منحرف وأحببته
#مـنـحـرف_وأحـبـبـتـه
الـحـلـقـة (44)
گـتـابـتـي #Koka_Saleh
“”””””””””””””””””””””””””
سراج ضحك:احلى مطرشقة وحق ربي وباسها علي خدها
سندس ابتسمت وحطت يدها علي خد سراج وقعدت اتحرك فيها
سندس:انحبك
سراج:انموت فيك
سندس حطت يدها علي شفايف سراج وقعدت اتحرك في صبعها عليهن
سندس:سيراجو
سراج:عيونه?
سندس:نبي انكون مراتك بجديات
سراج بفرحة:تحكي جد
سندس ابتسمت:والله جد
سراج عظ علي شفايفه:والله هذا حلم حياتي
سندس ضحكت
سراج:اه والله انحبك وقعد ايقرب منها بشويييييش لين وصل في شفايفها وبدا ايبوس فيها بكل حنية وحب وبعدها نزلها عالسرير وجا عليها
(طفينا الضي في شنو ترجو ? اصلا الباقي #مششششششششششفففففففففففففر
“”””””””””””””””
#صباح_يوم_جديد
فتحت سندس عيونها واذكرت كل اللي صار امس ابتسمت وخدودها انحمرو ولفت جنبها بتشوف سراج بس الغريبة ان ماكان جنبها عرفت ان ايجهزلها في فطور صبت بسرعه خشت الحمام ودوشت وطلعت(لبست بيجامة شورت احمر حريري وعليه كت توب ابيض بالاحمر حريري نفس الشورت ولفت شعرها لفة حلوة ودارتله مساكة صغيرونه مالجنب لونها ابيض وحطت اشوي ميك اب وبخت عطرها اللي سراج ايحبه بس هالمرة بكمية اكثر اشوي) وجت قمعزت عالسرير وقعدت ترجى في سراج بس بعد تأخر وماخش استغربت ونزلت تحت بتشوفه بس الغريبة ان ماكان قاعد في الحوش كله
سندس بإستغراب:معقولة عدى للشغل
ورقت للدار ومسكت فونها بترن عليه بتشوفه وينه لقت رسالها فتحتها وكان فحواها(راجلك ياحلوة مسيبك مالصبح وقاعد داير موعد مع وحدة في مطعم ——–وكتبلها اسم المطعم والعنوان)
سندس بصدمة:معقولة سراج ايديرها لالا مستحيل هو ايحبني ووعدني ان معش فيه اي بنت في حياته غيري
سندس:هه اللي زي سراج مافيش ثقة اكيدة بعد خذا اللي يبيه مني رد المواضيعه القديمة لان اللي فيه عادة ماايغيرها
وقعدت حايرة مابين الفكرتين فكرة ان سراج تغير وفكرة ان بعد خذا اللي يبيها خلاص ايرد للجو اللي زمان
واخر شيئ قررت تمشي للعنوان واتشوف الكلام صح او غلط
لبست عالسريع وخذت مفتاح سيارتها وولعتها وطلعت شور العنوان
واول ماجت للمطعم ونزلت وخشت للمطعم
دغري طفى ضي المطعم وولع فيه اضواء هادية وشموع واجواء رومانسية
سندس خشت وهي مصدومة ومش فاهمة شيئ وكان المطعم فاضي وانصدمت لما شافت سراج مصبي قدامها (ولابس تيشرت كحلي وعليه جينز كحلي وكاويش بني خفيف)وكان ماسك المايك في يده
واول ماخشت سندس ابتسملها ابتسامه عريضة اتهبل ضحكن فيها حتى عيونه
وقرب منها ومسك ايديها وبكل هدوء قاللها
سراج:انحبك مووووت
سندس اتشوفله:سراج انا
سراج حط يده علي شفايفها
سراج:مانبيبكش اتقولي شيئ نبيك بس اتركزي وتسمعي كلمات الاغنية اللي بنغنيها لكي الكلمات هذينا ماينفعش ينقالن الاي وحدة غيرك
سندس قعدت اتشوفله وعيونها فيهن لمعة الحب تجاه سراج
بدت الموسيقى وسراج بدى ايغني
ووكلمات الأغنية كانن
#ياأول_عشق_وحب_من_صدق_يجري
#حسيتك_دوة_انت_الهوى_اليصع
#غير_انت_الكبد?
#الغالي_بعد❤
#تسوالي_كل_ناسي✋?
#ابالي_دخلت_وتخبلت??
#بس_بيك_وسواسي?
#تأمرني_أمر_ايا_ياقمر?❤
#مثلك_ولا_القي?
#يحبونك_كذب_كل_هالبشر✋?
#وحبي_الك_صدقي❤?
#ماأعشق_أبد_مثلك_أحد??
#اي_بس_أنت_الك_عشقي?
#يــــاعـــــــشــــــقـــ
#أوعدني_انظل_سوا_مانفترق❤??
#صير_أنت_كل_اهلي??
#كلك_صير_الي_ملكي_فقط✋?
#وأني_الك_كلي❣?
#شاركني_النفس_خليني_أحس_ان
#ابقى_للأبد_انطيني_وعد_عني
#فوت_بقلبي_ياحبي_وبكيفك_اس
#خلق_للناس_لاماعندي_واشطول
#ماأعشق_أبد_مثلك_أحد??
#اي_بس_أنت_الك_عشقي?
#يــــاعـــــــشــــــقـــ
#ياأول_عشق_وحب_من_صدق_يجري
#حسيتك_دوة_انت_الهوى_اليصع
سندس طول ماسراج ايغني كانت اتشوفله ومبتسمه بس كانن عيونها معبيات دموع مالكلام ومن فرحتها اللي حاستها وسراج ايغنيلها
بعد كملت الاغنية سراج جاها وهو مبتسم وقرب منها
سراج:أنحبك
سندس:وانا انموت فيك وحظناته زييييييين وسراج زاد حظنها بقوة وبعد اشوي بعدو من بعضهم
سراج قربها منه وكان لاف ايديه ورا خصرها
سراج:صدقتي الرسالة بعد جاتك
سندس:ماصدقتهش بس قعدت حايرة وقلت لازم انتأكد
سراج:وتاكدتي ان مافيش في قلبي غيرك ولا حتكون فيه غيرك نهائي
سندس ابتسمت:تأكدت حبيبي
سراج بفرحة:ماتصوريش ليا كم نرجى فيها الكلمة هذي
سندس ابتسمت;ومن يوم وغادي حتسمعها لين اتمل منها
سراج:مستحيل انمل منها لو تقعدي اتقولي فيها ليا كل ثانية من عمري حنقعد بنسمعها اخرى
سندس:ناعليا والله مانقدر علي كلامك هذا ولا نعرف انرد عليه
سراج:يكفيني تسمعيه وتبتسمي لان ابتسامتك عندي كأنه ابتسملي العالم كله
سندس باساته علي خده:وحق الله انحبك
سراج ابتسم:وحق الله انموووت فيك وفي حبك
سراج: نفطرو
سندس هزت براسها بمعنى موافقة
وجو قمعزو عالطاولة اللي مجهزة وكان فيها فطور كامل ومتناسق وحلوووو وفطرو علي موسيقى هادية وجو حلو وطول ماهما يفطرو وسراج ماشال عيونه من علي سندس وهو ايشوفلها وايتغزل فيها وايزيد يعترف بحبه أكثر وأكثر
بعد كملو الفطور الحلو هذا طلعو مالمطعم وروحو الحوشهم
“”””””””””””
#في_حوشهم
خشو للحوش ورقو الدارهم دغري
سراج اول ماخشو للدار تمدد عالسرير وقعد ايشوف السندس وهي اتحول في وشاحها واتغير في دبشها
سراج:شن بديري حبيبي
سندس:بنمشي نبرم عالحوش اشوية لنا يومين عليه
سراج فنص عيونه?:اي حوش
سندس:حوشنا مش لنا يومين في المزرعة
سراج:فوتيه توا مش وقته
سندس:لا وقته وبعدين عالسريع ماانطولش
سراج صبى:لا سريع لا شيئ اليوم انتي ليا مااديريش اي شيئ اخرى
سندس:حبيبي هذي بس انديرها وبعدها نقعد لكي
سراج قربها منه وحط ايديه ورا خصرها:لالا يفتحلك ربي مااديريش شيئ اليوم الا انا وكان عالحوش اللي مضايقك حنكلمو وحدة مالخدم في الفيلا اتجي اديره
سندس:لالا انحب انظم بروحي
سراج قرب منها:وانا نبيك الروحي اليوم
سندس بدلع:سراج بلا صماطة
سراج:مازال ماشفتي شيئ انتي وقرب وقعد ايبوس فيها بوسات خفيفة علي شفايفها
وفي اللحظة هذي سمعو هرجة
سندس بعدت:حي سراج شنو الصوت
سراج;ماتسمعيش في صوت عفوفة ايلعل شكلهم روحو
سندس:خلينا نمشو انسلمو عليهم وجت بتمشيلهم
سراج مسكها وشالها بين ايديه
سراج:انتي مااتجيش الا هكي توا وقتهم هذوما
سندس قعدت تضحك وسراج حطها عالسرير وجا عليها
والباقي طبعا كالعادة #مشششششششفففففففررررر
“””””””””””””””””””
بعد كمل #التشفير?
سندس صبت بدوش وسراج مازال ممتد عالسرير
سراج بخبث:انخش اندوش معاك
سندس انحرجت:لالا ☺
سراج قمعز:خيرلك مش حتندمي وغمزلها?
سندس:لالا نبيش وبعدها خافت يلحقها خشت بسرعه للحمام وسكرت الباب وراها
سراج قعد يضحك عليها?
وبعدها طلعت مالحمام وهي لافة المنشف عليها وقعدت اتنشف في شعرها
سراج جا وحظنها من لاورة
سراج ايبوس في رقبتها
سراج:مش هكي حرام عليك اتذوبي فيا معاك
سندس:سراج والله اتبطل خلاص
سراج:قلب سراج من جوا شن هو اللي خلاص بس حبي راكي مراتي حلالي
سندس:عارفة سراج بس لازم نمشو انشوفو اعميمة اقل شيئ انبروولهم ليش طلعنا عقاب الليل هكي
سراج ايحرك في اصابعه علي خدها
سراج بكل حنية:وكان طلعنا حبيبي انتي مراتي وناخذك ونمشي بيك الاي مكان ماحدش يدخل بينا
سندس:وهما مش مدخلين بس اللي درناه بايخ كملنا الوقت انتعاركو قدامهم وهما ماكانوش راضيين عاللي ايصير وبعدها طلعنا حتى ان بنمشو ماقلناها الحد وصالح اللي سيارته هنا نطلع نعطيه مفتاحه
سراج عقد حواجبه:انا نعطيه المفتاح مش انتي فهمتي
سندس:حاظر حبيبي بس بطل توا وخلينا نطلعو
سراج تنهد:مع ان طلب واعر اني انسيبك وانتي اتهبلي هكي بس راد ربي عليا انتحمل اشوي
سندس تضحك:والله مطرشق هي
سراج:انتي طرشقتيني هكي
سندس:انا ماطرشقت حد حذيتك مطرشق جاهز
سراج ضحك وقرصها في خدها:ام السان من يقدر علي السانها بس
سندس زعلت:سراج الف مرة قتلك معش اتقول ام السان انت عارف
سراج ماخلاهش اتكمل كلامها وباسها بوسه طويييله علي شفايفها وبعد كمل
سراج:ام السان وحتقعدي ديما ام السان
سندس عصبت:سراااج?
سراج طلع السانه?سندس بتضربه علي كتفه سراج مشى يجري وخش للحمام وسكر
سندس:والله تطلع وانوريك
سراج من جوا الحمام;جربي ديري حاجة وشوفي شن انديرلك والله حتى المشية للفيلا تلتغى وانتي فاهمة قصدي
سندس ضحكت:صايع عارفتك
سراج:سندس راه نطلعلك
سندس خافت;خلاص خلاص
بعد اشوي سراج كمل الدوش وطلع لقى سندس لابسة(فستان طويل كم لونه كحلي وفيه لولي ابيض من عند الكتوف والاكمام ولافة شعرها لفه حلوة ومنزله من جنب خدها شعرها ومدايرة ميك اب خفيف وباخه عطرها)
سراج اول ماشافها ابتسم
سراج;نجيها سمحتي انا
سندس;ونجيه منحرفي وجاته وقربت منه ولفت ايديها علي ارقبته
سراج بخبث;نلغو المشية صح
سندس اتشوفله:لا وبعدين حبيبي حكينا فيه وعليش بنمشو
سراج:امالا ليش اديري هكي
سندس:عشان وباساته بوسه خفيفة علي شفايفه
سندس;عشان هذي
سراج:اه ناعليا نا منك?
