منحرف وأحببته

#مـنـحـرف_وأحـبـبـتـه
الـحـلـقـة (30)
گـتـابـتـي #Koka_Saleh
“”””””””””””””””””””””””””“””””””””””
حسبي الله ونعم الوكيل في كل وحدة تنشر الرواية بدون اذني وقبل ماتكمل الرواية
“””””””””””””سراج:عارف ان الظروف جبرنك وعارف اخرى انك بعدها اعجبتي فيا
سندس:طلع وهم وانا عمري مانعجب بواحد صايع زيك
سراج بيرد عليها رن الجرس ومشى بيشوف ولما فتحه كانت ???
لولي:مفاجئة?
سراج بصدمة;لولي
لولي:لما معش جيتني قلت انديرلك مفاجئة وانجيك هنا
سراج:كيف عرفتي العنوان
لولي تضحك:اسهل حاجة في ليبيا انجيب عنوانك انت ولا ناسي ان عيلتك معروفة هنا
سراج:لا مش ناسي بس ماتوقعتهش
لولي:انت عارفني اندير اي حاجة
سراج;عارفك
لولي:بنطولو ونحن قدام الباب مافيش تفضلي
سندس كانت مصبية وتسمع فيها ونزلت وفتحتها الباب
سندس ببرود:تفضلي
لولي ابتسمت:اهلين ياحلوة
سندس ابتسمت:اهلا بيك
خشت لولي وقمعزت وسندس وسراج وراها وقمعزو
لولي;معليش اذا جيت في وقت مش مناسب #Koka_Saleh
سندس:الحق ان انا جاية مالجامعة وسراج مالشغل وكنا بنرقدو
لولي:انتي تقري
سندس:اها
لولي ابتسمت:اكيدة بتقعدي معلمة
سندس:وايش شفتيني معلمة هكي باين عليا
لولي ضحكت:عشان اغلبية النساء او كلهن في ليبيا ايفضلن التعليم لان يعتبرو فيه هو المجال الوحيد اللي تقدر تشتغل فيه المرأة نظريتهم غريبة مافهمتهش
سندس:اولا انا نقرا في هندسة معمارية ثانيا عندنا نساء يشتغلن في جميع المجالات مش زي ماقلتي يعني نظريتك خطأ
لولي:لا مافيش خطأ هنا عندكم مافيش حرية للمرأة دائما تحت تحكم ياأب ياأخ يازوج ودغري اول ماتكبر ايجوزوها ومرات حتى غصب عنها عشان يسترو عليها
سندس:انتي في اي عصر عايشة لين اتقولي زواج غصب معش فيه حاجة هكي وبعدين فيه حرية عندنا بس ضمن حدود دينا
لولي:ماتنسيش ان دينكم هو ديني وشوفي حياتي وشوفي حياة البنات هنا #Koka_Saleh
سندس:مش معنى اذا مكتوب في بطاقتك الديانة مسلمة يبقى انتي مسلمة كل الموضوع انك جيتي عالدنيا القيتي باتك مسلم وامك مسلمة فقعدتي مسلمة بالفطرة بس تصرفاتك وشكلك مالهنش اي علاقة بالإسلام
لولي:انتو عندكم مسلمة لازم اتحجب وتلبس لباس شرعي واتصلي اليوم كله وتقرا قران
سندس:الاسلام مش هكي صح لازم من حجاب ولباس مستور والصلاة لو تعرفي مواعيدها 5مرات في اليوم انتي تعطيهن الربك لانك في كل وقت تقعدي ترجي في لقائه مش عشانها فرض عليك والقرآن هذا راحة للقلب والروح وانا انتحداك اذا عمرك مسكتيه أو قريتي منه ولو آية وحدة اصلا لو قاريتيه مش حتحكي هكي
لولي:اني قاريته او لا هذي حرية شخصية
سندس:يبقى لما تحكي عالدين قولي انك مسلمة بالفطرة وبس ودولة اتكوني مش عايشة فيها ماتحكيش علي هلها وكيف عايشين #Koka_Saleh
