي لكي انت اكثر شخص عارف ان ماعندي حظ في شيئ لا بأب ولا بأخوة ولاحتى بالشخص الوحيد اللي حبيته كنت بنسافر بس لما فكرت المن بنسافر انا ماعنديش حد غادي حتى بابا ماصدق طلعت من حياته لذلك انا اكثر شخص يستاهل الموت وحبيت انموت في بلادي وفي ترابها وفي اكثر مكان تقربت منك فيه وتبادلنا اسرار اخر مرة سلام ياحبيبي وسامحني اني قلتها بس حتكون اول واخر مرة انقولها وربي يسعدك علي قد ماحبيتك)
سراج انصدم مالكلام ودغري قعد ايرن عليها
“””””‘
#عند_رانيا
وعت وفطرت وطلعت مع باتها بيوصلها
واثناء وهما في الطريق
بات رانيا:رنوشة انا سألت عالشاب اللي جا خطبك والحق اللي عرفوه كلهم شكروه ليا ونعرف ناس تشتغل معاه قالو ان مهندس ناجح ومشاءلله عليه وانا ما الكلام اللي سمعته عليه تريحتله لكن نبي رايك هل انتي موافقة عليه او لا
رانيا طبست راسها وسكتت
بات رانيا:رانيا الموضوع مايبيش حشم هذا مستقبلك انتي وانتي اللي اتقرري وانا عارف ان يشتغل معاك واكيدة عارفته وعارفة اطباعه هل انتي موافقه اتكملي حياتك معاه او لا وكان موافقة خلينا نعطوهم الموافقة ولو رافضة قولي عشان انقوللولهم مافيش نصيب
رانيا:اللي اتشوفه انت يابابا
بات رانيا:مش اللي انشوفه انا هذي حياتك نبي رايك انتي
رانيا سكتت اشوي وبعدها ردت
رانيا:موافقة بابا
بات رانيا:علي بركة الله امالا حنخلي امك اليوم اتكلمهم وتعطيهم الموافقة
رانيا:ان شاءلله وسكتت وقعدت حاسة بشعور غريب ومش فاهمة اذا هي فرحانة او لا
وقعدت ساكتة طول الطريق وبعدها وصلو عالمشروع نزلها باتها ومشى الشغله واول ماخشت استقبلها فيصل
فيصل:صباحو يالحب
رانيا:صباحو
فيصل;طولتي اليوم من بدري نرجى فيك
رانيا:اليوم جيت مع بابا وتاخرنا في الطلعة مالحوش
فيصل:باهي تعالي نفطرو مازال مافطرتش ونرجى فيك
رانيا ابتسمت:كل يوم بدير هكي
فيصل:وانتي كل يوم بتقولي فطرت ونشرب قهوة بس
رانيا:لا اليوم مافطرتش ومقررة نفطر معاك
فيصل بفرحة:جديات?
رانيا:اها جديات☺
فيصل:نجك ليا وخلاص يامراتي?
رانيا ابتسمت
فيصل:خطرها علي سيرة مراتي ماعرفتيش باتك شن مقرر في موضوعنا
رانيا:توا حكالي وقالي سأل عليك وبيعطيك الرد اليوم
فيصل:باهي شن قال قصدي شن رده بيوافق ولا يرفض
رانيا:مش قايلة توا تعرف بعدين
فيصل:بلا صماطة والله اتقولي شن قالك
رانيا:انلا وهي نفطرو عشان جيعانة
فيصل:وراس رنوشة تحكي مااتخلينيش هكي علي اعصابي
رانيا:قتلك انلا?
مع جيت سندس شورهم
سندس:باهي اللي جيتي ياحنة من بدري نرجى فيك
رانيا:اول مرة اتجي قبلي اقطعيني بيها?
فيصل:سندس قوليلها اتقولي باتها شن قال بيوافق عليا او لا
سندس تضحك:دبينها تحرق في دمك هكي وماتبيش تحكي اكيدة موافق
فيصل:قولك هكي
رانيا:خليكم انتو حللو هنا وانا بنخش نفطر ومشت
فيصل:اسمعي انتي صاحبتها واكيدة تحكيلك اعرفي منها شن قال وقوليلي
سندس:حاظر ماعليك
ومشو وفطرو رانيا وفيصل مع بعضهم اما دوسة فشربت بس قهوة لانها فاطرة مع سيرجو?قبل ماتطلع
“”””””
#عند_سراج
لما قعد ايرن علي تالين مااتردش دغري عرف وين ممكن اتكون وطلع مالشركة دغري ومشى شور المزرعة واول ماوصل وخش قعد ايدور فيها في المزرعة كلها وبعدها اذكر الرسالة وانها كتبتله اخر مكان تقربتلك فيه وتبادلنا فيه الاسرار ودغري رقى للدار اللي كانت فيها لما جو للمزرعة واول ماخش لقى تالين ماسكة موس وحاطته علي يدها وبتقص وريدها
سراج دغري كر من يدها الموس
سراج بعصبية:انتي انجنيتي معقولة بتنتحري ياتالين
تالين تبكي:انا بذات قولي شنو السبب اللي بنعيش عليه في الدنيا
سراج:انتي مش كنتي بتسافري الباتك ليش قعدتي
تالين تبكي:انت كذبت الكذبة وصدقتها اي بات ياسراج انت عارف كل شيئ عارف ان مش مدورني وانا اخر همة عارف اكويس ان ماعنديش حد انتو الوحيدين اللي كنت انحس معاكم ان فيه حد ايحبني وايخاف عليا وانت بذات عارف انا شنو كنت بالنسبة لكي واتجي انت اللي اتلزني من عندكم
سراج:انتي عارفة ليش انا درت هكي حولي الكلام اللي في راسك وحتقعدي انتي تولي زي ماانتي صديقتي وخيتي اللي انعزها
تالين تبكي وبعصبية:انا مش اختك ومش صديقتك انا انحبك عارف شن معنى انحبك من انا عمري 12سنة وانا انحبك كبرت معاك وكبر حبي لكي معايا طول عمري واللي كان مسكتني انك مش متاع حب وعمرك مااعترفت بيه
سراج:تالين نحن تربينا مع بعضنا عساس خوت واصدقاء وانتي عارفة عمره ماصار بينا خاطي هكي ردي العقلك وردي زي زمان ونوعدك حتردي معايا وتقعدي معانا طول عمرك
تالين بعصبية;لا انا عمري مااعتبرتك صديق ولا اخ وقتلك مااعترفتش لانك انت كنت مش مدور الحب لو انك دورت عليه كنت القيته قدامك ومن اسنين كان واضح عليا وكل تصرفاتي ايدلن علي اني انحبك بس انت اللي كنت لاهي ورا نزواتك والبنات ومش ملاحظ شيئ كل بنت تاخذها وتمشي معاها كنت انموت الف موته بس اللي كان مصبرني ان مافيش ولا وحدة حبيتها كلهن كنت متاكدة انها حتكون سهرة ليلة وتمشي بس فجأة اتحب وتوصل بيك اتكلمني عشان انساعدك انك تعرف اذا اتحبك او لا
سراج بعصبية;وليش اتجي اصلا وانتي عارفة اني حبيت وليش اتوافقي اتساعديني وانتي قلبك معبى هكي
تالين:انا جيت لاني قلت نزوة واتعدي وبذات لما قتلي مازال ماصار بينكم شيئ قلت في عقلك شيئ معين وبتاخذه لاني عارفة هذا تفكيرك بس لما جيت وشفتك كيف اتحبها وكيف متعلق فيها ماقدرتش نسكت وقلت لازم تعرف مشاعري وانا احق منها بيك انا اللي حبيتك الاولى انا اللي مستعدة انحارب العالم عشانك انا ماعنديش الا انت لا ام ولا أب ولا خوت انت ياسراج بس وجت هي وخذاتك مني ومش بس انت عمتو وعمو اللي كانو ايحبوني زي بنتهم جت هي وشاركتني فيهم وخذت حبهم وقعدو ايحبوها حتى اكثر مني وايعاملو فيها انها بنتهم وانها وحدة مالعيلة وطلعتني من قلبكم كلكم ورديت بروحي وماعندي حد وتبيني ماننتحرش انا اكثر وحدة تستحق اتموت لان ماعندهش حد ايدورها وقعدت تبكي?
