منحرف وأحببته
#مـنـحـرف_وأحـبـبـتـه
الـحـلـقـة (23)
گـتـابـتـي #Koka_Saleh
“””””””””””‘””””””””””””””
صباح ثاني يوم وتحديدا الساعة 8
سندس وعت وراسها مصدع وجت بتحرك وفتحت عيونها وانصدمت لما لقت روحها في حظن سراج قمعزت وهي مفجوعة بحتت في روحها ولقت روحها بالملابس اللي تحت بس بحتت في سراج كان متغطي بس من فوق ماعليه شيئ سندس غطت روحها بالورغان
سندس بعصبية وصوت عاااالي:سرااااااج ?
سراج نط مالفجعة:تي كنكسندس بعصبية:تقدر اتقولي شن حطيتلي في القهوة وشن درت امس
سراج بخبث:درت كل حاجة كانت ليلة حلوة بكل
سندس عصبت وبصوت عاالي:انت واحد حقير وتافهه كيف ادير حاجة زي هذي كيف تلمسني وانت عارف اني نكرهك
سراج ايبحت فيها ومبتسم
سندس زادت عصبيتها من بروده:انت مش طبيعي انت مريض فيه واحد اينوم وحدة عشان ياخذ منها اللي يبيه انت قذر وتافه
سراج ببرود:اهدي حنفهمك اللي صار
سندس زادت عصبت وعلت صوتها:شن اتفهمني اللي صار واضح كيف ارضيتها علي نفسك بس تي انا مش طايقتك مش طايقتك افهم
سراج:سندس اهدي وخليني انفهمك
سندس بعصبية:انت خليت فيها هداوة ماخلاص اللي تبيه وصللته وخذيته كيف ادير هكي ونحن بينا اتفاق
سراج بعصبية:عارف بينا اتفاق اسكتي وخليني نشرحلك
سندس بعصبية:شن تشرح واصلا انت مش عارف شيئ انا نكرهك نكرهك وكرهت جسمي بعد القذارة اللي درتها انت مستحيل اتكون انسان
سراج عصب بكل من كلامها وقرب منها وسكرلها فمها بإيديه
سراج بعصبية:بلا طولة السان وقلة ادب أنا مادرتلك شيئ كنت انردلك في اللي درتيه قدام باتي حبيت انخوفك وانعصبك مش اكثر وحول يده من علي فمها
سندس:انت كذاب
سراج:ماعنديش عليش نكذب قتلك رديتلك اللقطة اللي درتيها قدام باتي
سندس:وكيف بنتاكد ان كلامك صح وانك مادرت شيئ
سراج بخبث:بسيطة نقدر اندير توا اللي مادرتش امس ونبثتلك انك مازال زي ماانتي?
سندس عصبت وضرباته علي كتفه:انت واحد صايع وحقير
سراج:شن بنديرلك ماانتي تبي اتأكدي
سندس:مش قصدي هكي انا وبعدين تقدر تحلف انك مادرتلي شيئ
سراج:من غير مانحلف انا مستحيل اندير حاجة في وحدة من غير ارضاها وبعدين انقولك حاجة وحطيها في راسك انتي توا مراتي ولو بندير حاجة هذا حقي الشرعي ونقدر ناخذه من غير منوم لاشيئ بس انا مانبيش عشان انتي ماتبيش وعشان حتى انا مانبيش تطور بينا علاقة او يقعد فيه اي حاجة تجمعنا ولا نذكروها بعد نطلقو وعشان تطمني اكثر انا والله مالمستك ولا قربت منك وكل اللي درته اني حولت البيجامة وغطيتك بس
سندس من كلامه تخيلت لحظة ماحول البيجامة وشافها انحرجت
سندس:باهي خلاص اطلع من داري
سراج شافلها بالجنب:على فكرة داري حتى انا راه وماتقدريش اتلزيني
سندس بعصبية:سرااج قتلك اطلع
سراج:طالع طالع ريت هالجنة اللي قاعد فيها ورفع الورغان من عليه وصبى وكان لابس شورت نص سندس شافاته وانحرجت وغمضت عيونها
سراج ابتسم:سمحة وانتي منحرجة وخدودك حمر
سندس مغمضة عيونها:اطلع بلا صماطة
سراج:قبل مانطلع بنقولك حاجة مهمة
سندس:احكي بسرعة واطلع
سراج:امس لما حولتلك البيجامة لاحظت حاجة
سندس فتحت عيونها وبحتت فيه زين
سراج بخبث:لاحظت انك مش حلوة وماقدرتيش تغريني
سندس رفعت حاجبها وماعجبهش الكلام:باهي خلاص اطلع وسكر الباب وراك ولفت وجها للجيهة لخرى
سراج طلع وسكر الباب وصبى عند الباب واذكر اللي صار في الليل بعد عطى سندس القهوة
(بعد 5دقايق من عطيته للقهوة السندس خش ولقاها حاطه الفنجال عالكومينو جنبها وطايحة عالسرير وراقدة جا وقرب منها وشافلها بحقد
سراج:مش انا اللي يندارلي هكي ياام السان ونزل وقعد ايحوللها في بيجامتها بعد كمل تحويل البيجامة شافلها زييين ومعش تحمل وضعف وقرب منها حط شفايفه علي شفايفها وقعد ايبوس فيها كانت بوسة طويييله ومن شفايفها نزل علي رقبتها وفي اللحظة هذي فطن الروحه وبعد منها زي المفجوع
سراج ايحرك في يده علي لحيته:انا في شنو اندير شكلي طرشقت هذي بذات مش لازم ايصير بينا شيئ طبس عليها وحول الورغان من تحتها وغطاها بيه وكأنه خايف منها وبعدها سلح تيشرته السروال اللي لابسه ولف وجا مالجيهة الثانية قرب منها ورفع راسها بإديه وحطه علي صدره وكان شعرها علي وجهها حوله سراج بيده وقعد ايشوفلها
سراج:انتي شن درتي فيا ياأم السان ليش عاجبتني لعبة العناد والانتقام اللي بينا ليش نفرح لما انكون قريب منك وتنهد من وسط قلبه
سراج:خاطري نلقى اجوبه الأسألتي خاطي الحب عشان انا متأكد اني ماانحبكش بس فيه حاجات غريبة قاعدات ايصيرن معايا وقعد ايشوفلها
سرا ضحك:نرقد احسن مااندير حاجة وبكرا المطرشقة هذي تقتلني وغمض عيونه واشوي وخذاه النوم)
سراج ابتسم وفي عقله;مش عارف ليش امس كنت حاس ان فيها حاجة تفرق عالبنات رغم ان ماصار شيئ بينا وبعدها بحت في الباب وخاف سندس تطلع واتشوفه ومشى يجري الداره وتمدد في سريره ورقد
سندس خشت دوشت صح هي كانت مش متذكرة شي ماللي صار بس الاول مرة اتصدق سراج حست بكلامه ان فعلا مادارلها شيئ
كملت دوشها وطلعت لبست بيجامة سروال( سروال كان لونه بني غامق وعليه بدي وردي من جيهة الظهر نظام مثلث مشبك لونه بني ماعاد شرت دبش توا ?)سندس صبت عالمراية وقعدت اتمشط في شعرها وبعدين قعدت اتشوف في روحها
سندس حطت يدها في نصها واتشوف في المراية:والله سمحة وانهبل ليش سراج حكى هكي وبعدين فطنت الروحها وعصبت وعقدت حواجبها
سندس معصبة;وعني ماعجبته واصلا ماايهمنيش وهو اخر واحد انفكر فيه وفي كلامه هالمنحرف لفت شعرها وطلعت ونزلت للمطبخ وقعدت اتوتي في فطور ووتاته كله وقعدت ترجى في سراج ينزل عشان عارفه اليوم بيمشي للشركة وبعد طول رقتله للدار بتشوفه جت للدار ودقت كم مرة ماحد رد فتحت الدار ولقت سراج رااااقد في سابع حلامه?
سندس عقدت حواجبها وفتحت روشن الدار وقعدت اتوعي في سراج
سندس:سراج هيا نوض وقت راه
سراج:مش واعي خطيني وسكري الروشن
سندس:مش مسكرته هيا نوض عندك شغل
سراج;قولي الباتي واخذ اجازة اليوم
سندس:اي إجازة وانت مازال مابديت بكل
سراج:اسمعي فوتيني مش ماشي انا ماانحبش جو الشركة ممل بكل
سندس:بس هي مش بجوك انت اتفقت مع باتك ولا انست وبعدين امس قتله باهي
سراج قمعز:انا بنعرف باتي عليش يبيني نمشي للشركة وهو عارف مانعرفش فيها شيئ ولا انحبها
سندس:اللي مايعرفش ايتعلم وبعدين انت ولده الوحيد المفروض راك متعلم كله حاجة وماسك الشغل عليه ومريحة صح ولا لا
سراج:اووووف بديتي في اسطوانة باتي شكله عداك حتى انتي
سندس:باهي بلا كثرة دوة وهي صبي ودوش والبس وانزل موتية الفطور تحت افطر بسرعة واطلع عشان تأخرت وااجد
سراج:اوووو فيها فطور ودايرتيه ليا انتي شن بيصير في الدنيا
سندس:على فكرة انا مازلت معصبة منك لكن انا درته كتحفيز لكي عشان اول يوم شغل
سراج:اها تحفيز تمام وبعدين تعالي قوليلي عليش مازال معصبة انتي اللي بديتي راه ولا انسيتي اللي درتيه قدام باتي
سندس:ماانسيتش بس مش معنى هكي تفجعني الفجعة هذي عالصبح
سراج:بس اللي درته انا اليوم ماايجيش شيئ جنب اللي حظرتك درتيه امس الصبح متذكرتيه ولا انذكرك
سندس انحرجت:متذكرة بس انا تأسفتلك وقتلك عارفة روحي غالطة وانت ماتبيش تقبل الاسف
سراج;وكان قبلت اسفك عليها ماتبيش اتاسفي علي طلعتك مالصبح الصاحبتك لعند الليل ومن دون علمي
سندس:لا عاد هذي ماتستحقش اسف انا كنت عند صاحبتي مش حد غريب وبعدين هي عندها ظروف وانت عارفهن يعني ماتستحقش ناخذ اذن من حد
سراج;لا يامدام تستحق تاخذي اذن انا اسمي راجلك مش كرسي في الحوش
سندس:سراج انت شكلك صدقت لعبة العريس والعروس اللي نلعبو فيها رانا انمثلو قدامهم ونحن زواجنا لا كان ولا حيكون زواج حقيقي
سراج:وانا الحاجة هذي عارفها وكويس بس انتي قلتيها بروحك انمثلو قدامهم ولما تطلعي من ورايا وحد يسألني وين مراتك ومانعرفش انجاوب شن منظري لازم تحترمي فكرة انك قدام كل الناس مراتي وأنا راجلك وشايلة اسمي يعني اي حركة منك محسوبة عليا انا الحاجة هذي حطيها في راسك كويس ومرة ثانية لما بتمشي المكان حتى رسالة منك اتقوليلي وين ماشية كافية بس عشان ايكون عندي علم مش نطلع زي المغفل
سندس اقتنعت بكلامه:خلاص لما بنمشي المكان مرة اخرى اندزلك رسالة تمام هكي
سراج:تمام ورد بيرقد
سندس كرت من عليه الورغان:تي وين بترقد قلنا عندك شغل ولازم تمشي للشركة
سراج:وانا قتلك مش ماشي ماتسكنيليش
سندس:لالا ساكنتلك ولازم تمشي اليوم
سراج;وعليش لازم نمشي
سندس:عشان باتك يبي هكي وعشان لازم اتشوف كيف ماشي الشغل وكيف باتك يتعب عالفلوس وتعرف قيمتهن لما تتعب عليهن زيه ومعش تصرفهن في حاجات فاضية
سراج:ياسلام تعرفي كنت بنمشي بس عشان كلامك هذا معش بنمشي
سندس:براحتك عنك مامشيت بس فيه حاجة لازم تعرفها بما انك قلت قدام الناس راجلي وانا مراتك تهيالي لازم الراجل ايشيل مسؤولية حوشه ومراته وهو اللي يصرف علي حوشه ومراته من فلوسه وتعبه مش فلوس باته والحاجة هذي مستحيل اتصير وتقعد قد مسؤولية حوشك الا لما تشتغل وطلعت مالدار
سراج استك من كلامها وقعد ايفكر فيه واقتنع من كلام سندس وصبى وخش دوش وطلع لبس(جينز اسود وعليه تيشرت ابيض وجاكة رسمية واقفة سودة وكاويش ابيض) وبخ عطره وخذا نظاراته وطلع مالدار ونزل تحت لقى سندس اتلم في الفطور
سراج:انتي في شنو اديري فيه ناس بتفطر
سندس:كيف صار مش كنت تبيش توعى
سراج:غيرت رأيي وبعدين حظرتك ناسية ان عندي شغل وبنمشي للشركة
سندس ابتسمت;لا مش ناسية
سراج:معناها ليش ماوعيتيني خليتيني نرقد هذا كله لا شكلي لازم نجوز عليك ماايصيرش منك بكل
سندس ضحكت:معليش خذاني النوم مرة اخرى انوعيك غير الله ايربحك ماتجوز عليا
سراج:خلاص سماح هالمرة مرة اخرى ماانقولكش دغري نجوز راه
سندس تضحك:باهي خلاص هيا قمعز افطر راك تأخرت بكل
سراج قمعز وبدو يفطرو وبعد كملو الفطور سراج صبى بيمشي
سراج بغرور:طالع طرف صح?