سراج طبعا كان ساكت وايشوف للنقاش اللي صاير بينهن
لولي صبت:سراج انا اصلا جاية نبيك انت بش شكلي غلطت اني جيت هنا
سندس:باهي اللي عرفتيها
لولي:سراج نبيك بروحك شوي وطلعت
سندس:هي أطلع معاها بسرعة انا ناعسة وبنرقد
سراج كان مصدوم من برود سندس وطلع ورا لولي وسندس سكرت الباب وراهم
طلعت لولي وصبت جنب سيارتها
لولي:عاجبك كلام المتخلفة اللي جوا
سراج:هي ماحكتش شيئ غلط كان نقاش عادي وانتي اللي بديتي فيه #Koka_Saleh
لولي:بس هي لزتني وقدامك وانت ماحكيتش بكل
سراج:لولي البنت مراتي وانك اتجيني لعند حوشها هذي بايخة منك وبايخة في حقها
لولي:بس انت قلت انها مش متحكمة فيك وان مافيش بنت اتحكم فيك ولا غيرت رايك
سراج:ماغيرتش لكن جيتك هنا مش حلوة وبعدين انا وانتي بينا اتفاق وقتلك حنجيك كنتي استنيتي
لولي:انا استنيتك وااجد بس بعد معش جيت قلت انديرلك مفاجئة بس ماتوقعت هذي ردت فعلك انا اسفة اني جيتك وجت بتركب في سيارتها
سراج:لولي ماتزعليش انتي عارفة اني كنت بنجيك بس عندي ضغط في الشغل #KokaSaleh عشان حياتي تغيرت توا مش زي زمان عندي مسؤوليات واجد
لولي:حتى لو مش حاب اتجي براحتك انا بكرا مسافرة
سراج:وليش بكرا
لولي:كملت شغلي هنا
سراج:وامتى بتردي هنا
لولي:مش عارفة بس لو حاب هيا معايا توا
سراج:توا عندي شغل في الشركة
لولي:سراج انا عمري ماشفتك تهرب من وحدة هكي مش عارفة ليش حاسة انك تبيش اتخونها
سراج:لا مش هكي وهي اصلا عارفة ومن يوم اللي خذيتها وانا كل يوم مع وحدة
لولي:إذا هكي معناها هي معايا توا
سراج:توا لا بس وعد في الليل سهرتي عندك
لولي:خلاص نرجى فيك
سراج;خلاص اتفقنا
لولي ركبت في سيارتها:سلام ومشت
وسراج جا بيخش للحوش #Koka_Saleh
سندس كانت اتشوف فيهم مالروشن وحست براحة لما لولي مشت بروحها لانها كانت خايفة سراج يمشي معاها ولما طلعت لولي بسيارتها هي خشت دغري الدارها وسكرت وقعدت اتغير في دبشها وبترقد
سراج خش وخش الداره دوش ورقد
”
عالمغرب سندس وعت شافت الساعة لقتها 7
سندس بصدمة;معقولة رقدت لعند توا وصبت غسلت وجهها وتوضت وصلت المغرب والعصر وطلعت ونزلت تحت لقت سراج واعي وايدير في قهوة في المطبخ
سندس:ليش ماوعيتني معقولة اتخليني نرقد لعند توا
سراج;انا بروحي توا غير وعيت
سندس:احسبني معاك في القهوة
سراج:اسف مانقدرش درتها اشوية ليا
سندس:بس اهي واجدة #Koka_Saleh
سراج:راسي مصدع وبنشربها كلها
سندس:ماشي ومشت وطلعت بكرج القهوة وبدت ادير في قهوة الروحها
سراج خذا قهوته وطلع وقمعز وقعد ايتفرج عالتلفزيون عشان مازال غامتله من سندس وكلامها عالمشروع
