منحرف وأحببته

#مـنـحـرف_وأحـبـبـتـه
الـحـلـقـة (34)
گـتـابـتـي #Koka_Saleh
“””””””””””””””””””””””'”“”””””””””””

رؤوف كان حاسب احساب الكل حاجة فكان مجهز صندوق فيه قزاز مكسر وااااجد وتباعد من سيارة فيصل اشوي وقعد ايكب فيه مالروشن عالطريق فيصل قعد ايحاول ايتفادى القزاز بس ماقدرش وفلقله العجل ولان السيارة في سرعة معش قدر ايتحكم فيها وقعدت اتلف منه ايمين وايسار وفجأة لفت منه وهووووووب خشت في شجرة وكانت الخبطة قوية بككككل
“”
رؤوف شاف اللي صار مع فيصل واطمن ان معش يلحقه وطلع بسرعه ووصل عالشاليه اللي كان مقرر يخطف رانيا فيه كانن مجموعات شاليهات مع بعضهن بس مازال ماكملوهن ولان يعرف صاحبهن أجر واحد من دون مايسأله ليش وصل للشاليه ونزل رانيا فيه وحطها عالكنبة وقعد ايشوفلها وهي راقدة #Koka_Saleh
“”
فيصل لما عرف ان مش قادر ايتحكم في السيارة وانها حتخبط فتح الباب وزقب منها عالتراب فاللي صارله بس اشوي كدمات علي راسه وجسمه مالطيحة أما السيارة فخشت في بعضها كلها يعني لو مازقبش فكان اكيدة حيموت قعدن السيارات في الطريق ايدرسن عالحادث ونزلو الناس علي فيصل وكانو بيطمنو عليه بس فيصل كان كل تفكيره في رانيا اللي انخطفت وكيف بيصرف وكيف بينقذها كانو الرجالة مصرين انهم ايشيولو فيصل للمستشفى بس فيصل كان معند راسه ويبيش يمشي في عقله بيدير اي حاجة عشان ينقذ رانيا فطلب منهم بس تليفون ورن علي وائل(اكيدة اذكرتنه هذا اللي جاب رقم سندس)ووائل جاه دغري وفيصل طبعا ماكان قدامه خيار الا خيار واحد يسأل علي هل رؤوف ويعرف مكانهم ويمشيلهم يحكيلهم اللي داره رؤوف عشان يصرفو وقعد ايدير في اتصلاته هو ووائل عشان يعرفو هل رؤوف وين يسكنو #Koka_Saleh
“””””
#عند_رؤوف
قعد مقمعز قدام رانيا ويرجى فيها توعى وبعد كم دقيقة رانيا وعت واول ماشافت رؤوف قعدت تبكي
رانيا تبكي:حرام عليك انت شن تبي مني
رؤوف:انا انحبك ونبيك
رانيا:وانا انحبك بس النصيب مايبنش البعضنا
رؤوف:كذبة انتي عمرك ماحبيتيني لو حبيتيني كنتي وافقتي لما قتلك نهربو ونجوزو
رانيا تبكي:والله حبيتك بس مانقدرش انديره اللي تبيه مانقدرش
رؤوف بعصبية:عشان اللي شفتك معاه واليوم لحقنا بسيارته وهذا دليل انك كنتي معاه
رانيا تبكي:قصدك فيصل والله ماانحبه ولا بينا اي موضوع حب فيصل صديق وصبى معايا وشرحلي اللي مش فاهمته في المنهج مافيش بينا اكثر من هكي
رؤوف صبى وبعصبية:علي من تكذبي وبعدين سندس قالت انك بتجوزي واكيدة هو اللي بتجوزيه وكان ايعيط بصوت عالي وهستيريا #Koka_Saleh
رانيا تبكي وبخوف منه:والله سندس حكت هكي عشان تبيك اتسيبني في حالي انا معش بنجوز ومعش بنحب خلاص نصيبي وخذيته اطمن
رؤوف قمعز قدامها ودموعه ينزلو;معناها نمشو الشيخ توا ونجوزو ونطلعو من ليبيا كلها وانسيبوهم
رانيا تبكي:رؤوف افهمني مانقدرش اندير في بابا هكي بابا عندش الا انا ورنا ويوثق فينا واجد وعمره ماقصر معانا في حاجة وحدة وايحبنا اكثر من روحه انا مانقدرش انديرله هكي وبعدين بابا من اول ماحكاله عمو ان بيخطبني لكي وافق دغري ورحب بيكم يعني ماقصرش معاك بس لان يبي مصلحتي رفض بعد االي داره عصام
رؤوف بعصبية:عصاااام عصااااام كله منه هو اللي وصلنا الهنا ياريته مات وريحني كانت انحلت المشكلة كلها
رانيا تبكي:انت ليش قعدت هكي رد رؤوف اللي زمان مش لكي اللي ادير فيه توا مااتضيعش روحك عشان حد لان مافيش شيئ يستاهل اكثر حاجة تقهرني وتقتلني لما انشوفك هكي وقعدت تبكي
رؤوف:وانا اكثر شيئ يقهرني انك اتكوني الغيري
رانيا:نوعدك مش حنكون الغيرك
رؤوف قرب منها:باهي كوني ليا #Koka_Saleh
رانيا تبكي:مانقدرش والله مانقدر ولو اتحبني خليني انروح وانا مش حنحكي الحد اللي صار
رؤوف:انا ماحوتك جبتك هنا تبيني انخليك اتروحي مستحييييل
رانيا:بس انت هكي بتحطني واتحط روحك في مشاكل كبيرة
رؤوف:انا مش هامني شيئ ولا هامني حد خلاص روحي بايعها شن بيصير اكثر ماللي صار فيا
رانيا تبكي:معناها انت مااتخفش عليا
رؤوف:انا انخاف عليك اكثر ماانخاف علي روحي
رانيا:لو صح اتخاف عليا مااتحطنيش في مشاكل ايضرني
رؤوف:انتي وافقي اتكوني ليا ونجوزو وانا مش حنضرك ولا حنحطك في مشاكل عشان حتقعدي مراتي
رانيا تبكي:رؤوف ليش ماتبيش تفهمني لو درت اللي تبيه بابا مش حيتحمل وحتصيرله حاجة وايسيب ماما ورنا بروحهم #Koka_Saleh
رؤوف بعصبية:يبقى انتي اللي اخترتي انا خليتك توعي عشان نبيك اتوافقي وبرضاك نجوزو بس انتي رفضتي يبقى حتكوني ليا غصبن عنك وغصبن عن الكل
رانيا بخوف ودوعها ينزلو:انت شن قصدك
رؤوف:بعد اللي حنديره فيك توا غصبن عنك حتاخذيني وغصبن عنهم حيعطوك ليا
رانيا بصدمة:رؤوف انت كيف اتفكر هكي كيف تحولت شيطان
رؤوف:انا مش شيطان انا انحبك ومانبيكش تقعدي الغيري نبيك ليا
رانيا تبكي:انت كذاب مااتحبنيش لو اتحبني مترضش اتضرني ماترضش تاخذ اغلى ماعندي غصبن عني واتشوه سمعتي Koka Salehرؤوف:عارف حتكرهيني بس لما نجوزو واتعيشي معايا حتعرفي قديش انحبك وحتفهمي ليش درت هكي
رانيا تبكي:رؤوف خليني انروح وراس امك اتخليني انروح وقعدت تبكي #Koka_Saleh
رؤوف يبكي:سامحيني عاللي بنديره وهجم عليها وهي قعدت اتعيط واتحاول اتبعده
“”‘”””
#عند_فيصل
عرف حوش هل رؤوف وجاهم ونزل وسلم عالرجالة اللي برا طبعا كانو واجدين لان عندهم فرح وبعدها جا قريب من بات رؤوف
فيصل:معليش ياعمي نبيك في موضوع
بات رويدة:تفضل شن فيه
