منحرف وأحببته
#مـنـحـرف_وأحـبـبـتـه
الـحلـقـة (47)
گـتـابـتـي #Koka_Saleh
“”””””””””””””””””””””””””
عالمغرب سراج جا للفيلا بيدوش ويمشي الهل سندس ايجيبها بس لما وصل للفيلا خش بيشوف عفوفة قبل مايمشي الحوشه
سراج اينادي;عفوفة
تالين نزلت من فوق:عمتو مش قاعدة
سراج:وين مشت
تالين:قالت ماشية الخالتك
سراج;من شالها
تالين: شالها السواق
سراج:تمام وطلع
تالين لحقاته
تالين:سراج:نبيك في موضوع
سراج:شنو
تالين:اول حاجة وين سندس
سراج:عند هلها
تالين:احسن عشان نحكي براحتي
سراج شافلها زين:بتحكي ولا كيف انا مستعجل
تالين:ليش مغير معاملتك معايا
سراج:مش مغيرها بس الظروف هنا اللي تغيرن
تالين:يعني مازال اتحبني زي قبل
سراج:اكيدة بس نبي منك اللي تكرر اليومين اللي فاتن معش ايتكرر لان الوضع توا يفرق عن زمان
تالين:تمام بس انت تعرف انت شنو بالنسبة ليا
سراج:اكيدة عارف
تالين:باهي شنو
سراج:انا صديقك وزي خوك بزبط
تالين:معش اتقول زي خوك لانك مش خويا ومعش اتقول صديق لان طريقة معاملتنا البعضنا زمان عمرها مااتكون طريقة اصدقاء
سراج:طريقتي زمان كانت مع اي بنت بس انتي بذات ماصارش بينا شيئ ايدل علي ان مش اصدقاء وانتي عارفة اني طول الوقت انعامل فيك انك صديقتي
تالين:لا ياسراج نحن مش اصدقاء وعمري مااعتبرتك صديق طول الوقت انعامل فيك هكي بس الحقيقة مش هكي انا انحبك وطول الوقت نبيك اتحس بس انت ماكنتش منتبه وكنت نحساب انك مش متاع حب وهذا ليش ماحكيتش بس توا اهو طلعت تعرف اتحب وانا انحبك فاالاولى اتحبني انا لاني انحبك من قبلها
سراج كان مصدوم من كلامها
سراج بعصبية وصوت عالي;تالين توا اتلمي دبشك وتطلعي من هنا
تالين بصدمة:انت تبيني نمشي
سراج بعصبية:تمشي ومعش بنشوف وجك هنا بكككل
تالين نزلو دموعها:حاظر اللي تبيها حنديرها ومش حتشوف وجي بكل بعد اليوم بس مش معنى هكي اني انبطل انحبك
سراج بعصبية وصوت عالي:تالين امشي وهنا معش اتردي
مع جيت عفوفة
عفاف:شن فيه كنكم
تالين قعدت تبكي?
عفاف انصدمت;كنها تولي وانت ليش اتقوللها عدي شن صاير
سراج:مش صاير شيئ تالين باتها كلمها يبيها اتروح انا قلتلها تقعدي وهي مسكرة راسها بتمشيله قتلها امشيله ومعش اتجي
تالين شافت السراج زين ودموعها ينزلو
عفاف:معولة بتمشي واتخلينا ياتولي والله تعودنا عليك معانا وكان علي باتك انخلي عمك محمد ايكلمه
تالين تبكي:لا عمتو انا قلت البابا حنروح انتي عارفة اول مرة يفقدني وانحس ان ايحبني جديات
عفوفة:بس ياتولي نحن تعودنا عليك امعانا كيف بتسيبينا
تالين:خلاص عمتو مااتزديهش عليا ساد سراج توا انا قررت وخلاص وخشت للفيلا بسرعة
عفاف:معقولة بنخلوها تمشي هكي ياسراج لازم نصرفو
سراج:خلاص هي مقررة وبتمشي خليها براحتها
عفاف:بس انا تعودت عليها معايا كيف هكي والله حرام
سراج شاف الامه:حتعودي ماهو كنتي عايشة بلاها واهو معاك دوسة ولا تالين احسن منها عندك
عفاف:لا والله انت عارف سندس بنتي مش كنتي بس واجعتني هالمسكينة اللي حتى ام ماعندها
سراج:هذي حياتها وهي متعودة عليها وبعدين اصلا هي حتى العيشة في ليبيا ماقدرت اتأقلم معاها
عفاف:عموما انا حنعاود نحكي معاها بالك اتغير رايها
سراج:المهم توا تبي حاجة انا بنخش اندوش ونطلع انجيب دوسة
عفاف:سلامتك
طلع سراج من جنبها ومشى الحوشه بيدوش وهي مشت التالين بتحاول تقنعها اتغير رايها
“”””””””””
سراج دوش وطلع ومشى الهل سندس في الحوش وفتحله فرج الباب وسلم عليه
فرج:جيت وربي جابك تعال فكني من مراتك والسانها
سراج يضحك:كنها شن دايرة
فرج;ساكنتلي واتعبي في راس امها قالت ليش ماانشيل في امها اندهور فيها وخشو جوا
سندس:خلاص يابابا القيتلك حل تطلعوش برا من ليبيا بس خوذها للشرق وخوذو حوش في جبل واقعدو كم يوم في الطبيعة والله ماما محتاجة جو كيف هكي
فرج;ها شفتها اي دهورة توا افهمي والله شغلي فوق راسي قتلك ايخف شغلي وناخذها من عيوني
سندس;انا عارفتك شغلك مستحيل ايفض
سراج:دوسة بلاش سكنان باتك قالك عنده شغل وبعدين انتي عارفه وضعه هو وباتي ماانقولو غير مسكينات عفوفة وعمتي
فرج:ريت لاخر نبيه ايسكتها طلع شر منها
سندس:خلاص انا قررت الاسبوع هذا تاخذ ماما وتمشو للشرق
فرج:لا حولا ولا قوة الا بالله قتلك عندي شغل مش فاضي
سعاد:دوسة قريب اترقي علي باتك الضغط خلاص قالك مش فاضي وانا هكي متريحة ونرجاه لعند امتى مايفضى
فرج:ربي ايكملك بعقلك يااسعيدة وايخليك ليا شفتي كلام الناس اللي عندها عقل
سندس اتشوف الامها:يعني هكي انا اللي طلعت برانية توا ومن اللي من بدري اتقول مالة مالحوش
سعاد:انا قلتها بس في نفس الوقت مانقدرش نضغط عليه وهو عنده شغل وهو اول مايفضى بروحه توا ياخذني عارفته
سندس:براحتكم انا الغلطانة ولوت بوزها?
سعاد:باهي صبي وتي معايا العشاء
فرج:ايوا خوذيها فكيني من هرجتها
سندس صبت:باهي يابابا والله زعلت منك ومشت مع امها
فرج يضحك:نفختلي راسي الها ساعة تحكي في نفس الموضوع
سراج:بس زعلت راه
فرج:ماعليك اشوي وانصبي انرضيها خليني فيك توا شن اخبارك واخبار شغلك
سراج:تمام الحمدلله ماشي
فرج:باهي الحمدلله
سراج قعد ساكت وايفكر ان يحكي العمه موضوع هدى واللي صار الفترة اللي فاتت لان قعد يرجى في باته يحكي بس شكله باته ماحكش شيئ
سراج:عمي فيه موضوع صار من فترة وبنحكيه لكي
فرج:موضوع شنو
سراج:هو موضوع صار وانحل وكنت بنحكيه بس باتي قالي نحكيه انا العمك فرج وشكله مازال ماحكى
فرج:انت تحكي علي موضوع البنت اللي جتكم وقصة حملها
سراج;اها نقصد هذا بس انت من حكاه لكي
فرج:حكاه ليا محمد من لمى انحل الموضوع وانكشفت الحقيقة والحق لما حكالي كنت مقرر انجيب سندس بعد عرفت حقيقتك وقصة سهورك مع البنات بس لما حكالي باتك كيف تغيرت وكيف قعدت اتحب سندس ولما شفتها هي كيف اتحبك وعايشة متريحة معاك برغم رفضها في البداية قررت نعطيكم فرصة وانخليكم مع بعضكم وماانخربش عليكم بس ياسراج لو اترد الطريقك اللي زمان صدقني مش حنخلي سندس عندك ولا لحظة
سراج:لا والله ياعمي مستحيل انرد انا بجد تغيرت وهي اللي غيرتني ولو ايصير شنو الطريق اللي زمان مستحيل عاد نمشي فيها
فرج:هكي تعجبني وتاكد ان انا في الاول وفي الاخير اتمهني راحة بنتي ولو حسيتها مش متريحة حيكونلي معاك تصرف اخرى
سراج:سندس في عيوني وراحتها من راحتي انا والله ياعمي انحبها اكثر ماانحب روحي
فرج:ربي يسعدكم ياسراج وهي واضح عليها انها اتحبك وانها متريحة معاك وان شاءلله تقعدو ديما هكي
سراج:ان شاءلله ياعمي
وبعد اشوي تعشو مع بعضهم وبات سندس صالحها عشان زاعلة منه ووعدها ان ايحاول ايفضي روحي خلال الاسبوعين هذينا وايشيل امها وهي رضت وبعد العشاء هدرزو معاهم وروحو بس قبل مايمشو الحوشهم تكو عالفيلا عشان سندس بتسلم علي عمها وعمتها قبل لان اليوم ماشفتهمش بكل وخشو لقو عفوفة اتفرج علي مسلسل وسلمو عليها
سندس:شن اخبارك اعميمة اليوم
عفاف:تمام الحمدلله كيف حال هلك كويسين
سندس:كويسين وايسلمو عليك
عفاف:سلمك وسلمهم
سندس:كيف وين تالين كنها مش قاعدة معاك
عفاف بحزن:تالين كلمها باتها يبيها اترد علي المانيا وتوا اتلم في دبشها قالت حجزت في اول طيارة وبتسافر
سندس:معقولة وامتى بتسافر
عفاف:مش عارفة ماقالتش وانا ماسألتهش اصلا مانبيهش تمشي والله تعودت عليها
سندس:توا نمشي نحكي معاها بالك اتغير رايها وتقعد
عفاف:ياريت لكن من بدري نحكي معاها ومسكرة راسها
سندس:ماعليك توا نقنعها
سراج:مااتعبيش روحك حتى انا حكيت معاها ومسكرة راسها
سندس:خلوني انحاول مش خاسرة شيئ
عفاف:عدي الله ايربحك بالك تقتنع منك
سندس;حاظر ومشت
سراج:غير زايد عارفها مسكرة راسها ومش حتقعد
عفاف:خلينا انحاولو بالك ربي يهديها وتقعد
سراج:المهم وين باتي
عفاف:كالعادة في مكتبه
سراج صبى:بنمشي انشوفه اشوي وانرد
عفاف:باهي
سراج مشى للمكتب ودق وخش
سراج:خير يااحويج
محمد يضحك:غريبة اول مرة اتخشلي في مكتبي من عير ماانا اندز عليك
سراج:كل مرة تقعد انت تبيني في موضوع بس هالمرة انا نبيك
محمد;ان شاءلله خير شن فيه
سراج قمعز:الحق هو موضوع بخصوص مرضك
محمد:مش قتلك انساه الموضوع هذا
سراج:بس انا مش قادر ننساه وليا فترة اندور علي دكتور متخصص في حالتك والقيت بروفسور في فرنسا وهذا تخصصه وداير اكثر من عملية زي حالتك وناجحة خلينا نمشولة وانشوفوه
محمد:انا قتلك مشيت الاكثر من مكان واكثر من دكتور وكلهم قالو مافيش امل مافيش داعي انتعبو ارواحنا اخرى
سراج:مافيش حاجة اسمها مافيش امل الامل ديما موجود وهذا دكتور كويس وداير كم عملية هكي ونحن مش خاسرين شيئ نمشوله وانعاودو التحاليل والصور عنده وهو ايقوللنا اذا فيه امل او لا وانا متفائل واجد بيه وحاس ان الحل عنده
محمد:سراج مااتحاولش انا قتلك حالتي مافيهش امل والله ايربحك اهدى واسكت وخليني عايش كم هالشهر وانا متريح ويكفيني اني حققت حلمي وشفتك تغيرت وكيف مانبي انا وبالك ربي من عنده يعطيني طولة العمر لين انشوف ولدك قبل ماانموت
سراج:بعيد السو عليك وكان انت هكي متريح انا مش متريح انا توا محتاجلك اكثر من قبل انا توا تغيرت زمان ماكنتش متقرب منك واجد وكنت ديما حاسك بعيد مني بس في الاصل انا اللي كنت بعيد منك وتوا قربت وحسيت بحنيتك مانبيش نفقدك مش معقولة بعد نلقى روحي اللي امريحها انريحك انت بعدها ارجوك وافق وخلينا نمشوله وكان قرر علي عملية اديرها عشان اتعيشلي واتشوف عيالي احفادك اللي ديما متمنيهم اللي نبيهم ايتعلمو منك اللي انا ماتعلمتش وقعد يبكي
محمد وجعه سراج وصباله وجا من وراه وحط يده علي كتفه
محمد:انا معاك في اللي بديرها انا بروحي مازال نبي انكون جنبك مانبيش انخليك في الدنيا بروحك ونبي انشوف عيالك اللي غلاهم في قلبي اكثر من غلاك قبل حتى ماايجو
سراج صبى وحظن باته زييين وهو يبكي وبعد الحظن بعدو من بعضهم
محمد:خلاص شوف المستشفى واحجز موعد مناسب لنا ونمشي انا وانت بس مانبيش حد يعلم
سراج:والله ماواحد يعلم نحن ماشيين شغل اصلا
محمد:ايوا هكي تمام وهي توا هويني عندي شغل
سراج ابتسم:حاظر وجا بيطلع وبعدها لف علي باته
سراج:خطرها انت حاكي العمي فرج عالموضوع اللي صار
محمد:قصدك موضوع حمل البنت
سراج:اها هو
محمد:اها حكيتله من بعد ماانحلت القصة
سراج;وليش ماقتلي انك حكيتله
محمد:بعد مافهمته الموضوع وحكيتله اللي كنت ادير فيه وقتله انك تغيرت وهو تفهم القصة حسيت ان مش مهم انقولك ولاني ماكنتش نبيك تعرف ان عمك عرف اللي كنت ادير فيه وتقعد منحرج لما اتشوفه
سراج:ربي ايخليك ليا
محمد:وايخليك ليا
سراج طلع
“”””””
#عند_سندس
سندس:بس ياتالين نحن تعودنا عليك واعميمة تحت ياما صاير فيها عشان انتي بتمشي
تالين:خلاص ياسندس انا بابا كلمني واول مرة يفقدني ونبيش انقوله لا وبعدين معش ينفع الكلام انا حجزت
سندس:كان عالحجز تقدري تلغيه واقعدي
تالين عصبت:خلاص سندس انا قررت
سندس صبت:براحتك واسفة اذا ازعجتك وطلعت
تالين:اصلا انتي سبب كل حاجة صارت وقعدت تبكي
“”””””””
سندس نزلت لقت سراج مع عفوفة لوطة
عفاف:ها غيرت رايها
سندس:لا والله اعميمة مازال مصممة علي قرارها
سراج:ماقلتلكم لما اتقرر حاجة خلاص
عفاف:كان عندي امل دوسة اتغيرلها رايها
سندس:والله اعميمة حاولت معاها واجد بس مسكرة راسها
سراج صبى:هي دوسة انا ناعس وتاعب وبنرقد
سندس:هي تصبحي علي خير اعميمة
عفاف:تلاقو الخير
طلعت سندس وسراج ومشو الحوشهم وخشو ورقو فوق دغري غيرو دبشهم وخشو في سريرهم تمدد سراج عالسرير وسندس طبعا راقدة علي صدره
سراج:عارفة ان عمي طلع عارف قصة هدى وحملها
سندس نطت وقمعزت:تحكي جديات وامتى علمها وليش ماحكالي ان عارف
سراج:من اول ماانحلت القصة حاكيها له باتي وقالي قبل بناخذ سندس بس شفتها كيف اتحبك عطيتكم فرصة ومابيتش انخرب حياتكم
سندس:ماجبليش سيرة الموضوع بكل وحتى ماما ماحكتليش شكله مش حاكيلها
سراج:اكيدة مش حاكيلها وعارفة شن قالي اخرى قالي انا ايهمني سعادة سندس ولو في يوم اتزعلها مش حنخليها عندك وحيكون احسابك معايا
سندس ابتسمت:ربي ايخليك ليا يابابا
سراج قمعز;وانا ماتبيش ربي ايخليني لكي
سندس:اكيدة ربي ايخليك ليا وبعدين انا عارفة انت مستحيل اتزعلني
سراج:وانا قلتها له قتله دوسة في عيوني وانحبها اكثر من روحي
سندس:نجك ليا وقربت وحظناته?
