رواية يتيمة مع والديها
#قصة_من_الخيال
#الحلقة_الثالثة
.
.
.
.
.
لا اسمح بنشرها بدون اسمي الكاتب:Arhima Alagory قراءة ممتعة للجميع
.
.
.
.
.
في طريق
معتز:كنك ساكته مش من عادتك
انا:ساكته
معتز:نحكي انا
انا:شي
معتز:لا في احكي
انا:معتز توا انا اختك وانت تحبني ولا تجامل فيا وخلاص
معتز:شن كلام هضا كنك انتي
انا:لان توا صارلي موقف خلاني نفكر هكي
معتز:شن صار
انا:خديت تلفون صاحبتي نبي نرن عليك لقيتها مسجله رقمك ومسجلتك حبيبي كيف هذي فهمني وقعدت نبكي
معتز:درس باهي ملوكة عليش البكاء توا
انا:معتز شيلني الحوش ما نبش نسمع منك شي
معتز:لا ح تسمعي مني كل شي صاح انا نحبها وهيا تحبني ونحنا ع علاقة لنا قريب سنه وانا قلتلها ما تقولكش وما نبيها تقول لحد
انا:عارف شن قهرني انكم انتو اقرب وحدين ليا وطلعتو ادسو عليا وانا نقول عليش انت حنون معايا وهي عليش ديمة معايا طلع سبب انتو تحبو بعضكم وهي تقرب مني لان حبيبها خويا وانت تقرب مني لان حبيبتك صاحبتي
معتز:ملاك مش هكي بكل
انا:قعدت نبكي باهي روح بيا ولا ننزلشالني معتز للحوش خشيت بدون ما نحكي حتي مع جتي
جتي:كنك
انا:خشيت وما رديتش عليها وسكرت دار
معتز:وين ملاك
جتي:كنها ملاك شن درتلها انت
معتز:شي
جتي:وكنها تبكي معتز اختك وتعرفها وتعرف هلك كيف يعاملو فيها
معتز:عارف يا جتي والله ما درتلها حاجه توا نفهمك بعدين وطلع
انا قاعده في دار ونبكي باب دار دق مارديتش
جتي:ملوكة
انا:نعم
جتي:فتحت وخشت عليا كنك تبكي يا بنيتي
انا:من حظي كلهم ما يحبونش ليش انا شن درتلهم
جتي:حظنتني انا نحبك وما تزعلش انتي خير منهم
انا:قعدت نبكي وجتي تصبر فيا نفس كل مره نين رقدت
جتي سمعت باب يدق طلعت تفتح وانا نضت نسمع جتي تحكي
جتي:من
باتي:انا يا امي
جتي:فتحت خير
باتي:خيرات كيف حالك يا امي
جتي:الحمدلله بخير
باتي:شن اديري
جتي:اندير في الغداء
باتي:وين ملاك كنها ما تسعدك عليش قاعده معاك هيا
جتي:قاعده ملاك
باتي:تريحي انتي خليها هي ادير وتعونك
جتي:ملاك تعرف ومش مقصره معايا لقينها خير من عيالي
باتي:تعقد من كلمة تبي حاجه
جتي:سلامتك
الكاتب:Arhima Alagory
طلع باتي وجتي خشت للمطبخ حطت الغداء
جتي:هي ملاك تعالي
انا:ماعندش نيه
جتي:هي تعالي كان ما كليتش ما نكلش
انا:كيف تبيني ناكل وباتي يوصل لعند هنا ومستخسر يسال عليا
جتي:ليش مستغربه ما من يومه هكي
انا:وانتي قلتيها من يومه هكي
جتي:هي تعالي تغدي
انا:قربت من جتي بستها ع راسها ربي مايحرمني منك
جتي:ولا منك هي نتغدو
انا:باه مشينا نتغدو
عند معتز
معتز:ماتخافش حياتي توا نحكيلها انا