اما سندس كملت قهوتها وقعدت تشرب فيها في المطبخ وماعدلتش عليه بعد اشوي سمعت سراج يحكي بالفون جاها فضول تعرف مع من يحكي وطلعت وقعدت تسمع
سراج:اشوي وانجيك
لولي:واذا ماجيتش انسافر وانا زاعلة منك راه
سراج:وانا مانقدرش علي زعلك اشوي وانجيك لولي
سندس سمعت الأسم وانقهرت والغيرة بدت تشتغل عندها وبذات انها عرفت ان بيمشيلها
سراج صبى ورقى الداره فوق وقعد ايغير في دبشه ولبس(جينز بيج وعليه تيشرت كحلي وكاويش كحلي)وبخ عطر وطلع نزل لقى سندس اتفرج ومشية الوضه عادي بس هي من جوا نار الغيرة شغالة
سراج:تبي حاجة من برا
سندس:لا
سراج:بنطول واحتمال ماانروحش اليوم
سندس:تمام براحتك
سراج:اوكي وطلع #Koka_Saleh
سندس بدت تحرق من اول ماطلع ومش عارفة كيف بتحمل ان بيقعد معاها صح سراج كل يوم يمشي ويسهر بس البنات اللي يسهر معاهن سندس تعرفش ولا وحدة فيهن ولا عارفة كواليش الشقة كيف بس لولي شافتها وجيتها الهم اليوم كانت زي التحدي السندس
“”
سراج وصل الحوش لولي ورن عليها وفتحتله وخش
طبعا لولي كانت لابسة(فستان أحمر قصييير ومدايرة شعرها عالجنب ومدايرة مكياج حلو وطالعة سمحة)
لولي:نورتني سيجو
سراج:اكيدة انورك سراج بحاله جايك
لولي تضحك;مغروووور
خشو وقمعزو جوا
سراج:اووووو مجهزة تجهيزات سهرة حلوة
لولي:اكيدة اصلا من جيتي هنا وانا نرجا في السهرة معاك
سراج قمعز:واهو جيتك
“”
عند سندس قاعدة علي نار ومش عارفة شن ادير عشان تمنعه مالسهرة مع لولي وخطرت علي بالها عمتها ومسكت فونها واتصلت بيها
عفاف ردت:خيرات دوسة #Koka_Saleh
سندس;شن اخبارك توا اعميمة
عفاف:الحمدلله شن اخبارك انتي
سندس:الحمدلله اعميمة
سندس:اعميمة نبي منك حاجة
عفاف:خير ان شاءلله
سندس:اعميمة سراج توا طلع مالحوش وهو ماشي الوحدة اخرى
عفاف;هالحقير مستحيل يعقل بكل
سندس:وبصراحة انا مانبيش يمشيلها
عفاف:من حقك وكان تبي انخلي عمك ايكلمه وايخليه ايروح غصبن عنه
سندس:لالا مش هكي انا نبيه ايروح من غير مايعرف ان انا ورا ترويحته
عفاف:كيف يعني
سندس:اعميمة انا نبيك اتكلميه واتقوليله اي حاجة عشان ايجي هنا انتي اكيدة عارفة الأسباب اللي ايخلنه ايروح
عفاف:تمام فهمتك خلاص حنكلمه وانقوله انك مريضة وان نحن مش في الفيلا
سندس:لو اتقوليله انتي المريضة لان عشاني انا مش حيجي البنت اللي قاعد معاها اهم
عفاف;ولدي وعارفة اللي في قلبه اذا قتلك انك مريضة حيسيب اي حاجة عشانك
سندس:جربي مع اني عارفة ان سهرته معاها أهم
عفاف:وحياتك عندي ماحتكمل سهرته معاها وحتشوفي
سندس:ياريت اعميمة
عفاف:هي سكري خليني انكلمه #Koka_Saleh
سندس:اوكي وسكرت
“”
عند سراج
لولي:تعرف انك أكثر راجل جذاب في الدنيا كلها
سراج بغرور:عارف?