سراج حظنها زين
سراج:توا شفتي انتي جبتيها الروحك
سندس بعدت منه:شنو هذي
سراج:توا تعرفيها توا وقرب منها وقعد ايبوس فيها
سندس بدلع:انت تشبعش بكل☺
سراج عند وذنها:ومن قالك انتي ينشبع منك وبعدها مددها عالسرير وكمل بوساته ويين ماششين خلاص طفينا الضي??
“””””””””””
#عند_صالح_في_داره
كانت رنا واخذة عقله ومش قادر يرقد من كثر التفكير فيها
صالح:انا غبي كنت المفروض اليوم نحكيلها كل حاجة
صالح:باهي شن بنحكيلها
صالح:شنو بنحكيلها اكيدة بنقوللها معجب بيك
صالح:معقولة الاعجاب بس ايخليني مانقدرش نرقد وانفكر فيها وخلاص اكيدة هذا اللي ايقولوله الحب بس معقولة فيه حب ايجي بالسرعة هذي
صالح:راسي بينفجر من كثر التفكير احسن حل نمشي نحكي مع خالتي اكيدة حتفهم عليا واتقولي اللي صايرلي
صبى وطلع من داره ونزل لوطه لقى عفاف كيف بتخش ترقد
عفاف:انت مازال واعي من شوي سراج كان هنا وسألني عليك قتله راقد
صالح:لا ماقدرتش نرقد
عفاف بخوف:كنك مريض اتحس في حاجة
صالح:لا خالتي ماانحس في شيئ بس في عقلي موضوع هو اللي ماخلانيش نرقد
عفاف:ان شاءلله خير شنو
صالح:فاضية اتقمعزي نحكيلك
عفاف:عليك الهبل وحتى لو مش فاضية نفضالك قولي كنك شنو اللي مقلقك بس
صالح:تعالي انقمعزو ونحكيلك
قمعزو عالصالون وقعد صالح يحكيلها في القصة من اول ماشاف رنا وبمعرفته بيها وهي صغيرة(خالته ماكانت عارفة بعلاقته بيها وهما صغار لانها كانت عايشة برا)
صالح;وانا من كثر تفكيري فيها مش قادر نرقد وبكرا بنحكي معاها بس مش عارف احساسي بزبط ماقدراش نفهمه اعجاب ولا حب
عفاف ابتسمت:واضح ان حب والا مادرتش اللي درته واشتغلت مدرس في مدرسة وانت طول عمرك فاشل ولا خدمة لا قدمة
صالح:توا ليش الكلام هذا?
عفاف ضحكت:ماهو انبينلك في حقيقة مشاعرك
صالح:مش مقتنع بواحد ايحب بالسرعة هذي
عفاف:مافيش سرعة واضحة انك اتحب البنت من هي صغيرة ولما سافرت اندفنن المشاعر هذينا ولما رديت وشفتها ردن تحايين من جديد
صالح بيحكي وقعد فونه ايرن فصل عاللي ايرن وقفل تليفونه
عفاف:ياساتر من اللي رن عليك ودرت فيه هذا كله
صالح:وحدة مالصبح ساكنه اترن
عفاف:غريبة صالح النسونجي الثاني بعد سراج اترن عليه وحدة وماايردش ?
صالح:اتصدقي ياخالتي من يوم اللي شفتها وانا ماعنديش نية نحكي مع اي بنت
عفاف ابتسمت:واتقولي مش حب واضح يااصلوحة انك حبيتها وعادي الحب ايجي حتى من اول نظرة
صالح:يعني قولك بكرا انصارحها بمشاعري واني انحبها
عفاف:توا بنسألك سؤال
صالح:شنو
عفاف:تخيل لو اتقولك انا مانحكيش معاك تبيني امشي الحوش هلي
صالح:انجاوبك بصدق انا اصلا في راسي بنحكيلها انها عاجبتني وكان فهمت كلامي واحساسي ورضت انا مانبيش اندير لا علاقة لا شيئ انا بنخطبها دغري
عفاف:يعني بتقيد حريتك وتجوزها ومعش تعرف بنات غيرها بكل
صالح:انقولك من يوم اللي شفتها وانا ماعنديش نية انكلم اي بنت والله تليفوني مابطل رنين ومارديتش علي اي وحدة
عفاف:معناها مااتقوللهش معجب بيك عدي دغري قوللها انحبك وبنجيب هلي نخطبك
صالح:هذا رايك ياخالتي
عفاف:هذا مش رأيي هذا اللي فهمته من كلامك انت اتحبها وطحت في الحب وماحد سمى عليك يااصلوحة
صالح صبى وباس عفوفة علي راسها
صالح:شكرا يااحسن خالة في الدنيا ورقى الداره وخش وهو فرحان ان واخيرا حد ساعده وفهمه صدق مشاعره وكمل الليل وهو ايفكر في الطريقة اللي يشرح فيها حبه الرنا
“””””””””””””
#عند_رؤوف
كان راقد ويحلم ونط فجأة
رؤوف:معقولة حتى بعد شفتها مازال نحلم بنفس الحلم ياربي شن قصتها البنت هذي شن تبي مني وقعد فترة واعي وايفكر وبعدها رقد
“””‘””””””
صباح يوم جديد
#عند_سيرجو_ودوسة
وعت سندس كالعادة دارت دوش وصلت ووتت الفطور وبعدها وعت سراج دوش وصلى ولبس وهي لبست ونزلو تحت فطرو وطلعو مع بعضهم حطها في المشروع ومشى هو للشركة
“””””””
#عند_صالح
جا للمدرسة علي قصاد الحصة الثانية وكانت حصته الثالثة قعد يستنى مع ان الوقت اللي استناه 45 دقيقة بس حسهن كأنهن ساعات مش دقايق وكل اللي في باله كيف يحكي ويفتح معاها الموضوع وبعد كملت الحصة الثانية جا وقت حصة صالح وخش للفصل واول ماخش جت عينه علي رانيا دغري وابتسملها تلقائي
خش وعطاهم اول درس وقعد يشرح واعيونه علي رنا طول الوقت الدرجة ان كل البنات لاحظن وقعدن ايشوفن الرنا واستاذ صالح ويهمسن البعضهن
ماعادا رنا الهبلة كانت غير مركزة في الدرس وخلاص?
انتهت الحصة وقعدن البنات ايجن الصالح عساس فيه حاجات مافهمنهنش?وصالح يشرح وايشوف الرنا اللي قاعدة اتلم في كتبها واطلع في فطورها وبعدها رنا جت بتطلع وهو مازال يشرح للبنات
صالح:خليكي يارنا نبيك اشوية
رنا سكتت وصبت في مكانها
صالح:خلاص ياطلبات اللي مش فاهماتها نشرحها بكل
الطالبة:بس يااستاذ توا استراحة اشرحلنا عشان انحلو الاسئلة
صالح:الكلام هذا كله شرحته امبدري وحاولي اتحلي الاسئلة في الحوش ولو ماعرفتي بكرا انعاود الدرس
الطالبة لخرى اتوشوش الصحبتها:دبينها هو يعطينا فينا اكيدة مش حنفهمو تي ايهبل?
صالح سمعها:تقدرن اتفضلن وبكرا انكملو
الطالبة:باهي شن تبي في رنا يااستاذ وقعدن يضحكن
صالح:شكلي بنصرف تصرف اخرى امعاكن
الطالبات:اسفين استاذ وطلعن
رنا:نعم استاذ صالح شن تبيني
صالح:فهمتي كل حاجة
رنا:اها فهمت اصلا شرحك كان واضح غريبة مافهمنش منك
صالح:سألتي هلك عليا
رنا:اها وحكولي انك كنت ديما تلعب معايا زمان?
صالح ابتسم:باهي اذكرتيني
رنا:بصراحة لا
صالح:باهي مش مشكلة حتذكريني مع الوقت
رنا:لو معش فيه شيئ بنطلع نفطر
صالح:تفضلي اطلعي
رنا مشت وصالح ايشوفلها ومعش عرف كيف يصرف ولما وصلت عند الباب
صالح:رنا
رنا:نعم
صالح جاها:اسمعي انا لا مدرس ولا عمري حبيت نشتغل في التدريس ولا عمري فكرت اني نشتغل اصلا وسبب جيتي هنا كلها عشانك انتي
رنا:نعم
صالح;انا جيت هنا عشان نقدر نحكيلك علي مشاعري بس كل ماانشوفك انتلخبط وانودر في الكلام اللي امرتبه كله ومالاخر هكي انا انحبك ونبي انجيب هلي وانتقدملك
رنا اخدودها انحمرو لانها اول مرة في حياتها تنحط في موقف زي هذا واول مرة تسمع كلمة زي هذي صح هي ثالثة ثانووي وكبيرة بس عمرها ماجربت الحب ولا دارت علاقة ولا كان عندها وقت المواضيع هكي
صالح:انا بس بنعرف اذا مش مرتبطة بنجيب هلي ويخطبوكي وانتعرفو علي بعضنا في فترة الخطبة
رنا بصدمة:خطبة شنو يااستاذ
صالح:خطبتك انتي انا بنخطبك من اول ماشفتك ومش قادر نرقد الليل من كثر التفكير فيك
رنا قعدت اتشوفله زييين وبعدها مشت تجري وسيباته بروحه
صالح قعد مستغرب من تصرفها وهو مش فاهم هي ليش دارت هكي
“”””””””””
#عند_رؤوف
جا للمستشفى علي قصاد الساعة 10:30 وخش ايدور في شاهين لقاه هو ومجموعة طلبة ايشوفو في حالة مريضة بسبب خطأ طبي(الاخطاء اللي كاثرات الفترة هذي?)