حنان:كل منك يا معتز قلتها لك انا
معتز:خلاص توا ماعليك انتي
حنان:مشكلة انا كنت نهدرز وما فطنتش روحي قلتلي تلفونك نبي نرن بيه عطيته لها
معتز:توا نرضيها اختي ونعرفها
حنان:عزو حبيبي ردبالك منها ملاك
معتز:توصي فيا عليها عليك هبله انتي
حنان:هبله باه اوكي نبي نتغدا
معتز:باه اوكي
حنان:طول ما تصدق
معتز:اها اوكي
حنان:باه اوكي
معتز:نحبك
حنان:قديمة
وسكر منها
عند عيت هلي
باتي:وين معتز
امي:اكيد متغدي لوطه
اميرة:بابا نطلب منك طلب
باتي:شنو
اميرة:نبي نطلع سوق بعدين
باتي:شوفي معتز بعدين
اميرة:هو معتز فضيلنا اصلا ديمه عند ملاك وجتي
امي:اسمع يا سعد ملاك لزام تجي تعيش معانا بنت مانندرو عليها شن ادير وخلت العيل ديمه عندها
باتي:لالا خليها تخدم امي
امي:براحتك
الكاتب:Arhima Alagory
عندي انا وجتي بعد كملنا الغداء غسلت المواعين ورقدنا بعد العصر شفت معتز عند راسي
معتز:يا ابلة ملاك
انا:قمعزت نعم
معتز:زعلانه مني
انا:ضحكت لا جت عليك انا تعودت ع مواجع عادي وخذيت ع زعل
معتز:اسف بس انا والله كنت نبي انديرها لك مفاجئة وناخذك ونمشو نخطبوها
انا:ع الاقل قول انك مرتبط ولا حاجه
معتز:لي صار صار توا سامحيني خلاص
انا:عادي خلاص وحتي انا كبرت موضوع لاني والله حساسه بكل
معتز:عارفك خطرها جبتلك حاجه
انا:شنو
معتز:تفضلي
انا:تلفون ليش تعبت روحك ما كنش لزام
معتز:كيف مش لزام كم عندي ملوكة انا
انا:نجكليا
معتز:خيتي ماتزعلش من حنان
انا:حتي حنان خيتي ومانزعلش منها خلاص كانه ماصار شي
معتز:احسن وحده انتي
انا:انا ولا حنان
معتز:انتي قبل حنان يا هبله
انا:باهي احكيلي كيف ارتبطت معاه
خشت علينا جتي
جتي:تصفيتو
انا:اكيدة
معتز:خلاص توا ديرلي قهوة وتوا تحكيلك صاحبتك قصة كلها
جتي:شن قصة
معتز:توا تحكيلك ملاك
انا:يا حنه معتز يحب
معتز:تحشمي شويه
انا:بيني وبين جتي مش شورك انت
جتي:هههههه عطكم الخير
انا:عارفه من لي يبيها
جتي:من
انا:صاحبتي حنان
جتي:والله تعرف توازي
معتز:عارف روحي
انا:ندير قهوة ونجيكم
جتي:باه
معتز:توا نجيك
عند عيت هلي
معتز:خير عليكم
باتي:مرحبا
مريم:انستنا
معتز:بيك تم وين اميرة قلتلي تبي سوق
امي:قاعده في دار تلبس
معتز:خلاص قاعد لوطة انا
امي:باه
مريم:حتي عبير ماشيه راه
معتز:باهي
الكاتب:Arhima Alagory
عندنا نزل معتز
معتز:وين قهوة
انا:اهي واتيه
معتز:تمشي معايا
انا:وين
معتز:سوق
جتي:شن تبي في سوق
معتز:شايل اميرة وعبير
انا:لالا مربوحه
جتي:امشي غيري جوك
انا:لالا
معتز:كنك
انا:شي ماعندش نيه وبعدين عندي واجبات نبي نكتب
معتز:هي توا تروحي تكتبي
انا:واللهي فوتني
