منحرف وأحببته
#مـنـحـرف_وأحـبـبـتـه
الـحـلـقـة(18)
گـتـابـتـي #Koka_Saleh
“”””””””””””””””””””””””””
عند سندس قاعدة في الدار ومطفية الضي واتفرج عالتلفزيون بحتت للساعة لقتها الساعة 12 وسراج مازال ماروح طفت التلفزيون وولعت الوناسة وجت بترقد في السرير مع فتحت باب الدار قمعزت مع خشت سراج وولع الضي
سندس صبت مالسرير وخذت المخدة وبتمشي عالكنبة مسكها سراج من يدها
سراج:خليك راقدة عالسرير وكان يحكي والسانه ثاقل
سندس:انت كنك تحكي هكي
سراج يادوبك ايحل في عيونه وابتسملها:شي
سندس بخوف:انت سكران?
سراج يحكي بشويش:اسس مش سكران شربت شوي بس
سندس بعصبية:هذا شنو تحملت صياعتك وحقارتك وتوا مروحلي سكران انت مااتخفش من ربي
سراج سكت وماردش عليها
سندس بصوت عالي:ماشفتش اوسخ واقذر منك في حياتي
سراج عصب ومسكها من يدها وبقوة:تعرفي اتسكري فمك ولا لا
سندس بعصبية واتوجع من مسكت يدها:ولا شنو شنو اللي مازال مادرتش في حياتك
سراج بصوت عالي وزاد ضغط علي يدها:سكري فمك احسنلك ورفع يده بيضربها
سندس بعصبية:شن بدير بتضرب اضرب مش خايفة منك اصلا انتوقع منك اي حاجة عشان ماعندكش انسانية عايش زي الحيوانات لا احساس ولا مشاعر كيف بتقابل ربك يوم اللي اتموت انت
سراج شافلها زين ودفها وقمعز عالسرير وحط راسه بين ايديه
سراج يحكي والسانه ثقيل:اكثر حاجة خايف منها الموت وخايف من ربي يوم اللي بيحاسبني عارف اني اكيدة حنخش للنار وعارف ان اللي اندير فيه غلط بس تعودت عليه من أنا صغير ماالقيتش حد ينصحني حد ايقولي هذي عيب وهذي حرام مافيش حد تابعني باتي كل عمره يجري ورا الشركة ووراء الفلوس عمره مااهتم بيا ونصحني زي اي بات ايدير الولده اما عفوفه كانت اتحبني واجد ولانها اتحبني كانت اديرلي اي حاجة نبيها ومااتحملش زعلي حتى الغلط كانت اتوافقلي عليه عشان مانزعلش عشت حياتي من غير ماحد ايوريني الطريق الصح مالغلط أول مرة روحت فيها سكران للحوش خفت بس باتي كان عنده رجال اعمال اجانب ماكلمنيش قدامهم عشان ايبان ان متحظر وعفوفه كانت خايفة عليا بس ماقالتلي الشي هذا غلط كانن الفلوس قدامي بالكوم ناخذ اللي نبيه ومبالغ كبيرة انكملهن في يوم واحد عالشرب وعالبنات وماكنش حد ايقولي شن درت فيهن اهم شيئ عند عفوفة انكون منسجم وباتي اهم شي ماايعطلش روحه وشغله معايا لان بالنسبة له فلوسه اهم بس برغم ان هما سبب اللي انا فيه بس انحبهم وماانتخيلش حياتي بلا حد فيهم حتى باتي برغم قسوته معايا بس لما حكالي اللي صايرله عرفت روحي اني انحبه مش متخيل ان بعد سنه بيمشي مالدنيا كلها وايسبني بروحي
سندس كانت مصيبية ومصدومة من كلامه:شن قصدك بيمشي مالدنيا قصدك بيموت
سراج:اها بيموت باتي عنده سرطان في الراس ومن النوع الخطير اللي ماعندش علاج اكبر الدكاترة قالوله ان قدامه بس سنة وايموت سنة وايسبني في الدنيا بروحي انا نادم علي كل لحظة من عمري ضيعتها وانا مش جنبه نادم علي اني ماقعدتش زي مايبي هو بس توا معش ينفع نقعد زي ماهو يبي عشان ماتعودتش نقعد هكي نبي انفذله رغبته الاخيرة بس واعرة عليا قاعد انحاول بس عارف اني مانقدرش ومانبيش ايموت وهو ماحققش حلمه وايشوف ولده قاعد مكانه ومتحمل المسؤولية انا تعبت تعبت بكل مني ومن تصرفاتي اللي ماعرفتش انغيرهن وقعد يبكي
سندس انصدمت وتأثرت من كلامه ووجعها لاول مرة جت قمعزت جنبه عالسرير بتواسيه
سندس:لو نويت اتغير حتغير اكيدة خلي عندك بس ارادة وحط ربي قدامك وفيه يوم يبي ايحاسبك فكر في انك في اي لحظة ممكن اتموت وانت بروحك حتغير
سراج يبكي:حاولت بس ماقدرتش هذي حياتي اللي عايشها من انا عمري15سنة تعودت علي هكي وخايف مالموت لما نسمع بحد مات انخاف بزيادة وانحس ان يومي قرب وانا ماعنديش اي حاجة كويسة دايرها وقعد يبكي زي العيل الصغير
سندس وجعها بكل قربت منه وقعدت تسمحله في دموعه
سندس:خلاص سراج أنا جنبك وحنساعدك انك اتغير واتحقق حلم باتك وترضي ربي
سراج يبكي:تقدري اتساعديني اني انتغير
سندس:بإذن الله حنقدر بس انت لازم ايكون عندك إرادة انك اتغير واتوب وباذن الله ربي حيتقبل منك
سراج حط راسه علي صدرها وقعد يبكي وسندس معش عرفت اتبعده وهو في الحاله هذي وبذات متأثره من بكاه وانها اول مرة اتشوفه ضعيف هكي يعني طلعت كل القوة اللي يضاهر بيها مجرد ستار عشان ايخبي ضعفه مالقتش روحها الا محاوطته بإديها واتهدي فيه
سراج يبكي:أنا انسان وعندي احساسيس ومشاعر وانحس بالخوف بذات لما انفكر ان بيجي يوم وبنتحاسبو علي كل حاجة انديرو فيها
سندس:اهدى توا وربي ايحب عبده الخطاء التواب ولما اتوب حيتقبل توبتك وايسامحك لان ربي مسامح وكريم قعدت اتهدي فيه بكلام هكي لين رقد معش عرفت كيف اتحوله من علي صدرها لان كان اثقل منها مالقتش الا حل واحد تتمد بشويش علي ظهرها عشان مااتوعيش ورقدت في نص السرير وهو مازال عليها وقعدت واعيه وحاسة بشعور غريب واللي هو زاعلة علي سراج وشافقة علي حالته وهذي بالنسبة الها كانت معجزة لان عمرها ماتوقعت ايصير معاها حاجة هكي وقعدت اتفكر لين خذاها النوم فجأة ورقدت
“”
عند هل رويدة كملو الشوايات وقعدت رويدة وامها وحنين ايلمن في الحوسه
رؤوف صبى وبيخش جوا
بات رويدة:خليك مقمعز نلعبو طرح كارطة
رؤوف:بنمشي للشباب اشوي من اول مابدن امتحاناتي ماقعدتش معاهم مش حنطول معاهم وبعد انروح نلعبو
بات رويدة:خلاص نرجى فيك مش راقد
رؤوف:تم وخش جوا
عصام كان مقمعز وشافه بعد خش خش للمطبخ ودار روحه يشرب في المية لقى في المطبخ رويدة وحنين وجن بيطلعن ايجيبن باقي الحاجات اللي برا طلعت رويدة في الاول وحنين بتطلع وراها مسكها عصام مع يدها
عصام:بنفذو توا
حنين بخوف وتبلع في ريقها;توا
عصام:اها توا اهو خش الداره وشكله بيطلع خشي عليه وعطليه واقعدي احكي معاه احكيله اللي في قلبه تجاهه كله وفي خلال عشر دقايق نبي اتكون بينكم لقطة ويقعد قريب منك يعني لازم يضعف واتخليه بيبوسك او اي شيئ لين ايخشو هلي وايشوفكم هكي
حنين;وافرض ماصارش هكي كيف بيصير
عصام:انك معاه في الدار وبروحكم ومسكرين هذي بروحها قصة واتخرب الخطبة مبالك ايخشو ويلقوه ايبوس فيك مية في المية حيجوزوك له
حنين;تمام ربي يستر
عصام:هي امشيله توا قبل مايطلع
مشت حنين وهي خايفة وقلبها ايدق فتحت باب الدار وخشت وسكراته رؤوف كان ايغير في دبشه ولابس سروال جينز ومش لابس شي من فوق وانصدم لما خشت
رؤوف بعصبية:انتي شن خششك هنا هي اطلعي
حنين بحزن:خلاص تبي تجوزها
