منحرف وأحببته
#مـنـحـرف_وأحـبـبـتـه
الـحـلـقـة (20)
گـتـابـتـي #Koka_Saleh
“”””””””””””””””””””””””””
وصلو للفيلا وكان الوقت متاخر ماقدروش ايتكو علي هل سراج لانهم مرقدين خشو سراج وسندس الفيلتهم خذت سندس شنطتها بتشيلها
سراج:خليها ثقيلة عليك حنشيلهن انا هنا الاثنين
سندس شافتله زين:تمام ريحتني وطلعت فوق وخشت الدارها وبعد اشوي خش وراها سراج جايب الشنطتين وحطهن في الدار وجا بيطلع مع رنت فونه وكانت هدى صمت الفون وطلع وخش الداره رنت هدى مرة اخرى سراج رد
سراج:اهلا هدى شن اخبارك
هدى:باهي الحمدلله مازال متذكرني
سراج:عادي وشن المشكلة متذكرك عليش بننساك
هدى:عشان اجوزت
سراج:من امتى الزواج ايخليك تفقد الذاكرة
هدى:لا مش هكي قلت مرات المدام ماتبيشكش تحكي مع غيرها
سراج:لا عادي نحكي انا هكي حياتي مافيش شيئ ايغيرني
هدى:باهي قولي شن اخبار المدام سندس
سراج:كويسة
هدى بعصبية:يعني صح خذيت سندس زي ماسمعت
سراج:اها صح وشن المشكلة في الموضوع وليش العصبية
هدى:كيف ليش العصبية مش عساس هذي اللي بتنتقم منها وبتنزل راسها واتفقت معايا عليها
سراج:وتوا غيرت رايي معش نبي ننتقم منها انتي شن موضوعك
هدى:انت عارف كويس اني كنت بننتقم منها زيك بزبط لكن قول انك كنت تكذب وتجري بيا عشان ماانضرهش وبعدين مشيت خديتها يعني قصة الانتقام كلها خطة منك
سراج:اول حاجة لما تحكي معايا احترمي نفسك واعرفي في من اتكلمي وثاني حاجة لما خذيتها جت بالصدفة وخذتي الها وبعد خذيتها غيرت رايي ومعش بننتقم
هدى بعصبية:اتشوف فيا فرخة صغيرة عشان تضحك عليا واتقولي جت بالصدفة انت مخطط الكل حاجة مالأول ودرت هكي عشان اتبعدني من طريقكم
سراج:اسمعي واطي صوتك وبعدين بالك اتشوفي فيا خايف منك عشان انحايل عليك وانبعدك انا سراج شكلك ماتعرفينيش مافيش حاجة في الدنيا وفقت في طريقي بنحايل وانخاف من وحدة زيك انا بإشارة وحدة مني نقدر ننهيك لذلك عمرك مااتحديني وبعدين انتي مادخلكش في موضوعنا انا وهي
هدى بعصبية:تحساب روحك هكي حميتها انا حنوريك شن حندير فيها واندمها علي كل حاجة دارتها فيا ومستحيل انخلي اتعبي معاك يمشي عالفاضي حننتقم يعني حننتقم
سراج بعصبية:لو بنت بوك قربي من سندس او حاولي اتضريها بحاجة بسيطة حتلقيني انا في وجك دغري وانتي عارفة كويس انا شن نقدر اندير وعارفة كويس ولد من وشن قدراتي عشان هكي مااتخلينيش نزعل عشان زعلي مش حيعجبك ياحلوة وتعبك الي تحكي عليه خذيتي عليه فلوس مش بلاش يعني حقك واصلك والاخر مرة انقولك سندس خط حمر ولو اتحاولي اتضايقيها حتى بكلمة حنعرف كويس شن انديرلك وتوا اوكي والرقم هذا انسيه نهائي وسكر في وجها
“”
هدى حامقة ومعصبة عالاخر:الحيوان الواطي ايهدد فيا شكله مش عارف انا من لكن والله انوريك انت وهي وتوا اتشوفو شن نقدر اندير
“”
سراج بعد سكر من هدى رن عليه فيصل قاله ان هو برا طلع مالدار وبينزل الفيصل وبعدها فكر ان لازم ايقول السندس بيمشي خير من باب الذوق?رد شور دارها ودق سندس كانت اتصلي وفتحت وهي لابسة ملاية الصلاة
سراج شافلها زين لان كان ايحب ايشوف شكلها بملاية الصلاة
سراج:تقبل الله
سندس:منه ومنك العمل الصالح
سراج:أنا بنطلع توا ماشي ساهر مع اصحابي
سندس:ماشي تمام بس بطول يعني
سراج:مش عارف بزبط بس ليا واجد ماسهرت معاهم
سندس:تمام براحتك
سراج:مااتخافيش بروحك صح
سندس ضحكت:لا ماانخافش بروحي وبعدين اصلا تاعبة وناعسة وبنرقد
سراج:تمام انتي خشي وارقدي وأنا حنسكر الباب اللي برا كويس وحنبه البواب والامن اللي برا ايديرو بالهم من هنا
سندس:لا مش داعي الهذا كله انا اصلا مش خايفة
سراج:تمام سلام توا وطلع وسندس خشت للدار سلحت ملاية الصلاة ومسكت فونها وقررت بترن علي رانيا لقت فونها مقفل رنت علي رنا وقالتلها انها راقدة وقعدت تسأل في رنا علي حال رانيا ورنا تحكيلها انها مش كويسة ونفسيتها تاعبة
“”
عند رويدة قاعدة تحكي مع معاذ
معاذ:حبيبي ياروحي عليش بس تبكي ومزعلة روحك والله رانيا بس زاعلة حتهدى واتصالحك انتي اصلا ماعندكش ذنب في الموضوع
رويدة تبكي:رنوشة تحسابني عارفة بعلاقتهم انا تعبت نفسيتي نبيش نخسر صاحبتي كله من رؤوف وحنين خسروني صاحبتي ونهو احلى صداقة في الدنيا
معاذ:ياقلبي عهدي بيك عقلك كبير عمره مامشكلة بسيطة نهت صداقة كبيرة زي صداقتكن قتلك بس مازال متضايقة وبعدين مش انتي قلتي سندس بتروح اتصالحكن وقلتي سندس اتأثر علي رانيا خلاص كوني هانية حتنحل وياستي لو ماانحلت نوعدك انا ندخل في الموضوع ومش حنطلع منه لين ينحل وانتي عارفتيني شاطر في اقناع الناس شفتي كيف قنعت باتك بس اهم شيئ ملاكي مانبيهش تقعد زاعلة هكي وتبكي والله نتعب مع دموعك
رويدة تبكي:مش بيدي غصبن عني هذينا خواتي ماانتحملش فيهن شيئ
معاذ:عارف حبيبي بس راعي مشاعري حتى انا ماانتحملش فيك شي ومانبيكش تبكي عشاني حبيبي صبي اغسلي وجك والله والله القصة حتنحل
رويدة:ان شاءلله يارب مع رنت سندس عليها وخشتلها في الإنتظار
رويدة بفرحة:حبيبي دوسة في الإنتظار بنرد عليها
معاذ:عليك فرحة يا ريتها رانة من بدري المهم حبيبي بعد اتكملي معاها رنيلي واعي نرجا فيك
رويدة:حاظر وسكرت مع معاذ وردت علي رويدة
رويدة:اهلين ياقلبي الحمدلله علي سلامتك واخيرا نورت ليبيا
سندس تضحك:حي حي عالدلع ياريتني مسافرة من زمان عشان سمعت كل هالكلام الحلو وعرفت غلاتي عندك
رويدة:لا ياحيوانة انتي عارفة اني انحبك وغالية عليا اكثر من روحي
سندس:لما قلتي حيوانة عرفت غلاوتي اصلا الشتائم بينا هنا كلام الغزل
رويدة بحزن:رايفت علي لمتنا وكلامنا مع بعضنا والله متضايقة بنموت خايفة نخسر رنوشة وانا انحبها وماانتحمل زعلها
سندس:مااتخافيش وانا ليش روحت من حد الدنيا عشان انصالحكن انشاءلله بكرا ننهو هالموضوع وانردو زي ماكنا
رويدة:ياريت والله ندعي ليل نهار انردو زي ماكنا
سندس:مااتخافيش حنردو بكرا في العشية بنمشي الرنوشة وانتي تعالي غادي
رويدة:مش حترضى اتشوفني
سندس:ماعليك انتي بس تعالي حنحكي معاها انا قبل ونقنعها وبعدها انتي اتخشي ومااتشيليش في بالك شي رنوشة عاقلة غير زاعلة شوي وحنرضيها انا
رويدة;تعرفي كلامك ريحني واجد
سندس:ونحن عليش اسمنا صاحبات لو ماريحنا بعضنا وحلينا مشاكل بعضنا
رويدة:نجك ليا ربي ايخليك لنا ومايحرمنا منك ياعقل
سندس:ان شاءلله وايخليكن ليا المهم توا عدي كلمي راجلك اللي خذيتك منه وبكرا انتلاقو وانخرفو لين نبطلو
رويدة:باهي تمام سلام وسكرت ورنت علي معاذ وكانت فرحانة ومطمنة من كلام سندس ومعاذ فرح الفرحها واطمن عليها انها قعدت كويسة
أما سندس فرحت لانها فرحت رويدة بس كانت زاعلة علي رنوشة لان رنا قالتلها انها تاعبة بكل وبعد اشوي تفكير خذاها النوم ورقدت
“”
علي اذان الفجر بزبط وعت سندس توضت ولبست ملايتها وبدت اتصلي كملت صلاتها وكانت تسمع في صوت كرعين طالعات عالدروج صبت بشويش وفتحت الباب لقاته سراج كيف روح
