رواية يتيمة مع والديها
#قصة_من_الخيال
#الحلقة_السابعة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
روح معتز وجايب معاه عشاء
معتز:لقاني نبكي كنك
انا:شي خطرت عليا جتي
معتز:الله يرحمها
انا:شن جبت
معتز:عشاء
انا:هي
تعشينا وقعدنا نهدرزو نحنا في فراشات
انا:عارف حوش هذا قطعة من قلبي عندي فيه ذكريات لي تفرح ولي تزعل تكسر القلب في عرفت الحن من جتي ومنك وفي عرفت القسوة من باتي وامي وعرفت في المكر من خواتي في بكيت اول بكية وفي ضحكت اول ضحكة واليوم اخر يوم في خايفة نمشي حوش جديد نكون برانيه اكثر من حوش هضا
معتز:انا معاك
انا:ربي يخليك ليا
قعدنا نهدرزو ونردو في ذكريات لعند صبح نضت قعدت نبرم في حوش وبعدها طلعنا وسكرنا الباب وقعدنا نشوفو في الحوش من برا وانا دمعتي ع خدي وركبت سياره و ودعت الحوش لي كبرت فيه وماشيه حوش اخر مش عارفه كيف تكون حياتي فيهالكاتب:Arhima Alagory
في طريق
معتز:كنك زعلانه
انا:لا عادي بس خايفة
معتز:عليش خايفه
انا:انت عارف
معتز:شن عارف
انا:معتز بلا استعباط عارف هلي انهم ما يحبونش
معتز:متاكده
انا:بدون ما نتاكد معالتهم واضحه
معتز:انا من هلك ولالا
انا:اكيد
معتز:وانا نحبك
انا:معتز انت عارفني ع من نحكي
معتز:توا بعد تقاعدي معاهم يتعودو عليك
انا:انشاءلله
معتز:هي انزلي
انا:قصدك هضا الحوش
معتز:شن رايك
انا:ماشاءالله
نزلت وخشيت لقيتها فيلا كبيرة وسمحة
انا:ماشاءالله هو كبير هكي عليش داير دور ثاني اخر
معتز:لالا دور ثاني ليا انا
انا:حي يعني حنان تبي نسكن فوقنا
معتز:انشاءلله
انا ومعتز:سلام عليكم
امي:عليكم سلام تفضلو
انا:خشيت لقيتهم منظمين دبشهم وكل حاجه الا دبشي انا طبعا مش هم المنظمين معتز كلم وحدات يجنهم بيش ينظمو دبش وامي وخواتي يقولولهم حطو هذي هنا وهذي هنا بس
معتز:مزلتو ما كملتو تنظيم
امي:لا كملنا
معتز:هضا شنو
انا:هضا دبشي انا
اميرة:شاطرة عرفتيه
مريم:ههههههه
معتز: كنكم ما خليتوهن ينظمو حتي دبش ملاك
اميرة:والله ملاك مش قاعده قلنا خليها تجي وتنظمة بروحها
انا:باهي توا نظمة مغير وين نحطه
مريم:تعالي معايا
انا:باه
خشيت انا ومريم في جناح في 3اديار
مريم:هذي دارك
انا:باه
بعد طلعت قبلتني دار خشت فيها مريم فيها 3سراير عرفتها دار خواتي وجعتني يعني انا بروحي طلعت وتميت نجيب في دبش ومافيش وحده منهم سعدتني
معتز:امي هكي ما يصير شي راه
امي:كنك
معتز:ملاك بنتك حتي هيا
امي:باهي عارفتها بنتي بعدين هيا لي طول عمرها مع جتتها مش متعوده علينا
معتز:شن سبب لي خالها تقاعد مع جتي
امي:سكتت
معتز:ملاك في حوش هضا كيفها كيف مريم وبنات هذي افهميها