سندس:حبيبي وتيتلك لبسة علي ذوقي لو ماعندكش مانع طبعا
سراج ايشوفلها:لكي كامل الحرية فيا ديري اللي تبيه ومستحيل انعارضك في حاجة واللي اتفصليها بنلبسها وانا مغمض
سندس ابتسمت:انحبك ياقلبي انا
سراج;وانا انموت فيك ياحب قلبي
سندس:هي البس اللي وتيته لكي
سراج:حاظر
خذا ادبشه وقعد يلبس فيه وكانت موتيتله(تيشرت أسود فيه اتخربيش ابيض وجينز ازرق وكاويش اسود ارضيته بيضة)
كمل سراج لبسه وبخ عطره ولف علي سندس وجو بيطلعو
سراج:حبي وين وشاحك
سندس:حي انسيته
سراج:معش تنسيه ودبين سي صالح هذا في الفيلا ردبالك اتحوليه
سندس:حاظر حبيبي
سراج:نجيها الشاطرة? وطلعو مع بعضهم للفيلا
خشو للفيلا وسراج ماسك يد سندس وكانو مبتسمين
سراج بصوت عالي:اووووي تي وين العرب اللي هنا
سندس:سراج واطي صوتك بلا صماطة
سراج بصوت عاااالي:عفوفة تي شكلهم هاجرو
سندس:سراااااج بطل
عفاف طلعت مالمطبخ:كنك اتعيي واستكت لما شافتهم ماسكين ايدين بعضهم هكي ومبتسمين بانت دغري الفرحة علي وجها وابتسمت
سراج:وين الباقي
عفاف:باتك عدى للشركة وتولي في دارها وصالح قال ناعس خش بيرقد في دارك
سراج فنص عيونه:شنوووو داري انتو عارفين ماانحب حد يرقد فيها
عفاف:سراج عيب ولد خالتك وبعدين عندك حوش بدل الدار
سراج:مش شوركم اهم حاجة داري ماحد يرقد فيها تي داري ازح سي صالح هذا مايبيش ايتحشم لين نعطيه طريحة من طرايح زمان وجا بيمشي
سندس:سراج وين بتمش عيب اللي ادير فيه
عفاف;خليه هو وصالح ديما ايتناقرو مااتبديش عليهم راه
سندس:تخيلي ايلزه من داره عيب يابتي
عفاف:لا ايلزه لاشيئ حتى صالح ماهو هوين شر من سراج يعرفو كيف ايتفاهمو
سندس ضحكت:باهي
عفاف:تعالي قوليلي شكله فيه حاجة صايرة بينكم
سندس انحرجت وابتسمت
عفاف بفرحة:والله حسيتها من خشتكم ومسكتكم الايدين بعضكم وضحكتكم هكي وجت بتزغرت
سندس;لالا وراس اعميمة مافيش داعي سراج يعرف انك عارفة شيئ
عفاف:ييي انسيت انسيت
سندس ضحكت:في شنو اديري اعميمة انساعدك
عفاف:اندير في قهيوة اتقعد راسي اللي واجعني مالطريق
سندس:خلاص اعميمة انتي قمعزي في الجنان وانا انديرها وانجيبها ونشربو مع بعضنا
عفاف:مانبيش انتعبك دوسة
سندس:مافيش تعب كله بكرج قهوة
عفاف ابتسمت:باهي نرجى فيك وطلعت قمعزت في الجنان
وسندس خشت للمطبخ وبدت اتجهز في القهوة خشت عليها تالين
تالين:صباح الخير
سندس:صباح النور
تالين:توا تلاقيت مع سيرجو وقالي اصالحتو وقعد جوكم سمح
سندس:اها اصالحنا
تالين:انا حاسة انك زاعلة مني من بعد اللي صار بس والله كله تخطيط سيرجو انا بس درت اللي يبيه عشان ايتأكد من حبك
سندس:اها حكالي سراج كل حاجة
تالين:يعني مش زاعلة مني
سندس:لا عادي عليش بنزعل وبعدين لو بنزعل كنت زعلت من سراج مش منك وفي الاخير موضوع عادي ومشى
تالين;باهي طمنتيني وانا بنقولك شيئ واحد انا وسيرجو اصحاب واجد زي الخوت بزبط يعني مااتغاريش مني انا بجد انحب سراج زي خويا وحبيتك انتي لانك حبيبته ومتمنيه انكونو اصحاب
سندس ابتسمت:عادي اكيدة ماعنديش مشكلة وحتى انا لاحظت سراج ايعزك زي اخته وانا اللي ايعزه سراج اكيدة حنعزه
تالين ابتسمت:اه هكي تريحت خفت اتكوني اتغاري مني عليه حبيت انوضحلك الصورة بس
سندس:لا الصورة واضحة ومافيش شيئ بستحق انغار خلاص توا كل حاجة قعدت عالمكشوف واعترفنا بحبنا البعضنا يعني كل حاجة تمام
تالين:ان شاءلله ديما هكي حبيبتي
سندس:ان شاءلله وشن رايك نحسبك في القهوة معايا انا واعميمة
تالين:اكيدة موافقة واصلا توا وقتها
سندس:تمام
تالين:انوتيلك الصفرة علي مادرتي القهوة
سندس:ماشي
وتن القهوة مع بعضهن وبعدها طلعن بيها للجنان وقعدن يشربن هنا وعفوفه
“””””””””””””
سراج وصالح بعد طحنة كبيرة كلها ضحك? وصالح معند مايبيش يطلع مالدار اتفقو اتفاق يرضي الطرفين ان صالح ايجيب فراش وورغان ويرقد تحت مش عالسرير ولما دار صالح هكي سراج طلع وسيبه في الدار?
“”””””””””””
طلع للجنان لقاهن يشربن في قهوة
سراج:ياخاينين قهوة من ورايا?
عفاف:بلا طروح اهو فيه تعال انصبلك
سراج:بعد شنو القدر ماينشحتش?
سندس تضحك:ماهو شحته وفضت?
سراج:ام السان اسكتي احسنلك ?
سندس فنصت فيه زيين?
سراج يضحك:اتزعل فيك الكلمة ياسمحتي باهي ماتزعليش وتعالي نبيك
سندس صبت معاه وتباعدو من عفاف وتالين اشوي
سراج:حبيبي انا ماشي توا
سندس:وين بتمشي
سراج:امس كلمتني ام فيصل تبيني اندور عليه قالت له يومين ماروحش للحوش وانا بسببك ياام السان انسيت الموضوع بكل وتوا كلمتني تسأل وقلتلها ماشيله توا
سندس:وانت عارت مكانه
سراج:ان شاءلله عارفة انا نعرفه بعد يضايق وين يمشي
سندس:قصدك هو متعارك مع هله ولا شنو
سراج:مش عارف توا نمشيله وانشوف شنو اللي مضايقة هكي
سندس:يعني بطول حبيبي
سراج:اها بنطول لان المكان بعيد اشوي وبعدها بنقعد امعاه ونفهم اللي صايرله
سندس:يعني احتمال اتبات معاه ومااتروحش
سراج قرب منها:معقولة انسيب حبيبتي وقلبي وروحي بروحه معش نقدر اصلا انبات في مكان بعيد عنك
سندس ابتسمت ومسكت ايديه:ولا انا عاد انحب انبات بعيد منك
سراج:اه شكلي حتى اليوم بنفوته فيصل
سندس ضحكت:لالا عدي الصاحبك وانا نرجى فيك
سراج باسها علي خدها:انحاول ماانطولش باهي
سندس:باهي حبيبي ودير بالك علي روحك
سراج ابتسم:انتي روحي ديريلي بالك عليك انتي بس
سندس:حاظر وسوق بشويش حبيبي
سراج:حاااظر حبيبي سلام وطلع وسندس ردت وقمعزت معاهن بعد اشوي رن فونها وكانت رانيا
سندس ردت:خيرات رنوشة
رانيا:خيرات ياقلبي صوتك سمح شكلكم اصالحتو
سندس ضحكت:احسن حاجة تفهميها وهي طايرة
رانيا:اكيدة صاحبتك حتى انا بس احكيلي شن صاير
سندس:عالفون ماايصيرش منها بكل
رانيا:خلاص معناها لما انتلاقو وهكي هكي لازم انتلاقو ونمشو عند رويدة اليوم
سندس:كنها رويدة
رانيا:منزلة كلمتها اليوم الصبح حكتها ليا
سندس بحزن:جديات باهي ايعوضها ربي خلاص اسمعي انقولها السراج ونمشو في العشية
رانيا تضحك:ولا وقعدنا ناخذو في الاذن يااخسارة ماكنتي تضحكي عليا زمان
سندس تضحك:مش اذن ياباردة بس يقعد عنده علم وهي وجك خليني انكلم راجلي وقعدت تضحك
رانيا تضحك:حتى راجلي عدي عدي ماقعدت امفيت انا المعنزة
سندس:اصبري اشوي ونلقالك تصريفة
رانيا:ياحيوانة اتحقي فيا دولار
سندس:وانتي اطولي تقعدي كيفه اهم الكل ميتين عليه
رانيا تضحك:باهي وجك ياصامطة وسكرت
صبت سندس من جنب عمتها وتالين ورنت علي سراج وهو رد
سراج:شكلك رايفتيلي من توا
سندس ضحكت:اكيدة رايفتلك بس مش عشان هكي رانة
سراج:شن فيه حبيبي
سندس;توا رنت عليا رانيا صاحبتي وقالتلي ان دودي منزله ونبو نمشولها
سراج:وامتى بتمشيلها
سندس:اليوم العشية
سراج:ومن بيشيلك حبيبي انتي عارفة ان توا مانقدرش انروح كان اتاجليها لعند بكرا بس
سندس:حبيبي هذي صاحبتي والها كم يوم ونحن سمعنهش الا اليوم عيب مانمشولهش وبعدين انت انسيت ان عندي سيارة توا نمشي فيها ومنها انتكي علي رنوشة ناخذها
سراج:بس من اول ماجبت السيارة قتلك انا انشيلك الا وقت الضرورة
سندس:وهذا وقت ضرورة
سراج:بس انحب انا اللي انشيلك توا هكي تلقيها سمحة وتقعدي ديما تمشي بروحك
سندس:لالا حبيبي بس في الوقت اللي انت مش فاضي ولما انت تقعد قاعد وفاضي ماانفكرش نمشي بيها بكل انت عارف ماانحبش انسوق واجد
سراج:باهي راد الله عليا عدي بس مااتخليش الوقت ايتأخر وانتي برا يعني قبل المغرب اتكوني في الحوش
سندس:حاظر حبيبي
سراج:انحبك حبيبي
سندس :انموت فيك وسكرت
“”””””””””
مشى الوقت عادي وسندس تغدت في الفيلا وبعدها طلعت الحوشها كلمت رانيا عشان اتقوللها بتكي عليها هي وبعدها وتت روحها ولبست(قيص أبيض قصير وعليه جاكة وردية فوق الركبة وعليها جينز رصاصي مالاجناب فيه خط ابيض وعليه كاويش ابيض ووشاح حريري بيج وشنطة بيج وبخت عطرها)وخذت مفتاح سيارتها وطلعت ومشت بيها? وتكت علي رانيا ورنت عليها تطلع ورانيا طلعتلها
رانيا:خيرات حبي
سندس;خيرات ياقلبي
رانيا:الله السيارة اتجنن الف مبروك ياقلبي
سندس:الله ايبارك فيك رنوشة
رانيا تضحك;واخيرا سراج افتك من مشاويرك اللي ماايفضن
سندس:لا وحياتك زعل وقبل قالي اجليها بكرا لين انروح انا عشان ايشيلني
رانيا تضحك:طرشقتيه انتي خلاص بس وين ماشي ومسيبك وانتو كيف متصالحين
سندس:فيصل صاحبه له كم يوم ماايروحش الحوشهم وامه تسأل عليه وهو مشاله عشان ايجيبه
رانيا نطت:قصدك سراج عارف مكانه
سندس بإستغراب:تي انتي كنك شن دخلك عارف مكانه او لا
رانيا قعدت اتلكلك:لا لا بس انا سألت لان له كم يوم ماايجيش للمشروع وهكي
سندس شافتلها:رانيا شن فيه احكي انتي فيه حاجة داستيها صح
رانيا طبست راسها:مش عارفة شنو بنحكيلك بزبط انا تاعبة وماحد حاس بيا
سندس:رنوشة خوفتيني احكي وعارفه كويس اني حنحس بيك بس احكيلي شن صاير
رانيا:اطلعي بالسيارة ونحكو عالطريق
سندس طلعت بالسيارة:باهي اهو طلعنا هي احكي شن صاير
رانيا:تذكري لما تلاقيت مع فيصل في المزرعة ونحن نشتغلو علي مشروعنا
سندس:اها نذكر
رانيا:من هذكي بدت بينا صداقة وقعدت كل مرة تقوى الصداقة هذي وحتى فيصل ساعدني في قرايتي وقعد ايجيني في الجامعة يشرحلي
سندس:باهي
رانيا:قوة الصداقة وقعد ايصبيلي في مواقف واجد زي الاخ بس كل مرة قعد اهتمامه ايزيد بيا ومكالماته كثرن الدرجة حسيت ان فيه شيئ بس قعدت نتجاهل التفكير هذا وفي يوم دزلي مقطع وقالي الكلام اللي فيه لكي وفهمت قصده واحساسي طلع صح اليوم هذا كان اليوم اللي قبل نتيجتنا ويوم طلعة النتيجة انا ماجيتش للمشروع كان تذكري لاني ماكنتش بنتواجه معاه ماكنتش عارفة شنو انقوله وفي اليوم هذكي سراج دارلك الحفلة وجيت غادي اتاري هو غادي وقعد ايدزلي في مسجات يبيني انجيه عند حوشكم عساس يبيني في موضوع مهم ولما مشيتله صدمني باعترافه بحبه ليا وقالي يبيني بالحلال وبيعوضني عاللي عشته كله وبينسيني رؤوف لاني انا كنت حاكيتله باللي مريت بيه مع رؤوف
سندس:وانتي شن كان ردك
رانيا:انا رفضت وقتله اني مازال ماانسيت رؤوف ومانبيش نظلمه معايا قالي انا راضي وانتحمل حبك له لاني عارف حنقدر انحليك تنسيه بس انا اصريت علي قراري قالي ان عمره ماحب واني انا البنت الوحيدة اللي حبيتها وحنقعد طول عمري انحبها وقالي ديري بالك من روحك ويمكن بعد انرد نلقاك ناسيتيه مافهمتش وقتله شن قصدك ماحكش وثاني يوم جيت للمشروع القيته مسيب وجايبين مكانه حد ثاني اتصلت بيه واجد مقفل ونت مايفتحش ومشيت للشركة القيته واخذ اجازة واتصلت حتى بحوشهم علي امل نلقاه بس قالو ماايجيش غادي والباين مقرر معش ايرد هنا بكل
سندس:وانتي دبينك رفضتيه ليش مصرة تحكي معاه وليش دورتيه ودرتي كل هالمحاولات عشان توصليله
رانيا:مش عارفة يادوسة معش فهمت شن نبي بس فاقدتله واجد فاقدة الاهتمامه والكلامه ليا كان اخ وصديق ماايتحملش فيا شيئ وواقف معايا في كل حاجة يمكن لاني مانبيش نخسره معش فهمت شعوري والله تعبت
سندس:القصة الباين انها مش اخ وصديق شكلك معجبة بيه
رانيا تبكي:ورؤوف وحبه اللي في قلبي اللي مش قادرة ننساه
سندس:رؤوف قصة وانتهت ومش اول اثنين اتسيبو بعضكم وانتي لازم تبدي حياة جديدة مش معقولة تقعدي عمرك كله علي ذكراه لازم اتجربي واتحبي من جديد والا حتقعدي طول عمرك حبيسة الماضي
رانيا تنهدت وادموعها علي خدها:والله ماعاد عرفت من جهة فاقدة الفيصل وحاسة ان فيه شيئ رابطني فيه ومن جيهة اخرى حبي الرؤوف وشعوري بالذنب تجاهة كل لما انفكر في فيصل
سندس:مافيش ذنب انتو ورؤوف خلاص انتهت ينكم وبعدين لو اتجي للحق فيصل شخص كويس انا صح مانعرفش وصح هو صاحب سراج وايامات سراج السود والخبر اللي كان ايدير فيه هو معاه بس هو مش زي سراج واضح من طريقة كلامه وتصرفاته وحتى لبسه
رانيا:عارفة والله ويمكن اكثر وحدة عرفته انا وفهمته هو شاب كويس بكل ومافيش شيئ ينكره وذوق واخلاق بس مش عارفة يمكن خايفة من فكرة تجربة جديدة خايفة تفشل
سندس:ليش خايفة مالفشل مش انتي اول ولا اخر وحدة اتعيش قصة حب وتنتهى بفشل لو كل وحدة خافت هكي ماعاد فيه وحدة حبت اخرى ولا اجوزت بكل
رانيا:مش عارفة خايفة بكل وعلي قولت هاشم اللي يلتذع مالشربة ينفخ حتى في الزبادي (قصدي هاشم سنك??)
