منحرف وأحببته
#مـنـحـرف_وأحـبـبـتـه
الـحـلـقـة (4)
وعدن البنات وعدى فيصل وقعدت ساحة المعركة فاضية السندس وسراج
سراج بصوت عالي:البحر سمح لولا هالاشكال الكريهة اللي قاعدين عليه
سندس بصوت عالي:مع اني قاعدة عالبحر لكن نسمع في صوت كلب ينبح جنبي
سراج فنص عيونه زين وبصوت عالي:لازم اتشوفي دكتور نفسي اصلا تهيالك في حاجات مافيش ومستحيل ايصيرن مسكينة ربي ايعينك
سندس بصوت عالي:مامسكين الا انت يامهزب ياحيوان ياللي مش متربي
سراج بصوت عالي:لا بالك انتي اللي متربية ياجالطة مغير اقعدي انتي مؤدبة قبل وبعدها احكي عاالادب
سندس بصوت اعلى:هه اخر شخص يحكي عالادب انت يامهزب توا معقولة بنت اتهزب فيك ومازال تلحق فيها عليك قلة كرامة عندك
سراج بصوت أعلى:انا نلحقك انتي مش قتلك مريضة وتوهمي في روحك بحاجات مافيش يامطرشقة يامتخلفة
الناس فطنولهم وقعدو ايبحتو فيهم
سندس:مافيش واحد مطرشق وانت حي
سراج بصوت عاااالي:تعرفي اتسكري فمك ولا انجي انسكره بطريقتي
سندس بصوت عااالي:لو راجل قرب مني وبحت شن انديرلك
سراج صبالها وهي صبتله وفي لحظة هما الاثنين فطنو كيف الناس التمت واتبحت فيهم ويضحكو عليهم سراج انحرج رد للطاولة وولع دخان وقعد ايدخن وسندس انحرجت وخشت للبحر بتعوم
سندس اتعوم واتهزب:هالبارد المهزب يارب تولع فيه النار انحقه وهو متشفشف قدامي الحيوان الحقير هذا
سراج ايدخن وايهزب:هالتافهة انا نلحق وحدة غجرية زيها جالطة قليلة ادب انشاءلله تغرقي ونفتك من وجك
بعد 5دقايق
اصحاب المصيف كانو مدايرين مسافة معينة للعوم ومحذرين حد يهلبها سندس من كثر ماكانت معصبة هلبتها وقعد البحر ايكر فيها جوا فطننلها البنات اللي كانت اتعوم معاهن وقعدن ايعيطن
سراج شافهن وعرفها غرقت فرح
سراج ايتنطر وفرحان;غرقت غرقت انشاءلله اتموتي ?
قعدو الناس ايكلمو في اصحاب المصيف عشان ينقذوها بس شباب الانقاذ ماكانو قاعدين ومافيش حد جاته جراءة ان ايعوم للمكان اللي فيه سندس كلهم خافو
الناس كلها سمعت العياط والهرجة وطلعو وجو للشط ومن ظمنهم صاحباتها وهلهن وامها وفيصل حتي هو جا
سعاد تبكي واتعيط:حي عليا بنتي الله ايربحكم ديرو حل طلعوها
رانيا تبكي واتعيط:وووه عليا انقذوها
رويدة كان جنبها فيصل قعدت تمسك فيه وتبكي:ارجوك ارجوك اصرف طلعها
فيصل:وين فريق الانقاذ
مدير المصيف:توا طلعو هذا غلطي خليتهم يطلعو مع بعضهم
مدير المصيف:عارف المسافة بعيدة لو سمحتو اللي يعرف ايعوم ايخش ينقذها
مافيش حد رد
فيصل:سراج انت تعرف اتعوم خش انقذها
سراج متشمت فيها;مانيش ناقذها خليها اتموت تستاهل
فيصل:بلاش حقارة اعتبرها مش هي خدمة انسانية يابارد
سراج:كان لازمتك نقذتها خش انت
فيصل:بلا حقارة عارف اني مانعرفش المسافة هذي كلها
ام سندس تبكي ومعش تحملت اتشوف بنتها قدامها تغرق وزقبت في البحر بتمشي تنقذها وهي ماعمرها عامت مسكينة قعدو الناس اتكر فيها وهي اتعيط وتندب
سعاد:حرام عليكم انفذوها بنتي قاعدة اتموت قدامي حي علي ووووووه ووووه
وصاحباتها يبكن وماحد عارف ايدير شيئ
سلح سراج تيشرته وزقب في البحر وخش خش واجد لان المسافة بعيده والبحر زاد كرها بعيد اخرى لين وصل فيها وطلعها عالشط وقعدو الناس ايصفقوله بس كانت شبه ميته شاربة ميت بحر واااجدة
امها نزلت عليها وتبكي واتخبط فيها بس سندس مااتردش
رانيا تبكي:هيا ناخذوها للمستشفى ?
بات رانيا:هي هي شيلوها ياشباب وانا انجيب السيارة هنا
رويدة تبكي:لازم اتنفس لو شلتوها هكي حتموت في الطريق ?
سعاد:حي عليا يارب يارب ماتاخذها مني
سراج يحكي الرانيا:ديريلها تنفس صناعي
رانيا تبكي:مانعرفش مانعرفش لو تعرف ارجوك ساعدنا مستحيل حتوصل حية للمستشفى?
سراج بينه وبين نفسه:يارب اتموت الحقيرة هذي
فيصل:كمل جميلك وديرلها تنفس صناعي بالك تنقذها وتقعد بطل قدامهم
نزل سراج عليها وهو قريب ايموت كارها ومايبيش يلمسها وفتح فمها وقرب منها وحط فمه علي فمها وقعد ينفخ فيه
معاذ جا يجري بعد سمع ان فيه وحده غارقة وانصدم لما شاف رويدة وكيف تبكي ومنهارة
معاذ بخوف;رويدة كنك تعرفيها اللي غرقت
رويدة:دوسة صاحبتي هي اللي غرقت خايفة ايصرلها شيء
معاذ:لالا ان شاءلله لا
معاذ بصوت عالي:سيارتي والعة وقريبة هيا انشيلوها للمستشفى مااتخلوهش هكي
فيصل:صاحبي ايديرلها في تنفس صناعي ان شاءلله حتوعى
معاذ’:اهدي رويدة ان شاءلله حتقعد كويسة
رويدة تبكي:كان ايصبرلها شيئ انا انموت
بعد اشوي سندس قعدت اتكح واطلع في المية اللي خشتلها
سندس:كح كح وهوب فطنت السراج اللي كان حاطة فمه علي فمها
سندس عطاته كف:انت شن درت يامقزز يامقرف اع اع تف وقعدت اتف
امها حظنتها وقعدت تبكي
سراج صبي وهو غامتله وتحشم يحكي قدام امها وقعد يحكي الفيصل:خزي اخسارة فيها الخير هذا جزاتي ياريتني ماسمعت كلامك وخليتها اتموت
فيصل:فوتها هذي وحدة مريضة انت درت اللي عليك
سراج غامتلة:هالحقيرة بدل ماتشكرني اني نقذتها مش عارف حتي انا انتبع فيك ماحصلت الا الإهانة
فيصل:تي اي اهانة شوف كيف قعدت البطل قدام البنات كلهن وكيف ايبحتن ويبتسملك والعرب كلها تشكر فيك انت الوحيد اجرأت وخشيت هذي بروحها مكسب اليوم تقعد في الدلع للصبح
سراج ضحك;والله جبتها ياطيري اهو حصلنا من وراها مصلحة وشهرة
فيصل:باهي اللي مارديت عليها بعد ضرباتك كان هذا راه خسرت الشهرة هذي
سراج;قبل بنكرها وانردها اتموت في البحر اخرى لكن تحشمت من امها اللي قريب ماتت عليها وجعني حالها
فيصل يضحك:ياطيب انت
سراج;باهي بلا برادة وخلينا نمشو للشاليه بندوش وانغير ادبشي وبنغسل فمي بجميع انواع المطهرات من هالمتلوثة وقعد يمسح في شفايفة بيده
فيصل يضحك:عساس ماكنت ميت وبتبوسها اهي جاتك الفرصة لعندك
سراج:وعليش بنموت عليها وحدة تافهة زي هذي اهن البنات عرم