رؤوف:السلام عليكم
الكل:وعليكم السلام
رؤوف:شاهين تعال نبيك دقيقة
شاهين استغرب وطلع معاه
شاهين;كنك شن فيه وبعدين عليش جاي متأخر مش عارف اليوم عندنا مالصبح
رؤوف:توا مش وقت الكلام هذا كله توا نبيك اتقولي تعرف حد ايفسر في الاحلام
شاهين:عليش شن صار معاك حاجة جديدة
رؤوف:شاهين ماتفصلنيش هو سؤال جاوب عليه يااها يالا
شاهين:اها عندي وليد صاحب متدين وايفسر في الاحلام
رؤوف:وين نلقوه هذا توا
شاهين:والله مش عارفة خليني نتصل بيه وانشوفه
رؤوف:باهي كلمه بسرعة وخلينا نمشوله توا
شاهين:تمام وكلم الشاب وقاله ان يخدم في ورشه وايجوه فيها
وطلع رؤوف وشاهين من المستشفى ومشو شور الشاب وكان اسمه أحمد سلمو عليه وبعدها
أحمد:ان شاءلله خير ياشاهين قتلي تبيني في موضوع مهم
شاهين:الحق مش انا اللي نبيك صاحبي رؤوف هو اللي يبيك
أحمد:تفضل يارؤوف ان شاءلله خير
رؤوف:انا الحق ياخويا فيه حلم مرافقني من فترة نفس الحلم ماتغيرش ونبي تفسيره
أحمد:ان شاءلله خير قولي الحلم وباذن الله انفسره
رؤوف قعد يحكي في الحلم الاحمد وبعد كمل
رؤوف:والللي مش فاهمة ليش حتى بعد ماشفت البنت مازال نحلم بيها
أحمد:الحلم متاعك والله واعلم تفسيره ان البنت هذي في حاجتك وتبي المساعدة في شيئ معين وانت اللي حتساعدها فيه
رؤوف:باهي شنو الشيئ هذا وليش انا بذات
أحمد:مش عارف بس دورها واحكي معاها ممكن تلقى الاجابة عندها
رؤوف:ان شاءلله وشكرا وبارك الله فيك تعبتك امعايا
أحمد:فيك تبارك الله واي خدمة تفضلو
شاهين:تسلم خيي
رؤوف صبى:سلام توا
أحمد:في امان الله
طلعو رؤوف وشاهين مع بعضهم وحطه في المستشفى وهو طلع وفي الطريق رن علي رويدة
رويدة:خيرات اوفا شن اخبارك
رؤوف:تمام شن اخبارك انتي
رويدة:تمام مكسدة
رؤوف:دودي حصلتي الرقم ولا لا
رويدة:اها حصلته تبيه توا اندزه لكي
رؤوف:اها ياريت
رويدة:خلاص حندزه لكي توا في رسالة
رؤوف:تمام وسكر
“””””””
#عند_أسيل
أم أسيل:ياماما باتك قرر السفرة هذي كلها عشانك
أسيل:وانا قلتلكم مش مسافرة ومش ماشية الاي مكان خلوني هنا انا متريحة
أم أسيل:بس نحن مش متريحين لعند امتى بتقعدي هكي قرايتك وسيبتيها وصحبات ومعش عندك ومعش تطلعي مالحوش بككل خلاص يااسيل لازم اتعيشي حياتك طبيعية وتقتنعي ان لينا خلاص ماتت
أسيل تبكي:انا عارفة ومقتنعة ان لينا ماتت ومش داعي كل مرة اتذكروني بأكثر شيئ نكره نذكره
ام اسيل:ياماما هذا قضاء الله وقدره والموت بياخذنا كلنا مش بس لينا
اسيل:عارفة وياريت ايجي ياخذني انا وايريحني لاني تعبت
ام اسيل:ولانك تعبتي وافقي عالسفرة باتك دايرها عشانك يبيك اتغيري جوك
اسيل تبكي:اي جو تبوني انغيرة انا عارفتكم ليش تبوني انسافر تبو تاخذوني الدكتور نفسي كويس بس امتى تفهمو اني مش مجنونة وانا بس مقهورة من موت اختي استوعبو بس وقعدت تبكي
ام اسيل قربت منها:خلاص خلاص اهدي ومعش بنسافرو بس انتي اهدي
اسيل:ارجوك ياماما خليني بروحي
ام اسيل;براحتك وطلعت
وقعدت اسيل بروحها وتبكي وفي اثناء بكاها هذا رن فونها واللي استغربت رنته لان من زمان ماحدش رن عليها شافت للفون ولقاته رقم وردت وقالت الو وكان واضح علي صوتها خنقة البكية
رؤوف:شكلك كنتي تبكي زي اول مرة شفتك فيها
أسيل:هو انت كيف جبت رقمي
رؤوف:مش مهم كيف جبته الاهم اني جبته وخلاص
اسيل:اسمع يااخ معش اترن لان بجد مش ناقصتك
رؤوف:انتي كنك معايا وليش كل مرة زاقبتلي في حلمي
اسيل:قلتها بروحك حلمك انا شن دخلني فيه
رؤوف:انتي اللي دخلك تي انا مش قادر نرقد بسببك وكل مرة ناطة في حلمي والمشكلة ان نفس الحلم كل مرة
اسيل:باهي والمطلوب?
رؤوف:ماعندكش فضول تعرفي شن هو الحلم
اسيل:انا ماعنديش فضول علي شيئ في الدنيا الا امتى نفتك منها
رؤوف:اوووف للدرجة هذي كارهة الحياة
اسيل:واكثر من هكي
رؤوف:تبي الحق حتى انا كارها الحياة بس مش الدرجة متمني الموت
اسيل:ممكن لانك مش فاقد حد غالي عليك اكثر من روحك وتقعد مرايف عليه لين خلاص وترجى في الموت عشان اتشوفه
رؤوف:تحكي علي اختك لينا
اسيل:لينا مش بس اختي لينا توأم روحي انا ولينا كنا روح وحدة ومقسومة بين شخصين كنا قراب من بعضنا بككل كنا انحبو نفس الحاجات وكان بينا حاجات واجد مشتركة حتى الصحبات كانن مشتركات وصلنا الدرجة وحدة اتصاحب وحدة ووحدة فينا مش حابتها اتصاحبها بس عشان نقعدو نفس الصحبات بينا كانت اقربلي من روحي الوحيدة اللي كانت اتحس بيا من غير مانحكي كنا كل حاجة انديرو فيها مع بعضنا واي مكان نمشوله مع بعضنا اليوم الوحيد اللي ماكنتش امعاها يوم اللي طلعت ماشية للكوافير قالتلي نقعد هنا عشان ماانخليش ماما بروحها بس وقت اللي بتجي للصالة قالتلي تعاليلي انتي وطلعت وكان هذا الاتفاق هي نص ساعة من طلعتها ووصل اسوء خبر نسمعه في حياتي ياريت ماسمعت كلامها ومشيت معاها كنا متنا مع بعضنا بدل مااتخليني في الدنيا هذي بروحي
رؤوف:معليش هذا مقدر ومكتوب من عند ربي نحن البشر ماعندنش فيه يد
اسيل:عارف الموت مش صعب عالانسان اللي ميت الموت صعب عالانسان اللي عاش بعد موت الانسان اللي ايحبه لان مش حيقدر يستوعب ان مات زي انا مش قادر نقتنع انها ماتت الها توا اسنين وانا مازال انقول كذبة وهي مسافرة وحترد
رؤوف:عارفها صعبة وتوجع بس اتصدقي اتموت وانتي متذكرة منها كل حاجة حلوة احسن ماتقعد معاك وانتي كارهتها لانها سبب دمار حياتك زي حالتي هكي
اسيل:وانت من اللي دمر حياتك
رؤوف:خويا اللي المفروض ايكون احن شخص عليا واللي المفروض ايهمه في الاول في الاخير سعادتي دمرلي حياتي وحرمني مالانسانة الوحيدة اللي حبيتها وقهرني وطعني في ظهري
اسيل:ليش شن دار
رؤوف:طلع ايحبها وماكفش ان ايحبها وبس خطط ودار خطط ونفذ عشان ايفرق بينا وفعلا نجح وفرقنا ومعش فيه اي امل اني ناخذها او اتكون ليا في يوم مالايام
اسيل:معقولة فيه اخ ايدير هكي
رؤوف:معقولة ونص اهو قدامك مثال حي وخويا دار فيا هكي وفوق من هذا كله ضميره متريح وحاس روحه دار الصح عارفه معنى الكره انا توا كارهة
اسيل:انا حسيت ان اللي اتحبها وحدة من صحبات رويدة بس من فيهن
رؤوف:رانيا البنت الوحيدة اللي حبيتها عشنا احلى قصة حب ممكن تنعاش بنت مستحيل ايكررها الزمان
اسيل:هي صح شكلها بنية كويسة بس فيه حاجة بنقولها لكي الاخ عمره ماايتعوض ممكن خوك غلط بس هو في الاخير خوك وفقدته هو حتكون اصعب من فقدت اي حد في الدنيا
رؤوف:مش عارف بس الحق ماقدرتش انسامحه
أسيل:حاول تذكرله الحاجات الكويسة اللي دارهن لكي واكيدة حتسامحه لان بجد مافيش اوعر من فقدت الاخ نار نار ومستحيل تطفى مهما اتحاول حتى لو مرن اسنين حتقعد نفس النار ومش حتقدر تنساه او اتعيش حياتك ومن كثر ماانك مش قادر اتعود عالحياة بدونه توصل بيك اتفكر في الانتحار
رؤوف:امعاك ان الفراق صعب بس مش للدرجة الانتحار عمره ماكان حل للمشاكل هو هروب مالواقع ومالحياة بس حتندمي عليه بعدين ردبالك مهما كانن ظروفك اتفكري في الانتحار لان الشيئ هذا حرام عند ربك حتخسري دنيتك واخرتك وحتاخذي غضب ربي لان قتلتي روح
أسيل:معاك حق كل ماانفكر في اللي درته زمان نندم لاني حاولت ننتحر صح خاطري انموت بس عارفة ان الانتحار حيكسبني غضب ربي وفوقها حنخش للناز يعني مستحيل انتلاقه بيها لان هي اكيد في الجنة
رؤوف:ايوا خليك هكي وفكري بالطريقة هذي وردبالك اتخلي الفكرة هذي اتسيطر عليك وكل مااتجي في بالك استغفري صلي وانعني الشيطان وكلميني قبلها عشان ننقذك ?
أسيل ضحكت:كيف انت شاطر بالانقاذ واقناع الشخص ان ماينتحرش
رؤوف:انا مش شاطر اني نقنع حد ماينتحرش بس مرة نقذت وحدة كانت بتنتحر
أسيل:كيف نقذتها
رؤوف:القصة كانت يوم اللي خشت عمتي للمستشفى مريضة وكنت جاي بنزورها وانا خشيت للمستشفى ورقيت للدور الخامس ومشيت شور القسم واندور في الدار اللي فيها عمتي خطمت علي دار وقعدت مرا كبيرة اشوية من عمر امي تبكي واتعيط واتقول حي عليا بتنتحر انفجعت ودغري خشيت عليها وخشن بعدي الممرضات واذ بيها بنية صغيرة مش كبيرة في عمر 18/19سنة هكي راكبة في الروشن وبتنتحر تلخبطت الممرضات اينادن للامن وايعطن وامها تبكي واتعيط ماالقيتش روحي الا هاجم عليها ومسكتها وكريتها جوا البنت طاحت واغمى عليها وجنها الممرضات وامها وانا طلعت ومشيت العمتي زرتها وبعد الزيارة سألت الممرضة عالبنت قالت انها قعدت كويسة
أسيل:الكلام هذا الفترة هذي ولا له زمان
رؤوف:لا الكلام قديم له توا قريب 8سنين
أسيل:انت شن تبي مني
رؤوف:انا مانبي منك شيئ كل القصة اني حلمت بيك وتفسير الحلم اني لازم انساعدك
أسيل:انا مش بحاجة مساعدة حد
رؤوف:بالعكس انتي اكثر وحدة بحاجة مساعدة
أسيل بعصبية:كلكم بتساعدوني لانكم اتحسو فيا مريضة نفسي بس انا مافيا شيئ مش مجنونة
رؤوف:اهدي بالعكس كلامك ايدل ان العقل اللي عندك حتى انا ماعندي ولا انسيتي كيف نصحتيني عشان خويا وبعدين لو اتجي للحق مش انتي بس بحاجة مساعدتي حتى انا بحاجة مساعدتك
أسيل:وانت بشنو محتاجني الباين ان جوك سمح واتهدرز وتضحك
رؤوف:انا هذا الباين عليا بس انا من جوا مدمر ومنتهي بحاجة حد نحكيله ويسمعني حد نوثق فيه بعد مافقدت ثقتي من كل الناس وانتي من اول مابديت نحكي معاكي حكيت كل حاجة بكل صراحة وهذا ايدل ان فيه ثقة برغم اني مانعرفكش
أسيل تبكي:انا انسانة فاضية من جوا ماعنديش قدرة انساعد حد او نوقف جنب حد انسانة بعد اللي صار معايا الكل انسحبو من حياتي حتى صحباتي وكاني نوع جرب الكل خايف يعديهم الكل ينظرولي بنظرة المجنونة
رؤوف:انتي مش مجنونة صدقيني عقلك يوزن بلاد واللي ايقول عنك مجنونة هو المجنون وبعدين ياستي انا بحاجة اني نحكيلك وتسمعيني وتنصحيني مش ايقولو خوذو الحكم من افواه المجانين وقعد يضحك?
أسيل ضحكت?