سندس شافتله بالجنب:بصراحة الشباب اللي نفس استايلك مايعجبوش فيا
سراج عقد حواجبه:امالا شن شكلهم اللي يعجبو فيك
سندس:اي واحد عكسك وعكس شخصيته يعجبني
سراج غمتله:اصلا صقع عليك انا وبعدين حتى انا البنات اللي نفس استايلك مايعجبنش فيا
سندس:عارفة وبالعكس مفرحتني الحاجة هذي عشان نضمن ان مستحيل اتكون بينا حاجة
سراج جا بيطلع:لا اطمني وكوني هانية مالناحية هذي
سندس:سراج
سراج لف بسرعة:عيونه
سندس بلعت ريقها وشافتله زين لان اول مرة ايقوللها هكي
سراج مشاها بضحك:ها ياام السان كنك ولا عاجبك اسمي اتجربي فيه
سندس:لالا مش هكي بنسالك اليوم عملية الوليد اللي امس صح
سراج:اها اليوم في العشية
سندس:انت بتحظرها
سراج:اها بس عليش تسألي
سندس:مااصلا بنحظرها معاك
سراج شافلها زيين;وعليش ان شاءلله
سندس:هكي حاسة اني لازم انساهم في العمل الانساني الكبير والعظيم هذا
سراج:بس المساهمة مااتكونش بس انك تحظري العملية فيه حاجات اخرى
سندس:عارفة وانا حتكون مساهمتي بمبالغ عشان انسدد معاك فلوس العمليات وفلوس الجرعات الكيماوية
سراج ضحك:ومنين بتجيبي الفلوس ياشاطرة
سندس:عادي من بابا وهو مستحيل يرفض عشان حتى هو ايحب مساعدة الناس
سراج:بس مش انا قتلك مانبيش حد يعلم بالموضوع هذا
سندس:مش حنجيبله سيرتك حنقوله انها جمعية خيرية وتبي تبرعات عشان مرضى السرطان
سراج:مش داعي تحكي الحد وتاخذي فلوس من حد عشان فلوسي هنا فلوسك يامطرشقة ومن يوم وغادي حنقعد اللي ندفعه بإسمي وأسمك
سندس:لا هكي واجد وانا مش حنوافق
سراج:حتوافقي وغصبن عنك ولا انسيتي انك مراتي ومسؤولة مني توا ولما اتخرجي وتقعدي مهندسة وتشتغلي ادفعي من فلوسك بس توا انتي مازال مسؤولة مني انا حتى باتك معش عنده حق يعطيك فلوس
سندس:بس
سراج;مافيش بس وتوا خلاص بنمشي اخرتيني عالشركة
سندس:باهي يعني بتاخذني معاك للعملية
سراج:بناخذك وامري لله وطلع
سندس فرحت انها بدير عمل انساني زي هذا وخشت وبدت اتلم في الفطور وتبي اتشطب الحوش
اما سراج طلع للفيلا صبح علي عفوفه وركب في سيارته ومشى للشركة واول ما وصل للشركة دغري مشى المكتب فيصل وخش عليه
سراج:صباح الخير يانصي
فيصل رفع وجه وقعد يمسح في عيونه:سراج جاي للشركة ولا انا نحلم
سراج;تي بلا برادة وطروح ولا تبيني نضربك عشان اتصدق
فيصل:كيف جت منك اليوم مافيش لا اجتماع لا شي
سراج قمعز عالكرسي:عمك محمد غصبني انجي ونبدى نشتغل في الشركة
فيصل رفع حاجبه;عمي محمد ولا ام السان عندها يد في الموضوع
سراج:وهي شن دخلها توا وانت كل موضوع مزقبها فيه يعني انت انسيت الاتفاق اللي بيني وبين باتي والعقد اللي درناه كان من ضمنه الزواج والشغل
فيصل:صح انسيته بكل الاتفاق
سراج;باهي معش تنساه مرة اخرى
فيصل;بس تأخرت عالموعد المفروض الساعة 8 اتكون هنا وتوا الساعة 10
سراج:ماقبل حوتني وعيت واصلا قبل مانبيش انجي بكل بس ام السان سكنتلي سكنة
فيصل يضحك:مش قتلك هي في الموضوع تي شكلها السنارة غمزت
سراج صبى:السنارة اللي تحكي عليها انشاءلله اتخش في عينك وانا الفاضي اللي جاي وقاعد معاك وطلع ومشى شور مكتبه
قمعز وقعد ايفتش في الادراج صبى وقعد ايتفرج مالروشن وطلع فونه وقعد يلعب بالالعاب كان مال بكل مايعرفش ايدير شيئ والجو كان كساد واصلا هو ماايحبش الفيلا قعد اشوي مقمعز عالكرسي ورا المكتب وبعدها خطرة في باله فكرة ومسك فونه ورن علي سندس وهي ردت
سندس:اهلا
سراج:اهلين
سندس:شن جو الشغل
سراج:تمام قاعد غارق في الشغل والملفات ومش فاضي بكل
سندس ضحكت:امالا عليش ران عليا وانت مش فاضي
سراج:بنسالك في شنو اديري
سندس:شي كنت انلم في الحوش وتوا كملت انفكر نمشي العميمة
سراج:يعني مادرتيش غداء
سندس:اي غداء تحكي عليه
سراج:كيف اي غداء مش بنروح مالشغل تاعب وجيعان والمفروض نلقى غداء
سندس:عادي توا انتغدو عند اعميمة
سراج:لالا بنتغدى في حوشي
سندس:خلاص حندير اي حاجة خفيفة ولا جيب امعاك حاجة مالمطعم
سراج:والله مش عساس انتي مراتي والمفروض اديريلي غداء
سندس:اي مراتك سراج انت صدقت تمثيلنا ولا شنو
سراج:لا ماصدقتش بس انتي مبدري قلتي لازك نشتغل عشان انشيل مسؤلية حوشي ومراتي وهذا واجبي يبقى الكلام هذا حيمشي علينا نحن الاثنين ويقعد حتى انتي عندك واجب ولازم اتقومي بيه واللي هو ان لما راجلك ايروح يلقاك موتيتيله غداء صح ولا لا
سندس:بس انا
سراج بخبث:شنو ماتعرفيش اطيبي صح والله كنت حاس
سندس بتحدي:لا نعرف وحنديرلك غداء شن حاب اتغدى
سراج يضحك:فكينا مالثقة الزايدة عارفك ماتعرفيش
سندس:قتلك نعرف واطلب اي حاجة انديرها لكي
سراج:لالا انا مش حنحرجك ونطلب مرات تقعد حاجة واعرة انتي طيبي اللي تعرفيها وبناكل علي ذوقك
سندس:باهي تمام سكر عشان انلحق انكمل قبل مااتجي
سراج:بس اسمعي ردبالك اتكلمي عفوفة هي اللي ادير راه نعرف تطييبها ولا اتجيبي وحدة مالخدم غادي انتي قلتي انا بندير خليك عند كلامك ومااترديش فيه
سندس:انا عمري مارديت في كلمة قلتها وانا اللي حندير الغداء
سراج:باهي تمام خلاص اوكي توا وياريت اديريلي حاجة سمحة
سندس:باهي وسكرت
سندس:حي عليا شن بنديرله هذا ياربي مانعرفش اندير شيئ قعدت اتفكر وبعدين رنت علي امها
سعاد:اهلا دوسة شن اخبارك
سندس:تمام ماما شن اخبارك انتي وشن اخبار بابا
سعاد:الحمدلله بخير باتك عدى للمصنع وانا قاعدة نبرم اشوي عالحوش وبندير الغداء شن رايك اتجو اتغدو معانا
سندس:لا مانقدرش اليوم سراج في الشغل وقال يبي ايتغدى في الحوش
سعاد:اكيدة بيجبلك جاهز فكك منه وجيبي الراجل خليه ياكل وكله مسقمة اكيدة طيبتي معدته بوكال المطاعم مسكين
سندس:لالا يبيني انا انديرله غداء ياماما وانا مانعرف اندير شيئ ومانبيش انقولها له عشان مايمسكهش عليا نقطة ويقعد يضحك عليا
سعاد:حي حي والله انا متشمته فيك شكله سراج بيجيبك للطريق وياخذلي حقي منك ياما قتلك تعالي ساعديني وتعلمي علي حالك ماتبيش
سندس:ماكنتش مفكرة في الزواج وانتي عارفة بس انتو ربي ايسامحكم
سعاد بخوف:عليش تحكي هكي يادوسة انتي مش متريحة ولا شنو
سندس:لا جوي تمام بس عالغداء اللي طلبه مش عارفة شن بندير انتي عارفة نعرفش اندير شيئ ياماما ساعديني وقوليلي حاجة انديرها
سعاد:خلاص مااتفكريش انا حنساعدك وانقولك طريقة اي حاجة تبيها انتي شن مقررة اديري
سندس:مش عارفة ترا قوليلي انتي
سعاد:شن رايك اديري حاجة مبوخة كسكسو ولا رز ولا مكرونة مبوخة
سندس:من جدك ياماما عمري ماخشيت المطبخ اتقوليلي حاجات صعبة زي هذينا
سعاد:باهي اديري مكرونة عادية
سندس:ماانحبهش انا
سعاد:باهي حيرتيني شن بديري
سندس بتبكي:مش عارفة ياماما
سعاد;باهي انتي شن عندك من خضرة ولحم في التلاجة
سندس:ماعنديش توا شيئ بس حندز عمو عندنان ايجيبلي
سعاد:ييي مازلتي مادزيتي بكل المهم اسمعي دزي علي سمك بس قوليله ايجيبه لكي نظيف عشان مش حتعرفي اتنظفيه وديري معاه رز ابيض وصلصة بصل واقلي معاه بطاطا وصلاطات تعرفي اديريهن صح
سندس:اها نعرف وعجبني الغداء بس ياماما انا لانعرف انطيب سمك ولا نعرف اندير الرز
سعاد:انتي دزي عالسمك قبل وانا حنوريك كيف اديري الرز والصلصة علي ماجا السمك وبعدها انوريك كيف اديريه المهم خليه ايجبلك نوعية سمك سمحة
سندس:حاظر حنكلمه توا وسكرت
سندس رنت علي عمو عدنان وطلبت كل اللي تبيه وعدى ايجيب فيهن الها
ورنت علي امها وعطتها طريقة الرز والصلصة وبدت ادير فيهن وبعد اشوي جا السمك وقالتلها امها كيف اديره وقعدت ادير فيه وحايسة في هالمطبخ اللي عمرها ماخشتله وكانت خايفة ان مااديرش حاجة سمحة وسراج يضحك عليها
“”
عند هل رانيا
رانيا في الدار ومتضايقة وتبكي خشت عليها رنا
رنا:رنوشة ليش اديري في روحك هكي خلاص انسي اللي صار
رانيا:مش عارفة قلبي مش متريح وخايفة من حاجة ومش عارفتها شنو وبعدين مالصبح انرن علي دودي مقفل خايفة ايكون صاير مع عصام حاجة حرام دودي اتحب خوتها بكل ومااتحمل فيهم شي ولو صارت الواحد حاجة مش عارفة شن حيصير فيها