فيصل:لو تقدر بروحنا وبعيد من هنا
بات رويدة:ان شاءلله خير هي وتباعدو اشوي مالناس
بات رويدة:ها شغلتني ياوليد شن فيه
فيصل:ولدك رؤوف
بات رويدة بخوف:كنه
فيصل:من ساعة خطف رانيا من قدام الجامعة
بات رويدة بصدمة:انت شن اتقول وشن عرفك بالموضوع وانت من اصلا
فيصل:انا صديق رانيا ونقرا معاها وطلعت انا وهي طلعة وحدة مالجامعة وكان رؤوف برا يرجى فيها ولما طلعت خطفها ولحقتهم بالسيارة عساس ننقذها منه بس ولدك عزقلي قزاز فلق العجل والسيارة خبطت مني ومعش قدرت نلحقهم وجيتك هنا عشان ادوره وتنقذ البنت قبل ماايديرلها حاجة انت باته واكيد تقدر توصل فيه او تعرف مكانه Koka Saleh
بات رويدة قعد يمسح في ايديه علي وجه:ياربي سترك
فيصل:وانا طالع توا من هنا عالمركز عشان انبلغ وايدورهم حتى هما
بات رويدة:لا ارجوك مااتبلغش وانا نوعدك حنلقوهم وقبل ماايضرها
فيصل سكت اشوية وبعدها رد
فيصل:أنا مش حنبلغ توا بس مش عشان ولدك عشان سمعة رانيا لكن عندكم ساعتين لو ماالقيتوش خلال ساعتين بنبلغ كل المراكز اما ولدك لو القيته لامس منها شعره وحدة والله انا قتاله
بات رويدة:ان شاءلله حنلقوه قبل ساعتين وعدى وفيصل ركب في السيارة مع وائل وردو علي مكان الحادث وقعدو يمشو في الطريق علي امل يلقو اي دليل المكانهم Koka Saleh
بات رويدة حكا اللي صار العصام وقاله ان ايكلم كل اصحاب رؤوف عشان يقدرو يعرفو اي معلومة عليه ونبه عليه ان ماايخليش حد ايحس باللي صار عشان ما يخربش الفرح
“””
#عند_رؤوف
مازال في صراع هو ورانيا وكان عليها ومسك ايديها بايديه زين وكان محول وشاحها وفاتح بلوزتها وقعد ايبوس فيها وهي كانت اتعيط وتبكي
رانيا اتعيط:لاااااااا مااديرش هكي خلااااص اطلقني حرام عليك وتبكي
رؤوف كان قريب من تحقيق اللي يبيه بس في لحظة طلق رانيا وبعد من عليها وقمعز عالكنبة وقعد يبكي زي البيبي ?
رؤوف يبكي:ماقدرتش نقعد حقير واناني واندير فيك انتي هكي Koka Saleh
رانيا قمعزت وهي تبكي وقعدت اتسكر في بلوزتها والعبرة اتشيل فيها واتحط
رؤوف:انا أسف سامحيني عاللي درته فيك كله والخوف اللي خوفته لكي
رانيا تبكي:ماحبيتش اللي درته كنت نبي حبنا تقعد له ذكرى سمحة مش هكي يارؤوف
رؤوف يبكي:سامحيني غصبن عني اللي صار معايا عمى علي قلبي وعقلي معش خلاني انفكر معش عرفت الصح مالغلط تعبت تعبت وانقهرت وانكسر قلبي?رانيا تبكي:انت تعبت وتعبتني معاك كل ماانمشي حياتي اشوي اترد فيا لاورة واتذكرني بالماضي اللي قاعدة انحاول ننساه وانتأقلم مع وضعي الجديد بالغصب لازم تفهم ان اللي صار قهرني وعذبني حتى انا مش بس انت بس الانسان لازم ايكون قوي وايتعدى اي مرحلة صعبة ايمر بيها مايقعدش ضعيف زيك واللي صار ايغيره وايخليه انسان اناني هامته روحه بس ومش امفكر في الباقي Koka Saleh
رؤوف:والله اللي كنت اندير فيه عشان انحبك بس عشان مش متأقلم مع فكرة ان نحن خلاص مش البعضنا
رانيا تبكي:اللي ايحب واحد ماايعذبش معاه ماايديرش فيه اللي انت كنت ناوي عليه
رؤوف يبكي:أسف أسف أسف سامحيني يارنوشة توا بس كيف وعيت علي عقلي لما كنت انحاول وبكل انانية وحقارة اني نغتصبك مر عليا شريط حياتنا كله واذكرت كل حاجة بينا واذكرت ان عمرك مازعلتيني انتي زي الملاك ماتستاهليش مني اني اندير فيك هكي ماقدرتش نقعد اناني وانضرك صح نبيك امعايا بس مش من حقي نغصبك غصب تقعدي معايا هذا مش حب الحب الحقيقي اني انتمنالك حياة سعيدة حتى لو مع غيري وقعد يبكي
رانيا وجعها رؤوف وزادت في البكى
رؤوف يبكي:سقمي دبشك والبسي وشاحك وحنشيلك لعند سيارتك Koka Saleh
رانيا تبيكي:نبيك توعدني اتخطى المرحلة هذي واترد القرايتك واترد رؤوف اللي زمان
رؤوف:نوعدك بس انتي اوعديني ماتنسينيش
رانيا تبكي:نوعدك عمري ماننساك
رؤوف صبى:نبيك اتعيشي حياتك زي ماكنتي رسمتيلها واتكوني سعيدة فيها وخلي في بالك اني ديما حنكون وراك وفي ظهرك وحنساعدك في اي وقت تحتاجيني وطلع Koka Saleh
رانيا في اللحظة هذي انهارت وقعدت تبكي وبصوت عالي لان عرفت ان رؤوف رد العقله واقنتع باللي صار كله وعرفت ان العلاقة انتهت توا لما هما الاثنين اقتنعو بأنها انتهت بكت بكت لين مسحت خاطرها

ورؤوف كان قدام الشاليه ويسمع فيها وكان نفس حالتها وتوا كيف فهم وعرف ان العلاقة انتهت وان هذا حد النصيب بينهم كان حاس قلبه بيطلع من مكانه بس مايبيش يقعد اناني وايضر رانيا أكثر ماضرها ومايبيش يغصبها عليه وايحطها في مشاكل هي ماتبيهنش واللي بكتها رانيا جوا هو بكاها بروحه برا Koka Saleh
(رؤوف وعى العقله اخيرا وقرر ان ايخليها في حالها بعد محاولات واجد وايحاول ايتأقلم مع فكرة ان ماعندهمش نصيب في بعضهم)
بعد اشوي طلعت رانيا وركبت في السيارة مع رؤوف وطلع بيها وكانو الاثنين الغصة في قلوبهم ومكتفيين بالصمت ووصلو لعند باب الجامعة وجت رانيا بتنزل
رؤوف:نبيك تعرفي واتأكدي من حاجة وحدة عمري ماحبيت وحدة زي ماحبيتك وعمري ماانحب بعدك
رانيا نزلو دموعها:وانا عمري ماحبيت ولا حنحب زي ماحبيتك ونزلت وركبت في سيارتها وقعدت تبكي
ورؤوف طلع بالسيارة وهو يبكي
رانيا ولعت سيارتها ومشت شور حوشهم وكل اللي اتفكر فيه شنو بتحكي الهلها عالتأخير وشنو بتقول علي منظر دبشها ووصلت عند الحوش وقعدت موقفة السيارة وبعدها قررت تنزل وتحكي اللي صار كله نزلت وفتحت باب حوشهم وخشت ولقت رنا في الجنان ترجى فيها وقالقة لانها تأخرت Koka Saleh
رنا اول ماشافت منظر رانيا شهقت ?