“””””””
#عند_سندس_ورانيا
فيصل:انا طالع بنشوف العمال وانجي
سندس ورانيا:تمام
سندس:هي ياحنة احكيلي عمو شن قالك علي فيصل
رانيا:عارفة ان فيصل قايلك اسأليها واعرفي الرد
سندس:توا خلينا من فيصل انا جديات بنعرف شن رد عمو
رانيا:بابا قالي ان سأل عليه وان الكل قالو كويس وقالي القرار قرارك انتي
سندس;وانتي شن رديتي عليه
رانيا:قتله موافقة
سندس:وحاسة روحك متريحة بعد القرار هذا
رانيا:اول ماوافقت قعد قلبي ايطق بقوة ومعش عرفت روحي فرحانة او لا وخفت نندم لان قعد تفكيري كله في اللي صار معايا وفي رؤوف?بس اول ماوصلت للمشروع والقيت فيصل وكيف يرجى فيا تغير جوي وحسيت ان فعلا هذا القرار الصح وان مستحيل نندم عليه
سندس:باهي انتي شن شعورك تجاه فيصل
رانيا:فيصل راجل اي بنت في الدنيا اتمناه(سمعتن يامعجبات فيصل بذات انتي رتولي?)طيب وحنون وايحبني
سندس:توا انا نبي رايك انتي فيه مش هو شنو
رانيا:بصدق انا اصلا من اول مااشتغلت معاه وانا معجبة بيه وبشخصيته وبعد اعترفلي بحبه وبعد قعدنا نحكو قعدت نفقد فيه لما ماايكلمنيش وقعد انرايفله وقعدت انحب انهدرز معاه وطول ماانا نحكي معاه ماانملش بكل يعني تقدري اتقولي قعد من اهتماماتي الاولية
سندس:الله اكبر يعني اشوي ونسمع انك حبيتيه
رانيا:قولي ان شاءلله
سندس:ان شاءلله يارب يارنوشة اتحبيه واتعيشي معاه اجمل واسعد ايام في حياتك
رانيا:ان شاءلله
سندس:اسمعي بالمناسبة السعيدة هذي انا اليوم عازمتكن انتي ودودي في حوشي انخرفو وانهدرزو علي حياتنا واللي صار معانا من تطورات
رانيا ضحكت:كالعادة يعني
سندس:ليش نحن عندنا المن نحكو خاطي البعضنا
رانيا:لا والله ان شاءلله ربي ايخلينا البعضنا
سندس:يارب ان شاءلله
سندس:خطرها وجيبي معاك رنا
رانيا;وشن نبو فيها امتى عمري جبتها معايا
سندس:رانيا بلا حقارة لازم تقتنعي ان اختك كبرت ومافيها شيئ كان جت معاك وهدرزنا بالك حتى هي تقعد حابتلها شي واحد وتحكيلنا
رانيا ضحكت:ينعن جد هذ رنا مازال صغيرة عالكلام هذا
سندس:صغيرة وانتي ناسية في عمرها في شن كنتي اتفكري وبعدين خليها تفتح قلبها وتحكيلنا وانصاحبوها وننصحوها نحن احسن ماتمشي تحكي البنات طايشات وايودرنها
رانيا:والله معاك حق خلاص توا انجيبها بس انتن احكن معاها انا مادخلنيش
سندس:انتي غير جيبيها وماعليك
رانيا:ان شاءلله غير تابا تمشي ديما اي مشوار اتقول عندي قراية
سندس:انا حتجيني لان كل مرة انتلاقو اتقولي خاطري انشوف حوشك
رانيا:خلاص توا انجيبها
سندس:خلينا نطلعو انشوفو الشغل اشوية
رانيا:هيا
“”””””””
#عند_صالح_ورنا
كانت عنده الحصة الرابعة وخش للفصل بس اول ماخش ماشفش رنا
صالح:صباح الخير
الطالبات:صباح النور
صالح:وين رنا غايبة اليوم
تنسيم صاحبتها اللي في البنك
تنسيم:لا استاذ رنا مرضت توا ومشت المكتب الاخاصئية بتريح اشوي
صالح جا بيطلع اشوي صبت وحدة مالطالبات
الطالبة:كيف يااستاذ يعني كان رنا مش قاعدة معش تعطينا حصة قعدن البنات كلهن يضحكن
صالح:لا كيف اكيدة بنعطيكن بنسكر الباب بس وسكر الباب وقعد يعطي في الدرس بس عقله كله كان مع رنا اللي عرف انها دايرة الحركة قصدا
وبعد كملت الحصة طلع صالح وصبى قدام الباب متاع الفصل يرجى فيها
رنا طلعت من مكتب الاخصائية وجت شور فصلها وانصدمت لما شافت صالح مازال يرجى فيها وصالح اول ماشافها جاها
صالح;ليش قاعدة اديري فيا هكي كله لاني قتلك انحبك انا مش طالب شيئ انا بس بنعرف انتي مرتبطة او لا
رنا مطبسة راسها لوطة ومن غير اي كلمة او حتى انها اتشوفله مشت بسرعة وخشت للفصل وجا صالح بيخش وراها مع خشت الابلة اللي حصتها توا
الابلة:فيه حاجة استاذ حصتي توا
صالح:لالا مافيش شيئ ومشى وسيبها وطلع مالمدرسة وركب في سيارته
صالح بعصبية:هي ليش ادير هكي انا مش فاهم شيئ معقولة البنت الوحيدة اللي حبيتها ماتبيش حتي اتبحت في وجي
“””””””
#عند_رؤوف
كمل شغله في المستشفى وخش الغرفة في المستشفى يستريحو فيها الطلبة
قمعز عالكرسي اشوي وبعدها قعد ايفكر في اسيل وفي كلامها اللي أمس مسك فونه وحط علي رقمها ورن عليها
أسيل ماالهش واجد كيف واعية وقاعدة تفطر ولما رن فونها وشافاته رؤوف ردت
رؤوف:صباح الخير
أسيل:صباح النور
رؤوف:شن اخبارك اليوم
أسيل:تمام شن اخبارك انت
رؤوف:تمام امتى الوعية
أسيل:ماليش واجد
رؤوف:معقولة شكلك كسولة اشوي وتقعد الساعة 12
أسيل:ماورايا شيئ عليش بنوعى بدري
رؤوف:والله ياعوينك مش كيفي مالساعة 7 في المستشفى
أيل:عليش في المستشفى عندك حد مريض
رؤوف:لا والله بس انا دكتور يعني مازال ماقعدتش دكتور بس هذي سنة الامتياز كلها كم شهر ونقعد دكتور جديات
أسيل:صح معناها انت اللي ياعوينك
رؤوف:هذا حلمك صح
أسيل:اووف شكله روبرتاج حياتي كله عندك
رؤوف:لا مش كله حاجات بسيطة اللي نعرفهن الباقي بنعرفهن منك
اسيل:عليش عشان اتساعدني نطلع من الحالة هذي
رؤوف:انساعدك واتساعديني
اسيل:بما انها قعدت هكي فيه حاجة بنقولها لكي
رؤوف:شنو
أسيل:مش انت أمس حكيتلي علي وحدة كانت بتنتحر وانت نقذتها
رؤوف:اها
أسيل:البنت هذي هي انا
رؤوف بصدمة:تحكي جديات انتي ولا اتبصري
أسيل:والله ماانبصر انا فعلا صار معايا اللي انت حكيته