رنا:قولي خير وبعدين اكيدة عندهم ناس ومش فاضية للفون ولا ايكون طافي شحن
رانيا:ان شاءلله ايكون هكي
رنا:انا حكيت الماما علي عصام وجعها بكل وقالتلي في العشية حتمشيلهم هي بابا ويطمنو علي عصام
رانيا;جديات باهي فرحتيني بجد والله خايفة ايصيرله حاجة ربي اينوضه بخير
رنا;ان شاءلله هي صبي الغداء واتي خلينا انتعدو مع بعضنا
رانيا:والله ماعندي نية
رنا:لا مش هكي رنوشة والله حتصيرلك حاجة حتى فطور مافطرتي وبعدين شوفي حالتك كيف قاعدة لاعاد تاكلي لا تشربي حيصيرلك هبوط واتعبي روحك حتى بابا وماما ايشوفو فيك كيف قعدتي وخايفين عليك ريحيهم واطلعي تغدي معانا
رانيا:بس والله مش قادرة ناكل عنديش ارقبة تزمط
رنا:عشان خاطري وخاطرهم غير قمعزي معانا وحتجيك نية تاكلي
رانيا:باهي هيا
رنا فرحت:واخيرا بترد رنوشتي تاكل معانا وصبت مع رانيا وهي فرحانة وطلعن لقن امهن موتية الغداء ومقمعزين هي وباتها ويرجو فيها ولما رانيا طلعت مع رنا فرحو وقمعزو كلهم وقعدو ياكلو
بعد حوالي6دقايق رن جرس الحوش وطلع بات رانيا يفتح ولقاها عالية ام رويدة وسلم عليها
بات رانيا:الف لاباس علي عصام والله توا غير حكتلي سمية وكنا عابين انجوكم اليوم تفضلي سمية والبنات جوا
عالية:والله مستعجلة كلملي سمية بنحكيلها حاجة وانعدي دغري
بات رويدة:حاظر توا انكلمها وخش جوا وقاللهم ان عالية برا وطلعلها كلهن وسلمن عليها
سمية:الف لاباس علي عصام شن حاله توا
عالية:في غيبوبة مازال
سمية;والله كنت بنجيك اليوم نطمن عليه هيا تفضلي عليش قاعدة هنا
عالية;والله مستعجلة وان شاءلله عصام حيقعد كويس مااتعبوش روحك في الجية
بات رويدة:لا كيف لازم انجوكم والله ماسمعناها الا اليوم
عالية;مااتعبوش ارواحكم والافضل ان ماعاد ايكون بينا لا مشي ولا جي
سمية:شن فيه ياعالية كنك تحكي هكي ان شاءلله خير ياخيتي
عالية:مافيش خير واللي صار في عيالي بسبت بنتكم
بات رانيا:شن صار العيالك وبعدين بنتي شن دخلها فيكم عالية:عيالي تقاتلو عشان هما الاثنين طلعو ايحبو رانيا
رانيا انصدمت ماللي تسمع فيه
سمية:انتي شن اتقولي ياعالية
عالية تبكي:اللي سمعتوه انتو عارفين ان رؤوف يبي رانيا وكلنا كنا نرجو فيه ايكمل وبناخذوها له بس اللي صار الفترة اللي فاتت مع رؤوف طلع كله تخطيط من عصام مع بنت خاله عشان رؤوف ماياخذش رانيا ولما رؤوف عرف القصة تعارك مع خوه وضربه بموس وتوا عيالي واحد في المستشفى وواحد في الحبس وانا جاية انترجى فيكم اتبعدو رانيا علي عيالي وعلي رويدة عشان رويدة معنده ماتبيش تخصر صاحبتها وانتو عارفين شنو الضرر اللي حيصير كان راتيا ورويدة استمرت صحبتهم انا مانبيش نخصر اعيالي ووجود رانيا في حياتنا حتسبب كارثة كبيرة بين الخوت
بات رويدة بعصبية:لا اترجينا لا شيئ من يوم وغادي اعتبري ان لا تعرفونا لا نعرفوكم ورانيا مش حتواصل مع رويدة بكل مغير انتي مااتخليش عيالك ايتعرضولها عشان انا اللي حنوقفهم عند حدهم
عالية:والله حنديرو اللي نقدرو عليها ومش حنخلوهم ايقربو منها حتى لو اظطر الامر ان ناخذوهم ونمشو المدينة اخرى انتو فاهمين شن معنى خوت ايحبو نفس البنت هذي كارثة
سمية:عارفين وفاهمين وزي ماقالك توا اعتبري لا عرفناكم لا عرفتونا ورانيا مش حتقعدلها اي صلة ببنتك او عيالك هذا وعد وخوذيه منا
عالية تبكي:اسمحولي انا ام وخايفة علي عيالي وطلعت
رانيا كانت مصبية ومصدومة ومش مستوعبة الكلام اللي سمعاته وتبكي
سمية:سمعتي الكلام كله يارانيا يبقى ماليوم معش فيه اي صلة برويدة
رانيا تبكي:بس رويدة صاحبتي ومانبيش نخسرها كيف تبو اتفرقونا هكي
بات رانيا عصب وبصوت عالي:اسمعي كلام امك وفكينا منها الصحبة اللي مااتجيب غير المشاكل وبعدين سمعتي اللي حكاته الولية هي تبرت منك ومعش تبيك اتصاحبي بنتها ونحن ناس طول عمرنا عايشين بكرامتنا واللي مايبينش مانبوش ولا بتغيري الكلام
رانيا زادت في البكى;بس يابابا هذي صاحبتي وزي اختي بزبط حرام عليكم اللي بديروه فينا
سمية بعصبية:خلاص يارانيا انتي بتكسري كلمة باتك وكلمتي اللي قلناها للولية البنت هذي انسيها
بات رانيا:بالك عاجبها اللي صار وحشمتنا قدام الجيران بعد اللي داره ولدهم وتوا بدل ماكنا في واحد قعدنا في اثنين هي كلمة وحدة ومش حنكررها لو نعرف عندك صلة بالبنت او باي حد من عيلتها حتشوفي شيئ مني عمرك ماشفتيه
رانيا معش تحملت كلام امها وباتها علي رويدة ومعش قدرت تستوعب كل اللي صار وفي لحظة معش حست بشيئ وطاحت من طولها وشالوها باتها وامها للمستشفى
“”
عند سندس قاعدة حايسة في المطبخ واتوتي في الغداء وحالتها حالة وخايفة يطلع الغداء مش سمح وسراج يقعد يضحك عليها مع جيت سراج وخش عليها دغري في المطبخ
سراج:شن الجو
سندس:تمام شن جو شغلك
سراج:تمام ها طمنيني فيه غداء ولا بناكلو خفيف
سندس:شن اتشوف فيا اندير ماهو قاعدة اندير في غداء
سراج:متأكدة اديري في غداء
سندس:اها متأكدة
سراج:باهي كنه المطبخ هكي اتقول متفجره فيه قنبلة?
سندس:سراج فكني مالحناطة راه نحرمك مالغداء
سارج:ياساتر خلاص مسيبك فيها بس كم تبي عشان الغداء يجهز
سندس:غير ادبشك واغسل وانزل حتلقاني مجهزة الصفرة
سراج:باهي تمام وان شاءلله ربي يستر وركب الداره غير ادبشه وغسل ونزل لوطه لقى سندس اتحط في الغداء عالطاولة وجا وصبى وانصدم ماللي شافه
سراج:هذا شنو
سندس:غداء شن اتشوف فيه
سراج:بس المنظر ماايدلش علي شكل غداء بالله عليك هذا شنو الرز كنه هكي والسمك كنه مشفشف وشنو هذي قصدك تبيها صلصة
سندس:ماايغركش المنظر والله الطعمه سمحة غير قمعز وذوق
سراج قمعز:تو انشوفو وخذا كاشيك وبدا بياكل رز وماقدرش ايكمل كان الرز مش طايب سيبه وحاول ايغمس في الصلصة لقاها كلها طماطم حكيه محمظة? جا بياكل سمك كان محروق ومش طايب
سندس كانت اتشوفله واتشوف في ملامح وجه كل ماياخذ حاجة
سندس:ماعجبكش
سراج:من جدك هذا اتسمي فيه غداء ليش ماقلتي ماتعرفيش اديري
سندس بعصبية:من قالك مانعرفش انا نعرف بس هالمرة مش عارف شن صار
سراج قعد يضحك:بصراحة المنظر والطعمه اتضحك وماايدلنش علي انها دورة وحدة تعرف اتسوي
سندس:بلاش صماطة سراج ماتضحكش
سراج يضحك:والله خاطري انصوره وانزله عالفيس انقول عمايل زوجتي العزيزة تفضلو معايا بس عارف ماحد حيتفضل منظره السمك والرز ايخوفن ?
سندس قلبت وجها وصبت:انا الغلطانة اللي تعبت روحي عشانك
سراج صبى وراها ومسكها من يدها:انتي ماتعرفيش اديري صح
سندس طبست راسها:انا عمري ماخشيت للمطبخ وسويت
سراج:ليش ماقلتيلي
سندس:نبيكش تضحك عليا
سراج ابتسم:اسف علي ضحكي عليك ويكفي انك حاولتي اتجربي هذي بروحها انجاز وحيجيك يوم واتعلمي مش حاجة كبيرة هي
سندس:معليش عارفتك جيعان توا نمشي انديرلك حاجة خفيفة
سراج:قصدك معلبات
سندس:مافيش الا هنا لو نعرف حاجة خاطيهن راه درتها لكي
سراج:لالا مليت منهن في السيارة جايب معايا غداء جاهز توا نمشي انجيبه وانتغدو
سندس:يعني داير احسابك
سراج:كان قلبي حاس انك ماتعرفيش
سندس ضحكت:باهي جيبه علي ماانا لميت الكائنا الغريبة اللي عالطاولة
سراج ضحك وطلع للسيارة وجاب الغداء وبدو ياكلو وبعد الغداء سندس كلمت وحدة مالخدامات اللي في الفيلا عشان اتساعدها في حوسة المطبخ وجت وقعدت اتساعد فيها
“”
عند رانيا طلع عندها صدمة عصبية وهبوط في الضغط ودارولها اللازم وقالولهم ايخلوها اليوم في المستشفى وقعدت معاها امها
“”
عند عصام في المستشفى وعى مالغيبوبة بس الدكتور خلاه في العناية تحت الملاحظة ومنع عنه اي زيارة
“”
أما عند سندس كملت حوستها وبحتت للساعة لقتها الساعة 4 خشت علي سراج في الدار لقاته بيرقد
سندس:قصدك بترقد
سراج: شن رايك واحد واعي ما 8 شن بيدير اكيدة بيرقد
سندس:بس مش عملية الوليد اليوم
سراج:واااو انسيتها بكل باهي اللي ذكرتيني
سندس:باهي صبي عشان نمشو
سراج:مع ان المفروض انعاقبك على الغداء اللي درتيه وماناخذكش بس يالله سماح هالمرة وحناخذك معايا
سندس:حانط بكل حظرتك?