رنا بخوف:شن فيه شن صاير معاك
رانيا:وين ماما وبابا
رنا:بابا مازال ماجا مالسفر وماما جاها خالو مالصبح اجديدة في المستشفى ومشتلها
رانيا:احسن ان مافيش حد وخشت
رنا خشت وراها:كنك خوفتيني احكيلي شن صاير معاك من اللي دار فيك هكي
رانيا:مااتخافيش مش صايرلي شيئ واللي شفتيه تحكيش عليه الحد ناخذ دوش وانتريح ونحكيلك اللي صار كله
رنا:كيف مانحكيش الحد الباين حد معتدي عليك
رانيا:والله ماصارتلي حاجة خليني بس انتريح ونحكيلك
رنا:باهي
رانيا خشت الدارها خذت دوش وطلعت وتمددت في سريرها ووجتها رنا وقعدت تحكيلها في اللي صار كله وهي تبكي وواجعتها روحها واللي صار فيها وفي رؤوف وان حياتهم ادمرت بسبب واحد اناني قعدت تبكي ورنا اتهدي فيها لين تعبت من كثر البكى ورقدت
“”””
فيصل ايدور في كل منطقة كانت قريب من مكان الحادث علي امل يلقاها وكان قلبه نار عليها وتأكد من شعوره تجاه رانيا وان فعلا طلع ايحبها مش بس معجب بيها
“””
#عند_عالية_وسعاد ومعاهن صبايا العيلة في حوش الفرح وايطلعن في حاجات القاعة عشان الرجالة ياخذوهن Koka Saleh
عالية اطلع في الدبش وتبكي وجتها سعاد في المخزن
سعاد: عارفتها واعرة طلعت بنتك الوحيده لكن من بدري وانتي تبكي سادك عاد مش داعي دودي اتشوفك واتزعليها قبل ماتمشي وبعدين تفاوليلها بخير مش هكي
عالية تبكي:مانبكيش بس علي دودي واجعني حتى اللي صار في عيالي عصام معانا ومش معانا ورؤوف اللي مانعلمش هو وين ومن يوم طلعته معش رد عيالي ضاعو مني وبذات رؤوف ضاع منا وضيع مستقبله
سعاد:الله غالب ادعيلهم ربي ايهدي بالهم
عالية:انتي مش عارفة كيف رؤوف ايحب رويدة وتوا حتى فرحها ماحظره
سعاد:المشاكل ديما ايصيرن وانشاءلله حتنحل غير انتي وسعي بالك وافرحي اليوم ببنيتك ومااتنكدي عليها
عالية تنهدت وسكتت وقعدن ايكملن في تطليع الحاجات
“””
#عند_رويدة في الكوافير وكانت فرحانة بس كان فيه حزن في عيونها #Koka_Saleh
سندس:دودي كنك انحس فيك متضايقة
رويدة:مش متقبله فكرة ان رؤوف مايحظرش فرحي زمان ديما ايقولي انا انشيلك للكوافير واانجيبك وانخششك للصالة وتوا مش قاعد بكل
سندس:معليش رؤوف توا ايمر بظروف صعبة بعد يجاوزهن حيرد زي قبل
رويدة تبكي:ان شاءلله والله رايفت عليه وعلي بصارته وكلامه معايا
سندس:ربي يهديه وايردلكم
رويدة:وفوق من هذا كله خايفة
سندس تضحك:كان خايفة ماللي بيصير الليله ماعنديش كيف انساعدك كيفي كيفك مازلت
رويدة تضحك:مش هكي قصدي ياواطية قصدي خايفة من معاذ ان ايكون مازال ايحب لينا ونتعبو مع بعضنا
سندس:بلاش هبال معاذ ايحبك ولو ماحبك ماخطبك وبعدين هو عمره حسسك ان مازال ايحبها
رويدة:بالعكس ديما ايعامل فيا كويس وايقولي ان ايحبني ولو ماايحبني ماكان هو اعترفلي بروحه بالشيئ هذا #Koka_Saleh
سندس;خلاص يبقى انسي الكلام هذا وماتقعديش كلمة كلمتين اتذكري فيها بيه مرات يقعد ناسيها وانتي اللي اتخطري فيها عليه وبعدين ياهبلة هي ميتة وانتي اللي معاه توا وانتي تقدري اتخليه ايموت فيك اكثر منها
رويدة:هذا رايك
سندس:رايي وراي اي وحدة اتفكر بعقلها مااتخليكش هبلة وبعدين انتي اتهبلي من الهبل اللي يقعد معاك وماايحبك ساد غير طيبة قلبك وحنيتك
رويدة ضحكت:نجك ليا
سندس باستها:انتي اللي نجك ليا ياأحلى عروس وبعد اشوي جت الكوافيرة وبدت فيها
“””
#عند_سراج روح الحوش هله وخش الداره دغري وحتى غدا مع هله ماتغدش كان متضايق بكل صح سندس امس كيف مشت بس كان مرايفلها وحاس ان الها فترة طويلة ماشية كان صعب عليه ايتأقلم مع فكرة فراقها حتى ولو كان القرار هو اللي قرره بس كل مايذكر اللي داراته ينقهر ويعرف ان مش قادر ايسامحها #Koka_Saleh
“””””
#عند_رويدة
الكوافيرة اتمكيج فيها ورن فونها
رويدة:من دوسة
سندس:رقم غريب
رويدة:غريبة ترا هيتي مرات حد مالحوش يسال علي حاجة وردت
رؤوف:مبروك دودي Koka Saleh
رويدة بفرحة:رؤوف شن اخبارك معقولة ماتحظرش فرحي
رؤوف:وانا نقدر ياهبلة فرحك حاظرة وزي ماوعدتك من قبل انا اللي بنخششك للقاعة
رويدة تبكي:تحكي جد
رؤوف:بلا بكى اتخربي مكياجك واول مااتكملي رنيلي انجي انا ناحذك مالكوافير
رويدة:حاظر
رؤوف:وماتحكيش الحد نبيها مفاجأة الامي
رويدة:حاظر
رؤوف:خلاص توا بنسكر ونرجاك اتكملي
رويدة:باهي وسكرت وهي فرحانه بكل ومش مصدقة اللي صار
“””
#عند_فيصل بعد دورها واجد وأيس ان يلقاها قرر ان يمشي للمركز وايبلغ وطبعا الفترة هذي كلها مازال ماداوة جروحة ولافكر في روحه كل اللي كان ايفكر فيه ان يلقى رانيا بس