رؤوف:اها بنجوزها وهذا مش موضوعك واطلعي برا احسن ماايخش حد وايشوفك معايا وتقعد قصة
حنين تبكي:ليش ادير فيا هكي وانت عارف اني انحبك ومااتحملش انشوفك معاها
رؤوف:حنين انتي عارفة كويس اني ماحبيتكش وانا ماضحكتش عليك وكل شيئ في الدنيا نصيب وحيجيك نصيبك لعندك
حنين تبكي:بس انا مانبيش نصيبي مع غيرك انا نبيك انت ليش ماتبيش اتحس بيا وتفهمني
رؤوف:نحن حاولنا انكونو مع بعضنا بس ماحبيتكش وكل شي بالغصب الا حبني يافلان
حنين زادت بكى وقربت منه;حرام عليك انا شن ذبي ادير فيا هكي هذا كله عشان حبيتك بصدق افهم اني مش قادرة انتخيلها معاك ومراتك لو تجوزها انا حننتحر وانموت وذنبي في رقبتك لاني نقعد متت بسببك
رؤوف:لو درتي هكي تقعدي غبية مافيش حد ايموت عشان حد وبذات لما يقعد الحد هذا ماايحبكش ارجوك ياحنين اطلعي مالدار مااديريليش مشكله
حنين قربت منه ومسكت ايديه
رؤوف ارتبك وقعد بيفك يدها من ايديه
رؤوف بعصبية:اطلعي برا
حنين تبكي:حاظر حنطلع مالدار ونوعدك اني حننساك ومش حنديرلك شيئ ايضرك وحنتمنالك حياة سعيدة بس فيه حاجة وحدة لو سمحت خليني انديرها ومن بعدها مستحيل انضايقك
رؤوف:شنو
“”
بات رويدة وامها مازالو مقمعزين برا في الجنان طلع عليهم عصاب معصب وايهزب
بات رويدة انفجع:كنك شن فيه مع من متعارك
عصام:رؤوف معش ايتحشم علي وجه قاعد هنا ايقوللكم بنجوز ومخشش حنين في داره ومسكر ومش عارف في شنو ايديرو جوا
عالية شهقت وحطت يدها علي فمها
بات رويدة معصب:انت شن اتقول من امتى معاه
رؤوف:الهم قريب عشر دقايق من بدري نرجا فيهم يطلعو ونعرف شن فيه معش طلعو والمشكلة مش اول مرة انشوفهم مع بعضهم في الدار خايف ايكون في بينهم حاجة حرام شن بنحكو الخالي بعدين
بات رويدة عصب وخش وماشي شور دار رؤوف وعصام وعالية خشو وراه ورويدة سمعت عصام بعد حكا وخشت حتى هي وراهم
“”
رؤوف:حنين احكي شن تبي واطلعي بسرعة
حنين قربت منه وحطت يدها علي صدره وقعدت اتحرك فيها وقربت زين وباساته علي شفايفه رؤوف حاول ايبعدها وبعدها زيه زي اي راجل ضعف وبادلها البوسه وهما في الوضع هذا فتح بات رويدة الباب ووراه الباقي وانصدمو بعد شافو اللقطة
بات رويدة بعصبية وصوت عالي:هذا شنوووو
رويدة وامها انصدمن في الموقف
عصام بعصبية:فهمونا شن قاعد ايصير هنا
رؤوف ارتبك:والله مافيه حاجة بينا ماتفهموش غلط
بات رويدة بصوت عالي:كيف مانفهموش غلط واللي شفناه هذا شنو
عالية ترعش:شن فيه بينكم ياحنين ليش اديرو هكي
حنين تبكي وساكتة
بات رويدة بعصبية:انت قليل ادب ومااتحشمش علي وجك قاعد اتقول اخطبولي وادير في الحرام في بنت خالك
رؤوف;والله فاهمين غلط والله مافيه حاجة
عالية بعصبية:كيف غلط واللي شفناه هذا شنو
بات رويدة:احكي ياحنين شن فيه بينكم خاطي اللي حقيناه كان فيه حاجة اخرى خلونا انلمو الموضوع بدري
حنين تبكي:لا مافيش شيئ صار بس هو كان ديما ايقولي بنجوزك وان مايبيش رانيا بس من بيان رويدة عرفت ان ناوي ياخذ رانيا ونهيت علاقتي معاه بس لما جيت هنا قعد ايتقرب مني وانا ماكنتش راضية وقتله كم مرة ان اللي بينا انتهى بس هو كان ايضايق فيا وحتى اني حكيت العصام امس وقتله قوله معش ايضايقني بس لما خش الداره خششني معاه غصب عني وكنت خايفة انعيط تفهمو غلط وارتبكت ومعش عرفت نصرف ولو ماخشيتو مش عارف شن كان دارلي بس ياريتني عيطت ولا فهمتوني غلط وقعدت تبكي
رؤوف بعصبية:والله تكذب وهي اللي خشت بروحها للدار والله ماعمري جيت شورها ولا ضايقتها
عصام بعصبية:انت اللي تكذب وصح حنين من امس حكتلي انك اتضايق فيها وقلتلها حنحكي معاك لكن امس قعدت تقرا مابيتش نزعجك وقلت اليوم بنحكيلك ماكنتش نحساب بيصير هذا كله
بات رويدة بعصبية:المفروض حكيت ونبهتنا
رؤوف:والله تكذب عليك ياعصام والله ماعمري جيت شورها هي اللي ديما اتحاول تحكي معايا واتقرب مني
بات رويدة بعصبية:تحشم علي وجك ومعش تكذب كيف بنت ترضى انها اتحط روحها في موقف هكي واتقول ان بينكم علاقة وانت قاعد تنكر واتقول هي بروحها هذا مش كلام رجالة واصلا كانك راجل مااديرش في بنت خالك هكي وتبي اتسيبها وتاخذ وحدة اخرى حط في عقلك عندك اخت واللي اديرها اتردلك في خواتك وبناتك
رؤوف بصوت عالي:افهموني والله مافيه بينا حاجة والله هي اللي خشت هنا بروحها
بات رويدة وبعصبية:وكان هي تكذب خوك بيكذب عليك عليش ترا قولي
رؤوف:هي كاذبة عليه زي ماتوا قاعدة تكذب عليكم
حنين تبكي:والله مانكذب والله كان بينا علاقة وهو توا خششني هنا غصب عني وقعد ايقولي بناخذها وبعدها بناخذك عشان هلي عارفين اني بناخذها ومانقدرش انغير رايي
رؤوف قرب من حنين وبيضربها:انتي وحدة كذابة وصايعة
بات رويدة بعده منه وضربه كف:انت اللي مش راجل وراضي في بنت خالك الغلط وتنكر في اللي بينكم
رؤوف حاط يده علي خده ومصدوم عشان اول مرة باته ايمد يده عليه
عالية تبكي;شن حيصير توا
بات رويدة بعصبية;اللي حيصير معروف انا عمري مانسمح ان واحد من عيالي يضحك علي بنت وايسيبها عشان هكي بكرا نخطبو حنين الرؤوف وانطلعو الفرح في اسرع وقت عشان ربي الوحيد اللي عالم شن صاير بينهم اخرى
رؤوف انصدم:مستحيل ناخذها حتى لو انموت هذي وحدة كذابة وانا عمري ماحبيتها ولاكانت بينا حاجة
رويدة كانت مصبية ومصدومة وتسمع فيهم وتبكي
بات رويدة بعصبية:القرار توا مش قرارك وانا قلت كلمتي وانتهى الموضوع يمشي توا عصام ايشيل البنت الهلها وبكرا نمشو نخطبوها
رؤوف بعصبية:بتخطبوها دورو من يجوزها انا مش حناخذها وبعدين لو تمشو بكرا تخطبوها انا بنطلع مالحوش ومعش انردله بكل
بات رويدة بصوت عالي:انا قررت وبكرا بنخطبوها لكي وماترجش بكرا اطلع مالحوش حتى ماليوم ويوم الفرح بتجوزها بتجوزها وكراعك فوق ارقبتك وطلع
بات رويدة من قدام بابا الدار وبصوت عالي:عصام شيل البنت الهلها لين بكرا انجوهم ومشى الداره ولحاقته عالية
عصام بعصبية:حنين هيا البسي عبايتك خليني انشيلك الهلك
حنين تبكي:حلفتك بالله ماتحكيش الهلي حاجة
عصام:لا مش حنحكو شي مغير هيا توا انشيلك الهم
مشت حنين بتلبس عبايتها وتاخذ دبشها وبتمشي الهلها وعصام طلع ايولع في سيارته
رويدة مصبية وتبكي واتبحت في رؤوف زين
رؤوف:مااتشوفيليش هكي انتي اكيدة مش مصدقتيها ومصدقتيني صح
رويدة تبكي:وليش انكذبها مافيش بنت تقدر اتشوه سمعتها عشان اتبلى علي راجل وبذات حنين انت عارف حنين قديش هادية وطيبة يعني مستحيل تطلع تكذب
رؤوف:يعني مصدقتيها