سراج:اكيدة?المهم هي عدي البسي علي ماانا لبست
سندس:باهي وعدت تجري
خشت الدارها وطلعت(جينز ازرق وعليه بلوزة سحابي هادي وجاكة جينز طويلة ولبست عليها وشاح وردي هادي وكاويش وردي)وبخت عطرها وطلعت لقت سراج كيف طالع من داره ولابس(جينز بيج وعليه قميص كحلي وكاويش كحلي)وطلعو مع بعضهم ومشو للمستشفى وووصلو وخشو الغرفة الطفل المريض لقوه ملبسينه لبس العمليات ومعاه امه وباته بس الوليد كان خايف ويبكي سندس وجعها وجت قمعزت جنبه
سراج:مااتخفش يابطل الدكتور قالي ساهلة وبعدين انت راجل صح والراجل ديما قوي ومايبكيش
سندس مسكت يده:مااتخفش وامسح دموعك وشوف ماما كيف قاعدة تبكي عشان انت تبكي وبعدين بدير عملية عشان تقعد كويس وواترد تلعب مع اصحابك ومعش تقعد مريض مرة اخرى
الطفل يبكي:يعني لما انديرها معث نقعد مليض وعادي نلعب مع اثحابي زي زمان
سندس:اها بس قولي شن اكثر لعبة اتحب تلعبها
الطفل:انحب نلعب بالدراجة
سندس:وعندك دراجة
الطفل;لا بث ثاحبي عنده ويعطي فيا نلعب معاه
سندس:اول ماتطلع مالمستشفى تلقى وحدة جديدة في حوشكم
الطفل فرح:صح يااعميمة
سندس باساته في خده:اكيدة حبيبي
سراج كان مصبي وايشوف السندس ومبتسم
جت الممرضة خذت الطفل وشالوه الغرفة العمليات وكانت امه وباته يبكو وسندس متاثرة منه وخايفة عالوليد لانها حباته وكانت مقمعزة جنب سراج وباين عليها الخوف والتوتر واتحرك في كراعها من كثر التوتر
سراج حط يده علي كراعها:خلاص اهدي وترتيني
سندس:الهم توا ساعة ونص جوا معقولة هذا كله
سراج:عملية كبيرة شن تحسابيها انتي
سندس:انا خايفة اتصيرله حاجة
سراج;ان شاءلله لا
سندس:حرام شوف امه شن صاير فيها من خشته وهي تبكي
سراج:مسكينه وليدها شن بدير
سندس:انا شفته بس مرتين وقاعدة خايفة عليه مبالك هي حرام حالتها توجع ودمعو عيونها
سراج شافلها زين:قصدك انتي بتبكي
سندس:اكيدة لا من قالك بنبكي
سراج:نحسابك واستغربت عشان صارن مواقف واجد وولا مرة شفتك تبكي
سندس:ومش حتشوفني نبكي لان البكى ضعف وانا عمري ماكنت ضعيفة
سراج:تمام وسكتو وقعدو يرجو في الدكتور وبعد طقو ساعتين الدكتور طلع
بات الطفل وامه جوه يجرو ومعاهم سراج وسندس
بات الطفل:طمنا دكتور
الدكتور:العملية نجحت واستاصلنا الورم بس طبعا حيقعد في العناية كم يوم وان شاءلله يقعد اكويس
امه وباته فرحو وقعدو يحضنو في بعضهم وسندس مالفرحة بنجحت العملية حظنت سراج من غير مااتركز سراج زي الي ماصدق كان لاف ايديه عليها زين وكان كأنه في عالم ثاني سندس فطنت الروحها وفكت ايديه من وراها وبعدت منه
سندس:اسفة بس مالفرحة معش ركزت
سراج كان ايتفس بسرعه ومش متحكم في نفسه
سراج:لا عادي وسكت
طلعو الوليد للعناية والدكتور سمح بس الامه اتخش اتشوفه وقعدو اشوي معاه في العناية وبعدها طلعو وبيروحو للحوش وكان الوقت مغرب
“”
عند معاذ
كان مقمعز وايرن علي رويدة ويلقى فيها مقفل ومتضايق وخايف عليها مع جيت مروة اخته
مروة:كنك اليوم حاستك متضايق
معاذ;مالصبح انرن علي رويدة مقفل ومش عارف كنها وشن صاير معاها
مروة:مسكينة ماهو خوها في المستشفى وماما امس قالت حوشهم مليان اكيدة فونها طافي ومش فاضية تشحنه
معاذ:هي الفترة هذي نفسيتها تاعبة وانا خايف عليها تخيلي حتى للجامعة معش جت
مروة:امشيلها وشوفها في الحوش وقوللها كلمتين من كلامك الحلو وغير جوها هي في حاجتك توا
معاذ;قولك هكي
مروة:اكيدة هكي
معاذ:توا صامطة نمشي بكرا في العشية نمشيلها توا حنمشي للمستشفى نطمن علي عصام ونقعد مع عمي اشوي مرات يبي حاجة
مروة:حتى هو راي
معاذ صبي;انا بنمشي تبو حاجة من برا
مروة:جيبلي معاك حاجة حلوة
معاذ:من عيوني وطلع تلاقه مع أسيل عند الباب عشان كانت تسكن جنبهم
معاذ:خيرات اسولي شن اخبارك
أسيل:مش كويسة
معاذ بخوف:كنك شن فيه
أسيل:اصلا جاية بنحكي معاك عالموضوع هذا وباهي اللي لحقت عليك قبل ماتطلع
معاذ:خوفتيني اسيل كنك شن صاير معاك
أسيل:انا حلمت بلينا
معاذ تغيرن ملامح وجه:الله يرحمها
أسيل تبكي:لينا جتني في الحلم تبكي واتقولي قولي المعاذ يجوزش وان هي مازال اتحبك ومش متحملة فكرة تاخذ غيرها
معاذ سكت
أسيل:وقالتلي اساليه لو انه مازال ايحبني ولا نساني بس انا قلتلها ان نساك وقعدت تبكي
معاذ نزلو ادموعه:ماانسيتهش ومستحيل ننساها لو جاتك في الحلم مرة اخرى قوليها الها
أسيل:باهي ليش بتجوز غيرها وانت ماانسيتهش
معاذ;عشان هذي سنة الحياة مانبيش نقعد كل عمري هكي وبعدين رويدة بنية كويسة وانا حبيتها وهي الوحيدة من بين كل البنات اللي شفتهن حركت مشاعري بعد لينا
أسيل تبكي:حرام عليك لينا لو انت اللي متت وهي عاشت راه مستحيل ترضى اتكون الغيرك وعلى فكرة قالتلي انقولك لو اجوزت غيرها مستحيل اتسامحك وقعدت تبكي وطلعت تجري ومشت الحوشهم وخشت الدارها اللي كانت كلها معبية صور لينا قعدت اتشوفلهن وانهارت بكا
اما معاذ ركب في سيارته واسودت الدنيا في وجه من كلام اسيل وكملها يبرم بالسيارة
“”
عند سندس وصلو للحوش ونزلو
سراج:انا بنطلع نسهر اشوي مع الشباب وانجي
سندس:ماشي وجت بتركب
سراج:مش حنطول
سندس:انا ماسألتكش بطول ولا لا انت حر
سراج:انا الغلطان اني حكيت وجا بيطلع مع رنت فونه وكان باته
سراج:ايوا باتي
محمد:سراج نحن في حوش جدك وراهو مريض
سراج بخوف:كنه شن صايرله
محمد:جايته نوبة سكر تعال العيلة كلها هنا
سراج:هيا جايكم توا وسكر
سندس:شن فيه
سراج:جدي مريض هيا عشان نمشو انشوفوه
سندس:باهي هيا وطلعو ومشو الفيلة جدهم ولقو العيلة كلها قاعدة غادي خشو وسلمو عليهم وخشو علي جدهم جوا
سراج;كيف صار ياجدو شكلك كبرت جديات وانا اللي كنت اندورلك في عروس
جد سراج:عليش جاي توا انت حتي التسليم خسارة فيك
سراج:عليش ياجدي شن درت انا
جد سراج:معقولة ماانحقكش الا مرتين بعد جوازك ياريت ماجوزناك اقل شيئ زمان كنت كل يوم عندي
سراج باس علي راس جده:سامحني ياجدي حقك علي راسي والله لهيت في هالدنيا
جد سراج;زعمك كنتنا بنت فرج هي السبب
سندس:والله مادخلني ياجدي انا ندخلش في مشاويره بكل
جد سراج:شكلك شغلتيه وخذيتيه منه
محمد:شكلها هكي ياباتي اخسارة ماكان رافض الزواج توا معش يطلع من جنبها بكل
سراج ضحك:انتو سكنتولي عالزواج تحملو اللي ايصير عاد
محمد;بس جدك زاعل منك بكل من بدري وهو ايقول فيها ليا
سراج:اللي يبيها جدي حاظر هو عارف ماانتحملش زعله جد سراج:كان تبيني انسامحك تقعد اتجيني كل يوم زي زمان
سراج:حاظر ياجدي
جد سراج:وحاجة اخرى اتباتو اليوم امعانا هنا انت وكنتي
سراج:انباتو
محمد:كلنا بايتين هنا اليوم عشان بكرا جدك عازمنا كلنا عالغداء
سراج:شنو المناسبة
جد سراج:من غير مناسبة نبي انخرف مع عيالي واحفادي فيها مشكلة
سراج:لا من حقك ياجدي انا عادي انبات بس سندس بكرا عندها جامعة وبحت في سندس
سندس:لا عادي الجامعة مش مشكلة
سراج:خلاص دبينها موافقة نمشي انجيب دبش ليا والها عشان انباتو
جد سراج:عارفك تسبل بالدبش بتهرب لكن مافيش مشي وكان عالدبش خوذو من عمك ومرات عمك
سراج شاف السندس لقاها اتهز في راسها بمعنى لا
سراج:بس ياجدي مااتجيش يعني
جد سراج:لا اتجي وكلمة وقلتها مافيش حد يطلع اليوم مالفيلا اصلا مافيش ولا واحد فيهم معاه دبش
سراج ضحك:يعني اتعاقب فينا ياجدي
جد سراج:اها عقاب عشان كلكم لاهيين عليا وناحد ايجيني لين تسمعوني مريض وتوا بنصبو انتعشو مع بعضنا وانخرفو وانباتو كلنا مع بعضنا
سراج طبس علي جده وحكاله بشويش
سراج:جدي انا عريس جديد راه
جد سراج ضحك:عارفك ياللي مااتحشم علي وجك انت ومراتك حتاخذو دار بروحكم
سراج ضحك:هكي انبات ماعنديش مشكلة
جده ضربه:هيا اطلع قدامي ياقليل الادب
سندس قعدت تضحك عليه هي وباته بس طبعا ماسمعوش اللي حكاه الجده
#يتبع
زعما شن حيصير معاهم في البيته عند جده هل حتعود بفائدة عليهم واتخليهم ايقربو من بعضهم وبذات ان بدن علامات الاعجاب بينهم ولا حيصير شي ثاني?
اما معاذ شكله تاثر من كلام أسيل وهل تأثره هذا حياثر علي علاقته برويدة وبذات في وضع رويدة توا وعدم اهتمامها بيه ?
عصام نفذ منها وعاش بس زعما شن حيدير هل حيطلع خوه ولا حيكمل باقي انانيته وينتقم من رؤوف وايخليه محبوس?
اما رانيا زعما شن حدير بعد الي سمعاته هل حيزيد تمسكها برؤوف وبذات لما عرفت ان بريئ ولا معرفتها بحقيقة عصام اتغير رايها في الموضوع وزعما حتوافق هلها انهم ايبعدوها علي صاحبتها الانتيم?وشن رد سندس بعد تعرف اللي صار ومن اللي حيخبرها بكل هالقصص كله حنعرفوه في الحلقة الجاية☺
أسفة عالتأخير بس الحلقة طويلة وفيها حاجات واجد وتدقيق واجد ??
أسفة لو فيه لخبطة في الأسماء وأكيد رأيكم ايهمني ?