فيصل:عارف البنات عرم بس هذي الوحيدة اللي ماطاوعاتك وماعطاتك وجه
سراج:والله كان انحطها في راسي انجيبها غير انا اللي مانبيش وحدة مريضة ومطرشقة زيها شايفة روحها عالفاضي لا شكل ولا اسلوب
فيصل:اسلوب صح ماعندهش بش شكل حرام عليك البنت صاروووخ
سراج:صاروخ ان شاءلله ايتفجر فيك ياللي ماعندك ذوق هذي سمحة ذوقك قعد ازبالة ومشى وسيبه
خش سراج للشاليه وخش ايدوش
“”
سندس فطنت الروحها وقعدت حاظنة امها زين وهي ترعش
بات رانيا:هي بنيتي خلينا نمشو نطمنو عليك في المستشفى
سندس:لالا ياعمو انا قعدت كويسة
سعاد:خلينا نطمنو عليك شوفي كيف ترعشي
معاذ:لازم من دكتور ايشوفك
سندس:لالا انا كويسة بس مصقعة اندفي روحي ونقعد تمام
وعندت سندس ومابتش اتبعهم وتمشي للمستشفى ووخذوها للشاليه وخشت وكان معاهم معاذ
معاذ بعد وصلو للشاليه يحكي البات رانيا
معاذ:الحمدلله علي سلامتها ولو احتجتو الاي شيئ او مستشفى انا قاعد
بات رانيا:منور بارك الله فيك
معاذ:ومعليش عاللي صار والله اول مرة اتصير في المصيف وانا توا انحاسبهم فريق الانقاذ علي طلعتهم مع بعضهم
بات رانيا:شورك المصيف
معاذ:شوري بس انا مانفضش واجد واليوم كيف جيت هنا ومنبه اكثر من مرة علي فريق الانقاذ ان ماياخذش اجازة لكن توا نصرف معاهم كلهم
بات رانيا:معليش حصل خير هالمرة ربي جابها سليمة بس لازم تاخذو حذركم مرة اخرى لاقدر الله
معاذ:لا ان شاءلله معش اتكرر واسمحولي مرة اخرى
بات رانيا:ولا ايهمك وبارك الله فيك
وعدى معاذ وكان مقرر ايعاقب فريق الانقاذ علي تسييبتهم للمصيف
”
سندس خشت دوشت بمية ساخنة ولبست بيجامتها وخشت عالسرير وتغطت وكانت جنبها امها وحظنتها وصحباتها مقمعزات عالسرير وسمية وعالية مقمعزات علي كرسي في الدار
رانيا:يانا عليا قلبي كان بيوقف حي كان صارتلك حاجة راه متت
رويدة تبكي:حتى انا كان صارتلك حاجة راه متت
سندس:عليك كذب فيكن
سعاد ضربتها:تحشي ياجالطة قبل ماتن عليك وانتي اتقولي كذب
سندس:اي بشويش توا وانتي اتعيطي عليا حلك ضربتيني
سعاد:من السانك اللي متبري منك
رانيا ورويدة يضحكن عليها
سمية:مينتك قريب انخلعت عليك
سعاد:بنيتي الوحيدة والله كان صارلها شي راه طرشقت
عالية:بعيد السو عليكن انتن الاثنين الحمدلله علي سلامتها باهي اللي ربي ماقهرنا فيها
سمية:الحمدلله بارك الله فيه الشاب اللي نقذها لولاه راه ماتت
سندس خطر عليها الموقف وقعدت تمسح في فمها:المقرف المقزز ليش اتخلوه يقرب مني
سعاد:هو اللي انقذك ودارلك تنفس
سندس:كان خليتوني انموت ارجلي ماواحد زيه يلمسني سعاد;تحشمي بدل ماتمشي تشكريه ان انقذك تحكي هكي ياللي مااتحشمي
سندس:شنو شنو انا نشكر واحد زيه هالبارد هذا
سعاد;كنك تحكي عليه هكي اتقول تعرفيه
رانيا:اصلا مبدري تعاركت معاه
سعاد:هذا عليش بلا دلع بنات وبعدين تمشي تشكريه وتعتذريله علي ضربتك له قدام الناس كلها لعند امتي بتقعد يدك طويلة بس
سندس:انموت ولا نعتذرله اصلا المفروض خليتوني انموت وهو مانقذني
سعاد:غصبن عنك تعتذريله ولا نمشي انا ونعتذرله ونشكره عاللي داره
سندس:لالا لا انا ولا انتي ريت هالحاجة الكبيرة اللي دارها
سعاد:حتي انا فاضية نحكي مع وحدة معندة زيك خليك هنا ومعش تمشي شور البحر
سندس:وانا عليش جاية وانتي بتحبسيني
سعاد:مش حابستك لكن لين تقعدي كويسة تطلعي
سندس:باهي انا جيعانة حتي غدا ماتغديت
رانيا:وبالك نحن تغدينا
سمية:خلنكن معاها هنا انوتو غدا وانتغدو كلنا مع بعضنا وطلعن امهاتهن
سندس:يامسخات ياتافهات كيف اتخلني يلمسني
رانيا:كنتي بتموتي ياكلبة شن بنديرو
سندس:وحدة منكن اديرلي تنفس لازم هو
رويدة:نحن شن عرفنا اتحقي فينا كل يوم غارق واحد قدامنا
رانيا:كنا نرعشو ونبكو وخايفين عليك حتى تفكير مافكرنا ماصدقنا واحد جا بينقذك
سندس:من بختي الاسود ماجا غير هالحيوان المصيف كان معبى ماالقيتو غير هذا
رويدة:هو الوحيد اللي تبرع بينقذك
رانيا:المفروض توا تمشي تشكريه وتعتذري عالكف اللي ضربتيه
سندس:كان ماتسكتي ايجيك كف زيه ينعن جد نعتذر منه ونشكره انموت ولا انديرها
رويدة:صح بينكم مواقف وعرايك بس هالمرة هو نقذ حياتك يعني اقل شيئ اتقوليله شكرا
سندس:المفروض مش نشكره المفروض نقتله عاللي داره وقرب مني اع كل مانذكر الموقف نقعد بنرجع وصبت
رانيا:تي وين ماشية يامطرشقة
رويدة:دوسة ذوق اكيدة ماشية بتشكره وتعتذر منه
سندس:نعتذر عينك ماشية نغسل فمي باي مطهر نلقاه هالمقزز كرهني في روحي وطلعت
رانيا ورويدة يضحكن عليها بعد 5دقايق جت وهي تمسح في فمها بالمنشف زييين
رانيا:هي خلاص طيرتي فمك
سندس:ياريته ايحول راه حولته ولا قاعدة متقززة منه هكي
رويدة:خلاص غسلتي معش فيك شي بلا طروح
سندس:مش فاهمات كل مانذكر اللقطة تزعم كبدي ?
رانيا:عليك طروح وحدة اتقزز من واحد طرررف زي هذا
سندس عزقت فيها المنشف:ياصايعة ياعوبة عدي بوسيه انتي كان عاجبك
رانيا تضحك:مغير مرتبطة كان مش مرتبطة راه عادي
سندس صبتلها وقعدت تضرب فيها
سندس تضرب:ياصايعة ياللي مااتحشمي عن مرض ياسخيفة
رانيا تضحك:اي ياباردة يدك واعرة انبصر والله انبصر
رويدة:تستاهلي ياقليلة الادب ومازال هذا كله عند رؤوف مع رنت فون رويدة وسندس ورانيا مازال يضاربن
رويدة بصوت عالي:اس اس اشوية
سندس:تي كنك دا
رويدة:معاذ معاذ ايرن
رانيا:ردي اكيدة بيطمن عليك بعد شاف بكاك مبدري
سندس تضحك:مصائب قوم عند قوم فوائد
رويدة ضربتها:دا حتى وهي مريضة ماناسية القريضة
رانيا:ردي عالراجل مش وقت امثالك توا
رويدة احم احم اتسقم في صوتها وردت ?
رويدة:ايوا
معاذ:خير رويدة شن اخبارك
رويدة:الحمدلله كويسة
معاذ:شن اخبار سندس كويسة توا
رويدة:الحمدلله كويسة خير من مبدري☺
رانيا اتوشوشلها:قعدت الا تضرب فينا
رويدة دقتها وحطت صبعها علي فمها بمعني اسكتي?????
