منحرف وأحببته
جنط#مـنـحـرف_وأحـبـبـتـه
الـحـلـقـة (45)
گـتـابـتـي #Koka_Saleh
“”””””””””””””””””””””””””
#عند_رانيا
جت لازمشروع مالصبح بس كانت متضايقة وفي كل مكان تذكر في فيصل فيه مسكت فونها لقت محادثاته ورسائله وكلامه الها اذكرت يوم اللي اعترف بحبه خشت المكتبه لقت المشرف الثاني واذكرت كيف كانو يفطرو فيه وكيف كان مهتم بيها وكيف كان مالي حياتها ومش حاسه بوحدة طول ماهي معاه واذكرت كلام سراج اللي حكاه السندس وكيف ان رفض ايرد توا في اللحظة هذي ومن غير اي تفكير قررت تمشي الفيصل ورنت علي سندس وقالتلها تبي العنوان سندس في الاول رفضت لان عارفة المكان بعيد بس رانيا اصرت ولما سندس حكت السراج سراج قاللها اتقوللها العنوان مرات ايحلو الموضوع وربي يكتبلهم نصيب في بعضهم وزاد طمنها لما قاللها ان واثق في فيصل وان مش حيديرلها شيئ لان فيصل راجل وايحبها وسندس عطتها العنوان وطلبت منها ادير بالها علي روحها واتكلمها اول ماتوصل
خذت رانيا العنوان وكان معاها سيارة باتها وخذت اذن وطلعت مالمشروع وفي طريقها الفيصل
“””””””””””””
سراج خذا سندس وركبو مع السواق واتجهو شور البحر وكان غادي مجهز يخت(سفينه صغيرة)وبيمشو رحلة في البحر ويوصولو في جزيرة فيها كوخ صغير بيقعدو فيه كم يوم(بنات مااديرليش جو هو خيال الله ايربحكن خلنا عايشين فيه اللي ماعشناه في الواقع خلنا انعيشوه في خيالنا?)
سراج وسندس نزلو مالسيارة وركبو في اليخت وهما عيونهم وقلوبهم مليانات حب وكانو حاسين ان هما اسعد اثنين في الدنيا
“””””‘”””””
#عند_رانيا
كانت اول مرة اتسوق في طريق طويلة زي هذي وكانت حاسة بخوف بس اللي كان مشجعها انها بتشوف فيصل واتحل مشكلتها معاه
“””””””””
#عند_رؤوف
طبعا هو في سنة الامتياز وهو ودفعته السنة هذي ياخذو في عملي ويدربو في المستشفى
رؤوف كان واخذ رست ومقمعز في كافي المستشفى جاه شاهين
شاهين:كيف صار لكي ساعة واخذ رست
رؤوف:والله ماعندي جو انفكر انروح
شاهين:شن صاير معاك لكي كم يوم مش علي بعضك
رؤوف تنهد;والله ماني فاهم حاجة بكل
شاهين:احكيلي وخليني انفكر معاك بدل ماشايل الهم هكي بروحك
رؤوف:امس شفتها?
شاهين:قصدك رانيا
رؤوف:اها شفتها وشفت عيونها اللي حكن كل اللي في قلبها مازال اتحبني زي ماانا مازال انحبها
شاهين:خلاص يارؤوف لازم تنساها مش معقولة اتكمل عمرك اتفكر فيها وانت عارف ان مافيش امل حتى 1% انك تاخذها
رؤوف ضحك:كل حد ايقولي انساها وكأنه هالنسيان بطمة بنزرها ودغري ننساها امتى تفهمو ان هذا شعور وهو اللي متحكم فينا مش نحن اللي متحكمين فيه
شاهين:انا ماقلتش بطمة بس قصدي يعني لازم اتجرب اتحب مرة اخرى لانك مش حتنساها الا لما اتحب غيرها
رؤوف:انحب غيرها?
شاهين:اها يعني شوف امعانا دكتورات واجد والبنات كلهن من دفعتنا يعني نعرفوهن شوف وقرب منهن اشوي اكيدة في وحدة حتعجبك
رؤوف:كلا انت فااااضي
شاهين:مش فاضي نحكيلك جد
رؤوف:باهي سكرلي السيرة هذي حسك غممتها ليا اكثر ماهي غامتلي
شاهين;تمام توا انسكرها لكن توا انت حكيتلي ليش غامتلك اليوم باهي والايام اللي فاتن شنو انت وضعك مش تمام بككل
رؤوف:ماللي صار معاي
شاهين;شنو صار
رؤوف:صارت حاجة لعند توا مش فاهمها صدفة مش صدفة دماغي موقف بكل
شاهين:تي شنو اللغز هذا شن صاير قولي
رؤوف:من فترة زاقبلي حلم زقبة كل مانرقد نحلم بنفس الحلم ونفس البنت اللي في الحلم
شاهين;باهي وبشنو تحلم بيها
رؤوف:نحلم اني في مكان فاضي وفيه بنت تبكي اتجي وتحظني ولما نسألها من انتي تختفى مالحلم ونوعى
شاهين:باهي انت البنت هذي تعرفها
رؤوف:لا ولا عمري شفتها
شاهين:يبقى شوفلك حد ايفسرلك الحلم
رؤوف:القصة مش قصة تفسير الحلم القصة اني البنت تلاقيت معاها وهي تبكي وفي نفس الموقف الفرق بس المكان
شاهين بصدمة:لا مستحيل
رؤوف:وحق اللي كيف مانحكيلك من كم يوم تلاقيت معاها معش فهمت معقولة في صدف بالطريقة هذي
شاهين:اسمع الصدفة ممكن اتخليك اتشوف حد لكي زمان ماشفته ممكن تجمعك بحد كنت تعرفه وانت صغير يعني هكي بس مش حد اتشوفه في حلم اتشوفه في الواقع هذي ماعمرهش صارت
رؤوف:بس اهي صارت معايا
شاهين:صدقني لو اتفكر اشوي حتلقى روحك تعرفها
رؤوف:فكرت واجد لكن ماعرفتهش ماعمريش شفتها
شاهين:يعني مرات مش الدرجة شايفها وحاكي معاها مرات يعني انك مخطم عليها او شايفها اللحظات سريعة وهذا هو اللي ايخليك تحلم بيها
رؤوف:مش عارف بس والله علي مافكرت مااذكرتهش
شاهين:باهي لما تلاقيت معاها ماعرفتش من هي وشن قصتها
رؤوف:اول مرة ماعرفتش شيئ بس امس تلاقيت معاها اخرى وقالتلي
شاهين:اصبر اصبر قصدك انت تلاقيت معاها مرة اخرى
رؤوف:اها امس تلاقيت معاها
شاهين:ووين وشن قالتلك
رؤوف;ماهي طلعت بنت سيد نسيبي
شاهين:اهو ماقتلك تعرفها
رؤوف:تي لا انت عارف اختي ماالهش واجد متجوزة وانا امس اول مرة نمشيلها في حوشها وشفتها غادي
شاهين:اللي نقصده يعني مرات اتكون شايفها بالصدفة في الفرح من غير مااتركز وصورتها قعدت في خيالك هذا ليش شفتها
رؤوف:والله ماني عارف بس وجهة نظر ممكن تكون صح لكن السؤال اللي يطرح نفسه انا ليش نحلم بيها
شاهين:اسمع انا مقتنع بحاجة ان فيه رسائل ايجنك من ربي يرتسمن علي مواقف وايكون الهن تأثير علي حياتك
رؤوف;يعني
شاهين:يعني موضوع البنت هذا خليك وراه مااتمشيش لازم تعرفها وتعرف قصتها واكيدة حتطلع شايفها
رؤوف سكت وقعد ايفكر
“”””””””””
#عند_أبطالنا?
في اليخت وفي نص البحر وجو مالاخر بكل ?
سراج حاظن سندس من وراها
سندس:المنظر ايجنن
سراج:بكل زي عيونك بزبط
سندس ابتسمت:مش عارفة كيف نشكرك علي كل حاجة قاعد ادير فيها ليا
سراج:مانبيكش تشكريني نبيك بس اتقوليلي انحبك وهذي اتخليني اسعد واحد في الدنيا
سندس:انحبك
سراج:وانا انموت فيك وفي حبك
سندس لفت عليه وحظناته زيييين وبعد الحظن
سراج:لفي خليني اندير حاجة
سندس;شنو
سراج:بس لفي وشوفي للبحر
سندس:حاظر ولفت
سراج مسك ايديها وجا من وراهاوفتح ايديها جنبها وحط ايديه عليهن
سندس تضحك:زي تايتنك
سراج:ديما انشوف فيها خاطري انجربها
سندس:ناعليا منك يامجنون
سراج:مجنون بيك وبحبك انا
“””””””
#عند_رانيا
بعد طريق طويلة واخيرا وصلت للمكان اللي وصفه الها سراج درست سيارتها ونزلت وكان فيه مسافة بين المكان اللي ادرسي فيه السيارة وبين الحوش اللي قاعد فيه فيصل لان كان حوش في الجبل وماكانن السيارات ايخشن لعند غادي نزلت سكرت السيارة وكملت باقي الطريق علي كرعيها
ووصلت عند باب الحوش ودقت
فيصل كان متمدد عالكنبة وايتفرج عالتلفزيون واستغرب لما الباب دق لان مافيش حد جنبه وصبى وفتح الباب وزادت الصدمة لما شاف رانيا قدامه
فيصل قعد متجمد في مكانه ومصدوم?
رانيا ابتسمت:مفاجئة مش متوقعه صح
فيصل:انتي كيف جيتي هنا
رانيا:جيت بسيارة بابا☺
فيصل:قصدي انتي جيتي لعند هنا بروحك
رانيا:اها
فيصل بعصبية:انتي كيف اديري هكي كيف تمشي المسافة هذي كلها بروحك ماخفتيش
رانيا:خفت بس كنت بنوصل فيك باي طريقة
فيصل زاد عصب;عنك ماوصلتي فيا بس مااتخاطريش بروحك واتجي هنا بروحك تخيلي صارلك شيئ او اي حد تعرضلك في الطريق
رانيا:اسفة لو جيتي لكي ضايقاتك انا حنرد منين ماجيت وجت بتمشي فيصل مسكها من يدها
فيصل:اسف مش قصدي انعصب عليك انا بس خفت عليك الطريق بعيدة وطويلة وانتي بروحك
رانيا:عارفة انها غلط بس لما عرفت ان سراج عرف مكانك ماجش في بالي الا اني انجيك
فيصل:مانحسبش اني غالي عندك للدرجة هذي
رانيا:انت عارف كويس شنو غلاوتك ومعزتك عندي
فيصل:قصدك كنت عارف بس بعد اللي صار القيت روحي غلطان
رانيا:انت مش غلطان انا صح انعزك وغالي عليا بس مش الدرجة الحب انت عارف اللي مريت بيه مش ساهل
فيصل;عارف ومقدر وقتلك متحمل اي جاجة بس بنكون معاك وانا نوعدك انسيك
رانيا:انا خايفة يافيصل
فيصل:مني انا خايفة انا لوضريت الدنيا كلها انتي مستحيل انضرك
رانيا:مش خايفة منك انا خايفة مالوقت مالظروف مالحياة مالناس انا فشلت قصة حبي الاولى بدون ذنب ليا ولا الرؤوف فشلت مالناس مالحياة مالنصيب وخايفة لو انحاول انجرب مرة ثانية ايصير نفس الشيئ
فيصل:انا مش زي حد انا مستعد انبيع الدنيا انتحدى العالم عشانك بس انتي عطيني فرصة
رانيا:تقدر اتعايش مع فكرة اني مازال ماانسيت رؤوف
فيصل:انا حنخليك تنسيه وعد
رانيا;مش حيجي يوم واتمل واتعقد مالشيئ هذا واتسيبني عشان هكي
فيصل:انا عارف حتقعد فترة صعبة بس انا حنتحملها وحنتعدو المرحلة هذي مع بعضنا
رانيا:تمام
فيصل:نفهم منك انك موافقة تعطيني فرصة
رانيا:هو صح مافيش شعور حب تجاهك ممكن اعجاب بشخصيتك ممكن لاني لما نقعد معاك ماانحسش بالوحدة وننسى كل همومي انحس فيك تفهم فيا من غير مانحكي مش عارف شعور ملخبط بس الاهم اني الايام اللي فاتن فقدتلك واجد
فيصل ابتسم:وهذا حد اللي طالبه وانا نوعدك مستحيل انخيب املك او انزعلك في يوم واللي انتي فيه توا بعون الله انخليه ماضي وحنسيه لكي بس بنسمع من فمك كلمة موافقة نعطيك فرصة
رانيا تنهدت;موافقة نعطيك فرصة
فيصل فرح:ياريت نعرف انزغرت
رانيا قعدت تضحك
فيصل:انحبك
رانيا انحرجت وطبست راسها
فيصل:مانقدرش انقولك خشي جوا بس قمعزي عالكرسي هنا انجيب عصير نشربوه
رانيا:لالا لا عصير لاشيئ خليني انروح عشان انلحق انرد قبل مااتظلم
فيصل:نشربو عصير وحنلحقو انروحو وهو ضي
رانيا بإستغراب:قصدك انت بتروح معايا
فيصل:انا بروحك بيك شن تحسابي بنخليك اتردي بروحك تي انا جيتك هنا بروحك ومازال مش مستوعبها
رانيا:بس
فيصل:مافيش بس هي كلمة وحدة بروحك مااترديش
رانيا:ماشي
فيصل:خليكي هنا اشوي وانجيك
رانيا:تمام
فيصل:خش للحوش وهي قعدة في الفرندا قدام اللي قدام الباب وقعدت اتفرج عالجو السمح والغابة اللي جنب الحوش اشوي وفيصل جاها وجايب عصير وشكولاطة شربو مع بعضهم وبعدها فيصل خش جاب دبشه من جوا وطلعو في سيارة رانيا واصر ان هو ايسوق
“””””””””””””
#عند_سيرجو_ودوسة❤
وصلو للجزيرة ونزلو ماليخت
سندس:واااااو مكان ايهبل
سراج;وحيقعد احلى بعد يشهد علي قصة حبنا
سندس;سيراجو وحق ربي انحبك
سراج:دوستي وحق ربي انموت فيك
سندس حظناته زيييين
سندس حاظنته:انحبك انحبك انحبك
سراج زاد حظنها:وانا نعشقك
بعد اشوي سندس بعدت
سندس:الكوخ شكله ايهبل
سراج:تعالي خشي وشوفيه
ومشو مع بعضهم وكان كوخ صغيرون وايهبل بكككل مبني باللوح(الخشب)
سندس:ايهبل بس انتي وين لاقيه المكان هذا
سراج:سر المهنة
سندس:بلا صماطة
سراج:اللي بيسعد حبيبته يلقى وايدير اي حاجة
سندس:ناعليا منك ومن كلامك
سراج;ومنك ياقلبي انتي
سراج:حي علما?