رويدة تبكي:اكيدة مصدقتها عشان ماعندهش اي سبب تكذب عشانه بس انتو الاثنين مش هاميني كل اللي هامني راتيا عشان رانيا اختي مش بس صاحبتي شن بنقوللها وشن بنحكيلها بنقوللها اسفة خويا طلع حقير ويضحك عليك
رؤوف:انا عمري ماضحكت علي رانيا انا انحبها ونبيها وحنين عمري ماحبيتها وهي اللي اتحبني وخشت للدار بروحها وقعدت انقوللها تطلع بس هي اللي قربت مني واللي شفتوه والله مش عارفة كيف صار
رويدة بعصبية;كيف متضحكتش علي رانيا وانت كنت علي علاقة بحنين يعني ماخفتش في يوم حنين تحكيلها ماقلتش في عقلك ان ممكن حنين تحكي البنات العيلة شن منظر رانيا قدامهن بعد تجوزها
رؤوف:علاقتي مع حنين كانت قبل مانعرف رانيا والله ماحبيتها ودغري سيبتها وخلاص عساس انسينا الموضوع هذا بس هي بروحها بعد عرفت اني بنجوز رانيا ردت تحكي في الموضوع اللي اسكر
رويدة بعصبية:يعني اهو طلعت فيه علاقة وانت قدام هلي نكرت يعني انت اللي تكذب وحنين كلامها صح بس انت وحنين مااتهمونيش ان شاءلله حتى تنحرقو انا اللي ايهمني شن بنقول الصاحبتي اللي طول عمرها صاينتك مستحيل اتصدق اني انا ماعندي علم بشي
رؤوف:والله علاقتي بحنين من زمان بكل الها سنين يعني علاقة قديمة قبل مانعرف رانيا وحلفتك بربك وراس امك وباتك ماتحكيلها حاجة توا انا حنصرف وانحل الموضوع
رويدة تبكي:كيف حتصرف وباتي قرر ايجوزك حنين وبكرا بيخطبوها لكي
رؤوف بعصبية:مستحيل انوافق انا غير رانيا مش حناخذ رويدة ارجوك ماتحكيلهش شي لين اندير حل ونقنع باتي
رويدة تبكي:شن بدير من حل بعد خربتها
رؤوف:انا توا بنطلع مالحوش ومش حنرد لين نقنعهم بانها تكذب وانرد باتي عاللي بيديره ويخطبلي رانيا
رويدة:رانيا مستحيل ترضى تقعد معاك بعد اللي صار
رؤوف:وهذا ليش انقولك ماتحكيلها شي وانا حندير حل وطلع مالحوش
رويدة قمعزت عالسرير وقعد تبكي وكل اللي اتفكر فيه شن بتحكي الرانيا وشن حيصير فيها بعد تعرف اللي صار
“”
عند رانيا بعد طول رؤوف مارنش عليها رنت عليه لعند لما فصل عاودت مرة اخرى لقت فونه مقفل راجاته واجد بفتح فونه وايرن بس هو مارنش قالت في عقلها ممكن ان مازال تاعب من علقته أمس وراقد راجت راجت وبعدها غلبها النوم ورقدت
“”
صباح ثاني يوم
وعى سراج لقى روحه راقد في حظن سندس صبى وهو مصدوم كيف صار هذا وكيف سندس راضية بيه قعد ايحاول يذكر اللي صار في الليل اشوي واذكر كلامه السندس كله
سراج خبط علي راسه:انا شن درت وشن لبزت الله يلعن ام الشرب وصبى وهو غامتله وخش للحمام بياخذ دوش
سندس ناضت ومالقتش سراج جنبها قعدت تذكر في كلامه أمس وبكاه وحست انها لازم توقف جنبه لين ايتغير فطنت الروحها وشافت لبستها انحرجت وصبت خذت ملاية الصلاة ولبستها ووتت دبشها عشان لما يطلع سراج اتخش ادوش طلع سراج وماحكش ولا كلمة
سندس ابتسمت:صباح الخير
سراج قالب وجه:صباح الخير وقعد اينشف في شعره
سندس خذت دبشها وخشت ادوش كملت دوشها ولبست(تيشرت طويل رصاصي واسترتش اسود عليه مجموعة سمايلات)طلعت وهي اتنشف في شعرها وصبت عالمراية وبدت اتمشط فيه سراج كان مقمعز عالكنبة وايتفرج عالتلفزيون كملت سندس مشط شعرها وجت قمعزت علي حافة الكنبة
سندس:طلبت الفطور عشان نفطرو مع بعضنا
سراج ماشافلهش بكل:افطري انتي انا ماعنديش نية
سندس:شن اتحس كنك تعرف اكيدة من اللي شربته أمس انت افطر معايا وخوذ قهوة وتوا تقعد كويس
سراج بعصبية:اسمعيني كويس جو الحنية اللي دايرته هذا فكيني منه الجو هذا مايمشيش بينا وانتي عارفة ليش كويس
سندس:انا مش دايرة جو حنية بس قلت خير من المناقرة اللي 24ساعة وبلا فايدة
سراج:انتي شافقة عليا بعد اللي حكيته امس وانا الجو هذا ماانحبش وياريت تنسي اي حاجة حكيتها لكي لان الكلام كان كلام واحد سكران يعني فاقد عقله ومافيش حد ياخذ بكلام واحد سكران لان يقعد كلام عبيط ومالش معنى
سندس:صح انت كنت سكران بس هذي اول مرة من اول ماعرفتك انحس ان كلامك صادق
سراج ضحك:من اول ماعرفتيني اصلا انتي من امتى تعرفيني راه مازلنا ماكملنا اسبوع مع بعضنا
سندس:عارفة مالنش اسبوع بس أنا تأثرت من كلامك وحابة انساعدك اتغير للأحسن عشان حسيت من كلامك انك حاب اتغير
سراج:قتلك الكلام قلته وانا سكران يعني مش واعي في شنو نحكي ومافيش ولا حاجة منه صح يعني لانبي انتغير ولا حاب انتغير بالعكس حياتي هكي عاجبتني ومتريح فيها
سندس:بس انت قلت نادم عاللي ادير فيه وطلبت انساعدك عشان اتغير
سراج:قتلك كله كذب انا كنت سكران وكلام السكران ماحد ياخذ بيه
سندس:بس انت كنت تحكي بصدق وكنت حاب اتغير جديات وكلامك علي مرض باتك مستحيل يقعد كذب
سراج بعصبية:الحاجة الوحيدة الصح هي مرض باتي وياريت الموضوع هذا معش تحكي فيه عشان ماحد يعلم بالموضوع الا انا وهو
سندس بحزن:يعني عمو محمد مازاله سنة بس وايموت
سراج بعصبية وصوت عالي:مش قتلك انسيه الموضوع هذا ومعش تحكي فيه
سندس انصدمت منه ومعش عرفت اترد عليه مع دقت باب الغرفة سراج صبى بيفتح
سندس:العلمك ان امس أول مرة انحس انك انسان وعندك إحساس
سراج كان لاف وجه شور الباب بعد كلمة سندس وقف اشوي وبعدها كمل طريقه وفتح الباب لقاها بنت من مواضفات الفندق جايبة الفطور سراج كان بياخذ الصفرة وايخش وبعدها فكر وقعد ايهدرز للبنت وايضحك فيها قعدت هي تضحك وبصوت عالي وقعد سراج يضحك معاها سندس بعد سمعت الصوت صبت وبتشوف شن فيه ولقاته سراج مقرب مالبنت وايهدرزو ويضحكو سراج بعد شاف سندس خذا الصفرة منها وودعها وخش وسكر الباب حط الصفرة عالطاولة وسندس كانت وراه
سراج:انا ماعمريش حبيت انتغير بالعكس حياتي هكي سمحة اصلا مانقدرش انعيش بلا البنات فلو سمحتي خلينا زي ماكنا ومااتحطيش في بالك تشفقي عليا او اتساعديني عشان انا هذي حياتي ومنسجم فيها عالاخر
سندس:تمام براحتك وقمعزت قعدت تاكل وحتى ماطلبتش منه ياكل معاها مع انها كانت طالبة فطور شخصين وهو قمعز عالسرير وقعد ايبعبش في فونه
“”
عند هل رويدة كان وضع الحوش متكهرب وكلهم متضايقين ماللي صار في الليل وطبعا بات رويدة مازال علي رأيه واتفق هو وعالية ان اليوم العشية يمشو العيت خوها ويخطبو حنين أما رؤوف من طلعته في الليل معش روح وماحد يعرف وين مشى ولا حد حاول يعرف هو وين امه بس من وعيتها وهي اترن عليه بس هو كان قافل فونه
رانيا من أول ماوعيت في الصبح وهي اترن علي رؤوف مقفل واتصلت برويدة كم مرة ماردتش اتصلت بعالية ماردتش حست ان فيه حاجة صايرة وكانت خايفة ان اتكون صايرة حاجة الرؤوف