معاذ:باهي الحمدلله وانتي توا كويسة مبدري شفتك كيف تبكي عليها صح ديما انشوف فيكن مع بعضكن بس ماتخيلتك اتحبيها للدرجة هذي
رويدة:يانا عليا هذينا صاحباتي وكيف خواتي بزبط لو كان اتسيرلهن حاجة انموت بعدهن
معاذ:بعيد السو عليك وعليهن
معاذ:بس تفاجأت لما شفتك هنا امس حكيت معاك عالفيس ماقلتيلي ماشية للبحر
رويدة:حكينا عالامتحان وهكي وانت ماسألتني ولا انا سألتك حتي انت ماحكيتش اصلا انك ماشي للبحر
معاذ:انا شبه يومي هنا
رويدة رفعة حاجبها:عليش شبه يومي للدرجة هذي اتحب البحر
معاذ:لا مش هكي بس المصيف شورنا وانا لازم انجي ديما عشان انتابع الشغل لكن اللي صار اليوم والله ماعمره صار وانبه فيهم ديما فريق الانقاذ لكن مش انا عاطيهم الاذن المدير بس والله درتلهم اللازم وان شاءلله معش ايتكرر
رويدة:ان شاءلله/بس اول مرة نعرف ان عندكم مصيف
معاذ:مافيش مرة جت فرصة نحكيلك بس اغلب القسم عارفين وديما لما بيمشو للبحر انا نحجزلهم من هنا
رويدة:اها انا ماعمريش سمعتها
معاذ;اهو سمعتيها توا ولو قعدتو مرة اخرى تبو البحر قوليلي ونجحزلكم هنا دغري من غير ماتتعبو واتجو
رويدة:ان شاءلله
معاذ:سلميلي علي سندس وقوليلها الحمدلله علي سلامتها
رويدة:يوصل
معاذ:تبي حاجة اتوصي علي حاجة
رويدة:سلامتك
معاذ:اوكي وسكر
رويدة طاحت عالسرير:ايهبل ايهبل يابنات عليك شخصية وعليك صوت
سندس:غير بشوية علي روحك مش للدرجة هذي عاد
رانيا:لا في هذي صدقت سادك غير عيونه اتقول بحر وطاحت جنب رويدة
سندس قرصتها:وانتي وين متمقلتيهن عيونه عن مرض لا انتي اليوم مدرعنك كنك
رويدة صبت:هذا كله عشان رؤوف ماجشش
رانيا:خزي هالبارد هو خلاني نقعد انبحت فيهم كلهم عشان مش قاعد
سندس:دا يعني مااتبحتيش من قبل عشان هو قاعد تي انتي شكلك تبيلك ترباية من جديد وقعد تضرب فيها ورانيا تضحك ورويدة اتحز عليها
”
عند سراج دوش وغير ادبشه ولبس شورت راب بيج وتيشرت اخضر ونظاراته وقمعزو هو وفيصل عالطاولة قدام الشاليه
”
امهاتهن قاعدات ايوتن في الغداء مع خشت ولية عليهن ام فيصل:السلام عليكم
كلهن;وعليكم السلام
ام فيصل;وين ام البنية اللي غرقت
سعاد:انا تفضلي
ام فيصل:الحمدلله علي سلامتها توا حكالي ولدي عاللي صار وقالي جنبنا قلت انجي انشوفها وانحمد الامها علي سلامتها ونسأل عليها توا
سعاد:الله ايسلمك لا توا الحمدلله كويسة وخشت اتريح جوا
ام فيصل:باهي الحمدلله ربي طمنك عليها
سعاد:الحمدلله ربي ماقهرني فيها راس بنية مانحلف الا بيها
ام فيصل:ربي ايخليها لكي
سعاد;ان شاءلله وليدك هو اللي نقذها
ام فيصل:لالا صاحبه
سعاد;وهو قاعد معاكم توا
ام فيصل:سيبته هو وفيصل ولدي مقمعزين قدام الشاليه
سعاد:باهي خوذيني له عشان نشكره
ام فيصل:هيا وعدن وجن للشاليه وكانو هما مقمعزين
ام فيصل:اهو البطل اللي نقذ بنتك
سعاد سلمت عليه:شكرا ياوليدي عاللي درته بارك الله فيك
سراج:ماتشكريني ياعمتي هذا واجبي
سعاد:ومعليش عاللي داراته بنيتي مغير كانت خايفة وانفجعت بعد لقاتك قدامها ومعش عرفت تصرف
سراج بينه وبين عقله:بنتك معاقة ومتخلقة لا خافت لا شيئ ياريتني خليتها اتموت
سراج:لا عارف ياعمتي اكيدة خايفة ومنفجعة مقدر ظرفها
فيصل جنبه وحاط يده علي فمه ويضحك عالادب اللي نزل عليه ?
سعاد:بارك الله فيك وربي ايكثر من امثالك ومشت للشاليه امتاعهم
فيصل ميت ضحك:ماعرفتكش يانصي عليك ادب نزل عليك بس والله ماشي معاك دور المؤدب
سراج:باهي باهي خلاص وانت تسهوك شن بندير ولية كبر امي شن تبيني نسهوك زيك
فيصل يضحك:اووف يا لا محترم محترم يعني تي اطلع منهن الابواب هذينا مش ماشي معاك جو الاحترام
سراج:سكره القراج اللي فاتحة راه انكسرلك اسنونك
فيصل:صار هذا واجبي ياعمتي مسكينة ماتندري انك ماقبل حوتك رضيت تنقذها لين طمعناك تقعد بطل ?
سراج:وياريتني مانقذتها هالحقيرة ماحصلت منها الا كف وامها اتقول انفجعت تي هي قليلة ذوق بدون فجعة
فيصل يضحك:بس امها مش زيها بكل
سراج:امها ذووق لكن هي خزي حسني خاطري نقتلها
فيصل;وسع بالك وخلينا انعدو انشوفو ريان وروان
سراج:هي حسني رايفت عليها الجالطة هذي ومشو للبحر
“”
مشى اليوم عادي بككل سراج وفيصل عالشط مع روان وريان فيصل كان ايعوم معاهن بس سراج كملها عالشط ومغير اينابش في كل وحدة مخطمة
اما سندس والبنات كملنها في الدار مابين ضحك وجو سمح ومابنش ايخلنها تطلع خايفات عليها
لعند جا الليل وجا وقت العشاء وقررو يشوو تبلو اللحم وولعو النار وحطو الطماطم والفلفل ومستلزمات الصلاة في النار وبدا بات رويدة يشوي
اما البنات طلعن وقمعزن جنب بعضهن وقعدن ايخرفن
(سندس كانت لابسة فستان طويل ابيض ومخصر بسير اخضر وعليه جاكة خضرا ووشاح بيج ورانيا نفس فستانها اللي في الصبح اما رويدة لابسة بلوزة بيضا وعليها جينز خفيف وردي ووشاح ليكرا كحلي)
هنا ايخرفن ومنسجمات وامهاتهم حتي هنا مقمعزات وايخرفن والرجالة يشووو وفجأة ومن غير مقدمات
رؤوف:السلام عليكم
الكل بصدمة:وعليكم السلام
بات رويدة:مش عساس عندك امتحان مش جاي
رؤوف:قعدت امس واليوم كله نقرا لين كملت عشان انجيكم وبحت في رانيا وغمزلها
رانيا ابتسمت وطبست راسها
سندس:ياشريني مؤدبة شن رايك انصبي نحكيله علي كل حاجة درتيها اليوم
رانيا قرصتها:هذي الصحبة ياحقيرة
رويدة:لا هالمرة سماح مش حنقولو بس مرة اخرى مافيش الا بصاصة
رانيا:منورات انصبولكن في الافراح وقعدن يضحكن
”
سراج وفيصل جابو روان وريان وجو للشاليه وبدو ايوتو للشواية حتي هما قدام الشاليه
فيصل:تشوي انت يانصي
سراج:تي فوتني بكل مش شوري الجو هذا
فيصل:ينعن جد تنبلتك بكل خلاص توا نشوي انا وانت وتيلي الصلاطة
سراج:ماتعرفش اتفوتني عششت راك مش داير شيء ام فيصل:خليه متريح سراج مش واخذ عالجو هذا ولا يعرف توا انديرها انا
سراج;سمعت كلام الناس اللي تفهم تعلم منها سلم اوليدي
فيصل:خزي تنبال
روان ضرباته بكراعها:معش اتقول السراج خزي
فيصل:ينعن شكلك انا خوك مش هو
روان:لا هو خويا وبضعتله
فيصل جاها وبيضربها سراج مسكها
فيصل:حول هذي تبي ترباية من جديد
سراج:وحق ربي تقربها انحطك في النار اللي وراك
روان تضحك
فيصل;والله خربت علينا البنت
سراج:حل ترا
(اللي خاطرها تعرف روان وريان كم عمرهن عمرهن 11سنة)
وقعد فيصل يشوي والمكان اللي يشوي فيه فيصل مصادر المكان اللي مقمعزة فيه سندس
سندس:تي قمعزي توا يفطنولك
رانيا:بلا حركات دزلي رسالة بيشوفني عالسريع والله ماانطول نشكره علي جيته بس بلا صماطة عاد جاي عشاني وزر علي روحه في القراية عشان ايجي
رويدة:عالسريع سندس كان مامشتله تقعد قليلة ذوق عاد متعب روحه وجاي عشانها
سندس:حيفطنولها وتقعد قصة يابنات
رويدة:ماعليك انا انخش معاها جوا ونطلعوله من عند الباب امتاع المطبخ هو قاعد ورا الشاليه
سندس:ضامنات ماحد يفطن
رويدة:وعد ماحد يغطن ولما اتخش معايا جوا ماحد حيركز فينا اصلا
سندس:اسمعن 5دقايق اطولن والله نطلع عليكن بعصا انشلطكن
رانيا تضحك:خلاص5دقايق بس ياامي
سندس:باهي باهي صبي خير ماانغير راي
وصبن رويدة ورانيا خشن للشاليه ورويدة قعدت في المطبخ ورانيا طلعت الرؤوف برا
رؤوف:اهلا اهلا برنوشة قبل نحسابك ماتبي اتجي
رانيا ابتسمت:سندس ماقبل حوتها خلتني انصبي قالت يفطنولكن وبعدين قالتلي 5دقايق واتجي
رؤوف:ياساتر صح معاها الحق حتى انا مش مطول معاك بس ها قوليلي رضيتي عليا ياشينة
رانيا ابتسمت:اها خلاص راضية عليك
رؤوف:والله عشانك ماسيبت الشيتات ولا لحظة قلت انكمل بسرعة عشان نلحقكم
رانيا:نجك ليا
رؤوف:باهي مافيش بوسة شكر عشان الانجاز اللي درته
رانيا فنصت عيونها:شنوو
رؤوف يضحك:يامطرشقة بوسة علي خدي هنا وايأشر علي خده
رانيا:لالا عيب ?