أسيل:اسمع انا توا بنشوف ماما وبنساعدها عالغداء
رؤوف;باهي قبل مااتسكري قوليلي بتساعديني وتقعدي صديقتي
أسيل;اها ونبيك حتى انت اتساعدني
رؤوف:تمام معناها حنكلمك مرة اخرى
أسيل:تمام وسلام توا وسكرت وقمعزت علي سريرها وهي اتفكر
رؤوف لما سكر حس براحة غريبة ماللي داره وابتسم وروح الحوشهم
“”””””””
#عند_رنا
خشت الفصلها وكملت باقي الحصص وهي مرتبكة ومنحرجة ومنستهة حتى في دروسها ماركزت وهذي مش من عادتها وهذا كله صار لانها اول مرة تنحط في موقف هكي وماعرفتش شنو اترد او شنو اتقول
أما صالح فروح الحوشهم وهو مش فاهم شيئ من تصرف رنا وليش جرت بالطريقة هذي وسيباته
“””””””””””
#عند_دوسة_ورانيا في المشروع
قاعدين ويشتغلو وفجأة طبو عليهم بات سراج وجده جوله تفتيشية? وقعدو يبرمو في المشروع كله وايشوفو في شغلهم وكان معاهم دوسة ورانيا وفيصل وهيثم ووسيم
جد سراج:الحق ان شغل وكانه شغل معترفين بصراحة مش كانهم مالهم شيئ كيف تخرجو
محمد:يشهد الله انهم مهندسين متفوقين وثبتو الشيئ هذا في شغلهم
جد سراج:وماننسو حتى المشرف عليهم من اكفأ المهندسين في الشركة
محمد:اكيدة فيصل مهندس ناجح ومامررش عليا شخص بذكاه لعند توا
جد سراج:نننصحك نصيحة يامحمد ردبالك اتفرط فيهم هذوما مهندسين مايتعوضوش ردبالك اتخلي شركة غيرك تاخذهم
محمد:وانا فكرت فيها وللحق مش فكرتي كانت فكرة فيصل هو اقترح عليا انعينوهم عينت رانيا معانا والاكيدة كنتي حتكون معانا في الشركة وبالنسبة للشباب الاثنين مكانهم موجود انا انتمنى ايكونو في شركتي بس لو في راسهم مشروع ثاني مانضغطش عليهم
هيثم:لا يااستاذ محمد ايشرفنا الشغل في شركتك
محمد:معناها مجرد مايكمل المشروع شغلكم كلكم معايا في الشركة بإذن الله
سراج جاهم
سراج:اووو هذي خيانة معقولة نسمع مالسكرتيرة ان انت وجدي جيتو هنا كنتو قلتولي تي حتى ان المشروع امتاع مراتي ازح
جد سراج يضحك:ولدك هذا ديما محشم بينا
محمد:والله وحلت فيه ياباتي في كل حاجة تغير الا في حركاته هذينا
سراج:مادرتلكم شيئ قلتلكم ليش ماخذيتوني معاكم وشاف السندس شنو الجو حبي?
سندس شافتله زين واخدودها انحمرو ونزلت راسها
سراج يضحك:قصدك انحرجتي منهم عادي حبيبي شن فيها راك مراتي
جد سراج:طبيعي البنت لانها متربية اتحشم مش زيك ياقليل الحياة
سراج يضحك;باهي المهم قولولي شن حكيتو من ورايا
محمد:مازالنا ماحكينا شيئ
سراج:ينعن جد ماحكيتو شيئ يعني كنتو اتفرجو علي بعضكم اكيدة حكيتو?
جد سراج:لنقنه اهلبك قرار قرره باتك توا
سراج:شنو ?
جد سراج:عينهم كلهم في الشركة ومن ضمنهم سندس يعني استلم بتقعد في وجك في الحوش وفي الشركة يعني بتقعد تحت الحصار والمراقبة 24ساعة
سراج:ناعلي عليك جو?المهم خلوها معايا في نفس المكتب بس
جد سراج:ريت اللي ماايتحشم
فيصل:فوتوه هذا ماايتحشمش راه خلوه ساكت خير
محمد:والله انك صدقت
سراج:تامة يانصي احسابك بعدين مش توا
وقعدو ايهدرزو وايكملو في جولتهم
“”””””””
الساعة 2 وتحديدا في الفيلا
روحو جد سراج وباته وسراج وسندس مع بعضهم وبيتغدو كلهم مع بعضهم في الفيلا ووتت عفوفة الغداء في الجنان وطلعو كلهم بيتغدو برا وقمعزو عالطاولة
محمد:وين تالين وصالح
عفاف:صالح رنيت عليه قالي روح الحوشهم اما تالين اليوم خذت دبشها وقالت اليوم بتسافر
محمد:معقولة وليش ماقالت كنا ودعناها لعند المطار
عفاف:والله ياما درت فيها عشان انوصلها انا والسواق وكنت بنكلمك وانكلم سراج بس هي اصرت انها تمشي من غير مااتودع حد قالت ماتقدرش تمسك روحها ومسكينة مامشت لين ياما بكت مش هاين عليها فراقنا
محمد:ياريت ماسمعت كلامها وكلمت باتها كان هذا راه خلاها معانا
عفاف:قالت اول مرة يفقدها ماتبيش اتقوله لا وماتمشيلش
محمد:ربي ايوصلها سالمة ويسعدها وين ماكانت تالين بنية كويسة وتستحق كل خير
عفاف:يارب والله حسيت كانها بنتي وسافرت خلت مكانها في الفيلا
وقعدو هكي يحكو علي تالين كلهم اما سراج ماشاركش في الحديث بكككل
“””””‘”””””
عند_رنا
تغدت مع هلها واساعدت هي ورانيا في غسل العوايز وكانت بتحكيلها اللي صار معاها بس كانت منحرجة ومش عارفة كيف تفتح الموضوع لانها عمرها ماصار معاها هكي صح كانت ديما تحكي مع رانيا وتنصحها وبذات في اللي مرت فيه رانيا بس هي عمرها ماصارحت رانيا بشيئ في قلبها ولا رانيا جربت تسألها في يوم دائما كانو ايعاملو فيها انها صغيرة لان هي ماكانت محسستهم انها كبيرة ودائما تصرف انها صغيرة
حاولت كم مرة تحكي بس كانت مترددة وختم الموضوع في النهاية انها تسكت وماتحكي شيئ
كملن العوايز مع بعضهن وخشت رانيا بتقيل اما باتها تغدى ورد للشغل وامها خشت حتى هي بترقد وقعدت بس هي في دارها وماسكة هالكتابات وتقرا وكل ماتمشي في القراية اشوية كل مايخطر عليها اللي صار وتقعد اتفكر ومنحرجة من تصرفها اللي تصرفاته وهي كيف الهبلة مشت تجري?
“”””””
الساعة 4:00 م
#عند_سيرجو_ودوسة
عمتكم سندس خشت مع سراج وعساس بيرقدو بس هي مارقدتش وطلعت وقعدت اتجهزله في كيكة اتهبل ?توا نعطيكن طريقتها(هذا ياحنة تاخذي كوبين حليب وكوب سكر ودحية وفانيليا وكشيكين زبدة واربع كواشيك دقيق اتحطيهن في ست البيت وتضربيهن وبعدها تاخذي الخليط هذا واتحطيه في طنجرة واتحطيه عالنار وتقعدي اتخلطي حيقعد ايكلبز ويغلظ معاك مااتخافيش عادي الموضوع وبعد يغلط طفي عليه وانجو بعدها للخطوة الثانية انجيبو البشكوط السعودي اللي كاغطة خظر مش عارفة اسمه بزبط او بشكوط هلا وتقعدي اتغطسي فيه بالطرف في حليب وكاكاو مخفوقات مع بعضهن اتغطسي واتحطي في الطاجين لعند مااتدسفي اول طبقة واتحطي عليها مالخليط وتقعدي مجهزة موز شرائح اتحطي علي كل طرف فوق الخليط واترشي اشوي مكسرات واتجي اتغطسي طبقة اخرى مالبشكوط واتحطيها فوق الخليط والموز واديري نفس الخطوة اتحطي فوقها باقي الخليط كله يعني الخليط تقسميه نصين وبعدها طبقة موز ومكسرات وبعدها اتغطسي طبقة اخرى مالبشكوط واتحطيها واتحطي فوقها كريم شانتيه واتزينيها بشكولاطة وموز ومكسرات واتحطيه اشوية في الفريز ومااتخليهش ايطول لان بعد اتسقع بكل يقعد مافيهش جو وان شاءلله اللي اتجربها وتعجبها تدعيلي لان طعمتها خيااال??)
المهم انردو الحلقتنا
وتت سندس الكيكة وجهزت قهوة مع وعيت زوجها المصون سيرجو?انصدم اول مالقاها في المطبخ واتجهز
سراج:حبيبتي البايرة في شنو اديرلنا?
سندس عصبت:صار بايرة معش فيه وكال هي
سراج:زعلتي يازعولتي اسف انبصر انا اللي باير تريحتي هكي
سندس:ههه?حانط المهم ماتقرب شيئ بنشيل العميمة وعمو قرعتهم وانجيك تقرب حاجة نهارك وخذت التبسي وجت بتطلع وسراج عرضلها قدام الباب
سندس:حول خليني نطلع
سراج:مش قبل ماناخذ بوسة صباح الخير وقرب منها
سندس بعداته:توا مش وقتها مستعجلة
سراج:باهي غير اتروحي والله ناخذ اللي اكثر من بوسة توا اتشوفي
سندس تضحك وطلعت
سراج خش للمطبخ وقعد ايشوف للكيكة وسهفاته
سراج:ناخذ طرف مش حتفطنله وجا وذاقه
سراج:والله الا صاير منها ام السان الكيكة اتهبل?
اشوي وسندس جت للمطبخ
سندس:انسخن القهوة ونشربو مع بعضنا
سراج:خوذي راحتك حبي?
سندس سخنت القهوة وجابتها وشافت للتبسي لقت فيه بس طرفين
سندس مصدومة:وين راحن الطروف وشافت السراج
سراج شافلها وابتسم?
سندس:بالله عليك كم كليت طرف
سراج:4بس?
سندس:بس شاطر غير اتقولي بنعرف وكالك وين يمشي اسال روحك قبل
سراج:انا اقل شيئ اندير في رياضة اما انتي لا رياضة لا شيئ وماتسمنيش
سندس:حاسدني?
سراج:تبي الحق اها والله خاطري فيه جو تاكل وماتسمنش هذا والله ياعوينك
سندس:خمسة في عيونك??
سراج صبي وقرب منها:معقولة اتخمسي في وجه حبيبك
سندس بدلع:مش انت حاسدني
سراج زاد قرب:معقولة انا نحسدك انبصر معاك بس
سندس:عارفتك?
سراج:وباهي عارفة اني انحبك
سندس:اها عارفة?
سراج زاد قرب اخرى:وعارفة اني انموت فيك
سندس:عارفة☺
سراج:وعارفة اني انجهزلك في مفاجئة اتهبل زيك
سندس:لا مش عارفة☺
سراج قرب اخرى:باهي عارفة شن نبي توا وحط يده علي شفايفها
سندس:سراج خلينا نشربو القهوة
سراج:توا نشربوها اشوية اخرى
سندس:اتصقع حبي
سراج:توا انردو انسخنوها
سندس:يعني مصر☺
سراج:بككل بككل وقرب وقعد ايبوس فيها علي شفايفها وبعدها شالها ورقى بيها الدارهم وطبعا الباقي #مشششفر
وعالمغرب كملو التشفير ودوشو وطلعو شربو قهوتهم والكيكة??
“””””””
مر اليوم عادي ومن دون أحداث تذكر
“””
صباح يوم جديد
كالعادة عند دوسة وسيرجو وعت دوسة دوشت وصلت الصبح ونزلت جهزت فطورها ووعت سيرجو وخش دوش وطلع ولبسو ونزلو فطرو وبعدها طلعو شالها حطها في المشروع وهو مشى للشركة واول ماخش مكتبه بدا في شغله دغري وقعد ايراجع في ملفات واوراق لقاهن عالمكتب يبن شغل وبينما وهو غارق في شغله جاته رساله ولما فتح عليها كانت من تالين وكان فحواها(اسفة علي كل كلامي واسفة علي حبي لكي ماكنتش قاصدة تزعل مني ومانحسبش كلامي ايعصبك الدرجة اتلزني بس والله مشاعري كانن صادقة انا مش قاصدة انخرب حياتك بس حبيت انصارحك بالشيئ اللي ليا اسنين داسته وتوا حتى لما انموت بنموت متريحة لاني اعترفت بحبي لكي انت اكثر شخص عارف ان ماعندي حظ في شيئ لا بأب ولا بأخوة ولاحتى بالشخص الوحيد اللي حبيته كنت بنسافر بس لما فكرت المن بنسافر انا ماعنديش حد غادي حتى بابا ماصدق طلعت من حياته لذلك انا اكثر شخص يستاهل الموت وحبيت انموت في بلادي وفي ترابها وفي اكثر مكان تقربت منك فيه وتبادلنا اسرار اخر مرة سلام ياحبيبي وسامحني اني قلتها بس حتكون اول واخر مرة انقولها وربي يسعدك علي قد ماحبيتك)
سراج انصدم مالكلام ودغري قعد ايرن عليها
“””””‘
#عند_رانيا
وعت وفطرت وطلعت مع باتها بيوصلها
واثناء وهما في الطريق
بات رانيا:رنوشة انا سألت عالشاب اللي جا خطبك
#يتبع
قولكن كيف حيصرف سراج وهل حيعرف مكان تالين وحيوصل فيها حية او ميته واذا كان لقاها حية شن حيكون موقفه واذا لقاها ميته شن حيكون ردة فعله وهل حتأثر علي حياته مع دوسة ?
أما رانيا شن حيكون قرار باتها وياترا سامع علي فيصل كلام كويس او سامع علي الخبر اللي كان ايدير فيه ?
أما رؤوف وأسيل المكالمة كانت مبشرة بالخير بس حيستمر الوضع هكي او حيتغير بمجرد مايسمع خطبة رانيا?
أما صلوحي ورنا العلاقة بينهم مبهمة بس قولكن شن حيكون تصرف رنا لما اتشوفه اخرى في المدرسة وهو كيف حيكون موقفه بعد اللقطة اللي دارتها له?
كله حنعرفوه في الحلقة الجاية?
معليش عالتأخير وان شاءلله مش حيتكرر والحلقة الاخيرة ياحنقسمها حلقتين يا حتكون حلقة وحدة لكن حنقسمها جزئين زي مااندير في كل رواية لانها حتكون حلقة طويلة بكككل ?
#وخطرها باركلي اليوم طلعت نتيجتي ونجحت?? وخشيت سمستر التخرج واخيرا?
أسفة لو فيه لخبطة في الأسماء واكيد رأيكن ايهمني?