معتز:انتي ماشيه معايا مش لزام تنزلي نقعدو في سيارة انا وياك هي صبي البسي عشان خاطري
انا:باه
صبيت لبست وطلعت
نزلن اميرة وعبير
عبير:خير ملوكه
انا:خيرات عبير شنجو
عبير:تمام جتي كيف حالك
جتي:الحمدلله
اميرة:شن حالك جتي
جتي:الحمدلله
معتز:هي اطلعن
طلعنا وركبنا في سيارة
انا:معتز شوي نسيت تلفوني
معتز:باه
نزلت جبت تلفون وانا طالعه امي نزلت
انا:خير يا امي شنحالك
امي:الحمدلله وين طالعه
انا:ماشيه مع معتز وبنات
امي:مربوحه
انا:تبي حاجه
امي:سلامتك
وطلعت لسيارة
اميرة:مش قلتي تلفونك تسكر
انا:اها تكسر بس
معتز:انا جبتلها واحد توا
عبير:مبروك
انا:الله يبارك فيك
وقعدنا نهدرز انا وعبير لاوره شوي رن تلفوني لقيت حنان مابيتش نرد عليها درته صامت
وصلنا للمحالات
معتز:هي انزلن
عبير:هي انزلي معنا
انا:لا لا توا نقاعد في سيارة مع معتز
عبير:براحتك
الكاتب:Arhima Alagory
خشو هم للمحل
اميرة:عليش تكلمي فيها
عبير:نبيها تغير جوها
اميرة:هذي تغير في جوها خير مني ومنك بعدين انا ديره موعد مع ناصر
عبير:طاح سعدك معنا معتز
اميرة:ماتخفش معتز قاعده معاه ملاك
عبير:مش وقتك بكل يا اميرة والله
اميرة:غير اسكتي انتي لو حبيب قلبك ما ديرش هكي
عبير:انا مش هكي كيفك هو يجيني في عمل
اميرة:خلاص حتي انا نجي في العمل
طلعن من محل وخشن محل بعده لي يشتغل في ناصر حبيب اميرة
في سيارة انا ومعتز
معتز:ليش ما نزلتي معهن
انا:لا خوات ما نبش نزعجهن
معتز:حتي انتي اختهن
انا:قدام ناس وفي كتيب العائلة بس اختهن
معتز:هي ننزل انا وياك
انا:لالا مانبش
معتز:عليش ولا مش خوك
انا:لا خويا وغلاي انت
معتز:هي باهي
مزلت انا ومعتز وخشينا محل قعدت نتفرج
معتز:اشري
انا:لالا مانبش نشري وما عندش فلوس نحكي في عقلي عبير واميرة باتهن حي ويعطي فيهن افلوس لكن انا لا
معتز:بس نشوف فيك تفرجي وكم حاجه عجبتك
انا:لا عادي نحب اندقق بس
معتز:باه ع كيفك
اضيقت و وجعتني روحي نفس كل مره ياريتني متت ولو جيت بنت عائلة اخره
انا:عزو خلاص نبي نطلع لسيارة
معتز:باهي براحتك
طلع معايا معتز ركبت في سيارة
معتز:توا نجيك انا
انا:باهي
بنات ردن حتي هن وجيبات معاهن شكاير وحاجات حطنهن في سيارة وركبن
اميرة:وين معتز
انا:مش عارفه نزل قال توا نجي
عبير:وين راح هذا
شوي سمعنا شنطة سيارة انطبقت وركب معتز
اميرة:وين كنت
معتز:كنت نعاكس
عبير:عليك صراحه
معتز:عليش نكذب
انا:باهي باه
معتز:نبصر راه
انا:مش شوري بيك انا
اميرة:معتز نحنا كملنا راه كان تبي تروح
معتز:باه
الكاتب:Arhima Alagory
روحنا للحوش
بنات نزلن شكايرهن معاهن وانا نزلت ويدي فاضيه ?