رؤوف:زعلت منك معقولة انا اندير هكي عشانك وانتي تبيش تشكريني
رانيا:خلاص بوسة علي خدك وبعدها انخش
رؤوف:باهي
رانيا قربت وباساته علي خده عالسريع وبعدها قعد وجها حمر ورقت عليها الحرارة?
رؤوف:ياساتر ياساتر هذا كله من بوسة عالخد امالا كان قتلك بوسيني علي شفايفي شن اديري
رانيا شهقت:تحشم ياسخيف وخشت تجري
رؤوف قعد يضحك:مطرشقة وحق ربي
وخشت علي رويدة وهي ترعش
رويدة مفجوعة:رنوشة كنك
رانيا حطت ايديها علي وجها:خوك السخيف
رويدة شهقت:طاح سعده شن دارلك
رانيا حكتلها عاللي صار
رويدة:عليك تكبير اشورخ هذا كله علي بوسة عالخد عن مرض امالا كان جوزتو شن اديري حتموتي
رانيا:توا تخيلي الكلام هذا حاكيه لكي معاذ شن اديري
رويدة:معاذ كان يلمس ايدي اندوخ
رانيا:ها شفتي الكلام اللي نحكوه البعضنا عادي لكن لما يقعد فعل ومع واحد اتحبيه اتحسي بنار زيي انا توا
رويدة:صراحة ماعمريش جربته الشعور هذا لكن تخيلته مع معاذ لنقنها صعبة
رانيا:هي راك اتقوليها السندس تقتلني انا وياك
رويدة;اتحقي فيا هبلة انقولللها احتمال اتحطنا بدال الشواية ?اسمعي اغسلي وجك واهدي عشان مااتشك في شيء
رانيا:باهي وغسلت وجها وطلعت وجن قمعزن جنب سندس
سندس:كنككن اتقول داسات حاجة
رويدة:شن بندسو يعني
سندس:مدرعنكن هابا عليكن مافيكن ثقة بكل بحتي الحقيرة اللي جنبك وجها كيف حمر
رويدة:هذي ياحنة غازلها رؤوف اشوي انحرجت وطلعت تجري
سندس:باهي ان شاءلله يقعد غير غزل(مش قلتلكن ذكية ومايمشي عليها شيء?)
“”
فيصل فونه ايرن
فيصل:تعال يانصي خليك جنب الشواية جاني تليفون مهم انكمل وانجي
سراج:مبرد والله دمك مش وقتك بكل وجا وقمعز في مكان فيصل
وهو بحت قدامه وسندس في نفس اللحظة بحتت
سندس وسراج;اووووف عليك دراه
هو لف وجه وهي صبت
رانيا;وين ماشية
سندس:بحتي البارد صادرني بنمشي انكسد عالبحر تمشن معايا
رانيا:انا مانقدرش رؤوف جا انتحرك ايقصلي كرعي
سندس:خزي خوافة
رويدة:حنمشي معاك انا وصبت
ام رويدة:دودي تعالي ديري معاي الصلاطة
رويدة:اسمعي عدي انكمل مع ماما ونلحقك
سندس:تمام وعدت وقمعزت عالشط وحطت سماعات في ذانها وقعدت تسمع في اغاني
“”
سراج لا يعرف يشوي لا شيئ درهت كبده سيب الشواية وصبي ودها تنحرق ودها اطيب ماقلتلكم مستهتر ? وفيصل بعد حقه صبى جا ايكمل في الشواية وسراج مشى للشط وماكان عارف سندس غادي
“”
سندس تسمع في اغاني وهايمة واتغني وفاطنات بعد تعلق السماعات صوتك يقعد عالي من غير ماتفطن
سندس اتغني;#جيتك_يابحر_قلبي_عامر_حكاي
قمعز حد جنبها
الشاب:سلامت قلبك مالدمار
سندس انتبهت الحد وتحسابها رويدة وحولت السماعات
سندس لفت;باهي اللي جيتي ياحنة وانصدمت لما شفاته شاب
سندس بصوت عالي:هو هو انت من صبي من حذايا
الشاب:والله مالصبح انشوف فيك وعجبتيني الحق وشكلي انا اللي عطيتها لكي لين غرقتي اصلا عيوني ماحولتهن من عليك
سندس:وانا شن دخلني بعيونك تقدر تنتلف من جنبي احسنلك
الشاب:اسمعيني يابنت الناس ماصدقت سيبتي هلك وجيتي بروحك حاب انتعرف علي والله لا كساد لا لعب عجبتيني وبنجيب هلي دغري
سندس:ان شاءلله يعجب بيك عزرائل قول امين تي صبي احسن مااتشوف شيئ مايعجبك
الشاب:انشاءلله يعجب بيا عزرائل تقعد احلي حاجة عشان تقعد دعوة منك وانا اي حاجة منك متقبلها وابتسم
سندس بحتت فيه بإشمإزاز:وووه مبرد دمك انا اللي فاضية مازلت نحكي معاك ووخذت رملة عزقتها في وجه وصبت وماشية شور الشاليه خطمت علي سراج وهو عالشط وكان شايفها وهي مقمعزة مع الشاب
سراج يضحك ومطبس راسه:شكلك تعاركتي مع الحب
سندس وقفت;وانت شن دخلك ماناقصنيي الا انت تلحقني عليك قلة كرامة فيك وجت بتمشي
سراج مسك يدها:انتي ديما هكي قليلة ذوق بعد اللي درته لكي امبدري ومازال تطلقي في السانك
سندس اتحاول اتفك يدها وماقدرت:وشن درتلي حظرتك عشان نحكي معاك بذوق
سراج;انا نقذت حياتك بدل ماتشكريني وتعتذري عاللي درتيه مبدري تطلقي في السانك
سندس تضحك:ارقد واحلم اني نشكرك ونعتذرلك لان في الواقع مستحيل انديرها وكرت يدها منه ومشت
سراج:ياريتني خليتك اتموتي
سندس لفت عليه:ماقالك حد انقذني هذي القاقة منك وعدت
سراج زر اسنونه زين علي بعضهن من كثر ماعقداته
سراج:عليك جلاطة وقلة ادب هالحيوانة انا اللي لقاق عشان نقذتها كله منك يافيصل الكلب هو اللي قعد ايقول انقذها كان عليا كنت فرحان ونبيها اتموت ومشى قمعز عالشط
“”
بعد اشوي طابن الشوايات امتاع العيلتين وكلهم تعشو وجوهم تمام
“”
عند الساعة 10 في الليل
بات رانيا:كان اديرولنا قهيوة واتخلونا نشروبها عالشط
بات رويدة:اتقول متجوزين عزايز مامشن للبحر بكل تي هيا خلنا انحقو نعمة ربي وانتفرجو عالبحر
رؤوف:عالشط دايرين كشافات وطاولات وجو سمح راه
عالية:خلاص توا انوتو قهيوة ودايرة سعاد بسبوسة ونمشو نشربوها غادي
بات رانيا:خلاص نحن نسبقوكم وانتن وتن والحقنا
الرجالة عدو للشط وقمعزو غادي والبنات وامهاتهن وتن القهوة ولحقنهن ولما جن غادي لقو حتى ام فيصل وفيصل وسراج وروان وريان مقمعزين غادي ولقن فيصل مقمعز عالطاولة اللي عليها بات رانيا وبات رويدة
اما سراج هو وروان مكسدين برواحهم علي طاولة وريان وامها قاعدات علي طاولة بروحهن
كلمنهن الصبايا وجت ام فيصل وريان قمعزن معاهن وقعدن ايخرفن وايهدرزن
اما رانيا ورؤوف استغلو ان الكل منشغلين في التخريف وقمعزو عالشط وياشريني بعيد من بعضهم عشان مايفطنلهم حد وايتبادلو في النظرات وكلمات الغزل وهايمين ??
سندس:خزي الصايعة حقيها وين قاعدة
رويدة:بلا برادة قاعدين قدامنا ماايديرو في شيء خليهم ايخرفو اشوي
سندس:خليها توا وبعد انخشو احسابها معايا
رويدة اتبعبش في فونها:اها
سندس:وانتي عن مرض مع من تحكي
رويدة:معاذ?
سندس:خزي ياللي مااتحشمن انا اللي فاضية قاعدة معاكن وصبت
رويدة:وين ماشية
سندس:في ستين داعية مادخلكش ومشت للشاليه بتجيب فونها عشان كسدت وتبي اتولع اغاني
فطنلها سراج ولحقها
#يتبع
قولكن عليش سراج لحقها وشن يبي منها وهل حينتقم منها او شن في عقله بزبط وشن ردت فعل سندس لما اتحقه كله حنعرفوه في حلقة بكرا ☺
أسفة لو فيه لخبطة في الأسماء واكيد رأيكن ايهمني ?