هو وصل للمركز ونزل وبيخش ايبلغ رن فونه ولما شاف لقاه رقم رانيا ورد دغري
فيصل:رانيا وينك وشن صار معاك
رانيا:انا في الحوش #Koka_Saleh
فيصل:انتي كويسة شن دارلك الحقير هذا قوليلي كان المسك والله نشرب من دمه
رانيا:اهدى فيصل والله مادارلي حاجة وهو اللي روحني
فيصل:باهي احكيلي اللي صار والله من بدري قلبي نار عليك
رانيا;حتى انا لما فتحت الفون توا القيت مكالماتك ورسائلك عرفتك مشغول هذا ليش حبيت انطمنك
فيصل:قوليلي شن صار بزبط
رانيا قعدت تحكيله في اللي صار كله
وفيصل بعد حكتله اطمن وتريح قلبه بعد عرف ان مادارلها شيئ
وبعد قال الرانيا ان بيخش ايبلغ رانيا رفضت وقالتله ان ماتبيش الموضوع يكبر ولا تبي اتضر رؤوف وان القصة انتهت واسكرت لعند هنا وماهدش وسكت لين قالتله ان رؤوف قرر ايطلعها من حياته وايسيبها في حالها
“”””
#عند_معاذ
كلام مروى أثر فيه وحس فعلا ان لو فسخ الخطبة حيظلم رويدة وهي ماعندهش ذنب وفي نفس الوقت خاف ان اتصير الامه حاجة فقرر ان ايكمل اللي بداه وياخذ رويدة وبذات بعد اذكر كيف حبها وكيف ان هي البنت الوحيدة اللي حركت مشاعره بعد لينا
“”””””
عالساعة 9 في الليل رويدة كملت كل حاجة ورنت علي رؤوف وقالتله عالكوافير وجا خذاها هي وسندس وكان محلق ومأنق روحه ومزينلها سيارته تزيينة سمحة ووصلو عالقاعة ونزلها طبعا الكل برا انصدمو بعد شافوه خصوصا باته وعصام وجو بيحكو معاه ويسألوه علي رانيا ومعش عرفو كيف ورويدة معاه وهو قاللهم ان بعد ايخشش رويدة يطلع ويحكي معاهم وخشت سندس للقاعة وبعدها رويدة وخششها رؤوف اقاربهم كلهم كانو عارفين اللي صار والكل عارفين رؤوف مش حاظر بس بعد ماشافوه انصدمو #Koka_Saleh
ام رويدة اول ماشافت رؤوف خشش رويدة فرحت فرحة كبيرة وجاته وحظناته وقعدت تبكي وحتى رؤوف بكى وبعدها طلعو الصالة الاستقبال
عالية:ليش ادير فيا هكي ليش حرقت قلبي عليك
رؤوف يبكي:سامحيني ياامي كان قلبي مكسور ومش عارف كيف نصرف
عالية:وتوا رديت العقلك
رؤوف:الحمدلله بس نبيك اتسامحيني وترضي عليا
عالية:راضية عليك وانزيد نرضى لو سامحت خوك عاللي صار حتى هو حالته مش بعيد من حالتك
رؤوف:ايصير خير انا بنطلع توا
عالية:اليوم بتروح معانا للحوش
رؤوف:مش عارف خليها بالجو
عالية:الحوش بلاك شين بكل #Koka_Saleh
رؤوف باس علي راس امه وطلع ولقى باته مصبي ويرجى فيه قدام القاعة
بات رويدة;وين البنت
رؤوف:رديتها الهلها
بات رويدة:شن درت فيها
رؤوف:مادرت فيها شيئ وجا بيمشي
بات رويدة:ليش تغيرت يارؤوف ليش قعدت قاسي هكي
رؤوف لف علي باته والدموع في عيونه:ماللي صار فيا ياباتي
باته حظنه ورؤوف قعد يبكي زي الوليد الصغير
بات رويدة:انت راجل ومازال شاب واصغير والدنيا قدامك اللي صار معاك مش نهاية الدنيا مازال بتشوف حاجات واجدة لو من اول موقف صار فيك هكي معناها مش حتقدر اتواجه الدنيا بكل #Koka_Saleh
رؤوف:حبيتها ?
بات رويدة:وماعندكش نصيب فيها وحيمرن السنين وتقعد ماضي وحتحب مرة اخرى
رؤوف مازال يبكي
بات رويدة:طول عمري نفتخر بيك وماننكرش اني حبيتك اكثر واحد في عيالي انت اللي كنت شايف روحي بيك رؤوف اللي بيقعد احسن دكتور في الدنيا رؤوف اللي من هو اصغير عمره مادارلي اي مشكلة ومن انت صغير اتحب خوتك واتفضل فيهم حتى عليك
رؤوف:سامحني عاللي درته فيك انت وامي ياباتي
بات رويدة:مسامحك دنيا واخرى وراضي عليك اليوم الدين Koka Saleh
رؤوف بعد من باته ومسح ادموعه وبعدها حب راس باته
بات رويدة:سامح خوك يارؤوف
رؤوف:مش قادر ياباتي
بات رويدة:بس هذا خوك وهو بروحه عارف ان غالط ونادم لكن شن انديرو ماحد متحكم في قلبه
رؤوف:ان شاءلله خير وجا بيمشي
عصام:رؤوف
رؤوف لف عليه بس بدون ماايرد ولا كلمة
عصام;سامحني يارؤوف انا غلطت في حقك بس زي ماقال باتي ماحد متحكم في قلبه
رؤوف:انت خوي وماعنديش وين نمشي منك ولا نقدر انتبرى منك بس اني انسامحة خليها عالايام يمكن اينسني اللي صار وايخلني انسامحك ومشى وركب في سيارته وطلع Koka Saleh
“””

بعد ساعة جا معاذ للقاعة وخش وقعد اشوية وبعدها طلع هو ورويدة ومشو للفندق اللي حاجز فيه طبعا طول الطريق كان معاذ ايحاول ايبان طبيعي وماايحسسش رويدة باللي صار ووصلو للفندق وخشو
معاذ;نورتي ياعروس
رويدة ابتسمت وخشت
معاذ قمعز عالكنبة:تعالي قمعزي
رويدة:باهي وقمعزت
معاذ:طالعة سمحة?