سراج شافلها وبلسان ثقيل:مسااااء الخير عالحلوين
سندس عرفاته سكران:اسمها صباح الخير وبعدين بدل ماقاعد اتصلي مروح سكران هذي هي سهرتك مع أصحابك
سراج شافلها زين:انتي مادخلكش بيا انا حر في اللي انديره وأنا توا مروح منسجم مااتنكديش عليا
سندس:لا حول ولا قوة الا بالله اني ننصحك قعدت نكد بس تعرف انا الفاضية اني نحكي مع واحد زيك وخشت الدارها وسكرت عليها وخشت السريرها وهي متضايقة عرفت ان سهرته كانت مش سهره عادية ومع أصحابه
سندس:استغفر الله العظيم يعني ليش هكي حتى لما درت حاجة مش مقتنعة بيها واجوزت يطلع هذا حظي واحد سكار ونسونجي يارب كان دايرة ذنب سامحني واغفره ليا ومااتعاقبني بواحد زيه قعدت واعية اشوي وبعدها استغفرت ودعت ربي يهديه ورقدت أما سراج خش السريره ورقد دغري حتى ادبشه ماغيره
”
في الصبح عفاف عرفت مالبواب انهم روحو ماقدرتش اتحمل انها مااتجيش اتشوفهن حتى بعد راجلها قاللها خليهم متريحين وتوا ايجو لما يوعو هيا اصرت تمشيلهم ومشت الفيلتهم ورنت سندس فتحتلها وكانت لابسة بتجيهم
عفاف حظنتها:الحمدلله عالسلامة نورتو ليبيا
سندس:الله ايسلمك اعميمة والله توا كنت بنجي انسلم عليكم
عفاف:انا اللي اسمحيلي ماقدرتش انتحمل لما عرفت روحتو جيتكم مالصبح
سندس:لا عادي اعميمة هذا حوشك تفضلي خشي
عفاف:وين المطرشق اكيدة مازال راقد خميرة النوم والله مرايفة عليه واجد
سندس ابتسمت:اها مازال راقد توا انوعيه لكي
عفاف:ياريت مرايفة عليه وعلي السانه
سندس:حاظر حنوعيه ورقت فوق وخشت الدار سراج لقاته راقد بدبشه ومش متغطي
سندس:اوووف غجري
سندس:سراج سراج نوض وسراج ماايردش سكنتله سندس
سراج بعصبية:اوووووف شن تبي عالصبح مانبيش نوعي توا
سندس بعصبية:ماعنديش مانبي في وجك بس امك تحت وتبيك مرايفة عليك
سراج:قوليلها راقد بعد نوعى توا نمشي انسلم عليهم
سندس:حرام عليك لا قلب ولا احساس انقولك امك برا متعبة روحها وجاية عشان مرايفتلك وبتسلم عليك
سراج:تي ناعس وراسي مصدع افهمي
سندس;مش منك مالشرب
سراج:مادخلكش من شنو
سندس:المهم بتطلع والله انقوللها مابش يوعى
سراج:ايوا قوليلها سراج مايبيش يوعى
سندس:خلاص حنقولها الها وانخليها اتجي هنا اتوعيك وجت بتطلع
سراج فكر لو امه ترقى ولقاته راقد في دار بروحه حتعرف اللي بينه وبين سندس
سراج بعصبية:اسمعي قوليلها ايدوش وينزل فكينا مالفضايح مس داعي ترقى واتشوفني هنا
سندس:ماشي وطلعت
سراج دوش وطلع ولبس(جينز بيج وعليه قميص وردي هادي وكاويش أبيض)وبخ عطره ونزل علي أمه ودغري حظنها
عفاف:الحمدلله علي سلامتك والله رايفت عليك وعلي هرجتك
سراج:الله ايسلمك اي ارياف عفوفة مازال ماسكرت اسبوع من قبل انسافر اكثر من هكي
عفاف قمعزت:عارفة لكن هالمرة تفرق رايفت عليكم واجد
سراج;هالمرة تفرق شكلك غايرة عفوفة عشان واخذ معاي مراتي
عفاف:عيب عليك بالعكس فرحانة ومتريحة عليك معاك وحدة اتهبل زي دوسة
سندس:نجك ليا اعميمة مااتعدليش عليه هذا صامط وهك كلامه
سراج:هذي كنتك عليها كلام تعزق فيه زي العسل توا فيه وحدة مازال عروس اتقول علي راجلها صامط امالا بعد انطقو شهر شن اتقولي
عفاف:بالك راك صامط ومدايرلها حركاتك اللي ديما ادير فيهن وتحرق في دمها
سراج:ديما ضالميني
محمد خش عليهم:من يقدر يضلمك انت تضلم بلاد كاملة
سراج صبى حظن باته وسلم عليه وبعدها سندس سلمت عليه وباست علي راسه
سراج;تعال ياباتي اتفقو عليا هنا الاثنين وحطني بينهن وقعدن يقصفن فيا
محمد:اكيدة دايرلهن حاجة وانا معاهن في اي حاجة بيديرنها
سراج:معقولة هكي خذتكم مني وانا طلعت مصري ازح
عفاف:ماحد ياخذنا منك لكن حتى هي بنيتنا واتزعلها انزعلوك
محمد:ايوا زي ماقالت امك ابسط حاجة ايديرها لكي بنيتي قوليلي عليها دغري وانا ناخذلك حقك
سندس شافت السراج بخبث:اكيدة عمو
سراج:كبرو راسها اكثر ماهو كبير باهي وقعدو ايخرفو وبعدها صبت سندس ووتت فطور وفطرو مع بعضهم وبعدها محمد قاللهم ايجو للفيلا عشان ايتغدو مع بعضهم وطلعو
سندس اول ماطلعو هل سراج لمت صفرة الفطور وخذتها بتغسلها وردت تستكرد في سراج ومابتش تحكي معاه ولا كلمة لانها كانت حامقة ماللي صار امس
أما سراج خش للدار اللي حكينا عليها فيها بليستيشن والعاب واجد ولع الاكس بوكس وقعد يلعب وسندس كملت العوايز وقعدت تبرم عالحوش واتلم فيه
عالساعة 11 سندس غيرت دبشها ولبست(سروال واسع وعليه بلوزة وردي هادي حلوة وعليها قولف طويل أبيض في الكحلي ووشاح حريري ملون وكاويش أبيض)جت للدار اللي فيها سراج ودقت عليه
سراج:خشي
سندس فتحت الباب:ماشية شور الفيلا
سراج:مازال بدري
سندس:بنهدرز مع اعميمة وانشوف لو تبي مساعدة في حاجة
سراج:ارجي انطفي اللعبة ونمشي امعاك
سندس:ماشي طفى سراج اللعبة وطلع معاها ومشو للفيلا طبعا كانن قريبات من بعضهن وخشو وكانت فرحة عفاف بيهم مش طبيعية وقعدت اتهدرز معاهم وكانت عفاف هي اللي ادير في الغداء عشان ايحبو ياكلو من ايديها حبت سندس اتساعدها بس هي ماخلتهش وعالساعة 1:30روح محمد مالشركة وتغدو مع بعضهم مابين اجواء ضحك ومناقرة بين سندس وسراج وبعد الغداء خرفو لعند الساعة 3 وسراج وسندس روحو الفيلتهم سراج خش الداره وسندس خشت الدارها مرت ساعة وكل واحد في داره
سراج في داره حاول يرقد ماجش نوم جاته فكره ان يمشي يحرق دم سندس اشوية طلع من داره ومشى الدارها وخش بدون ماايدق عشان ايعقدها
سندس:هو الف مرة قتلك قبل مااتخش دق
سراج;عليش بندق انتي عارفة ان هذي داري حتى انا
سندس:دارك لا من يوم وغادي حنقعد نقفل انت مايمشيش معاك الا هكي
سندس طبعا كانت تلبس في وشاحها
سراج ركز عليها:كيف بتحجبي حتى في الحوش ولا شنو
سندس شافتله بالجنب:المفروض انديرها وحنديرها بإذن الله
سراج قمعز عالسرير;قصدك ماشية المكان
سندس:اها بنمشي الصحباتي
سراج:مشاءلله وماعندكش راجل اتشاوريه
سندس:اصلا انت عارف اني روحت عشان صحباتي وبعدين عليش بنشاورك علي حاجة زي هذي
سراج:اول حاجة عشان راجلك مش شوال رز هنا وبعدين من بيشلك ياشاطرة
سندس ضحكت:عجبتني شوال رز?وبعدين حكيت العميمة وبنمشي مع السواق
سراج:لا مافيش مشي
سندس فنصت عيونها وبصوت عالي;شنووووو?
سراج:تي بشوية راه عيونك يطلعو قصدي ماتمشيش مع السواق بنشيلك انا
سندس:من قالك بنمشي معاك
سراج;ومن قالك بنشيلك علي سواد عيونك بنشيلك عشان بعد اتروحي من صحباتك انتكو علي هلك هكي باتي قالي لازم انشيلك انا
سندس:عشان خاطر عمو محمد بس نمشي معاك
سراج:قصة قصة حب هلي لكي هذي
سندس بخبث:كنك مقهور
سراج:وعليش بننقهر هذوما هلي وماايتحملو فيا شيئ
سندس:لا واضح بكل
سراج:باهي بلا كلام زايد وكملي بسرعة عشان نمشو
سندس:انا واتية توا
سراج:الساعة كم بتروحي من صحباتك
سندس:مش عارفة بزبط لين انصالحهن علي بعضهن
سراج:معناها رني عليا بعد اتكملي معاهن ياشيخة القبيلة?
سندس:ماشي?
سراج:هيتي تليفونك
سندس:عليش?