گـتـابـتـي Koka Saleh
الـحـلـقـة (4)
وعدن البنات وعدى فيصل وقعدت ساحة المعركة فاضية السندس وسراج
سراج بصوت عالي:البحر سمح لولا هالاشكال الكريهة اللي قاعدين عليه
سندس بصوت عالي:مع اني قاعدة عالبحر لكن نسمع في صوت كلب ينبح جنبي
سراج فنص عيونه زين وبصوت عالي:لازم اتشوفي دكتور نفسي اصلا تهيالك في حاجات مافيش ومستحيل ايصيرن مسكينة ربي ايعينك
سندس بصوت عالي:مامسكين الا انت يامهزب ياحيوان ياللي مش متربي
سراج بصوت عالي:لا بالك انتي اللي متربية ياجالطة مغير اقعدي انتي مؤدبة قبل وبعدها احكي عاالادب
سندس بصوت اعلى:هه اخر شخص يحكي عالادب انت يامهزب توا معقولة بنت اتهزب فيك ومازال تلحق فيها عليك قلة كرامة عندك
سراج بصوت أعلى:انا نلحقك انتي مش قتلك مريضة وتوهمي في روحك بحاجات مافيش يامطرشقة يامتخلفة
الناس فطنولهم وقعدو ايبحتو فيهم
سندس:مافيش واحد مطرشق وانت حي
سراج بصوت عاااالي:تعرفي اتسكري فمك ولا انجي انسكره بطريقتي
سندس بصوت عااالي:لو راجل قرب مني وبحت شن انديرلك
سراج صبالها وهي صبتله وفي لحظة هما الاثنين فطنو كيف الناس التمت واتبحت فيهم ويضحكو عليهم سراج انحرج رد للطاولة وولع دخان وقعد ايدخن وسندس انحرجت وخشت للبحر بتعوم
سندس اتعوم واتهزب:هالبارد المهزب يارب تولع فيه النار انحقه وهو متشفشف قدامي الحيوان الحقير هذا
سراج ايدخن وايهزب:هالتافهة انا نلحق وحدة غجرية زيها جالطة قليلة ادب انشاءلله تغرقي ونفتك من وجك
بعد 5دقايق
اصحاب المصيف كانو مدايرين مسافة معينة للعوم ومحذرين حد يهلبها سندس من كثر ماكانت معصبة هلبتها وقعد البحر ايكر فيها جوا فطننلها البنات اللي كانت اتعوم معاهن وقعدن ايعيطن
سراج شافهن وعرفها غرقت فرح
سراج ايتنطر وفرحان;غرقت غرقت انشاءلله اتموتي ?
قعدو الناس ايكلمو في اصحاب المصيف عشان ينقذوها بس شباب الانقاذ ماكانو قاعدين ومافيش حد جاته جراءة ان ايعوم للمكان اللي فيه سندس كلهم خافو
الناس كلها سمعت العياط والهرجة وطلعو وجو للشط ومن ظمنهم صاحباتها وهلهن وامها وفيصل حتي هو جا
سعاد تبكي واتعيط:حي عليا بنتي الله ايربحكم ديرو حل طلعوها
رانيا تبكي واتعيط:وووه عليا انقذوها
رويدة كان جنبها فيصل قعدت تمسك فيه وتبكي:ارجوك ارجوك اصرف طلعها
فيصل:وين فريق الانقاذ
مدير المصيف:توا طلعو هذا غلطي خليتهم يطلعو مع بعضهم
مدير المصيف:عارف المسافة بعيدة لو سمحتو اللي يعرف ايعوم ايخش ينقذها
مافيش حد رد
فيصل:سراج انت تعرف اتعوم خش انقذها
سراج متشمت فيها;مانيش ناقذها خليها اتموت تستاهل
فيصل:بلاش حقارة اعتبرها مش هي خدمة انسانية يابارد
سراج:كان لازمتك نقذتها خش انت
فيصل:بلا حقارة عارف اني مانعرفش المسافة هذي كلها
ام سندس تبكي ومعش تحملت اتشوف بنتها قدامها تغرق وزقبت في البحر بتمشي تنقذها وهي ماعمرها عامت مسكينة قعدو الناس اتكر فيها وهي اتعيط وتندب
سعاد:حرام عليكم انفذوها بنتي قاعدة اتموت قدامي حي علي ووووووه ووووه
وصاحباتها يبكن وماحد عارف ايدير شيئ
سلح سراج تيشرته وزقب في البحر وخش خش واجد لان المسافة بعيده والبحر زاد كرها بعيد اخرى لين وصل فيها وطلعها عالشط وقعدو الناس ايصفقوله بس كانت شبه ميته شاربة ميت بحر واااجدة
امها نزلت عليها وتبكي واتخبط فيها بس سندس مااتردش
رانيا تبكي:هيا ناخذوها للمستشفى ?
بات رانيا:هي هي شيلوها ياشباب وانا انجيب السيارة هنا
رويدة تبكي:لازم اتنفس لو شلتوها هكي حتموت في الطريق ?
سعاد:حي عليا يارب يارب ماتاخذها مني
سراج يحكي الرانيا:ديريلها تنفس صناعي
رانيا تبكي:مانعرفش مانعرفش لو تعرف ارجوك ساعدنا مستحيل حتوصل حية للمستشفى?
سراج بينه وبين نفسه:يارب اتموت الحقيرة هذي
فيصل:كمل جميلك وديرلها تنفس صناعي بالك تنقذها وتقعد بطل قدامهم
نزل سراج عليها وهو قريب ايموت كارها ومايبيش يلمسها وفتح فمها وقرب منها وحط فمه علي فمها وقعد ينفخ فيه
معاذ جا يجري بعد سمع ان فيه وحده غارقة وانصدم لما شاف رويدة وكيف تبكي ومنهارة
معاذ بخوف;رويدة كنك تعرفيها اللي غرقت
رويدة:دوسة صاحبتي هي اللي غرقت خايفة ايصرلها شيء
معاذ:لالا ان شاءلله لا
معاذ بصوت عالي:سيارتي والعة وقريبة هيا انشيلوها للمستشفى مااتخلوهش هكي
فيصل:صاحبي ايديرلها في تنفس صناعي ان شاءلله حتوعى
معاذ’:اهدي رويدة ان شاءلله حتقعد كويسة
رويدة تبكي:كان ايصبرلها شيئ انا انموت
بعد اشوي سندس قعدت اتكح واطلع في المية اللي خشتلها
سندس:كح كح وهوب فطنت السراج اللي كان حاطة فمه علي فمها
سندس عطاته كف:انت شن درت يامقزز يامقرف اع اع تف وقعدت اتف
امها حظنتها وقعدت تبكي
سراج صبي وهو غامتله وتحشم يحكي قدام امها وقعد يحكي الفيصل:خزي اخسارة فيها الخير هذا جزاتي ياريتني ماسمعت كلامك وخليتها اتموت
فيصل:فوتها هذي وحدة مريضة انت درت اللي عليك
سراج غامتلة:هالحقيرة بدل ماتشكرني اني نقذتها مش عارف حتي انا انتبع فيك ماحصلت الا الإهانة
فيصل:تي اي اهانة شوف كيف قعدت البطل قدام البنات كلهن وكيف ايبحتن ويبتسملك والعرب كلها تشكر فيك انت الوحيد اجرأت وخشيت هذي بروحها مكسب اليوم تقعد في الدلع للصبح
سراج ضحك;والله جبتها ياطيري اهو حصلنا من وراها مصلحة وشهرة
فيصل:باهي اللي مارديت عليها بعد ضرباتك كان هذا راه خسرت الشهرة هذي
سراج;قبل بنكرها وانردها اتموت في البحر اخرى لكن تحشمت من امها اللي قريب ماتت عليها وجعني حالها
فيصل يضحك:ياطيب انت
سراج;باهي بلا برادة وخلينا نمشو للشاليه بندوش وانغير ادبشي وبنغسل فمي بجميع انواع المطهرات من هالمتلوثة وقعد يمسح في شفايفة بيده
فيصل يضحك:عساس ماكنت ميت وبتبوسها اهي جاتك الفرصة لعندك
سراج:وعليش بنموت عليها وحدة تافهة زي هذي اهن البنات عرم