وطلع لقاني ندير في دبش بروحي
معتز:مريم
مريم:كنك
معتز:كلمي اميرة وعبير
مريم:كلمتهم
معتز:امشو ساعدو ملاك
اميرة:عجبتني هذي نحنا ما شلنا دبشنا نبو نشيلولها دبشها
معتز:تسمعي ولالا
عبير:حاضر توا نسعدوها
اميرة:تبي تسعديها سعديها بروحك ما تحكش بلسانك علينا
انا:معتز تعال دقيقة
معتز:جاني نعم
انا:فكنا من مشاكل توا في نهاية تجي ع راسي انا متعودة ع حياة هذي ونقدر اندير بروحي
معتز:هذي كانت زمان توا لا
وطلع معتز خشت عليا عبير
عبير:خير
انا:خيرات
عبير:انستينا
انا:الله يانسك
عبير:انساعدك في حاجه
انا:لا خلاص دبش جبته كله هنا توا تنظيمته ساهله
عبير:هي نظمو مع بعضنا
انا:ما نبش نتعبك معايا انا واخذه ع تعب
عبير:نزعل منك راه انتي خيتي وتعبنا واحد
انا:تسلميلي
عبير:هي نبدو
انا:مدامك تبي تتعبي هي
عبير:هههه
وبدينا انا وعبير نظمو في دبش وحده وحده نين كملنا كله
عبير:والله ما خذاش منه وقت
انا:لو ما انتي راه مزلت نعاني شكرا
عبير:عفوا تبي حاجة اخر
انا:سلامتك
الكاتب:Arhima Alagory
طلعت عبير وانا اتكيت ع سرير
عبير:هي انتي وياها
اميرة:كنك
عبير:بسرعه تعالي نديرو غداء
اميرة: خلي ملاك
عبير:في عينك صبي هي
مريم:لالا بابا قال توا نجيب غداء
عبير:باهي
اميرة:شكلك انسجمتي مع اختك
عبير:من
اميرة:ملاك
عبير:اميرة ملاك اختنا كلنا ومفروض ان نصبو معاها لان اختنا صغيرة وشوفي كم سنه عاشتها بعيدة عنا
اميرة:كلام جديد هضا يا مريم
عبير:جديد قديم انا قلتلك
مريم:لا ياحنه كان انتي حنونه معاها ما تحكمش علينا نكون كيفك بعدين هيا عايشه خير منه كانت
عبير:ورايني واحد عاش بعيد ع باته وامه ويقول عيشة سمحه
اميرة:باهي خلاص بلا نصائح توا
دق باب
انا:تفضل
نفتح باب وخشت امي
انا:صبيت وفرحت
امي:شن عجبك الحوش
انا:اها ماشاءالله عليه
امي:باهي تبي تقاعدي راقده هكي
انا:لالا شن تبي نساعدك
امي:شوفي اي حاجه وديريها
انا:حاضر
طلعت امي وطلعت انا وراها
نحكي في عقلي شن نبي اندير وحوش كيف سكنين فيه ومنظم
انا:امي اكيد يبو يجونا ناس ويباركو ع حوش صاح
امي:اها
انا:باهي شن تبي اديري حاجات مع شاهي وقهوة
امي:كان تعرفي اديري حاجة ديرلنا
انا:اكيد نعرف جتي الله يرحمها علمتني كل حاجة
امي:الله يرحمها
انا:شن تبي انديرلك
امي:ديري بيتزا وبوريك وسندوتشات شورما
انا:حاضر
مشيت للمطبخ وطلعت دقيق وبديت نعجن خشت عليا امي
امي:شنو هضا
انا:شنو
امي:تبي تحوسي المطبخ وقصة
انا:توا نلمه كله انا
امي:درتيلي حوسه
انا:باهي ما صار شي توا نردها كيف قبل
امي:وتردي عليا اخره هذي قعدتك مع جتك ما جبتي منها شي غير طولت لسان
انا:ما رديتش عليك
الكاتب:Arhima Alagory