سراج:عشان غبية قتلك رني عليا وقلتي باهي وانتي ماعندكش رقمي اصلا هيتي انسجله لكي
سندس:مانبيش نعطيك رقمي
سراج;هي انتي مش قاعد انعاكس فيك في شارع بناخذ رقمك راني راجلك استوعبيها الفكرة هذي
سندس ضحكت:راجلي ?قوية الكلمة
سراج عصب منها وكر من يدها الفون وطبعا زي ماقلنا سندس مااديرش في رموز الفونها قعدت سندس اتحاول تاخذ منه الفون رقى يده فوق وكان اطول منها معش طقاته تمت اتحاول اتصبي علي اطراف اصابعها عشان تاخذه ماطقتش سراج كتب رقمه ورن علي روحه ونزل الفون ومده الها بس الصدمه لقو ارواحهم قريبين من بعضهم بكل سراج كان ايشوف العيون سندس وكان حاس بحاجة غريبة واول مرة ايحسها
سراج قرب من وذنها وبصوت واطي:خذيته رقمك ياعسل
سندس جت بتبعده منها سراج حط يده ورا ضهرها وقربها منه
سراج ايشوفلها وبشويش:انتي كنك هكي
سندس بعداته وبعصبية;كني شن اتحق فيا
سراج ضحك:قصدي كنك خوافة المهم هيا اطلعي عشان نمشو وطلع وسندس طلعت وراه وركبو في السيارة ووصلها الحوش رانيا وخشت وسلمت علي ام رانيا ورنا وقبل مااتخش علي رانيا رنت علي رويدة وقالتلها اتجي وبعدها خشت علي رانيا لقتها راقدة في سريرها
سندس:رنوشة حبي نوضي
رانيا فتحت عيونها واول ماشافت سندس صبت وحظنتها وقعدت تبكي سندس زادت حظنتها
رانيا تبكي:شفتي شن دارو فيا قهروني حرقو قلبي رؤوف طلع ايخون فيا ورويدة عارفة وساكته
سندس:ياخذ سوك هو الخاسر ياقلبي
رانيا تبكي:خطب غيري يادوسة قعد الغيري بنموت مالقهر بشنو احسن مني ليش فضلها عليا
سندس:عشان انتي اخسارة فيه خذا وحدة من مستواه انتي اللي كسبتي لأن بان علي حقيقته من توا وافتكيتي منه
رانيا تبكي:ورويدة اللي طلعت تضحك عليا وموافقة خوها في اللي ايدير فيه قهرتني هي أكثر ماقهرني هو صاحبتي اللي انحبها طلعت مااتحبنيش وفضلت بنت خالها الخوها عليا انا
سندس:في هذي انتي غلطانة رويدة مش عارفة شيئ وانصدمت زي صدمتك انتي بزبط رويدة قاعد صاير فيها زي اللي صاير فيك ونفسيتها تاعبة ومش قادرة حتى ترقد حتى مع هلها تعاركت عشانك تخيلي رويدة اتكلم فيا واتقولي كرهت هلي ورؤوف بعد اللي داروه وهي اللي كلمتني تبكي بعد اللي صار بينكم ماتبيش تخسرك قالتلي انجي وانحل المشكلة عشان ماتبيش اختها تفهمها غلط رنوشة نحن خوات عمرنا ما تعاركنا في يوم عمره ماوحدة فينا فضلت اي وحدة من عيلتها او بنت خاطينا نحن رويدة كان تعرف راه دغري حكتلك رويدة طيبة وانتي عارفة هذا كويس
رانيا تبكي:عارفة بس كيف خوها داير مع بنت خالها علاقة حب وهي مش عارفة فهموني يعني مالاحظتش بكل اللي قاعد ايصير بينهم لما جتهم
سندس:والله ماهي عارفة ولا في واحد من حوشهم عارف القصة كلهم انصدمو تي هو يوم اللي دار هكي حاكي الهله بيخطبك الحقير مش عارف شن كان في عقله بزبط
رانيا:كيف بنصدق انها مش عارفة
سندس:صدقي لانها رويدة لانها دودي الوحيدة فينا اللي عمرها ماكذبتش حتى لو بالبصارة عشان هي اكثر وحدة طيبة فينا عشان رويدة اللي معتبرتنا خواتها وعشان ماتنزل من وحدة فينا دمعة الا رويدة منزله دمعتها زيها عشان رويدة اللي في الثانوي لما كتبتي التعاريف في الورقة عشان مش حافظتيهن وشافتهن الابلة بعد الأمتحان في محفظة الادوات متاعك وجت بديرله قصة وتستدعي باتك قالت انهن الها هي عشان عارفة باتك شن بيدير وامك لو كلموهم انك غشيتي وسقطت في المادة عشانك وهي عمرها ماسقطت هذي هي رويدة بإختصار عمرها ماترضى فيك حاجة اتوجعك واتضرك
رانيا تبكي:معاك حق قهرتني من رؤرف عمتني عليها قعدت انفكر وكل دليل عندي ان رويدة مساعدتهم وضرتني وهي اتحبني اكثر من روحها انا جرحتها وقهرتها ولزيتها من هنا رويدة كانت قدام الباب وتسمع في كلامهن معش تحملت فتحت الباب وخشت
رويدة تبكي:وانا راضية باللي درتيه كله ونبيك انتي اتسامحيني وماتزعليش مني
رانيا صبت وحظنتها وتبكي:مش زاعلة منك انتي اللي سامحيني
رويدة تبكي:والله مسامحتك وانا اللي انتأسف عاللي داره رؤوف الواطي
رانيا:قهرني يادودي خوك جرحني جرح كبير مستحيل يبرا
رويدة;والله هو الخسران وحيندم ندم عمره علي داره فيك
سندس:رنوشة نحن ماتعودنش انك اتكوني ضعيفة صح انتي حبيتيه ووثقتي فيه بس هو ماطلعش يستاهل الحب هذا كله وباعك ونحن توعدنا علي كلمة كنا ديما انقولو فيها اللي باعنا انبيعوه وفي الف غيره بيشرينا
رويدة;الدنيا نصيب وتخيلي خذيتيه وبعدها اكتشفتي ان له علاقة بيها شن بديري
رانيا تبكي:اكيدة بنسيبه ونطلق
رويدة:شوفي ربي عشان ايحبك طلعلك الحقيقة قبل مايخطبك بيوم عشان تعرفيه وماتنغريش فيه والله والله في الحوش كلهم زعلانين ان ماخذوكش انتي بس الموقف اللي حقوه مايقدروش ايتغاضو عليه وفي نفس الوقت مانرضولكش واحد زيه
رانيا:حاسة بنار في قلبي
سندس:عارفة وواعرة وتقهر الكلام هذا كله معاك فيه بس معقولة اديري هكي علي واحد مايستاهلش يعني توا لو كلمك وبيرد عليك ومثلا ايقولك نجوزك عليها اتوافقي
رانيا:مستحيل والله ماعاد نقعد له لو قعد اخر راجل في الدنيا
سندس:شفتي يبقى زعلك عالفاضي مااتضيعيش روحك ومستقبلك علي واحد زيه انتي اتهبلي وعسل واخسارة فيه بكرا اتحبي سيد سيده
رويدة:وانا معاك فيها ورؤوف مستحيل انسامحة ولا نحكي معاه بعد عملته هذي اصلا هو ماعندش وجه وماليوم اللي صارت فيه القصة معش روح للحوش بكل وماحد يندري عليه وين اكيدة نادم عاللي داره
رانيا:نادم بعد شنو ماخلاص صار اللي صار سبحان ماليوم اللي ردت عالفون متاعه وحاسه فيه حاجة غريبة
سندس:معش اتفكري في الكلام هذا ومعش تحبسي روحك هكي اطلعي غيري جوك قولي الباتك سافري انتي وياه ردي للجامعة وعيشي حياتك طبيعي عمرك مااتبينيله انك تاثرتي بعده
رويدة:زي ماقلتيلي من قبل لعلها خير يمكن ربي داسلك الحاجة الاحسن واللي ترضيك
قعدن يحكنلها لين تغير جوها وقعدت تضحك وحسنها قعدت تمام
سندس:خزي اللي يقعد عنده صحبات زيكن ماايتريح بكل جبتني علي وجي من تركيا وجوها السمح
رويدة:تركيا ولا سراج اللي جوه سمح
رانيا:حتى انا حاسة وجها منور وقاعدة سمحة شكله فيه حاجة صايرة ومش عارفين
سندس:انا سمحة ديما لكن والله مافيه حاجة ياباردات
رويدة:عيني في عينك كده
سندس فنصت فيها:ها وبعدين انا بتصير بيني وبين هالصايع حاجة قد مانحكيلكن علي صياعته مااتصدقنش تخيلن هذكي اليوم روحلي سكران
رويدة ورانيا شهقن:تحكي من جدك
سندس:وحق الله لكن حكالي دوة وجعني
رانيا:شن حكالك
سندس:قالي ان هو هكي لان مالقش حد ايوريه الصح مالغلط هله كانو لاهيين في الشغل وماحد يندري عليه
رويدة:حرام صح فيه ناس واجد هكي لما ايعيشو برا ايتسببو في انحراف عيالهم
سندس:وقالي ساعديني انتغير
رانيا:وبتساعديه
سندس:عقلي ايقولي ساعديه انتن عارفات ماانحبش حد ايقولي ساعديني وماانساعدش
رويدة;ياحنونة انتي والله صاحبتنا شكلها طايحة في سيرجو
رانيا:اتصدقي حتى انا حسيت هكي
سندس:تافهات العتب مش عليكن عاللي يحكيلكن أصلا وبعدين قلتلكن الراجل نسونجي وصايع يعني مستحيل يعجبني واحد زيه
رانيا:اهو بتساعديه ايتغير عشان اتحبيه براحتك
رويدة تضحك:حتى انا قلت هكي
سندس:لا انتن مش حتسكتن شكله جسمكن يحرق فيكن تبن طريحة زي قبل وصبت وقعدت تضرب فيهن وهنا يضحكن مع رنت فون سندس مسكاته رويدة وصبت تجري
سندس:جيبي الخارب هنا
رويدة تضحك:عنجد حقارتك كاتبة عليه المنحرف
رانيا تضحك:طاح سعدك
سندس:باهي هيتي انشوفه كنه عطتها رويدة الفون وردت وهي داهشة
سندس:ايوا سراج
سراج:كنك داهشة في شنو كنتي اديري
سندس بحتت فيهن وتضحك:مااندير في شي انت شن تبي
سراج:بنسالك كان كملتي المصالحة الوطنية بنجيك عشان مازال بنمشو الهلك
سندس:اها خلاص تعال
رانيا ورويدة:لالا ماتمشيش توا تعشي معانا
سراج:قوليلهن اتجيهن مرة اخرى
سندس:انت مش شورك
سراج:الحق عليا انديرلك في جو قدام صحباتك
سندس:جو باهي ياجو بنسكر توا وبعد اتجي رن عشان نطلعلك
سراج:تم سندس بتسكر
سراج:سندس
سندس:نعم
سراج:صوتك ايهبل عالتليفون
سندس:عارفة وسكرت
رانيا:تي وين ماشية مازال بدري بنتعشو مع بعضنا مرايفين عليك ياصامطة
سندس:مازال بنمشي الهلي مازلت ماسلمت عليهم جيتكن انتن قبل توا نلتمو مرة اخرى
رويدة:اذا هكي صح معاك حق اكيدة امك مرايفتلك
“”
عند سراج كان مع فيصل في حوشه
فيصل;وين عالجو وصوتك سمح وحركات
سراج:نصمط عليها عشان ادير في روحها تنحرج
فيصل:بس تطورات ووخذ ارقام وتكليم وجو
سراج:اكيدة بناخذ رقمها ماحتى قعدت مراتي وماخذيتش رقمها عشان مرات ايصرن ظروف لازم اتكلمني ولا انكلمها
فيصل:حلفتك بالله مانك معجب بيها
سراج صبى:عينك انا نعجب بوحدة زيها شكلك هبل يانصي
فيصل:باهي وريني شن مسجلها وانا انقولك معجب بيها ولا لا
سراج فتح فونه:ها شوف
فيصل قعد يضحك:من جدك مسجلها ام السان
سراج:شن بنسجلها مثلا هذا اللي يمشي معاها
فيصل:لنقنك بارد
سراج:طالعلك يانصي المهم سلام توا وبعد اتروح ريونه عطيها الامانة متاعها والهدية وقوللها توا انجيها يوم اخرى عشان مرايفلها واجد الفرخة