رؤوف:مش معقولة
أسيل:انا طبعا مش متذكرتك لان الفترة هذكي بذات كان لينا كيف متوفية ومش قادرة نستوعب اللي صار وكان عقلي مش معايا بس نذكر الاحداث نذكر ان فيه حد كرني واللي صار كان في نفس الوقت اللي انت حكيت عليه ونفس العمر ونفس اللحظة اللي انت وصفتها
رؤوف:معناها هذا ليش نحلم بيك لاني شايفك يعني حلمي ماطلعش من فراغ انا بروحي ماكنتش امصدق قصة ان واحد يحلم بوحدة ايشوفها غريبة ومااتصيرش الا في الخيال واخيرا اللغز انحل بس انا ليش مااذكرتكش مع اني متذكر اللي صار
أسيل:ممكن لان القصة قديمة
رؤوف:ممكن
أسيل:باهي انا بنعرف شنو كنت تحلم
رؤوف:قعد يحكيلها في الحلم
رؤوف:يعني نفس ماتلاقينا أول مرة الفرق في المكان بس
أسيل;مافسرتش الحلم
رؤوف;لا مافسرتش (رؤوف قال هكي لان ماكان يبيها تعرف ان كلمها لان فسر الحلم وعرف انها في حاجة مساعدة)
اسيل:شوف حد ايفسر الاحلام وفسره
رؤوف:مش مهم عندي توا تفسير الحلم الاهم اني عرفت ليش حلمت بيك انتي بذات لان كان محيرني
أسيل:وليش انا بذات
رؤوف:اول حاجة لاني شايفك من قبل وكنت المنقذ الحياتك ثاني حاجة واللي هي الاهم ان اللي صاير معاك ومعايا عكس بعضنا
أسيل;كيف عكس بعضنا
رؤوف:يعني سبب ألمك في الحياة هو فقدانك الاعز شخص عندك وانا سبب ألمي في الحياة كان بسبب اعز او اللي كان اعز شخص عندي واللي هو خويا
أسيل:صح وجهة نظر
رؤوف:وجهة النظر اللي هي انا بحاجتك وانتي بحاجتي
أسيل سكتت
رؤوف:احكيلي علي حياتك كيف كانت قبل وفاة لينا
أسيل:عادي كنت بنت مرحة اتحب الضحك واتحب الناس كلها وكنت انحب القراية وكان عندي أحلام وطموحات واااجد
رؤوف:شن كانن احلامك
أسيل:كنت بنقرا طب بشري وبعد ماانكمل بندير عيادة مجانية وفيها كل امكانيات العيادات الخاصة اللي بالفلوس
رؤوف ضحك:بس هكي مش حتوفي معاك ماديا كيف كنتي بديريها
أسيل:مش عارف بس هذا كان حلمي وماننسوش ان فيه ناس واجدة اتحب اتساعد ومشروع خيري زي هذا فيه نفع واجد للناس
رؤوف:حققي حلمك وانا معاك فيه ونوعدك انساعدك فيه وانجيبلك ناس اتساعدك سوا ماديا او يشتغلو معاك في العيادة
أسيل:ماخلاص كل شيئ كان احلام توا خلاص
رؤوف:ليش خلاص
أسيل;معش عندي نية في شيئ حتى قرايتي سيبتها
رؤوف:قرايتك ساهل جدا اترديلها وكلها كم سنة واتخرجي واتحققي حلمك
اسيل:فوت الموضوع
رؤوف:مش فايته انا حاليا باتي ايديرلي في عيادة عساس اول ماانتخرج تقعد واتية ونقدر من خلال العيادة هذي انحقق حلمك انتي
اسيل ضحكت:شن دخل عيادتك في عيادتي
رؤوف:شوفي انا كلها كم شهر وانتخرج ونمسك عيادتي وانتي تبدي في قرايتك 7سنين واتكملي طبعا هذا في حال اتكوني شاطرة والسنة بسنتها وخلاص 7سنين هذينا انا عيادتي تشتغل اندير حساب في البنك وانحول فيه جزء من ارادات عيادتي ولما انتي اتكملي ايكون في مبلغ كبير ايساعدنا واجد في عيادتك انتي ولما تفتح عيادتك برضو حيكون الجزء من ارادات عيادتي من حصت عيادتك وبهكي اتكون مساعدتي لكي مدى الحياة
أسيل ضحكت:لما حكيت معاك حسيتك عاقل بس توا بانلي عكس هكي
رؤوف بجدية:أسيل انا نحكي جديات وماانبصرش كملي قرايتك وانا انساعدك في تحقيق حلمك
أسيل:موضوع قرايتي امره منتهي
رؤوف:لا مش منتهي هذا حلمك ولازم اتحققيه ومش حتحققيه الا اذا كملتي قرايتك
أسيل:انا معش نقدر نقرا افهم ومانقدرش انكمل في مكان انا ولينا كنا نحلمو بيه
رؤوف:تقدري اتكملي ولو مش عشانك عشانها مش هذا حلمها حتى هي كملي فيه عشان اتفرحيها في قبرها
أسيل:شكلي غلطت لما رديت عليك وحكيت معاك
رؤوف:ليش تحكي هكي انا بس نبيك اتحققي اللي تحلمي بيه
أسيل:اسمع يارؤوف لو تبينا اصدقاء فوت قصة قرايتي لاني مش حنكملها أنا معش عندي قدرة اندير شيئ
رؤوف:ماشي اسيل اللي اتريحك
أسيل:وتوا خليك مني انا واحكيلي اللي صاير معاك انت واحكيلي علي حبك الرانيا من بدايته النهايته
رؤوف:تمام حنحكيلك بس انا قصتي طويلة وتوا عندي شغل في المستشفى انكمله وانرن عليك
أسيل:تمام معناها سلام توا
رؤوف:سلام وسكر وطلع ايكمل في شغله
“”””””””
#عند_سندس
الساعة 1:50م
رانيا:دوسة هيا روحي معايا وخلاص
سندس:لالا سراج توا ايجي
رانيا:بس هو تأخر
سندس:توا ايجي توا وبعدين كان روحت معاك والله ايديرها زعله
رانيا:باهي براحتك سلام توا بابا برا
سندس:سلام وماتنسيش اليوم اتجي حتى دودي جاية راه
رانيا:تمام مش ناسية وطلعت الباتها
سندس مسكت فونها وقعدت اترن علي سراج ماايردش
فيصل:رانيا عدت
سندس:اها توا طلعت
فيصل:ماطلعتش معاها خفت باتها يقعد نازل وايشوفني انوصل فيها ايتعقد مني وانا نبيه يرضى بيش ايوافق
سندس ضحكت:اصلا هو وافق
فيصل:تحكي جد
سندس:والله نحكي جد قالتها ليا رنوشة واكيدة حتروح الحوش تلقى امك عندها الخبر
فيصل بفرحة:واخيرا عطونا الرد
سندس ضحكت:اللي يسمعك ايقول انك لك شهر خاطبها تي انت مالكيش كم يوم
فيصل:اتصدقي والله حسيتهن كم شهر
سندس ضحكت:اخس عالحب شو بيذل
فيصل ضحك:كيف ماذل نصي وخلاه ايتخلى علي حياته اللي زمان وخش الحياتك انتي الخاصة
سندس:كيف انت تبيه ايرد الظلاله اللي زمان
فيصل:فكنا الله انا اكثر واحد ماصدقته تغير
سندس;نحسابك?