عبير في دار مع بنات
عبير:شن صوت هرجه هذي
مريم:امي انضني
طلعن يشوفو في هرجه
اميرة:كنكم
امي:مافي شي خلاص
انا:تميت نلم في حوسه ونبكي
عبير:شن فيه يا ملاك
انا:لا شي
امي:خلاص اطلعن خلنها تشوف شغلها
عبير:شن اديري يا ملاك
انا:نبي ندير بيتزا وبوريك وسندوتشات شورما
عبير:عليش ما باتي يبي يجيب
انا:امي قلتلي دير
عبير:عليش تهزب باهي
انا:لا غير شفتني محوسه دنيا
عبير:توا ندير معاك
انا:لالا توا ندير ونلمها حوسه انا درتها تو نلمها
لميت الحوسه انا و عبير
بعدها طلعت نصلي في ظهر سمعت باتي جا
باتي:يا بنات
انا:جيت نعم
باتي:وين بنات
انا:نعم تبي حاجة
اميرة:بابي نعم
باتي:تعالي خوذي شكاير وحطيلنا نتغدو
انا:بحتت في باتي ودمعتي نزلت خشيت دار وقعدت نبكي خلاص ياربي معش نقدر نتحمل والله تعبت ليش معاملة هذي
سمعت باب يدق
انا:نعم
فتحت باب عبير وخشت
عبير:هي تعالي تغدي
انا:لالا ما عندش نيه
عبير:غير هي عشاني
انا:والله وراس عبير فوتيني
عبير:معنها توا نجيبلك هنا
انا:لالا والله مانبي
الكاتب:Arhima Alagory
طلعت عبير خذتلي وكال وتبي تجيبه ليا
باتي:لمن هضا
عبير:لملاك
باتي:حطي الخرا هنا كان جعانه تجي وكان مش جعانه مش نقصني دلعها انا
عبير:بس هي
باتي:كلمة وحده
امي:اسمعي كلام باتك كان تبي توا تجي شن متحشمه منه مثلا
انا:كنت في دار نسمع في كلامهم لان باتي كان صوت عالي وهو يعلي فيه بلعاني بيش نسمع المهم تغطيت ورقدت وانا نبكي نين خذاني نوم
وعيت ع صوت امي
امي:انتي يا فرخة صبي
انا:نعم
امي:مش تمرطزي وتسيبي العجينه لي درتيها كملي عقابها ولا طويحيها
انا:توا نديرها نصلي العصر بس
امي:توا خطرت عليك صلاة
انا:ياربي شن هضا والله تقول مش بنتهم معش تنطاق العيشة هذي
عند معتز رن ع محمد
معتز:وينك يا سمح
محمد:قاعد في الحياة لسمحه
معتز:كيف صار في موضوعي
محمد:موضوع شنو
معتز: الاوراق
محمد:تقربلك بنت
معتز:شن رايك
محمد:تعالي توا تاخذ الاوراق
معتز:تم نتلاقو
الكاتب:Arhima Alagory
عندي انا قعدت اندير في بيتزا وبوريك وحاجات وجونا عرب
اميرة:بسرعة انتي
انا:باهي في كوشة قاعد
عبير:ما شربو عصير وقهوة الا حاجات واتيات
مريم:انشاءلله بس اختك هذي ميته حركي روحك
انا:والله في كوشة اصبري
مريم:وطي صوتك
انا:باه وطلعت للسور من باب المطبخ
عبير:حرام عليكم طلعت ورايا عبير:ما تزعلش منهن
انا:ياريتها كانت وحده اخره بس
عبير:عليش
انا:راه مسحت فيها كبدي
عبير:ههههه يعني لسانك طويل
انا:في الحق بس يا عبير بس مش عارفه عليش معامله هذي انا شن درتلكم
عبير:خلاص تعالي نشوفو حاجتتك شن صار فيهن بنتهن جوعتني
انا:ههه باه