فيصل:حتى هي مصدعة راسي عليك وتسأل امتى اتروح ياما تبي تفرح لما انقوللها روحت
فيصل;بوسها ليا وسلام توا وطلع
وصل عند حوش هل رانيا ورن علي سندس طلعتله وبيمشو الهلها وكان طبعا واخذ معاه انواع حلو وعصائر وتورته ووصلو الحوش هلها وخشو سراج خش للمربوعة وهي خشت جوا وسلمت علي امها وحظنتها وقعدت تبكي وبعدها باتها حظناته وقعدت تبكي من كثر ماهي مرايفتلهم وبعدها باتها طلع السراج وسلم عليه وخششه جوا عشان اتسلم عليه امها بس ام سندس اول ماشفاته عرفاته هو الشاب اللي في المصيف وانصدمت كيف سندس راضية بيه بعد العمل اللي داراته في المصيف وماتبيش تعنذرله المهم عاد سلمت عليه وبعدها خذت سندس معاها للمطبخ
سعاد:سندس هذا مش الشاب اللي تلاقينا معاه في المصيف
سندس:اها هو
سعاد;وكيف هكي
سندس:شنو اللي كيف
سعاد:تذكري اللي درتيه فينا وماتبيش تعتذريله توا متقبلتيه عادي يعني
سندس:اول يوم انصدمت وتعاركت معاه بس توا عادي الجو تمام وطلع سوء تفاهم وحليناه
سعاد:متأكدة ياسندس انتي متريحة معاه
سندس:اها متاكدة ياماما وهي كان في خاطرها تحكي الحقيقة بس ماتبيش تخلف الاتفاق
سعاد:ان شاءلله ربي ايهنيكم يابنتي
سندس:ان شاءلله
قعدو خرفو معاهم ومسكهم بات سندس للعشاء وتعشو مع بعضهم في اجواء ضحك وجو سمح بان سراج قدامهم النسيب المحترم الخلوق وحبوه بكل وتريحو علي بنتهم معاه وعالساعة 11 روحو الحوشهم
سندس رقت الدارها دغري غيرت دبشها ولبست البيجامة الطويلة الي اول يوم لبستها أما سراج كان عابي عالطلعة وماغيرش ادبشه
سندس غيرت دبشها وكان راسها مصدع بكل ونزلت تحت بتشوف دوا تاخذه سراج كاين في المطبخ يشرب في عصير وسندس خشت ادور في الأدراج متاع الدولاب لانها شافت في الحوش كله مالقتش
سراج:في شنو ادوري
سندس:راسي مصدع بكل نبي اي بنادول ايوقف الوجع اللي فيه
سراج:كان قلتي توا راه جبنا معانا
سندس:كنت نحساب عندي في الدار بس القيت الشريط كامل
سراج:خلاص توا نطلع انجيبلك
سندس:لالا مااتعبش روحك
سراج:معليش تعبك راحة وطلع ربع ساعة وبعدها روح لقى سندس مقمعزة في الصالة عالكنبة ومتكية عليها ومغمضة عيونها
سراج:سندس
سندس فتحت عيونها;نعم
سراج;كنك قاعدة هكي للدرجة هذي راسك مصدع
سندس:بكل اخرى
سراج:خلاص اهو جبتلك دوا وتوا انجيبلك مية تاخذيه
سندس:خليك توا انصبي بروحي
سراج:لالا خليك متريحة توا انجيبلك انا ومشى وجابلها مية وخذت الدوا
سراج:صحة
سندس:سلمك
وقعدو قريب 5 دقايق ساكتين
سراج:كان ماتحسنتيش انشيلك للمستشفى
سندس:لا تمام قعدت اكويسة
سراج:باهي تمام
سندس صبت:انا بنرقى نرقد
سراج:باهي وانا احتمال بنطلع
سندس:باهي ومشت
طلعت سندس الدارها وهو قعد مقمعز مع رنت فونه وكان فيصل
سراج رد:ايوا يانصي
فيصل:برا هيا اطلع
سراج من غير ماايفكر:لالا مش ماشي
فيصل:كيف صار ماقتلي تكي عليا
سراج;تعرف امس جيت متاخر واليوم وعتني عفوفة مالصبح وتوا ناعس بكل
فيصل:باهي بجوك لكن مش سمحة السهرة بلاك
سراج:انعوضوها بكرا
فيصل:تمام وسلام توا وسكر
سراج مش عا ف ليش دار هكي بس هو ماركزش طلعت منه تلقائي قعد واعي قريب ساعة وبعدها صبى بيرقد وطلع فوق بس قبل ماايخش الداره خش الدار سندس لقاها راقدة كانت مش متغطية وبطمات البيجامة الثلاثة من فوق مفتوحات بس سراج ماكنش مركز والاول مرة ماايركزش عالحاجات هذينا لان هذا بس اللي كان ايهمه قرب سراج من سرير سندس وجا عند راسها ونزل وقمعز علي ركبيه قعد ايشوفلها زين ومبتسم كان شعرها نازل علي وجها رفعه بيده من علي وجها ومشى بيده علي خدها بس في اللحظة هذي سندس وعيت ونطت
سراج:بالشوية مااتخافيش انا نبي انبحتلك كويسة ولا مازال راسك يوجع فيك
سندس انفجعت وترعش:لالا أنا كويسة توا وقعدت اتسكر في بيجامتها
سراج صبى:راه والله مش قاصد انخوفك ولا انديرلك حاجة حتى اني ماركزتش علي اتسكري فيهن توا
سندس:حصل خير
سراج:أسف كان خوفتك
سندس:لا عادي الجو تمام
سراج جا بيطلع
سندس:مش قتلي بتطلع
سراج:ماصارش شيئ القيت روحي ماعنديش جو نطلع
سندس:اها تمام احسن ماعندك ماتبي في السهور
سراج ابتسم وجا بيطلع وبعدها لف علي سندس
سراج:تصبحي علي خير
سندس ابتسمت;وانت بخير
سراج طلع الداره خش دوش وطلع وخش في سريره وقعد ايفكر فاللي قاعد ايصير معاه
سراج ايفكر:انا عليش نصرف معاها هكي انا مش هذا طبعي ولا عمري اهتميت بحد مريض وامتى عمرها صارت كلمني فيصل السهرة انقول لا ليش مهتم بيها هكي وليش انحب انضايقها وانعصبها ليش قعدت انحب انشوفها ونفرح لما تحكي معايا وليش انحب نقعد جنبها شن فيه شن صايرلي انا عمري ماكنت هكي مع اي بنت ليش الغرض اللي نبيه من اي بنت معاها ماانفكرش فيه ايهمني بس اني نحكي معاها ننسجم مع طولة السانها عليش هي تفرق شن صاير معقولة انكون معجب بيها لا مستحيل الاعجاب بداية حب وانا اصلا مش مقتنع بالحب وبعدين هذي بذات مستحيل انحبها وانا وهي فترة معينة بس بنعيشوها مع بعضنا انا لازم انحط حد للمهزلة اللي قاعدة اتصير وقعد ايفكر شن لازم ايدير من يوم وغادي وخذا قرار ان معش يحتك بسندس بكل وان مش حيكون بينهم كلام ولا لقاء اصلا قعد واعي لعند الصبح وبعدها رقد
“”
مرن 4أيام فيهن سراج خذا قراره ان اتكون حياته مع سندس شبه حياه بس قعد يرقد في النهار كله ويوعى عالمغرب يمشي الفيصل وبعدها يمشو للشقة طبعا قعد يستكرد في سندس وهي لانها معاندية زيه ولما حست بالإستكراد قعدت اديرله زي ماايديرلها قعدو شبه ماايتلاقوش بكل
سندس بدت تمشي للجامعة دارلها بات سراج سواق خاص بيها(عمو عدنان راجل كبير من عمر باتها سوري الجنسية من اول يوم شاف سندس ذكراته ببنته المتوفيه في احداث سوريا وحكا السندس عليها ومن يومها وسندس غالي عليها واتعزه وعمو عدنان غلت عليه سندس واجد وقعد ايعامل فيها زي بنته بزبط) اما رنوشة تغير جوها اشوي بعد جيت صحباتها الها بس مازال مامشتش للجامعة مازال مش قادرة لكن سندس كانت اتجيها كل يوم بعد اتروح مالجامعة اتكي عليها تعطيها الي خذوه واتخرف معاها اشوي وتمشي ونفس القصة رويدة كانت كل يوم يااتجيها ياتطمن عليها بالفون
“”
اليوم الخامس في الليل رؤوف جا الحوش هل رانيا وهو سكران واول مرة يسكر قعد ايدق علي حوشهم وايعيط ويبكي
رؤوف يبكي:سامحيني رنوشة انا انحبك والله يكذبو مادرت شيئ انا نبيك انا شاريك انحبببببك انحببببك وايعيط في نص الشارع
رانيا كانت اتشوف من روشن دارها وتبكي وفي خاطرها اتقوله حتى انا انحبك بس اللي داره رؤوف ماينغفرش بكل بالنسبة الها
رؤوف ايعيط ويبكي:اطلعيلي رنوشة انا انحبك نبيك والله انحبك يكذبو علينا وبيفرقونا انا مانبيش ناخذ غيرك انا انموت بلاك
بات رانيا اسمعه وحمق وطلعله وضربه وبلغ فيه وجت الشرطة خذاته
بعد خذوه الشرطة رنو علي هله وجوه وجاهم بات رانيا وحكالهم اللي صار وتأسف منه بات رويدة وتنازل بات رانيا عالمحظر وطلعه باته ولما روح للحوش عطاه طريحة سمحة وحلف ان الفرح ايتم بعد اسبوع
وفعلا حكو مع هل حنين واتفقو الفرح ايكون ليلة وحدة وبعد اسبوع ورؤوف بيسكن معاهم في الحوش
“”
كانو ايديرو في تجهيزات الفرح بس مافيش حد فرحان بكل
اما رانيا كانت نفسيتها مدمرة بكل وبذات بعد سمعت ان الفرح بعد اسبوع كان بالنسبة الها الموت أرحم بواجد بس مش في يدها شي لان رؤوف بيده هو اللي اختار وخرب كل شيئ
رؤوف كانت حالته مش بعيدة من حالة رانيا بس للاسف مالقش حد واقف معاه وبذات لان رانيا مابتش تحكي معاها علي ماحاول ايكلمها علي فون رنا لانها مسكرة فونها وزادتها اخرى اللي صار بينه وبين باتها ومشيته سكران وحرجهم قدام جيرانهم معش عنده وجه ايوريهم وجه ورضى بأمر باته
اما حنين كان طايرة مالفرحة مش مصدقة انها بتاخذ رؤوف وبتقعد حلاله بعد حب هالسنين كلهن الدنيا كانت مش سايعتها مالفرحة وفي عقلها حتغيره واتخليه ايحبها غير اتجيه
وعصام كان مش بعيد من حالة حنين وفرحان لان واخيرا افتك من رانيا ومش حتكون مرات خوه لان عمره ماتخيلها الا انها اتكون له هو وبس
بالنسبة السراج وسندس طول الاسبوع هذا وهما يستكردو في بعضهم واصلا ماايتلاقوش سراج كان خايف من الاعجاب فكان ايتعمد البعد من سندس ايروح في الليل متأخر وسندس حتى هي لان استكردها فكانت ادير زي ماايدير لكن في حاجة هما الاثنين كانو ايديرو فيها حنعرفوها شنو بعدين
“”
المهم مشن الأيام وجا يوم فرح رؤوف في الصبح
#يتبع
زعما شن حيصير وهل حيكمل الفرح وياخذ حنين ولا فيه شي حيصير ايغير مجرى الاوضاع
وبالنسبة السراج وسندس بعدهم علي بعضهم هذا حيكون في صالحهم أو ضدهم وزعما حيكون سبب قربهم بدون ماايحسو كله حنعرفوه في الحلقات الجاية?
بالنسبة لليد الخفية اللي سبب حادث المرا قدام شقة سراج واللي كلكم تسألو عليه مازال وقتها اصبرو حتعرفو انا مش ناسيتها بس كل شي في وقته حلو ?
أسفة لو فيه لخبطة في الأسماء وأكيد رأيكم ايهمني ?