فيصل:عارف البنات عرم بس هذي الوحيدة اللي ماطاوعاتك وماعطاتك وجه
سراج:والله كان انحطها في راسي انجيبها غير انا اللي مانبيش وحدة مريضة ومطرشقة زيها شايفة روحها عالفاضي لا شكل ولا اسلوب
فيصل:اسلوب صح ماعندهش بش شكل حرام عليك البنت صاروووخ
سراج:صاروخ ان شاءلله ايتفجر فيك ياللي ماعندك ذوق هذي سمحة ذوقك قعد ازبالة ومشى وسيبه
خش سراج للشاليه وخش ايدوش
“”
سندس فطنت الروحها وقعدت حاظنة امها زين وهي ترعش
بات رانيا:هي بنيتي خلينا نمشو نطمنو عليك في المستشفى
سندس:لالا ياعمو انا قعدت كويسة
سعاد:خلينا نطمنو عليك شوفي كيف ترعشي
معاذ:لازم من دكتور ايشوفك
سندس:لالا انا كويسة بس مصقعة اندفي روحي ونقعد تمام
وعندت سندس ومابتش اتبعهم وتمشي للمستشفى ووخذوها للشاليه وخشت وكان معاهم معاذ
معاذ بعد وصلو للشاليه يحكي البات رانيا
معاذ:الحمدلله علي سلامتها ولو احتجتو الاي شيئ او مستشفى انا قاعد
بات رانيا:منور بارك الله فيك
معاذ:ومعليش عاللي صار والله اول مرة اتصير في المصيف وانا توا انحاسبهم فريق الانقاذ علي طلعتهم مع بعضهم
بات رانيا:شورك المصيف
معاذ:شوري بس انا مانفضش واجد واليوم كيف جيت هنا ومنبه اكثر من مرة علي فريق الانقاذ ان ماياخذش اجازة لكن توا نصرف معاهم كلهم
بات رانيا:معليش حصل خير هالمرة ربي جابها سليمة بس لازم تاخذو حذركم مرة اخرى لاقدر الله
معاذ:لا ان شاءلله معش اتكرر واسمحولي مرة اخرى
بات رانيا:ولا ايهمك وبارك الله فيك
وعدى معاذ وكان مقرر ايعاقب فريق الانقاذ علي تسييبتهم للمصيف
”
سندس خشت دوشت بمية ساخنة ولبست بيجامتها وخشت عالسرير وتغطت وكانت جنبها امها وحظنتها وصحباتها مقمعزات عالسرير وسمية وعالية مقمعزات علي كرسي في الدار
رانيا:يانا عليا قلبي كان بيوقف حي كان صارتلك حاجة راه متت
رويدة تبكي:حتى انا كان صارتلك حاجة راه متت
سندس:عليك كذب فيكن
سعاد ضربتها:تحشي ياجالطة قبل ماتن عليك وانتي اتقولي كذب
سندس:اي بشويش توا وانتي اتعيطي عليا حلك ضربتيني
سعاد:من السانك اللي متبري منك
رانيا ورويدة يضحكن عليها
سمية:مينتك قريب انخلعت عليك
سعاد:بنيتي الوحيدة والله كان صارلها شي راه طرشقت
عالية:بعيد السو عليكن انتن الاثنين الحمدلله علي سلامتها باهي اللي ربي ماقهرنا فيها
سمية:الحمدلله بارك الله فيه الشاب اللي نقذها لولاه راه ماتت
سندس خطر عليها الموقف وقعدت تمسح في فمها:المقرف المقزز ليش اتخلوه يقرب مني
سعاد:هو اللي انقذك ودارلك تنفس
سندس:كان خليتوني انموت ارجلي ماواحد زيه يلمسني سعاد;تحشمي بدل ماتمشي تشكريه ان انقذك تحكي هكي ياللي مااتحشمي
سندس:شنو شنو انا نشكر واحد زيه هالبارد هذا
سعاد;كنك تحكي عليه هكي اتقول تعرفيه
رانيا:اصلا مبدري تعاركت معاه
سعاد:هذا عليش بلا دلع بنات وبعدين تمشي تشكريه وتعتذريله علي ضربتك له قدام الناس كلها لعند امتي بتقعد يدك طويلة بس
سندس:انموت ولا نعتذرله اصلا المفروض خليتوني انموت وهو مانقذني
سعاد:غصبن عنك تعتذريله ولا نمشي انا ونعتذرله ونشكره عاللي داره
سندس:لالا لا انا ولا انتي ريت هالحاجة الكبيرة اللي دارها
سعاد:حتي انا فاضية نحكي مع وحدة معندة زيك خليك هنا ومعش تمشي شور البحر
سندس:وانا عليش جاية وانتي بتحبسيني
سعاد:مش حابستك لكن لين تقعدي كويسة تطلعي
سندس:باهي انا جيعانة حتي غدا ماتغديت
رانيا:وبالك نحن تغدينا
سمية:خلنكن معاها هنا انوتو غدا وانتغدو كلنا مع بعضنا وطلعن امهاتهن
سندس:يامسخات ياتافهات كيف اتخلني يلمسني
رانيا:كنتي بتموتي ياكلبة شن بنديرو
سندس:وحدة منكن اديرلي تنفس لازم هو
رويدة:نحن شن عرفنا اتحقي فينا كل يوم غارق واحد قدامنا
رانيا:كنا نرعشو ونبكو وخايفين عليك حتى تفكير مافكرنا ماصدقنا واحد جا بينقذك
سندس:من بختي الاسود ماجا غير هالحيوان المصيف كان معبى ماالقيتو غير هذا
رويدة:هو الوحيد اللي تبرع بينقذك
رانيا:المفروض توا تمشي تشكريه وتعتذري عالكف اللي ضربتيه
سندس:كان ماتسكتي ايجيك كف زيه ينعن جد نعتذر منه ونشكره انموت ولا انديرها
رويدة:صح بينكم مواقف وعرايك بس هالمرة هو نقذ حياتك يعني اقل شيئ اتقوليله شكرا
سندس:المفروض مش نشكره المفروض نقتله عاللي داره وقرب مني اع كل مانذكر الموقف نقعد بنرجع وصبت
رانيا:تي وين ماشية يامطرشقة
رويدة:دوسة ذوق اكيدة ماشية بتشكره وتعتذر منه
سندس:نعتذر عينك ماشية نغسل فمي باي مطهر نلقاه هالمقزز كرهني في روحي وطلعت
رانيا ورويدة يضحكن عليها بعد 5دقايق جت وهي تمسح في فمها بالمنشف زييين
رانيا:هي خلاص طيرتي فمك
سندس:ياريته ايحول راه حولته ولا قاعدة متقززة منه هكي
رويدة:خلاص غسلتي معش فيك شي بلا طروح
سندس:مش فاهمات كل مانذكر اللقطة تزعم كبدي ?
رانيا:عليك طروح وحدة اتقزز من واحد طرررف زي هذا
سندس عزقت فيها المنشف:ياصايعة ياعوبة عدي بوسيه انتي كان عاجبك
رانيا تضحك:مغير مرتبطة كان مش مرتبطة راه عادي
سندس صبتلها وقعدت تضرب فيها
سندس تضرب:ياصايعة ياللي مااتحشمي عن مرض ياسخيفة
رانيا تضحك:اي ياباردة يدك واعرة انبصر والله انبصر
رويدة:تستاهلي ياقليلة الادب ومازال هذا كله عند رؤوف مع رنت فون رويدة وسندس ورانيا مازال يضاربن
رويدة بصوت عالي:اس اس اشوية
سندس:تي كنك دا
رويدة:معاذ معاذ ايرن
رانيا:ردي اكيدة بيطمن عليك بعد شاف بكاك مبدري
سندس تضحك:مصائب قوم عند قوم فوائد
رويدة ضربتها:دا حتى وهي مريضة ماناسية القريضة
رانيا:ردي عالراجل مش وقت امثالك توا
رويدة احم احم اتسقم في صوتها وردت ?
رويدة:ايوا
معاذ:خير رويدة شن اخبارك
رويدة:الحمدلله كويسة
معاذ:شن اخبار سندس كويسة توا
رويدة:الحمدلله كويسة خير من مبدري☺
رانيا اتوشوشلها:قعدت الا تضرب فينا
رويدة دقتها وحطت صبعها علي فمها بمعني اسكتي?????