سندس بخوف:شن فيه
سراج:عارفة انك من اول مانزلتي عالجزيرة وماعطيتينيش بوسة
سندس خبطاته علي كتفه:ياصامط فجعتني نحسابها حاجة مهمة
سراج;انا عندي حاجة كبيرة كان انتي حاجة ساهلة
سندس:شن بندير حبيبي مجنون ربي ايبحت في حاله
سراج:يارب وتعالي هنا عطيني حقاتي وكرها شوره
سندس:بلا صماطة
سراج:اس يلا وقرب منها وباسها بوسة طوييييلة علي شفايفها وبعدها غيرو دبشهم وقررو ايخشو ايعومو في البحر
ولانها كانت جزيرة فاضية فسندس خشت معاه للبحر بشورت نص وكت وسراج طبعا وهما في البحر مابطل صياعته وانحرافه وكل اللي شيئ داره وهما ايعومو?
سراج حاظنها في المية
سراج:تذكري لما غرقتي
سندس ضحكت:اس مااتخطرش عليا عليك يوم
سراج:اتصدقي اني دعيت انك تغرقي ومااحسبتش ربي يستجيب دعايا هكي
سندس شافتله بالجنب:وبالك غرقت عشان ربي استجاب الدعاك هو كله مقدر ومكتوب يعني
سراج;واااو من السانك ياام السان
سندس عصبت:سرااااج?
سراج يضحك:يؤبرني المعصب انا?
سندس:صامط العتب عليا اللي قاعدة انعوم معاك
سراج:وحق ربي مانك طالعة انبصر خلاص
سندس:معش اتقولها
سراج:حاظر ياام السان
سندس فنصت فيه زين
سراج يضحك:خلاص اسف اسف معش انقولها
وقعدو ايعومو وجو مابين رومانسية مابين ضحك مابين عرايك?
“””””””””””””””
#عند_رؤوف
طلع مالمستشفى وهو ايفكر في كلام شاهين وفعلا مقتنع ان مافيش حاجة اتصير بالصدفة هكي واكيد فيه شيئ في النص هو مازال ماعرفه فقرر يمشي الرويدة ويحكيلها كل حاجة بالك اتساعده
ودغري اتصل بيها
رويدة:خيرات اوفا
رؤوف:خيرات دودي شن اخبارك
رويدة:تمام شن اخبارك انت
رؤوف:تمام حال تعب العملي في المستشفى
رويدة:خلاص هانت هذي اخر سنة وبعدها انشوفك احسن دكتور
رؤوف:احسن دكتور مرة وحدة
رويدة:اكيدة احسن دكتور بشنو احسن منك الدكاترة لخرين يعني
رؤوف:باهي ياستي زي ماتبي بس قوليلي انتي في حوشك توا
رويدة:اها عليش
رؤوف:عادي انجيك غادي
رويدة:اكيدة عادي شنو المشكلة يعني
رؤوف:خلاص تمام حاجة ربع ساعة وانكون عندك نبيك في موضوع مهم
رويدة:ان شاءلله خير
رؤوف:لا خير باذن الله
رويدة:خلاص نرجا فيك
رؤوف:تم وسكر
“”””””””””””
#عند_فيصل_ورانيا
وصلو لعند المدينة ولما خشولها فيصل نزل وخلا رانيا اتكمل لعند حوشهم بروحها وهو خذا تاكسي ومشى الحوشهم تلقاته امه بالزغاريت هي وريان وروان
ام فيصل سلمت عليه هي وريان وروان
ام فيصل;وينك كل هالايام اللي فاتن معقولة تمشي ومااتقوللنا وين ماشي
فيصل:معليش كانت غامتلي اشوي وحبيت نقعد بروحي
روان:غامتلك مالحب?
فيصل بصدمة:ريت الفرخة انتي شن عرفك للكلام هذا
ريان:هذينا مالمسلسلات التركية اللي اتفرج عليهن
فيصل:باهي ياروان والله نلقاك حاطه حاجة مرة اخرى خاطي رسوم نهارك
روان:خزي بصاصة?شن حصلتي توا وضربت ريان
وريان قعدت تبكي?
فيصل بعصبية:والله انوريك ياروان وجا بيلحقها وهي خشت تجري الدارها وسكرت وبعدها رد علي ريان اللي قاعدة تبكي وقعد ايسكت فيها وبعدها حتى هي خشت الدارها
مع جية ام فيصل جايبة قهوة العشية
فيصل:لنقنها وقتها?
ام فيصل:حتى انا عارفتك اتحبها في الوقت هذا اتصدق من يوم اللي مشيت ماعاد شربت قهوة
فيصل ابتسم
ام فيصل:والله خوفتني عليك قعد عقلي ايودي وايجيب ماتريحت لين طمني سراج عليك
فيصل:معليش ياامي وان شاءلله معش انديرها ولا انخوفك عليا
ام فيصل:باهي انتي ليش درت هكي
فيصل:قتلك كنت متضايق اشوية
ام فيصل:بسبب البنت رانيا صح
فيصل سكت وماردش
ام فيصل:كل مانحكو في نفس الموضوع انتعاركو بس هالمرة بنحكيلك بالعقل وفكر في كلامي
فيصل:شنو
ام فيصل:انت عارف اني خاطبتلك فاتن ليا 3سنين من اول ماخشت للثانوي
فيصل:عارف
ام فيصل:ومن جدك توا اتقول معش نبي واتحشمني مع اختي
فيصل:لا انحشمك لاشيئ هو كل شيئ نصيب وانا فهمتها خالتي وتقبلت الكلام وبعدين انتي ترضيها ناخذ فاتن وانعيش باقي عمري تعيس عشان انتي مااتحشمي مع خالتي يعني
ام فيصل:وعليش بتعيش تعيس كنها فاتن شن ناقصها بنت مشاءلله عليها تنحط عالجرح يبرا
فيصل: ينعن جد تنحط عالجرح يبرا كني انا واخذ مطهر مثلا? وبعدين العيب مش فيها العيب فيا انا ماانحبهش انا انحب وحدة اخرى
ام فيصل:وشنو الفرق بينها وبين لخرى عشان ماحبيتهش
فيصل:ببساطة قلبي هو اللي اختار مش انا واللي لقاه في رانيا مالقش في فاتن
ام فيصل;وشنو اللي لقى عندها ان شاءلله
فيصل:لقى عندها الامان والحب لما انشوفها يكمل يومي جوي سمح لما تضحك انحس الدنيا ضحكتلي غيرتني ياامي غيرت فيا حاجات واجد ماكنتش متخيل روحي يوم انحب
ام فيصل:لا شكلك اتفرج علي الاتراك واجد متأثر بيهم بلا حب بلا كلام فاضي هذا كلام افلام ومسلسلات مافيش منه في الواقع اصلا ماخرب عقولكم الا هالتلفزيون
فيصل:امي انا انحبها ونبيها ومش حناخذ غيرها وحطي في بالك ان خلال اليومين هذينا بتمشي تخطبيها ليا
ام فيصل:قصدك اتحط فيا في امر واقع
فيصل:لا بس حياتي وانا انقرر كيف بتكون ومع من بنعيشها انا اللي بنجوز مش انتي وانا مش واخذ الا رانيا
ام فيصل:وانا مش حنخطبلك الا فاتن تبي فاتن ماللحظة هذي مستعدة انطلعلك الفرح غيرها ماتحلم نمشيلها حتى في الحلم
فيصل صبى:براحتك انا حكيتلك بتمشي تخطبيها ليا تمام ماتبيش انكلم حني وعماتي ويمشن يخطبنها ليا
ام فيصل:حنك وعماتك عارفاتك بتاخذ فاتن ومتاكدة كلامهن زي كلامي وحاجة انا مش راضية عليها مافيش حد حيوافقلك عليها
فيصل;عادي حتى لو كلكم رفضتو مستعد نمشي نخطبها بروحي بس هذكي اللحظة انسو ان عندكم حد اسمه فيصل
ام فيصل:هي هكي يافيصل
فيصل:اها هكي يامي غير رانيا مش متجوز وفكري في الموضوع وقرري وطلع من جنبها
ام فيصل:ماشي يافيصل انشوفو كلام من يمشي
“”””””
#عند_رؤوف
وصل الحوش رويدة لقى معاذ برا سلم عليه وخش هو وياه الرويدة
خش سلم عليها واطمن عليها وقعدو ايخرفو هو ورويدة ومعاذ وبعد اشوي معاذ طلع بحجة بيشوفهم لوطة شن يبو وهو كان بيخليهم براحتهم
رويدة:ها قولي شنو الموضوع اللي تبيني فيه من بدري انفكر
رؤوف ضحك:نسيبي يفهم في الجو طلع وخلانه بروحنا
رويدة;توا فوته نسيبك قولي انت شن فيه وان شاءلله يارب تقعد اللي في عقلي
رؤوف:وشنو اللي في عقلك
رويدة;انشاءلله ايكون الموضوع فيه وحدة واتحبها
رؤوف:الموضوع علي وحدة بس مش حب زي ماعدى عقلك
رويدة:امالا شنو ومن هي وشن قصتها
رؤوف:غير وسعي بالك وتوا نحكيلك
رويدة:ها وسعته هيا احكي بسرعة
رؤوف:القصة ومافيها وقعد يحكيلها في الحلم وفي ملاقاته باسيل في المستشفى ولما شافها امس
رويدة كانت مصدومة وفاتحة فمها وخلاص
رؤوف;شن رايك في اللي صار هذا كله
رويدة:بصراحة مش عارفة ماانرد عليك معقولة فيه صدفة هكي تحلم ببنت اتشوفها
رؤوف:مش عارف فكرت اليوم وحسيت ان مافيش صدفة تجمعك بواحد هكي قلت ممكن انكون شايفها في مكان ومش متذكر وهذا ليش حلمت بيها
رويدة:يعني وين ممكن اتكون شايفها
رؤوف:مش عارف بس يوم فرحك لما خششتك ممكن هنكي بحكم انها بنت عم معاذ فأكيدة جت للفرح ممكن انكون لامحها غادي
رويدة:بس اسيل يوم فرحنا ماجتش بكل
رؤوف:كيف ماجتش
رويدة:قصة اسيل قصة عويصة
رؤوف:شن قصتها
رويدة:اختها كان ايحبها معاذ وخاطبها ويوم الفرح توفت في حادث والشيئ هذا ازم اسيل واجد وسببلها عقدة وقعدت ماتبيش اتشوف اي وحدة مكان اختها مع معاذ وهدا ليش ماجتش للفرح
رؤوف:تمام فهمت عليك بس ماعندكش عليها اي معلومات
رويدة:لا انا وهي علاقتنا محدودة يعني في الاول دارتلي مشاكل بس توا خلاص
رؤوف:يعني ماتعرفيش وين تقرا ولا تشتغل اي معلومة ممكن اتخليني نعرف وين شفتها
رويدة:انا كل اللي نعرفه انها في الحوش لا تقرا ولا تشتغل بس هل مكملة قرايتها ولا لا ولا شن قسمها هذينا كلهن ماعنديش اي فكرة عليهن كل اللي نعرفه ان هي اكبر مني بس لو تبي انجيبلك معلومات عطيني كم يوم والسيفي متاعها كله يقعد عندك
رؤوف;تمام اي شي تعرفيه عليه قوليه ليا
رويدة:خلاص يومين هكي وانجيبلك كل حاجة
رؤوف:تمام بس اهم شيئ السرية التامة وبذات امي مانبيهش تعلم شيئ كان تسمع حاجة توا تسكنلي تحسابه موضوع اخرى
رويدة:لا اطمن مافيش حد حيعرف
رؤوف:دودي حتى معاذ الموضوع سر
رويدة:ياصامط امتى قتلي حاجة وقلتها الحد ماتنسش اسرارك كلهن كانن عندي
رؤوف:مش ناسي ولو ماعندي فيك ثقة ماحكيتلك غير اناكدلك بس لان مرات اتحسيه موضوع عادي وتحكيه
رويدة:كون هاني مااتفكرش في شيئ هون حفرنا وهون طمرنا?
رؤوف ضحك:خلاص انا بنروح
رويدة:خليك كسد معايا
رؤوف:وين انكسد تليفونات امي من بدري اتقولي كنك طولت مش مقتنعة اني دكتور ومازال حيجني اوقات مش حنروح الا عقاب الليل
رويدة:نجك ليا امتى اتكمل وادير عيادة الروحك
رؤوف:عيادة مرة وحدة حرام عليك
رويدة:كيف مش عارف ان بابا قاعد ايوتيلك في عيادة وعلي تكميلتك تقعد جاهزة
رؤوف:تحكي جد انتي
رويدة:قصدك هما دايرينها مفاجئة وانا خربتها باهي اوفا وراسي عندك دير روحك مش عارف شيئ وراسي وراسي
رؤوف يضحك:خلاص خلاص يامطرشقة اوكي ماسمعت شيئ
رويدة:حي وحق الله كان يعرفوني حكيت يزعلو مني
رؤوف:مش حنحكي ويوم اللي يحكوها ليا حندير روحي متفاجئ ويغمى عليا تمام هكي
رويدة:مش للدرجة هذي عاد?