گـتـابـتـي Koka Saleh
الـحـلـقـة (20)
گـتـابـتـي #Koka_Saleh
“”””””””””””””””””””””””””
وصلو للفيلا وكان الوقت متاخر ماقدروش ايتكو علي هل سراج لانهم مرقدين خشو سراج وسندس الفيلتهم خذت سندس شنطتها بتشيلها
سراج:خليها ثقيلة عليك حنشيلهن انا هنا الاثنين
سندس شافتله زين:تمام ريحتني وطلعت فوق وخشت الدارها وبعد اشوي خش وراها سراج جايب الشنطتين وحطهن في الدار وجا بيطلع مع رنت فونه وكانت هدى صمت الفون وطلع وخش الداره رنت هدى مرة اخرى سراج رد
سراج:اهلا هدى شن اخبارك
هدى:باهي الحمدلله مازال متذكرني
سراج:عادي وشن المشكلة متذكرك عليش بننساك
هدى:عشان اجوزت
سراج:من امتى الزواج ايخليك تفقد الذاكرة
هدى:لا مش هكي قلت مرات المدام ماتبيشكش تحكي مع غيرها
سراج:لا عادي نحكي انا هكي حياتي مافيش شيئ ايغيرني
هدى:باهي قولي شن اخبار المدام سندس
سراج:كويسة
هدى بعصبية:يعني صح خذيت سندس زي ماسمعت
سراج:اها صح وشن المشكلة في الموضوع وليش العصبية
هدى:كيف ليش العصبية مش عساس هذي اللي بتنتقم منها وبتنزل راسها واتفقت معايا عليها
سراج:وتوا غيرت رايي معش نبي ننتقم منها انتي شن موضوعك
هدى:انت عارف كويس اني كنت بننتقم منها زيك بزبط لكن قول انك كنت تكذب وتجري بيا عشان ماانضرهش وبعدين مشيت خديتها يعني قصة الانتقام كلها خطة منك
سراج:اول حاجة لما تحكي معايا احترمي نفسك واعرفي في من اتكلمي وثاني حاجة لما خذيتها جت بالصدفة وخذتي الها وبعد خذيتها غيرت رايي ومعش بننتقم
هدى بعصبية:اتشوف فيا فرخة صغيرة عشان تضحك عليا واتقولي جت بالصدفة انت مخطط الكل حاجة مالأول ودرت هكي عشان اتبعدني من طريقكم
سراج:اسمعي واطي صوتك وبعدين بالك اتشوفي فيا خايف منك عشان انحايل عليك وانبعدك انا سراج شكلك ماتعرفينيش مافيش حاجة في الدنيا وفقت في طريقي بنحايل وانخاف من وحدة زيك انا بإشارة وحدة مني نقدر ننهيك لذلك عمرك مااتحديني وبعدين انتي مادخلكش في موضوعنا انا وهي
هدى بعصبية:تحساب روحك هكي حميتها انا حنوريك شن حندير فيها واندمها علي كل حاجة دارتها فيا ومستحيل انخلي اتعبي معاك يمشي عالفاضي حننتقم يعني حننتقم
سراج بعصبية:لو بنت بوك قربي من سندس او حاولي اتضريها بحاجة بسيطة حتلقيني انا في وجك دغري وانتي عارفة كويس انا شن نقدر اندير وعارفة كويس ولد من وشن قدراتي عشان هكي مااتخلينيش نزعل عشان زعلي مش حيعجبك ياحلوة وتعبك الي تحكي عليه خذيتي عليه فلوس مش بلاش يعني حقك واصلك والاخر مرة انقولك سندس خط حمر ولو اتحاولي اتضايقيها حتى بكلمة حنعرف كويس شن انديرلك وتوا اوكي والرقم هذا انسيه نهائي وسكر في وجها
“”
هدى حامقة ومعصبة عالاخر:الحيوان الواطي ايهدد فيا شكله مش عارف انا من لكن والله انوريك انت وهي وتوا اتشوفو شن نقدر اندير
“”
سراج بعد سكر من هدى رن عليه فيصل قاله ان هو برا طلع مالدار وبينزل الفيصل وبعدها فكر ان لازم ايقول السندس بيمشي خير من باب الذوق?رد شور دارها ودق سندس كانت اتصلي وفتحت وهي لابسة ملاية الصلاة
سراج شافلها زين لان كان ايحب ايشوف شكلها بملاية الصلاة
سراج:تقبل الله
سندس:منه ومنك العمل الصالح
سراج:أنا بنطلع توا ماشي ساهر مع اصحابي
سندس:ماشي تمام بس بطول يعني
سراج:مش عارف بزبط بس ليا واجد ماسهرت معاهم
سندس:تمام براحتك
سراج:مااتخافيش بروحك صح
سندس ضحكت:لا ماانخافش بروحي وبعدين اصلا تاعبة وناعسة وبنرقد
سراج:تمام انتي خشي وارقدي وأنا حنسكر الباب اللي برا كويس وحنبه البواب والامن اللي برا ايديرو بالهم من هنا
سندس:لا مش داعي الهذا كله انا اصلا مش خايفة
سراج:تمام سلام توا وطلع وسندس خشت للدار سلحت ملاية الصلاة ومسكت فونها وقررت بترن علي رانيا لقت فونها مقفل رنت علي رنا وقالتلها انها راقدة وقعدت تسأل في رنا علي حال رانيا ورنا تحكيلها انها مش كويسة ونفسيتها تاعبة
“”
عند رويدة قاعدة تحكي مع معاذ
معاذ:حبيبي ياروحي عليش بس تبكي ومزعلة روحك والله رانيا بس زاعلة حتهدى واتصالحك انتي اصلا ماعندكش ذنب في الموضوع
رويدة تبكي:رنوشة تحسابني عارفة بعلاقتهم انا تعبت نفسيتي نبيش نخسر صاحبتي كله من رؤوف وحنين خسروني صاحبتي ونهو احلى صداقة في الدنيا
معاذ:ياقلبي عهدي بيك عقلك كبير عمره مامشكلة بسيطة نهت صداقة كبيرة زي صداقتكن قتلك بس مازال متضايقة وبعدين مش انتي قلتي سندس بتروح اتصالحكن وقلتي سندس اتأثر علي رانيا خلاص كوني هانية حتنحل وياستي لو ماانحلت نوعدك انا ندخل في الموضوع ومش حنطلع منه لين ينحل وانتي عارفتيني شاطر في اقناع الناس شفتي كيف قنعت باتك بس اهم شيئ ملاكي مانبيهش تقعد زاعلة هكي وتبكي والله نتعب مع دموعك
رويدة تبكي:مش بيدي غصبن عني هذينا خواتي ماانتحملش فيهن شيئ
معاذ:عارف حبيبي بس راعي مشاعري حتى انا ماانتحملش فيك شي ومانبيكش تبكي عشاني حبيبي صبي اغسلي وجك والله والله القصة حتنحل
رويدة:ان شاءلله يارب مع رنت سندس عليها وخشتلها في الإنتظار
رويدة بفرحة:حبيبي دوسة في الإنتظار بنرد عليها
معاذ:عليك فرحة يا ريتها رانة من بدري المهم حبيبي بعد اتكملي معاها رنيلي واعي نرجا فيك
رويدة:حاظر وسكرت مع معاذ وردت علي رويدة
رويدة:اهلين ياقلبي الحمدلله علي سلامتك واخيرا نورت ليبيا
سندس تضحك:حي حي عالدلع ياريتني مسافرة من زمان عشان سمعت كل هالكلام الحلو وعرفت غلاتي عندك
رويدة:لا ياحيوانة انتي عارفة اني انحبك وغالية عليا اكثر من روحي
سندس:لما قلتي حيوانة عرفت غلاوتي اصلا الشتائم بينا هنا كلام الغزل
رويدة بحزن:رايفت علي لمتنا وكلامنا مع بعضنا والله متضايقة بنموت خايفة نخسر رنوشة وانا انحبها وماانتحمل زعلها
سندس:مااتخافيش وانا ليش روحت من حد الدنيا عشان انصالحكن انشاءلله بكرا ننهو هالموضوع وانردو زي ماكنا
رويدة:ياريت والله ندعي ليل نهار انردو زي ماكنا
سندس:مااتخافيش حنردو بكرا في العشية بنمشي الرنوشة وانتي تعالي غادي
رويدة:مش حترضى اتشوفني
سندس:ماعليك انتي بس تعالي حنحكي معاها انا قبل ونقنعها وبعدها انتي اتخشي ومااتشيليش في بالك شي رنوشة عاقلة غير زاعلة شوي وحنرضيها انا
رويدة;تعرفي كلامك ريحني واجد
سندس:ونحن عليش اسمنا صاحبات لو ماريحنا بعضنا وحلينا مشاكل بعضنا
رويدة:نجك ليا ربي ايخليك لنا ومايحرمنا منك ياعقل
سندس:ان شاءلله وايخليكن ليا المهم توا عدي كلمي راجلك اللي خذيتك منه وبكرا انتلاقو وانخرفو لين نبطلو
رويدة:باهي تمام سلام وسكرت ورنت علي معاذ وكانت فرحانة ومطمنة من كلام سندس ومعاذ فرح الفرحها واطمن عليها انها قعدت كويسة
أما سندس فرحت لانها فرحت رويدة بس كانت زاعلة علي رنوشة لان رنا قالتلها انها تاعبة بكل وبعد اشوي تفكير خذاها النوم ورقدت
“”
علي اذان الفجر بزبط وعت سندس توضت ولبست ملايتها وبدت اتصلي كملت صلاتها وكانت تسمع في صوت كرعين طالعات عالدروج صبت بشويش وفتحت الباب لقاته سراج كيف روح