سندس تضحك:عنجد هاشم انا نحكيلك وانتي اتشفطي
رانيا:والله ماانشفط نحكي جديات هذي اكثر كلمة قالها صح
سندس:وانتي شن مقررة اديري لو رد
رانيا:مغير ايرد بس لاني حاسة ان معش حيرد وحتى لو رد اكيدة بعد رفضته كرهني
سندس:لو ايحبك بجديات مش حيكرهك
رانيا:اللي فيها خير ايجيبها ربي
سندس:ان شاءلله بس قوليلي اي وحدة فيلة هل معاذ
رانيا:ثالث وحدة
سندس خشتلها ونزلن علي صاحبتهن ولقنها ترجى فيهن هي وعيت عمها وفرحت بيهن واااجد وصبياتها وعمتها قعدن معاهن في البداية وبعدها سيبنهن ايهدرزن براحتهن وقعدن ايهدرزن في اللي صار معاهن من اخر مرة لعند اليوم كالعادة طبعا
رويدة حكت عاللي صار معاها كله
وسندس حكتلهن قصة الصور واللي داره سراج وكيف اصالحو وحتى فطرتها في المطعم اليوم حكاتها?
اما رانيا حكت نفس اللي حكاته السندس الرويدة
وكانت نصيحة رويدة انها تنسى رؤوف وتبدى حياة جديدة لان من حقها اتعيش حتى هي زي باقي البنات وهكي كملن الوقت ايخرفن
“”””””””””
معاذ لما عرف ان صاحبات رويدة جايات طلع مالحوش عشان ايسيبهن براحتهن وغاب 3 ساعات وروح
معاذ خش علي خواته في المطبخ
معاذ:خير
الكل:خيرات
معاذ:عدن صاحبات رويدة ولا مازال
ام معاذ:لا مازال قاعدات مالهنش واجد جايات انت اللي طلعت بدري
معاذ:اها خلاص معناها بنمشي للسوق فيه حاجات ناقصات بنجيبهن كان ناقصتكم حاجة اكتبوها ليا في ورقة انجيبها لكم
مروة:فيه كم حاجة ناقصة توا نكتبهن لكي توا
معاذ:تمام
اسيل خشت عليهم في المطبخ:خير
الكل:خيرات الا معاذ جا بيطلع
اسيل صبت قدامه وهي تبكي
اسيل:سامحني معاذ والله اسفة علي صار مني كله
معاذ:انتي عارفة اللي درتيه كنتي بتفرقي بيني وبين رويدة وكنتي سبب اللي صار الرويدة
اسيل تبكي:انا عارفة ان انانيتي وحزني علي لينا كان عاميلي عيوني وبعد صار في رويدة هكي وفقدت البيبي بسببي وعيت الروحي وعرفت ان ماشية في تيار غلط بس اعذرني يامعاذ انت عارف ان فقدت توامي واختي الوحيدة واعرة عليا بس والله نوعدك ماعاد اندير شيئ ايزعلك انت ورويدة انا والله نادمة وتمت تبكي
معاذ قرب منها ومسحلها دموعها:انا عارف شعورك ومقدر بس مش حنسامحك الا اذا سامحاتك رويدة قبل علي كل اللي درتيه
أسيل:خلاص انا حنمشي نعتذرلها توا
ام معاذ;رويدة طيبة واكيدة حتسامحك
معاذ ابتسم;وانا عارفها اتسامحك بس توا عندها صحباتها خلي لين يمشن وخشي احكي معاها
اسيل:لالا بنخشلها توا انا بنموت من تأنيب الضمير ومش حنتيرح الا اذا سامحتني
مروة:خلاص عادي خشيلها صحباتها واكيدة حاكيتلهن اللي صار
اسيل:باهي ورقت ومشت الجناح رويدة ومعاذ ودقت وفتحت الباب رانيا لان رويدة مازال مريضة
اسيل:خير
رانيا سلمت عليها:خيرات
اسيل;نبي رويدة
رانيا:تفضلي
اسيل خشت وسلمت علي سندس ورويدة
رويدة:قمعزي اسيل
اسيل:بصراحة مش جاية بنقمعز انا جاية نبيك اتسامحيني علي صار كله واني انا كنت سبب مشكلتك مع معاذ وسبب فقدتك للبيبي بس والله انا كنت تحت تاثير حزن وانانية مش مصدقة ان فيه وحدة ثانية خذت مكان لينا وماكنت فاهمة ان هذي الحياة ولازم تمشي ومعاذ من حقه ايحب من جديد بس مافهمتش هذا كله الا بعد اللي صار وفقدتو البيبي بسببي وقعدت تبكي
رويدة:صح انتي اتسببتيلي في مشاكل واجد وصح فقدت اول طفل بعد اللي صار بس عادي انا مسامحتك يكفي ان بسبب اللي صار عرفت وتاكدت معاذ قديش ايحبني
أسيل:يعني مسامحتيني
رويدة ابتسمت:اكيدة حبيبتي
أسيل ابتسمت:بصراحة مافيش اطيب منك لان والله لو انا مكانك ماكنتش حنسامح بس بجد يابخت معاذ بيك وربي مايحرمكم من بعضكم واتكملو العمر مع بعضكم واتجيبو 10 عيال بدا اللي فقدتوه
رويدة تضحك:امين بس مش معاك في 10 العيال
أسيل تضحك:مش مهم 10 اهم شيئ اتجيبي من معاذ
رويدة:ان شاءلله
اسيل:خلاص انا بنمشي انخليكن اتهدرزن مع بعضكن
رويدة:خليك هدرزي معانا
اسيل:لالا بنمشي انفرحهم تحت انك سامحتيني عشان حتى معاذ ايسامحني اصلا قالي مش حنسامحك لين رويدة اتسامحك
رويدة:باهي براحتك
اسيل طلعت
سندس:بجد دودي طول عمرك طيبة ياعوينك بطيبة قلبك هذي
رانيا:صح لو انا مااعتقدش اني انسامح
رويدة:اذا ربي كريم وايسامح فينا علي كل اخطائنا ليش مانحن عباده انسامحو عا الاخطاء مانبوش انعيشو ديما وكيف مانحن نبو ربي ايسامحني ويغفرلنا مافيها شيئ لو حتى نحن تسامحنا فيما بينا وبذات ان اللي داراته جا في صالحي وتأكدت من محبة معاذ ونهى الماضي كله بعد اللي صار صح تعذبت بسسبها بس في الاخير كل شيئ انحل
سندس:صح والله صدقتي في كلامك ياريت كل الناس تقتنع ان الدنيا مانبو انعيشو فيها ديما ونهايتها موت ليش نقعدو معبيين قلوبنا بحقد وكره
رانيا:الناس ماتحسابش ان ربي يعطي كل واحد علي نيته واللي متمنيه للغير ربي يهدي العباد وخلاص
رويدة وسندس:امين?
“””””””””
مشى الوقت وجا وقت ترويحة البنات وسلمن علي رويدة وعربها وطلعن
بس للصدفة دائما كلمة اخرى واتشاء وهنا طالعات كان رؤوف نازل من سيارته وجاي الرويدة بيشوفها
رانيا وسندس طالعات وماشيات للسيارة وايهدرزن ورانيا تضحك بس اول ماشافت رؤوف الضحكة دغري اختفت وعيونها تعبو دموع
ورؤوف ماكان متوقع ايشوفها بكل تلخبط ومعش عرف كيف يصرف كان في خاطره ايضمها وايقوللها رايفتلك وكان ايشوفلها وفي عيونه كلام واجد
سندس شافت الوضع وحبت تنقذ الموقف
سندس:اهلا رؤوف شن اخبارك
رؤوف وعيونه علي رانيا:الحمدلله عايش شن اخبارك انتي
سندس:الحمدلله بخير
رؤوف:وانتي يارانيا شن اخبارك
رانيا كانت اتحاول تمسك دمعتها عشان مااتنزلها واتبان قوية قدام رؤوف
رانيا:بخير الحمدلله
رؤوف امصبي وايشوفلها وفي عقله مرايفلك يارانيا مرايف الصوتك وكلامك مرايف الكل حاجة فيك اه لو نقدر انقولك كيف عايش حياتي بعدك ابشع حياة ممكن ايعيشها انسان ?
رانيا طبست راسها وفي عقلها:رايفت عليك بس ياريت ماشفتك كل عزمي راح ياريت لو نقدر انردلك وانكملو كل اللي حلمنا بيه?سندس حست بمعاناتهم وكانت لازم تدخل
سندس:هي رنوشة تأخرنا
رانيا:هي
سندس:سلام رؤوف ومشن وركبن في السيارة
رانيا اول ماركبت انهدت بكى وقعدت تبكي بعبرتها وقلبها مكسور سندس طلعت بالسيارة بسرعة تبيش رؤوف ايشوفها وهي منهارة
“”””””
اما رؤوف قعد ايشوفلهن لين طلعت السيارة واول مامشت غمض عيونه ونزلن ادموعه مرة وحدة
مع طلعت اسيل من جوا وشافاته وقربت منه وهي مصدومة هو الشخص اللي شافاته في المستشفى وزادت صدمتها بعد شافت دموعه
اسيل بصدمة:انت تبكي
رؤوف كانت اجابته في جملة وحدة
رؤوف:و كم مؤلمة تلك الصدفة التي جمعتني بها بعد فراق طويل? ?
اسيل:علي من تحكي
رؤوف:ليش مكتوبلي انا هي نتعذبو هكي كنت حاس بكل اللي في قلبها رغم انها كانت بتبان قوية بس عيونها الي معبيات دموع فضحنها حسبي الله ونعم الوكيل في اللي كان السبب
اسيل عرفت ان يقصد وحدة من صاحبات رويدة يارانيا ياسندس
اسيل:انت تحكي علي من فيهن
هنا رؤوف فطن وركز مسح دموعه وقاللها
رؤوف:خليك مني انا انتي اللي شنو اديري هنا وشن قصتك هذي ثاني مرة انشوفك حقيقة
اسيل:انا بنت عم معاذ بس انت شنو اللي جابك هنا
رؤوف:انا خو رويدة مرات معاذ
اسيل مدتله يدها:اهلا بيك
معاذ سلم عليها;اهلين بيك بس ماقلتيلي علي اسمك مع انك قلتي كان تلاقينا مرة اخرى انقولك من انا
اسيل:انا اسمي اسيل
رؤوف:عاشت الاسامي وانا رؤوف
اسيل:عاشت الاسامي اسمحيلي انا بنمشي الحوشنا
رؤوف مسك يدها:نبي رقمك
أسيل انصدمت:كييييف
رؤوف:مش عارف جاني شعور خلاني انقول هكي اول مرة اتصير معاي حاس اني بنحكيلك اللي صاير معايا
أسيل:اسفة نقدرش نعطي رقمي الحد مانعرفش وعدت وسيباته
رؤوف حس روحه حقير علي طلبه بس الغريب ان عمره ماصار معاه هكي هو عارف ان مافيش اي شعور تجاه اسيل وعارف ان قلبه مازال فيه رانيا بس فيه حاجة غريبة خالاته ايقول هكي ماكانش عارف شن فيه وشن قاعد ايصير معاه من كثر ماتعقد ماللي صار وان استحقر نفسه حتى الرويدة ماخش ركب في سيارته وولع وطلع
“”””””””””””
#عند_سندس_وروانيا
سندس حاولت اتهديها واجد بس رانيا كانت منهارة في السيارة وسندس ماقدرت اتروح بيها وهي بالحالة هذي فسندس قررت ان تاخذها معاها الحوشها
“””””””””””
#عند_سراج (اكيدة خاطركم تعرفو وين فيصل)
فيصل كان في حوشهم في الجبل والمشية للحوش هذا كانت تستغرق فوق من 3 ساعات بالسيارة
وصل سراج للحوش وفعلا زي ماتوقع كان في الحوش هذا وكان عارف ان فيصل لما ايتعقد او يزعل من حاجة ايجي هنا وكان اول لقاء الفيصل وسراج هنا
(قبل 7 اسنين من توا
فيصل كان باته مالش واجد متوفي وكان زاعل عليه بكل الدرجة ماتوصفش تأثر واجد من موت باته
اما سراج كان مالش واجد جاي الليبيا وباته قرر انها اتكون اقامة دائمة سراج ماكان منسجم وفي يوم قررو ضنى عمامه ياخذوه رحلة سراج كان يحسابها زي رحلاته في المانيا وفيها بنات وهكي ولما لقاهم ماشيين للجبل وجو كله تراب ومناظر طبيعية مااعجبش الجو لان مش هذا اللي يبيه تعارك معاهم وهو كان راكب في سيارتهم فنزل وسيبهم وعدى في هذك الغابة بروحه قعد فيها للمغرب ومعش عرف كيف ايروح ولا فيه تغطية ولا طريق قريبة بالصدفة شاف شاب قدام الحوش لما قرب منه لقاه طالق لحيته ومقمعز وايشوف للسماء الشاب هذا كان فيصل طلب منه سراج ان ايوريه الطريق وقاله ان مروح جديد الليبيا ومازال مش عارف شيئ فيصل قاله ايخش انتعشو وانا انوديك كسدو خرفو مع بعضهم وعجبهم طبع بعضهم وماليوم هذكي بدت الصحبة ❤)
انردو توا السراج اللي قاعد عند فيصل اللي حالته حاله وباين عليه الحزن وطالق لحيته وقاعد كئيب بكل?