خشينا مطبخ طلعت الحاجات وتميت نقسم فيهن ع تباسي وتيتهن بعدها قعدت ناكل لان جعانة وحتي الغداء ما تغديت خشت عليا اميرة
اميرة:يا سلام يا سلام امشي اقعدي مع صبايا خير
انا:عليش
اميرة:صبي مدي معانا
انا:انتن تمدن ومبدلات دبشكن لكن انا لا
اميرة:لالا غير اطلعي هكي ناس متعودة ع منضرك هكي
انا:لا مش متعودين عليا هكي بس الله غالب
اميرة:بلا كثرت كلام وصبي هي
انا:مش مصبية ومش دايره شي
اميرة:لسانك طاول ويبي قص وتقرب مني اميرة تبي تضربني
يخش معتز
معتز:اميرة
انا:جيت نجري لمعتز ونبكي
معتز:قرب من اميرة اخر مره نشوفك تقربي منها وتبي تضربيها
اميرة:انت مش شورك
معتز:شوري ونص
خذاني معتز خشينا لداري
معتز:كنك قاعد في دار بروحك
انا:نبكي معتز والله تعبت معش نقدر نتحمل ولا نصبر مليت خلاص
معتز:شن الحل يريحك اندير لك
انا:الموت ما يريحني الا الموت
معتز:بعيد السو خلاص امسكي هذين
انا:شن هذين
معتز:اوراقك متاع سيارة ورخصة توا نسجلك في جامعة وتبدي تقري
انا:رايق انت يا معتز
معتز:والله نشوف وحده تهزبك ولا تضربك نكسرلها راسها
انا:خلاص فوت عطيني الاوراق خذيت الاوراق ودسيتهن
معتز:اسمعي دارك اقفليها ديمه
انا:انشاءلله
معتز:نتعبك معايا
انا:تعبك راحه انت
معتز:حطيلي حاجه نكلها وجيبلي في دار
انا:حاضر
طلعت مطبخ
مريم:معلش يا ملاك طولت لسان لي امبدري ع اختك معاش اديرها
انا:مش طولت لسان هيا تأمر عليا
مريم:اختك اكبر منك
انا:ههههه فيك الخير والله منذكرة انها اختي انا ننسى فيها تصدقي
مريم:سكتت
الكاتب:Arhima Alagory
حطيت حاجات لمعتز وشلتهن له
معتز:نجكليا احسن وحده
انا:نجك من سو
معتز:رنت عليا حنان قالتلي ترن عليك مقفل
انا:اها قفلت شن تبي
معتز:مش عارف نرن عليها تشوفيها
انا:به
رن عليها وعطها ليا
حنان:نعم حبيبي
انا:مش حبيبك يا سخيفة الادب
حنان:هي انتي كنك قافلة تلفونك
انا:شي غير مش فاضيه
حنان:قالي معتز حولتو
انا:اها حولنا
حنان:انشاءلله براحه وهناء
انا:اااه مغير وين يلقو فيها ناس
حنان:كنك
انا:شي فوتي
حنان:تبي ادسي عليا
انا:مش هكي بس مش قادرة نحكي توا بكرا في صبح نجي ناخذك معتز دارلي سيارة ورخصة
حنان:حي مبروك
انا:الله يبارك فيك لعقبالك
حنان:انشاءلله
معتز:غير اعبي عليها
حنان:شن قال لي جنبك
انا:قالك غير اعبي عليها
حنان:اها نبيها
معتز:قولي انشاءلله
حنان: انشاءلله
انا:خلاص احنونه تبي حاجه
حنان:سلامتك
سكرت من حنان
انا:تبي حاجه
معتز:سلامتك شيلي هذي بس
انا:باه
معتز:انتي طالعه مع حنان بكرا
انا:انشاءلله
معتز:خوذي اذن من باتي
انا:حسيت بغصة وسكتت
معتز:كنك
انا:لا شي حاضر توا ناخذ وطلعت
شلت حاجات وغسلت مواعين مع بنات