“”
في العشية وتحديدا الساعة 5 هل رويدة مشو يخطبو في حنين الرؤوف طبعا رويدة مابتش تمشي معاهم ومن أول ماهلها طلعو وهي تبكي علي صاحبتها ومش عارفة كيف تفتحلها الموضوع وبذات ان رانيا مالصبح وهي اترن عليها وادزلها في رسائل ان حاسة فيه حاجة وتبيها اطمنها ان رؤوف مافيش شيئ بس رويدة ماقدرتش اترد عليها ماعرفتش شن تحكيلها وقعدت اتفكر مالقتش الا انها اترن علي سندس وتسألها شن ادير
“”
عند سندس وسراج من بعد الصبح قاعدين مع بعضهم وماطلعوش بكل وفي نفس الوقت معش حد حكى مع حد المهم سراج عالسرير يلعب بفونه وسندس مقمعزة عالكنبة وفاتحة نت مع رنت رويدة عالنت عليها
سندس ابتسمت لانها كانت ترجى في وحدة فيهن تفتح وردت
سندس:ايوا حبي شن أخبارك
رويدة بصوت تاعب مالبكا:مش كويسة بكل
سراج قعد ايشوفلها من تحت التحت
سندس بخوف:كنك دودي شن صاير معاك شغلتيني احكي
رويدة:كله من رؤوف وقعدت تحكي في القصة اللي صارت في الليل
سندس شهقت:طيح سعده خوك هذا كله وداير روحه ايحبها معقولة ايدير في رانيا هكي حرام عليه شن دارتله عشان ايخونها سامحني دودي خوك مش راجل
سراج فنص عيونه زين
رويدة تبكي:عارفته بعد اللي داره حقير وحيوان ومش راجل بس انا معش عرفت كيف نصرف رانيا مالصبح اترن عليا وادز في رسائل مشغولة عليه عشان فونه مقفل وانا ماقدرتش انرد شن بنقوللها كان رديت مش حتفهمني ومتاكدة حتزعل مني
سندس:عليش بتزعل منك انتي ماعندكش ذنب هو اللي طلع حقير بس حتزعل منك في حالة وحدة لو انها سمعت الموضوع من غيرك لازم انتي اللي تحكيلها
رويدة:صح معاك حق يعني نمشي انرن عليها
سندس:مكالمة مش حتفهمك ولا حتفهم الموضوع انتي لازم تمشيلها لعند حوشها واتفهميها
رويدة:تمام حنمشيلها لكن توا مافيش حد في الحوش ايشيلني
سندس: كلمي باتك ولا عصام دبري راسك
رويده:تمام حنشوف حد
سندس بعصبية:خوك هذا احقر عباد الله كان خويا راه قتلته معقولة يرضى ايدير هكي في بنت عطاته قلبها ووثقت فيه
رويدة تبكي:حتى انا صدمتي فيه كبيرة عمري ماتخيلت ان رؤوف ممكن في يوم ايدير هكي
سندس:خلاص اهدي ياقلبي ومااتزعليش روحك وان شاءلله لما اتعدي الرنوشة حتفهمك
رويدة تبكي:ياريتك كنتي هنا راه مشيتي معايا وحكيتيلها انتي تفهم منك وتاخذ في كلامك اكثر
سندس:مااتخافيش لو لزم الوضع حنجيكن انتي بس امشيلها وبعدها كلميني قوليلي شن صار معاكن راه مش حنتريح لين اتكلميني
رويدة:تمام توا انرن عليك اول ماانروح منها خلي النت عندك مفتوح
سندس:مش حنسكره لين اترني عليا
رويدة:تمام سلام توا وسكرت
سندس معصبة:حقير تافه حرام عليه رنوشه شن ذنبها ايدير فيها هكي
سراج شافلها وقعد عنده فضول بيعرف شن صاير
سراج:كنتي اتكلمي في صاحبتك
سندس:أها
سراج:كنها شكلها صايرة معاها مشكلة ومن الحقير اللي معصبة منه هكي
سندس هذا رؤوف خو رويدة وكان داير روحه ايحب رانيا صاحبتنا ويبي يجوزها وامس لقوه في موقف مش تمام مع بنت خاله
سراج:هذا عليش اتقولي حقير وتافه ومش راجل
سندس بنظرة عالجنب?:شكلها وذنك معانا من بداية المكالمة
سراج:انتي كان صوتك عالي فسمعتكن?
سندس:اها
سراج:يعني هو هكي في نظرك داير حاجة كبيرة ومش تمام
سندس بعصبية:شن رايك واحد علق بنت لين حباته وتعلقت بيه وقعدت معش تقدر اتعيش بلاه وعشمها بيجوزها وفي الاخير ايدير هكي وايخونها
سراج:ايخونها عليش تعتبري فيها خيانة هذا اسمه تغيير يعني مش معقولة انسان بيعيش مع نفس البنت في العلاقة وفي الخطبة وفي الزواج يعني لازم اينوع
سندس بعصبية:كيف اينوع هذا حب وهو داير روحه ايحبها وبعدين مش اوكال هو عشان اينوع
سراج:حب ?راه غالطات مافيش حاجة اسمها حب
سندس:انا عارفة ومتأكدة مالحاجة هذي بس رنوشة مقتنعة بالحب واتحبه واااجد بكل من نحن في الثانوي يعني حرام ايدير فيها هكي
سراج ضحك:اول مرة نتفقو في حاجة وحدة? وبعدين لازم تعرفي ان الراجل مايقدرش يقعد علي بنت وحدة لازم مالتنويع وفعلا البنات زي الوكال وخاصتا الفواكه كل وحدة عندها طعم خاص بيها وحدة حلو وحدة حامض وحدة نص ونص يعني لازم الواحد ايذوق من كل وحدة اشوي
سندس عصبت بكل وصبت:حتى انا فاضية نحكي مع واحد زيك ينعن جد كل وحدة طعم عليك قلة ادب اصلا كلكم هكي مافيكم أمان واللي يعطيكم وجه وايحبكم يندم وصبت بتمشي للحمام
سراج ركز علي اخر جملة وصبى وراها وقبل مااتسكر باب الحمام دف الباب وخش عليها
سندس بعصبية:هو انت في شنو ادير عليش جاي ورايا وادف فيه وهي ترعش بطلعه سراج مسكها ولف يده وراها وقربها منه زين
سراج:شن تقصدي بإن مافينا امان واللي ايحبكم يندم شكلك هكي طالعة من علاقة فاشلة
سندس فنصت عيونها زين:انت شن تحكي انا مستحيل انفكر اندير علاقة ولا انحب هذا كله كلام فاضي
سراج:وليش تحكي هكي
سندس:من تجارب البنات اللي نعرفهن كل وحدة حبت انتهيت علاقتها بدمارها هي وندمها انها حبت
سراج زاد قربها منه:اها فهمت عليك وقعد ايشوفلها بياكلها بعيونه ?
سندس قلبها ايدق وترعش:خلاص لو سمحت اطلقني وجعتلي يدي
سراج:قبل مانطلقك نبي انقولك علي طعمتك انتي
سندس:انا مانبيش نعرف شيئ
سراج قرب راسه من راسها:مش بجوك وبعدين طعمتك عمري ماذقت زيها عشان طعمتك شطة فلفل تحرق بكل ومايقدرش حد ايذوقها وسيبها وطلع وسندس سكرت الباب وقمعزت لوطة ومعش عرفت شن قصده بكلامه هذا وبعد اشوي صبت غسلت وجها وقعدت فاتحة الشيشمة تبيش تطلع بسرعه واتشوفه
“”
عند رويدة روح عصام وتمت رويدة تجدى فيه وتبكي عشان ايشيلها الرانيا بعد بكت واجد قاللها البسي وانشيلك
“”
عند رانيا قاعدة في دارها ماطلعتش اليوم كله وهي مشغولة علي رؤوف اللي من امس مقفل ولا رويدة ولا امها ردن عليها وقلبها نار وخايفة اتكون صايرة حاجة الرؤوف وبينما وهي اتفكر رن تليفونها وكان—
#يتبع
زعما من اللي رن علي رانيا وكيف حيكون ردة فعل رانيا بعد تحكيلها رويدة اللي صار ورؤوف وين وشن سبب اختفائه وحنين نفذت خطتها وانخطبت الرؤوف هل حتستمر الخطبة ولا حتخرب واتبان الحقيقة ?
اما دوسة وسراج مش عارفة حسيت الوضع قعد يسلك زعمك حيستمرو هكي ولا حتصير حاجة وايردو النقطة الصفر وشن يقصد سراج باللي حكاه السندس هل هو مدح ولا ذم ?
كله حنعرفوه في الحلقة الجاية ☺
أسفة بنات عالتأخير بس والله النت كان خارب ومالش شي كيف جابوه مالصلاح وان شاءلله بكرا حتكون فيه حلقة كتعويض عالتأخير بس حتكون قصيرة مش طويلة ☺
أسفة لو فيه لخبطة في الأسماء وأكيد رأيكم ايهمني?