گـتـابـتـي Koka Saleh
الـحلـقـة (47)
گـتـابـتـي #Koka_Saleh
“”””””””””””””””””””””””””
عالمغرب سراج جا للفيلا بيدوش ويمشي الهل سندس ايجيبها بس لما وصل للفيلا خش بيشوف عفوفة قبل مايمشي الحوشه
سراج اينادي;عفوفة
تالين نزلت من فوق:عمتو مش قاعدة
سراج:وين مشت
تالين:قالت ماشية الخالتك
سراج;من شالها
تالين: شالها السواق
سراج:تمام وطلع
تالين لحقاته
تالين:سراج:نبيك في موضوع
سراج:شنو
تالين:اول حاجة وين سندس
سراج:عند هلها
تالين:احسن عشان نحكي براحتي
سراج شافلها زين:بتحكي ولا كيف انا مستعجل
تالين:ليش مغير معاملتك معايا
سراج:مش مغيرها بس الظروف هنا اللي تغيرن
تالين:يعني مازال اتحبني زي قبل
سراج:اكيدة بس نبي منك اللي تكرر اليومين اللي فاتن معش ايتكرر لان الوضع توا يفرق عن زمان
تالين:تمام بس انت تعرف انت شنو بالنسبة ليا
سراج:اكيدة عارف
تالين:باهي شنو
سراج:انا صديقك وزي خوك بزبط
تالين:معش اتقول زي خوك لانك مش خويا ومعش اتقول صديق لان طريقة معاملتنا البعضنا زمان عمرها مااتكون طريقة اصدقاء
سراج:طريقتي زمان كانت مع اي بنت بس انتي بذات ماصارش بينا شيئ ايدل علي ان مش اصدقاء وانتي عارفة اني طول الوقت انعامل فيك انك صديقتي
تالين:لا ياسراج نحن مش اصدقاء وعمري مااعتبرتك صديق طول الوقت انعامل فيك هكي بس الحقيقة مش هكي انا انحبك وطول الوقت نبيك اتحس بس انت ماكنتش منتبه وكنت نحساب انك مش متاع حب وهذا ليش ماحكيتش بس توا اهو طلعت تعرف اتحب وانا انحبك فاالاولى اتحبني انا لاني انحبك من قبلها
سراج كان مصدوم من كلامها
سراج بعصبية وصوت عالي;تالين توا اتلمي دبشك وتطلعي من هنا
تالين بصدمة:انت تبيني نمشي
سراج بعصبية:تمشي ومعش بنشوف وجك هنا بكككل
تالين نزلو دموعها:حاظر اللي تبيها حنديرها ومش حتشوف وجي بكل بعد اليوم بس مش معنى هكي اني انبطل انحبك
سراج بعصبية وصوت عالي:تالين امشي وهنا معش اتردي
مع جيت عفوفة
عفاف:شن فيه كنكم
تالين قعدت تبكي?
عفاف انصدمت;كنها تولي وانت ليش اتقوللها عدي شن صاير
سراج:مش صاير شيئ تالين باتها كلمها يبيها اتروح انا قلتلها تقعدي وهي مسكرة راسها بتمشيله قتلها امشيله ومعش اتجي
تالين شافت السراج زين ودموعها ينزلو
عفاف:معولة بتمشي واتخلينا ياتولي والله تعودنا عليك معانا وكان علي باتك انخلي عمك محمد ايكلمه
تالين تبكي:لا عمتو انا قلت البابا حنروح انتي عارفة اول مرة يفقدني وانحس ان ايحبني جديات
عفوفة:بس ياتولي نحن تعودنا عليك امعانا كيف بتسيبينا
تالين:خلاص عمتو مااتزديهش عليا ساد سراج توا انا قررت وخلاص وخشت للفيلا بسرعة
عفاف:معقولة بنخلوها تمشي هكي ياسراج لازم نصرفو
سراج:خلاص هي مقررة وبتمشي خليها براحتها
عفاف:بس انا تعودت عليها معايا كيف هكي والله حرام
سراج شاف الامه:حتعودي ماهو كنتي عايشة بلاها واهو معاك دوسة ولا تالين احسن منها عندك
عفاف:لا والله انت عارف سندس بنتي مش كنتي بس واجعتني هالمسكينة اللي حتى ام ماعندها
سراج:هذي حياتها وهي متعودة عليها وبعدين اصلا هي حتى العيشة في ليبيا ماقدرت اتأقلم معاها
عفاف:عموما انا حنعاود نحكي معاها بالك اتغير رايها
سراج:المهم توا تبي حاجة انا بنخش اندوش ونطلع انجيب دوسة
عفاف:سلامتك
طلع سراج من جنبها ومشى الحوشه بيدوش وهي مشت التالين بتحاول تقنعها اتغير رايها
“”””””””””
سراج دوش وطلع ومشى الهل سندس في الحوش وفتحله فرج الباب وسلم عليه
فرج:جيت وربي جابك تعال فكني من مراتك والسانها
سراج يضحك:كنها شن دايرة
فرج;ساكنتلي واتعبي في راس امها قالت ليش ماانشيل في امها اندهور فيها وخشو جوا
سندس:خلاص يابابا القيتلك حل تطلعوش برا من ليبيا بس خوذها للشرق وخوذو حوش في جبل واقعدو كم يوم في الطبيعة والله ماما محتاجة جو كيف هكي
فرج;ها شفتها اي دهورة توا افهمي والله شغلي فوق راسي قتلك ايخف شغلي وناخذها من عيوني
سندس;انا عارفتك شغلك مستحيل ايفض
سراج:دوسة بلاش سكنان باتك قالك عنده شغل وبعدين انتي عارفه وضعه هو وباتي ماانقولو غير مسكينات عفوفة وعمتي
فرج:ريت لاخر نبيه ايسكتها طلع شر منها
سندس:خلاص انا قررت الاسبوع هذا تاخذ ماما وتمشو للشرق
فرج:لا حولا ولا قوة الا بالله قتلك عندي شغل مش فاضي
سعاد:دوسة قريب اترقي علي باتك الضغط خلاص قالك مش فاضي وانا هكي متريحة ونرجاه لعند امتى مايفضى
فرج:ربي ايكملك بعقلك يااسعيدة وايخليك ليا شفتي كلام الناس اللي عندها عقل
سندس اتشوف الامها:يعني هكي انا اللي طلعت برانية توا ومن اللي من بدري اتقول مالة مالحوش
سعاد:انا قلتها بس في نفس الوقت مانقدرش نضغط عليه وهو عنده شغل وهو اول مايفضى بروحه توا ياخذني عارفته
سندس:براحتكم انا الغلطانة ولوت بوزها?
سعاد:باهي صبي وتي معايا العشاء
فرج:ايوا خوذيها فكيني من هرجتها
سندس صبت:باهي يابابا والله زعلت منك ومشت مع امها
فرج يضحك:نفختلي راسي الها ساعة تحكي في نفس الموضوع
سراج:بس زعلت راه
فرج:ماعليك اشوي وانصبي انرضيها خليني فيك توا شن اخبارك واخبار شغلك
سراج:تمام الحمدلله ماشي
فرج:باهي الحمدلله
سراج قعد ساكت وايفكر ان يحكي العمه موضوع هدى واللي صار الفترة اللي فاتت لان قعد يرجى في باته يحكي بس شكله باته ماحكش شيئ
سراج:عمي فيه موضوع صار من فترة وبنحكيه لكي
فرج:موضوع شنو
سراج:هو موضوع صار وانحل وكنت بنحكيه بس باتي قالي نحكيه انا العمك فرج وشكله مازال ماحكى
فرج:انت تحكي علي موضوع البنت اللي جتكم وقصة حملها
سراج;اها نقصد هذا بس انت من حكاه لكي
فرج:حكاه ليا محمد من لمى انحل الموضوع وانكشفت الحقيقة والحق لما حكالي كنت مقرر انجيب سندس بعد عرفت حقيقتك وقصة سهورك مع البنات بس لما حكالي باتك كيف تغيرت وكيف قعدت اتحب سندس ولما شفتها هي كيف اتحبك وعايشة متريحة معاك برغم رفضها في البداية قررت نعطيكم فرصة وانخليكم مع بعضكم وماانخربش عليكم بس ياسراج لو اترد الطريقك اللي زمان صدقني مش حنخلي سندس عندك ولا لحظة
سراج:لا والله ياعمي مستحيل انرد انا بجد تغيرت وهي اللي غيرتني ولو ايصير شنو الطريق اللي زمان مستحيل عاد نمشي فيها
فرج:هكي تعجبني وتاكد ان انا في الاول وفي الاخير اتمهني راحة بنتي ولو حسيتها مش متريحة حيكونلي معاك تصرف اخرى
سراج:سندس في عيوني وراحتها من راحتي انا والله ياعمي انحبها اكثر ماانحب روحي
فرج:ربي يسعدكم ياسراج وهي واضح عليها انها اتحبك وانها متريحة معاك وان شاءلله تقعدو ديما هكي
سراج:ان شاءلله ياعمي
وبعد اشوي تعشو مع بعضهم وبات سندس صالحها عشان زاعلة منه ووعدها ان ايحاول ايفضي روحي خلال الاسبوعين هذينا وايشيل امها وهي رضت وبعد العشاء هدرزو معاهم وروحو بس قبل مايمشو الحوشهم تكو عالفيلا عشان سندس بتسلم علي عمها وعمتها قبل لان اليوم ماشفتهمش بكل وخشو لقو عفوفة اتفرج علي مسلسل وسلمو عليها
سندس:شن اخبارك اعميمة اليوم
عفاف:تمام الحمدلله كيف حال هلك كويسين
سندس:كويسين وايسلمو عليك
عفاف:سلمك وسلمهم
سندس:كيف وين تالين كنها مش قاعدة معاك
عفاف بحزن:تالين كلمها باتها يبيها اترد علي المانيا وتوا اتلم في دبشها قالت حجزت في اول طيارة وبتسافر
سندس:معقولة وامتى بتسافر
عفاف:مش عارفة ماقالتش وانا ماسألتهش اصلا مانبيهش تمشي والله تعودت عليها
سندس:توا نمشي نحكي معاها بالك اتغير رايها وتقعد
عفاف:ياريت لكن من بدري نحكي معاها ومسكرة راسها
سندس:ماعليك توا نقنعها
سراج:مااتعبيش روحك حتى انا حكيت معاها ومسكرة راسها
سندس:خلوني انحاول مش خاسرة شيئ
عفاف:عدي الله ايربحك بالك تقتنع منك
سندس;حاظر ومشت
سراج:غير زايد عارفها مسكرة راسها ومش حتقعد
عفاف:خلينا انحاولو بالك ربي يهديها وتقعد
سراج:المهم وين باتي
عفاف:كالعادة في مكتبه
سراج صبى:بنمشي انشوفه اشوي وانرد
عفاف:باهي
سراج مشى للمكتب ودق وخش
سراج:خير يااحويج
محمد يضحك:غريبة اول مرة اتخشلي في مكتبي من عير ماانا اندز عليك
سراج:كل مرة تقعد انت تبيني في موضوع بس هالمرة انا نبيك
محمد;ان شاءلله خير شن فيه
سراج قمعز:الحق هو موضوع بخصوص مرضك
محمد:مش قتلك انساه الموضوع هذا
سراج:بس انا مش قادر ننساه وليا فترة اندور علي دكتور متخصص في حالتك والقيت بروفسور في فرنسا وهذا تخصصه وداير اكثر من عملية زي حالتك وناجحة خلينا نمشولة وانشوفوه
محمد:انا قتلك مشيت الاكثر من مكان واكثر من دكتور وكلهم قالو مافيش امل مافيش داعي انتعبو ارواحنا اخرى
سراج:مافيش حاجة اسمها مافيش امل الامل ديما موجود وهذا دكتور كويس وداير كم عملية هكي ونحن مش خاسرين شيئ نمشوله وانعاودو التحاليل والصور عنده وهو ايقوللنا اذا فيه امل او لا وانا متفائل واجد بيه وحاس ان الحل عنده
محمد:سراج مااتحاولش انا قتلك حالتي مافيهش امل والله ايربحك اهدى واسكت وخليني عايش كم هالشهر وانا متريح ويكفيني اني حققت حلمي وشفتك تغيرت وكيف مانبي انا وبالك ربي من عنده يعطيني طولة العمر لين انشوف ولدك قبل ماانموت
سراج:بعيد السو عليك وكان انت هكي متريح انا مش متريح انا توا محتاجلك اكثر من قبل انا توا تغيرت زمان ماكنتش متقرب منك واجد وكنت ديما حاسك بعيد مني بس في الاصل انا اللي كنت بعيد منك وتوا قربت وحسيت بحنيتك مانبيش نفقدك مش معقولة بعد نلقى روحي اللي امريحها انريحك انت بعدها ارجوك وافق وخلينا نمشوله وكان قرر علي عملية اديرها عشان اتعيشلي واتشوف عيالي احفادك اللي ديما متمنيهم اللي نبيهم ايتعلمو منك اللي انا ماتعلمتش وقعد يبكي
محمد وجعه سراج وصباله وجا من وراه وحط يده علي كتفه
محمد:انا معاك في اللي بديرها انا بروحي مازال نبي انكون جنبك مانبيش انخليك في الدنيا بروحك ونبي انشوف عيالك اللي غلاهم في قلبي اكثر من غلاك قبل حتى ماايجو
سراج صبى وحظن باته زييين وهو يبكي وبعد الحظن بعدو من بعضهم
محمد:خلاص شوف المستشفى واحجز موعد مناسب لنا ونمشي انا وانت بس مانبيش حد يعلم
سراج:والله ماواحد يعلم نحن ماشيين شغل اصلا
محمد:ايوا هكي تمام وهي توا هويني عندي شغل
سراج ابتسم:حاظر وجا بيطلع وبعدها لف علي باته
سراج:خطرها انت حاكي العمي فرج عالموضوع اللي صار
محمد:قصدك موضوع حمل البنت
سراج:اها هو
محمد:اها حكيتله من بعد ماانحلت القصة
سراج;وليش ماقتلي انك حكيتله
محمد:بعد مافهمته الموضوع وحكيتله اللي كنت ادير فيه وقتله انك تغيرت وهو تفهم القصة حسيت ان مش مهم انقولك ولاني ماكنتش نبيك تعرف ان عمك عرف اللي كنت ادير فيه وتقعد منحرج لما اتشوفه
سراج:ربي ايخليك ليا
محمد:وايخليك ليا
سراج طلع
“”””””
#عند_سندس
سندس:بس ياتالين نحن تعودنا عليك واعميمة تحت ياما صاير فيها عشان انتي بتمشي
تالين:خلاص ياسندس انا بابا كلمني واول مرة يفقدني ونبيش انقوله لا وبعدين معش ينفع الكلام انا حجزت
سندس:كان عالحجز تقدري تلغيه واقعدي
تالين عصبت:خلاص سندس انا قررت
سندس صبت:براحتك واسفة اذا ازعجتك وطلعت
تالين:اصلا انتي سبب كل حاجة صارت وقعدت تبكي
“”””””””
سندس نزلت لقت سراج مع عفوفة لوطة
عفاف:ها غيرت رايها
سندس:لا والله اعميمة مازال مصممة علي قرارها
سراج:ماقلتلكم لما اتقرر حاجة خلاص
عفاف:كان عندي امل دوسة اتغيرلها رايها
سندس:والله اعميمة حاولت معاها واجد بس مسكرة راسها
سراج صبى:هي دوسة انا ناعس وتاعب وبنرقد
سندس:هي تصبحي علي خير اعميمة
عفاف:تلاقو الخير
طلعت سندس وسراج ومشو الحوشهم وخشو ورقو فوق دغري غيرو دبشهم وخشو في سريرهم تمدد سراج عالسرير وسندس طبعا راقدة علي صدره
سراج:عارفة ان عمي طلع عارف قصة هدى وحملها
سندس نطت وقمعزت:تحكي جديات وامتى علمها وليش ماحكالي ان عارف
سراج:من اول ماانحلت القصة حاكيها له باتي وقالي قبل بناخذ سندس بس شفتها كيف اتحبك عطيتكم فرصة ومابيتش انخرب حياتكم
سندس:ماجبليش سيرة الموضوع بكل وحتى ماما ماحكتليش شكله مش حاكيلها
سراج:اكيدة مش حاكيلها وعارفة شن قالي اخرى قالي انا ايهمني سعادة سندس ولو في يوم اتزعلها مش حنخليها عندك وحيكون احسابك معايا
سندس ابتسمت:ربي ايخليك ليا يابابا
سراج قمعز;وانا ماتبيش ربي ايخليني لكي
سندس:اكيدة ربي ايخليك ليا وبعدين انا عارفة انت مستحيل اتزعلني
سراج:وانا قلتها له قتله دوسة في عيوني وانحبها اكثر من روحي
سندس:نجك ليا وقربت وحظناته?