گـتـابـتـي Koka Saleh
الـحـلـقـة (23)
گـتـابـتـي #Koka_Saleh
“””””””””””‘””””””””””””””
صباح ثاني يوم وتحديدا الساعة 8
سندس وعت وراسها مصدع وجت بتحرك وفتحت عيونها وانصدمت لما لقت روحها في حظن سراج قمعزت وهي مفجوعة بحتت في روحها ولقت روحها بالملابس اللي تحت بس بحتت في سراج كان متغطي بس من فوق ماعليه شيئ سندس غطت روحها بالورغان
سندس بعصبية وصوت عاااالي:سرااااااج ?
سراج نط مالفجعة:تي كنكسندس بعصبية:تقدر اتقولي شن حطيتلي في القهوة وشن درت امس
سراج بخبث:درت كل حاجة كانت ليلة حلوة بكل
سندس عصبت وبصوت عاالي:انت واحد حقير وتافهه كيف ادير حاجة زي هذي كيف تلمسني وانت عارف اني نكرهك
سراج ايبحت فيها ومبتسم
سندس زادت عصبيتها من بروده:انت مش طبيعي انت مريض فيه واحد اينوم وحدة عشان ياخذ منها اللي يبيه انت قذر وتافه
سراج ببرود:اهدي حنفهمك اللي صار
سندس زادت عصبت وعلت صوتها:شن اتفهمني اللي صار واضح كيف ارضيتها علي نفسك بس تي انا مش طايقتك مش طايقتك افهم
سراج:سندس اهدي وخليني انفهمك
سندس بعصبية:انت خليت فيها هداوة ماخلاص اللي تبيه وصللته وخذيته كيف ادير هكي ونحن بينا اتفاق
سراج بعصبية:عارف بينا اتفاق اسكتي وخليني نشرحلك
سندس بعصبية:شن تشرح واصلا انت مش عارف شيئ انا نكرهك نكرهك وكرهت جسمي بعد القذارة اللي درتها انت مستحيل اتكون انسان
سراج عصب بكل من كلامها وقرب منها وسكرلها فمها بإيديه
سراج بعصبية:بلا طولة السان وقلة ادب أنا مادرتلك شيئ كنت انردلك في اللي درتيه قدام باتي حبيت انخوفك وانعصبك مش اكثر وحول يده من علي فمها
سندس:انت كذاب
سراج:ماعنديش عليش نكذب قتلك رديتلك اللقطة اللي درتيها قدام باتي
سندس:وكيف بنتاكد ان كلامك صح وانك مادرت شيئ
سراج بخبث:بسيطة نقدر اندير توا اللي مادرتش امس ونبثتلك انك مازال زي ماانتي?
سندس عصبت وضرباته علي كتفه:انت واحد صايع وحقير
سراج:شن بنديرلك ماانتي تبي اتأكدي
سندس:مش قصدي هكي انا وبعدين تقدر تحلف انك مادرتلي شيئ
سراج:من غير مانحلف انا مستحيل اندير حاجة في وحدة من غير ارضاها وبعدين انقولك حاجة وحطيها في راسك انتي توا مراتي ولو بندير حاجة هذا حقي الشرعي ونقدر ناخذه من غير منوم لاشيئ بس انا مانبيش عشان انتي ماتبيش وعشان حتى انا مانبيش تطور بينا علاقة او يقعد فيه اي حاجة تجمعنا ولا نذكروها بعد نطلقو وعشان تطمني اكثر انا والله مالمستك ولا قربت منك وكل اللي درته اني حولت البيجامة وغطيتك بس
سندس من كلامه تخيلت لحظة ماحول البيجامة وشافها انحرجت
سندس:باهي خلاص اطلع من داري
سراج شافلها بالجنب:على فكرة داري حتى انا راه وماتقدريش اتلزيني
سندس بعصبية:سرااج قتلك اطلع
سراج:طالع طالع ريت هالجنة اللي قاعد فيها ورفع الورغان من عليه وصبى وكان لابس شورت نص سندس شافاته وانحرجت وغمضت عيونها
سراج ابتسم:سمحة وانتي منحرجة وخدودك حمر
سندس مغمضة عيونها:اطلع بلا صماطة
سراج:قبل مانطلع بنقولك حاجة مهمة
سندس:احكي بسرعة واطلع
سراج:امس لما حولتلك البيجامة لاحظت حاجة
سندس فتحت عيونها وبحتت فيه زين
سراج بخبث:لاحظت انك مش حلوة وماقدرتيش تغريني
سندس رفعت حاجبها وماعجبهش الكلام:باهي خلاص اطلع وسكر الباب وراك ولفت وجها للجيهة لخرى
سراج طلع وسكر الباب وصبى عند الباب واذكر اللي صار في الليل بعد عطى سندس القهوة
(بعد 5دقايق من عطيته للقهوة السندس خش ولقاها حاطه الفنجال عالكومينو جنبها وطايحة عالسرير وراقدة جا وقرب منها وشافلها بحقد
سراج:مش انا اللي يندارلي هكي ياام السان ونزل وقعد ايحوللها في بيجامتها بعد كمل تحويل البيجامة شافلها زييين ومعش تحمل وضعف وقرب منها حط شفايفه علي شفايفها وقعد ايبوس فيها كانت بوسة طويييله ومن شفايفها نزل علي رقبتها وفي اللحظة هذي فطن الروحه وبعد منها زي المفجوع
سراج ايحرك في يده علي لحيته:انا في شنو اندير شكلي طرشقت هذي بذات مش لازم ايصير بينا شيئ طبس عليها وحول الورغان من تحتها وغطاها بيه وكأنه خايف منها وبعدها سلح تيشرته السروال اللي لابسه ولف وجا مالجيهة الثانية قرب منها ورفع راسها بإديه وحطه علي صدره وكان شعرها علي وجهها حوله سراج بيده وقعد ايشوفلها
سراج:انتي شن درتي فيا ياأم السان ليش عاجبتني لعبة العناد والانتقام اللي بينا ليش نفرح لما انكون قريب منك وتنهد من وسط قلبه
سراج:خاطري نلقى اجوبه الأسألتي خاطي الحب عشان انا متأكد اني ماانحبكش بس فيه حاجات غريبة قاعدات ايصيرن معايا وقعد ايشوفلها
سرا ضحك:نرقد احسن مااندير حاجة وبكرا المطرشقة هذي تقتلني وغمض عيونه واشوي وخذاه النوم)
سراج ابتسم وفي عقله;مش عارف ليش امس كنت حاس ان فيها حاجة تفرق عالبنات رغم ان ماصار شيئ بينا وبعدها بحت في الباب وخاف سندس تطلع واتشوفه ومشى يجري الداره وتمدد في سريره ورقد
سندس خشت دوشت صح هي كانت مش متذكرة شي ماللي صار بس الاول مرة اتصدق سراج حست بكلامه ان فعلا مادارلها شيئ
كملت دوشها وطلعت لبست بيجامة سروال( سروال كان لونه بني غامق وعليه بدي وردي من جيهة الظهر نظام مثلث مشبك لونه بني ماعاد شرت دبش توا ?)سندس صبت عالمراية وقعدت اتمشط في شعرها وبعدين قعدت اتشوف في روحها
سندس حطت يدها في نصها واتشوف في المراية:والله سمحة وانهبل ليش سراج حكى هكي وبعدين فطنت الروحها وعصبت وعقدت حواجبها
سندس معصبة;وعني ماعجبته واصلا ماايهمنيش وهو اخر واحد انفكر فيه وفي كلامه هالمنحرف لفت شعرها وطلعت ونزلت للمطبخ وقعدت اتوتي في فطور ووتاته كله وقعدت ترجى في سراج ينزل عشان عارفه اليوم بيمشي للشركة وبعد طول رقتله للدار بتشوفه جت للدار ودقت كم مرة ماحد رد فتحت الدار ولقت سراج رااااقد في سابع حلامه?
سندس عقدت حواجبها وفتحت روشن الدار وقعدت اتوعي في سراج
سندس:سراج هيا نوض وقت راه
سراج:مش واعي خطيني وسكري الروشن
سندس:مش مسكرته هيا نوض عندك شغل
سراج;قولي الباتي واخذ اجازة اليوم
سندس:اي إجازة وانت مازال مابديت بكل
سراج:اسمعي فوتيني مش ماشي انا ماانحبش جو الشركة ممل بكل
سندس:بس هي مش بجوك انت اتفقت مع باتك ولا انست وبعدين امس قتله باهي
سراج قمعز:انا بنعرف باتي عليش يبيني نمشي للشركة وهو عارف مانعرفش فيها شيئ ولا انحبها
سندس:اللي مايعرفش ايتعلم وبعدين انت ولده الوحيد المفروض راك متعلم كله حاجة وماسك الشغل عليه ومريحة صح ولا لا
سراج:اووووف بديتي في اسطوانة باتي شكله عداك حتى انتي
سندس:باهي بلا كثرة دوة وهي صبي ودوش والبس وانزل موتية الفطور تحت افطر بسرعة واطلع عشان تأخرت وااجد
سراج:اوووو فيها فطور ودايرتيه ليا انتي شن بيصير في الدنيا
سندس:على فكرة انا مازلت معصبة منك لكن انا درته كتحفيز لكي عشان اول يوم شغل
سراج:اها تحفيز تمام وبعدين تعالي قوليلي عليش مازال معصبة انتي اللي بديتي راه ولا انسيتي اللي درتيه قدام باتي
سندس:ماانسيتش بس مش معنى هكي تفجعني الفجعة هذي عالصبح
سراج:بس اللي درته انا اليوم ماايجيش شيئ جنب اللي حظرتك درتيه امس الصبح متذكرتيه ولا انذكرك
سندس انحرجت:متذكرة بس انا تأسفتلك وقتلك عارفة روحي غالطة وانت ماتبيش تقبل الاسف
سراج;وكان قبلت اسفك عليها ماتبيش اتاسفي علي طلعتك مالصبح الصاحبتك لعند الليل ومن دون علمي
سندس:لا عاد هذي ماتستحقش اسف انا كنت عند صاحبتي مش حد غريب وبعدين هي عندها ظروف وانت عارفهن يعني ماتستحقش ناخذ اذن من حد
سراج;لا يامدام تستحق تاخذي اذن انا اسمي راجلك مش كرسي في الحوش
سندس:سراج انت شكلك صدقت لعبة العريس والعروس اللي نلعبو فيها رانا انمثلو قدامهم ونحن زواجنا لا كان ولا حيكون زواج حقيقي
سراج:وانا الحاجة هذي عارفها وكويس بس انتي قلتيها بروحك انمثلو قدامهم ولما تطلعي من ورايا وحد يسألني وين مراتك ومانعرفش انجاوب شن منظري لازم تحترمي فكرة انك قدام كل الناس مراتي وأنا راجلك وشايلة اسمي يعني اي حركة منك محسوبة عليا انا الحاجة هذي حطيها في راسك كويس ومرة ثانية لما بتمشي المكان حتى رسالة منك اتقوليلي وين ماشية كافية بس عشان ايكون عندي علم مش نطلع زي المغفل
سندس اقتنعت بكلامه:خلاص لما بنمشي المكان مرة اخرى اندزلك رسالة تمام هكي
سراج:تمام ورد بيرقد
سندس كرت من عليه الورغان:تي وين بترقد قلنا عندك شغل ولازم تمشي للشركة
سراج:وانا قتلك مش ماشي ماتسكنيليش
سندس:لالا ساكنتلك ولازم تمشي اليوم
سراج;وعليش لازم نمشي
سندس:عشان باتك يبي هكي وعشان لازم اتشوف كيف ماشي الشغل وكيف باتك يتعب عالفلوس وتعرف قيمتهن لما تتعب عليهن زيه ومعش تصرفهن في حاجات فاضية
سراج:ياسلام تعرفي كنت بنمشي بس عشان كلامك هذا معش بنمشي
سندس:براحتك عنك مامشيت بس فيه حاجة لازم تعرفها بما انك قلت قدام الناس راجلي وانا مراتك تهيالي لازم الراجل ايشيل مسؤولية حوشه ومراته وهو اللي يصرف علي حوشه ومراته من فلوسه وتعبه مش فلوس باته والحاجة هذي مستحيل اتصير وتقعد قد مسؤولية حوشك الا لما تشتغل وطلعت مالدار
سراج استك من كلامها وقعد ايفكر فيه واقتنع من كلام سندس وصبى وخش دوش وطلع لبس(جينز اسود وعليه تيشرت ابيض وجاكة رسمية واقفة سودة وكاويش ابيض) وبخ عطره وخذا نظاراته وطلع مالدار ونزل تحت لقى سندس اتلم في الفطور
سراج:انتي في شنو اديري فيه ناس بتفطر
سندس:كيف صار مش كنت تبيش توعى
سراج:غيرت رأيي وبعدين حظرتك ناسية ان عندي شغل وبنمشي للشركة
سندس ابتسمت;لا مش ناسية
سراج:معناها ليش ماوعيتيني خليتيني نرقد هذا كله لا شكلي لازم نجوز عليك ماايصيرش منك بكل
سندس ضحكت:معليش خذاني النوم مرة اخرى انوعيك غير الله ايربحك ماتجوز عليا
سراج:خلاص سماح هالمرة مرة اخرى ماانقولكش دغري نجوز راه
سندس تضحك:باهي خلاص هيا قمعز افطر راك تأخرت بكل
سراج قمعز وبدو يفطرو وبعد كملو الفطور سراج صبى بيمشي
سراج بغرور:طالع طرف صح?