معاذ:باهي الحمدلله وانتي توا كويسة مبدري شفتك كيف تبكي عليها صح ديما انشوف فيكن مع بعضكن بس ماتخيلتك اتحبيها للدرجة هذي
رويدة:يانا عليا هذينا صاحباتي وكيف خواتي بزبط لو كان اتسيرلهن حاجة انموت بعدهن
معاذ:بعيد السو عليك وعليهن
معاذ:بس تفاجأت لما شفتك هنا امس حكيت معاك عالفيس ماقلتيلي ماشية للبحر
رويدة:حكينا عالامتحان وهكي وانت ماسألتني ولا انا سألتك حتي انت ماحكيتش اصلا انك ماشي للبحر
معاذ:انا شبه يومي هنا
رويدة رفعة حاجبها:عليش شبه يومي للدرجة هذي اتحب البحر
معاذ:لا مش هكي بس المصيف شورنا وانا لازم انجي ديما عشان انتابع الشغل لكن اللي صار اليوم والله ماعمره صار وانبه فيهم ديما فريق الانقاذ لكن مش انا عاطيهم الاذن المدير بس والله درتلهم اللازم وان شاءلله معش ايتكرر
رويدة:ان شاءلله/بس اول مرة نعرف ان عندكم مصيف
معاذ:مافيش مرة جت فرصة نحكيلك بس اغلب القسم عارفين وديما لما بيمشو للبحر انا نحجزلهم من هنا
رويدة:اها انا ماعمريش سمعتها
معاذ;اهو سمعتيها توا ولو قعدتو مرة اخرى تبو البحر قوليلي ونجحزلكم هنا دغري من غير ماتتعبو واتجو
رويدة:ان شاءلله
معاذ:سلميلي علي سندس وقوليلها الحمدلله علي سلامتها
رويدة:يوصل
معاذ:تبي حاجة اتوصي علي حاجة
رويدة:سلامتك
معاذ:اوكي وسكر
رويدة طاحت عالسرير:ايهبل ايهبل يابنات عليك شخصية وعليك صوت
سندس:غير بشوية علي روحك مش للدرجة هذي عاد
رانيا:لا في هذي صدقت سادك غير عيونه اتقول بحر وطاحت جنب رويدة
سندس قرصتها:وانتي وين متمقلتيهن عيونه عن مرض لا انتي اليوم مدرعنك كنك
رويدة صبت:هذا كله عشان رؤوف ماجشش
رانيا:خزي هالبارد هو خلاني نقعد انبحت فيهم كلهم عشان مش قاعد
سندس:دا يعني مااتبحتيش من قبل عشان هو قاعد تي انتي شكلك تبيلك ترباية من جديد وقعد تضرب فيها ورانيا تضحك ورويدة اتحز عليها
”
عند سراج دوش وغير ادبشه ولبس شورت راب بيج وتيشرت اخضر ونظاراته وقمعزو هو وفيصل عالطاولة قدام الشاليه
”
امهاتهن قاعدات ايوتن في الغداء مع خشت ولية عليهن ام فيصل:السلام عليكم
كلهن;وعليكم السلام
ام فيصل;وين ام البنية اللي غرقت
سعاد:انا تفضلي
ام فيصل:الحمدلله علي سلامتها توا حكالي ولدي عاللي صار وقالي جنبنا قلت انجي انشوفها وانحمد الامها علي سلامتها ونسأل عليها توا
سعاد:الله ايسلمك لا توا الحمدلله كويسة وخشت اتريح جوا
ام فيصل:باهي الحمدلله ربي طمنك عليها
سعاد:الحمدلله ربي ماقهرني فيها راس بنية مانحلف الا بيها
ام فيصل:ربي ايخليها لكي
سعاد;ان شاءلله وليدك هو اللي نقذها
ام فيصل:لالا صاحبه
سعاد;وهو قاعد معاكم توا
ام فيصل:سيبته هو وفيصل ولدي مقمعزين قدام الشاليه
سعاد:باهي خوذيني له عشان نشكره
ام فيصل:هيا وعدن وجن للشاليه وكانو هما مقمعزين
ام فيصل:اهو البطل اللي نقذ بنتك
سعاد سلمت عليه:شكرا ياوليدي عاللي درته بارك الله فيك
سراج:ماتشكريني ياعمتي هذا واجبي
سعاد:ومعليش عاللي داراته بنيتي مغير كانت خايفة وانفجعت بعد لقاتك قدامها ومعش عرفت تصرف
سراج بينه وبين عقله:بنتك معاقة ومتخلقة لا خافت لا شيئ ياريتني خليتها اتموت
سراج:لا عارف ياعمتي اكيدة خايفة ومنفجعة مقدر ظرفها
فيصل جنبه وحاط يده علي فمه ويضحك عالادب اللي نزل عليه ?
سعاد:بارك الله فيك وربي ايكثر من امثالك ومشت للشاليه امتاعهم
فيصل ميت ضحك:ماعرفتكش يانصي عليك ادب نزل عليك بس والله ماشي معاك دور المؤدب
سراج:باهي باهي خلاص وانت تسهوك شن بندير ولية كبر امي شن تبيني نسهوك زيك
فيصل يضحك:اووف يا لا محترم محترم يعني تي اطلع منهن الابواب هذينا مش ماشي معاك جو الاحترام
سراج:سكره القراج اللي فاتحة راه انكسرلك اسنونك
فيصل:صار هذا واجبي ياعمتي مسكينة ماتندري انك ماقبل حوتك رضيت تنقذها لين طمعناك تقعد بطل ?
سراج:وياريتني مانقذتها هالحقيرة ماحصلت منها الا كف وامها اتقول انفجعت تي هي قليلة ذوق بدون فجعة
فيصل يضحك:بس امها مش زيها بكل
سراج:امها ذووق لكن هي خزي حسني خاطري نقتلها
فيصل;وسع بالك وخلينا انعدو انشوفو ريان وروان
سراج:هي حسني رايفت عليها الجالطة هذي ومشو للبحر
“”
مشى اليوم عادي بككل سراج وفيصل عالشط مع روان وريان فيصل كان ايعوم معاهن بس سراج كملها عالشط ومغير اينابش في كل وحدة مخطمة
اما سندس والبنات كملنها في الدار مابين ضحك وجو سمح ومابنش ايخلنها تطلع خايفات عليها
لعند جا الليل وجا وقت العشاء وقررو يشوو تبلو اللحم وولعو النار وحطو الطماطم والفلفل ومستلزمات الصلاة في النار وبدا بات رويدة يشوي
اما البنات طلعن وقمعزن جنب بعضهن وقعدن ايخرفن
(سندس كانت لابسة فستان طويل ابيض ومخصر بسير اخضر وعليه جاكة خضرا ووشاح بيج ورانيا نفس فستانها اللي في الصبح اما رويدة لابسة بلوزة بيضا وعليها جينز خفيف وردي ووشاح ليكرا كحلي)
هنا ايخرفن ومنسجمات وامهاتهم حتي هنا مقمعزات وايخرفن والرجالة يشووو وفجأة ومن غير مقدمات
رؤوف:السلام عليكم
الكل بصدمة:وعليكم السلام
بات رويدة:مش عساس عندك امتحان مش جاي
رؤوف:قعدت امس واليوم كله نقرا لين كملت عشان انجيكم وبحت في رانيا وغمزلها
رانيا ابتسمت وطبست راسها
سندس:ياشريني مؤدبة شن رايك انصبي نحكيله علي كل حاجة درتيها اليوم
رانيا قرصتها:هذي الصحبة ياحقيرة
رويدة:لا هالمرة سماح مش حنقولو بس مرة اخرى مافيش الا بصاصة
رانيا:منورات انصبولكن في الافراح وقعدن يضحكن
”
سراج وفيصل جابو روان وريان وجو للشاليه وبدو ايوتو للشواية حتي هما قدام الشاليه
فيصل:تشوي انت يانصي
سراج:تي فوتني بكل مش شوري الجو هذا
فيصل:ينعن جد تنبلتك بكل خلاص توا نشوي انا وانت وتيلي الصلاطة
سراج:ماتعرفش اتفوتني عششت راك مش داير شيء ام فيصل:خليه متريح سراج مش واخذ عالجو هذا ولا يعرف توا انديرها انا
سراج;سمعت كلام الناس اللي تفهم تعلم منها سلم اوليدي
فيصل:خزي تنبال
روان ضرباته بكراعها:معش اتقول السراج خزي
فيصل:ينعن شكلك انا خوك مش هو
روان:لا هو خويا وبضعتله
فيصل جاها وبيضربها سراج مسكها
فيصل:حول هذي تبي ترباية من جديد
سراج:وحق ربي تقربها انحطك في النار اللي وراك
روان تضحك
فيصل;والله خربت علينا البنت
سراج:حل ترا
(اللي خاطرها تعرف روان وريان كم عمرهن عمرهن 11سنة)
وقعد فيصل يشوي والمكان اللي يشوي فيه فيصل مصادر المكان اللي مقمعزة فيه سندس
سندس:تي قمعزي توا يفطنولك
رانيا:بلا حركات دزلي رسالة بيشوفني عالسريع والله ماانطول نشكره علي جيته بس بلا صماطة عاد جاي عشاني وزر علي روحه في القراية عشان ايجي
رويدة:عالسريع سندس كان مامشتله تقعد قليلة ذوق عاد متعب روحه وجاي عشانها
سندس:حيفطنولها وتقعد قصة يابنات
رويدة:ماعليك انا انخش معاها جوا ونطلعوله من عند الباب امتاع المطبخ هو قاعد ورا الشاليه
سندس:ضامنات ماحد يفطن
رويدة:وعد ماحد يغطن ولما اتخش معايا جوا ماحد حيركز فينا اصلا
سندس:اسمعن 5دقايق اطولن والله نطلع عليكن بعصا انشلطكن
رانيا تضحك:خلاص5دقايق بس ياامي
سندس:باهي باهي صبي خير ماانغير راي
وصبن رويدة ورانيا خشن للشاليه ورويدة قعدت في المطبخ ورانيا طلعت الرؤوف برا
رؤوف:اهلا اهلا برنوشة قبل نحسابك ماتبي اتجي
رانيا ابتسمت:سندس ماقبل حوتها خلتني انصبي قالت يفطنولكن وبعدين قالتلي 5دقايق واتجي
رؤوف:ياساتر صح معاها الحق حتى انا مش مطول معاك بس ها قوليلي رضيتي عليا ياشينة
رانيا ابتسمت:اها خلاص راضية عليك
رؤوف:والله عشانك ماسيبت الشيتات ولا لحظة قلت انكمل بسرعة عشان نلحقكم
رانيا:نجك ليا
رؤوف:باهي مافيش بوسة شكر عشان الانجاز اللي درته
رانيا فنصت عيونها:شنوو
رؤوف يضحك:يامطرشقة بوسة علي خدي هنا وايأشر علي خده
رانيا:لالا عيب ?