سراج حظنها زين
سراج:توا شفتي انتي جبتيها الروحك
سندس بعدت منه:شنو هذي
سراج:توا تعرفيها توا وقرب منها وقعد ايبوس فيها
سندس بدلع:انت تشبعش بكل☺
سراج عند وذنها:ومن قالك انتي ينشبع منك وبعدها مددها عالسرير وكمل بوساته ويين ماششين خلاص طفينا الضي??
“””””””””””
#عند_صالح_في_داره
كانت رنا واخذة عقله ومش قادر يرقد من كثر التفكير فيها
صالح:انا غبي كنت المفروض اليوم نحكيلها كل حاجة
صالح:باهي شن بنحكيلها
صالح:شنو بنحكيلها اكيدة بنقوللها معجب بيك
صالح:معقولة الاعجاب بس ايخليني مانقدرش نرقد وانفكر فيها وخلاص اكيدة هذا اللي ايقولوله الحب بس معقولة فيه حب ايجي بالسرعة هذي
صالح:راسي بينفجر من كثر التفكير احسن حل نمشي نحكي مع خالتي اكيدة حتفهم عليا واتقولي اللي صايرلي
صبى وطلع من داره ونزل لوطه لقى عفاف كيف بتخش ترقد
عفاف:انت مازال واعي من شوي سراج كان هنا وسألني عليك قتله راقد
صالح:لا ماقدرتش نرقد
عفاف بخوف:كنك مريض اتحس في حاجة
صالح:لا خالتي ماانحس في شيئ بس في عقلي موضوع هو اللي ماخلانيش نرقد
عفاف:ان شاءلله خير شنو
صالح:فاضية اتقمعزي نحكيلك
عفاف:عليك الهبل وحتى لو مش فاضية نفضالك قولي كنك شنو اللي مقلقك بس
صالح:تعالي انقمعزو ونحكيلك
قمعزو عالصالون وقعد صالح يحكيلها في القصة من اول ماشاف رنا وبمعرفته بيها وهي صغيرة(خالته ماكانت عارفة بعلاقته بيها وهما صغار لانها كانت عايشة برا)
صالح;وانا من كثر تفكيري فيها مش قادر نرقد وبكرا بنحكي معاها بس مش عارف احساسي بزبط ماقدراش نفهمه اعجاب ولا حب
عفاف ابتسمت:واضح ان حب والا مادرتش اللي درته واشتغلت مدرس في مدرسة وانت طول عمرك فاشل ولا خدمة لا قدمة
صالح:توا ليش الكلام هذا?
عفاف ضحكت:ماهو انبينلك في حقيقة مشاعرك
صالح:مش مقتنع بواحد ايحب بالسرعة هذي
عفاف:مافيش سرعة واضحة انك اتحب البنت من هي صغيرة ولما سافرت اندفنن المشاعر هذينا ولما رديت وشفتها ردن تحايين من جديد
صالح بيحكي وقعد فونه ايرن فصل عاللي ايرن وقفل تليفونه
عفاف:ياساتر من اللي رن عليك ودرت فيه هذا كله
صالح:وحدة مالصبح ساكنه اترن
عفاف:غريبة صالح النسونجي الثاني بعد سراج اترن عليه وحدة وماايردش ?
صالح:اتصدقي ياخالتي من يوم اللي شفتها وانا ماعنديش نية نحكي مع اي بنت
عفاف ابتسمت:واتقولي مش حب واضح يااصلوحة انك حبيتها وعادي الحب ايجي حتى من اول نظرة
صالح:يعني قولك بكرا انصارحها بمشاعري واني انحبها
عفاف:توا بنسألك سؤال
صالح:شنو
عفاف:تخيل لو اتقولك انا مانحكيش معاك تبيني امشي الحوش هلي
صالح:انجاوبك بصدق انا اصلا في راسي بنحكيلها انها عاجبتني وكان فهمت كلامي واحساسي ورضت انا مانبيش اندير لا علاقة لا شيئ انا بنخطبها دغري
عفاف:يعني بتقيد حريتك وتجوزها ومعش تعرف بنات غيرها بكل
صالح:انقولك من يوم اللي شفتها وانا ماعنديش نية انكلم اي بنت والله تليفوني مابطل رنين ومارديتش علي اي وحدة
عفاف:معناها مااتقوللهش معجب بيك عدي دغري قوللها انحبك وبنجيب هلي نخطبك
صالح:هذا رايك ياخالتي
عفاف:هذا مش رأيي هذا اللي فهمته من كلامك انت اتحبها وطحت في الحب وماحد سمى عليك يااصلوحة
صالح صبى وباس عفوفة علي راسها
صالح:شكرا يااحسن خالة في الدنيا ورقى الداره وخش وهو فرحان ان واخيرا حد ساعده وفهمه صدق مشاعره وكمل الليل وهو ايفكر في الطريقة اللي يشرح فيها حبه الرنا
“””””””””””””
#عند_رؤوف
كان راقد ويحلم ونط فجأة
رؤوف:معقولة حتى بعد شفتها مازال نحلم بنفس الحلم ياربي شن قصتها البنت هذي شن تبي مني وقعد فترة واعي وايفكر وبعدها رقد
“””‘””””””
صباح يوم جديد
#عند_سيرجو_ودوسة
وعت سندس كالعادة دارت دوش وصلت ووتت الفطور وبعدها وعت سراج دوش وصلى ولبس وهي لبست ونزلو تحت فطرو وطلعو مع بعضهم حطها في المشروع ومشى هو للشركة
“””””””
#عند_صالح
جا للمدرسة علي قصاد الحصة الثانية وكانت حصته الثالثة قعد يستنى مع ان الوقت اللي استناه 45 دقيقة بس حسهن كأنهن ساعات مش دقايق وكل اللي في باله كيف يحكي ويفتح معاها الموضوع وبعد كملت الحصة الثانية جا وقت حصة صالح وخش للفصل واول ماخش جت عينه علي رانيا دغري وابتسملها تلقائي
خش وعطاهم اول درس وقعد يشرح واعيونه علي رنا طول الوقت الدرجة ان كل البنات لاحظن وقعدن ايشوفن الرنا واستاذ صالح ويهمسن البعضهن
ماعادا رنا الهبلة كانت غير مركزة في الدرس وخلاص?
انتهت الحصة وقعدن البنات ايجن الصالح عساس فيه حاجات مافهمنهنش?وصالح يشرح وايشوف الرنا اللي قاعدة اتلم في كتبها واطلع في فطورها وبعدها رنا جت بتطلع وهو مازال يشرح للبنات
صالح:خليكي يارنا نبيك اشوية
رنا سكتت وصبت في مكانها
صالح:خلاص ياطلبات اللي مش فاهماتها نشرحها بكل
الطالبة:بس يااستاذ توا استراحة اشرحلنا عشان انحلو الاسئلة
صالح:الكلام هذا كله شرحته امبدري وحاولي اتحلي الاسئلة في الحوش ولو ماعرفتي بكرا انعاود الدرس
الطالبة لخرى اتوشوش الصحبتها:دبينها هو يعطينا فينا اكيدة مش حنفهمو تي ايهبل?
صالح سمعها:تقدرن اتفضلن وبكرا انكملو
الطالبة:باهي شن تبي في رنا يااستاذ وقعدن يضحكن
صالح:شكلي بنصرف تصرف اخرى امعاكن
الطالبات:اسفين استاذ وطلعن
رنا:نعم استاذ صالح شن تبيني
صالح:فهمتي كل حاجة
رنا:اها فهمت اصلا شرحك كان واضح غريبة مافهمنش منك
صالح:سألتي هلك عليا
رنا:اها وحكولي انك كنت ديما تلعب معايا زمان?
صالح ابتسم:باهي اذكرتيني
رنا:بصراحة لا
صالح:باهي مش مشكلة حتذكريني مع الوقت
رنا:لو معش فيه شيئ بنطلع نفطر
صالح:تفضلي اطلعي
رنا مشت وصالح ايشوفلها ومعش عرف كيف يصرف ولما وصلت عند الباب
صالح:رنا
رنا:نعم
صالح جاها:اسمعي انا لا مدرس ولا عمري حبيت نشتغل في التدريس ولا عمري فكرت اني نشتغل اصلا وسبب جيتي هنا كلها عشانك انتي
رنا:نعم
صالح;انا جيت هنا عشان نقدر نحكيلك علي مشاعري بس كل ماانشوفك انتلخبط وانودر في الكلام اللي امرتبه كله ومالاخر هكي انا انحبك ونبي انجيب هلي وانتقدملك
رنا اخدودها انحمرو لانها اول مرة في حياتها تنحط في موقف زي هذا واول مرة تسمع كلمة زي هذي صح هي ثالثة ثانووي وكبيرة بس عمرها ماجربت الحب ولا دارت علاقة ولا كان عندها وقت المواضيع هكي
صالح:انا بس بنعرف اذا مش مرتبطة بنجيب هلي ويخطبوكي وانتعرفو علي بعضنا في فترة الخطبة
رنا بصدمة:خطبة شنو يااستاذ
صالح:خطبتك انتي انا بنخطبك من اول ماشفتك ومش قادر نرقد الليل من كثر التفكير فيك
رنا قعدت اتشوفله زييين وبعدها مشت تجري وسيباته بروحه
صالح قعد مستغرب من تصرفها وهو مش فاهم هي ليش دارت هكي
“”””””””””
#عند_رؤوف
جا للمستشفى علي قصاد الساعة 10:30 وخش ايدور في شاهين لقاه هو ومجموعة طلبة ايشوفو في حالة مريضة بسبب خطأ طبي(الاخطاء اللي كاثرات الفترة هذي?)