رويدة:وحتى انت طالع طرف #Koka_Saleh
معاذ:عارف روحي
رويدة;من امتى الغرور
معاذ ابتسم:جيعانة نطلبو عشاء
رويدة:اها ماكليتش شيئ مالصبح
معاذ:وانا زيك
رويدة:يبقى انغير الفيلو علي ماانت طلبت
معاذ:خلاص غيري براحتك وانا ننزل نطلب العشاء وانجي
رويدة:تمام
معاذ نزل ورويدة غيرت دبشها ولبست روب ابيض قصير ولبست عليه الديشمبر متاعه
معاذ بعد اشوي خش وابتسم بعد شاف رويدة لابسة روب وخش وقعدو ايهدرزو وهو تريح اشوي وحاول ينسى اللي صار ورويدة كانت فرحانة لان شايفة حب حياتها قدامها وانسجمو وبعد اشوي جا العشاء وقعدو ايتعشو Koka Saleh
معاذ:دودي بكرا بنسافرو راه
رويدة:اي سفر هذا ماقتليش عليه
معاذ;كنت دايرها لكي مفاجئة
رويدة:وين بنسافرو
معاذ;بنسافرو اسبوع علي دبي ومعليش ان مش شهر بس انتي عارفة مانقدرش انسيب البنات وامي بروحهن
رويدة:لا حبيبي عادي حتى لو ماتقدرش اسبوع عادي
معاذ:لا عاد هذا اقل شيئ انديره لكي
رويدة ابتسمت وقعدت تاكل
معاذ ايشوفلها وساكت
رويدة خدودها انحمرو:معاذ بطل تحرج فيا راه
معاذ عظ علي شفايفه:معقولة السماحة هذي كلها ليا
رويدة ابتسمت
معاذ مدلها يده وصباها وشالها وحطها عالسرير
خلاص طفينا الضي ريحن ارواحكن وخلو العرسان براحتهم ? القناة #مششششششفرة
(كلا الرجالة هذوما غير ايحقو وحدة ينسو حتى ارواحهم?)
“”””
انردو توا الأبطالنا
سندس روحت للحوش وخشت الدارها دغري وماحكت مع حد بحجة انها تاعبة خشت للدار وسكرت علي روحها ومسكت فونها وحطت علي صورة مصورتها هي السراج من غير مايفطن قعدت اتشوفلها وقلبها مكسور حاسة انها مرايفتله وتبيه بس كلامه الها كان واعر مش قادرة تنساه وعارفة ان حياتها معاه مش حتستمر لان سراج مستحيل ايتغير كانت مقهورة تمنت انها ماعرفاته ولا اجوزاته ولا تعلقت بيه هكي Koka Saleh
“”””
سراج قاعد في داره ومتضايق اكثر من سندس لان هو تاكد ان ايحبها بجد بس كان عارف ان اطباعهم مش وحدة وان هو مش قادر ايتغير واصلا مش حاب فكرة ان ايتغير عشان بنت حتى لو ايحبها وبالنسبة له قرار الانفصال كان أحسن قرار
هما الاثنين كانو حاسين بنار بدون بعضهم بس الاثنين كانو عارفين ان مايقدروش ايعيشو مع بعضهم وعارفين ان الإنفصال هو الحل الوحيد واللي المفروض صار من اول يوم الهم
“””
ثاني يوم جو هل سراج السندس وكانو بيعرفو السبب وكانو بيردوها بس سندس كانت مسكرة راسها مااتردش علي سراج #Koka_Saleh
محمد:باهي ياسندس قوليلينا عالاقل سبب المشكلة اللي توصل للطلاق
فرج;هذا اللي مالصبح نبيها تحكيه مابتش تحكي السبب كل اللي اتقول فيه انها بتطلق وانها معش بتعيش معاه
عفاف:قوليلنا عليش تعاركتو
سندس كانت خايفة من باتها لو تحكي السبب الحقيقي ويعرف انها مشت الشقة زي هذي
سعاد:ردي كلهم يسألو فيك عليش ماتبيش اتقولي سبب المشكلة اكيدة غالطة فيه صح
عفاف:انا متاكدة ان سراج هو اللي مزعلها
محمد:اسكتن وخلنا نسمعو منها ها يابنتي احكي شنو السبب
سندس:روح للحوش سكران وانا اول مرة انشوف حد سكران وتعاركت معاه وقتله بنطلق واصلا خاطي السكير انا وهو مش متافهمين نحن الاثنين معانديين والسانا طويل Koka Saleh
فرج:كيف يامحمد سراج يشرب
محمد:ايام ونحن في المانيا كان يشرب بس بعد ماروحنا له فترة مسيب وانت عارف يشتغل معايا مش عارف ليش دار هكي
فرج:بس انا لما عطيته بنتي ماكنتش عارف ان يشرب
محمد:حقكك عليا وانا انجيبه ايتأسف منك ومن سندس ويحلف قدامكم معش ايعاودها
سندس:لا انا معش نبيه لو سمحتو ارضو برغبتنا انا وهو معش نبو بعضنا
حاولو فيها عمها وعمتها انهم يقنعوها بس هي كانت مسكرة راسها وتبي الطلاق وحتى باتها بعد عرف السبب معش حب ايردها عليه بعد وحلو فيها روحو عفاف ومحمد للحوش وسندس معش حبت تحكي مع حد وخشت وحبست روحها في دارها
“”””
وصل محمد وعفاف للفيلا ولقو سراج جوا هو كان عارف انهم ماشينلها وكان علي نار بيعرف شن حكتلهم سندس ولو كانت تبي الردة او لا
محمد بعد لقاه عصب
محمد معصب:معقولة اتروح للبنت سكران مش عارف انها بنت ناس وعمرها ماشافت حاجة زي هذي
سراج:هي حكتلكم هكي Koka Saleh
عفاف:حرام عليك البنت تقرا وعندها امتحانات وانت مروحلها سكران
سراج فهم ان سندس قايلة ان سبب الطلاق ان هو مروح سكران وتريح لما عرف انها ماحكتش السبب الحقيقي
محمد:مش عساس اتفقنا اتسيب البنات والشرب
سراج:درت زي مااتفقت معاك بس سهرت مع الشباب وشربو شربت معاهم وهي كبرت الموضوع
محمد:من حقها اتكبره لا متعوده منه من باتها لا من عمها