گـتـابـتـي Koka Saleh
الـحـلـقـة(18)
گـتـابـتـي #Koka_Saleh
“”””””””””””””””””””””””””
عند سندس قاعدة في الدار ومطفية الضي واتفرج عالتلفزيون بحتت للساعة لقتها الساعة 12 وسراج مازال ماروح طفت التلفزيون وولعت الوناسة وجت بترقد في السرير مع فتحت باب الدار قمعزت مع خشت سراج وولع الضي
سندس صبت مالسرير وخذت المخدة وبتمشي عالكنبة مسكها سراج من يدها
سراج:خليك راقدة عالسرير وكان يحكي والسانه ثاقل
سندس:انت كنك تحكي هكي
سراج يادوبك ايحل في عيونه وابتسملها:شي
سندس بخوف:انت سكران?
سراج يحكي بشويش:اسس مش سكران شربت شوي بس
سندس بعصبية:هذا شنو تحملت صياعتك وحقارتك وتوا مروحلي سكران انت مااتخفش من ربي
سراج سكت وماردش عليها
سندس بصوت عالي:ماشفتش اوسخ واقذر منك في حياتي
سراج عصب ومسكها من يدها وبقوة:تعرفي اتسكري فمك ولا لا
سندس بعصبية واتوجع من مسكت يدها:ولا شنو شنو اللي مازال مادرتش في حياتك
سراج بصوت عالي وزاد ضغط علي يدها:سكري فمك احسنلك ورفع يده بيضربها
سندس بعصبية:شن بدير بتضرب اضرب مش خايفة منك اصلا انتوقع منك اي حاجة عشان ماعندكش انسانية عايش زي الحيوانات لا احساس ولا مشاعر كيف بتقابل ربك يوم اللي اتموت انت
سراج شافلها زين ودفها وقمعز عالسرير وحط راسه بين ايديه
سراج يحكي والسانه ثقيل:اكثر حاجة خايف منها الموت وخايف من ربي يوم اللي بيحاسبني عارف اني اكيدة حنخش للنار وعارف ان اللي اندير فيه غلط بس تعودت عليه من أنا صغير ماالقيتش حد ينصحني حد ايقولي هذي عيب وهذي حرام مافيش حد تابعني باتي كل عمره يجري ورا الشركة ووراء الفلوس عمره مااهتم بيا ونصحني زي اي بات ايدير الولده اما عفوفه كانت اتحبني واجد ولانها اتحبني كانت اديرلي اي حاجة نبيها ومااتحملش زعلي حتى الغلط كانت اتوافقلي عليه عشان مانزعلش عشت حياتي من غير ماحد ايوريني الطريق الصح مالغلط أول مرة روحت فيها سكران للحوش خفت بس باتي كان عنده رجال اعمال اجانب ماكلمنيش قدامهم عشان ايبان ان متحظر وعفوفه كانت خايفة عليا بس ماقالتلي الشي هذا غلط كانن الفلوس قدامي بالكوم ناخذ اللي نبيه ومبالغ كبيرة انكملهن في يوم واحد عالشرب وعالبنات وماكنش حد ايقولي شن درت فيهن اهم شيئ عند عفوفة انكون منسجم وباتي اهم شي ماايعطلش روحه وشغله معايا لان بالنسبة له فلوسه اهم بس برغم ان هما سبب اللي انا فيه بس انحبهم وماانتخيلش حياتي بلا حد فيهم حتى باتي برغم قسوته معايا بس لما حكالي اللي صايرله عرفت روحي اني انحبه مش متخيل ان بعد سنه بيمشي مالدنيا كلها وايسبني بروحي
سندس كانت مصيبية ومصدومة من كلامه:شن قصدك بيمشي مالدنيا قصدك بيموت
سراج:اها بيموت باتي عنده سرطان في الراس ومن النوع الخطير اللي ماعندش علاج اكبر الدكاترة قالوله ان قدامه بس سنة وايموت سنة وايسبني في الدنيا بروحي انا نادم علي كل لحظة من عمري ضيعتها وانا مش جنبه نادم علي اني ماقعدتش زي مايبي هو بس توا معش ينفع نقعد زي ماهو يبي عشان ماتعودتش نقعد هكي نبي انفذله رغبته الاخيرة بس واعرة عليا قاعد انحاول بس عارف اني مانقدرش ومانبيش ايموت وهو ماحققش حلمه وايشوف ولده قاعد مكانه ومتحمل المسؤولية انا تعبت تعبت بكل مني ومن تصرفاتي اللي ماعرفتش انغيرهن وقعد يبكي
سندس انصدمت وتأثرت من كلامه ووجعها لاول مرة جت قمعزت جنبه عالسرير بتواسيه
سندس:لو نويت اتغير حتغير اكيدة خلي عندك بس ارادة وحط ربي قدامك وفيه يوم يبي ايحاسبك فكر في انك في اي لحظة ممكن اتموت وانت بروحك حتغير
سراج يبكي:حاولت بس ماقدرتش هذي حياتي اللي عايشها من انا عمري15سنة تعودت علي هكي وخايف مالموت لما نسمع بحد مات انخاف بزيادة وانحس ان يومي قرب وانا ماعنديش اي حاجة كويسة دايرها وقعد يبكي زي العيل الصغير
سندس وجعها بكل قربت منه وقعدت تسمحله في دموعه
سندس:خلاص سراج أنا جنبك وحنساعدك انك اتغير واتحقق حلم باتك وترضي ربي
سراج يبكي:تقدري اتساعديني اني انتغير
سندس:بإذن الله حنقدر بس انت لازم ايكون عندك إرادة انك اتغير واتوب وباذن الله ربي حيتقبل منك
سراج حط راسه علي صدرها وقعد يبكي وسندس معش عرفت اتبعده وهو في الحاله هذي وبذات متأثره من بكاه وانها اول مرة اتشوفه ضعيف هكي يعني طلعت كل القوة اللي يضاهر بيها مجرد ستار عشان ايخبي ضعفه مالقتش روحها الا محاوطته بإديها واتهدي فيه
سراج يبكي:أنا انسان وعندي احساسيس ومشاعر وانحس بالخوف بذات لما انفكر ان بيجي يوم وبنتحاسبو علي كل حاجة انديرو فيها
سندس:اهدى توا وربي ايحب عبده الخطاء التواب ولما اتوب حيتقبل توبتك وايسامحك لان ربي مسامح وكريم قعدت اتهدي فيه بكلام هكي لين رقد معش عرفت كيف اتحوله من علي صدرها لان كان اثقل منها مالقتش الا حل واحد تتمد بشويش علي ظهرها عشان مااتوعيش ورقدت في نص السرير وهو مازال عليها وقعدت واعيه وحاسة بشعور غريب واللي هو زاعلة علي سراج وشافقة علي حالته وهذي بالنسبة الها كانت معجزة لان عمرها ماتوقعت ايصير معاها حاجة هكي وقعدت اتفكر لين خذاها النوم فجأة ورقدت
“”
عند هل رويدة كملو الشوايات وقعدت رويدة وامها وحنين ايلمن في الحوسه
رؤوف صبى وبيخش جوا
بات رويدة:خليك مقمعز نلعبو طرح كارطة
رؤوف:بنمشي للشباب اشوي من اول مابدن امتحاناتي ماقعدتش معاهم مش حنطول معاهم وبعد انروح نلعبو
بات رويدة:خلاص نرجى فيك مش راقد
رؤوف:تم وخش جوا
عصام كان مقمعز وشافه بعد خش خش للمطبخ ودار روحه يشرب في المية لقى في المطبخ رويدة وحنين وجن بيطلعن ايجيبن باقي الحاجات اللي برا طلعت رويدة في الاول وحنين بتطلع وراها مسكها عصام مع يدها
عصام:بنفذو توا
حنين بخوف وتبلع في ريقها;توا
عصام:اها توا اهو خش الداره وشكله بيطلع خشي عليه وعطليه واقعدي احكي معاه احكيله اللي في قلبه تجاهه كله وفي خلال عشر دقايق نبي اتكون بينكم لقطة ويقعد قريب منك يعني لازم يضعف واتخليه بيبوسك او اي شيئ لين ايخشو هلي وايشوفكم هكي
حنين;وافرض ماصارش هكي كيف بيصير
عصام:انك معاه في الدار وبروحكم ومسكرين هذي بروحها قصة واتخرب الخطبة مبالك ايخشو ويلقوه ايبوس فيك مية في المية حيجوزوك له
حنين;تمام ربي يستر
عصام:هي امشيله توا قبل مايطلع
مشت حنين وهي خايفة وقلبها ايدق فتحت باب الدار وخشت وسكراته رؤوف كان ايغير في دبشه ولابس سروال جينز ومش لابس شي من فوق وانصدم لما خشت
رؤوف بعصبية:انتي شن خششك هنا هي اطلعي
حنين بحزن:خلاص تبي تجوزها