فيصل:خطرها وينه كنه تاخر
سندس:والله ماني عارفة اول مرة ايديرها وانرن عليه ماايردش
فيصل:اكيدة عنده حاجة في الشركة معطلته
سندس:اكيدة
فيصل طلع فونه:توا انرن انا انشوفه وقعد ايرن مع جية سراج
سندس:خلاص اهو جا
سراج درس سيارته
سندس;كنك طولت عليا
سراج:كان عندنا اجتماع وطول
سندس:اها باهي انجيب شنطتي وانجيك
سراج:باهي سندس مشت اتجيب شنطتها
فيصل:قول خير ازح
سراج:خير
فيصل;نصي كنه جوك مش تمام
سراج:راسي مصدع بس
فيصل:سلامتك
سندس جت وركبت مع سراج وطلعو
سندس:قبل بنروح مع رانيا وبعدها خفتك تزعل
سراج:اها
سندس:شنو اها هذي
سراج:راسي مصدع مالاجتماع ومش متحمل دوة
سندس:باهي اسفة وحنسكت
وفعلا قعدت ساكته لين وصلو
سراج:بنتغدو هنا عفوفة كلمتني وقالت حاسبتنا عالغداء
سندس:تمام ونزلو وخشو للفيلا لقو الغداء جاهز تغدو وكانت عفوفة وسندس وعمو محمد ايهدرزو وسراج موش معاهم بكل
عفاف بينها وبين سندس
عفاف:كنه سراج
سندس:مش عارفة قال راسي مصدع
عفاف:اها بعد الغداء نعطيه بنادول يقعد كويس
سندس:ان شاءلله
وبعد كملو الغداء قعدو الخدم ايلمو وهما صبو بيشربو شاهي
سراج:انا راسي مصدع وبنمشي نرقد
محمد:خوذ معانا طويسة شاهي وبعدها ارقد
سراج:لا والله مش قادر بكل راسي صداع
سندس:باهي عادي ترقد هنا اصلا صحباتي بيجني
عفاف:اهي دارك واتية خش ارقد فيها وخليها هي مع صحباتها براحتهن
سراج شاف السندس زين وماردش ولا كلمة ورقى الداره فوق
سندس:حي اعميمة شكله زعل
عفاف:اشوي ويرضى عدي انتي شوفي شن ناقصك وتعالي قوليلي عشان اندزو السواق ايجيبهن لنا
سندس:حاظر اعميمة ومشت الحوشها بس كل عقلها كان في سراج اللي زعل منها واول ماخشت الحوش دغري مسكت فونها ورنت عليها وسراج رد
سراج:ايوا
سندس:حبيبي زعلت مني
سراج;لا مش زاعل بس راسي مصدع
سندس:اكيدة
سراج:اكيدة
سندس:باهي عادي انجيك توا ناخذ منك بوسه
سراج بعصبية:سندس قتلك مصدع
سندس:خلاص اسفة ارقد وسكرت وهي اتفكر فيه وعارفة ان زعل منها فوق ماانه مريض وبحاجتها ومالقهش بس شن بدير هي اللي قالت الصحباتها ايجنها
خشت للمطبخ وشافت شن ناقصها وطلعت قالاته العمتها ودزتلها السواق وبعدها مشت هي وعفاف للحوش وقعدت اتجهز معاها في ضيافتها الصحباتها واتساعد فيها في ترتيب الحوش
عالساعة 4:30 جت رانيا ورنا اول وحدات وبعدهن دغري رويدة استقبلتهن سندس وعفوفة استقبال حلو وخرفت معاهن عفاف اشوية وبعدها خلتهن براحتهن
البنات مقمعزات في الصالة ويشربن في نسكافيه وحلو
رويدة:حلو طعمة المني كيك من وين جبتيه
سندس:العنوان عارفته اعميمة توا انجيبلك الوصف منها
رويدة:جيبيه ليا قبل مانطلعو عشان انقول المعاذ ناخذو منه للبنات ايحبنه
رانيا:خطرها معاذ شن جوه معاك معش فيه أحلام لا ذكريات
رويدة:لا خلاص الحمدلله تريحنا
رانيا;باهي الحمدلله ربي ايهنيكم
رويدة:يارب
رانيا:باهي انتن الاثنين مافيش بيبي هكي ولا هكي بنقعد خاله ازح
رويدة:ماحلنيش انا ماليا شيئ منزلة
سندس:ونحن محسوبين حياتنا الزوجية توا غير بدت وانا وسراج مازال مش مستعجلين وبعدين مااعتقدش سراج يقدر يقعد اب
رانيا ورويدة عده تفكيرهن المكان اخرى وشافن البعضهن
رانيا:قصدك سراج ورفعت حواجبها
سندس تضحك:مش هكي ياحقيرات قصدي ان مازال هو بروحه طبعه زي العيل الصغير وكان انجيب بيبي يقعد دايرلي راسه من راس البيبي
رويدة تضحك:فجعتيني
رانيا تضحك:حتى انا انفجعت وقلت كنها ماحكتش وليش متحمله
سندس تضحك:لا مالناحية هذي اطمنن مهني وبزيادة اخرى?
رويدة:ربي ايهنيكم ياقلبي?