لولي:بلاش صماطة نحكي جد انا عمري ماعزمت شاب علي سهرة معايا واصريت عليه كم مرة كلهم ايتمنوني بس نرضى وكل واحد يحلم بسهرة معايا بس انت من اول لقاء بينا في المانيا وانا نرجى في اللحظة هذي
سراج:وانا اي بنت حلوة نعرض عليها بس لاني تعرفت عليك في مكان عمل وحسيت حياتك كلها شغل ماعرضتش عليك
لولي:وانا هذا اكثر شيئ خلاني ديما انفكر ليش ماعرضتش عليا مع اني لما سألت عليك عرفت طبيعة حياتك وكيف ماشية هذا ليش درت صداقة معاك وتمنيت انك تعرض عليا سهرة معاك
سراج:وانا انقدملك عرضي توا اتحبي تسهري معايا
لولي:أكيد انحب
سراج قرب منها ويبي ايبوسها بس صورة سندس جت بينه وبين لولي وهذي كانت أول مرة اتصيير معاه
سراج في آخر لحظة وقف
لولي بدلع:شن فيه سيجو
سراج بيتفاده الموقف:حلاوتك وقفتني
لولي قربت منه وبادرت بالبوسة هي وقعد هو ايشارك فيها في البوسة بس كان حاس بشئ غريب وكأنه مش راضي عاللي ايدير فيه #وفجأااااااااة رن فونه
سراج بعدها:اشوي انشوف من اللي ايرن
لولي:فوت اي حد اليوم انت ليا بروحي وقربت منه وقعدت اتبوس فيه
فون سراج قعد ايرن أخرى
سراج بعدها:لولي اشوي انرد مرات صايرة حاجة
لولي لوت بوزها وبعدت:رد هي بس راه مافيش طلوع من هنا
سراج مسك فونه ولقاها امه ورد
سراج:ايوا عفوفة
عفاف:سراج امشي السندس بسرعة
سراج:شن فيه كنها
عفاف;رنت عليا توا وكان صوتها تاعب وقالتلي مريضة بس انا وباتك توا عند جدك
سراج بخوف:ماقالتلكش كنها
عفاف:لما عرفت اني مش في الحوش ماحبتش تحكي وسكرت وقعدت انرن عليها مااتردش
سراج:خلاص حنمشيلها توا وسكر #Koka_Saleh
لولي:وين ماشي أنا قتلك انت اليوم ليا بروحي
سراج:لولي سندس مريضة انشوف كنها وانرد عليك

لولي ضحكت:مراتك مش مريضة هي ادير هكي بلعاني عشان انت اتروح مني
سراج:اولا سندس مش عارفة اني جايك ثانيا هي عمرها ماعدلت اذا مشيت سهرت مع وحدة او لا
لولي:ماشي عديلها بس راه نرجى فيك
سراج:انشوف كنها وانرد عليك
لولي:تمام #Koka_Saleh
طلع سراج وركب في سيارته وهو خايف علي سندس وطول الطريق وهو ايرن عليها وهي مااتردش عليه لان عمتها كلمتها وحكتلها اللي صار وقالتلها مااتردش اذا رن عليها عشان ايخاف وايجيها وفعلا سندس دارت زي ماقالتلها عمتها
وصل سراج للفيلا وخش بسرعة ودغري رقى الدار سندس ولقاها متمددة في سريرها ولافة رجليها البطنها واتألم
سراج بخوف:سندس كنك
سندس بألم:بطني مش عارفة كنها كأن فيها موس الم مش طبيعي
سراج:صبي هيا انشيلك للمستشفى
سندس:لالا ماانحبش المستشفى جيبلي اي مسكن ألم
سراج:مااتجيش لازم انشيلك للمستشفى
سندس:سراج قتلك ماانحبش المستشفيات مااتزيدهش عليا
سراج:باهي شن نوعه المسكن اللي تاخذي فيه
سندس بألم:اي مسكن ألم بسرعة
سراج;حاظر عالسريع انجيب مسكن وانجيك وطلع بسرعة
سندس ابتسمت ابتسامة خبث:خربتها لكي سهرتك يامنحرف?