رؤوف:اها بنجوزها وهذا مش موضوعك واطلعي برا احسن ماايخش حد وايشوفك معايا وتقعد قصة
حنين تبكي:ليش ادير فيا هكي وانت عارف اني انحبك ومااتحملش انشوفك معاها
رؤوف:حنين انتي عارفة كويس اني ماحبيتكش وانا ماضحكتش عليك وكل شيئ في الدنيا نصيب وحيجيك نصيبك لعندك
حنين تبكي:بس انا مانبيش نصيبي مع غيرك انا نبيك انت ليش ماتبيش اتحس بيا وتفهمني
رؤوف:نحن حاولنا انكونو مع بعضنا بس ماحبيتكش وكل شي بالغصب الا حبني يافلان
حنين زادت بكى وقربت منه;حرام عليك انا شن ذبي ادير فيا هكي هذا كله عشان حبيتك بصدق افهم اني مش قادرة انتخيلها معاك ومراتك لو تجوزها انا حننتحر وانموت وذنبي في رقبتك لاني نقعد متت بسببك
رؤوف:لو درتي هكي تقعدي غبية مافيش حد ايموت عشان حد وبذات لما يقعد الحد هذا ماايحبكش ارجوك ياحنين اطلعي مالدار مااديريليش مشكله
حنين قربت منه ومسكت ايديه
رؤوف ارتبك وقعد بيفك يدها من ايديه
رؤوف بعصبية:اطلعي برا
حنين تبكي:حاظر حنطلع مالدار ونوعدك اني حننساك ومش حنديرلك شيئ ايضرك وحنتمنالك حياة سعيدة بس فيه حاجة وحدة لو سمحت خليني انديرها ومن بعدها مستحيل انضايقك
رؤوف:شنو
“”
بات رويدة وامها مازالو مقمعزين برا في الجنان طلع عليهم عصاب معصب وايهزب
بات رويدة انفجع:كنك شن فيه مع من متعارك
عصام:رؤوف معش ايتحشم علي وجه قاعد هنا ايقوللكم بنجوز ومخشش حنين في داره ومسكر ومش عارف في شنو ايديرو جوا
عالية شهقت وحطت يدها علي فمها
بات رويدة معصب:انت شن اتقول من امتى معاه
رؤوف:الهم قريب عشر دقايق من بدري نرجا فيهم يطلعو ونعرف شن فيه معش طلعو والمشكلة مش اول مرة انشوفهم مع بعضهم في الدار خايف ايكون في بينهم حاجة حرام شن بنحكو الخالي بعدين
بات رويدة عصب وخش وماشي شور دار رؤوف وعصام وعالية خشو وراه ورويدة سمعت عصام بعد حكا وخشت حتى هي وراهم
“”
رؤوف:حنين احكي شن تبي واطلعي بسرعة
حنين قربت منه وحطت يدها علي صدره وقعدت اتحرك فيها وقربت زين وباساته علي شفايفه رؤوف حاول ايبعدها وبعدها زيه زي اي راجل ضعف وبادلها البوسه وهما في الوضع هذا فتح بات رويدة الباب ووراه الباقي وانصدمو بعد شافو اللقطة
بات رويدة بعصبية وصوت عالي:هذا شنوووو
رويدة وامها انصدمن في الموقف
عصام بعصبية:فهمونا شن قاعد ايصير هنا
رؤوف ارتبك:والله مافيه حاجة بينا ماتفهموش غلط
بات رويدة بصوت عالي:كيف مانفهموش غلط واللي شفناه هذا شنو
عالية ترعش:شن فيه بينكم ياحنين ليش اديرو هكي
حنين تبكي وساكتة
بات رويدة بعصبية:انت قليل ادب ومااتحشمش علي وجك قاعد اتقول اخطبولي وادير في الحرام في بنت خالك
رؤوف;والله فاهمين غلط والله مافيه حاجة
عالية بعصبية:كيف غلط واللي شفناه هذا شنو
بات رويدة:احكي ياحنين شن فيه بينكم خاطي اللي حقيناه كان فيه حاجة اخرى خلونا انلمو الموضوع بدري
حنين تبكي:لا مافيش شيئ صار بس هو كان ديما ايقولي بنجوزك وان مايبيش رانيا بس من بيان رويدة عرفت ان ناوي ياخذ رانيا ونهيت علاقتي معاه بس لما جيت هنا قعد ايتقرب مني وانا ماكنتش راضية وقتله كم مرة ان اللي بينا انتهى بس هو كان ايضايق فيا وحتى اني حكيت العصام امس وقتله قوله معش ايضايقني بس لما خش الداره خششني معاه غصب عني وكنت خايفة انعيط تفهمو غلط وارتبكت ومعش عرفت نصرف ولو ماخشيتو مش عارف شن كان دارلي بس ياريتني عيطت ولا فهمتوني غلط وقعدت تبكي
رؤوف بعصبية:والله تكذب وهي اللي خشت بروحها للدار والله ماعمري جيت شورها ولا ضايقتها
عصام بعصبية:انت اللي تكذب وصح حنين من امس حكتلي انك اتضايق فيها وقلتلها حنحكي معاك لكن امس قعدت تقرا مابيتش نزعجك وقلت اليوم بنحكيلك ماكنتش نحساب بيصير هذا كله
بات رويدة بعصبية:المفروض حكيت ونبهتنا
رؤوف:والله تكذب عليك ياعصام والله ماعمري جيت شورها هي اللي ديما اتحاول تحكي معايا واتقرب مني
بات رويدة بعصبية:تحشم علي وجك ومعش تكذب كيف بنت ترضى انها اتحط روحها في موقف هكي واتقول ان بينكم علاقة وانت قاعد تنكر واتقول هي بروحها هذا مش كلام رجالة واصلا كانك راجل مااديرش في بنت خالك هكي وتبي اتسيبها وتاخذ وحدة اخرى حط في عقلك عندك اخت واللي اديرها اتردلك في خواتك وبناتك
رؤوف بصوت عالي:افهموني والله مافيه بينا حاجة والله هي اللي خشت هنا بروحها
بات رويدة وبعصبية:وكان هي تكذب خوك بيكذب عليك عليش ترا قولي
رؤوف:هي كاذبة عليه زي ماتوا قاعدة تكذب عليكم
حنين تبكي:والله مانكذب والله كان بينا علاقة وهو توا خششني هنا غصب عني وقعد ايقولي بناخذها وبعدها بناخذك عشان هلي عارفين اني بناخذها ومانقدرش انغير رايي
رؤوف قرب من حنين وبيضربها:انتي وحدة كذابة وصايعة
بات رويدة بعده منه وضربه كف:انت اللي مش راجل وراضي في بنت خالك الغلط وتنكر في اللي بينكم
رؤوف حاط يده علي خده ومصدوم عشان اول مرة باته ايمد يده عليه
عالية تبكي;شن حيصير توا
بات رويدة بعصبية;اللي حيصير معروف انا عمري مانسمح ان واحد من عيالي يضحك علي بنت وايسيبها عشان هكي بكرا نخطبو حنين الرؤوف وانطلعو الفرح في اسرع وقت عشان ربي الوحيد اللي عالم شن صاير بينهم اخرى
رؤوف انصدم:مستحيل ناخذها حتى لو انموت هذي وحدة كذابة وانا عمري ماحبيتها ولاكانت بينا حاجة
رويدة كانت مصبية ومصدومة وتسمع فيهم وتبكي
بات رويدة بعصبية:القرار توا مش قرارك وانا قلت كلمتي وانتهى الموضوع يمشي توا عصام ايشيل البنت الهلها وبكرا نمشو نخطبوها
رؤوف بعصبية:بتخطبوها دورو من يجوزها انا مش حناخذها وبعدين لو تمشو بكرا تخطبوها انا بنطلع مالحوش ومعش انردله بكل
بات رويدة بصوت عالي:انا قررت وبكرا بنخطبوها لكي وماترجش بكرا اطلع مالحوش حتى ماليوم ويوم الفرح بتجوزها بتجوزها وكراعك فوق ارقبتك وطلع
بات رويدة من قدام بابا الدار وبصوت عالي:عصام شيل البنت الهلها لين بكرا انجوهم ومشى الداره ولحاقته عالية
عصام بعصبية:حنين هيا البسي عبايتك خليني انشيلك الهلك
حنين تبكي:حلفتك بالله ماتحكيش الهلي حاجة
عصام:لا مش حنحكو شي مغير هيا توا انشيلك الهم
مشت حنين بتلبس عبايتها وتاخذ دبشها وبتمشي الهلها وعصام طلع ايولع في سيارته
رويدة مصبية وتبكي واتبحت في رؤوف زين
رؤوف:مااتشوفيليش هكي انتي اكيدة مش مصدقتيها ومصدقتيني صح
رويدة تبكي:وليش انكذبها مافيش بنت تقدر اتشوه سمعتها عشان اتبلى علي راجل وبذات حنين انت عارف حنين قديش هادية وطيبة يعني مستحيل تطلع تكذب
رؤوف:يعني مصدقتيها