رؤوف:السلام عليكم
الكل:وعليكم السلام
رؤوف:شاهين تعال نبيك دقيقة
شاهين استغرب وطلع معاه
شاهين;كنك شن فيه وبعدين عليش جاي متأخر مش عارف اليوم عندنا مالصبح
رؤوف:توا مش وقت الكلام هذا كله توا نبيك اتقولي تعرف حد ايفسر في الاحلام
شاهين:عليش شن صار معاك حاجة جديدة
رؤوف:شاهين ماتفصلنيش هو سؤال جاوب عليه يااها يالا
شاهين:اها عندي وليد صاحب متدين وايفسر في الاحلام
رؤوف:وين نلقوه هذا توا
شاهين:والله مش عارفة خليني نتصل بيه وانشوفه
رؤوف:باهي كلمه بسرعة وخلينا نمشوله توا
شاهين:تمام وكلم الشاب وقاله ان يخدم في ورشه وايجوه فيها
وطلع رؤوف وشاهين من المستشفى ومشو شور الشاب وكان اسمه أحمد سلمو عليه وبعدها
أحمد:ان شاءلله خير ياشاهين قتلي تبيني في موضوع مهم
شاهين:الحق مش انا اللي نبيك صاحبي رؤوف هو اللي يبيك
أحمد:تفضل يارؤوف ان شاءلله خير
رؤوف:انا الحق ياخويا فيه حلم مرافقني من فترة نفس الحلم ماتغيرش ونبي تفسيره
أحمد:ان شاءلله خير قولي الحلم وباذن الله انفسره
رؤوف قعد يحكي في الحلم الاحمد وبعد كمل
رؤوف:والللي مش فاهمة ليش حتى بعد ماشفت البنت مازال نحلم بيها
أحمد:الحلم متاعك والله واعلم تفسيره ان البنت هذي في حاجتك وتبي المساعدة في شيئ معين وانت اللي حتساعدها فيه
رؤوف:باهي شنو الشيئ هذا وليش انا بذات
أحمد:مش عارف بس دورها واحكي معاها ممكن تلقى الاجابة عندها
رؤوف:ان شاءلله وشكرا وبارك الله فيك تعبتك امعايا
أحمد:فيك تبارك الله واي خدمة تفضلو
شاهين:تسلم خيي
رؤوف صبى:سلام توا
أحمد:في امان الله
طلعو رؤوف وشاهين مع بعضهم وحطه في المستشفى وهو طلع وفي الطريق رن علي رويدة
رويدة:خيرات اوفا شن اخبارك
رؤوف:تمام شن اخبارك انتي
رويدة:تمام مكسدة
رؤوف:دودي حصلتي الرقم ولا لا
رويدة:اها حصلته تبيه توا اندزه لكي
رؤوف:اها ياريت
رويدة:خلاص حندزه لكي توا في رسالة
رؤوف:تمام وسكر
“””””””
#عند_أسيل
أم أسيل:ياماما باتك قرر السفرة هذي كلها عشانك
أسيل:وانا قلتلكم مش مسافرة ومش ماشية الاي مكان خلوني هنا انا متريحة
أم أسيل:بس نحن مش متريحين لعند امتى بتقعدي هكي قرايتك وسيبتيها وصحبات ومعش عندك ومعش تطلعي مالحوش بككل خلاص يااسيل لازم اتعيشي حياتك طبيعية وتقتنعي ان لينا خلاص ماتت
أسيل تبكي:انا عارفة ومقتنعة ان لينا ماتت ومش داعي كل مرة اتذكروني بأكثر شيئ نكره نذكره
ام اسيل:ياماما هذا قضاء الله وقدره والموت بياخذنا كلنا مش بس لينا
اسيل:عارفة وياريت ايجي ياخذني انا وايريحني لاني تعبت
ام اسيل:ولانك تعبتي وافقي عالسفرة باتك دايرها عشانك يبيك اتغيري جوك
اسيل تبكي:اي جو تبوني انغيرة انا عارفتكم ليش تبوني انسافر تبو تاخذوني الدكتور نفسي كويس بس امتى تفهمو اني مش مجنونة وانا بس مقهورة من موت اختي استوعبو بس وقعدت تبكي
ام اسيل قربت منها:خلاص خلاص اهدي ومعش بنسافرو بس انتي اهدي
اسيل:ارجوك ياماما خليني بروحي
ام اسيل;براحتك وطلعت
وقعدت اسيل بروحها وتبكي وفي اثناء بكاها هذا رن فونها واللي استغربت رنته لان من زمان ماحدش رن عليها شافت للفون ولقاته رقم وردت وقالت الو وكان واضح علي صوتها خنقة البكية
رؤوف:شكلك كنتي تبكي زي اول مرة شفتك فيها
أسيل:هو انت كيف جبت رقمي
رؤوف:مش مهم كيف جبته الاهم اني جبته وخلاص
اسيل:اسمع يااخ معش اترن لان بجد مش ناقصتك
رؤوف:انتي كنك معايا وليش كل مرة زاقبتلي في حلمي
اسيل:قلتها بروحك حلمك انا شن دخلني فيه
رؤوف:انتي اللي دخلك تي انا مش قادر نرقد بسببك وكل مرة ناطة في حلمي والمشكلة ان نفس الحلم كل مرة
اسيل:باهي والمطلوب?
رؤوف:ماعندكش فضول تعرفي شن هو الحلم
اسيل:انا ماعنديش فضول علي شيئ في الدنيا الا امتى نفتك منها
رؤوف:اوووف للدرجة هذي كارهة الحياة
اسيل:واكثر من هكي
رؤوف:تبي الحق حتى انا كارها الحياة بس مش الدرجة متمني الموت
اسيل:ممكن لانك مش فاقد حد غالي عليك اكثر من روحك وتقعد مرايف عليه لين خلاص وترجى في الموت عشان اتشوفه
رؤوف:تحكي علي اختك لينا
اسيل:لينا مش بس اختي لينا توأم روحي انا ولينا كنا روح وحدة ومقسومة بين شخصين كنا قراب من بعضنا بككل كنا انحبو نفس الحاجات وكان بينا حاجات واجد مشتركة حتى الصحبات كانن مشتركات وصلنا الدرجة وحدة اتصاحب وحدة ووحدة فينا مش حابتها اتصاحبها بس عشان نقعدو نفس الصحبات بينا كانت اقربلي من روحي الوحيدة اللي كانت اتحس بيا من غير مانحكي كنا كل حاجة انديرو فيها مع بعضنا واي مكان نمشوله مع بعضنا اليوم الوحيد اللي ماكنتش امعاها يوم اللي طلعت ماشية للكوافير قالتلي نقعد هنا عشان ماانخليش ماما بروحها بس وقت اللي بتجي للصالة قالتلي تعاليلي انتي وطلعت وكان هذا الاتفاق هي نص ساعة من طلعتها ووصل اسوء خبر نسمعه في حياتي ياريت ماسمعت كلامها ومشيت معاها كنا متنا مع بعضنا بدل مااتخليني في الدنيا هذي بروحي
رؤوف:معليش هذا مقدر ومكتوب من عند ربي نحن البشر ماعندنش فيه يد
اسيل:عارف الموت مش صعب عالانسان اللي ميت الموت صعب عالانسان اللي عاش بعد موت الانسان اللي ايحبه لان مش حيقدر يستوعب ان مات زي انا مش قادر نقتنع انها ماتت الها توا اسنين وانا مازال انقول كذبة وهي مسافرة وحترد
رؤوف:عارفها صعبة وتوجع بس اتصدقي اتموت وانتي متذكرة منها كل حاجة حلوة احسن ماتقعد معاك وانتي كارهتها لانها سبب دمار حياتك زي حالتي هكي
اسيل:وانت من اللي دمر حياتك
رؤوف:خويا اللي المفروض ايكون احن شخص عليا واللي المفروض ايهمه في الاول في الاخير سعادتي دمرلي حياتي وحرمني مالانسانة الوحيدة اللي حبيتها وقهرني وطعني في ظهري
اسيل:ليش شن دار
رؤوف:طلع ايحبها وماكفش ان ايحبها وبس خطط ودار خطط ونفذ عشان ايفرق بينا وفعلا نجح وفرقنا ومعش فيه اي امل اني ناخذها او اتكون ليا في يوم مالايام
اسيل:معقولة فيه اخ ايدير هكي
رؤوف:معقولة ونص اهو قدامك مثال حي وخويا دار فيا هكي وفوق من هذا كله ضميره متريح وحاس روحه دار الصح عارفه معنى الكره انا توا كارهة
اسيل:انا حسيت ان اللي اتحبها وحدة من صحبات رويدة بس من فيهن
رؤوف:رانيا البنت الوحيدة اللي حبيتها عشنا احلى قصة حب ممكن تنعاش بنت مستحيل ايكررها الزمان
اسيل:هي صح شكلها بنية كويسة بس فيه حاجة بنقولها لكي الاخ عمره ماايتعوض ممكن خوك غلط بس هو في الاخير خوك وفقدته هو حتكون اصعب من فقدت اي حد في الدنيا
رؤوف:مش عارف بس الحق ماقدرتش انسامحه
أسيل:حاول تذكرله الحاجات الكويسة اللي دارهن لكي واكيدة حتسامحه لان بجد مافيش اوعر من فقدت الاخ نار نار ومستحيل تطفى مهما اتحاول حتى لو مرن اسنين حتقعد نفس النار ومش حتقدر تنساه او اتعيش حياتك ومن كثر ماانك مش قادر اتعود عالحياة بدونه توصل بيك اتفكر في الانتحار
رؤوف:امعاك ان الفراق صعب بس مش للدرجة الانتحار عمره ماكان حل للمشاكل هو هروب مالواقع ومالحياة بس حتندمي عليه بعدين ردبالك مهما كانن ظروفك اتفكري في الانتحار لان الشيئ هذا حرام عند ربك حتخسري دنيتك واخرتك وحتاخذي غضب ربي لان قتلتي روح
أسيل:معاك حق كل ماانفكر في اللي درته زمان نندم لاني حاولت ننتحر صح خاطري انموت بس عارفة ان الانتحار حيكسبني غضب ربي وفوقها حنخش للناز يعني مستحيل انتلاقه بيها لان هي اكيد في الجنة
رؤوف:ايوا خليك هكي وفكري بالطريقة هذي وردبالك اتخلي الفكرة هذي اتسيطر عليك وكل مااتجي في بالك استغفري صلي وانعني الشيطان وكلميني قبلها عشان ننقذك ?
أسيل ضحكت:كيف انت شاطر بالانقاذ واقناع الشخص ان ماينتحرش
رؤوف:انا مش شاطر اني نقنع حد ماينتحرش بس مرة نقذت وحدة كانت بتنتحر
أسيل:كيف نقذتها
رؤوف:القصة كانت يوم اللي خشت عمتي للمستشفى مريضة وكنت جاي بنزورها وانا خشيت للمستشفى ورقيت للدور الخامس ومشيت شور القسم واندور في الدار اللي فيها عمتي خطمت علي دار وقعدت مرا كبيرة اشوية من عمر امي تبكي واتعيط واتقول حي عليا بتنتحر انفجعت ودغري خشيت عليها وخشن بعدي الممرضات واذ بيها بنية صغيرة مش كبيرة في عمر 18/19سنة هكي راكبة في الروشن وبتنتحر تلخبطت الممرضات اينادن للامن وايعطن وامها تبكي واتعيط ماالقيتش روحي الا هاجم عليها ومسكتها وكريتها جوا البنت طاحت واغمى عليها وجنها الممرضات وامها وانا طلعت ومشيت العمتي زرتها وبعد الزيارة سألت الممرضة عالبنت قالت انها قعدت كويسة
أسيل:الكلام هذا الفترة هذي ولا له زمان
رؤوف:لا الكلام قديم له توا قريب 8سنين
أسيل:انت شن تبي مني
رؤوف:انا مانبي منك شيئ كل القصة اني حلمت بيك وتفسير الحلم اني لازم انساعدك
أسيل:انا مش بحاجة مساعدة حد
رؤوف:بالعكس انتي اكثر وحدة بحاجة مساعدة
أسيل بعصبية:كلكم بتساعدوني لانكم اتحسو فيا مريضة نفسي بس انا مافيا شيئ مش مجنونة
رؤوف:اهدي بالعكس كلامك ايدل ان العقل اللي عندك حتى انا ماعندي ولا انسيتي كيف نصحتيني عشان خويا وبعدين لو اتجي للحق مش انتي بس بحاجة مساعدتي حتى انا بحاجة مساعدتك
أسيل:وانت بشنو محتاجني الباين ان جوك سمح واتهدرز وتضحك
رؤوف:انا هذا الباين عليا بس انا من جوا مدمر ومنتهي بحاجة حد نحكيله ويسمعني حد نوثق فيه بعد مافقدت ثقتي من كل الناس وانتي من اول مابديت نحكي معاكي حكيت كل حاجة بكل صراحة وهذا ايدل ان فيه ثقة برغم اني مانعرفكش
أسيل تبكي:انا انسانة فاضية من جوا ماعنديش قدرة انساعد حد او نوقف جنب حد انسانة بعد اللي صار معايا الكل انسحبو من حياتي حتى صحباتي وكاني نوع جرب الكل خايف يعديهم الكل ينظرولي بنظرة المجنونة
رؤوف:انتي مش مجنونة صدقيني عقلك يوزن بلاد واللي ايقول عنك مجنونة هو المجنون وبعدين ياستي انا بحاجة اني نحكيلك وتسمعيني وتنصحيني مش ايقولو خوذو الحكم من افواه المجانين وقعد يضحك?
أسيل ضحكت?