سراج ولع السيارة وبسرعة رهيبة الاول صيدلية واي نوع مسكن جابه وجاب مجموعة ادوية وصفهن له الصيدلي الألم البطن والصيدلي فهمه ان الم البطن ناتج من الخالة اللي كل شهر اتزور فينا ?وعطاه وصفات ايديرهن #Koka_Saleh
روح سراج للحوش ورقى الدار سندس ولقاها مازال علي نفس الوضع جابلها مية وسندها وعطاها مالدوا بس اصرت تاخذ نوع واحد وخذاته وقعدت مازال نفس الألم وسراج قاعد جنبها وايشوف فيها وهي اتألم ومتربطات ايديه ومش عارف ماايدير وبعدها اذكر وصفة الصيدلي وصبى ونزل للمطبخ وخذا حليب وحطه عالنار رجاه اشوي يسخن وحطه في كباية وحط عليه كاشيكين قرفة وكاشيك سكر وخلطهن وشالهن السندس
سراج:قمعزي اشوي اشربي هذي
سندس بألم:شنو #Koka_Saleh
سراج:حليب بالقرفة قالي الصيدلي ايخفف الألم
سندس:بس انا ماانحبش طعمة القرفة
سراج:تحمليها عشان تقعدي كويسة
سندس:باهي وخذتها وقعدت تشرب فيها بس فعلا ماكانتش اتحب القرفة وكانت تشرب فيها فوق مالنية بس عشان مااتبان انها اتمثل
سراج:اول مرة ايصيرلك هكي
سندس:اها
سراج:يعني من قبل كانت اتجيك بدون ألم
سندس:شن هذي
سراج قرب منها وقالها الها بشويش
سندس انصدمت:انت شن فهمت انا الم بطني بروحه مش عشان هكي وقعدن خدودها حممممر
سراج:الصيدلي قالي هذا سبب الم البطن
سندس انحرجت ومعش ردت عليه
سراج حب ايغير الموضوع عشان حسها انحرجت
سراج:مازال بطنك اتوجع فيك
سندس خافت اتقول معش اتوجع فيها ايرد علي لولي اخرى
سندس:لا مازال فيه الم
سراج:باهي وين بزبط مكان الألم
سندس:هنا واشرت علي بطنها
سراج حط يده علي بطنها وقعد ايحرك فيها بشويش عساس ان ايسخن المكان اشوي
سراج:ممكن ايكون صقع معناها لازم ادفي روحك وصبى وفتح الدولاب وجابلها منه بطانية
سندس:شن هذا مازال بدري عليها
سراج:عشان تسخني ومعش اتوجعي
وغطاها بيها وسندس قعدت تسخن بكل لان مازال مش وقتها توا #Koka_Saleh
سندس:سراج انا حميت بكل حولها
سراج:يعني قعدتي كويسة
سندس كانت بتخلص مالبطانية:اها كويسة
سراج:باهي حنحولها وحولها من عليها
سراج:تبي حاجة انديرها لكي
سندس:لالا
سراج قعد فونه ايرن وقعد ايشوف السندس ومعش قدر ايرد
سندس طبعا عرفت ان لولي اترن عليه من نظراته
سندس بألم:اييي سراج رد البطانية
سراج:هي باهي وجابها وغطاها بيها
سراج:قصدك قعدت اتوجع فيك اخرى
سندس:اها
سراج قمعز عالسرير جنب سندس
سراج:معناها اليوم مش حنقدر انسيبك
سندس بالم:اذا عندك شغل عدي ماتشغلش بالك بيا
سراج:معقولة انسيبك وانتي هكي انا قاعد جنبك للصبح
سندس كانت فرحانة بكل بس ماعبرتش بولا كلمة
سراج مسك فونه ودز رسالة اللولي(اسف مانقدرش انجيك سندس تاعبة بكل خيرها في غيرها )وقفل فونه وحطه عالكومدينو
سندس لما قفل فونه فرحت وعرفت ان معش بيمشيلها
سراج:مازال اتوجع فيك
سندس:توا كويسة بس البطانية حمتني بكل مش قادرة انتحملها
سراج:لازم اتحملي عشان معش اتوجعك بطنك
سندس:باهي #Koka_Saleh
سراج:نحكيلك نكته اتغيرلك جوك
سندس:باهي