رويدة تبكي:اكيدة مصدقتها عشان ماعندهش اي سبب تكذب عشانه بس انتو الاثنين مش هاميني كل اللي هامني راتيا عشان رانيا اختي مش بس صاحبتي شن بنقوللها وشن بنحكيلها بنقوللها اسفة خويا طلع حقير ويضحك عليك
رؤوف:انا عمري ماضحكت علي رانيا انا انحبها ونبيها وحنين عمري ماحبيتها وهي اللي اتحبني وخشت للدار بروحها وقعدت انقوللها تطلع بس هي اللي قربت مني واللي شفتوه والله مش عارفة كيف صار
رويدة بعصبية;كيف متضحكتش علي رانيا وانت كنت علي علاقة بحنين يعني ماخفتش في يوم حنين تحكيلها ماقلتش في عقلك ان ممكن حنين تحكي البنات العيلة شن منظر رانيا قدامهن بعد تجوزها
رؤوف:علاقتي مع حنين كانت قبل مانعرف رانيا والله ماحبيتها ودغري سيبتها وخلاص عساس انسينا الموضوع هذا بس هي بروحها بعد عرفت اني بنجوز رانيا ردت تحكي في الموضوع اللي اسكر
رويدة بعصبية:يعني اهو طلعت فيه علاقة وانت قدام هلي نكرت يعني انت اللي تكذب وحنين كلامها صح بس انت وحنين مااتهمونيش ان شاءلله حتى تنحرقو انا اللي ايهمني شن بنقول الصاحبتي اللي طول عمرها صاينتك مستحيل اتصدق اني انا ماعندي علم بشي
رؤوف:والله علاقتي بحنين من زمان بكل الها سنين يعني علاقة قديمة قبل مانعرف رانيا وحلفتك بربك وراس امك وباتك ماتحكيلها حاجة توا انا حنصرف وانحل الموضوع
رويدة تبكي:كيف حتصرف وباتي قرر ايجوزك حنين وبكرا بيخطبوها لكي
رؤوف بعصبية:مستحيل انوافق انا غير رانيا مش حناخذ رويدة ارجوك ماتحكيلهش شي لين اندير حل ونقنع باتي
رويدة تبكي:شن بدير من حل بعد خربتها
رؤوف:انا توا بنطلع مالحوش ومش حنرد لين نقنعهم بانها تكذب وانرد باتي عاللي بيديره ويخطبلي رانيا
رويدة:رانيا مستحيل ترضى تقعد معاك بعد اللي صار
رؤوف:وهذا ليش انقولك ماتحكيلها شي وانا حندير حل وطلع مالحوش
رويدة قمعزت عالسرير وقعد تبكي وكل اللي اتفكر فيه شن بتحكي الرانيا وشن حيصير فيها بعد تعرف اللي صار
“”
عند رانيا بعد طول رؤوف مارنش عليها رنت عليه لعند لما فصل عاودت مرة اخرى لقت فونه مقفل راجاته واجد بفتح فونه وايرن بس هو مارنش قالت في عقلها ممكن ان مازال تاعب من علقته أمس وراقد راجت راجت وبعدها غلبها النوم ورقدت
“”
صباح ثاني يوم
وعى سراج لقى روحه راقد في حظن سندس صبى وهو مصدوم كيف صار هذا وكيف سندس راضية بيه قعد ايحاول يذكر اللي صار في الليل اشوي واذكر كلامه السندس كله
سراج خبط علي راسه:انا شن درت وشن لبزت الله يلعن ام الشرب وصبى وهو غامتله وخش للحمام بياخذ دوش
سندس ناضت ومالقتش سراج جنبها قعدت تذكر في كلامه أمس وبكاه وحست انها لازم توقف جنبه لين ايتغير فطنت الروحها وشافت لبستها انحرجت وصبت خذت ملاية الصلاة ولبستها ووتت دبشها عشان لما يطلع سراج اتخش ادوش طلع سراج وماحكش ولا كلمة
سندس ابتسمت:صباح الخير
سراج قالب وجه:صباح الخير وقعد اينشف في شعره
سندس خذت دبشها وخشت ادوش كملت دوشها ولبست(تيشرت طويل رصاصي واسترتش اسود عليه مجموعة سمايلات)طلعت وهي اتنشف في شعرها وصبت عالمراية وبدت اتمشط فيه سراج كان مقمعز عالكنبة وايتفرج عالتلفزيون كملت سندس مشط شعرها وجت قمعزت علي حافة الكنبة
سندس:طلبت الفطور عشان نفطرو مع بعضنا
سراج ماشافلهش بكل:افطري انتي انا ماعنديش نية
سندس:شن اتحس كنك تعرف اكيدة من اللي شربته أمس انت افطر معايا وخوذ قهوة وتوا تقعد كويس
سراج بعصبية:اسمعيني كويس جو الحنية اللي دايرته هذا فكيني منه الجو هذا مايمشيش بينا وانتي عارفة ليش كويس
سندس:انا مش دايرة جو حنية بس قلت خير من المناقرة اللي 24ساعة وبلا فايدة
سراج:انتي شافقة عليا بعد اللي حكيته امس وانا الجو هذا ماانحبش وياريت تنسي اي حاجة حكيتها لكي لان الكلام كان كلام واحد سكران يعني فاقد عقله ومافيش حد ياخذ بكلام واحد سكران لان يقعد كلام عبيط ومالش معنى
سندس:صح انت كنت سكران بس هذي اول مرة من اول ماعرفتك انحس ان كلامك صادق
سراج ضحك:من اول ماعرفتيني اصلا انتي من امتى تعرفيني راه مازلنا ماكملنا اسبوع مع بعضنا
سندس:عارفة مالنش اسبوع بس أنا تأثرت من كلامك وحابة انساعدك اتغير للأحسن عشان حسيت من كلامك انك حاب اتغير
سراج:قتلك الكلام قلته وانا سكران يعني مش واعي في شنو نحكي ومافيش ولا حاجة منه صح يعني لانبي انتغير ولا حاب انتغير بالعكس حياتي هكي عاجبتني ومتريح فيها
سندس:بس انت قلت نادم عاللي ادير فيه وطلبت انساعدك عشان اتغير
سراج:قتلك كله كذب انا كنت سكران وكلام السكران ماحد ياخذ بيه
سندس:بس انت كنت تحكي بصدق وكنت حاب اتغير جديات وكلامك علي مرض باتك مستحيل يقعد كذب
سراج بعصبية:الحاجة الوحيدة الصح هي مرض باتي وياريت الموضوع هذا معش تحكي فيه عشان ماحد يعلم بالموضوع الا انا وهو
سندس بحزن:يعني عمو محمد مازاله سنة بس وايموت
سراج بعصبية وصوت عالي:مش قتلك انسيه الموضوع هذا ومعش تحكي فيه
سندس انصدمت منه ومعش عرفت اترد عليه مع دقت باب الغرفة سراج صبى بيفتح
سندس:العلمك ان امس أول مرة انحس انك انسان وعندك إحساس
سراج كان لاف وجه شور الباب بعد كلمة سندس وقف اشوي وبعدها كمل طريقه وفتح الباب لقاها بنت من مواضفات الفندق جايبة الفطور سراج كان بياخذ الصفرة وايخش وبعدها فكر وقعد ايهدرز للبنت وايضحك فيها قعدت هي تضحك وبصوت عالي وقعد سراج يضحك معاها سندس بعد سمعت الصوت صبت وبتشوف شن فيه ولقاته سراج مقرب مالبنت وايهدرزو ويضحكو سراج بعد شاف سندس خذا الصفرة منها وودعها وخش وسكر الباب حط الصفرة عالطاولة وسندس كانت وراه
سراج:انا ماعمريش حبيت انتغير بالعكس حياتي هكي سمحة اصلا مانقدرش انعيش بلا البنات فلو سمحتي خلينا زي ماكنا ومااتحطيش في بالك تشفقي عليا او اتساعديني عشان انا هذي حياتي ومنسجم فيها عالاخر
سندس:تمام براحتك وقمعزت قعدت تاكل وحتى ماطلبتش منه ياكل معاها مع انها كانت طالبة فطور شخصين وهو قمعز عالسرير وقعد ايبعبش في فونه
“”
عند هل رويدة كان وضع الحوش متكهرب وكلهم متضايقين ماللي صار في الليل وطبعا بات رويدة مازال علي رأيه واتفق هو وعالية ان اليوم العشية يمشو العيت خوها ويخطبو حنين أما رؤوف من طلعته في الليل معش روح وماحد يعرف وين مشى ولا حد حاول يعرف هو وين امه بس من وعيتها وهي اترن عليه بس هو كان قافل فونه
رانيا من أول ماوعيت في الصبح وهي اترن علي رؤوف مقفل واتصلت برويدة كم مرة ماردتش اتصلت بعالية ماردتش حست ان فيه حاجة صايرة وكانت خايفة ان اتكون صايرة حاجة الرؤوف
“”