رؤوف:شن بنديرلك سكنتي?
رويدة?
رؤوف:تم سلام توا بنروح
رويدة:سلام وعاودها مرة اخرى
رؤوف:حاظر وطلع سلم علي معاذ لوطى وروح
“”””””””””
#في_الفيلا
تالين خشت علي عفاف في المطبخ وهي اتقول للخدم شن ايديرو عالعشاء
تالين:عمتو وين سيرجو وسندس مالصبح ماشفتهمش مشيت الحوشهم توا دقيت ماحد فتح وسيرجو مقفل
عفاف ضحكت:كيف ماعندكش العلم
تالين:من شنو
عفاف:ماشيين ايجددو في شهر العسل
تالين:اي شهر عسل بيجددوه هما ماالهم شيئ متجوزين واكيدة دايرين شهر عسل
عفاف:دارو شهر عسل بس ماانسجموش فيه لان هما لما اجوزو كانو مغصوبين غصب علي بعضهم ومافيش حب وتوا حبو بعضهم فماشيين بيجددو شهر العسل
تالين;وماقالولك الاي دولة مشو
عفاف;الحق سراج ماحكش وانا ماحبيت نسأله
تالين;وزعمك بيطولو
عفاف:والله مانندري هو بس قالي ماشيين انجددو في شهر العسل
تالين:اها وقعدت ساكتة واتفكر
تالين:عمتو هو صح سراج ايحبها
عفاف:واااااجد بككككل اخرى
تالين:يعني قولك حب حقيقي ولا بس لانها كانت صعبة عليه وماقدرش ياخذ الشيئ اللي يبيه فمثل دور الحب وخلاص وبعدها ايسيبها
عفاف:لالا مستحيل سراج فعلا ايحب سندس حب حقيقي
تالين:وشنو اللي مخليك متاكدة هكي
عفاف:لان تغير عشانها 180درجة وانتي بروحك عارفة سراج كويس كيف كان وتوا كيف قعد
تالين:هو صح تغير بس انا خايفة تكون نزوة وفترة معينة وبعد ايطول اللي يبيه وايمل بسيسبها وايرد كيف ماكان
عفاف:لالا مستحيل ولدي ونعرفه وهو فعلا ايحبها
تالين:باهي ربي ايهنيه وطلعت
وعفاف كملت باقي شغلها في المطبخ
تالين طلعت للجنان لقت صالح مقمعز علي كرسي في الجنان وحاط يده تحت خده ومسند يده عالطاولة وسارح
تالين:شفت سيرجو اللي دارلنا خيانة وسافر من غير حتى ماايقول اتقول خايف نعلقو فيه?
صالح سارح وماايردش
تالين:صالح
صالح ماايردش?
تالين بصوت عالي:صااااااالح
صالح نط:تي كنك بسم الله
تالين;وين سارح
صالح تنهد ورد وحط يده تحت خده اخرى
تالين:ياساتر الموضوع شكله كبير كرت الكرسي وقمعزت
تالين:هيا احكيلي شن صاير
صالح:شفتها
تالين بإستغراب:ومن هذي
صالح:اللي ماتوقعتش انشوفها
تالين:صالح احكي من هذي?
صالح:بنت جيرانا
تالين:بنت جيرانكم اكيدة بتشوفها يعني شنو الحاجة الغريبة
فيصل:الغريبة ان ليا 10 سنين ماشفتها اخر مرة شفتها كانت سنة ثانية ابتدائي
تالين:انت شارب حاجة ياصالح
صالح:مش شارب شيئ نحكيلك في الصدق البنت هذي بنت جيرانه ومن هي صغيرة غالية عليا بكككل اكثر ماتصوري كانت اصغر مني ب 12سنة وهذا كله كنت لما تطلع للشارع نقعد نلعب معاها وماانخليش في حد ايكلمها غيري واللي ايجي شورها حي عليه وحي ولما قرت انا اللي كنت انوصل فيها مالحوش للمدرسة ومالمدرسة للحوش هلها كانو عارفينها غالية عليا وكانو ديما يطمنو لما نقعد معاها لاني كنت انخاف عليها بكل
تالين:باهي وبعدها?
صالح:هي خشت سنة ثانية ابتدائي ونحن سافرنا وسيبنا الشارع وجيرانا وماتصوريش اللي صار فيا غادي قعدت كم شهر فاقدلها وبعدها مشى الجو عادي والحق بعد روحنا معش فكرت فيها وبذات لما عرفت انا هما من سنين منتقلين من حوشهم لعند اليوم الصبح رن عليا صاحبي قالي انردو انديرو اللي كنا انديرو فيه زمان ونمشو انصبو قدام مدارس ثانوية البنات
تالين:عليك معيلة علي قولة سراج ديما ايقول فيها توا فهمت معناها
صالح:عارفها معيلة وانا عيل اندير فيها?
تالين:باهي كمل شن صار
صالح:صبينا قدام المدرسة ويشاء القدر انشوف باتها قدام المدرسة قعد مركز زين معش عرفت نمشي انسلم عليه ولا شنو اندير قررت نمشي انسلم مع طلعت بنيتين مالمدرسة وبعد وصلت عند السيارة صاحبتها قالتلها اوكي وسمتلها اسمها انا هنا جتني الجمدة ومعش عرفت كيف نصرف حسيت بشعور غريب اول مرة انحسه وقعدت انشوفلها وهي في السيارة نفس الخدود نفس العيون الزرق ولما ابتسمت للبنت نفس الابتسامة اللي زمان ونفس الغمازات وقعدت انشوفلها لين اختفو من قدامي انا غبي المفروض لحقتها اقل شيئ عرفت مكانها وين توا
تالين:بسيطة بكرا صبي قدام نفس المدرسة لين تلحقها وتعرف حوشها
صالح;وهذا اللي بنديره بكرا
تالين تنهدت:اتصدق الجو كساد بلا سيرجو
صالح:والله ماافتكينا الا منه اقل شيئ نرقد في الدار براحتي?
تالين:خزي بارد
صالح:من بعدك?
تاين;اوووف عالكساد
صالح:كان اتحبي انشيلك المكان تدهوري عنديش مشكلة (نبي منه انا صالح اللي لما اتقولي مكسدة ايقولك هي اندهورك??)
تالين بفرحة:تحكي جد
صالح:اها البسي وهي
تالين:خلاص عشر دقايق وننزلك
ورقت غيرت دبشها ومشت هي وصالح يدهورو
“””””””””””
#عند_أبطالنا?
وتحديدا في الليل
تعشو هما الاثنين شوايات وكانو اجواء حلوة ضحك ورومانسية واشاركو في الشوي هما الاثنين وبعد العشاء سندس خشت ادوش وسراج لم حوسة الشوي ولما طلعت لقت سراج مداير قلب بالشموع قدام الكوخ ومفرشه كله ورد
سندس طلعت من جوا ولقت سراج راقد في القلب
سندس ابتسمت:شنو هذا
سراج قمعز:شن رايك في المفاجئة
سندس:اتهبل زي حبيبي?
سراج:نجك ليا تعالي هنا
سندس جاته وتمدد وحط راسها علي صدره وقعدو ايشوفو للسماء وقعدو فترة ساكتين
سندس:منظر النجوم حلو
سراج:اتصدقي اني اول مرة انشوفلهن بالطريقة هذي
سندس:انا زمان وانا صغيرة ديما انحب نرقد هكي وانشوف للنجوم اتصدق كنت حتى مخصصة نجمة ومدايرتها صاحبتي
سراج ضحك:تحكي جد
سندس:اها والله وتخيل ان كل يوم انجي انشوف للسماء ودايرة روحي نعرف فيها من بين النجمات القصة هذي حتى بابا وماما عارفينها فيه ايام نطلع انشوف للسماء انقوللهم نجمتي اليوم ماجتش?
سراج يضحك:لا هذا طرشيق
سندس:مش طرشيق كنت صغيرة ياصامط
سراج:فاهم عليك بس شكلها حياتك وانتي صغيرة كانت سمحة
سندس:سمحة بكل صح ماكنش عندي خوت او خوات بس الشيئ هذا مع صحباتي ماحسيتش بيه كنا ديما مع بعضنا هنا عندي او انا عندهن
سراج:يابختك راضية علي روحك وانتي صغيرة
سندس:ليش انت مش راضي
سراج:انا كنت الطفل المدلل اللي يبيها في ثواني اتكون عنده الطفل المغرور اللي شايف روحه علي كل واحد وماايحبش يلعب مع حد وهذا اللشيئ اللي خلاني منبوذ مالجميع حتى عيال عمي ماكنتش نقعد مع حد الا جدي
سندس:يعني ماكانش فيك جو وانت صغير
سراج:بكككل
سراج وسندس سكتو حاجة 5دقايق وبعدها
سراج تنهد:لولاك ولولا انك خشيتي في حياتي راه مازال حياتي تافهة ماالهش اي معنى
سندس ابتسمت:حتى انا مش عارف لو ماخشيت الحياتي راه مازال البنت المعقدة اللي مش مقتنعة بحب وغيره
سراج:سبحان الله من ايقولو اثنين يختلفو علي بعضهم تماما ومش مقتنعين لا بحب ولا زواج تقعد روحهم في بعضهم هكي وايعيشو احلى قصة حب ومعش يقدرو ايعشو بلا بعضهم
سندس:كل ماانفكر في اللي صار نقعد مش مصدقة هذا كله نذكر اول مرة شفتك كرهتك كنت في نظري احقر شخص ممكن ايمر عليا
سراج ضحك:وانا لما ضربتيني كنت كل اللي انفكر فيه انشوفك مذلولة قدامي وكنت انفكر انك اديري في طروح وان كل البنات رخاص بس طلعت غلطان وربي رزقني بأحسن بنت في الدنيا رغم اني عارف ماكنتش نستحق
سندس حظناته:ربي كان عالم بداخلك من جوا وانت اكثر حد تستحقني وانا نستحقك وربي كان عالم بشيئ زي هذا وهو اللي مقدرنا البعضنا من اول ماجينا عالدنيا عشان كل واحد ايغير اللاخر بطريقته
سراج زاد حظنها;ربي ايخليك ليا ياسعادتي
سندس:وايخليك ليا حبيبي وسكتو اشوية وبعدها
سندس: عارف اني انا كل مرة نكتشف فيك حاجة جديدة
سراج;شنو اكتشفتي فيا
سندس:ماكنتش نحساب صوتك حلو وعندك موهبة غناء بجد صوتك سحرني من امتى اتغني انت
سراج:من زمان انغني تقريبا ومن انا عندي 15سنة
سندس:صوتك ايهبل عادي نطلب طلب
سراج:ااكيدة حبي طلبات مش طلب واحد وكلهن مجابة
سندس:نبيك اتغنيلي
سراج:من عيوني غالي والطلب رخيص
سندس:بس مش اي اغنية
سراج:يعني عندك اغنية معينة
سندس:نبيك اتغنيلي بالليبي
سراج:بس انا عمري ماغنيت ليبي واصلا مانعرفش اغاني
سندس:عشاني حبيبي اكيدة سامعلك اي اغنية ومتذكرها وانا حنساعدك
سراج:باهي اشوي خليني نذكر وقعد حوالي 5دقايق ايفكر
سراج:اذكرت اغنية حلوة زمان اول ماتعرفت علي فيصل كان ديما ايولع فيها مش عارف الفنان ولا حافظها كلها عارف بس مقطع صغير
سندس;تمام بنسمعها
سراج:هي حلوة وديما عاجبتني واول مرة انغنيها حتى بيني وبين نفسي ماكنتش انغني فيها
سندس ابتسمت:يعني حصري ليا
سراج;حصري لكي هي جهزي روحي بنبدا انغني
سراج بدى ايغني
#الباين_واضح_فرق_كبير_بين_
#مامن_سمحة_وسمحة_لكن_مش_كي
#مامن_ضحكة_وضحكة_والله_ماا
#وهذا_اللي_خلاني_انغير_الب
سراج:هذا اللي حافظه
سندس:كمل وحنكمل معاك وقعدت اتقوله وهو ايكمل في الاغنية لين غناها الها كلها
وبعد كملت الاغنية خذاها في حظنه وكملو اتهدريزهم والاعتراف بحبهم الكبير البعضهم وفي نص الليل خشو للكوخ وكملو ليلتهم بين حب وجو حلو و#تشفير??