سندس شافتله بالجنب:بصراحة الشباب اللي نفس استايلك مايعجبوش فيا
سراج عقد حواجبه:امالا شن شكلهم اللي يعجبو فيك
سندس:اي واحد عكسك وعكس شخصيته يعجبني
سراج غمتله:اصلا صقع عليك انا وبعدين حتى انا البنات اللي نفس استايلك مايعجبنش فيا
سندس:عارفة وبالعكس مفرحتني الحاجة هذي عشان نضمن ان مستحيل اتكون بينا حاجة
سراج جا بيطلع:لا اطمني وكوني هانية مالناحية هذي
سندس:سراج
سراج لف بسرعة:عيونه
سندس بلعت ريقها وشافتله زين لان اول مرة ايقوللها هكي
سراج مشاها بضحك:ها ياام السان كنك ولا عاجبك اسمي اتجربي فيه
سندس:لالا مش هكي بنسالك اليوم عملية الوليد اللي امس صح
سراج:اها اليوم في العشية
سندس:انت بتحظرها
سراج:اها بس عليش تسألي
سندس:مااصلا بنحظرها معاك
سراج شافلها زيين;وعليش ان شاءلله
سندس:هكي حاسة اني لازم انساهم في العمل الانساني الكبير والعظيم هذا
سراج:بس المساهمة مااتكونش بس انك تحظري العملية فيه حاجات اخرى
سندس:عارفة وانا حتكون مساهمتي بمبالغ عشان انسدد معاك فلوس العمليات وفلوس الجرعات الكيماوية
سراج ضحك:ومنين بتجيبي الفلوس ياشاطرة
سندس:عادي من بابا وهو مستحيل يرفض عشان حتى هو ايحب مساعدة الناس
سراج:بس مش انا قتلك مانبيش حد يعلم بالموضوع هذا
سندس:مش حنجيبله سيرتك حنقوله انها جمعية خيرية وتبي تبرعات عشان مرضى السرطان
سراج:مش داعي تحكي الحد وتاخذي فلوس من حد عشان فلوسي هنا فلوسك يامطرشقة ومن يوم وغادي حنقعد اللي ندفعه بإسمي وأسمك
سندس:لا هكي واجد وانا مش حنوافق
سراج:حتوافقي وغصبن عنك ولا انسيتي انك مراتي ومسؤولة مني توا ولما اتخرجي وتقعدي مهندسة وتشتغلي ادفعي من فلوسك بس توا انتي مازال مسؤولة مني انا حتى باتك معش عنده حق يعطيك فلوس
سندس:بس
سراج;مافيش بس وتوا خلاص بنمشي اخرتيني عالشركة
سندس:باهي يعني بتاخذني معاك للعملية
سراج:بناخذك وامري لله وطلع
سندس فرحت انها بدير عمل انساني زي هذا وخشت وبدت اتلم في الفطور وتبي اتشطب الحوش
اما سراج طلع للفيلا صبح علي عفوفه وركب في سيارته ومشى للشركة واول ما وصل للشركة دغري مشى المكتب فيصل وخش عليه
سراج:صباح الخير يانصي
فيصل رفع وجه وقعد يمسح في عيونه:سراج جاي للشركة ولا انا نحلم
سراج;تي بلا برادة وطروح ولا تبيني نضربك عشان اتصدق
فيصل:كيف جت منك اليوم مافيش لا اجتماع لا شي
سراج قمعز عالكرسي:عمك محمد غصبني انجي ونبدى نشتغل في الشركة
فيصل رفع حاجبه;عمي محمد ولا ام السان عندها يد في الموضوع
سراج:وهي شن دخلها توا وانت كل موضوع مزقبها فيه يعني انت انسيت الاتفاق اللي بيني وبين باتي والعقد اللي درناه كان من ضمنه الزواج والشغل
فيصل:صح انسيته بكل الاتفاق
سراج;باهي معش تنساه مرة اخرى
فيصل;بس تأخرت عالموعد المفروض الساعة 8 اتكون هنا وتوا الساعة 10
سراج:ماقبل حوتني وعيت واصلا قبل مانبيش انجي بكل بس ام السان سكنتلي سكنة
فيصل يضحك:مش قتلك هي في الموضوع تي شكلها السنارة غمزت
سراج صبى:السنارة اللي تحكي عليها انشاءلله اتخش في عينك وانا الفاضي اللي جاي وقاعد معاك وطلع ومشى شور مكتبه
قمعز وقعد ايفتش في الادراج صبى وقعد ايتفرج مالروشن وطلع فونه وقعد يلعب بالالعاب كان مال بكل مايعرفش ايدير شيئ والجو كان كساد واصلا هو ماايحبش الفيلا قعد اشوي مقمعز عالكرسي ورا المكتب وبعدها خطرة في باله فكرة ومسك فونه ورن علي سندس وهي ردت
سندس:اهلا
سراج:اهلين
سندس:شن جو الشغل
سراج:تمام قاعد غارق في الشغل والملفات ومش فاضي بكل
سندس ضحكت:امالا عليش ران عليا وانت مش فاضي
سراج:بنسالك في شنو اديري
سندس:شي كنت انلم في الحوش وتوا كملت انفكر نمشي العميمة
سراج:يعني مادرتيش غداء
سندس:اي غداء تحكي عليه
سراج:كيف اي غداء مش بنروح مالشغل تاعب وجيعان والمفروض نلقى غداء
سندس:عادي توا انتغدو عند اعميمة
سراج:لالا بنتغدى في حوشي
سندس:خلاص حندير اي حاجة خفيفة ولا جيب امعاك حاجة مالمطعم
سراج:والله مش عساس انتي مراتي والمفروض اديريلي غداء
سندس:اي مراتك سراج انت صدقت تمثيلنا ولا شنو
سراج:لا ماصدقتش بس انتي مبدري قلتي لازك نشتغل عشان انشيل مسؤلية حوشي ومراتي وهذا واجبي يبقى الكلام هذا حيمشي علينا نحن الاثنين ويقعد حتى انتي عندك واجب ولازم اتقومي بيه واللي هو ان لما راجلك ايروح يلقاك موتيتيله غداء صح ولا لا
سندس:بس انا
سراج بخبث:شنو ماتعرفيش اطيبي صح والله كنت حاس
سندس بتحدي:لا نعرف وحنديرلك غداء شن حاب اتغدى
سراج يضحك:فكينا مالثقة الزايدة عارفك ماتعرفيش
سندس:قتلك نعرف واطلب اي حاجة انديرها لكي
سراج:لالا انا مش حنحرجك ونطلب مرات تقعد حاجة واعرة انتي طيبي اللي تعرفيها وبناكل علي ذوقك
سندس:باهي تمام سكر عشان انلحق انكمل قبل مااتجي
سراج:بس اسمعي ردبالك اتكلمي عفوفة هي اللي ادير راه نعرف تطييبها ولا اتجيبي وحدة مالخدم غادي انتي قلتي انا بندير خليك عند كلامك ومااترديش فيه
سندس:انا عمري مارديت في كلمة قلتها وانا اللي حندير الغداء
سراج:باهي تمام خلاص اوكي توا وياريت اديريلي حاجة سمحة
سندس:باهي وسكرت
سندس:حي عليا شن بنديرله هذا ياربي مانعرفش اندير شيئ قعدت اتفكر وبعدين رنت علي امها
سعاد:اهلا دوسة شن اخبارك
سندس:تمام ماما شن اخبارك انتي وشن اخبار بابا
سعاد:الحمدلله بخير باتك عدى للمصنع وانا قاعدة نبرم اشوي عالحوش وبندير الغداء شن رايك اتجو اتغدو معانا
سندس:لا مانقدرش اليوم سراج في الشغل وقال يبي ايتغدى في الحوش
سعاد:اكيدة بيجبلك جاهز فكك منه وجيبي الراجل خليه ياكل وكله مسقمة اكيدة طيبتي معدته بوكال المطاعم مسكين
سندس:لالا يبيني انا انديرله غداء ياماما وانا مانعرف اندير شيئ ومانبيش انقولها له عشان مايمسكهش عليا نقطة ويقعد يضحك عليا
سعاد:حي حي والله انا متشمته فيك شكله سراج بيجيبك للطريق وياخذلي حقي منك ياما قتلك تعالي ساعديني وتعلمي علي حالك ماتبيش
سندس:ماكنتش مفكرة في الزواج وانتي عارفة بس انتو ربي ايسامحكم
سعاد بخوف:عليش تحكي هكي يادوسة انتي مش متريحة ولا شنو
سندس:لا جوي تمام بس عالغداء اللي طلبه مش عارفة شن بندير انتي عارفة نعرفش اندير شيئ ياماما ساعديني وقوليلي حاجة انديرها
سعاد:خلاص مااتفكريش انا حنساعدك وانقولك طريقة اي حاجة تبيها انتي شن مقررة اديري
سندس:مش عارفة ترا قوليلي انتي
سعاد:شن رايك اديري حاجة مبوخة كسكسو ولا رز ولا مكرونة مبوخة
سندس:من جدك ياماما عمري ماخشيت المطبخ اتقوليلي حاجات صعبة زي هذينا
سعاد:باهي اديري مكرونة عادية
سندس:ماانحبهش انا
سعاد:باهي حيرتيني شن بديري
سندس بتبكي:مش عارفة ياماما
سعاد;باهي انتي شن عندك من خضرة ولحم في التلاجة
سندس:ماعنديش توا شيئ بس حندز عمو عندنان ايجيبلي
سعاد:ييي مازلتي مادزيتي بكل المهم اسمعي دزي علي سمك بس قوليله ايجيبه لكي نظيف عشان مش حتعرفي اتنظفيه وديري معاه رز ابيض وصلصة بصل واقلي معاه بطاطا وصلاطات تعرفي اديريهن صح
سندس:اها نعرف وعجبني الغداء بس ياماما انا لانعرف انطيب سمك ولا نعرف اندير الرز
سعاد:انتي دزي عالسمك قبل وانا حنوريك كيف اديري الرز والصلصة علي ماجا السمك وبعدها انوريك كيف اديريه المهم خليه ايجبلك نوعية سمك سمحة
سندس:حاظر حنكلمه توا وسكرت
سندس رنت علي عمو عدنان وطلبت كل اللي تبيه وعدى ايجيب فيهن الها
ورنت علي امها وعطتها طريقة الرز والصلصة وبدت ادير فيهن وبعد اشوي جا السمك وقالتلها امها كيف اديره وقعدت ادير فيه وحايسة في هالمطبخ اللي عمرها ماخشتله وكانت خايفة ان مااديرش حاجة سمحة وسراج يضحك عليها
“”
عند هل رانيا
رانيا في الدار ومتضايقة وتبكي خشت عليها رنا
رنا:رنوشة ليش اديري في روحك هكي خلاص انسي اللي صار
رانيا:مش عارفة قلبي مش متريح وخايفة من حاجة ومش عارفتها شنو وبعدين مالصبح انرن علي دودي مقفل خايفة ايكون صاير مع عصام حاجة حرام دودي اتحب خوتها بكل ومااتحمل فيهم شي ولو صارت الواحد حاجة مش عارفة شن حيصير فيها