خشينا كلنا حوش جتي لوطه وانا مشيت نغير دبشي وجيت سلمت ع مريم سلمت عليا وقمعزت
مريم:وروني شن جبتن
اميرة:خوذي تفرجي
وقعدت مريم تفرج وانا نتفرج وماسكه دمعتي يعني يشرن ويزيدنها عليا ويقهرن فيا ياربي ليش هكي يصير معايا
مريم: وانتي يا ملاك جيبي ورينا شن خذيتي
انا:ماخذيت شي
مريم:هههه وعليش ماشيه معنها
انا:جيت نبي نصبي
خش معتز وف يده عرم شكاير
معتز:ماشيه مرافقه معايا
امي:هابا عليك انت شن دوتهن شكاير هذين
معتز:دبش وحاجات لملوكة
جتي:نجيك خيك يارب
معتز:تعالي ملوكه خوذي وري مريم دبشك
انا:دمعتي نزلت طول خشيت داري
لحقني معتز
معتز:ملاك عليش تبكي
انا:حظنت معتز ربي مايحرمني منك
معتز:ههه هبلة اكثر من صاحبتك عليش دموع توا امسكي هذين
انا:شنو هذين
معتز:انا حافظك حفظ وحفظت حتي نظراتك عارف ان ماعندكش فلوس هذين فلوس وامتي ما تنقص حاجه قوليلي نجيبها لك
انا:بس هكي واجد
معتز:مش واجد عليك انتي بنيتي مش خيتي بس خلاص انا طالع
طلع معتز لقاه جتي وحدها
جتي:تعال نبيك
معتز:نعم
جتي:تعرف لما شفتك خاش بشكاير فرحتني انا اكثر ما فرحت ملاك
معتز:ربي يقدرني ان نسعدها ونعوضها لي دارو فيها هلي
جتي:عارف امس رقدت معانا انت هذي كانت ليلة الوحيده لي ملاك ترقد بدون ما تبكي
معتز:عيون نزلن دموع مسحهن اي حاجه تنقص ملاك قولي
جتي:حاضر
معتز:تبي حاجه انتي
جتي:سلامتك ردبالك من روحك
انا قعدت نظم في شكاير ونشوف في دبش لقيت كل حاجة حطيت عليها يدي في محل جيبها ليا وجيبلي حاجات اخره وكاند وكويشات وحاجات جيبهن ع ذوقي بزبط وجيبلي عطر لي نحب تميت نظم في دبش ونبكي وفرحانه نبكي ع صاير فيا وفرحانه من ان عندي سند في دنيا هو معتز خشت عليا جتي
جتي:نبو نقعدو بلا عشاء يعني
انا:هي دقايق ونجي
لميت دبش وطلعت ندير في عشاء
عند عيت هلي
امي:هبل خوكن هضا يكمل في فلوسه ع حاجات فاضيه
مريم:ولا يبي يقهرني
عبير:والله ملاك تستاهل كل خير راه اختنا حتي هيا
اميرة:اها تستاهل كل خير انتي لي طيبة فوق من لازم
امي: خلاص انتي ويها وصبان ديرن عشاء
خش عليهم معتز
معتز:خير
ماحد رد عليه
معتز:ما تردش عادي مش بغصب رد
امي:من وين دبش لي امبدري
معتز:سرقت سرقة
امي:عادي اديرها لكن توا يجي باتك ويديرلك حل
معتز:صدقت فيكم ملاك لي عايشه بروحها طلع وسيبهم
الكاتب:Arhima Alagory
عندنا لوطة نزل علينا معتز
جتي:مرحب بغزال الحوش
معتز:هههه غزال عجبتني واللهي
انا:اها غزال والله سمح
معتز:باهي مزال العشاء
جتي:تبي تعشاء عندنا قصدك
معتز:الله غالب تحملوني
انا:نحطك في عيوني
معتز:سلمك وسلم عيونك
انا:هي تعشو
جتي:تلفونك يرن
انا:توا وقت عشاء توا نشوف بعدين
المهم تعشينا وكملنا
معتز:انا طالع باهي ومرات نطول فرشولي توا نجي نرقد هنا
انا:صاح
معتز:والله وعطيني مفتحك بيش كان طولت ماندقش عليكم
انا:باه
عطيت مفتاح ومشيت غسلت مواعين وطلعت لقيت حنان رانه عليا مرتين قلت نكتب واجبي ونرن عليها قعدت نكتب في واجب بعدها سمعت جتي تندي عليا
جتي:ملاك
انا:جيتك نعم
جتي:فرشتي لمعتز
انا:لا نسيت توا نفرشله
جتي:فرشيله وتعالي نهدرزو
انا:باه
مشيت فرشت لمعتز ودرت شاهي وكاكوية ومشيت عند جتي
جتي:نجيها الحره ربي يجيبلك ولد الحلال لي يهنيك ويريحك
انا:انشاءلله
قعدنا نهدرزو عند ساعه 12ونص بعدها جتي رقدت غطيتها ومشيت مطبخ غسلت سفرة شاهي وخشيت نبي نرقد لقيت تلفوني يرن رقم غريب فتت مابيتش نرد جيت نبي نتغطه رن اخره رقم اول مره يرن قلت نرد عليه وخلاص
انا:الو من معايا…..
.
.
.
.
.
#يتبع
تحياتي Arhima Alagory