رؤوف:زعلت منك معقولة انا اندير هكي عشانك وانتي تبيش تشكريني
رانيا:خلاص بوسة علي خدك وبعدها انخش
رؤوف:باهي
رانيا قربت وباساته علي خده عالسريع وبعدها قعد وجها حمر ورقت عليها الحرارة?
رؤوف:ياساتر ياساتر هذا كله من بوسة عالخد امالا كان قتلك بوسيني علي شفايفي شن اديري
رانيا شهقت:تحشم ياسخيف وخشت تجري
رؤوف قعد يضحك:مطرشقة وحق ربي
وخشت علي رويدة وهي ترعش
رويدة مفجوعة:رنوشة كنك
رانيا حطت ايديها علي وجها:خوك السخيف
رويدة شهقت:طاح سعده شن دارلك
رانيا حكتلها عاللي صار
رويدة:عليك تكبير اشورخ هذا كله علي بوسة عالخد عن مرض امالا كان جوزتو شن اديري حتموتي
رانيا:توا تخيلي الكلام هذا حاكيه لكي معاذ شن اديري
رويدة:معاذ كان يلمس ايدي اندوخ
رانيا:ها شفتي الكلام اللي نحكوه البعضنا عادي لكن لما يقعد فعل ومع واحد اتحبيه اتحسي بنار زيي انا توا
رويدة:صراحة ماعمريش جربته الشعور هذا لكن تخيلته مع معاذ لنقنها صعبة
رانيا:هي راك اتقوليها السندس تقتلني انا وياك
رويدة;اتحقي فيا هبلة انقولللها احتمال اتحطنا بدال الشواية ?اسمعي اغسلي وجك واهدي عشان مااتشك في شيء
رانيا:باهي وغسلت وجها وطلعت وجن قمعزن جنب سندس
سندس:كنككن اتقول داسات حاجة
رويدة:شن بندسو يعني
سندس:مدرعنكن هابا عليكن مافيكن ثقة بكل بحتي الحقيرة اللي جنبك وجها كيف حمر
رويدة:هذي ياحنة غازلها رؤوف اشوي انحرجت وطلعت تجري
سندس:باهي ان شاءلله يقعد غير غزل(مش قلتلكن ذكية ومايمشي عليها شيء?)
“”
فيصل فونه ايرن
فيصل:تعال يانصي خليك جنب الشواية جاني تليفون مهم انكمل وانجي
سراج:مبرد والله دمك مش وقتك بكل وجا وقمعز في مكان فيصل
وهو بحت قدامه وسندس في نفس اللحظة بحتت
سندس وسراج;اووووف عليك دراه
هو لف وجه وهي صبت
رانيا;وين ماشية
سندس:بحتي البارد صادرني بنمشي انكسد عالبحر تمشن معايا
رانيا:انا مانقدرش رؤوف جا انتحرك ايقصلي كرعي
سندس:خزي خوافة
رويدة:حنمشي معاك انا وصبت
ام رويدة:دودي تعالي ديري معاي الصلاطة
رويدة:اسمعي عدي انكمل مع ماما ونلحقك
سندس:تمام وعدت وقمعزت عالشط وحطت سماعات في ذانها وقعدت تسمع في اغاني
“”
سراج لا يعرف يشوي لا شيئ درهت كبده سيب الشواية وصبي ودها تنحرق ودها اطيب ماقلتلكم مستهتر ? وفيصل بعد حقه صبى جا ايكمل في الشواية وسراج مشى للشط وماكان عارف سندس غادي
“”
سندس تسمع في اغاني وهايمة واتغني وفاطنات بعد تعلق السماعات صوتك يقعد عالي من غير ماتفطن
سندس اتغني;#جيتك_يابحر_قلبي_عامر_حكاي
قمعز حد جنبها
الشاب:سلامت قلبك مالدمار
سندس انتبهت الحد وتحسابها رويدة وحولت السماعات
سندس لفت;باهي اللي جيتي ياحنة وانصدمت لما شفاته شاب
سندس بصوت عالي:هو هو انت من صبي من حذايا
الشاب:والله مالصبح انشوف فيك وعجبتيني الحق وشكلي انا اللي عطيتها لكي لين غرقتي اصلا عيوني ماحولتهن من عليك
سندس:وانا شن دخلني بعيونك تقدر تنتلف من جنبي احسنلك
الشاب:اسمعيني يابنت الناس ماصدقت سيبتي هلك وجيتي بروحك حاب انتعرف علي والله لا كساد لا لعب عجبتيني وبنجيب هلي دغري
سندس:ان شاءلله يعجب بيك عزرائل قول امين تي صبي احسن مااتشوف شيئ مايعجبك
الشاب:انشاءلله يعجب بيا عزرائل تقعد احلي حاجة عشان تقعد دعوة منك وانا اي حاجة منك متقبلها وابتسم
سندس بحتت فيه بإشمإزاز:وووه مبرد دمك انا اللي فاضية مازلت نحكي معاك ووخذت رملة عزقتها في وجه وصبت وماشية شور الشاليه خطمت علي سراج وهو عالشط وكان شايفها وهي مقمعزة مع الشاب
سراج يضحك ومطبس راسه:شكلك تعاركتي مع الحب
سندس وقفت;وانت شن دخلك ماناقصنيي الا انت تلحقني عليك قلة كرامة فيك وجت بتمشي
سراج مسك يدها:انتي ديما هكي قليلة ذوق بعد اللي درته لكي امبدري ومازال تطلقي في السانك
سندس اتحاول اتفك يدها وماقدرت:وشن درتلي حظرتك عشان نحكي معاك بذوق
سراج;انا نقذت حياتك بدل ماتشكريني وتعتذري عاللي درتيه مبدري تطلقي في السانك
سندس تضحك:ارقد واحلم اني نشكرك ونعتذرلك لان في الواقع مستحيل انديرها وكرت يدها منه ومشت
سراج:ياريتني خليتك اتموتي
سندس لفت عليه:ماقالك حد انقذني هذي القاقة منك وعدت
سراج زر اسنونه زين علي بعضهن من كثر ماعقداته
سراج:عليك جلاطة وقلة ادب هالحيوانة انا اللي لقاق عشان نقذتها كله منك يافيصل الكلب هو اللي قعد ايقول انقذها كان عليا كنت فرحان ونبيها اتموت ومشى قمعز عالشط
“”
بعد اشوي طابن الشوايات امتاع العيلتين وكلهم تعشو وجوهم تمام
“”
عند الساعة 10 في الليل
بات رانيا:كان اديرولنا قهيوة واتخلونا نشروبها عالشط
بات رويدة:اتقول متجوزين عزايز مامشن للبحر بكل تي هيا خلنا انحقو نعمة ربي وانتفرجو عالبحر
رؤوف:عالشط دايرين كشافات وطاولات وجو سمح راه
عالية:خلاص توا انوتو قهيوة ودايرة سعاد بسبوسة ونمشو نشربوها غادي
بات رانيا:خلاص نحن نسبقوكم وانتن وتن والحقنا
الرجالة عدو للشط وقمعزو غادي والبنات وامهاتهن وتن القهوة ولحقنهن ولما جن غادي لقو حتى ام فيصل وفيصل وسراج وروان وريان مقمعزين غادي ولقن فيصل مقمعز عالطاولة اللي عليها بات رانيا وبات رويدة
اما سراج هو وروان مكسدين برواحهم علي طاولة وريان وامها قاعدات علي طاولة بروحهن
كلمنهن الصبايا وجت ام فيصل وريان قمعزن معاهن وقعدن ايخرفن وايهدرزن
اما رانيا ورؤوف استغلو ان الكل منشغلين في التخريف وقمعزو عالشط وياشريني بعيد من بعضهم عشان مايفطنلهم حد وايتبادلو في النظرات وكلمات الغزل وهايمين ??
سندس:خزي الصايعة حقيها وين قاعدة
رويدة:بلا برادة قاعدين قدامنا ماايديرو في شيء خليهم ايخرفو اشوي
سندس:خليها توا وبعد انخشو احسابها معايا
رويدة اتبعبش في فونها:اها
سندس:وانتي عن مرض مع من تحكي
رويدة:معاذ?
سندس:خزي ياللي مااتحشمن انا اللي فاضية قاعدة معاكن وصبت
رويدة:وين ماشية
سندس:في ستين داعية مادخلكش ومشت للشاليه بتجيب فونها عشان كسدت وتبي اتولع اغاني
فطنلها سراج ولحقها
#يتبع
قولكن عليش سراج لحقها وشن يبي منها وهل حينتقم منها او شن في عقله بزبط وشن ردت فعل سندس لما اتحقه كله حنعرفوه في حلقة بكرا ☺
أسفة لو فيه لخبطة في الأسماء واكيد رأيكن ايهمني ?
گـتـابـتـي Koka Saleh