سندس:ياارب
رنا كانن يحكن وهي تاكل وساكته وكانت منحرجة من كلامهن
سندس:رنو كنك ساكتة شاركي في الحديث
رنا ابتسمت:اهو قاعدة نسمع فيكن
سندس:رنو مافيش اي جاجة هكي ولا هكي عندك
رنا:حاجة زي شنو
سندس:حب ولا اعجاب
رنا:لالا مافيش
رويدة:عادي رنو احكي حتي نحن صحباتك وانتي كبيرة توا اكيدة فيه حاجة مالنوع هذا
رانيا:كان متحشمه مني انصبي واحكيلهن
رنا:لا والله بس لو فيه حاجة راه حكيت
رويدة:حتى اعجاب او حب من طرف واحد أسأليني انا عالحب من طرف واحد وقعدت تضحك
سندس:يخطر عليك يوم اللي القيناها منستهة عالمقعد وفونها مكسور وانقولولها ياخذ سوك وهي اتقول طويل وعريض يابنات ?
رانيا:ولا لما كملنا اول سنة ونحن انتبعو في معاذ من مكان المكان عليك ايام ايهبلن?
رويدة;من قال بعد كل اللي صار فيا ناخذه
سندس:ماتحكي شيئ كله عالنصيب
رانيا:ومن قال دوسة اتحب ومن اتحب اخرى اكثر حد كرهاته في حياتها ومن قال انا ناخذ حد اخرى خاطي رؤوف فعلا كله نصيب
سندس:معليش رنوشة صدقيني هكي احسنللكم وفيصل كويس وايحبك
رانيا;والله عارفة بس خطرها النصيب
رويدة:عارفات في شنو انفكر لما رؤوف يعرف انك انخطبتي شن ممكن ايدير
رانيا:قصدك هو مازال ماعرف
رويدة:لا مازال وجد خايفة من ردت فعله خايفة ايدير في روحه حاجة
سندس:لا لا مش للدرجة هذي رؤوف عاقل اكيدة حيتوجع اشوي وبعدها خلاص
رويدة:ان شاءلله تقعد هكي بس
رانيا قعدت ساكتة
سندس قعدت بتغير الجو اللي قعد متكهرب
سندس:هيا ياحناتي وانتن مقمعزات كيف الضيوف صبن عن مرض وتن معايا العصرية
وصبن كلهن وخشن للمطبخ مع بعضهن
“”””””
#في_الفيلا
عمو محمد عند سيارته وايولع فيها مع جية صالح
صالح:شنج خالي
محمد; الواحد ايقول السلام عليكم لعند امتى انت وسراج انعلمكم
صالح يضحك:لا نحن تعلمنا لا انت مليت
محمد يضحك:والله صدقت
صالح:سراج في حوشه
محمد;اها
صالح:بنمشيله اشوي وانرد عليك خليك ماتطلعش انجيب سراج وانجو انكسدو عليك
محمد:ينعن شكلك انت وسراج اتحقو فيا مكسدة لكم وجا بيلحقه
صالح مشى يجري
مع طلعت عفاف
عفاف:في من اتهارج
محمد:صالح الهبل
عفاف:وينه كنه ماخش
محمد:جاي يبي سراج ومشاله في حوشه
عفاف:بس سراج مش في حوشه هو راقد في داره فوق
محمد:يي انسيت بكل ان سندس عند صحباتها عدي الحقيه بسرعة قبل ماايدق
عفاف:هي ماشيتله توا وطلعت
صالح وصل عند الباب ودق
سندس;وحدة منكن تفتح يابنات اكيدة اعميمة جت
رنا:توا نفتح انا وطلعت وفتحت الباب وهنا الصدمة(وصار لازم ندخل?)
صالح بصدمة;رنا?
رنا:أستاذ صالح انت شن تبي هنا
صالح:انتي اللي شن جابك هنا
رنا خافت البنات يسمعن:عدي من هنا لو سمحت وجت بتسكر الباب
صالح مسك الباب بيده:اصبري بس
رنا:ارجوك امشي اختي جوا ولو اتشوفك تقعد قصة
صالح:وين اختك خليني نحكيلها بالك تفهمني
رنا بخوف:لالا لو سمحت عدي
مع جية عفوفة
عفاف:صالح ارجى ماادقش سندس عندها صحباتها
رنا سكرت الباب وخشت وهي ترعش في الصالة ومعش قدرت اتخش عالبنات في المطبخ
صالح يحكي بسرعة ومرتبك:هي ياخالتي قاعدة جوا
عفاف:قصدك انت دقيت وفتحولك
صالح:وراس خالتي خشي احكيلها قوليلها اني انحبها ونبيها بالحلال
عفاف:من هذي ياصالح انت كنك
صالح:رنا ياخالتي البنت اللي حكيتلك عليها
عفاف:قصدك البنت اللي حكيتلي عليها هي نفسها رنا اخت رانيا
صالح;اها هي والنبي ياخالتي خشي احكيلها هي واختها
عفاف:غير اهدى واصبر وفهمني بس
البنات طلعن مالمطبخ وجايبات الموالح والمشروب ولقن رنا مصبية في الصالة ومرتبكة
سندس:رنو من اللي دق
رنا اتشوفلهن واتحرك في ايديها علي بعضهن ومرتبكة
رانيا:رنا شن فيه كنك خايفة هكي شن صاير
عفاف:مانقدرش انخش نحكي للبنات هكي عيب وبذات ان البنت مش راضية تحكي معاك
صالح:خالتي هي مرتبكة مش ماتبيش تحكي معايا وانا مانبيش شيئ اكثر مااتقوليلهم اني انحبها وتعرفيلي اذا مرتبطة او لا
عفاف:باهي انت امشي توا وانا حنحكي معاهن وانكلمك بعدين
صالح:انا معش نقدر انتحمل اكثر من هكي وجا عند الباب ودق
عفاف:صالح عيب اللي ادير فيه قتلك امش من هنا
سندس فتحت الباب
سندس:شن فيه صالح
صالح خش وعفاف خشت وراه
سندس:هو انت وين مندعب
عفاف:صالح اطلع فكنا مالكشايف
صالح:من فيكن اخت رنا
سندس شافت الرانيا ورويدة اللي قعدت ايشوفن البعضهن
سندس;انت شن عرفك برنا
صالح:لو سمحتن جاوبني
رانيا:انا اختها عليش تسأل وانت اصلا شن عرفك برنا
صالح:انا انحبها ونبيها بالحلال ونبي انجيب هلي وانتقدملها رسمي بس هي رافضة تحكي معايا ولا تبي اتقولي اذا هي مرتبطة او لا
رانيا شافت الرنا:هذا منين تعرفيه
رنا بخوف;والله مانعرفه هو مدرس في المدرسة ومن أول ما جا للمدرسة وهو يحكي في نفس الكلام
صالح:انا قعدت استاذ في مدرستها عشان نقدر نحكي معاها وانا نعرفها من هي صغيرة انا صالح ولد جيرانكم اللي زمان بس هي مش متذكرتني
رنا شافتله زين:انت اللي زمان اوكي اذكرتك
صالح:واخيرا حد اذكرني انا والله نبيها بجديات ولاني مكسد ولا نلعب بس لو تحكي معايا كلمة واتقولي موافقة عليك