سراج:فيصل راك فصلتني ودرهتلي كبدي ليا كم ساعة معاك قريب انحب علي كرعيك عشان تحكي وانت معند تي احكي ياراجل
فيصل:قتلك مافيه شيئ
سراج:فيصل انا مش صاحبك انا خوك وعارفك كويس مااتجيش هنا الا وانت متضايق بكل قولي شن صاير معاك من اللي مزعلك والله نقتله قدامك غير انت قولي من
فيصل:اللي مزعلني شخص انحبه ورغم ان مزعلني وجارحني لو انشوف حد مقرب منه ناكله بسنوني
سراج يضحك:شكلك تحكي عليا انا
فيصل شافله?
سراج:باهي قول كنك ازح
فيصل:قتلك شيئ
سراج:تم يافيصل انا اول مانضايق انجيك نجري نحكيلك وانت ماتبيش تحكي وداير اسرار بينا مش هذي الرفقة ياصاحبي وصبى
فيصل مسكه:تي قمعز ومعاك حق توا نحكيلك بس مااتهزش
سراج:احكي
فيصل:انا انحب بنت وعارفها اتحب غيري بس مفترقين لكن مازال مانساته ولما اعترفتلها بحبي قالت ماتبيش تضلمني لان قلبها مازال معلق بحبيبها اللي فات
سراج:من البنت هذي
فيصل:رانيا صاحبة سندس
سراج بإستغراب:تحكي من جدك انت
فيصل:اها نحكيلك جديات
سراج:من امتى اتحبها راك اتقولي من يوم المزرعة اللي قتلك دير معاها علاقة
فيصل:لا مش من هذكي لما تلاقينا في المزرعة عجبني طبعها واسلوبها وقعدنا اصدقاء وقوة الصداقة بكل واشوي بشوي قعدت انحس بإحساس غريب تجاههة قعدن تصرفاتي معاها غريبة قعدت انحب انكلمها انحب انساعدها انحب انكون قريب منها حتى طلبت من عمي محمد ايحطني مشرف عالمشروع عشان انكون قريب منها وقعدت انغار عليها انموت لو شفت واحد مالشباب اللي في المشروع ولا العمال يحكو معاها وقعدت نبيها ليا بروحي والله فسخت خطبتي من بنت خالتي عشانها قبل حتى مانحكيلها اني انحبها لاني كرهت كل البنات نبيها هي وانكون اسعد راجل في الدنيا بس هي كسرت قلبي ?رفضت تعطيني فرصة انا كنت راضي انكون معاها حتى لو مازالت اتحبه لاني عارف حنخليها تنساه وحنعوضها علي كل لحظة حزن عاشتها بس هي مابتش استخسرت انكون سعيد معاها
سراج:للدرجة هذي اتحبها
فيصل:واكثر من هكي لو نحكيلك علي حبي الها يكمل اليوم ومازال ماكملت كلامي سراج انت عارف كويس اني عمري ماحبيت البنت هذي شقلبت حالي خلتني ليل نهار انفكر فيها اندور في سبلة بس عشان انكلمها اندور في ابسط لحظة اتخليني انقرب منها تعودت عليها مش عارف كيف بنكمل حياتي وهي مش فيها
سراج تاثر من كلام صاحبة اللي عمره ماشافه هكي متعود عليه فيصل اللي ديما يضحك وغالي عليه البصارة تحول فجأة
سراج:مااتخفش ياصاحبي لو عندك فيها نصيب حتقعد لكي صدقني بس انت مااتايسش حاول مرة واثنين وعشرة لو اتحبها جديات مااتسيهش بسهولة
فيصل:مانقدرش انجرب واتصدني اخرى انا مش بارد انا شريتها وطلبت انها اتكون حلالي وهي رفضت انا كنت نحساب وصلت عندها المعزة خاصة في قلبها بس طلعت غالط
قعد سراج مع فيصل وايحاول يقنعه ان ايروح معاه وايحاول في رانيا مرة اخرى بس فيصل كان مسكر راسه وقاله مش حيرد لين نفسيته اتريح ويقدر يتجاهل اللي صار بس كان عارف ان مش حيقدر ينسى رانيا لو مشى الاخر الدنيا
“””””””””””
#عند_رانيا_وسندس
مقمعزات في الصالة بعد ما رانيا هدت وسكتت
سندس:ليش درتي في روحك هكي مش كويس كل هالبكى
رانيا:مش بيدي مازال انحبه كل العزم والقوة اللي تظاهرت بيهن ودرتهن في غيابه لما شفته راحن كلهن كان خاطري انظمه ونحكيله كل اللي صار فيا بعده كان خاطري انقوله مازال انحبك وماقدرتش ننساك
سندس:وباين عليه حتى هو مازال ماانسيك بس يارنوشة هكي مش حينفع لازم تنسو حياتكم مع بعضكم مستحيل
رانيا: والله عارفة بس ياريتهم كيف ماحرمونا من بعضنا خذو منا ذكرياتنا وحبنا البعضنا عشان نقدرو انكملو الذكريات ياسندس يقهرن لما تقعدي كل ليل تذكري في كل حاجة لكي معاه الصدفة اللي اتجيك فجأة تقتل تقهر اتشل بكككل اتخليك اتمني الموت في اللحظة اللي حبيبك قدامك ومش قادرة اتقوليله انحبك
سندس تنهدت;اه يارنوشة علي قد ماتعذبتي في حياتك والله ماتستاهلي بكل ياقلبي
وهنا يحكن هكي رن سراج علي سندس(توا اتقولن ماهو قلتي مكان مافيش تغطية من 7 سنين كان مافيش توا وصلاته وقعدت فيه?)
سندس ردت:خير حبيبي
سراج:خير ياقلبي ها روحتي
سندس:اها روحت من بدري
سراج:باهي تمام
سندس:انت وين
سراج:بنروح توا
سندس:القيت فيصل
رانيا قعدت اتشوفلها وسندس بلعاني علت الاسبيكر
سراج:اها القيته
سندس:وبيروح معاك
سراج:لا قال مازال متضايق ومايبيش ايروح توا حكيتله واجد بس سكر راسه وماحبيتش نضغط عليه اكثر
سندس:كنه شن صاير معاه
سراج:الاخ ايحب وحالته حاله ومتاثر بكل لان البنت اللي ايحبها رفضت اتكون معاه والصدمة مش هنا الصدمة لو تعرفي من اللي فيصل ايحبها
سندس:من
سراج:رانيا صاحبتك
سندس شافت الرانيا
سندس:عارفة حكتلي مبدري عالقصة
سراج:والله وجعني كان اتشوفيه كيف متاثر انا اللي صاحبه عمري ماشفته بالحالة هذي بكل بس عليش هي رفضاته والله فيصل شاب كويس وفوق من هكي ميت عليها تي مافيش راجل يعرض علي بنت ان ايحبها وعارف ان قلبها مع غيره ويقعد راضي وايقوللها انا انسيك
سندس:صح معاك حق
سراج:حبيبي عشاني احكي معاها هي صاحبتك وتسمع منك بالك تعطيه فرصة والله مكبد فيها بكل
سندس:حاظر حبيبي حنحكيلها
سراج:اه منك انتي وصحباتك اللي يعرفكن اطيرن عقله وتاخذن قلبه
سندس ضحكت:اكيدة امالا شنو
سراج:عيوني مرايفلك بكككل
سندس طفت الاسبيكر
سندس:حتى انا حبيبي
سراج:ياريت نقدر انطير توا وانكون عندك بس الطريق طويلة تبيلي 3 ساعات عشان نوصل
سندس:حبيبي لو مرايفلي وتبيني بالجديات ماتجربش وانا نرجاك لين اتروح
سراج:باهي ماترقديش نبي انتي اللي تفتحيلي الباب بعد انروح
سندس:اكيدة حبيبي مش حنرقد لين انت اتجي
سراج:انحبك ياقلبي ديريلي بالك علي روحك ياسمحتي
سندس:حاظر حبيبي وانت سوق بشويش
سراج:حاظر حبي وسكر
سندس:ها سمعتي اللي قاله وحكاه ومايندريش انك هنا
رانيا:سمعته
سندس;وشن رايك الراجل يبيك ومتأثر بكل يعني جديات ايحبك
رانيا:فيصل الشخص الصح اللي جا في الوقت الغلط
سندس:فكري كويس يارانيا دبينك هكي مش حتنسي رؤوف وبعدين الشاب انتي شكلك معجبة فيه عطيه فرصة وجربي معاه انا متاكدة حتحبيه وحتنسي الماضي كله شوفي انا من قال انحب سراج هكي
رانيا:انتي تفرقي انتي ماعندكش ماضي ماكنتيش اتحبي حد هذا ليش قدرتي اتحبي سراج
سندس:برضو الحب فيه اوقات ايجي ونحن مش متوقعينا فكري كويس ومااتضيعيش من يدك راجل ايحبك هكي وشاريك حتى وهو عارف انك اتحبي غيره
وقعدت سندس تحكيلها وبعد نص ساعة رانيا كلمت باتها وجا خذاها من عند سندس وسندس قعدت ترجى في سراج وهو كل اشوي ايكلمها يطمن عليها وايطمنها عليه
وعالساعة 12 روح
لقى سندس مجهزة عشاء وشموع وجو سمح ولابسة فستان قصير اسود ومدايرة ميك اب حلو وطالقة شعرها اول ماشافها دغري حظنها وسهرو سهرة اتهبل ورقصو مع بعضهم وقعدو واعيين للصبح وهما غاطسين في #المشششششفففففر لعند وين واخر شيئ
سراج حاط سندس علي صدره ويحكيلها
سراج:مش عارف لو ماخشيتي في حياتي راه مازال حياتي بلا هدف عايشها هكي وخلاص الحمدلله الف مرة اني حبيتك
سندس دفنت راسها في صدره:انحبك سيراجو
سراج:ياروح سيراجو وسيراجو ايموت فيك انتي اللي نورتيله دنيته
سندس معش ردت سراج شافها لقاها راقده باسها علي راسها وحظنها زين ورقد
“””””””””””””””””””””””””
#صباح_يوم_جديد
وعت سندس عالساعة10 مالقتش سراج جنبها
سندس ابتسمت:هذا الشنو ايخطط اخرى ناعليا منه هالرومانسي بيطرشقني
صبت خذت دوش ولبست بيجامة حلوة وصلت الصبح ونزلت لقت سراج مجهزلها فطور في المطبخ وحاطلها رسالة(صباح الورد والياسمين علي احلى عيون في الدنيا انتظري المفاجئة الحلوة يامفاجئة عمري انحبك)
سندس ابتسمت;حبيبي مجنون وقمعزت قعدت تفطر واثناء وهي تفطر جا سراج
سراج:صباحو عالحلوين
سندس:صباح الورد حبيبي
سراج قرب منها وطبس عليها وهي مقمعزة عالكرسي وخطف بوسة سريعة من شفايفها
سراج:مجهزة روحك للمفاجئة
سندس ابتسمت:اها
سراج:بناخذك الاحلى مكان ممكن اتشوفيه وبطريقة اتهبل كيفك
سندس:هي نلبسو ونمشو
سراج:ماتبيش تعرفي وين بنشيلك
سندس:لا وحتى عالموت بنمشي معاك من غير مانسأل وين بنمشو
سراج:ناعليا نجك ليا وخلاص وبعيد السو عليك مالموت ان شاءلله انا قبلك
سندس:عينك ان شاءلله مع بعضنا
سراج ابتسم:ان شاءلله
سراج:هي جهزيلي روحك وجهزيلي شنطتك عشان نمشو
سندس:قصدك بنباتو
سراج:اها وكم يوم
سندس:باهي حبيبي
طلعت سندس وسراج فوق وقعدو ايوتو في شناطيهم
“”””‘””””
#عند_رانيا
جت للمشروع مالصبح بس كانت متضايقة وفي كل مكان تذكر في فيصل فيه مسكت فونها لقت محادثاته ورسائله وكلامه الها اذكرت يوم اللي اعترف بحبه خشت المكتبه لقت المشرف الثاني واذكرت كيف كانو يفطرو فيه وكيف كان مهتم بيها وكيف كان مالي حياتها ومش حاسه بوحدة طول ماهي معاه واذكرت كلام سراج اللي حكاه السندس وكيف ان رفض ايرد توا في اللحظة هذي ومن غير اي تفكير قررت تمشي الفيصل ورنت علي سندس وقالتلها تبي العنوان سندس في الاول رفضت لان عارفة المكان بعيد بس رانيا اصرت ولما سندس حكت السراج سراج قاللها اتقوللها العنوان مرات ايحلو الموضوع وربي يكتبلهم نصيب في بعضهم وزاد طمنها لما قاللها ان واثق في فيصل وان مش حيديرلها شيئ لان فيصل راجل وايحبها وسندس عطتها العنوان وطلبت منها ادير بالها علي روحها واتكلمها اول ماتوصل
خذت رانيا العنوان وكان معاها سيارة باتها وخذت اذن وطلعت مالمشروع وفي طريقها الفيصل
“””””””””””””
سرا خذا سندس وركبو مع السواق واتجهو شور البحر وكان غادي مجهز يخت(سفينه صغيرة)وبيمشو رحلة في البحر ويوصولو في جزيرة فيها كوخ صغير بيقعدو فيه كم يوم(بنات مااديرليش جو هو خيال الله ايربحكن خلنا عايشين فيه اللي ماعشناه في الواقع خلنا انعيشوه في خيالنا?)
#يتبع
قولكن شن حيكونن اجواء الرحلة انا قولي حتجيبلي شلل في مشاعري?نبي منه انا سراج???
ورانيا وفيصل قولكن شن حيصير معاهم ?هل حيحلو مشكلتهم او لا?
اما اسيل ورؤوف حاسة ان فيه قصة حتجمهم بس امتى وكيف وليش?
كله حنعرفوه في الحلقة الجاية?
بالنسبة للحلقة الجاية في موضوع حنحكيه لكن بخصوصها بس بكرا في منشور بروحها وانتمنى منكن تفهمني بس?
اسفة لو فيه لخبطة في الاسماء وأكيد رايكن ايهمني?