سراج شافلها وبلسان ثقيل:مسااااء الخير عالحلوين
سندس عرفاته سكران:اسمها صباح الخير وبعدين بدل ماقاعد اتصلي مروح سكران هذي هي سهرتك مع أصحابك
سراج شافلها زين:انتي مادخلكش بيا انا حر في اللي انديره وأنا توا مروح منسجم مااتنكديش عليا
سندس:لا حول ولا قوة الا بالله اني ننصحك قعدت نكد بس تعرف انا الفاضية اني نحكي مع واحد زيك وخشت الدارها وسكرت عليها وخشت السريرها وهي متضايقة عرفت ان سهرته كانت مش سهره عادية ومع أصحابه
سندس:استغفر الله العظيم يعني ليش هكي حتى لما درت حاجة مش مقتنعة بيها واجوزت يطلع هذا حظي واحد سكار ونسونجي يارب كان دايرة ذنب سامحني واغفره ليا ومااتعاقبني بواحد زيه قعدت واعية اشوي وبعدها استغفرت ودعت ربي يهديه ورقدت أما سراج خش السريره ورقد دغري حتى ادبشه ماغيره
”
في الصبح عفاف عرفت مالبواب انهم روحو ماقدرتش اتحمل انها مااتجيش اتشوفهن حتى بعد راجلها قاللها خليهم متريحين وتوا ايجو لما يوعو هيا اصرت تمشيلهم ومشت الفيلتهم ورنت سندس فتحتلها وكانت لابسة بتجيهم
عفاف حظنتها:الحمدلله عالسلامة نورتو ليبيا
سندس:الله ايسلمك اعميمة والله توا كنت بنجي انسلم عليكم
عفاف:انا اللي اسمحيلي ماقدرتش انتحمل لما عرفت روحتو جيتكم مالصبح
سندس:لا عادي اعميمة هذا حوشك تفضلي خشي
عفاف:وين المطرشق اكيدة مازال راقد خميرة النوم والله مرايفة عليه واجد
سندس ابتسمت:اها مازال راقد توا انوعيه لكي
عفاف:ياريت مرايفة عليه وعلي السانه
سندس:حاظر حنوعيه ورقت فوق وخشت الدار سراج لقاته راقد بدبشه ومش متغطي
سندس:اوووف غجري
سندس:سراج سراج نوض وسراج ماايردش سكنتله سندس
سراج بعصبية:اوووووف شن تبي عالصبح مانبيش نوعي توا
سندس بعصبية:ماعنديش مانبي في وجك بس امك تحت وتبيك مرايفة عليك
سراج:قوليلها راقد بعد نوعى توا نمشي انسلم عليهم
سندس:حرام عليك لا قلب ولا احساس انقولك امك برا متعبة روحها وجاية عشان مرايفتلك وبتسلم عليك
سراج:تي ناعس وراسي مصدع افهمي
سندس;مش منك مالشرب
سراج:مادخلكش من شنو
سندس:المهم بتطلع والله انقوللها مابش يوعى
سراج:ايوا قوليلها سراج مايبيش يوعى
سندس:خلاص حنقولها الها وانخليها اتجي هنا اتوعيك وجت بتطلع
سراج فكر لو امه ترقى ولقاته راقد في دار بروحه حتعرف اللي بينه وبين سندس
سراج بعصبية:اسمعي قوليلها ايدوش وينزل فكينا مالفضايح مس داعي ترقى واتشوفني هنا
سندس:ماشي وطلعت
سراج دوش وطلع ولبس(جينز بيج وعليه قميص وردي هادي وكاويش أبيض)وبخ عطره ونزل علي أمه ودغري حظنها
عفاف:الحمدلله علي سلامتك والله رايفت عليك وعلي هرجتك
سراج:الله ايسلمك اي ارياف عفوفة مازال ماسكرت اسبوع من قبل انسافر اكثر من هكي
عفاف قمعزت:عارفة لكن هالمرة تفرق رايفت عليكم واجد
سراج;هالمرة تفرق شكلك غايرة عفوفة عشان واخذ معاي مراتي
عفاف:عيب عليك بالعكس فرحانة ومتريحة عليك معاك وحدة اتهبل زي دوسة
سندس:نجك ليا اعميمة مااتعدليش عليه هذا صامط وهك كلامه
سراج:هذي كنتك عليها كلام تعزق فيه زي العسل توا فيه وحدة مازال عروس اتقول علي راجلها صامط امالا بعد انطقو شهر شن اتقولي
عفاف:بالك راك صامط ومدايرلها حركاتك اللي ديما ادير فيهن وتحرق في دمها
سراج:ديما ضالميني
محمد خش عليهم:من يقدر يضلمك انت تضلم بلاد كاملة
سراج صبى حظن باته وسلم عليه وبعدها سندس سلمت عليه وباست علي راسه
سراج;تعال ياباتي اتفقو عليا هنا الاثنين وحطني بينهن وقعدن يقصفن فيا
محمد:اكيدة دايرلهن حاجة وانا معاهن في اي حاجة بيديرنها
سراج:معقولة هكي خذتكم مني وانا طلعت مصري ازح
عفاف:ماحد ياخذنا منك لكن حتى هي بنيتنا واتزعلها انزعلوك
محمد:ايوا زي ماقالت امك ابسط حاجة ايديرها لكي بنيتي قوليلي عليها دغري وانا ناخذلك حقك
سندس شافت السراج بخبث:اكيدة عمو
سراج:كبرو راسها اكثر ماهو كبير باهي وقعدو ايخرفو وبعدها صبت سندس ووتت فطور وفطرو مع بعضهم وبعدها محمد قاللهم ايجو للفيلا عشان ايتغدو مع بعضهم وطلعو
سندس اول ماطلعو هل سراج لمت صفرة الفطور وخذتها بتغسلها وردت تستكرد في سراج ومابتش تحكي معاه ولا كلمة لانها كانت حامقة ماللي صار امس
أما سراج خش للدار اللي حكينا عليها فيها بليستيشن والعاب واجد ولع الاكس بوكس وقعد يلعب وسندس كملت العوايز وقعدت تبرم عالحوش واتلم فيه
عالساعة 11 سندس غيرت دبشها ولبست(سروال واسع وعليه بلوزة وردي هادي حلوة وعليها قولف طويل أبيض في الكحلي ووشاح حريري ملون وكاويش أبيض)جت للدار اللي فيها سراج ودقت عليه
سراج:خشي
سندس فتحت الباب:ماشية شور الفيلا
سراج:مازال بدري
سندس:بنهدرز مع اعميمة وانشوف لو تبي مساعدة في حاجة
سراج:ارجي انطفي اللعبة ونمشي امعاك
سندس:ماشي طفى سراج اللعبة وطلع معاها ومشو للفيلا طبعا كانن قريبات من بعضهن وخشو وكانت فرحة عفاف بيهم مش طبيعية وقعدت اتهدرز معاهم وكانت عفاف هي اللي ادير في الغداء عشان ايحبو ياكلو من ايديها حبت سندس اتساعدها بس هي ماخلتهش وعالساعة 1:30روح محمد مالشركة وتغدو مع بعضهم مابين اجواء ضحك ومناقرة بين سندس وسراج وبعد الغداء خرفو لعند الساعة 3 وسراج وسندس روحو الفيلتهم سراج خش الداره وسندس خشت الدارها مرت ساعة وكل واحد في داره
سراج في داره حاول يرقد ماجش نوم جاته فكره ان يمشي يحرق دم سندس اشوية طلع من داره ومشى الدارها وخش بدون ماايدق عشان ايعقدها
سندس:هو الف مرة قتلك قبل مااتخش دق
سراج;عليش بندق انتي عارفة ان هذي داري حتى انا
سندس:دارك لا من يوم وغادي حنقعد نقفل انت مايمشيش معاك الا هكي
سندس طبعا كانت تلبس في وشاحها
سراج ركز عليها:كيف بتحجبي حتى في الحوش ولا شنو
سندس شافتله بالجنب:المفروض انديرها وحنديرها بإذن الله
سراج قمعز عالسرير;قصدك ماشية المكان
سندس:اها بنمشي الصحباتي
سراج:مشاءلله وماعندكش راجل اتشاوريه
سندس:اصلا انت عارف اني روحت عشان صحباتي وبعدين عليش بنشاورك علي حاجة زي هذي
سراج:اول حاجة عشان راجلك مش شوال رز هنا وبعدين من بيشلك ياشاطرة
سندس ضحكت:عجبتني شوال رز?وبعدين حكيت العميمة وبنمشي مع السواق
سراج:لا مافيش مشي
سندس فنصت عيونها وبصوت عالي;شنووووو?
سراج:تي بشوية راه عيونك يطلعو قصدي ماتمشيش مع السواق بنشيلك انا
سندس:من قالك بنمشي معاك
سراج;ومن قالك بنشيلك علي سواد عيونك بنشيلك عشان بعد اتروحي من صحباتك انتكو علي هلك هكي باتي قالي لازم انشيلك انا
سندس:عشان خاطر عمو محمد بس نمشي معاك
سراج:قصة قصة حب هلي لكي هذي
سندس بخبث:كنك مقهور
سراج:وعليش بننقهر هذوما هلي وماايتحملو فيا شيئ
سندس:لا واضح بكل
سراج:باهي بلا كلام زايد وكملي بسرعة عشان نمشو
سندس:انا واتية توا
سراج:الساعة كم بتروحي من صحباتك
سندس:مش عارفة بزبط لين انصالحهن علي بعضهن
سراج:معناها رني عليا بعد اتكملي معاهن ياشيخة القبيلة?
سندس:ماشي?
سراج:هيتي تليفونك
سندس:عليش?