“””””””””
#صباح_يوم_جديد_عالكل☺
وعالساعة 12 الظهر
فيصل مامشش للشغل لان مازال في اجازة وراقد مسكين لابيه ولا عليه وفي لحظة خشت عليه امه بسرعة
ام فيصل بصوت عالي:فيصل فيصل نوض بسرعة
فيصل نط;شن فيه خير ياامي
ام فيصل:ولد خالي مات وتوا جايتني خالتك بنمشي معاها
فيصل;من ولد خالتك باهي اصبري نلبس ونمشي معاك
ام فيصل:لالا مافيش وقت انت اقعد هنا خالتك بتجيب بنتها وتقعد معاك صبي افطر وتغدو مع بعضكم وطلعت
فيصل طلع بسرعة وراها
فيصل;تي اي بنت خالتي انتي في شنو تحكي
ام فيصل:ردبالك اتسيبها بروحها وريان وروان حنتكي توا ناخذهن مالمدرسة ونزلت
فيصل نزل وراها ووايحك في عيونه
فيصل:ياامي راه مازال مافهمتش شيئ من بنت خالتي ومن اللي مات اصلا تي فهميني ازح
مع خشت فاتن وخالته
خالة فيصل:هي بسرعة مازلتي هنا
فيصل:فهميني ياخالتي من اللي مات شغلتوني
خالة فيصل;فتحي ولد خالي حميد اللي مات
ام فيصل:هي هذا صداع ومن بدري ايحقق
فيصل:تي ارجن بس
طلعن وسكرن الباب وراهن
فيصل بحت في فاتن
فيصل:من قالت مات
فاتن:قالت فتحي ولد خالها حميد
فيصل:اها وبعدها هما الاثنين مرة وحدة
فيصل وفاتن:تي هذا مش مات السنة اللي فاتت
فاتن قعدت تضحك
فيصل قمعز:قصة امي وخالتي هذينا
فاتن:دايراتها بلعاني بيحطنا في امر واقع
فيصل:معليش فاتن حتى خير ماقتلك فجعتني امي
فاتن:لا عادي حتى انا فجعتني ماما في السيارة ومعش فهمت شيئ
فيصل:مايبنش يقتنعن باللي حكيته
فاتن:شن حكيتلهن
فيصل:كيف خالتي ماحكتلكش شيئ
فاتن:شيئ زي شنو
فيصل:علي موضوعنا
فاتن:ماما ماحكتلي شيئ بس خالتي امس حكت معايا وقالتلي انت بدير فاتحة قريب
فيصل بصدمة;فاتحة قريب
فاتن:اها وانا كنت بنكلمك بخصوص الموضوع هذا انا بصراحة وسكتت
فيصل:انتي شنو
فاتن:اسمع فيصل بجد يعني من فترة كنت بنحكيلك بس قصة ماعرفتش كيف نحكي وخايفة ماتفهمنيش
فيصل:احكي وانا حنفهمك اكيدة
فاتن:فيصل انا مانقدرش انكون معاك ولا متخيلة اني نقعد لكي
فيصل كان ايشوفلها زين
فاتن:عارفة انك حتقول ليا ثلاث سنين خاطبك وهكي بس والله من اول ماخطبتني وانا بنحكيلك بس ماما كانت تمنع فيا
فيصل:احكي دغري شن بتحكي
فاتن:فيصل انا بصراحة انحب شخص اخرى وهو ايحبني وحاول كم مرة يحكي البابا بس لانك انت عاطي كلمة وهكي بابا وخوتي مايبوش ايردو في كلامهم ومايبوش ايزعلو ماما لان ماما تبيني لكي بس بجد يعني انا مش متخيلة روحي الشخص خاطي مؤيد
فيصل:قصدك مؤيد ولد عمك
فاتن:اها هو
فيصل ضحك:وانا انقول ليش كل مانحظر مناسبة عندكم يقعد ماسك البابا وطول الوقت ايفنص فيا طلع عشان ايحبك
فاتن:انت اكيدة توا زعلت وممكن معصب وحتحكي الماما اني حكيت هكي بس عادي اللي اتريحك ديرها اهم شيئ انا مانبيش نضحك عليك وانا مستحيل ناخذك اصلا وحتى مؤيد لما سمع بالفاتحة قريب طرشق وبيحكي العمامي كلهم وبيحجرني
فيصل:اسمعي يافاتن مافيش داعي الهذا كله ولد عمك وتبيه وهذا زواج وانتي بتقرري مع من اتعيشي زي ماانا بزبط بنقرر وباهي اللي حكيتي لانك سهلتي عليا واجد انا بروحي فيه بنية انحبها ومن فترة حاكي الامي عليها بس هي مسكرة راسها وتبيك وحتى اني جيت الخالتي وحكيتلها وقلتلها تحكيلك بس الباين ان هنا الاثنين خلن الموضوع سر بينهن
فاتن ضحكت:الحمدلله هكي ريحتني بس المشكلة كيف بنقنعو ماما وخالتي
فيصل:طبعا هنا دارن هكي عساس توا نحكو مع بعضنا وانقربو ونعجبو بعضنا وانحبو بعضنا بس طبعا صار العكس لكن مافيش الا حل واحد توا
فاتن:شن هو
فيصل:لما ايجن توا لازم نحكولهن مع بعضنا كل حاجة بصراحة وانحطوهن نحن في امر واقع
فاتن:تمام موافقة
فيصل:خلاص اسمعي انا توا بنخش نغسل وبعدها انجي نفطرو مع بعضنا
فاتن:مع اني فاطرة بس مش مشكلة نفطر معاك
فيصل:تمام وخش يغسل وبعدها جا وقعدو يفطرو هو وفاتن مع بعضهم
“”””””””””””””
#عند_صالح
طبعا مشى للمدرسة وراجى البنت لين طلعت مع باتها ولحقها وعرف حوشها وين
“””””””””””
#عند_فيصل_وفاتن
وعالساعة 2 بزبط وهما ايتغدو مع بعضهم جن امهاتهم ومعاهن ريان وروان
ريان وروان اول ماشافن فاتن جنها يجرن لانها كانت غالية عليهن
وبعد حوالي نص ساعة وهما ايخرفو عادي وبعدها
فيصل:امي خالتي فيه موضوع اتفقنا عليه انا وفاتن ونبو انقولوه لكن
ام فيصل وخالته شافن البعضهن وابتسمن
ام فيصل:احكو شنو
فيصل:اللي درتيه انتي وخالتي اليوم غلط انا عارف ان فتحي ولد خالي حميد ميت مالسنة اللي فاتت والجو اللي درتنه مايمشيش علي عيل صغير
فاتن:فيصل معاه حق وبعدين حركة بايخة انكن بتحطنا في امر واقع وبذات انتي ياماما وانتي عارفة كل حاجة
خالة فيصل:فاتن اسكتي احسنلك
فيصل:عليش تسكت هذا قرارها ومش من حق حد ايقرر عنها وهي اللي بتجوز مش انتي
ام فيصل:شنو القصة
فاتن:كل القصة يااخويلة اني ماانحبش فيصل وطول عمري معتبرته خويا وماما عارفة الشيئ هذا وعارفة كويس اني انحب مؤيد ولد عمي وهو ايحبني وخطبني كم مرة وكل مرة ماما اتعند عشان فيصل
فيصل:وامي حتى هي عارفة اني انحب بنت ثانية وحتى انتي ياخالتي حكيتلك عليها البنت وقلتي انك فهمتي الموضوع
ام فيصل:خالتك انا اللي قلتلها ماتاخذش بكلامك وهي عارفة اني نبي فاتن كنتي ومانبيش غيرها
فيصل;وفاتن ماتبيش مش بالغصب البنت اتحب شخص اخرى وبتجوزه
خالة فيصل:هذا مش بجوها مش هي اللي اتقرر نحن اللي انقررو
فيصل:لا هي اتقرر مش انتو هي اللي بتجوز وهذي حياتها وهي حرة
فاتن:ماما انتي عارفة ان مؤيد حكى معاكي كم مرة في موضوعي من قبل وانتي اللي ترفضي وعارفة كويس ان لو حكى العمامي وحجرني مش حتقدرو ترفضو وحياخذني
ام فيصل:مش داعي يافاتن الهذا كله انتي حرة وهذا قرارك وتقدري تاخذي اللي تبيه
فاتن:شكرا خالتو وياريت ماتزعلي مني
ام فيصل:لا مش زاعلة
فيصل:يبقى هكي محلولة ومن اليوم يافاتن انتي حرة وتقدري تختاري شريك حياتك بروحك
خالة فيصل تعقدت من بنتها ومن فيصل وصبت
خالة فيصل:صبي يافاتن وانتفاهمو في الحوش
فاتن صبت وسلمت علي خالتها وفيصل وطلعت مع امها
ام فيصل:عاجبك اللي صار
فيصل:انا مادرتش شيئ فاتن هي اللي ماتبيش وقالت من اول ماخطبتها وهي ماتبيش
ام فيصل:يعني مش انت قلتلها تحكي هكي
فيصل:انا مادخلنيش هي اللي بدت تحكي بروحها
فيصل:اها ماشي انتو الخاسرين وهذا اللي ضاركم ياجيل هالوقت ماتسمعوش في كلام عقالكم
فيصل:توا مش وقته الكلام هذا المهم توا حدديلي امتى تمشي تخطبيلي رانيا
ام فيصل بعصبية:قتلك مش خاطبتها ولو تقعد اخر وحدة في الدنيا مش خاطبتها لكي
فيصل:مش عناد ياامي البنت انحبها ونبيها
ام فيصل:انا بنختارلك علي ذوقي
فيصل:دبينها تمت هكي لازم تعرفي اني مش واخذ غير رانيا وطلع
“””””””””””
#عند_أبطالنا
وفي الليل تحديدا الساعة 9
سندس قررت ادير العشاء هي وقالت السراج يقعد في الدار ومايطلعش لين هي اتقوله وهو وافق
وخشت الهذك المطبخ اللي هي وياه مش اصحاب
قررت اتغامر وادير مكرونة بالباشميل (وطبعا زمان عاطيتها طريقتها رانيا)فقررت اتخاطر واديرها
بدت وقعدت اتجهز ودارتها وطلعت سمحة صح مش زي لما ايديرها واحد دايرها كم مرة بس في المجمل جت سمحة
وحطت طاولة قدام الكوخ وتت التباسي والعصير ودارات صلاطات وحطت شموع في كل مكان وعالطاولة وحطت ورد وجهزت العشاء وكلمت سراج واول ما طلع
سراج:اوووو حبيبتي الرومانسية?ناعليا منك وحق ربي انحبك
سندس:وانا انموت فيك وهذا اقل شيئ ممكن انديره لكي
سراج:ازعمك زي السمك والرز ولا سمحة هذي
سندس:مش عارف انت ذوق وخلاص
سراج:حتى لو جت مش سمحة عادي بناكلها كلها يكفي انك درتيها عشاني
سندس:بس عندي احساس انها سمحة
سراج:اكيدة اصلا انتي اللي دايرتها
سندس:ودايرتها عشان حبيبي
سراج:ناعليا منك وكرها شوره وباسها بوسة سريعة من شفايفها
سندس:هي حبيبي قمعز
سراج:هي وقمعزو وقعدو ياكلو
سراج:بجد انها سمحة يسلمن ايديك ياروحي ومسك يدها وباسها
سندس:سلمك حبيبي
وكملو وكال وبعد العشاء لمو العشاء وقمعزو مع بعضهم برا وقعدو اتهدريز وجو سمح وبعدها كملة ليلة حلوة مابين رومانسية وضحك و#مششفر ☺?
“””””””””
مرن 5 أيام
واليوم السادس في الصبح
هو اليوم اللي اللي فيه اقتنعت ام فيصل تمشي تخطب رانيا بس بعد اصرار من فيصل وخوته وماقبل حوتها وافقت وكان طبعا متفق مع رانيا اللي حتى هي ماحوتها اقتنعت بالخطبة
اما بالنسبة الصالح قعد يمشي ورا البنت كل يوم مالمدرسة للحوش لكن ماعرفش كيف يحكي معاها لان البنت كانت مالمدرسة للحوش ومالحوش للمدرسة ومالقش الا حل واحد ان ايدور اي سبلة ايخش بيها للمدرسة ولما سأل في المدرسة طلعو يبو مدرس فرنسي ولان هو كان عايش في فرانسا ومعاه شهادة لغة قبلوه مدرس فيها وقالوله تبدى من بكرا وطار مالفرحة واخيرا حيقدر ايقرب منها ويحكيلها اللي حاس بيه
اما رويدة فجمعت كل المعلومات علي أسيل وقررت اليوم تمشي الهلها عشان تحكيهن الرؤوف
اما دوسة وسيرجو اليوم هذا روحو في الصبح
واول ماجو خشو للفيلا دغري وقعدو مع عفوفة وتالين واتهدريز وجو سمح وبعدها جا صالح وعمو محمد وتغدو مع بعضهم وبعد الغداء
صالح قال السراج يلحقه في الدار يلعبو طرح سوني وسراج قاله اشوي ونلحقه
قعد اشوي مع عفوفه وسندس وبعدها طلع ورا صالح بس وهو راكب للدار تلاقه مع تالين في الممر اللي قدام دار صالح
تالين:سيرجو?
سراج;تولي?
تالين:تولي زاعلة منك?
سراج:عليش
تالين قربت منه:معقولة اتسافر واتخليني بروحي وحتى ماقلتش انك مسافر
سراج:جت بسرعة تولي يادوبك قلتها العفوفة
تالين قربت منه وحطت ايديها في ايديه:بس انت عارف اني جاية عشانك وعارف ان بلاك انكسد وانت طولت في السفرة
سراج:تالين قتلك جت بسرعه
سراج كان ناسي فونه جنب سندس وقعد ايرن عليه فيصل فخذاته سندس ورقت فوق بتعطيه له
#يتبع
قولكن شن بيصير وسندس شن بدير لما اتشوف الوضع هكي وهل تالين قاصده تصرف هكي ولا مش بقصدها وكان علي نيتها?
اما فيصل فكان طاير مالفرحة بأن بيخطب رانيا بس حتكمل فرحته ولا بيصير شيئ ايخربها وهل امه اللي مشت غصبن عنها حدير اللي يبيها فيصل او اللي تبيه هي ?
اما صالح فشكلها بتبدي معاه قصة حب جديدة بس قولكن من هي البنت هذب?
اما رؤوف هل المعلومات اللي اتجيبهن له رويدة كافيات وحيعرف القصة اللي بيعرفها ولا مش حيستفيد شيئ?
كله حنعرفوه في الحلقة الجاية☺
اسفة بنات عالتأخير توا غير كملتها لاني بصعوبة رتبت الاحداث?
أسفة لو فيه لخبطة في الأسماء وأكيد رأيكن ايهمني ?