امي:ديرن عشاء يا بنات
عبير:حاضر توا ندير انا
انا:توا ندير معاك
عبير:تمام
درت عشاء انا وعبير وحطينا العشاء
عبير:امشي كلميهم
انا:باه
مشيت كلمتهم ومشيت كلمت معتز وجيت
باتي:وين معتز
انا:قال ماعندش نيه
باتي:عشاء سمح
عبير:هذي ملاك ع اساس تبي تسعدني جا الكيد عليها
باتي:ماردش ولا كلمة
تعشيت وخشيت مطبخ
عبير:تعالي يا ملاك
انا:نعم
عبير:اطلعي توا بنات يغسلن
انا:نسعدهم عادي
عبير:خلي نظام هكي خير
انا:باه
طلعت مع عبير خشيت حمام توضيت وصليت العشاء دق باب
انا:خش
معتز:مكسده
انا:كنت نصلي
معتز:تبيلك تلفزيون
انا:لالا عادي
معتز:لا ضروري
انا:توا نجيب تلفزيون لي كان في حوش القديم
معتز:تمام انا طالع تبي شي
انا:سلامتك
الكاتب:Arhima Alagory
طلع معتز وانا طلعت مع هلي لقيتهم يتفرجو ع تلفزيون قعدت مع باتي وامي واميرة ومريم يغسلو في المواعين
وعبير في دار
انا:باتي
باتي:نعم
انا:نبي نمشي بكرا لحنان صاحبتي
باتي:مش ديمة حنان
انا:عارفه بس نخاذها ونمشي انا ويها
باتي:ع كيفك
انا:باه
خشيت داري رنيت ع حنان
حنان:الو
انا:الوين قتلك بكرا توا نجيك في صبح
حنان:باه وتغدي عندنا
انا:مانقدرش والله
حنان:بجوك
انا:اوكي
انا سكرت تلفون وخشت عليا عبير
عبير:شكلنا انحبو
انا:لا والله
عبير:نخش عادي
انا:اكيده
خشت عبير وسكرت الباب
عبير:غريبة مش مرتبطة
انا:شن الغريب في موضوع
عبير:وحده سمحه كيفك
انا:معنها انتي مرتبطة
عبير:ههه كان مرتبطة نخش عليك هنا
انا:حتي انتي غريبة لانك سمحه
عبير:بس انتي اسمح منه كلنا
انا:بس مانحبش جو علاقات
عبير:نفسي معنها
انا:وانتي نفسي في طيبة القلب
عبير:انتي مافيش كيفك
انا:تعرفي يا عبير نحكي معاك توا تقول نتعرف ع وحده مانعرفهش
عبير:عليش
انا:مش متعودة عليكم
عبير:انا اختك المقربة شن رايك
انا:هههههه باهي موافقة
عبير:احكيلي
انا:شن نحكيلك
عبير:شن تبي تقري
انا:نقول انشاءلله طب
عبير:ماشاءالله موافقة
انا:انشاءلله
عبير:وحنان
انا:نفس شي حتي هيا معايا
عبير:شكلكم صحبات واجد
انا:بكل اختي حنان
عبير:وانا
انا:اكيد انتي اختي
عبير:ملاك اسفه ع درت فيك
انا:عادي انتي ما درتي شي
عبير:لا حتي انا ياما درت بس والله عارفه روحي غلطانه سامحيني
انا:دموعي نزلن والله عندي هدريزه هذي معاك خير من دنيا
عبير:نجكليا
قعدنا نهدرزو انا وعبير عند ليل
عبير:خلاص انا نعست بكرا عندي عمل بدري
انا:ساعة كم
عبير:نمشي ساعه 8 لعند. 12ونص
انا:نشيلك
عبير:لا ما نتعبكش يشيلني بابا
انا:باه
عبير:زعلتي
انا:لا
عبير:كانه صوتك تغير وحسيتك اضيقتي انا ما نبش نتعبك بس
انا:عادي والله
عبير:باهي كنك
انا:ياريت نقدر نقول كيفكم بابا وماما