رانيا:تهيالي ان هذا مش مكان النقاشات زي هذينا
صالح:عارف واسف اني درت هكي بس هي مش راضية تعطيني فرصة نحكيلها ونسمع رايها واهي خالتي توا تحكيلكن عليا وبالك رنا ترضى تحكيلها بدل اللي ادير فيه فيا هذا ومرة اخرى اسف وطلع
رانيا:معقولة فيه جراءة هكي
عفاف:معليش يابنات امسحنها في وجي واعذرنه لان راجل وحب بصدق
سندس:بصراحة انا مازال مش مستوعبة اول مرة انشوف صالح يحكي بجدية هكي
رويدة:دوسة انتي شن تعرفيه
عفاف:صالح ولد اختي وعشان نقعد معاكن صريحة هو من يومين حكالي عالبنت اللي ايحبها بس ماكنت نحسابها اخت رانيا لو هذا راه دغري حكيت الدوسة وحكتلكن وخذينا راي رنا بدل كل هاللي صار
سندس:حصل خير اعميمة البنات مش زاعلات
عفاف:رنا يابنتي صالح ايحبك بصدق من اول ماشافك وانتو اصلا تعرفوه من قبل وهو الباين كان ايحبها وهي صغيرة ولما شافها توا انجن فيها اكثر ماانخبيش عليكن ان صالح نسونجي وقريب من سراج بس اول مرة يقعد في الحالة هذي اصلا اول مرة بنت اتخليه ايقرر يخطبها ويربط حياته بيها واول مرة يشتغل وايتعب روحه لان هو مش متاع شغل وجيته للمدرسة وشغله فيها كانت عشانك وهذا اكبر دليل ان ايحبك بصدق
رانيا:بس يااعميمة رنا مازال صغيرة عالكلام هذا
رويدة:رنوشة القرار مش لكي رنا توا كبيرة وتقدر اتقرر وهي من حقها اتجرب زيها زي كل البنات
سندس:انا مع كلام دودي بس هذا كله لو رنو ماعندهش حد في بالها
رنا شافت الرانيا
رانيا:انا اسفة رنو وفعلا هذا قرارك وهذي حياتك وحتى انا لما كنت في عمرك حبيت
رنا:هي مش قصة حب بس هو من اول يوم وهو تصرفاته غريبة معايا وبعد ماحكالي نفس الكلام هذا انحرجت وخفت لاني اول مرة نسمع كلام زي هكي
عفاف:يعني انتي يارنا مافيش في بالك حد
رنا سكتت
عفاف:بالله احكي وخليني انطمنه والله قاعد في حالة مايعلام بيها الا ربي
رنا:انا مش في بالي حد واصلا مش مفكرة في كل هالموضوع انا نقرا وانخاف نلتهى علي قرايتي بسببه
عفاف:يعني مافيش اي امل انك تعطيه فرصة
رويدة:رنو عطيه فرصة لو حاسة روحك معجبة بيه
رنا:لالا انا بجد حاليا ماانفكرش فيهن المواضيع هذينا وماانفكرش في الارتباط سوا علاقة او خطبة
عفاف:كنت انتمنى ردك غير هكي وانريحه بس طبعا في الاخير قرارك عن اذنكن بنات
سندس:خليك اعميمة عشان اتعصري معانا انا حاسبتك
عفاف:صحة بنمشي انشوف صالح ونحكيله وانشوف عمك قبل مايطلع
سندس:خلاص توا اندزلكم قرعتكم غادي
عفاف:مافيش داعي اتعبي روحك
سندس:مافيش تعب
عفاف طلعت
والبنات قعدن ايعصرن ويسألن في رنا عاللي صار وقعدت تحكيلهن وبعدها حاولن يقنعنها اتوافق واتجرب بس هي كانت مصرة علي قرارها وانها مش مفكرة في اي نوع ارتباط توا
“””””””
#عند_رؤوف
قاعد في سيارته ورن علي أسيل
أسيل كانت تتفرج عالتلفزيون وبعد رن فونها صبت وخشت الدارها وردت
أسيل:اهلا
رؤوف:اهلين شن جوك توا
أسيل:تمام وانت
رؤوف:تمام انتي وين قاعدة
أسيل:في حوشنا بس ليش سؤالك
رؤوف:عندك 10 دقايق تلبسي وتطلعي عالكفي اللي قريب منكم
أسيل:وعليش ان شاءلله
رؤوف:حتلقيني غادي نرجا فيك
اسيل:لا اكيدة مش حنجي اصلا عليش بنقابلك
رؤوف:بتقابليني لان اصدقاء ولاني انا قررت نحكيلك كل شيئ صار معايا حتى اللي ماحد عارفة
أسيل:تقدر تحكيه عالفون
رؤوف:لا ماايصيرش منه لازم انتلاقو وضروري
أسيل:اسفة مش حنقدر انتلاقه بيك
رؤوف:اسمعي انا حاليا قدام حوشكم يعني بنرجى 10 دقايق لو ماشفتكش طالعة والله بندق عليكم ونطلب اني انقابلك منهم
أسيل:انت من جدك شكلك مش عارف بابا وخويا شن ممكن ايديرولك
رؤوف:انا روحي بايعها شنو بيتعاركو معايا ياستي بيقتلوني عادي اهم شيئ انقابلك
أسيل:انت جديات تحكي
رؤوف:اسيل لا انا ولا انتي قررنا انتلاقو القدر هو اللي قرر عنه فلو سمحتي خلينا انعيشو اللحظات زي ماهنا من دون ماانغيرو فيهن لا برفض لا بقبول خلينا اللي اتجي في باله حاجة ايقولها وايديرها لان بجد انا وانتي محتاجين بعضنا واجد
أسيل سكتت
رؤوف:انا نرجى في الكافي وانتمنى اتجي وصدقيني مش ناوي الا الخير ومستحيل انضرك لاني نبي مساعدتك اكثر ماانتي تبي مساعدتي وسكر
أسيل قمعزت علي سريرها وقعدت اتفكر
“””””””
رؤوف مقمعز في الكافي له نص ساعة وعرف انها مش حتجي خذا فونه ومفتاحه وجا بيصبي
أسيل:شكلي طولت عشان بتمشي
رؤوف ابتسم;قلت شكلك مش جاية
أسيل:في الاول كنت مانبيش انجي وبعدين قررت نسمع كلامك وانعيشو اللحظات زي ماهنا بزبط
رؤوف:باهي شن اتحبي تشربي
أسيل:نسكافيه واي حاجة حلوة
رؤوف;تمام وكلم العامل وطلب نسكافيه وقاتو وهو طلب قهوة وقاتو
أسيل:هي احكيلي قصتك
رؤوف:تبيها بإختصار او كلها
أسيل:الافضل اتكون كلها
رؤوف:تمام وبدا يحكي من اول ماحب رانيا لعند اخر لحظة فراق بينهم يعني يوم اللي خطفها الشيئ اللي مازال ماحد عرفه خاطي رؤوف ورانيا وفيصل وتوا أسيل عرفاته
أسيل بصدمة;قصدك خطفتها
رؤوف:من كثر ماانحبها كنت نبيها اتكون ليا بأي طريقة بس برضو من كثر ماانحبها ماقدرتش انظرها
أسيل:معقولة فيه ناس اتحب بعضها كل هالحب هذا