سراج:وبعدين العركة مش عشان هكي وبس هي السانها طويل ومعاندية واترد وادير في اللي في راسها وانا الجو هذا مايمشيش معايا
عفاف:سراج مااتحاولش اطلع عيوب فيها دوسة كويسة ومافيش زيها ولو اتقول شنو الغلط راكبك انت ماعندك وين اطير منه Koka_Saleh
محمد:امك صدقت البنت الها كم معانا ماشفنا منها غلط
سراج:معاكم انتو كويسة معايا انا لا
عفاف:كذاب دوسة ماعمرها غلطت في حقك
سراج عصب وبصوت عالي;انتو مش فاهمين شيئ تحكو هكي وخلاص
محمد:باهي فهمنا انت
سراج:ماعندي ماانفهمكم وطلع وسيبهم
محمد:هذا سراج مهما انديرو مستحيل ايتغير
عفاف تبكي:انا مانبيهمش يطلقو لازم ادير حل تعودت عليها معانا حسيتها بنتي كيف بتسيبنا
محمد:وسعي بالك كل حاجة والها حل غير ماتبكيش
عفاف:لازم اتردهم علي بعضهم
محمد:ان شاءلله حيردو
“”””
سراج طلع وهو متضايق وغامتله من فكرة كيف هله ايحبوها هكي ومهما حكى معتبرينا هو الغالط وفي نفس الوقت مش قادر يحكيلهم سبب المشكلة الأصلي عشان يفهمو ليش هو ايدير هكي
“”””
مرن 4 أيام فيهن سافرت رويدة ومعاذ مع بعضهم كانو منسجمين مع بعضهم بس رويدة كانت حاسة ان فيه حاجة واقفة بينهم وماكانت فاهمة شنو صح معاذ كان ايعامل فيها كويس وبحب بس مش زي قبل حست ان فيه شيئ متغير رغم ان معاذ كان ايحاول ماايحسسها بشئ بس رويدة لانها اتحبه واجد حست بس برضو الشيئ هذا مااثرش فيهم واجد وكانو منسجمين مع بعضهم ومنسجمين في رحلتهم #Koka_Saleh
“”””
اما فيصل فكان كل يوم يتصل برانيا ويطمن عليها واهتمامه وخوفه عليها كان واضح بكل من كلامه بس رانيا كانت مجروحة وماكان هامها واجد اللي ايدير فيه فيصل او حتى مش متنبهتله
“””
أما أبطالنا فكانو مجروحين?كل واحد فيهم عايش ومش عايش سندس ماكانت تحساب ان سراج عندها مهم للدرجة هذي كانت فاقدته بكل
ونفس الشيئ سراج كان فاقد السندس بكل ومرايفلها أكثر بالنسبة الحوشة من يوم اللي سندس طلعت منه معش خشله حتى دبشه ماخذاه منه ماحبش فكرة ايخش للحوش وهي مش فيه فقدانه السندس واحساسه بحبها خلاك معش ايحس بطعم شيئ حتى الشقة معش مشالها ماليوم اللي جتها سندس
الحاجة الوحيدة اللي كان كل يوم ايدير فيها يطلع يبرم في المدينة كلها وايجي كل يوم قدام حوش سندس يقعد مدرس فترة طويلة وهو ايفكر فيها وبعدها يمشي للفيلا ويرقد كل يوم ايدير في نفس الحاجة
“””
سندس كلموها في الجامعة وقالولها ان هي ورانيا لازم ايجن يبدن في مشروعهن وكلمت رانيا واتفقن ان يبدن يمشن Koka Saleh
“””
بدن سندس ورانيا في مشروعهن ومعاهن الشباب وخذا المشروع كل وقتهن كانن كل يوم يمشن للموقع اللي بيبنو فيه الشركة وكانن فرحانات لانهن اينفذن في المشروع علي ارض الواقع
“”‘
مرن 5ايام اخرى فيهن معاذ ورويدة عجبهم الجو ومددو اسبوع اخرى
اما سراج فكان نفس وضعه وزاد اريافه السندس
أما سندس كانت في النهار تلهي في روحها في المشروع بس في الليل اتكملها تفكير في سراج وكل يوم اتخاف ان اتجيها فيه الورقة وايطلقها
الاثنين كانو ايحبو بعضهم بس كل واحد حاسب ان الاخر هو اللي غالط وكرامتهم عندهم كانت فوق كل شيئ
“””
اليوم #السادس في الصبح
زي كل يوم سندس جتها رانيا ومشن الموقع الشركة اللي بدو العمال يبنو فيها
أما سراج وعى ومشى للشركة زي روتين كل يوم وخش للمكتب وبعد نص ساعة جاه فيصل فيصل Koka Saleh
فيصل:صباح الخير
سراج:صباح النور
فيصل:وينك معش انشوف فيك
سراج;مااهو كل يوم اتشوف فيا في الشركة
فيصل:مانقصدش في الشركة نقصد في الشقة
سراج:مش فاضي عندي شغل
فيصل:اي شغل يابو شغل غير قول شكلك لاقي مكان فيه مزز اخرى قولي نمشي معاك راني نصك ازح
سراج:لا مزز لا شيئ ماعنديش نية الشيئ
فيصل:اوووف كيف صار كنك يانصي
سراج:طيرتلي النية من كل البنات
فيصل:قصدك أم السان
سراج;ومن غيرها يعني
فيصل:عشان تعرف لما قتلك اتحبها قتلي لا
سراج:القصة مش قصة حب قعدتها علي اسمي وعلي ذمتي معش نبيها
فيصل:كيف هذي فهمني
سراج:هكي كرهتها بكل نبي انطلق خلاص
فيصل:سراج الزواج والطلاق مش لعبة البنت واضح انك اتحبها لو اطلقها حتندم وبعدين مش حتردلك راه
سراج:انت عارفني عمري ماندمت علي حاجة وبعدين انسب حل الطلاق انريح وانتريح
فيصل:كان تسمع نصيحة صاحبك ماتسرعش ثبت مشاعرك قبل واللي صار ينحل
سراج:انا معش نبي شيئ ينحل انا كرهتها نبي انطلقها فيصل:انت اللي حتخسر والله
سراج بيحكي رن فونه وكانت امه
سراج:مش شورك انا بنخسر ورد علي امه
سراج:ها عفوفة شن فيه