گـتـابـتـي Koka Saleh
الـحـلـقـة (44)
گـتـابـتـي #Koka_Saleh
“”””””””””””””””””””””””””
سراج ضحك:احلى مطرشقة وحق ربي وباسها علي خدها
سندس ابتسمت وحطت يدها علي خد سراج وقعدت اتحرك فيها
سندس:انحبك
سراج:انموت فيك
سندس حطت يدها علي شفايف سراج وقعدت اتحرك في صبعها عليهن
سندس:سيراجو
سراج:عيونه?
سندس:نبي انكون مراتك بجديات
سراج بفرحة:تحكي جد
سندس ابتسمت:والله جد
سراج عظ علي شفايفه:والله هذا حلم حياتي
سندس ضحكت
سراج:اه والله انحبك وقعد ايقرب منها بشويييييش لين وصل في شفايفها وبدا ايبوس فيها بكل حنية وحب وبعدها نزلها عالسرير وجا عليها
(طفينا الضي في شنو ترجو ? اصلا الباقي #مششششششششششفففففففففففففر
“”””””””””””””””
#صباح_يوم_جديد
فتحت سندس عيونها واذكرت كل اللي صار امس ابتسمت وخدودها انحمرو ولفت جنبها بتشوف سراج بس الغريبة ان ماكان جنبها عرفت ان ايجهزلها في فطور صبت بسرعه خشت الحمام ودوشت وطلعت(لبست بيجامة شورت احمر حريري وعليه كت توب ابيض بالاحمر حريري نفس الشورت ولفت شعرها لفة حلوة ودارتله مساكة صغيرونه مالجنب لونها ابيض وحطت اشوي ميك اب وبخت عطرها اللي سراج ايحبه بس هالمرة بكمية اكثر اشوي) وجت قمعزت عالسرير وقعدت ترجى في سراج بس بعد تأخر وماخش استغربت ونزلت تحت بتشوفه بس الغريبة ان ماكان قاعد في الحوش كله
سندس بإستغراب:معقولة عدى للشغل
ورقت للدار ومسكت فونها بترن عليه بتشوفه وينه لقت رسالها فتحتها وكان فحواها(راجلك ياحلوة مسيبك مالصبح وقاعد داير موعد مع وحدة في مطعم ——–وكتبلها اسم المطعم والعنوان)
سندس بصدمة:معقولة سراج ايديرها لالا مستحيل هو ايحبني ووعدني ان معش فيه اي بنت في حياته غيري
سندس:هه اللي زي سراج مافيش ثقة اكيدة بعد خذا اللي يبيه مني رد المواضيعه القديمة لان اللي فيه عادة ماايغيرها
وقعدت حايرة مابين الفكرتين فكرة ان سراج تغير وفكرة ان بعد خذا اللي يبيها خلاص ايرد للجو اللي زمان
واخر شيئ قررت تمشي للعنوان واتشوف الكلام صح او غلط
لبست عالسريع وخذت مفتاح سيارتها وولعتها وطلعت شور العنوان
واول ماجت للمطعم ونزلت وخشت للمطعم
دغري طفى ضي المطعم وولع فيه اضواء هادية وشموع واجواء رومانسية
سندس خشت وهي مصدومة ومش فاهمة شيئ وكان المطعم فاضي وانصدمت لما شافت سراج مصبي قدامها (ولابس تيشرت كحلي وعليه جينز كحلي وكاويش بني خفيف)وكان ماسك المايك في يده
واول ماخشت سندس ابتسملها ابتسامه عريضة اتهبل ضحكن فيها حتى عيونه
وقرب منها ومسك ايديها وبكل هدوء قاللها
سراج:انحبك مووووت
سندس اتشوفله:سراج انا
سراج حط يده علي شفايفها
سراج:مانبيبكش اتقولي شيئ نبيك بس اتركزي وتسمعي كلمات الاغنية اللي بنغنيها لكي الكلمات هذينا ماينفعش ينقالن الاي وحدة غيرك
سندس قعدت اتشوفله وعيونها فيهن لمعة الحب تجاه سراج
بدت الموسيقى وسراج بدى ايغني
ووكلمات الأغنية كانن
#ياأول_عشق_وحب_من_صدق_يجري
#حسيتك_دوة_انت_الهوى_اليصع
#غير_انت_الكبد?
#الغالي_بعد❤
#تسوالي_كل_ناسي✋?
#ابالي_دخلت_وتخبلت??
#بس_بيك_وسواسي?
#تأمرني_أمر_ايا_ياقمر?❤
#مثلك_ولا_القي?
#يحبونك_كذب_كل_هالبشر✋?
#وحبي_الك_صدقي❤?
#ماأعشق_أبد_مثلك_أحد??
#اي_بس_أنت_الك_عشقي?
#يــــاعـــــــشــــــقـــ
#أوعدني_انظل_سوا_مانفترق❤??
#صير_أنت_كل_اهلي??
#كلك_صير_الي_ملكي_فقط✋?
#وأني_الك_كلي❣?
#شاركني_النفس_خليني_أحس_ان
#ابقى_للأبد_انطيني_وعد_عني
#فوت_بقلبي_ياحبي_وبكيفك_اس
#خلق_للناس_لاماعندي_واشطول
#ماأعشق_أبد_مثلك_أحد??
#اي_بس_أنت_الك_عشقي?
#يــــاعـــــــشــــــقـــ
#ياأول_عشق_وحب_من_صدق_يجري
#حسيتك_دوة_انت_الهوى_اليصع
سندس طول ماسراج ايغني كانت اتشوفله ومبتسمه بس كانن عيونها معبيات دموع مالكلام ومن فرحتها اللي حاستها وسراج ايغنيلها
بعد كملت الاغنية سراج جاها وهو مبتسم وقرب منها
سراج:أنحبك
سندس:وانا انموت فيك وحظناته زييييييين وسراج زاد حظنها بقوة وبعد اشوي بعدو من بعضهم
سراج قربها منه وكان لاف ايديه ورا خصرها
سراج:صدقتي الرسالة بعد جاتك
سندس:ماصدقتهش بس قعدت حايرة وقلت لازم انتأكد
سراج:وتاكدتي ان مافيش في قلبي غيرك ولا حتكون فيه غيرك نهائي
سندس ابتسمت:تأكدت حبيبي
سراج بفرحة:ماتصوريش ليا كم نرجى فيها الكلمة هذي
سندس ابتسمت;ومن يوم وغادي حتسمعها لين اتمل منها
سراج:مستحيل انمل منها لو تقعدي اتقولي فيها ليا كل ثانية من عمري حنقعد بنسمعها اخرى
سندس:ناعليا والله مانقدر علي كلامك هذا ولا نعرف انرد عليه
سراج:يكفيني تسمعيه وتبتسمي لان ابتسامتك عندي كأنه ابتسملي العالم كله
سندس باساته علي خده:وحق الله انحبك
سراج ابتسم:وحق الله انموووت فيك وفي حبك
سراج: نفطرو
سندس هزت براسها بمعنى موافقة
وجو قمعزو عالطاولة اللي مجهزة وكان فيها فطور كامل ومتناسق وحلوووو وفطرو علي موسيقى هادية وجو حلو وطول ماهما يفطرو وسراج ماشال عيونه من علي سندس وهو ايشوفلها وايتغزل فيها وايزيد يعترف بحبه أكثر وأكثر
بعد كملو الفطور الحلو هذا طلعو مالمطعم وروحو الحوشهم
“”””””””””””
#في_حوشهم
خشو للحوش ورقو الدارهم دغري
سراج اول ماخشو للدار تمدد عالسرير وقعد ايشوف السندس وهي اتحول في وشاحها واتغير في دبشها
سراج:شن بديري حبيبي
سندس:بنمشي نبرم عالحوش اشوية لنا يومين عليه
سراج فنص عيونه?:اي حوش
سندس:حوشنا مش لنا يومين في المزرعة
سراج:فوتيه توا مش وقته
سندس:لا وقته وبعدين عالسريع ماانطولش
سراج صبى:لا سريع لا شيئ اليوم انتي ليا مااديريش اي شيئ اخرى
سندس:حبيبي هذي بس انديرها وبعدها نقعد لكي
سراج قربها منه وحط ايديه ورا خصرها:لالا يفتحلك ربي مااديريش شيئ اليوم الا انا وكان عالحوش اللي مضايقك حنكلمو وحدة مالخدم في الفيلا اتجي اديره
سندس:لالا انحب انظم بروحي
سراج قرب منها:وانا نبيك الروحي اليوم
سندس بدلع:سراج بلا صماطة
سراج:مازال ماشفتي شيئ انتي وقرب وقعد ايبوس فيها بوسات خفيفة علي شفايفها
وفي اللحظة هذي سمعو هرجة
سندس بعدت:حي سراج شنو الصوت
سراج;ماتسمعيش في صوت عفوفة ايلعل شكلهم روحو
سندس:خلينا نمشو انسلمو عليهم وجت بتمشيلهم
سراج مسكها وشالها بين ايديه
سراج:انتي مااتجيش الا هكي توا وقتهم هذوما
سندس قعدت تضحك وسراج حطها عالسرير وجا عليها
والباقي طبعا كالعادة #مشششششششفففففففررررر
“””””””””””””””””””
بعد كمل #التشفير?
سندس صبت بدوش وسراج مازال ممتد عالسرير
سراج بخبث:انخش اندوش معاك
سندس انحرجت:لالا ☺
سراج قمعز:خيرلك مش حتندمي وغمزلها?
سندس:لالا نبيش وبعدها خافت يلحقها خشت بسرعه للحمام وسكرت الباب وراها
سراج قعد يضحك عليها?
وبعدها طلعت مالحمام وهي لافة المنشف عليها وقعدت اتنشف في شعرها
سراج جا وحظنها من لاورة
سراج ايبوس في رقبتها
سراج:مش هكي حرام عليك اتذوبي فيا معاك
سندس:سراج والله اتبطل خلاص
سراج:قلب سراج من جوا شن هو اللي خلاص بس حبي راكي مراتي حلالي
سندس:عارفة سراج بس لازم نمشو انشوفو اعميمة اقل شيئ انبروولهم ليش طلعنا عقاب الليل هكي
سراج ايحرك في اصابعه علي خدها
سراج بكل حنية:وكان طلعنا حبيبي انتي مراتي وناخذك ونمشي بيك الاي مكان ماحدش يدخل بينا
سندس:وهما مش مدخلين بس اللي درناه بايخ كملنا الوقت انتعاركو قدامهم وهما ماكانوش راضيين عاللي ايصير وبعدها طلعنا حتى ان بنمشو ماقلناها الحد وصالح اللي سيارته هنا نطلع نعطيه مفتاحه
سراج عقد حواجبه:انا نعطيه المفتاح مش انتي فهمتي
سندس:حاظر حبيبي بس بطل توا وخلينا نطلعو
سراج تنهد:مع ان طلب واعر اني انسيبك وانتي اتهبلي هكي بس راد ربي عليا انتحمل اشوي
سندس تضحك:والله مطرشق هي
سراج:انتي طرشقتيني هكي
سندس:انا ماطرشقت حد حذيتك مطرشق جاهز
سراج ضحك وقرصها في خدها:ام السان من يقدر علي السانها بس
سندس زعلت:سراج الف مرة قتلك معش اتقول ام السان انت عارف
سراج ماخلاهش اتكمل كلامها وباسها بوسه طويييله علي شفايفها وبعد كمل
سراج:ام السان وحتقعدي ديما ام السان
سندس عصبت:سراااج?
سراج طلع السانه?سندس بتضربه علي كتفه سراج مشى يجري وخش للحمام وسكر
سندس:والله تطلع وانوريك
سراج من جوا الحمام;جربي ديري حاجة وشوفي شن انديرلك والله حتى المشية للفيلا تلتغى وانتي فاهمة قصدي
سندس ضحكت:صايع عارفتك
سراج:سندس راه نطلعلك
سندس خافت;خلاص خلاص
بعد اشوي سراج كمل الدوش وطلع لقى سندس لابسة(فستان طويل كم لونه كحلي وفيه لولي ابيض من عند الكتوف والاكمام ولافة شعرها لفه حلوة ومنزله من جنب خدها شعرها ومدايرة ميك اب خفيف وباخه عطرها)
سراج اول ماشافها ابتسم
سراج;نجيها سمحتي انا
سندس;ونجيه منحرفي وجاته وقربت منه ولفت ايديها علي ارقبته
سراج بخبث;نلغو المشية صح
سندس اتشوفله:لا وبعدين حبيبي حكينا فيه وعليش بنمشو
سراج:امالا ليش اديري هكي
سندس:عشان وباساته بوسه خفيفة علي شفايفه
سندس;عشان هذي
سراج:اه ناعليا نا منك?