گـتـابـتـي Koka Saleh
الـحـلـقـة (45)
گـتـابـتـي #Koka_Saleh
“”””””””””””””””””””””””””
#عند_رانيا
جت لازمشروع مالصبح بس كانت متضايقة وفي كل مكان تذكر في فيصل فيه مسكت فونها لقت محادثاته ورسائله وكلامه الها اذكرت يوم اللي اعترف بحبه خشت المكتبه لقت المشرف الثاني واذكرت كيف كانو يفطرو فيه وكيف كان مهتم بيها وكيف كان مالي حياتها ومش حاسه بوحدة طول ماهي معاه واذكرت كلام سراج اللي حكاه السندس وكيف ان رفض ايرد توا في اللحظة هذي ومن غير اي تفكير قررت تمشي الفيصل ورنت علي سندس وقالتلها تبي العنوان سندس في الاول رفضت لان عارفة المكان بعيد بس رانيا اصرت ولما سندس حكت السراج سراج قاللها اتقوللها العنوان مرات ايحلو الموضوع وربي يكتبلهم نصيب في بعضهم وزاد طمنها لما قاللها ان واثق في فيصل وان مش حيديرلها شيئ لان فيصل راجل وايحبها وسندس عطتها العنوان وطلبت منها ادير بالها علي روحها واتكلمها اول ماتوصل
خذت رانيا العنوان وكان معاها سيارة باتها وخذت اذن وطلعت مالمشروع وفي طريقها الفيصل
“””””””””””””
سراج خذا سندس وركبو مع السواق واتجهو شور البحر وكان غادي مجهز يخت(سفينه صغيرة)وبيمشو رحلة في البحر ويوصولو في جزيرة فيها كوخ صغير بيقعدو فيه كم يوم(بنات مااديرليش جو هو خيال الله ايربحكن خلنا عايشين فيه اللي ماعشناه في الواقع خلنا انعيشوه في خيالنا?)
سراج وسندس نزلو مالسيارة وركبو في اليخت وهما عيونهم وقلوبهم مليانات حب وكانو حاسين ان هما اسعد اثنين في الدنيا
“””””‘”””””
#عند_رانيا
كانت اول مرة اتسوق في طريق طويلة زي هذي وكانت حاسة بخوف بس اللي كان مشجعها انها بتشوف فيصل واتحل مشكلتها معاه
“””””””””
#عند_رؤوف
طبعا هو في سنة الامتياز وهو ودفعته السنة هذي ياخذو في عملي ويدربو في المستشفى
رؤوف كان واخذ رست ومقمعز في كافي المستشفى جاه شاهين
شاهين:كيف صار لكي ساعة واخذ رست
رؤوف:والله ماعندي جو انفكر انروح
شاهين:شن صاير معاك لكي كم يوم مش علي بعضك
رؤوف تنهد;والله ماني فاهم حاجة بكل
شاهين:احكيلي وخليني انفكر معاك بدل ماشايل الهم هكي بروحك
رؤوف:امس شفتها?
شاهين:قصدك رانيا
رؤوف:اها شفتها وشفت عيونها اللي حكن كل اللي في قلبها مازال اتحبني زي ماانا مازال انحبها
شاهين:خلاص يارؤوف لازم تنساها مش معقولة اتكمل عمرك اتفكر فيها وانت عارف ان مافيش امل حتى 1% انك تاخذها
رؤوف ضحك:كل حد ايقولي انساها وكأنه هالنسيان بطمة بنزرها ودغري ننساها امتى تفهمو ان هذا شعور وهو اللي متحكم فينا مش نحن اللي متحكمين فيه
شاهين:انا ماقلتش بطمة بس قصدي يعني لازم اتجرب اتحب مرة اخرى لانك مش حتنساها الا لما اتحب غيرها
رؤوف:انحب غيرها?
شاهين:اها يعني شوف امعانا دكتورات واجد والبنات كلهن من دفعتنا يعني نعرفوهن شوف وقرب منهن اشوي اكيدة في وحدة حتعجبك
رؤوف:كلا انت فااااضي
شاهين:مش فاضي نحكيلك جد
رؤوف:باهي سكرلي السيرة هذي حسك غممتها ليا اكثر ماهي غامتلي
شاهين;تمام توا انسكرها لكن توا انت حكيتلي ليش غامتلك اليوم باهي والايام اللي فاتن شنو انت وضعك مش تمام بككل
رؤوف:ماللي صار معاي
شاهين;شنو صار
رؤوف:صارت حاجة لعند توا مش فاهمها صدفة مش صدفة دماغي موقف بكل
شاهين:تي شنو اللغز هذا شن صاير قولي
رؤوف:من فترة زاقبلي حلم زقبة كل مانرقد نحلم بنفس الحلم ونفس البنت اللي في الحلم
شاهين;باهي وبشنو تحلم بيها
رؤوف:نحلم اني في مكان فاضي وفيه بنت تبكي اتجي وتحظني ولما نسألها من انتي تختفى مالحلم ونوعى
شاهين:باهي انت البنت هذي تعرفها
رؤوف:لا ولا عمري شفتها
شاهين:يبقى شوفلك حد ايفسرلك الحلم
رؤوف:القصة مش قصة تفسير الحلم القصة اني البنت تلاقيت معاها وهي تبكي وفي نفس الموقف الفرق بس المكان
شاهين بصدمة:لا مستحيل
رؤوف:وحق اللي كيف مانحكيلك من كم يوم تلاقيت معاها معش فهمت معقولة في صدف بالطريقة هذي
شاهين:اسمع الصدفة ممكن اتخليك اتشوف حد لكي زمان ماشفته ممكن تجمعك بحد كنت تعرفه وانت صغير يعني هكي بس مش حد اتشوفه في حلم اتشوفه في الواقع هذي ماعمرهش صارت
رؤوف:بس اهي صارت معايا
شاهين:صدقني لو اتفكر اشوي حتلقى روحك تعرفها
رؤوف:فكرت واجد لكن ماعرفتهش ماعمريش شفتها
شاهين:يعني مرات مش الدرجة شايفها وحاكي معاها مرات يعني انك مخطم عليها او شايفها اللحظات سريعة وهذا هو اللي ايخليك تحلم بيها
رؤوف:مش عارف بس والله علي مافكرت مااذكرتهش
شاهين:باهي لما تلاقيت معاها ماعرفتش من هي وشن قصتها
رؤوف:اول مرة ماعرفتش شيئ بس امس تلاقيت معاها اخرى وقالتلي
شاهين:اصبر اصبر قصدك انت تلاقيت معاها مرة اخرى
رؤوف:اها امس تلاقيت معاها
شاهين:ووين وشن قالتلك
رؤوف;ماهي طلعت بنت سيد نسيبي
شاهين:اهو ماقتلك تعرفها
رؤوف:تي لا انت عارف اختي ماالهش واجد متجوزة وانا امس اول مرة نمشيلها في حوشها وشفتها غادي
شاهين:اللي نقصده يعني مرات اتكون شايفها بالصدفة في الفرح من غير مااتركز وصورتها قعدت في خيالك هذا ليش شفتها
رؤوف:والله ماني عارف بس وجهة نظر ممكن تكون صح لكن السؤال اللي يطرح نفسه انا ليش نحلم بيها
شاهين:اسمع انا مقتنع بحاجة ان فيه رسائل ايجنك من ربي يرتسمن علي مواقف وايكون الهن تأثير علي حياتك
رؤوف;يعني
شاهين:يعني موضوع البنت هذا خليك وراه مااتمشيش لازم تعرفها وتعرف قصتها واكيدة حتطلع شايفها
رؤوف سكت وقعد ايفكر
“”””””””””
#عند_أبطالنا?
في اليخت وفي نص البحر وجو مالاخر بكل ?
سراج حاظن سندس من وراها
سندس:المنظر ايجنن
سراج:بكل زي عيونك بزبط
سندس ابتسمت:مش عارفة كيف نشكرك علي كل حاجة قاعد ادير فيها ليا
سراج:مانبيكش تشكريني نبيك بس اتقوليلي انحبك وهذي اتخليني اسعد واحد في الدنيا
سندس:انحبك
سراج:وانا انموت فيك وفي حبك
سندس لفت عليه وحظناته زيييين وبعد الحظن
سراج:لفي خليني اندير حاجة
سندس;شنو
سراج:بس لفي وشوفي للبحر
سندس:حاظر ولفت
سراج مسك ايديها وجا من وراهاوفتح ايديها جنبها وحط ايديه عليهن
سندس تضحك:زي تايتنك
سراج:ديما انشوف فيها خاطري انجربها
سندس:ناعليا منك يامجنون
سراج:مجنون بيك وبحبك انا
“””””””
#عند_رانيا
بعد طريق طويلة واخيرا وصلت للمكان اللي وصفه الها سراج درست سيارتها ونزلت وكان فيه مسافة بين المكان اللي ادرسي فيه السيارة وبين الحوش اللي قاعد فيه فيصل لان كان حوش في الجبل وماكانن السيارات ايخشن لعند غادي نزلت سكرت السيارة وكملت باقي الطريق علي كرعيها
ووصلت عند باب الحوش ودقت
فيصل كان متمدد عالكنبة وايتفرج عالتلفزيون واستغرب لما الباب دق لان مافيش حد جنبه وصبى وفتح الباب وزادت الصدمة لما شاف رانيا قدامه
فيصل قعد متجمد في مكانه ومصدوم?
رانيا ابتسمت:مفاجئة مش متوقعه صح
فيصل:انتي كيف جيتي هنا
رانيا:جيت بسيارة بابا☺
فيصل:قصدي انتي جيتي لعند هنا بروحك
رانيا:اها
فيصل بعصبية:انتي كيف اديري هكي كيف تمشي المسافة هذي كلها بروحك ماخفتيش
رانيا:خفت بس كنت بنوصل فيك باي طريقة
فيصل زاد عصب;عنك ماوصلتي فيا بس مااتخاطريش بروحك واتجي هنا بروحك تخيلي صارلك شيئ او اي حد تعرضلك في الطريق
رانيا:اسفة لو جيتي لكي ضايقاتك انا حنرد منين ماجيت وجت بتمشي فيصل مسكها من يدها
فيصل:اسف مش قصدي انعصب عليك انا بس خفت عليك الطريق بعيدة وطويلة وانتي بروحك
رانيا:عارفة انها غلط بس لما عرفت ان سراج عرف مكانك ماجش في بالي الا اني انجيك
فيصل:مانحسبش اني غالي عندك للدرجة هذي
رانيا:انت عارف كويس شنو غلاوتك ومعزتك عندي
فيصل:قصدك كنت عارف بس بعد اللي صار القيت روحي غلطان
رانيا:انت مش غلطان انا صح انعزك وغالي عليا بس مش الدرجة الحب انت عارف اللي مريت بيه مش ساهل
فيصل;عارف ومقدر وقتلك متحمل اي جاجة بس بنكون معاك وانا نوعدك انسيك
رانيا:انا خايفة يافيصل
فيصل:مني انا خايفة انا لوضريت الدنيا كلها انتي مستحيل انضرك
رانيا:مش خايفة منك انا خايفة مالوقت مالظروف مالحياة مالناس انا فشلت قصة حبي الاولى بدون ذنب ليا ولا الرؤوف فشلت مالناس مالحياة مالنصيب وخايفة لو انحاول انجرب مرة ثانية ايصير نفس الشيئ
فيصل:انا مش زي حد انا مستعد انبيع الدنيا انتحدى العالم عشانك بس انتي عطيني فرصة
رانيا:تقدر اتعايش مع فكرة اني مازال ماانسيت رؤوف
فيصل:انا حنخليك تنسيه وعد
رانيا;مش حيجي يوم واتمل واتعقد مالشيئ هذا واتسيبني عشان هكي
فيصل:انا عارف حتقعد فترة صعبة بس انا حنتحملها وحنتعدو المرحلة هذي مع بعضنا
رانيا:تمام
فيصل:نفهم منك انك موافقة تعطيني فرصة
رانيا:هو صح مافيش شعور حب تجاهك ممكن اعجاب بشخصيتك ممكن لاني لما نقعد معاك ماانحسش بالوحدة وننسى كل همومي انحس فيك تفهم فيا من غير مانحكي مش عارف شعور ملخبط بس الاهم اني الايام اللي فاتن فقدتلك واجد
فيصل ابتسم:وهذا حد اللي طالبه وانا نوعدك مستحيل انخيب املك او انزعلك في يوم واللي انتي فيه توا بعون الله انخليه ماضي وحنسيه لكي بس بنسمع من فمك كلمة موافقة نعطيك فرصة
رانيا تنهدت;موافقة نعطيك فرصة
فيصل فرح:ياريت نعرف انزغرت
رانيا قعدت تضحك
فيصل:انحبك
رانيا انحرجت وطبست راسها
فيصل:مانقدرش انقولك خشي جوا بس قمعزي عالكرسي هنا انجيب عصير نشربوه
رانيا:لالا لا عصير لاشيئ خليني انروح عشان انلحق انرد قبل مااتظلم
فيصل:نشربو عصير وحنلحقو انروحو وهو ضي
رانيا بإستغراب:قصدك انت بتروح معايا
فيصل:انا بروحك بيك شن تحسابي بنخليك اتردي بروحك تي انا جيتك هنا بروحك ومازال مش مستوعبها
رانيا:بس
فيصل:مافيش بس هي كلمة وحدة بروحك مااترديش
رانيا:ماشي
فيصل:خليكي هنا اشوي وانجيك
رانيا:تمام
فيصل:خش للحوش وهي قعدة في الفرندا قدام اللي قدام الباب وقعدت اتفرج عالجو السمح والغابة اللي جنب الحوش اشوي وفيصل جاها وجايب عصير وشكولاطة شربو مع بعضهم وبعدها فيصل خش جاب دبشه من جوا وطلعو في سيارة رانيا واصر ان هو ايسوق
“””””””””””””
#عند_سيرجو_ودوسة❤
وصلو للجزيرة ونزلو ماليخت
سندس:واااااو مكان ايهبل
سراج;وحيقعد احلى بعد يشهد علي قصة حبنا
سندس;سيراجو وحق ربي انحبك
سراج:دوستي وحق ربي انموت فيك
سندس حظناته زيييين
سندس حاظنته:انحبك انحبك انحبك
سراج زاد حظنها:وانا نعشقك
بعد اشوي سندس بعدت
سندس:الكوخ شكله ايهبل
سراج:تعالي خشي وشوفيه
ومشو مع بعضهم وكان كوخ صغيرون وايهبل بكككل مبني باللوح(الخشب)
سندس:ايهبل بس انتي وين لاقيه المكان هذا
سراج:سر المهنة
سندس:بلا صماطة
سراج:اللي بيسعد حبيبته يلقى وايدير اي حاجة
سندس:ناعليا منك ومن كلامك
سراج;ومنك ياقلبي انتي
سراج:حي علما?