في العشية وتحديدا الساعة 5 هل رويدة مشو يخطبو في حنين الرؤوف طبعا رويدة مابتش تمشي معاهم ومن أول ماهلها طلعو وهي تبكي علي صاحبتها ومش عارفة كيف تفتحلها الموضوع وبذات ان رانيا مالصبح وهي اترن عليها وادزلها في رسائل ان حاسة فيه حاجة وتبيها اطمنها ان رؤوف مافيش شيئ بس رويدة ماقدرتش اترد عليها ماعرفتش شن تحكيلها وقعدت اتفكر مالقتش الا انها اترن علي سندس وتسألها شن ادير
“”
عند سندس وسراج من بعد الصبح قاعدين مع بعضهم وماطلعوش بكل وفي نفس الوقت معش حد حكى مع حد المهم سراج عالسرير يلعب بفونه وسندس مقمعزة عالكنبة وفاتحة نت مع رنت رويدة عالنت عليها
سندس ابتسمت لانها كانت ترجى في وحدة فيهن تفتح وردت
سندس:ايوا حبي شن أخبارك
رويدة بصوت تاعب مالبكا:مش كويسة بكل
سراج قعد ايشوفلها من تحت التحت
سندس بخوف:كنك دودي شن صاير معاك شغلتيني احكي
رويدة:كله من رؤوف وقعدت تحكي في القصة اللي صارت في الليل
سندس شهقت:طيح سعده خوك هذا كله وداير روحه ايحبها معقولة ايدير في رانيا هكي حرام عليه شن دارتله عشان ايخونها سامحني دودي خوك مش راجل
سراج فنص عيونه زين
رويدة تبكي:عارفته بعد اللي داره حقير وحيوان ومش راجل بس انا معش عرفت كيف نصرف رانيا مالصبح اترن عليا وادز في رسائل مشغولة عليه عشان فونه مقفل وانا ماقدرتش انرد شن بنقوللها كان رديت مش حتفهمني ومتاكدة حتزعل مني
سندس:عليش بتزعل منك انتي ماعندكش ذنب هو اللي طلع حقير بس حتزعل منك في حالة وحدة لو انها سمعت الموضوع من غيرك لازم انتي اللي تحكيلها
رويدة:صح معاك حق يعني نمشي انرن عليها
سندس:مكالمة مش حتفهمك ولا حتفهم الموضوع انتي لازم تمشيلها لعند حوشها واتفهميها
رويدة:تمام حنمشيلها لكن توا مافيش حد في الحوش ايشيلني
سندس: كلمي باتك ولا عصام دبري راسك
رويده:تمام حنشوف حد
سندس بعصبية:خوك هذا احقر عباد الله كان خويا راه قتلته معقولة يرضى ايدير هكي في بنت عطاته قلبها ووثقت فيه
رويدة تبكي:حتى انا صدمتي فيه كبيرة عمري ماتخيلت ان رؤوف ممكن في يوم ايدير هكي
سندس:خلاص اهدي ياقلبي ومااتزعليش روحك وان شاءلله لما اتعدي الرنوشة حتفهمك
رويدة تبكي:ياريتك كنتي هنا راه مشيتي معايا وحكيتيلها انتي تفهم منك وتاخذ في كلامك اكثر
سندس:مااتخافيش لو لزم الوضع حنجيكن انتي بس امشيلها وبعدها كلميني قوليلي شن صار معاكن راه مش حنتريح لين اتكلميني
رويدة:تمام توا انرن عليك اول ماانروح منها خلي النت عندك مفتوح
سندس:مش حنسكره لين اترني عليا
رويدة:تمام سلام توا وسكرت
سندس معصبة:حقير تافه حرام عليه رنوشه شن ذنبها ايدير فيها هكي
سراج شافلها وقعد عنده فضول بيعرف شن صاير
سراج:كنتي اتكلمي في صاحبتك
سندس:أها
سراج:كنها شكلها صايرة معاها مشكلة ومن الحقير اللي معصبة منه هكي
سندس هذا رؤوف خو رويدة وكان داير روحه ايحب رانيا صاحبتنا ويبي يجوزها وامس لقوه في موقف مش تمام مع بنت خاله
سراج:هذا عليش اتقولي حقير وتافه ومش راجل
سندس بنظرة عالجنب?:شكلها وذنك معانا من بداية المكالمة
سراج:انتي كان صوتك عالي فسمعتكن?
سندس:اها
سراج:يعني هو هكي في نظرك داير حاجة كبيرة ومش تمام
سندس بعصبية:شن رايك واحد علق بنت لين حباته وتعلقت بيه وقعدت معش تقدر اتعيش بلاه وعشمها بيجوزها وفي الاخير ايدير هكي وايخونها
سراج:ايخونها عليش تعتبري فيها خيانة هذا اسمه تغيير يعني مش معقولة انسان بيعيش مع نفس البنت في العلاقة وفي الخطبة وفي الزواج يعني لازم اينوع
سندس بعصبية:كيف اينوع هذا حب وهو داير روحه ايحبها وبعدين مش اوكال هو عشان اينوع
سراج:حب ?راه غالطات مافيش حاجة اسمها حب
سندس:انا عارفة ومتأكدة مالحاجة هذي بس رنوشة مقتنعة بالحب واتحبه واااجد بكل من نحن في الثانوي يعني حرام ايدير فيها هكي
سراج ضحك:اول مرة نتفقو في حاجة وحدة? وبعدين لازم تعرفي ان الراجل مايقدرش يقعد علي بنت وحدة لازم مالتنويع وفعلا البنات زي الوكال وخاصتا الفواكه كل وحدة عندها طعم خاص بيها وحدة حلو وحدة حامض وحدة نص ونص يعني لازم الواحد ايذوق من كل وحدة اشوي
سندس عصبت بكل وصبت:حتى انا فاضية نحكي مع واحد زيك ينعن جد كل وحدة طعم عليك قلة ادب اصلا كلكم هكي مافيكم أمان واللي يعطيكم وجه وايحبكم يندم وصبت بتمشي للحمام
سراج ركز علي اخر جملة وصبى وراها وقبل مااتسكر باب الحمام دف الباب وخش عليها
سندس بعصبية:هو انت في شنو ادير عليش جاي ورايا وادف فيه وهي ترعش بطلعه سراج مسكها ولف يده وراها وقربها منه زين
سراج:شن تقصدي بإن مافينا امان واللي ايحبكم يندم شكلك هكي طالعة من علاقة فاشلة
سندس فنصت عيونها زين:انت شن تحكي انا مستحيل انفكر اندير علاقة ولا انحب هذا كله كلام فاضي
سراج:وليش تحكي هكي
سندس:من تجارب البنات اللي نعرفهن كل وحدة حبت انتهيت علاقتها بدمارها هي وندمها انها حبت
سراج زاد قربها منه:اها فهمت عليك وقعد ايشوفلها بياكلها بعيونه ?
سندس قلبها ايدق وترعش:خلاص لو سمحت اطلقني وجعتلي يدي
سراج:قبل مانطلقك نبي انقولك علي طعمتك انتي
سندس:انا مانبيش نعرف شيئ
سراج قرب راسه من راسها:مش بجوك وبعدين طعمتك عمري ماذقت زيها عشان طعمتك شطة فلفل تحرق بكل ومايقدرش حد ايذوقها وسيبها وطلع وسندس سكرت الباب وقمعزت لوطة ومعش عرفت شن قصده بكلامه هذا وبعد اشوي صبت غسلت وجها وقعدت فاتحة الشيشمة تبيش تطلع بسرعه واتشوفه
“”
عند رويدة روح عصام وتمت رويدة تجدى فيه وتبكي عشان ايشيلها الرانيا بعد بكت واجد قاللها البسي وانشيلك
“”
عند رانيا قاعدة في دارها ماطلعتش اليوم كله وهي مشغولة علي رؤوف اللي من امس مقفل ولا رويدة ولا امها ردن عليها وقلبها نار وخايفة اتكون صايرة حاجة الرؤوف وبينما وهي اتفكر رن تليفونها وكان—
#يتبع
زعما من اللي رن علي رانيا وكيف حيكون ردة فعل رانيا بعد تحكيلها رويدة اللي صار ورؤوف وين وشن سبب اختفائه وحنين نفذت خطتها وانخطبت الرؤوف هل حتستمر الخطبة ولا حتخرب واتبان الحقيقة ?
اما دوسة وسراج مش عارفة حسيت الوضع قعد يسلك زعمك حيستمرو هكي ولا حتصير حاجة وايردو النقطة الصفر وشن يقصد سراج باللي حكاه السندس هل هو مدح ولا ذم ?
كله حنعرفوه في الحلقة الجاية ☺
أسفة بنات عالتأخير بس والله النت كان خارب ومالش شي كيف جابوه مالصلاح وان شاءلله بكرا حتكون فيه حلقة كتعويض عالتأخير بس حتكون قصيرة مش طويلة ☺
أسفة لو فيه لخبطة في الأسماء وأكيد رأيكم ايهمني?
گـتـابـتـي Koka Saleh