رؤوف:فييه وفيه اللي اكثر من هكي بس اغلبية الحب الكبير ينتهي بفشل مش عارف ليش
أسيل:اغلب علاقات الحب اللي نسمع ايكون فشلهن نتيجة ان واحد مالاثنين ايخون او ان الهل مايقبلوش بس حالتكم غريبة
رؤوف:نحن افترقنا نتيجة انانية وخيانة اقرب الاشخاص ليا
أسيل:خوك اتلومه وتعذره يعني هو باهي اللي دار هكي احسن مااجوزتها وقعد ايحبها وهذكي هي اللي تعتبر خيانة فهو حلها مالبداية احسن بس هو اختار الطريقة الغلط كان يقدر يحكيلك
رؤوف:مش طريقته غلط هو وجوده في حياتي كلها غلط
أسيل:مااتقولش هكي في الاخير هو خوك وعمر الدم مايقعد مية يعني لو غلط غلطة بس اكيدة قبلها دايرلك حاجات كويسة واجدة
رؤوف:بس غلطته كبيرة الدرجة اني بسببها مش قادر حتى نذكرله حاجة كويسة من زمان
أسيل:حاول تذكر وحتلقى صدقني حتى لو وانتو صغار وقف معاك في مشكلة او ساعدك مرة في واجب او امتحان هكي حاجات بسيطة بس معناهن كبير
رؤوف:حاولت نذكر بس اللي داره طول الوقت قاعد قدام عيوني نظرته ليا وهو ايقولي انحبها مش قادر ننساها عارفة واجعني اللي داره هو فيا اكثر ماواجعني فراقي الرانيا ودمعو عيونه
أسيل:شن رايك انسكرو الموضوع ونحكو في شيئ اخرپئ
رؤوف:زي شنو مثلا
أسيل:زي شغلك مثلا احكيلي شنو الحالات اللي ايجنكم وهل منسجم فيه او لا
رؤوف:اكيدة منسجم لان هذا حلمي اصلا وفرحان اني حققته
أسيل:باهي شنو الاجواء في المستشفى
رؤوف:المستشفى عالم ودنيا بروحها ايمرن عليك فيها قصص اشكال وانواع
أسيل:زي شنو
رؤوف:زي مثلا امس واحد جا وقعدو ايخرفو قريب ساعة وبعدها كل واحد روح الحوشه
“””””””””‘
#عند_صالح
جاته عمته وحكتله كل اللي صار وبالتفصيل وقالتله ان البنت رافضة اي نوع مالارتباط لانها ماتبيش تلتهى عن قرايتها طبعا الاخ ماهمش كل الكلام الحاجة الوحيدة اللي هماته وفرحاته انها مش مرتبطة بحد وطلع وهو فرحان ان وصل الاول نقطة
“”””””””””
#عند_سندس
عالمغرب روحن صحباتها ولمت حوشها وكملت حوستها وقمعزت مسكت فونها وقعدت اترن علي سراج لقاته مقفل فصبت ومشت للفيلا عشان اتوعيه ولما وصلت رقت الداره دغري مالقتش نزلت تحت ومشت العمتها في دارها دقت عالدار وعفاف فتحت
عفاف:اهلا دوسة خشي تعالي
سندس خشت:اعميمة ماشفتيش سراج
عفاف:ليش هو مش راقد في داره
سندس:لالا وحتى انا السرير مش مقروب وكأنه مارقدش فيها اصلا
عفاف:غريبة ماشفتش لما طلع بس مش مشكلة توا انكلموه وانشوفوه وين
سندس:فونه مقفل
عفاف:ماتنشغليش عليه تلقيه طالع الحد من اصحابه وتليفونه طافي شحن اشوي وتلقيه جاي اصلا هو مايقدرش يبعد عنك اكيدة ماايصدق امتى صحباتك يمشن
سندس ابتسمت
عفاف:تعالي انشوفوهم شن دارو في العشاء وعلي ماجهزت الصفرة ايكون هنا
سندس:تمام ونزلت مع عمتها تحت
“””””””””
#عند_فيصل
طبعا ام وانيا كلمت ام فيصل وعطتها الموافقة وفيصل طار مالفرحة بعد حكتله امه وبدا يحكي الهله وايجهز للي بيديره واللي هو كان مقرر ايطلع فرح دغري?
“””””””
#في_الفيلا
جهز العشاء وقعدو يرجو في سراج وايرنو عليه وبرضو مازال فونه مقفل كلمو فيصل علي امل يقعد معاه او يعرف مكانه بس فيصل قال ان بعد اخر مرة شافه في المشروع معش شافه بكككل
سندس قعدت قالقة علي سراج وماحبت اتبين وبرضو باته وامه قلقو بس ماحدش حب ايبين للاخر وكل واحد ايطمن في روحه وفي اللي معاه وتعشو مع بعضهم
“””””
#الساعة 12
سندس مازالت في الفيلا ترجى في سراج ومعاها عمتها وعمها
سندس صبت:انا بنمشي للحوش
محمد:الوقت تأخر وشكله سراج مطول باتي هنا خير ماتقعدي بروحك
سندس:لا عمو سراج اكيدة حيجي بنمشي نرجاه غادي
عفاف:خليها براحتها
سندس:تصبحو علي خير ومشت الحوشها وقعدت ترجى في سراج واترن علي فونه اللي مازال مقفل
“””
محمد وعفاف قعدو يرجو لعند الساعة 2 ورقدو
اما سندس قعدت واعية لعند اذان الفجر وقلبها نار وكل اللي في عقلها ان سراج زاعل منها لان قالتله صحباتي بيجو وماخلاته يرقد في الحوش
صلت الفجر وبعدها معش قدرت اتقاوم ورقدت
“”””””””
صباح يوم جديد
سندس وعت الساعة 8 لقت سراج مازال ماجا مسكت فونها ورنت بس برضو مقفل هنا النار زادت اخرى وحست ان سراج صايرتله حاجة وقررت ماتمشيش للمشروع لأن ممكن ان سراج ايجي في اي لحظ
صبت غسلت وغيرت دبشها ونزلت دارت قهوة وقعدت مقمعزة ترجى وكل اشوي اترد اترن بس بلا اي فائدة فونه مقفل
“”””
#عند_صالح
ماكانش عنده حصة بس جا للمدرسة مخصوص عشان يحكي مع رنا وايحاول يقنعها
والوقت اللي جا فيه تحديدا كان استراحة الفطور خش للساحة وقعد ايدور في رنا ولقاها مقمعزة هي وبنتين صحباتها ويفطرن مشى وجا لعندهن
صالح:معليش ياطالبات نبي رنا بروحها اشوي
صحباتها شافن البعضهن ومشن ورنا صبت وبتلحقهن صالح صبى قدامها
صالح:ليش كل مااتشوفيني تهربي مني
رنا:لو سمحت خطاني وانا امس قلت الخالتك اني مش مفكرة في اي موضوع ارتباط
صالح:انتي عطيني فرصة وحدة والله ماتندمي ولا حنعطلك علي قرايتك بالعكس حنساعدك بأي وسيلة تبيها