سندس:حبيبي وتيتلك لبسة علي ذوقي لو ماعندكش مانع طبعا
سراج ايشوفلها:لكي كامل الحرية فيا ديري اللي تبيه ومستحيل انعارضك في حاجة واللي اتفصليها بنلبسها وانا مغمض
سندس ابتسمت:انحبك ياقلبي انا
سراج;وانا انموت فيك ياحب قلبي
سندس:هي البس اللي وتيته لكي
سراج:حاظر
خذا ادبشه وقعد يلبس فيه وكانت موتيتله(تيشرت أسود فيه اتخربيش ابيض وجينز ازرق وكاويش اسود ارضيته بيضة)
كمل سراج لبسه وبخ عطره ولف علي سندس وجو بيطلعو
سراج:حبي وين وشاحك
سندس:حي انسيته
سراج:معش تنسيه ودبين سي صالح هذا في الفيلا ردبالك اتحوليه
سندس:حاظر حبيبي
سراج:نجيها الشاطرة? وطلعو مع بعضهم للفيلا
خشو للفيلا وسراج ماسك يد سندس وكانو مبتسمين
سراج بصوت عالي:اووووي تي وين العرب اللي هنا
سندس:سراج واطي صوتك بلا صماطة
سراج بصوت عاااالي:عفوفة تي شكلهم هاجرو
سندس:سراااااج بطل
عفاف طلعت مالمطبخ:كنك اتعيي واستكت لما شافتهم ماسكين ايدين بعضهم هكي ومبتسمين بانت دغري الفرحة علي وجها وابتسمت
سراج:وين الباقي
عفاف:باتك عدى للشركة وتولي في دارها وصالح قال ناعس خش بيرقد في دارك
سراج فنص عيونه:شنوووو داري انتو عارفين ماانحب حد يرقد فيها
عفاف:سراج عيب ولد خالتك وبعدين عندك حوش بدل الدار
سراج:مش شوركم اهم حاجة داري ماحد يرقد فيها تي داري ازح سي صالح هذا مايبيش ايتحشم لين نعطيه طريحة من طرايح زمان وجا بيمشي
سندس:سراج وين بتمش عيب اللي ادير فيه
عفاف;خليه هو وصالح ديما ايتناقرو مااتبديش عليهم راه
سندس:تخيلي ايلزه من داره عيب يابتي
عفاف:لا ايلزه لاشيئ حتى صالح ماهو هوين شر من سراج يعرفو كيف ايتفاهمو
سندس ضحكت:باهي
عفاف:تعالي قوليلي شكله فيه حاجة صايرة بينكم
سندس انحرجت وابتسمت
عفاف بفرحة:والله حسيتها من خشتكم ومسكتكم الايدين بعضكم وضحكتكم هكي وجت بتزغرت
سندس;لالا وراس اعميمة مافيش داعي سراج يعرف انك عارفة شيئ
عفاف:ييي انسيت انسيت
سندس ضحكت:في شنو اديري اعميمة انساعدك
عفاف:اندير في قهيوة اتقعد راسي اللي واجعني مالطريق
سندس:خلاص اعميمة انتي قمعزي في الجنان وانا انديرها وانجيبها ونشربو مع بعضنا
عفاف:مانبيش انتعبك دوسة
سندس:مافيش تعب كله بكرج قهوة
عفاف ابتسمت:باهي نرجى فيك وطلعت قمعزت في الجنان
وسندس خشت للمطبخ وبدت اتجهز في القهوة خشت عليها تالين
تالين:صباح الخير
سندس:صباح النور
تالين:توا تلاقيت مع سيرجو وقالي اصالحتو وقعد جوكم سمح
سندس:اها اصالحنا
تالين:انا حاسة انك زاعلة مني من بعد اللي صار بس والله كله تخطيط سيرجو انا بس درت اللي يبيه عشان ايتأكد من حبك
سندس:اها حكالي سراج كل حاجة
تالين:يعني مش زاعلة مني
سندس:لا عادي عليش بنزعل وبعدين لو بنزعل كنت زعلت من سراج مش منك وفي الاخير موضوع عادي ومشى
تالين;باهي طمنتيني وانا بنقولك شيئ واحد انا وسيرجو اصحاب واجد زي الخوت بزبط يعني مااتغاريش مني انا بجد انحب سراج زي خويا وحبيتك انتي لانك حبيبته ومتمنيه انكونو اصحاب
سندس ابتسمت:عادي اكيدة ماعنديش مشكلة وحتى انا لاحظت سراج ايعزك زي اخته وانا اللي ايعزه سراج اكيدة حنعزه
تالين ابتسمت:اه هكي تريحت خفت اتكوني اتغاري مني عليه حبيت انوضحلك الصورة بس
سندس:لا الصورة واضحة ومافيش شيئ بستحق انغار خلاص توا كل حاجة قعدت عالمكشوف واعترفنا بحبنا البعضنا يعني كل حاجة تمام
تالين:ان شاءلله ديما هكي حبيبتي
سندس:ان شاءلله وشن رايك نحسبك في القهوة معايا انا واعميمة
تالين:اكيدة موافقة واصلا توا وقتها
سندس:تمام
تالين:انوتيلك الصفرة علي مادرتي القهوة
سندس:ماشي
وتن القهوة مع بعضهن وبعدها طلعن بيها للجنان وقعدن يشربن هنا وعفوفه
“””””””””””””
سراج وصالح بعد طحنة كبيرة كلها ضحك? وصالح معند مايبيش يطلع مالدار اتفقو اتفاق يرضي الطرفين ان صالح ايجيب فراش وورغان ويرقد تحت مش عالسرير ولما دار صالح هكي سراج طلع وسيبه في الدار?
“”””””””””””
طلع للجنان لقاهن يشربن في قهوة
سراج:ياخاينين قهوة من ورايا?
عفاف:بلا طروح اهو فيه تعال انصبلك
سراج:بعد شنو القدر ماينشحتش?
سندس تضحك:ماهو شحته وفضت?
سراج:ام السان اسكتي احسنلك ?
سندس فنصت فيه زيين?
سراج يضحك:اتزعل فيك الكلمة ياسمحتي باهي ماتزعليش وتعالي نبيك
سندس صبت معاه وتباعدو من عفاف وتالين اشوي
سراج:حبيبي انا ماشي توا
سندس:وين بتمشي
سراج:امس كلمتني ام فيصل تبيني اندور عليه قالت له يومين ماروحش للحوش وانا بسببك ياام السان انسيت الموضوع بكل وتوا كلمتني تسأل وقلتلها ماشيله توا
سندس:وانت عارت مكانه
سراج:ان شاءلله عارفة انا نعرفه بعد يضايق وين يمشي
سندس:قصدك هو متعارك مع هله ولا شنو
سراج:مش عارف توا نمشيله وانشوف شنو اللي مضايقة هكي
سندس:يعني بطول حبيبي
سراج:اها بنطول لان المكان بعيد اشوي وبعدها بنقعد امعاه ونفهم اللي صايرله
سندس:يعني احتمال اتبات معاه ومااتروحش
سراج قرب منها:معقولة انسيب حبيبتي وقلبي وروحي بروحه معش نقدر اصلا انبات في مكان بعيد عنك
سندس ابتسمت ومسكت ايديه:ولا انا عاد انحب انبات بعيد منك
سراج:اه شكلي حتى اليوم بنفوته فيصل
سندس ضحكت:لالا عدي الصاحبك وانا نرجى فيك
سراج باسها علي خدها:انحاول ماانطولش باهي
سندس:باهي حبيبي ودير بالك علي روحك
سراج ابتسم:انتي روحي ديريلي بالك عليك انتي بس
سندس:حاظر وسوق بشويش حبيبي
سراج:حاااظر حبيبي سلام وطلع وسندس ردت وقمعزت معاهن بعد اشوي رن فونها وكانت رانيا
سندس ردت:خيرات رنوشة
رانيا:خيرات ياقلبي صوتك سمح شكلكم اصالحتو
سندس ضحكت:احسن حاجة تفهميها وهي طايرة
رانيا:اكيدة صاحبتك حتى انا بس احكيلي شن صاير
سندس:عالفون ماايصيرش منها بكل
رانيا:خلاص معناها لما انتلاقو وهكي هكي لازم انتلاقو ونمشو عند رويدة اليوم
سندس:كنها رويدة
رانيا:منزلة كلمتها اليوم الصبح حكتها ليا
سندس بحزن:جديات باهي ايعوضها ربي خلاص اسمعي انقولها السراج ونمشو في العشية
رانيا تضحك:ولا وقعدنا ناخذو في الاذن يااخسارة ماكنتي تضحكي عليا زمان
سندس تضحك:مش اذن ياباردة بس يقعد عنده علم وهي وجك خليني انكلم راجلي وقعدت تضحك
رانيا تضحك:حتى راجلي عدي عدي ماقعدت امفيت انا المعنزة
سندس:اصبري اشوي ونلقالك تصريفة
رانيا:ياحيوانة اتحقي فيا دولار
سندس:وانتي اطولي تقعدي كيفه اهم الكل ميتين عليه
رانيا تضحك:باهي وجك ياصامطة وسكرت
صبت سندس من جنب عمتها وتالين ورنت علي سراج وهو رد
سراج:شكلك رايفتيلي من توا
سندس ضحكت:اكيدة رايفتلك بس مش عشان هكي رانة
سراج:شن فيه حبيبي
سندس;توا رنت عليا رانيا صاحبتي وقالتلي ان دودي منزله ونبو نمشولها
سراج:وامتى بتمشيلها
سندس:اليوم العشية
سراج:ومن بيشيلك حبيبي انتي عارفة ان توا مانقدرش انروح كان اتاجليها لعند بكرا بس
سندس:حبيبي هذي صاحبتي والها كم يوم ونحن سمعنهش الا اليوم عيب مانمشولهش وبعدين انت انسيت ان عندي سيارة توا نمشي فيها ومنها انتكي علي رنوشة ناخذها
سراج:بس من اول ماجبت السيارة قتلك انا انشيلك الا وقت الضرورة
سندس:وهذا وقت ضرورة
سراج:بس انحب انا اللي انشيلك توا هكي تلقيها سمحة وتقعدي ديما تمشي بروحك
سندس:لالا حبيبي بس في الوقت اللي انت مش فاضي ولما انت تقعد قاعد وفاضي ماانفكرش نمشي بيها بكل انت عارف ماانحبش انسوق واجد
سراج:باهي راد الله عليا عدي بس مااتخليش الوقت ايتأخر وانتي برا يعني قبل المغرب اتكوني في الحوش
سندس:حاظر حبيبي
سراج:انحبك حبيبي
سندس :انموت فيك وسكرت
“”””””””””
مشى الوقت عادي وسندس تغدت في الفيلا وبعدها طلعت الحوشها كلمت رانيا عشان اتقوللها بتكي عليها هي وبعدها وتت روحها ولبست(قيص أبيض قصير وعليه جاكة وردية فوق الركبة وعليها جينز رصاصي مالاجناب فيه خط ابيض وعليه كاويش ابيض ووشاح حريري بيج وشنطة بيج وبخت عطرها)وخذت مفتاح سيارتها وطلعت ومشت بيها? وتكت علي رانيا ورنت عليها تطلع ورانيا طلعتلها
رانيا:خيرات حبي
سندس;خيرات ياقلبي
رانيا:الله السيارة اتجنن الف مبروك ياقلبي
سندس:الله ايبارك فيك رنوشة
رانيا تضحك;واخيرا سراج افتك من مشاويرك اللي ماايفضن
سندس:لا وحياتك زعل وقبل قالي اجليها بكرا لين انروح انا عشان ايشيلني
رانيا تضحك:طرشقتيه انتي خلاص بس وين ماشي ومسيبك وانتو كيف متصالحين
سندس:فيصل صاحبه له كم يوم ماايروحش الحوشهم وامه تسأل عليه وهو مشاله عشان ايجيبه
رانيا نطت:قصدك سراج عارف مكانه
سندس بإستغراب:تي انتي كنك شن دخلك عارف مكانه او لا
رانيا قعدت اتلكلك:لا لا بس انا سألت لان له كم يوم ماايجيش للمشروع وهكي
سندس شافتلها:رانيا شن فيه احكي انتي فيه حاجة داستيها صح
رانيا طبست راسها:مش عارفة شنو بنحكيلك بزبط انا تاعبة وماحد حاس بيا
سندس:رنوشة خوفتيني احكي وعارفه كويس اني حنحس بيك بس احكيلي شن صاير
رانيا:اطلعي بالسيارة ونحكو عالطريق
سندس طلعت بالسيارة:باهي اهو طلعنا هي احكي شن صاير
رانيا:تذكري لما تلاقيت مع فيصل في المزرعة ونحن نشتغلو علي مشروعنا
سندس:اها نذكر
رانيا:من هذكي بدت بينا صداقة وقعدت كل مرة تقوى الصداقة هذي وحتى فيصل ساعدني في قرايتي وقعد ايجيني في الجامعة يشرحلي
سندس:باهي
رانيا:قوة الصداقة وقعد ايصبيلي في مواقف واجد زي الاخ بس كل مرة قعد اهتمامه ايزيد بيا ومكالماته كثرن الدرجة حسيت ان فيه شيئ بس قعدت نتجاهل التفكير هذا وفي يوم دزلي مقطع وقالي الكلام اللي فيه لكي وفهمت قصده واحساسي طلع صح اليوم هذا كان اليوم اللي قبل نتيجتنا ويوم طلعة النتيجة انا ماجيتش للمشروع كان تذكري لاني ماكنتش بنتواجه معاه ماكنتش عارفة شنو انقوله وفي اليوم هذكي سراج دارلك الحفلة وجيت غادي اتاري هو غادي وقعد ايدزلي في مسجات يبيني انجيه عند حوشكم عساس يبيني في موضوع مهم ولما مشيتله صدمني باعترافه بحبه ليا وقالي يبيني بالحلال وبيعوضني عاللي عشته كله وبينسيني رؤوف لاني انا كنت حاكيتله باللي مريت بيه مع رؤوف
سندس:وانتي شن كان ردك
رانيا:انا رفضت وقتله اني مازال ماانسيت رؤوف ومانبيش نظلمه معايا قالي انا راضي وانتحمل حبك له لاني عارف حنقدر انحليك تنسيه بس انا اصريت علي قراري قالي ان عمره ماحب واني انا البنت الوحيدة اللي حبيتها وحنقعد طول عمري انحبها وقالي ديري بالك من روحك ويمكن بعد انرد نلقاك ناسيتيه مافهمتش وقتله شن قصدك ماحكش وثاني يوم جيت للمشروع القيته مسيب وجايبين مكانه حد ثاني اتصلت بيه واجد مقفل ونت مايفتحش ومشيت للشركة القيته واخذ اجازة واتصلت حتى بحوشهم علي امل نلقاه بس قالو ماايجيش غادي والباين مقرر معش ايرد هنا بكل
سندس:وانتي دبينك رفضتيه ليش مصرة تحكي معاه وليش دورتيه ودرتي كل هالمحاولات عشان توصليله
رانيا:مش عارفة يادوسة معش فهمت شن نبي بس فاقدتله واجد فاقدة الاهتمامه والكلامه ليا كان اخ وصديق ماايتحملش فيا شيئ وواقف معايا في كل حاجة يمكن لاني مانبيش نخسره معش فهمت شعوري والله تعبت
سندس:القصة الباين انها مش اخ وصديق شكلك معجبة بيه
رانيا تبكي:ورؤوف وحبه اللي في قلبي اللي مش قادرة ننساه
سندس:رؤوف قصة وانتهت ومش اول اثنين اتسيبو بعضكم وانتي لازم تبدي حياة جديدة مش معقولة تقعدي عمرك كله علي ذكراه لازم اتجربي واتحبي من جديد والا حتقعدي طول عمرك حبيسة الماضي
رانيا تنهدت وادموعها علي خدها:والله ماعاد عرفت من جهة فاقدة الفيصل وحاسة ان فيه شيئ رابطني فيه ومن جيهة اخرى حبي الرؤوف وشعوري بالذنب تجاهة كل لما انفكر في فيصل
سندس:مافيش ذنب انتو ورؤوف خلاص انتهت ينكم وبعدين لو اتجي للحق فيصل شخص كويس انا صح مانعرفش وصح هو صاحب سراج وايامات سراج السود والخبر اللي كان ايدير فيه هو معاه بس هو مش زي سراج واضح من طريقة كلامه وتصرفاته وحتى لبسه
رانيا:عارفة والله ويمكن اكثر وحدة عرفته انا وفهمته هو شاب كويس بكل ومافيش شيئ ينكره وذوق واخلاق بس مش عارفة يمكن خايفة من فكرة تجربة جديدة خايفة تفشل
سندس:ليش خايفة مالفشل مش انتي اول ولا اخر وحدة اتعيش قصة حب وتنتهى بفشل لو كل وحدة خافت هكي ماعاد فيه وحدة حبت اخرى ولا اجوزت بكل
رانيا:مش عارفة خايفة بكل وعلي قولت هاشم اللي يلتذع مالشربة ينفخ حتى في الزبادي (قصدي هاشم سنك??)