سراج:عشان غبية قتلك رني عليا وقلتي باهي وانتي ماعندكش رقمي اصلا هيتي انسجله لكي
سندس:مانبيش نعطيك رقمي
سراج;هي انتي مش قاعد انعاكس فيك في شارع بناخذ رقمك راني راجلك استوعبيها الفكرة هذي
سندس ضحكت:راجلي ?قوية الكلمة
سراج عصب منها وكر من يدها الفون وطبعا زي ماقلنا سندس مااديرش في رموز الفونها قعدت سندس اتحاول تاخذ منه الفون رقى يده فوق وكان اطول منها معش طقاته تمت اتحاول اتصبي علي اطراف اصابعها عشان تاخذه ماطقتش سراج كتب رقمه ورن علي روحه ونزل الفون ومده الها بس الصدمه لقو ارواحهم قريبين من بعضهم بكل سراج كان ايشوف العيون سندس وكان حاس بحاجة غريبة واول مرة ايحسها
سراج قرب من وذنها وبصوت واطي:خذيته رقمك ياعسل
سندس جت بتبعده منها سراج حط يده ورا ضهرها وقربها منه
سراج ايشوفلها وبشويش:انتي كنك هكي
سندس بعداته وبعصبية;كني شن اتحق فيا
سراج ضحك:قصدي كنك خوافة المهم هيا اطلعي عشان نمشو وطلع وسندس طلعت وراه وركبو في السيارة ووصلها الحوش رانيا وخشت وسلمت علي ام رانيا ورنا وقبل مااتخش علي رانيا رنت علي رويدة وقالتلها اتجي وبعدها خشت علي رانيا لقتها راقدة في سريرها
سندس:رنوشة حبي نوضي
رانيا فتحت عيونها واول ماشافت سندس صبت وحظنتها وقعدت تبكي سندس زادت حظنتها
رانيا تبكي:شفتي شن دارو فيا قهروني حرقو قلبي رؤوف طلع ايخون فيا ورويدة عارفة وساكته
سندس:ياخذ سوك هو الخاسر ياقلبي
رانيا تبكي:خطب غيري يادوسة قعد الغيري بنموت مالقهر بشنو احسن مني ليش فضلها عليا
سندس:عشان انتي اخسارة فيه خذا وحدة من مستواه انتي اللي كسبتي لأن بان علي حقيقته من توا وافتكيتي منه
رانيا تبكي:ورويدة اللي طلعت تضحك عليا وموافقة خوها في اللي ايدير فيه قهرتني هي أكثر ماقهرني هو صاحبتي اللي انحبها طلعت مااتحبنيش وفضلت بنت خالها الخوها عليا انا
سندس:في هذي انتي غلطانة رويدة مش عارفة شيئ وانصدمت زي صدمتك انتي بزبط رويدة قاعد صاير فيها زي اللي صاير فيك ونفسيتها تاعبة ومش قادرة حتى ترقد حتى مع هلها تعاركت عشانك تخيلي رويدة اتكلم فيا واتقولي كرهت هلي ورؤوف بعد اللي داروه وهي اللي كلمتني تبكي بعد اللي صار بينكم ماتبيش تخسرك قالتلي انجي وانحل المشكلة عشان ماتبيش اختها تفهمها غلط رنوشة نحن خوات عمرنا ما تعاركنا في يوم عمره ماوحدة فينا فضلت اي وحدة من عيلتها او بنت خاطينا نحن رويدة كان تعرف راه دغري حكتلك رويدة طيبة وانتي عارفة هذا كويس
رانيا تبكي:عارفة بس كيف خوها داير مع بنت خالها علاقة حب وهي مش عارفة فهموني يعني مالاحظتش بكل اللي قاعد ايصير بينهم لما جتهم
سندس:والله ماهي عارفة ولا في واحد من حوشهم عارف القصة كلهم انصدمو تي هو يوم اللي دار هكي حاكي الهله بيخطبك الحقير مش عارف شن كان في عقله بزبط
رانيا:كيف بنصدق انها مش عارفة
سندس:صدقي لانها رويدة لانها دودي الوحيدة فينا اللي عمرها ماكذبتش حتى لو بالبصارة عشان هي اكثر وحدة طيبة فينا عشان رويدة اللي معتبرتنا خواتها وعشان ماتنزل من وحدة فينا دمعة الا رويدة منزله دمعتها زيها عشان رويدة اللي في الثانوي لما كتبتي التعاريف في الورقة عشان مش حافظتيهن وشافتهن الابلة بعد الأمتحان في محفظة الادوات متاعك وجت بديرله قصة وتستدعي باتك قالت انهن الها هي عشان عارفة باتك شن بيدير وامك لو كلموهم انك غشيتي وسقطت في المادة عشانك وهي عمرها ماسقطت هذي هي رويدة بإختصار عمرها ماترضى فيك حاجة اتوجعك واتضرك
رانيا تبكي:معاك حق قهرتني من رؤرف عمتني عليها قعدت انفكر وكل دليل عندي ان رويدة مساعدتهم وضرتني وهي اتحبني اكثر من روحها انا جرحتها وقهرتها ولزيتها من هنا رويدة كانت قدام الباب وتسمع في كلامهن معش تحملت فتحت الباب وخشت
رويدة تبكي:وانا راضية باللي درتيه كله ونبيك انتي اتسامحيني وماتزعليش مني
رانيا صبت وحظنتها وتبكي:مش زاعلة منك انتي اللي سامحيني
رويدة تبكي:والله مسامحتك وانا اللي انتأسف عاللي داره رؤوف الواطي
رانيا:قهرني يادودي خوك جرحني جرح كبير مستحيل يبرا
رويدة;والله هو الخسران وحيندم ندم عمره علي داره فيك
سندس:رنوشة نحن ماتعودنش انك اتكوني ضعيفة صح انتي حبيتيه ووثقتي فيه بس هو ماطلعش يستاهل الحب هذا كله وباعك ونحن توعدنا علي كلمة كنا ديما انقولو فيها اللي باعنا انبيعوه وفي الف غيره بيشرينا
رويدة;الدنيا نصيب وتخيلي خذيتيه وبعدها اكتشفتي ان له علاقة بيها شن بديري
رانيا تبكي:اكيدة بنسيبه ونطلق
رويدة:شوفي ربي عشان ايحبك طلعلك الحقيقة قبل مايخطبك بيوم عشان تعرفيه وماتنغريش فيه والله والله في الحوش كلهم زعلانين ان ماخذوكش انتي بس الموقف اللي حقوه مايقدروش ايتغاضو عليه وفي نفس الوقت مانرضولكش واحد زيه
رانيا:حاسة بنار في قلبي
سندس:عارفة وواعرة وتقهر الكلام هذا كله معاك فيه بس معقولة اديري هكي علي واحد مايستاهلش يعني توا لو كلمك وبيرد عليك ومثلا ايقولك نجوزك عليها اتوافقي
رانيا:مستحيل والله ماعاد نقعد له لو قعد اخر راجل في الدنيا
سندس:شفتي يبقى زعلك عالفاضي مااتضيعيش روحك ومستقبلك علي واحد زيه انتي اتهبلي وعسل واخسارة فيه بكرا اتحبي سيد سيده
رويدة:وانا معاك فيها ورؤوف مستحيل انسامحة ولا نحكي معاه بعد عملته هذي اصلا هو ماعندش وجه وماليوم اللي صارت فيه القصة معش روح للحوش بكل وماحد يندري عليه وين اكيدة نادم عاللي داره
رانيا:نادم بعد شنو ماخلاص صار اللي صار سبحان ماليوم اللي ردت عالفون متاعه وحاسه فيه حاجة غريبة
سندس:معش اتفكري في الكلام هذا ومعش تحبسي روحك هكي اطلعي غيري جوك قولي الباتك سافري انتي وياه ردي للجامعة وعيشي حياتك طبيعي عمرك مااتبينيله انك تاثرتي بعده
رويدة:زي ماقلتيلي من قبل لعلها خير يمكن ربي داسلك الحاجة الاحسن واللي ترضيك
قعدن يحكنلها لين تغير جوها وقعدت تضحك وحسنها قعدت تمام
سندس:خزي اللي يقعد عنده صحبات زيكن ماايتريح بكل جبتني علي وجي من تركيا وجوها السمح
رويدة:تركيا ولا سراج اللي جوه سمح
رانيا:حتى انا حاسة وجها منور وقاعدة سمحة شكله فيه حاجة صايرة ومش عارفين
سندس:انا سمحة ديما لكن والله مافيه حاجة ياباردات
رويدة:عيني في عينك كده
سندس فنصت فيها:ها وبعدين انا بتصير بيني وبين هالصايع حاجة قد مانحكيلكن علي صياعته مااتصدقنش تخيلن هذكي اليوم روحلي سكران
رويدة ورانيا شهقن:تحكي من جدك
سندس:وحق الله لكن حكالي دوة وجعني
رانيا:شن حكالك
سندس:قالي ان هو هكي لان مالقش حد ايوريه الصح مالغلط هله كانو لاهيين في الشغل وماحد يندري عليه
رويدة:حرام صح فيه ناس واجد هكي لما ايعيشو برا ايتسببو في انحراف عيالهم
سندس:وقالي ساعديني انتغير
رانيا:وبتساعديه
سندس:عقلي ايقولي ساعديه انتن عارفات ماانحبش حد ايقولي ساعديني وماانساعدش
رويدة;ياحنونة انتي والله صاحبتنا شكلها طايحة في سيرجو
رانيا:اتصدقي حتى انا حسيت هكي
سندس:تافهات العتب مش عليكن عاللي يحكيلكن أصلا وبعدين قلتلكن الراجل نسونجي وصايع يعني مستحيل يعجبني واحد زيه
رانيا:اهو بتساعديه ايتغير عشان اتحبيه براحتك
رويدة تضحك:حتى انا قلت هكي
سندس:لا انتن مش حتسكتن شكله جسمكن يحرق فيكن تبن طريحة زي قبل وصبت وقعدت تضرب فيهن وهنا يضحكن مع رنت فون سندس مسكاته رويدة وصبت تجري
سندس:جيبي الخارب هنا
رويدة تضحك:عنجد حقارتك كاتبة عليه المنحرف
رانيا تضحك:طاح سعدك
سندس:باهي هيتي انشوفه كنه عطتها رويدة الفون وردت وهي داهشة
سندس:ايوا سراج
سراج:كنك داهشة في شنو كنتي اديري
سندس بحتت فيهن وتضحك:مااندير في شي انت شن تبي
سراج:بنسالك كان كملتي المصالحة الوطنية بنجيك عشان مازال بنمشو الهلك
سندس:اها خلاص تعال
رانيا ورويدة:لالا ماتمشيش توا تعشي معانا
سراج:قوليلهن اتجيهن مرة اخرى
سندس:انت مش شورك
سراج:الحق عليا انديرلك في جو قدام صحباتك
سندس:جو باهي ياجو بنسكر توا وبعد اتجي رن عشان نطلعلك
سراج:تم سندس بتسكر
سراج:سندس
سندس:نعم
سراج:صوتك ايهبل عالتليفون
سندس:عارفة وسكرت
رانيا:تي وين ماشية مازال بدري بنتعشو مع بعضنا مرايفين عليك ياصامطة
سندس:مازال بنمشي الهلي مازلت ماسلمت عليهم جيتكن انتن قبل توا نلتمو مرة اخرى
رويدة:اذا هكي صح معاك حق اكيدة امك مرايفتلك
“”
عند سراج كان مع فيصل في حوشه
فيصل;وين عالجو وصوتك سمح وحركات
سراج:نصمط عليها عشان ادير في روحها تنحرج
فيصل:بس تطورات ووخذ ارقام وتكليم وجو
سراج:اكيدة بناخذ رقمها ماحتى قعدت مراتي وماخذيتش رقمها عشان مرات ايصرن ظروف لازم اتكلمني ولا انكلمها
فيصل:حلفتك بالله مانك معجب بيها
سراج صبى:عينك انا نعجب بوحدة زيها شكلك هبل يانصي
فيصل:باهي وريني شن مسجلها وانا انقولك معجب بيها ولا لا
سراج فتح فونه:ها شوف
فيصل قعد يضحك:من جدك مسجلها ام السان
سراج:شن بنسجلها مثلا هذا اللي يمشي معاها
فيصل:لنقنك بارد
سراج:طالعلك يانصي المهم سلام توا وبعد اتروح ريونه عطيها الامانة متاعها والهدية وقوللها توا انجيها يوم اخرى عشان مرايفلها واجد الفرخة