رنا:قولي خير وبعدين اكيدة عندهم ناس ومش فاضية للفون ولا ايكون طافي شحن
رانيا:ان شاءلله ايكون هكي
رنا:انا حكيت الماما علي عصام وجعها بكل وقالتلي في العشية حتمشيلهم هي بابا ويطمنو علي عصام
رانيا;جديات باهي فرحتيني بجد والله خايفة ايصيرله حاجة ربي اينوضه بخير
رنا;ان شاءلله هي صبي الغداء واتي خلينا انتعدو مع بعضنا
رانيا:والله ماعندي نية
رنا:لا مش هكي رنوشة والله حتصيرلك حاجة حتى فطور مافطرتي وبعدين شوفي حالتك كيف قاعدة لاعاد تاكلي لا تشربي حيصيرلك هبوط واتعبي روحك حتى بابا وماما ايشوفو فيك كيف قعدتي وخايفين عليك ريحيهم واطلعي تغدي معانا
رانيا:بس والله مش قادرة ناكل عنديش ارقبة تزمط
رنا:عشان خاطري وخاطرهم غير قمعزي معانا وحتجيك نية تاكلي
رانيا:باهي هيا
رنا فرحت:واخيرا بترد رنوشتي تاكل معانا وصبت مع رانيا وهي فرحانة وطلعن لقن امهن موتية الغداء ومقمعزين هي وباتها ويرجو فيها ولما رانيا طلعت مع رنا فرحو وقمعزو كلهم وقعدو ياكلو
بعد حوالي6دقايق رن جرس الحوش وطلع بات رانيا يفتح ولقاها عالية ام رويدة وسلم عليها
بات رانيا:الف لاباس علي عصام والله توا غير حكتلي سمية وكنا عابين انجوكم اليوم تفضلي سمية والبنات جوا
عالية:والله مستعجلة كلملي سمية بنحكيلها حاجة وانعدي دغري
بات رويدة:حاظر توا انكلمها وخش جوا وقاللهم ان عالية برا وطلعلها كلهن وسلمن عليها
سمية:الف لاباس علي عصام شن حاله توا
عالية:في غيبوبة مازال
سمية;والله كنت بنجيك اليوم نطمن عليه هيا تفضلي عليش قاعدة هنا
عالية;والله مستعجلة وان شاءلله عصام حيقعد كويس مااتعبوش روحك في الجية
بات رويدة:لا كيف لازم انجوكم والله ماسمعناها الا اليوم
عالية;مااتعبوش ارواحكم والافضل ان ماعاد ايكون بينا لا مشي ولا جي
سمية:شن فيه ياعالية كنك تحكي هكي ان شاءلله خير ياخيتي
عالية:مافيش خير واللي صار في عيالي بسبت بنتكم
بات رانيا:شن صار العيالك وبعدين بنتي شن دخلها فيكم عالية:عيالي تقاتلو عشان هما الاثنين طلعو ايحبو رانيا
رانيا انصدمت ماللي تسمع فيه
سمية:انتي شن اتقولي ياعالية
عالية تبكي:اللي سمعتوه انتو عارفين ان رؤوف يبي رانيا وكلنا كنا نرجو فيه ايكمل وبناخذوها له بس اللي صار الفترة اللي فاتت مع رؤوف طلع كله تخطيط من عصام مع بنت خاله عشان رؤوف ماياخذش رانيا ولما رؤوف عرف القصة تعارك مع خوه وضربه بموس وتوا عيالي واحد في المستشفى وواحد في الحبس وانا جاية انترجى فيكم اتبعدو رانيا علي عيالي وعلي رويدة عشان رويدة معنده ماتبيش تخصر صاحبتها وانتو عارفين شنو الضرر اللي حيصير كان راتيا ورويدة استمرت صحبتهم انا مانبيش نخصر اعيالي ووجود رانيا في حياتنا حتسبب كارثة كبيرة بين الخوت
بات رويدة بعصبية:لا اترجينا لا شيئ من يوم وغادي اعتبري ان لا تعرفونا لا نعرفوكم ورانيا مش حتواصل مع رويدة بكل مغير انتي مااتخليش عيالك ايتعرضولها عشان انا اللي حنوقفهم عند حدهم
عالية:والله حنديرو اللي نقدرو عليها ومش حنخلوهم ايقربو منها حتى لو اظطر الامر ان ناخذوهم ونمشو المدينة اخرى انتو فاهمين شن معنى خوت ايحبو نفس البنت هذي كارثة
سمية:عارفين وفاهمين وزي ماقالك توا اعتبري لا عرفناكم لا عرفتونا ورانيا مش حتقعدلها اي صلة ببنتك او عيالك هذا وعد وخوذيه منا
عالية تبكي:اسمحولي انا ام وخايفة علي عيالي وطلعت
رانيا كانت مصبية ومصدومة ومش مستوعبة الكلام اللي سمعاته وتبكي
سمية:سمعتي الكلام كله يارانيا يبقى ماليوم معش فيه اي صلة برويدة
رانيا تبكي:بس رويدة صاحبتي ومانبيش نخسرها كيف تبو اتفرقونا هكي
بات رانيا عصب وبصوت عالي:اسمعي كلام امك وفكينا منها الصحبة اللي مااتجيب غير المشاكل وبعدين سمعتي اللي حكاته الولية هي تبرت منك ومعش تبيك اتصاحبي بنتها ونحن ناس طول عمرنا عايشين بكرامتنا واللي مايبينش مانبوش ولا بتغيري الكلام
رانيا زادت في البكى;بس يابابا هذي صاحبتي وزي اختي بزبط حرام عليكم اللي بديروه فينا
سمية بعصبية:خلاص يارانيا انتي بتكسري كلمة باتك وكلمتي اللي قلناها للولية البنت هذي انسيها
بات رانيا:بالك عاجبها اللي صار وحشمتنا قدام الجيران بعد اللي داره ولدهم وتوا بدل ماكنا في واحد قعدنا في اثنين هي كلمة وحدة ومش حنكررها لو نعرف عندك صلة بالبنت او باي حد من عيلتها حتشوفي شيئ مني عمرك ماشفتيه
رانيا معش تحملت كلام امها وباتها علي رويدة ومعش قدرت تستوعب كل اللي صار وفي لحظة معش حست بشيئ وطاحت من طولها وشالوها باتها وامها للمستشفى
“”
عند سندس قاعدة حايسة في المطبخ واتوتي في الغداء وحالتها حالة وخايفة يطلع الغداء مش سمح وسراج يقعد يضحك عليها مع جيت سراج وخش عليها دغري في المطبخ
سراج:شن الجو
سندس:تمام شن جو شغلك
سراج:تمام ها طمنيني فيه غداء ولا بناكلو خفيف
سندس:شن اتشوف فيا اندير ماهو قاعدة اندير في غداء
سراج:متأكدة اديري في غداء
سندس:اها متأكدة
سراج:باهي كنه المطبخ هكي اتقول متفجره فيه قنبلة?
سندس:سراج فكني مالحناطة راه نحرمك مالغداء
سارج:ياساتر خلاص مسيبك فيها بس كم تبي عشان الغداء يجهز
سندس:غير ادبشك واغسل وانزل حتلقاني مجهزة الصفرة
سراج:باهي تمام وان شاءلله ربي يستر وركب الداره غير ادبشه وغسل ونزل لوطه لقى سندس اتحط في الغداء عالطاولة وجا وصبى وانصدم ماللي شافه
سراج:هذا شنو
سندس:غداء شن اتشوف فيه
سراج:بس المنظر ماايدلش علي شكل غداء بالله عليك هذا شنو الرز كنه هكي والسمك كنه مشفشف وشنو هذي قصدك تبيها صلصة
سندس:ماايغركش المنظر والله الطعمه سمحة غير قمعز وذوق
سراج قمعز:تو انشوفو وخذا كاشيك وبدا بياكل رز وماقدرش ايكمل كان الرز مش طايب سيبه وحاول ايغمس في الصلصة لقاها كلها طماطم حكيه محمظة? جا بياكل سمك كان محروق ومش طايب
سندس كانت اتشوفله واتشوف في ملامح وجه كل ماياخذ حاجة
سندس:ماعجبكش
سراج:من جدك هذا اتسمي فيه غداء ليش ماقلتي ماتعرفيش اديري
سندس بعصبية:من قالك مانعرفش انا نعرف بس هالمرة مش عارف شن صار
سراج قعد يضحك:بصراحة المنظر والطعمه اتضحك وماايدلنش علي انها دورة وحدة تعرف اتسوي
سندس:بلاش صماطة سراج ماتضحكش
سراج يضحك:والله خاطري انصوره وانزله عالفيس انقول عمايل زوجتي العزيزة تفضلو معايا بس عارف ماحد حيتفضل منظره السمك والرز ايخوفن ?
سندس قلبت وجها وصبت:انا الغلطانة اللي تعبت روحي عشانك
سراج صبى وراها ومسكها من يدها:انتي ماتعرفيش اديري صح
سندس طبست راسها:انا عمري ماخشيت للمطبخ وسويت
سراج:ليش ماقلتيلي
سندس:نبيكش تضحك عليا
سراج ابتسم:اسف علي ضحكي عليك ويكفي انك حاولتي اتجربي هذي بروحها انجاز وحيجيك يوم واتعلمي مش حاجة كبيرة هي
سندس:معليش عارفتك جيعان توا نمشي انديرلك حاجة خفيفة
سراج:قصدك معلبات
سندس:مافيش الا هنا لو نعرف حاجة خاطيهن راه درتها لكي
سراج:لالا مليت منهن في السيارة جايب معايا غداء جاهز توا نمشي انجيبه وانتغدو
سندس:يعني داير احسابك
سراج:كان قلبي حاس انك ماتعرفيش
سندس ضحكت:باهي جيبه علي ماانا لميت الكائنا الغريبة اللي عالطاولة
سراج ضحك وطلع للسيارة وجاب الغداء وبدو ياكلو وبعد الغداء سندس كلمت وحدة مالخدامات اللي في الفيلا عشان اتساعدها في حوسة المطبخ وجت وقعدت اتساعد فيها
“”
عند رانيا طلع عندها صدمة عصبية وهبوط في الضغط ودارولها اللازم وقالولهم ايخلوها اليوم في المستشفى وقعدت معاها امها
“”
عند عصام في المستشفى وعى مالغيبوبة بس الدكتور خلاه في العناية تحت الملاحظة ومنع عنه اي زيارة
“”
أما عند سندس كملت حوستها وبحتت للساعة لقتها الساعة 4 خشت علي سراج في الدار لقاته بيرقد
سندس:قصدك بترقد
سراج: شن رايك واحد واعي ما 8 شن بيدير اكيدة بيرقد
سندس:بس مش عملية الوليد اليوم
سراج:واااو انسيتها بكل باهي اللي ذكرتيني
سندس:باهي صبي عشان نمشو
سراج:مع ان المفروض انعاقبك على الغداء اللي درتيه وماناخذكش بس يالله سماح هالمرة وحناخذك معايا
سندس:حانط بكل حظرتك?