عبير:وقوليها
انا:نحس فيها ثقيلة ع لساني عارفه انا حساسة بكل من ابسط حاجة نبكي
عبير:خلاص توا وحده وحده يتغير كل شي
انا:انشاءلله
عبير:باي توا
انا:بايات
طلعت عبير دارهم وانا رقدت
عبير:خير
اميرة:شكلك منسجمة معاها
عبير:بكل مافيش منها
مريم:ربي يزيد محبتكم
عبير:انشاءلله يارب
ثاني يوم
نضت طلعت من دار خشيت حمام وطلعت صليت مشيت للمطبخ
انا:صباح الخير
امي:صباح النور
انا:درت فطور وفطرت
بعدها مشيت لبست وطلعت
انا:امي تبي حاجة
امي:لالا سلامتك
الكاتب:Arhima Alagory
طلعت ركبت سيارة ولعتها ورنيت ع حنان
انا:صباح الخير
حنان:صباح النور
انا:وتي روحك
حنان:حاضر
انا:نتلاقو
سكرت ومشيت لحنان طلعت حنان وركبت معايا
انا:هلا
حنان:ههههههه
انا:كنك تضحكي
حنان:منظرك فستري
انا:بارده
حنان:شنجو
انا:تمام بخير
شوي رن تلفوني لقيته معتز
انا:الو
معتز:فتيني
انا:كنك
معتز:لقيتي كنان نسيتني
انا:انتو واحد
معتز:باهي باه
انا:كنك واللهي كنك
معتز:كنت نبي فطور منك
انا:توا نروح وتفطر مني
معتز:لالا معش نبي شي
انا:وراس عزو ماتزعل مني
معتز:نبصر سلميلي ع معاك
انا:يوصل
مشيت انا وحنان للسوق
كسدت انا وحنان وروحت وانا مروحه رنيت ع عبير
عبير:الو ملوكة
انا:قتلك انتي كملتي
عبير:اها كملت
انا:نتكي عليك نروح بيك
عبير:باه
انا:وين مكانك
مشيت لعبير رنيت عليها
انا:الو هي برا قاعده
عبير:هي جيتك
طلعت عبير
عبير:يا خيه نجيها عليك سمحه
انا:طلعتلك يا عسل
عبير:انتي العسل
انا:تبي حاجه
عبير:لالا
انا:يعني نمشي الحوش
عبير:اها خلاص
الكاتب:Arhima Alagory
روحت انا وعبير للحوش
انا:سلام عليكم
باتي:عليك سلام وين كنتي
انا: ماقتلك ماشيه لحنان بعدها تكيت ع عبير روحت بيها
باتي:اها تمام
خشيت دار لقيت فيها تلفزيون رنيت ع معتز
معتز:نعم
انا:شكرا ع تلفزيون
معتز:كيف عرفتي
انا:روحت لقيته
معتز:كيف عرفتي انا جبته
انا:من يبي يجيبه غيرك
معتز:اها
انا:شكرا
معتز:مش بينتنا
انا:تسلميلي
معتز:الغداء واتي
انا:توا كيف جيت
معتز:تمام انا جاي غادي
غيرت دبشي وطلعت مع بنات حطينا الغداء
مرت ايام وانا نفس معاملة من اميرة وامي ومريم وباتي بس علاقتي مع عبير كل مالها تحسن ومعتز مش منقص عليا شي
في يوم من الايام في العشية سمعنا باب يدق طلعت اميرة تفتح
اميرة:من
وحده:حلي
اميرة فتحت باب لقتها وحده ومعاها وليتين اخره
اميرة:تفضلو
الوليه:الله يزيد فضلك
امي:يا هلا شرفتونا
الوليه:تسلمي
امي:تفضلو
الوليه:زيد فضلك
خشن الصبايا
امي:انستونا
الوليه:بيك تم نخشو في موضوع طول انا جايه نخطب لولدي ونبي بنتكم…..
.
.
.
.
.
#يتبع
تحياتي Arhima Alagory