فيصل:حتى هي مصدعة راسي عليك وتسأل امتى اتروح ياما تبي تفرح لما انقوللها روحت
فيصل;بوسها ليا وسلام توا وطلع
وصل عند حوش هل رانيا ورن علي سندس طلعتله وبيمشو الهلها وكان طبعا واخذ معاه انواع حلو وعصائر وتورته ووصلو الحوش هلها وخشو سراج خش للمربوعة وهي خشت جوا وسلمت علي امها وحظنتها وقعدت تبكي وبعدها باتها حظناته وقعدت تبكي من كثر ماهي مرايفتلهم وبعدها باتها طلع السراج وسلم عليه وخششه جوا عشان اتسلم عليه امها بس ام سندس اول ماشفاته عرفاته هو الشاب اللي في المصيف وانصدمت كيف سندس راضية بيه بعد العمل اللي داراته في المصيف وماتبيش تعنذرله المهم عاد سلمت عليه وبعدها خذت سندس معاها للمطبخ
سعاد:سندس هذا مش الشاب اللي تلاقينا معاه في المصيف
سندس:اها هو
سعاد;وكيف هكي
سندس:شنو اللي كيف
سعاد:تذكري اللي درتيه فينا وماتبيش تعتذريله توا متقبلتيه عادي يعني
سندس:اول يوم انصدمت وتعاركت معاه بس توا عادي الجو تمام وطلع سوء تفاهم وحليناه
سعاد:متأكدة ياسندس انتي متريحة معاه
سندس:اها متاكدة ياماما وهي كان في خاطرها تحكي الحقيقة بس ماتبيش تخلف الاتفاق
سعاد:ان شاءلله ربي ايهنيكم يابنتي
سندس:ان شاءلله
قعدو خرفو معاهم ومسكهم بات سندس للعشاء وتعشو مع بعضهم في اجواء ضحك وجو سمح بان سراج قدامهم النسيب المحترم الخلوق وحبوه بكل وتريحو علي بنتهم معاه وعالساعة 11 روحو الحوشهم
سندس رقت الدارها دغري غيرت دبشها ولبست البيجامة الطويلة الي اول يوم لبستها أما سراج كان عابي عالطلعة وماغيرش ادبشه
سندس غيرت دبشها وكان راسها مصدع بكل ونزلت تحت بتشوف دوا تاخذه سراج كاين في المطبخ يشرب في عصير وسندس خشت ادور في الأدراج متاع الدولاب لانها شافت في الحوش كله مالقتش
سراج:في شنو ادوري
سندس:راسي مصدع بكل نبي اي بنادول ايوقف الوجع اللي فيه
سراج:كان قلتي توا راه جبنا معانا
سندس:كنت نحساب عندي في الدار بس القيت الشريط كامل
سراج:خلاص توا نطلع انجيبلك
سندس:لالا مااتعبش روحك
سراج:معليش تعبك راحة وطلع ربع ساعة وبعدها روح لقى سندس مقمعزة في الصالة عالكنبة ومتكية عليها ومغمضة عيونها
سراج:سندس
سندس فتحت عيونها;نعم
سراج;كنك قاعدة هكي للدرجة هذي راسك مصدع
سندس:بكل اخرى
سراج:خلاص اهو جبتلك دوا وتوا انجيبلك مية تاخذيه
سندس:خليك توا انصبي بروحي
سراج:لالا خليك متريحة توا انجيبلك انا ومشى وجابلها مية وخذت الدوا
سراج:صحة
سندس:سلمك
وقعدو قريب 5 دقايق ساكتين
سراج:كان ماتحسنتيش انشيلك للمستشفى
سندس:لا تمام قعدت اكويسة
سراج:باهي تمام
سندس صبت:انا بنرقى نرقد
سراج:باهي وانا احتمال بنطلع
سندس:باهي ومشت
طلعت سندس الدارها وهو قعد مقمعز مع رنت فونه وكان فيصل
سراج رد:ايوا يانصي
فيصل:برا هيا اطلع
سراج من غير ماايفكر:لالا مش ماشي
فيصل:كيف صار ماقتلي تكي عليا
سراج;تعرف امس جيت متاخر واليوم وعتني عفوفة مالصبح وتوا ناعس بكل
فيصل:باهي بجوك لكن مش سمحة السهرة بلاك
سراج:انعوضوها بكرا
فيصل:تمام وسلام توا وسكر
سراج مش عا ف ليش دار هكي بس هو ماركزش طلعت منه تلقائي قعد واعي قريب ساعة وبعدها صبى بيرقد وطلع فوق بس قبل ماايخش الداره خش الدار سندس لقاها راقدة كانت مش متغطية وبطمات البيجامة الثلاثة من فوق مفتوحات بس سراج ماكنش مركز والاول مرة ماايركزش عالحاجات هذينا لان هذا بس اللي كان ايهمه قرب سراج من سرير سندس وجا عند راسها ونزل وقمعز علي ركبيه قعد ايشوفلها زين ومبتسم كان شعرها نازل علي وجها رفعه بيده من علي وجها ومشى بيده علي خدها بس في اللحظة هذي سندس وعيت ونطت
سراج:بالشوية مااتخافيش انا نبي انبحتلك كويسة ولا مازال راسك يوجع فيك
سندس انفجعت وترعش:لالا أنا كويسة توا وقعدت اتسكر في بيجامتها
سراج صبى:راه والله مش قاصد انخوفك ولا انديرلك حاجة حتى اني ماركزتش علي اتسكري فيهن توا
سندس:حصل خير
سراج:أسف كان خوفتك
سندس:لا عادي الجو تمام
سراج جا بيطلع
سندس:مش قتلي بتطلع
سراج:ماصارش شيئ القيت روحي ماعنديش جو نطلع
سندس:اها تمام احسن ماعندك ماتبي في السهور
سراج ابتسم وجا بيطلع وبعدها لف علي سندس
سراج:تصبحي علي خير
سندس ابتسمت;وانت بخير
سراج طلع الداره خش دوش وطلع وخش في سريره وقعد ايفكر فاللي قاعد ايصير معاه
سراج ايفكر:انا عليش نصرف معاها هكي انا مش هذا طبعي ولا عمري اهتميت بحد مريض وامتى عمرها صارت كلمني فيصل السهرة انقول لا ليش مهتم بيها هكي وليش انحب انضايقها وانعصبها ليش قعدت انحب انشوفها ونفرح لما تحكي معايا وليش انحب نقعد جنبها شن فيه شن صايرلي انا عمري ماكنت هكي مع اي بنت ليش الغرض اللي نبيه من اي بنت معاها ماانفكرش فيه ايهمني بس اني نحكي معاها ننسجم مع طولة السانها عليش هي تفرق شن صاير معقولة انكون معجب بيها لا مستحيل الاعجاب بداية حب وانا اصلا مش مقتنع بالحب وبعدين هذي بذات مستحيل انحبها وانا وهي فترة معينة بس بنعيشوها مع بعضنا انا لازم انحط حد للمهزلة اللي قاعدة اتصير وقعد ايفكر شن لازم ايدير من يوم وغادي وخذا قرار ان معش يحتك بسندس بكل وان مش حيكون بينهم كلام ولا لقاء اصلا قعد واعي لعند الصبح وبعدها رقد
“”
مرن 4أيام فيهن سراج خذا قراره ان اتكون حياته مع سندس شبه حياه بس قعد يرقد في النهار كله ويوعى عالمغرب يمشي الفيصل وبعدها يمشو للشقة طبعا قعد يستكرد في سندس وهي لانها معاندية زيه ولما حست بالإستكراد قعدت اديرله زي ماايديرلها قعدو شبه ماايتلاقوش بكل
سندس بدت تمشي للجامعة دارلها بات سراج سواق خاص بيها(عمو عدنان راجل كبير من عمر باتها سوري الجنسية من اول يوم شاف سندس ذكراته ببنته المتوفيه في احداث سوريا وحكا السندس عليها ومن يومها وسندس غالي عليها واتعزه وعمو عدنان غلت عليه سندس واجد وقعد ايعامل فيها زي بنته بزبط) اما رنوشة تغير جوها اشوي بعد جيت صحباتها الها بس مازال مامشتش للجامعة مازال مش قادرة لكن سندس كانت اتجيها كل يوم بعد اتروح مالجامعة اتكي عليها تعطيها الي خذوه واتخرف معاها اشوي وتمشي ونفس القصة رويدة كانت كل يوم يااتجيها ياتطمن عليها بالفون
“”
اليوم الخامس في الليل رؤوف جا الحوش هل رانيا وهو سكران واول مرة يسكر قعد ايدق علي حوشهم وايعيط ويبكي
رؤوف يبكي:سامحيني رنوشة انا انحبك والله يكذبو مادرت شيئ انا نبيك انا شاريك انحبببببك انحببببك وايعيط في نص الشارع
رانيا كانت اتشوف من روشن دارها وتبكي وفي خاطرها اتقوله حتى انا انحبك بس اللي داره رؤوف ماينغفرش بكل بالنسبة الها
رؤوف ايعيط ويبكي:اطلعيلي رنوشة انا انحبك نبيك والله انحبك يكذبو علينا وبيفرقونا انا مانبيش ناخذ غيرك انا انموت بلاك
بات رانيا اسمعه وحمق وطلعله وضربه وبلغ فيه وجت الشرطة خذاته
بعد خذوه الشرطة رنو علي هله وجوه وجاهم بات رانيا وحكالهم اللي صار وتأسف منه بات رويدة وتنازل بات رانيا عالمحظر وطلعه باته ولما روح للحوش عطاه طريحة سمحة وحلف ان الفرح ايتم بعد اسبوع
وفعلا حكو مع هل حنين واتفقو الفرح ايكون ليلة وحدة وبعد اسبوع ورؤوف بيسكن معاهم في الحوش
“”
كانو ايديرو في تجهيزات الفرح بس مافيش حد فرحان بكل
اما رانيا كانت نفسيتها مدمرة بكل وبذات بعد سمعت ان الفرح بعد اسبوع كان بالنسبة الها الموت أرحم بواجد بس مش في يدها شي لان رؤوف بيده هو اللي اختار وخرب كل شيئ
رؤوف كانت حالته مش بعيدة من حالة رانيا بس للاسف مالقش حد واقف معاه وبذات لان رانيا مابتش تحكي معاها علي ماحاول ايكلمها علي فون رنا لانها مسكرة فونها وزادتها اخرى اللي صار بينه وبين باتها ومشيته سكران وحرجهم قدام جيرانهم معش عنده وجه ايوريهم وجه ورضى بأمر باته
اما حنين كان طايرة مالفرحة مش مصدقة انها بتاخذ رؤوف وبتقعد حلاله بعد حب هالسنين كلهن الدنيا كانت مش سايعتها مالفرحة وفي عقلها حتغيره واتخليه ايحبها غير اتجيه
وعصام كان مش بعيد من حالة حنين وفرحان لان واخيرا افتك من رانيا ومش حتكون مرات خوه لان عمره ماتخيلها الا انها اتكون له هو وبس
بالنسبة السراج وسندس طول الاسبوع هذا وهما يستكردو في بعضهم واصلا ماايتلاقوش سراج كان خايف من الاعجاب فكان ايتعمد البعد من سندس ايروح في الليل متأخر وسندس حتى هي لان استكردها فكانت ادير زي ماايدير لكن في حاجة هما الاثنين كانو ايديرو فيها حنعرفوها شنو بعدين
“”
المهم مشن الأيام وجا يوم فرح رؤوف في الصبح
#يتبع
زعما شن حيصير وهل حيكمل الفرح وياخذ حنين ولا فيه شي حيصير ايغير مجرى الاوضاع
وبالنسبة السراج وسندس بعدهم علي بعضهم هذا حيكون في صالحهم أو ضدهم وزعما حيكون سبب قربهم بدون ماايحسو كله حنعرفوه في الحلقات الجاية?
بالنسبة لليد الخفية اللي سبب حادث المرا قدام شقة سراج واللي كلكم تسألو عليه مازال وقتها اصبرو حتعرفو انا مش ناسيتها بس كل شي في وقته حلو ?
أسفة لو فيه لخبطة في الأسماء وأكيد رأيكم ايهمني ?
گـتـابـتـي Koka Saleh