سندس تضحك:عنجد هاشم انا نحكيلك وانتي اتشفطي
رانيا:والله ماانشفط نحكي جديات هذي اكثر كلمة قالها صح
سندس:وانتي شن مقررة اديري لو رد
رانيا:مغير ايرد بس لاني حاسة ان معش حيرد وحتى لو رد اكيدة بعد رفضته كرهني
سندس:لو ايحبك بجديات مش حيكرهك
رانيا:اللي فيها خير ايجيبها ربي
سندس:ان شاءلله بس قوليلي اي وحدة فيلة هل معاذ
رانيا:ثالث وحدة
سندس خشتلها ونزلن علي صاحبتهن ولقنها ترجى فيهن هي وعيت عمها وفرحت بيهن واااجد وصبياتها وعمتها قعدن معاهن في البداية وبعدها سيبنهن ايهدرزن براحتهن وقعدن ايهدرزن في اللي صار معاهن من اخر مرة لعند اليوم كالعادة طبعا
رويدة حكت عاللي صار معاها كله
وسندس حكتلهن قصة الصور واللي داره سراج وكيف اصالحو وحتى فطرتها في المطعم اليوم حكاتها?
اما رانيا حكت نفس اللي حكاته السندس الرويدة
وكانت نصيحة رويدة انها تنسى رؤوف وتبدى حياة جديدة لان من حقها اتعيش حتى هي زي باقي البنات وهكي كملن الوقت ايخرفن
“”””””””””
معاذ لما عرف ان صاحبات رويدة جايات طلع مالحوش عشان ايسيبهن براحتهن وغاب 3 ساعات وروح
معاذ خش علي خواته في المطبخ
معاذ:خير
الكل:خيرات
معاذ:عدن صاحبات رويدة ولا مازال
ام معاذ:لا مازال قاعدات مالهنش واجد جايات انت اللي طلعت بدري
معاذ:اها خلاص معناها بنمشي للسوق فيه حاجات ناقصات بنجيبهن كان ناقصتكم حاجة اكتبوها ليا في ورقة انجيبها لكم
مروة:فيه كم حاجة ناقصة توا نكتبهن لكي توا
معاذ:تمام
اسيل خشت عليهم في المطبخ:خير
الكل:خيرات الا معاذ جا بيطلع
اسيل صبت قدامه وهي تبكي
اسيل:سامحني معاذ والله اسفة علي صار مني كله
معاذ:انتي عارفة اللي درتيه كنتي بتفرقي بيني وبين رويدة وكنتي سبب اللي صار الرويدة
اسيل تبكي:انا عارفة ان انانيتي وحزني علي لينا كان عاميلي عيوني وبعد صار في رويدة هكي وفقدت البيبي بسببي وعيت الروحي وعرفت ان ماشية في تيار غلط بس اعذرني يامعاذ انت عارف ان فقدت توامي واختي الوحيدة واعرة عليا بس والله نوعدك ماعاد اندير شيئ ايزعلك انت ورويدة انا والله نادمة وتمت تبكي
معاذ قرب منها ومسحلها دموعها:انا عارف شعورك ومقدر بس مش حنسامحك الا اذا سامحاتك رويدة قبل علي كل اللي درتيه
أسيل:خلاص انا حنمشي نعتذرلها توا
ام معاذ;رويدة طيبة واكيدة حتسامحك
معاذ ابتسم;وانا عارفها اتسامحك بس توا عندها صحباتها خلي لين يمشن وخشي احكي معاها
اسيل:لالا بنخشلها توا انا بنموت من تأنيب الضمير ومش حنتيرح الا اذا سامحتني
مروة:خلاص عادي خشيلها صحباتها واكيدة حاكيتلهن اللي صار
اسيل:باهي ورقت ومشت الجناح رويدة ومعاذ ودقت وفتحت الباب رانيا لان رويدة مازال مريضة
اسيل:خير
رانيا سلمت عليها:خيرات
اسيل;نبي رويدة
رانيا:تفضلي
اسيل خشت وسلمت علي سندس ورويدة
رويدة:قمعزي اسيل
اسيل:بصراحة مش جاية بنقمعز انا جاية نبيك اتسامحيني علي صار كله واني انا كنت سبب مشكلتك مع معاذ وسبب فقدتك للبيبي بس والله انا كنت تحت تاثير حزن وانانية مش مصدقة ان فيه وحدة ثانية خذت مكان لينا وماكنت فاهمة ان هذي الحياة ولازم تمشي ومعاذ من حقه ايحب من جديد بس مافهمتش هذا كله الا بعد اللي صار وفقدتو البيبي بسببي وقعدت تبكي
رويدة:صح انتي اتسببتيلي في مشاكل واجد وصح فقدت اول طفل بعد اللي صار بس عادي انا مسامحتك يكفي ان بسبب اللي صار عرفت وتاكدت معاذ قديش ايحبني
أسيل:يعني مسامحتيني
رويدة ابتسمت:اكيدة حبيبتي
أسيل ابتسمت:بصراحة مافيش اطيب منك لان والله لو انا مكانك ماكنتش حنسامح بس بجد يابخت معاذ بيك وربي مايحرمكم من بعضكم واتكملو العمر مع بعضكم واتجيبو 10 عيال بدا اللي فقدتوه
رويدة تضحك:امين بس مش معاك في 10 العيال
أسيل تضحك:مش مهم 10 اهم شيئ اتجيبي من معاذ
رويدة:ان شاءلله
اسيل:خلاص انا بنمشي انخليكن اتهدرزن مع بعضكن
رويدة:خليك هدرزي معانا
اسيل:لالا بنمشي انفرحهم تحت انك سامحتيني عشان حتى معاذ ايسامحني اصلا قالي مش حنسامحك لين رويدة اتسامحك
رويدة:باهي براحتك
اسيل طلعت
سندس:بجد دودي طول عمرك طيبة ياعوينك بطيبة قلبك هذي
رانيا:صح لو انا مااعتقدش اني انسامح
رويدة:اذا ربي كريم وايسامح فينا علي كل اخطائنا ليش مانحن عباده انسامحو عا الاخطاء مانبوش انعيشو ديما وكيف مانحن نبو ربي ايسامحني ويغفرلنا مافيها شيئ لو حتى نحن تسامحنا فيما بينا وبذات ان اللي داراته جا في صالحي وتأكدت من محبة معاذ ونهى الماضي كله بعد اللي صار صح تعذبت بسسبها بس في الاخير كل شيئ انحل
سندس:صح والله صدقتي في كلامك ياريت كل الناس تقتنع ان الدنيا مانبو انعيشو فيها ديما ونهايتها موت ليش نقعدو معبيين قلوبنا بحقد وكره
رانيا:الناس ماتحسابش ان ربي يعطي كل واحد علي نيته واللي متمنيه للغير ربي يهدي العباد وخلاص
رويدة وسندس:امين?
“””””””””
مشى الوقت وجا وقت ترويحة البنات وسلمن علي رويدة وعربها وطلعن
بس للصدفة دائما كلمة اخرى واتشاء وهنا طالعات كان رؤوف نازل من سيارته وجاي الرويدة بيشوفها
رانيا وسندس طالعات وماشيات للسيارة وايهدرزن ورانيا تضحك بس اول ماشافت رؤوف الضحكة دغري اختفت وعيونها تعبو دموع
ورؤوف ماكان متوقع ايشوفها بكل تلخبط ومعش عرف كيف يصرف كان في خاطره ايضمها وايقوللها رايفتلك وكان ايشوفلها وفي عيونه كلام واجد
سندس شافت الوضع وحبت تنقذ الموقف
سندس:اهلا رؤوف شن اخبارك
رؤوف وعيونه علي رانيا:الحمدلله عايش شن اخبارك انتي
سندس:الحمدلله بخير
رؤوف:وانتي يارانيا شن اخبارك
رانيا كانت اتحاول تمسك دمعتها عشان مااتنزلها واتبان قوية قدام رؤوف
رانيا:بخير الحمدلله
رؤوف امصبي وايشوفلها وفي عقله مرايفلك يارانيا مرايف الصوتك وكلامك مرايف الكل حاجة فيك اه لو نقدر انقولك كيف عايش حياتي بعدك ابشع حياة ممكن ايعيشها انسان ?
رانيا طبست راسها وفي عقلها:رايفت عليك بس ياريت ماشفتك كل عزمي راح ياريت لو نقدر انردلك وانكملو كل اللي حلمنا بيه?سندس حست بمعاناتهم وكانت لازم تدخل
سندس:هي رنوشة تأخرنا
رانيا:هي
سندس:سلام رؤوف ومشن وركبن في السيارة
رانيا اول ماركبت انهدت بكى وقعدت تبكي بعبرتها وقلبها مكسور سندس طلعت بالسيارة بسرعة تبيش رؤوف ايشوفها وهي منهارة
“”””””
اما رؤوف قعد ايشوفلهن لين طلعت السيارة واول مامشت غمض عيونه ونزلن ادموعه مرة وحدة
مع طلعت اسيل من جوا وشافاته وقربت منه وهي مصدومة هو الشخص اللي شافاته في المستشفى وزادت صدمتها بعد شافت دموعه
اسيل بصدمة:انت تبكي
رؤوف كانت اجابته في جملة وحدة
رؤوف:و كم مؤلمة تلك الصدفة التي جمعتني بها بعد فراق طويل? ?
اسيل:علي من تحكي
رؤوف:ليش مكتوبلي انا هي نتعذبو هكي كنت حاس بكل اللي في قلبها رغم انها كانت بتبان قوية بس عيونها الي معبيات دموع فضحنها حسبي الله ونعم الوكيل في اللي كان السبب
اسيل عرفت ان يقصد وحدة من صاحبات رويدة يارانيا ياسندس
اسيل:انت تحكي علي من فيهن
هنا رؤوف فطن وركز مسح دموعه وقاللها
رؤوف:خليك مني انا انتي اللي شنو اديري هنا وشن قصتك هذي ثاني مرة انشوفك حقيقة
اسيل:انا بنت عم معاذ بس انت شنو اللي جابك هنا
رؤوف:انا خو رويدة مرات معاذ
اسيل مدتله يدها:اهلا بيك
معاذ سلم عليها;اهلين بيك بس ماقلتيلي علي اسمك مع انك قلتي كان تلاقينا مرة اخرى انقولك من انا
اسيل:انا اسمي اسيل
رؤوف:عاشت الاسامي وانا رؤوف
اسيل:عاشت الاسامي اسمحيلي انا بنمشي الحوشنا
رؤوف مسك يدها:نبي رقمك
أسيل انصدمت:كييييف
رؤوف:مش عارف جاني شعور خلاني انقول هكي اول مرة اتصير معاي حاس اني بنحكيلك اللي صاير معايا
أسيل:اسفة نقدرش نعطي رقمي الحد مانعرفش وعدت وسيباته
رؤوف حس روحه حقير علي طلبه بس الغريب ان عمره ماصار معاه هكي هو عارف ان مافيش اي شعور تجاه اسيل وعارف ان قلبه مازال فيه رانيا بس فيه حاجة غريبة خالاته ايقول هكي ماكانش عارف شن فيه وشن قاعد ايصير معاه من كثر ماتعقد ماللي صار وان استحقر نفسه حتى الرويدة ماخش ركب في سيارته وولع وطلع
“”””””””””””
#عند_سندس_وروانيا
سندس حاولت اتهديها واجد بس رانيا كانت منهارة في السيارة وسندس ماقدرت اتروح بيها وهي بالحالة هذي فسندس قررت ان تاخذها معاها الحوشها
“””””””””””
#عند_سراج (اكيدة خاطركم تعرفو وين فيصل)
فيصل كان في حوشهم في الجبل والمشية للحوش هذا كانت تستغرق فوق من 3 ساعات بالسيارة
وصل سراج للحوش وفعلا زي ماتوقع كان في الحوش هذا وكان عارف ان فيصل لما ايتعقد او يزعل من حاجة ايجي هنا وكان اول لقاء الفيصل وسراج هنا
(قبل 7 اسنين من توا
فيصل كان باته مالش واجد متوفي وكان زاعل عليه بكل الدرجة ماتوصفش تأثر واجد من موت باته
اما سراج كان مالش واجد جاي الليبيا وباته قرر انها اتكون اقامة دائمة سراج ماكان منسجم وفي يوم قررو ضنى عمامه ياخذوه رحلة سراج كان يحسابها زي رحلاته في المانيا وفيها بنات وهكي ولما لقاهم ماشيين للجبل وجو كله تراب ومناظر طبيعية مااعجبش الجو لان مش هذا اللي يبيه تعارك معاهم وهو كان راكب في سيارتهم فنزل وسيبهم وعدى في هذك الغابة بروحه قعد فيها للمغرب ومعش عرف كيف ايروح ولا فيه تغطية ولا طريق قريبة بالصدفة شاف شاب قدام الحوش لما قرب منه لقاه طالق لحيته ومقمعز وايشوف للسماء الشاب هذا كان فيصل طلب منه سراج ان ايوريه الطريق وقاله ان مروح جديد الليبيا ومازال مش عارف شيئ فيصل قاله ايخش انتعشو وانا انوديك كسدو خرفو مع بعضهم وعجبهم طبع بعضهم وماليوم هذكي بدت الصحبة ❤)
انردو توا السراج اللي قاعد عند فيصل اللي حالته حاله وباين عليه الحزن وطالق لحيته وقاعد كئيب بكل?