سندس بخوف:شن فيه
سراج:عارفة انك من اول مانزلتي عالجزيرة وماعطيتينيش بوسة
سندس خبطاته علي كتفه:ياصامط فجعتني نحسابها حاجة مهمة
سراج;انا عندي حاجة كبيرة كان انتي حاجة ساهلة
سندس:شن بندير حبيبي مجنون ربي ايبحت في حاله
سراج:يارب وتعالي هنا عطيني حقاتي وكرها شوره
سندس:بلا صماطة
سراج:اس يلا وقرب منها وباسها بوسة طوييييلة علي شفايفها وبعدها غيرو دبشهم وقررو ايخشو ايعومو في البحر
ولانها كانت جزيرة فاضية فسندس خشت معاه للبحر بشورت نص وكت وسراج طبعا وهما في البحر مابطل صياعته وانحرافه وكل اللي شيئ داره وهما ايعومو?
سراج حاظنها في المية
سراج:تذكري لما غرقتي
سندس ضحكت:اس مااتخطرش عليا عليك يوم
سراج:اتصدقي اني دعيت انك تغرقي ومااحسبتش ربي يستجيب دعايا هكي
سندس شافتله بالجنب:وبالك غرقت عشان ربي استجاب الدعاك هو كله مقدر ومكتوب يعني
سراج;واااو من السانك ياام السان
سندس عصبت:سرااااج?
سراج يضحك:يؤبرني المعصب انا?
سندس:صامط العتب عليا اللي قاعدة انعوم معاك
سراج:وحق ربي مانك طالعة انبصر خلاص
سندس:معش اتقولها
سراج:حاظر ياام السان
سندس فنصت فيه زين
سراج يضحك:خلاص اسف اسف معش انقولها
وقعدو ايعومو وجو مابين رومانسية مابين ضحك مابين عرايك?
“””””””””””””””
#عند_رؤوف
طلع مالمستشفى وهو ايفكر في كلام شاهين وفعلا مقتنع ان مافيش حاجة اتصير بالصدفة هكي واكيد فيه شيئ في النص هو مازال ماعرفه فقرر يمشي الرويدة ويحكيلها كل حاجة بالك اتساعده
ودغري اتصل بيها
رويدة:خيرات اوفا
رؤوف:خيرات دودي شن اخبارك
رويدة:تمام شن اخبارك انت
رؤوف:تمام حال تعب العملي في المستشفى
رويدة:خلاص هانت هذي اخر سنة وبعدها انشوفك احسن دكتور
رؤوف:احسن دكتور مرة وحدة
رويدة:اكيدة احسن دكتور بشنو احسن منك الدكاترة لخرين يعني
رؤوف:باهي ياستي زي ماتبي بس قوليلي انتي في حوشك توا
رويدة:اها عليش
رؤوف:عادي انجيك غادي
رويدة:اكيدة عادي شنو المشكلة يعني
رؤوف:خلاص تمام حاجة ربع ساعة وانكون عندك نبيك في موضوع مهم
رويدة:ان شاءلله خير
رؤوف:لا خير باذن الله
رويدة:خلاص نرجا فيك
رؤوف:تم وسكر
“”””””””””””
#عند_فيصل_ورانيا
وصلو لعند المدينة ولما خشولها فيصل نزل وخلا رانيا اتكمل لعند حوشهم بروحها وهو خذا تاكسي ومشى الحوشهم تلقاته امه بالزغاريت هي وريان وروان
ام فيصل سلمت عليه هي وريان وروان
ام فيصل;وينك كل هالايام اللي فاتن معقولة تمشي ومااتقوللنا وين ماشي
فيصل:معليش كانت غامتلي اشوي وحبيت نقعد بروحي
روان:غامتلك مالحب?
فيصل بصدمة:ريت الفرخة انتي شن عرفك للكلام هذا
ريان:هذينا مالمسلسلات التركية اللي اتفرج عليهن
فيصل:باهي ياروان والله نلقاك حاطه حاجة مرة اخرى خاطي رسوم نهارك
روان:خزي بصاصة?شن حصلتي توا وضربت ريان
وريان قعدت تبكي?
فيصل بعصبية:والله انوريك ياروان وجا بيلحقها وهي خشت تجري الدارها وسكرت وبعدها رد علي ريان اللي قاعدة تبكي وقعد ايسكت فيها وبعدها حتى هي خشت الدارها
مع جية ام فيصل جايبة قهوة العشية
فيصل:لنقنها وقتها?
ام فيصل:حتى انا عارفتك اتحبها في الوقت هذا اتصدق من يوم اللي مشيت ماعاد شربت قهوة
فيصل ابتسم
ام فيصل:والله خوفتني عليك قعد عقلي ايودي وايجيب ماتريحت لين طمني سراج عليك
فيصل:معليش ياامي وان شاءلله معش انديرها ولا انخوفك عليا
ام فيصل:باهي انتي ليش درت هكي
فيصل:قتلك كنت متضايق اشوية
ام فيصل:بسبب البنت رانيا صح
فيصل سكت وماردش
ام فيصل:كل مانحكو في نفس الموضوع انتعاركو بس هالمرة بنحكيلك بالعقل وفكر في كلامي
فيصل:شنو
ام فيصل:انت عارف اني خاطبتلك فاتن ليا 3سنين من اول ماخشت للثانوي
فيصل:عارف
ام فيصل:ومن جدك توا اتقول معش نبي واتحشمني مع اختي
فيصل:لا انحشمك لاشيئ هو كل شيئ نصيب وانا فهمتها خالتي وتقبلت الكلام وبعدين انتي ترضيها ناخذ فاتن وانعيش باقي عمري تعيس عشان انتي مااتحشمي مع خالتي يعني
ام فيصل:وعليش بتعيش تعيس كنها فاتن شن ناقصها بنت مشاءلله عليها تنحط عالجرح يبرا
فيصل: ينعن جد تنحط عالجرح يبرا كني انا واخذ مطهر مثلا? وبعدين العيب مش فيها العيب فيا انا ماانحبهش انا انحب وحدة اخرى
ام فيصل:وشنو الفرق بينها وبين لخرى عشان ماحبيتهش
فيصل:ببساطة قلبي هو اللي اختار مش انا واللي لقاه في رانيا مالقش في فاتن
ام فيصل;وشنو اللي لقى عندها ان شاءلله
فيصل:لقى عندها الامان والحب لما انشوفها يكمل يومي جوي سمح لما تضحك انحس الدنيا ضحكتلي غيرتني ياامي غيرت فيا حاجات واجد ماكنتش متخيل روحي يوم انحب
ام فيصل:لا شكلك اتفرج علي الاتراك واجد متأثر بيهم بلا حب بلا كلام فاضي هذا كلام افلام ومسلسلات مافيش منه في الواقع اصلا ماخرب عقولكم الا هالتلفزيون
فيصل:امي انا انحبها ونبيها ومش حناخذ غيرها وحطي في بالك ان خلال اليومين هذينا بتمشي تخطبيها ليا
ام فيصل:قصدك اتحط فيا في امر واقع
فيصل:لا بس حياتي وانا انقرر كيف بتكون ومع من بنعيشها انا اللي بنجوز مش انتي وانا مش واخذ الا رانيا
ام فيصل:وانا مش حنخطبلك الا فاتن تبي فاتن ماللحظة هذي مستعدة انطلعلك الفرح غيرها ماتحلم نمشيلها حتى في الحلم
فيصل صبى:براحتك انا حكيتلك بتمشي تخطبيها ليا تمام ماتبيش انكلم حني وعماتي ويمشن يخطبنها ليا
ام فيصل:حنك وعماتك عارفاتك بتاخذ فاتن ومتاكدة كلامهن زي كلامي وحاجة انا مش راضية عليها مافيش حد حيوافقلك عليها
فيصل;عادي حتى لو كلكم رفضتو مستعد نمشي نخطبها بروحي بس هذكي اللحظة انسو ان عندكم حد اسمه فيصل
ام فيصل:هي هكي يافيصل
فيصل:اها هكي يامي غير رانيا مش متجوز وفكري في الموضوع وقرري وطلع من جنبها
ام فيصل:ماشي يافيصل انشوفو كلام من يمشي
“”””””
#عند_رؤوف
وصل الحوش رويدة لقى معاذ برا سلم عليه وخش هو وياه الرويدة
خش سلم عليها واطمن عليها وقعدو ايخرفو هو ورويدة ومعاذ وبعد اشوي معاذ طلع بحجة بيشوفهم لوطة شن يبو وهو كان بيخليهم براحتهم
رويدة:ها قولي شنو الموضوع اللي تبيني فيه من بدري انفكر
رؤوف ضحك:نسيبي يفهم في الجو طلع وخلانه بروحنا
رويدة;توا فوته نسيبك قولي انت شن فيه وان شاءلله يارب تقعد اللي في عقلي
رؤوف:وشنو اللي في عقلك
رويدة;انشاءلله ايكون الموضوع فيه وحدة واتحبها
رؤوف:الموضوع علي وحدة بس مش حب زي ماعدى عقلك
رويدة:امالا شنو ومن هي وشن قصتها
رؤوف:غير وسعي بالك وتوا نحكيلك
رويدة:ها وسعته هيا احكي بسرعة
رؤوف:القصة ومافيها وقعد يحكيلها في الحلم وفي ملاقاته باسيل في المستشفى ولما شافها امس
رويدة كانت مصدومة وفاتحة فمها وخلاص
رؤوف;شن رايك في اللي صار هذا كله
رويدة:بصراحة مش عارفة ماانرد عليك معقولة فيه صدفة هكي تحلم ببنت اتشوفها
رؤوف:مش عارف فكرت اليوم وحسيت ان مافيش صدفة تجمعك بواحد هكي قلت ممكن انكون شايفها في مكان ومش متذكر وهذا ليش حلمت بيها
رويدة:يعني وين ممكن اتكون شايفها
رؤوف:مش عارف بس يوم فرحك لما خششتك ممكن هنكي بحكم انها بنت عم معاذ فأكيدة جت للفرح ممكن انكون لامحها غادي
رويدة:بس اسيل يوم فرحنا ماجتش بكل
رؤوف:كيف ماجتش
رويدة:قصة اسيل قصة عويصة
رؤوف:شن قصتها
رويدة:اختها كان ايحبها معاذ وخاطبها ويوم الفرح توفت في حادث والشيئ هذا ازم اسيل واجد وسببلها عقدة وقعدت ماتبيش اتشوف اي وحدة مكان اختها مع معاذ وهدا ليش ماجتش للفرح
رؤوف:تمام فهمت عليك بس ماعندكش عليها اي معلومات
رويدة:لا انا وهي علاقتنا محدودة يعني في الاول دارتلي مشاكل بس توا خلاص
رؤوف:يعني ماتعرفيش وين تقرا ولا تشتغل اي معلومة ممكن اتخليني نعرف وين شفتها
رويدة:انا كل اللي نعرفه انها في الحوش لا تقرا ولا تشتغل بس هل مكملة قرايتها ولا لا ولا شن قسمها هذينا كلهن ماعنديش اي فكرة عليهن كل اللي نعرفه ان هي اكبر مني بس لو تبي انجيبلك معلومات عطيني كم يوم والسيفي متاعها كله يقعد عندك
رؤوف;تمام اي شي تعرفيه عليه قوليه ليا
رويدة:خلاص يومين هكي وانجيبلك كل حاجة
رؤوف:تمام بس اهم شيئ السرية التامة وبذات امي مانبيهش تعلم شيئ كان تسمع حاجة توا تسكنلي تحسابه موضوع اخرى
رويدة:لا اطمن مافيش حد حيعرف
رؤوف:دودي حتى معاذ الموضوع سر
رويدة:ياصامط امتى قتلي حاجة وقلتها الحد ماتنسش اسرارك كلهن كانن عندي
رؤوف:مش ناسي ولو ماعندي فيك ثقة ماحكيتلك غير اناكدلك بس لان مرات اتحسيه موضوع عادي وتحكيه
رويدة:كون هاني مااتفكرش في شيئ هون حفرنا وهون طمرنا?
رؤوف ضحك:خلاص انا بنروح
رويدة:خليك كسد معايا
رؤوف:وين انكسد تليفونات امي من بدري اتقولي كنك طولت مش مقتنعة اني دكتور ومازال حيجني اوقات مش حنروح الا عقاب الليل
رويدة:نجك ليا امتى اتكمل وادير عيادة الروحك
رؤوف:عيادة مرة وحدة حرام عليك
رويدة:كيف مش عارف ان بابا قاعد ايوتيلك في عيادة وعلي تكميلتك تقعد جاهزة
رؤوف:تحكي جد انتي
رويدة:قصدك هما دايرينها مفاجئة وانا خربتها باهي اوفا وراسي عندك دير روحك مش عارف شيئ وراسي وراسي
رؤوف يضحك:خلاص خلاص يامطرشقة اوكي ماسمعت شيئ
رويدة:حي وحق الله كان يعرفوني حكيت يزعلو مني
رؤوف:مش حنحكي ويوم اللي يحكوها ليا حندير روحي متفاجئ ويغمى عليا تمام هكي
رويدة:مش للدرجة هذي عاد?