سراج قعد ايقول في نكت السندس وقعد ايخرفلها في مواقف صايرات معاه ايضحكن وسندس كانت فرحانة بقعدته معاها وتضحك علي كلامه وطبعا هما الاثنين مافتحوش اي موضوع ايخليهم ايعصبو علي بعضهم قعدو قريب ساعتين غير يحكو في حاجات ضحك وخلاص لعند لما سندس نعست ورقدت وسراج يحكيلها
سراج يضحك:فيصل عبيط ديما ايدير في مواقف ايضحكن
سندس ماردتش عليه
سراج:سندس وين رحتي وشافها لقاها راقدة
سراج ابتسم:رقدت وانا نحكيلها المجنونة
نزللها راسها وسقملها رقدتها وغطاها كويس وجا بيطلع
سراج ايفكر:نرقد جنبها احسن ماايصيرلها شيئ ومانسمعها وجا جنبها ورقد وخلى وجهها مصادره وقعد ايشوفلها #Koka_Saleh
سراج ايشوفلها وايحرك في يده علي خدها وايفكر:اليوم اول مرة صورتك اتجي بيني وبين بنت اخرى وماكنت راضي عاللي بنديره وماصدقت رن التليفون ونقذني وكأنه نبي نهرب وكأنه صار هكي عشان ربي يبيني انبطل اللي اندير فيه
وبعدها باسها علي جبينها ومسك ايديها ورقد جنبها ودغري رقد #Koka_Saleh
“”
صباح ثاني يوم وتحديدا الساعة 7:00
وعت سندس ولقت سراج راقد جنبها ومازال بدبشه ابتسمت وكانت فرحانة لانه ماسهرش مع لولي واللي فرحتها اكثر ان هي اللي خربت السهرة قعدت اتشوف السراج وهو راقد واتفكر
سندس اتفكر:انت الشخص الوحيد اللي حركت مشاعري بس ياريتك كنت انسان طبيعي انت فيك اخطاء واجد وانا لازم ماانصلحهن لكي عشان تقعد تستاهل شعوري تجاهك وبعدها خطرت في بالها فكرة مسكت فونها ودزت رسالة العمو عدنان كتبتله فيها(عمو اليوم بنمشي مع سراج مااتجينيش) وصبت بشويش من جنبه وخذت دبش مالدولاب وخشت للحمام ولبست(جينز ازرق ضااااااابط وعليه كت ابيض وجاكيت نمري وشنطة بيج وشوز عالي بيج ومالبستش وشاح وكان شعرها قصير مقصوص قصة حلوة خلاته زي ماهو ودارت مكياج ودكنت الروج) وطلعت وكانت مقررة تمشي للجامعة هكي وجت عند السرير وقعدت اتوعي في سراج #Koka_Saleh
سندس:سراج سراج هي نوض وقت تاخرنا الساعة 8
سراج نط;ليش ماوعيتيني بدري
سندس:انا بروحي تأخرت وعندي محاضرة مهمة هي صبي عشان نبيك اتشيلني لان عمو عدنان مريض
سراج شافلها:—
#يتبع
قولكن شن رد سراج بعد ايشوفها هكي وهل حيوافق ايشيلها او لا وهل حيغار ولا مش حتفرق معاه ولو غار شن حتكون ردة فعله كله حنعرفوه في حلقة بكرا اللي حيطورن فيها الأحداث أكثر?
معليش عالتاخير وعلي ان الحلقة قصيرة
سبب التاخير الايام اللي فاتن عندي قراية قدرتش نكتب واليوم مالبخت مالصبح وعيت مريضة بس قعدت كل اشوي نكتب اشوي عشانكن المفروض الحلقة اطول من هكي بس هذا اللي قدرت عليه اليوم وبكرا حنزل حلقة اخرى
وطبعا نتنا الجميل رد خرب اخرى ?قريب ننتحر انا منه ان شاءلله انغيرو الجهاز ونفتكو منه بكل المهم انا بنقعد نفتح بلبيانا لذلك مش حنقدر نفتح الوقت كله ولا حنقدر انرد عالتعليقات وهكي
ونزلتلكن الرواية كتيبة زي قبل عشان واجد مش قادرات يقرنها وانا مانرضى تنحرمن منها واللي تسرق فيها حسبي الله ونعم الوكيل فيها وكلت عليها ربي بس في التعليقات مش حنقدر انزلها لذلك اي وحدة مالفانز اتساعدني واتصورها واتنزلها للباقي
أسفة لو في لخبطة في الأسماء وأكيد رأيكن ايهمني?
گـتـابـتـي Koka Saleh