سراج:فيصل راك فصلتني ودرهتلي كبدي ليا كم ساعة معاك قريب انحب علي كرعيك عشان تحكي وانت معند تي احكي ياراجل
فيصل:قتلك مافيه شيئ
سراج:فيصل انا مش صاحبك انا خوك وعارفك كويس مااتجيش هنا الا وانت متضايق بكل قولي شن صاير معاك من اللي مزعلك والله نقتله قدامك غير انت قولي من
فيصل:اللي مزعلني شخص انحبه ورغم ان مزعلني وجارحني لو انشوف حد مقرب منه ناكله بسنوني
سراج يضحك:شكلك تحكي عليا انا
فيصل شافله?
سراج:باهي قول كنك ازح
فيصل:قتلك شيئ
سراج:تم يافيصل انا اول مانضايق انجيك نجري نحكيلك وانت ماتبيش تحكي وداير اسرار بينا مش هذي الرفقة ياصاحبي وصبى
فيصل مسكه:تي قمعز ومعاك حق توا نحكيلك بس مااتهزش
سراج:احكي
فيصل:انا انحب بنت وعارفها اتحب غيري بس مفترقين لكن مازال مانساته ولما اعترفتلها بحبي قالت ماتبيش تضلمني لان قلبها مازال معلق بحبيبها اللي فات
سراج:من البنت هذي
فيصل:رانيا صاحبة سندس
سراج بإستغراب:تحكي من جدك انت
فيصل:اها نحكيلك جديات
سراج:من امتى اتحبها راك اتقولي من يوم المزرعة اللي قتلك دير معاها علاقة
فيصل:لا مش من هذكي لما تلاقينا في المزرعة عجبني طبعها واسلوبها وقعدنا اصدقاء وقوة الصداقة بكل واشوي بشوي قعدت انحس بإحساس غريب تجاههة قعدن تصرفاتي معاها غريبة قعدت انحب انكلمها انحب انساعدها انحب انكون قريب منها حتى طلبت من عمي محمد ايحطني مشرف عالمشروع عشان انكون قريب منها وقعدت انغار عليها انموت لو شفت واحد مالشباب اللي في المشروع ولا العمال يحكو معاها وقعدت نبيها ليا بروحي والله فسخت خطبتي من بنت خالتي عشانها قبل حتى مانحكيلها اني انحبها لاني كرهت كل البنات نبيها هي وانكون اسعد راجل في الدنيا بس هي كسرت قلبي ?رفضت تعطيني فرصة انا كنت راضي انكون معاها حتى لو مازالت اتحبه لاني عارف حنخليها تنساه وحنعوضها علي كل لحظة حزن عاشتها بس هي مابتش استخسرت انكون سعيد معاها
سراج:للدرجة هذي اتحبها
فيصل:واكثر من هكي لو نحكيلك علي حبي الها يكمل اليوم ومازال ماكملت كلامي سراج انت عارف كويس اني عمري ماحبيت البنت هذي شقلبت حالي خلتني ليل نهار انفكر فيها اندور في سبلة بس عشان انكلمها اندور في ابسط لحظة اتخليني انقرب منها تعودت عليها مش عارف كيف بنكمل حياتي وهي مش فيها
سراج تاثر من كلام صاحبة اللي عمره ماشافه هكي متعود عليه فيصل اللي ديما يضحك وغالي عليه البصارة تحول فجأة
سراج:مااتخفش ياصاحبي لو عندك فيها نصيب حتقعد لكي صدقني بس انت مااتايسش حاول مرة واثنين وعشرة لو اتحبها جديات مااتسيهش بسهولة
فيصل:مانقدرش انجرب واتصدني اخرى انا مش بارد انا شريتها وطلبت انها اتكون حلالي وهي رفضت انا كنت نحساب وصلت عندها المعزة خاصة في قلبها بس طلعت غالط
قعد سراج مع فيصل وايحاول يقنعه ان ايروح معاه وايحاول في رانيا مرة اخرى بس فيصل كان مسكر راسه وقاله مش حيرد لين نفسيته اتريح ويقدر يتجاهل اللي صار بس كان عارف ان مش حيقدر ينسى رانيا لو مشى الاخر الدنيا
“””””””””””
#عند_رانيا_وسندس
مقمعزات في الصالة بعد ما رانيا هدت وسكتت
سندس:ليش درتي في روحك هكي مش كويس كل هالبكى
رانيا:مش بيدي مازال انحبه كل العزم والقوة اللي تظاهرت بيهن ودرتهن في غيابه لما شفته راحن كلهن كان خاطري انظمه ونحكيله كل اللي صار فيا بعده كان خاطري انقوله مازال انحبك وماقدرتش ننساك
سندس:وباين عليه حتى هو مازال ماانسيك بس يارنوشة هكي مش حينفع لازم تنسو حياتكم مع بعضكم مستحيل
رانيا: والله عارفة بس ياريتهم كيف ماحرمونا من بعضنا خذو منا ذكرياتنا وحبنا البعضنا عشان نقدرو انكملو الذكريات ياسندس يقهرن لما تقعدي كل ليل تذكري في كل حاجة لكي معاه الصدفة اللي اتجيك فجأة تقتل تقهر اتشل بكككل اتخليك اتمني الموت في اللحظة اللي حبيبك قدامك ومش قادرة اتقوليله انحبك
سندس تنهدت;اه يارنوشة علي قد ماتعذبتي في حياتك والله ماتستاهلي بكل ياقلبي
وهنا يحكن هكي رن سراج علي سندس(توا اتقولن ماهو قلتي مكان مافيش تغطية من 7 سنين كان مافيش توا وصلاته وقعدت فيه?)
سندس ردت:خير حبيبي
سراج:خير ياقلبي ها روحتي
سندس:اها روحت من بدري
سراج:باهي تمام
سندس:انت وين
سراج:بنروح توا
سندس:القيت فيصل
رانيا قعدت اتشوفلها وسندس بلعاني علت الاسبيكر
سراج:اها القيته
سندس:وبيروح معاك
سراج:لا قال مازال متضايق ومايبيش ايروح توا حكيتله واجد بس سكر راسه وماحبيتش نضغط عليه اكثر
سندس:كنه شن صاير معاه
سراج:الاخ ايحب وحالته حاله ومتاثر بكل لان البنت اللي ايحبها رفضت اتكون معاه والصدمة مش هنا الصدمة لو تعرفي من اللي فيصل ايحبها
سندس:من
سراج:رانيا صاحبتك
سندس شافت الرانيا
سندس:عارفة حكتلي مبدري عالقصة
سراج:والله وجعني كان اتشوفيه كيف متاثر انا اللي صاحبه عمري ماشفته بالحالة هذي بكل بس عليش هي رفضاته والله فيصل شاب كويس وفوق من هكي ميت عليها تي مافيش راجل يعرض علي بنت ان ايحبها وعارف ان قلبها مع غيره ويقعد راضي وايقوللها انا انسيك
سندس:صح معاك حق
سراج:حبيبي عشاني احكي معاها هي صاحبتك وتسمع منك بالك تعطيه فرصة والله مكبد فيها بكل
سندس:حاظر حبيبي حنحكيلها
سراج:اه منك انتي وصحباتك اللي يعرفكن اطيرن عقله وتاخذن قلبه
سندس ضحكت:اكيدة امالا شنو
سراج:عيوني مرايفلك بكككل
سندس طفت الاسبيكر
سندس:حتى انا حبيبي
سراج:ياريت نقدر انطير توا وانكون عندك بس الطريق طويلة تبيلي 3 ساعات عشان نوصل
سندس:حبيبي لو مرايفلي وتبيني بالجديات ماتجربش وانا نرجاك لين اتروح
سراج:باهي ماترقديش نبي انتي اللي تفتحيلي الباب بعد انروح
سندس:اكيدة حبيبي مش حنرقد لين انت اتجي
سراج:انحبك ياقلبي ديريلي بالك علي روحك ياسمحتي
سندس:حاظر حبيبي وانت سوق بشويش
سراج:حاظر حبي وسكر
سندس:ها سمعتي اللي قاله وحكاه ومايندريش انك هنا
رانيا:سمعته
سندس;وشن رايك الراجل يبيك ومتأثر بكل يعني جديات ايحبك
رانيا:فيصل الشخص الصح اللي جا في الوقت الغلط
سندس:فكري كويس يارانيا دبينك هكي مش حتنسي رؤوف وبعدين الشاب انتي شكلك معجبة فيه عطيه فرصة وجربي معاه انا متاكدة حتحبيه وحتنسي الماضي كله شوفي انا من قال انحب سراج هكي
رانيا:انتي تفرقي انتي ماعندكش ماضي ماكنتيش اتحبي حد هذا ليش قدرتي اتحبي سراج
سندس:برضو الحب فيه اوقات ايجي ونحن مش متوقعينا فكري كويس ومااتضيعيش من يدك راجل ايحبك هكي وشاريك حتى وهو عارف انك اتحبي غيره
وقعدت سندس تحكيلها وبعد نص ساعة رانيا كلمت باتها وجا خذاها من عند سندس وسندس قعدت ترجى في سراج وهو كل اشوي ايكلمها يطمن عليها وايطمنها عليه
وعالساعة 12 روح
لقى سندس مجهزة عشاء وشموع وجو سمح ولابسة فستان قصير اسود ومدايرة ميك اب حلو وطالقة شعرها اول ماشافها دغري حظنها وسهرو سهرة اتهبل ورقصو مع بعضهم وقعدو واعيين للصبح وهما غاطسين في #المشششششفففففر لعند وين واخر شيئ
سراج حاط سندس علي صدره ويحكيلها
سراج:مش عارف لو ماخشيتي في حياتي راه مازال حياتي بلا هدف عايشها هكي وخلاص الحمدلله الف مرة اني حبيتك
سندس دفنت راسها في صدره:انحبك سيراجو
سراج:ياروح سيراجو وسيراجو ايموت فيك انتي اللي نورتيله دنيته
سندس معش ردت سراج شافها لقاها راقده باسها علي راسها وحظنها زين ورقد
“””””””””””””””””””””””””
#صباح_يوم_جديد
وعت سندس عالساعة10 مالقتش سراج جنبها
سندس ابتسمت:هذا الشنو ايخطط اخرى ناعليا منه هالرومانسي بيطرشقني
صبت خذت دوش ولبست بيجامة حلوة وصلت الصبح ونزلت لقت سراج مجهزلها فطور في المطبخ وحاطلها رسالة(صباح الورد والياسمين علي احلى عيون في الدنيا انتظري المفاجئة الحلوة يامفاجئة عمري انحبك)
سندس ابتسمت;حبيبي مجنون وقمعزت قعدت تفطر واثناء وهي تفطر جا سراج
سراج:صباحو عالحلوين
سندس:صباح الورد حبيبي
سراج قرب منها وطبس عليها وهي مقمعزة عالكرسي وخطف بوسة سريعة من شفايفها
سراج:مجهزة روحك للمفاجئة
سندس ابتسمت:اها
سراج:بناخذك الاحلى مكان ممكن اتشوفيه وبطريقة اتهبل كيفك
سندس:هي نلبسو ونمشو
سراج:ماتبيش تعرفي وين بنشيلك
سندس:لا وحتى عالموت بنمشي معاك من غير مانسأل وين بنمشو
سراج:ناعليا نجك ليا وخلاص وبعيد السو عليك مالموت ان شاءلله انا قبلك
سندس:عينك ان شاءلله مع بعضنا
سراج ابتسم:ان شاءلله
سراج:هي جهزيلي روحك وجهزيلي شنطتك عشان نمشو
سندس:قصدك بنباتو
سراج:اها وكم يوم
سندس:باهي حبيبي
طلعت سندس وسراج فوق وقعدو ايوتو في شناطيهم
“”””‘””””
#عند_رانيا
جت للمشروع مالصبح بس كانت متضايقة وفي كل مكان تذكر في فيصل فيه مسكت فونها لقت محادثاته ورسائله وكلامه الها اذكرت يوم اللي اعترف بحبه خشت المكتبه لقت المشرف الثاني واذكرت كيف كانو يفطرو فيه وكيف كان مهتم بيها وكيف كان مالي حياتها ومش حاسه بوحدة طول ماهي معاه واذكرت كلام سراج اللي حكاه السندس وكيف ان رفض ايرد توا في اللحظة هذي ومن غير اي تفكير قررت تمشي الفيصل ورنت علي سندس وقالتلها تبي العنوان سندس في الاول رفضت لان عارفة المكان بعيد بس رانيا اصرت ولما سندس حكت السراج سراج قاللها اتقوللها العنوان مرات ايحلو الموضوع وربي يكتبلهم نصيب في بعضهم وزاد طمنها لما قاللها ان واثق في فيصل وان مش حيديرلها شيئ لان فيصل راجل وايحبها وسندس عطتها العنوان وطلبت منها ادير بالها علي روحها واتكلمها اول ماتوصل
خذت رانيا العنوان وكان معاها سيارة باتها وخذت اذن وطلعت مالمشروع وفي طريقها الفيصل
“””””””””””””
سرا خذا سندس وركبو مع السواق واتجهو شور البحر وكان غادي مجهز يخت(سفينه صغيرة)وبيمشو رحلة في البحر ويوصولو في جزيرة فيها كوخ صغير بيقعدو فيه كم يوم(بنات مااديرليش جو هو خيال الله ايربحكن خلنا عايشين فيه اللي ماعشناه في الواقع خلنا انعيشوه في خيالنا?)
#يتبع
قولكن شن حيكونن اجواء الرحلة انا قولي حتجيبلي شلل في مشاعري?نبي منه انا سراج???
ورانيا وفيصل قولكن شن حيصير معاهم ?هل حيحلو مشكلتهم او لا?
اما اسيل ورؤوف حاسة ان فيه قصة حتجمهم بس امتى وكيف وليش?
كله حنعرفوه في الحلقة الجاية?
بالنسبة للحلقة الجاية في موضوع حنحكيه لكن بخصوصها بس بكرا في منشور بروحها وانتمنى منكن تفهمني بس?
اسفة لو فيه لخبطة في الاسماء وأكيد رايكن ايهمني?
گـتـابـتـي Koka Saleh