رؤوف:شن بنديرلك سكنتي?
رويدة?
رؤوف:تم سلام توا بنروح
رويدة:سلام وعاودها مرة اخرى
رؤوف:حاظر وطلع سلم علي معاذ لوطى وروح
“”””””””””
#في_الفيلا
تالين خشت علي عفاف في المطبخ وهي اتقول للخدم شن ايديرو عالعشاء
تالين:عمتو وين سيرجو وسندس مالصبح ماشفتهمش مشيت الحوشهم توا دقيت ماحد فتح وسيرجو مقفل
عفاف ضحكت:كيف ماعندكش العلم
تالين:من شنو
عفاف:ماشيين ايجددو في شهر العسل
تالين:اي شهر عسل بيجددوه هما ماالهم شيئ متجوزين واكيدة دايرين شهر عسل
عفاف:دارو شهر عسل بس ماانسجموش فيه لان هما لما اجوزو كانو مغصوبين غصب علي بعضهم ومافيش حب وتوا حبو بعضهم فماشيين بيجددو شهر العسل
تالين;وماقالولك الاي دولة مشو
عفاف;الحق سراج ماحكش وانا ماحبيت نسأله
تالين;وزعمك بيطولو
عفاف:والله مانندري هو بس قالي ماشيين انجددو في شهر العسل
تالين:اها وقعدت ساكتة واتفكر
تالين:عمتو هو صح سراج ايحبها
عفاف:واااااجد بككككل اخرى
تالين:يعني قولك حب حقيقي ولا بس لانها كانت صعبة عليه وماقدرش ياخذ الشيئ اللي يبيه فمثل دور الحب وخلاص وبعدها ايسيبها
عفاف:لالا مستحيل سراج فعلا ايحب سندس حب حقيقي
تالين:وشنو اللي مخليك متاكدة هكي
عفاف:لان تغير عشانها 180درجة وانتي بروحك عارفة سراج كويس كيف كان وتوا كيف قعد
تالين:هو صح تغير بس انا خايفة تكون نزوة وفترة معينة وبعد ايطول اللي يبيه وايمل بسيسبها وايرد كيف ماكان
عفاف:لالا مستحيل ولدي ونعرفه وهو فعلا ايحبها
تالين:باهي ربي ايهنيه وطلعت
وعفاف كملت باقي شغلها في المطبخ
تالين طلعت للجنان لقت صالح مقمعز علي كرسي في الجنان وحاط يده تحت خده ومسند يده عالطاولة وسارح
تالين:شفت سيرجو اللي دارلنا خيانة وسافر من غير حتى ماايقول اتقول خايف نعلقو فيه?
صالح سارح وماايردش
تالين:صالح
صالح ماايردش?
تالين بصوت عالي:صااااااالح
صالح نط:تي كنك بسم الله
تالين;وين سارح
صالح تنهد ورد وحط يده تحت خده اخرى
تالين:ياساتر الموضوع شكله كبير كرت الكرسي وقمعزت
تالين:هيا احكيلي شن صاير
صالح:شفتها
تالين بإستغراب:ومن هذي
صالح:اللي ماتوقعتش انشوفها
تالين:صالح احكي من هذي?
صالح:بنت جيرانا
تالين:بنت جيرانكم اكيدة بتشوفها يعني شنو الحاجة الغريبة
فيصل:الغريبة ان ليا 10 سنين ماشفتها اخر مرة شفتها كانت سنة ثانية ابتدائي
تالين:انت شارب حاجة ياصالح
صالح:مش شارب شيئ نحكيلك في الصدق البنت هذي بنت جيرانه ومن هي صغيرة غالية عليا بكككل اكثر ماتصوري كانت اصغر مني ب 12سنة وهذا كله كنت لما تطلع للشارع نقعد نلعب معاها وماانخليش في حد ايكلمها غيري واللي ايجي شورها حي عليه وحي ولما قرت انا اللي كنت انوصل فيها مالحوش للمدرسة ومالمدرسة للحوش هلها كانو عارفينها غالية عليا وكانو ديما يطمنو لما نقعد معاها لاني كنت انخاف عليها بكل
تالين:باهي وبعدها?
صالح:هي خشت سنة ثانية ابتدائي ونحن سافرنا وسيبنا الشارع وجيرانا وماتصوريش اللي صار فيا غادي قعدت كم شهر فاقدلها وبعدها مشى الجو عادي والحق بعد روحنا معش فكرت فيها وبذات لما عرفت انا هما من سنين منتقلين من حوشهم لعند اليوم الصبح رن عليا صاحبي قالي انردو انديرو اللي كنا انديرو فيه زمان ونمشو انصبو قدام مدارس ثانوية البنات
تالين:عليك معيلة علي قولة سراج ديما ايقول فيها توا فهمت معناها
صالح:عارفها معيلة وانا عيل اندير فيها?
تالين:باهي كمل شن صار
صالح:صبينا قدام المدرسة ويشاء القدر انشوف باتها قدام المدرسة قعد مركز زين معش عرفت نمشي انسلم عليه ولا شنو اندير قررت نمشي انسلم مع طلعت بنيتين مالمدرسة وبعد وصلت عند السيارة صاحبتها قالتلها اوكي وسمتلها اسمها انا هنا جتني الجمدة ومعش عرفت كيف نصرف حسيت بشعور غريب اول مرة انحسه وقعدت انشوفلها وهي في السيارة نفس الخدود نفس العيون الزرق ولما ابتسمت للبنت نفس الابتسامة اللي زمان ونفس الغمازات وقعدت انشوفلها لين اختفو من قدامي انا غبي المفروض لحقتها اقل شيئ عرفت مكانها وين توا
تالين:بسيطة بكرا صبي قدام نفس المدرسة لين تلحقها وتعرف حوشها
صالح;وهذا اللي بنديره بكرا
تالين تنهدت:اتصدق الجو كساد بلا سيرجو
صالح:والله ماافتكينا الا منه اقل شيئ نرقد في الدار براحتي?
تالين:خزي بارد
صالح:من بعدك?
تاين;اوووف عالكساد
صالح:كان اتحبي انشيلك المكان تدهوري عنديش مشكلة (نبي منه انا صالح اللي لما اتقولي مكسدة ايقولك هي اندهورك??)
تالين بفرحة:تحكي جد
صالح:اها البسي وهي
تالين:خلاص عشر دقايق وننزلك
ورقت غيرت دبشها ومشت هي وصالح يدهورو
“””””””””””
#عند_أبطالنا?
وتحديدا في الليل
تعشو هما الاثنين شوايات وكانو اجواء حلوة ضحك ورومانسية واشاركو في الشوي هما الاثنين وبعد العشاء سندس خشت ادوش وسراج لم حوسة الشوي ولما طلعت لقت سراج مداير قلب بالشموع قدام الكوخ ومفرشه كله ورد
سندس طلعت من جوا ولقت سراج راقد في القلب
سندس ابتسمت:شنو هذا
سراج قمعز:شن رايك في المفاجئة
سندس:اتهبل زي حبيبي?
سراج:نجك ليا تعالي هنا
سندس جاته وتمدد وحط راسها علي صدره وقعدو ايشوفو للسماء وقعدو فترة ساكتين
سندس:منظر النجوم حلو
سراج:اتصدقي اني اول مرة انشوفلهن بالطريقة هذي
سندس:انا زمان وانا صغيرة ديما انحب نرقد هكي وانشوف للنجوم اتصدق كنت حتى مخصصة نجمة ومدايرتها صاحبتي
سراج ضحك:تحكي جد
سندس:اها والله وتخيل ان كل يوم انجي انشوف للسماء ودايرة روحي نعرف فيها من بين النجمات القصة هذي حتى بابا وماما عارفينها فيه ايام نطلع انشوف للسماء انقوللهم نجمتي اليوم ماجتش?
سراج يضحك:لا هذا طرشيق
سندس:مش طرشيق كنت صغيرة ياصامط
سراج:فاهم عليك بس شكلها حياتك وانتي صغيرة كانت سمحة
سندس:سمحة بكل صح ماكنش عندي خوت او خوات بس الشيئ هذا مع صحباتي ماحسيتش بيه كنا ديما مع بعضنا هنا عندي او انا عندهن
سراج:يابختك راضية علي روحك وانتي صغيرة
سندس:ليش انت مش راضي
سراج:انا كنت الطفل المدلل اللي يبيها في ثواني اتكون عنده الطفل المغرور اللي شايف روحه علي كل واحد وماايحبش يلعب مع حد وهذا اللشيئ اللي خلاني منبوذ مالجميع حتى عيال عمي ماكنتش نقعد مع حد الا جدي
سندس:يعني ماكانش فيك جو وانت صغير
سراج:بكككل
سراج وسندس سكتو حاجة 5دقايق وبعدها
سراج تنهد:لولاك ولولا انك خشيتي في حياتي راه مازال حياتي تافهة ماالهش اي معنى
سندس ابتسمت:حتى انا مش عارف لو ماخشيت الحياتي راه مازال البنت المعقدة اللي مش مقتنعة بحب وغيره
سراج:سبحان الله من ايقولو اثنين يختلفو علي بعضهم تماما ومش مقتنعين لا بحب ولا زواج تقعد روحهم في بعضهم هكي وايعيشو احلى قصة حب ومعش يقدرو ايعشو بلا بعضهم
سندس:كل ماانفكر في اللي صار نقعد مش مصدقة هذا كله نذكر اول مرة شفتك كرهتك كنت في نظري احقر شخص ممكن ايمر عليا
سراج ضحك:وانا لما ضربتيني كنت كل اللي انفكر فيه انشوفك مذلولة قدامي وكنت انفكر انك اديري في طروح وان كل البنات رخاص بس طلعت غلطان وربي رزقني بأحسن بنت في الدنيا رغم اني عارف ماكنتش نستحق
سندس حظناته:ربي كان عالم بداخلك من جوا وانت اكثر حد تستحقني وانا نستحقك وربي كان عالم بشيئ زي هذا وهو اللي مقدرنا البعضنا من اول ماجينا عالدنيا عشان كل واحد ايغير اللاخر بطريقته
سراج زاد حظنها;ربي ايخليك ليا ياسعادتي
سندس:وايخليك ليا حبيبي وسكتو اشوية وبعدها
سندس: عارف اني انا كل مرة نكتشف فيك حاجة جديدة
سراج;شنو اكتشفتي فيا
سندس:ماكنتش نحساب صوتك حلو وعندك موهبة غناء بجد صوتك سحرني من امتى اتغني انت
سراج:من زمان انغني تقريبا ومن انا عندي 15سنة
سندس:صوتك ايهبل عادي نطلب طلب
سراج:ااكيدة حبي طلبات مش طلب واحد وكلهن مجابة
سندس:نبيك اتغنيلي
سراج:من عيوني غالي والطلب رخيص
سندس:بس مش اي اغنية
سراج:يعني عندك اغنية معينة
سندس:نبيك اتغنيلي بالليبي
سراج:بس انا عمري ماغنيت ليبي واصلا مانعرفش اغاني
سندس:عشاني حبيبي اكيدة سامعلك اي اغنية ومتذكرها وانا حنساعدك
سراج:باهي اشوي خليني نذكر وقعد حوالي 5دقايق ايفكر
سراج:اذكرت اغنية حلوة زمان اول ماتعرفت علي فيصل كان ديما ايولع فيها مش عارف الفنان ولا حافظها كلها عارف بس مقطع صغير
سندس;تمام بنسمعها
سراج:هي حلوة وديما عاجبتني واول مرة انغنيها حتى بيني وبين نفسي ماكنتش انغني فيها
سندس ابتسمت:يعني حصري ليا
سراج;حصري لكي هي جهزي روحي بنبدا انغني
سراج بدى ايغني
#الباين_واضح_فرق_كبير_بين_
#مامن_سمحة_وسمحة_لكن_مش_كي
#مامن_ضحكة_وضحكة_والله_ماا
#وهذا_اللي_خلاني_انغير_الب
سراج:هذا اللي حافظه
سندس:كمل وحنكمل معاك وقعدت اتقوله وهو ايكمل في الاغنية لين غناها الها كلها
وبعد كملت الاغنية خذاها في حظنه وكملو اتهدريزهم والاعتراف بحبهم الكبير البعضهم وفي نص الليل خشو للكوخ وكملو ليلتهم بين حب وجو حلو و#تشفير??