أسيل:اسمع انا توا بنشوف ماما وبنساعدها عالغداء
رؤوف;باهي قبل مااتسكري قوليلي بتساعديني وتقعدي صديقتي
أسيل;اها ونبيك حتى انت اتساعدني
رؤوف:تمام معناها حنكلمك مرة اخرى
أسيل:تمام وسلام توا وسكرت وقمعزت علي سريرها وهي اتفكر
رؤوف لما سكر حس براحة غريبة ماللي داره وابتسم وروح الحوشهم
“”””””””
#عند_رنا
خشت الفصلها وكملت باقي الحصص وهي مرتبكة ومنحرجة ومنستهة حتى في دروسها ماركزت وهذي مش من عادتها وهذا كله صار لانها اول مرة تنحط في موقف هكي وماعرفتش شنو اترد او شنو اتقول
أما صالح فروح الحوشهم وهو مش فاهم شيئ من تصرف رنا وليش جرت بالطريقة هذي وسيباته
“””””””””””
#عند_دوسة_ورانيا في المشروع
قاعدين ويشتغلو وفجأة طبو عليهم بات سراج وجده جوله تفتيشية? وقعدو يبرمو في المشروع كله وايشوفو في شغلهم وكان معاهم دوسة ورانيا وفيصل وهيثم ووسيم
جد سراج:الحق ان شغل وكانه شغل معترفين بصراحة مش كانهم مالهم شيئ كيف تخرجو
محمد:يشهد الله انهم مهندسين متفوقين وثبتو الشيئ هذا في شغلهم
جد سراج:وماننسو حتى المشرف عليهم من اكفأ المهندسين في الشركة
محمد:اكيدة فيصل مهندس ناجح ومامررش عليا شخص بذكاه لعند توا
جد سراج:نننصحك نصيحة يامحمد ردبالك اتفرط فيهم هذوما مهندسين مايتعوضوش ردبالك اتخلي شركة غيرك تاخذهم
محمد:وانا فكرت فيها وللحق مش فكرتي كانت فكرة فيصل هو اقترح عليا انعينوهم عينت رانيا معانا والاكيدة كنتي حتكون معانا في الشركة وبالنسبة للشباب الاثنين مكانهم موجود انا انتمنى ايكونو في شركتي بس لو في راسهم مشروع ثاني مانضغطش عليهم
هيثم:لا يااستاذ محمد ايشرفنا الشغل في شركتك
محمد:معناها مجرد مايكمل المشروع شغلكم كلكم معايا في الشركة بإذن الله
سراج جاهم
سراج:اووو هذي خيانة معقولة نسمع مالسكرتيرة ان انت وجدي جيتو هنا كنتو قلتولي تي حتى ان المشروع امتاع مراتي ازح
جد سراج يضحك:ولدك هذا ديما محشم بينا
محمد:والله وحلت فيه ياباتي في كل حاجة تغير الا في حركاته هذينا
سراج:مادرتلكم شيئ قلتلكم ليش ماخذيتوني معاكم وشاف السندس شنو الجو حبي?
سندس شافتله زين واخدودها انحمرو ونزلت راسها
سراج يضحك:قصدك انحرجتي منهم عادي حبيبي شن فيها راك مراتي
جد سراج:طبيعي البنت لانها متربية اتحشم مش زيك ياقليل الحياة
سراج يضحك;باهي المهم قولولي شن حكيتو من ورايا
محمد:مازالنا ماحكينا شيئ
سراج:ينعن جد ماحكيتو شيئ يعني كنتو اتفرجو علي بعضكم اكيدة حكيتو?
جد سراج:لنقنه اهلبك قرار قرره باتك توا
سراج:شنو ?
جد سراج:عينهم كلهم في الشركة ومن ضمنهم سندس يعني استلم بتقعد في وجك في الحوش وفي الشركة يعني بتقعد تحت الحصار والمراقبة 24ساعة
سراج:ناعلي عليك جو?المهم خلوها معايا في نفس المكتب بس
جد سراج:ريت اللي ماايتحشم
فيصل:فوتوه هذا ماايتحشمش راه خلوه ساكت خير
محمد:والله انك صدقت
سراج:تامة يانصي احسابك بعدين مش توا
وقعدو ايهدرزو وايكملو في جولتهم
“”””””””
الساعة 2 وتحديدا في الفيلا
روحو جد سراج وباته وسراج وسندس مع بعضهم وبيتغدو كلهم مع بعضهم في الفيلا ووتت عفوفة الغداء في الجنان وطلعو كلهم بيتغدو برا وقمعزو عالطاولة
محمد:وين تالين وصالح
عفاف:صالح رنيت عليه قالي روح الحوشهم اما تالين اليوم خذت دبشها وقالت اليوم بتسافر
محمد:معقولة وليش ماقالت كنا ودعناها لعند المطار
عفاف:والله ياما درت فيها عشان انوصلها انا والسواق وكنت بنكلمك وانكلم سراج بس هي اصرت انها تمشي من غير مااتودع حد قالت ماتقدرش تمسك روحها ومسكينة مامشت لين ياما بكت مش هاين عليها فراقنا
محمد:ياريت ماسمعت كلامها وكلمت باتها كان هذا راه خلاها معانا
عفاف:قالت اول مرة يفقدها ماتبيش اتقوله لا وماتمشيلش
محمد:ربي ايوصلها سالمة ويسعدها وين ماكانت تالين بنية كويسة وتستحق كل خير
عفاف:يارب والله حسيت كانها بنتي وسافرت خلت مكانها في الفيلا
وقعدو هكي يحكو علي تالين كلهم اما سراج ماشاركش في الحديث بكككل
“””””‘”””””
عند_رنا
تغدت مع هلها واساعدت هي ورانيا في غسل العوايز وكانت بتحكيلها اللي صار معاها بس كانت منحرجة ومش عارفة كيف تفتح الموضوع لانها عمرها ماصار معاها هكي صح كانت ديما تحكي مع رانيا وتنصحها وبذات في اللي مرت فيه رانيا بس هي عمرها ماصارحت رانيا بشيئ في قلبها ولا رانيا جربت تسألها في يوم دائما كانو ايعاملو فيها انها صغيرة لان هي ماكانت محسستهم انها كبيرة ودائما تصرف انها صغيرة
حاولت كم مرة تحكي بس كانت مترددة وختم الموضوع في النهاية انها تسكت وماتحكي شيئ
كملن العوايز مع بعضهن وخشت رانيا بتقيل اما باتها تغدى ورد للشغل وامها خشت حتى هي بترقد وقعدت بس هي في دارها وماسكة هالكتابات وتقرا وكل ماتمشي في القراية اشوية كل مايخطر عليها اللي صار وتقعد اتفكر ومنحرجة من تصرفها اللي تصرفاته وهي كيف الهبلة مشت تجري?
“”””””
الساعة 4:00 م
#عند_سيرجو_ودوسة
عمتكم سندس خشت مع سراج وعساس بيرقدو بس هي مارقدتش وطلعت وقعدت اتجهزله في كيكة اتهبل ?توا نعطيكن طريقتها(هذا ياحنة تاخذي كوبين حليب وكوب سكر ودحية وفانيليا وكشيكين زبدة واربع كواشيك دقيق اتحطيهن في ست البيت وتضربيهن وبعدها تاخذي الخليط هذا واتحطيه في طنجرة واتحطيه عالنار وتقعدي اتخلطي حيقعد ايكلبز ويغلظ معاك مااتخافيش عادي الموضوع وبعد يغلط طفي عليه وانجو بعدها للخطوة الثانية انجيبو البشكوط السعودي اللي كاغطة خظر مش عارفة اسمه بزبط او بشكوط هلا وتقعدي اتغطسي فيه بالطرف في حليب وكاكاو مخفوقات مع بعضهن اتغطسي واتحطي في الطاجين لعند مااتدسفي اول طبقة واتحطي عليها مالخليط وتقعدي مجهزة موز شرائح اتحطي علي كل طرف فوق الخليط واترشي اشوي مكسرات واتجي اتغطسي طبقة اخرى مالبشكوط واتحطيها فوق الخليط والموز واديري نفس الخطوة اتحطي فوقها باقي الخليط كله يعني الخليط تقسميه نصين وبعدها طبقة موز ومكسرات وبعدها اتغطسي طبقة اخرى مالبشكوط واتحطيها واتحطي فوقها كريم شانتيه واتزينيها بشكولاطة وموز ومكسرات واتحطيه اشوية في الفريز ومااتخليهش ايطول لان بعد اتسقع بكل يقعد مافيهش جو وان شاءلله اللي اتجربها وتعجبها تدعيلي لان طعمتها خيااال??)
المهم انردو الحلقتنا
وتت سندس الكيكة وجهزت قهوة مع وعيت زوجها المصون سيرجو?انصدم اول مالقاها في المطبخ واتجهز
سراج:حبيبتي البايرة في شنو اديرلنا?
سندس عصبت:صار بايرة معش فيه وكال هي
سراج:زعلتي يازعولتي اسف انبصر انا اللي باير تريحتي هكي
سندس:ههه?حانط المهم ماتقرب شيئ بنشيل العميمة وعمو قرعتهم وانجيك تقرب حاجة نهارك وخذت التبسي وجت بتطلع وسراج عرضلها قدام الباب
سندس:حول خليني نطلع
سراج:مش قبل ماناخذ بوسة صباح الخير وقرب منها
سندس بعداته:توا مش وقتها مستعجلة
سراج:باهي غير اتروحي والله ناخذ اللي اكثر من بوسة توا اتشوفي
سندس تضحك وطلعت
سراج خش للمطبخ وقعد ايشوف للكيكة وسهفاته
سراج:ناخذ طرف مش حتفطنله وجا وذاقه
سراج:والله الا صاير منها ام السان الكيكة اتهبل?
اشوي وسندس جت للمطبخ
سندس:انسخن القهوة ونشربو مع بعضنا
سراج:خوذي راحتك حبي?
سندس سخنت القهوة وجابتها وشافت للتبسي لقت فيه بس طرفين
سندس مصدومة:وين راحن الطروف وشافت السراج
سراج شافلها وابتسم?
سندس:بالله عليك كم كليت طرف
سراج:4بس?
سندس:بس شاطر غير اتقولي بنعرف وكالك وين يمشي اسال روحك قبل
سراج:انا اقل شيئ اندير في رياضة اما انتي لا رياضة لا شيئ وماتسمنيش
سندس:حاسدني?
سراج:تبي الحق اها والله خاطري فيه جو تاكل وماتسمنش هذا والله ياعوينك
سندس:خمسة في عيونك??
سراج صبي وقرب منها:معقولة اتخمسي في وجه حبيبك
سندس بدلع:مش انت حاسدني
سراج زاد قرب:معقولة انا نحسدك انبصر معاك بس
سندس:عارفتك?
سراج:وباهي عارفة اني انحبك
سندس:اها عارفة?
سراج زاد قرب اخرى:وعارفة اني انموت فيك
سندس:عارفة☺
سراج:وعارفة اني انجهزلك في مفاجئة اتهبل زيك
سندس:لا مش عارفة☺
سراج قرب اخرى:باهي عارفة شن نبي توا وحط يده علي شفايفها
سندس:سراج خلينا نشربو القهوة
سراج:توا نشربوها اشوية اخرى
سندس:اتصقع حبي
سراج:توا انردو انسخنوها
سندس:يعني مصر☺
سراج:بككل بككل وقرب وقعد ايبوس فيها علي شفايفها وبعدها شالها ورقى بيها الدارهم وطبعا الباقي #مشششفر
وعالمغرب كملو التشفير ودوشو وطلعو شربو قهوتهم والكيكة??
“””””””
مر اليوم عادي ومن دون أحداث تذكر
“””
صباح يوم جديد
كالعادة عند دوسة وسيرجو وعت دوسة دوشت وصلت الصبح ونزلت جهزت فطورها ووعت سيرجو وخش دوش وطلع ولبسو ونزلو فطرو وبعدها طلعو شالها حطها في المشروع وهو مشى للشركة واول ماخش مكتبه بدا في شغله دغري وقعد ايراجع في ملفات واوراق لقاهن عالمكتب يبن شغل وبينما وهو غارق في شغله جاته رساله ولما فتح عليها كانت من تالين وكان فحواها(اسفة علي كل كلامي واسفة علي حبي لكي ماكنتش قاصدة تزعل مني ومانحسبش كلامي ايعصبك الدرجة اتلزني بس والله مشاعري كانن صادقة انا مش قاصدة انخرب حياتك بس حبيت انصارحك بالشيئ اللي ليا اسنين داسته وتوا حتى لما انموت بنموت متريحة لاني اعترفت بحبي لكي انت اكثر شخص عارف ان ماعندي حظ في شيئ لا بأب ولا بأخوة ولاحتى بالشخص الوحيد اللي حبيته كنت بنسافر بس لما فكرت المن بنسافر انا ماعنديش حد غادي حتى بابا ماصدق طلعت من حياته لذلك انا اكثر شخص يستاهل الموت وحبيت انموت في بلادي وفي ترابها وفي اكثر مكان تقربت منك فيه وتبادلنا اسرار اخر مرة سلام ياحبيبي وسامحني اني قلتها بس حتكون اول واخر مرة انقولها وربي يسعدك علي قد ماحبيتك)
سراج انصدم مالكلام ودغري قعد ايرن عليها
“””””‘
#عند_رانيا
وعت وفطرت وطلعت مع باتها بيوصلها
واثناء وهما في الطريق
بات رانيا:رنوشة انا سألت عالشاب اللي جا خطبك
#يتبع
قولكن كيف حيصرف سراج وهل حيعرف مكان تالين وحيوصل فيها حية او ميته واذا كان لقاها حية شن حيكون موقفه واذا لقاها ميته شن حيكون ردة فعله وهل حتأثر علي حياته مع دوسة ?
أما رانيا شن حيكون قرار باتها وياترا سامع علي فيصل كلام كويس او سامع علي الخبر اللي كان ايدير فيه ?
أما رؤوف وأسيل المكالمة كانت مبشرة بالخير بس حيستمر الوضع هكي او حيتغير بمجرد مايسمع خطبة رانيا?
أما صلوحي ورنا العلاقة بينهم مبهمة بس قولكن شن حيكون تصرف رنا لما اتشوفه اخرى في المدرسة وهو كيف حيكون موقفه بعد اللقطة اللي دارتها له?
كله حنعرفوه في الحلقة الجاية?
معليش عالتأخير وان شاءلله مش حيتكرر والحلقة الاخيرة ياحنقسمها حلقتين يا حتكون حلقة وحدة لكن حنقسمها جزئين زي مااندير في كل رواية لانها حتكون حلقة طويلة بكككل ?
#وخطرها باركلي اليوم طلعت نتيجتي ونجحت?? وخشيت سمستر التخرج واخيرا?
أسفة لو فيه لخبطة في الأسماء واكيد رأيكن ايهمني?
گـتـابـتـي Koka Saleh