سراج:اكيدة?المهم هي عدي البسي علي ماانا لبست
سندس:باهي وعدت تجري
خشت الدارها وطلعت(جينز ازرق وعليه بلوزة سحابي هادي وجاكة جينز طويلة ولبست عليها وشاح وردي هادي وكاويش وردي)وبخت عطرها وطلعت لقت سراج كيف طالع من داره ولابس(جينز بيج وعليه قميص كحلي وكاويش كحلي)وطلعو مع بعضهم ومشو للمستشفى وووصلو وخشو الغرفة الطفل المريض لقوه ملبسينه لبس العمليات ومعاه امه وباته بس الوليد كان خايف ويبكي سندس وجعها وجت قمعزت جنبه
سراج:مااتخفش يابطل الدكتور قالي ساهلة وبعدين انت راجل صح والراجل ديما قوي ومايبكيش
سندس مسكت يده:مااتخفش وامسح دموعك وشوف ماما كيف قاعدة تبكي عشان انت تبكي وبعدين بدير عملية عشان تقعد كويس وواترد تلعب مع اصحابك ومعش تقعد مريض مرة اخرى
الطفل يبكي:يعني لما انديرها معث نقعد مليض وعادي نلعب مع اثحابي زي زمان
سندس:اها بس قولي شن اكثر لعبة اتحب تلعبها
الطفل:انحب نلعب بالدراجة
سندس:وعندك دراجة
الطفل;لا بث ثاحبي عنده ويعطي فيا نلعب معاه
سندس:اول ماتطلع مالمستشفى تلقى وحدة جديدة في حوشكم
الطفل فرح:صح يااعميمة
سندس باساته في خده:اكيدة حبيبي
سراج كان مصبي وايشوف السندس ومبتسم
جت الممرضة خذت الطفل وشالوه الغرفة العمليات وكانت امه وباته يبكو وسندس متاثرة منه وخايفة عالوليد لانها حباته وكانت مقمعزة جنب سراج وباين عليها الخوف والتوتر واتحرك في كراعها من كثر التوتر
سراج حط يده علي كراعها:خلاص اهدي وترتيني
سندس:الهم توا ساعة ونص جوا معقولة هذا كله
سراج:عملية كبيرة شن تحسابيها انتي
سندس:انا خايفة اتصيرله حاجة
سراج;ان شاءلله لا
سندس:حرام شوف امه شن صاير فيها من خشته وهي تبكي
سراج:مسكينه وليدها شن بدير
سندس:انا شفته بس مرتين وقاعدة خايفة عليه مبالك هي حرام حالتها توجع ودمعو عيونها
سراج شافلها زين:قصدك انتي بتبكي
سندس:اكيدة لا من قالك بنبكي
سراج:نحسابك واستغربت عشان صارن مواقف واجد وولا مرة شفتك تبكي
سندس:ومش حتشوفني نبكي لان البكى ضعف وانا عمري ماكنت ضعيفة
سراج:تمام وسكتو وقعدو يرجو في الدكتور وبعد طقو ساعتين الدكتور طلع
بات الطفل وامه جوه يجرو ومعاهم سراج وسندس
بات الطفل:طمنا دكتور
الدكتور:العملية نجحت واستاصلنا الورم بس طبعا حيقعد في العناية كم يوم وان شاءلله يقعد اكويس
امه وباته فرحو وقعدو يحضنو في بعضهم وسندس مالفرحة بنجحت العملية حظنت سراج من غير مااتركز سراج زي الي ماصدق كان لاف ايديه عليها زين وكان كأنه في عالم ثاني سندس فطنت الروحها وفكت ايديه من وراها وبعدت منه
سندس:اسفة بس مالفرحة معش ركزت
سراج كان ايتفس بسرعه ومش متحكم في نفسه
سراج:لا عادي وسكت
طلعو الوليد للعناية والدكتور سمح بس الامه اتخش اتشوفه وقعدو اشوي معاه في العناية وبعدها طلعو وبيروحو للحوش وكان الوقت مغرب
“”
عند معاذ
كان مقمعز وايرن علي رويدة ويلقى فيها مقفل ومتضايق وخايف عليها مع جيت مروة اخته
مروة:كنك اليوم حاستك متضايق
معاذ;مالصبح انرن علي رويدة مقفل ومش عارف كنها وشن صاير معاها
مروة:مسكينة ماهو خوها في المستشفى وماما امس قالت حوشهم مليان اكيدة فونها طافي ومش فاضية تشحنه
معاذ:هي الفترة هذي نفسيتها تاعبة وانا خايف عليها تخيلي حتى للجامعة معش جت
مروة:امشيلها وشوفها في الحوش وقوللها كلمتين من كلامك الحلو وغير جوها هي في حاجتك توا
معاذ;قولك هكي
مروة:اكيدة هكي
معاذ:توا صامطة نمشي بكرا في العشية نمشيلها توا حنمشي للمستشفى نطمن علي عصام ونقعد مع عمي اشوي مرات يبي حاجة
مروة:حتى هو راي
معاذ صبي;انا بنمشي تبو حاجة من برا
مروة:جيبلي معاك حاجة حلوة
معاذ:من عيوني وطلع تلاقه مع أسيل عند الباب عشان كانت تسكن جنبهم
معاذ:خيرات اسولي شن اخبارك
أسيل:مش كويسة
معاذ بخوف:كنك شن فيه
أسيل:اصلا جاية بنحكي معاك عالموضوع هذا وباهي اللي لحقت عليك قبل ماتطلع
معاذ:خوفتيني اسيل كنك شن صاير معاك
أسيل:انا حلمت بلينا
معاذ تغيرن ملامح وجه:الله يرحمها
أسيل تبكي:لينا جتني في الحلم تبكي واتقولي قولي المعاذ يجوزش وان هي مازال اتحبك ومش متحملة فكرة تاخذ غيرها
معاذ سكت
أسيل:وقالتلي اساليه لو انه مازال ايحبني ولا نساني بس انا قلتلها ان نساك وقعدت تبكي
معاذ نزلو ادموعه:ماانسيتهش ومستحيل ننساها لو جاتك في الحلم مرة اخرى قوليها الها
أسيل:باهي ليش بتجوز غيرها وانت ماانسيتهش
معاذ;عشان هذي سنة الحياة مانبيش نقعد كل عمري هكي وبعدين رويدة بنية كويسة وانا حبيتها وهي الوحيدة من بين كل البنات اللي شفتهن حركت مشاعري بعد لينا
أسيل تبكي:حرام عليك لينا لو انت اللي متت وهي عاشت راه مستحيل ترضى اتكون الغيرك وعلى فكرة قالتلي انقولك لو اجوزت غيرها مستحيل اتسامحك وقعدت تبكي وطلعت تجري ومشت الحوشهم وخشت الدارها اللي كانت كلها معبية صور لينا قعدت اتشوفلهن وانهارت بكا
اما معاذ ركب في سيارته واسودت الدنيا في وجه من كلام اسيل وكملها يبرم بالسيارة
“”
عند سندس وصلو للحوش ونزلو
سراج:انا بنطلع نسهر اشوي مع الشباب وانجي
سندس:ماشي وجت بتركب
سراج:مش حنطول
سندس:انا ماسألتكش بطول ولا لا انت حر
سراج:انا الغلطان اني حكيت وجا بيطلع مع رنت فونه وكان باته
سراج:ايوا باتي
محمد:سراج نحن في حوش جدك وراهو مريض
سراج بخوف:كنه شن صايرله
محمد:جايته نوبة سكر تعال العيلة كلها هنا
سراج:هيا جايكم توا وسكر
سندس:شن فيه
سراج:جدي مريض هيا عشان نمشو انشوفوه
سندس:باهي هيا وطلعو ومشو الفيلة جدهم ولقو العيلة كلها قاعدة غادي خشو وسلمو عليهم وخشو علي جدهم جوا
سراج;كيف صار ياجدو شكلك كبرت جديات وانا اللي كنت اندورلك في عروس
جد سراج:عليش جاي توا انت حتي التسليم خسارة فيك
سراج:عليش ياجدي شن درت انا
جد سراج:معقولة ماانحقكش الا مرتين بعد جوازك ياريت ماجوزناك اقل شيئ زمان كنت كل يوم عندي
سراج باس علي راس جده:سامحني ياجدي حقك علي راسي والله لهيت في هالدنيا
جد سراج;زعمك كنتنا بنت فرج هي السبب
سندس:والله مادخلني ياجدي انا ندخلش في مشاويره بكل
جد سراج:شكلك شغلتيه وخذيتيه منه
محمد:شكلها هكي ياباتي اخسارة ماكان رافض الزواج توا معش يطلع من جنبها بكل
سراج ضحك:انتو سكنتولي عالزواج تحملو اللي ايصير عاد
محمد;بس جدك زاعل منك بكل من بدري وهو ايقول فيها ليا
سراج:اللي يبيها جدي حاظر هو عارف ماانتحملش زعله جد سراج:كان تبيني انسامحك تقعد اتجيني كل يوم زي زمان
سراج:حاظر ياجدي
جد سراج:وحاجة اخرى اتباتو اليوم امعانا هنا انت وكنتي
سراج:انباتو
محمد:كلنا بايتين هنا اليوم عشان بكرا جدك عازمنا كلنا عالغداء
سراج:شنو المناسبة
جد سراج:من غير مناسبة نبي انخرف مع عيالي واحفادي فيها مشكلة
سراج:لا من حقك ياجدي انا عادي انبات بس سندس بكرا عندها جامعة وبحت في سندس
سندس:لا عادي الجامعة مش مشكلة
سراج:خلاص دبينها موافقة نمشي انجيب دبش ليا والها عشان انباتو
جد سراج:عارفك تسبل بالدبش بتهرب لكن مافيش مشي وكان عالدبش خوذو من عمك ومرات عمك
سراج شاف السندس لقاها اتهز في راسها بمعنى لا
سراج:بس ياجدي مااتجيش يعني
جد سراج:لا اتجي وكلمة وقلتها مافيش حد يطلع اليوم مالفيلا اصلا مافيش ولا واحد فيهم معاه دبش
سراج ضحك:يعني اتعاقب فينا ياجدي
جد سراج:اها عقاب عشان كلكم لاهيين عليا وناحد ايجيني لين تسمعوني مريض وتوا بنصبو انتعشو مع بعضنا وانخرفو وانباتو كلنا مع بعضنا
سراج طبس علي جده وحكاله بشويش
سراج:جدي انا عريس جديد راه
جد سراج ضحك:عارفك ياللي مااتحشم علي وجك انت ومراتك حتاخذو دار بروحكم
سراج ضحك:هكي انبات ماعنديش مشكلة
جده ضربه:هيا اطلع قدامي ياقليل الادب
سندس قعدت تضحك عليه هي وباته بس طبعا ماسمعوش اللي حكاه الجده
#يتبع
زعما شن حيصير معاهم في البيته عند جده هل حتعود بفائدة عليهم واتخليهم ايقربو من بعضهم وبذات ان بدن علامات الاعجاب بينهم ولا حيصير شي ثاني?
اما معاذ شكله تاثر من كلام أسيل وهل تأثره هذا حياثر علي علاقته برويدة وبذات في وضع رويدة توا وعدم اهتمامها بيه ?
عصام نفذ منها وعاش بس زعما شن حيدير هل حيطلع خوه ولا حيكمل باقي انانيته وينتقم من رؤوف وايخليه محبوس?
اما رانيا زعما شن حدير بعد الي سمعاته هل حيزيد تمسكها برؤوف وبذات لما عرفت ان بريئ ولا معرفتها بحقيقة عصام اتغير رايها في الموضوع وزعما حتوافق هلها انهم ايبعدوها علي صاحبتها الانتيم?وشن رد سندس بعد تعرف اللي صار ومن اللي حيخبرها بكل هالقصص كله حنعرفوه في الحلقة الجاية☺
أسفة عالتأخير بس الحلقة طويلة وفيها حاجات واجد وتدقيق واجد ??
أسفة لو فيه لخبطة في الأسماء وأكيد رأيكم ايهمني ?
گـتـابـتـي Koka Saleh