“””””””””
#صباح_يوم_جديد_عالكل☺
وعالساعة 12 الظهر
فيصل مامشش للشغل لان مازال في اجازة وراقد مسكين لابيه ولا عليه وفي لحظة خشت عليه امه بسرعة
ام فيصل بصوت عالي:فيصل فيصل نوض بسرعة
فيصل نط;شن فيه خير ياامي
ام فيصل:ولد خالي مات وتوا جايتني خالتك بنمشي معاها
فيصل;من ولد خالتك باهي اصبري نلبس ونمشي معاك
ام فيصل:لالا مافيش وقت انت اقعد هنا خالتك بتجيب بنتها وتقعد معاك صبي افطر وتغدو مع بعضكم وطلعت
فيصل طلع بسرعة وراها
فيصل;تي اي بنت خالتي انتي في شنو تحكي
ام فيصل:ردبالك اتسيبها بروحها وريان وروان حنتكي توا ناخذهن مالمدرسة ونزلت
فيصل نزل وراها ووايحك في عيونه
فيصل:ياامي راه مازال مافهمتش شيئ من بنت خالتي ومن اللي مات اصلا تي فهميني ازح
مع خشت فاتن وخالته
خالة فيصل:هي بسرعة مازلتي هنا
فيصل:فهميني ياخالتي من اللي مات شغلتوني
خالة فيصل;فتحي ولد خالي حميد اللي مات
ام فيصل:هي هذا صداع ومن بدري ايحقق
فيصل:تي ارجن بس
طلعن وسكرن الباب وراهن
فيصل بحت في فاتن
فيصل:من قالت مات
فاتن:قالت فتحي ولد خالها حميد
فيصل:اها وبعدها هما الاثنين مرة وحدة
فيصل وفاتن:تي هذا مش مات السنة اللي فاتت
فاتن قعدت تضحك
فيصل قمعز:قصة امي وخالتي هذينا
فاتن:دايراتها بلعاني بيحطنا في امر واقع
فيصل:معليش فاتن حتى خير ماقتلك فجعتني امي
فاتن:لا عادي حتى انا فجعتني ماما في السيارة ومعش فهمت شيئ
فيصل:مايبنش يقتنعن باللي حكيته
فاتن:شن حكيتلهن
فيصل:كيف خالتي ماحكتلكش شيئ
فاتن:شيئ زي شنو
فيصل:علي موضوعنا
فاتن:ماما ماحكتلي شيئ بس خالتي امس حكت معايا وقالتلي انت بدير فاتحة قريب
فيصل بصدمة;فاتحة قريب
فاتن:اها وانا كنت بنكلمك بخصوص الموضوع هذا انا بصراحة وسكتت
فيصل:انتي شنو
فاتن:اسمع فيصل بجد يعني من فترة كنت بنحكيلك بس قصة ماعرفتش كيف نحكي وخايفة ماتفهمنيش
فيصل:احكي وانا حنفهمك اكيدة
فاتن:فيصل انا مانقدرش انكون معاك ولا متخيلة اني نقعد لكي
فيصل كان ايشوفلها زين
فاتن:عارفة انك حتقول ليا ثلاث سنين خاطبك وهكي بس والله من اول ماخطبتني وانا بنحكيلك بس ماما كانت تمنع فيا
فيصل:احكي دغري شن بتحكي
فاتن:فيصل انا بصراحة انحب شخص اخرى وهو ايحبني وحاول كم مرة يحكي البابا بس لانك انت عاطي كلمة وهكي بابا وخوتي مايبوش ايردو في كلامهم ومايبوش ايزعلو ماما لان ماما تبيني لكي بس بجد يعني انا مش متخيلة روحي الشخص خاطي مؤيد
فيصل:قصدك مؤيد ولد عمك
فاتن:اها هو
فيصل ضحك:وانا انقول ليش كل مانحظر مناسبة عندكم يقعد ماسك البابا وطول الوقت ايفنص فيا طلع عشان ايحبك
فاتن:انت اكيدة توا زعلت وممكن معصب وحتحكي الماما اني حكيت هكي بس عادي اللي اتريحك ديرها اهم شيئ انا مانبيش نضحك عليك وانا مستحيل ناخذك اصلا وحتى مؤيد لما سمع بالفاتحة قريب طرشق وبيحكي العمامي كلهم وبيحجرني
فيصل:اسمعي يافاتن مافيش داعي الهذا كله ولد عمك وتبيه وهذا زواج وانتي بتقرري مع من اتعيشي زي ماانا بزبط بنقرر وباهي اللي حكيتي لانك سهلتي عليا واجد انا بروحي فيه بنية انحبها ومن فترة حاكي الامي عليها بس هي مسكرة راسها وتبيك وحتى اني جيت الخالتي وحكيتلها وقلتلها تحكيلك بس الباين ان هنا الاثنين خلن الموضوع سر بينهن
فاتن ضحكت:الحمدلله هكي ريحتني بس المشكلة كيف بنقنعو ماما وخالتي
فيصل:طبعا هنا دارن هكي عساس توا نحكو مع بعضنا وانقربو ونعجبو بعضنا وانحبو بعضنا بس طبعا صار العكس لكن مافيش الا حل واحد توا
فاتن:شن هو
فيصل:لما ايجن توا لازم نحكولهن مع بعضنا كل حاجة بصراحة وانحطوهن نحن في امر واقع
فاتن:تمام موافقة
فيصل:خلاص اسمعي انا توا بنخش نغسل وبعدها انجي نفطرو مع بعضنا
فاتن:مع اني فاطرة بس مش مشكلة نفطر معاك
فيصل:تمام وخش يغسل وبعدها جا وقعدو يفطرو هو وفاتن مع بعضهم
“”””””””””””””
#عند_صالح
طبعا مشى للمدرسة وراجى البنت لين طلعت مع باتها ولحقها وعرف حوشها وين
“””””””””””
#عند_فيصل_وفاتن
وعالساعة 2 بزبط وهما ايتغدو مع بعضهم جن امهاتهم ومعاهن ريان وروان
ريان وروان اول ماشافن فاتن جنها يجرن لانها كانت غالية عليهن
وبعد حوالي نص ساعة وهما ايخرفو عادي وبعدها
فيصل:امي خالتي فيه موضوع اتفقنا عليه انا وفاتن ونبو انقولوه لكن
ام فيصل وخالته شافن البعضهن وابتسمن
ام فيصل:احكو شنو
فيصل:اللي درتيه انتي وخالتي اليوم غلط انا عارف ان فتحي ولد خالي حميد ميت مالسنة اللي فاتت والجو اللي درتنه مايمشيش علي عيل صغير
فاتن:فيصل معاه حق وبعدين حركة بايخة انكن بتحطنا في امر واقع وبذات انتي ياماما وانتي عارفة كل حاجة
خالة فيصل:فاتن اسكتي احسنلك
فيصل:عليش تسكت هذا قرارها ومش من حق حد ايقرر عنها وهي اللي بتجوز مش انتي
ام فيصل:شنو القصة
فاتن:كل القصة يااخويلة اني ماانحبش فيصل وطول عمري معتبرته خويا وماما عارفة الشيئ هذا وعارفة كويس اني انحب مؤيد ولد عمي وهو ايحبني وخطبني كم مرة وكل مرة ماما اتعند عشان فيصل
فيصل:وامي حتى هي عارفة اني انحب بنت ثانية وحتى انتي ياخالتي حكيتلك عليها البنت وقلتي انك فهمتي الموضوع
ام فيصل:خالتك انا اللي قلتلها ماتاخذش بكلامك وهي عارفة اني نبي فاتن كنتي ومانبيش غيرها
فيصل;وفاتن ماتبيش مش بالغصب البنت اتحب شخص اخرى وبتجوزه
خالة فيصل:هذا مش بجوها مش هي اللي اتقرر نحن اللي انقررو
فيصل:لا هي اتقرر مش انتو هي اللي بتجوز وهذي حياتها وهي حرة
فاتن:ماما انتي عارفة ان مؤيد حكى معاكي كم مرة في موضوعي من قبل وانتي اللي ترفضي وعارفة كويس ان لو حكى العمامي وحجرني مش حتقدرو ترفضو وحياخذني
ام فيصل:مش داعي يافاتن الهذا كله انتي حرة وهذا قرارك وتقدري تاخذي اللي تبيه
فاتن:شكرا خالتو وياريت ماتزعلي مني
ام فيصل:لا مش زاعلة
فيصل:يبقى هكي محلولة ومن اليوم يافاتن انتي حرة وتقدري تختاري شريك حياتك بروحك
خالة فيصل تعقدت من بنتها ومن فيصل وصبت
خالة فيصل:صبي يافاتن وانتفاهمو في الحوش
فاتن صبت وسلمت علي خالتها وفيصل وطلعت مع امها
ام فيصل:عاجبك اللي صار
فيصل:انا مادرتش شيئ فاتن هي اللي ماتبيش وقالت من اول ماخطبتها وهي ماتبيش
ام فيصل:يعني مش انت قلتلها تحكي هكي
فيصل:انا مادخلنيش هي اللي بدت تحكي بروحها
فيصل:اها ماشي انتو الخاسرين وهذا اللي ضاركم ياجيل هالوقت ماتسمعوش في كلام عقالكم
فيصل:توا مش وقته الكلام هذا المهم توا حدديلي امتى تمشي تخطبيلي رانيا
ام فيصل بعصبية:قتلك مش خاطبتها ولو تقعد اخر وحدة في الدنيا مش خاطبتها لكي
فيصل:مش عناد ياامي البنت انحبها ونبيها
ام فيصل:انا بنختارلك علي ذوقي
فيصل:دبينها تمت هكي لازم تعرفي اني مش واخذ غير رانيا وطلع
“””””””””””
#عند_أبطالنا
وفي الليل تحديدا الساعة 9
سندس قررت ادير العشاء هي وقالت السراج يقعد في الدار ومايطلعش لين هي اتقوله وهو وافق
وخشت الهذك المطبخ اللي هي وياه مش اصحاب
قررت اتغامر وادير مكرونة بالباشميل (وطبعا زمان عاطيتها طريقتها رانيا)فقررت اتخاطر واديرها
بدت وقعدت اتجهز ودارتها وطلعت سمحة صح مش زي لما ايديرها واحد دايرها كم مرة بس في المجمل جت سمحة
وحطت طاولة قدام الكوخ وتت التباسي والعصير ودارات صلاطات وحطت شموع في كل مكان وعالطاولة وحطت ورد وجهزت العشاء وكلمت سراج واول ما طلع
سراج:اوووو حبيبتي الرومانسية?ناعليا منك وحق ربي انحبك
سندس:وانا انموت فيك وهذا اقل شيئ ممكن انديره لكي
سراج:ازعمك زي السمك والرز ولا سمحة هذي
سندس:مش عارف انت ذوق وخلاص
سراج:حتى لو جت مش سمحة عادي بناكلها كلها يكفي انك درتيها عشاني
سندس:بس عندي احساس انها سمحة
سراج:اكيدة اصلا انتي اللي دايرتها
سندس:ودايرتها عشان حبيبي
سراج:ناعليا منك وكرها شوره وباسها بوسة سريعة من شفايفها
سندس:هي حبيبي قمعز
سراج:هي وقمعزو وقعدو ياكلو
سراج:بجد انها سمحة يسلمن ايديك ياروحي ومسك يدها وباسها
سندس:سلمك حبيبي
وكملو وكال وبعد العشاء لمو العشاء وقمعزو مع بعضهم برا وقعدو اتهدريز وجو سمح وبعدها كملة ليلة حلوة مابين رومانسية وضحك و#مششفر ☺?
“””””””””
مرن 5 أيام
واليوم السادس في الصبح
هو اليوم اللي اللي فيه اقتنعت ام فيصل تمشي تخطب رانيا بس بعد اصرار من فيصل وخوته وماقبل حوتها وافقت وكان طبعا متفق مع رانيا اللي حتى هي ماحوتها اقتنعت بالخطبة
اما بالنسبة الصالح قعد يمشي ورا البنت كل يوم مالمدرسة للحوش لكن ماعرفش كيف يحكي معاها لان البنت كانت مالمدرسة للحوش ومالحوش للمدرسة ومالقش الا حل واحد ان ايدور اي سبلة ايخش بيها للمدرسة ولما سأل في المدرسة طلعو يبو مدرس فرنسي ولان هو كان عايش في فرانسا ومعاه شهادة لغة قبلوه مدرس فيها وقالوله تبدى من بكرا وطار مالفرحة واخيرا حيقدر ايقرب منها ويحكيلها اللي حاس بيه
اما رويدة فجمعت كل المعلومات علي أسيل وقررت اليوم تمشي الهلها عشان تحكيهن الرؤوف
اما دوسة وسيرجو اليوم هذا روحو في الصبح
واول ماجو خشو للفيلا دغري وقعدو مع عفوفة وتالين واتهدريز وجو سمح وبعدها جا صالح وعمو محمد وتغدو مع بعضهم وبعد الغداء
صالح قال السراج يلحقه في الدار يلعبو طرح سوني وسراج قاله اشوي ونلحقه
قعد اشوي مع عفوفه وسندس وبعدها طلع ورا صالح بس وهو راكب للدار تلاقه مع تالين في الممر اللي قدام دار صالح
تالين:سيرجو?
سراج;تولي?
تالين:تولي زاعلة منك?
سراج:عليش
تالين قربت منه:معقولة اتسافر واتخليني بروحي وحتى ماقلتش انك مسافر
سراج:جت بسرعة تولي يادوبك قلتها العفوفة
تالين قربت منه وحطت ايديها في ايديه:بس انت عارف اني جاية عشانك وعارف ان بلاك انكسد وانت طولت في السفرة
سراج:تالين قتلك جت بسرعه
سراج كان ناسي فونه جنب سندس وقعد ايرن عليه فيصل فخذاته سندس ورقت فوق بتعطيه له
#يتبع
قولكن شن بيصير وسندس شن بدير لما اتشوف الوضع هكي وهل تالين قاصده تصرف هكي ولا مش بقصدها وكان علي نيتها?
اما فيصل فكان طاير مالفرحة بأن بيخطب رانيا بس حتكمل فرحته ولا بيصير شيئ ايخربها وهل امه اللي مشت غصبن عنها حدير اللي يبيها فيصل او اللي تبيه هي ?
اما صالح فشكلها بتبدي معاه قصة حب جديدة بس قولكن من هي البنت هذب?
اما رؤوف هل المعلومات اللي اتجيبهن له رويدة كافيات وحيعرف القصة اللي بيعرفها ولا مش حيستفيد شيئ?
كله حنعرفوه في الحلقة الجاية☺
اسفة بنات عالتأخير توا غير كملتها لاني بصعوبة رتبت الاحداث?
أسفة لو فيه لخبطة في الأسماء وأكيد رأيكن ايهمني ?
گـتـابـتـي Koka Saleh