عفاف تبكي:تعال خوذني ياسراج سندس ضربتها سيارة وتوا في المستشفى #Koka_Saleh
سراج بخوف;شنو اتقولي من قالها لكي انتي
عفاف:توا رنيت علي فونها بنطمن عليها زي كل يوم ردت عليا صاحبتها وقالتها ليا تعالي بسرعة بنمشي انشوفها
سراج:رني علي باتي انا بنمشي للمستشفى دغري مش حنقدر انتكي عليك وسكر وخذا مفتاح سيارته وبيطلع

فيصل:ان شاءلله خير كنك
سراج:سندس ضاربتها سيارة وقاعدة في المستشفى
فيصل:ارجاني نمشي معاك وطلعو مع بعضهم
“‘”
القصة اللي صارت مع سندس ان في الموقع اللي هما فيه كانت ماسكة الخريطة واتوري في المقاول بعض التغيرات وبعدها هو عدى وهي رن فونها وكانت امها وقعدت تحكي معاها واحد مالشباب اللي معاهم كيف وصل للموقع وكان بيدرس سيارته جنب باقي السيارات بس لما مشى بيها كان قدامه لوح ماقدرش ايطلع السياره درس السيارة ونزل ايحول فيه كانت في اللحظة هذي سندس ورا السيارة والمكان كان مرتفع اشوي يعني السيارة لو الفرينو مش ممسوك كويس اترد لاورة (تدردح)المهم فعلا لما الشاب نزل وسيب السيارة ردت لاورة وسندس مافطنتش فخبطتها بس الخبطة كانت مش واعرة واجد حصلت فجغة وكدمات مالطيحة
“”””
سراج ركب في سيارته وركب معاه فيصل والسيارة كانت طايرة وفي دقايق كان قدام المستشفى ونزلو دغري وخشو وسألو علي اسم سندس وعطوه رقم الدار ومشالها دغري وخش وكان معاها باتها وامها ورانيا والشابين اللي معاها في المشروع مصبيين برا
سراج خش وماركزش علي كل اللي قاعدين من كثر خوفه علي سندس كان مش مركز الا عليها
سراج بخوف:قوليلي شن صارلك وفي شنو اتحسي وكويسة ولا لا
سندس مصدومة من جيته:اهدى سراج كويسة مافيا شيئ koka Saleh
سراج:متاكدة مااتحسي في شيئ باهي الدكتور شن قالك
سندس;اشوي كدمات والدكتور قال كويسة
فرج;مااتخفش سندس كويسة
سراج فطن وانحرج:كيف حالكم اسمحولي خشيت بسرعة ماانتبهتش
فرج:ولا ايهمك نحن كويسين وحتى سندس طمنا الدكتور توا وقال كويسة
سراج:امتى ضربتها السيارة
فرج:الها قريب نص ساعة
سراج:معقولة وليش ماكلمتوني من وقتها
سعاد:والله تلخبطنا ومعش فكرنا في شيئ
سندس:انت من قالك
سراج:عفوفة كلمتني قالت رانة علي تليفونك وردت صاحبتك وحكتلها
رانيا:صح رنت عليا وانا قلتلها غير انسيت انقولها لكم
سراج:كانت تبيني انتكي عليها غير انا لما قالتلي خفت عليك ومعش فكرت الا اني نوصل هنا فماتكيتش عليها وقعد ايشوف السندس وسندس اتشوفله
فرج قعد ايكح وبلعاني عشان يبيهم يفطنو
سراج بعصبية:من الحمار اللي دار هكي
رانيا:اس عيب قاعد مصبي برا #Koka_Saleh
سراج صبى وبعصبية:وين خلوني نشرب من دمه
فرج امسكه:اهدى الشاب معاها في المشروع وماكان قاصد ومن بدري يعتذر
سراج:يعتذر ولا ينحرق الطريحة بياخذها بياخذها
فرج بعصبية:سراج همد وقمعز قتلك الشاب مش قاصد
سراج تحشم من فرج وقمعز وبعدها قرب من سندس
سراج:قصدك بديتي تشتغلي مع شباب
سندس برفعة حاجب:اها
سراج:ماشي ياسندس انتفاهمو بعدين
سندس:خلاص معش عندنا عليش انتفاهمو اللي بينا انتهى
سراج:متأكدة
سندس:أها
سراج:ماشي وسكت
وبعد اشوي جو عفاف ومحمد ايحمدو علي سلامتها وقعدو معاهم اشوي وبعد ربع ساعة خش الدكتور وعطاها خروج
فرج:هيا دوسة انزلي مالسرير بالشوية
سراج;توا انزلها انا وقعد اينزل فيها
سراج:كان كراعك توجع فيك وماتقدريش تمشي عليها انشيلك Koka Saleh
سندس:لا تمام نقدر نمشي
سراج:باهي اسندي عليا
سندس كانت مرايفة عليه وعلي كلامه بكل وماكانت معارضة واجد مساعدته الها
فرج:هيا كلكم تفضلو معانا للحوش اتغدو معانا وتطمنو علي سندس اكثر
سراج:بس سندس مش حتروح معاكم
سندس فنصت عيونها فيه
فرج;كيف شن قصدك
سراج:بنروح بيها علي حوشنا
فرج;لالا البنت زاعلة واصلا تبي الطلاق
محمد:كيف صار يافرج اهو سراج يبيها ويبي ايردها
سندس:بس انا ياعمو نبيش انردله
سراج:تحكي جد
سندس:جد الجد
فرج:اسمحولي مانقدرش نغصبها واصلا مانقدرش انخلي بنتي عند واحد يشرب
محمد:نوعدك معش يشرب وخوذه كلام راجل
سندس:عمو حتى لو معش شرب معش بنردله
عفاف:مااتسكريش راسك يادوسة عارفة قلبك ابيض وكان مارديتي عشانه ردي عشاني والله الفيلا فاضية عليا بكل من غيرك
سندس:معليش اعميمة سامحيني
سراج;هذا اخر كلام عندك
سندس:اها ماعنديش غيره
سراج قرب من وذنها:تعرفي كان مارديتي معايا والله انقوللهم سبب المشكلة الحقيقي(طبعا هو حقير ولما عرف ان سندس ماحكتش السبب الحقيقي عرف انها خايفة تحكيها فمسكها من يدها اللي توجع فيها?)