رنا:لو تبي اتساعدني اتبطل حركاتك هذينا معليش بس حتى شكلي قدام البنات اللي يقرن معايا وابلاتي قعد بايخ
صالح:انا مش هامني اي حد انا نبيك ونبيك بالحلال لا نبي انكسد ولا نلعب
رنا:اذا انت مش هامك انا هامني انا هنا مالطالبات المميزات والكل عارف ان ماليش في الحاجات هذينا وانت هكي قاعد اتخربلي في سمعتي ارجوك بطل خلاص
صالح:عليش انخرب سمعتك انا مش طالب شيئ انا طالب فرصة وحدة وقولي باهي وخليني نخطبك والله حتى للمدرسة معش نبي انجيها ولا حنضايقك فيها
رنا:أسفة انا مش مفكرة في ارتباط توا انا مازال صغيرة وبنقرا ومشت وسيباته
صالح رفع راسه وشاف للبنات كيف ايشوفله ويهمتن البعضهن شافلهن زين وبرفعه حاجب وبنظرة جدية?وطلع مالمدرسة
“”””””
الساعة 1الظهر
سندس قاعدة علي اعصابها وقالقة علي سراج ومن بعد قهوة الصبح معش كلت شيئ ولما شافت للساعة ولقتها 1 هنا طفح الكيل وصبت ومشت للفيلا لقت عمها كيف جاي
سندس:خير
محمد وعفاف:خيرات
سندس:عمو سراج ماجش للشركة
محمد:والله شنو انقولك يابنتي ماجش للشركة وانا بروحي مشغول عليه
عفاف:حي عليا راه تطلع صايرتله حاجة
سندس بخوف:بعيد السو اعميمة
محمد:ان شاءلله مافيش شيئ وانا حندير اتصالاتي توا وانشوفو شنو ايصير
خش محمد المكتبه ايدير في اتصالاته وسندس وعفاف مقمعزات يرجن في رحمه ربي وهنا الاثنين قلوبهن نار شر من بعضهن
بعد نص ساعة محمد طلع عليهن
عفاف:ها طمني عرفت مكانه
محمد:ماخليت مستشفى ولا حبس ماسألت فيهن ومافيش اي خبر عليه
عفاف:باهي الحمدلله
سندس:باهي وين ممكن ايكون
محمد:انا حنرد انكلم فيصل بالك يقعد شافه او كلمه
عفاف:هي كلمه توا
محمد رن علي فيصل وفيصل رد
فيصل:ها طمني جا سراج
محمد;لا والله مازال ماجا انت ماكلمكش ولا جاك
فيصل;لا كلمني ولا جاني وكلمت كل الشباب اللي يعرفهم ماحد شافه
مع خشت سراج للفيلا
عفاف:وين كنت شغلتنا عليك
محمد:خلاص يافيصل اهو روح
فيصل:باهي تمام الحمدلله وسكر
سندس:معقولة ادير فينا هكي
محمد:وين كنت وليش قافل تليفونك
سراج:كنكم مركبين
محمد:من امس وانت طالع وقافل تليفونك وماحد يندري عليك وين واتقول كنكم مركبين
سراج:بس انا مش عيل صغير عشان تنشغلو عليا
عفاف:عارفينك مش عيل صغير بس نحن انشغلنا عليك
سندس:وين كنت من امس
سراج شافلها زين:مادخلكش بيا
محمد: تحشم علي وجك واحكي مع مراتك بأدب
سندس:انا عارفة انك زاعل ماللي صار أمس بس هو موضوع عادي مايستحقش اتبات برا وتشغلنا عليك هكي وعالعموم انا أسفة ماكانش قصدي انزعلك
سراج:ومن قالك اني زاعل وانتي من عشان نزعل منك
سندس شافتله زين:سراج انا تأسفتلك مش داعي للكلام هذا
عفاف:دوسة ماغلطتش فيك وفوق هذا تأسفت بس انت اللي مدرعنك كنك
سندس:سراج شكله مازال معصب مني انا حنمشي نقعد اليوم عند هلي لين اعصابه يهدن وبعدها حنحكو
عفاف:شنو تمشي انتو حتروحو مع بعضكم وسراج لاهو زاعل ولا معصب اصلا سراج ماعمره زعل منك
محمد:سراج خوذ مراتك وعدو حلو مشكلتكم في حوشكم وصالحها لانك زعلتها
سراج بعصبية;لا نبي انصالحها ولا نبيها وخلوها تمشي الهلها وتقعد عندهم ديما
سندس:سراج انت كنك شن صاير معاك مش معقولة هذا كله لاني قتلك ارقد في الفيلا صحباتي بيجني
سراج:بتعرفي كني
سندس:ياريت
سراج:انا معش نبيك انا كنت نبي منك شيئ معين وخذيته توا طيري فوتيني
محمد ضربه كف:شكلك مش متربي وتبي ترباية من جديد
سندس وجعتها ضربت سراج وجت بينه وبين باته
سندس:لا عمو مش هكي انا عارفته سراج معصب ويحكي في الكلام هذا لان زاعل مني توا حنمشو للحوش وانتفاهمو ومسكت يده
سندس:هيا الحوشنا سراج
سراج كر يده من يدها وبعصبية:بشنو تفهمي قتلك معش نبيك انا راه ماحبيتكش انا كذبت عليك
سندس:لا مش صح وانت اتحبني وانا انحبك انت بس معصب
سراج بعصبية:ماانحبكش اطلعي من حياتي انا بنرد نفس ماكنت معش نبيك
سندس:لا مش طالعة من حياتك وانت اتحبني واكبر دليل علي حبك ليا انك تغيرت عشاني
سراج:لا ماتغيرتش وكله كذب وفيلم درته عشان نوصلك وناخذ اللي نبيه
سندس تبكي:لا مش صح انت تكذب
عفاف:سراج انت شن صايرلك
سراج:ماصايرلي شيئ انا معش نبيها خلاص انتهى الموضوع
سندس:مش بجوك سراج
سراج:لا بجوي ولعبة انا بديتها انا بننهيها خلاص
سندس:حبنا مش لعبة
سراج:اي حب تحكي عليه اصلا مافيش حب انا كذبت عليك افهمي
سندس:سراج لو صح كلامك شوف العيوني وقول ماانحبكش
سراج لف وجه للجيهة الاخرى:سندس انتي طالق
#يتبع
حي علما طلقها??
قولكن سراج كنه وشن صاير معاه هل صاح حبه الها كان لعبة او تأثر من كلام تالين ولا قولكن طلع ايحب تالين?
أما فيصل اللي قرر ايطلع الفرح دغري شن حيكون رد رانيا عليه?
اما صلوحة قولكن حيكسب قلب رنا وايغير رأيها أو لا ?
كلا الاخ رؤوف زايط والجو تمام عنده بس قولكن حيقعد هكي بعد يسمع خبر الخطبة ?
كله حنعرفوه في الحلقة الجاية وبأذن الله حتكون الاخيرة ربي ايقدرني ونكتبها لكن بسرعة وان شاءلله اتنال اعجابكن النهاية اللي مقررتها
أسفة لو فيه لخبطة في الأسماء وأكيد رأيكم ايهمني ?
گـتـابـتـي Koka Saleh