سندس شافتله وبخوف:شنووو
سراج:زي ماسمعتي بزبط Koka Saleh
سندس:برضو مش رادة
سراج;خلاص حنحكي وامري لله بس انتي عارفة كويس شن حيديرو باتك وامك وشن حيصير فيهم لما يعرفو بنتهم مشت بكرعيها الشقة زي هذي
سندس سكتت
سراج:في حاجة صارت بنقولها لكم
سندس:بابا بنروح مع سراج
فرج مصدوم:متأكدة من قرارك ياسندس
سندس:اها يابابا
سراج فرح من قلبه وطلع فرحته علي هيئة ابتسامة خفيفة
كلهم عرفو ان سراج قال حاجة السندس غيرت رايها بس ماحد عرفها شنو
فرج: اسمع ياسراج الامر مازال في يدي ومش حنخليها اتروح معاك الا لما توعدني وعد راجل معش تشرب
سراج;نوعدك ياعمي قدام كل اللي قاعدين اني معش نشرب ولا انحطه في فمي #Koka_Saleh

فرج:لو تكررت القصة هذي والله ماعاد انردها معاك لو هي قعدت تبكي دم عالردة معاك
سراج يحكي السندس بشويش:اصلا عمرك ماتبكي علي رده معايا
فرج:شن قلت
سراج:قتلك والله مااتكرر
فرج:هيا انتغدو مع بعضنا وبعدها تاخذ دبشها واتروحو
سراج:لالا نبيها اتريح في الحوش دغري
سعاد:بس هي مريضة وتبي واحد يهتم بيها
سراج:ماعليكم فيها انا معاها حتى مش شغلي بناخذ اجازة من توا ياباتي Koka Sakeh
محمد يضحك:مستعجل عالاجازة
عفاف:مااتشيلش همها انا حنرد بالي عليها وكأنها معاك بزبط راهي بنتي حتى انا
سعاد:عارفتها غير خايفة عليها
سراج:كملو محبتكم وخوفكم علي مهلكم انا بناخذ مراتي وانروح
كلهم قعدو يضحكو وسراج خذا سندس وروحو ووصلو للحوش ومابش ايخليها تنزل علي كرعيها شالها وخششها للحوش ورقى بيها الدارها دغري وحطها علي سريرها
سراج:نورتي حوشك
سندس:غريبة الحوش ملموم ومش محوسه مع انك فوضوي
سراج قمعز عالسرير:من يوم اللي طلعنا منه مع بعضنا معش خشيتله
سندس:معقولة ليش
سراج:لاني عارف ان بلاك مافيش جو زي الجثة اللي بلا روح بزبط
سندس ابتسمت وسكتت
سراج قعد ايشوفلها وهي انحرجت وقعدت مطبسة راسها
سراج: #انحبك
سندس رفعت راسها وانصدمت وقعدت اتشوفله
سراج:والله انحبك وتاكدت من شعوري الفترة اللي تباعدنا فيها اتصدقيني لو انقولك كانن اسوأ ايام حياتي كل وقتي كنت انفكر فيك ماعرفتش شن درتي فيا
سندس جت بتحكي
سراج حط يدها علي فمها
سراج:عارفك بتقولي انك مش مصدقتيني واني ممكن انكون نكذب عليك وانك انتي مازال ماحسيتي بشعور الحب تجاهي بس انا والله انحبك وعشان نثبتلك صحة كلامي انا موافق علي شرطك وبقناعة مني تعرفي ليش
سندس:ليش
سراج:عشان معش نبي اي بنت في حياتي الا انتي انتي البنت الوحيدة اللي خلتني انحسها تفرق انتي الوحيدة اللي سيبت كل البنات وكرهتهن وقعدت نبيها هي بس اتكون معايا انتي البنت الوحيدة اللي سيطرتي علي قلبي وعقلي وخليتيني طول الوقت انفكر فيك انتي غيرتي فيا حاجات واجد في الاول ماكنتش بنعترف بيهن بس بعد جربت العيشة بلاك اعترفت بيهن وتأكدت اني انحبك واني نبيك انتي من دون كل البنات خلاااص اعتبري كل اللي فات ماضي واسكر وبنفتح صفحة جديدة معاك ونوعدك حنخليك اتحبيني زي ماانا انحبك بزبط
سندس كانت اتشوف السراج وكأنه شخص جديد قدامها سراج:موافقة انحبك وانخليك اتحبيني
سندس كان قلبها بيطلع من مكانه من كلام سراج وحست بصدق كلامه Koka Saleh
سراج:جاوبيني
سندس هزت براسها بمعنى موافقة
سراج:بنسمعها من فمك
سندس:موافقة
سراج عظ علي شفايفه;ناعلي نا وبعدها قرب منها وباسها علي جبينها وقعد ايشوف لعيونها وهي اتشوفله وقعد ايقرب منها
سراج:انتي كويسة مااتحسيش في شيئ
سندس:اها كويسة عليش تسأل
سراج:اس توا تعرفي توا وزاد قرب وحط شفايفه علي شفايفها وقعد ايبوس فيها وسندس ماكانت معارضة اللي يبي ايصير اصلا هي بروحها كانت اتحب سراج بس مااعترفتلش
وبينما وهما لاهيين في البوسات قعد جرس الحوش ايرن
سندس:سراج عدي شوف من
سراج ايبوس فيها:مش وقته خليني معاك
الجرس معش بطل رنين
سندس:سراج الجرس نرفزني شوف من انا مش طايرة سراج:اي حد توا مش وقته فوتيهم بس وتعالي
سندس:مرات تقعد اعميمة بتطمن عليا عدي شوف هيا
سراج:اووووف عليك قصة اهو بنمشي بس جايك جايك انتي اليوم ليا ماعندكش وين تهربي مني
سندس ضحكت:اهو قاعدة هنا عنديش وين انطير
سراج:دقيقتين انوزعهم وانجيك وطلع
سندس تضحك:مجنون?
نزل ووصل للباب وفتح وانصد لما لقاها
سراج:هدى انتي شن جابك هنا
هدى:جايتك عشان بينا احساب لازم يصفى
سراج:فلوسك وخذيتيهن مافيش بينا احساب
هدى:احسابنا مش فلوس
سراج:هدى امشي من هنا مش داعي سندس اتشوفك
هدى:كيف صار شكلك قعدت اتحبها اللي خايفها اتشوفني #Koka_Sakeh
سراج:اها انحبها ومانبهش اتشوفك
هدى:والله طلعت مش هينة وطيحاتك في اشباكها
سراج بعصبية:هدى اطلعي احسن ماانكلم الامن ايطلعوك
هدى بصوت عالي:اي امن يابابا انا ماليوم معش يقدر حد ايطلعني من هنا
سراج بعصبية:وعليش مايقدر حد ايطلعك بالك فيلة بوك وماعنديش علم
هدى:لا مش فيلة بويا بس حتقعد فيلة ولدي
سراج;كيف كيف مافهمتش
سندس سمعت الهرجة ونادت كم مرة سراج بس سراج ماسمعهش ونزلت بتشوف شن فيه
أما محمد وعفاف وصلو للفيلا وجو شور حوش سراج عشان يطمنو علي سندس وايشوفو حالتها
هدى;مش عساس تفهمها وهي طايرة ليش مافهمتهش توا
سراج بعصبية;شنو بنفهم احكي وماادرهيش كبدي
هدى:تفهم اني حامل بولدك
سراج فنص عيونه زين:شنووو
سندس كانت نازلة عالدروج وبعد سمعت الكلمة شهقت وحطت يدها علي فمها وسراج لف وشافها وجاها يجري
محمد وعفاف خشو للحوش وهما مصدومين Koka Saleh
محمد:صح اللي سمعناه توا
#يتبع
أبطالنا كانت حتقعد حياتهم حلوة بس قولكن بخشت هدى في الخط وكلامها انها حامل شن حيخلي حياتهم وشن حيكون رد فعل سندس بعد اللي سمعاته هل حتستمر مع سراج ولا حتنفصل عنه ? وهو حيرافق عالانفصال بسهولة?
وقولكن شن حتكون حياة معاذ ورويدة هل حتكون مستقرة هكي او بعد يرجعو حتصير بينهم مشاكل ?
ورانيا هل ممكن انها تنتبه الفيصل وتفتحله قلبها او حيكون حب رؤوف مصيطر عليها وهذا حيقعد عائق الفيصل اللي اول مرة ايحب ❤
كله حنعرفوه في الحلقة الجاية ☺
بديت في الحلقة متأخر لاني ماكنت نحسابها طويلة هكي هذا ليش تاخرت والله كنت حابة انزلها بدري بس مش مشكلة اهم شيئ نزلت وعوضتكن عالتأخير وفوق منها حلقة طويييلة وان شاءلله اتكون احداثها حلوة ويعجبنكن?
أسفة لو فيه لخبطة في الأسماء وأكيد رأيكم ايهمني?
گـتـابـتـي Koka Saleh